﻿ZABURI.
87.
(Ogoteera kwa basinto ba Kora) Omochie oria obegetwe oboroso n’Omonene nigo oteneine igoro ase ebitunwa ebichenu. 
Omonene nigo anchete ebiita bia Sayoni kobua aande onsi ase abanto ba Yakobo bamenyete. 
Aye omochie o Nyasae, amang’ana ’obonene nigo agokwanwa igoro yao. 
Ase abanto abwo bamanyete inche ninyatore Rahabu, na Abaababeli, na Abafirisiti, na Abaturo, amo nabaanto b’Ethiopia, na goteeba, “Oyo na oyo nao baiboreretwe ime aaria.” 
Igoro ya Sayoni amang’ana aya nakwanwe. “Omonto oyo na oria nao baiboreretwe ime yaye,” n’Omonene ore Igoro Mono nere orabe okoyokong’ia. 
Ekero Omonene arakore omobaro bw’abaanto, nigo ararike, “Oyo na oyo nao baiboreretwe ime aaria.” 
Ekero bagotera na bagotenga nigo bagoteeba, “Chinsoko chiaito chionsi nigo chire ime yao.” 
