﻿ಯೊಹಾನ್.
2.
ತಿಸ್ರೆ ದಿಸಿ ಗಲಿಲಾಯಾಚಾ ಕಾನಾ ಗಾವಾತ್ ಯಾಕ್ ಲಗಿನ್ ಹುತ್ತ. ಯೇಸುಚಿ ಆಯಿಬಿ ಹುತ್ತಿ, 
ಯೇಸುಲಾ ಆನಿ ತ್ಯಚಾ ಶಿಶಾನಾ ಸಾಹಿತ್ ಹಾಕಟ್ಲ ಹುತ್ತ. 
ಲಗ್ನಾತ್ ವ್ಹಯಿ ತ್ಯವ್ಡಾ ದರಾಕ್ಶಿಚಾ಼ ರಸ್ ನವ್ಥಾ ಆಸ್‌ಲ್ಯಾಲಾ ದರಾಕ್ಶಿಚಾ಼ ರಸ್ ಸಗ್ಳಾ ಸಪ್ಲಾ ತವಾ ಯೇಸುಚೆ ಆಯಿನಿ ತ್ಯಲಾ, “ತ್ಯಂಚಿಪ ಕಚಾ಼ಸ್ ದರಾಕ್ಶಿಚಾ಼ ರಸ್ ನಾಹಿ” ಮನ್ಹುನ್ ಸಾಂಗ್ಲ. 
ತವಾ ಯೇಸುನಿ, “ಬಾಯಿ ಹ್ಯ ಸಗ್ಳ ಮನಾ ತು ಕಾ ಸಾಂಗ್ತಿಸ್? ಮಾಜಾ಼ ಯೊಳ್ ಆಜು಼ನ್ ಆಲಾ ನಾಹಿ” ಮನ್‍ಲ್ಹಾ. 
ಯೇಸುಚೆ ಆಯಿನಿ ಸೇವಕಾನಾ ಯೇಸು ತುಮಾನಾ ಕ್ಯಾ ಸಾಂಗ್ತೊ ತ್ಯ ಕರಾ, ಮನ್ಹುನ್ ಸಾಂಗ್ಲ. 
ದೊಂಡ್ಯಾನಿ ಕೆಲ್ಯಾಲ್ಯಾ ಸಾ ಬಾನ್ಯಾ ತಿಥ ಹುತ್ಯಾ. ಯೆಹುದಿ ಲೊಕಾಂಚೆ ಪದ್ದತಿ ಶಾರ್ಕ ಶುದ್ದಾಚಾರ್ ಕರಾಯಾ ಹ್ಯಾ ದೊಂಡ್ಯಾಚಾ ಬಾನ್ಯಾ ಗಿಹಿತ. ಪರತೇಕ್ ಬಾನ್ಯಾತ್ನಿ ಐಸಿಸ್ನಿ ಏಕ್ಸೆ ಈಸ್ ಲೀಟರಾ ಇತ್ಕ ಪಾನಿ ರಾಹಿತ. 
ಯೇಸುನಿ ಸೇವಕಾನಾ ತ್ಯಾ ಬಾನ್ಯಾತ್ನಿ ಪಾನಿ ಬರ‍್ಹಾ ಮನ್ಹುನ್ ಸಾಂಗ್ಲ. ತಸಸ್ ಸೇವಕಾಂಚಾನಿ ಬಾನ್ಯಾ ಪಾನ್ಯಾನಿ ಟುಮ್ ಬರಿವ್‌ಲ್ಯಾ. 
ತವಾ ಯೇಸುನಿ ಸೇವಕಾನಾ, “ಆತಾ ತ್ಯಾತ್ಲ ಥೊಡ ಪಾನಿ ಕಾಡುನ್ ಜೇವ್ನಾಚಿ ದೆಕ್ರೆಕಿ ಕರ್ತ್ಯಾಲ್ಯಾಪ ನಿಹುನ್ ದೆವಾ” ಮನ್ಹುನ್ ಸಾಂಗ್ತೊ. ತಸಸ್ ತ್ಯಂಚಾನಿ ನಿಹುನ್ ತ್ಯ ದಿಲ. 
ಜೇವ್ನಾಚಿ ದೆಕ್ರೆಕಿ ಕರ್ತ್ಯಾಲ್ಯಾನಿ ದರಾಕ್ಶಿಚಾ಼ ರಸ್ ಜಾ಼ಲ್ಯಾಲ್ಯಾ ಪಾನ್ಯಾಚಿ ಚ಼ವ್ ಬಗ್ಲಿ ಆನಿ ತ್ಯೊ ದರಾಕ್ಶಿಚಾ಼ ರಸ್ ಕುಠ್ನಿ ಆಲಾ ಮನ್ಹುನ್ ತ್ಯಲಾ ಠಾವಾ ನವ್ಥಾ ಫನ್ ತ್ಯ ಪಾನಿ ಕ್ಯಾಡಲ್ಯಾಲ್ಯಾ ಸೇವಕಾನಾ ಠಾವ ಹುತ್ತ. ಜೆವ್ನಾಚಿ ದೆಕ್ರೆಕಿ ಕರ್ತ್ಯಾಲ್ಯಾನಿ ನವ್ಹರ‍್ಯಾಲಾ ಹಾಕ್ಟು‍ನ್ 
ಲೊಕ ಚಾ಼ಂಗ್ಲಾ ದರಾಕ್ಶಿಚಾ಼ ರಸ್ ಕವಾಬಿ ಆಂದಿ ವ್ಯಾಡ್‌ತ್ಯಾತ. ಪಾವ್ನ ಪಿವುನ್ ತೃಪ್ತ ಜಾ಼ಲ್ಯಾವ ತ್ಯನಾ ಸಾದಾ ದರಾಕ್ಶಿಚಾ಼ ರಸ್ ದೇತ್ಯಾತ. ಫನ್ ತು ಚಾ಼ಂಗ್ಲಾ ದರಾಕ್ಶಿಚಾ಼ ರಸ್ ಆಜು಼ನ್ ಪರ‍್ಯಾತ್ ಥೆವ್‌ಲ್ಯಾಸ್ ಮನ್ಹುನ್ ಸಾಂಗ್ತೊ. 
ಕಾನಾ ಗಾವಾತ್ ಯೇಸುನಿ ಕೆಲ್ಯಾಲ ಪೈಲ ಚಮತ್ಕಾರ್. ತಿಥ ತ್ಯನಿ ಆಪ್ಲಿ ಮೈಮಾ ದ್ಯಾವ್ಲಿ. ತ್ಯಚಾ ಶಿಶಾಂಚಾನಿ ತ್ಯಚಿವ ಇಸ್ವಾಸ್ ಥೆವ್ಲಾ. 
ತ್ಯಾ ನಂತರ್ ಯೇಸು ಆಪ್ಲೆ ಆಯಿ, ಬಾವ್ಹಾಂಚೆ, ಶಿಶಾಂಚೆ ಸಂಗ ಕಪೆರ್ನೌಮ್ ಗಾವಾತ್ ಗೆಲಾ. ಆನಿ ತಿಥ ಥೊಡ ದೀಸ್ ರಾಯ್ಲಾ. 
ತವಾ ಯೆಹುದ್ಯಾಂಚಾ಼ ವಲ್ಯಾಂಡಾಚಾ಼ ಸನ್ ಖುಬ್ ಜ಼ವಳ್ ಜಾ಼ಲ್ಥಾ. ಮನ್ಹುನ್ ಯೇಸು ವರ್ ಯೆರುಸಲೇಮಿತ್ ಗೆಲಾ. 
ದೇವ್ಳಾತ್ ಲೊಕ ಗುರ, ಮೆಂಡ್ರ ಆನಿ ಪ್ಯಾರ್ವ ಯಿಕ್‌ತ್ಯಾಲಿ ಯೇಸುನಿ ಬಗ್ಲ. ದುಸ್ರಿ ಲೊಕ ಟೆಬ್ಲಾಪ ಬಸುನ್ ಪೈಸ ಬದ್ಲಿ ಕರೀತ ಆನಿ ಯಾಪಾರ್ ಕರೀತ. 
ಯೇಸುನಿ ದೊರ‍್ಯಾಂಚ಼ ತುಕ್ಡ ಗಿಹುನ್, ಯೊಕ್ ಚಾಬುಕ್ ವಳುನ್, ತ್ಯಾ ಜ಼ನಾವಾರಾನಾ ಆನಿ ಗುರಾನಾ, ಮೆಂಡ್ರಾನಾ ಬಾಹಿರ್ ಗ್ಯಾತ್ಲಿತ. ಯೇಸುನಿ ಟೆಬಲ್ ಪಾಡುನ್ ಪೈಸ ಟ್ಯಾಕ್ಲ. 
ಪ್ಯಾರ್ವ ಇಕ್‌ತ್ಯಾಲ್ಯಾನಾ, “ತುಮಿ ಹ್ಯನಾ ಬಾಹಿರ್ ಗಿಹುನ್ ಜಾ಼ವಾ ಮಾಜಾ ಬಾಚ಼ ಘರ್ ಯಾಪಾರಾಚಾ಼ ಜಾ಼ಗಾ ಕರುನಕೊಸಾ” ಮನ್ಹುನ್ ಸಾಂಗ್ತೊ 
ತುಜಾ ದೇವ್ಳಾವ್ಲಿ ಮಾಯಾ ಮಾನಾ ಇಸ್‌ತ್ಯಾಚಿಗತ್ ಜಾಳ್ತೆ ಮನ್ಹುನ್ ಪವಿತ್ರ ಪುತೀಕಾತ್ ಲಿವ್‌ಲ್ಯಾಲ ಸಬ್ದ ಯೇಸುಚಾ ಶಿಶಾಂಚಾನಿ ಯಾದ್ ಕಿಲಿ. 
ಯೆಹುದಿ ಜಾಂತ ತ್ಯಚಿಪ ಯವುನ್, “ಹ್ಯ ಸಗ್ಳ ಕರಾಯಾ ತುಲಾ ಹುಕುಮ್ ಹಾ ಮನ್ಹುನ್ ದಾವಾಯಾ ಕಸ್ಲಿ ಚಮತ್ಕಾರಾಚಿ ಕಾಮ ಕರ್ನಾರ್? ಹ್ಯನಿ ತು ಕ್ಯಾ ಕರ್ತ್ಯೊಸ್ ತ್ಯಚಾ಼ ಹುಕುಮ್ ಖರಾ ವ್ಹಯಿಲ್ ಮನ್‍ಲ್ಹ. 
ತವಾ ಯೇಸುನಿ, “ಹ್ಯ ದಿವುಳ್ ಪಾಡಾ, ತೀನ್ ದಿಸಾತ್ ತ್ಯ ಮಿ ಆನಿಕ್ ಬ್ಯಾಂತೊ” ಮನ್‍ಲ್ಹಾ. 
ಯೆಹುದಿ ತ್ಯಲಾ ಮನ್‍ಲ್ಹ, “ಹ್ಯ ದಿವುಳ್ ಬಾಂದಾಯಾ ಚಾಳ್ಸಾವ ಸಾ ವರ್ಸ ಲಾಗ್‍ಲ್ಯಾತ! ಆನಿ ತು ಹ್ಯ ಪರ್ತುನ್ ತೀನ್ ದಿಸಾತುಸ್ ಬ್ಯಾಂತೋಸ್ ಕ್ಯಾ? 
ಫನ್ ಯೇಸು ಕಚಾ ದೇವ್ಳಾಚೆ ಗುಶ್ಟಿತ್ ಬೊಲತಾ ಮಂಜೆ ತ್ಯ ತ್ಯಚ಼ ಸ್ವತಾಚ಼ ಶರಿರ್ ಜಾ಼ಲ್ಥ. 
ಯೇಸು ಮೆಲ್ಯಾಲ್ಯಾತ್ನಿ ಉಠುನ್ ಆಲಾ ತವಾ ತ್ಯಚಾ ಶಿಶಾಂಚಾನಿ ತ್ಯಚಾ ಹ್ಯಾ ಬೊಲ್ಯಾಂಚಿ ಯಾದ್ ಕಿಲಿ. ಆನಿ ತ್ಯಂಚಾನಿ ಪವಿತ್ರ ಪುತೀಕಾವ ಆನಿ ತ್ಯನಿ ಸಾಂಗ್‌ಲ್ಯಾಲೆ ಸಗ್ಳೆ ಬುಲ್ನಿವ ಇಸ್ವಾಸ್ ಥೆವ್ಲಾ. 
ಯೇಸು ವಲ್ಯಾಂಡಾಚಾ ಸನಾಲಾ ಯೆರುಸಲೇಮಿತ್ ಹುತ್ತಾ ತ್ಯನಿ ಕೆಲ್ಯಾಲಿ ಚಮತ್ಕಾರಾಚಿ ಕಾಮ ಬಗ್ಲಿತ ತವಾ ಖುಬ್ ಲೊಕಾಂಚಾನಿ ತ್ಯಚಿವ ಇಸ್ವಾಸ್ ಥೆವ್ಲಾ. 
ಫನ್ ಯೇಸುನಿ ಆಪ್‌ಲ್ಯಾಸ್ ತ್ಯಂಚಾ ಇಸ್ವಾಸಾವ ಶೊಡ್ಲಾ ನಾಹಿ. ಕಾ ಮಂಜೆ ತೀ ತ್ಯಲಾ ಚಾ಼oಗ್ಲಿ ಠಾವಿ ಹುತ್ತಿತ. 
ಲೊಕಾಂಚೆ ಗುಶ್ಟಿತ್ ತ್ಯಲಾ ಕುನಿಸ್ ಸಾಂಗಾಯಾ ನಕೊ ಹುತ್ತ. ಮಾನ್ಸಾಚಾ ಮನಾತ್ ಕ್ಯಾ ಹಾ ಮನ್ಹುನ್ ಯೇಸುಲಾ ಠಾವ ಹುತ್ತ. 
