﻿ZABURI.
3.
(Ogoteera gwa Daudi ekero arenge gotama Abisalomu, omwana oye) Aye Omonene, ababisa baane mbarenga bare! Abange banyimokeire gonkorera bobe. 
Abange nigo bagokwana igoro yane, bateeba: Nyasae tancheti komotooria. 
Korende aye Omonene, aye naye enguba yane, na naye obonene bwane, nigo okong’iraneria oboremu bw’obobui bwane. 
Nigo nkorera na gokuura ase Omonene ng’a ankonye, nere nigo akong’iraneria korwa ase egetunwa kiaye egechenu. 
Nigo ngwetoora na korara chitoro, erio naboka naende, ekiagera Omonene nigo agendererete kondenda. 
Tindi koiroka ababisa chilifu chinyinge, abwo mamincha yane, bakondia korwa chinsemo chiane chionsi. 
Aye Omonene imoka, gaki, inchwo! Aye Nyasae one, ntoorie! Aye gwaakire ababisa baane bonsi oroe ase chinsea chiabo, kwabunire amaino ’abakori amabe kwabakorire bosa. 
Ogotooreka nigo gokorwa asore aye bweka Omonene; ase ayio, sesenia abanto bao. 
