﻿ZABURI.
114.
Ekero Abaisraeli barwete Misiri, ee, ekero abanto ba Yakobo barwete ase abanto barenge konoga omonwa omoao, 
Abayuda bakaba aase aachenu a Omonene, na Abaisraeli bakaba ab’obogaambi bwaye. 
Enyancha ekarora ayio egatama, na orooche rwa Yorodani rokanacheka, rokairana magega. 
Ebitunwa bigatuma-tuma buna chimingichi, na ebigoro buna chimanwa chi’eching’ondi. 
Aye enyancha, ninki kwarooche, erinde ogatama? Aye Yorodani, ninki kiabeete asore, erinde okanacheka okairana magega? 
Inwe ebitunwa, ninki kiagerete mogatuma‐tuma buna chimingichi, nainwe ebigoro boigo buna chimanwa chi’eching’ondi? 
Aye ense, tengecha ase obosio Omonene, ee, ase obosio bwa Nyasae o Yakobo. 
Oyio oonchorete egetare gekaba ritibo ri’amaache, ne rigena riikong’u rikaba ensoko y’amaache. 
