﻿भजनमैं.
15.
दाऊदए भजन घ्रि ओ याहवेह, क्हिए पबित्र तम्बुर खाब् होंल् खाँमुँ? क्हिए पबित्र कोंर खाब् टिल् योंमुँ? 
क्हिजी प्रद् बिबै घ्याँर प्रब, धै ठिक केमैं लब, खों न्होउँइँलेन् क्ह्रोंसेंन्बै ताँ पोंब, 
ह्रोंसए लेइ आगुलाइ आस्यारब ह्रोंसए ङ्‍हेब्मैंए न्होह्रों आलब, धै ह्रोंसए थुमैंए बारेर आछ्याँबै ताँ आपोंब, 
आछ्याँबै के लब्मैंलाइ आखोब, दिलेया याहवेहने ङ्हिंब्मैंलाइ मान लब, ह्रोंसए न्होह्रों तलेया ङ लम् बिबै के पूरा लब, 
मुइ पिंमा ब्याज आकिंब, धै तोइ छ्याब आरेबै म्हिमैंलाइ नास लबर घुस (ख्याब) आकिंब, छाबै म्हि क्हिए पबित्र कोंर टिल् योंमुँ। छ लबै म्हिइ खोंयोंइन रक्षा योंम्। 
