﻿ZABURI.
111.
Togia Omonene! Ning’ake ng’a mbuya mono ase Omonene n’enkoro yane yonsi, agwo ase omosangererekano bw’ abanto bare ne chinkoro chindonge. 
Ogokora kw’Omonene nigo kore okonene, Abwo bagokogookera nigo bagokweorokereria erinde bakomanye. 
Ogokora kw’Omonene nigo kore okw’ogosikwa okonene na obonene, na oboronge bwaye nigo bogendererete kobao goika kare na kare. 
Omonene okorire ogokora kwaye kw’ogokumia kobe gokoinyorwa, ere nigo are n’obuya na amaabera. 
Nigo akoa abanto abwo bamoirogete endagera; nabe ogendererete koinyora okobwatana kwaye kw’ogotianania goika kare na kare. 
Oorokeirie abanto baye okobua kw’ogokora kwaye ase okobaa emiando y’ abanto b’ebisaku. 
Ogokora kw’amaboko aye nigo kore okw’obwegenwa na okw’oboronge, n’amachiiko aye onsi nay’obwegenwa. 
Amachiiko ayio nigo ateneine bokong’u kare na kare, aikeranigwe ase ekeene na oboronge. 
Ere otomeire abanto baye okoboorigwa, na ochiikire okobwatana kwaye kw’ogotianania kobeo goika kare na kare. Erieta riaye nigo rire richenu na eri’okoirokwa. 
Okomoiroka Omonene, oyio noro omochakano bw’obong’aini, bonsi abagokora ayio nigo bare nokomanya okuya. Ogotogigwa kwaye nogwa kare na kare. 
