﻿ZABURI.
149.
Motogie Omonene! Terera Omonene ogoteera okoyia, motogie ase omosangererekano bw’ abanto abegenwa. 
Tiga Abaisraeli bagokere Omotongi obo; abanto ba Sayoni tiga bachengere Omorwoti obo! 
Batogie erieta riaye ase ogotenga, babe bakobugia chinchigiri na amakano. 
Omonene nigo agokirie n’abanto baye; abwo bare abaitongo nigo akobachabera ogotooreka. 
Tiga abegenwa bachenge ase obonene, babe bagotera n’omogooko kobare ase amarere abo. 
Tiga ogotogigwa okonene kwa Nyasae kobe ase emenwa yaabo, na ase amaboko abo babogorie emeyio ya birende ere nobwoge chinsemo ibere, 
erinde barusie egesiomba ase egesaku, na bae abanto egesusuro. 
Boigo banyaare gosiba abarwoti baabo nebinyuri, na abanene baabo ne chingataare chi’ekioma, 
erinde baabanachere ekiina keriikire. Obo nabwo obonene bw’abegenwa bonsi bw’Omonene. Motogie Omonene! 
