﻿ZABURI.
122.
(Ogoteera gwa Daudi) Nigo nagogete na baria banteebetie, “Inchuo, togende ase enyomba y’Omonene!” 
Aye Yerusalemu, bono amagoro aito nigo ateneine aa ase ebiita biao. 
Aye Yerusalemu kwaagachirwe naende aye n’omochie obwateranirie amo. 
Agwo nao ebisaku bigotiira gochia, ebio bire ebisaku bi’Omonene. Abaisraeli abwo nigo bachigetwe ng’a babe bakoiraneria ng’a mbuya mono ase erieta ri’Omonene. 
Agwo nao ebirogo bi’abanachi ebiina bire, ebirogo bi’obonene bi’enyomba ya Daudi. 
Sabera Yerusalemu, erinde obe n’omorembe! Abanto abwo bagwanchete tiga basesenigwe. 
Omorembe obe ase chindwaki chiao ime, na ogosesenigwa kobe ase chinyomba chiao chi’oborwoti. 
Ase engencho y’abaminto na abagisangio baane, nigo ’ngokoganeria omorembe. 
Ase engencho y’enyomba y’Omonene Nyasae oito ningosabere ebisio. 
