﻿ZABURI.
43.
Aye Nyasae, ing’a oboronge bwane, ndwanerere nkonye korwa ase abanto batakoirogeti, ntoorie korwa ase abanto abang’ainereria, abatari abanyakeene. 
Aye Nyasae ore obotamero bwane, naki gwantigire? Ninki gekogera inche ngendererete kweumia, na ababisa baane bagendererete gonkorera bobe? 
Ntomere oborabu bwao, na ekeene kiao, binyare kondaa, na kong’ikia ase egetunwa kiao egechenu kere obomenyo bwao. 
Erio ngende ase egesasiimero kiao, aye Nyasae, Nyasae, aye oyore omogooko one omonene, nimbugie obokano na goteera ogoteera gw’okogotogia, aye Nyasae ore Nyasae one. 
Aye omoyo one, nase ki kwabeire nomoichano omonene? Nase ki otari n’obotoereru? Semeria Nyasae, ekiagera ninyare komotogia naende ere oyore ogotooreka kwane, na Nyasae one. 
