﻿ZABURI.
26.
(Ogoteera gwa Daudi) Aye Omonene, ing’a oboronge bwane; ekiagera nabeire ntari na komocha; naboigo ngosemeretie aye Omonene ntari ne chitang’u‐tang’u. 
Omonene, inteeme na ondenge; orenge enkoro yane na ebirengererio biane. 
Nigo ndigereretie obwanchani bwao bogendererete botambe na gotaara ase obwegenwa bwao. 
Tindi gosanga nabanyaborimo, gose tindi kogosoria nabang’ainereria. 
Inche nigo ngechete gosanga nabaanto bagokora amabe, na tingwancha goikaransa amo nabaanto abakayayu. 
Nigo ngoisaba amaboko aane ase okoorokia ng’a tindi na komocha, erio naetanana egesasiimero kiao, aye Omonene, 
imba ngoteera neriogi rinene gokoiraneria ng’a mbuya mono na koraria ogokora kwao kw’ogokumia. 
Aye Omonene, inche nigo nyanchete obomenyo bwao, aase obonene bwao bore. 
Tosiria omoyo one ekero ogosiria abanyabibe; gose obogima bwane ekero ogosiria abaiti. 
Abanto abwo bagokora emeroberio y’obonyaka, na amaboko abo a borio nigo aichire namaaki. 
Inche nigo inde norogendo rotari na komocha; indorere amaabera na omboorie. 
Amagoro aane nigo agotenena aase ateremu; nintogie Omonene ase egati y’omosangererekano omonene. 
