﻿ZABURI.
67.
(Ase omoteria) Nyasae atororere amaabera, atosesenie, atoraberie obosio bwaye. 
Tiga enchera yao emanyekane ase ense, na okobua kwao kw’ogotooria komanyekane ase abanto b’ebisaku bionsi. 
Aye Nyasae, tiga abanto bagotogie; ee, abanto bonsi tiga bagotogie! 
Tiga abanto b’ebisaku bagoke na oteera nomochengo; ekiagera aye nigo okonachera abanto ebiina ase oboronge. Aye naye okoraa ebisaku bire ase ense. 
Aye Nyasae, tiga abanto bagotogie, ee, abanto bonsi tiga bagotogie! 
Ense yamire okwama kwaye okonge, Nyasae, aye ore Nyasae oito, otosesenie! 
Nyasae otosesenirie; ase igo, tiga abanto bare ase ense engima bamoiroke! 
