﻿ZABURI.
110.
(Ogoteera gwa Daudi) Omonene agateebia Nyasae Omonene one, “Ikaransa ensemo y’okoboko kwane gw’okorio goika mbeeke ababisa bao babe inse y’amagoro ao.” 
Korwa Sayoni Omonene narambore enyimbo yao y’obogaambi ere n’okobua, ateebe, “Gamba ase egati y’ababisa bao.” 
Abanto bao mberue n’ogwancha kwabo, ekero orasangererie abarwani bao b’esegi. Abamura bao mbaache asore beboetie oboseera obochenu, buna riime ria mambia. 
Omonene otianire, takoonchora ebirengererio biaye: “Aye nigo ore Omokuani goika kare na kare, koreng’ana buna Melkizedeki.” 
Omonene nigo ateneine ase ensemo y’okoboko kwao gw’okorio; ere nasenyente abarwoti ase rituko ri’endamwamu yaye. 
Nanachere abanto b’ebisaku ekiina, ense neichore n’ebitondo; nasenyente emetwe y’abagaambi b’ense engima. 
Nabe okonywa amaache y’ensoko ekero are ase orogeendo rwaye, ase ayio naimokererie omotwe oye igoro kabuire. 
