﻿ZABURI.
121.
Ninyimokererie amaiso aane gochia ase ebitunwa. Ogokonywa kwane, ng’ai korarwe? 
Ogokonywa kwane nigo korarwe ase Omonene, oyotongete igoro na ense. 
Ere tagotiga okogoro kwao gotererigwe; oyokorendete tagosundoka. 
Ee, ere omorendi bw’Abaisraeli tagosundoka, gose takorara. 
Omonene nere omorendi oo, nere ekiriri kiao ase ensemo y’okoboko kwao kwa borio. 
Erioba tirikogoaka omobaso, gose omotienyi obotuko. 
Omonene nakorende korwa ase amabe onsi, narende omoyo oo. 
Omonene nakorende kogosoa na kogosoka, korwa bono na goika kare na kare. 
