﻿ZABURI.
2.
Nase ki abanto b’ebisaku bagokora rirorooche? Nase ki abanto bagokora emeroberio ere bosa? 
Abarwoti b’ense bebekire ang’e, na abagaambi nigo bakogamba amo ase okwanga Omonene na Omoakwa Amaguta oye. 
Nigo bagoteebania: “Tobutore ebisibo biabo, totugute chingori chiabo batosiberete!” 
Omonene oria oikaransete aaria igoro, nigo agoseka na kobachecheria. 
Erio nabatogonyere ase endamwamu yaye, abagose ase ekeririanda kiaye, ogoteeba: 
“Nabeekire omorwoti one ase Sayoni, egetunwa kiane egechenu.” 
Omorwoti oteebire: “Nindarie amang’an’Omonene aroberetie. Ere aganteebia: Aye naye Omwana one, reero nakoiboire. 
Omborie, na inche ninkoe ebisaku bionsi bibe omwando oo, ne chinsemo chionsi chi’ense nchibe echiao. 
Aye nobasenyente nenyimbo y’ekioma, obasegenye babe buna ebigonkorio.” 
Ase ayio, inwe abarwoti, mobe abang’aini, inwe abagaambi b’ense, igwera ogokuurerwa oko: 
Mokorere Omonene more nobwoba na okoiguswa. 
Tugama inse na kworokia amasikani ase Omwana oye. Motakoreti bo, Omonene nigo arabe nendamwamu, abasirie ase chinchera chiaino, ekiagera endamwamu yaye nigo egwoka bwango mbasesenirie abanto bonsi bakomotamera. 
