﻿ZABURI.
84.
(Ogoteera kwa basinto ba Kora) Aye Omonene bw’Emeganda, naki obomenyo bwao bore oboseera! 
Omoyo one nore namaiga amange kobeera ase chigoora chia Omonene; enkoro yane na omobere one nigo bigoterera Nyasae ore moyo nomogooko omonene. 
Enchiro nigo ekonyora obomenyo, na egesingororo nigo gekwenyorera egeswa ase amage aye akobeera, agwo ase egesasiimero kiao, aye Omonene bw’Emeganda, aye Omorwoti one, na Nyasae one. 
Mbarenomogooko abanto abwo bamenyete ase enyomba yao, abwo bakona‐goteera botambe ase okogotogia. 
Mbare nomogooko abanto abwo bakonyora chinguru chiabo korwa asore; abwo chinkoro chiabo chiganetie kogenda Sayoni. 
Ekero abanto abwo bagoeta ase Rigoko ria Baka, nigo bakorikora riaba aase e chinsoko chi’amaache; na embura ye ritang’ani nigo ekorirentera ogosesenigwa okonge. 
Barabwo mbabe bakomenta koba ne chinguru kogenderera botambe, mbarore Nyasae ayobuete chinyasae agwo Sayoni. 
Aye Omonene, Nyasae bw’Emeganda, igwa ogosaba kwane, tegerera onyigwe, aye Nyasae o Yakobo. 
Aye Nyasae ore enguba yaito, origererie obosio bw’omoakwa amaguta oo. 
Mbuya kobeera ase enyomba yao rituko erimo rioka kobua kobeera amatuko chilifu chinyinge aande onsi; mbuya koba omorendi bw’egesieri ki’enyomba yao aye Nyasae one, kobua kobeera ase obomenyo bw’abakori amabe. 
Omonene nigo are erioba na enguba, ere nigo agotoa amaabera na obonene; ere takorina abare ne chinkoro chindonge gento kende gionsi kere ekiya. 
Aye Omonene bw’Emeganda, nasesenirie omonto okwegenete. 
