﻿ZABURI.
24.
(Ogoteera gwa Daudi) Ense na ebinto bire aroro nebia Omonene; oboiko bwonsi nobwaye, amo nabaanto bamenyeteo. 
Nigo abegete oboroso bwaye igoro ase chinyancha, akabokong’ia igoro ase chindooche. 
Ning’o oragwenere gotiira ase egetunwa kia Omonene? Ning’o oragwenere gotenena aase aye aachenu? 
Nomonto oria obwate amaboko atari na komocha, na enkoro echenegete, noria otari gosasiima chinyasae chi’oborimo, gose gotiana ase obong’ainereria. 
Omonto oyio nonyore ogosesenigwa korwa ase Omonene; boigo nanyore oboronge korwa ase Nyasae ore ogotooreka kwaye. 
Naboigo ekegori ki’abakomorigia kere; abwo bakorigia barore obosio bwa Nyasae o Yakobo. 
Inwe ebiita, imokereria emekorogoto yaino igoro! Inwe ebiita bia kare, igoka, erinde Omorwoti bw’obonene asoe ime! 
Inee! Omorwoti oyio bw’obonene nere ng’o? Ere Omonene ore ne chinguru na okobua, ere Omonene, omobui ase chiseegi. 
Inwe ebiita, imokereria emetwe yaino igoro! Inwe ebiita bia kare, igoka, erinde Omorwoti bw’obonene asoe ime! 
Inee! Omorwoti oyio bw’obonene nere ng’o? Ere Omonene bw’Emeganda; ere n’Omorwoti bw’Obonene. 
