﻿Zaburi.
1.
Nasesenirie omonto otari gotunyana chingencho chi’abakori amabe, n’otari kobwatia chinchera chi’abanyabibe, gose otari gosanga amo nabwo bagochecheria. 
Korende richiko ri’Omonene nigo rikomogokia mono, na okorengereria kwaye gwonsi nigo kore ase richiko erio, omobaso na obotuko. 
Ere nigo anga buna omote osimekire rooche mbarabare, oyokwama amatunda amaya ekero engaki yaye egoika, na amato aye tari kwoma ngaki ende yonsi, na rinde rionsi agokora nigo agosesenigwa. 
Abakori amabe tibari bo, korende nigo banga buna omoiriro okoirurukigwa nomwaga. 
Ase ayio, abakori amabe tibagocha gwekengera ase rituko ri’ekiina, gose abanyabibe tibagosangererekana amo n’abanyene oboronge. 
Omonene nigo akoraa enchera y’abanyene oboronge, korende enchera y’abakori amabe nesire. 
