﻿ZABURI.
70.
(Ogosaba gwa Daudi) Aye Nyasae, koranche ontoorie! Omonene, oche bwango onkonye! 
Abanto abwo barigetie gosiria obogima bwane, tiga basookigwe na gotantanigwa, na abwo baganetie ng’a obobe bonyore inche, tiga bairanigwe magega na gochaywa. 
Abwo bagonchaya na goteeba: “Kiamonyorire!” Tiga bakirigwe-kiri ase obosooku bwabo. 
Abwo bonsi bagokorigia, tiga bakogokere na kogochengera; abwo banchete ogotooreka kwao, tiga bagenderere goteeba: “Nyasae atogigwe!” 
Inche nigo inde omotaka na omoremerwa; aye Nyasae, inchwo bwango onkonye! Aye naye Omokonyi one, na Omotooria one. Aye Omonene, totebana! 
