﻿Salmos.
87.
Yvyty iky'a e'ỹ va'e áry Senhor Sião tetã omoĩ atã rire 
oayvu hokẽ ikuai va'e voi. Jacó kuery rekoa ikuai va'e ha'e javi gui oayvuve. 
Ndevy Nhanderuete pegua tetã, ayvu iporã ete va'e 'ea: 
“Xekuaa va'e kuery rekoa regua ma Egito ha'e Babilônia. Oĩ avi 'rã Filístia, Tiro ha'e Etiópia, ha'e py ae itui'i rire.” 
Mba'eta Sião tetã pe aipo'ea 'rã: “Kova'e ha'e peva'e voi ha'e pygua ae. Yvate ete va'e omoĩ atã 'rã.” 
Senhor yvy regua rery ombopara vy aipoe'i 'rã: “Kova'e ma ha'e pygua ae.” 
Oporaei va'e kuery ha'e javi opo-opo reve aipoe'i 'rã: “Ndere anho oĩ xemoingo porãa ha'e javi.” Jogueroporaei va'e pe mboraeirã Coré ra'y kuery nhombo'e aguã ombopara va'ekue mbaraka py ombojoguy aguã, Ezra ramymino Hemã oporaei va'ekue. 
