﻿भजनमैं.
3.
ह्रोंसए च्ह अब्शालोमउँइँले न्हेयामा दाऊदइ प्ह्रिबै भजन। ओ याहवेह, ङए शत्तुरमैं बेल्‍ले ल्हें मुँ! ङए बिरोधर रेब्मैं या ल्हेंन् मुँ! 
“परमेश्‍वरजी चलाइ ल्होमिंरिब् आरे,” बिसि ङए बारेर ल्हें म्हिइ बिरिइमुँ। तिस्याँदे मैंन् 
दिलेया ओ याहवेह, क्हि ङलाइ जोगेमिंबै ढाल ग, क्हिजी ङलाइ मान पिंम्, क्हिजी ङए क्र कैंडो लमिंम्। 
ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन् 
ङ रोमा न्हरु खयामुँ, धै छोरमुँ, तलेबिस्याँ याहवेहजीन् ङ जोगेमिंम्। 
ङए बिरोधर ङए कारग्युले राबै हजार च्यु शत्तुरमैंने या ङ ङ्हिंरिब् आरे। 
ओ याहवेह ल्हुसे! ओ ङए परमेश्‍वर, ङलाइ जोगेमिंन्! ङए ताँन् शत्तुरमैंए क्ह्राँबोर ल्हिमिंन्; धै दुष्‍टमैंए स चोमिंन्। 
क्हिए आशिकए यो क्हिए म्हिमैंए फिर तरिगे; तलेबिस्याँ याहवेहजी ह्रोंसए म्हिमैं जोगेमिंम्। तिस्याँदे मैंन् 
