﻿BARUKU.
5.
Aye Yerusalemu eaborie chianga chiria kwabegete ase engaki y’emechando n’okweumia, eboyie botambe obuya n’obonene bwa Nyasae. 
Eboyie oboronge bwa Nyasae. Beka egutwa y’oboronge bwa Nyasae o kare na kare ase omotwe oo. 
Nyasae naorokie obonene bwao gochia ase chinse chionsi. 
Ere nakoe erieta eri kare na kare “Omorembe oo nigo okorwa korwa ase obochenu bwao, na obonene bwao nigo bogocha goetera ase okwerwa ase Nyasae.” 
Imoka aye Yerusalemu, tenena ase ebitunwa igoro; rigereria ase Nyasae Omochenu agosangereria abana baino korwa moocha na bosongo. Nigo bagogete buna Nyasae obainyoire. 
Yerusalemu, abana bao nigo bairetwe korwa ase ore n’ababisa babo; bakagotiga bakagenda n’amagoro, korende Nyasae nkobairania are gocha ase ore n’obonene. 
Nyasae orure ogochika ng’a kera egetunwa ekenene na biria bia kare na kare bikeigwe; ochikire buna amabwago atichwe n’ense earanigwe, erio abanto ba Israeli bairane gocha inka ase obonene bwa Nyasae. 
Ase ogochika kwa Nyasae chinsana n’emete eyio okorwa ogotioka okuya nee abanto ba Israeli ekiriri. 
Nyasae narae Abaisraeli ase omogoko gocha inka; bakoragwa n’amabera aye boigo n’obonene bwaye baetananire n’oborabu bw’obonene bwaye. 
