﻿ZABURI.
93.
Omonene nere okogamba, nigo eboetie obonene. Omonene nigo asiberanetie chinguru. Ase ayio ense nigo eteneine bokong’u tekonyegerigwa. 
Ekerogo kiao ki’obonene nigo kiabekire aroro korwa kare, ekiagera aye nao kwarenge korwa kare. 
Aye Omonene, amaache aimokereire igoro, amaache nkoeera are neriogi, ee, aimokereirie emerindo yaye igoro. 
Omonene nere obwate okobua okonene aria igoro; okobua kwaye nigo kobuete okoruma kw’amaache, ee, okw’amaache amange na okw’emerindo y’enyancha. 
Aye Omonene, oborori bwao nigo boteneine bokong’u. Obochenu nabwo bore ogochaberwa kw’enyomba yao goika kare na kare. 
