﻿MALAKI.
4.
Omonene bw’Emeganda nigo agoteeba iga: “Rora, rituko ngocha rire rigosamba buna omorero o riko. Erio abanto abaenenu bonsi, na abakori amabe bonsi, ’mbabe buna obonyansi obwomo, n’erituko erio rigocha nigo rirabasambe kegima, tirigotiga omori gose orosagia. 
Korende ase more inwe abamoirogete erieta riane, erioba ri’oboronge ’ndioroke rire nokogwenia inse ye chimbaaba chiaye. Inwe inamosoke mobe mogotiratiria buna chimori ekero chigosokigwa korwa ase obweri. 
Ase rituko erio ’ndakore ring’ana erio, inwe imotiringe abakori amabe n’amagoro aino, na barabwo ’mbabe buna ribu.” Nabo Omonene bw’Emeganda agoteeba. 
“Inwe inyora amachiiko a Musa, omosomba one, na emeroberio yonsi namochiigete agwo ase egetunwa kia Horebu, oborokererie Abaisraeli bonsi. 
“Rora, nimbatomere Elija omobani atang’anere rituko riria rinene ri’Omonene ri’okoondokia ritaracha. 
Ere nairanie chinkoro chi’abaise gochia ase abana babo, na echi’abana gochia ase abaise, erinde ekero ’ndache timbaisa goaka ense eye nokoragererigwa.”
