﻿ZABURI.
137.
Nigo twarenge goikaransa ase chingegu chie chindooche chia Babiloni, twaba tokorera ekero twarenge koinyora Sayoni. 
Aroro agwo nigo twasungete amakano aito ase emete enga buna emesobeti. 
Abanto baria batwosete bakagania tobaterere, abachandi abwo baito bakagania tobagokie, bagateeba, “Toterere ogoteera gwa Sayoni.” 
Naki torakore totere ogoteera kw’Omonene ase ense engeni? 
Aye Yerusalemu, inse gokweba, rirorio okoboko kwane gw’okorio kogatae. 
Onye tingokoinyora aye Yerusalemu, erinde obe omogooko one omonene mono, rirorio tiga oromeme rwane robwatane namang’ang’ura. 
Aye Omonene, inyora amabe aya abanto b’Edomu bakorete ase rituko riria Yerusalemu obwatetwe; buna bateebete, “Yotagore kegima! Yotagore amo noboroso bwaye!” 
Inwe abanto ba Babiloni nigo mogochia gosirigwa. Nagoke oyio ogochia kobaakana amabe aya mwabeire mogotokorera. 
Nachenge omonto oyio ogochia koira abana baino abake na kobaakera ase amagena y’Ebitare. 
