﻿AYUBU.
25.
Bilidadi Omosua akairaneria, akabora: 
“Obonene na okoirokia nigo bire ase Nyasae, nigo agokora omorembe aaria igoro mono. 
Inee! Ning’o oranyare kobara emeganda yaye? Ning’o omobaso oye otari kobarera? 
Naki rende omonto aranyare koba omonyaboronge ase obosio bwa Nyasae? Naki omonto oiboire nomokuungu aranyare koba oyochenegete? 
Rora, nonya nomotienyi tori noborabu asare, gose ching’enang’eni tichiikeraneti ase amaiso aye. 
Onye nabo, naki rende ase omonto oyio onga buna rikonde; na Mwanyabaanto oyio onga buna enyongore.” 
