﻿ZABURI.
142.
(Ogosaba gwa Daudi ekero arenge ase rikuruma) Nigo ’nkorera neriogi ase ogokorangeri’Omonene, naaka eriogi ase okomosaba amaabera. 
Nigo ’nkorenta obokong’u bwane ase obosio bwaye na komoteebia emechando yane. 
Ekero ’nkoba buna oyo okogireka, aye nomanyete ase ’ngoetera. Agwo ase ’ngoeta ababisa bambeekeire amareba. 
Ekero ’nkorigereria ase ensemo yane y’okorio, tindi korora monto aroro ogonkonya; gose tindi korora aase ’ndatamere, monto onde tari okonyechaandera. 
Aye Omonene, nigo ’nkorera asore; nigo ’ngoteeba: Naye ore obotamero bwane, na egetare kiane aiga ase ense y’ abanto bare moyo. 
Tegerera oigwe ekerero kiane, ekiagera nachaandekire mono! Ntoorie korwa ase abanto abwo bagonchaanda, ekiagera nigo babwate chinguru kombua. 
Osibore omoyo one korwa ase obosibwa, erinde imbe ’ngotogia erieta riao. Abanyene oboronge ’mbang’etanane, ekiagera gwankoreire amaya. 
