﻿Egetabu kie Ritang’ani kia Amang’ana ’Ebiro.
1.
Adamu akaibora Seti, na Seti akaibora Enosu; 
Enosu akaibora Kenani, na Kenani akaibora Mahalaleli, na Mahalaleli akaibora Yaredi; 
Yaredi akaibora Enoku, na Enoku akaibora Metusela, na Metusela akaibora Lameki; 
Lameki akaibora Nuhu, na Nuhu akaibora Shemu, na Hamu, na Yafeti. 
Abana abamura ba Yafeti nabwo aba: Gomeri na Magogu, Madai na Yavani, Tubali na Meseki, na Tirasi. 
Abana abamura ba Gomeri nabwo aba: Asikenasi na Rifati, na Togarima. 
Na abana abamura ba Yavani nabwo aba: Elisha na Tarisisi, na Kitimu, na Rodanimu. 
Abana abamura ba Hamu nabwo aba: Kusi na Misiri, Putu na Kaanani. 
Na abana abamura ba Kusi nabwo aba: Seba na Havila, Sabuta na Raama, na Sabiteka. Na abana abamura ba Raama nabwo Seba na Dedani. 
Kusi akaibora Nimurodi. Nimurodi akaba omonto bw’eritang’ani orenge egiata ase ense. 
Misiri nere oiborete Abaludi na Abanami, Abalehabi na Abanafutu, 
Abapaturusi na Abakasiluhi (korwa ase bare nao Abafirisiti barwete), na Abakafitori. 
Na Kaanani akaibora Sidoni, omwana oye omotangi, na Heti, 
Abayebusi na Abaamori, na Abagirigasi; 
Abahivi na Abaariki, na Abasini; 
Abaarivadi na Abasemari, na Abahamati. 
Abana abamura ba Shemu nabwo aba: Elamu na Asuri, Arifakisadi na Ludi, Aramu na Usi, Huli na Geteri, na Mesheki. 
Arifakisadi akaibora Sela, na Sela akaibora Eberi. 
Eberi akaibora abana babere abamura. Oria omotangi nigo arenge korokwa Pelegi, ekiagera ase amatuko aye abanto b’ense baatananegete, na omomura omwabo nigo arenge korokwa Yokitani. 
Yokitani akaibora Alimodadi na Selefu, Hasarmaweti na Yera; 
Hadoramu na Usali, na Dikila; 
Ebali na Abimaeli, na Seba; 
Ofiri na Havila, na Yobabu. Abwo bonsi nigo barenge abana abamura ba Yokitani. 
Ororeria rwa Aburaamu korwa ase Shemu narwo oro: Shemu akaibora Arifakisadi, na Arifakisadi akaibora Sela, 
na Eberi, na Pelegi, na Reu, 
na Serugi, na Nahori, na Tera, 
na Aburamu nere Aburaamu. 
Abana abamura ba Aburaamu nabwo Isaka na Isumaeli. 
Oyo noro omooroberio bw’ororeria rwabo. Omwana omomura omotangi o Isumaeli nere Nebayoti; na abande nabwo aba: Kedari na Adibeeli, na Mibusamu; 
Misima na Duma, Masa na Hadadi, na Tema, 
Yeturi na Nafisi, na Kedema. Aba nabwo abana abamura ba Isumaeli. 
Abana abamura ba Ketura, omokungu o sere‐sere o Aburaamu, nabwo aba: Simurani na Yokisani, Medani na Midiani, Isibaki na Sua. Abana abamura ba Yokisani nabwo Seba na Dedani. 
Abana abamura ba Midiani nabwo aba: Efa na Eferi, Hanoki na Abida, na Elidaa. Aba bonsi nigo barenge ab’ororeria rwa Ketura. 
Aburaamu akaibora Isaka. Abana abamura ba Isaka nabwo Esau na Israeli. 
Abana abamura b’Esau nabwo aba: Elifasi na Reueli, Yeusi na Yalamu, na Kora. 
Abana abamura b’Elifasi nabwo aba: Temani na Omari, Sefo na Gatamu, Kenasi ase Timuna, na Amaleki. 
Abana abamura ba Reueli nabwo aba: Nahati na Zera, Sama na Miza. 
Abana abamura ba Edomu nabwo aba: Lotani na Sobali, Sibeoni na Ana, Dishoni na Eseri, na Disani. 
Abana abamura ba Lotani nabwo Hori na Homamu; omosubati omwabo Lotani nigo arenge korokwa Timuna. 
Abana abamura ba Sobali nabwo aba: Aliani na Manahati, Ebali na Sefo, na Onamu. Na abana abamura ba Sibeoni nabwo Aya na Ana. 
Omwana omomura bw’Ana nere Dishoni. Abana ba Dishoni nabwo aba: Hamurani na Esibani, Itirani na Kerani. 
Abana abamura b’Eseri nabwo aba: Bilihani na Sawani, na Akani. Abana abamura ba Disani nabwo Usi na Arani. 
Aba nabwo abarwoti bagamberete ense y’Abaedomu, ekero omorwoti onde bwensi konya ataragambera Abaisraeli: Bela, mosinto o Beori, oyio omochie oye orenge korokwa Dinihaba. 
Ekero Bela akwete, Yobabu, mosinto o Zera, korwa Bosira, akaba okogamba ase ribaga riaye. 
Ekero Yobabu akwete, Husamu, bw’ense y’Abatemani akaba okogamba ase ribaga riaye. 
Ekero Husamu akwete, Hadadi, mosinto o Bedadi, oria obuete Abamidiani ase ense ya Moabu, akaba okogamba ase ribaga riaye; na omochie oye noro Awiti. 
Ekero Hadadi akwete, Samula, oyo orwete Masereka, akaba okogamba ase ribaga riaye. 
Ekero Samula akwete, Saulo oyo orwete Rehoboti, orenge ang’e norooche rw’Eufarati, akaba okogamba ase ribaga riaye. 
Ekero Saulo akwete, Baali Hanani, mosinto bw’Akibori, akaba okogamba ase ribaga riaye. 
Ekero Baali‐Hanani akwete, Hadadi akaba okogamba ase ribaga riaye. Omochie oye nigo orenge korokwa Pai, na mokaye nigo arenge korokwa Mehetabeli, mosubati o Matiredi o Mesahabu. 
Na Hadadi agakwa. Abagaambi b’Abaedomu nabwo aba: Timuna na Alifa, na Yeteti, 
Oholibama na Ela, na Pinoni, 
Kenasi na Temani, na Mibusari, 
Magadieli na Iramu. Abwo nabwo barenge abagaambi b’ebisaku bia Edomu. 
