﻿ZABURI.
120.
Ekero ’nde n’emechando nigo ’nkorera ase Omonene, ere nigo akonyigwa. 
Aye Omonene, ’ntoorie korwa ase abanto abanyaborimo, bare ne chimeme chi’obong’ainereria. 
Inwe abamore ne chimeme chi’obong’ainereria, ngento ki moraegwe, na mang’ana ki naende morakorerwe? 
Mobetwe chinsara chinyoge chi’omorwani etuoni, na mosambwe n’omorero bw’amakara ’omote okorokwa omoretemu. 
Obobe nobwane, ekiagera ’nde omomenyi agwo Meseki, nigo imenyete ase egati y’Abakedari. 
Nabeire imenyete ase engaki entambe ase egati y’ abanto bageechete omorembe. 
Inche nigo ’ngokora omorembe, korende ekero ’ngokwana, barabwo nigo baganetie esegi. 
