﻿ZABURI.
82.
(Ogoteera gw’Asafu) Nyasae nigo agotenena ase omosangererekano oye omochenu, ase egati ye chinyasae nigo akonacha ekiina. 
“Inee! Ngoika ririri moragenderere konacha ebiina bitari noboronge? Ngoika ririri moragenderere gwanchereria abanto ababe? 
Kae abataka ne chintakana oboronge bwabo; boigo nabwo bagokorerwa bobe, na abaremeire. 
Tooria abatari na nguru, na abatabwati kende, basibore korwa ase amaboko ’abakori amabe.” 
Abanto abwo tibamanyeti gento, tibari nobong’aini, nigo bagotaara bakona‐kouna‐una ime ase omosunte; amaroso ’ense anyegerigwe. 
Natebiire ng’a: “Inwe nechinyasae; inwe mwensi nabana b’Omonene Ore Igoro Mono. 
Korende nigo morakwe buna Mwanyabaanto bande, na obogima bwaino boere buna obw’abanene b’ense.” 
Aye Nyasae, imoka, ogambie ense ekiina, ekiagera abanto b’ebisaku bionsi nabao. 
