﻿ZABURI.
128.
Naki agasesenirie omonto omoirogete Omonene, naende obwatete chinchera chiaye! 
Aye nobe gokonyora okwama kw’emeremo y’amaboko ao; nosesenigwe, na amang’ana onsi nigo arabe buya asore. 
Mokao nabe ase enyomba yao buna omosabibu okwama amasabibu; abana bao nigo barabe buna ebisabo bi’omozeituni, baikaranse baetanane emesa yao. 
Ama! Naboigo omonto oria omoirogete Omonene arasesenigwe. 
Omonene agosesenie korwa Sayoni! Erio orore obuya bwa Yerusalemu ase amatuko onsi ore moyo, 
naende orore abaachokoro bao. Omorembe obe ase Abaisraeli! 
