﻿ZABURI.
126.
Ekero Omonene atoiraneretie intwe Abasayoni ebisio bieito, nigo twabeete buna abakoroota! 
Erio emenwa yaito egaichorwa namaseko, ne chimeme chiaito chigatera as’omogooko. Erio abanto b’ebisaku bagateebania, “Omonene okoreire abanto abwo amang’ana amanene.” 
Ee, Omonene otokoreire amang’ana amanene; ase igo ntore n’omogooko. 
Aye Omonene, toiranerie ebisio biaito, buna okoirania chindooche ase Ense ya Irianyi. 
Abwo bakobusura bare namariga mbagese bare nomochengo. 
Nigo bagosoka bakoiyeria amariga, babogoretie chimbusuro gochia kobusura mbairane bare n’omochengo, babogoretie emesaima yabo bagesire. 
