MAT 1:1 अब्राहम को बेटो दाउद, को बेटो यीशु मसीह की वंशावली असी हइ.
MAT 1:2 अब्राहम से इसहाक पैयदा हुयो. इसहाक से याकूब पैयदा हुयो. अरु याकूब से यहूदा अरु ओको भैइ पैयदा हुयो.
MAT 1:3 यहूदा अरु तामार से पेरेस व जोरह, पेरेस से हिस्रोन अरु हिस्रोन से एराम, पैयदा हूयो.
MAT 1:4 अरु एराम से अम्‍मीनादाब. अरु अम्‍मीनादाब से नहशोन अरु नहशोन से सलमोन पैयदा हूयो.
MAT 1:5 सलमोन अरु राहब से बोआज, अरु बोआज अरु रुत से ओबेद. अरु ओबेद से यिशय पैयदा हुयो.
MAT 1:6 अरु यिशय से दाउद राजो अरु उरियाह दाउद से सुलैमान उ बय से पैयदा हुयो जो उरीय्याह की लुगेन थी.
MAT 1:7 सुलैमान से रहबाम, अरु रहबाम से अबिय्याह, अरु अबिय्याह से आसा पैयदा हुयो.
MAT 1:8 आसाफ से यहोशाफात, अरु यहोशाफात से योराम, अरु योराम से उज्जियाह पैयदा हुयो.
MAT 1:9 उज्जियाह से योताम से आहाज अरु आहाज से हिजकिय्याह पैयदा हुयो.
MAT 1:10 हिजकिय्याह से मनश्शे से पैयदा हुयो, मनश्शे से पैयदा हुयो आमोन, अरु आमोन योशिय्याह पैयदा हुयो,
MAT 1:11 अरु गिरपतार हुइखे बाबेल जान का टेम मे योशिय्याह से यकुन्याह, अरु ओको भैइ पैयदा हुयो.
MAT 1:12 गिरपतार हुइखे बाबेल पोचान जान का बाद यकुन्याह, से शालतीएल. अरु शालतीएल से जरुब्बाबेल पैयदा हुयो.
MAT 1:13 जरुब्बाबेल से अबिहुद. अबिहुद से एलयाकिम अरु एलयाकीम से अजोर पैयदा हुयो.
MAT 1:14 अजोर से सादोक, सादोक से अखीम. अरु अखीम से इलीहूद पैयदा हुयो.
MAT 1:15 इलीहूद से एलियाजार. एलियाजार से मत्तान. अरु मत्तान से याकूब पैयदा हुयो.
MAT 1:16 याकूब से यूसुफ. जो मरियम को अदमी थो, अरु मरियम से यीशु पैयदा हुयो, जो मसीह बोलस हइ.
MAT 1:17 यो प्रकार अब्राहम से दाउद तक सब चौदा पिडी हुइ अरु दाउद का टेम से बाबेल को गिरपतार हुइ खे पोचान जाना तक, चौदा पिडी अरु गिरपतार हुइ खे बेबीलोन खे पहुची जाना का टेम से लिखे मसीह तक चौदा पिडी हुय.
MAT 1:18 यीशु मसीह को जन्म या रीती से हुय, की जब ओकी माय मरियम की मगनी यूसुफ का साथ हुय गइ, ते उनको भ्याव होना से पैयले वा पवित्र आत्मा का तरप से दिन से हुय गय.
MAT 1:19 येकालिये ओका अदमी यूसुफ ने जो धर्मी होन का कारण ओखे बदनाम करणो नी चाहतो थो, या इच्छा से चुपचाप छोडी देन को मन कर्यो.
MAT 1:20 जब उ या बात का सोच मे थो ते प्रभु को एक स्वर्गदूत ओखे दृष्‍टान्‍त मे दिखानो अरु बोलन लग्यो. हे यूसुफ! दाउद की सन्तान खे तू मरियम खे अपनी बायको बनाना से डरे मत. क्युकी जो ओका पेट मे हइ, उ पवित्र आत्मा का तरप से हइ.
MAT 1:21 उ बेटो पैयदा कर्हे अरु तोने ओको नाम यीशु रखनु. क्युकी वु अपना दुन्याहोन को उनका पाप से उध्दार कर्हे.
MAT 1:22 यो सब कुछ येका लिये हुयो की जो वचन प्रभु ने भविष्यव्दक्ता का वजेसे बोल्यो थो. वु पुरो हुये.
MAT 1:23 “देख एक कुव्वारी दिन से हुये अरु एक बेटो पैयदा, अरु ओको नाम इम्मानुएल रख्यो जाह्ये,” जेको मतलब यो हइ की परमेश्वर हमारा साथ.
MAT 1:24 तब यूसुफ नीद से जागीखे प्रभु का दूत की बात कि आज्ञा का जसो ओने अपनी बायको बनान खे अपना घर मे लयली.
MAT 1:25 अरु जब तक मरियम का पास नी गयो जब तक ओने बेटा खे जन्म नी दियो अरु यूसुफ ने ओको नाम यीशु रख्यो.
MAT 2:1 हेरोदेस राजा का दिन मे यहूदीया देस का बैतलहम गाव मे यीशु को जन्म हुयो, ते पूर्व दिशा से कुछ तारा को आभ्यस करण आलो ज्ञानी इन्सान यरुशलेम मे अयखे पुछन लग्या.
MAT 2:2 कि यहूदीयाहोन को राजो जेको जन्म हुयो हइ, वु खा हइ? क्युकी हम ने पूर्व मे ओको तारो देख्यो हइ अरु ओखे प्रणाम करण आनो हइ.
MAT 2:3 यो सुनीखे हेरोदेस राजो अरु ओका सात सब यरुशलेम घबरय गया.
MAT 2:4 तब ओने दुन्याहोन का सब प्राधन याजकहोन अरु नीयम शास्त्रिहोन खे जमा करीखे उनखे पुछ्यो, कि मसीह को जन्म खा होनु चास?
MAT 2:5 उनने ओकासे बोल्यो की यहूदीया देस का बैतलहम गाव मे. क्युकी भविष्यव्दक्ता का वजेसे लिख्यो गयो हइ
MAT 2:6 हे बैतलहम, तू जो यहूदा देस मे हइ, तू कोय भी रीति से तू यहूदा को अधिकारीहोन मे सब से छोटो नी. क्युकी तरा मे से एक राजो नीकले, जो मरी जनता इस्राएल की रखवाली कर्हे.
MAT 2:7 तब हेरोदेस ने तारा को आभ्यस करणवाला ज्ञानी इन्सानहोन खे चुपचाप से बुलय खे उनका से पुछ्यो, की तारो बराबर कोन सा टेम मे दिखय दियो थो.
MAT 2:8 अरु ओने यो बोलीखे उनखे बैतलहम भेज्यो, कि जयखे उ बच्चा का बारे मे बरोबर मालूम करीखे, अरु जब व्हा कुछ मीली जाह्ये ते मेखे खबर दे, ताकी मी भी अयखे ओखे प्रणाम कऱ्यु.
MAT 2:9 वे राजा की बात सुनीखे चली गया, अरु देख, जो तारो उनने पूर्व मे देख्यो थो, वु उनका आगे आगे चल्यो, अरु झा बच्चो थो. वा जगा का उपर पोचीखे रुखी गयो.
MAT 2:10 वु तारा खे देखी खे वे भोत खुश हुय गया.
MAT 2:11 उनने उ घर मे पोची खे वु बच्चा खे ओकी माय मरियम का सात देख्यो, अरु मुडा का उपर गिरीखे बच्चा खे प्रणाम कऱ्यो. अरु अपनी अपनी थैली खोली खे ओखे सोन्नो, अरु लोबान, अरु गन्धरस ओखे दान चडायो.
MAT 2:12 तब दृष्‍टान्‍त मे परमेश्वर का वजेसे या चेतावनी सुनी खे कि हेरोदेस का पास फिर नी जानु, उ दुसरी रस्ता से जय खे अपना देस मे चली गयो.
MAT 2:13 उनका चली जाना का बाद परमेश्वर को एक दूत ने सपना मे यूसुफ खे देखीखे बोल्यो, उट. वु बच्चा खे अरु ओकी माय खे लिखे मीस्र देस मे भागी जा. अरु जब तक मी तरा से नी बोलू तब तक व्हा र्हेनु. क्युकी हेरोदेस यो बच्चा खे ढुडना पर हइ कि ओखे मारी डालस.
MAT 2:14 तब उ रात मे उठीखे बच्चा खे अरु ओकी माय खे लिखे मीस्र देस मे चली गयो.
MAT 2:15 अरु हेरोदेस का मरना तक व्हा ऱ्हीयो. येका लिये की उ वचन जो प्रभु ने भविष्यव्दक्ता का वजेसे बोल्यो थो उ पुरो हुयो खे “मेने अपना बेटा खे मीस्र से बुलायो.”
MAT 2:16 जब हेरोदेस ने यो देख्यो, की पडीतहोन ने ओका सात धोको कऱ्यो हइ, तब उ घुस्सा से भरी गयो अरु दुन्या खे भेजी खे पडीतहोन का वजेसे तारा देखन का टेम का जसो बैतलहम अरु ओका आस पास का सब गावहोन का सब बच्चा खे जो दो साल का या ओकासे छोटा था, मारी डाल्या.
MAT 2:17 तब जो वचन यिर्मयाह भविष्यव्दक्ता का वजेसे बोल्यो गयो थो, उ पुरो हुयो.
MAT 2:18 “रामाह मे एक चित्कर, रोन सुनायो दियो, रोनो अरु बडो विलाप राहेल अपना बच्चा का लिये रोय री हइ अरु शांती होनु नी चाती थी ‍क्युकी उ अब नी ऱ्हीयो.”
MAT 2:19 हेरोदेस का मरना का बाद को प्रभु खे दूत ने मीस्र मे यूसुफ का सपना मे दिखय दिखे बोल्यो.
MAT 2:20 उट, बच्चो खे अरु ओकी माय खे लीखे इस्राएल देस मे चली जा. क्युकी जो बच्चा को जान लेनो चाहतो थो, उ मरी गयो.
MAT 2:21 यूसुफ नीद से उठ्यो, अरु बच्चा अरु ओकी माय खे सात लीखे इस्राएल का देस मे आया.
MAT 2:22 पन यो सुनी खे की अरखिलाउस अपना बाप हेरोदेस कि जगा यहूदीया पर राज्य करी रोस हइ, व्हा जाना से डरीखे फिर दृष्‍टान्‍त मे परमेश्वर से सुचना लीखे गलील देस मे चली गयो.
MAT 2:23 अरु नासरत नामको एक नगर मे जय बठ्या. ताकि उ वचन पुरो हुये खे जो भविष्यव्दक्ताहोन का वजेसे बोल्यो गयो थो, “उ नासरी बोल्यो जाह्ये.”
MAT 3:1 उ दिन मे यहून्ना बपतिस्मा देनवालो अयखे यहूदीया का जंगल मे यो प्रचार करण लग्यो.
MAT 3:2 अपना पाप से मन फिराव. क्युकी स्वर्ग को राज्यो नजीक अय गयो हइ.
MAT 3:3 यो उ हइ जोकी बात यशायाह भविष्यव्दक्ता का वजेसे करी गइ “जंगल मे एक पुकारन आलो को आवाज हुय रोस हइ, की प्रभु की रस्ता तैयार कर, ओकी सडक सीधी कर.”
MAT 3:4 यो यहून्ना उट का बाल का कपडा पेन्यो थो, अरु अपनी कमर मे चामडा को पट्टो बाध्यो हुयो थो, अरु ओको खानो टोटर अरु मोहरुस थो.
MAT 3:5 तब यरुशलेम का अरु सब यहूदीया, अरु यरदन नद्दी का आस पास का गाव का दुन्या ओका पास नीकली आया.
MAT 3:6 अरु अपना अपना पाप खे मानी खे यरदन नदी मे ओका से बपतिस्मा लियो.
MAT 3:7 जब ओने भोत सा फरीसीहोन अरु सदूकिहोन खे बपतिस्मा का लिये अपना पास आते देख्यो, ते उनसे बोल्यो, की हे साप का बच्चा तुम खे कोने बतय दियो, की आनवालो घुस्सा से भाग्यो?
MAT 3:8 अपना पाप से मन फिराव खे परमेश्वर तरप चली गयो असो जिवन खुद जिखे बता.
MAT 3:9 अरु अपना अपना मन मे यो नी सोचनू, की हमारो बाप अब्राहम हइ. क्युकी मी तुम से बोलूस हइ, की परमेश्वर यो फत्थर से अब्राहम का लिये बच्चो पैयदा करी सकस हइ.
MAT 3:10 अरु कुल्‍हाडी झाड की जडी पर रखी हुइ हइ, येका लिये जो जो झाड अच्छा फल नी लाय, ओखे, काट्यो अरु अंगार मे डाल्यो जास हइ.
MAT 3:11 मी तो पानी से मन फिराव को बपतिस्मा दियुस हइ, पन जो मरा बाद मे आनवालो हइ, उ मरासे भी शक्तिशाली हइ. मी ओका जुता खे उठान का योग्य नी, उ तुम खे पवित्र आत्मा अरु अंगार से बपतिस्मा देस.
MAT 3:12 ओको सुपडो ओका हात मे हइ, अरु उ अपना खेत अच्छा तरीका से सपा कऱ्हे, अरु अपना गहु खे खेत मे जमा कऱ्हे, पन भूसा खे उ अंगार मे जलाहे जो बुझन की नी.
MAT 3:13 उ टेम यीशु गलील से यरदन नद्दी का धुरा पर यहून्ना को पास ओकासे बपतिस्मा लेन आयो.
MAT 3:14 पन यहून्ना यो बोलीखे ओखे रोखन लग्यो, की मखे तरा हात से बपतिस्मा लेन की जरुरत हइ, अरु तू मरा पास आयो हइ?
MAT 3:15 यीशु ने ओखे यो उत्तर दियो, कि अब तो असो ही होन दे, क्युकी हमने या रीति से सब धार्मीकता खे पुरो करणो परमेश्वर कि नजर मे जरुरती हइ, तब ओने ओकी बात मानी ली.
MAT 3:16 अरु यीशु ने बपतिस्मा लिखे झल्दी पाणी मे से उपर आयो, अरु देख्यो, ओका लिये बद्दल खुली गयो. अरु ओने परमेश्वर की आत्मा खे कबूतर का जसो ओका उपर उतरते देख्यो.
MAT 3:17 अरु देख, या आकाशवाणी हुइ, “यो मरो लाड को बेटो हइ, जेका से मी पुरी तरह खुसी हइ.”
MAT 4:1 जब वा टेम मे आत्मा यीशु खे जंगल मे ली गयो ताकी सैतान से ओकी परीक्षा हुय.
MAT 4:2 उ चालीस दिन, अरु चालीस रात, उपास र्हीयो, तब ओखे भोत भुख लगी.
MAT 4:3 जब परखनआला ने नजीक अय खे ओका से बोल्यो, अगर तु परमेश्वर को बेटो आय, ते बोली दे, कि या फत्थर रोटी बनी जाह्ये.
MAT 4:4 यीशु ने उत्तर दियो, “की शास्त्र मे लिख्यो हइ, इन्सान फक्त रोटी मे से नी, पन हर एक वचन से जो परमेश्वर का मुडा से नीकलस हइ जिन्दो र्हीये.”
MAT 4:5 जब सैतान वोखे पवित्र नगर मे ली गयो अरु मन्‍दिर का छेडा पर खडो कर्यो
MAT 4:6 अरु ओकासे बोल्यो, अगर तु परमेश्वर को बेटो हइ, ते अपना आप खे नीच्चे गीऱ्य दे. क्युकी लिख्यो हइ, उ तरा बारे मे अपना स्वर्गदूत खे आज्ञा दिये. अरु वे तोखे हाथो हात उठय लीहे. असो नी होनु की तरा पाय मे फत्थर से ठोकर खाये.
MAT 4:7 यीशु ने ओकासे बोल्यो “शास्त्र मे यो भी लिख्यो हइ, कि तु प्रभु अपनो परमेश्वर की परीक्षा नी कर्हे.”
MAT 4:8 फिर सैतान ओखे एक भोत उची टेकडी, पर ली गयो अरु जगत कि महिमा राज्य अरु ओको वैभव बतायो.
MAT 4:9 ओकासे बोल्यो, कि अगर तु गिरी खे मेखे प्रणाम कर्हे, ते मी यो सब कुछ तोखे दि दियु.
MAT 4:10 जब यीशु ने ओकासे बोल्यो. हे सैतान दुर हुइ जा, क्युकी लिख्यो हइ, तु प्रभु अपना परमेश्वर खे प्रणाम कर, अरु फक्त ओखे उपासना कर.
MAT 4:11 जब सैतान ओका नजीक से चली गयो, अरु स्वर्गदूत अय खे ओकी सेवा करण लग्यो.
MAT 4:12 जब ओने यो सुन्यो की यहून्ना पकडि दियो गयो, ते व्हा गलील खे चली गयो.
MAT 4:13 अरु नासरत खे छोडी खे कफरनहूम मे जो नद्दी का धुरा जबूलून अरु नपताली खे देस मे हइ जय खे र्हेन लग्यो.
MAT 4:14 ताकी जो यशायाह भविष्यव्दक्ता का वजेसे बोल्यो गयो थो, उ पुरो हुये.
MAT 4:15 “नद्दी कि रस्ता से जबूलून अरु नपताली को देस, समुद्र कि रस्ता पर, यरदन नद्दी का उ पार, गैरयहूदीहोन को गलील.”
MAT 4:16 “जो दुन्या अंधारा मे बठ्या था, उनने बडो उजालो देख्यो. अरु जो मरन का देस अरु छाया मी बठ्यो थो, उन पर उजालो चमक्यो.”
MAT 4:17 वो टेम से यीशु ने प्रचार करणो अरु यो बोलनो सुर्वात कऱ्यो, “कि हमारा पाप से मन फिराव क्युकी स्वर्ग को राज नजीक आयो हइ.”
MAT 4:18 ओने गलील की नद्दी का धुरापर घुमते हुये दो भैइ अगर शमौन खे जो पतरस बोलस हइ, अरु ओको भैइ अन्द्रियास खे नद्दी मे जाल डालते देख्यो. क्युकी वे डिम्बरहोन था.
MAT 4:19 अरु ओने बोल्यो, “मरा पिछे चली खे आ, मी तुम खे इन्सानहोन खे परमेश्वर का राज मे लानवाला बानाह्यु.”
MAT 4:20 वे झल्दी जाल खे छोडी खे ओका पिछे लिया.
MAT 4:21 अरु व्हा से आगे बडी खे, ओने अरु दो भैइ अगर जब्दी को बेटो याकूब अरु ओको भैइ यहून्ना खे अपनो बाप जब्दी का सात डोंगा पर अपनी जाल खे सुधारते देख्यो. अरु उनखे भी बुलायो.
MAT 4:22 वे झल्दी डोंगा अरु अपना बाप खे छोडी खे ओका पिच्छे हुय गया.
MAT 4:23 अरु यीशु सब गलील मे घुमते हुयो उनका आराधनालयहोन मे उपदेस करतो थो, अरु राज को सुसमाचार प्रचार करतो थो, अरु दुन्याहोन की हर प्रकार की बिमारी अरु दुर्बलता खे दुर करतो र्हीयो.
MAT 4:24 अरु सब सीरिया देस मे ओको यश फैली गयो. अरु दुन्या सब बिमारी खे, जो दुसरी तरीका की बीमारीहोन अरु दुख मे पड्या हुया था, अरु जोमे बुरी आत्मा थी अरु मीर्गीआला अरु लखवा का रोगीहोन खे ओका पास लायो अरु ओने उन खे अच्छो कऱ्यो.
MAT 4:25 गलील अरु दिकापुलीस, यरुशलेम का यहूदीयाहोन अरु यरदन नदी का पार से बडी गर्दी ओका पिच्छे हुय गइ.
MAT 5:1 उ या गर्दी खे देखी खे, टेकडी पर चेढी गयो. अरु जब बठी गया ते ओका सेवक होन ओका पास आया.
MAT 5:2 यीशु ने उनखे शिक्षा देनो सुरु कऱ्यो
MAT 5:3 “अच्छो हइ उ, जो आत्मा से दीन हइ, क्योकि स्वर्ग को राज्य उनका मे हइ.”
MAT 5:4 “अच्छो हइ उ.” जो शोक करस हइ, क्युकी वे दुनीया शांती पाये.
MAT 5:5 “अच्छो हइ उ, जो नम्र हइ, क्योकि उ धरती को वारीस दार हुये.”
MAT 5:6 “अच्छो हइ उ, जो धार्मीकता को भूको अरु प्यासो हइ, क्युकी वे तृप्त धन्य कर्‍यो जाए.”
MAT 5:7 अच्छो हइ उ, जो दयावन हइ, किक्यु उन पर दया करी जाये.
MAT 5:8 अच्छो हइ उ जोको मन अच्छो हइ क्योकि उ परमेश्वर खे देखे.
MAT 5:9 अच्छो हइ उ जो शांती को काम करनवाला हइ; क्योकि वे परमेश्वर का बच्चा बोल्या जाये!
MAT 5:10 “अच्छो हइ उ जो धार्मीकता करनआला खे सतायो जास हइ; क्योकि स्वर्ग को राज्य उनकोय हइ!
MAT 5:11 “अच्छो हुये तुम जब इन्सान मरा कारन तुम्हारी मजाक उडाये अरु सताये अरु झुठ बोली खे तुम्हारा विरोध मे सब प्रकार की बुरी बात बोलस.
MAT 5:12 तब खुसी अरु मगन होनु, क्योकि तुम्हारा लिये स्वर्ग मे बडो प्रतीफल हइ. येका लिये कि उनने उ भविष्यव्दक्ता खे जो तुम से पैयले थो या रीति से सतायो थो.
MAT 5:13 “तुम पृथ्वी का नोन हुये. पन अगर नोन को सवाद बिगडी जाये ते उ फिर कोय चिज से खारो कऱ्यो जाये? फिर उ कोय काम को नी, फक्त येखे बाहेर फेक्यो जाए अरु इन्सानहोन का पाय का नीचे खुद्यो जाए.”
MAT 5:14 तुम जगत को दिवो हुये. जो गाव टेकडी पर बस्यो हुयो हइ उ रुखी नी सकस.
MAT 5:15 अरु दुन्या दिवो जलयखे टोपली, नीचे नी पन दिवा खे घर पर रखस हइ, तब ओकासे घर का सब दुन्याहोन खे उजालो पोचास हइ.
MAT 5:16 यो प्रकार तुम्हारो उजालो इन्सानहोन का सामने चमख्ये कि उ तुम्हारो अच्छो काम खे देख्ये तुम्हारा बाप खे, जो स्वर्ग मे हइ, महिमा कर्‍हे.
MAT 5:17 “यो नी समजनु, कि मी मूसा व्यवस्था यो भविष्यव्दक्ता कि शिक्षाहोन खे लोप करण आयो हइ, खतम करण नी आयो, पन पुरो करण आयो हइ.”
MAT 5:18 क्योकि मे तुमारा से सच्ची बोलुस हइ, कि जब तक बद्दल अरु पृथ्वी खतम नी हुइ जाह्ये तब तक व्यवस्था से एक मात्र यो टिम्बो बिना पुरो हुयो नी जाह्ये.
MAT 5:19 येका लिये जो कोय या छोटी सी छोटी आज्ञाहोन मे से कोय एक खे पालन नी कर्‍हे, अरु असो मे दुन्याहोन खे सिखास उ स्वर्ग का राज मे सबसे छोटो बोल्यो जाह्ये पन जो कोय वा आज्ञाहोन को पालन कर्‍हे अरु उनखे सिखाए, उ स्वर्ग का राज्य मे महान बोल्यो जाये.
MAT 5:20 क्युकी मी तुम से बोलुस हइ, कि अगर तुमारी धार्मीकता पंडीतहोन अरु फरीसीहोन की न्यायीपन से बडीखे नी हुये ते तुम स्वर्ग का राज्य मे कभी प्रवेश करणो नी पाये.
MAT 5:21 तुम सुनी चुक्या हइ, की पुरानो काल का दुन्याहोन से बोल्यो गयो थो, कि हत्या नी करणु अरु “जो कोय हत्या कर्‍हे उ कठोर दण्ड का योग्य हुये.
MAT 5:22 पन मी तुम से यो बोलुस हइ, कि जो कोय अपना भैइ पर घुस्सा कर्‍हे उ कोरट मे दण्ड का योग्य हुये अरु जो कोय भैइ खे नीकम्मो बोल्यो उ महासभा मे दण्ड का योग्य हुये. अरु जो कोय बोले अरे मुर्ख. उ नरक कि अंगार को दण्ड का योग्य हुये.”
MAT 5:23 येका लिए अगर तु अपनी दान वेदी पर ला अरु व्हा तु याद कर, कि मरा भैइ का मन मे मरा तरप से कुछ विरोध हइ.
MAT 5:24 ते अपनी दान वा वेदी का सामने छोडी दे, अरु जेखे पैयले अपना भैइ से मेल मीलाप कर. फिर अयखे अपनी दान चेडानु.
MAT 5:25 जब तक न्याय तु अपना दुशमन का साथ रस्ता मे हइ, ओकासे झटपट मेल मीलाप करी ले खय असो नी हुये कि दुशमन तोखे डॉक्टर खे सोपे, अरु डॉक्टर तोखे सेवक खे सोपी दिये अरु तू जेल खाना मे डाली दिये जाए.
MAT 5:26 मी तुम से सच्ची बोलुस हइ कि जब तक तु एक-एक सिक्का खे चुकय नी दे तब तक व्हा से छुटयो नी पाये.
MAT 5:27 तुम सुनी चुक्या हइ कि बोल्यो गया थो, व्यभिचार नी करणु.
MAT 5:28 पन मी तुम से यो बोलुस हइ, कि जो कोइ कोय बय पर बुरीनजर डाले उ अपना मन मे ओकासे व्यभिचार करी चुक्यो.
MAT 5:29 अगर तरो जवनो आख तोखे ठोकर खलाये ते ओखे नीकाली खे फेकी दे. क्युकी तरा लिये योही अच्छो हइ कि तरा आंग मे से एक नास हुये जाये अरु तरो पुरो आंग नरक मे नी डाल्यो जाये.
MAT 5:30 अरु अगर तरो जवनो हात तोखे ठोकर खलाये का ते ओखे काटी खे फेकी दे, क्योकि तरा लिये योही अच्छो हइ, कि तरा आंग मे से एक आंग खतम हुये जाये अरु तरो पुरो आंग नरक मे नी डाल्यो जाये.
MAT 5:31 यो भी बोल्यो गयो थो, जो कोय अपनी लुगेन खे छोडी दे, ते ओखे फरकती दे.
MAT 5:32 पन मी तरा से यो बोलुस हइ कि जो कोय अपनी लुगेन खे व्यभिचार का वजेसे कोय अरु करण से फरकती देस, ते उ ओकासे व्यभिचार करवास हइ. अरु जो कोय वा छोडी हुये से भ्याव कर, उ व्यभिचार करस हइ.
MAT 5:33 फिर तुम सुनी चुक्या हइ, कि पुराना जमाना का दुन्याहोन से बोल्यो गयो थो, झुठी कसम नी खानु, पन परमेश्वर का लिये अपनी कसम खे पुरी करणु.
MAT 5:34 पन मी तुम से यो बोलुस हइ, कि कभी कसम नी खानु. नी ते स्वर्ग की, किक्यु उ परमेश्वर की राजगद्दी हइ.
MAT 5:35 नी जमीन की, किक्यु वा ओका पाय की चौकी हइ. नी यरुशलेम की, किक्यु उ महा राजा को गाव हइ.
MAT 5:36 अपना माथा की भी कसम नी खानु किक्यु तु एक बाल खे भी सफेद या कालो नी करी सकस हइ.
MAT 5:37 पन तुम्हारी बात हव की हव, या नी कि नी हुये. किक्यु जो कुछ येका से अधिक होस हइ उ बुरो मे होस हइ.
MAT 5:38 तुम सुनी चुक्या हइ, कि बोल्यो गयो थो, कि आख का बदलो आख, अरु दात का बदलो दात.
MAT 5:39 पन मी तुमसे यो बोलुस हइ, जो तुम से बुरो व्यव्हार करस हइ ओको सामनो नी करणु. पन जो कोय तरा जवनो गाल पर थप्पड मारे ते ओका तरप दुसरो भी गाल दी देनु.
MAT 5:40 अरु अगर कोय तरा पर मुकद्दमो करीखे तरो कुर्ता लेनो चास ते ओखे कपडो भी लेन दे.
MAT 5:41 अरु जो कोय तोखे भोत दुर मजबुरी मे ली जाये ते ओका साथ दो कोस चली जा.
MAT 5:42 अरु जो कोय तरा से मागे, ओखे दे. अरु जो तरा से उधार लेनु चाह्ये, ओकासे मुडो नी मोडनु.
MAT 5:43 तुम सुनी चुक्या हइ, कि बोल्यो गयो थो. कि अपना पडोसी से प्रेम रखनु अरु अपना दुसमन से दुर कर.
MAT 5:44 पन मी तुम से यो बोलुस हइ, कि अपना दुसमन होन से प्रेम रखनु अरु अपना सतानआलो का लिये प्रार्थना करणु.
MAT 5:45 जेका से तुम अपना स्वर्गीय बाप, बच्चा ऱ्हीये क्योकि उ अच्छो अरु बुरो दोय पर अपनो सुरज नीकलस हइ, अरु न्याय अरु धर्मी पन पर पाणी बरसास हइ.
MAT 5:46 किक्यु अगर तुम अपनो प्रेम रखनआला हि से प्रेम रखे, ते तुम्हारा लिये लाभ हुये, चुगी लेनआला भी असो नी करस.
MAT 5:47 अरु अगर तुम फक्त अपना भैइहोन खे हि नमस्कार कर्हे, ते कोन सो बडो काम करस हइ? गैरयहूदिहोन भी असो नी करस.
MAT 5:48 येका लिये सही कि तुम पक्को बन, जसो तुम्हारो स्वर्गीय बाप पक्को हइ.
MAT 6:1 हुशार ऱ्हे तुम इन्सानहोन खे देखन का लिये अपनो धार्मीकता को काम नी करस, नी ते अपना स्वर्गीय बाप से कुछ भी फल नी पास.
MAT 6:2 येका लिये जब तु दान कर्‍हे, ते अपनो ढिडोरो नी पिटनु, जसा कपटि राधनालयहोन अरु गल्लिहोन मे करस हइ, ताकी दुन्या उनकि महिमा कह्रे, मी तरा से सच्ची बोलुस हइ ,कि वे अपनो प्रतीफल ली लिये.
MAT 6:3 पन जब तु दान कर्‍हे, ते जो तरो जवनो हात करस हइ, ओखे तरो डाखोर्‍या हात खे मालुम नी होन देनु.
MAT 6:4 ताकि तरो दान गुप्त ऱ्हीहे. अरु तब तरो बाप जो गुप्त मे देखस हइ, तोखे प्रतीफल दिये.
MAT 6:5 अरु जब तु प्रार्थना कर्‍हे, ते कपटिहोन का जसो नी हुये क्योकि दुन्याहोन खे देखन का लिये यहूदीया आराधनालय मे अरु सडकहोन, मोड पर खडो हुइ खे प्रार्थना करणु उनखे अच्छो लगस हइ. मी तरा से सच्ची बोलुस हइ, कि वे अपनो प्रतीफल ली लिये.
MAT 6:6 पन जब तु प्रार्थना कर्‍हे, ते अपनी झोपडि मे जा. अरु दरवाजो बन्द करी खे अपना बाप से जो चुपचाप मे हइ प्रार्थना कर. अरु तब तरो बाप जो चुपचाप मे देखस हइ, तोखे प्रतीफल दिये.
MAT 6:7 प्रार्थना करण का टेम गैरयहूदिहोन का जसो बक-बक नी करणु. क्योकि वे समझस हइ कि उनका भोत बोलना से उनकी सुनी जाये.
MAT 6:8 येका लिये तुम उनका जसो नी बन्नु, क्योकि तुम्हारो बाप तुम्हारा मागना से पैयले हि जानस हइ, कि तुम्हारी का जरुरत हइ.
MAT 6:9 अन्नत तुम या रिती से प्रार्थना कऱ्यो कर्‍हे हे, हमारा बाप तु जो स्वर्ग मे हमारा बाप हइ. तरो नाम पवित्र मान्यो जास;
MAT 6:10 “तरो राज्य आयो. तरी इच्छा जसी स्वर्ग मे पुरी होस हइ” असो पृथ्वी पर भी हुये.
MAT 6:11 हमारी दिन भर की रोटी आज हमखे दे.
MAT 6:12 अरु जो प्रकार हमने अपना गुना खे माफ कऱ्यो हइ, असो हि तु भी हमारी बुराइ खे माफ कर.
MAT 6:13 अरु हमखे परीक्षा मे मत ला, पन बुरोइ से बचास. क्युकी राज्य अरु पराक्रम अरु महिमा कभी भी तरी ही हइ. आमीन.
MAT 6:14 “येका लिये अगर तुम इन्सान को बुरो माफ कर्‍हे, ते तुम्हारो स्वर्गीय बाप भी तुमखे माफ करस.
MAT 6:15 अरु अगर तुम इन्सानहोन को बुरो माफ नी करस, ते तुम्हारो बाप भी तुम्हारो बुरो माफ नी कर्‍हे.”
MAT 6:16 “जब तुम उपास कर्‍हे ते कपटिहोन का जसी तुम्हारो मुडा पर उदास नी ऱ्हेनु क्योकी वे अपनो मुडो बनायो ऱ्हेस हइ, ताकी दुन्या उनखे उपास जानस. मी तुम से सच्ची बोलुस हइ, कि वे अपनो प्रतीफल ली चुक्या.
MAT 6:17 पन जब तू उपास करस ते अपना माथा पर तेल लगा अरु मुडो धोयले.
MAT 6:18 ताकी दुन्या नी पन तरो बाप जो गुप्त मे हइ, तोखे भुको जान्यो. या दशा मे तरो बाप जो गुप्त मे देखस हइ, तोखे प्रतीफल दिये.”
MAT 6:19 “अपना लिये जमीन पर धन जमा नी करणु. जेमे कीडा अरु जंग लगस हइ, अरु चोरहोन तोडफोड करी खे चोरी करस हइ.
MAT 6:20 पन अपना लिये स्वर्ग मे धन जमा कर, जेमे कीडा अरु जंग लगस हइ, अरु चोरहोन तोडफोड करीखे चोरी करस हइ.
MAT 6:21 क्योकी तरो धन हइ ओमे तरो मन भी लग्यो ऱ्हेस.”
MAT 6:22 “आंग को दिवो आख हइ. येका लिये अगर तरा आख अच्छा हुये ते तरो पुरो आंग भी उजालो हुये;
MAT 6:23 पन अगर तरा आख बुरा हुये तरो पुरो आंग भी अंधारा मे ऱ्हीये. येका कारण उ उजालो जो तरा मे हइ अगर अधारो हुये ते उ अधारो कसो डरवानो हुये.”
MAT 6:24 “कोय इन्सान दो स्वामीहोन की सेवा नी करी सकस, क्युकी उ एक से दुजाभाव अरु दुसरा से प्रेम रखस, या एक से नीष्ठावान ऱ्हिये अरु दूसरा को तिरस्कार कर्ये. तुम परमेश्वर अरु धन दोइ की सेवा नी करी सकस.”
MAT 6:25 येका लिये मी तुम से बोलुस हइ, कि अपना जान का लिये यो चिन्ता नी करणु कि हम का खाये अरु का पीये अरु नी अपना आंग का लिये की का पेने का जान खाना से, अरु आंग से कपडा से बडीखे नी?
MAT 6:26 बदल की पक्षिहोन खे देख! वे नी बोलस हइ, वे नी काटस हइ, अरु नी खेत मे जमा हइ. ते भी तुम्हारो स्वर्गीय बाप उनखे खलास हइ, तुम उनसे अधिक महत्व नी रखस?
MAT 6:27 तुम मे कोन हइ, जो चिन्ता करीखे अपना जिवन काल मे एक टेम भी महिमा करी सकस हइ?
MAT 6:28 “अरु कपडा का लिये काय बार चिन्ता करस हइ? जंगल का फुल पर ध्यान कर, कि वे कसा बढस हइ, वे नी ते महीनत करस हइ, अरु उनका कपडा बनास हइ.
MAT 6:29 ते भी मी तुम से बोलुस हइ, कि सुलैमान भी, अपना सब महिमा मे ओमे से कोय का जसा कपडा पेन्यो हुयो नी थो.
MAT 6:30 येका लिये जब परमेश्वर मैदान का घास खे, जो आज हइ, अरु कल अंगार मे डाल्यो जाये असो कपडा पेन्यो हइ, ते हे अल्पविश्वासिहोन, तुम खे योका नी पेनास.”
MAT 6:31 “येका लिये तुम चिन्ता करी खे यो नी बोलनु, कि हम का खाये या का पीये या का पेन्हे?
MAT 6:32 क्युकी गैरयहूदिहोन सब चिजहोन खे ढुढना मे ऱ्हेस हइ, अरु तुम्हारो स्वर्गीय बाप जानस हइ, की तुमखे या सब चिज होनु.
MAT 6:33 येका लिये पैयले तुम परमेश्वर का राज्य अरु धार्मीकता खे ढुढतो कर ते या सब चिज तुमखे मीली जाये.
MAT 6:34 आखरी कल का लिये चिन्ता नी करणु, क्युकी कल को दिन अपनी चिन्ता खुद करी लेस आज का लिये आज को ही दुख भोत हइ.
MAT 7:1 “दोष मत लगानु, जब की तुम पर भी दोष नी लगायो जाये
MAT 7:2 क्युकी जो प्रकार तुम दोष लगास हुये खे उ प्रकार तुम पर भी दोष लगायो जाये. अरु जो माप से तुम मापस हइ, ओका से तुमारा लिये भी नाप्यो जाये.”
MAT 7:3 “तु का अपना भैइ का आख खे तिनका देखस हइ, अरु अपना आख कि लाकडी तोखे नी सुझस?
MAT 7:4 जब तरा ही आख मे लाकडी हइ, ते तु अपना भैइ से कसो बोली सकस हइ, ला मी तरा आख से कचरो नीकाली दिउस.”
MAT 7:5 हे पाखण्डी, पैयले अपना आख मे से लाकडी नीकाली ले, तब तु अपना भैइ का आख को कचरो भली भाति देखीखे नीकाली सकस.
MAT 7:6 पवित्र चिज कुत्ताहोन खे नी देनु, अरु अपना किमती चिज डुक्कर का आगे मत डालनु. असो नी हुये की वे उनखे पाय का नीचे दबाये, अरु पलटी खे तुम खे फाडी डाले.
MAT 7:7 माग, ते तुम खे दियो जाये. ढुडे, ते तुम खे मीले. दरवाजो बजा, ते तुम्हारा लिए खोल्यो जाये.
MAT 7:8 क्युकी जो कोय मागस हइ, ओखे मीलस हइ. अरु जो ढुडस हइ, वे लेस हइ. अरु जो दरवजो बजास हइ, ओका लिये खोल्यो जाये.
MAT 7:9 “तुम मे से असो कोन सो इन्सान हइ, कि अगर ओको बेटो ओकासे रोटी मागे, ते उ ओखे पत्थर दिये.
MAT 7:10 यो मंछी मागे, ते ओखे साप दिये.
MAT 7:11 जब तुम बुरा हुइ खे, अपना बच्चाहोन खे अच्छो चिज देनु जानस हइ, ते तुम्हरो स्वर्गीय बाप अपना मागनवाला खे अच्छो चिज का नी देस”
MAT 7:12 येका करण जो कुछ तुम चास हइ, की इन्सान तुमारा सात करस, तुम भी उनका सात असो हि करणु. क्योकि मूसा की व्यवस्था, अरु भविष्यव्दक्ता कि शिक्षा यही हइ.
MAT 7:13 “छोटा दरवाजो से प्रवेश कर, किक्यु चौडो हइ उ दरवाजो अरु सीधी हइ वा रस्ता जो विनाश का तरप ली जास हइ. अरु भोत सारा दुन्या हइ जो ओकासे आनजानो करस हइ.
MAT 7:14 क्योकि संकेत हइ उ दरवाजो अरु कठिन हइ वा रस्ता जो जिवन खे पहुचास हइ, अरु जरासा दुन्या ओका पास हइ.”
MAT 7:15 “झुटा भविष्यव्दक्ताहोन से हुशार ऱ्हे, जो मेढाहोन का भेस मे तुम्हारा पास आस हइ, पन अन्नत मे फाडनआलो लाडग्यो हइ.
MAT 7:16 उनका से तुम उनखे पैच्छानी लेस, काटा की झुडुप से अंगूर, या जंगल झाड से अंजीर तोडस हइ?
MAT 7:17 यो प्रकार हर एक अच्छो झाड अच्छो फल लास हइ अरु नीकम्मो झाड बुरो फल लास हइ.
MAT 7:18 अच्छो झाड बुरो फल नी लय सकस, अरु नी नीकम्मो झाड अच्छो फल लय सकस हइ.
MAT 7:19 जो-जो झाड अच्छो फल नी लास, अरु उ काटस, अरु अंगार मे डाल्यो जास हइ.
MAT 7:20 आखरी उनका काम से तुम झुठो भविष्यव्दक्ताहोन पैच्छानी लेस.
MAT 7:21 “जो मरासे, हे ‘प्रभु, हे प्रभु’ बोलस हइ, ओमे से हर एक स्वर्ग का राज्य मे प्रवेश नी करस, पन वा जो मरा स्वर्गीय बाप कि इच्छा पर चलस हइ.
MAT 7:22 न्याय कादिन भोत दुन्या मरासे बोलस ‘हे प्रभु, हे प्रभु, हमने तरा नाम से भविष्यवाणी नी करी, अरु तरा नाम से बुरी आत्माहोन खे नी नीकली, अरु तरा नाम से भोत चमत्कार को काम नी कऱ्यो.’
MAT 7:23 तब मी उनखे खोली खे बोली दियु, मेने तुम खे कभी नी जान्यो, हे बुरो करणवाला मरा पास से जय जा.
MAT 7:24 “येकालिये जो कोय मरी या बात सुनीखे उनखे करस हइ उ ओखे डिमाकआलो इन्सान का जसो बताये जेने अपनो घर पत्थर पर बनायो.
MAT 7:25 अरु पानी आयो, अरु पुर अय अरु हवाधुन हुइ, अरु वु घर पर टाकरा लगया, पन वु घर नी गिऱ्यो, क्युकी ओका पय्या पत्थर पर डाली गइ थी.
MAT 7:26 “पन जो कोय मरी या बात खे सुनस हइ अरु उन पर नी चलास वे उ बेडिमाक इन्सान का जसो ऱ्हीहे जेने अपनो घर रेती पर बनायो.
MAT 7:27 अरु पाणी गिर्यो, अरु पुर अय, अरु हवाधुन हुइ, अरु उ घर पर टाकरइ अरु वु गिरीखे सत्यानाश हुये गयो.”
MAT 7:28 जब यीशु या बात बोली दिये, ते असो हुयो की गर्दी ओका उपदेस से चकित हुइ.
MAT 7:29 किक्यु उ उनका पंडीतहोन का जसो नी पन अधिकारी का जसो उनखे उपदेस देतो थो.
MAT 8:1 जब यीशु वा टेकडी से उतर्‍यो, ते एक बडी गर्दी ओका पीछे चलन लग्यी.
MAT 8:2 अरु एक कोढी ने पास अयखे ओखे प्रणाम कऱ्यो अरु बोल्यो, “हे प्रभु, अगर तु चाये ते मेखे अच्छो करी सकस हइ.”
MAT 8:3 यीशु ने हात उटयखे ओखे छुयो, अरु बोल्यो, “मी चैवस हइ, तू अच्छो हुइ जाये” अरु उ झल्दी कोढ से अच्छो हुइ गयो.
MAT 8:4 यीशु ने ओकासे बोल्यो, “देख, कोय से नी बोलनु, पन जयखे अपना आप खे याजक खे देख्यो अरु जो दान चढायो मूसा ने रुख्यो हइ ओखे चेढा, ताकी ओका लिये गवाह हुये.”
MAT 8:5 अरु जब उ कफरनहूम मे आयो ते एक रोमी सेनापति ने ओका पास अयखे ओकासे प्रार्थना करी.
MAT 8:6 “हे प्रभु, मरो सेवक घर मे लकवा को मारो भोत दुख पीडा मे हइ.”
MAT 8:7 ओने ओकासे बोल्यो, “मी अयखे ओखे अच्छो कऱ्यु,”
MAT 8:8 सेनापति ने उत्तर दियो, “हे प्रभु, मी यो योग्य नी कि तु मरा घर मे आयो, पर फक्त मुडा से बोली दे ते मरो सेवक अच्छो हुइ जाये.”
MAT 8:9 क्युकी मी भी अधिकार इन्सान हइ, अरु सेवक मरा हात मे हइ, अरु जब एक से बोलस हइ, जा, ते उ जास हइ. अरु दुसरा खे, आ, ते उ आस हइ, अरु अपना दास से बोलस हइ, की यो कर, ते उ करस हइ.
MAT 8:10 यो सुनीखे यीशु ने अचम्बो कऱ्यो, अरु जो ओका पीछे ए रा था उनका से बोल्यो कि “मी तुम से सच्ची बोलुस हइ खे कि मेने इस्राएल मे भी असो विश्वास नी पायो.”
MAT 8:11 अरु मी तुम से बोलुस हइ, कि भोत सारा पूर्व अरु पश्चिम से अयखे अब्राहम अरु इसहाक अरु याकूब का साथ स्वर्ग का राज्य मे बठ.
MAT 8:12 पन राज को वारीस बाहेर अंधारा मे डाली दिया जाये व्हा रोनो अरु दात खे कटरनो हुये.
MAT 8:13 अरु यीशु ने सेनापति से बोल्यो, “जा जसो तरो विश्वास हइ, असो ही तरा लिये हुये.” अरु ओको सेवक उ टेम अच्छो हुइ गयो.
MAT 8:14 अरु यीशु ने पतरस का घर मे अयखे ओकी सासु खे तेज बुखार मे पडी देखी.
MAT 8:15 ओने ओको हात पड्यो अरु ओको बुखार उतरी गयो. अरु वा उठी खे ओकी सेवा करण लगी.
MAT 8:16 जब संज्जा हुइ तब वे ओका पास भोत से दुन्याहोन खे लायो जोमे बुरी आत्मा थी अरु ओने वा आत्माहोन खे अपना वचन से नीकाली दियो, अरु सब बेमारहोन खे अच्छो कऱ्यो.
MAT 8:17 ताकी जो वचन यशायाह भविष्यव्दक्ता का वजेसे बोल्यो गयो थो उ पुरो हुये “ओने खुद हमारी दुर्बलताहोन खे ली लियो अरु हमारी बेमारहोन खे उठय लियो.”
MAT 8:18 यीशु ने अपना चारी तरप एक बडी गर्दी देखी खे नद्दी का वा पार जान की आज्ञा दी.
MAT 8:19 अरु एक पंडीत ने ओका पास अयखे ओकासे बोल्यो, “हे गुरु, तु जहा कही तू जाये वहा मी तरा पीछे-पीछे हुइ लियु.”
MAT 8:20 यीशु ने ओकासे बोल्यो, “लाडग्याहोन को घर अरु बद्दल की पक्षिहोन को बसेरो होस हइ. पन इन्सान का बेटा का लिये माथो धरन की भी जगा नी हइ.”
MAT 8:21 एक अरु सेवक ने ओकासे बोल्यो, “हे प्रभु, मेखे पैयले जान दे, की अपना बाप खे गाडी दियु.”
MAT 8:22 यीशु ने ओकासे बोल्यो, “तु मरा पीछे हुइ ले. अरु मुर्दा खे अपना मुर्दाहोन खे गाडन दे.”
MAT 8:23 जब उ डोंगा पर चेढ्यो, ते ओका सेवक ओका पीछे हुइ लिया.
MAT 8:24 “अरु नदी मे एक असो बडो तुफान उठ्यो की डोंगा पानी की लहर से ढुबन लगी. अरु उ सोय रो थो.
MAT 8:25 तब उनने ओका पास अयखे ओखे जगायो, अरु बोल्यो, हे प्रभु, हमखे बचा, हम खतम हुय रास हइ.”
MAT 8:26 ओने उनका से बोल्यो, “हे अल्पविश्वासिहोन, क्यु डरस हइ?” तब ओने उठीखे हवा अरु पानी खे धमकायो, अरु सब शान्त हुइ गयो.
MAT 8:27 अरु दुनीया खे अचम्बो करीखे बोलन लग्यो, “यो कसो इन्सान हइ, कि हवा अरु पानी भी ओकि आज्ञा मानस हइ.”
MAT 8:28 जब उ वा पार गदरेनीयो का देश मे पोच्यो, ते दो इन्सान जोमे बुरी आत्मा थी कब्र से नीकलते हुये ओखे मीली, जो येतना बलवान था कि कोय वा रस्ता से जय नी सकस हइ.
MAT 8:29 अरु, उनने चिल्लय खे बोल्यो, “हे परमेश्वर का बेटा, हमारो तरा से काम का तु टेम से पैयले हमखे दुख देन ह्या आयो हइ.”
MAT 8:30 उनसे कुछ दुर भोत सा डुक्कर को एक झुड चरी रो थो.
MAT 8:31 बुरी आत्माहोन ने ओकासे बोलीखे प्रार्थना करी, “अगर तु हमखे नीकलस हइ अरु डुक्कर का झुण्ड मे भेजी देस”
MAT 8:32 ओने उनका से बोल्यो, “जा!” अरु उ नीकली खे डुक्कर मे घुसी गया अरु पुरो झुण्ड धुरा पर से झपटिखे पानी मे जय पड्यो अरु डुबी खे मऱ्यो.
MAT 8:33 अरु चरानआला भागीगा, अरु गाव मे जयखे या सब बात अरु जोमे बुरी आत्मा थी. उनको पुरो हाल सुनायो.
MAT 8:34 अरु सब गाव का दुन्या यीशु से मीलन खे नीकली आया अरु ओखे देखीखे प्रार्थना करी की हमारो देश से बाहेर नीकली जा.
MAT 9:1 फिर यीशु डोंगा पर चेडी खे वा पार गयो, अरु अपना गाव मे आयो.
MAT 9:2 अरु देख, कोइ दुन्या एक लकवा को माऱ्यो हुया खे खटीया पर रखी खे ओका पास लायो. यीशु ने ओको विश्वास देखी खे, उ लकवे को माऱ्यो हुयो से बोल्यो, “हे बेटा, हिम्मत रख. तरो पाप माफ हुये गया.”
MAT 9:3 अरु कोय पंडीतहोन आपस मे बोलन लग्या, “यो तो परमेश्वर की नीन्दा करस हइ.”
MAT 9:4 यीशु ने उनका मन कि बात जानीखे बोल्यो, “तुम दुन्या अपना-अपना मन मे बुरो बिचार करी रास हइ?
MAT 9:5 सिधो का हइ? यो बोलनो, ‘तरा पाप माफ हुया’ या यो बोलनो, ‘उट अरु चल फिर.’
MAT 9:6 पन तुम यो जानी ले की इन्सान का बेटा खे पृथ्वी पर पाप माफ करण को अधिकार हइ.” येका लिये ओने लखवा को माऱ्यो हुयो से बोल्यो, “उट, अपनी खटीया उठा, अरु अपना घर जय जा.”
MAT 9:7 उ उठीखे अपना घर चली गयो.
MAT 9:8 दुन्या यो देखीखे डरी गया अरु परमेश्वर कि महिमा करण लग्या जेने इन्सानहोन खे असो अधिकार दियो हइ.
MAT 9:9 वा से आगे बडीखे यीशु ने मत्ती नाम को एक इन्सान खे चुंगी की चौकी पर बठ्यो देख्यो, अरु ओकासे बोल्यो, “मरा पीछे हुइ लियो.” उ उठीखे ओका पीछे हुइ लियो.
MAT 9:10 अरु जब उ मत्ती का घर मे खानो खान का लिये बठ्यो ते भोत जन चुंगी लेनआला अरु पापी अयखे यीशु अरु ओका सेवक का साथ खान बठ्या.
MAT 9:11 यो देखीखे फरीसीहोन ने ओका सेवक से बोल्यो, “तुम्हारो गुरु चुंगी लेनवाला अरु पापीहोन का साथ का खास हइ?”
MAT 9:12 यो सुनीखे यीशु ने ओकासे बोल्यो, “डाक्टर अच्छा भला खे नी पन बेमारहोन का लिये आकुल्यक हइ.
MAT 9:13 येका लिये तुम जयखे येको अर्थ सीखी ले, कि मी जनवर को बलिदान नी पन दया चाउस हइ. क्योकी मी धर्मीहोन खे नी पन पापीहोन खे बुलान आयो हइ.”
MAT 9:14 तब यहून्ना को सेवक ने ओका पास अयखे बोल्यो, “का कारण हइ कि हम अरु फरीसी येतना उपास करस हइ, पर तरा सेवक उपास नी करस?”
MAT 9:15 यीशु ने ओकासे बोल्यो “बरात जब तक दुलो उनका साथ हइ, दुख करी सकस हइ? पर वे दिन आस कि दुलो उनसे अलग, कऱ्यो जास, उ टेम वे उपास कर्‍हे.
MAT 9:16 “नवा कपडा को थेगडो पुराना कपडा पर कोइ नी लगास, क्युकी उ जोड्यो कपडा से अरु कुछ खीची लेस हइ, अरु उ जादा फटी जास हइ.
MAT 9:17 अरु दुन्या नवो अंगूर को रस पुराना चामडा का झोरा मे नी भरस हइ. क्युकी असो करणा से चामडा को झोरो फुटी जास हइ, अरु अंगूर को रस बोह्य जास हइ, अरु चामडा को झोरो खतम हुइ जास हइ, पन नवो अंगूर को रस नवा चामडा का झोरा मे भरस हइ, अरु उ दो बच्यो ऱ्हेस हइ.”
MAT 9:18 उ ओकासे या बात बोली ही रो थो, कि देख, एक मुखियो ने अयखे ओखे प्रणाम कऱ्यो अरु बोल्यो, “मरी बेटी अभी मरी हइ. पन चडीखे अपनो हात ओका पर रख, ते वा जिन्दी हुइ जाये.”
MAT 9:19 यीशु उठीखे अपना सेवक का सात ओका पीछे हुइ लिया.
MAT 9:20 अरु देख, एक बय ने जेखे बारा साल से खुन बोहायो थो ओका पीछे से अयखे ओका कपडा को कोना खे पकडी लियो.
MAT 9:21 क्युकी उ अपना मन मे बोलतो थो, “अगर मी ओका कपडा खे पकडी लिह्यु ते अच्छी हुइ जायु.”
MAT 9:22 यीशु ने पलटी खे ओखे देख्यो अरु बोल्यो, “बेटी हिम्मत रख. तरा विश्वास ने तोखे अच्छो कऱ्यो हइ.” फिर वा बय उ टेम मे अच्छी हुइ गइ.
MAT 9:23 जब यीशु उ मुखिया का घर मे पोच्यो अरु बासरी बजानवाला अरु गर्दी मे हल्लो मचाते देख्यो,
MAT 9:24 तब यीशु ने बोल्यो, “हटी जा, पोरय मरी नी, पर सोय हइ.” येका पर वे ओकी हसी करण लग्या.
MAT 9:25 पन जब गर्दी नीकाली दी गइ, ते ओने अंदर जयखे पोरय को हात पकडीखे उठायो, अरु वा खडी हुइ गइ.
MAT 9:26 अरु या बात की चर्चा पुरा देस मे फैली गय.
MAT 9:27 जब यीशु व्हा से आगे बढ्यो, ते दो अंधा ओका पीछे यो बुलाते हुइ चल्यो, “हे दाउद को बेटा, हम पर दया कर.”
MAT 9:28 जब उ घर मे पोच्यो, ते वे अंधा ओका पास आया, अरु यीशु ने ओकासे बोल्यो “तुमखे विश्वास हइ, की मी तुमखे अच्छो करी सकुस हइ?” ओने ओकासे बोल्यो, “हव प्रभु.”
MAT 9:29 तब यीशु ने ओकी आख पकडिखे बोल्यो, “तुम्हारो विश्वास का जसो तुम्हारा लिये हुइ.”
MAT 9:30 अरु ओका आख खुली गया अरु यीशु ने उनखे आदेस का साथ हुशार कऱ्यो अरु बोल्यो, “हुशार, कोय या बात खे नी जानस.”
MAT 9:31 पर ओने नीकली खे सब देस मे ओको समाचार फैल्य दियो.
MAT 9:32 जब वे बाहेर जय रा था, तब दुन्या एक गूगा खे जोमे बुरीआत्मा थी ओका पास लायो.
MAT 9:33 अरु जब बुरी आत्माहोन नीकाली दी गय, ते गूगो बोलन लग्यो. अरु गर्दी ने अचम्बो करीखे बोल्यो, “इस्राएल मे असो कभी नी देख्यो गयो.”
MAT 9:34 पन फरीसीहोन ने बोल्यो, “यो तो बुरी आत्माहोन का मुखिया की सहायता से बुरी आत्माहोन खे नीकालस हइ.”
MAT 9:35 अरु यीशु सब नगर अरु गाव मे फिरस ऱ्हेस अरु ओका आराधनालय मे उपदेस करस, अरु राज्य को सुसमाचार प्रचार करस, अरु हर प्रकार की बेमारी अरु दुर्बलता खे अच्छो करतो थो.
MAT 9:36 जब ओने गर्दी खे देख्यो ते ओखे दुन्या पर दया अय, क्युकी वे उ मेडा का जसो जेको कोय ठाट्यो नी हइ, व्याकुल अरु भटक्या हुया खे जसो थो.
MAT 9:37 तब यीशु ने अपना सेवक से बोल्यो, “पीक तो भोत हइ पर मजुर जरासा हइ.
MAT 9:38 येका लिये खेत का स्वामी से प्रार्थना कर कि उ अपना खेत मे काम करण का लिये मजुर भेजी दे.”
MAT 10:1 फिर ओने अपना बारा सेवक खे पास बुलय खे, ओने बुरी आत्माहोन पर अधिकार दियो, की उनखे नीकाल अरु सब प्रकार की बेमारीहोन अरु सब प्रकार की दुर्बलताहोन खे दुर कर.
MAT 10:2 ये बारा प्रेरितहोन को नाम यो हइ पयलो शमौन, जो पतरस बोलस हइ, अरु ओको भैइ अन्द्रियास. जब्दी को बेटो याकूब, अरु ओको भैइ यहून्ना.
MAT 10:3 फिलिप्पुस अरु बरतुल्मै, थोमा, अरु चुंगी लेनआलो मत्ती, हलफइस को बेटो याकूब अरु तद्दै.
MAT 10:4 शमौन कनानी, अरु यहूदा इस्करियोती, जेने ओखे पकडायो.
MAT 10:5 ये बाराहोन खे यीशु ने यो आदेस दिखे भेज्यो, “गैरयहूदीहोन का तरप नी जानु, अरु सामरीहोन का कोय नगर मे प्रवेश नी करणु.
MAT 10:6 पन इस्राएल का घरानो की ही गम्या हुया मेडा का पास जानु.”
MAT 10:7 अरु चलते-चलते प्रचार करीखे बोल्यो की स्वर्ग को राज्य बाहेर अय गो हइ.
MAT 10:8 बेमार होन खे अच्छो कर मर्या हुया खे जिन्दो कर, कोढी रोगी खे अच्छो कर, बुरी आत्माहोन खे नीकाल. तुम ने फुकट-मुकट पायो हइ, फुकट-मुकट दे.
MAT 10:9 अपना खीसा मे नी सोन्नो, अरु नी चादी, अरु नी तांबा का पैसा रखनु.
MAT 10:10 रस्ता का लिये नी थैली रखनु, नी कुर्ता को दुसरो जोड, नी जुता अरु नी लकडी ले, क्युकी मजुर खे ओको अधिकार मीलनो चाह्ये.
MAT 10:11 जो कोय नगर या गाव मे जाये ते पतो लगा की व्हा कोन अच्छो हइ? अरु जब तक व्हा से नी नीकले, ओका घर मे ऱ्हेनु.
MAT 10:12 अरु घर मे घुसता टेम मे ओखे आशिष देनु.
MAT 10:13 अगर वे घर का दुन्या अच्छा हुये ते तुम्हारी शांती उन पर पोचे पन अगर वे अच्छा नी हुये ते तुम्हारी शांती तुम्हारास पास वापस आह्ये.
MAT 10:14 अरु जो कोय तुमखे अपनानो नी कर्‍हे, अरु तुम्हारी बात नी सुने, उ घर या नगर से नीकलते हुये अपना पाय को धुलो झाडि डाले.
MAT 10:15 मी तुम से सच्ची बोलुस हइ, की न्याय का दिन उ नगर की दशा से सदोम अरु गमोरा का नगर की दशा जादा सहन्यो योग्य हुये.
MAT 10:16 “देख, मी तुमखे लाडगा का जसो मेढाहोन का बीच मे भेजुस हइ येकालिये साप का जसो चेतावनी अरु कबूतर का जसो भोलो ऱ्हे.
MAT 10:17 पन दुन्याहोन से बच्या ऱ्हे, क्युकी वे तुमखे आराधनालयहोन मे दिये, अरु अपना पंचायत मे तुमखे कोडा मारे.”
MAT 10:18 तुम मरा लिये अधिकारीहोन अरु राजाहोन का सामने उन पर, अरु गैरयहूदीहोन पर गवाह होन का लिये पोचायो जाये.
MAT 10:19 जब वे तुमखे पकडे ते या चिन्ता नी करणु, कि हम कोय रीति से का बोले. क्युकी जो कुछ तुम खे बोलनो हुये, उ टेम तुमखे बतायो दियो जाये.
MAT 10:20 क्युकी बोलनवाला तुम नी हुये पन तुम्हारा बाप की आत्मा तुम्हारा वजेसे बोलस हइ.
MAT 10:21 “भैइ अपना भैइ खे अरु बाप अपना बेटा खे, मरन का लिये सोपी दिये, अरु बच्चा अपना माय-बाप का खिलाब मे उठीखे उनखे मारी डाले.
MAT 10:22 मरा नाम का कारण सब दुन्या तुम से दुजाभाव कर्‍हे, पर जो अन्नत तक धीरज धरे ओको उध्दार हुये.”
MAT 10:23 जब वे तुमखे एक नगर मे सताये, ते दुसरा खे भागी जानु. मी तुम से सच्ची बोलुस हइ, इन्सान को बेटो आना तक तुम इस्राएल का सब नगर मे काम खतम नी करी सखे
MAT 10:24 “सेवक अपना गुरु से बडो नी होस. अरु नी सेवक अपना स्वामी से.
MAT 10:25 सेवक को गुरु का, अरु सेवक को स्वामी का, बरोबर होना मे भोत हइ. जब ओने घर का स्वामी खे सैतान बोल्यो ते ओका घरआला खे कुछ नी बोले.”
MAT 10:26 “येकालिये इन्सान से मत डरनु क्योकी कुछ झाख्यो नी, जो खोल्यो नी जास. अरु नी कुछ छिप्यो हइ, जो जान्यो नी जास.
MAT 10:27 जो मी तुम से अंधारा मे बोलुस हइ, ओखे उजाला मे बोल. अरु जो कानहोन से कान सुनस हइ, छपर पर से प्रचार कर.
MAT 10:28 जो आंग खे मारी सकस हइ, पर आत्मा खे अरु मन खे मारी नी सकस, ओकासे मत डरनु. पर परमेश्वर से डर, जो आत्मा अरु आंग दोय खे नरक मे नास करी सकस हइ.
MAT 10:29 का पैसा मे दो चिडी नी बिकस? फिर भी तुम्हारो बाप की इच्छा का बिना ओमे से एक भी जमीन पर नी गिरी सकस.
MAT 10:30 तुम्हारा माथा का बाल भी सब गिन्या हुया हइ.
MAT 10:31 येकालिये डरनु नी. तुम बहोत से चिडीहोन से महत्वपुर्ण हइ
MAT 10:32 “जो कोय इन्सान का सामने मेखे मानी लिये, ओखे मी भी अपना स्वर्गीय बाप का सामने मानी लियु.
MAT 10:33 पर जो कोय इन्सानहोन का सामने मेखे इन्कार कर्‍हे ओखे मी भी अपना स्वर्गीय बाप का सामने इन्कार कऱ्यु.
MAT 10:34 “यो नी समझनु, की मी पृथ्वी पर मीलनो झुलनो करण खे आयो हइ, मी मीलनो झुलनो करण खे नी, पर तलवार चलान आयो हइ.
MAT 10:35 मी तो आयो हइ, कि बेटा खे ओका बाप से, अरु बेटी खे ओकी माय से, अरु बहू खे ओकी सासु से अलग करी दुयु.”
MAT 10:36 इन्सान का दुसमन ओका घर का ही दुन्या हुये.
MAT 10:37 जो माय या बाप खे मरासे जादा प्रेम करस हइ, उ मरो अच्छो नी अरु जो बेटो या बेटी खे मरा से जादा प्रिय जानस हइ, उ मरो अच्छो नी.
MAT 10:38 अरु जो अपनो क्रुस लिखे मरा पीछी नी चले उ मरा योग्य नी.
MAT 10:39 जो अपनो जान बचास हइ, उ ओखे गमास. अरु जो मरा कारण अपनो जान गमास उ ओखे पास.
MAT 10:40 जो तुमखे स्वीकार करस हइ, उ मेखे ग्रहन करस हइ. अरु जो मेखे ग्रहन करस हइ, उ मरा भेजनवाला खे स्वीकार करस हइ.
MAT 10:41 जो कोय भविष्यव्दक्ता खे भविष्यव्दक्ता जानीखे स्वीकार कर, उ भविष्यव्दक्ता को इनाम मील्हे कर्‍हे. अरु जो धर्मी जानीखे धर्मी खे स्वीकार करस, उ धर्मी खे बदलो पास.
MAT 10:42 “जो कोय इन छोटा मे से एक खे सेवक जानीखे फक्त एक कटोरो थंण्डो पानी पीये, मी तुम से सच्ची बोलुस हइ, उ अपनो इनाम कभी नी पाये.”
MAT 11:1 जब यीशु अपना बारा सेवक खे शिक्षा दी रो थो, ते उ उनका गावहोन मे उपदेस अरु सुसमाचार करण खे व्हा से चली गयो.
MAT 11:2 यहून्ना ने बन्दिघर मे मसीह का काम को सुसमाचार सुनीखे अपना सेवक खे ओका पास भेज्यो.
MAT 11:3 “आनवालो तु ही हइ, या हम दुसरा कि रस्ता देखे?”
MAT 11:4 यीशु ने उत्तर दियो, “जो कुछ तुम सुनस हइ अरु देखस हइ, उ सब जयखे यहून्ना से बतय दे.
MAT 11:5 की अंधो देखस हइ अरु लंगडो चलस फिरस हइ, कोढी अच्छा करी जास हइ अरु बाहेर सुनस हइ, मुर्दा होन जिन्दो होस, अरु गरीब होन खे सुसमाचार सुनायो जास हइ.
MAT 11:6 अरु अच्छो हइ उ, जो मरा कारन ठोकर नी खाये.”
MAT 11:7 जब वे व्हा से चली गया, ते यीशु यहून्ना को बारे मे दुन्याहोन सेबोलन लग्यो, “तुम जंगल मे मेखे देखन गया था? हवा से हालते हुये सरकण्डा खे?
MAT 11:8 फिर तुम, देखन गया था? जो अच्छा कपडा पेन्या हुया, या राजभवन मे ऱ्हेस हइ.
MAT 11:9 ते फिर क्यु गया था? कोय भविष्यव्दक्ता खे तुम देखन गया था? हव, मी तुम से बोलुस हइ, जब भविष्यव्दक्ता से भी बडि हइ.
MAT 11:10 यो उ हइ जेका विषय मे लिख्यो हइ की तुम देख, मी अपना स्वर्गदूत खे तरा आगे भेजुस हइ जो तरा आगे तरी रस्ता खे तैयार करस.
MAT 11:11 मी तुम से सच्ची बोलुस हइ, की जो बयहोन से जन्मो हइ, ओमे से यहून्ना बपतिस्मा देनआला से कोय बडो नी हुयो. पर जो स्वर्ग का राज्य मे ऱ्हेस वे छोटा से छोटा हइ उ ओकासे बडो हइ.
MAT 11:12 यहून्ना बपतिस्मा देनआला का दिनहोन से अभी तक स्वर्ग का राज्य मे बलपूर्वक अय रोस हइ, अरु बलवान ओखे छुडय रोस हइ.
MAT 11:13 यहून्ना तक सब भविष्यव्दक्ता अरु मूसा की व्यवस्था भविष्यवाणी करस ऱ्हेस.
MAT 11:14 अरु चाहा ते मानीले, एलिय्याह जो आनवालो थो उ यो हइ.
MAT 11:15 जेका कान हइ उ सुनी ले.
MAT 11:16 “मी या टेम मे ये दुन्याहोन की तुलना को का से करु? वे बच्चान का जसा हइ, जो बजार मे बठ्या हुया एक दुसरा से बुलयखे खे बोलस हइ.
MAT 11:17 हमने तुम्हारा लिये बासरी बजय, अरु तुम नी नाचे. हमने दुख कऱ्यो, अरु तुम ने अपनी छाती नी पिटि .
MAT 11:18 क्युकी यहून्ना नी खाते आयो अरु नी पीते आयो, अरु वे दुन्या बोलस हइ की ओमे बुरीआत्मा हइ.
MAT 11:19 इन्सान को बेटो खातो-पीतो आयो, अरु दुन्याहोन बोलस हइ की देख, यो पेटू अरु पियक्कड इन्सान हइ उ चुंगी लेनवालो अरु पापीहोन को दोस्त! पर परमेश्वर को ज्ञान अपना कामहोन मे से सच्चो ठहरो गयो हइ.”
MAT 11:20 तब वे उ गाव मे दोष देन लग्या, जेने ओने भोत अच्छा सामर्थ्य काम कऱ्या था. क्युकी ओने अपनो मन नी फिरायो थो.
MAT 11:21 “हाय, खुराजीन! हाय. बैतसैदा! जो सामर्थ काम तुम मे कऱ्यो गयो, अगर वे सूर अरु सैदा मे कऱ्यो जास, ते ठाटी होडीखे खे राख मे बठी, खे वे अपना पाप से मन फिरास हइ
MAT 11:22 पन मी तुम से बोलुस हइ. कि न्याय का दिन मे तुम्हारी दशा से सूर अरु सैदा की दशा अधिक सहन योग्य हुये.
MAT 11:23 अरु हे कफरनहूम, तु स्वर्ग तक उपर कऱ्यो जास? तु तो दुन्याहोन तक नीचे जाये. जो सामर्थ काम तरा मे कऱ्ये गयो हइ, अगर सदोम मे कऱ्यो जास, ते उ आज तक बन्यो ऱ्हेस.
MAT 11:24 पर मी तरा से बोलुस हइ, कि न्याय का दिन तरा देस से सदोम कि दशा अधिक सहन योग्य हुये.”
MAT 11:25 उ टेम यीशु ने बोल्यो, “हे बाप, स्वर्ग अरु पृथ्वी का प्रभु, मी तरो धन्यवाद करुस हइ, की तोने या बात खे ज्ञानीहोन अरु पढ्या लिख्या दुन्या से लुकय खे रखी, अरु बच्चाहोन पर प्रगट कऱ्यो हइ.
MAT 11:26 हव, हे बाप, क्युकी तोखे यो अच्छो लग्यो.”
MAT 11:27 “मरा बाप ने मेखे सब कुछ सोपी दियो हइ, अरु कोय बेटा खे नी जानस, फक्त बाप. अरु कोय बाप खे नी जानस, फक्त बेटो अरु उ जेको बेटा खे ओका पर प्रगट करणू चास.
MAT 11:28 “हे सब मेहनत करणवालो अरु बोज से दब्या हुया दुन्याहोन, मरा पास आ. मी तुमखे आराम दियु.
MAT 11:29 मरो जुवाडो अपना उपर उठ्य ले. अरु मरासे सीख. क्युकी मी दीन अरु मन से नम्र हइ; अरु तुम अपना मन मे आराम पाये.
MAT 11:30 क्युकी मरो जुवाडो सीदो हुयगो अरु मरो बोजो हलको हुयगो.”
MAT 12:1 उ टेम यीशु आराम का दिन खेत मे से हुइ खे जय रा था, अरु ओका सेवक होन खे भुख लगी थी, अरु वे बाले तोडी-तोडी खे खान लग्या.
MAT 12:2 फरीसीहोन ने यो देखीखे ओकासे बोल्यो की, “देख, तरा सेवक यो काम अच्छो नी कर रास हइ, जो आराम को दिन करणो अच्छो नी हइ.”
MAT 12:3 ओखे बोल्यो “ का तुम ने नी पढ्यो, कि दाउद ने जब उ अरु ओका साथी भूखा हुये ते का कऱ्यो?
MAT 12:4 उ कसो परमेश्वर का घर मे गयो अरु दान की रोटि खुद जेखे खइ नी ते उ अरु नी ओका साथीहोन का पर फक्त याजकहोन खे अच्छो थो?
MAT 12:5 यो का तुम ने मूसा की व्यवस्था मे नी पढ्यो की याजक आराम का दिन मन्‍दिर मे आराम का दिन कि विधी खे तोडीखे पर भी नीर्दोश ठहरस हइ?
MAT 12:6 पर मी तुम से बोलुस हइ कि यो उ हइ, जो मन्‍दिर से भी महान हइ.
MAT 12:7 अगर तुम येको अर्थ जानस की मी दया से सतुष्ट होस हइ, बलिदान से नी, ते तुम नीर्दोश खे दोषी नी ठहरानु.
MAT 12:8 इन्सान को बेटो तो आराम का दिन को भी प्रभु हइ.”
MAT 12:9 व्हा से चलीखे यीशु यहूदीया का आराधनालय मे आयो.
MAT 12:10 व्हा एक इन्सान जो लकवा को थो, जेको हात सुखो हुयो थो. अरु फरीसीहोन ने ओका पर दोष लगान का लिये ओकासे पुछ्यो, “की तु आराम का दिन अच्छो करणु उचित हइ?”
MAT 12:11 ओने उनका से बोल्यो का “तुम मे असो कोन तो इन्सान हइ, जेको एक मेंडो हइ अरु उ आराम का दिन गड्डा मे गिरी जाये ते उ ओखे पकडीखे नी नीकाले?
MAT 12:12 अच्छो, इन्सान को एक मेंडो मे से कतनो बढी खे हइ! येका लिये आराम का दिन भलो करणु अच्छो हइ.”
MAT 12:13 तब ओने उ लखवा इन्सान से बोल्यो, “अपनो हात दे.” ओने हात बडायो अरु उ फिर अपना दुसरो हात का जसो अच्छो हुइ गयो.
MAT 12:14 तब फरीसी ने ओखे बाहेर जयखे ओका विरोध मे बिचार करीखे ओखे कोय रिती से मारी डाले?
MAT 12:15 यो जानीखे यीशु व्हा से चली गयो. अरु भोत दुन्या ओका पीछे चली गया, अरु ओने सब खे बेमारी से अच्छो करी दियो.
MAT 12:16 अरु ओने आज्ञा दी, कि मेखे प्रगट मत करणु.
MAT 12:17 कि जो वचन यशायाह भविष्यव्दक्ता का वजेसे बोल्यो गयो थो, उ पुरो हुये
MAT 12:18 “देख, यो मरो सेवक हइ, जेखे मेने चुन्यो हइ. मरो लाडको जेकासे मरो मन सतुष्ट हइ मी अपनी आत्मा ओका पर डाल्यु. अरु उ गैरयहूदीहोन को न्याय को समाचार दियु.
MAT 12:19 उ नी झगडो कर्‍हे, अरु नी धुम मचाये. अरु नी बजार मे कोय ओको शब्द जोर से सुनाये.
MAT 12:20 उ कुचल्यो हुयो सरकण्‍डे खे नी तोडे. अरु धुवा देस हुये बत्ती नी बुझाये जब तक न्याय को प्रबल नी कर्‍हे.
MAT 12:21 अरु गैरयहूदिहोन सब राष्ट्र ओका नाम पर आस रखस.”
MAT 12:22 तब दुन्या एक अंन्धो-मुको इन्सान खे जोमे बुरीआत्मा थी, ओका पास ओखे लायो. अरु ओने ओखे अच्छो कऱ्यो. अरु उ मुको इन्सान बोलन अरु देखन लग्यो.
MAT 12:23 येका पर सब दुन्या चकीत हुइखे बोलन लग्या, “यो का दाउद को बेटो हइ?”
MAT 12:24 पन फरीसीहोन ने यो सुनीखे बोल्यो, “यो तो बुरीआत्माहोन को मुखियो सैतान का सहायता का बिन बुरीआत्माहोन खे नी नीकालस.”
MAT 12:25 ओने उनका मन की बात जानीखे उनसे बोल्यो, “जो कोय राज्य मे अलग होस हइ, उ उजडी जास हइ अरु कोय गाव या घराना मे जोमे अलग होस हइ, बन्यो नी ऱ्हेस.”
MAT 12:26 अरु अगर सैतान खे निकाल्ये, ते उ अपनो ही दुशम्न हुये गयो हुये. फिर ओको राज्य कसो बन्यो ऱ्हेस?
MAT 12:27 अच्छो अगर मी सैतान की सहायता से ओमे बुरीआत्मा खे नीकलुस हइ, ते तुम्हारो कुल कोय की सहायता से नीकालस हइ? येका लिये वे ही तुम्हारो न्याय करस हइ.
MAT 12:28 पन अगर मी परमेश्वर कि आत्मा कि सहायता से बुरीआत्मा खे नीकालुस हइ, ते परमेश्वर को राज्य तुम्हारा पास ए पोच्यो हइ.
MAT 12:29 या कसो कोय इन्सान कोय बलवन्त का घर मे घुसीखे ओका पुरा घर को माल लुटी सकस हइ जब तक कि पैयले उ बलवन्त इन्सान खे बांधी नी ले? अरु तब तक उ ओका घर मे घुसीखे माल चोरी नी सकस.
MAT 12:30 जो इन्सान मरा सात नी, उ मरो विरोध मे हइ. अरु जो इन्सान मरा साथ जमा नी करस, उ फैली जास हइ.
MAT 12:31 येका लिये मी तुम से बोलुस हइ, की इन्सान का सब प्रकार को पाप अरु ओकी नीन्दा माफी करी जास, पर पवित्र आत्मा की नीन्दा करस हइ ओखे माफी नी कऱ्यो जास
MAT 12:32 जो कोय यो इन्सान को बेटा का विरोध मे कोय बात बोले, ओको यो बुरो माफी कऱ्यो जाये पन जो कोय या पवित्र आत्मा का विरोध मे कुछ बोले नी ते यो दुन्या मे या परलोक मे माफी कऱ्यो जाये.
MAT 12:33 अगर झाड खे अच्छो बोलस, ते ओका फल खे भी अच्छो बोल, ते झाड खे नीकम्मो बोले, ते ओका फल खे भी नीकम्मो बोल. क्युकी झाड अपना फल से ही पहचानो जास हइ.
MAT 12:34 हे साप का बच्चा होन, तुम बुरो हुइखे कसी अच्छी बात बोली सकस हइ? क्युकी जो मन मे भऱ्यो हइ, उ मुडा पर आस हइ.
MAT 12:35 अच्छो इन्सान मन का भला खेत से भली बात नीकलस हइ; अरु बुरो इन्सान का मन मे बुरा भण्‍डार से बुरी बात नीकलस हइ.
MAT 12:36 “अरु मी तुम से बोलुस हइ, कि जो-जो इन्सान नीकम्मी बात बोलस, न्याय का दिन हर एक बात की लेखी दिये.
MAT 12:37 क्युकी तू अपनी बातकरण नीर्दोष अरु अपनी बातकरण दोषी ठहरायो जास.”
MAT 12:38 येका पर कुछ शास्त्रिहोन अरु फरीसीहोन ने ओकासे बोल्यो, “हे गुरु, हम तरा से एक बडो चिन्ह देखनो चास हइ.”
MAT 12:39 ओने उनखे उत्तर दियो, “येका जमाना खे बुरो अरु व्यभिचार दुन्या बडो चिन्ह ढुढस हइ. पन योना भविष्यव्दक्ता का चिन्ह खे छोडी कोय अरु चिन्ह उनखे नी दियो जास.”
MAT 12:40 योना तीन रात-दीन बडी मच्छी का पेट मे ऱ्हियो, असो इन्सान को बेटो तीन रात-दिन पृथ्वी का अंदर ऱ्हेस.
MAT 12:41 नीनवे का दुन्या न्याय का दिन यो जमाना का दुन्या का साथ उठीखे उनखे दोषी ठहरास, क्युकी ओने योना को प्रचार सुनीखे, मन फिरावो अरु यो उ हइ जो योना से भी बडो हइ.
MAT 12:42 दक्षिन की रानी न्याय को दिन येका जमाना का दुन्या का साथ उठीखे उनखे दोषी ठहरास, क्युकी उ सुलैमान को ज्ञान सुनन का लिये पृथ्वी का छोर से अयखे , अरु यो उ हइ जो सुलैमान से भी बडो हइ.
MAT 12:43 जब बुरी आत्मा इन्सान मे से नीकली जास हइ ते वा बुरी आत्मा सुखी जगा मे आराम ढुढती फिरस हइ अरु नी मीले .
MAT 12:44 तब बोलस हइ, की मी अपना उ घर मे झा से मी नीकली थी, वापस जाह्य, अरु अयखे उ सुन्यो झाड बुहारा अरु सजा-सजायो पास हइ.
MAT 12:45 “तब उ जयखे अपना से अरु बुरी सात आत्माहोन खे अपना साथ ली आस हइ, अरु वे ओमे बठीखे व्हा वास करस हइ, अरु उ इन्सान की पिछे कि दशा पैयले से भी बुरी हुय जास हइ. येका जमाना का बुरा दुन्या की दशा भी असी ही हुये.”
MAT 12:46 जब उ गर्दी से बात करी ही रहो थो, ते ओकी माय अरु भैइ बाहेर खडा था, अरु ओकासे बात करणो चास हइ.
MAT 12:47 कोय ने ओकासे बोल्यो, “देख तरी माय अरु तरो भैइ बाहेर खडा हइ, अरु तरा से बात करणु चास हइ.”
MAT 12:48 यो सुनीखे ओने बोलनवाला खे उत्तर दियो, “कोन हइ मरी माय? अरु कोन हइ मरो भैइ?”
MAT 12:49 अरु अपना सेवकहोन का तरप हात बढय खे बोल्यो, “मरी माय अरु मरो भैइ ये हइ.
MAT 12:50 क्योकी जो कोय मरा स्वर्गीय बाप की इच्छा पर चलस, उ मरो भैइ, अरु भैइन, अरु मरी माय हइ.”
MAT 13:1 उ दीन यीशु घर से नीकलीखे एक झील का किनारा पर जयखे बठ्यो.
MAT 13:2 अरु ओका पास असी बडि गर्दी जमा हुये की उ एक डोंगा पर चेडी खे बठी गो, अरु सब गर्दी किनारा पर ही खडि ऱ्ही गय.
MAT 13:3 अरु यीशु ने उनसे दृष्‍टान्‍त मे भोत सारी बात बोली “अरु एक बोनआलो बीज बोन नीकलस.
MAT 13:4 बोन का टेम मे कुछ बीच रस्ता का किनारा पर गिरी जास अरु पक्षिहोन ने अयखे उनखे खय लियो.
MAT 13:5 कुछ बीचहोन पत्थर जमीन पर गिरी जास, झा उनखे भोत मट्टी नी मीले अरु नरम मट्टी का कारण बीजहोन जल्दी उगी जास.
MAT 13:6 पर बीज सुरज नीकलना पर वे जली गा, अरु जडी नी पकडना से सुखी गा
MAT 13:7 कुछ बीजहोन झाडिहोन मे गिरी जास, अरु झाडि होन ने बढिखे उनखे दबय दियो.
MAT 13:8 पर कुछ बीजहोन अच्छी जमीन पर गिरस, अरु अच्छा फल लास, कोय सौ गुना, अरु कोय साठ गुना, अरु कोय तीस गुना.
MAT 13:9 “जोका कान हुये ते वे सूनी ले.”
MAT 13:10 अरु सेवक होन ने ओका पास अयखे ओकासे बोल्यो, “तू उनका से दृष्‍टान्‍त मे का बात करस हइ?”
MAT 13:11 ओने उत्तर दियो, “तुम खे स्वर्ग का राज्य को भेद कि सजा दी गय हइ, पर उनखे नी.
MAT 13:12 क्योकी जोका पास भोत हइ, ओखे दियो जाये. अरु ओका पास भोत जादा हुय जाये. पर जो इंन्सान का पास कुच नी हइ, ओका से जो कुछ ओका पास हइ, उ भी ली लियो जाये.”
MAT 13:13 मी उनसे दृष्‍टान्‍तहोन मे येकालिये बात करुस हइ, की वे देखता हुये नी देखस. अरु सुनता हुये नी सुने. अरु नी समझस.
MAT 13:14 अरु उनका बारे मे यशायाह कि या भविष्यवाणी पुरी होस हइ तुम कानहोन से ते नी सुने, पर समझे नी अरु आख से ते नी देखन को, पर तुमखे नी सुझे.
MAT 13:15 क्युकी ये दुन्याहोन को मन मे कठोर हुय गयो हइ, अरु वे कान से उचो सुनस हइ अरु ओने अपनी आख बन्द करी लीस हइ. कही असो नी हुये कि वे आख से देखस, अरु कान से सुनस अरु मन से समझस अरु फिरी जाये, अरु मी उनखे अच्छो कऱ्यु.
MAT 13:16 “पर धन्य हइ तुम्हारी आख, की वे देखी सकस हइ. अरु तुम्हारा कान, की वे सुनी सकस हइ.
MAT 13:17 क्योकी मी तुम से सच्ची बोलुस हइ, कि बहोत सा भविष्यव्दक्ता अरु धर्मीहोन ने चायो कि जो बात तुम देखस हइ, देख पर देख नी सकस, अरु जो बात तुम सुनस हइ, पर सुनी नी सकस.”
MAT 13:18 अब तुम बोनवाला को दृष्‍टान्‍त को अर्थ सुन.
MAT 13:19 जो कोय राज्य को वचन सुनीखे नी समझस, ओका मन मे जो कुछ बोयो गयो थो, ओखे उ दुष्ट अयखे छुड्य ली जास हइ. यो उ हइ, जो रस्ता का किनारा पर बोयो गयो हइ.
MAT 13:20 अरु जो बीज पत्थर जमीन पर बोयो गयो हइ, यो उ हइ, जो वचन सुनीखे झल्दी आनन्द का साथ मानी लेस हइ.
MAT 13:21 पर अपना मे जडी नी रखन का कारण उ जरासा ही दिन को हइ, अरु जब वचन का कारण क्लेश या अंत्याचार होस हइ, ते झल्दी ठोकर खास हइ.
MAT 13:22 जो झाडिहोन मे बोयो गयो हइ यो उ हइ, जो वचन खे सुनी लेस हइ, पर या जगत की चिन्ता अरु धन खे धोखा वचन खे दबास हइ, अरु उ फल नी लास.
MAT 13:23 “जो अच्छो बीज जमीन पर बोयो गयो, यो उ हइ, जो वचन सुनीखे समझस हइ, अरु फल लास हइ कोय सौ गुना, अरु कोय साट गुना, अरु कोय तीस गुना .”
MAT 13:24 यीशु ने उनखे एक अरु दृष्‍टान्‍त दियो, “स्वर्ग को राज्य उ इंन्सान का जसो हइ जेने अपना खेत मे अच्छो बीज बोयो हइ.
MAT 13:25 पर जब दुन्या सोय रा था ते ओका दुसमन आयखे गहु का जंगली बीज बोयी खे चली गया.
MAT 13:26 जब गहु को कोम नीकली अरु बाली लगी, ते जंगली दाना का झाड भी दिखय दियो.”
MAT 13:27 येका पर गृहस्थ का सेवक ने अय खे ओकासे बोल्यो, “हे स्वामी, का तोने अपना खेत मे अच्छो बीज नी बोयो थो? फिर जंगली का दाना का झाड ओमे खा से आयो?”
MAT 13:28 ओने ओकासे बोल्यो, “ह्या कोय दुसमन को कोय काम नी हइ. सेवक ने ओकासे बोल्यो, का तरी इच्छा हइ, की हम उनखे उखाडि खे फेकी दे?”
MAT 13:29 ओने बोल्यो, नी, असो नी हुये कि जंगली दाना का झाड जमा हुये तुम उनका साथ गहु भी उखाडी दी सकस ते.
MAT 13:30 “काटना तक दोय खे एक साथ बडन दे, अरु काटन का टेम मी काटन वाला से बोल्यु. पैयले जंगली दाना का झाड जमा करीखे जलान का लिये उनका गठ्टा बांदी ले, अरु गहु खे मरा खेत मे जमा करी देस.”
MAT 13:31 ओने उनसे एक अरु दृष्‍टान्‍त दियो, “अरु स्वर्ग को राज्य रइ को एक दाना का जसो हइ, जेने कोय इंन्सान ने लीखे अपना खेत मे बोय दियो.
MAT 13:32 उ सब बीजहोन से छोटो ते हइ पर जब बडो होस हइ, तब सब बगीचो को रोप से बडो होस हइ. अरु असो झाड हुये जास हइ, की बद्दल की पक्षिहोन अयखे ओकी डग्यान पर अपनो घोसलो बनय खे ऱ्हेन लग्या.”
MAT 13:33 ओने अरु एक दृष्‍टान्‍त उनखे सुनायो, “अरु स्वर्ग को राज्य खमीर का जसो हइ जेखे कोय बय ने लीखे तीन पस आटा मे खमीर हुइ गयो.”
MAT 13:34 ये सब बातहोन यीशु ने द्दष्टानहोन मे दुन्या से बोली, अरु बिना दृष्‍टान्‍त उ उनसे कुछ नी बोल्यो थो.
MAT 13:35 की जो वचन भविष्यव्दक्ता का वजेसे बोल्यो गयो थो, उ पुरो हुये “मी दृष्‍टान्‍त बोलन खे अपनो मुढो खोल्यु मी वा सब बात खे जो जगत की उत्पत्ति से दबीखे ऱ्ही हइ प्रगट कऱ्यु.”
MAT 13:36 तब वे गर्दी खे छोडी खे अपना घर मे आया, अरु ओका सेवक होन ने ओका पास अयखे बोल्यो, “खेत का जंगली दाना को दृष्‍टान्‍त हमखे समझ्य दे.”
MAT 13:37 ओने उनखे उत्तर दियो, “अच्छो बीज खे बोनआलो इन्सान को बेटो हइ.
MAT 13:38 खेत जगत हइ, अरु अच्छो बीज राज्य को बेटो हइ, अरु जंगली बीज दुष्ट को बेटो हइ.
MAT 13:39 जो दुसमन ने ओखे बोयो उ सैतान हइ. काटना से जगत को अन्त: हइ अरु काटन वलो स्वर्गदूत हइ.
MAT 13:40 अत: जसो जंगली दाना खे जमाकरी जास अरु जलाया जास हइ असो हि जगत का अन्त: मे होस.
MAT 13:41 इन्सान को बेटो अपनो स्वर्गदूतहोन खे भेजस, अरु वे ओका राज्य मे से सब ठोकर का कारण खे अरु बुरो करणवाला खे जमा करस.”
MAT 13:42 अरु उनखे अंगार का कुव्वा मे डालस, व्हा रोनो अरु दात पिसानो हुये.
MAT 13:43 उ टेम परमेश्वर का धर्मी दुन्या अपना बाप का राज्य मे सुर्य का जसो चमकस. जेको कान हुये उ सुनी लेस.
MAT 13:44 स्वर्ग को राज्य खेत मे लुकायो हुयो धन का जसो हइ, जेखे कोय इंन्सान ने लिखे लुकय दियो, अरु आनन्द का मारे जयखे अपनो सब कुछ बेचीखे उ खेत खे मोल ली लियो.
MAT 13:45 फिर स्वर्ग को राज्य एक धंदा आला का जसो हइ जो अच्छो मोतिहोन का खोज मे हइ.
MAT 13:46 जब ओखे एक बहुमूल्य मोती मील्यो ते ओने जयखे अपनो सब कुछ बेची डालयो अरु उ मोति खे मोल ली लियो.
MAT 13:47 फिर स्वर्ग को राज्य उ बडा जाल का जसो हइ, जो समुदर मे डाल्यो गयो, अरु हर प्रकार की मछलिहोन खे जमाकरी लायो.
MAT 13:48 अरु जब जाल भरी गइ, ते मच्छीहोन ओखे किनारा पर खीची खे लायो, अरु बैठिखे अच्छी-अच्छी बर्तन मे जमाकरी अरु बेकार-बेकार फेकी दि.
MAT 13:49 जगत को अन्त: मे असो ही हुये. स्वर्गदूत अयखे पापीहोन खे धर्मीहोन से अलग करी दिये,
MAT 13:50 अरु उनखे अंगार का कुव्वा मे डाली दिये. व्हा रोनो अरु दात पीसनो हुये.
MAT 13:51 “का तुम ये सब बात समझी गया?” सेवक होन ने उत्तर दियो हव.
MAT 13:52 फिर यीशु ने उनखे बोल्यो, “येकालिये हर एक शास्त्रिहोन जो स्वर्ग का राज्य का सेवक बन्या हइ, उ गृहस्थ का जसो हइ जो अपना भण्‍डार से नवो अरु पुरानो सामन नीकाली देस हइ.”
MAT 13:53 जब यीशु या सब बात को दृष्‍टान्‍त बोली चुक्यो, ते व्हा से चली गयो.
MAT 13:54 अरु अपना गाव मे अयखे उनका आराधनालय मे उनखे असो शिक्षा देन लग्यो. कि वे चकित हुइखे बोलन लग्या, “इनखे यो ज्ञान अरु बडो सामर्थ्य को काम खा से मील्यो?
MAT 13:55 का यो बडो बेटो नी? अरु का येकी माय को नाम मरियम अरु येका भैइ को नाम याकूब, अरु यूसुफ, अरु शमौन अरु यहुदा नी?
MAT 13:56 अरु का इनखे सब भैइनहोन हमारा बीज मे नी ऱ्हेस? फिर इनखे यो सब खा से मालुन होस?”
MAT 13:57 येका प्रकार ओने ओका कारण ठोकर खइ हइ पर यीशु ने उनसे बोल्यो, “भविष्यव्दक्ता अपना गाव अरु अपना घर खे छोडी खे अरु कोय नीरादर नी होस.”
MAT 13:58 अरु ओने व्हा उनका अविश्वास का कारण भोत सामर्थ्य को काम नी कर्‍हे.
MAT 14:1 उ टेम गलील देस को हेरोदेस राजो थो यीशु का बारे मे चर्चा सुनी.
MAT 14:2 अरु अपना सेवकहोन से हेरोदेस बोल्यो, “यो यहून्ना बपतिस्मा देनवालो हइ उ मऱ्या हुया मे से जिन्दो उठ्यो हइ, येका लिये ओकासे सामर्थ को काम प्रगट होस हइ.”
MAT 14:3 क्युकी हेरोदेस ने अपना भैइ फिलिप्पुस की लुगेन हेरोदियास का कारण यहून्ना खे पकडीखे बाध्यो, अरु जेल खाना मे डाली दियो थो.
MAT 14:4 क्युकी यहून्ना ने ओकासे बोल्यो थो, कि येका से भ्याव करणो अच्छो नी हइ.
MAT 14:5 अरु उ ओखे मार डालनो चातो थो, पर दुन्या से डरतो थो, क्युकी वे ओखे भविष्यव्दक्ता मानता था.
MAT 14:6 पर जब हेरोदेस का जन्मदिन आयो, ते हेरोदियोस कि बेटी ने उ तिवार मे नाच बतायो, अरु हेरोदेस खे खुश कऱ्यो.
MAT 14:7 येका लिये ओने कसम खयखे वचन दियो, “जो कुछ तु मागे, ते मी तोखे दियु.”
MAT 14:8 उ अपनी माय खे उकसाना से बोले, “जो यहून्ना बपतिस्मा देनआला को माथो ठाटी मे उही मेखे मागी दे.”
MAT 14:9 राजो दुखी हुयो, पर अपनी कसम का अरु सात बठन आला का कारण, आज्ञा दी, की दी दियो जाये.
MAT 14:10 अरु ओने जेल मे दुन्याहोन खे भेजीखे यहून्ना को माथो काटी दियो.
MAT 14:11 अरु ओको माथो ठाटी मे लायो गयो, अरु ओकी बेटी खे दियो गयो. अरु उ ओखे अपनी माय का पास लीखे गयो.
MAT 14:12 अरु ओका सेवक होन ने अयखे ओका मुर्दा खे ली जयखे गाडी दियो अरु यीशु का सामने पुरो समाचार दियो.
MAT 14:13 जब यीशु ने यहुन्ना का बारे मे सुन्यो, ते डोंगा पर चेडीखे व्हा से कोय सुनसान जगह पर, अकेला मे चली गयो. अरु दुन्या यो सुनीखे गाव-गाव से पयदल ओका पीछे हुये लीयो.
MAT 14:14 ओने डोंगा से नीकलीखे एक बडी गर्दी देखी, अरु उन पर दया अयगी, अरु ओने उनका बेमारहोन खे अच्छो कऱ्यो.
MAT 14:15 जब रात हुइ ते ओका सेवक होन ने ओका पास अयखे ओखे बोल्यो, “या तो सुनसान जगा हइ अरु देर हुये ऱ्ही हइ, अरु दुन्याहोन खे बिदा कऱ्यो जाये की वे बजार मे जयखे अपना लिये खानो मोल लाये.”
MAT 14:16 यीशु ने सेवक होन से बोल्यो, की उनको जानो जरुरी नी हइ! तुम ही जयखे उनका लिये खानो ला
MAT 14:17 ओने ओकासे बोल्यो, “की हमारा पास पाच रोटी अरु दो मंछी खे छोडी खे अरु कुछ नी हइ.”
MAT 14:18 यीशु ने बोल्यो, “उनखे मरा पास लिखे आ.”
MAT 14:19 तब ओने दुन्याहोन खे घास पर बठन खे बोल्यो, अरु वे पाच रोटीहोन अरु दो मंछीहोन खे लीखे आ. अरु स्वर्ग का तरप देखीखे धन्यवाद बोल्यो अरु रोटीहोन खे तोडी-तोडीखे सेवक होन खे दी, अरु सेवक होन ने दुन्‍याहोन खे दी.
MAT 14:20 अरु सब खयखे मगम हुये गया, अरु ओने बचया हुया टुकडाहोन से भरी हुये बारा टोपली उठ्य.
MAT 14:21 अरु खानवाला बय अरु बच्चाहोन खे छोडी खे पाच हजार इन्सान का नजीकपास था.
MAT 14:22 अरु ओने जलदी अपना सेवक होन खे डोंगा पर चडय दियो, कि वे ओकासे पैयले पार चली जाये जब तक कि उ दुन्याहोन खे बिदा करी देस.
MAT 14:23 उ दुन्याहोन खे बिदा करीखे, प्रार्थना करण खे दुसरा टेकडा पर चडी गयो, अरु रात खे उ व्हा अकेलो थो.
MAT 14:24 उ टेम डोंगो झील का बीज मे पानी की लहर से डगमगय रो थो, क्युकी सामने से हवा चालु थी.
MAT 14:25 अरु यीशु फजर का तीन से छे बजे का नजीकपास पानी पर चलतो हुये उनका पास आयो.
MAT 14:26 सेवक ओखे पानी पर चलते हुये देखीखे घबरय गा, अरु बोलन लग्या, “ की उ भुत हइ,” अरु डर का मारे चिल्लान लग्या.
MAT 14:27 यीशु ने उनका साथ बात करीखे बोल्यो, “हिम्मत रख, मी आय. डरे मत.”
MAT 14:28 पतरस ने ओखे उत्तर दियो, “हे प्रभु, अगर तु ही हइ, ते मेखे अपना पास पानी पर चडीखे आन की आज्ञा दे.”
MAT 14:29 यीशु ने बोल्यो, “आ!” तब पतरस डोंगा पर से उतरीखे यीशु का पास जान खे पाणी पर चलन लग्यो.
MAT 14:30 पतरस तब हवा खे देखीखे डरन लग्यो, अरु जब डुबन लग्यो ते ओखे चिल्लय खे बोल्यो, “हे प्रभु, मेखे बचा.”
MAT 14:31 तब यीशु ने ओखे झल्दी हात बढय खे ओखे थामी लियो, अरु ओकासे बोल्यो, “हे अल्पविश्वासिहोन, तोने का सन्देस कऱ्यो?”
MAT 14:32 जब वे डोंगा पर चडी गयो, ते हवा रुखी गइ.
MAT 14:33 येका पर जो डोंगा पर था, ओने ओकी आराधना करीखे बोल्यो, “सचमुच, तू परमेश्वर को बेटो हइ.”
MAT 14:34 “वे छोटी नद्दी का पार उतरीखे जमीन पर गनेसरत देश मे पोच्या.
MAT 14:35 अरु व्हा, दुन्याहोन ने यीशु खे पहचानी खे ओका आस पास का सब देस मे बुलाओ भेज्यो, अरु सब बेमारहोन खे ओका पास लाया.
MAT 14:36 अरु ओकासे प्रार्थना करण लग्या कि उ उनखे अपना कपडा को एक कोना खे ही छिन दे. अरु जतना ने ओखे छुयो, वे अच्छा हुये गा.”
MAT 15:1 “तब यरुशलेम से कुछ फरीसीहोन अरु शास्त्रिहोन यीशु का पास अयखे बोलन लग्या,
MAT 15:2 तरा सेवक होन बापदादा की रितीरिवाज खे काय बर टालस हइ, कि बिना हात धोय रोटि खास हइ?”
MAT 15:3 ओने उनखे उत्तर दियो, “तुम भी अपना रितीरिवाज का कारण क्यु परमेश्वर कि आज्ञा खे टालस हइ?
MAT 15:4 क्युकी परमेश्वर ने बोल्यो, अपना बाप अरु माय को आदर करणो, अरु जो कोय बाप या माय खे बुरो अच्छो बोले ओखे मारी डाल्यो जाये.
MAT 15:5 पर तुम बोलस हइ, कि अगर अपना बाप या माय से बोलस, जो कुछ तोखे मरासे लाभ पोच्यो सकस हइ, उ परमेश्वर खे दान चेडय जय चुक्यो.
MAT 15:6 ते उ अपना बाप को आदर नी करस, येका प्रकार तुम ने अपना रितीरिवाज का कारण परमेश्वर का वचन खे टाली दियो.
MAT 15:7 हे कपटिहोन, यशायाह ने तुम्हारा बारे मे या भविष्यवाणी ठिक ही करी हइ!
MAT 15:8 “ये दुन्याहोन होठ से मरो आदर करस हइ, पर उनको मन मरासे दुर ऱ्हेस हइ.
MAT 15:9 अरु ये व्यर्थ मरी उपासना करस हइ, उनकी शिक्षा तो फक्त इन्सानहोन ने सिखय हुइ नीयम हइ.”
MAT 15:10 अरु ओने दुन्याहोन खे अपना पास बुल्यखे उनसे बोल्यो, “सुन, अरु समझ.
MAT 15:11 जो मुडा मे जास हइ, उ इन्सान खे अच्छो नी करस हइ, पर जो मुडा से नीकलस हइ, उ इन्सान खे अच्छो करस हइ.”
MAT 15:12 तब ओका सेवक होन ने अयखे ओकासे बोल्यो, “की तुम जानस हइ की फरीसीहोन की भावनाहोन खे ठेस पोचास?”
MAT 15:13 ओने उत्तर दियो, “हर झाड जो मरा स्वर्गीय बाप ने नी लगायो, ओखे जड से उखाडि दियो जाये.
MAT 15:14 उनखे जान दे वे अंधा खे रस्ता बतानवाला हइ अरु अंधा खे अगर अंधो रस्ता बतास, ते दो झना गड्डा मे गिरी जास.”
MAT 15:15 यो सूनीखे पतरस ने ओकासे बोल्यो, “या काहानी हमखे समझय दे.”
MAT 15:16 ओने बोल्यो, “का तुम भी अभी तक नी समझ्या हइ?
MAT 15:17 का तुम नी जानस, कि जो कुछ मुडा मे जास हइ, उ पेट मे गिरस हइ, अरु उ शौच से नीकली जास हइ?
MAT 15:18 पर जो कुछ मुडासे नीकलस हइ उ मन से भी नीकलस हइ, अरु उ इन्सान खे अच्छो करस हइ.
MAT 15:19 क्युकी बुरो बिचार, मारनो, व्यभिचार, चोरी, झुटी गवाही अरु नीन्दा मन मे से नीकलस हइ.
MAT 15:20 यो हइ जो इन्सान खे अच्छो करस हइ, पन हात बिना धोये भोजन करणो इन्सान अच्छो नी करस हइ.”
MAT 15:21 यीशु व्हा से नीकलीखे, सूर अरु सैदा का देस का तरप चली गयो.
MAT 15:22 अरु देख, उ देस से एक कनानी बय नीकली, अरु चिल्लयखे बोलन लगी, “हे प्रभु! दाउद को बेटो, मरा पर दया कर, मरी बेटी बुरी आत्मा मे भोत दुख उठ्य री हइ.”
MAT 15:23 पर ओने ओखे कुछ भी उत्‍तर नी दियो, अरु ओका सेवक होन ने अयखे ओकासे प्रार्थना करीखे बोल्यो, “येखे बिदा कर. क्युकी वा हमारा पीछे पीछे चिलाती चिलाती आस हइ.”
MAT 15:24 ओने उत्तर दियो, “इस्राएल का घराना का गम्या हुये मेडा खे छोडी खे मी कोय का पास नी भेज्यो गयो.”
MAT 15:25 पर उ आयो, अरु वा अयखे अपना टोगर्या टेकीखे प्रणाम कऱ्यो, “हे प्रभु, मरी मदत कर.”
MAT 15:26 ओने उत्तर दियो, “बच्चाहोन की रोटी लिखे कुत्ताहोन का सामने डालनो अच्छो नी हइ.”
MAT 15:27 ओने बोल्यो, “सत्य हइ प्रभु, पर कुत्ताहोन भी वे टुकडा खास हइ, जो उनका स्वामीहोन का मेज से गिरास हइ.”
MAT 15:28 येका पर यीशु ने ओखे उत्तर दिखे बोल्यो, “हे बय, तरो विश्वास बडो हइ. जसो तू चास हइ, तरा लिये असो ही हुये” अरु ओकी बेटी उ टेम अच्छी हुय गइ.
MAT 15:29 यीशु व्हा से चलीखे, गलील का एक समुदर का पास आयो, अरु एक टेकडी पर चडीखे व्हा बठी गयो.
MAT 15:30 अरु गर्दी पर गर्दी ओका पास अयखे , वे अपना सात भोत लगडा, अंधा, मुक्को, ठुट्टो, अरु भोत खे लिखे यीशु का पास आया. अरु उनखे ओका पाय पर डाली दिया, अरु ओने उनखे अच्छो कऱ्यो.
MAT 15:31 अत: जब दुन्याहोन ने देख्यो, कि मुक्को बोलस अरु ठुट्टो अच्छो होस अरु लगडा चलस अरु अंधा देखस हइ, ते अचम्बो करीखे इस्राएल का परमेश्वर खे महिमा करण लग्या
MAT 15:32 यीशु ने अपना सेवक होन खे बुलय खे बल्यो, “मेखे या गर्दी पर दया आस हइ. क्युकी वे तीन दिन से मरा साथ हइ अरु उनका पास कुछ भी खान खे नी हइ. अरु मी उनखे भुखो बिदा करणो नी चास. कही असो नी हुये की रस्ता मे थकीखे गिरी जाये.”
MAT 15:33 सेवकहोन ने ओकासे बोल्यो, “ हमखे या जंगल मे खा से एत्ती रोटी मील्ये कि हम एत्ती बडि गर्दी खे संतुष्ट कर्या”
MAT 15:34 यीशु ने उनसे पुछ्यो, “तुमारा पास कतनी रोटी हइ?” ओने बोल्यो, “सात अरु जरासी छोटी मंछी हइ.”
MAT 15:35 तब ओने दुन्याहोन खे जमीन पर बठ्न कि आज्ञा दी.
MAT 15:36 अरु ओने सात रोटीहोन अरु मंछीहोन खे लीखे धन्यवाद करीखे तोडि खे अरु अपना सेवक होन खे दियो गयो, अरु सेवक होन ने दुन्याहोन खे दी.
MAT 15:37 येका प्रकार सब खयखे संतुष्ट हुये गया अरु बच्या हुया टुकडाहोन से भरी हुइ सात टोपलीहोन उठय.
MAT 15:38 अरु खानवाला बय अरु बच्चाहोन खे छोडी खे चार हजार इन्सान था.
MAT 15:39 तब उ गर्दीहोन खे बिदा करीखे डोंगा पर चेडी गयो, अरु उ मगदन देश मे आयो.
MAT 16:1 अरु फरीसीहोन अरु सदूकिहोन ने ओका पास अयखे ओखे परखन का लिये ओकासे बोल्यो, “ताकी हमखे स्वर्ग को कोय चिन्ह दिख्यो.”
MAT 16:2 ओने उनखे उत्तर दियो, “संजा खे तुम बोलस हइ, कि मोसम अच्छो ऱ्हीहे, क्युकी बद्दल लाल हइ.
MAT 16:3 अरु फजर खे तुम बोलस हइ, कि आज हवाधुन आह्ये क्युकी बद्दल लाल अरु झावरो हइ. तुम आकाश खे दुर लक्षण देखीखे टेमहोन को चिन्ह खे नी बतय सकस हइ?
MAT 16:4 या जमाना का बुरो अरु व्यभिचार दुन्या चिन्हा ढुढस हइ पर योना खे चिन्ह खे छोड कोय अरु चिन्ह उनखे नी दिखय जाये.” अरु उ उनखे छोडी खे चली गयो.
MAT 16:5 अरु सेवक होन नदी का वा बाजु जान का टेम रोटी लेनो भूली गया था.
MAT 16:6 यीशु ने उनका से बोल्यो, “देख, फरीसीहोन अरु सदूकिहोन का खमीर से हुशार ऱ्हेनू.”
MAT 16:7 वे आपस मे बिचार करण लग्या, “हमने रोटी नी लैय. येकालिये उ असो बोलस हइ.”
MAT 16:8 यो जानीखे, यीशु ने उनका से बोल्यो, “हे अल्पविश्वासिहोन, तुम आपस मे का बिचार करस हइ की हमारा पास रोटी नी हइ?
MAT 16:9 का तुम अभी तक नी समझ्या? अरु उ टेम पाच हजार दुन्या खे पाच रोटी याद नी करस, अरु नी यो की खे तनी टोपली उठय थी?
MAT 16:10 अरु नी उ चार हजार दुन्याहोन की सात रोटी, अरु नी ह्या की खे तनी टोपलीहोन भरी खे उठय थी?
MAT 16:11 तुम का नी समझस कि मेने तुम से रोटी का बारे मे नी बोल्यो? पन फरीसीहोन अरु सदूकिहोन का खमीर से हुशार ऱ्हेन खे बतायो थो.”
MAT 16:12 तब उनखे समझ मे आयो, की ओने रोटी का खमीर से नी, पर फरीसीहोन अरु सदूकिहोन कि शिक्षा से हुशार ऱ्हेन का बारे मे बोल्यो थो.
MAT 16:13 यीशु कैसरीया का फिलिप्पी का एक देस मे अयखे अपना सेवक होन से पुछन लग्यो, “दुन्याहोन इन्सान का बेटा खे का बोलस हइ?”
MAT 16:14 उनने बोल्यो, कुछ तो यहून्ना बपतिस्मा देन आलो बोलस हइ अरु कुछ एलिय्याह, अरु कुछ यिर्मयाह यो भविष्यव्दक्ताहोन मे से कोय एक बोलस हइ.
MAT 16:15 ओने उनका से बोल्यो, “पन तुम मरा से का बोलस हइ?”
MAT 16:16 शमौन पतरस ने उत्तर दियो, “तु ही मसीह हइ जिन्दो परमेश्वर को बेटो हइ.”
MAT 16:17 यीशु ने ओखे उत्तर दियो, “हे शमौन, योना को बेटो, तु अच्छो हइ. क्युकी मास अरु खुन नी, पन मरो बाप जो स्वर्ग मे हइ, या बात तरा पर प्रगट करी हइ.
MAT 16:18 अरु मी भी तरा से बोलुस हइ, कि तू पतरस हइ, अरु मी यो पत्थर पर अपनी मंडली बनाउ, अरु मरन को सामर्थ्य दुन्या का फाटक ओका पर विजय नी हुये.
MAT 16:19 मी तोखे स्वर्ग का राज्य कि कुंजी दियु अरु जो कुछ तू पृथ्वी पर बाधे, उ स्वर्ग मे भी बाधे. अरु जो कुछ तु पृथ्वी पर खोले, उ स्वर्ग मे भी खोले.”
MAT 16:20 तब ओने सेवक होन खे चेतावनी दी, “कोय से नी बोलनु! की मी मसीह हइ.”
MAT 16:21 उ टेम से यीशु अपना सेवक होन खे बतान लग्यो, “मेखे जरुरती हइ, की मी यरुशलेम खे जाउ, अरु बापदादाहोन अरु याजकहोन अरु पंडीतहोन का हात से भोत दुख उठायु अरु मार्या डाली जायु अरु तीसरा दिन जिन्दो हुये जायु.”
MAT 16:22 येका पर पतरस ने ओखे अलग ली जयखे धमकान लग्यो, हे प्रभु, परमेश्वर नी करणु! तरा पर असो कभी नी हुये.
MAT 16:23 ओने फिरीखे पतरस से बोल्यो, “हे सैतान, मरा सामने से दुर हुय जा! तू मरा लिये ठेस को कारण हइ. क्युकी तू परमेश्वर की बात नी, पर इन्सानहोन की बात पर मन लगास हइ.”
MAT 16:24 तब यीशु ने अपना सेवक होन से बोल्यो. “अगर कोय मरा पीछे आनो चाह्ये, ते अपना आप खे इन्कार कर अरु अपनो क्रुस उठा, अरु मरा पीछे हुये ले.
MAT 16:25 क्युकी जो कोय अपनो जान बचानो चाह्ये, उ ओखे गमाये. अरु जो कोय मरा लिये अपनो जान गमाये, उ ओखे पाये.
MAT 16:26 अगर इन्सान सब जगत खे मील्यो कर्‍हे ते, अरु अपना जान की हानी उठाये, ते ओखे का लाभा हुये? यो इन्सान अपना जान का बदल मे का दिये?
MAT 16:27 इन्सान को बेटो अपना स्वर्गदूतहोन का सात अपना बाप की महिमा मे आह्ये, अरु उ टेम उ हर एक खे ओका काम का अनुसार प्रतीफल दिये.
MAT 16:28 मी तुम से सच्ची बोलुस हइ की जो ह्या खडा हइ उनमे से केतना असा हइ, की जब तक इन्सान का बेटो खे ओका राज्य मे आते हुये नी देखी लिये, तब तक मरन को सवाद कभी नी चखे.”
MAT 17:1 छे दिन का बाद यीशु ने पतरस अरु याकूब अरु ओको भैइ यहून्ना खे सात लियो, अरु ओखे अकेला मे कोय उची टेकडी पर लीखे गया.
MAT 17:2 अरु व्हा उनका सामने ओको रुपातरण हुयो ओका मुडा पर सुरज का जसो चमक्यो अरु ओका कपडा उजाल्ला का जसो उजालो हुये गयो.
MAT 17:3 अरु मूसा अरु एलिय्याह ओका सात बात करता हुया तीन सेवक खे दिखय दियो.
MAT 17:4 येका पर पतरस ने यीशु से बोल्यो, “हे प्रभु, हमारो ह्या ऱ्हेनो अच्छो हइ. अगर तरी इच्छा हुये ते मी ह्या तीन मण्डप बनायु. एक तरा लिये अरु एक मूसा का लिये अरु एक एलिय्याह का लिये.”
MAT 17:5 उ बोली रो थो, की एक उजालो बद्दल ने उनखे झाकी लियो, अरु उ बद्दल मे से यो बोल नीकल्यो, “उ तरो लाड को बेटो हइ. जेका से मी प्रसन्न हुयो येको सुन.”
MAT 17:6 सेवक होन यो सूनीखे मुडा का बल गिरि गया अरु भोत डरी गा.
MAT 17:7 यीशु ने उनका पास अयखे पकड्यो, अरु बोल्यो, “उट, डरे मत.”
MAT 17:8 तब उनने अपना आख उठ्यखे यीशु खे छोडी खे कोय दुसरा खे नी देख्यो.
MAT 17:9 जब वे टेकडी से उतरी रा था तब यीशु ने उनखे या आज्ञा दि, “जब तक इन्सान को बेटो मऱ्या हुया मे से जिन्दो हुयो, तब तक जो कुछ तुम ने देख्यो हइ कोय दुन्याहोन से नी बोलनु.”
MAT 17:10 अरु ओका सेवक होन ने ओकासे पुछ्यो, “फिर व्यवस्था का शास्त्री का बोलस हइ, एलिय्याह को पैयले आनो नीश्वित हइ?”
MAT 17:11 ओने उत्तर दियो, “एलिय्याह तो जरुरती आह्ये अरु सब कुछ सुधारे.
MAT 17:12 पन मी तुम से बोलुस हइ, की एलिय्याह ए चुक्यो. अरु उनने ओखे नी पैछान्यो. पन जसो चायो असो ही ओका सात कऱ्यो. यो प्रकार से इन्सान को बेटो भी ओका हात से दुख उठाये.”
MAT 17:13 तब सेवक होन ने समझ्यो कि ओने हम से यहून्ना बपतिस्मा देनआला का बारे मे बोल्यो हइ.
MAT 17:14 “जब वे गर्दी का पास पोच्यो, ते एक इन्सान ओका पास आयो, अरु टोगऱ्या टेकी खे बोलन लग्यो.
MAT 17:15 हे प्रभु, मरा बेटा पर दया कर! क्युकी ओखे मीर्गी आस हइ, अरु उ भोत दुख उठास हइ. अरु बार-बार अंगार मे अरु बार-बार पानी मे गिरी जास हइ.
MAT 17:16 अरु मी ओखे तरा सेवक होन का पास लायो थो, पर वे ओखे अच्छो नी करी सक्या.”
MAT 17:17 यीशु ने उत्तर दियो, हे अविश्वासीहोन अरु बिगड्या दुन्याहोन, मी कब तक तुम्हारा सात ऱ्हुयु? कब तक तुम्हारो सहनु? ओखे ह्या मरा पास ला.
MAT 17:18 तब यीशु ने ओखे आज्ञा दी, अरु बुरीआत्मा ओमे से नीकली. अरु बेटो उ टेम मे अच्छो हुय गयो.
MAT 17:19 तब सेवक होन ने एकला मे यीशु का पास अयखे बोल्यो, “हम येखे, नी निकालीस सक्या?”
MAT 17:20 ओने उनका से बोल्यो, “अपना विश्वास कि कमी का कारण क्युकी मी तुम से सच्ची बोलुस हइ, अगर तुमारो विश्वास रइ का दाना का बराबर भी हुये, ते या टेकडी से बोली सखे, ह्या से सरकी खे व्हा से चली जा. ते वा चली जाये. अरु कोय बात तुमारा लिये कठीन नी हुये.
MAT 17:21 पर या जातहोन का बिना प्रार्थना अरु उपास का बिना नी नीकलस.”
MAT 17:22 जब वे गलील मे था, ते यीशु ने उनका से बोल्यो, “इन्सान को बेटो इन्सानहोन का हात मे पकड्यो जाये.
MAT 17:23 अरु वे ओखे मारी डालनो चास कि अरु उ तीसरा दिन जिन्दो उठ्ये.” येका पर वे भोत उदास हुये.
MAT 17:24 जब यीशु अरु सेवक कफरनहूम मे पोच्या, ते मन्‍दिर का लिये कर लेनवाला ने पतरस का पास अय खे ओका से पुछ्यो “तुमारो गुरु मन्‍दिर को कर नी दिये?”
MAT 17:25 ओने बोल्यो, हव देउस हइ. जब उ घर मे आयो, ते यीशु ने ओका पुछना से पैयले ओकासे बोल्यो, “हे शमौन तु का समझस? “पृथ्वी को राजो चुंगी या कर को का से लेस हइ? अपना बेटाहोन से या दुसरा से?”
MAT 17:26 पतरस ने ओकासे बोल्यो? “दुसरा से.” यीशु ने ओकासे बोल्यो, “तब बेटाहोन कर देना से बची गया.
MAT 17:27 फिर भी हम उनखे ठोकी खे नी खलानु, तु नदी का एक किनारा पर जय खे जाल डाल, अरु जो मंछी पैयले नीकले, ओखे ला. ते तोखे ओको मुडो खोलना पर एक चादी को सिक्काको मील्हे, ओखे लिखे मरो अरु अपना बदल मे उनखे दी देनु.”
MAT 18:1 उ टेम सेवक होन यीशु का पास अय खे ओखे पुछन लग्या, “स्वर्ग का राज्य मे बडो कोन हइ?”
MAT 18:2 येका पर ओने एक बच्चा खे ओका पास बुलय खे उनका बिच मे खडो कऱ्यो,
MAT 18:3 अरु तुम बोल्य, “मी तुम से सच्ची बोलुस हइ, अगर तुम नी बदलनु अरु बच्चाहोन का जसो नी बने, ते स्वर्ग का राज्य मे नी जय सकी पाये.
MAT 18:4 जो कोय अपना आप खे यो बच्चा का जसो छोटो कर्‍हे, उ स्वर्ग का राज्य मे बडो हुये.
MAT 18:5 अरु जो कोय मरा नाम से एक असो बच्चा खे अपनास हइ उ मेखे अपनास हइ.
MAT 18:6 “पर जो कोय यो छोटा मे से जो मरा पर विश्वास करस हइ उ एक खे विश्वास मे ठोकर देस, ओका लिये अच्छो हुये की बडी चक्की को पाट ओका गला मे लटकायो जाये, अरु उ खोल समुदर मे डूबी जाये.
MAT 18:7 ठोकर का कारण जगत पर हाय! विश्वास मे धोको मीलनो जरुरती हइ. पर हाय उ इन्सान पर जेका वजेसे ठोकर लगस हइ.
MAT 18:8 “अगर तरा हात या तरा पाय तोखे विश्वास मे धोको देस, ते उनखे काटी खे फेकी दे. अरु टुट्या या लगडा हुइ खे जिवन मे प्रवेश करणो तरा लिये येका से अच्छो हइ, कि दो हात या दो पाय ऱ्हेता हुये तू अनन्त अंगार मे डाल्यो जाये.
MAT 18:9 अगर तरा आख तोखे विश्वास मे ठोकर दिये ओखे फेकीदे, ते ओखे नीकाली खे फेकी दे, न हुइ खे भी जिवन मे प्रवेश करणो तरा लिये येका से अच्छो नी हइ, की दो आख ऱ्हेते हुये तू नरक की अंगार मे डाल्यो जाये.
MAT 18:10 “देख तुम ये छोटा मे से तुच्छ नी जाननु. क्युकी मी तुम से बोलुस हइ, कि स्वर्ग मे उनका स्वर्गदूत मरा स्वर्गीय बाप को मुडो हमेशा देखस हइ.
MAT 18:11 क्युकी इन्सान को बेटो गम्या हुया खे बचान आयो हइ.
MAT 18:12 “तुम का समझस हइ? अगर कोय इन्सान का पास सौ मेडा हुये, अरु ओमे से एक भटकी जाये ते, नन्यानन्व खे छोडी खे अरु टेकडी पर जैखे, उ भटकी हुये खे नी ढुढे?
MAT 18:13 अगर असो हुये की ओखे पाये, ते मी तुम से सच्ची बोलुस हइ, कि उ वे नन्यानन्व मेडा का लिये जो भटकी नी थी अतनो आनन्द नी करस, जेतनो की या मेडा का लिये करस हइ.
MAT 18:14 असा मे तुमारा बाप की जो स्वर्ग मे हइ या इच्छा नी की ये छोटा मे से एक भी खतम हुये.
MAT 18:15 “अगर तरो भैइ तरा बदल मे पाप करस, ते जा अरु येकला मे बातचीत करीखे ओखे समझा. अगर उ तरी सुने ते अपनो भैइ तोखे मीली गयो.
MAT 18:16 अगर उ नी सुने, ते एक दो झना खे अपना सात लिखे जा, जसो कि शास्त्र मे लिख्यो हइ कि हर एक की बात दो या तीन गवाह का मुडा से रुखी जाये.
MAT 18:17 अगर उ उनकी भी नी माने, ते मंडली से बोली दे, पन अगर उ मंडली कि भी नी माने का ते तू ओखे गैरयहूदिहोन का अरु चुंगी लेनवाला का जसो जानस.
MAT 18:18 “मी तुम से सच्ची बोलुस हइ, जो कुछ तुम पृथ्वी पर बाधे, उ स्वर्ग पर भी बाधे अरु जो कुछ तुम पृथ्वी पर खोले, उ स्वर्ग मे भी खोले.
MAT 18:19 “फिर मी तुम से बोलुस हइ, अगर तुम मे से दो झना पृथ्वी पर कोय बात का लिये जेखे वे मागस, एक मन हुइ खे ते उ मरा बाप का तरप से जो स्वर्ग मे हइ उनका लिये पुरो कऱ्यो जाये.
MAT 18:20 क्युकी झा दो या तीन मरा नाम पर जमा होस हइ व्हा मी उनका बीच मे होस हइ.”
MAT 18:21 तब पतरस ने ओका पास अय खे, यीशु से बोल्यो, “हे प्रभु, अगर मरो भैइ पाप करतो ऱ्हीये, ते मी केत्तना बार ओखे माफ करु, सात बार तक?”
MAT 18:22 यीशु ने ओकासे बोल्यो, मी तरा से नी बोलुस, की सात बार तक वरन सात बार खे सत्तर गुना तक.
MAT 18:23 “येका लिये स्वर्ग को राज्य उ राजा का जसो हइ, जेने अपना सेवक होन से लीख्यो लेनो चायो.”
MAT 18:24 जब उ लीख्यी लेन लग्यो, ते एक झनो ओका जसो लायो गयो जो करोड सिक्का को कर्जदार थो.
MAT 18:25 जब की चुकान खे ओका पास कुछ नी थो, ते ओका स्वामी ने बोल्यो, की यो अरु येकी लुगेन अरु ओका बाल-बच्चा अरु जो कुछ येको हइ सब कुछ बेची जाह्ये अरु उ करजो चुकय दियो जाये.
MAT 18:26 येका पर उ सेवक ने ओका पाय पर गिरी खे ओखे प्रणाम कऱ्यो, अरु बोल्यो, हे स्वामी तुम धीरज धर मी सब कुछ भरी दुयु.
MAT 18:27 तब उ सेवक का स्वामी ने दया खय खे ओखे छोडी दियो, अरु ओको करजो माफ कऱ्यो.
MAT 18:28 “पन जब उ सेवक बाहेर नीकल्यो, ते ओका सब, सेवक होन मे से ओखे मील्या, जो ओका सौ सिक्का को कर्जदार थो. ओने ओखे पकड्यो, ‘ओका गलो दबायो अरु बोल्यो, जो कुछ तरा पर कर्जो हइ भरी दे.’
MAT 18:29 येका पर ओका सात का सेवक होन ओका पाय पर गिरी खे, अरु ओकासे प्रार्थना करण लग्यो. कि धीरज धर मी सब भरी दुयु.
MAT 18:30 ओने नी मान्यो, पन जय खे ओखे बन्दीगृह मे डाली दियो. कि जब तक कर्जा खे भरी नी दिये तब तक व्हा ऱ्हेये.
MAT 18:31 ओका सात का सेवक यो जो हुयो थो देखी खे उदास हुया, अरु अपना स्वामी खे पुरो हाल बतय दियो.
MAT 18:32 तब ओका स्वामी ने ओखे बुलय खे अरु ओकासे बोल्यो, ‘हे दुष्ट सेवक, तोने जो मरासे प्रार्थना करी, ते मेने उ तरा पुरो कर्जो माफ कऱ्यो.
MAT 18:33 येका लिये जसो मेने तरा पर दया करी, असो ही का तोखे भी अपना सात का सेवक पर दया करणो नी चातो थो?’
MAT 18:34 अरु ओका स्वामी ने घुस्सा मे अय खे ओखे जाल मे भेजी दियो, कि जब तक उ सब कर्जो भरी नी दिये तब तक व्हा पर ऱ्हीहे.”
MAT 18:35 यो प्रकार अगर तुम मे से हर एक, “अपना भैइ खे मन से माफ नी करस ते मरो बाप जो स्वर्गीय मे हइ, तोखे भी माफ नी कर्‍हे.”
MAT 19:1 जब यीशु ने या बात बोली दी, ते उ गलील से चली गयो. अरु यहूदीया का परदेस मे यरदन नद्दी का पार आयो.
MAT 19:2 अरु बडी गर्दी ओका पुछे हुये ली, अरु ओने उनखे व्हा अच्छो कऱ्यो.
MAT 19:3 तब फरीसी ओकी परीक्षा करण का लिये ओका पास अय खे बोलन लग्या, “का हर एक कोय भी कारण से अपनी लुगेन खे छोडनो अच्छो हइ का?”
MAT 19:4 ओने उन खे उत्तर दियो, “तुम ने शास्त्र मे नी पढ्यो, जेने उनखे बनायो ओने पैयलेसे से अदमी अरु लुगेन बनय,
MAT 19:5 येका करण इन्सान अपना माय बाप से अलग हुइ खे अपनी लुगेन का सात ऱ्हेस अरु वे दो झना एक तन हुये?
MAT 19:6 अत: वे अब दो नी पन एक तन हइ येका लिये जेने परमेश्वर ने जोड्यो हइ, ओखे इन्सानहोन अलग नी करस.”
MAT 19:7 ओने यीशु से बोल्यो, “फिर मूसा ने का यो ठयरायो की फारकती दीखे ओखे छोडी दे?”
MAT 19:8 यीशु ने उनका से बोल्यो, “मूसा ने तुमारा मन की कठुरता करण तोखे अपनी लुगेन खे छोडी देन की अनुमति दी, पन पैयले से पैयले असो नी थो.
MAT 19:9 अरु मी तुम से बोलुस हइ, कि जो कोय व्यभिचार खे छोडी खे अरु कोय करण से अपनी लुगेन खे तरास कर्‍हे ते दुसरी से भ्याव कर्‍हे, उ व्यभिचार करस हइ.”
MAT 19:10 सेवक होन ने ओकासे बोल्यो, “अगर अदमी अरु लुगेन का बिच मे असी बात हइ ते यो अच्छो हइ की भ्याव नी कर्‍हे.”
MAT 19:11 ओने उनका से बोल्यो, “सब भ्याव का बिना नी ऱ्ही सकस, फक्त वे जेखे यो दान दियो गयो हइ.
MAT 19:12 क्युकी कुछ नपुसक असो हइ जो माय का पेट मे से असो जन्म लेस अरु कुछ नपुसक असो हइ, जेखे इन्सान ने नपुसक बनायो: अरु कुछ नपुसक असो हइ, जेने स्वर्ग को राज्य का लिये अपना आप खे नपुसक बनायो हइ, जो येखे अपनायो करी सकस हइ उ अपनास हइ.”
MAT 19:13 तब दुन्याहोन ने बच्चाहोन खे ओका पास लाया, कि उ उन पर हात रखी खे अरु प्रार्थना कर. पर सेवक होन ने उन खे धमकय दियो.
MAT 19:14 यीशु ने बोल्यो, “बच्चाहोन खे मरा पास आन दे, अरु उन खे मना नी करणु क्युकी स्वर्ग को राज्य इनका जसो ही हइ.”
MAT 19:15 अरु उ उन पर हात रखी खे व्हा से चली गयो.
MAT 19:16 अरु एक इन्सान ने ओका पास अय खे ओकासे बोल्यो, “हे गुरु मी कोन सो अच्छो काम करु कि मी अनन्त जिवन मील्हे?”
MAT 19:17 ओने ओकासे बोल्यो, “तू मरा से भलाइ का बारे मे पुछस हइ? अच्छो नी हइ. पर अगर तू जिवन मे प्रवेश करणो चास हइ, ते आज्ञाहोन खे मानीले.”
MAT 19:18 ओने ओकासे बोल्यो, “कोन सी आज्ञा?” यीशु ने बोल्यो, “की कोय खे मारनु नी करणु, अरु व्यभिचार नी करणु, अरु चोरी नी करणु, अरु झुठी गवाही नी देनु.
MAT 19:19 अपना बाप अरु अपनी माय को आदर करणो, अरु अपना घर का बाजु आला से अपना जसो प्रेम रखनो.”
MAT 19:20 उ जवान ने ओकासे बोल्यो, “या सब खे ते मेने मानी ली हइ अब मरा मे अरु कोय बात की कमी नी हइ?”
MAT 19:21 यीशु ने ओकासे बोल्यो, “अगर तु सिध्द होनु चास हइ. ते जा, अपनो सब कुछ बेची खे गरीबहोन खे बाटी दे. अरु तोखे स्वर्ग मे धन मीले. अरु अय खे मरा पीछे हुये ले.”
MAT 19:22 पन उ जवान या बात सुनीखे उदास हुइ खे चली गयो, क्युकी उ भोत धनी थो.
MAT 19:23 तब यीशु ने अपना सेवक होन से बोल्यो, “मी तुम से सच्ची बोलुस हइ, कि धनवान इन्सान खे स्वर्ग का राज्य मे प्रवेश करणो भोत कठीन हइ.
MAT 19:24 फिर मी तुम से बोलुस, कि परमेश्वर को राज्य मे धनवान इन्सान को प्रवेश करणा से उट, सूइ का नाक मे से नीकली खे जानो सहज हइ.”
MAT 19:25 यो सूनी खे, सेवक होन भोत चकीत हूइ खे बोल्यो, “फिर कोय को उध्दार हुइ सकस?”
MAT 19:26 यीशु ने उनका तरप देखी खे बोल्यो, “इन्सानहोन से तो यो नी हुये सकस, पन परमेश्वर से सब कुछ हुये सकस हइ.”
MAT 19:27 येका पर पतरस ने ओकासे बोल्यो, “देख, हमने तो सब कुछ छोडी खे तरा पीछे हुये लिया हइ ते हम खे का मीले?”
MAT 19:28 यीशु ने उनका से बोल्यो, मी तुम से सच्ची बोलुस हइ की नवा जमाना मे जब इन्सान को बेटो अपनी महिमा का सिंहासन पर बठे, ते तुम भी जो मरा पिछे हुये लिया हइ, बारा सिहासनहोन पर बठि खे अरु इस्राएल का बारा कुलहोन को न्यान कर्‍हे.
MAT 19:29 अरु जो कोय ने घरहोन, या भैइ, या भैइन, या बाप, या माय, या बाल-बच्चा, या खेत, खे मरा नाम का लिये छोडी दियो हइ ओखे सौ बुरो मीलस, अरु उ अनन्त जिवन को अधिकार हुये.
MAT 19:30 पन भोत सारा जो पैयले हइ, वे दुसरा हुये. अरु जो दुसरा हइ, वे पैयले हुये.
MAT 20:1 स्वर्ग को राज्य कोय गृहस्थ का जसो हइ, जो फजर खे नीकलस कि अपना अंगूर कि बाडी मे मजुरहोन को लानो.
MAT 20:2 अरु ओने मजुरहोन से एक दिन मजुरी पर ठहरायो, उन खे अपना अंगूर कि बाडी मे भेज्यो.
MAT 20:3 फिर पहर को एक दीन चढ्यो ओने नीकली खे कुछ दुन्या खे बजार मे बेकार खडो देखी खे,
MAT 20:4 अरु उनका से बोल्यो, तुम भी अंगूर की बाडी मे जा, अरु जो कुछ योग्य हइ, तुम खे दियु. तब वे भी गया.
MAT 20:5 फिर ओने दुसरा अरु तीसरा पार का बाहेर नीकली खे असो ही कऱ्यो.
MAT 20:6 अरु संज्जा का पाच बजे फिर उ नीकली खे दुसरा खे खडो देख्यो, अरु ओकासे बोल्यो तुम का ह्या दीन भर बेकार खडा ऱ्हेस? उनने ओकासे बोल्यो,
MAT 20:7 येकालिये कि कोय हमखे काम पर नी लगाय. ओने उनका से बोल्यो, तुम भी अंगूर की बाडी जा.
MAT 20:8 “प्रभु ने संज्जा खे अंगूर की बाडी का मालीक ने अपना मुकडदम से बोल्यो, मजुरहोन खे बुलय खे पिछला से लिखे पैयले तक उन खे मजुरी दी दे.
MAT 20:9 जब वे आया, जो पाच बजे ही मजुरी लगय गया था, ते उनखे एक-एक सिक्का मील्या.
MAT 20:10 जो पैयले आया था, उनखे भी समझ मे आयो, की हम खे जादा मील्हे. पन उन खे भी एक एक सिक्का य मील्यो.
MAT 20:11 जब मील्यो, ते उ घर का मालीक पर घुस्सा हुये खे बोलन लग्यो,
MAT 20:12 यो पिछेआला ने एक ही घंटो काम कऱ्यो, अरु तोने उनखे हमारा बरोबर करी दियो, जेने दिन भर भार उठायो अरु घाम खायोस?
MAT 20:13 ओने उनका से एक खे उत्तर दियो, हे दोस्त, मी तरा से कुछ अन्याय नी करुस. का तोने मरासे एक चान्‍दी को सिक्का नी ठहरायो थो?
MAT 20:14 जो तरो हइ, उठ्य ले, अरु चली जा. मरी इच्छा या हइ की जेतनो तोखे, येतनो ही उ दुसरा खे भी दुयु.
MAT 20:15 का यो उचित नी की मी अपना माल से जो चाहु असो ही करु? का तू मरा भला होन का कारण मरा तरप बूरी नजर से देखस हइ का?”
MAT 20:16 उजालो जो अगलो हइ, “यो प्रकार जो आखरी अरु जो पयलो, हइ वे आखरी हुये जाये.”
MAT 20:17 यीशु यरुशलेम खे जास हुये बारा सेवक होन खे एकात जगा मे ली गयो, अरु रस्ता मे उनका से बोलन लग्यो.
MAT 20:18 “देख, हम यरुशलेम खे जास हइ. अरु इन्सान को बेटो मुख्य याजकहोन अरु पंडीतहोन का हात पकडि जानो अरु वे ओखे मृत्यु दण्ड का योग्य ठहरास.
MAT 20:19 अरु ओखे गैरयहूदीहोन का हात मे सोपे, कि वे ओखे मजाक मे उडाये जाये, अरु कोडा मारी खे, अरु क्रुस पर चेडाये अरु उ तीसरा दिन जिन्दो कर्ह्यो जाह्ये.”
MAT 20:20 फिर जब्दी का बेटाहोन की माय ने अपना बेटाहोन का सात यीशु का पास अयखे प्रणाम कऱ्यो, अरु ओकासे कुछ मागन लगी.
MAT 20:21 यीशु ने ओकासे पुच्यो, “तु का चास हइ?” वा ओकासे बोली, “यो बोल, कि मरा ह्या दो बेटा तरा राज्य मे एक तरा डाखोऱ्या तरप अरु एक तरा जवना तरप बठ्यो.”
MAT 20:22 यीशु ने उत्तर दियो, “तु नी जानस की का मागुंस हइ. जो कटोरो मी पीना पर हइ, का तू पी सकस हइ?” यीशु ने ओकासे बोल्यो, “हव पी सकस हइ.”
MAT 20:23 ओने ओकासे बोल्यो, “तु मरो कटोरो ते पिये पर अपना डाखोरा अरु जवना कोय खे बठानो मरो काम नी, पर जेका लिये मरो बाप ने तैयार कऱ्यो गयो, उनका लिये हइ.”
MAT 20:24 यो सुनीखे दस सेवक होन ये दो भैइहोन पर घुस्सा हुया.
MAT 20:25 यीशु ने उन खे पास बुयल खे बोल्यो, “तुम जानस हइ, की गैरयहूदीहोन को अधिकारी उन पर प्रभुता करस हइ. अरु जो बडा हइ, वे उन पर अधिकार जतास हइ.
MAT 20:26 पन तुम मे असो नी हुये. पन जो कोय तुम मे बडो होनु चास, उ तुमारो सेवक होन खे बनस.
MAT 20:27 अरु जो तुम मे मुखियो होनु चास उ तुमारो सेवक बनस.
MAT 20:28 जसो की इन्सान को बेटो, उ येकालिये नी आयो की अपनी सेवा करवास, पन येकालिये आयो की सेवा कर्‍हे अरु भोत झना का लिये अपनी जान दिये.”
MAT 20:29 जब यीशु अरु ओका सेवक यरीहो से नीकली रा था, ते एक बडि गर्दी ओका पीछे हुइ ली.
MAT 20:30 अरु दो अंधा, जो सडक का धुरो पर बठ्या था, यो सुनीखे कि यीशु जय रोस हइ, “बुलय खे बोलन लग्या, हे प्रभु, दाउद का बेटा, हम पर दया कर.”
MAT 20:31 दुन्याहोन ने उनखे गाली दी, खे चुप ऱ्हे, ओखे धमकय खे बोलन लग्या, हे प्रभु, दाउद का बेटा, हम पर दया कर.
MAT 20:32 तब यीशु ने खडो हूइ खे, उनखे बुलायो, अरु बोल्यो, “तुम का चास हइ की मी तुमारा लिये का करु?”
MAT 20:33 उनने ओकासे बोल्यो, “हे प्रभु, यो की हमारी आख खुली जाये.”
MAT 20:34 यीशु ने दया खय खे उनकी आखहोन खे पकड्या, अरु वे झल्दी देखन लग्या. अरु ओका पीछे हुइ लिया.
MAT 21:1 जब यीशु ओका सेवक यरुशलेम का नजीक पोच्या अरु जैतून का झाड पर बैतफगे का पास आया, ते यीशु ने दो सेवक होन खे यौ बोलीखे भेज्यो,
MAT 21:2 अपना सामने का गाव मे जा, व्हा पोचते ही एक गधी बाधी हइ, अरु ओका सात बच्चा होन तुम खे मील्हे. उन खे खोली खे, मरा पास लिखे आ.
MAT 21:3 अगर तुम से कोय कुछ बोले, ते ओखे बोल, की प्रभु खे इनकी जरुरत हइ तब उ झल्दी उनखे भेजी दिये.
MAT 21:4 यो येका लिये हुयो, की जो वचन भविष्यव्दक्ता का वजेसे बोल्यो गयो थो का उ पुरो हुये
MAT 21:5 “सिय्योन कि बेटी से बोल, देख, तरो राजो तरा पास आस हइ. उ नम्र हइ अरु गधी पर बठ्यो हइ. जब गधी का बच्चा पर”.
MAT 21:6 सेवक होन ने जय खे जसो यीशु ने उनका से बोल्यो थो, असो ही कऱ्यो.
MAT 21:7 अरु गधी अरु बच्चाहोन खे लयखे, उन पर अपना कपडा डाले, अरु यीशु ओका पर बठी गयो.
MAT 21:8 अरु भोत सारा दुन्याहोन ने अपना कपडा खे रस्ता मे बिछायो, अरु दुन्याहोन ने झाड से डग्‍यान तोडी खे रस्ता मे बिछायो.
MAT 21:9 अरु जो गर्दी आगेजानआली अरु पीछे से आनवाली खे बुलय-बुलय खे बोलन लगी, “दाउद का बेटा को जय हुये. धन्य हइ उ जो प्रभु का नाम से आस हइ, बद्दल मे होशन्ना.”
MAT 21:10 जब ओने यरुशलेम मे प्रवेश कऱ्यो, ते सब नगर मे भाग दोड मची गइ. अरु दुन्या बोलन लग्या, “की यो कोन हइ?”
MAT 21:11 “दुन्याहोन ने बोल्यो, यो गलील को नासरत को भविष्यव्दक्ता यीशु हइ”
MAT 21:12 यीशु ने परमेश्वर की मन्‍दिर मे जयखे, उन सब खे, जो मन्‍दिर मे लेनो-देनो करी रा था, नीकली दियो. अरु साफ का मेज अरु कबूतर खे बेचनआला खे चौकी उलटय दी.
MAT 21:13 अरु ओने बोल्यो, “शास्त्र मे लिख्यो हइ, अरु परमेश्वर ने बोल्यो हइ की मरो घर प्रार्थना को घर बोलस हइ. पन तुम येखे लुटेरा को अडो बनास हइ.”
MAT 21:14 अरु अंधा अरु लगडा, मन्‍दिर मे ओका पास आया, अरु ओने उनखे अच्छो कऱ्यो.
MAT 21:15 पन जब प्रधान याजकहोन अरु पंडीतहोन ने यो बडो काम खे, जो ओने कऱ्यो, अरु लगडा खे मन्‍दिर मे दाउद का बेटा खे होशन्ना, बोलते हुये देख्यो, ते वे घुस्सा हुया,
MAT 21:16 अरु ओकासे बोलन लग्या तू सुनस हइ की यो, “बोलस हइ?” यीशु ने उनका से बोल्यो, “हव, तुम ने यो शास्त्र मे कभी पढ्यो नी बालकहोन अरु दूध पीता बच्चाहोन का मुडा से तोने स्तुती सिध्द करी?”
MAT 21:17 तब उ उनखे छोडी खे नगर का बाहेर बैतनीय्याह गाव मे गयो, अरु व्हा रात बितय.
MAT 21:18 दुसरा दिन खे जब उ नगर खे लोटी रो थो, ते ओखे भुख लगी.
MAT 21:19 अरु अंजीर का झाड खे सडक का किनारा पर देखी खे उ ओका पास गयो, अरु पता खे छोडी खे ओमे अरु कुछ नी पय खे ओकासे बोल्यो, “अभी से तरा मे कभी फल नी लगन का,” अरु अंजीर को झाड झल्दी सुखी गो.
MAT 21:20 यो देखी खे सेवक होन ने अचम्बो कऱ्यो अरु बोल्यो, “यो अंजीर को झाड झल्दी कसो सुखी गयो?”
MAT 21:21 यीशु ने उनखे उत्तर दियो, “मी तुम से सच्ची बोलुस हइ. अगर तुम विश्वास रखे ते, अरु दुर नी कर्‍हे. ते फक्त यो कर्‍हे, जो यो अंजीर का झाड से कऱ्यो गयो हइ. पन अगर या टेकडी से भी बोले की उखडी जा अरु समुदर मे जा पड ते यो हुये जाये.
MAT 21:22 अरु जो कुछ तुम प्रार्थना मे विश्वास से मागे उ सब तुम खे मीले.”
MAT 21:23 यीशु मन्‍दिर मे फिर से जयखे शिक्षा करण लग्यो, की प्रधान याजक अरु दुन्याहोन बापदादा ने ओका पास अयखे पुछ्यो, “तू यो काम कोनता अधिकार से करस हइ? अरु तोखे यो अधिकार कोने दियो हइ?”
MAT 21:24 यीशु ने उनखे उत्तर दियो, “मी भी तुम से एक बात पुछस हइ, अगर उ मेखे बताये ते मी भी तुमखे बतायु कि यो काम को का अधिकार से करुस हइ.
MAT 21:25 यहून्ना को बपतिस्मा खा से थो? स्वर्ग का तरप से या इन्सान का तरप से थो?” तब वे आपस मे वाद विवाद करण लग्या, “अगर हम बोले ते स्वर्ग का तरप से ते उ हम से बोले की फिर तुम ने ओको विश्वास क्यु नी कऱ्यो?”
MAT 21:26 “अरु अगर बोले, इन्सान का तरप से, ते हम खे गर्दी को डर हइ, क्युकी वे सब यहून्ना खे भविष्यव्दक्ता मानस हइ.”
MAT 21:27 अत उनने यीशु खे उत्तर दियो, “हम नी जानस.” ओने भी उनका से बोल्यो, ते मी भी तुमखे नी बतवू, कि यो काम कोय अधिकार से करुस हइ.
MAT 21:28 “तुम का समझस हइ? कोय इन्सान का दो बेटा था. ओने पैयला का पास जयखे बोल्यो हे बेटा आज अंगूर की बाडी मे काम कर.
MAT 21:29 ओने उत्तर दियो मी नी जउ पन बाद मे ओने अपनो मन बदली दियो अरु चली गयो.
MAT 21:30 फिर दुसरा का पास जयखे असो ही बोल्यो प्रभु ने उत्तर दियो, जी हव, जउस हइ, पन नी गयो.
MAT 21:31 ये दो मे से को ने बाप की इच्छा पुरी करी? “उनने बोल्यो, पैयला ने. यीशु ने उनका से बोल्यो, “मी तुम से सच्ची बोलुस हइ चुंगी लेनवालो अरु वेश्या तुम से पैयले परमेश्वर का राज्य मे प्रवेश करी रास हइ.
MAT 21:32 क्युकी यहून्ना धार्मीकता का रस्ता से तुमारा पास आयो, अरु तुम ने ओका पर विश्वास नी कऱ्यो पर चुंगी लेनवाला अरु वेश्याहोन ने ओका पर विश्वास कऱ्यो अरु तुम देखी खे बाद मे भी नी पछतायो की ओका पर विश्वास करी लेता.
MAT 21:33 “एक अरु दृष्‍टान्‍त सुन, एक घर थो, जेने अंगूर की बाडी लगय. अरु ओका चारी तरप बादी बाधी. अरु ओने एक रस को कुवो खोद्यो. अरु मचाग बनय. अरु किसानहोन खे ओको ठेको दिखे उ परदेस चली गयो.
MAT 21:34 जब फल को टेम नजीक आयो, ते ओने अपना सेवक होन खे ओका फल लान का लिये किसानहोन का पास भेज्यो.
MAT 21:35 पर किसानहोन ने ओका सेवक होन खे पकडी खे, कोय खे पीटियो, अरु कोय खे मारी डाल्यो. अरु कोय पत्थर माऱ्यो.
MAT 21:36 फिर ओने अरु सेवक होन खे भेज्यो, जो पैयले से जादा था. अरु उनने उनका से भी असो हि कऱ्यो.
MAT 21:37 अन्नत मे ओने अपना बेटा खे उनका पास यो सोची खे भेज्यो, कि वे मरा बेटा को सम्मान कर्‍हे.
MAT 21:38 पन किसानहोन ने बेटा खे देखी खे आपस मे बोल्यो, यो तो वारिस हइ, ओखे भी मारी डालस हइ अरु ओकी सम्पंत्ती ली लेवास.
MAT 21:39 अरु उनने ओखे पकड्यो अरु अंगूर की बाडी से बाहेर नीकाली खे मारी डाल्यो.
MAT 21:40 “यीशु ने पुछ्यो, येका लिये जब अंगूर की बाडी को स्वामी आये, ते ये किसानहोन का सात का कर्‍हे? यीशु खे आते देख्यो.
MAT 21:41 “उनने ओकासे बोल्यो, ‘उ वे बुरा दुन्याहोन खे जरुरत खतम कर्‍हे.’ अरु अंगूर की बाडी को ठेको ‘अरु किसानहोन खे दिये जो टेम’ पर ओका फल दियो कर्‍हे.”
MAT 21:42 यीशु ने उनखे उत्तर दियो, तुम ने कभी पवित्रशास्त्र मे यौ नी पढ्यो? जो पत्थर खे राजमिस्त्रीहोन खे नी बुरो समझ्यो थो. उ कोना का माथा को फत्तर हुइ गयो. यो प्रभु का तरप से हुयो; अरु हमारी नजर मे बडो हइ!
MAT 21:43 “येका लिये मी तुम से बोलुस हइ, की परमेश्वर, ‘को राज तुम से ली लियो जाये.’ अरु असी जातहोन को जसो ओको फल लास हइ.
MAT 21:44 ‘जो यो पत्थर पर,’ गिरी गयो उ चकनाचुर हुये जाये अरु जेका ‘पर उ गिरे, ओखे पिसी डाले.’”
MAT 21:45 प्रधान याजकहोन अरु फरीसी ओका दृष्‍टान्‍तहोन खे सुनीखे समझी गया, की उ हमारा विषय मे बोलस हइ.
MAT 21:46 अरु उनने ओखे पकडनो चायो, पन वे दुन्याहोन से डरी गया क्युकी वे ओखे भविष्यव्दक्ता जानता था.
MAT 22:1 येका पर यीशु ने फिर उनका से दृष्‍टान्‍त मे बोलन लग्यो.
MAT 22:2 स्वर्ग को राज्य उ राजा का जसो हइ, जेने अपना बेटा को भ्याव कऱ्यो.
MAT 22:3 अरु ओने अपना सेवक होन खे भेज्यो, नीवता दिया हुया दुन्याहोन खे भ्याव का खाना मे बुला. पन उनने आनो नी चायो.
MAT 22:4 फिर ओने अरु सेवक होन खे यो बोली खे भेज्यो नीवता दिया हुया दुन्याहोन से बोल देख कि मी खानो तैयार करी चुक्यो हइ, अरु मरा बैल अरु पाल्या हुया जानवर होन माऱ्या गया हइ, अरु सब कुछ तैयार हइ. भ्याव का खाना मे आ.
MAT 22:5 पन वे नीवता खे दिखे येका पर कोय ने ध्यान नी दियो कोय अपना खेत मे, कोय अपना धदा मे.
MAT 22:6 अरु दुसरा दुन्याहोन ने जो बची रा था ओका सेवक होन खे पकडी खे उनको अपमान करी खे मारी डाल्यो.
MAT 22:7 तब राजा खे घुस्सा अह्ये अरु ओने अपना सेना खे भेजी खे वे खुनी होन खे खतम कऱ्यो, अरु उनका नगर खे फुकी दियो.
MAT 22:8 तब ओने अपना सेवक होन से बोल्यो, भ्याव को खानो तैयार हइ, पन नीवता दिया दुन्याहोन लायक नी रुख्या.
MAT 22:9 येका लिये चौक मे जा, अरु जतना दुन्या तुम खे मीलस, सब खे भ्याव का खाना मे बुलय ला.
MAT 22:10 वे सेवक होन ने सडक पर जय खे का बुरा का भला, जेतना मील्या, सब खे जमा कऱ्या. अरु भ्याव को घर मीजवान होन से भरी गयो.
MAT 22:11 “जब राजा मीजवानहोन खे देखन खे अंदर आयो. ते ओने व्हा एक इन्सान खे देख्यो, जो भ्याव का कपडा नी पेन्यो थो.
MAT 22:12 ओने ओकासे पुछ्यो, हे दोस्त. तू भ्याव का कपडा पेने बिना ह्या काय का लिये आयो? अरु उ इन्सान चुप हुय गयो.
MAT 22:13 तब राजा ने सेवकहोन से बोल्यो. येका हात-पाय बाधीखे ओखे बाहेर अंधारा मे डाली दे, उ रोन लग्यो, अरु दात पीसन लग्यो.
MAT 22:14 क्युकी बुलाया हुया ते भोत हइ पन चुन्या हुया जरासा हइ.”
MAT 22:15 तब फरीसीहोन ने जय खे आपस मे बिचार करी, की येखे सवाल पुछी खे कसो फसावा.
MAT 22:16 उनने अपना सेवक होन खे हेरोदिया का सात ओका पास यो बोली खे भेज्यो, “हे गूरु, हम जानस हइ, की सच्ची हइ, अरु परमेश्वर की रस्ता सच्चाइ से सिखस हइ, अरु कोय को भेदभाव नी करस हइ, क्युकी तू इन्सान का मुंडा देखी खे बात नी करस हइ.
MAT 22:17 येका लिये हम खे बता तु का समझस हइ? कैसर खे कर देनो अच्छो हइ, की नी.”
MAT 22:18 यीशु ने उनका दृष्‍टान्‍त जानीखे बोल्यो, “हे कपटिहोन, इन्सान होन मेखे क्यु परखस हइ?
MAT 22:19 कर को सिक्को मेखे बता.” तब वे ओका पास एक सिक्को लीखे आया.
MAT 22:20 ओने उनका से पुछ्यो, “यो चित्र अरु नाम कोको हइ?”
MAT 22:21 उनने ओकासे बोल्यो, कैसर को. तब ओने उनका से बोल्यो, “जो कैसर को हइ, उ कैसर खे दे. अरु जो परमेश्वर को हइ, उ परमेश्वर खे दे.”
MAT 22:22 यो सुनीखे उनखे अचम्बो कऱ्यो, अरु ओखे छोडी खे वे चली गया.
MAT 22:23 उ दीन सदूकि जो बोलस हइ की मऱ्या हुया को पुनरुत्थान हइ की नी ओका पास आयो, अरु ओकासे पुछ्यो,
MAT 22:24 “हे गुरु, मूसा ने बोल्यो थो, की अगर कोय बिना बेटा को मरी जाये ते ओको भैइ ओकी लुगेन का सात भ्याव करी खे अपना भैइ का लिये कुल पइदा कर्‍हे.
MAT 22:25 अभी हम ह्या सात भैइ था. पयलो भ्याव करीखे मरी गयो. अरु बेटा नी होन का कारण अपनी विधवा लुगेन खे अपना भैइ का लिये छोडी गयो.
MAT 22:26 यो प्रकार दुसरा ने अरु तीसरा ने भी कऱ्यो, अरु सात तक यो चलतो ऱ्हियो.
MAT 22:27 सब का बाद मे वा बय भी मरी गय.
MAT 22:28 जिन्दो उठना पर वा वे सात मे से कोकी लुगेन हुये? क्युकी वा सब की लुगेन हुय चुकी थी.”
MAT 22:29 यीशु ने उनखे उत्तर दियो, “तुम पवित्रशास्त्र अरु परमेश्वर की सामर्थ्य नी जानस. यो कारण बडी भूल मे पडी गो हइ.
MAT 22:30 क्युकी जिन्दी उठना पर भ्याव नी कर्‍हे अरु नी भ्याव मे दियो जाये. पन वे स्वर्ग का दूत का सामने हुये.
MAT 22:31 पन मऱ्या हुया का जिन्दी उठन का विषय मेका तुम ने यो वचन नी पढ्यो जो परमेश्वर ने तुम से बोल्यो:
MAT 22:32 मी अब्राहम को परमेश्वर, अरु इसहाक को परमेश्वर, अरु याकूब को परमेश्वर हइ? उ मऱ्या हुया को नी, पन जिन्दा को परमेश्वर हइ.”
MAT 22:33 जब यो सुनीखे यीशु कि शिक्षा पर दुन्या चकीत हुया.
MAT 22:34 जब फरीसीहोन ने सुनी खे यीशु ने सदूकिहोन को मुंडो बन्द करी दियो. ते वे जमा हुया.
MAT 22:35 अरु ओमे से एक व्यवस्था का मास्तर ने परखन का लिये ओकासे पुछ्यो,
MAT 22:36 “हे गुरु, व्यवस्था मे कोन सी सब से आज्ञा बडी हइ?”
MAT 22:37 ओने ओकासे बोल्यो, “तू परमेश्वर अपना जान से अपना सब मन अरु अपनी सब जान अरु अपनी पुरी दिमाक का सात प्रेम रख.
MAT 22:38 बडी अरु मुख्य आज्ञा ते या हइ.
MAT 22:39 असा मे दुसरा सब से बडी आज्ञा हइ, की तू अपना पडोसी से अपना जसो प्रेम रख.
MAT 22:40 ये दो आज्ञा होन सब व्यवस्था अरु भविष्यव्दक्ताहोन को आधार हइ.”
MAT 22:41 जब फरीसी जमा था, ते यीशु ने उनका से पुछ्यो,
MAT 22:42 “मसीह का विषय मे तुम खे समझस हइ? उ कोको बेटो हइ?” उनने ओकासे बोल्यो,? “दाउद को.”
MAT 22:43 “ओने उनका, से पुछ्यो,” ते दाउद आत्मा मे “हुइ खे ओखे ‘प्रभु का’? बोलस हइ,
MAT 22:44 “ प्रभु ने, मरा प्रभु से बोल्यो, मरा जवना तरप बठ जब तक की मी तरा दुसमन होन खे तरा पाय का नीचे नी करी दियु जब तक मरा पास बठ.
MAT 22:45 जब दाउद ओखे प्रभु बोलस हइ, ते उ दाउद ओको बेटो कसो बन्यो?”
MAT 22:46 ओका उत्तर मे कोय भी एक बात नी बोली सक्यो. पन उ दिन से कोय खे फिर ओका से कुछ पुछन को साहस नी हुयो.
MAT 23:1 तब यीशु ने गर्दी से अरु अपना सेवक होन से बोल्यो,
MAT 23:2 “पंडीत अरु फरीसी मूसा कि गद्दी पर बठ्या हुया व्यवस्था को अर्थ बतास हइ.
MAT 23:3 येका लिये वे तुम से जो कुछ बोल्ये उ करणू, अरु माननु, पन ओका जसो काम मत करणु. क्युकी वे बोलस हइ पर कर्हे नी.
MAT 23:4 उ एक असो भारी बोझ खे जेखे उठानो कठीन हइ, बाधीखे उनखे इन्सानहोन का खांदा पर रखस हइ. पन तुम ओखे अपनी उगली से भी सरकानो नी चास.
MAT 23:5 वे अपना सब काम खे दुन्याहोन खे बतान का लिये करस हइ वे अपनी ताबीज खे चौडी करस, अरु अपना कपडा की झालर खे बडास हइ.
MAT 23:6 खाना मे मुख्य-मुख्य जगा, अरु आराधनालयहोन मे मुख्य-मुख्य जगा,
MAT 23:7 अरु बजार मे नमस्कार अरु इन्सान मे गुरु बोलनो उनखे भास हइ.
MAT 23:8 पन तुम गुरु नी बोलस, क्युकी तुमारो एक ही गुरु हइ अरु तुम एक ही भैइ अरु भैइन हुये.
MAT 23:9 अरु पृथ्वी पर कोय खे अपनो बाप नी बोलनु, क्युकी तुम्हारो एक ही बाप हइ, जो स्वर्ग मे हइ.
MAT 23:10 अरु स्वामी भी नी बोलनु, क्युकी तुमारो एक ही मास्तर हइ, यानेकी मसीह.
MAT 23:11 जो तुम मे से बडो हुय खे उ तुमारो सेवक बन्ये.
MAT 23:12 जो कोय अपना आप खे बडो बनाये, उ छोटो कऱ्यो जाये अरु जो कोय अपना आप खे छोटो बनाये, उ बडो कऱ्यो जाये.
MAT 23:13 “हे कपटि पंडीतहोन अरु फरीसीहोन तुमारा पर हाय! तुम इन्सानहोन का बदल मे स्वर्ग का राज्य को दरवाजो बन्द करस हइ, नी ते खुद मे ओमे प्रवेश करस हइ अरु नी ओमे प्रवेश करण आला खे प्रवेश करण देस हइ.
MAT 23:14 हे कपटी पंडीतहोन अरु फरीसीहोन, तुम पर हाय! तुम विधवा होन का घर खे जास हइ, अरु बतान का लिये बडि देर तक प्रार्थना करतो ऱ्हेस हइ येका लिये तुमखे जादा दण्ड मील्ये.
MAT 23:15 “हे कपटि पंडीतहोन अरु फरीसीहोन तुम पर हाय! तुम एक जन खे अपना मोत मे लान का लिये सब नदी अरु थल मे फिरस; अरु जब उ मोत मे ए जास हइ, ते उ अपना से डबल नरक का लिये बनी जास हइ.
MAT 23:16 “हे अंधा सेवकहोन, तुम पर हाय! ‘जो बोलस हइ कि अगर कोय मन्‍दिर की कसम खास ते कुछ नी, पन अगर कोय मन्‍दिर का सोन्ना की कसम खास ते ओकासे बंधय जास.’
MAT 23:17 हे मुर्ख, अरु अंधो, कोन बडो हइ, सोन्नो या उ मन्‍दिर जेका से सोन्नो पवित्र होस हइ?
MAT 23:18 फिर बोलस हइ कि अगर कोय वेदी कि कसम खाये ते कुछ नी, पन जो दान ओका पर हइ, अगर कोय ओकी कसम खाये ते बंधय जाह्ये.
MAT 23:19 हे अंधा, कोन बडो हइ, दान या वेदी जेका से दान पवित्र होस हइ?
MAT 23:20 येका लिये जो वेदी की कसम खास हइ, उ ओकी, अरु जो कुछ ओका पर हइ, ओकी भी कसम खास हइ.
MAT 23:21 अरु जो मन्‍दिर कि कसम खास हइ, उ ओकी अरु ओमे र्‍हेनआला परमेश्वर की भी कसम खास हइ.
MAT 23:22 अरु जो स्वर्ग कि कसम खास हइ, उ परमेश्वर की राजगद्दी की अरु ओका पर बठनआला की भी कसम खास हइ.
MAT 23:23 “हे कपटि पंडीतहोन, अरु फरीसीहोन, तुम पर हाय! तुम पुदीना अरु सौफ अरु जीरा को दसवा भाग देस हइ, पन तुम ने व्यवस्था की गम्भीर बात यानेकी न्याय, अरु दया, अरु विश्वास खे छोडी दियो हइ. चातो थो की या बात खे भी करस ऱ्हेस, अरु वा बात खे भी नी छोडनु.
MAT 23:24 हे अंधा अगुवाहोन, तुम माखा खे ते छानी डालस हइ, पन उट खे गिली लेस हइ.
MAT 23:25 “हे कपटि पंडीतहोन, अरु फरीसीहोन, तुम पर हाय! तुम कटोरा अरु ठाटी खे उपर उपर से ते मांजस हइ पन वे अंदर से अंधारा अरु लालच से लुटी हूइ बात से भरी हुइ हइ.
MAT 23:26 हे अंधा फरीसी, पैयले कटोरा अरु ठाटी खे अंदर से मांज कि वे बाहेर से भी अच्छी हुये.
MAT 23:27 “हे कपटि पंडीतहोन, अरु फरीसीहोन, तुम पर हाय! तुम चुना से पोती हुइ कब्र का जसा हइ जो उपर से ते अच्छी दिखइ देस हइ, पन अंदर मुर्दा की हड्डीहोन अरु सब प्रकार की गंदकी से भरी हइ.
MAT 23:28 या रिती से तुम भी उपर से इन्सानहोन खे धर्मी दिखइ देस हइ, पन अंदर से कपट अरु बुरा से भऱ्या हुया हइ.
MAT 23:29 “हे कपटि पंडीतहोन,अरु फरीसीहोन, तुम पर हाय! तुम भविष्यव्दक्ताहोन कि कब्र बनास हइ अरु धर्मीहोन कि कब्र सजास हइ.
MAT 23:30 अरु बोलस हइ, अगर हम अपना बापदादा का दिन मे होस ते भविष्यव्दक्ताहोन कि खुन मे उनका सात मे नी होस.
MAT 23:31 येका से ते तुम अपना हि खिलाप मे गवइ देस हइ, की तुम भविष्यव्दक्ताहोन खे मारनआलो का बेटा हुये.
MAT 23:32 तुम अपना बापदादा को पाप को घडो भरी दे.
MAT 23:33 हे साप, अरु साप का बच्चाहोन, तुम नरक का दण्ड से कसा बच्ये?
MAT 23:34 येका लिये देख, मी तुमारा पास भविष्यव्दक्ताहोन अरु दिमाकआला अरु शास्त्रिहोन खे भेज्यो हइ. अरु तुम ओमे से कुछ खे मारी डाल्ये, अरु क्रुस पर चेढाये. अरु कुछ खे अपना आराधनालयहोन मे कोडा मार्ये, अरु एक नगर से दुसरा नगर मे भाकता फिरे.
MAT 23:35 जेका से धर्मी हाबिल से लीखे बिरीक्याह को बेटो जकर्याह तक, जेखे तुम ने मन्‍दिर अरु वेदी का बीच मे मारी डाल्यो थो, जेने धर्मीहोन को खुन जमीन पर बोहय गो थो, उ सब तुमारा माथा पर आह्ये.
MAT 23:36 मी तुम से सच्ची बोलुस हइ, या सब बात या कुटुम्ब का दुन्याहोन पर ए गीरे.
MAT 23:37 “हे यरुशलेम, हे यरुशलेम! तू जो भविष्यव्दक्ताहोन खे मारी डालस हइ, अरु जो तरा पास भेज्यो गयो, उनखे पत्थराव करस हइ केतना ही बार मेने चायो की जसा मुर्गी अपना बच्चाहोन खे अपना पंख का नीचे जमा करस हइ, असो ही मी भी तरा बच्चाहोन खे जमा करी खे, पन तुम ने नी चायो.
MAT 23:38 देख, तुमारो घर तुमारा लिये उजाड छोड्यो जास हइ.
MAT 23:39 क्युकी मी तुम से बोलुस हइ, की अभी से जब तक तुम नी बोले धन्य हइ उ ‘जो प्रभु नाम से आस हइ तब तक तुम मेखे फिर कभी नी देखनका.’”
MAT 24:1 जब यीशु मन्‍दिर से नीकलीखे जय रो थो, ते ओका सेवक होन ओखे मन्‍दिर की रचना बतान का लिये ओका पास आया.
MAT 24:2 ओने ओकासे बोल्यो, “तुम यो सब नी देखस? मी तुम से सच्ची बोलुस हइ, यो पत्थर पर पत्थर भी नी छोड्यो, जो रख्यो नी जाये.”
MAT 24:3 अरु जब उ जैतून की टेकडी पर बठ्यो थो, ते सेवक होन ने अलग से ओका पास अयखे बोल्यो, “हम से बोल की या बात कब हुये? अरु तरो आन को, अरु जगत को अन्त: को का चिन्ह हुये.”
MAT 24:4 यीशु ने उनखे उत्तर दियो, हुशार ऱ्हे! कोय तुमखे फसय नी पाय.
MAT 24:5 क्युकी भोत सा असा हुये जो मरा नाम से अयखे बोले, मी मसीह हइ ,अरु भोत झना खे बिचकय दिह्ये.
MAT 24:6 तुम झगडाहोन अरु झगडाहोन की बातचीत सुने. देख घबऱ्य नी जानु क्युकी उनको होनो जरुरी हइ, पन उ टेम खतम नी हुये.
MAT 24:7 क्युकी राष्ट्र पर राष्ट्र, अरु राज्य पर राज्य चेढ्या कर्‍हे, अरु जगा-जगा अकाल हुय खे अरु भूकम्प हुये.
MAT 24:8 या बात पीडाहोन का पैयले से हुये.
MAT 24:9 तब वे देन का लिये तुमखे पकड्ये, अरु तुमखे मारी डाल्ये अरु मरा नाम का कारण सब राष्ट्रहोन का दुन्या तुम से बैर रख्ये.
MAT 24:10 तब भोत झना ठोकर खाये, अरु एक दुसरा खे पकड्ये, अरु एक दुसरा से बैर रख्ये.
MAT 24:11 भोत सा झुठा भविष्यव्दक्ता उठी खे खडा हुये खे अरु भोतझना खे बिचकाये.
MAT 24:12 अरु बुरा का बडना से भोतझना को प्रेम ठण्डो हुइ जाये.
MAT 24:13 पन जो अन्नत तक धीरज धरी खे रखे, ओको उध्दार हुये.
MAT 24:14 अरु राज्य को यो सुसमाचार पुरा जगत मे प्रचार कर्‍यो जाये, कि सब राष्ट्रहोन पर गवाही हुये तब खतम हुइ जाये.
MAT 24:15 येका लिये जब तुम उ खतरनाक घुणित चिज खे जेकी बातचीत दानीएल भविष्यव्दक्ता का वजेसे हुइ थी, पवित्र जगा मे खडी हुइ देख, जो पढ, उ समझ.
MAT 24:16 तब जो यहूदीयाहोन मे हुये वे टेकडी पर भागी जा.
MAT 24:17 जो घर पर छपर हुये, उ अपना घर मे से सामन लेन खे नी उतह्ये.
MAT 24:18 अरु जो खेत मे हुये, उ अपना कपडा लेन खे पीछे नी आह्ये.
MAT 24:19 उ दिन मे जो पेट से अरु दूध पिलान आली हुये, उनका लिये दुख को दिन बोल्यो जाये.
MAT 24:20 अरु प्रार्थना कर. की तुमखे ठंडी मे या आराम का दिन भागनो नी पडे.
MAT 24:21 क्युकी उ टेम असो भी क्लेश हुये, जसो जगत का पैयलेसे अभी तक नी हुयो, अरु नी कभी हुये.
MAT 24:22 अरु अगर उ दिन कम नी हुय जाये, ते कोय जनवर नी बचता. पन चुन्या हुया का कारण उ दिन कम नी हुय जाये.
MAT 24:23 उ टेम अगर कोय तुम से बोले, की देख, मसीह यो हइ! या उ हइ! ते विश्वास नी करणु.
MAT 24:24 क्युकी झुठा मसीह अरु झुठा भविष्यव्दक्ता उठीखे खडा हुये, अरु बडो चिन्ह चमत्कार अरु बडो काम बताये, की अगर हुय सकस ते चुन्या हुया खे भी भयकय दे.
MAT 24:25 देख, मेने पैयले से तुम से या सब कुछ बोली दियो हइ.
MAT 24:26 येका लिये अगर वे तुम से बोल्ये देख, उ जंगल मे हइ, ते बाहेर नी नीकली जानु; देख उ खोलीमे हइ. ते विश्वास नी करणु.
MAT 24:27 क्युकी जसी बिजली पुर्व से नीकलीखे पश्चिम तक चमकती जास हइ, असो ही इन्सान का बेटा खे भी आनो हुये.
MAT 24:28 झा लाश हुये, व्हा घुब्बड जमा हुये.
MAT 24:29 उ दिन क्लेश का बाद झल्दी सुरज अंधारो हुय जाये, अरु चांद को ऊजालो जातो ऱ्हीये, अरु तारा बद्दल से गिरी जाये अरु बद्दल की शक्ति हली जाये.
MAT 24:30 तब इन्सान का बेटा को चिन्ह बद्दल मे बतायो जाये अरु तब पृथ्वी का सब कुल का दुन्या छाती पीट्ये; अरु इन्सान का बेटा की बडी सामर्थ्य अरु महिमा का सात बद्दल का बद्दल पर आते देख्ये
MAT 24:31 अरु उ पिपडी का बडा बोल का सात, अपना स्वर्गदूतहोन खे भेजो, अरु वे बद्दल का या पार से वा पार तक, चारी दिशा से ओका चुन्या हुया खे जमा कर्‍हे.
MAT 24:32 अंजीर का झाड से यो दृष्‍टान्‍त सीख जब ओकी डग्‍यान नाजुक हुय जास अरु पत्ता नीकलन लगस हइ, ते तुम जानी लेस हइ, की गर्मी को टेम पास हइ.
MAT 24:33 या रीति से जब तुम या सब बातहोन खे देख, ते जानी लेस, की उ नजीक हइ, पन दरवाजा पर हइ.
MAT 24:34 मी तुम से सच्ची बोलुस हइ, कि जब तक या बात पुरी नी हुइ जाये, तब तक या पीडी को नाश नी हुये.
MAT 24:35 बद्दल अरु पृथ्वी टली जाये, पन मरो बोल कभी नी टले.
MAT 24:36 उ दिन अरु उ टेम का बारे मे कोय नी जानस, नी स्वर्ग का दूतहोन, अरु नी बेटा होन, पन फक्त बाप.
MAT 24:37 जसो नूह को दिन थो, असा मे इन्सान का बेटो को भी आनो हुये.
MAT 24:38 क्युकी जसो पानी-प्रलय से पैयले का दिन मे, जो दिन तक की नूह डोंगा पर नी चढ्यो थो, उ दिन तक दुन्या खाता-पीता था, अरु ओमे भ्याव शादी होस हइ.
MAT 24:39 अरु जब तक जल-प्रलय अयखे वे सब खे बोह्य खे ली गयो, तब तक उनखे कुछ भी मालुम नी थो. असा मे इन्सान का बेटो को भी आनो हुये.
MAT 24:40 उ टेम दो झना खेत मे हुय खे एक खे ली जाये अरु दुसरा खे छोडी दियो जाये.
MAT 24:41 दो बयहोन चक्की पिसती ऱ्ही जाये, एक ली जाये, अरु दुसरी छोडी जाये.
MAT 24:42 येका लिये जागता ऱ्हे, क्युकी तुम नी जानस की तुम्हारो प्रभु कोनता दिन आह्ये.
MAT 24:43 पन यो जानी ले कि अगर घर का स्वामी खे यो मालुम हुये की चोर कोनता टेम आये ते जागतो ऱ्हेस. अरु अपना घर मे चोरी नी होन देस.
MAT 24:44 येका लिये तुम भी तैयार ऱ्हे, क्युकी जो टेम का बारे मे तुम सोचस भी नी, उ टेम इन्सान को बेटो अय जाये.
MAT 24:45 “उ विश्वासयोग्य अरु डिमाकआलो सेवक कोन हइ, जेखे स्वामी ने अपना नौकर चाकर पर मुखियो बनायो, की टेम पर उनखे खानो दिये?
MAT 24:46 अच्छो हइ, उ सेवक, जेखे ओको स्वामी अयखे असो ही करतो देखे.
MAT 24:47 मी तुम से सच्ची बोलुस हइ, उ ओखे अपनी पुरी संपत्ती पर अधिकार ठैराये.
MAT 24:48 पन अगर उ दुष्ट सेवक सोचन लग्यो, की मरा स्वामी खे आना मे देर हइ.
MAT 24:49 अरु अपना सात का सेवकहोन खे मारन लग्यो, अरु पीन आला का सात मे खायो-पीयो.
MAT 24:50 ते उ सेवक को स्वामी असो दिन अयो, जब उ ओका टुकडा टुकडा कर्‍हे, अरु असो टेम की जेखे उ नी समजस हइ,
MAT 24:51 अरु उ कठोर दण्ड दिये ओको भागी कपटिहोन का सात ठैरायो जाये व्हा रोनो अरु दात पीसनो हुये.”
MAT 25:1 तब स्वर्ग का राज्य वे दस कुव्वारीहोन का जसो हुये जो अपनी मशाल लीखे दुल्हा से मीलन करण का लिये नीकली.
MAT 25:2 ओमे पाच मूर्ख अरु पाच समझदार थी.
MAT 25:3 मूर्खहोन ने अपनी मशाल तो ली, पन अपना सात तेल नी लियो
MAT 25:4 पन समझदारहोन ने अपना मशाल का सात अपनी सीसी मे तेल भी भरी लियो.
MAT 25:5 जब दुल्हा खे आना मे देर हुय, ते वे सब जपन लगी, अरु सोय गय.
MAT 25:6 आधी रात खे धुम मची की देख, दुलो अय रोस हइ, ओकासे दान करण का लिये चल.
MAT 25:7 तब वे सब कुव्वारीहोन उठीखे अपनी मशाल बरोबर करण लगी.
MAT 25:8 अरु मूर्खहोन ने समझदारहोन से बोल्यो. अपना तेल मे से कुछ हमखे भी दे, क्युकी हमारी मशालहोन बुझी ऱ्हीस हइ.
MAT 25:9 पन समझदाहोन ने उत्तर दियो की कही हमारा अरु तुमारा लिये पुरो नी हुये. ते अच्छो तो यो हइ, की तुम बेचनआला का पास जयखे अपना लिये तेल मोल ले.
MAT 25:10 जब वे मोल लेन खे जय ही री थी, ते दुलो ए पोच्यो, अरु जो पाच तैयार थी, वे ओका सात भ्याव का भवन मे चली गय अरु दरवाजो बन्द करी दियो.
MAT 25:11 येका बाद वे दुसरी कुव्वारीहोन भी अयखे बोलन लगी, हे स्वामी, हे स्वामी, हमारा लिये दरवाजो खोली दे.
MAT 25:12 दुल्हा ने उत्तर दियो, की मी तुम से सच्ची बोलुस हइ, मी तुमखे नी पहचानुस हइ.
MAT 25:13 “ क्यु कि जागता! ऱ्हे, नी तुम उ दिन खे जानस हइ, नी उ टेम खे.
MAT 25:14 “क्युकी यो उ इन्सान का जसी दशा हइ जेने परदेसी खे जाता टेम अपना सेवकहोन खे बुलय खे अपनी पुरी संपत्ती उनखे सोपी दी.
MAT 25:15 ओने एक खे पाच सोन्ना का सिक्का, अरु दुसरा खे दो, अरु तीसरा खे एक, अगर हर एक खे ओकी सामर्थ्य का जसो दियो, अरु तब उ जत्रा पर चली गयो.
MAT 25:16 तब, जेखे पाच सोन्ना का सिक्का मील्या था, ओने झल्दी जयखे ओने लेन-देन कऱ्यो, अरु पाच सोन्ना का सिक्का, अरु कमाया.
MAT 25:17 या रीति से जेखे दो सोन्ना का सिक्का, मील्या था, ओने भी दो अरु कमाया.
MAT 25:18 पन जेखे एक सोन्ना को सिक्का को मील्यो थो, ओने जयखे मट्टी खोदी, अरु अपना स्वामी को धन लुकय दियो.
MAT 25:19 “भोत दिन का बाद वे सेवकहोन को स्वामी अयखे उनसे लेखो लेन लग्यो.
MAT 25:20 जेखे पाच सोन्ना का सिक्का मील्या था, ओने पाच सिक्का, अरु लीखे बोल्यो, हे स्वामी का तोने मेखे पाच सोन्ना का सिक्का सोपी दे, देख मेने पाच सोन्ना का सिक्का अरु कमाया हइ.
MAT 25:21 ओका स्वामी ने ओकासे बोल्यो, धन्य हे अच्छो अरु विश्वासयोग्य सेवक का तू जरासा मे विश्वासयोग्य ऱ्हेस. मी तोखे भोत धन पर अधिकार दियु अपना स्वामी का आनन्द मे हिस्सेदार हुये.
MAT 25:22 अरु जेखे दो सोन्ना का सिक्का मील्या था, ओने भी अयखे बोल्यो. हे स्वामी तोने मेखे भी दो सोन्ना का सिक्का खे सोपी दिया था, देख, मेने भी दो सोन्ना का सिक्का, अरु कमाया.
MAT 25:23 ओका स्वामी ने ओकासे बोल्यो, धन्य हइ अच्छो अरु विश्वासयोग्य सेवक का तू जरासा मे विश्वासयोग्य ऱ्हीहे कमी तोखे भोत धन पर अधिकार दियु अपना स्वामी को आनन्द मे हिस्सेदार हुये.
MAT 25:24 तब जेखे एक सोन्ना को सिक्का मील्यो थो, ओने अयखे बोल्यो. हे स्वामी, मी तोखे जानतो थो, की तू अच्छो इन्सान नी हइ. तू झा कही नी बोस व्हा से काटस हइ, अरु झा नी बोयो व्हा से जमा करस हइ.
MAT 25:25 येका लिये मी डरी गयो अरु जयखे तरा सोन्ना का सिक्का खे मट्टी मे लुकय दियो. देख, जो तरो हइ, उ यो हइ.
MAT 25:26 ओका स्वामी ने उनका से बोल्यो, की हे दुष्ट अरु आलसी सेवक. जब तु यो जनतो थो, की झा मेने नी बोयो व्हा से काटुस हइ. अरु झा बीज मेने बोयो नी व्हा से जमा करुस हइ.
MAT 25:27 ते तु चातो थो, की मरो धन सफा करी खे दे, तब मी अयखे अपनो धन ब्याज समेत लीयुस.
MAT 25:28 येका लिये उ सोन्ना का सिक्का खे येका से ली ले अरु जेका पास सोन्ना को सिक्का हइ, ओखे दी दे.
MAT 25:29 क्युकी जो कोय का पास हइ, ओखे अरु दियो जाये. अरु ओका पास भोत हुये ते पन जेका पास नी हइ, ओकासे उ भी जो ओका पास हइ ली लियो जाये.
MAT 25:30 अरु यो नीकम्मा सेवक खे बाहेर का अंधारा मे डाली दे, झा रोन अरु दात पीसनो होस.
MAT 25:31 “जब इन्सान को बेटो अपनी महिमा मे आये, अरु सब स्वर्गदूत ओका सात आये, ते उ अपनी महिमा की राजगद्दी पर बठयो हुये.
MAT 25:32 अरु सब राष्ट्रहोन खे ओका सामने जमा कऱ्यो जाये. अरु जसो चरानआलो मेंडा खे बकरी से अलग करी देस हइ, असो ही उनखे एक दुसरा से अलग करस.
MAT 25:33 अरु उ मेंडा खे अपना जवना तरप अरु दुसरी बकरीहोन खे डाखोर्‍या तरप खडी करस.
MAT 25:34 तब राजो अपना डाखोर्या का जवना तरप आला से बोल्ये, हे मरा बाप, धन्य दुन्याहोन, आ, उ राज्य को अधिकारी हुये जाये, जो जगत का पैयले से तुमारा लिये तैयार कऱ्यो हुयो हइ.
MAT 25:35 क्युकी मी भुको थो, अरु तुम ने मेखे खान खे दियो. मी प्यासो थो, अरु तुम ने मेखे पानी पिलायो, मी नवाडो थो, तुम ने मेखे अपना घर मे रख्यो.
MAT 25:36 मी नंगो थो, तुम ने मेखे कपडा पेनाया. मी बेमार थो, तुम ने मरी सुदी ली, मी बन्दीगृह मे थो, तुम मरासे मीलन आया.
MAT 25:37 तब धर्मी ने ओखे उत्तर दियो, हे प्रभु, हमने कब तोखे भुखो देख्यो अरु खलायो? या प्यासो देख्यो, अरु पानी पिलायो?
MAT 25:38 हमने कब तोखे नवाडो देख्यो अरु अपना घर मे रख्यो या नंगो देख्यो, अरु कपडा पेनाया?
MAT 25:39 हमने कब तोखे बेमार देख्यो या बन्दीगृह मे देख्यो अरु तरा से मीलन आया?
MAT 25:40 तब राजा ने उनखे उत्तर दियो, मी तुम से सच्ची बोलुस हइ, की तुम ने जो मरा वे छोटा से छोटा भैइहोन मे से कोय एक का सात कऱ्यो, उ मरा ही सात कऱ्यो.
MAT 25:41 “तब उ डाखोर्या तरप आला से बोलस, हे श्रापित दुन्याहोन, मरा सामने से उ अनन्त अंगार मे चली जा, जो सैतान अरु ओका दूतहोन का लिये तैयार करी गइ हइ.
MAT 25:42 क्युकी मी भुखो थो, अरु तुम ने मेखे खान खे नी दियो, मी प्यासो थो, अरु तुम ने मेखे पानी नी पिलायो.
MAT 25:43 मी नवाडो थो, अरु तुम ने मेखे अपना घर मे नी रुख्यो. मी नंगो थो, अरु तुम ने मेखे कपडा नी पेनाया. बेमार अरु बन्दीगृह मे थो, अरु तुम ने मरी याद नी करी.
MAT 25:44 तब वे उत्तर दिये, हे प्रभु, ‘हमने तोखे कब भुखो, या प्यासो, या नवाडो, या नंगो, या बेमार, या बन्दीगृह मे देख्यो, अरु तरी सेवा टहल नी करी?’
MAT 25:45 तब राजो उनखे उत्तर दिये, ‘मी तुम से सच्ची बोलुस हइ की तुम ने जो ये छोटा से छोटाहोन मे से कोय एक का सात नी कऱ्यो, राजो मरा सात भी नी करस.’
MAT 25:46 अरु ये सब अनन्त दण्ड भोगन का लिये ली जाये पन धर्मी अनन्त जिवन मे प्रवेश कर्‍हे.”
MAT 26:1 जब यीशु या सब बात बोली चुक्यो, ते अपना सेवक होन से बोलन लग्यो.
MAT 26:2 “तुम जानस हइ, की दो दिन का बाद मे फसह को तिवार हुये. अरु इन्सान को बेटा क्रुस पर चेडायो जान का लिये पकड्यो जाये.”
MAT 26:3 तब मुखियो याजक अरु दुन्या का बापदादा कैफा नामका महाराजा का अंगन मे जमा हुया.
MAT 26:4 अरु आपस मे बिचार करण लग्या की यीशु खे धोका से पकडि खे मारी डाले.
MAT 26:5 पन वे बोलता था, “की तिवार का टेम मे नी. कही असो नी हुये कि दुन्याहोन मे दंगो मची जाये.”
MAT 26:6 जब यीशु बैतनीय्याह मे शमौन कोढी का घर मे थो.
MAT 26:7 ते एक बय संगमरमर का बर्तन मे भोतकिमती अत्रर लीखे ओका पास पिच्छे हुयखे , अरु जब उ खानो खान खे बठ्यो थो, ते ओका माथा पर डाली दियो.
MAT 26:8 यौ देखीखे, ओका सेवक घुस्सा से हूइ खे बोलन लग्या, “येको का सत्यानाश करी दियो?
MAT 26:9 यो ते अच्छा दाम पर बेचीखे सब गरीबहोन खे बाटी जय सकतो थो.”
MAT 26:10 यो जानीखे यीशु ने उनका से बोल्यो, की बय खे काय बर सतास हइ? ओने मरा सात अच्छो काम कऱ्यो हइ.
MAT 26:11 गरीब तुमारा सात हमेशा ऱ्हेस हइ, पन मी तुमारा सात हमेशा नी ऱ्हुयु.
MAT 26:12 ओने मरा आंग पर जो यो अत्रर डाल्यो हइ, उ मरा गाड्यो जान का लिये कऱ्यो हय.
MAT 26:13 मी तुम से सच्ची बोलुस हइ, की सब जगत मे झा कही यो सुसमाचार को प्रचार कऱ्यो जाये, व्हा ओका यो काम को वर्णन भी ओका याद मे कऱ्यो जाये.
MAT 26:14 तब यहूदा इस्करियोती ने, बारा सेवक होन मे से एक थो, मुखियो याजकहोन का पास जयखे बोल्यो,
MAT 26:15 अरु ओने बोल्यो, “अगर मी यीशु खे तुमारा हात मे पकडि खे दियु, ते मेखे का दिये?” ओने ओखे तीस चादी का सिक्का गिनी खे दी दिया.
MAT 26:16 अरु ओखे उ टेम से यीशु खे पकडन को अच्छो मौको ढुढन लग्यो.
MAT 26:17 अखमीरी की रोटी को तीवार का पयला दिन, सेवक यीशु का पास अयखे पुछन लग्या, “तु का चास हइ की हम तरा लिये फसह खाना की तैयारी करस?”
MAT 26:18 ओने बोल्यो, “गाव मे फलाना का पास जयखे ओकासे बोल, की गुरु बोलस हइ, की मरो टेम नजीक हइ, मी अपना सेवक होन का सात तरा ह्या फसह मनाउ.”
MAT 26:19 सेवक होन ने यीशु की आज्ञा मानी, अरु फसह तैयार कऱ्यो.
MAT 26:20 जब संजा हूइ, ते यीशु बारा सेवक होन का सात खानो खान का लिए बठ्या.
MAT 26:21 जब वे खय रा था, ते ओने बोल्यो, “मी तुम से सच्ची बोलुस हइ, कि तुम मे से एक मेखे पकडाये.”
MAT 26:22 येका पर वे भोत उदास हुया, अरु हर एक ओकासे पुछन लग्या, “हे प्रभु, का उ मी हइ?”
MAT 26:23 ओने उत्तर दियो, “जेने मरा सात ठाटी मे हात डाल्यो हइ, उ मेखे पकडाये.
MAT 26:24 इन्सान को बेटा तो जसो ओका बारे मे लिख्यो हइ, जाना मे हइ. पन उ इन्सान का लिये शोक हइ जेका वजेसे इन्सान को बेटो पकडायो जास हइ अगर उ इन्सान को जन्म नौ होस, ते ओका लिये अच्छो हइ.”
MAT 26:25 तब ओका पकडनवाला यहूदा ने बोल्यो, “हे गुरु, का उ मी हइ?” यीशु ओकासे बोल्यो, “तू बोली चुक्यो.”
MAT 26:26 जब वे खय रा था, ते यीशु ने रोटी ली, अरु धन्यवाद मागीखे तोडि, अरु सेवक होन खे दीखे बोल्यो, “ले, खा. यो मरो आंग हइ.”
MAT 26:27 फिर ओने कटोरो लीखे परमेश्वर को धन्यावाद कऱ्यो, अरु उन खे देखी खे बोल्यो, “तुम सब येमे से पीनु,
MAT 26:28 क्युकी यो वचन को मरो उ खुन हइ, जो भोतजन का लिये पाप की माफी का लिये बोहायो जास हइ.
MAT 26:29 मी तुम से बोलुस हइ, की अंगूर को उ रस उ दिन तब कभी नी पीउ, जब तक तुमारा सात अपना बाप का राज्य मे नवो नी पीयु.”
MAT 26:30 फिर वे गानो बोली खे जैतून कि टेकडि पर चली गया.
MAT 26:31 तब यीशु ने उनका से बोल्यो, “तुम सब आज ही रात खे मरा बारे मे ठोकर खाये, क्युकी शास्त्र मे लिख्यो हइ, मी चरवाहोन खे मारी डाल्यु. अरु झुण्ड का मेंडाहोन इदर-उदर हुय जाये.
MAT 26:32 पन मी अपना जिन्दो उठन का बाद तुम से पैयले गलील खे जाउ.”
MAT 26:33 येका पर पतरस ने ओकासे बोल्यो, “अगर सब तरा बारे मे ठोकर खाये ते खाये, पन मी कभी ठोकर नी खाउ.”
MAT 26:34 यीशु ने ओकासे बोल्यो, “मी तरा से सच्ची बोलुस हइ, की आज ही रात मुर्गा का बांग देन का पैयले, तू तीन बार मरा से मुकरी जाये.”
MAT 26:35 पतरस ने ओकासे बोल्यो, “अगर मेखे तरा सात मरनू भी हुये, ते भी, मी तरा से कभी नी घुस्सा हुयु.” अरु असो ही सब सेवक होन ने भी बोल्यो.
MAT 26:36 तब यीशु ने अपना सेवक होन का सात गतसमनी नामका एक जगा मे आया अरु अपना सेवक होन से बोलन लग्यो “ह्या बठ्या ऱ्हे, जब तक की मी व्हा जयखे प्रार्थना करुस.”
MAT 26:37 अरु उ पतरस अरु जब्दी को दो बेटाहोन का सात ली गयो, अरु उदास अरु व्याकुल होन लग्या.
MAT 26:38 तब ओने उनका से बोल्यो, “ मरो मन भोत उदास हइ ह्या तक की मरो जान नीकली जास हइ. तुम ह्या रुख, अरु मरा सात जागता ऱ्हे.”
MAT 26:39 फिर उ जरासा अरु आगे बडिखे मुंडा का बल गिरीगो, अरु या प्रार्थना करण लग्यो, हे मरा बाप, अगर हुइ सखे, ते यो कटोरो मरासे टली जाये, फिर भी जसो मी चास हइ असो नी, पन जसो तु चास हइ असो ही हुये.
MAT 26:40 फिर सेवक होन का पास अयखे उनखे सोते देख्यो, अरु पतरस से बोल्यो, “का तुम मरा सात एक घण्टा भर नी जागी सकस?
MAT 26:41 जागता ऱ्हे, अरु प्रार्थना करता ऱ्हे, की तुम परीक्षा मे नी पडे! आत्मा ते तैयार हइ, पन आंग कमजोर हइ.”
MAT 26:42 फिर ओने दुसरा बार जयखे या प्रार्थना करी, “हे मरा बाप, अगर या मरा पिना का बिना नी हटी सखे ते मरी इच्छा पुरी हुये.”
MAT 26:43 तब ओने अयखे उनखे फिर सोते देख्यो, क्युकी उनकी आख नीद से भरी थी.
MAT 26:44 अरु उनखे छोडी खे फिर चली गयो, अरु वही बात फिर बोलीखे, तीसरी बार प्रार्थना करी.
MAT 26:45 तब ओने सेवक होन का पास अयखे उनका से बोल्यो, “अभी सोते ऱ्हे, अरु आराम कर देख, टेम ए पोच्यो हइ, अरु इन्सान को बेटो पापीहोन का हात मे दियो जाये.
MAT 26:46 उठ, सेवक आ चल देख मरा पकडनवालो नजिक पिच्छे हुयय गो.”
MAT 26:47 उ यो बोली ही रो थो, की यहूदा जो बारा सेवक होन मे से एक थो, आयो, अरु ओका सात मुखियो याजकहोन अरु दुन्याहोन का बापदादा होन का तरप से बडि गर्दी, तलवार अरु लकडिहोन लिखे आया.
MAT 26:48 ओका पकडनवाला ने उनखे यो पतो दियो थो “जेखे मी चुमो लियु उ हइ. ओखे पकडि लेनु.”
MAT 26:49 अरु झल्दी यीशु का पास अयखे बोल्यो, “हे गुरु, नमस्कार!” अरु ओको चुमो लियो.
MAT 26:50 यीशु ने ओकासे बोल्यो, “हे दोस्त, जो काम का लिये तू आयो हइ, ओखे करी ले.” तब ओका पास अयखे यीशु पर हात डाल्यो अरु ओखे पकडि लियो.
MAT 26:51 तब यीशु का साथिहोन मे से एक ने हात बडय खे अपनी तलवार खीची ली अरु महा याजक का एक सेवक पर चलय खे ओको कान काटी दियो.
MAT 26:52 तब यीशु ने ओकासे बोल्यो, “अपनी तलवार खे म्यान मे रखी ले क्युकी जो तलवार चलास हइ, वे सब तलवार से खतम कऱ्या जास.
MAT 26:53 का तु नी समझस, कीमी अपना बाप से प्रार्थना करी सकुस हइ, अरु उ स्वर्गदूतहोन का बारा सेवक होन का सैन्य-दल से जादा मरा पास अभी हजर करी दिये?
MAT 26:54 पन पवित्रशास्त्र की या बात खे असो ही होनो अच्छो हइ, कसी पुरी हुये?”
MAT 26:55 उ टेम यीशु ने गर्दी से बोल्यो, “का तुम तलवार अरु लकडि लीखे मेखे डाकू का जसा पकडन का लिये नीकल्या हइ? मी हर दिन मन्दिर मे बठीखे शिक्षा दियो करतो थो, अरु तुम ने मेखे नी पकड्यो.
MAT 26:56 पन यो सब येकालिये हुयो हइ, की भविष्यव्दक्ताहोन को वचन पुरो हुये.” तब सब सेवक ओखे छोडी खे भागी गया.
MAT 26:57 अरु यीशु खे पकडनवाला खे ओका कैफा नामका महा याजक का पास ली गया, झा पंडीतहोन अरु बापदादाहोन जमा हुया था.
MAT 26:58 अरु पतरस दुर से ओका पीछे-पीछे महायाजक का घर का अंगन तक गयो, अरु अंदर जयखे अन्त देखन का लिये सेवकहोन का सात बठी गयो.
MAT 26:59 मुखियो याजकहोन अरु सब महासभा यीशु खे मारी डालन का लिये ओका विरोध मे झुठी गवाही की खोज मे था.
MAT 26:60 पन भोत सा झुठा गवाह का आना पर भी नी पासयो. आखरी मे दो झना आया,
MAT 26:61 अरु बोल्यो, “येने बोल्यो की मी परमेश्वर की मन्दिर खे तोडि सकुस हइ अरु तीन दिन मे बनय सकुस हइ.”
MAT 26:62 तब महायाजक ने खडो हूयखे ओकासे बोल्यो, “का तु कोय उत्तर नी देस? ये दुन्या तरा विरोध मे का गवाही देस हइ?”
MAT 26:63 पन यीशु चुप ही थो. तब महायाजक ने ओकासे बोल्यो “मी तोखे जिन्दा परमेश्वर की कसम दियुस हइ, कि अगर तु परमेश्वर को बेटो मसीह हइ, ते हम से बोली दे.”
MAT 26:64 यीशु ने ओकासे बोल्यो, “तोने खुद ही बोलि दियो. जब मी तुम से यो भी बोलुस हइ, की अभी से तुम इन्सान का बेटा खे फक्त सर्वशक्तिमान का जवना तरप बठ्यो, अरु आकाश का बद्दलहोन पर आते देखे.”
MAT 26:65 तब महायाजक ने अपना कपडा फाडी खे बोल्यो, “येने परमेश्वर की नीन्दा करी हइ, अभी हम खे गवाहहोन को प्रयोजन? देख, तुम ने अभी या नीन्दा सुनी हइ!
MAT 26:66 तुम का समझस हइ?” ओने उत्तर दियो, यो मरन को दण्ड होन का योग्य हइ.
MAT 26:67 तब उनने ओका मुडा पर थंपड अरु घुसा माऱ्या, दुसरा ने थप्पड माऱ्यो,
MAT 26:68 अरु बोल्यो “हे मसीह, हम से भविष्यवाणी करीखे बोल की कोय ने तोखे माऱ्यो का?”
MAT 26:69 पतरस बाहेर अंगन मे बठ्यो हुयो थो की एक दासी ने ओका पास अयखे बोल्यो, “तू भी यीशु गलीली को साथी थो.”
MAT 26:70 ओने सब का सामने यो बोलीखे इन्कार कऱ्यो अरु बोल्यो, “मी नी जानुस तू का बोली ऱ्हिस हइ.”
MAT 26:71 जब उ बाहेर दरवाजा मे चली गयो, ते दुसरी दासी ने ओखे देखीखे ओने जो वहा थो बोल्यो, “यो भी तो यीशु नासरी का सात थो.”
MAT 26:72 ओने कसम खयखे फिर इन्कार कऱ्यो, “मी उ इन्सान खे नी जानुस.”
MAT 26:73 जरासा देर का बाद मे, जो व्हा खडा था, उनने पतरस का पास अयखे ओकासे बोल्यो, “सच मुच तू भी ओमे से एक हइ. क्युकी तरी बोली तरो भेद खोली देस हइ.”
MAT 26:74 तब उ कोसन अरु कसम खान लग्यो, “मी उ इन्सान खे नी जानु.” अरु झल्दी मुर्गा ने बांग दी.
MAT 26:75 तब पतरस खे यीशु की बोली हुये बात याद अय “अरु मुर्गा का बांग देना से पैयले तू तीन बार मरो इन्कार कर्हे.” अरु उ बाहेर जयखे फुटी-फुटी खे रोन लग्यो.
MAT 27:1 जब फजर हुइ, ते सब प्रधान याजकहोन अरु दुन्याहोन का बापदादा ने यीशु खे मारी डालन की योजना करी.
MAT 27:2 अरु उनने ओखे बांध्यो अरु ली जयखे पिलातुस राज्यपाल का हात मे सोपी दियो.
MAT 27:3 जब ओका पकडनवाला यहूदा ने देख्यो की उ दोषी ठैर्यो गयो हइ ते उ पछतायो अरु वे तीस चादी का सिक्का खे प्राधन याजकहोन अरु बापदादाहोन खे देन गयो.
MAT 27:4 अरु बोल्यो, “मेने नीर्दोष खे मरन का लिये पकडीखे पाप कऱ्यो हइ?” उनने बोल्यो, “हमखे का? तू ही देखी ले.”
MAT 27:5 तब उ वे सिक्काहोन खे मन्‍दिर मे फेकी खे चली गयो, अरु जयखे अपना आप खे फासी दी.
MAT 27:6 प्रधान याजकहोन ने वे सिक्काहोन खे लिखे बोल्यो, “इनखे पेटी मे रखनो अच्छो नी, क्युकी वे खुन को दाम हइ.”
MAT 27:7 आखरी उनने योजना करी खे वे सिक्काहोन से नवाडाहोन खे गाडन का लिये कुमार को खेत मोल लीयो.
MAT 27:8 यो कारण उ खेत आज तक खुन को खेत बोलस हइ.
MAT 27:9 तब जो वचन यिर्मयाह भविष्यव्दक्ता का वजेसे बोल्यो गयो थो उ पुरो हुये “उनने वे तीस सिक्का खे अगर उ ठैरायो हुयो मुल्य खे जो इस्राएल का बेटा मे से कत्ता ने ठेरायो थो ली लीयो.
MAT 27:10 अरु जसो प्रभु ने मेखे आज्ञा दी थी असो ही उनखे कुमार का खेत का लिये दी दियो.”
MAT 27:11 जब यीशु राज्यपाल का सामने खडो थो, ते राज्यपाल ने ओकासे पुछ्यो “तू यहूदीयाहोन को राजो हइ?” यीशु ने ओकासे बोल्यो, “तु खुद ही बोली रोस हइ.”
MAT 27:12 जब प्रधान याजक अरु बापदादा ओका पर दोष लगय रा था, ते ओने कुछ भी उत्तर नी दियो.
MAT 27:13 येका पर पिलातुस ने ओकासे बोल्यो “तु नी सुनस की ये तरा बारे मे केतना गवाही दी रास हइ?”
MAT 27:14 पन यीशु ने पिलातुस खे एक बात को भी उत्तर नी दियो, ह्या तक की राज्यपाल खे बडो आश्चर्य हुयो.
MAT 27:15 अरु रोमी राज्यपाल की या रीति थी, की उ तिवार मे दुन्याहोन का लिये कोय एक बन्दी खे जेखे वे चाता था, ओखे छोड्यो दियो जातो थो.
MAT 27:16 उ टेम मे उनखे बन्दीगृह बरअब्बा नाम को, एक जानो मानो गुना बन्दी थो.
MAT 27:17 अत: जब वे जमा हुया, ते पिलातुस ने उनका से बोल्यो, “तुम कोखे चास हइ, की मी तुमारा लिये छोडी दुयु? बरअब्बा खे, या यीशु खे जो मसीह बोलस हइ?”
MAT 27:18 क्युकी वे जानता था की ओने ओखे धोका से पकड्यो हइ.
MAT 27:19 जब उ न्याय की गद्दी पर बठ्यो हुयो थो ते ओकी लुगेन ने ओखे बुलावो भेज्यो, “तू उ न्यायी का मामला मे हात नी डालनु क्युकी मेने आज दृष्‍टान्‍त मे ओका कारण भोत दुख उठायो हइ.”
MAT 27:20 अगर प्रधान याजकहोन अरु बापदादाहोन ने दुन्याहोन खे उकसा यो की वे बरअब्बा खे मांगी ले, अरु यीशु खे नाश करी सखे .
MAT 27:21 रोमी राज्यपाल ने उनका से पुछ्यो, “ये दो मे से कोखे चास हइ, की तुमारा लिये छोडी दुयु?” उनने बोल्यो, बरअब्बा खे.
MAT 27:22 पिलातुस ने उनका से पुछ्यो, “फिर यीशु खे जो मसीह बुलास हइ का करु?” सब ने ओकासे बोल्यो, “ओखे क्रुस पर चेडायो जाये.”
MAT 27:23 राज्यपाल ने बोल्यो “ओने का बुरोइ करी हइ?” पन वे अरु भी चिलय-चिल्लय खे बोलन लग्या, की ओखे क्रुस पर चेडायो जाये.
MAT 27:24 जब पिलातुस ने देख्यो, की कुछ बनी नी पास पन हूल्लड कि सम्भावना हइ, ते ओने पानी लीखे गर्दी का सामने अपना हात धोया, अरु बोल्यो, मी यो न्यायी का खुन से नीर्दोष हुयु. तुम ही जानी ले.
MAT 27:25 सब दुन्याहोन ने उत्तर दियो, “येको खुन हम पर अरु हमारा बच्चाहोन पर हुये!”
MAT 27:26 येका पर ओने बरअब्बा खे उनका लिये छोडी दियो, अरु यीशु खे कोडा मारी खे सोपी दियो, की क्रुस पर चेडायो जाये.
MAT 27:27 तब राज्यपाल का सिपाहीहोन ने यीशु खे किल्ला मे ली जयखे सब सेवक ओका चारी तरप जमा कऱ्या.
MAT 27:28 अरु ओका कपडा उतारीखे ओखे चमकीला लाल कपडा पेनाया.
MAT 27:29 अरु काटा की टोपी गुथीखे ओका माथा पर रखी. अरु ओका जवना हात मे सरकण्‍डे दियो अरु ओका आगे टोगऱ्या टेकीखे ओकी मजाक उडान लग्या, “हे यहूदीयाहोन का राजा, को जय हुये!”
MAT 27:30 अरु ओका पर थुक्यो. अरु ये सरकण्‍डे ओका माथा पर मारन लग्या.
MAT 27:31 जब वे ओकी मजाक करी चुक्या, ते वे चमकीला कपडा ओका पर से उतारीखे फिर ओका कपडा ओखे पेनाया, अरु क्रुस पर चेडान का लिये ली गया.
MAT 27:32 जब वे बाहेर जाता हुये उनखे एक शमौन नाम को एक कुरेनी इन्सान मील्यो, उनने ओखे बेकार मे पकड्यो कि ओको क्रुस खे उठ्य खे ली चल्या.
MAT 27:33 अरु वा जगा पर जो गुलगुता नाम की जगा अगर खोपडी की जगा बोलता था पोचीखे.
MAT 27:34 उनने कडवो रस मील्यो हुयो अंगूर को रस ओखे पीन खे दियो, पन ओने चाट्यो पीयो नी.
MAT 27:35 तब उनने ओखे क्रुस पर चेडायो. अरु चिट्टी डालीखे ओका कपडा बाटी लिया.
MAT 27:36 अरु व्हा बठीखे ओकी जागल करण लग्या.
MAT 27:37 अरु ओकी दोषचिठ्ठी खे ओका माथा का उपर लगायो, की “यो यहूदीयाहोन को राजो यीशु हइ.”
MAT 27:38 तब ओका सात दो डाकू एक जवनो अरु डाखोऱ्यो बाजू क्रुस पर चेडायो गयो.
MAT 27:39 अरु आन-जानआला दुन्या माथो हलय-हलय खे ओकी नीन्दा करता था.
MAT 27:40 अरु यो बोलता था, “हे मन्‍दिर खे तोडनवाला अरु तीन दिन मे बनानवाला, अपना आपखे ते बचा! अगर तू परमेश्वर को बेटो हइ, ते क्रुस पर से उतरी खे आ.”
MAT 27:41 या रीति से प्रधान याजक भी पडीतहोन अरु बापदादाहोन का साथ मजाक करीखे बोलता था,
MAT 27:42 येने दुसरा खे बचायो, अरु अपना आपखे नी बचय सकस. यो तो इस्राएल को राजो हइ. अब क्रुस पर से उतरी खे आये, ते हम ओका पर विश्वास कर्‍हे.
MAT 27:43 ओने परमेश्वर को भरोसो रख्यो हइ, अगर उ येखे चास हइ, ते अभी येखे छुडाये, क्युकी येने बोल्यो थो, मी परमेश्वर को बेटो हइ.
MAT 27:44 यो प्रकार डाकू भी जो ओका सात क्रुस पर चेडाया गया था ओकी नीन्दा करता था.
MAT 27:45 दुपार से लीखे तिसरा पार तक ओका सब देस मे अंधारो हुइ गयो.
MAT 27:46 तीसरा पहर का नजीक यीशु ने बडो आवाज से पुकारी खे बोल्यो, “एली, एली, लमा शबक्तनी?” अगर “हे मरा परमेश्वर, हे मरा परमेश्वर, तोने मेखे कायबर छोडी दियो?”
MAT 27:47 जो व्हा खडा था, ओमे से केतना ने यो सुनीखे बोल्यो, “यो तो एलिय्याह खे बुलय रोस हइ.”
MAT 27:48 ओमे से एक झल्दी भाग्यो, अरु स्पंज लिखे अंगूर को कडु रस मे डुबय खे, सरकण्‍डे पर रखीखे ओखे पीन खे दियो.
MAT 27:49 भोतझना ने बोल्यो, “ऱ्ही जा, देखस, की एलिय्याह ओखे बचान आस हइ की नी.”
MAT 27:50 तब यीशु ने बडा जोर से चिल्लय खे जान छोडी दियो.
MAT 27:51 तब, मन्‍दिर का परदा उपर से नीचे तक फटी खे दो टुकडा हुय गया अरु जमीन हली गय अरु टेकडी फटी गय.
MAT 27:52 अरु कब्र खुली गय, अरु सोया हुय पवित्र दुन्याहोन खे भोत सा मुर्दो जिन्दा उठ्या.
MAT 27:53 अरु ओका जी उठना का बाद मे वे कब्र मे से नीकलीखे पवित्र गाव यरुशलेम मे गया, अरु भोतझना खे दिखइ दिया.
MAT 27:54 तब सुबेदार अरु जो ओका सात यीशु की चौकीदारी दी रा था, भूकम्प अरु जो कुछ हुयो थो, देखीखे भोत डरी गया, अरु बोल्यो, “सचमुच यो परमेश्वर को बेटो थो!”
MAT 27:55 व्हा भोत सी बयहोन जो गलील से यीशु की सेवा करती हुइ ओका सात मे ए थी, दुर से देखी री थी.
MAT 27:56 ओमे मरियम मगदलीनी अरु याकूब अरु यूसुफ कि माय मरियम अरु जब्दी की लुगेन.
MAT 27:57 जब संजा हुयी ते यूसुफ नाम अरिमतियाह को एक धनी इन्सान जो खुद ही यीशु को चेलो बन्या
MAT 27:58 ओने पिलातुस का पास जयखे यीशु का मुर्दा खे माग्यो. पिलातुस ने यूसुफ खे मुर्दो खे ले जान की आज्ञा दी.
MAT 27:59 यूसुफ ने मुर्दा खे लीखे ओखे सफेद चद्दर मे गुढ्यो.
MAT 27:60 अरु ओने अपनी नवी कब्र मे रख्यो, जो ओने टेकडी मे खोदी थी, अरु कब्र का दरवाजा पर बडो पत्थर लुढकैय खे चली गयो.
MAT 27:61 अरु मरियम मगदलीनी अरु दुसरी मरियम व्हा कब्र का सामने बठी थी.
MAT 27:62 आराम को दिन जो तैयारी का दिन का बाद को दिन थो, प्रधान याजकहोन अरु फरीसीहोन ने पिलातुस का पास जमा हुइखे बोल्यो.
MAT 27:63 हे स्वामी, हमखे याद हइ, की उ भरमानआला ने अपना जीते जी बोल्यो थो, की मी तीन दिन का बाद जिन्दो हुयु.
MAT 27:64 अत: आज्ञा दे की तीसरा दिन तक कब्र की रखवाली करी जाये, असो नी हुये की ओका सेवक होन ओखे चोरी खे ली जाये, अरु दुन्याहोन से बोलन लग्या, की उ मऱ्या हुया मे से जिन्दो उठ्यो हइ, तब अगलो झुठो पैयले से भी बुरो हुये.
MAT 27:65 पिलातुस ने उनका से बोल्यो, “तुमारा पास चोकीदारहोन तो हइ जा, अपनी समझ से क्रब खे सुरक्षित कर.”
MAT 27:66 आखरी मे वे चोकीदारहोन खे सात मे ली गया, अरु पत्थर पर एक नीशान लगयखे कब्र खे पुरी रिती से सुरक्षित बन्य दी.
MAT 28:1 आराम का दिन का बाद हप्ता को पयलो दिन जब फजर हुइ ऱ्ही थी, मरियम मगदलीनी अरु दुसरी मरियम कब्र खे देखन अय.
MAT 28:2 तब एक बडो भुकम्प हुयो, क्युकी परमेश्वर को एक दूत स्वर्ग से उतऱ्यो, अरु पास अयखे ओने पत्थर खे लुडक्य दियो, अरु ओका पर बठी गो.
MAT 28:3 ओको रुप बिजली का जसो अरु ओका कपडा पेन्या बर्फ का जसो उज्जाला था.
MAT 28:4 ओका डर से पहरेदार कब उठ्या, अरु मर्‍या का जसा हुय गया.
MAT 28:5 स्वर्गदूत ने बयहोन से बोल्यो, “मत डर, मी जानुस हइ की तुम यीशु खे जो क्रुस पर चेढायो गयो थो ढुढस हइ.
MAT 28:6 उ ह्या नी हइ, पन अपना वचन का जसो उ जिन्दो उठ्यो हइ. आख या जगा खे देख कि झा प्रभु खे रख्यो गयो थो.
MAT 28:7 अरु झल्दी जयखे ओका सेवक होन से बोल, की उ मऱ्या मे से जिन्दो उठ्यो हइ. अरु देख उ तुम से पैयले गलील खे जास हइ, उ ओको दर्शन पाये, देख का मेने तुमखे बात बोली दी.”
MAT 28:8 अरु वे डर अरु बडा आनन्द का सात कब्र से झल्दी लोटिखे ओका सेवक होन खे समाचार बतान का लिये भागी गय.
MAT 28:9 तब, यीशु उनखे मील्यो अरु बोल्यो, “सुख से ऱ्हे” अरु उनका पास अयखे अरु ओका पाय पकडीखे ओखे प्रणाम कऱ्यो.
MAT 28:10 तब यीशु ने उनका से बोल्यो, मत डर मरा “भैइहोन से जयखे बोल,” “की गलील खे चली जा व्हा मेखे देखे.”
MAT 28:11 वे जय ही री थी, की पहरेदारहोन मे से केतना ने नगर मे अयखे पुरो हाल मुखिया याजकहोन से बोल सुन्यो.
MAT 28:12 तब उनने बापदादाहोन का सात जमा हूयखे योजना करी, अरु सिपहीहोन खे भोत चादी का सिक्काहोन दिया.
MAT 28:13 अरु बोल्यो, “यो बोलनु की रात खे जब हम सोया था, ते ओका सेवक अयखे ओखे चोरी खे गया.
MAT 28:14 अरु अगर या बात राज्यपाल का कान तक पोची जाये, ते हम ओखे समझ्य लीये अरु तुमखे चिंता से आजाद करी दिया.”
MAT 28:15 येका लिये उनने सिक्का लिखे जसो सिखायो गयो तो, असो ही कऱ्यो. अरु या बात आज तक यहूदीयाहोन मे फैली हइ.
MAT 28:16 अरु ग्यारा सेवक गलील मे वा टेकडी पर गया, जो यीशु ने उनखे बतय थी.
MAT 28:17 अरु उनने ओको दर्शन लीयो ओखे प्रणाम कऱ्यो, पर कोय-कोय खे विश्वास नी हुयो.
MAT 28:18 यीशु ने उनका पास अयखे बोल्यो, “की स्वर्ग अरु पृथ्वी को सब अधिकार मेखे दियो गयो हइ.
MAT 28:19 येका लिये तुम जयखे सब राष्ट्रहोन खे दुन्याहोन खे सेवक बन्या. अरु उनखे बाप, अरु बेटा, अरु पवित्र आत्मा का नाम से बपतिस्मा दे,
MAT 28:20 अरु उनखे सब बात जो मेने तुमखे आज्ञा दी हइ, ओको पालन करणो सिखा. अरु देख, मी जगत का आखरी तक हमेशा तुमारा सात ऱ्हीयु.”
MAR 1:1 परमेश्वर को बेटो यीशु मसीह को सुसमाचार की सुरुवात.
MAR 1:2 जसो कि यशायाह भविष्यव्दक्ता की किताब मे लिख्यो हइ “परमेश्वर ने बोल्यो, मी तरा आगे अपनो दूत, भेजुस हइ, उ तरा लिये रस्ता तैयार कर्हे.
MAR 1:3 सुनसान जंगल मे एक पुकारनआला को आवाज सुनइ दि रो हइ कि प्रभु कि रस्ता तैयार कर, अरु ओकी रस्ता सीधी करणु!”
MAR 1:4 येका लिये यहून्ना सुनसान जंगल मे बपतिस्मा अरु शिक्षा हुया दुन्याहोन से बोल्यो, अपना पाप से दुर ऱ्हे अरु माफ का लिये. “मन फिराव को बपतिस्मा ले अरु परमेश्वर तुमारा पाप खे माफ कर्हे.”
MAR 1:5 पुरा यहूदीयाहोन प्रदेस, अरु यरुशलेम शहर का सब र्‍हेनआला नीकलीखे यहुन्ना का पास गया, अरु उनने अपना पाप खे मनय खे यरदन नद्दी मे ओकासे बपतिस्मा लियो.
MAR 1:6 यहून्ना उट का बाल का कपडा पेनीखे अरु अपनी कम्मर मे चामडा को पट्टो बाध्यो र्हेतो थो, अरु टोटर अरु जंगल को मोहरुस खातो थो.
MAR 1:7 अरु उ यो प्रचार करतो थो “मरा बाद उ आनआलो हइ, जो मरासे भोत बडो हइ. मी यो योग्य भी नी की झुकी खे ओका जुता की तन्नी खोली सकु.
MAR 1:8 मेने तो तुमखे पानी से बपतिस्मा दियो, पन उ तुमखे पवित्र आत्मा से बपतिस्मा दिये.”
MAR 1:9 उन दिन मे, यीशु ने नासरत नगर से गलील प्रदेस मे अयखे, यरदन नदी मे, यहून्ना से बपतिस्मा लीयो.
MAR 1:10 अरु जब उ पाणी से नीकलीखे उपर आयो ते तुरुत ओने बद्दल खे खुलतो अरु पवित्र आत्मा खे कबूतर का रुप मे अपना उपर उतरता देख्यो.
MAR 1:11 अरु यो स्वर्ग से एक आवाज सुन्यो “तू मरो लाड को बेटो हइ, तरा से मी भोत खुश हइ.”
MAR 1:12 तब पवित्र आत्मा ने ओखे तुरुत सुनसान जगा का तरफ भेज्यो.
MAR 1:13 अरु सुनसान जगा मे चालीस दिन अरु चालीस रात तक सैतान ने ओकी परीक्षा करी. अरु उ जंगली जनवरहोन का साथ र्‍हियो. अरु स्वर्गदूत ओकी सेवा करता र्‍हिया.
MAR 1:14 यहून्ना खे बन्दीघर मे डाल्या जान का बाद यीशु ने गलील प्रदेस मे अयखे परमेश्वर का राज को सुसमाचार प्रचार कर्यो.
MAR 1:15 अरु बोल्यो “टेम पूरो हुयो हइ, अरु परमेश्वर को राज नजीक अय गो हइ, अपना पाप से मन फिरानु अरु सुसमाचार पर विश्वास करणु.”
MAR 1:16 जब यीशु गलील की नदी का किनारा जातो हुये ओने दो भैइ शमौन अरु ओको भैइ अन्द्रियास खे नदी मे जाल डालते देख्यो, क्युकी वे मछिआला था.
MAR 1:17 यीशु ने उनका से बोल्यो, मरा पिछे आ मी तुम खे परमेश्वर का राज मे लानो सीखायु.
MAR 1:18 वे तुरुत जाल, छोडी खे ओका पिछे चली गया
MAR 1:19 अरु कुछ आगे अयखे ओने जब्दी का दो बेटा याकूब, अरु ओको भैइ यहून्ना खे, डोंगा पर जाल खे सुधारते देख्यो.
MAR 1:20 जब यीशु ने उनखे देख्यो, अरु तुरुत उनखे बुलायो वे अपना बाप जब्दी खे मजूरहोन का साथ डोंगा पर छोडी खे यीशु का पिछे चलि गया.
MAR 1:21 यीशु अरु वोका चेला कफरनहूम शहर मे आया, अरु उ अराम का दिन मे यहूदीयाहोन का आराधनालय मे जय खे उपदेस देन लग्यो.
MAR 1:22 अरु दुन्या ओकी शिक्षा से अचम हुया, क्युकी उ उनखे धर्म शास्त्री का जसो नी, पन अधिकार से उपदेस देतो थो.
MAR 1:23 उ टेम मे उनको आराधनालय मे, एक इन्सान थो. जोमे एक बुरी आत्मा थी.
MAR 1:24 ओने चिल्लय खे बोल्यो, हे नासरत नगर को यीशु, हमखे तरा से काम? का तू हम खे खतम करण आयो हइ? मी तोखे जानुस हइ तू कोण हइ, तू परमेश्वर को पवित्र जन हइ.
MAR 1:25 यीशु ने ओखे धमकय खे बोल्यो, चुप र्‍हे अरु ओमे से नीकली जा,
MAR 1:26 तब बुरी आत्मा ओखे मुरगडी खे अरु बडा आवाज से चिल्लय खे ओमे से नीकली गइ.
MAR 1:27 येका पर सब अचम करता हुये आपस मे वाद विवाद करण लग्या, या, बात हइ? यो तो कोय नवो उपदेस हइ,“उ अधिकार का साथ बुरी आत्माहोन खे भी आज्ञा देस हइ, अरु वे ओकी आज्ञा मानस हइ.”
MAR 1:28 यो तरह गलील अरु ओका आस पास का हर सब प्रदेश मे यीशु को नाम जल्दी ही फैली गो.
MAR 1:29 यीशु आराधनालय मे से नीकलीखे याकूब अरु यहून्ना को साथ शमौन अरु अन्द्रियास का घर मे आयो.
MAR 1:30 अरु शमौन की सासु बुखार मे पडी थी, अरु उनने तुरुत ओका बारे मे ओकासे बोल्यो.
MAR 1:31 तब ओने पास जैइखे ओको हात पकडी खे ओखे उठायो. अरु ओको बुखार उतरी गयो, अरु वा उनकी सेवा करण लगी.
MAR 1:32 शाम का टेम जब सुरज डूबी गयो ते दुन्या सब बीमारहोन खे अरु उनमे जोमे बुरीआत्माहोन थी, यीशु का पास लानु.
MAR 1:33 अरु पुरा नगर का सब दुन्या दरवाजा का बाहेर जमा हुया.
MAR 1:34 यीशु ने भोतझण खे अलग प्रकार की बिमार से छुड्या हुया था, उनखे अच्छो कर्यो, अरु भोत सी बुरीआत्माहोन खे नीकाली. अरु बुरीआत्माहोन खे बोलन नी दियो, क्युकी वे ओखे पहचानता था यो कोन आय.
MAR 1:35 फजर खे दिन नीकलना से भोत पैयले यीशु उठीखे नीकली गयो, अरु एक सुनसान जंगल कि जगा मे गयो अरु व्हा प्रार्थना करण लग्यो.
MAR 1:36 तब शमौन अरु ओका साथी ओखे ढुढन लग्या.
MAR 1:37 अरु जब उ मील्यो, ते ओकासे बोल्यो. सब दुन्या तोखे ढूडी रा हइ.
MAR 1:38 पन यीशु ने उनका से बोल्यो, “आ. हम अरु कही आस पास का गाव मे जाये, कि मी व्हा भी प्रचार कर्यु, क्युकी मी येकालिये ही आयो हइ.”
MAR 1:39 अरु उ पुरा गलील मे यहूदीयाहोन का आराधनालय मे जय जैयखे प्रचार करतो अरु बुरीआत्माहोन खे नीकलतो र्‍हियो.
MAR 1:40 अरु एक कोढ को रोगी यीशु का पास अयखे, ओकासे मदत मागी, अरु ओका सामने घुटना टेकीखे, ओकासे बोल्यो, “अगर तू चाह्ये ते मेखे अच्छो करी सकस हइ.”
MAR 1:41 यीशु ने ओका पर दया खैइ खे हात बडायो, अरु ओखे पकडी खे बोल्यो, “मी चाहुस हइ, तू अच्छो हुइ जा.”
MAR 1:42 अरु तुरुत ओकी कोढ सुधरते चली गइ, अरु उ अच्छो हुइ गयो.
MAR 1:43 तब यीशु ने ओखे कडी चेतावनी दिखे तुरुत बिदा कर्यो.
MAR 1:44 अरु ओकासे बोल्यो, “सुन, कोय से मत बोलनु, पन जैइखे अपना आप खे महायाजक खे बता, अरु अपना अच्छो होन का बारे मे जो कुछ मूसा ने ठैरायो हइ ओखे दान चेडा, कि उन पर गवाह हुये.”
MAR 1:45 पन उ इन्सान बाहेर जैइखे या बात को भोत प्रचार करण अरु ह्या तक फैलान लग्यो, कि यीशु फिर खुल्लमखुल्ला नगर मे नी जैइ सक्यो, पर बाहेर सुनसान जगा मे र्‍हियो. अरु चारी तरफ से दुन्या यीशु का पास आता र्‍हिया.
MAR 2:1 थोडा दिन का बाद उ फिर कफरनहूम मे आयो अरु सुन्यो गयो कि उ घर मे हइ.
MAR 2:2 फिर येत्ता दुनिया जमा हुया, कि दरवाजा का पास भी जगा नी मीली. अरु उ उनखे वचन सुनय रो थो.
MAR 2:3 अरु दुन्या एक लखवा का रोगी खे चार इन्सानहोन से उठयखे ओका पास लि गया.
MAR 2:4 पर जब वे गर्दी का कारण ओका पास नी पहुची सक्या, ते उनने उ छत खे जेका नीचे उ थो, खोली दियो अरु जब ओखे लटकै चुक्या ते ओकी खटिया खे जेका पर लखवा को मार्यो हुयो पड्यो थो, उतारी दियो.
MAR 2:5 यीशु ने उनको विश्वास देखीखे ओखे लखवा लग्याआला खे बोल्यो, “हे बेटा तरो पाप माफ हुयो.”
MAR 2:6 तब कोय व्यवस्था का शिक्षक जो व्हा बठ्या था वे अपना अपना मे मन बिचार करण लग्या.
MAR 2:7 “यो इन्सान क्यु असो बोलस हइ? यो तो परमेश्वर की मजाक करस हइ, परमेश्वर खे छोड अरु कोन पाप माफ करी सकस हइ?”
MAR 2:8 यीशु ने तुरुत अपनी आत्मा मे जानी लियो, कि वे अपना मन मे असो बिचार करी रा हइ, अरु उनसे बोल्यो “तुम अपना मन मे यो बिचार क्यु करी रा हय?”
MAR 2:9 सरल का हइ? लखवो लगना से यो बोलनो हइ कि तरा पाप माफ हुया, यो बोलनो हइ, कि उट अपनी खटिया उठैइखे चल फिर.
MAR 2:10 पर जेका से तुम जानी ले कि इन्सान का बेटा खे धरती पर पाप माफ करण को अधिकार हइ, ओने उ लखवो लग्या हुया से बोल्यो.
MAR 2:11 “मी तोखे बोलुस हइ. उट, अपनी खटिया उठैइखे घर चली जा.”
MAR 2:12 उ उठ्यो, अरु तुरुत खटिया उठैइखे सब का सामने से नीकलीखे चली गयो. येका पर सब अचम हुया, अरु परमेश्वर कि महिमा करीखे बोलन लग्या, हमने असो कभी नी देख्यो.
MAR 2:13 उ फिर नीकलीखे नदी का किनार गयो, अरु पुरी गर्दी ओका पास अय, अरु उ उनखे शिक्षा देन लग्यो.
MAR 2:14 जातो हुये यीशु ने हलफइ को बेटो लेवी खे चुंगी की चौकी पर बठ्यो देख्यो, अरु ओका से बोल्यो, “मरा पिछे आ,” अरु उ उठीखे, ओका पीछे अय गो.
MAR 2:15 अरु यीशु ओका घर खाना का लिये बठौ. अरु भोत सा चुंगी लेनआला अरु पापी भी ओका अरु सेवक होन का साथ खानो खान का लिये बठ्या, क्युकी वे भोत झन था, अरु ओका पिछे अयगा था.
MAR 2:16 अरु व्यवस्था का शिक्षक अरु फरीसीहोन ने यो देखीखे, कि उ तो पापीहोन अरु चुंगी लेनआला का साथ खानो खै रो हइ? ओका सेवक होन से बोल्यो, “उ तो चुंगी लेनआला अरु पापीहोन का साथ खास पीस हइ?”
MAR 2:17 यीशु ने यो सुनीखे, उनसे बोल्यो, भलो अच्छा वैद्य की जरुरत नी, पर बीमारहोन खे हइ. मी धर्मीहोन खे नी, पर पापीहोन खे बुलान खे आयो हइ.
MAR 2:18 यहून्ना को सेवक, अरु फरीसी उपास करता था. अन्नत उनने अय खे ओकासे यो बोल्यो. यहून्ना का सेवक अरु फरीसीहोन का सेवक क्यु उपास रखस हइ, पर तरा सेवक उपास नी रखे.
MAR 2:19 यीशु ने उनसे बोल्यो, “जब तक दुलो बरातहोन का साथ र्‍हेस हइ, उ उपास करी सकस हइ? अन्नत जब तक दुलो उनका साथ हइ, तब तक वे उपास नी करी सक्ये.
MAR 2:20 पर उ दिन आये कि दुलो उनसे अलग कर्यो जाये. उ टेम वे उपास कर्ये.
MAR 2:21 “नवा कपडा को थेगडो जुन्ना कपडा पर कोय नी लगाय. नी ते उ थेगडो ओमे से कुछ खीची लिये, अगर नवो को पुराना से अरु उ फटी जाये.
MAR 2:22 नवो अंगूर को रस मडकाहोन मे कोय नी रखस, नी ते अंगूर को रस मडकाहोन खे फोडी दिये, अरु अंगूर को रस अरु मडका खे दोइ भी खतम हुइ जाये. पर अंगूर को नवो रस मडका मे भऱ्यो जास हइ.” अंगूर को रस चमडो का झोला मे
MAR 2:23 अरु असो हुयो की उ आराम का दिन खेतहोन मे से हुइ खे जय रा थो. अरु ओका सेवक चलते हुये भुट्टा तोडन लग्या.
MAR 2:24 तब फरीसीहोन ने ओकासे बोल्यो, “देख, यो आराम का दिन उ काम क्यु करस हइ जो अच्छो नी?”
MAR 2:25 “ओने उनसे बोल्यो का तुम ने कभी नी पढ्यो, कि जब दाउद खे जरुरत हुये अरु जब उ अरु ओका साथ भूखा हुये, तब ओने कऱ्यो थो?
MAR 2:26 ओने काय खे अबियातार महायाजक का टेम मे परमेश्वर का घर मे जय खे, दान कि रोटी खइ जेको खानो याजकहोन खे छोडी अरु कोय को भी अच्छो नी, अरु अपना साथीहोन खे भी दियो”
MAR 2:27 अरु “ओने उनका से बोल्यो, आराम को दिन इन्सान का लिये बनायो गयो हइ न की इन्सान अराम का दिन का लिये.
MAR 2:28 येका लिये इन्सान को बेटो अराम का दिन को भी प्रभु हइ.”
MAR 3:1 अरु उ आराधनालय मे गयो व्हा एक इन्सान थो जेको हात सूखी गयो थो.
MAR 3:2 अरु ओका उपर इलजाम लगाना का लिये ओका हात मे लग्या हुया था, कि देखनु, उ अराम का दिन मे अच्छो करस हइ कि नी.
MAR 3:3 ओने सुख्या हाथआला इन्सान से बोल्यो, “बीच मे खडो हो.”
MAR 3:4 अरु उनसे बोल्यो, अराम का दिन भलो करणो अच्छो नी हइ या बुरो करणो, जान खे बचानु या मरी जानु? पर वे चुप र्‍हिया.
MAR 3:5 अरु यीशु ने मन की करता से उदास हुइ खे, उन खे घुस्सा से चारी तरफ देख्यो, अरु उ इन्सान से बोल्यो “अपनो हात बडा” ओने बडायो, अरु ओको हात अच्छो हुइ गयो.
MAR 3:6 तब फरीसी बाहेर जैइखे तुरुत हेरोदियहोन,का साथ ओका खिलाप मे सम्मती करण लग्या, कि ओखे कोनता वजेसे नाश करणु.
MAR 3:7 अरु यीशु अपना सेवक होन,का साथ नदी का, तरप चली गया, गलील अरु यहूदीया परदेस से बडी गर्दी ओका पिछे नीकल्यो.
MAR 3:8 अरु यहूदीया, अरु यरुशलेम, अरु इदूमीया, अरु यरदन नदी का पार, अरु सूर अरु सैदा का आस पास से एक बडी गर्दी यो सुनीखे कि उ कसो अचमकाम करस हइ ओका पास अय.
MAR 3:9 अरु ओने अपना सेवक होन से बोल्यो गर्दी का कारन एक छोटो डोंगा मरा लिये तैयार रख जब की वे मखे घेरी नी सखे.
MAR 3:10 क्योकी ओने भोत झन खे अच्छो कर्यो थो. येका लिये जेत्ता दुन्या रोग से पिडीत था, ओखे छिन का लिये ओका पर गिरी पड्या था.
MAR 3:11 अरु बुरी आत्मा ओखे देखती थी ते ओका आगे गिरी पडी थी, अरु चिल्लय खे बोलती थी कि “तू परमेश्वर को बेटो हइ.”
MAR 3:12 अरु यीशु ने बुरी आत्मा खे आज्ञा दी कि, व्हा कोय खे भी नी बतानु कि व्हा कोन हइ.
MAR 3:13 तब यीशु एक टेकडा पर चढी गयो, अरु जेखे व्हा चाहतो थो उनखे अपना पास बुलाया. अरु वे ओका पास चली आया.
MAR 3:14 तब ओने उन खे बारा झण, खे नीयुक्त कर्यो, कि वे ओका साथ र्‍हिये, अरु उ उनखे भेज्ये, कि प्रचार कर्ये.
MAR 3:15 अरु बुरीआत्माहोन खे नीकालन को अधिकार दियो.
MAR 3:16 अरु वे ये हइ शमौन जेको नाम ओने पतरस रख्यो.
MAR 3:17 अरु जब्दी को बेटो याकूब, अरु याकूब को भैइ यहून्ना, जेको नाम ओने बुअनरगिस मतलब गर्जन को बेटो रख्यो.
MAR 3:18 अरु अन्द्रियास अरु फिलिप्पुस, अरु बरतुल्मै, अरु मत्ती, अरु थोमा, अरु हलफइस को बेटो याकूब, अरु तद्दै, अरु शमौन कनानी थो.
MAR 3:19 अरु यहूदा इस्करियोती जेने वोखे पकडइ दियो.
MAR 3:20 अरु वु घर मे आयो. अरु फिर एक असी बडी दुन्या होन एक साथ का जमा हुइ गया. की वे रोटी भी नी खय सक्या.
MAR 3:21 जब यीशु का कुटुब परीवार ने यो सुन्यो ते वे ओखे पकडन का लिये नीकल्या क्यु कि उनको बोलनो यो थो की ओको मन जगा पर नी थो.
MAR 3:22 तब शास्त्रिहोन जो यरुशलेम से आया हुया “था, बोली रा था, येमे सैतान समायोस हइ, अरु उ सैतान की बुरी आत्मा को मुखियो की मदत से बुरीआत्माहोन खे नीकालस हइ.”
MAR 3:23 तब वोने उन खे वो का पास बुलयखे अरु उनका से दृष्‍टान्‍त मे बोलन लगी गो, सैतान कसो सैतान खे, नीकाली सकस हइ?
MAR 3:24 आपस मे कोय राज्य मे फुट पडी जाह्ये, ते वू राज्य जगा पर शांत सनी र्‍ही सखे.
MAR 3:25 अगर कोइ घर मे फुट पडी जाह्ये ते, वू घर बन्यो नी र्‍ही सखे.
MAR 3:26 अरु अगर सैतान अपना खिलाफ उठी खे खडो हुये. अरु उनमे फुट पडी जाह्ये, ते वू जगा पर नी र्‍ही सकन को, पन वोको नाश हुये.
MAR 3:27 पन कोइ इन्‍सान से कोइ बलवान इन्सान का घर मे घुसी खे, वोकी संपत्ती नी लुटी सखे, जब तक की वु बलवान इन्सान खे बाधी नी ले. येका बाद मे वु वोका घर खे लुटी सख्ये.
MAR 3:28 मी तुमारा से सच्ची बोलुस हइ, इन्सान का बच्चा का सब पाप अरु नीन्दा जो वे माफ करस हइ, वे माफी मीली जाह्ये.
MAR 3:29 पर जो कोइ पवित्र आत्मा का खिलाप नीन्दा कर्‍हे, ओखे कभी माफ नी कर्ये जाये. पर उ अनन्त पाप को अपराधी ठैरायोस हइ.
MAR 3:30 क्यु की वे यो बोलस हइ की ओमे बुरी आत्मा हइ.
MAR 3:31 अरु वोकी माय अरु वोको भैइ व्‍हा पर पहुच्या, अरु बाहेर खडा हुइ खे खबर भेजी अरु वोखे बुला.
MAR 3:32 अरु गर्दी वोका चारी बाजू मे बठी थी, अरु उनने वोखे बोल्यो, “ देख, तरी माय अरु तरा भैइ अरु भैइन बाहेर तोखे ढुडी रास हइ.”
MAR 3:33 ओने जवाब देते हुये उनखे बोल्यो, कोन मरी माय अरु कोन मरो भैइ?
MAR 3:34 अरु अपना चारी तरफ बठ्या आला दुन्या का तरप नजर घुमइ खे वोने बोल्यो, देख मरी माय अरु भैइ अरु बहीन ये हइ.
MAR 3:35 क्यु कि जो कोइ परमेश्वर की इच्छा पर चल्ये, उ मरो भैइ, अरु मरी भैइन, अरु मरी माय.
MAR 4:1 यीशु फिर नदी का किनारा पर शिक्षा देन लग्यो अरु असी बडी गर्दी ओका पास जमा हुइ गी, की उ नदी मे एक डोंगा पर चेडी खे बठी गयो, अरु सब गर्दी जमीन पर नदी का किनारा पर खडा ऱ्हीगा.
MAR 4:2 अरु उ उनखे दृष्‍टान्‍त मे भोत सारी बात सीखान लग्यो, अरु अपनी शिक्षा मे उन खे बोल्यो.
MAR 4:3 सून अरु देख, एक बोनवालो बीज बोन का लिये नीकल्यो.
MAR 4:4 जब बोन का टेम कुछ बीज रस्ता का किनारा मे गिरीगा, अरु पक्षिहोन ने अयखे चुनी लियो.
MAR 4:5 अरु कुछ बीज पत्थर का जमीन पर गिर्‍या गया उनखे भोत मट्टी नी मीली, अरु भोत मट्टी नी मीलना से वे झल्दी उगी सक्या.
MAR 4:6 अरु जब सुरज नीकल्यो, ते जली गया, अरु जडी नी पकडी ते सुखी गया.
MAR 4:7 अरु कुछ बीज होन झाडि मे गिरी गया, अरु झाडि ने बडीखे ओखे दबय दियो, अरु उ पिक्यो नी.
MAR 4:8 पन कुछ बीज होन अच्छी जमीन पर गिर्‍या, अरु उ उगी गया, अरु बडिखे पकी गया. अरु कोय तीस गुणा, कोय साठ गुणा, अरु कोय सौ गुना पकी गया.
MAR 4:9 अरु उनने बोल्यो, “जेका पास सुनन का लिये कान हुये, उ सूनी ले.”
MAR 4:10 जब यीशु येकलो ऱ्ही गयो, ते ओका सात आलाहोन ने वे बारा समेत ओका से यो दृष्‍टान्‍त का बारे मे पुछ्यो.
MAR 4:11 ओने उनका से बोल्यो, तुम खे तो परमेश्वर का राज्य की भेद की समझ दी गय हइ, पन बाहेर आला का लिये सब बात काहानी मे होस हइ.
MAR 4:12 येकालिये की वे देखेता हुये देखे अरु उनखे देखनु नी पडे अरु सुनते हुये सुने भी अरु नी समझे कि असो नी होनु कि वे फिर, अरु माफ कर्यो जाह्ये.
MAR 4:13 फिर यीशु उनका से बोल्यो “तुम या काहानी नी समझस? ते फिर अरु सब दृष्‍टान्‍त खे कसा समझे?
MAR 4:14 बोन आलो परमेश्वर वचन बोस हइ?
MAR 4:15 जो रस्ता का किनार को हइ झा पर वचन बोयो जास हइ, ये वे हइ, कि जब उनने सुन्यो, ते सैतान झल्दी अयखे वचन खे जो उनने बोयो गयो थो, उठय ली जास हइ.
MAR 4:16 अरु असो ही जो इन्सान फथरेली जमीन पर बोयो जास हइ, ये वे हइ, कि जो वचन खे सुनी खे झल्दी आनन्द से अपनय लेस हइ.
MAR 4:17 पन अपना अंदर कि जडी नी रखन का कारण वे थोडासा दिन का लिये ऱ्हेस हइ, येका बाद वचन का कारण उन पर दुख या उपद्रव होस हइ, ते वे झल्दी ठोकीखे खास हइ.
MAR 4:18 अरु जो झाडिहोन मे बीज बोयो गयो ये वे हइ जेने वचन सुन्यो,
MAR 4:19 अरु जगत की फिकर अरु धन को धोको अरु चीजहोन को लोभ ओमे टेम खे वचन खे दबय देस हइ अरु उ बिना फल को ऱ्हि जास हइ.
MAR 4:20 अरु थोडा दुन्या अच्छी जमीन मे बोयो गयो, ये वे हइ, जो वचन सुनीखे अपनास अरु फल लास हइ, कोय तीस गुणा, कोय साठ गुणा, अरु कोय सौ गुणा.”
MAR 4:21 अरु यीशु ने उन का से बोल्यो, दिवा खे येकालिये लास हइ कि टोपली अरु खटीया का नीच्चे रख्यो जाह्ये? येकालिये नी कि दिव्वो रखन कि जगा पर रख्यो जाह्ये?
MAR 4:22 जो कुछ भी लुक्यो हइ, ओखे बाहेर लायो जाह्ये अरु जो कुछ झाक्योस हइ, ओखे उजागर कर्यो जाह्ये.
MAR 4:23 अगर कोय खे कान हइ ते सुनीले.
MAR 4:24 फेर ओने ओखे बोल्यो, तु जो कुछ सूनन का लिये तैयार र्‍हे. जो माफ से तुम मोजी दिहे ओखे तुमारा लिये मोजी खे दिहे, तुम खे भी जादा देना मे आह्ये.
MAR 4:25 क्‍योकी जो खे हइ, वोखे दियो जाह्ये, अरु जेखे नी हइ, वोखे हूये नी, वे भी उनका पास नीकाली लीयो जाह्ये.
MAR 4:26 यीशु ने बोल्यो, “परमेश्वर को राज्य असो हइ जसो जो इन्सान ने जमीन मे बीज बोयी दियो.
MAR 4:27 अरु रात खे सोयो, अरु दिन मे जाग्या अरु व्हा बीज असो उगायो अरु बड़िगा की व्हा नी मालुम
MAR 4:28 जमीन आपो आप पीक दिहे. पहीली कोम फिर बोन्‍ड अरु भुट्टा मे भर्‍याआला दाना.
MAR 4:29 पर जब दानो पकी जास हइ, तब उ जल्दी दराती से काटस हइ, क्योकी काटन को टेम अय गयोस हइ.”
MAR 4:30 फिर ओने बोल्यो, “हम परमेश्वर का राज्य कि तुलना कोय से करस, अरु कोय दृष्‍टान्‍त से वर्णन करणु.
MAR 4:31 उ रइ को दाना जसो हइ. उ जमीन मे बोन की जगा पर सब दाना मे बारीक हुये.
MAR 4:32 फिर भी बोना का बाद नीकली खे सब बगीचा का रोप मे बडो हूय जास हइ अरु वोमे बडी डग्‍यान नीकलस हइ, जेका से बद्दल मे उडन आली पक्षिहोन भी वोका खोरा मे घोसलो बनास हइ.”
MAR 4:33 उ उनखे असी कयी दृष्‍टान्‍त का वजेसे वचन सूनातो थो, जोत्ता वे समजी सकस हइ ओतो ही ओतो ही बतायो थो,
MAR 4:34 अरु वू दृष्‍टान्‍त का बिना उनका से कुछ नी बोलतो थो. पन एकला मे अपना सेवक होन खे सब कुछ समजातो थो.
MAR 4:35 उ दिन जब संजा हूइ, ते वोने वोका से बोल्‍यो, “आ हम व्हा जाये.”
MAR 4:36 अरु गर्दी खे छोडी खे उनका जसा व्हा पर था, उनखे अपना साथ डोंगा मे लि लीयो अरु व्हा वोका साथ अरु भी डोंगा होन था.
MAR 4:37 जब एक भयानक तूफान आयो अरु लाट डोंगा खे टकरान लगी ह्‍या तक की पाणी डोंगा मे भरन लग्यो.
MAR 4:38 अरु व्हा खूद पिछे का भाग मे उस्तो अरु गद्दा पर सोयो थो अरु सेवक ने ओखे उठायो अरु बोल्यो “हे गुरुजी, तुमखे चिंता नी हइ, की हमारो नाश हूय जाह्ये ते का तोखे?”
MAR 4:39 जब ओने उठीखे जाना का बाद वोने तूफान खे धमकयो, अरु पानी खे बोल्यो, “शान्त र्‍हे, अरु रुखी जा” अरु तूफान रुखी गयो अरु सब कुछ शान्त हूय गयो.
MAR 4:40 ओने उनखे बोल्यो, तुम इत्तो डरस क्यु हइ? या कसी बात हइ की तुमारा मे विश्वास नी हइ.
MAR 4:41 अरु वे एक दम डरी गा अरु आपस मे बोलन लग्‍या, अन्नत : यो कोन आय? की येका बोलना से तूफान अरु पाणी, “लहर भी येकि बात मानस हइ!”
MAR 5:1 फिर वू नद्दी का आगे गेरासेनीयहोन का देश मे पहुच्या,
MAR 5:2 अरु उ डोंगा से उतर्‍यो ते, तुरुत एक इन्‍सान जोमे बुरी आत्मा, थी, कब्र से नीकलीखे ओखे मील्‍यो.
MAR 5:3 उ मरगट मे र्‍हिया करतो थो अरु कोय ओखे साकल से भी नी बाधी सकता था.
MAR 5:4 क्युकी उ बार-बार बेडिहोन अरु साकलहोन से बाध्यो गयो थो, पर ओने साकल खे तोडी दियो, अरु बेडिहोन खे टुकडा-टुकडा करी दिया था, अरु कोय ओखे कब्जा मे नी करी सकता था .
MAR 5:5 उ लगातार रात-दिन मरगट अरु टेकडीहोन मे चिल्लाते अरु पत्थरहोन से अपना आप खे घायल करतो थो.
MAR 5:6 उ दूर से यीशु खे देखीखे दौवड्यो, अरु ओका पाय पर घुटना का बल गिर खे प्रणाम करयो.
MAR 5:7 अरु जोर से चील्लय खे बोल्‍यो, परम प्रधान परमेश्वर को बेटो यीशु, मेखे तरा से काम? मी तोखे परमेश्वर की कसम दिउस मेखे सजा मत दे
MAR 5:8 क्युकी उ ओका से बोली रो थो, “हे बुरी आत्मा, यो इन्‍सान मे से नीकली जा.”
MAR 5:9 यीशु ने ओका से पुच्छो, तरो नाम का हइ? ओने ओकासे बोल्‍यो मरो नाम सेना हइ. क्युकी हम भोत झन हइ.
MAR 5:10 अरु वोने वोका से गिडगीड्य खे प्रार्थना करी की हमखे यो देस का बाहेर नी भेजनू.
MAR 5:11 व्हा पहाड पर एक डुक्कर होन को एक बडो धन चरीरो थो.
MAR 5:12 अरु उनने ओकासे प्रार्थना करते हुयो बोल्‍यो हमखे वे डुक्कर मे भेज की हम मीली जाह्ये.
MAR 5:13 येका लिये ओने उनखे आज्ञा दि. अरु बुरी आत्मा होन ओमे से नीकली खे डुक्करहोन का अंदर गइ. अरु डूक्करहोन को जो बडो झुण्ड जो नजीकपास दो हजार को थो पहाड पर से झील मे गीरी खे डुबीखे मरी गया.
MAR 5:14 उन डुक्करहोन खे चरान आला ने भागी खे नगर मे अरु गाव मे या खबर सुनय, अरु दुन्‍या होन जो कुछ हुयो थो वोखे देखन खे आया.
MAR 5:15 तब वे यीशु का पास आया, अरु जो इन्सान मे जो बुरीआत्मा थी जेमे सेना जमाइ थी, कपडा पेन्‍या अरु अच्छो बठ्यो देखीखे डरी गया.
MAR 5:16 जो इन्सान होन ने यो देख्‍यो थो ओमे बुरीआत्मा लग्‍यो आलो इन्सान अरु डुक्कर का बारे मे सब कुछ हूयो जो, उनखे बतायो.
MAR 5:17 फिर यीशु अरु अपना देस से जान का लिये प्रार्थना करण लग्‍यो.
MAR 5:18 अरु जब वु डोंगा मे चडन लग्यो ते वू इन्सान जो पैयले बुरीआत्मा थी प्रार्थना करण लग्यो कि मेखे भी तरा सात र्‍हेन दे.
MAR 5:19 फिर भी ओने ओखे आन नी दियो अरु वोखे बोल्‍यो, अपना कुटुम होन का पास घर मे जा अरु वुन खे बता की परमेश्वर ने तरा लीये कसो बडो काम कर्‍यो, अरु वोने तरा पर कसी दया करी.
MAR 5:20 व्हा जयखे दिकापुलीस सेवक नगर का बडा देस मे या बात को प्रचार करण लग्या कि यीशु ने मरा लिये कसो बडो काम कर्यो हइ. अरु सब दुन्या अचम्भो करतो थो.
MAR 5:21 जब यीशु डोंगा से वा पार गयो, ते एक भोत बडी वोका चारी तरफ अरु एक जगा जमा हूइ गा, अरु व्हा नद्दी का किनारा पर था.
MAR 5:22 फिर आराधनालय का अधिकार मे से याइर नाम को एक इन्सान आयो अरु वोखे देखी खे वोका पाय पर गीरी गयो,
MAR 5:23 अरु यो बोलिखे ओका से प्रार्थना करिखे बोलन लगी का मरी छोटी बेटी बिमार हइ. तू अयखे ओका पर हात रख कि वा अच्छी हुइ जाय अरु जिन्दी र्‍हे.
MAR 5:24 तब यीशु ओका साथ गयो. अरु बडी गर्दी ओका पिछे चलन लगी, ह्या तक कि इन्सानहोन कि गर्दी ओका पर गिरी पडी थी.
MAR 5:25 एक बय थी जो बारा साल से खुन बगरन की बीमारी थी,
MAR 5:26 अरु जेने भोत से वैद्य से इलाज करायो, अरु अपना सब पैसा खर्च करण पर भी ओखे कुछ लाभ नी मील्यो, पर अरु भी बीमार हुइ गइ थी.
MAR 5:27 ओने यीशु का बारे मे सुनी खे, गर्दी मे ओका पिछे-पिछे अय अरु ओका कपडा खे छि लियो.
MAR 5:28 क्युकी वा बोलती थी कि मी ओका कपडा खे छि लियु ते मी अच्छी हुइ जायु.
MAR 5:29 अरु तुरुत ओको खुन बोहानो बंद हूयगो, अपना आंग मे सोची लियो कि मी बीमारी से अच्छी हुइ गइ.
MAR 5:30 यीशु ने तुरुत अपना मे जानी लियो, कि मरासे सामर्थ्य नीकली हइ, अरु गर्दी मे पीछे फिरी खे पूछ्यो, “मरा कपडा कोने छिया?”
MAR 5:31 ओका सेवक ने ओखे बोल्‍यो, तु तो देखी रो थो की गर्दी तरा पर गिरी पडस अरु तु बोलस, की मेखे हात कोने लगायो?
MAR 5:32 जब ओने वा बय खे जो यो कर्‍यो थो यो देखन खे चारी तरफ देखन लग्यो.
MAR 5:33 फिर भी वा बय जो कुछ वोका सात हूयो थो वु समजी खे डरस अरु कापते हुइ अय वोका सामने गीरी गय, अरु वोने सब कुछ सच्ची सच्ची बतय दियो.
MAR 5:34 वोने ओकासे बोल्‍यो, “बेटी तरा विश्वास ने तोखे अच्छो कर्‍योस. शांती से जा अरु अपनी बीमारी से बची र्‍हे,”
MAR 5:35 उ यो बोली र्‍हो थो,कि आराधनालय का सरादार का घर से दुन्याहोन ने अय खे बोल्यो, “तरी बेटी तो मरी गइ. अब गुरु खे क्यु दुख देस हइ.”
MAR 5:36 फिर यीशु ने वा बात खे सुनी ली अरु आराधनालय का अधिकारी खे बोल्यो, डर मत पन विश्वास रख.
MAR 5:37 अरु वोने पतरस, अरु याकूब, अरु याकूब को भैइ यहून्ना खे छोडी खे, अरु कोय खे अपना साथ आन नी दियो.
MAR 5:38 अरु वे आराधनालय का अधिकारी का घर मे आया, ते दुन्‍या होन खे चिल्लाते अरु जोर से रोते विलापते देख्‍यो.
MAR 5:39 जब वु अंदर जइ खे वोने बोल्यो तुम काय का लिये रोय रा अरु चिल्लय रा? बेटी मरी नी, पन सोय रीस हइ.
MAR 5:40 अरु वे ओकी हसी उडान लग्‍या. पन सब खे बाहेर नीकाली खे बेटी का माय बाप अरु वोका सात आलाखे लीखे वोने उ घर मे झा बठी थी व्हा वे गया.
MAR 5:41 अरु बेटी को हात पकडी खे वोने वोखे बोल्यो, तलीता कुमी! येको मतलब हइ, हे बेटी, मी तोखे बोलुस हइ, उट.
MAR 5:42 अरु बारा साल की वा पोरय तुरुत चलन फिरन लगी, येका पर दुन्याहोन खे खुब अचम्बो हुयो.
MAR 5:43 फिर यीशु ने उनखे चेतावनी का साथ आज्ञा दी कि या बात कोय खे मत बतानु, अरु येखे कुछ खान खे दे.
MAR 6:1 यीशु व्हा से नीकलीखे उ अपना नासरत गाव मे आयो, अरु ओका सेवक ओका पिछे चल्‍या.
MAR 6:2 अरु जब आराम को दिन आयो ते उ आराधनालय मे शिक्षा देन लग्यो, अरु सब सुनन आला अचम हुय गया अरु बोलन लग्या, ये भोत खे या बात खा से अय गी? अरु या कसी बात हइ जो येखे दि, अरु येका हात से कसो चमत्कार को काम हुयो हइ.
MAR 6:3 उ बडाइ नी, जो मरियम को बेटो अरु याकूब, योसेस, यहूदा, अरु शमौन को भैइ हइ, ओकी भैइन ह्या हमारा बीच मे नी र्‍हेस? येका लिये उनने ओखे नी बोली दियो.
MAR 6:4 यीशु ने उनका से बोल्यो, “भविष्यव्दक्ता को अपनो देस, अरु अपना कुटुम, अरु अपना घर खे छोड अरु कही भी अपमान नी होस.”
MAR 6:5 अरु उ व्हा कोय सामर्थ्य को काम नी करी सक्यो फक्त जरासो बिमारहोन पर हात रखीखे उनखे अच्छो कर्यो.
MAR 6:6 अरु ओने उनका अविश्वास पर बडो अचम हुयो, अरु उ चारी तरफ का गावहोन मे उपदेस दी र्‍हो थो.
MAR 6:7 अरु ओने बारा चेला खे अपना पास बुलैइ खे उनखे दो दो करीखे भेजन लग्यो. अरु उनखे बुरी आत्माहोन पर अधिकार दियो.
MAR 6:8 अरु ओने उनखे आदेस दी कि “रस्ता का लिये लकडी छोड अरु कुछ नी लेनु, नी ते रोटी, नी झोरो, नी थैली मे पैसा.
MAR 6:9 पर जूताहोन पेन्नु अरु दो कुर्ता नी पेन्नु.”
MAR 6:10 अरु ओने उनसे बोल्‍यो, झा तुमारो स्वागत हुये उ घर मे उतर्ये ते जब तक व्हा से बिदा नी होनु, तब तक उ घर मे बठ्यो र्‍हेनु.
MAR 6:11 अरु झा तुमखे दुन्या अपनान, नी कर्‍हे या तुमारी बात नी सुने, व्हा से चलते हि अपना तरवाहोन की धूल झाडि डालनु, कि उन पर गवाही हुये.
MAR 6:12 अरु उनने जैइ खे प्रचार कर्‍यो कि अपनो मन फिरानु.
MAR 6:13 अरु वे भोत सी बुरीआत्माहोन खे नीकलते अरु भोत बिमारी पर तेल लगय खे उनखे अच्छो कर्यो.
MAR 6:14 अरु हेरोदेस राजा ने ओकी चर्चा सुनी, क्युकी ओको नाम फैल्यो गयो थो, अरु ओने बोल्यो, कि “यहून्ना बपतिस्मा देनआला मऱ्या हुया मे से जिन्दो उठ्यो हइ, येका लिये यो सामर्थ को काम प्रकट होस हइ.”
MAR 6:15 अरु दुसरा ने बोल्यो “यो एलिय्याह हइ” पर दुसरा ने बोल्यो भविष्यव्दक्ता या भविष्यव्दक्ताहोन मे से एक का जसो हइ.
MAR 6:16 हेरोदेस ने यो सुनीखे बोली, “जो यहून्ना को माथो मेने कटवायो थो, उ जिन्दो उठ्यो हइ.
MAR 6:17 क्योकी हेरोदेस ने खुद अपना भैइ फिलिप्पुस की लुगइ हेरोदेस का कारन जेका से ओने भ्याव कर्यो थो, दुन्या खे भेजीखे यहून्ना खे पकडय खे बन्दीगृह मे डाली दियो थो.
MAR 6:18 क्युकी यहून्ना ने हेरोदेस से बोल्यो थो, की तोखे अपना भैइ की लुगइ खे रखनो अच्छो नी.”
MAR 6:19 येकालिये हेरोदेस ओकासे बैर रकती थी अरु यो चाहती थी की ओखे मारी डाल्ये. पर असो नी हुइ सक्यो.
MAR 6:20 क्योकी हेरोदेस यो समजी खे यहून्ना से डरतो थो कि वु धर्मी अरु पवित्र इन्सान हइ, अरु वोकी रक्षा करस. अरु जब वु वोकि सुनतो थो ते खुप घबरई जातो थो, फिर भी खुशी से सुनतो थो.
MAR 6:21 अरु बरोबर टेम पर जब हेरोदेस ने अपनो जन्मदिन पर प्रधानहोन अरु सेनापतिहोन अरु गलील का बुर्जुक दुन्याहोन का लिये मीजवानी करी.
MAR 6:22 अरु उ हेरोदेस खे अरु ओका साथ बठनआला खे खुस कर्यो. तब राजा ने पोर्येइ से बोल्यो, “तू जो चाह्ये मरासे माग मी तोखे दियू.”
MAR 6:23 अरु ओने कसम खै, “मी अपनो आधो राज तक जो कुछ तू मरासे माग्ये मी तोखे दिह्यू.”
MAR 6:24 ओने बाहेर जइ खे अपनी माय खे पुछो, मी का मागु “अरु वोने बोल्यो,” “यहून्ना बपतिस्मा देन आलो को माथो.”
MAR 6:25 वा तुरुत राजा का पास अंदर अय ओकासे प्रार्थना करी, “मी चाहुस कि तु यहून्ना बपतिस्मा देनआलो को माथो एक ठाटी मे मेखे दे.”
MAR 6:26 तब राजो खुप उदास हुयो, फिर भी अपनी कसम अरु मीजवान होन का वजेसे व्हा वोकी प्रार्थना अपना यो करणो नी चाहतो थो.
MAR 6:27 राजा ने तुरुत एक जल्लाद खे भेज्यो अरु बोल्यो की वोको माथो ली खे आ. ओने जेल मे जइ खे ओको माथो काट्यो,
MAR 6:28 अरु वोखे ठाटी मे रखी खे अरु लय खे पोरय खे दियो अरु पोरय ने अपनी माय खे.
MAR 6:29 जब वोका सेवक होन ने या बात सुनी ते अयखे वोकी लास खे लिखे गया अरु वोखे एक कब्र मे रख्यो.
MAR 6:30 प्रेरित यीशु का पास अयखे जमा हुया अरु जो कुछ वुनने कर्‍यो थो अरु सिकायो थो वोको सब को वर्णन कर्‍यो.
MAR 6:31 वोने वुनखे बोल्‍यो आ अरु सुनसान मे चली खे थोडी देर आराम कर. क्युकी व्हापर भोत झन अय अरु जय रा था, ह्या तक की वुनखे खानो खान को भी अवसर नी मील्यो थो
MAR 6:32 अन्त मे वु एकलो डोंगा मे चडी गो सुनसान जगा मे चली गयो.
MAR 6:33 अरु दुन्‍या होन ने वुनखे जाते देख्यो अरु भोत झन ने उनखे पहीचानी लीयो, अरु सब नगर अरु गाव से दुन्या होन पयदल दौवडी खे ओका पैयले वा जगा पर जइ पहुच्या.
MAR 6:34 अरु डोगापर से उतरी खे वोने एक बडी गर्दी खे देखी अरु वोखे वुनका पर दया अय क्युकी वे मेढा का जसा था जीन को कोय रख आलो नी थो. अरु वू वुनखे भोत बात बतान लग्यो.
MAR 6:35 दिन डुबी गयो ते उ, सेवक वोका पास आया अरु बोलन लग्यो, “या जगा सुनसान हइ दिन पुरो डुबी गो थो.
MAR 6:36 उनखे भेज कि आस पास का खेत मे अरु गाव मे जयखे अरु अपना लिये कुछ खान का लिये मोल ला.
MAR 6:37 “पन यीशु ने उत्तर देते हुये बोल्यो,” कि तु इनखे कुछ खान खे दिदे वुनने वोखे बोल्यो, हम एक झन खे सौ सिक्का, “की मजुरी की रोटी मोल ला अरु वुनखे खान खे दे?”
MAR 6:38 ओने वोखे बोल्यो, तरा पास केतनी रोटी हइ? जय खे देख वोने देखी खे बतायो, पाच रोटी अरु दो मंछी.
MAR 6:39 तब यीशु उनखे आज्ञा दि, कि सब खे हरी घास पर पगत होन मे बठैइ दे.
MAR 6:40 अरु दुन्या पचास पचास अरु सौ सौ की पगत मे बठी गा.
MAR 6:41 वोने पाच रोटी अरु दो मंछी ली अरु स्वर्ग का तरप करी अरु आशिर्वाद माग्यो अरु पाच रोटि तोडी अरु वोने सेवक होन खे देतो गयो की वे उनखे बाटी दे, अरु वोमे दो मंछी खे भी वुन मे बाटी दे.
MAR 6:42 अरु सब ने खायो अरु धन्य हुया.
MAR 6:43 वुनने रोटी का तुकडा अरु मंछी से भरी हुइ बारा टोपली उठइ.
MAR 6:44 अरु खान आला की सख्या मे से सीरीप इन्सान पाच हजार था.
MAR 6:45 तब वोने सेवक होन खे झल्दी डोंगा पर चड अरु अपना से पैयले बैतसैदा की दुसरी तरप जान खे बोल्‍यो, जबकी वु खुद गर्दी खे बिदा करण लग्यो.
MAR 6:46 अरु जब वु वुनखे बिदा करण चुक्यो ते वु पहाड मे प्रार्थना करण गयो.
MAR 6:47 जब सज्जा हुइ ते डोंगा पाणी का बिच मे आयो थो, अरु ऊ येकलो जमीन पर थो.
MAR 6:48 जब वोने उनखे बडी मुसीबत मे देख्यो, क्योकी हवा वुन का तरप फिरी, ते रात का लग भग तिन बज्या, वु वुन का पास पानी पर चलतो हुयो आयो, अरु वोने आगे नीकली जानो चाह्यो.
MAR 6:49 पन जब उनने वोखे पानी पर चलते देख्यो, ते वुनखे लग्यो कि, यो भुत आयो, अरु वे चिल्लन लगया
MAR 6:50 क्युकी सब ने वोखे देख्यो अरु डरीगा था. पन वोने तुरुत उनखे खुद उ उनका से बोल्यो, हिम्मत रख मी आयो, डरनु मत.
MAR 6:51 जब वू उनका सात डोंगा पर चडी गयो,अरु तुफान रुखी गो,
MAR 6:52 क्योकी रोटीहोन कि घटना से कुछ नी समझ्या था, ते उन को मन कठुर हुय गयो थो.
MAR 6:53 अरु उ पार उतरीखे गनेसरत मे पहुच्या अरु डोंगा खे जमीन पर लगायो.
MAR 6:54 अरु जब वू डोंगा पर से उतर्‍यो, ते दुन्या होन ने तुरुत ओखे पइछानी लीयो.
MAR 6:55 झा कही कभी मसीह यीशु होतो थो, अरु दुन्या भागी भागी खे सब रोगीहोन खे खटिया पर रखीखे वो का पास जाता था.
MAR 6:56 अरु गाव, नगर,अरु झा एक भी वु प्रवेश करतो थो, दुन्या बिमार आला खे बजार मे रखी खे वोने प्रार्थना करी रोथो की वु उनखे अपना कपडा खे हात भी लगदे. अरु जोत नाने भी वोखे हात लगायो, ते अच्छा हुय गया.
MAR 7:1 तब फरीसी अरु कुछ शास्त्रिहोन जो यरुशलेम से आया था ओका पास जमा हुया
MAR 7:2 इन्सान ने देख्यो फरीसी कि पडय का जसो हात धोनो थो, पर सेवक का बिना हात धोयो खानो खाते देख्यो.
MAR 7:3 क्योकी फरीसी अरु सब यहूदीया धर्म बापदादा की पुरानी रितीरिवाज को पालन करस हइ अरु विधी का जसो बिना हात धोया खानो नी खाय.
MAR 7:4 अरु बजार से लाये जो कोय चिज अपनी शिक्षा का अनुसार धोइ लिये, तब तक नी खानु जसो कटोरो, कप अरु ताबा, को बर्तन अरु खटीया बिछानो धोना को अलग-अलग तरीको थो.
MAR 7:5 येकालिये वे फरीसीहोन अरु धर्म शास्त्रिहोन ने यीशु से पूछ्यो, “तरा सेवक क्युकी बापदादाहोन की परम्पराहोन पर नी चले आ, अरु बिना हात धोया अरु जिवन कि रोटी खास हइ?”
MAR 7:6 यीशु ने उनसे बोल्यो, यशायाह ने तुम कपटिहोन खे बारे मे अच्छी ही भविष्यवाणी करी! जसो लिख्यो हइ वे दुन्या होठ से ते मरो सम्मान करस हइ, पर उनको मन मरा से दूर रेस हइ
MAR 7:7 वे व्‍यर्थ मरी उपासना करस हइ, क्योकी इन्सानहोन का नीयम खे परमेश्‍वर को नीयम हइ असो करीखे सिखास हइ.
MAR 7:8 “क्योकी तुम परमेश्वर की आज्ञा खे टालस हइ अरु इन्सानहोन की शिक्षाहोन को पालन करस हइ.”
MAR 7:9 यीशु ने उनसे बोल्यो, “तुम अपनी शिक्षाहोन खे बनाए रखन का लिये परमेश्वर की आज्ञा खे टालना मे चलाक हुय गया हइ.
MAR 7:10 क्योकी मूसा ने बोल्यो हइ, ‘अपना बाप अरु माय को सम्मान करणु.’ अरु ‘जो कोय बाप या माय खे बुरो बोल्ये, ओखे नीश्चित मारी डाल्यो जाए.’
MAR 7:11 तुम सिखास हइ कि अगर कोय अपना बाप या माय से बोल्ये, जो कुछ तोखे दान करी रोस हइ, ‘यो कुरबान हइ’ जेखो मतलब हइ, यो परमेश्वर को दान हइ,
MAR 7:12 ते असो इन्सान खे अपना बाप या माय की सेवा नी करण को बहानो मीली जास हइ.
MAR 7:13 यो प्रकार से तुम अपना नीयम बनय खे, परमेश्वर का शिक्षाहोन खे टाली देस हइ. अरु येका वजेसे भोत सा काम करस हइ.”
MAR 7:14 फिर यीशु ने इन्सानहोन खे अपना पास बुलैइ खे उनसे बोल्यो, “तुम सब मरी बात सुन्नु, अरु समझनु.
MAR 7:15 असी कोय चिज नी जो इन्सान मे बाहर से अंदर जैइ खे अच्छो नी कर्‍हे. पर जो चिज इन्सान खे अंदर से बाहर नीकालस हइ, वेमे ओखे अशुध्द करस हइ.
MAR 7:16 जेका कान हइ वे सुन लेनु.”
MAR 7:17 जब उ गर्दी का पास से घर मे गयो, ते ओका सेवक होन ने यो दृष्‍टान्‍त का बारे मे समझय खे बोल्यो.
MAR 7:18 ओने उनसे बोल्यो “तुम भी असो ना समझ हुया, तुम नी समझे कि जो चिज बाहर से इन्सान का अंदर जास हइ, उ ओखे अच्छो नी करी सखे?
MAR 7:19 क्युकी यो तुम्‍हारा मन मे नी, पर पेट मे जास हइ, अरु शौच से बाहर नीकली जास हइ?” यो बोलीखे यीशु ने सब खान की चिज खे अच्छी रखिस हइ.
MAR 7:20 तब ओने बोल्यो, “जो बातहोन इन्सान का अंदर से बाहर नीकलस हइ, उ यो इन्सान खे अशुध्द करस हइ.
MAR 7:21 क्युकी अंदर से, अपना दिल से बुरो बिचार का व्यभिचार खे मारनो,
MAR 7:22 व्‍यभिचार, लालची, कपटी, इर्ष्या, घमण्डी, अरु मूर्खता
MAR 7:23 या सब बुरी बात अंदर से ही नीकलस हइ अरु तुमखे अशुध्द करस हइ.”
MAR 7:24 फिर यीशु व्हा से उठीखे सूर अरु सैदा देस मे चली गयो. अरु एक घर मे गयो अरु उ नी चातो थो कि कोय खे मालुम चले,पन उ लुक्यो नी ऱ्ही सक्यो.
MAR 7:25 अरु एक बय जोकी छोटि बेटी मे बुरी आत्मा थी, यीशु कि बात सुनीखे अय, अरु ओका पाय पर गिरी गइ.
MAR 7:26 गैरयहूदिहोन कि बय या सुरुफिनीकी मे पइदा हुइ थी. ओने यीशु से प्रार्थना करी की मरी बेटी मे से बुरी आत्मा खे नीकाली दे.
MAR 7:27 पर यीशु ने बोल्यो, “पैयले बाच्चाहोन खे तृप्त होन दे, क्युकी बच्चा कि रोटि खे लिखे कुत्ताहोन का आगे डालनो अच्छो नी हइ.”
MAR 7:28 ओने ओखे उत्तर दियो, “सच्ची हइ प्रभु. पर टेबल का नीचे कुत्ताहोन भी तो बच्चा का टुकडा टाकडा खे खास हइ.”
MAR 7:29 यीशु ने ओका से बोल्यो, तू जय जा “तुमारा जबाब से. बुरी आत्मा तरी बेटी मे से नीकली गइ हइ!”
MAR 7:30 ओने अपना घर मे अयखे देख्यो कि पोरई खटीया पर सोइ देखी हइ, अरु बुरी आत्मा नीकली गइ हइ.
MAR 7:31 तब सूर अरु सैदा का प्रदेस से नीकलीखे सिदोन का रस्ता से गलील की झील पहुची खे दिकापुलीस
MAR 7:32 तो इन्सानहोन ने एक बहिरा खे जो मुको भी थो, ओका पास लायो अरु ओकासे प्रार्थना करी कि अपना हात ओका पर रखनु.
MAR 7:33 येकालिये उ ओखे गर्दी से अलग ली गयो, अरु अपनी उगली ओका कानहोन मे डाली, अरु थूकी खे ओकी जीभ खे छियो.
MAR 7:34 अरु यीशु स्वर्ग का तरफ देखीखे आह भरी, अरु ओकासे बोल्यो, “इप्फत्तह!” यानेकी खुली जा!
MAR 7:35 अरु इन्सान को कान खुली गया, अरु ओकी जीभ की गाठ भी खुली गइ, अरु उ सफा बोलन लग्यो.
MAR 7:36 तब यीशु ने इन्सानहोन खे आदेस दियो कि उ कोय से नी बोलनु. पर जोत्तो जादा ओने उनखे आदेस दियो, उत्तर मे उन्‍हे यो नी बतायो.
MAR 7:37 वे सुनीखे भोत चकित हुया, “उ खेत्ता अच्छी तरह से सब कुछ करस हइ!” उनने बोल्यो, “उ भैइ अपुन खे सुनन की, अरु गूगाहोन खे बोलन की ताकत देस हइ!”
MAR 8:1 वे दिन मे फिर जब बडि गर्दी एक जगा जमा हूय गी अरु वोका पास खान खे कुछ नी थो, ते वोने अपना सेवक होन खे बुलय खे बोल्यो,
MAR 8:2 “मेखे या गर्दी पर दया आस, क्योकी ये तिन दिन से मरा साथ हइ, अरु वोका पास खान खे कुछ भी हय नी.
MAR 8:3 अगर मी उनखे भुको घर मे भेजी दियु, ते वे रस्ता मे गली जाह्ये अरु भोत झन दुर से आया हइ.”
MAR 8:4 वोका सेवकहोन ने उत्तर दियो, इन खे तुप्त करण खे यो जंगल मे कोय येत्ती रोटी खासे लाहे?
MAR 8:5 “वोने ओका से पुछो का तुम्हारा पास केतनी रोटी हइ?” “वुनने बोल्यो,” सात.
MAR 8:6 जब वोने गर्दी खे जमीन मे बठन खे बोल्यो, अरु वे सात रोटी खे ली अरु परमेश्वर को धन्यवाद करी खे तोडि, अरु अपना चेला होन खे देतो गयो कि उनखे बाट अरु उनने दुन्याहोन का सामने बाटी दि.
MAR 8:7 वुनका पास कुछ छोटी मंछी भी थी ओने परमेश्वर को धन्यवाद करी खे उनखे भी दुन्या का सामने बाटन को आदेश दियो.
MAR 8:8 अरु वे खैय खे तुप्त हुय गा, अरु चेलाहोन ने बच्या हुया टुकडाहोन कि सात टोपलीहोन भरी खे उठइ.
MAR 8:9 अरु दुन्या चार हजार का नजीक पास था. तब ओने दुन्याहोन खे बिदा करी दिया,
MAR 8:10 अरु वु तुरुत अपना सेवक होन का साथ डोंगा पर चडी खे दलमनुता प्रदेस मे चली गयो.
MAR 8:11 कुछ फरीसीहोन अय खे यीशु से वाद विवाद करण लग्या, अरु वोकी परिक्षा करण का लिये ओकासे वे दुन्याहोन ने आश्चर्य कर्म करण का लिये बोल्यो कि उ स्वर्ग से परमेश्वर का तरप से कोनतो चिन्ह बताये.
MAR 8:12 यीशु ने आत्मा मे लंबी सास भरी खे बोल्यो, या पीडि का दुन्या क्यु चिन्ह ढुढस हइ? मी तुम से सच्ची बोलुस हइ, या पीडि खे कोय भी चिह्न नी दियो जाये.
MAR 8:13 अरु व्हा उनखे छोडी खे फिर डोंगा पर चेड्यो अरु दुसरा किनारा पर चली गयो.
MAR 8:14 अरु वे रोटी लेनो भुली गया था, डोंगा मे वुन का पास फक्त एक की रोटी थी.
MAR 8:15 वोने वुन खे चेतावनी दी देख फरीसी यों खमीर अरु हेरोदेस का खमीर से हुशार र्‍हेनु.
MAR 8:16 अरु वे आपस मे बात करी खे बोलन लग्या, हमारा पास रोटि नी हइ.
MAR 8:17 यीशु ने यो जानी खे ओखे बोल्यो, तुम आपस मे बात कर रास हइ कि हमारा पास रोटी नी हइ , तुम अभी तक नी जानी सक्या हइ? का तुम्हारो मन कठोर हुइ गयो हइ.
MAR 8:18 का आख ऱ्ही खे भी का तुम नी दिख्या? कान ऱ्ही खे भी नी सुनाये अरु का तुम खे याद नी अय?
MAR 8:19 जब मेने पाच हजार दुन्याहोन का लिये पाच रोटीहोन तोडि, ते तुम ने टुकडाहोन से भरी केतनी टोपली उठैइ थी सेवक होन ने जवाब दियो “बारा” टोपलीहोन.
MAR 8:20 यीशु ने डबल पुछो का तुम खे याद नी जब मेने चार हजार दुन्या का लिये सात रोटिहोन तोडि ते तुम ने तुकडा से भरी खे सात टोपलीहोन उठय थी उनने ओका से बोल्यो सात टोपली.
MAR 8:21 यीशु ने उनखे बोल्यो, का तुम अभी भी नी समज्या?
MAR 8:22 वे बैतसैदा मे आया, अरु दुन्या होन एक अंधा खे ओका पास लिखे आया, अरु वोका से प्रार्थना करण लग्या, की येखे हात लगा.
MAR 8:23 व्हा से अंधा को हात पकड्यो वोखे गाव का बाहेर लि गयो, अरु वोका आख पर थुक्यो अरु वोका पर हात रखी खे ओखे पुच्छो, का तुमखे दिखै दि र्‍हो?
MAR 8:24 ओने आख उठैइ खे बोल्यो, “मी इन्सान खे देखूस हइ क्युकी वे मेखे चलता हुये दिखै देस हइ जसो झाड.”
MAR 8:25 तब वोने फिर वोका आख पर हात रख्यो अरु बडो अच्छो दिखान लग्यो, अरु वोखे दिखान लगी गो.
MAR 8:26 वोने यो बोली खे घर मे भेजो, यो गाव मे पाय भी नी रखनु.
MAR 8:27 अरु यीशु अपना सेवक का सात कैसरीया फिलीप्पी का गाव मे गयो. रस्ता मे वोने अपना सेवक होन से यो पुच्छो मेखे बाता दुन्या मरा बारे मे का बोलस मी कोन आयो.
MAR 8:28 उनने बोल्यो, यहून्ना बपतिस्मा देन आलो, अरु कुछ झन ने बोल्यो एलिय्याह बोलस, अरु कुछ झन बोलस कि भविष्यव्दक्ता आयो.
MAR 8:29 अरु व्हा वोने सवाल पुचते र्‍हियो, पर तुम का बोलस? मी कोन आय? पतरस ने उत्तर दिखे बोल्यो, तु मसीह हइ.
MAR 8:30 तब ओने उनखे धमकय खे बतायो की वे मरा बारे मे कोय से नी बोलनु.
MAR 8:31 अरु व्हा वु उपदेस देन लग्यो कि उ इन्सान को बेटो भोत दुख झेली रो अरु बापदादा महायाजक होन अरु शास्त्रिहोन का वजेसे ठुकरय खे बुरो जयखे मारी दियो जाह्ये अरु तिन दिन बाद फिर से जिन्दो हुय गयो.
MAR 8:32 वु या बात सपा सपा बोली रो थो. येका पर पतरस ओखे अलग लि जय खे धमकान लग्यो,
MAR 8:33 पन वोने पलटी खे अपना सेवक होन का तरफ देख्यो अरु पतरस खे धमकय खे बोल्यो, ये सैतान, मरा आगे से बाजू हुइ जा. क्युकी तु परमेश्वर की बात पर नी पन इन्सान की बात पर मन लगास.
MAR 8:34 वोने गर्दी अरु अपना सेवकहोन खे अपना पास जमा हुइ खे ओकासे बोल्यो, “ जो कोय मरा पिछे आनो चाह्ये, ते वु अपना आप खे त्याग कऱ्हे, अरु अपनो दुख उठय खे अरु मुत्यु का लिये तैयार ऱ्हेस तब उ मरा पीछे चल.
MAR 8:35 क्योकी जो अपनो जान बचानु चास हइ ते वु वोखे गमय दिहे. पन जो कोय मरा तरप सुसमाचार का लीये अपनो जान गमाह्ये, वु वोखे बचाये.
MAR 8:36 क्योकी अगर इन्सान सब जगत खे मील्हे, अरु अपनो जान प्राप्त करन खे उठा ते वोमे का लाभ हुये?
MAR 8:37 अरु इन्सान अपना जान का बदला का दिये ?
MAR 8:38 जो कोय या व्यभिचारी अरु पापी जाती का बीच मे मरासे अरु मरी बात से लजाह्ये,इन्सान को बेटो भी जब उ पवित्र स्वर्गदूतहोन का साथ अपना बाप की महिमा का साथ आह्ये,तब ओकासे भी लजाह्ये.”
MAR 9:1 वोने वोखे बोल्यो, मी तुम खे सच्ची बोलुस, जो ह्या खडा हइ उनमे से कुछ असा हइ कि जब तक परमेश्वर को राज बडो सामर्थ्य का सात आता हुया नी देखी ले तब तक उ नी मरे.
MAR 9:2 यीशु छे दिन का बाद पतरस अरु याकूब अरु यहून्ना खे अपना सात लीखे गयो, एक उची टेकडी पर सुनसान जगा मे गयो, अरु उनका सामने वोको दुसरो रुप आयो.
MAR 9:3 अरु वोका कपडा येतना चमकन लग्या अरु ह्या तक उजालो हुयो कि पृथ्वी पर कोइ भी धोबी असा नी करी सखे.
MAR 9:4 तीन चेलाहोन को मूसा अरु एलिय्याह दिखाइ दियो, अरु यो यीशु का सात बात करतो थो.
MAR 9:5 येका पर पतरस ने यीशु खे बोल्यो, हे गुरु, हमारा लिये ह्या पर र्‍हेनो अच्छो हइ. येका लिये हम तीन मण्डप बनाया एक तरा लीये, एक मूसा का लीये, अरु एक एलिय्याह का लीये.
MAR 9:6 पतरस अरु ओका सात का खुप डरी गया था. की ओखे समझ मे नी अय ऱ्हियो थो की मी का उत्तर दिउ
MAR 9:7 तब एक बदल आयो अरु उनखे झाकी दियो, अरु वु बद्दल मे से आवाज नीकल्यो, यो मरो लाड को बेटो हइ ओकी सुन्नु.
MAR 9:8 तब वुनने एकदम चारी तरप देख्यो, अरु यीशु खे छोडी खे अपना सात अरु कोय खे नी देख्या.
MAR 9:9 जब वे पहाड का नीचे उतरी रा था, ते वोने आवाज दियो, की जब तक इन्सान को बेटो मरी खे जिन्दो नी होय तब तक कोय खे नी बतानु.
MAR 9:10 अरु वे या बात लीखे ओका पर बात चित करण लगीगा, की मरी खे जिन्दो होन को कारण आया.
MAR 9:11 अरु वे वोखे यो बोलि खे पुछन लगीगा, शास्त्रिहोन का बोलस एलिय्याह का पैयले आनो नीश्वित थो.
MAR 9:12 ओने उनखे बोल्यो, एलिय्याह खे पहिले अय खे सब कुछ सुदारनो थो. फिर भी इन्सान का बेटा का बारे मे काय बर लीख्यो हइ की उ भोत दुख झेल्यो अरु उ बेकार गिन्यो जाह्ये.
MAR 9:13 पण मी तुमखे बतवूस की एलिय्याह अभी भी अय चुक्यो हइ, अरु उनका बारे मे जसो धर्मग्रन्‍थ मे लिख्यो हइ, उनने उनका साथ मनमानी व्यव्हार कर्यो.
MAR 9:14 अरु जब वे सेवक का पास आया ते देख्यो की उनका पास चारी तरप घन्नी गर्दी हइ अरु कुछ शास्त्रिहोन ओकासे वाद विवाद करी रा था.
MAR 9:15 पन जब गर्दी ने ओखे देख्यो ते सब झन अचम मे पडी गया, वे दौडी खे उनका पास आया अरु उनखे प्रणाम कर्यो.
MAR 9:16 ओने ओकासे पूछ्यो का तुम ओका साथ वाद विवाद करी र्‍हा हइ?
MAR 9:17 गर्दी मेसे एक ने वोखे उत्तर दियो, हे गुरु तरा पास अपना बेटा खे लायो जोमे असी आत्मा घुसीस जो ओखे मेखे बनय देस.
MAR 9:18 अरु जब कभी वा बूरी आत्मा वोखे पकडस ते जमीन मे पटकी देस अरु वोका मुडा से फेस नीकलस अरु दात कटरन लगी जास अरु आंग कडक करण लगी जास मेने तुम्हारा सेवक खे नीकालन खे बोल्यो पन वे वोखे नी नीकाली सक्या.
MAR 9:19 वोने उत्तर देते हुयो बोल्यो, हे अविश्वासी दुन्याहोन मी कब तक तुमारा साथ हइ? मी कब तक तुम्हारी झेल्यु? वोखे मरा पास ला.
MAR 9:20 वोने पोर्‍या खे वोका पास लायो. अरु जब ओने देख्यो ते तुरुत वा आत्मा ने वोखे घुमय फिरय अरु वु जमीन पर गिरी खे इधर वुधर होन लग्यो.
MAR 9:21 अरु वोने ओका बाप से पुछ्यो, यो कब से असो हुय रोस? वोने उत्तर दियो बचपन से.
MAR 9:22 ओने ओखे खतम करण का लिये कभी अंगार अरु कभी पानी मे गिरायो. पर अगर तू कुछ करी सख्ये ते हमारा पर दया खैइ खे हमारो उपकार कर.
MAR 9:23 यीशु ने ओकासे बोल्यो? अगर तू करी सकस हइ! या बात हइ? विश्वास करण आला को सब कुछ हुइ सकस हइ.
MAR 9:24 पोऱ्या का बाप ने तुरुत लालाभासा करी खे बोल्यो, मी विश्वास करुस, मरो अविश्वास कमजोर हइ मरो विश्वास बडाना मे मरो हात भार लगा.
MAR 9:25 जब यीशु ने देख्यो दुन्या भागी खे गर्दी खुप बडते जय रिथी ते वोने बुरी आत्मा खे यो बोली खे डाट्यो, ये बाहरी गुंगी आत्मा! मी तोखे आदेस देउस हइ येका से नीकली जा अरु फिर कभी येमे घुसनु नी.
MAR 9:26 अरु वा चिल्लय खे अरु घुमय फिरय खे वोका आंग से नीकली गय. अरु वु पोर्‍यो मरीगो जसो हुय गयो अरु भोत झण ने बोल्यो, वु तो मरी गो.
MAR 9:27 पन यीशु ने वोको हात पकडी खे उठायो अरु वू उठि खे खडो हुय गयो.
MAR 9:28 जब वू घर मे आयो, ते वोका सेवक ने एकला मे वोखे पुछन लग्यो “हम वोखे नीकाली सक्या?
MAR 9:29 “वोने वुनखे बोल्यो, या जात बिना प्रार्थना कोय अरू उपाय से निकली नि सक्ये.”
MAR 9:30 फिर वे व्हासे नीकल्या अरु गलील मे से हुय खे जान लगिगा. वु नी चाहतो थो की कोय खे नी मालुम होन खे होनु.
MAR 9:31 क्युकी वु अपना सेवक खे सिखय रो थो अरु उनखे बतय रो थो इन्सान को बेटो दुन्या होन का हात मे पकडय जाह्ये, अरु वे वोखे मारी डाल्ये. पण मारी देन का तीन दिन बाद वु फिर जिन्दो हुय जाह्ये.
MAR 9:32 पन वे या बात खे नी समजी सक्या अरु ओका, से पुछन खे डरता था.
MAR 9:33 फिर वे कफरनहूम मे पहुच्या, अरु जब वे घर मे था ते वोने उनका से पुछो रस्ता मे तुम का बात करी रा था.
MAR 9:34 पन वे चुप ऱ्हीया, क्युकी वे रस्ता मे वाद विवाद करी रा था कि हम मे से बडो कोन हइ.
MAR 9:35 बठना का बाद ओने बारा सेवक होन खे बुलायो अरु उनखे बोल्यो, “अगर कोय बडो होनो चाहस ते सबसे छोटो अरु सबको सेवक बन्नु.”
MAR 9:36 तब ओने एक बच्चा खे लीखे वुनका बीच मे खडो कऱ्यो, अरु वोखे खोरा मे लीखे, वोने बोल्यो,
MAR 9:37 “जो कोय मरा नाम से कोय असो बच्चा खे अपनायो हुये ते वु मेखे अपनास, अरु जो मेखे अपनास ते, उ मेखे नी पन वोखे अपनास की जेने मेखे अपनायो हइ.”
MAR 9:38 यहून्ना ने ओखे बोल्यो, हे गुरु हमने एक इन्सान खे तरा नाम से बुरीआत्माहोन नीकलते देख्यो अरु वोखे रोखन का लीये बोल्यो किक्यु की उ हमारा साथ नी थो.
MAR 9:39 पर यीशु ने बोल्यो ओखे रोखे मत, क्युकी असो कोय नी जो मरा नाम से अच्छो काम कर्‍हे अरु वोका तुरुत बाद मे खे बुरो बोल्हे.
MAR 9:40 क्युकी जो हमारा विरुध्द नी पण हमारा साथ हइ.
MAR 9:41 जो कोय तुमखे मरा नाम से मसीह को होन कारण एक गिलास पाणी पिलाह्ये, ते मी तुम खे सच्ची बोलुस हइ की अपनो अच्छो फल कभी भी नी गमान को.
MAR 9:42 अरु जो कोय विश्वास करण आला खे ठोकर खलातो ते अच्छो होतो की वोने गल्ला मे चक्की को भारी पाट ओका गल्ला मे लटकायो जाय अरु उ समुदर मे डाली दियो जाये.
MAR 9:43 अरु तरो हात मेखे ठोकर खलाये का ते ओखे काटी खे फेकी दे. तरा लिये यो अच्छो हइ कि तु अंगहीन हुय खे जिवन मे जय खे यो प्रकार मी तरा से असी इच्छा हइ की तो खे दो हात र्‍हिखे भी तु नरक की अंगार मे डाली दिये जो कभी बुझन वाली नी हइ.
MAR 9:44 अगर तुमारा पाय तुमारा लिये पाप को कारण बनस हइ ते ओखे काट डाल अच्छो यो हइ तुम लंगडा हुइ खे जीवन मे प्रवेश कर्हे किन्तु दो पाय का ऱ्हेते नरक मे नी डाल्यो जाये.
MAR 9:45 अगर तरो पाय तोखे ठोकर खलाये ते तु ओखे काटी दे. लगडो हुइ खे जिवन मे प्रवेश करण खे लिये असो भलो हइ कि दो पाय ऱ्हेता हुया नरक मे नी डाली जाये.
MAR 9:46 अरु अगर तरी आख तोखे ठोकर खलाये ते ओखे नीकाल डाल नी हुइ खे परमेश्वर को राज्य मे प्रवेश करणो तरा लिये येका से अच्छो हइ, कि दो आख र्‍हेता हुये तू नरक मे डाल्यो जाये.
MAR 9:47 अगर ओखे तरो आख तोखे पाप करण का लिये उकसायो ओका बदला मे प्रार्थना हइ ते ओखे नीकाली डाल. तरा लिये बरोबर नी हइ कि एक आख रखनो अरु नरक मे फेकन का बदला सिरीप एक आख से परमेश्वर का राज मे जानु ,
MAR 9:48 जहा का किडो कभी नी मरे अरु जहा कि आंगार कभी बुझे नी.
MAR 9:49 हर एक झन खे अंगार से अच्छो कऱ्यो जास. जसो बलिदान नमक से अच्छो कऱ्यो जास हइ
MAR 9:50 नमक अच्छो हइ पन नमक को सवाद का देख्यो हइ ते वोखे फिर से कसो खारो कर्हे? अपना मे मीत्रता को नमक रख अरु आपस मे मेल मीलाप कर्हे अरु एक दुसरा से शांती से ऱ्हे.
MAR 10:1 फिर उ व्हा से उठीखे यहूदीया प्रदेस का पार अरु यरदन नदी का पार आयो, अरु गर्दी ओका पास फिर से जमा हुइ गइ,अरु उ अपना रीति का जसो उनखे सिखान लग्यो.
MAR 10:2 तब फरीसीहोन ने ओका पास अय खे ओकी परीक्षा करण खे ओकासे पूछ्यो, “यो अच्छो नी हइ, कि इन्सान अपनी लुगइ खे छोडी देन कि आज्ञा देस हइ?”
MAR 10:3 यीशु ने उनखे जवाब दियो कि मूसा ने तुमखे, आज्ञा दी हइ.
MAR 10:4 मूसा ने अनुमति दी हइ कि, “छोड चिठ्ठी लिखी खे देनो अरु छोडन की आज्ञा दि.”
MAR 10:5 यीशु ने उनका से बोल्यो, “तुम्हारा मन कि कठुरता का कारण आज्ञा लिखी.
MAR 10:6 पर शास्त्र मे लिख्यो हइ सुष्टि की सुर्वात से परमेश्वर ने नर अरु नारी करीखे बनायो हइ.
MAR 10:7 येका लिये इन्सान अपना माय बाप से अलग हुइ खे अपनी लुगइ का साथ र्‍हिये.
MAR 10:8 अरु वे दो झन एक आंग हुये अरु वे दो नी पर एक आंग हइ.
MAR 10:9 येका लिये परमेश्वर ने जोड्योस ओखे कोय इन्सानहोन अलग नी कर्‍हे.”
MAR 10:10 वे जब घर गया ते सेवकहोन ने येका बारे मे यीशु से पूछ्यो.
MAR 10:11 ओने उनसे बोल्यो, “जो कोय अपनी लुगइ खे छोडी खे दुसरी से भ्याव कऱ्हे ते, उ अपनी पयली लुगय का खीलाप मे बुरो करस हइ.
MAR 10:12 अरु बय भी जो अपनो अदमी खे छोडी खे दुसरा से भ्याव कर्हे ते वा व्यभिचार करस हइ.”
MAR 10:13 तब दुन्या होन बच्चा खे यीशु का पास लान लगीगा कि उ वुनखे हात लगाये, पन सेवक होन ने उनखे धमकयो.
MAR 10:14 यीशु ने जब यो देख्यो ते घुस्सा हुय खे वोने बोल्यो, “बच्चा होन खे मरा पास आन दे, उन खे मना मत करणु क्युकी परमेश्वर को राज्य इन कोय हइ.
MAR 10:15 मी तुम से सच्ची बोलुस हइ जो कोय परमेश्वर का राज खे बच्चा का जसो अपना यो नी कर्‍हे, उ उन मे कभी नी अन्दर करण को.”
MAR 10:16 जब ओने खोरा मे लियो अरु उन पर हात रखी खे आशीर्वाद दियो.
MAR 10:17 जब यीशु व्हा से नीकली खे रस्ता मे जय रोथो, ते एक इन्सान ओका पास दौडते आयो, अरु ओका आगे टोगर्‍या पर हुय खे ओकासे पूछ्यो, “हे अच्छो गुरु, अनन्त जिवन मीलन का लिये मी का करु?”
MAR 10:18 यीशु ने उनका से बोल्योस हइ? परमेश्वर खे छोडी खे कोय. भी अच्छो नी हइ.
MAR 10:19 तु आज्ञा खे तो जानस हइ मारनो नी करणु, व्यभिचार नी करणु, चोरी नी करणु, झुठी गवाही नी देनू, छल नी करणु, अपना बाप अरु अपनी माय को आदर करणु.
MAR 10:20 वोने वोखे बोल्यो, “हे गुरु, मी बचपन से या सब बात को पालन करते आयोस.”
MAR 10:21 वो खे देखी खे यीशु खे प्रेम आयो अरु ओने बोल्यो, “तुम मे अभी भी एक बात की कमी हइ. जा, जो कुछ तरो हइ बेची खे गरीब मे बाटि दे अरु तोखे स्वर्ग मे धन मील्हे, अरु अयखे मरा पिछे चल.”
MAR 10:22 उ इन्सान या बात सुनी खे ओका मुडा पर उदास हुय गयो, अरु उ दुखी हुइ खे चले गयो, क्युकी उ भोत लखपती थो.
MAR 10:23 यीशु ने चारी तरफ देखी खे अपना सेवक खे बोल्यो, “लकपती होन खे परमेश्वर का राज मे जानो कत्तो कठीन हइ!”
MAR 10:24 वे सेवक ओकी बात से अचम हुया. पर यीशु ने उन खे फिर बोल्यो, “हे बेटा ,परमेश्वर का राज मे जानो कसो कठीन हइ.
MAR 10:25 परमेश्वर का राज मे लखपती इन्सान को जाना करण की अपेक्षा उट खे सूइ का छेद से नीकलनो येत्तो सोपो हइ.”
MAR 10:26 सेवक होन भोत हि चकित हुइखे आपस मे बोलन लग्या, “ते फिर को को उध्दारहुयी सकस हइ?”
MAR 10:27 यीशु ने उनका तरप देखी खे बोल्यो, “इन्सान का लिये असम्भव हइ, पर परमेश्वर का लिये सब कुछ सम्भव हइ.”
MAR 10:28 पतरस ओखे बोलन लग्यो, देख, हम सब कुछ छोडी खे तरा पीछे अय गा हइ.
MAR 10:29 यीशु ने बोल्‍यो, “ मी तुम से सच्ची सच्ची बोलुस, असो कोय नी जेने सुसमाचार का लिये घर या भैइ या बय माय अरु बाप या बालबच्चा खे छोडी दियो हइ.
MAR 10:30 अरु वू जगत का टेम मे घर, अरु भैइ, अरु बय, अरु माय, अरु बच्चा, अरु खेत होन खे , पर साथ साथ अरु आन आला जगत मे अनन्त जिवन.
MAR 10:31 पन भोत से जादा हइ, अन्नत हुये अरु जो अन्नत हइ वे पैयले हुये.”
MAR 10:32 वे यरुशलेम जाता हुया रस्ता मे था. अरु यीशु उनका आगे आगे चली र्‍हो थो. वे घबर्‍हाया हुया था, अरु जो इन्सान ओका पिछे पिछे आया था वे डरी गा. वे फिर बारा होन खे अलग लीग्यो अरु जो कुछ वोका साथ घडन आलो थो, वुनखे बतान लग्यो
MAR 10:33 “देख हम यरुशलेम मे जइ रास, अरु इन्सान को बेटो महायाजक बडो याजक अरु शास्त्रिहोन का हात मे पकडय जाह्ये. अरु वे वोखे जान से मारन कि सजा दिहे, गैरयहूदीहोन का हात मे करी दिहे.
MAR 10:34 अरु वे वोकी मजा उडयखे अरु वोका पर थुक्हे, अरु वोका पर कोडा मार्‍हे अरु मारी डाल्हे अरु तीन दिन बाद फिर जिन्दो हूये.”
MAR 10:35 फिर जब्दी को दुसरो बेटो, याकूब अरु यहून्ना यीशु का पास आया अरु बोलन लगीगा, “हे गुरु, हम तरा से मागे, उ तू हमारा लीये कर्‍हे.”
MAR 10:36 “अरु यीशु ने बोल्यो?” तुम का चाहस की मी तुमारा लीये करु.
MAR 10:37 वुनने वोखे बोल्यो, “तरी महिमा मे हम मे से एक तरो जवना तरप अरु दुसरो डाखोऱ्या मे बठ्ये.”
MAR 10:38 यीशु ने उनसे बोल्यो, तुम नी जाने की का मागी रास. जो गिल्लास मे पीना का बाद का तुम पी सक्ये अरु जो बपतिस्मा मी लेना पर हइ, तुम लि सक्ये हइ?
MAR 10:39 अरु उनने ओखे बोल्यो, “हम करी सकस.” अरु यीशु ने वुन खे बोल्यो, उ गिल्लास मे पिना पर तुम पिहे? अरु जो बपतिस्मा मेने लेना पर का तुम लिहे.
MAR 10:40 पर मरो अधिकार नी कि मी को खे चुनू कि कोन खा बठ्ये फक्त परमेश्वर ने ओका लिये जगा तैयार कर्ये कि कोन मरा जवना अरु डाखोर्या तरप बठ्यै.
MAR 10:41 यो सुनीखे दस सेवक होन याकूब अरु यहून्ना पर जिकरय गया.
MAR 10:42 अन्नत मे यीशु ने ओखे पास बुलय खे वुनखे बोल्यो, तुम समजस नी की जो गैरयहूदिहोन को अधिकार जानी लेस अरु जगत पर राज करण आलो. अरु उनसे जो बडा हइ उन पर अधिकार जतास.
MAR 10:43 पन तुमारी बात नीराली हइ, तुम्हारा मे जो कोय खे बडो होनो हुये वुनखे तरो सेवक होन खे होनु.
MAR 10:44 अरु तुम मे सबसे बडो होन खे होनु, ओखे तो सबको सेवक बन्नु पडे.
MAR 10:45 क्युकी मी इन्सान को बेटो आयो, अरु इन्सान मरी वा करणु करीखे मी जगत मे नी आयो, ते मरासे दुन्या होन की सेवा होन खे होनु खुप पाप की सजा, लीये मरो जान देन आयो.
MAR 10:46 फिर वे यरीहो मे पहुच्या.अरु जब व्हापर अपना सेवक अरु एक बडी गर्दी का सात यरीहो से बाहेर जइ रा थो ते बरतिमाइ नाम को एक अंधो भिकारी, जो तिमाइ को बेटो थो, सडक का किनारा मे बठ्यो थो.
MAR 10:47 जब उनने सुन्यो की यो नासरी को ऱ्हेन आलो यीशु आयो पुकारी खे बोलन लग्यो, “हे यीशु, दाउद का बेटा मरा पर दया कर!”
MAR 10:48 भोत झण ने ओखे धमकय खे बोल्‍यो कि तु चुप र्‍हे पर वु अरु जादा चील्लान लग्यो, यीशु “दाउद का बेटा मरा पर दया कर”
MAR 10:49 तब यीशु ने रुखी खे बोल्‍यो, “ओखे बुला.” अरु इन्सानहोन ने उ अंधा खे यो बोलीखे बुलायो, “हिम्मत रख, उट! उ तोखे बुलास हइ.”
MAR 10:50 उ अपना कपडा फेकी खे उछल पड्यो अरु यीशु का पास आयो.
MAR 10:51 यीशु ने जवाब देते हुये बोल्यो, “तु, चाहस की मी तरा लीये करु?” अरु अंधा इन्सान ने ओकासे बोल्यो, “हे गुरु यो की मी देखन लग्यु!”
MAR 10:52 यीशु ने ओकासे बोल्यो, “चली जा, तरा विश्वास ने तोखे अच्छो करी दियो.” उ तुरुत देखन लग्यो अरु रस्ता मे ओका पीछे चली गयो.
MAR 11:1 जब वे यरुशलेम का नजीक, जैतून पहाड का किनारा बैतफगे अरु बैतनीय्याह खे पहुच्या ते वोने अपना सेवक मे से दो खे भेजो,
MAR 11:2 अरु वुनखे बोल्यो अपना सामने का गाव मे जा अरु जाते ही तुमखे एक गधी को बच्चा बाध्यो हूयो मील्हे, जेका पर अभी तक कोय बठ्या नी. वोखे खोली खे ली खे आ.
MAR 11:3 अरु तुमखे कोय पुछ्ये, असो काय बर करस? ते तुमने बोलनू, प्रभु खे का जरुरत हइ, अरु उ तुरुत वोखे वाहा से झल्दी ह्या भेजी दिहे.
MAR 11:4 वे गया अरु वुनने बाहेर का गल्ली मे दरवाजा का पास एक गधी का बच्चा खे बाध्यो हुयो पायो, अरु वे वोखे खोलन लग्या.
MAR 11:5 व्हा खडा कुछ दुन्या ने वुनखे बोल्यो, “ये का करी रास गधी का बच्चा खे क्यु खोली रास?”
MAR 11:6 अरु यीशु ने जसो बतायो थो वुनने वोसोय बोली दियो. तब वुनने वोखे लिजान दियो.
MAR 11:7 उ बच्चा खे यीशु का पास लाए अरु उपर अपना कपडा डाली दिया.
MAR 11:8 अरु भोत झन ने अपना कपडा रस्ता पर बिछय दिया, अरु दुसरा दुन्या ने खेत मे डग्यान काटी खे फेकी दी.
MAR 11:9 वे जो ओका आगे आगे जातो अरु पिछे पिछे चलते आता था, फुकारीखे बोली रा था होशन्ना! आशिर्वाद हइ वे जो परमेश्वर का नाम से आस!
MAR 11:10 हमारो बाप दाउद को आन आलो राज आशिर्वाद हइ! बद्दल मे हुये होशन्ना!
MAR 11:11 वु यरुशलेम मे प्रवेश करिखे आराधनालय मे आयो. अरु चारी तरप देखी खे बारा होन का सात बैतनीय्याह खे चली दिया, क्युकी सज्जा हुय गि थी.
MAR 11:12 अरु दुसरा दिन जब वे बैतनीय्याह से नीकल्या ते वोखे भुख लगी.
MAR 11:13 अरु पत्ता से भऱ्यो एक अंजीर को झाड खे दुर से देखी खे, वु वोका पास गयो कि अचानक कुछ मीली जाह्ये. पन व्हा पहुची खे पत्ता का शिवाय कुछ भी नी था.
MAR 11:14 तब वोने झाड खे बोल्यो, “अब से कोय तरो फल कभी खान का नी.” अरु वोको सेवक सूनी रो थो.
MAR 11:15 फिर वे यरुशलेम मे आया अरु वे आराधनालय मे जय खे लेन देन करण आला खे नीकालन लग्या नीष्कलन अरु सोन्नो होन की मेज अरु कबूतर बेचन आला की चौकी उलटय दी.
MAR 11:16 अरु वोने कोय खे भी आराधनालय मे हुय खे बराबर लिजान खे नी बोल्यो थो.
MAR 11:17 अरु वू वुन खे उपदेस देन लग्यो “यो लिख्यो हइ, मरो घर सब राष्ट्रका लीये प्रार्थना को घर बोल्यो जाह्ये? पन तुमने वोखे डाकु जसो बनय खे रख्योस.”
MAR 11:18 अरु महायाजक अरु शास्त्रिहोन ने जब यो सुन्यो ते यीशु खे मारी डालन को बहानो ढुंडन लग्या, क्युकी वे ओकासे डरता था एका लीये सब वो का सीकानासे चकित था.
MAR 11:19 अरु संजा होते ये गाव का बाहेर जाता था.
MAR 11:20 फिर फजर की टेम मे जब वे उदर से जइ रा था, ते उनने वु अंजीर को झाड खे जडी तक सुकते हुयो देख्यो.
MAR 11:21 पतरस ने ध्यान लगय खे बोल्यो गुरु देख, यो अंजीर को झाड जेखे तोने सराप दियो थो सुखी गयो.
MAR 11:22 यीशु ने वोखे बोल्यो, “परमेश्वर पर विश्वास रख.
MAR 11:23 मी तुम से सच्ची बोलुस, जो कोय या पहाड से बोल्हे, उखडी जा अरु समुदर मे जयखे गिरी जा,अरु अपना मन मे दुर नी रखनु पन जो कुछ वुनका से बोल्यो, विश्वास कर की हुय जाह्ये ते वोका लीये हुय जाह्ये.”
MAR 11:24 येका लीये मी तुमखे बोलुस, कि जो कुछ तुम प्रार्थना मे मागस विश्वास कर की वोखे पय लियो, अरु वु तुमखे मीली जाह्ये.
MAR 11:25 अरु जब तुम खडा हुयखे प्रार्थना कर्‍हे ते तुमारा मन मे कोय का भी लिये कुछ बुरो हुये ते वोखे माफ करी देनु, जेमे तुमारो बाप जो स्वर्ग मे हइ तुमारो भी बुरो माफ कर्‍हे.
MAR 11:26 पर अगर तुम माफ नी करण का ते तुमारो बाप भी जो स्वर्ग मे हइ तुमारो गुन्हा खे माफ नी करण को.
MAR 11:27 वे फिर यरुशलेम मे आया. अरु जब वु मन्‍दिर मे घुमी रो थो, ते महायाजक बडो पंडीत ने शास्त्री खे अरु बापदादा वोका पास आया,
MAR 11:28 वे वोखे पुछन लगीगा, “तु यो काम कोन ता अधिकार से करीरोस अरु यो काम का लीये तोखे कोने दियो?”
MAR 11:29 अरु यीशु ने ओखे बोल्यो, “मी तुमखे एक सवाल पुछस. तुम मेखे जवाब दे, फिर मी तुमखे बतायु की यो काम कोन ता अधिकार से करी रोस.
MAR 11:30 यहून्ना खे बपतिस्मा देन को अधिकार परमेश्वर का स्वर्ग तरप से थो की इन्सान का तरप से थो? मेखे जवाब दे.”
MAR 11:31 वे यो बोली खे आपस मे वाद विवाद करण लग्या, अगर हम बोल्हे, स्वर्ग का तरप से, ते वू बोल्हे, तुमने वोको विश्वास क्युव नी कऱ्यो?
MAR 11:32 फिर का हम यो बोला, इन्सान का तरप से वे दुन्या होन से डरता था क्युकी वे सब यो मानता था की यहून्ना सच्ची मे भविष्यव्दक्ता थो.
MAR 11:33 यीशु खे जवाब देतो हुये बोल्यो, “हम खे नी मालुम.” अरु यीशु ने उनखे बोल्यो, “मी भी तुमखे नी बतान को की यो काम कोनता अधिकार से करुस.”
MAR 12:1 फिर व्हा वोने दृष्‍टान्‍त देख्यो बोलन लग्यो एक इन्सान ने अंगुर को खेत लगयो, अरु महिमा चडय खे वोखे घेऱ्‍यो, अरु खेत का बारे मे दृष्‍टान्‍त देख्यो यो अरु अंगूर लगय, वोका आजू बाजू दिवाल बांधी खे अंगूर मडन खे वोको रस नीकाल का लीये एक कुवो खोद्यो अरु एक मचाग भी बनय, अरु कास्ताकार होन खे तिजय से दिखे दुसरा देस मे चली दियो.
MAR 12:2 हगाम की टेम मे वोने एक खास सेवक खे किसानहोन का पास भेजो अरु अंगूर का खेत को अपनो हिस्सो ली खे आ.
MAR 12:3 पन वुनने वोखे पकडि खे पिट्यो अरु वोखे खाली हात भेजी दी यो.
MAR 12:4 वोने उनका पास फिर एक सेवक खे भेज्यो, अरु वुनने वोको माथो फोडि दियो अरु वोको अपमान कऱ्यो.
MAR 12:5 फिर वोने अरु एक झन खे भेज्यो, वुनने वोखे मारी डालस. अरु असो करी खे असो घनय खे भी, कोय खे पिट्यो अरु कोय खे मारी डाल्यो.
MAR 12:6 आब भेजन खे ओका पास एक अरु ऱ्हीगो थो मनजो ओको लाडेलो बेटो थो. यो सोची खे ओने अंत मे ओखे भी भेज्यो की, वे मरा बेटा की इज्जत कऱ्हे.
MAR 12:7 पन कास्ताकार होन ने आपस मे बोल्यो, यो तो वारीस आयो. हम अयखे मारी देस ते यो खेत को मालक अपुन ही हुया.
MAR 12:8 अरु उनने ओखे पकडि खे मारी दियो अरु वोका आंग खे अंगूर का खेत का बाहेर फेकी दियो.
MAR 12:9 यो अंगूर का खेत को स्वामी का कर्‍हे? वु अय खे कास्ताकार होन को नास कऱ्हे अरु अंगूर को खेत दुसरा खे दिहे.
MAR 12:10 का तुमने पवित्रशास्त्र को यो वचन नी पड्यो. जो फतर खे राज मीस्त्री ने बुरो बनय दियो थो, उ कोनाको बडो पत्थर बन्यो.
MAR 12:11 यो प्रभु का तरप से हुयो अरु हमारी नजर मे अद्भुत हइ.
MAR 12:12 वे वोखे पकडनो चाहता था फिर भी दुन्या से डरता था, क्युकी वे समजी गा की वोने यो दृष्‍टान्‍त हमारा खीलाफ मे बोल्योस. एकालिये वे ओखे छोडी खे चली दिया. देख रेख करणआली मचान
MAR 12:13 वुनने कुछ फरीसी या अरु हेरोदिया खे ओका पास भेज्यो की ओकी बात मे ओखे य फसानो.
MAR 12:14 अरु वुनने अय खे बोल्यो, हे गुरु, हम जानस की तू सच्ची आयो, अरु तू कोय का प्रभाव मे नी आयो. तु तो कोय का तरप से भाग नीले, पन परमेश्वर की रस्ता पर सच्ची से सिकास. कैसर को करजो चुकानो अच्छो नी हइ की नी?
MAR 12:15 हम दे या नी दे ओने उनको कपट जानीखे उनसे बोल्यो मेखे क्यु परखस हइ एक सिक्का मरा पास लानु कि मेखे देखनु.
MAR 12:16 वे सिक्का लाया, अरु वुनखे बोल्यो, अरु यो सिक्का पर को को चित्र हइ? उनने बोल्यो कैसर को.
MAR 12:17 अरु यीशु उनखे बोल्यो, “जो कैसर को हइ वू कैसर खे दे, अरु जो परमेश्वर को आयो वू परमेश्वर खे दे.” अरु वे अचम.
MAR 12:18 फिर सदूकिहोन ने भी जो बोलस हइ कि मर्या हुया को जिन्दो हइ ही नी का ओका पास अयखे ओकासे पुच्छो,
MAR 12:19 “हे गुरु, हमारा लीये मूसा ने एक व्यवस्था लिखस हइ की कोय को भैइ बीना बाल बच्चा को मरी जाह्ये, अरु अपना पीछे बायको खे छोडी जाह्ये ते ओको भैइ ओकी बायको का साथ भ्याव करी लीहे अरु अपनो भैइ का लीये बच्चा परदा नी कर्‍हे.
MAR 12:20 सात भैइ था. परइलो भैइ भ्याव करीखे बीना बच्चा को मरी गो.
MAR 12:21 तब दुसरो भैइ ने वा बायको से भ्याव कऱ्यो अरु बिना बच्चा को मरी गयो, अरु तिसरा ने भी असो कऱ्यो.
MAR 12:22 अरु सात झन खे कोय बच्चा नी हुया. अरु अन्नत मे वा बायको भी मरी गइ.
MAR 12:23 वा जिन्दी हुइ जाये ते वा को कि बायको हुये? क्युकी वा सात झन की बायको बनी गी थी.”
MAR 12:24 यीशु ने वुनखे बोल्यो, “का तुम यो कारन भुल मे नी पड्या की तुम नीते पवित्रशास्त्र खे समजस हइ अरु नाही परमेश्वर की सामर्थ्य खे?
MAR 12:25 क्युकी जब दुन्या होन मरी खे जिन्दो होस अरु वोने भ्याव करस अरु नी भ्याव मे से दियो जास क्युकी वे स्वर्गदूत का जसा हइ.
MAR 12:26 अरु आप डबल जन्म हुये की नी ये का बारे मे बोल्यो, ते मूसा की किताब मे जलती झाडि की काहानी का बारे मे नी पडो? की परमेश्वर मूसाखे बोल्यो, ‘मी अब्राहम को परमेश्वर आय इसहाक अरु याकूब को परमेश्वर आय.’
MAR 12:27 वु मुडदा खे पन जिन्दो को परमेश्वर आयो. तुम बडि भुल मे हइ.”
MAR 12:28 शास्त्रिहोन मे से एक ने अय खे ओका से वाद विवाद करते सुन्यो, अरु यो जानीखे भी ओका से खे त्तो अछा से उत्तर दियो, ओका से पुछ्यो, सबसे बडि आज्ञा कोनसी आय?
MAR 12:29 यीशु ने उत्तर दियो, बडि बात या आयो की इस्राएल सुन हमारो परमेश्वर एकी आयो,
MAR 12:30 तु अपनो प्रभु परमेश्वर से अपनी सब मन,अरु अपनो पुरो जानसे अरु अपनी पुरी दिमाक से अरु अपनी सब सकती से प्रेम करणू.
MAR 12:31 अरु दुसरी जरुरती बात या हइ की,तु अपना पडोसी से बराबर प्रेम करणू. येका दो कि बात से बडिखे अरु आज्ञा नी.
MAR 12:32 शास्त्री ने ओखे बोल्यो, “हे धर्म गुरु बिलकुल ठिक हइ, तोने सच्ची बोल्यो की वु एक्की परमेश्वर आयो. अरु वोका सिवाय दुसरो परमेश्वर कोयनी हइ”
MAR 12:33 अरु अपनो सब प्रेम, अरु अपनो पुरो जानसे अरु अपनी पुरी दिमाक से अरु अपनी सब सकती से प्रेम करणू,अरु अपना पडोसी से बराबर प्रेम करणू यो होमबलि से अरु बलिदान कि तुलना मे या दो बात को पालन करणू जरुरती हइ.
MAR 12:34 जब यीशु ने देख्यो की उनखे समजदारी से उत्तर दियो,ते ओखे बोल्यो, तु परमेश्वर का राज से दुर नी हइ, अरु येका बाद कोय खे यीशु से पुछन की हिम्मंत नी हुय.
MAR 12:35 यीशु मन्दिर मे उपदेस दि रोथो ते ओने बोल्यो, शास्त्री कसा बोलस की मसीह दाउद को बेटो हइ?
MAR 12:36 क्युकी दाउद ने खुद हुय खे पवित्र आत्मा मे जयखे बोल्यो, परमेश्वर ने मरो प्रभु खे बोल्यो, मरा उजवा हात तरप बठ जब तक कि मी तरो दुसमन खे तरा पाय का नीच्चे लाह्यू. जो की किम्मत नजीकपास एक पैसा का बराबर होस.
MAR 12:37 यीशु मन्दिर मे उपदेस दि रोथो ते ओने बोल्यो. यीशु मन्दिर मे उपदेस प्रभु दि रोथो ते ओने बोल्यो, शास्त्री कसा बोलस की मसीह दाउद को बेटो हइ?
MAR 12:38 अरु उ अपना उपदेस से बोली रोथो, “शास्त्रिहोन से चेतावनी ऱ्हेनू, जो लंम्बा कपडा पेनीखे घुमनो अरु बजार मे आदर सत्कार अरु नमस्कार करनो,
MAR 12:39 अरु आराधनालय मे बडि जगा अरु खान का लीये टेबल मे मेन जगा पर बठनो पसंद आस.
MAR 12:40 वे आयो जो विधवा का घर खयलेस, अरु दिखान का लिये लंबी लंबी प्रार्थना करस हइ. इन खे बडो दण्ड मील्हे.”
MAR 12:41 वु आराधनालय का खजाना का समने बठी गयो अरु देखन लग्यो कि दुन्या आराधनालय कि दान कि पेटी पैसा डालता हुयो देख्यो; अरु खुब धनवान बडि बडि रक्कम डाली राथा.
MAR 12:42 येत्ता मे एक कंगाल विदवा ने आय खे दो तांबा का छोटा छोटा सिक्का डाल्या जो की किम्मत नजीकपास एक पैसा का बराबर होस.
MAR 12:43 तब यीशु ने अपना सेवक होन खे अपना पास बुलखे बोल्यो, मी तुम खे सच्ची सच्ची बोलुस “की दान की पेटी दालन आला मेसे या कंगाल विधवा ने सबसे बडिखे दाल्योस.
MAR 12:44 क्युकी भोत झन ने अपनी दौलत मे से जरासी दाली, पन येने अपनी गरीबी मेसे जो कुछ ओको थो अगर अपनी जीविका डाली दी.”
MAR 13:1 जब वु दिन यीशु मन्‍दिर का बाहेर नीकली गयो थो ते ओका सेवक मेसे एक ओखे बोल्यो खे “हे गुरु, देख कसो बडो फतर अरु कसो भव्य भवन!”
MAR 13:2 अरु यीशु ने उनखे बोल्यो, “तुम या बडी मन्‍दिर खे देख? एक फतर भी फतर पर छुटी जाह्ये जो लगय नी सकन.”
MAR 13:3 जब आराधनालय, का सामने जैतून की टेकडी पर बैठ्यो थो ते पतरस,याकूब को यहून्ना को अरु अन्द्रियास ने एकला मे ओखे पुछ्यो,
MAR 13:4 “हम खे बता की या बात कब हुये अरु जब या सब बात पुरी होना पर येको चिन्ह को हुये?”
MAR 13:5 अरु यीशु उनखे बोलन लग्यो, हुशार ऱ्हे की कोय तुमखे धोको नी दे.
MAR 13:6 यीशु ने बोल्यो कि ओखे मरा नाम से आये, ओखे का खबर तग करी रा? ओने तो मरा साथ अच्छो कऱ्योस.
MAR 13:7 क्युकी कगाली तो सदा तुमारा सात ऱ्हेस, अरु जब तुम चाह्ये तब तुम ओका सात अच्छो करस ते पन मी तुमारा साथ सदा नी रर्हेन को.
MAR 13:8 जेतनो वा करी सकती थी ओने कर्‍यो, ओने मेखे पैयले राज्य पैयले ओने मरा आंग पर अत्रर लगय दियो.
MAR 13:9 मी तुमखे सच्ची बतवूस की पुरा जगत मे झा खैय सुसमाचार को प्रचार हुये खे व्हा या बय काम की चर्चा भी ओका पर गवाही हुइ.
MAR 13:10 अरु यहूदा इस्करियोती जो बारा मे से एक थो महायाजक, पास गयो कि सुसमाचार खे सब जात हात मे पकडय दे.
MAR 13:11 अरु जब उनने यो सुन्यो ते खुस हुया, अरु ओने पैसा देन को पैयले से पवित्र वचन दियो. अन्नत मे वू यो सोचन लगयो की वोखे कसो पकडय दिव.
MAR 13:12 अखमीर रोटी को तीवार, पहीला दिन को जब फसह को बलि दान करता था, वे दिन ओका सेवक होन ओखे बोल्यो का अपुन फसह खानो खाया करीखे हम खा जयखे तैयारी कर असी हमारी इच्छा हइ?
MAR 13:13 फिर मरा नाम ओने अपना सेवक मेसे दो झन भेज ते से बतायो, की नगर मे जा अरु मनजो कोय एक इन्सान पानी को मडको लीखे जाते तुमखे मील्हे,ओका पिछे जा.
MAR 13:14 उ अंदर जाह्ये व्हा को घर घुणित खे असो बता गुरु पुछस की मी मरा सेवक, साथ फसह खानो खान असी मरी उतरन की जगा खा हइ?
MAR 13:15 फिर वू सजी सजयो, अरु तैयार करी हुइ जो अपना घर कि छपर पर हुये, व्हा हमारा लिये तैयार मील्यो.
MAR 13:16 फिर सेवक नीकली खे नगर मे गया, तब वुनखे बतायो बराबर उनने फसह तैयारी करी.
MAR 13:17 फिर सज्जा होना पर वू बारा झन का सात आयो.
MAR 13:18 अरु वे बठी खे खानो खय राथा यीशु ने बोल्यो, मी तुमखे सच्ची बतवूस का तुमारा मेसे एक झन मेखे पकडय दिहे कावु मरा सात खान आलो आय.
MAR 13:19 वे उदास हुय खे एक हुय खे ओखे परमेश्वर से पुछन लग्या खे उ मी आय
MAR 13:20 क्युकी प्रभु झुटो भविष्यव्दक्ता अरु ओने उनखे बोल्यो का वे बारा मेसे एक आय जो मरा कटोरा मे रोटी डुब्य रोस हइ.
MAR 13:21 क्युकी इन्सान को बेटो का जसो ओका बारे मे लीखोस, जास पन जो इन्सान का हात से इन्सान को बेटो पकडय दियो जास, ओकी खे तनी दुर दश्या हुये वु इन्सान जन्म नी लेतो ते अच्छो होतो.
MAR 13:22 क्युकी झुठा मसीह अरु झुठा भविष्यव्दक्ता सेवक, साथ खानो खय राथा, ओने रोटी ली चिन्ह अरु आशिर्वाद मागी खे तोडी अरु उनखे बोल्यो, योले यो मरो आंग आयो.
MAR 13:23 फिर ओने प्यालो लियो अरु धन्यवाद प्रार्थना करी खे उनखे दियो.अरु वे सब झन ओमे से पियो.
MAR 13:24 ओने उनखे बोल्यो, “यो वचन बनन आलो मरो खुन आय यो भोत झन, लीये बोहय दियोस.
MAR 13:25 मे तुमखे सच्ची बोल्यो थो, अंगूर को रस वु दिन तक नी पिह्यु, जब तक परमेश्वर स्वर्ग मे राज मे नवो नी पिनको”
MAR 13:26 जब दुन्या अरु इन्सान का बेटा कि सामर्थ्य अरु महिमा का बाद वे जैतून की टेकडी पर चली दिया.
MAR 13:27 तब स्वर्ग से यीशु ने बोल्यो, अपना स्वर्गदूतहोन खे भेजो, अरु वे बद्दल का या पार से वा पार तक, चारी दिशा से ओका चुन्या हुया खे जमा कर्‍हे.
MAR 13:28 अंजीर को झाड से यो सिखो काहानी जब डग्यान नाजुक हुय जास, अरु पत्ता नीकलन लगस हये; ते तुम समजी लेव कि गर्मी का दिन नजीक हइ.
MAR 13:29 या रीति से जब तुम ओखे बोल्यो, चाह्ये सब छोडी दिहे पन मी नी छोडन को.
MAR 13:30 तब यीशु ने ओखे बोल्यो, मी तुमखे सच्ची बोलुस आज रात खे मुर्गा खे दो बार बांग देना से पैयले तु मेखे खुद इनकार कर्‍हे.
MAR 13:31 बद्दल अरु पृथ्वी खतम हुइ जास पन मरो वचन कभी नी टलस.
MAR 13:32 उ दिन या उ टेम का बारे मे कोय खे कुछ पतो नी, नी स्वर्ग मे दुतहोन खे अरु नी अभी इन्सान का बेटा खे फक्त परम बाप परश्वमेर जानस हइ.
MAR 13:33 सावधान! जागतो ऱ्हे क्युकी तुम नी जानस कि उ टेम कब अय जास.
MAR 13:34 अरु ओने उनखे बोल्यो, “मरो मन खुप सेवक खे अधिकार दे; अरु हर एक खे हइ ह्या तक की मी मरना पर हइ. अरु घर अरु जागते र्‍हे.”
MAR 13:35 तुम नी समजो कि घर को स्वामी फिर वू थोडो आगे गयो कि अरु जमीन पर गिरीखे प्रार्थना करण लगीगो की तकलीप को टेम मरा परसे टली जाह्ये.
MAR 13:36 अरु बोलन लगीगो, “हे पिता हे, बाप तरा से तरा सब कुछ होस हइ.यो कटोरा खे मरा पास से दुर करी ले फिर भी जसो मी चाउस हइ वोसो नी, पर जो तू चाहस हइ वोसो हुये.”
MAR 13:37 अरु ओने अयखे उनखे सोते मील्या अरु पतरस खे बोल्यो, हे शमौन, तू सोय रो हइ? कातू एक टेम भी नी जागी सक्यो?
MAR 14:1 दो दिन का बाद फसह अरु अखमीर रोटी यो तिवार होनआलो थो अरु महायाजक अरु शास्त्री या बात की ढुढना मे था कि ओखे कसा छल से पकडिखे मारी डाल.
MAR 14:2 पर बोलता था, की तिवार का दिन नी, खय असो नी हो कि दुन्या मे दंगो हुय जाह्ये.
MAR 14:3 जब वू बैतनीय्याको शमौन नाम को कोढी का घर मे खानो खान खे बठ्यो थो, ते व्हा एक बय अय अच्छो जटामासी को किमती अत्रर को तेल से भरी वाली कुप्पी लिखे अय; ओने फोडि खे ओका माथा पर अत्रर डाली दियो.
MAR 14:4 पर कुछ इन्सान अपना मन मे कुरकुरकरी खे बोलन लग्या, “यो अत्रर खे सत्यानाश क्यु कर्यो गयो.
MAR 14:5 क्युकी यो अत्रर आलो तेल तिन सौ सिक्का से भी जादा मे बेचीखे वे गरीब मे बाट्यो जयस सकतो थो.” अरु वेवा बय खे डाटन लग्या.
MAR 14:6 यीशु ने बोल्यो, ओखे छोडि दे, ओखे कायबर तंग करी रा? ओने तो मरा साथ अच्छो कऱ्योस.
MAR 14:7 क्युकी कंगाली तो हमेशा तुमारा सात ऱ्हेस, अरु जब तुम चाह्ये तब तुम ओका सात अच्छो करस ते पन मी तुमारा साथ हमेशा नी रर्हेन को.
MAR 14:8 जेतनो वा करी सकती थी ओने कर्‍यो, ओने मेखे गाडन का पैयले ओने मरा आंग पर अत्रर लगय दियो.
MAR 14:9 मी तुमखे सच्ची बतवूस की पुरा जगत मे झा खैय सुसमाचार को प्रचार हुये, व्हा या बय का काम की चर्चा भी ओका याद मे करी जाये.
MAR 14:10 अरु यहूदा इस्करियोती जो बारा मे से एक थो महायाजक का पास गयो कि ओखे उनका हात मे पकडय दे.
MAR 14:11 अरु जब उनने यो सुन्यो ते खुस हुया, अरु ओने पैसा देन को वचन दियो. अन्नत मे वू यो सोचन लगयो की वोखे कसो पकडय दिव.
MAR 14:12 अखमीर रोटी को तीवार का पहिला दिन, जब फसह का बलि दान करता था, वे दिन ओका सेवक होन ओखे बोल्यो, “तु का चाहस हइ की हम जइ के तरा लिये फसह खान की तैयारी कर्ये?”
MAR 14:13 फिर ओने अपना सेवक मेसे दो झन भेज ते से बतायो, की नगर मे जा अरु मनजो कोय एक इन्सान पानी को मडको लीखे जाते तुमखे मील्हे,ओका पिछे जा.
MAR 14:14 उ अंदर जाह्ये व्हा को घर मालक खे असो बता गुरु पुछस की मी मरा सेवक का साथ फसह खानो खान असी मरी उतरन की जगा खा हइ?
MAR 14:15 फिर वू सजी सजयो , अरु तैयार करी हुइ बडो कमरो दिखइ दियो, व्हा हमारा लिये तैयार मील्यो.
MAR 14:16 फिर सेवक नीकली खे नगर मे गया, तब वुनखे बतायो बराबर उनने फसह तैयारी करी.
MAR 14:17 फिर संज्जा होना पर वू बारा झन का सात आयो;
MAR 14:18 अरु वे बठी खे खानो खय राथा यीशु ने बोल्यो, मी तुमखे सच्ची बोलुस, तुमारा मेसे एक झन मेखे पकडय दिहे, वु मरा सात खान आलो आयो.
MAR 14:19 वे उदास हुय खे एक हुय खे ओखे पुछन लग्या, का उ मी आय
MAR 14:20 अरु ओने उनखे बोल्यो, “वे बारा मेसे एक आय जो मरा कटोरा मे रोटी डुब्य रोस हइ.
MAR 14:21 क्युकी इन्सान को बेटो, जसो ओका बारे मे लीखोस, जास पन जो इन्सान का हात से इन्सान को बेटो पकडय दियो जास, ओकी खे तनी दुर दश्या हुये वु इन्सान जन्म नी लेतो ते अच्छो होतो.”
MAR 14:22 सेवक का साथ खानो खय राथा, ओने रोटी ली अरु आशिर्वाद मागी खे. “तोडि अरु उनखे,” बोल्यो “योले यो मरो आंग आयो.”
MAR 14:23 फिर ओने प्यालो लियो अरु धन्यवाद प्रार्थना करी खे उनखे दियो;अरु वे सब झन ओमे से पियो.
MAR 14:24 ओने उनखे बोल्यो, “यो वचन बनान आलो मरो खुन आयो यो भोत झन का लीये बोहय दियोस.
MAR 14:25 मे तुमखे सच्ची बोल्यो थो, अंगूर को रस वु दिन तक नी पिह्यु, जब तक परमेश्वर का राज मे नवो नी पिनको”
MAR 14:26 भजन गान का बाद वे जैतून की टेकडि पर चली दियो.
MAR 14:27 तब यीशु ने बोल्यो, “तुम सब ठोकर खाहे, क्युकी यो लीख्योस, मी चरवाहो ठाट्या खे मार्‍हु, अरु मेढा इधर उदर हुय जाह्ये.
MAR 14:28 पन अपना जिन्दो होन का बाद मी तुम से पैयले गलील मे जाह्ये.”
MAR 14:29 पतरस ने ओखे बोल्यो, चाह्ये सब छोडि दिहे पन मी नी छोडन को.
MAR 14:30 तब यीशु ने ओखे बोल्यो, मी तुमखे सच्ची बोलुस आज रात खे मुर्गा खे दो बार बांग देना से पैयले तु मेखे खुद इनकार कर्‍हे.
MAR 14:31 पन पतरस ने मूर्खता से यो बोलते ऱ्हीयो,क्युकी मेखे तरा सात मरनु पडे ते मी तोखे इनकार नी करन को अरु वे सब यो बोली राथा.
MAR 14:32 अरु वे गतसमनी नाम को जगा मे आया; अरु ओने अपना सेवक खे बोल्यो, “तुम ह्या बठ्या र्‍हे, जब तक मी प्रार्थना कह्यू.”
MAR 14:33 अरु ओने अपना साथ पतरस,याकूब अरु यहून्ना खे सात मे लीयो अरु खुप झन व्याकुल होन लग्या.
MAR 14:34 अरु ओने उनखे बोल्यो, “मरो मन खुप उदास हइ ह्या तक की मी मरना पर हइ.अरु रुख अरु जागते र्‍हे.”
MAR 14:35 फिर वू थोडो आगे गयो, अरु जमीन पर गिरीखे प्रार्थना करन लगीगो की तकलिप को टेम मरा परसे टली जाह्ये.
MAR 14:36 अरु बोलन लगीगो,“हे पिता हे , बाप तरा से तरा सब कुछ होस हइ.यो कटोरा खे मरा पास से दुर करी ले फिर भी जसो मी चाउस हइ वोसो नी, पर जो तू चाहस हइ वोसो हो.”
MAR 14:37 अरु ओने अयखे उनखे सोते मील्या अरु पतरस खे बोल्यो, हे शमौन, तू सोय रो हइ? का तू एक टेम भी नी जागी सक्यो?
MAR 14:38 जागते अरु प्रार्थना करते ऱ्हेव की परीक्षा मेनी फसी जानु. आत्मा तो तैयार हइ पन आंग छोटो हइ.
MAR 14:39 अरु नी ओने जयखे फिर उ शब्द मे प्रार्थना करी.
MAR 14:40 अरु ओने फिर अय खे उनखे सोते मील्या क्युकी उनका आख नीद से भरी थी, अरु वे नी समजता था की ओखे का उत्तर देनु.
MAR 14:41 फिर ओने तिसरी बार अय खे उनखे बोल्यो, का तुम अभी तक सोय रास अरु आराम करी रास? खुप हुयगो टेम अयगी.देख,इन्सान को बेटो पापी का हात मे पकडय जास हइ.
MAR 14:42 उठ, आ चल देख, यो अय रो हइ मेखे धोका से पकडनवालो इन्सान.
MAR 14:43 उ यो बोली मे रो थो यहूदा, जो बारा झन मे से एक थो, अपना साथ, महायाजकहोन अरु शास्त्रिहोन अरु बापदादाहोन का तरफ से एक बडि गर्दी लइ तलवारहोन अरु लकडि होन लिया हुया तुरुत अय, पहुच्यो.
MAR 14:44 ओखे पकडन आला ने ओखे यो बोली खे बतयो दियो थो की जोको मी चुम्मो लीह्यू वोखेय अछा से लीखे जानू.
MAR 14:45 व्हा पोची खे अरु तुरुत ओका पास जयखे, ओने बोल्यो, अरु गुरु असो बोल्यो अरु चुम्मो लीयो.
MAR 14:46 तब उनने ओखे पकडि खे गिरफ्तार बंदी बनइ लीयो.
MAR 14:47 येका पर खडा दुन्या मे से एक ने तलवार खीची खे महायाजक का सेवक पर चलइ अरु ओको कान काटी दियो.
MAR 14:48 यीशु ने उत्तर देते हूये बोल्यो, का तुम दुन्या मखे गुना समझस जो तलवार अरु लकडि लीखे मेखे बंदी बनान का लीए आया.
MAR 14:49 मी तुम्हारा साथ आराधनालय मे दरोज शिक्षा देतो थो अरु तुमने मेखे नी पकड्यो, पर येका लिये हुयो की पवित्रशास्त्र को लिखनो पुरो होनखे होनु.
MAR 14:50 येका पर सब ने ओखे भूलीगा अरु छोडि खे भागीगा.
MAR 14:51 एक जवान ओका पिछे चली रोथो. वू अपना उघाडा आंग पर फक्त मलमल को कपडा को चद्दर होडि खे थो उनने ओखे पकड्यो.
MAR 14:52 पन वू मलमल को चद्दर छोडि खे नंगो भागीगो.
MAR 14:53 वे यीशु खे मुखियो महायाजक का ह्या लि गया, सब बडा याजक का बापदादा अरु शास्त्री व्हा एक साथ जमा हुयगा था.
MAR 14:54 पतरस तो दुरी दुर से महायाजक का अंगन तक ओका पिछे पिछे गयो थो.उ रखवाली का सात व्हा बठी व्हा अंगार सेकन लगीगो.
MAR 14:55 महायाजक अरु सभा यीशु खे मारी डालन का लीये ओका खीलाप गवय ढुढन को कोसीस करी राथा, पन उनने एक भी गवय नी मीली.
MAR 14:56 क्युकी भोत झन ओका खीलाप झुटी गवय दिराथा पन उनकी गवय एक दुसरा से मीली नी री थी.
MAR 14:57 तब ओका खीलाप खडा हुय खे गवय देन लगीगा.
MAR 14:58 हमने ओखे यो बोलते सुन्यो, मी हात से बनय आली मन्दिर खे तोडिखे करी दिह्यू, अरु तीन दिन मे दुसरी खडि करी दि दिह्यू, जो हात से बनय वाली नी हुये.
MAR 14:59 येका पर भी वोकी गवय का जसी थी.
MAR 14:60 फिर महायाजक ने खडो हुय खे ओने अय खे यीशु पुछ्यो, “जो गवय ये तरा खीलाप दि रास का तु उनखे उत्तर नी दे?”
MAR 14:61 पन वू चुप र्‍हियो अरु ओने कोय उत्तर नी दियो. महायाजक ने फिर ओखे पुछ्यो, “तू वू परमधन्य को बेटो आयो मसीह तु आ?”
MAR 14:62 यीशु ने बोल्यो, “मी आयो! अरु तुम इन्सान को बेटा खे सबसे शक्ति मान की डाखोर्या तरप बठाडस अरु स्वर्ग से बदल का सात आते हुयो देख्ये.”
MAR 14:63 येका पर महायाजक ने अपना कपडा फाडि खे बोल्यो, “आब हमसे अरु गवाह की का जरुरत हइ?”
MAR 14:64 तुम यो नीन्दा सुनी लीयो हुये येका पर तुमारो का मतलब हइ. अरु वे सब झन ने ओखे जान से? मारन को दण्ड का योग्य दोषी ठयरय दियो.
MAR 14:65 तब कुछ झन वोका पर थुकन लगीगा, अरु ओका आख मे पट्टी बांधी खे बुक्की मारन लगीगा अरु वोखे बोलन लगीगा भविष्यवाणी कर! अरु रखवाली. ने पकडयो अरु ओका मुडा पर थपड माऱ्यो.
MAR 14:66 जब पतरस अंगन मे थो, महायाजक की दासी होन मेसे एक व्हा अय,
MAR 14:67 अरु पतरस खे अंगार सेकते देख्यो अरु ओका पर नजर रखखे बोलन लगी, “तू भी यीशु नासरी यीशु का साथ थो,”
MAR 14:68 पन ओने नीबोलनो करते हूयो बोली दियो, “मी नाही तो जानूस अरु नाही समजूस की तु का बोलीरीस.” अरु वू बाहेर परमेश्वर का पास गयो, अरु मुर्गा ने बांग दी.
MAR 14:69 ओखे देखी खे पास खडा आला दुन्या से वइ दासी फिर बोलन लगी गय, “यो तो ओमे से एक आयो!”
MAR 14:70 पन ओने नी बोल्यो. थोडि देर बाद जो नजीक खडा था उनने फिर पतरस खे बोल्यो, “जरुर तू उनमे से एक आय, क्युकी तु भी गलील मे हइ!”
MAR 14:71 पन वू धिक्कारन अरु कसम खान लगीगो, “मी यो इन्सान खे जोकी तुम जेकी बात करी रास मी ओखे नी पहीचानू!”
MAR 14:72 अरु तुरुत दूसरा मुर्गा ने बार बांग दी. तब पतरस खे यीशु ने ओखे बोली बात, ओखे समजी गयो, मुर्गा का दो बार बांग देना से पैयले तू तीन बार मरो इनकार कर्‍हे. अरु उ रोन लग्यो.
MAR 15:1 अरु फजर होते मेका तुरुत महायाजक ने बापदादा का शास्त्री अरु सब सबा का सात नीर्णय लियो, अरु यीशु खे बाधीखे लिग्यो, अरु ओखे पिलातुस, हात मे दि दियो.
MAR 15:2 पिलातुस ने ओखे पुछ्यो, तू यहूदीया को राजो आयो ओने उत्तर दियो ओखे बोल्यो, तु खुद मे बोली रोस.
MAR 15:3 अरु महायाजक ओका पर खुप बात की इलजाम लगय रा था.
MAR 15:4 पिलातुस ने ओखे बोलते हूयो पुछो “तू उत्तर नी दे? देख वे तरा खीलाप खेत्ता इलजाम लगय रास.”
MAR 15:5 पन यीशु ने कोय उत्तर नी दियो येका से पिलातुस खे आश्चर्य हुयो.
MAR 15:6 तिवार, दिन दुन्या होन एखादी बन्दी खे ओका तरप छोडी देता था.
MAR 15:7 उ टेम बरअब्बा नाम को इन्सान बन्दीघर मे थो ,उ उन विद्रिहिहोन, साथ गिरफ्तार हुयो थो, जिन्हे राजद्रोह, टेम मारनो करी थी.
MAR 15:8 अरु गर्दी पर जय खे ओकासे प्रार्थना करण लगी गया, की तू जसो करते आयोस तू वसो हमारा लिये कर.
MAR 15:9 अरु पिलातुस ने उनखे उतारी दियो “तु चाहस की मी तुमारा लीये यहूदीया को राजा खे तुमारा लीये छोडी दिव?”
MAR 15:10 क्युकी वू जानतो थो की महायाजक ने ओखे इर्ष्या कुल जबर दस्ती पकडी लीयो थो
MAR 15:11 पन महायाजक ने गर्दी से यो बोलन का लीये उकसायो कऱ्यो वू उनका बदला मे बरअब्बा खे छोडी दे.
MAR 15:12 पिलातुस ने फिर उत्तर दियो, “तब तुम जेखे यहूदीया को राजो बोलस का मी ओखे का करु?”
MAR 15:13 वे फिर चिल्लाना, “ओखे क्रुस पर चडा!”
MAR 15:14 पिलातुस ने ओखे बोल्यो, क्यु? ओने का बुरो कर्‍यो? पन वे भी जोर से चिल्लाना, “ओखे क्रुस पर चडा.”
MAR 15:15 तब पिलातुस ने गर्दी खे शाती रखन की इच्छा से बरअब्बा खे ओका लिये छोडी दियो, यीशु खे मारते मारते क्रुस पर चडा न खे दि दियो.
MAR 15:16 सिपइ ओखे की किल्ला का अंदर का अंगन मे लीगया, अरु व्हा उनने सब रोमी सेना खे बुलय खे एक जगा जमा कऱ्या.
MAR 15:17 उनने ओखे जामडा कपडा परनायो अरु का काटा को मुकुट बाधी खे ओका माथा पर रख्यो.
MAR 15:18 तब वे ओको आदर करण लग्य, “हे यहूदीया को राजा तरी जय हुये!”
MAR 15:19 वे ओका माथा पर सरकण्‍डे से मारता था अरु वे ओका पर थुकता था, अरु घुटना टेकी खे वोखे प्रणाम करी राथा.
MAR 15:20 जब वे ओकी मजाक उडान हुयगो ते ओखे जामडा कपडा उतारीखे ओखे ओका कपडा पेनय दिया.अरु वे ओखे क्रुस पर चडान खे बाहेर लिखे आया.
MAR 15:21 अरु उनने सिकंदर अरु रुफुस को बाप शमौन कुरेनी खे जो गाव से अय रोथो, ते जबर दस्ती पकडि खे यीशु क्रुस उठय खे लिग्यो.
MAR 15:22 अरु वे ओखे गुलगुता नाम, जगा मे लायो, जोको मतलब खोपडी की जगा.
MAR 15:23 अरु उनने मसीह यीशु गधानालो रस मील्यो आलो अंगूर को रस पिन खे देन को कोशीस कर्‍यो. पन ओने नी लियो.
MAR 15:24 तब उनने ओखे क्रुस पर चडायो, अरु ओका कपडा पर चिट्ठिहोन डालीखे, कोखे, मील्यो, उनने बाटी लियो.
MAR 15:25 जब उनने ओखे क्रुस पर चडायो ते वा टेम मे फजर का नउ बजी गा था.
MAR 15:26 अरु वोकी पुरी कागज पर लीखो तो, की यो “यहूदी को राजो.”
MAR 15:27 उनने ओका सात दो डाकू खे भी क्रुस पर चडायी दियो एक खे जवना तरप दुसरा खे डाखोर्या तरप.
MAR 15:28 तब पवित्रशास्त्र को यो वचन पुरो हुयो जोमे बोल्यो गयो थो, वु बुरालोग का सात गिनती मे अय गयो.
MAR 15:29 अरु व्हासे आन जान आला ओकी नीन्दा उडन लगीगा अरु माथो हलाते हलाते बोलन लग्या “अरे! आराधनालय खे तोडन आलो अरु तीन दिन मे बनान वलो,
MAR 15:30 अपना आप खे बचान अरु क्रुस से उतरी जा!”
MAR 15:31 यो तरीका से महायाजक अरु शास्त्री भी साथ मे मीली खे ओकी मजाक उडाते यो बोलीरा था, “ये ने दुसरा खे बचायो पन खुद खे नी बचय सकन को.”
MAR 15:32 इस्राएल को राजो मसीह आब क्रुस पर से उतरी आह्ये कि हम देखीखे विश्वास कर्ये, अरु जो ओका साथ क्रुस पर चडाया गया था वे भी ओकी मजाक करस हइ.
MAR 15:33 जब दुपार का बारा बजी गा ते पुरो देस मे अधारो हुइ गयो अरु दिन का तिन बजो तक अंधारो थो.
MAR 15:34 अरु तिन बझना पर यीशु जोर से चिल्लाखे बोल्यो का “इलोइ, इलोइ, लमा शबक्तनी?” येको मतलब, “हे मरो परमेश्वर हे मरो परमेश्वर तोने मेखे कायबर छोडि दियो?”
MAR 15:35 तब जो ओका नजी खडा था उन मे से कुछ यो सुनीखे बोलन लग्या, देख, उ एलिय्याह खे पुकारी रोस.
MAR 15:36 अरु एक ने दौडि खे खटो रस एक स्पंज का सिरखे मे डुबायो, अरु सरकण्‍डे पर रखीखे ओखे चुसायो, अरु बोल्यो “रुखी जा ; देख एलिय्याह ओखे उतारन का लिये आस हइ कि नी.”
MAR 15:37 तब यीशु ने बडा आवाज से चिल्लैइ खे जान छोडि दियो.
MAR 15:38 अरु आराधनालय का परदा उपर से नीच्चे तक फटी खे दो टुकडा हुइ गया.
MAR 15:39 जब सुबेदार ने जो व्हा सामने खडो थो ओखे असो जान छोडते देख्यो ते बोल्यो “सच्ची यो इन्सान परमेश्वर को बेटो थो!”
MAR 15:40 कुछ बयहोन भी जो दूर से देखी री थी, ओमे मरियम मगदलीनी,छोटो याकूब, अरु योसेस की मरीयम,अरु सलोमी थी.
MAR 15:41 जब वु गलील मे थो ते ये ओका पिछ पिछ चलती अरु ओकी सेवा करती थी; अरु दुसरी खुप बय होन ओका सात यरुशलेम मे अय थी.
MAR 15:42 जब शाम हुइ गइ, जो तैयारी का दिन थो जो आराम दिन का एक दिन पैयले हइ.
MAR 15:43 अरिमतियाह का ऱ्हेन आलो यूसुफ आयो, जो सभाको एक प्रतीष्ठीत थो. उ खुद परमेश्वर का राज्य की रस्ता देखी रोथो ओने हिम्मंत करीखे पिलातुस का आगे जय खे यीशु की लास मागी.
MAR 15:44 पिलातुस खे अच्मबो हुयो की वू येत्ता झल्दी मरी गो, अरु ओने चौकीदार खे बुलैइ खे पुछ्यो “का ओखे मरी खे देर हुइ?”
MAR 15:45 फिर ओने चौकीदार से एक कपडा मे गुडि खे यूसुफ खे लास दि दि.
MAR 15:46 तब यूसुफ ने मलमल को कपडा मोल लियो अरु लास खे उतारी खे ओमे गुंड्यो, अरु पत्थर आली जगा मे एक कब्र खोदी गइ थी, अरु एक कब्र का दरवाजा पर एक पत्थर गन्डलैइ दियो थो.
MAR 15:47 मरियम मगदलीनी अरु योसेस की माय मरीयम देखी रीथी की ओखे खापर रख्योस.
MAR 16:1 जब अराम का दिन जाना पर, मरियम मगदलीनी,अरु याकूब कि माय मरियम अरु सलोमी ने गधानवाली चीज मोल लियो, की अय खे ओखे तेल मल.
MAR 16:2 अरु हप्ता को पहीलो दिन फजर खे , जब सुरज नीकलन का पैयले वे मरगट का पर अय.
MAR 16:3 अरु आपस मे बोलीरी थी, “कोण हमारा लिये मरगट का दरवाजा पर को पत्थर कोन लुन्डका ह्ये?”
MAR 16:4 जब उनोने आख उठइ खे देख्यो , ते पत्थर हट्यो हुयो थो. उ भोत ही बडो हइ
MAR 16:5 वे मरगट मे अंदर गइ अरु यो देखी खे आश्‍चर्य-चकित र्‍हि गइ कि सफेद कपडा पेन्या एक नवो इन्सान दाहिनी तरफ बठौ हुयो हइ.
MAR 16:6 “ओने उनखे बोल्यो,” चकाय मत. तुम यीशु नासरी खे क्रुस पर चडायो गयो थो, ढुंढस हइ उ जिन्दो हुइ गो उ ह्या नी हइ देख या वा जगा आयो झा उनने ओखे रख्यो थो.
MAR 16:7 पर जा अरु, ओका सेवक अरु पतरस खे बोल का वु तुम से पहिले गलील मे जाह्ये अरु तुम ओखे व्हा पर देख्ये.
MAR 16:8 वे मरगट से नीकली अरु व्हा भागी गय, क्युकी थर थरी उनको उध्दार हुये गो थो; अरु उनने कोय खे भी कुछ नी बतायो, क्युकी वे डरी गिथी.
MAR 16:9 हप्ता का पैयले दिन का फजर खे उ जिन्दो हुइ खे सब से पैयले मरियम मगदलीनी खे जोमे से ओने सात बुरीआत्माहोन नीकाली थी वे दिखय दि.
MAR 16:10 ओने जयखे यो बात यीशु का दोस्तहोन खे बतायो, जो शोक मे डुब्या था अरु रोइ र्‍हा था यो समाचार बतायो.
MAR 16:11 अरु ओने यो सुन्यो की यीशु जिन्दो हइ अरु ओखे दिखानो ते उनखे विश्वास नी हुयो.
MAR 16:12 येका बाद व्हा दुसरा रुप मे उनमे से दो खे वे गाव का तरप जइ र्‍हा था, दिखय दियो.
MAR 16:13 उनने जैइखे दुसरा खे समाचार बतायो, पर उनने भी विश्वास नी कऱ्यो.
MAR 16:14 पीछे वे ग्यारा सेवक खे भी जब वे खानो खान खे बठ्या था दिखय दियो अरु अविश्वास,अरु मन की कठुरता पर डाट्यो क्युकी जेने ओखे जिन्दो होना का बाद देख्यो थो इन्हे उनको विश्वास नी कर्यो थो.
MAR 16:15 अरु यीशु ने उनसे बोल्यो,“जगत मे जय खे पूरी सृष्‍टि का इन्सानहोन खे सुसमाचार प्रचार करनु,
MAR 16:16 जो विश्वास कऱ्हे अरु बपतिस्मा लिये ओको उध्दारहुये, पर जो विश्वास नी कर्ये उ दोषी ठैरायो जाये.
MAR 16:17 विश्वास करन आला मे यो चिन्ह हुये कि वे मरा नाम से बुरीआत्माहोन नीकाल्हे अरु नइ भाषा बोल्हे;
MAR 16:18 सापहोन खे उठय, लिये अरु अगर वे जहेर भी पी लिये तब भी उनकी कुछ नुकसान नी हुये; वे बीमारीहोन पर हात रख्ये, अरु वे अच्छा हुइ जाये.”
MAR 16:19 अन्नत मे जब प्रभु यीशु ओका से बात करी चुक्यो, थो वु स्वर्ग मे उठय लियो गयो, अरु परमेश्वर का जवना बाजू बठी गयो.
MAR 16:20 अरु उनने नीकली खे हर जगा मे प्रचार कर्यो, अरु प्रभु उनका साथ काम करतो रीयो अरु उन चिन्ह का वजेसे जो साथ होतो थो, वचन खे मजबुत करतो र्‍हियो. आमेन
LUK 1:1 भोत दुन्या ने हमारा बीच मे बीती बात को विवरण जाने खे लिखन को प्रयत्न कर्‍यो.
LUK 1:2 वा या बात वे दुन्या, वजेसे बतायो गयो जो दुन्या ने पैयलेसे कम होते देख्यो, अरु जो खुसखबर को प्रचार करीरा था.
LUK 1:3 हे श्रीमान थियुफिलुस, क्युकी मेने येका लिये एक अच्छो समजी लियो कि मी यो विवरण लिख्यू.
LUK 1:4 मे ने येका लिये आस करी की जो बात ,त्ती सच्ची हइ, तुमखे मालुम हुये.
LUK 1:5 वे दिन जब यहूदीया पर हेरोदेस को राज थो व्हा जकर्याह नाम को एक याजक थो, समेदाय को थो अरु ओकी लुगइ को नाम एलीशिबा तरप व्हा हारुन, परीवार की थी.
LUK 1:6 वे दो परमेश्वर, नजर मे अच्छो जिवन जिन वाला था प्रभु को आज्ञाहोन अरु नीयम को पुरी रीति से नीर्दोष पालन करण आलो थो.
LUK 1:7 उनखे कोय बच्चा नी था.क्युकी एलीशिबा बाझ थी अरु वे दो झन बुड्‍डा था.
LUK 1:8 जब जकर्या, मन्डली कि मदिर मे याजक पद, नीत्य काम बाडी थी अरु एक दिन जब जकर्याह मदिर मे परमेश्वर अपनो याजक भी काम करी रो थो.
LUK 1:9 ते याजक की रीति, जसो ओका नाम पर चिट्ठी नीकली. कि प्रभु की मन्‍दिर मे जयखे धूप जला.
LUK 1:10 अरु धूप जलान को टेम आयो ते बाहेर जमा दुन्या प्रार्थना करी रा था.
LUK 1:11 वाइच टेम जकर्याह, सामने खडो कि प्रभु को एक स्वर्गदूत धूप की वेदी, जवना तरप खडो हुयो थो.
LUK 1:12 अरु जकर्याह देखी खे घबरायो अरु ओका पर भोत डरी गो.
LUK 1:13 पन स्वर्गदूत ने ओका से बोल्यो.हे जकर्याह. डरे मत क्युकी तरी प्रार्थना सुनी लीस हइ अरु तरी लुगय एलीशिबा से तरा लिये एक बेटो परदा हुये. अरु तू ओको नाम यहून्ना रखनु.
LUK 1:14 अरु तोखे खुशी अरु हर्ष हुये अरु भोत दुन्या ओका परदा होना से खुश हूये.
LUK 1:15 क्युकी उ प्रभु, नजर मे बडो हूयो. व्हा कभी भी अंगूर को रस अरु मदिरा कभी नी पीह्ये. अरु अपनी माय, पेट मे से पवित्र आत्मा से पुरो हुये जाह्ये.
LUK 1:16 अरु इस्राएल मे से भोतझन खे उनका प्रभु परमेश्वर, तरप फिरा आह्ये.
LUK 1:17 वू भविष्यवक्ता एलिय्याह की आत्मा जसी शक्ती अरु सामर्थ्य, सात प्रभु, आगे आगे चली. अरु बाप अरु बेटो खे फिर से एक सात कर्‍हे. व्हा आदेस नी माननआला दुन्या को असा बिचार रखस. व्हा प्रभु, दुन्या खे प्रभु ,लिये तैयार कऱ्हे.
LUK 1:18 जकर्याह ने स्वर्गदूत से पूछ्यो. मी ह्या कसो समजु? कि यो सच्ची हइ अरु मी तो बुड्ढो आय. अरु मरी बायको भी बुड्ढी हुय गी हइ.
LUK 1:19 ते स्वर्गदूत ने ओखे उत्तर दियो. की मी जिब्राइल आय. जो परमेश्वर, सामने खडी मरियम हइ. अरु मी तरा से बात करण लगीगो अरु तोखे खुसखबर सुनान खे भेज्यो गयो थो.
LUK 1:20 पन मरो खबर जो बरोबर टेम पर सही सिध्द हुयो ओका पर विश्वास नी कर्‍यो, येका लिये तु मेको हुय जाह्येका अरु वु दिन तक नी पोची नी सकन को जो दिन तक पुरो नी होनको.
LUK 1:21 अरु उधर बाहेर दुन्या जकर्याह की रस्ता देखीरा था अरु अचम्बो करण लग्या की ओखे मन्‍दिर मे, करी रोस हइ?
LUK 1:22 जब बाहेर आयो.ते उनका सात बोली नी सक्यो: बाद मे समजी गया, की वोने मन्‍दिर मे कोय दर्शन मील्योस हइ. अरु व्हा उन से हीसारो करते र्हीयो. अरु मेक्को र्हि गो.
LUK 1:23 जब ओका सेवा का दिन पुरा हुय गया. ते वू अपना घर चली दियो.
LUK 1:24 कुछ दिन का बाद ओकी लुगइ एलीशिबा दिन से हुइ. अरु पाच महीना तक वा सब से अल्लग र्‍ही.
LUK 1:25 अरु ओने अपना आप से बोल्यो अब आखरी मे जैख या रीति प्रभु ने मरी मदत करीस हइ, दुन्या, बीच मरी लाज रखन खे मरी याद ली.
LUK 1:26 जिब्राइल छे महीना कि दिन से थी तब परमेश्वर, तरप से गिब्राइल स्वर्गदूत गलील, नासरत नगर मे एक कुव्वारी का पास भेज्यो गयो.
LUK 1:27 एक कुव्वारी का पास भेज्यो गयो.जोकी मगनी यूसुफ नाम दाउद का घराना का एक इन्सान का सात हुय थी वा कुव्वारी को नाम मरियम थो.
LUK 1:28 अरु स्‍वर्गदूत ने ओका पास अंदर अयखे बोल्यो. परमेश्वर कि शांती तरा साथ हइ, अरु परमेश्वर तरा साथ हइ अरु तोखे भोत बडो आशिष दिह्ये.
LUK 1:29 स्वर्गदूत कि खबर सुनीखे डरी गया अरु सोच मे पडी गया कि यो शब्द को का अर्थ हुये?
LUK 1:30 स्वर्गदूत ने ओकासे बोल्यो हे मरियम डरे मत. क्युकी परमेश्वर को अनुग्रह तरा पर हुयोस हइ.
LUK 1:31 अरु देख तू दिन से हुये अरु तरो एक बेटो परदा हुये. तोने ओको नाम यीशु रखनु.
LUK 1:32 वु महान हुये. अरु बडो इन्सान को बेटो बोल्यो जाह्ये अरु प्रभु परमेश्वर ओखे ओका बापदादा को राजो दाउद की राजगद्दी ओखे देस.
LUK 1:33 अरु उ याकूब का घराना पर युगानुयुग राज कर्हे. अरु ओका राज को कभी खत्म नी हुये.
LUK 1:34 मरियम ने स्वर्गदूत बोल्यो. यो यबर करी रोस? मी तो कुव्वारी हइ.
LUK 1:35 स्वर्गदूत ने ओखे उत्तर दियो. कि पवित्र आत्‍मा तरा पर उतरी. अरु परमेश्वर कि सामर्थ्य तरा पर उतऱ्हे, अरु येका कारण पवित्र बच्चा परमेश्वर को बेटो बोल्यो जाह्ये.
LUK 1:36 अरु देख तरा कुटुम वाला एलीशिबा जो दुन्याहोन बाज बोलता था पन वा खुद छे महीना की दिन से थी वा भोत डोकरी थी.
LUK 1:37 परमेश्वर, लिये कुछ भी असम्भाव नी हइ.
LUK 1:38 मरियम ने बोल्यो. जसो तोने मे, बोल्यो की मी परमेश्वर की दासी आय. मे, तरा वचन, जसो हुये जब स्वर्गदूत ओका पास से चली दियो.
LUK 1:39 ओका तुरुत बाद मरियम तैयार हुयखे यहूदा टेकडा देस, एक गाव मे जत्ती लगी.
LUK 1:40 अरु जकर्याह, घर मे पोची अरु वोने एलीशिबा खे नमस्कार कर्यो.
LUK 1:41 जोभी यो हुयो कि एलीशिबा ने मरियम को नमस्कार सुन्यो. तेय बच्चो ओका पेट मे उछल्यो. अरु एलीशिबा पवित्र आत्‍मा से परिपूर्ण हुय गी.
LUK 1:42 अरु वोने बडा जोरसे बोल्यो तु बय होन मे धन्य हय. अरु तरा पेट को फल धन्‍य हइ.
LUK 1:43 येतनी बडि बात मरा सात क्युव हुय, की मरो परमेश्वर की माय मरा से मीलन अय?
LUK 1:44 किक्यु जसो मेने तुम के अभिवाद का बोल सुनायो मरा पेट का बच्चा खुशी से उछल कुद करन लग्या.
LUK 1:45 तु, धन्‍य हइ. वु जेने विश्वास कर्यो कि जो बात परमेश्वर का तरप से ओका से बोली गइ. वा पूरी हुयखे र्हिये.
LUK 1:46 जब मरियम ने बोल्यो. मरो जान परमेश्वर की बडाइ करतो हुये.
LUK 1:47 अरु मरी आत्मा मरो उध्दार करणवालो परमेश्वर से आनद हुये.
LUK 1:48 क्युकी ओने अपनी दासी की दीनता पर नजर बतयस हइ. येका लीये देख. आप से सब जगत, दुन्या मेखे धन्‍य बोल्हे.
LUK 1:49 क्युकी वू शिक्‍तमान ने मरा लिये बडो काम कर्योस अरु ओको नाम पवित्र हइ.
LUK 1:50 अरु ओकी दया उनका पर. जो ओकासे डरस हइ. पीढी से पीढी तक बनी र्हेस हइ.
LUK 1:51 ओने अपनो मेहनत बतय. अरु जो घमण्ड करतो थो. उनखे तित्तर-बित्तर कर्यो.
LUK 1:52 ओने महान राजा खे उनका सिंहासन से गिरय दियो. अरु विनम्र दुन्या खे पलटायो.
LUK 1:53 वो ने भुक खे अच्छो चिजहोन से तृप्त कर्यो. अरु लकपती आला खे खाली हात नीकली दीयो.
LUK 1:54 हमारा बुर्जुक खे दियो गयो दया, जसो व्हा अपना सेवक इस्राएल, सात आह्ये.
LUK 1:55 ओखे अब्राहम अरु वोको कुल पर हमेशा दया बतान की र्हिये.
LUK 1:56 मरियम नजीकपास तीन महीना येलि का साथ र्हिखे अपना घर मे वापस गइ.
LUK 1:57 फिर एलीशिबा को बच्चा खे जन्म देन को टेम आयो फिर ओका घर मे एक बेटो पइदा हुयो.
LUK 1:58 ओका बाजुआला अरु कुटुम्ब ने यो सुनी खे कि परमेश्वर ने ओका पर बड़ी दया करीस हइ. ओका सात खुशी मना.
LUK 1:59 अरु असो हुयो की आठवा दिन वे बच्चा को खतनो करण खे व्हा आया वे वोको नाम वोका बाप पर जकर्याह रखन लग्या.
LUK 1:60 पन वोकी माय ने उत्तर दियो नी. वोको नाम यहून्ना रख्यो जाह्ये.
LUK 1:61 अरु उनने ओकासे बोल्यो, “पन तरा परीवार मे कोय को यो नाम नी.”
LUK 1:62 फिर उनने ओका बाप से हीसारो से पुछ्यो कि ओको नाम का रखनो चाहस.
LUK 1:63 अरु येका पर जकर्याह ने लिखन कि पाटी मागीखे लिखी दियो, कि “वोको नाम यहून्ना हइ ओने अचम कर्यो.
LUK 1:64 जब वोका मेडो अरु जीब तुरुत खूली गय. अरु वू बोलन लग्यो अरु परमेश्वर को धन्यवाद करण लग्यो.
LUK 1:65 अरु वोका आस पास का सब झन र्हेन आला पर डर हुय गोथो. अरु वे सब बात की बातचीत यहूदीया टेकडा देस मे फैली गी.
LUK 1:66 अरु सब सुनन आला ने अपना मन मे बिचार करीखे बोल्यो. यो बच्चो कसो हुयगो?” क्युकी परमेश्वर को सामर्थ्य वोका सात थो.
LUK 1:67 अरु वोको बाप जकर्याह पवित्र आत्‍मा से परिपूर्ण हुगयो. अरु भविष्यवाणी करण लग्यो.
LUK 1:68 इस्राएल को प्रभु परमेश्वर धन्‍य हय. कि वोने अपना दुन्या पर नजार करी अरु उनका छुटकारो कर्योस हइ.
LUK 1:69 ओने हमारा लिये अपना सेवक उध्दार दाउद, परीवार से एक रखवालो परदा कर्‍यो.
LUK 1:70 जसो कि वोने भोत पैयले से अपना पवित्र भविष्यव्दक्ता,होन , वजेसे प्रतीज्ञा को वचन दियो थो.
LUK 1:71 ओने हमखे हमारा दुशमन से, अरु सब , हात से जो हम घृस्सा करतो थो हमारो छुट,रो को वचन से उध्दार दियो थो.
LUK 1:72 कि हमारा बाप-दादा पर दया बतानो अपनी पवित्र वचन खे याद कर.
LUK 1:73 अरु वा कसम जो उनने हमारा बाप अब्राहम से खाय थी.
LUK 1:74 कि हम दुशमन, हात से छुडाये मेती कर्‍हे.
LUK 1:75 क्युकि अपना जिवन भर हर दिन वोका सामे पवित्रता अरु धर्मी
LUK 1:76 हे बच्चा. बडो प्रधान परमेश्वर , भविष्यव्दक्ता बोल्यो जाह्ये. क्युकी परमेश्वर की रस्ता तैयार करण लीये वोका आगे आगे चल्यो.
LUK 1:77 वोका दुन्या खे उध्दार को ज्ञान दे, जो उनका पाप की माफी से मीलस हइ.
LUK 1:78 यो हमारा परमेश्वर की मन कोमल दया करण एक नवो सबेरे कि पयली किरन आ,स से हमारा पर उतर्‍हे.
LUK 1:79 अरु उनका पर चमकन, लिये जो मरन की छाय मेजिन्दा र्‍हिरास हइ, ताकी हमारा पाय की शांती की रस्ता कि दिशा मील्‍हे.
LUK 1:80 यो प्रकार बच्चो यहून्ना, आंग मे बढते अरु इस्राएल आत्मा मे बढते गयो अरु दृड होते गयोस.
LUK 2:1 वे दिन मे बडो राजो कैसर औगूस्‍तुस का तरप से आज्ञा नीकली, की सब रोमी जगत का दुन्या को नाम लिखायो जाह्ये.
LUK 2:2 जनगनना यो पयली थी, सीरिया को राज्यपाल क्विरिनीयुस थो.
LUK 2:3 अरु सब दुन्या नाम लिखान का लीये अपना अपना गाव मे गया.
LUK 2:4 अरु यूसुफ भी गलील का देस से नासरत नगर से यहूदीया देस को दाउद राज को नगर बैतलहम खे गयो क्युकी व्हा दाउद का धरानो अरु कुल से थो.
LUK 2:5 कि अपनी मगेत्तर मरियम का साथ जो दिन से थी नाम लिखायो.
LUK 2:6 असो हुयो कि जब वे व्हा था तब बच्चा को जन्म देन को टेम अय गयो.
LUK 2:7 अरु व्हा अपनो पहिलो बेटो हुयो अरु ओखे कपडा मे गुड्यो गव्हान मे रख्यो क्युकी वुन, लिये कोय भी जगा नी थी.
LUK 2:8 तब व्हा वा जागा से बाहेर खेत मे थोडा ठाट्या था. जो रात का टेम मे अपनो मेडा झुण्ड कि जागल करी रा था.
LUK 2:9 वा टेम मे परमेश्वर को एक स्वर्गदूत व्हा प्रगट हुयो उनका चारी तरफ प्रभु को तेज चमकी गो अरु वे भोत डरी गया.
LUK 2:10 जब स्वर्गदूत ने वुन, से बोल्यो. मत डर. क्‍युकी देख मी तुमखे खुप खुशी कि खुसखबर सुनउस हइ जो सब दुन्या का लिये हुये.
LUK 2:11 कि आज दाउद का नगर मे तुम्‍हारा लिये एक उद्धारकर्ता पइदा हुयोस. अरु मसीह परमेश्वर हइ.
LUK 2:12 अरु येका तुम्‍हारा लिये यो चिन्ह हइ. कि तुम एक बच्चा खे कपडा मे गुडीरास हुये अरु गव्हान मे सोयो मील्हे.
LUK 2:13 जब येत्ता मे वू स्वर्गदूत, सात स्वर्गदूत को दल परमेश्वर की स्‍तुती करतो हुयो अरु यो बोलते दिखय दियो.
LUK 2:14 आकाश मे परमेश्वर की महिमा अरु जमीन पर वे इन्सान मे जेने वु अनुग्रह हइ शांती हुये.
LUK 2:15 तब स्वर्गदूत उनका पास से स्वर्ग खे जत्ती लग्यो,ते येने आपस मे बोल्यो, आव, हम बैतलहम जयखे या बात जो हुइस हइ, अरु जेखे परमेश्वर ने हमखे बतायोस हइ, देख.
LUK 2:16 अरु उनने तुरुत जयखे मरियम अरु यूसुफ खे अरु गव्हान मे वु बच्चा खे सोयो देख्यो.
LUK 2:17 ठाट्याने जब ओखे देख्यो ते जो यो बच्चा का बारे मे जोन खबर उनखे दि गय थी, ओखे उनने सब खे बतय दियो थो.
LUK 2:18 अरु सब सुननवाला ने वे बात से जो ठाट्या उनका से बोल्यो आश्‍चर्य हुयो.
LUK 2:19 पन मरियम या सब बात अपना मन मे रखी खे सोचती र्हे.
LUK 2:20 अरु उदर वे ठाट्या जसा वुन, से बोल्यो गयो थो. वोसोय सब सुनी खे अरु देखी खे परमेश्वर की महिमा अरु स्‍तुति करते हुयो पलटि गयो.
LUK 2:21 तब आठ दिन पूरा हुया. अरु वोको खतनो को टेम आयो. ते वोको नाम यीशु रखी दियो. जो स्वर्गदूत ने वोका पेट मे आना से पहिले बोल्यो थो.
LUK 2:22 अरु तब मूसा खे नीयम, जसो उन खे अच्छो होन, दिन पूरा हुया तेवे वोखे यरुशलेम मे लिगया. कि परमेश्वर, सामने लायो.
LUK 2:23 जसो कि परमेश्वर की नीयम मे लिख्योस हइ कि हर एक पहिलो परमेश्वर का लिये पवित्र र्हिये.
LUK 2:24 अरु परमेश्वर की नीयम को वचन का जसो, एक जोड. या कबूतर का दो बच्‍चा लय खे बलिदान कर्यो.
LUK 2:25 उ दिन मे यरुशलेम मे शमौन नाम को एक इन्सान थो,अरु वु इन्सान अच्छो अरु परमेश्वर खे डरनआलो थो. अरु इस्राएल की रस्ता देखी रो थो, अरु पवित्र आत्‍मा वोका पर थी.
LUK 2:26 अरु पवित्र आत्‍मा से वोखे चेतावनी हुय थी, कि जब तक तू परमेश्वर को मसीह खे देख न लग्यो, तब तक कोन देखेय.
LUK 2:27 अरु वा आत्मा खे सिखाना से मन्‍दिर मे आयो. अरु जब माय बाप वु बच्चो यीशु का अंदर लायो, कि वुन, लिये वेदी, जसो काम कर्‍हे.
LUK 2:28 ते वोने वोखे अपनी खोरा मे लियो अरु परमेश्वर को धन्यवाद करीखे बोल्यो.
LUK 2:29 हे स्वामी. आप तू अपना सेवक खे अपनो वादा, जसो शांती से बिदा करस हइ.
LUK 2:30 क्‍युकि मेने अपना आख से तरा उध्दार खे देख्योस हइ.
LUK 2:31 जेखे तोने सब देस का दुन्या का सामने तैयार करस हइ.
LUK 2:32 कि वु गैरयहूदिहोन खे उजालो देन का लीये दिवो. अरु तरा अपना इस्राएल का दुन्या का लिये महिमा खे आह्ये.
LUK 2:33 अरु वोको बाप अरु वोकी माय या बात से जो वोका बारे मे बोली जाती थी आश्‍चर्य करता था.
LUK 2:34 जब शमौन ने उन खे आशिर्वाद दिखे. वोकी माय मरियम खे बोल्यो. देख. वुतो इस्राएल मे खुप गिरनो. अरु जिन्दो उठन का लिये. अरु एक असो चिन्ह होन का लिये ठहयरायो गयोस हइ. जेका खिलाप मे बात करी जाह्ये
LUK 2:35 वरना तरा जान भी तलवार से पार छेद जाह्ये येका से भोतझन को दिल का बिचार प्रकट हुये.
LUK 2:36 व्हा हन्‍नाह नाम फनूएल की आशेर एक जिन्दो भविष्‍यद्वक्‍तन थी वा खुप बूढी थी, अरु अपनो भ्याव फक्त सात साल तक अपना अदमी, सात र्ही.
LUK 2:37 वा चौर्यासी साल से विधवा थी अरु मन्‍दिर खे नी छोडती थी पर उपास अरु प्रार्थना करी खे रात-दिन परमेश्वर कि उपास करती थी.
LUK 2:38 अरु वु वा टेम मे व्हा अय खे परमेश्वर खे धन्‍यवाद करण लगी. अरु उ सब से जो यरुशलेम को छुटकारो की रस्ता देखेता था. वोका बारे मे बात करण लगी.
LUK 2:39 अरु जब वे परमेश्वर की नीयम, जसो सब कुछ खे वे गलील मे अपना नगर नासरत खे फिर चली गया.
LUK 2:40 अरु बच्चो बढतो. अरु ताकता लो होतो. अरु दिमाक से हुशार हुय गयो. अरु परमेश्वर को अनुग्रह वोक पर थो.
LUK 2:41 वोका माय-बाप हर साल फसह तिवार मे यरुशलेम खे जाता करता था.
LUK 2:42 जब वू बारा साल को हुयो. ते वे तिवार की रीती जसो यरुशलेम मे गया.
LUK 2:43 अरु जब वू वे दिन खे पूरा करीखे पलट्यो. ते वु बेटा यीशु यरुशलेम मे र्हिगो. अरु यो वोकी माय-बाप नी जानता था.
LUK 2:44 वु यो समझी खे. कि वु अरु जान आला, सात हुये. एक दिन, जान आला कासात गइ अरु वोखे अपना कुटुब से अरु जान पहचान मे ढूढन लग्या.
LUK 2:45 पर जब नी मील्यो, ते ढुढते-ढुढते यरुशलेम के फेर पलटी गया.
LUK 2:46 अरु तीन दिन का बाद उनने वा मन्‍दिर मे यहूदीया शिक्षकहोन का बीच मे बठ्या. वो की सुनते अरु उनका से प्रश्‍न करते हुयो देख्यो.
LUK 2:47 अरु जोतना वोकी सुनी राथा. वे सब वोकी समझ अरु वोका उत्तर से चकित था.
LUK 2:48 जब वे वोखे देखी खे चकित हुया अरु वो की माय ने वोखे बोल्यो. हे बेटा. तु हमारा से क्‍यु असो व्‍यव्हार करस? देख. तरो बाप अरु मी मेहनत से तोखे ढूडता था.
LUK 2:49 वोने वुन, से बोल्यो. तुम मेखे क्‍यु ढूडता था? कानी जानता था. कि मेखे अपना बाप, भवन मे र्हेनो जरुरती हइ?
LUK 2:50 पर जो बात वोने ओकासे बोली. उनने वोखे नी समज्या.
LUK 2:51 पर जो उत्तर उनखे दियो,वे अरु व्हा उनका सात गयो. अरु नासरत मे आयो, अरु उनका आज्ञा को पालन करण लग्या. अरु वोकी माय ने या सब बात अपना मन मे रखी.
LUK 2:52 अरु यीशु दिमाक अरु डील डौल मे अरु परमेश्वर अरु इन्सान, अनुग्रह मे बढतो गयो.
LUK 3:1 तिबिरियुस कैसर, राज्य, 15 साल मे जब फिलिप्पुस पिलातुस यहूदीया को थो. अरु गलील मे हेरोदेस नाम चौथाइ को इतूरैया. अरु त्रखोनीतिस मे. ओको भैइ फिलिप्‍पुस. अरु अबिलेने मे लिसानीयास चौथाइ को राजो थो.
LUK 3:2 अरु जब हन्ना अरु कैफा महायाजक था. वा टेममे परमेश्वर को वचन जंगल मे जकर्याह को बेटो यहून्ना को पास पहुच्यो.
LUK 3:3 अरु वू यरदन, आस पास सब देस मे अयखे. पाप की माफी, लिये मन फिराव की बपतिस्मा को प्रचार करण लग्यो.
LUK 3:4 जसो यशायाह भविष्यव्दक्ता, बोल्यो आलो वचन की किताब मे लिख्योस हइ. कि जंगल मे एक फुकारन आला की आवाज अय रिस हइ कि परमेश्वर की रस्ता तैयार करी. की सडक सीधी बना.
LUK 3:5 हर एक खाइ भर दियो जाह्ये. अरु हर एक टेकडा अरु टेकडो सपाट कर्‍यो जाह्ये. अरु जो टेडो हइ सीधो. अरु जो उच्चो आलाखे नीच्चे अरु सीधी रस्ता बनाहे.
LUK 3:6 अरु हर परमेश्वर, उध्दार खे देख्ये.
LUK 3:7 जो बडी गर्दी ओकासे बपतिस्मा लेन खे नीकली खे आती थी. उनसे वु बोलतो थो. हे साप खे बच्‍चा. तुमखे कोने बतय दियो. कि आन आला घुस्सा से भागो.
LUK 3:8 अरु मन फिराव, अच्छो फल लाव अरु अपना स मन मे या नवी सोच. कि हमारो बाप अब्राहम आय. क्‍युकि मी तुमा से बोलुस. कि परमेश्वर यो पत्‍थर से अब्राहम, लिये सन्‍तान परदा करी सकस हइ.
LUK 3:9 अरु आब या कुल्‍हाडी झाड की जडी पर धरीस हइ. येका लीये जो झाड अच्छो फल नी लगे. वु ,ट्यो अरु अंगार मे डाल्यो जाह्ये हइ.
LUK 3:10 अरु दुन्या ने वोखे पूछ्यो. ते हम का करा?
LUK 3:11 वोने ओखे उतर दियो. कि जेका पास दो कुर्ता हइ? व्हा ओका सात जेका पास नी हइ बाटी दे अरु जेका पास खानो हुये. वू भी असो करणु.
LUK 3:12 अरु पैसालेनआलो भी बपतिस्मा लेन आय. अरु ओकासे पूछ्यो. कि हे गुरु. हम का करा?
LUK 3:13 वोने उनका से बोल्यो. जो तुम्‍हारा लिये रोखो गयोस हइ. ओकासे जादा नी लेनु.
LUK 3:14 अरु सैनीक ने भी ओकासे यो पूछ्यो. हम, करा? ओने ओका से बोल्यो. कोय, पर जबरदस्ती नी करणु. अरु ना झूटो दोष लगानु. अरु अपनी मजुरी पर खुश र्हेनु.
LUK 3:15 जब दुन्या आस लगाया हुया था. अरु सब अपना अपना मन मे यहून्ना को बारे मे बिचार करी राथा. कि का यो मसीह तो नी आय.
LUK 3:16 ते यहून्ना ने वे सब को उत्तर मे बोल्यो: कि मी तो तुमखे पानी से बपतिस्मा देस हय. पर वु आनआलो हइ. जो मरा से ताखतआलो हइ. मी तो यो योग्य भी नी. कि वोकी जुता की तन्नी खोली सकू. वु तुमखे पवित्र आत्‍मा अरु अंगार से बपतिस्मा दिह्ये.
LUK 3:17 ओको सुपडो. ओका हात मे हय. अरु वु अपनी अच्छी तराह से सपा कर्हे. अरु गहु खे अपना पोता मे जमा कर्हे. पर भूसो खे वा अंगार मे जो बुझन की नी जलय दिहे.
LUK 3:18 अरु वू खुप सी सजा दि दिखे दुन्या खे खबर सुनातो र्हियो.
LUK 3:19 पर ओने चौथाइ देस को राजो हेरोदेस खे ओको भैइ फिलिप्‍पुस की लुगइ हेरोदियास, बारेमे. अरु सब बुरो काम , बारेमे जो वोने कर्यो थो. दोष दियो.
LUK 3:20 येका लीये हेरोदेस ने वे सब से बडीखे यो बुरोकाम भी कर्यो. कि यहून्ना खे बन्दीगृह मे डाली दियो.
LUK 3:21 जब सब दुन्या ने बपतिस्मा लीयो. अरु यीशु भी बपतिस्मा लीखे प्रार्थना करी राथा. ते बद्दल खुली गयो.
LUK 3:22 अरु पवित्र आत्‍मा आंग रुप मे कबूतर, जसो वोका पर उतरते. अरु या आकाशवाणी हुय. कि तू मरो लाड बेटो आय. मी तरा से प्रसन्‍न हुयो.
LUK 3:23 जब यीशु खुद उपदेस करण लग्यो. ते नजीकपास तीस साल की उमर को थो अरु जसो समझ्यो जातो थो यूसुफ को बेटो थो. अरु एली को.
LUK 3:24 अरु वू मत्तात को, अरु वू लेवी को, अरु वू मलकी को, अरु वु यन्‍नाई को, अरु वु यूसुफ का.
LUK 3:25 अरु वू मत्तित्याह को, अरु वू आमोस एस्ली को, अरु वू नहूम को, अरु वू असल्‍याह को, अरु वू नोग्गइ को,
LUK 3:26 अरु वू मात को, अरु वू मत्तित्‍याह को, अरु वू शिमी को, अरु वू योसेख को, अरु वू योदाह को,
LUK 3:27 अरु वू यूहन्‍ना को अरु वू रेसा को, अरु वू जरुब्बाबेल को, अरु वू शालतीएल को, अरु वू नेरी को,
LUK 3:28 अरु वू मलकी को, अरु वू अद्दी को, अरु वू कोसाम को, अरु वू इलमोदाम को, अरु वू एर को,
LUK 3:29 अरु वू यीशु को, अरु वू इलाजार को, अरु वू योरीम को, अरु वू मत्तात को, अरु वू लेवी को,
LUK 3:30 अरु वू शमौन को, अरु वू यहूदा को, अरु वू यूसुफ को, अरु वू योनान को, अरु वू एलयाकीम को,
LUK 3:31 अरु वू मलेआह को, अरु वू मीन्‍नाह को, अरु वू मत्तात को, अरु वू नातान को, अरु वू दाउद को,
LUK 3:32 अरु वू यिशय को, अरु वू ओबेद को, अरु वू बोआज को, अरु वू सलमोन को, अरु वू नहशोन को,
LUK 3:33 अरु वू अम्‍मीनादाब को, अरु वू अरनी को, अरु वू हिस्रोन को,अरु वू पेरेस को, अरु उ यहूदा को
LUK 3:34 अरु वू याकूब को, अरु वू इसहाक को, अरु वू अब्राहम को, अरु वू तिरह को, अरु वू नाहोर को,
LUK 3:35 अरु वू सरुग को, अरु रऊ को अरु वू पेलेग को, अरु वू एबिर को, अरु वू शिलह को,
LUK 3:36 अरु वू केनान को, वू अरफक्षद को, अरु वू शेम को, वू नूह को, वू लेमेक को,
LUK 3:37 अरु वू मथूशिलह को, अरु वू हनोक को, अरु वू यिरिद को, अरु वू महललेल को, अरु वू केनान को,
LUK 3:38 अरु वू इनोश को, अरु वू शेत को, अरु वू आदम को, अरु वू परमेश्वर को बेटो थो.
LUK 4:1 फिर यीशु पवित्र आत्‍मा से भर्यो हुयो. यरदन मे पलट्यो. अरु चालीस दिन तक आत्मा खे सिखान खे जंगल मे फिरते र्हीयो.
LUK 4:2 अरु चालीस रात तक सैतान ने उनकी परीक्षा करतो र्हेयो वे दिन मे वो ने कुछ नी खायो अरु जब वे दिन पूरा हुय गया. ते ओखे भूख लगी.
LUK 4:3 अरु सैतान ने ओका से बोल्यो. “अगर तू परमेश्वर को बेटो हइ. ते यो फतर से बोल्यो कि रोटी बनी जाह्ये.”
LUK 4:4 यीशु ने वोखे उत्तर दियो. कि लिखस हइ. इन्सान फक्त रोटी से जिन्दो नी र्हेन को.
LUK 4:5 जब सैतान वोखे ली गयो अरु वोखे जरा भर मे जगत का सब राज्य बताह्ये.
LUK 4:6 अरु ओका से बोल्यो. मी यो सब अधिकार. अरु इन को वैभव तोखे दिह्यु. क्‍युकी वु मेखे सोपी दियोस हइ अरु जो चाहुस हइ. ओका दि सकुस हइ.
LUK 4:7 येका लिये. अगर तू मेखे आराधना कर्हे. ते यो सब तरो हुइ जाह्ये.
LUK 4:8 यीशु ने वोखे उत्तर दियो. लिख्यो हइ. कि तू प्रभु अपनो परमेश्वर खे प्रणाम कर. अरु फक्त वो की उपासना कर.
LUK 4:9 जब वोने वोखे यरुशलेम मे ली जय खे मन्‍दिर का छेडा पर खडो कर्या. अरु वोका से बोल्यो. अगर तू परमेश्वर को बेटो आय. ते अपना आप खे ह्या से नीच्चे गिरय दे.
LUK 4:10 क्‍युकी लिख्यो हइ. कि वु तरा बारे मे अपना स्वर्गदूत खे आज्ञा दिह्ये. कि वु तरी रक्षा कर्हे.
LUK 4:11 अरु वु तोखे हातो हात उठय लिहे असो नी होय कि तरा पाय मे फत्तर से ठोकर लग्हे.
LUK 4:12 यीशु ने ओका उत्तर दियो. यो भी बोल्यो गयोस हइ. कि तू प्रभु अपनो परमेश्वर की परिक्षा नी करणू.
LUK 4:13 जब सैतान सब परीक्षा करी चुक्यो. तब कुछ टेम का लिये वोका पास से चली गयो.
LUK 4:14 फिर यीशु आत्मा, सामर्थ्य से भर्‍यो गलील मे पलट्यो. अरु वोकी चर्चा आस पास, सब देस मे फैली गयो.
LUK 4:15 अरु उ वा मन्‍दिर मे शिक्षन करता र्हियो. अरु सब वोकि महिमा करता था. ओने यहूदीया आराधनालय मे उपदेश दिया अरु सब, द्वारा स्तुती हुइ.
LUK 4:16 अरु वू नासरत मे आयो. झा ओको पाल्यो पोसो हुयो थो. अरु अपनी रीति, जसो आराम, दिन आराधनालय मे जय खे पडन, लिये खडो हुयो.
LUK 4:17 यशायाह भविष्यव्दक्ता की किताब वोखे दी गय. अरु वोने किताब खोलीखे. वा जगा नी,ली झा यो लिख्यो थो.
LUK 4:18 कि परमेश्वर कि आत्मा मरा पर हइ. येका लिये कि वोने गरीब खे सुसमाचार सुनान, लिये मरो अभिषेक कर्यो हइ. अरु मेखे येका लिये भेज्यो हइ. कि भैइ को छुटकारा को अरु अन्‍धा खे दिखान , लीये खबर प्रचार कर्हे अरु कुचल्यो आला खे छुडाह्यु.
LUK 4:19 अरु परमेश्वर खे प्रसन्‍न र्हेन को साल खे प्रचार कर्यू.
LUK 4:20 जब वोने किताब बद करीखे सेवक, हात मे दि दि. अरु बठी गयो अरु आराधनालय, सब दुन्या कि नजर वोका पर लगी थी.
LUK 4:21 जब वु वुन से बोलन लग्यो. कि आज हि यो लेख तुमारा सामने पूरो हुयो हइ.
LUK 4:22 अरु सब ने वो खे प्रशसा. अरु जो अनुग्रह की बात वोका मेडा से नीकलती थी. वोका से अचम कर्यो. अरु बोलन लग्यो, यो यूसुफ को बेटो नी?
LUK 4:23 वोने ओकासे बोल्यो. तुम मरा पर यो खावत जरुरत बोल्हे. कि हे डॉक्टर. अपना आप खे अच्छो कर! जो कुछ हमने सुन्योस हइ कि कफरनहूम मे कर्यो गयोस हइ वोखे ह्या अपना देस मे भी कर.
LUK 4:24 अरु वोने बोल्यो. मी तुमारा से सच्ची बोलूस. कोय भविष्यव्दक्ता अपना देस मे मान-सम्‍मान नी मीले.
LUK 4:25 अरु मी तुम से सच्ची बोलूस. कि एलिय्याह, दिन मे जब साडे तीन साल तक बद्दल बद र्हीयो. ह्या तक कि सब देस मे बडो अकाल पड्यो. ते इस्राएल मे भोत विधवानहोन थी.
LUK 4:26 पन एलिय्याह वुन मे से कोय, पास नी भेज्यो गयो. फक्त सैदा, सारफत मे एक विधवा का पास.
LUK 4:27 अरु इलीशा भविष्यव्दक्ता, टेममे इस्राएल मे खुप सा कोढी था. पर नामान सूरयानी खे छोडी उन मे से कोय अच्छो नी कर्यो गयो.
LUK 4:28 ये बात सुनते मे जितने आराधनालय मे थो. सब घुस्सा भरी गया.
LUK 4:29 अरु उठीखे वु नगर से बाहेर नीकल्यो. अरु जो टेकडा पर वुन, नगर बसयो थो. वो की छेडा पर लीखे चल. कि वोखे व्हा से नीचे गिर्य दुव.
LUK 4:30 पन व्हा वुन, बीच मे से नीकलीखे चले गयो.
LUK 4:31 फिर वु गलील, कफरनहूम नगर मे गयो. अरु आराम, दिन दुन्या खे उपदेस दि रो थो.
LUK 4:32 वे वोका उपदेस से चकित हुय गया क्‍युकि वोको वचन अधिकार, सात थो.
LUK 4:33 आराधनालय मे एक इन्सान थो. जो मे बुरीआत्मा थी.
LUK 4:34 वु वुच्चो अवाज से चिल्‍लायो उट. हे यीशु नासरी. हमखे तरा से काम, तू हमारो नाश करण आयो हइ? मी तोखे जानुस तू कोन आय? तू प्रभु को पवित्र इन्सान आय.
LUK 4:35 यीशु ने वोखे धमकय खे बोल्यो. चुप र्हे अरु वोमे से नीकली जा तब बुरीआत्मा वा बीच मे भटकन का बिना कुछ कर्यो वो मे से नीकली गय.
LUK 4:36 येका पर सब खे अचम हुयो. अरु वे आपस मे बात करी खे बोलन लग्या. यो कसो वचन हइ? कि वु अधिकार अरु सामर्थ्य का अच्छा से सात बुरी आत्माहोन खे आज्ञा देस हइ, अरु वे नीकली जास हइ.
LUK 4:37 उ क्षेत्र मे आसपास का हर कोय ओका बारे मे समाचार फेलन लग्यो.
LUK 4:38 वु आराधनालय मे से उठीखे शमौन, घर मे गयो अरु शमौन की सासु खे बुखार चड्यो हुयो थो. अरु उनने वोका लिये वोका से प्रार्थना करी.
LUK 4:39 वोने वोका नजीक खडो र्हिखे बुखार खे डाट्यो अरु वोका पर से उतरी गयो अरु वा तुरुत उठीखे उन की सेवा चाकरी करण लगी.
LUK 4:40 सुरज डूबन, टेममे जेका जेका ह्या दुन्या अलग प्रकार की बीमारी मे पड्या हुया था. वे सब उनखे वोका पास ली आया. अरु वोने एक एक पर हात रखीखे वुनखे अच्छो कर्यो.
LUK 4:41 अरु बुरीआत्मा धमकय खे अरु यो बोलती हुये कि तू परमेश्वर को बेटो आय. खुपझन मे से नीकली गय पन वु वुनखे डाटतो अरु बोल नी देतो थो. क्‍युकी वे ओखे पहचानता था. कि यो मसीह आयो.
LUK 4:42 जब दिन नीकल्यो ते वु नीकली खे एक जंगल जगा मे गयो. अरु गर्दी की गर्दी वोखे ढूडते हुये वोका पास अय. अरु वोखे रोखन लगी. कि हमारा पास से नी जानू.
LUK 4:43 पन वोने उनका से बोल्यो. मेखे अरु नगर मे भी परमेश्वर को राज की सुसमाचार सुनानो जरुरती हइ. क्‍युकि मी येका लिये भेज्यो गयोस.
LUK 4:44 अरु वू गलील की आराधनालय मे प्रचार करते र्हीयो.
LUK 5:1 एक दिन जब गर्दी वोका पर गिर पडती थी. अरु परमेश्वर को वचन सुनती थी. अरु व्हा गनेसरत की नद्दी, किनार पर खडा था. ते असो हुयो.
LUK 5:2 कि वोने नद्दी, किनार दो डोंगा लग्या हुया देख्या. अरु डिम्बर वोका पर से उतरीखे जाल धोय रा था
LUK 5:3 वे डोंगा मे से एक पर जो शमौन की थी. चडी खे. वोने वोका से प्रार्थना करी. कि किनार से थोडो जमीन हटयी ले चल. जब व्हा बठीखे दुन्या खे डोंगा पर से उपदेस देन लग्यो.
LUK 5:4 तब वे बात करी चुक्या ते शमौन से बोल्यो. खोल मे ली चल. अरु मंछी पकडन का लिये अपनी जाल डाल.
LUK 5:5 शमौन ने वोखे उत्तर दियो. कि हे स्वामी. हम ने पुरी रात मेहनत करी अरु कुछ नी पकड्यो. तेभी तरा बोलना से जाल डाल्यु.
LUK 5:6 जब वुनने असो कर्या. ते खुप मंछी घेरी ली. अरु वुन कि जाल फटन लगी गी.
LUK 5:7 येका पर वो ने अपना साथआला खे जो दूसरा डोंगा पर था. हिसारो कर्यो. कि अयखे हमखे सात दे अरु वो ने अयखे. दो डोंगा ह्या तक भरी ली कि वे डूबन लगी.
LUK 5:8 यो देखीखे शमौन पतरस यीशु का पाय पर गिर्यो. अरु बोल्यो. हे परमेश्वर. मरा पास से जा. क्‍युकि मी पापी इन्सान आय.
LUK 5:9 क्‍युकि येत्ती मंछी खे पकड्यो जाना से वोखे अरु वोका साथआला खे खुप अचम हुयो.
LUK 5:10 अरु वसो य जब्दी को बेटो याकूब अरु यहून्ना खे भी. जो शमौन, सात मे था. अचम हुय जब यीशु ने शमौन से बोल्यो. मत डर आब से तू इन्सान खे जिन्दो पकड्‍यो कर्हे.
LUK 5:11 अरु वू डोंगा का किनार पर ली आयो अरु सब जमीन मे कुछ छोडी खे वोका पीछे चलि दियो.
LUK 5:12 जब वू कोय नगर मे थो. ते देख्यो. व्हा कोड से भर्यो हुयो एक इन्सान थो. अरु व्ह यीशु खे देखी खे मेडा, उपर गिर्यो. अरु प्रार्थना करी. कि हे परमेश्वर अगर तू चाह्ये ते मेखे अच्छो करी सकस हइ.
LUK 5:13 वो ने हात सामे करी खे वोखे पकड्यो अरु बोल्यो मी चाहुस की तू अच्छो हुय जा अरु वोको कोढ तुरुत अच्छो हुयो.
LUK 5:14 जब वो ने वोखे बतायो. कि कोय, से नी बोलनू. पर जय खे अपना आप खे याजक खे बता. अरु अपनो अच्छो होन, बारे मे जो कुछ मूसा ने चडावो ठयरायो हइ ओखे चडा. कि वुन पर गवइ हुये.
LUK 5:15 पन वो की चर्चा अरु भी फैलती गय. अरु बडी की गर्दी वो की सुनन, लिये अरु अपनी बिमारी से अच्छो होन, लिये जमा हुया.
LUK 5:16 पन वु जंगल मे अलग जयखे प्रार्थना कर्या करतो थो.
LUK 5:17 अरु एक दिन असो हुयो कि वु उपदेस दि रो थो. अरु फरीसी अरु व्यवस्थापक व्हा बठ्या हुया था. जो गलील अरु यहूदीया, हर एक गाव से. अरु यरुशलेम से आया था. अरु अच्छो करण, लिये परमेश्वर को सामर्थ्य वोका सात थो.
LUK 5:18 अरु देख कोय दुन्या एक इन्सान खे जो बिमारी को मारो हुयो थो. खटीया पर लयो. अरु वे वोखे अंदर ली जान अरु यीशु का सामने रखन को उपाय ढूडता था.
LUK 5:19 अरु तब गर्दीकरण वोखे अंदर नी लीजय सक्यो ते वुनने छपर पर चडी खे अरु कवेली अलग करी खे. वोखे खटीया सहीत बीच मे यीशु का सामने उतारी दियो.
LUK 5:20 वोने वुन को विश्वास देखीखे वोका से बोल्यो. हे इन्सान. तरा पाप माफ हुया.
LUK 5:21 जब शास्त्री अरु फरीसी वाद विवाद करण लग्या. कि यो कोन आय. जो परमेश्वर की नीन्दा करस हइ? परमेश्वर खे छोडी कोन पाप की माफी करी सकस हइ?
LUK 5:22 यीशु ने वुन, मन की बात जानीखे. वुन से बोल्यो कि तुम अपना मन मे, वाद विवाद करी रास हइ?
LUK 5:23 सोपो का हइ? का यो बोलनु. कि तरो पाप माफ हुया. या यो बोलनु कि उट. अरु धुम फिर?
LUK 5:24 पन येका लिये कि तुम जान कि इन्सान को बेटो खे जमीन पर पाप की माफ करण को भी अधिकार हइ वो ने वु बिमार को मारा हुया से बोल्यो. मी तरा से बोलूस. उट अरु अपनी खटीया उठइ खे अपना घर मे जा.
LUK 5:25 वु तुरुत उनका सामने उठा. अरु जोका पर वु पड्यो थो वोखे उठइ खे. प्रभु की महिमा करतो हुयो अपना घर चली गयो.
LUK 5:26 जब सब अचम्भा हुया अरु प्रभु की महिमा करण लग्यो. अरु खुप डरीखे बोलन लग्या. कि आज हम ने नवी बात देखीस हइ.
LUK 5:27 अरु येका बाद व्हा बाहेर गयो. अरु लेवी नाम एक पैसा लेनवालो खे चुगी की चौकी पर बठ्यो देख्यो. अरु वोका से बोल्यो. मरा पीछे चल.
LUK 5:28 जब व्हा सब कुछ छोडी खे उट. अरु वोका पीछे चल दिया.
LUK 5:29 अरु लेवी ने अपना घर मे वोका लिये बडी मेजवानी करी. अरु चुगी लेनआला अरु दुसरा तरप की जो वोका सात खान खे बठ्या था एक बडी गर्दी थी. अरु ओका पिछे अयगा था,
LUK 5:30 अरु फरीसी अरु वु, शास्त्री वुन का सेवक से यो बोलीखे कुरकुर लग्या. कि तु चुगी लेनवाला अरु पापी, सात क्‍यु खास-पीस हइ?
LUK 5:31 यीशु ने वु खे उत्तर दियो. कि डॉक्टर अच्छा कपडा, लिये नी पन बीमार का लिये जरुरती हइ.
LUK 5:32 मी धर्मीहोन खे नी. पन पापी खे मन फिराव का लिये बुलान आयोस.
LUK 5:33 अरु वुन ने वोका से बोल्यो. यहून्ना को सेवक ते बरोबर उपास रखस अरु प्रार्थना कर्या करस हइ. अरु वोसो य फरीसीहोन का भी. पन तरा सेवक तो खास पीस हइ.
LUK 5:34 यीशु ने वु से बोल्यो, तुम बरात से जब तक दुलो वुन, सात र्हेस. उपास करी सकस.
LUK 5:35 पन वे दिन आह्ये. जिन मे दुलो वुन से अलग कर्यो जाह्येय. जब वे वु दिन मे उपास कर्हे.
LUK 5:36 वो ने एक अरु दृष्‍टान्‍त भी वुन से बोल्यो. कि कोय इन्सान नवा कपडा मे से फाडीखे जुनो कपडा मे थेगडो नी लगाय. नी ते नवा फटी जाह्ये अरु व्हा थेगडो जुनो मे, बराबर भी नी खाय.
LUK 5:37 अरु कोय नवा अंगूर को रस जुना मडका मे नी भर्हेते. नी ते नवो अंगूर को रस नवा मडका खे फोडीखे बोहय जाह्ये. अरु मडको भी फुटी जाह्ये.
LUK 5:38 पन नवा अंगूर को रस नवा मडका मे भरनो चाह्ये.
LUK 5:39 कोय इन्सान जुना अंगूर को रस पीखे नवो नी चाहतो क्‍युकि व्हा बोलस हइ. कि जुनो ही अच्छो हइ.
LUK 6:1 फिर आराम का दिन व्हा खेत मे से हुयखे जयरा था. अरु ओका सेवक गहु कि उम्बी तोड तोडी खे. अरु हात से रगडी खे खाते जयरा था.
LUK 6:2 जब फरीसीहोन मे से कोय एक बोलन लग्यो. तुम व्हा काम क्‍यु करस हय जो आराम का दिन करणो अच्छो नी?
LUK 6:3 यीशु ने उन को उत्तर दियो “ का तुम ने यो नी पढ्यो. कि दाउद ने जब व्हा अरु ओका सात भूखा थो ते, कर्यो?
LUK 6:4 व्हा क्‍युकी परमेश्वर का घर मे गयो. अरु मीली की रोटि लिखे खैइ जो खानो याजक खे छोडी अरु कोय खे अच्छो नी अरु अपना सातआला खे भी दी.”
LUK 6:5 अरु वो ने वुन से बोल्यो. इन्सान को बेटो अराम को दिन को भी प्रभु हइ.
LUK 6:6 अरु असो हुयो कि कोय अरु एक दुसरो अराम को दिन खे व्हा आराधनालय मे जयखे उपदेस करण लगयो. अरु व्हा एक इन्सान थो. जोको जवनो हात सूख्यो थो.
LUK 6:7 शास्त्री अरु फरीसी होन पर दोस लगान को अवसर ढुडन का लिये वो की ताक मे था. कि देखे कि व्हा पवित्र का दिन अच्छो करतो हइ कि नी.
LUK 6:8 पन व्हा वुनका बिचार जानतो थो. येका लिये वोने से हाथआला इन्सान से बोल्यो. उट का बीच मे खडो हो व्हा उठी खे खडो हुयो.
LUK 6:9 यीशु ने वुन से बोल्यो. मी तुम से यो पूछुस कि आराम, दिन, अच्छो हइ. अच्छो करणो या बुरो करणो. जान खे बचानो कि नास करणो?
LUK 6:10 अरु वोने चारी तरप वे सब खे देखीखे वु इन्सान से बोल्यो. अपनो हात बडा वो ने असो य कर्यो. अरु ओको हात फिर अच्छो हुइ गयो.
LUK 6:11 पर वे खुद से बाहेर हुयखे आपस मे वाद विवाद करण लग्या कि हम यीशु का सात कर्ये?
LUK 6:12 अरु वे दिन मे एक टेकडा पर चढी खे प्रार्थना करण खे नीकल्यो. अरु प्रभु से प्रार्थना करण मे पुरी रात बिताय.
LUK 6:13 जब दिन नीकल्यो. ते वो ने अपना सेवकहोन खे बुलाय वुन मे से बारा खे चुनी लियो. अरु वुन खे प्रेरित बोल्यो.
LUK 6:14 अरु वे यो हइ शमौन जोको नाम वोने पतरस भी रख्यो. अरु वोको भैइ अन्द्रियास अरु याकूब अरु यहून्ना अरु फिलिप्पुस अरु बरतुल्मै.
LUK 6:15 अरु मत्ती अरु थोमा अरु हलफइस को बेटो याकूब अरु शमौन जो जेलोतेस बोल्‍यो जास.
LUK 6:16 अरु याकूब को बेटो यहूदा अरु यहूदा इस्करियोती. जो वोको पकडवानो बन्हे.
LUK 6:17 जब यीशु टेकडा पर से नीच्चे उतरीखे पिलेन जगा मे खडो हुयो. अरु वो का सेवक की बडी गर्दी. अरु सब यहूदीया अरु यरुशलेम अरु सूर अरु सैदा का समुद्र का किनार से भोत सारा दुन्या. जो वो की सुनन अरु अपनी बीमारी से अछा होन, लिये वोका पास आया थो. व्हा थो.
LUK 6:18 जो उनकी सुनन अरु अपनी बीमारीहोन से अच्छो होन, लिये ओका नजीक आया था, व्हा था अरु जो बुरी आत्मा का सताया हुया दुन्‍या भी अच्छो कर्यो जातो थो.
LUK 6:19 अरु सब वोखे पकडनो चाहता था. क्‍युकि वोमे से सामर्थ्य नीकली खे सब खे अच्छो करतो थो.
LUK 6:20 जब वोने अपना सेवक का तरप देखीखे बोल्यो. धन्‍य हय तुम. जो गरीब हय. क्‍युकि परमेश्वर स्वर्ग को राज तुम्‍हारो हइ.
LUK 6:21 धन्‍य हइ तुम. जो तु भूखो हय. क्‍युकि तृप्‍त कर्यो जाह्ये. धन्‍य हय तुम. जो तु रोवस हय. क्‍युकि हास्ये.
LUK 6:22 धन्‍य हइ तुम. जब इन्सान को बेटा का कारण दुन्या तरो से अलग कर्हे. अरु तुमखे नीकाली दिहे. अरु तरी मजाक कर्हे. अरु तरो नाम बुरो जानीखे काटी दिह्ये.
LUK 6:23 वु दिन खुशी हुय खे उछल्यो. क्‍युकि देख. तरा लिये स्वर्ग मे बडो प्रतीफल हइ वुन को बाप-दादा भविष्यव्दक्ता का सात भी अलग मे कर्यो करतो थो.
LUK 6:24 पर तरा पर. जो लकपती हइ. क्‍युकि तुम अपनी सब सुख मीली हय.
LUK 6:25 हय तुम पर. जो आब तृप्‍त हो. क्‍युकि भूखा हुये हय. तुम पर. जो आब हासस हो. क्‍युकि दुख कर्हे अरु रोहे.
LUK 6:26 तुम खे धिक्कार हय. तुमरी प्रससा हुये क्‍युकि उनका बापदादा ने भी पर जब सब इन्सान तुम खे अच्छो बोल्हे, क्‍युकि वुन, बापदादा झूटो भविष्यव्दक्ता का सात भी असो य कर थो.
LUK 6:27 पन मी तुम सुननवाला से बोलुस हय, कि अपना दुसमन से प्रेम रख. जो तुम से अलग कर्हे. वुन को अच्छो कर.
LUK 6:28 जो तुमखे श्राप दे, वुन खे आशिर्वाद दे जो तुम्‍हारो अपमान कर्हे. वुनका लिये प्रार्थना कर.
LUK 6:29 जो तरा एक गाल पर थप्‍पड मार्हे वोका तरप दूसरो भी पलटय दे. अरु जो तरी डबल छुड ली. वो को कुर्ता लेना से भी नी रोखनु.
LUK 6:30 जो कोय तरा से माग्हे. वोखे दे. अरु तरा से कोय कुछ माह्येका ते वापीस नी मागनू.
LUK 6:31 अरु जसो तुम चाहस हय कि इन्सानहोन तुम्‍हारा सात कर्हे. तुम भी वुन, सात वसो कर.
LUK 6:32 अगर तुम अपना प्रेम रखनवाला, सात प्रेम रख. ते तुम्‍हारी का महिमा? क्‍युकि पापी भी अपना प्रेम रखनवाला का सात प्रेम रखस हइ.
LUK 6:33 अरु अगर तुम अपनो अच्छो करणवालो येका सात अच्छो करस हय. ते तुम्‍हारी का महिमा? क्‍यु पापी भी असो करस हइ.
LUK 6:34 अरु अगर तु वोको उधार दे. जिन से फिर मीलन की आस रखस हय. ते तुम्‍हारी का महिमा? क्‍युकि पापी पापी खे उधार देस हइ. कि ओतनो ही फिर मील्हे.
LUK 6:35 पन अपनो दुशमन से प्रेम रख. अरु अच्छो कर अरु फिर मीलन की आस नी रखनु उधार दे. अरु तुम्‍हारा लिये बडो फल हुये. अरु तुम बडो इन्सान को बेटो रख्यो. क्‍युकि व्हा वुन पर जो धन्‍यवाद नी कर्‍हे अरु बुरो पर भी कृपा हइ.
LUK 6:36 जसो तुम्‍हारो बाप दयावान हइ. वसो य तुम भी दयावान बनू.
LUK 6:37 दोष मत लगा. ते तुम पर भी दोष नी लगाह्ये जाह्ये दोषी ने ठयरायो. ते तुम भी दोषी नी ठयरायो जाह्ये माफ कर. ते तुम्‍हारा भी माफ कर्यो जाह्ये.
LUK 6:38 दिया करणु. ते तुमखे भी दियो जाह्ये दुन्या पूरो माप दबय दबय खे अरु हलय? खे अरु बडते हुये तुम्‍हारा खोरा मे डाल्हे. क्‍युकि जो नाम से तुम मोज्हे हय. वोका से तुम्‍हा लिये भी मोज्यो जाह्ये.
LUK 6:39 फिर वोने वोका से एक दृष्‍टान्‍त बोल्यो, अन्‍धा को अन्‍धा खे रस्ता बतय सकस हइ? का दो गडा मे नी गिर्हे?
LUK 6:40 सेवक अपनो गुरु से बडो नी. पन जो कोय सिद्ध हुये. व्हा अपनो गुरु, बराबर हूये
LUK 6:41 तू अपना भैइ, आख को छोटो कचरो क्‍यु देखस हइ. अरु अपना य आख को लाकडी तोखे नी दिखे?
LUK 6:42 अरु जब तू अपना य आख को लाकडी नी देखस. ते अपनो भैइ से क्‍यु बोली सकस हइ. अरे भैइ. रुखी जा तरा आख से कचरो खे नी,ली दिव? हे कपटि. पहिले अपना आख से लाकडी निकाले. तब जो कचरो तरा भैइ, आख मे हइ. अच्छी तरासे देखीखे नीली सकस.
LUK 6:43 कोय अच्छो झाड नी. जो बुरो फल लाल्हे. अरु नी ते कोय बुरो झाड हइ. जो अच्छो फल लायो.
LUK 6:44 हर एक झाड अपनो फल से पहचान्यो जास हइ. क्‍युकि दुन्या झाड से अंजीर नी तोडनू. अरु नी बोयाबिज बेल से अंगूर.
LUK 6:45 अच्छो इन्सान अपनो मन, भर्यो भण्‍डार से अच्छी बात नी,लस हइ. अरु बुरो इन्सान अपना मन, बुरो भण्‍डार से बुरी बात नीकालस हइ. क्‍युकि जो मन मे भर्यो हइ उ वोका मेडा पर आस हइ.
LUK 6:46 जब तुम मेरो बोलनो नी मानस. तो क्‍यु मेखे हे प्रभु. हे प्रभु. बोलस हय?
LUK 6:47 जो कोय मरा पास आस हइ. अरु मरी बात सुनीखे वोखे मानास हइ. मी तुमखे बतास हइ कि वू कोय, बराबर हइ?
LUK 6:48 व्हा वु इन्सान का समने हइ. जेने घर बनान, टेममे भूय खोल खोदी खे फतर की पय्यो डाली. अरु जब बडो अय तो धार वु घर पर लगी. पन ओखे हलय न सकी. क्‍युकि उ पक्को बन्यो था.
LUK 6:49 पन जो सुनीखे नी बराबर. व्हा वु इन्सान का जसो हइ जेने मट्टी का पय्यो पर घर बनायो. जब वोका पर पाणी लग्यो ते वु तुरुत गिरी पड्यो. अरु गिरीखे सत्‍यानास हुय गयो.
LUK 7:1 जब उ दुन्या से या सब बात बोली चुक्यो. ते कफरनहूम मे आयो.
LUK 7:2 व्हा कोय सुबेदार को एक सेवक जो वोको प्रेम मे थो. बीमारी से मरना पर थो.
LUK 7:3 वोने यीशु की बातचित सुनीखे यहूदीयाहोन का कोय बापदादा इन्सान खे उन से ह्या प्रार्थना करण खे वोका पास भेज्यो. कि अयखे मरा सेवक खे अच्छो कर.
LUK 7:4 वे यीशु का पास आया ओका से बडी प्रार्थना करीखे बोलन लग्यो. कि वु यो योग्य हइ. कि तू वोका लिये ह्या कर्हे.
LUK 7:5 क्‍युकि वु हमारो राष्ट्र से प्रेम रखस हइ. अरु वोनेय हमारी आराधनालय खे बनयस हइ.
LUK 7:6 यीशु ओका सात सात चल पर जब वु घर से दूर नी थो. ते सेनापति ने वोका पास कोय दोस्त का वजेसे बोलन भेज्यो. कि हे प्रभु दुख मत उठा क्‍युकि मी यो योग्य नी. कि तू मरी छाय का तल्ले आह्ये.
LUK 7:7 यो करण मेने अपना आप खे यो योग्य भी नी समझ्यो कि तरा पास अवु. पर वचन मे बोली देस ते मरो सेवक अच्छो हुय जाह्ये.
LUK 7:8 मी भी दुसरा को अधिकार इन्सान आय. अरु सिपय मरा हात मे हइ. अरु जब एक खे बोल्योस. जा. ते व्हा जास हइ. अरु दूसरा से बोलस कि आका तु आस हइ. अरु अपनो कोय सेवक खे कि यो कर. ते व्हा वोखे करस.
LUK 7:9 यो सुनीखे यीशु ने अचम कर्यो. अरु वोने मेडो पलटय खे वु गर्दी से जो वोका पीछे अय री थी बोल्यो. मी तुम से बोलुस. कि मेने इस्राएल मे भी असो विश्वास नी पायो.
LUK 7:10 अरु भेज्यो हुयो दुन्या ने घर पलटी खे. वु सेवक खे अच्छो पायो.
LUK 7:11 थोडा दिन का बाद व्हा नाइन नाम को एक गाव खे गयो. अरु वोको सेवक अरु बडी गर्दी वोका सात जय री थी.
LUK 7:12 तब व्हा गाव कि फाटक का पास पहुचो. ते देख. दुन्या एक मुडदा खे बाहेर लिये जय रो थो. जो अपनी माय को येकलो बेटो थो. अरु वा विदवा थी अरु नगर का खुप दुन्या वोका सात थी.
LUK 7:13 वोखे देखी खे परमेश्वर खे दया अयी. अरु वो ने बोल्यो. मत रोय.
LUK 7:14 जब वो ने पास अयखे. अर्थी खे पकड्यो. अरु उठानआला रुखी गया. जब वो ने बोल्यो. हे जवान. मी तरा से बोल्युस. उट.
LUK 7:15 जब वु मुडदा उठी खे बठ्यो. अरु बोलन लग्यो अरु वो ने वोखे वो की माय खे दि दियो.
LUK 7:16 येमे से सब पर डर छय गयो. अरु वु परमेश्वर की महिमा करीखे बोलन लग्यो कि हमारा बीच मे एक बडो भविष्यव्दक्ता उठ्यो हइ. अरु परमेश्वर ने अपना दुन्या पर कृपा दुष्‍टि करी हइ.
LUK 7:17 अरु वोका बारेमे मे यो बात सब यहूदीया अरु आस पास का सब देस मे फैली गय.
LUK 7:18 अरु यहून्ना खे वोका सेवक ने या सब बात कि खबर दि.
LUK 7:19 जब यूहन्‍ना ने अपना सेवक मे से दो खे बुलखे परमेश्वर का पास यो पुछन का लिये भेज्यो. आनवालो तू मे हइ. या हम कोय अरु दूसरा की रस्ता देखा?
LUK 7:20 वुन ने वोका पास अयखे बोल्यो. यहून्ना बपतिस्मा देनआला ने हम के तरा पास यो पुछन खे भेज्यो हइ. कि का आनवालो तू ही हइ. या हम दूसरा की रस्ता देखा?
LUK 7:21 वाच टेम वो ने भोत बीमार. अरु पीडा. अरु बुरीआत्‍मा से छुडायो. अरु भोत सा अन्‍धा खे आख दीया.
LUK 7:22 अरु वो ने वोका से बोल्यो. जो कुछ तुम ने देख्यो अरु सुन्योस. जयखे यहून्ना खे बोलीदे. कि अंन्धो देखस. लगडो चली फिरी सकस हइ. कोढी अच्छो कयो जास हइ. अरु गरीब खे सुसमाचार सुनायो जास हइ.
LUK 7:23 अरु धन्‍य हइ वु. जो मरा करण ठोकर नी खाय.
LUK 7:24 तब यूहन्‍ना खे भेज्यो हुयो दुन्या चली दिया. ते यीशु यहून्ना को बारे मे दुन्या खे बोलन लग्यो. तुम जंगल मेका देखन गया था? हवा से हलाते हुयो सरकण्‍डे खे?
LUK 7:25 ते तुम फिर, देखन गया था? नाजूक कपडा पेन्यो हुयो इन्सान खे? देख्यो. जो भडकीला कपडा पेन्यो अरु सुख चैन से र्हेस हइ, वे राजभवन मे र्हेस हइ.
LUK 7:26 ते फिर, देखन गयो थो? कोय भविष्यव्दक्ता खे? ह्या. मी तुम से बोलुस. वरन भविष्यव्दक्ता से भी बडा खे.
LUK 7:27 यो उ हइ. जोका बारे मे लिख्योस हइ. कि देख मी अपना दूत खे तरा आगे आगे भेजुस जो तरा आगे रस्ता सीधि कर्हे.
LUK 7:28 मी तुम खे बोलुस कि जो बयहोन से जन्म्यो हइ. उन मे से यहून्ना से बडो कोय नी पर जो परमेश्वर का राज्य मे छोटो से छोटो हइ. व्हा वोका से भी बडो हइ.
LUK 7:29 अरु सब साधारण दुन्या ने सुनीखे अरु चुगी लेनवाला ने भी यहून्ना को बपतिस्मा लिखे परमेश्वर खे सच्छो मानी लियो.
LUK 7:30 पर फरीसीयो अरु व्यवस्थापक ने वो खे बपतिस्मा नी लिखे परमेश्वर की मनसा का अपना बारे मे टाली दियो.
LUK 7:31 अरु मी यो जगत की दुन्या की उपमा कोय से दिव कि कोय का बराबर हइ?
LUK 7:32 वु वे बच्चा का बराबर हइ जो बजार मे बठ्यो हुयो एक दूसरा खे पुकारी खे बोलतो हइ. हम ने तुम्‍हारा लिये बासरी बजय. अरु तुम नी नाच्या. हम ने विलाप कर्यो. अरु तुम नी रोया.
LUK 7:33 क्‍युकि यहून्ना बपतिस्मा देनवालो नी रोटी खाते आयो, नी अंगूर को रस पीते आयो, अरु तुम बोलस हय, वो मे बुरीआत्मा हइ.
LUK 7:34 इन्सान को बेटो खाते पीते आयो हइ, अरु तुम बोलस हय, देख कावरो अरु दारु कुट्यो इन्सान. चुगी लेनवाला का अरु पापी को दोस्त.
LUK 7:35 पर ज्ञान अपना सब बच्चा से सही न्यायी र्ही गयो हइ.
LUK 7:36 फिर कोय फरीसी ने वोका से प्रार्थना करी. कि मरा सात खानो खा. अरु व्हा वो फरीसी का घर मे जयखे खानो खान बठ्यो.
LUK 7:37 अरु देख. वु गाव की एक पापी बय यो जानीखे कि व्हा फरीसी का घर मे खानो खान बठ्योस हइ. सगमरमर का वस्तु मे अत्रर लय.
LUK 7:38 अरु वोका पाय का पास पीछे खडी हुयखे. रोती हुय वोका पाय खे आसु से भिजान अरु अपना माथा खे बाल से पोछन लगी अरु वोक पाय का बार बार चूम्मो लिखे वु कापर अत्रर को तेल मल्यो.
LUK 7:39 यो देखीखे. व्हा फरीसी जेने वोखे बुलायो थो. अपना मन मे सोचन लग्यो. अगर यो भविष्यव्दक्ता होतो ते समजी जातो. कि यो जो वोखे पकडी री हइ. व्हा कोन अरु कसी बय हइ? क्‍युकि व्हा तो पाप नी हइ.
LUK 7:40 यो सुनी यीशु ने वोको उत्तर मे बोल्यो. कि हे शमौन मेखे तोरा से कुछ बोलनो हइ व्हा बोल्यो. हे गुरु बोल.
LUK 7:41 कोय साहुकार का दो कर्जदार थो. एक पाच सौव. अरु दूसरो पचास चादी का सिक्का धारतो थो.
LUK 7:42 तब कि वोका पास पलटान खे कुछ नी र्हियो. ते वो ने दो खे माफ करी दियो, अरु वो मे से कोन वोका से जादा प्रेम रखेय.
LUK 7:43 शमौन ने उत्तर दियो. मरी समज मे व्हा. जेका बडा पैसा माफ करी गयो. “तुमने बरोबर उत्तर दियो.” मसीह यीशु ने बोल्यो.
LUK 7:44 अरु वा बय का तरप फिरीखे वोने शमौन बोल्यो, तू या बय खे देखस हइ? मी तरा घर मे आयो पन तोने मरा पाय धोन, लिये पानी नी दियो. पर ये ने मरा पाय आसु से भिजया. अरु अपना बाल से पोछी दियो.
LUK 7:45 तो ने मेखे चूमो नी दियो. पर जब से मी आयोस तब से ये ने मरा पाय का चूमो नी छोड्यो.
LUK 7:46 तो ने मरा माथा पर तेल नी मल्यो. पर ये ने मरा पाय पर अत्रर मल्यो हइ.
LUK 7:47 येकालिये मी तरा से बोलुस, कि येका पाप जो खुप था, माफ हुया, क्‍युकि ये ने खुप प्रेम कर्यो, पर जोको थोडी माफ हुयोस, व्हा थोडो प्रेम करस हइ.
LUK 7:48 अरु वोने बय से बोल्यो, “तरा पाप माफ हुयो.”
LUK 7:49 जब जो दुन्या वोका सात खानो खान बठ्यो थो, वे अपना अपना मन मे सोचन लग्या, यो कोन आय जो पाप कि भी माफ करस हइ?
LUK 7:50 पर वोने बय से बोल्यो. तरा विश्वास ने तोखे बचय लियो हइ? शांती से जय जा.
LUK 8:1 येका बाद व्हा नगर नगर अरु गाव गाव प्रचार करते हुयो अरु प्रभु को राज की सुसमाचार सुनाते हुयो फिरन लग्यो
LUK 8:2 अरु वे बारा वोका सात था अरु केतनी बयहोन भी जो बुरीआत्माहोन से अरु बीमारीहोन से छुडाये गया थो अरु वे यो हइ मरियम जो मगदलीनी बोली थी जोमे से सात बुरीआत्‍माहोन नीकली थी
LUK 8:3 अरु हेरोदेस, भण्‍डारी खुजा की बायको योहन्‍ना अरु सूसन्‍नाह अरु खुप सी अरु बयहोन ये तो अपनी धन से वो की सेवा करती थी
LUK 8:4 तब बडी गर्दी जमा हुय अरु गाव गाव का दुन्या वोका पास चली आता था, ते वो ने दृष्‍टान्‍त मे बोल्योस:
LUK 8:5 कि एक बोन आलो बीज बोन नीकल्यो भोते हुयो कुछ रस्ता का किनार गिर्यो. अरु खोद्यो गयो. अरु बद्दल का पक्षिहोन ने वोखे चुनी लियो.
LUK 8:6 अरु कुछ फतर पर गिर्यो. अरु वुग्यो. पन पानी नी मीलना से सूखी गया
LUK 8:7 कुछ झाडि का बीच मे गिर्यो. अरु झाडि का सात सात बडीखे वोखे दबय दियो.
LUK 8:8 अरु कुछ अच्छी जमीन पर गिर्यो.अरु वुगी खे सौव गुणा फल आया ह्या बोलीखे वो ने वुचा आवाज से बोल्यो. जेका सुनन खे कान हुये वे सुनी ले.
LUK 8:9 ओका सेवक ने यीशु से “यो दृष्‍टान्‍त को मतलब पुछ्यो का हइ?”
LUK 8:10 यीशु ने बोल्यो, “तुम खे परमेश्वर को राज का रहस्यो को पडय तुम दुन्या खे दि गय हइ. पन दुसरा खे फक्त दृष्‍टान्‍त मील्हे. जोका से वे देखी खे भी नी देख्या अरु नी सुनीखे भी नी समज्या.”
LUK 8:11 “दृष्‍टान्‍त को मतलब यो हइ बीज तो परमेश्वर को वचन हइ.”
LUK 8:12 रस्ता का किनार का गिर्या हुया बीज वे दुन्या हइ. जिनने सुन्‍यो. तब सैतान अयखे उनका मन मे से वचन उठय ली जास हय. कि खय असो नी होनु कि वे विश्वास करीखे उध्दार मील्हे.
LUK 8:13 चट्टान पर का वे हइ. कि जब सुनय हइ. ते खुशी से वचन खे स्वीकार करस हइ. पन जडी नी पकडना से वे थोडी देर तक विश्वास रखस हइ. अरु परीक्षा खे टेम भैइकी जास हइ.
LUK 8:14 जो झाडिहोन मे गिर्यो. यो वे हइ. जो सुनस हइ. पर आगे चली खे चिन्ता अरु दौलत अरु जिवन खे सुख-विलास मे फसी जास हइ. अरु उनको फल नी मील्हे.
LUK 8:15 पर अच्छी जमीन मे का वे हइ. जो वचन सुनीखे अच्छो अरु अच्छो मन मे सम्भाल्हे र्‍हेस हइ. अरु रुखी खे फल लास हइ.
LUK 8:16 “कोय भी दिवो खे जलय खे नी ते ओखे बर्तन से झाकस हइ अरु नी ओखे खटीया का नीचे रखता आस हय पन ओखे दीव्वा पर रखस हइ कि घर मे आन खेनी पन दुन्या देखी सख्ये.”
LUK 8:17 कुछ लुक्योस नी. जो प्रगट नी होय. अरु नी कुछ लुक्यो हइ. जो जान्यो नी जाह्ये. अरु प्रगट नी होय.
LUK 8:18 येका लिये चतरो र्‍हे कि तुम कोय रीति से सुनस हुये? क्युकी जेका पास हइ. ओखे दियो जाह्ये. अरु जेका पास नी हइ. ओकासे उ भी ली लियो जाह्ये. जेखे उ अपनो समझस हइ.
LUK 8:19 ओकी माय अरु ओको भैइ नजीक आयो. पर गर्दी का कारण ओकासे मीली नी सक्या.
LUK 8:20 अरु ओकासे बोल्यो गयो. “तरी माय अरु तरो भैइ बाहेर खडो हुयो तरा से मीलनो चाहस हइ.”
LUK 8:21 यीशु ने ओखे उत्तर मे उनसे बोल्यो. “मरी माय अरु मरो भैइ ये य हइ. जो परमेश्वर को वचन सुनस अरु मानस हइ.”
LUK 8:22 फिर एक दिन वे अरु ओका सेवक डोंगा पर चेढ्या. अरु ओने उनका से बोल्यो. “आ. नद्दी का पार चल.” येका लिये उनने डोगो खोली दीयो.
LUK 8:23 पर जब डोगो चली रोथो. ते व्हा सोय गयो अरु नद्दी पर आधी अय. अरु डोंगा मे पानी से भरन लग्यो अरु वे आपत मे था.
LUK 8:24 तब उनने नजीक अयखे ओखे जगायो. अरु बोल्यो. “गुरुजी! हम नाश हुया जास हइ.” तब ओने उठीखे आधी खे अरु पानी की लाट खे धमकय अरु वे रुखी गयो. अरु चुप हुय गयो.
LUK 8:25 अरु उनने उनका से बोल्यो. “तुम्हारो विश्वास खा थो?” पर वे डरी गया. अरु अचम्बो हुयखे आपस मे बोलन लग्या. “यो कोन आय. जो आधी अरु पानी खे भी आज्ञा देस हइ. अरु वे ओकी बात मानस हइ?”
LUK 8:26 फिर वे गिरासेनीयहोन का देस मे पहुच्या. जो वा पार गलील का सामने हइ.
LUK 8:27 जब व्हा किनार पर उतर्‍यो ते जमीन उ नगर को एक इन्सान ओखे मील्यो. जोमे बुरीआत्मा थी. अरु भोत दिन से कपडा नी पेनतो थो अरु नी घर मे र्‍हेतो थो क्युकी मरगट मे र्‍हे तो थो.
LUK 8:28 वहा यीशु खे देखी खे चिल्लायो. अरु ओका सामने गिरीखे बडा आवाज से बोल्यो. “हे परमप्रधान परमेश्वर को बेटो यीशु! मेखे तरा से काम? मी तुम्हारा से प्रार्थना करुस हय. मेखे दुख नी देनु.”
LUK 8:29 क्युकी व्हा उस बुरी आत्मा खे उ इन्सान मे से नीकलन की आज्ञा दि रा था. येका लिये कि व्हा ओका पर घडी घडी प्रबल होती थी. अरु अगर दुन्या ओखे हतकडी मे अरु साकल से बाधता था. ते भी व्हा बाधी आला खे को तोडी डालतो थो. अरु बुरीआत्मा ओखे जंगल मे भगायो फिरता था.
LUK 8:30 यीशु ने ओकासे पूछा. “तरो का नाम हइ?” ओने बोल्यो. “सेना.” क्युकी खुप बुरीआत्माहोन ओमे टेम मे गइ थी.
LUK 8:31 अरु उनने ओकासे प्रार्थना की. “हमखे यानेकी गड्डा मे जान की आज्ञा नी दे.”
LUK 8:32 व्हा टेकडा पर डुक्कर को एक बडो धन चरी रोथो. अरु उनने ओकासे प्रार्थना करी. “हमखे उनका सामने दे.” अरु ओने उनखे जान दियो.
LUK 8:33 तब बुरीआत्माहोन उ इन्सान से नीकलीखे डुक्कर मे समा गय अरु उ धन पर से झपटी नद्दी मे जय गिर्‍यो अरु डूबी मर्‍यो.
LUK 8:34 चरानआलो यो जो हुयो थो देखीखे भाग्हे. अरु नगर मे. अरु गावहोन मे जयखे ओको खबर बोल्यो.
LUK 8:35 अरु दुन्या यो जो हुयो थो ओखे देखन खे निकाले. खे अरु यीशु का नजीक अय खे जो इन्सान से बुरीआत्माहोन नीकली थी. ओखे यीशु का पास कपडा पेन्या अरु सचेत बठयो हुयो मील्यो ते वे डरी गया.
LUK 8:36 अरु देखनवाला ने उनखे बतायो. कि व्हा बुरीआत्मा का सताया हुया इन्सान कोय रंग अच्छा हुया.
LUK 8:37 तब गिरासेनीयहोन का नजीक पास का सब दुन्या ने यीशु से प्रार्थना करी. कि हमारा ह्या से जय जा. क्युकी उनका पर बडो डर हुय गयो थो. अरु व्हा डोंगा पर चडीखे वापीस गया.
LUK 8:38 जो इन्सान से बुरीआत्माहोन नीकली थी व्हा ओकासे प्रार्थना करण लग्यो. कि मेखे अपना साथ र्‍हेन दे. पन यीशु ने ओखे बिदा करीखे बोल्यो.
LUK 8:39 “अपना घर मे पलटी जा अरु दुन्या से बोली दे. कि परमेश्वर ने तरा लिये कसो बडो-बडो काम कऱ्योस हइ” व्हा सब नगर मे प्रचार करणे लगा. कि यीशु ने मरा लिये कसो बडो-बडो काम कर्‍यो.
LUK 8:40 जब यीशु पलटी रोथो. ते दुन्या ओकासे दुन्या खुसी का साथ मील्हे. क्युकी वे ओका सब उसकी प्रतीक्षा करी राथा.
LUK 8:41 अरु देख. याइर नाम एक इन्सान जो आराधनालय को मुखियो थो. आयो. अरु यीशु का पाय पर गिरीखे ओकासे प्रार्थना करणे लग्या. “मरा घर मे चल.”
LUK 8:42 क्युकी ओका बारा साल की एककुलती बेटी थी. अरु वा मरना पर थी. जब उ जय रो थो. तब दुन्या ओका पर गिरी गा.
LUK 8:43 अरु एक बय ने जेखे बारा साल से खुन बोहान की बिमारी थी अरु जो अपनी सब जिवन डाॅकटर का पीछे खर्चो कर चुक्या था अरु फिर भी कोय का हात से अच्छो नी हुय सकी थी.
LUK 8:44 पीछे से अयखे ओका कपडा को पदर खे छियो. अरु तुरुत ओको खुन बोहानो रुखी गयो.
LUK 8:45 येका पर यीशु ने बोल्यो. “मेखे कोने छियो?” जब सब मुकरण लग्या. ते पतरस अरु ओका सोपती ने बोल्यो. “हे स्वामी. तुमखे तो गर्दी दबय रीस हइ अरु तरा पर गिरी पडस हइ.”
LUK 8:46 पन यीशु ने बोल्यो. “कोय ने मेखे छियो हइ क्युकी मेने जानी लियोस हइ कि मरा मे से सामर्थ्य नीकलस हइ.”
LUK 8:47 जब बय ने देख्यो. कि मी लुकी नी सकु तब कापते हुयो आयो. अरु ओका पाय पर गिरीखे सब दुन्या का सामने बतायो. कि मेने कोय करण से तोखे छियो. अरु कसी तुरुत अच्छी हुय गयो.
LUK 8:48 ओने ओकासे बोल्यो. “बेटी तरो विश्वास ने तोखे अच्छो कर्‍योस हइ. शांती से चली जा.”
LUK 8:49 जब उ बोली रोथो. कि कोय ने आराधनालय को बुजुक का ह्या से अयखे बोल्यो. “तरी बेटी मरी गइ गुरु खे दुःख नी देनु.”
LUK 8:50 यीशु ने सुनीखे ओखे उत्तर दियो. “मत डरे. फक्त विश्वास रख. ते उ बची जाह्ये.”
LUK 8:51 घर मे अयखे ओने पतरस. अरु यहून्ना. अरु याकूब. अरु बेटा का माय बाप खे छोडी खे अरु कोय खे अपना सात अंदर आन नी दियो.
LUK 8:52 अरु सब ओका लिये रोय पीटी रा था. पन ओने बोल्यो. “रोय मत. वा मरी नी पन सोय रीस हइ.”
LUK 8:53 वे यो जानीखे कि मर गय हइ. ओकी हसी उडन लग्या
LUK 8:54 पन ओने ओका हात पकड्यो. अरु फुकारी खे बोल्यो “ओ बेटी उट!”
LUK 8:55 जब ओकि जान पलटी गयो अरु व्हा तुरुत उठी. फिर ओने आज्ञा दी. कि ओखे कुछ खान खे दियो जाह्ये.
LUK 8:56 ओकी माय-बाप चमकिगो हुयो. पन ओने उनने धम नो दी. कि यो जो हुयो हइ. कोय से नी बोल्यो.
LUK 9:1 फिर ओने बारा खे बुलय खे उनखे सब बुरीआत्माहोन अरु बीमारीहोन खे दूर करण की सामर्थ्य अरु अधिकार दियो.
LUK 9:2 अरु उनने परमेश्वर को राज को प्रचार करण. अरु बीमारी खे अच्छो करण का लिये बारा खे भेज्यो.
LUK 9:3 अरु ओने उनका से बोल्यो. “रस्ता, लिये कुछ नी लेनु नी ते लकडी. नी थैली. नी रोटी. नी पैसा अरु नी दो-दो कुर्ता.”
LUK 9:4 अरु जो कोय घर मे तुम उतर्‍यो. व्हा र्‍हेव. अरु व्हा से बिदा हुये.
LUK 9:5 जो कोइ तुमखे स्वीकार नी करण का ओखे उ नगर से नीकलते हुयो अपना पाय की धूलौ झाड डालो. कि उन पर गवाह हुये.
LUK 9:6 अरु वे नीकलीखे गाव-गाव सुसमाचार सुनाते. अरु हर एक दुन्या खे अच्छो करते हुयो फिरतो र्‍हे.
LUK 9:7 अरु देस को चौथोहिस्सो को राजो हेरोदेस यो सब सुनीखे घबरा गयो. क्युकी खे तना ने बोल्यो. कि यहून्ना मऱ्या हुया मे से जिन्दो उठनो हइ.
LUK 9:8 अरु खे तना ने यो. कि एलिय्याह दिखय दियो हइ अरु ने यो. कि जुन्नो भविष्यव्दक्ताहोन मे से कोय जिन्दो होनो हइ.
LUK 9:9 हेरोदेस ने बोल्यो. “यहून्ना खे तो खुद मे ने मार्‍यो थो फिर यो इन्सान कोन आय जोका बारेमे असी बात मी सुनीरोस हय?” अरु ओखे देखन की इच्छा करी.
LUK 9:10 फिर प्रेरितो ने वापीस जो कुछ उनने कर्‍यो थो. ओखे बताय दियो. अरु व्हा उनने अलग करीखे बैतसैदा नामक एक गाव खे लि गयो.
LUK 9:11 यो समजीखे गर्दी ओका पीछे चली दिया. अरु व्हा खुशी, सात ओकासे मील्यो. अरु उनका से परमेश्वर को राज की बात करण लग्या. अरु जो अच्छा होनो चाहतो थो. उनको अच्छो कर्‍हे.
LUK 9:12 जब दिन डुबन लग्यो. ते बारा ने अयखे ओकासे बोल्यो. “गर्दी खे बिदा करी. कि चारी तरप का गाव अरु बस्तिहोन मे जयखे अपना लिये र्‍हेन की जगा. अरु खाना को इनतजाम कर. क्युकी हम ह्या सुनसान जगह मे हइ.”
LUK 9:13 ओने उनका से बोल्यो. “तुम उनखे खान खे दे.” उनने बोल्यो. “दो सौ सिक्का, रोटि अरु दो मंछी खे छोडी खे अरु कुछ नी. पन ह्या. अगर हम जयखे ये सब दुन्या, लिये खानो मोल ली. तो सकस हइ.”
LUK 9:14 क्युकी व्हा पर नजीकपास पाच हजार दुन्या था. अरु उनने अपना सेवक से बोल्यो. उनखे पचास पचास करखे पगत मे बठय दे.
LUK 9:15 उनने असो य कर्यो. अरु सब खे बठय दियो.
LUK 9:16 तब ओने वे पाच रोटि अरु दो मंछी ली. अरु स्वर्ग का तरफ देखीखे धन्यवाद कर्यो. अरु तोडी-तोडीखे सेवक होन खे देते गयो कि दुन्या खे पोरसी दे.
LUK 9:17 अरु सब खाय खे तृप्त हुया. अरु बचा हुया टुकडा से बारा टोपली भरीखे उठइ ली.
LUK 9:18 जब व्हा सुनसान मे प्रार्थना करी रो थो. अरु सेवक ओका सात था. ते ओने उनसे पूछ्यो. “दुन्या मेखे का बोलस हइ?”
LUK 9:19 ओने उत्तर दियो. “यहून्ना बपतिस्मा देनआलो. अरु कोय-कोय एलिय्याह अरु कोय यो कि जुन्नो भविष्यव्दक्ताहोन मे से कोय जिन्दो उठ्यो हइ.”
LUK 9:20 ओने उनका से पूच्छो. “पन तुम मेखे का बोलस हय?” पतरस ने उत्तर दियो “परमेश्वर को मसीह.”
LUK 9:21 तब ओने उन धमकय खे बोल्यो. “यो को, से नी बोलनु.”
LUK 9:22 अरु ओने बोल्यो. “इन्सान को बेटा का लिये जरुरती हइ. कि उ खुप दुःख उठायो. अरु बापदादा अरु बडो याजक अरु शास्त्री ओखे बुरो समझी खे मारी डाल्यो. अरु उ तीसरा दिन जिन्दो उठ्यो.”
LUK 9:23 ओने सबसे बोल्यो. “अगर कोय मरा पीछे आनो चाह्ये. ते अपना आप से नाकारी खे अरु दरोज-दिन अपना क्रुस उठायो हुयो मरा पीछे हुय जा.”
LUK 9:24 क्युकी जो कोय अपनो जान बचानो चाह्ये व्हा ओखे गमाह्ये. पन जो कोय मरा लिये अपनो जान गमाह्ये व्हा ओखे बचाह्ये. क्युकी जो कोय अपनो जान बचानो चाह्ये व्हा ओखे गमाह्ये. पन जो कोय मरा लिये अपनो जान गमाह्ये ओसो ओखे बचाह्ये.
LUK 9:25 अगर इन्सान सब जगत खे मील्हे कर्हे. अरु अपनो जान गमाय दे. अरु ओको नुकसान उठाये. ते ओखे का लाभ हुये?
LUK 9:26 जो कोय मरा से अरु मरी बात से लजाह्ये. इन्सान को बेटो भी जब अपना. अरु अपना बाप. अरु पवित्र स्वर्गदूत की, महिमा सहित आह्ये ते ओकासे लाज्हे.
LUK 9:27 मी तुम से सच्ची बोलुस हय. कि जो यह्या खडो हइ, उन मे से कोय-कोय असा हइ कि जब तक परमेश्वर को राज नी देखी ली तब तक मरन को सवाद नी चखन को.
LUK 9:28 या बात खे कोय आठ दिन बाद व्हा पतरस. अरु यहून्ना अरु याकूब खे सात लीखे प्रार्थना करण खे लिये पहाड पर गयो.
LUK 9:29 जब व्हा प्रार्थना करी रो थो, ते ओको मेडा को रुप बदली गयो, अरु ओका कपडा उजरा हुयखे चमकन लग्यो.
LUK 9:30 तब. मूसा अरु एलिय्याह. यो दो इन्सान उनका सात बात कर राथा.
LUK 9:31 ये महिमा सहित दिखाय दियो. अरु ओका मरन की बात करी राथा. जो यरुशलेम मे होन आला थो.
LUK 9:32 पतरस अरु ओका सात वाला नीद से भरी थी. अरु जब अच्छी तरह जागा हुयो. ते ओकी महिमा. अरु वे दो इन्सान खे. जो ओका सात खडा था. देख्या.
LUK 9:33 जब वे ओका पास से जान लग्या. ते पतरस ने यीशु से बोल्यो. “हे स्वामी. हमारा ह्या र्‍हेनो अच्छो हइ अरु हम तीन मण्डप बनायो. एक तरा लिये. एक मूसा, लिये. अरु एक एलिय्याह, लिये.” व्हा समजती नी थी. किका बोली रीस हइ.
LUK 9:34 व्हा बोली रो थो कि एक बद्दल अय खे उनका पर छय गयो अरु बद्दलसे धेर्‍यो जानकर ते वे भोत डर गया.
LUK 9:35 अरु उ बादल मे से या बात नीकली. “यो मरो बेटो अरु मरो चुन्यो हुयो हइ येकी सुन.”
LUK 9:36 या बात होते य यीशु एकलो मीली गयो. अरु वे चुप र्‍हि. अरु जो कुछ देख्यो थो. ओकी कोय बात वे दिन मे कोय खे नी बोलनु.
LUK 9:37 अरु दूसरा दिन जब वे टेकडा से उतार्यो. ते एक बडी गर्दी ओकासे अय खे मीली.
LUK 9:38 तब. गर्दी मे से एक इन्सान ने चिल्लाय खे बोल्यो. “हे गुरु. मी तुम से प्रार्थना करुस हय कि मरो बेटा पर कृपा दृष्‍टि करी. क्युकी व्हा मरो एकलौतो हइ.
LUK 9:39 अरु देख. एक बुरी आत्मा ओखे पकडस हइ, अरु व्हा एका एकी चिल्लय उठ्योस हइ. अरु व्हा ओखे असो मुर्गडस हइ. कि व्हा मुडा मे फेस भरी लास हइ. अरु ओखे कुचलीखे तकलीफ से छोडी देस हइ.
LUK 9:40 अरु मे ने तरा सेवक से प्रार्थना करी. कि ओखे निकाले. पन वे नी नीकली सक्या.”
LUK 9:41 यीशु ने उत्तर दियो. “हे अविश्वासी अरु जिद्दी दुन्या मे कब तक तुमारा सात तुम्हारी सह्यु? अपनो बेटा खे यो ली आयो.”
LUK 9:42 व्हा अय य रा था कि बुरीआत्मा ने ओखे पटकीखे मुर्गड्यो. पन यीशु ने बुरी आत्मा खे धमकय खे अरु बेटा खे अच्छो करीखे ओको बाप खे दि दियो
LUK 9:43 तब सब दुन्या परमेश्वर को महा सामर्थ्य से अचम हुयो. पन जब सब दुन्या वे सब काम से जो उ करतो थो. अचम्बो करी रा था. ते उनने अपना सेवक से बोल्यो.
LUK 9:44 “या बात तुम्हारा ,न मे पडी र्‍हे क्युकी इन्सान को बेटो इन्सानहोन का हात मे पकडायो जान खे हइ.”
LUK 9:45 पन वे या बात को न समझनो नी चाहयो नी मील्यो. अरु वे या बात का बारे मे ओकासे पुछ ना से डरता था.
LUK 9:46 फिर उनमे यो विवाद होन लग्यो. कि हम मे से बडो कोन हइ?
LUK 9:47 पर यीशु ने उनका मन को बिचार जानी लियो. अरु एक बच्चा खे लीखे अपना पास खडो कर्‍यो.
LUK 9:48 अरु उनका से बोल्यो. “जो कोय मरा नाम से यो बच्चा खे अपना ह्ये करतो हइ. उ मेखे अपनास हइ. अरु जो कोय मेखे अपना तो हइ. उ मरो भेजनआला खे अपनास हइ. क्युकी जो तुम मे सबसे छोटा से छोटो हइ. उ बडो हइ.”
LUK 9:49 तब यहून्ना ने बोल्यो. “हे स्वामी. हमने एक इन्सान खे तरा नाम से बुरीआत्माहोन खे नीकालते देख्यो. अरु हमने ओखे मना कर्‍यो. क्युकी उ हमारा सात हुइखे तरा पीछे नी हुइ लेतो.”
LUK 9:50 यीशु ने ओकासे बोल्यो. “ओखे मना मत कर्‍हे. क्युकी जो तुम्हारा खीलाप मे नी व्हा तुम्हारा तरप हइ.”
LUK 9:51 जब ओका उपर उठाह्ये जान को दिन पूरा होना पर थो. ते ओने यरुशलेम खे जाने को बिचार पक्को कर्‍यो.
LUK 9:52 अरु ओने अपना आगे दूत भेज्या वे सामरीहोन को एक गाव मे गया. कि ओका लिये जगह तैयार कर.
LUK 9:53 पन वे दुन्या ने ओखे उतरननी दियो. क्युकी व्हा यरुशलेम मे जय रा था.
LUK 9:54 यो देखीखे ओका सेवक याकूब अरु यहून्ना ने बोल्यो. “हे प्रभु, तू चाहस हइ. कि हम आज्ञा दिह्या. कि बद्दल से अंगार गिरीखे उनखे खतम करी दिह्ये?”
LUK 9:55 पन ओने फिरीखे उनखे धमकय अरु बोल्यो. “तुम नी समजो कि तुम कसी आत्मा, हय. क्युकी इन्सान को बेटो दुन्या का जान खे खतम करणो नी क्युकी बचान, लिये आयोस हइ.”
LUK 9:56 अरु वे कोय अरु गाव मे चली दिया.
LUK 9:57 जब वे रस्ता मे चल्यो जातो थो. ते कोय ने ओकासे बोल्यो. “झा-झा तू जाह्ये. मी तरा पीछे हुय जाह्यु.”
LUK 9:58 यीशु ने ओकासे बोल्यो. “लाडग्या को भट अरु बद्दल को पक्षियो को बसेरो होस हइ. पन इन्सान को बेटा को माथो रखन की भी जगा नी.”
LUK 9:59 ओने दूसरा से बोल्यो. “मरा पीछे चल.” ओने बोल्यो. “हे प्रभु. मेखे पैयले जान दे कि अपना बाप खे गाडी दिव.”
LUK 9:60 ओने उनसे बोल्यो. “मर्‍यो हुया खे अपनो मेर्दो गाडन दे. पर तू जयखे परमेश्वर को राज की कथा सुना.”
LUK 9:61 एक अरु ने भी बोल्यो. “हे प्रभु. मी तरा पीछे चल ह्यु. पर पैयले मेखे जान दे कि अपना घर, दुन्या से बिदा हुय आस.”
LUK 9:62 यीशु ने उनसे बोल्यो. “जो कोय अपना हात हल्ली पर रखस पीछे देखस हइ. उ परमेश्वर को राज को लायक नी.”
LUK 10:1 अरु या बात का बाद प्रभु ने बाहत्तर अरु इन्सान चुनीलियो कि अरु जो जो नगर अरु जगा खे व्हा खुद समझना पर था. व्हा उनखे दो-दो करीखे अपना से पैयले उनखे भेज्यो.
LUK 10:2 अरु यीशु ने उनका से बोल्यो. पक्को खेत खुप हइ. पन मजुर थोडा हइ येका लिये खेत को स्वामी से प्रार्थना कर. कि व्हा अपना खेत काटन खे मजुर भेजी दे.
LUK 10:3 जाओ. मी तुमखे लाडग्या का जसो मेढाहोन का बीच मे भेजुस हय.
LUK 10:4 येका लिये बटुवो नी थैली. नी जुता ले. अरु नी रस्ता मे कोय को नमस्कार कर.
LUK 10:5 जो किय घर मे जाव. पैयले बोल. यो घर पर शांती हुये.
LUK 10:6 अगर व्हा कोय शांती को योग्य हुये. ते तुम्हारो शांती ओका पर रुखन को. नी ते तुम्हारा पास वापीस आह्ये.
LUK 10:7 उये घर मे र्‍हेव. अरु जो कुछ उनका से मील्हे. व्हा खाओ-पीओ. क्युकी मजुर खे अपनी मजुरी मीलन खे य होनु. घर-घर नी फिरनू.
LUK 10:8 अरु जो नगर मे जा, अरु वहा का दुन्या तुमके उतारे, ते जो कुछ तुमारा सामने रख्यो जाये उई खा.
LUK 10:9 व्हा की बीमारी खे अच्छो कर अरु उनका से बोल. परमेश्वर को राज तुम्हारा नजीक अय पहुच्योस हइ.
LUK 10:10 पन अगर तुम कोय नगर मे प्रवेश करणु अरु व्हा नगर आलाहोन को दरवाजा अपनायो नी कर्‍यो जातो थो उ नगर की गल्लिहोन मे जाय खे यो घोषणा कर.
LUK 10:11 तुम्हारा नगर को धुलो भी. जो हमारा पाय मे लगस हइ. हम तुम्हारा सामने झाडि देस हइ. फिर भी यो जानी ले. कि परमेश्वर को राज तुम्हारा नजिक आय पहुच्योस हइ.
LUK 10:12 मी तुमारा से बोलुस हय. कि उ दिन उ नगर की दशा से सदोम की दशा सहन योग्य हुये.
LUK 10:13 हाय खुराजीन! हाय बैतसैदा! जो सामर्थ्य काम तुम म कर्यो गयो. अगर वे सूर अरु सैदा मी कर्यो जातो ते ठाटी होडीखे अरु राख मे बठीखे वे कब का मन फिरातो.
LUK 10:14 पन न्याय का दिन तुम्हारी दशा से सूर अरु सैदा की दशा जादा सहन योग्य हुये.
LUK 10:15 अरु हे कफरनहूम, का तू स्वर्ग तक उच्चो कर्‍यो जाह्ये? तू तो अधोलोक तक नीचे जाह्ये.
LUK 10:16 “जो तुम्हारी सुनस हइ. व्हा मरी सुनस हइ. अरु जो तुमखे तुच्छ जानता हइ. व्हा मेखे तुच्छ जानस हइ. अरु जो मेखे तुच्छ जानस हइ. व्हा मरो भेजनआला खे तुच्छ समजस हइ.”
LUK 10:17 वे बाहात्तर चेला खुशी से फिर अयखे बोलन लग्या. “हे प्रभु. तरा नाम से बुरीआत्मा भी हमारा बस मे हइ.”
LUK 10:18 यीशु ने उनका से बोल्यो. “मी सैतान की बिजली का जसो स्वर्ग से गिर्‍यो हुयो देखीरो थो.
LUK 10:19 मेने तुमखे दि दियो साप अरु बिच्छुहोन खे खुदन खे. अरु दुशमन की सब सामर्थ्य पर अधिकार दियो हइ. अरु नी होन को.
LUK 10:20 ते भी येका से खुशी मत होनु. कि आत्मा तुम्हारा बस मे हइ. पन येका से खुशीसे हुय खे कि तुम्हारो नाम स्वर्ग पर लिखयो गयोस हइ.”
LUK 10:21 मसीह यीशु पवित्र आत्मा खे खुशी से भरीखे बोलन लगीया. हे बाप स्वर्ग अरु पृथ्वी को प्रभु. मी तरो धन्यवाद करुस हय. कि तोने या बात खे ज्ञानीहोन अरु समझदार से लुकय रख्यो. अरु बच्चा पर प्रगट कर्‍यो ह्या. हे बाप. क्युकी तोखे यो अच्छो लग्यो.
LUK 10:22 मरा बाप ने मेखे सब कुछ दि दियो हइ. अरु कोय नी समज्हे कि बेटो कोन हइ. फक्त बाप अरु बाप कोन हइ यो भी कोय नी समज्हे. फक्त बेटा, अरु व्हा जेका पर बेटो ओखे प्रकट करणो चाह्यो.
LUK 10:23 अरु सेवक खे तरप पलटी खे एकला मे बोल्यो. “धन्य हइ वे आख. जो तुम या बात जो तुम देखेता हुये देखस हइ.
LUK 10:24 क्युकी मी तुमारा से बोलुस हय. कि बहोत सा भविष्यव्दक्ता अरु राजाहोन ने चाह्यो कि जो बात तुम देखस हय देख अरु जो बात तुम सुनस हय ते सुन. पर नी सुनी.”
LUK 10:25 तब एक व्यवस्थापक उठ्यो. अरु यो बोलीखे ओकी परीक्षा करण लग्यो. हे गुरु. अनन्त जिवन को वारिस होन का लिये मी, करु?
LUK 10:26 यीशु ने उनसे बोल्यो. “व्यवस्था मे का लिख्यो हइ? तू कसो पडस हइ?”
LUK 10:27 यीशु ने उत्तर दियो. “तू प्रभु अपनो परमेश्वर से अपना सब मन अरु अपनो सब जान अरु अपनी सब शक्ति अरु अपनी सब दिमाक का सात प्रेम कर. अरु अपनो पडोसी से अपना जसो प्रेम रख.”
LUK 10:28 यीशु ने उनसे बोल्यो. “तोने ठीक उत्तर दियो. यो कर ते तू जिन्दो र्हिये.”
LUK 10:29 पन यीशु ने अपना आप खे न्याय रुखन की इच्छा से यीशु से पूछ्यो. “ते मरा बाजुआला कोन आय?”
LUK 10:30 यीशु ने उत्तर दियो एक इन्सान यरुशलेम से यरीहो खे जाय राथा. कि डाकुहोन ने घेरीखे ओका कपडा नीकाली लिया. अरु मारी पीटीखे ओखे आधोमर्‍यो छोडी खे चली दिया.
LUK 10:31 अरु असो हुयो कि वय रस्ता से एक याजक जय रो थो. पन ओखे देखीखे कतरीखे चली दियो.
LUK 10:32 या रीति से एक लेवी वा जगा पर आयो. व्हा भी ओखे देखी खे कतरी खे चली गयो.
LUK 10:33 पन एक सामरी इन्सान व्हा आय नीकल्यो. अरु ओखे देखी खे दया खाय.
LUK 10:34 अरु ओका पास अय खे अरु ओको घाव पर तेल अरु अंगूर को रस डालीखे पट्टिहोन बाधी. अरु अपनी सवारी पर चडीखे सराय मे ली गयो. अरु ओकी सेवा चाकरी करी.
LUK 10:35 दूसरा दिन ओने दो चादी का सिक्का, नीकाली खे दानपेटी का मालिक खे दिया. अरु बोल्यो. येकी सेवा चाकरी करनु. अरु जो कुछ तेरा तरप लगेह्ये. व्हा मी वापस आना पर तोखे दि दिह्यु.
LUK 10:36 यीशु ने उनका से बोल्यो. “व्हा जेने ओका पर तरस खायो.” यीशु ने ओका से . “जा तू भी असो य कर.”
LUK 10:37 यीशु ने बोल्यो. “व्हा जेने ओका पर दया कर मरा तरस खायो.” यीशु ने उनसे बोल्यो. “जा. तू भी असो य कर.”
LUK 10:38 फिर जब वे जै रहा था. ते व्हा एक गाव मे गयो. अरु मार्था नाम एक बय ने ओखे अपना घर मे उतार्‍यो.
LUK 10:39 अरु मरियम नामक ओकी एक भैइन थी. वा प्रभु, पाय का पास बठीखे ओको वचन सुनती थी.
LUK 10:40 पन मार्था सेवा करते घबरय गय अरु ओका पास अयखे बोलन लगी. “हे प्रभु, तोखे कुछ भी चिन्ता नी हय कि मरी भैइन ने मेखे सेवा करण, लिये एकली या छोडी दियो हइ? येका लिये ओकासे बोल्यो. मरी मद्दत कर.”
LUK 10:41 प्रभु ने ओखे उत्तर दियो. “मार्था. हे मार्था. तू खुप बात का लिये चिन्ता करस अरु घबरास हइ.
LUK 10:42 पन एक बात जरुरती हइ. अरु वा अच्छो भाग खे मरियम ने चुनी लियो हइ जो ओकासे छुडयो नी जाये.”
LUK 11:1 फिर यीशु कोय जगा प्रार्थना करी रा था. अरु जब व्हा प्रार्थना करी चुक्या.ते ओका सेवक मे से एक ने उनका से बोल्यो. “हे प्रभु. जसो यहून्ना ने अपना सेवक खे प्रार्थना करणो सिखायो वोसो य हमने भी तू सीखय दे.”
LUK 11:2 यीशु ने उनका से बोल्यो. जब तुम प्रार्थना कर. ते बोलो हे बाप. तरो नाम पवित्र मान्यो जाह्ये. तरो राज आह्ये.
LUK 11:3 हमारी दिन भर की रोटी हर दिन हमखे दियो करणू.
LUK 11:4 अरु हमारो पाप की माफी कर. क्युकी हम भी अपनो हर एक अपराध खे माफ करस हइ. अरु हम परीक्षा मे नी ला.
LUK 11:5 अरु यीशु ने ओकासे बोल्यो. “तुम मे से कोन हइ कि ओका एक दोस्त्त हय.” अरु व्हा आधी रात खे ओका पास जयखे ओकासे बोल्यो. हे दोस्त. मेखे तीन रोटिहोन दे.
LUK 11:6 क्युकी एक दोस्त जत्रा मे मरा पास आयोस हइ. अरु ओका आगे रखन, लिये मरा पास कुछ नी हइ.
LUK 11:7 अरु व्हा अंदर से उत्तर देतो. कि मेखे दुखी नी देनु. आप तो दरवाजो बन्द हइ. अरु मरो बच्चा मरा पास बिछानो पर हइ. येका लिये मी उठीखे तोखे दि नी स.
LUK 11:8 मी तुमारा से बोलतो हय. अगर ओको दोस्त होन पर भी ओखे उठखेनी देनू. फिर भी ओकी लाज छोडी खे मागन को करण ओखे जेतनो जरुरती हय ओतनी उठीखे आंग्या.
LUK 11:9 अरु मी तुमारा से बोलुस हय. कि माग. ते तुमखे दियो जाह्ये. ढूढ्ये ते तुम मील्हे. खटखटाह्ये. ते तुम्हारा लिये खोल्यो जाह्ये.
LUK 11:10 क्युकी जो कोय मागस हइ. ओखे मीलस हइ. अरु जो ढुढतो हइ. व्हा मालुम हइ. अरु जो खटखटातो हइ. ओका लिये खोल्यो जाह्ये.
LUK 11:11 तुमारा मे से असो कोन बाप हुये. कि जब ओको बेटो रोटी माह्ये. ते ओखे पत्थर दे अरु मंछी माह्ये ते मंछी का बदला ओखे साप दे?
LUK 11:12 अरु अण्डा माह्ये ते ओखे बिच्छु दे?
LUK 11:13 जब तुम बुरो हुय खे अपना बच्चा खे अच्छी चिज देनो मालुम हय. ते तुम्हारो स्वर्गीय बाप अपनो मागनवालो खे पवित्र आत्मा क्युव नी देनको.
LUK 11:14 फिर ओने एक मेकी बुरीआत्मा खे नीकल्यो. जब बुरीआत्मा नीकली गय. ते मेकी बोलन लगी. अरु दुन्या ने अचम्बो कऱ्यो.
LUK 11:15 पन उनमे से खे तना ने बोल्यो. “ह्या तो बुरीआत्माहोन को बडो मुखियो की सैतान की मदत से बुरीआत्माहोन खे नीकालतो हइ.”
LUK 11:16 दुसरा ने ओकी परीक्षा करण का लिये ओकासे बद्दल को एक चिन्ह माग्यो.
LUK 11:17 पन यीशु ने. उनका मन की बात समजी खे. उनसे बोल्यो. “जो जो राज्य मे फूट होस हइ. व्हा राज्य उजलते जास हइ. अरु जो घर मे फूट होस हइ. व्हा नास हुय जास हइ.”
LUK 11:18 अरु अगर सैतान अपना य खीलाप हुय जाह्ये. तो ओको राज कसो बन्यो र्‍हिये? क्युकी तुम मरा बारे मे तो बोलस हो. कि ह्या सैतान की सहायता से बुरीआत्मा नीकालता हइ.
LUK 11:19 अच्छो. अगर मी सैतान की मदत से बुरीआत्मा नीकाली करुस हय. तब तुम्हारा सेवक उनखे कोय की मदत से नीकल्यो करस हइ? परिणाम स्वरुप तुम्हारो चेलो तुमा पर इलजाम लगाह्ये.
LUK 11:20 पन अगर मी परमेश्वर की सामर्थ्य से बुरीआत्माहोन खे नीकालतो हूये. ते परमेश्वर को राज्य तुम्हारा पास अय पहुच्यो.
LUK 11:21 जब तभ इन्सान हतीयार बाध्यो हुयो अपना घर मे घुसीखे रखवाली करस हइ. ते ओकी धनदौलत बची र्‍हेस हइ.
LUK 11:22 पर जब तक ओमे से बठीखे कोय अरु ताखतआलो चलीखे करीखे ओखे जीत लेस हइ. ते ओको उ हथियार जेका पर ओको भरोसो थो. छुडय लेस हइ अरु ओकी धनदौलत चोरी खे बाटी देस हइ.
LUK 11:23 जो मरा साथ नी व्हा मरा खीलाप मे हइ. अरु जो मरा साथ नी समटस व्हा समटस हइ.
LUK 11:24 “जब बुरी आत्मा इन्सान मे से नीकली जास हइ ते सूकी जगा मे अराम ढूढती फिरस हइ. अरु जब नी मील्हे ते बोलस हइ. कि मी अपना उये घर मे झा से नीकली थी पलटी जाह्यु.
LUK 11:25 अरु अयखे ओखे झाड झुडिखे अरु सपा सपा मीलस हइ.
LUK 11:26 तब व्हा अयखे अपना से अरु बुरी सात आत्माहोन खे अपना साथ ली आस हइ. अरु वे ओमे टेम करस हइ. अरु उ इन्सान की जतनी दशा पैयले से भी बुरी होते जास हइ.”
LUK 11:27 जब व्हा या बात बोलीय रहा था ते गर्दी मे से कोय बय ने उच्चा अवाज से बोल्यो. “धन्य हइ व्हा गर्भ जोमे तू र्‍हियो अरु वे स्तन. जो तोने पियो.”
LUK 11:28 ओने बोल्यो. “हव. पन धन्य वे हइ. जो परमेश्वर को वचन सुनतो अरु मानस हइ.”
LUK 11:29 जब बडी गर्दी जमा होती जाती थी ते व्हा बोलन लग्या. “यो जमाना का दुन्या बुरो हइ. वे चिन्ह ढुडस हइ. पर नबी योना को चिन्ह खे छोडी कोय अरु चिन्ह उनखे नी दियो जाह्ये.”
LUK 11:30 जसो योना नीनवे का दुन्या का लिये चिन्ह रोख्यो. वोसोय इन्सान को बेटो भी यो जमाना का दुन्या का लिये रुख्ये.
LUK 11:31 दक्षिण की रानी न्याय को दिन या टेम को इन्सानहोन का साथ उठीखे उनखे दोषी ठयरायो. क्युकी व्हा सुलैमान, ज्ञान सुनन खे पृथ्वी, छेडा से आयो. अरु देख यो उ हइ जो सुलैमान से भी बडो हइ.
LUK 11:32 नीनवे का दुन्या को न्याय का दिन या टेम का दुन्या का साथ खडा हुयखे उनखे दोषी ठहयराह्ये. क्युकी उनने योना को प्रचार सुनीखे मन फिरायो अरु देख. यह्या व्हा हइ. जो योना से भी बडो हइ.
LUK 11:33 “कोय इन्सान दिवो जलय खे तलघर मे. या बर्तन खे नीच्चे नी टोपली. पन ओडा पर रखस हइ कि अंदर आनवालो उजारो मील्हे.
LUK 11:34 तरो आंग को दिवो तेरा आख हइ. येका लिए जब तरा आख नीर्मल हइ. ते तरो पुरो आंग भी उजालो हइ. पन जब व्हा बुरी हइ. ते तरो आंग भी अधारो हइ.
LUK 11:35 येका लिए सावधान र्‍हेनु कि जो उजालो तरा मे हइ व्हा अधारो नी हुय जाह्ये.
LUK 11:36 येका लिये अगर तरो पुरो आंग उजालो हूये. अरु ओको कोइ भाग अधारो नी र्‍हिये. ते सब का सब असो उजालो हुये. जसो वा टेम होस हइ. जब दिवो अपनी चमक से तोखे उजालो देस हइ.”
LUK 11:37 जब उ बातहोन करी र्‍हो थो. ते कोय फरीसी ने ओकासे प्रार्थना करी. कि मरा ह्या खानो खा. अरु उ अंदर जैखे खानो खान बैठ्या.
LUK 11:38 फरीसी ने यो देखीखे अचम्बो कर्यो कि ओने खानो खाना से पैयले हात-पाय नी धोया.
LUK 11:39 प्रभु ने ओखे बोल्यो. हे फरीसीहोन. तुम कटोरो अरु ठाटी, उपर उपर तो माजस हइ. पन तुम्हारा अंदर अधारो अरु बुरीआत्मा से भरी हइ.
LUK 11:40 हे बिनादिमाकहोन. जेने बाहेर को भाग बनायो, ओने अंदर को भाग नी बनायो?
LUK 11:41 पन हव. अंदर आली चिजहोन खे दान करी दे. तब सब कुछ तुम्हारा लिये अच्छो हुइ जाये.
LUK 11:42 पर हे फरीसीहोन तुम पर हाय! तुम पुदीना अरु सुदाब का अरु सब जात को बगीचा को रोप का दसवो भाग देस हइ पन न्याय खे अरु परमेश्वर को प्रेम खे टाली देस हइ होनु ते थो कि इनखे भी करता र्‍हेता अरु उन खे भी नी छोडतो.
LUK 11:43 हे फरीसीहोन तुम पर हाय! तुम आराधनालय मे मुख्य-मुख्य आसन अरु बाजरहोन मे नमस्कार चाहस हइ.
LUK 11:44 हाय तुम पर! क्योकि तुम उन लुकी खे कब्र, जसो हय. जिन पर दुन्या चलस हइ पन नी पहीचानस.
LUK 11:45 तब एक व्यवस्थापक ने ओको उत्तर दियो. “हे गुरु या बात खे बोलना से तू हमारी टिगल करस हइ.”
LUK 11:46 ओने बोल्यो. “हे व्यवस्था करणआलो तुम पर भी हाय! तुम असो बोझ जिन खे उठानो कठिन हइ. इन्सानहोन पर लादस हय पन तुम खुद वे बोझा खे अपनी एक उगली से भी नी पकडे.”
LUK 11:47 हाय तुम पर! तुम वे भविष्यव्दक्ताहोन की कब्र बनास हय. जिनने तुम्हारा बापदादा ने मारी डाल्यो थो.
LUK 11:48 अन्नत मे तुम गवाह हुये. अरु अपना बापदादा काम से सहमत हुये. क्युकी उनने तो उन खे मारी डाल्यो अरु तुम उनकी कब्रहोन बनास हय.
LUK 11:49 येका लिये परमेश्वर की दिमाक ने भी बोल्योस हइ कि मी उनका पास भविष्यव्दक्ताहोन अरु प्रेरितहोन खे भेज्हु. अरु वे उन मे से केत्ता खे मारी डाल्हे. अरु खेत्ता खे सताह्ये.
LUK 11:50 जबकी जोत्ताने भविष्यव्दक्ताहोन को खुन जगत की उत्पत्ति से बोहायो गयोस हइ. सब को लेख यो जगत दुन्या से लियो जाह्ये.
LUK 11:51 हाबिल को खुन से लिखी जकर्याह की खुन तक जो वेदी अरु सभा घर का बीच मे मार्‍यो गयो मी तुम से सच्ची बोलुस हय. ओको लिखो गयो टेम खे दुन्या से लियो जाह्ये.
LUK 11:52 हाय तुम व्यवस्थापक पर! कि तुम ने ज्ञान की कुंजी ली तो ली. पन तुम ने खुद अंदर नी कर्‍यो. अरु अंदर करणआलो खे भी रोखी दियो.
LUK 11:53 जब उ व्हा से नीकल्यो. ते शास्त्री अरु फरीसी भोत पीछे पडी गया अरु तरास देन लग्या. कि उ भोत सी बातहोन की चर्चा कर्ये.
LUK 11:54 अरु ओखे मारना मे लगया र्‍हिये. कि ओका मेडा की कोय बात पकडये.
LUK 12:1 येतना मे जब हजार की गर्दी लगी गय. ह्या तक कि एक दूसरा पर गिरी पडतो थो. ते व्हा सबसे पैयले अपना सेवक से बोलन लग्या. “फरीसीहोन को कपटी रुपी खमीर से हुशार र्‍हेनु.
LUK 12:2 कुछ झाक्यो नी. जो खोल्यो नी जाह्ये. अरु नी कुछ लुक्यो हइ. जो समजी नी जाह्ये.
LUK 12:3 येकालिये जो कुछ तुम ने अंधारा मे बोल्योस हइ. व्हा उजाला मे सुन्यो जाह्ये. अरु जो तुम ने अंदर का खोलीमे कानो कान बोल्योस हइ. व्हा छपर पर प्रचार कर्‍यो जाह्ये.
LUK 12:4 “पन मी तुम से जो मरा दोस्त हय बोल्यो जास हय. खे जो आंग खे मारी सकस हइ अरु ओकासे ज्यादा अरु कुछ नी करी सकस. उनका से मत डरे.
LUK 12:5 मी तुमखे चेतावनी दिउस हय कि तुम कि कोय से नी डरनु चाह्ये. मारन का बाद जो खे नरक मे डालन को अधिकार हइ. ओका से डर. क्युकी मी तुम से बोलुस हइ ओका से डर.
LUK 12:6 का दो पैसा की पाच कन्डा नी बेचाय? फिर भी परमेश्वर उनमे से एक खे भी नी भूलतो
LUK 12:7 क्युकी तुमारा माथा का सब बाल भी गिन्या हुया हइ. मत डरनु नी. तुम भोत कन्डा बडिखे हय.
LUK 12:8 “मी तुम से बोलुस हय जो कोय इन्सान का सामने मेखे मान्ये दुन्या उ इन्सान को बेटो भी परमेश्वर को स्वर्गदूतहोन का सामने मानी लिह्ये.
LUK 12:9 पन जो इन्सान का सामने मेखे मना कर्‍हे ओखे परमेश्वर को स्वर्गदूतहोन का सामने मना कर्‍यो जाह्ये.
LUK 12:10 “जो कोय इन्सान को बेटा का खिलाप मे कोय बात कर्‍हे. ओको व्हा गुन्हा माफ कर्‍यो जाह्ये. पन जो पवित्र आत्मा की नीन्दा कर्‍हे. ओका गुन्हा माफ नी कर्‍यो जाह्ये.
LUK 12:11 “जब दुन्या तुम आराधनालयहोन अरु अधिकारीहोन अरु अधिकारी होन का सामने ली जाह्ये. ते चिन्ता नी करणु कि हम कोय रीति से अरु का उत्तर दिह्या यो का बोल्हे.
LUK 12:12 क्युकी पवित्र आत्मा वय टेम तुम खे सीखी दिह्ये. कि का बोलनो चाह्ये.”
LUK 12:13 फिर गर्दी मे से एक ने ओकासे बोल्यो. “हे गुरु. मरो भैइ से बोल. कि बाप की दौलत मेखे बाटी दे.”
LUK 12:14 यीशु ने उनका से बोल्यो “हे इन्सान कोय ने मेखे तुम्हारो न्याय या बाटनआलो नीवडि कर्‍यो हइ?”
LUK 12:15 अरु यीशु ने उनका से बोल्यो “हुशार र्‍हेव अरु हर रंग को लोभ से अपना आप खे बचायो रख क्युकी कोय को जिवन ओकी दौलत की भोत से नी होय.”
LUK 12:16 यीशु ने उनका से एक दृष्‍टान्‍त बोल्यो. कोय लकपती की जमीन मे अच्छी फसल हुइ.
LUK 12:17 “तब व्हा अपना मन मे बिचार करण लग्या. कि मी का करु. क्युकी मरा ह्या जगह नी. झा अपनी फसल इत्यादि रखू.”
LUK 12:18 अरु यीशु ने बोल्यो मी ह्या करु ह्यु मी अपनी खेत तोडि खे ओकासे बडि बनाह्यु अरु व्हा अपनो सब अनाज अरु दौलत रखह्यु.
LUK 12:19 अरु अपनी जान से बोल्ह्यु कि जान रता पास खुप साल का लिये खुप दौलत रखी हइ चैन से खास पीस अरु सुखी से र्‍हे.
LUK 12:20 पन परमेश्वर ने लखपती से बोल्यो. हे अनाडि या रात तरी जान तरासे ली लियो जाह्ये. तब जो कुछ ने तो एक जगा कर्‍योस मे व्हा कोय को हुये?
LUK 12:21 असो य उ इन्सान भी हइ जो अपना लिये पैसा जमाकरस हइ पन परमेश्वर की नजर मे पैसा नी.
LUK 12:22 फिर यीशु ने अपना सेवक से बोल्यो. “येकालिये मी तुम से बोलुस हय. अपनो जिवन की चिन्ता मत कर. कि हम का खाह्या. नी अपना आंग की. का पेन्ह्ये”
LUK 12:23 क्युव खाना से जान अरु कपडा से आंग झाकि खे हइ
LUK 12:24 कव्वा पर ध्यान दे वे नी बोस हइ. नी काटस नी उनको खेत अरु नी खेत्ता होस हइ. नी फिर भी परमेश्वर उन खे खलास हइ. तुमारो मोल पक्षिहोन से कोय जादा हइ. फिर मसीह यीशु ने यो दृष्‍टान्‍त भी बोल्यो कोय की अंगूर की बाडी मे एक अंजीर को झाड लग्यो हुयो थो व्हा ओमे फल ढुडन आयो. पन नी मील्यो.
LUK 12:25 जब घर को स्वामी उठीखे दरवाजो बन्द करी चुक्योस हइ अरु तुम बाहेर खडो हुय दरवाजो ठोकिखे बोलन लग्या. हे प्रभु. हमारा लिये खोली दे कि मी तुम नी मालुम. तुम खा, आय?
LUK 12:26 तब तुम बोलन लगीगा. कि हमने तरा सामने खायो पियो अरु तोने हमारा बजार मे उपदेस दियो.
LUK 12:27 फुल पन व्हा बोल्हे. मी तुम बोलुस हय. मी नी समजु तुम खासे हय. हे बुरोकाम करणवाला. तुम सब मरासे दुर हो.
LUK 12:28 व्हा रोनो अरु दात कटरनो हुये. हे अल्पविश्वासिहोन जब तुम अब्राहम अरु इसहाक अरु याकूब अरु सब भविष्यव्दक्ताहोन खे परमेश्वर को राज मे बठी. अरु अपना आप खे बाहेर नीकली हुयो देख्ये.
LUK 12:29 अरु पूर्व अरु पश्चिम. उत्तर अरु दक्षिण से दुन्या अयखे परमेश्वर को राज को खाना मे मी मील्हु हय.
LUK 12:30 क्युकी जगत का अरु सभ दुन्या यो समजी लेव कि गैरयहूदीहोन खे तना पिछे हइ वे पैयले हुये. ते स्वर्ग से बाप अरु खेत्ता जो पैयले हइ पिछे हुये.
LUK 12:31 वय टेम मे खे तना फरीसीहोन ने अयखे यीशु से बोल्यो. “ह्या से नीकलीखे चली जा. क्युकी हेरोदेस का राज्य खे तोखे मारी देनो चाहस हइ.”
LUK 12:32 यीशु ने उकासे बोल्यो. जयखे उ लाडग्या से बोल्यो बाप खे दे. कि देख मी आज अरु कल बुरीआत्माहोन खे नीकालतो अरु बिमारी खे अच्छो करुस हइ राज्य देन को तत्पर हइ अरु तिसरा दिन अपनो काम पुरो कर्‍हु.
LUK 12:33 ते भी मेखे आज अरु कल अरु परसु चलनो जरुरती हइ. क्युकी हुय नी सखे कि कोय आकाशवाणी यरुशलेम का बाहेर धन मार्‍यो जाह्ये.
LUK 12:34 हे यरुशलेम! हे यरुशलेम! तु जो मन भविष्यव्दक्ताहोन खे मारी डालनो हइ. अरु जो तरा पास भेज्यो गयो उनखे फत्तर मारस हइ. खे त्ता बार मेने यो चाह्यो. कि जसी मुर्गी अपना बच्चा खे अपना पख, नीच्चे येकजगा करस हइ. वसो मी भी तरा धन खे जमा करु पर तुम ने यो नी चाह्यो.
LUK 12:35 तुमारो घर बन्धी के र्हिये अरु दिव्वो जलते र्हिये,
LUK 12:36 अरु तुम वे इन्सानहोन का जसा बन. जो अपना स्वामी की आनकी रस्ता देखीरास हय. कि व्हा भ्याव से कब आह्ये कि जब अयखे दरवाजो ठोक्हे ते झल्दी खोल देनू.
LUK 12:37 धन्य हइ वे सेवक . जिनखे स्वामी अयखे जगो मील्हे; मी तुम से सच्ची बोलस हय. कि व्हा कमर बाधी खे उनखे खानो खान खे बठाह्ये. अरु नजीक अयखे उनकी सेवा कर्‍हे.
LUK 12:38 अगर वा रात का दुसरा बारा बजे का बाद अरु तिन बजे का बाद अयखे उनखे जागो मील्यो. ते वे सेवक धन्य हइ.
LUK 12:39 पन तुम ह्या समजी रास. कि अगर घर को स्वामी समजस . कि चोर कोय टेम आह्ये. ते जागते र्‍हियो. अरु अपना घर मे घुसन नी देनको.
LUK 12:40 तुम भी तैयार र्‍हेव; क्युकी जो टेम तुम सोचे भी नी. वा टेम इन्सान को बेटो अय जाह्ये.
LUK 12:41 तब पतरस ने बोल्यो. “हे प्रभु. तुमारा ह्या दृष्‍टान्‍त का जसो हमारा लिये हइ या गर्दी का लिये भी?”
LUK 12:42 प्रभु ने बोल्यो. व्हा विश्वासयोग्य अरु दिमाक से बडो कोन हइ. जिनको स्वामी ओखे नवकर- चाकर पर मुखीयो रख्यो कि उनखे टेम पर खानकि चिजहोन दे.
LUK 12:43 अच्छो हइ उ सेवक जेखे ओको स्वामी वापीस पर ह्या करते हुयो मील्हे.
LUK 12:44 मी तुम से सच्ची बोलुस हय; व्हा ओखे अपनी सब दौलत पर अधिकारी रखे.
LUK 12:45 पन अगर चेलाहोन सोचन लग्या. की मरो स्वामी आना मे देर करी रोस हइ. अरु सेवक होन अरु दासीहोन खे मारन पिटन अरु खान पिन अरु पियक्कड होन लग्या.
LUK 12:46 ते सेवक को स्वामी असो दिन. जब उ ओका रस्ता नी करनू करी रास हय. अरु असी टेम जेखे व्हा समजो नी हय. अय गया अरु ओखे भरी दंण्ड दिखे ओको भाग अविश्वासीहोन का सात रोख्यो जाह्ये.
LUK 12:47 अरु व्हा सेवक जो अपनो स्वामी की इच्छा समजतो थो. अरु तैयार नी र्‍हियो अरु नी होनकि इच्छा का अनुसार चल. खुप मार खायो
LUK 12:48 पन जो नी समजीखे मार खानको बरबर काम कर्‍हे व्हा. जरासी मार खाह्ये. येकालिये जेखे भोत दियो गयोस हइ. ओकासे खुप माग्यो जाह्ये; अरु जेखे खुप दि दियो गयोस हइ. ओकासे खुप लियो जह्ये.
LUK 12:49 मी पृथ्वी पर अंगार लगन आयोस हय; अरु का चाहुस हय फक्त ह्या कि अभी चती जस.
LUK 12:50 मेखे तो एक बपतिस्मा लेनो हइ; अरु जब तक व्हा नी हुयु तब तक मी कसी उत्साहीत मे र्‍हिव.
LUK 12:51 का तुम समजस हय कि मी पृथ्वी पर शांती करन आयोस हय? मी तुम से बोलुस हय; नी. क्युकी अल्लग करन आयो हय.
LUK 12:52 क्युकी आब से एक घर मे पाच झन तुमारा से विरुध रखन. तिन दो से दो तीन से.
LUK 12:53 बाप बेटा से. बेटो बाप से खीलाप रखह्ये; माय बेटी से अरु बेटी माय से. सासु भव से अरु भव सासु से खिलाप.
LUK 12:54 अरु यीशु ने गर्दी से भी बोल्यो. “जब बद्दल खे पश्चिम से उठते देखस हय. ते तुरुत बोलस हय. की बारीश हुये; अरु असो य होस हइ.
LUK 12:55 अरु जब दक्षिणी हवा चलती देखस हय ते तुम बोलस हय कि खुप चल्हे. अरु असो होस हइ.
LUK 12:56 हे कपटिहोन. तुम धरती अरु आकाश का रुप मे भेद करी सकस हय. पन यो जगत का बारेमे का भेद करनू नी समज्हे?
LUK 12:57 “तुम खुद यो नीर्णय नी करी ले. कि अच्छो हइ?
LUK 12:58 जब तु अपना मुद्दा का सात न्यायाधिश का पास जय रास हइ. ते रस्ता य मी ओकासे छुटन को इजा करी ले असो नी हुये. की व्हा तोखे न्याय का पास खीची ली जाह्ये. अरु न्याय तोखे सिपय खे बन्दीगृह दि दियो अरु सिपय तोखे बंदीघर मे डाली दे.
LUK 12:59 मी तुम से बोलुस हय. की जब तक तु पाइ-पाइ नी चुकय दिह्ये तब तक व्हा से छुटनो नी मील्हे.”
LUK 13:1 वा टेम मे कुछ दुन्या अय पहुच्या. अरु ओकासे वे गलीलहोन की चर्चा करन लग्या. जिनको खुन पिलातुस ने उन मे का बलिदानहोन का सात मील्यो थो.
LUK 13:2 यो सुनीखे यीशु ने उनखे उत्तर मे यो बोल्यो. “का तुम समजस हय. कि यो गलीली बाकी गलीलिहोन से पापी था कि उनका पर असो पीडा मे गिर्‍यो?”
LUK 13:3 मी तुम से बोल्हु . कि नी पन अगर तुम मन नी फिराह्ये ते तुम सब भी या रिती से नास हुये.
LUK 13:4 अरु का तुम समजस हइ की वे अठरा जन जिन पर शीलोह को गुम्मट गिरियो अरु वे दबीखे मरी गया यरुशलेम का अरु सब र्‍हेनवाला से जदा गुना थो?
LUK 13:5 मी तुमारा से बोलुस हय. कि नी; पन अगर तुम मन नी फिराह्ये ते तुम भी सब या रीति से नास हुये
LUK 13:6 फिर मसीह यीशु ने यो दृष्‍टान्‍त भी बोल्यो. कोय की अंगूर की बाडि मे एक अंजीर को झाड लग्यो हुयो थो, व्हा ओमे फल ढुडन आयो. पन नी मील्यो.
LUK 13:7 तब ओने बाडी का रखवाली से बोल्यो. “देख तीन साल से मी यो अंजीर को झाड मे फल ढुडन अउस हइ.पन नी मालुम. येखे काटी डाल कि यो जमीन खे भी कायबर रोखी रा?”
LUK 13:8 ओने ओखे उत्तर दियो. कि हे स्वामी. येखे यो साल तो अरु र्‍हेन दे; कि मी येका चारी तरप खोदीखे खत डाल्हु.
LUK 13:9 अगर आगे फल्हे ते अच्छो. नी ते ओखे काटी देनु.
LUK 13:10 अराम का दिन व्हा एक आराधनालय मे उपदेस दि रोथो.
LUK 13:11 व्हा एक बय थी. जेखे अठरा साल से एक कमजोरी करनआली बुरी आत्मा लगी थी. अरु वा कुबडि हुय गय थी. अरु कोय रीति से सीधी नी हुय सकती थी.
LUK 13:12 यीशु ने ओखे देखीखे बुलायो. अरु बोल्यो. “हे बय. तु अपनी कमजोरी से छुटी गय.”
LUK 13:13 तब यीशु ने ओका पर हात रख्यो. अरु वा तुरुत सीधी हुय गी. अरु परमेश्वर की महिमा करन लगी.
LUK 13:14 येकालिये कि यीशु ने अराम का दिन ओखे अच्छो कर्‍यो थो. आराधनालय को मुखीयो रिसियाकर दुन्या से बोलन लग्यो. “छे दिन बाद हइ . जिनमे काम करनो चाहुस . येकालिये वेय दिन मे अयखे अच्छा हुया; पन अराम का दिन मे नी.”
LUK 13:15 यो सुनी खे प्रभु ने उत्तर दिखे बोल्यो. हे कपटिहोन. का अराम का दिन तुम मे हर एक अपना बैल अरु गधी खे खुटासे खोलीखे पानी पिलान नी लिजाय?
LUK 13:16 “अरु का अच्छो नी थो. कि ह्या बय जो अब्राहम की बेटी हइ. जेखे सैतान ने अठरा साल से बांधी खे रख्यो थो. अराम का दिन या बन्धन से छुटि जास?”
LUK 13:17 जब मसीह यीशु ने या बात बोली ते ओका सब दुसमन लाजवाने हुय गया. अरु सब बडि वा महिमा का काम से जो व्हा करतो थो. खुशी हुय जास हइ.
LUK 13:18 फिर मसीह यीशु ने बोल्यो. “परमेश्वर को राज्य कोय का जसो हइ? अरु मी ओकी तुलना कोकासे दिव?
LUK 13:19 परमेश्वर को राज रइ का दाना का जसो हइ. जेखे की इन्सान ने लिखे अपनी बाडी मे बोयो अरु व्हा बडि खे झाड हुय गयो; अरु बद्दल को पक्षिहोन ने ओकी डग्यान पर बठ्ये कि.”
LUK 13:20 यीशु ने फिर बोल्यो. “मी परमेश्वर को राज कि तुलना कोका से दिव?
LUK 13:21 व्हा खमीर का जसी हइ. जेखे कोय बय ने लिखे तिन माफ आटा मे मीलायो. अरु होते होते सब आटो खमीर हुय गयो.”
LUK 13:22 जब यीशु नगर-नगर. अरु गाव-गाव उपदेस देतो हुयो यरुशलेम का तरप जय रो थो.
LUK 13:23 अरु कोय ने पुच्छयो. “हे प्रभु. का उध्दार मीलन आला जरासा हइ? यीशु ने उनका से बोल्यो.”
LUK 13:24 तुमारी कोसीस या हय की तुम साकल दरवाजो से अंदर कर क्युकी मी बतय रोस हय कि भोत येमे अंदर तो चली दिया. अरु अंदर झना मे मुशकिल थी.
LUK 13:25 जब घर को स्वामी उठीखे दरवाजो बन्द करी चुक्योस हइ अरु तुम बाहेर खडो हुय दरवाजो ठोकिखे बोलन लग्या . हे प्रभु. हमारा लिये खोली दे कि मी तुम नी मालुम. तुम खा का आय?
LUK 13:26 तब तुम बोलन लगीगा. कि हमने तरा सामने खायो पियो अरु तोने हमारा बजार मे उपदेस दियो.
LUK 13:27 पन व्हा बोल्हे. मी तुम बोलुस हय. मी नी समजु तुम खासे हय. हे बुरोकाम करनवाला. तुम सब मरासे दुर हो.
LUK 13:28 व्हा रोनो अरु दात कटरनो हुये. जब तुम अब्राहम अरु इसहाक अरु याकूब अरु सब भविष्यव्दक्ताहोन खे परमेश्वर को राज मे बठी. अरु अपना आप खे बाहेर नीकली हुयो देख्ये.
LUK 13:29 अरु पूर्व अरु पश्चिम; उत्तर अरु दक्षिण से दुन्या अयखे परमेश्वर को राज को खाना मे मी मील्हु हय.
LUK 13:30 यो समजी लेव कि केतना पिछे हइ वे पैयले हुये. अरु केत्ता जो पैयले हइ पिछे हुये.
LUK 13:31 वय टेम मे खेतना फरीसीहोन ने अयखे यीशु से बोल्यो. “ह्या से नीकलीखे चली जा; क्युकी हेरोदेस तोखे मारी देनो चाहस हइ.”
LUK 13:32 यीशु ने ओकासे बोल्यो. “जयखे उ लाडग्या से बोल्यो दे. कि देख मी आज अरु कल बुरीआत्माहोन खे नीकालतो अरु बिमारी खे अच्छो करुस हइ अरु तिसरा दिन अपनो काम पुरो कर्‍हु.
LUK 13:33 ते भी मेखे आज अरु कल अरु परसु चलनो जरुरी हइ. क्युकी हुय नी सखे कि कोय भविष्यव्दक्ता यरुशलेम बाहेर मार्‍यो जाह्ये.
LUK 13:34 “हे यरुशलेम! हे यरुशलेम! तु जो भविष्यव्दक्ताहोन खे मारी डालनो हइ. अरु जो तरा पास भेज्यो गयो उनखे फत्तर मारस हइ; केत्ता बार मेने यो चाह्यो. कि जसी मुर्गी अपना बच्चा खे अपना पख का नीच्चे येकजगा करस हइ. वसो मी भी तरा बच्चा खे जमा करु पर तुम ने यो नी चाह्यो.
LUK 13:35 देख तुमारो घर तुमारा लिये उजाड छोड्यो जास हइ. अरु मी तुम से बोलुस हय; जब तक तुम नी बोलस हय. जब तक तुम नी बोल्हे . धन्य हइ व्हा. जो प्रभु का नाम से आस हइ. तब तक तुम मेखे कभी नी देख्ये.”
LUK 14:1 फिर व्हा अराम का दिन फरीसीहोन को मुखियो मेसे कोय का घर मे रोटी खान गयो अरु वे ओखे मारना मे था.
LUK 14:2 व्हा एक इन्सान ओका सामने थो. जेखे जलोदर कि बिमारी थी.
LUK 14:3 येका पर यीशु ने व्यवस्था करण आला खे अरु फरीसी होन से बोल्यो. “आराम को दिन अच्छो करणो अच्छो हइ. कि नी?”
LUK 14:4 पन वे चुप चाप र्‍हिया तब ओने ओखे हात लगय खे अच्छो कर्‍यो. अरु जान दियो.
LUK 14:5 अरु उनका से बोल्यो. “तुम मे से असो कोन हइ. जेको बेटो अरु बैल कुव्वा मे गीरी जाह्ये अरु व्हा अराम का दिन ओखे तुरुत बाहेत नीकाली ले?”
LUK 14:6 वे या बात को कुछ उत्तर नी दि सक्हे.
LUK 14:7 जब ओने देख्यो. कि बुलाय हुया दुन्या कसा बडी बडि जगा चुनी लेस हइ ते एक दृष्‍टान्‍त दिखे उनका से बोल्यो.
LUK 14:8 जब कोय तोखे असो नी हय. कि उनसे तरा से भी कोय बडी खे नीवता दिह्ये.
LUK 14:9 अरु जेने तोखे अरु ओखे दो की नीवता दि हइ. अयखे तरासे बोलस. येखे जगा दे अरु तब तोखे लाजवाने हुयखे सब से नीच्चे जगापर ही बठनो पडे.
LUK 14:10 पर जब तुम बुलाह्ये जाह्ये. ते सबसे नीच्चे जगा जा बठी. कि जब व्हा. जेने तरासे नीवता दिया हइ आ.ते तरासे बोल्यो हे दोस्त.आगे बडीखे बठ. तब तरा सात बठनवालो, सामने तरी आदर हुये.
LUK 14:11 क्युकी जो कोय अपना आप खे बडो बनाह्ये व्हा छोटो कर्‍यो जाह्ये.
LUK 14:12 तब उनका से अपनी नीवता देनआला से भी बोल्हे. “जब तु दिन खे रात खे भेजी खे. ते अपना दोस्त अरु भैइहोन अरु कुटुम अरु दुसराआला बाजुआला खे नी बुला. असो नी तोखे नीवता दि अरु तरा बदला मे हुय जाह्ये.
LUK 14:13 पन जब तुम खाना को इन्तजाम कर्‍हे ते गरीब लुलो. लगडो अरु अंधा खे बुला.
LUK 14:14 तब तु धन्य हुये. क्युकी उनका पास तोखे बदलो देन को कुछ नी. पन तोखे धर्मी होन खे जिन्दो उठना पर येको बदलो मील्हे.”
LUK 14:15 उनका सात खानो खान आला मेसे एक ने या बात सुनीखे उ,से बोली. “धन्य हइ व्हा. जो परमेश्वर को राज्य मे रोटी खयली.”
LUK 14:16 यीशु ने उनका से. बोल्यो “कोय इन्सान ने बडो खानो दियो अरु भोत झन खे बुलायो.”
LUK 14:17 जब खानो तैयार हुय गयो ते सेवक का हात बुलावो दियो दुन्या खे बुलखे भेज्यो आ आब खानो तैयार हइ.
LUK 14:18 पर वे सब का सब माफी मागन लग्या, पैयले नी ओका से बोल्यो मेने खेत मोल लियो हइ, अरु जरुरत हइ कि ओखे देखु मी तरासे प्रार्थना करुस हय, मेखे माफ करी दे.
LUK 14:19 दुसरा ने बोल्यो मेने पाच जोडी बैल मोल लिखे हइ. अरु उनखे पहुचान जयरोस हय. मी तरासे प्रार्थना करुस हय. मेखे माफ करी दे.
LUK 14:20 एक अरु ने बोल्यो. मे ने भ्याव कर्‍योस हइ. येका लिये मी नी अय सकु.
LUK 14:21 उ सेवक ने अयखे अपना स्वामी की या बात बोल सुनीयो. तब घर को स्वामी ने घृस्सा मे अयखे अपनो चेला से बोल. नगर का बजार अरु गल्लिहोन मे तुरुत जयखे गरीब लुला लगडो अरु अंधो खे ह्या ली आ.
LUK 14:22 सेवक ने फिर बोल्यो स्वामी. जसो तोने बोल्यो थो. वोसो य कर्यो गयो हइ. फिर भी जगा हइ.
LUK 14:23 स्वामी ने सेवक से बोल्यो. गाव पर अरु रस्ता का तरप जयखे दुन्या खे अन्दर ली आ जब मरो घर भरी जाह्ये.
LUK 14:24 क्युकी मी तुम से बोलुस हय. कि वे बुलया दुन्या मे से कोय मरो खानो नी खानको.
LUK 14:25 अरु जब बडी गर्दी ओका सात जय री थी. ते ओने पिच्छे फिरी खे ओने बोल्यो.
LUK 14:26 अगर कोय मरा पासाह्ये. अरु अपना अदमी अरु माय अरु लुगइ अरु बच्चा अरु भैइहोन अरु भैइन क्युकी अपनो जीवन तक से मरा से जादा प्रेम रखस हइ. ते उ मरो चेलो नी हुय सखे.
LUK 14:27 अरु जो कोय अपनो क्रुस नी उठाह्ये. अरु मरा पिच्छे नी आयो. व्हा भी मरो चेलो नी हुय सकस.
LUK 14:28 “तुम मे से कोन हइ कि मचाग बनानो चाहस हय.अरु पैयले बठीखे खर्चो नी जोडे. कि पुरो करण की सामर्थ मरा पास हइ कि नी?
LUK 14:29 कोय असो नी हुये जब पय्या दालीखे बनय नी सक्या. ते सब देखन आला ह्या बोलीखे ओको उपास कर्‍हे.
LUK 14:30 यो इन्सान बनान तो लग्यो. पन तैयार नी करी सक्यो?”
LUK 14:31 यो कोन असो राजो हइ. कि दुसरा राजा से वाद विवाद करण जास हय. अरु पैयले बठी खे बिचार नी करी लिह्ये कि जो बीस हजार लिखे मरा पर चडीखे आस हइ, मी दस हजार लीखे ओको जसो करी सकुस हय. कि नी?
LUK 14:32 नी ते ओका दुर र्‍हे तेय. व्हा दूत खे भेजी खे शांती करानो चाहस.
LUK 14:33 या रिती से तुम मे से जो कोय अपनो सब कुछ छोडी नी दे ते उ मरो चेलो नी हुय सखे.
LUK 14:34 “नोन तो अच्छो हइ. पन अगर नमक को सवाद बीगडी जाह्ये. ते व्हा कोय चिज से खारो कर्‍यो जाह्ये.
LUK 14:35 व्हा नी ते जमीन का अरु नी खेत का लिये काम मे आस हइ. ओखे तो दुन्या बाहेर फेकी देस हइ. जेका सुनन खे कान हुये वे सुनी ले.”
LUK 15:1 सब चुगी लेनवाला अरु पापी दुन्या मसीह यीशु को जब कि वचन सुन्हे.
LUK 15:2 अरु फरीसी अरु नीयम शास्त्री खुसुर मसुर बोलन लग्या. यो तो पापीहोन से मीलस हइ अरु उनका सात खातो भी हइ.
LUK 15:3 तब यीशु ने उनका से यो दृष्‍टान्‍त बोल्यो:
LUK 15:4 “तुम मे से कोन हइ जोकी सौव मेडा होन.अरु ओमे से एक गमी जाह्ये ते नन्यानवे खे मैदान मे छोडीखे. वा गमी हुइ खे जब तक मीली नी जाह्ये ढुडते नी र्‍हिया?
LUK 15:5 अरु जब मीली जास ते बडी खुशी से ओखे खादा पर उठय लेस हइ.
LUK 15:6 अरु घर मे अयखे दोस्त अरु बाजुआला खे जमा करीखे बोलस हइ ‘मरा सात खुसी कर. क्युकी मरा गम्या आला मेडा मीली गयस हइ.’
LUK 15:7 मी तुम खे बोलुस हय. कि या रिती से एक मन फिराव आलो न्यायी, बारे मे भी स्वर्ग मे येत्तोय खुशी हुये. जोतनाकी नव्यानव असो न्यायीहोन, बारे नी होतो. जिनने मन फिरान कि जरुरत नी.
LUK 15:8 “या कोन असी एक बय हुये. जेका पास दस चादी, दस सिक्काको हुये अरु ओमेसे एक गमी जाह्ये. ते व्हा दिवो जलय खे अरु घर झाडि झुडुप तक मीली नी जाह्ये. मन लगय खे ढुडती नी र्ही?
LUK 15:9 अरु जब मीली जास हइ. ते व्हा अपना दोस्तहोन अरु बाजु आलाहोन खे जमा करीखे बोलस हइ. कि ‘मरा सात खुशी कर. क्युकी मरो गम्यो आलो सिक्काको मीली गयोस हइ.’
LUK 15:10 मी तुमसे बोलुस हय. कि या रीति से एक मन फिरानआलो पापी का बारे मे परमेश्वर को स्वर्गदूतहोन, सामने खुशी होस हइ.”
LUK 15:11 फिर ओने बोल्यो. कोय इन्सान, दो बेटा था.
LUK 15:12 उनमे से छोटा ने बाप से बोल्यो हे बाप. दौलत मे से भाग मरो हय. व्हा मेख दे दिदिह्ये. यीशु ने उनखे अपनी दौलत बाटी दी.
LUK 15:13 अरु भोत दिन नी बित्यो थो कि छोटो बेटो सब कुछ जमा करीखे एक दुर देस खे चली दियो अरु व्हा बुरोकरम मे अपनी दौलत उडय दी.
LUK 15:14 जब उ सब कुछ खर्चो करी चुक्यो. ते उ देस मे बडो एकलो हुयगयो. अरु उ गरीब हुय गो.
LUK 15:15 अरु उ देस का र्‍हेनाना मे से एक, ह्या गयो. यीशु ने उनका से अपना खेत मे डुक्कर चरान का लिये भेज्हे.
LUK 15:16 अरु उ चाहतो थो. कि वे फिल्लिहोन से जो डुक्कर खाता था अपनो पेट भर्‍हे. क्युकी ओखे कोय कुछ नी देतो थो.
LUK 15:17 जब व्हा अपना आप मे आयो. तब बोलन लग्या. मरा बाप का केतना य मजूरहोन खे खाना से जादा रोटी मीलस हइ. अरु मी ह्या भुको मरी रोस हय.
LUK 15:18 मी आब उठीखे बाप का पास जाह्यु अरु ओकासे बोल्यु कि बाप जो मे ने स्वर्ग का खीलाप अरु तरा नजर मे पाप कर्योस हइ.
LUK 15:19 आब यो योग्य नी र्‍हियो कि तरो बेटो बोल्यो. मेखे एक का जसो रखीले.
LUK 15:20 तब व्हा उठीखे. अपना बाप खे पास चला उ अभी दुर री थो. कि ओको बाप ने ओखे देखीखे दया खै. अरु भागीखे ओखे गल्ला से लगायो. अरु खुप प्पपी ली.
LUK 15:21 बेटा ने उकासे बोल्यो. दादा. मेने स्वर्ग का खीलाप मे अरु तरी नजर मे पाप कर्‍योस हइ. अरु आब यो योग्य नी र्‍हियो. कि तरो बेटो बोल्हे.
LUK 15:22 पन बाप ने अपना सेवक से बोल्यो. झल्दी से अच्छा कपडा पेनय खे नीकलीखे ओखे. अरु ओका हात मे मुद्दी. अरु पाय मे जुता पेनाव.
LUK 15:23 अरु बडो खानो तय्यार कर जब की हम खाया अरु खुसी मनाव.
LUK 15:24 क्युकी मरो यो बेटो मरी गयो थो. आब मीली गयो हइ. अरु वे खुशी मनान लगीगा.
LUK 15:25 पन ओको बडो बेटो खेत मे थो. अरु जब व्हा आते हुयो घर का नजीक पहुच्यो. ते ओने गानो बजानो अरु नाचन को अवाज सुन्यो.
LUK 15:26 अरु ओने एक सेवक खे बुलय खे पुच्छो. यो का हुय रोस हइ?
LUK 15:27 सेवक ने बडा भैइ बोल्यो. तरो भैइ आयोस हइ. अरु तरा बाप ने अच्छो खानो तैयार कऱ्यो हइ. क्युकी ओखे अच्छो अच्छो दिख्यो हइ.
LUK 15:28 यो सुनीखे उ घुस्सा से भरी गयो अरु अंदर जानो नी चायो पन ओको बाप बाहेर येखे ओखे मनान लग्यो.
LUK 15:29 ओने अपना बाप खे उत्तर दियो. देक. मी येतना साल से तरी सेवा करी रो थो. अरु कभी भी तरी आज्ञा नी टाली. फिर भी तोने मेखे कभी एक बकरी को बच्चो भी नी दियो. की मी अपना दोस्तहोन का सात खुशी करु.
LUK 15:30 पन जब तरो यो बेटो. जेने तरी पुरी दौलत वेश्याहोन मे लुटय दिये हइ. अरु उ घर मे आयो. ते ओका लिये तोने बडो खानो तैयार कऱ्यो हइ.
LUK 15:31 ओने ओकासे बोल्यो बेटा. तू हमेशा मरा सात हइ. अरु जो कुछ मरो हइ उ सब तरो हइ.
LUK 15:32 पन अभी खुशी करणो अरु मगन होनो चास क्युकी यो तरो भैइ मरी गयो थो फिर जिन्दो हुय गयो हइ. फिर उ गमी गयो थो. अभी मीली गयो.
LUK 16:1 फिर मसीह यीशु ने अपना नवकर खे ह्या कोय लकपती को एक दानी थो. अरु दुन्या ने उनका सामने स्वामी पर दोष लगाह्यो कि उ तरी सब दौलत उडय देस हइ.
LUK 16:2 येका लिये स्वामी ने ओखे ओकासे पुछताछ करी तुमारा बारे मे मी या, लिखी दे. क्युकी तु आगे से भण्डारी नी र्‍हि सक्यो.
LUK 16:3 तब भण्डारी सोचन लग्या. अब मी करु? क्युकी मरो स्वामी अब भण्डारी को काम मेरा से छुडान र्‍हियो हइ मरो आंग येतनो बलवान नी की मट्टी खोदी नी जाय अरु भीक मागना से मेखे लाज नी आय.
LUK 16:4 मी समजी गयो कि का करु क्युकी जब मी भण्डारी काम से छुडायो जाह्यु ते दुन्या मेखे अपना घरहोन मे लि ली.
LUK 16:5 अरु ओने अपना स्वामी का देनआला मे से एक एक खे बुलय खे पैयले से पुच्छो. कि तरा पर मरो स्वामी को खेत्तो कर्जा हइ?
LUK 16:6 ओने बोल्यो. सौ मन जैतुन को तेल. तब ओने उनका से बोल्यो. की अपनी खाता किताब ली अरु बठीखे तुरुत पचास लिखी दे.
LUK 16:7 फिर दुसरा से पुछ. तरा पर केतनो कर्जा हइ? ओने बोल्यो सौ मन गहु. तब ओने ओकासे बोल्यो. अपनी खाता किताब लीखे अस्सी लिखी दे.
LUK 16:8 स्वामी ने उ बुरोकाम भण्डारी खे सारा. की ओने चतुरता से काम कऱ्यो हइ. क्युकी यो जगत का दुन्या अपना टेम का दुन्याहोन का सात रीति-व्यव्हारहोन मे उजालो का दुन्याहोन से भोत चतुर हइ.
LUK 16:9 अरु मी तुम से बोलुस हइ. की बुरोकाम का धन से अपना लिये दोस्त बनय ले. ताकी जब उ जातो ऱ्हिहे. ते उ तुमखे अनन्त र्हेनआला मे लीखे जाये.
LUK 16:10 जो जरासा से जरासा मे विश्वासयोग्य हइ. उ भोत मे भी बुरो काम हइ.
LUK 16:11 येका लिये जब तुम जगत की दौलत मे विश्वासयोग्य नी रुख्या. ते सच्ची दौलत कोखे दि दिह्ये?
LUK 16:12 अरु अगर तुम दुसरा की दौलत मे विश्वासयोग्य नी रुख्ये ते जो तुमारो हइ. ओखे तुमखे कोन दिह्ये?
LUK 16:13 “कोय सेवक दो स्वामीहोन कि सेवा नी करी सक्हे क्युकी व्हा तो एक से मील्यो र्‍हिये अरु दुसरा खे कमजोर समज्हे तुम परमेश्वर अरु दौलत दो की सेवा नी करी सखे.”
LUK 16:14 फरीसी जो लोभी था. ये सब बात सुनीखे यीशु की हसी उडान लग्या.
LUK 16:15 यीशु ने उनका से बोल्यो. तुम तो इन्सान का सामने अपना आप खे न्यायी ठेरास हय. पन परमेश्वर तुमारा मन खे समजस हइ. क्योकि जो चिज इन्सानहोन कि नजर मे बडी हइ. उ परमेश्वर का नजर मे बुरी हइ.
LUK 16:16 जब तक यहून्ना आयो. तब तक व्यवस्था अरु भविष्यव्दक्ता दबाव मे था. वा टेम से परमेश्वर को राज को सुसमाचार सुनायो जय रोस हइ. अरु हर कोय ओमे प्रबलता से अंदर करस हइ.
LUK 16:17 बद्दल अरु पृथ्वी को खतम होय जान व्यवस्था एक टिम्बो का मीनीट जाना से सहज हइ.
LUK 16:18 “जो कोय अपनी लुगइ खे छोडी खे दुसरी का सात भ्याव करस हइ. व्हा व्यभिचार करस हइ. अरु जो कोय असी छोडी वाली हुइ बय से भ्याव करस हइ. व्हा भी व्यभीचार करस हइ.”
LUK 16:19 “एक लकपती इन्सान थो जो जामडा कपडा अरु मलमल पेनतो अरु हर एक दिन सुख विलास अरु धुम धाम का सात र्‍हेतो थो.
LUK 16:20 अरु लाजर नाम को एक गरीब घाव से भर्‍यो हुयो ओका दरवाजा पर छोडी दियो जातो थो.
LUK 16:21 अरु उ चाहतो थो. कि लकपती कि टेबल पर कि जुठा से अपनो पेट भर. क्युकी कुत्तो भी अयखे ओका घाव खे चाटतो थो.”
LUK 16:22 अरु असो हुयो कि गरीब मरी गयो. अरु स्वर्गदूतहोन ने ओखे लिखे अब्राहम का खोरा मे पहुचय दियो. अरु व्हा लकपती भी मर्‍यो अरु गाड्यो गयो.
LUK 16:23 अरु दुन्या मे ओने दुख मे पड्या हुयो अपनी आख उठइ. अरु दुर से अब्राहम का खोरा मे लाजर खे देख्यो.
LUK 16:24 अरु ओने फुकारी खे बोल्यो. हे बाप अब्राहम. मरा पर दया करीखे लाजर खे भेजी दे. जब की व्हा अपनी उगली का सिरो पाणी मे भिजय खे मरी जिब खे ठडी कर. क्युकी मी या अंगार मे तडपीरोस हय.
LUK 16:25 पन अब्राहम ने बोल्यो. हे बेटा याद कर. कि तु अपना जिवन काल मे अच्छी चिज मीली गइ हइ. अरु ओसो ही लाजर बुरी चिजहोन पन अब ह्या शांती मीली री हइ. अरु तू तडपी रोस हइ.
LUK 16:26 अरु या बात खे छोडी खे हमारा बिच एक बडी खे रखी गइ हइ कि जो ह्या से वा पार तुमारा पास जानो चाह्ये. वे नी जय सक्या. अरु नी कोय व्हा से या पार हमारा पास अय सक्हे.
LUK 16:27 ओने बोल्यो ते हे बाप मी तरासे प्रार्थना करुस हुइ. कि तु ओखे मरा बाप का घर भेज.
LUK 16:28 क्युकी मरा पाच भैइ हइ. व्हा उनका सामने या बात की गवाही दि. असो नी हुये कि वे भी यो दुख कि जगा मे आये.
LUK 16:29 अब्राहम ने उनका से बोल्यो. उनका पास तो मूसा अरु भविष्यव्दक्ताहोन कि किताब हइ. वे उनकी सुन्हे.
LUK 16:30 ओने बोल्यो. नी. हे बाप अब्राहम. पर अगर कोय मर्‍या हुया मे से उनका पास जाह्या. ते वे मन फिराह्ये.
LUK 16:31 यीशु ने उनका से बोल्यो. जब वे मूसा अरु भविष्यव्दक्ताहोन की नी सुनता. ते अगर मर्‍या हुया मे से कोय भी जिन्दो उठ्यो ते भी ओकी नी मान्हे.
LUK 17:1 फिर यीशु सेवक से बोल्यो. “यो पक्को हइ कि वे बात जो बाप को कारण हइ. पन ह्या. उ इन्सान पर जिनको कारण वे आस हइ.”
LUK 17:2 जो या छोटा मे से कोय एक खे ठोकर खलास हइ. ओका लिये यो अच्छो होस कि चक्की को पाट ओका गल्ला मे लटकायो जास. अरु उ समुद्र मे डाली दियो जास.
LUK 17:3 जागा र्‍हेव. अगर तरो भैइ पाप कर्‍हे ते ओखे धमका अरु अगर पछतावो होस ते ओखे माफ कर.
LUK 17:4 अगर दिन भर मे व्हा सात बार तरो पाप कर्‍हे अरु सात बार तरा पास मेखे बोल्हे. कि मी पछतावो होस हय ते ओखे माफ कर.
LUK 17:5 तब प्रेरितहोन ने प्रभु से बोल्यो. “हमारो विश्वास बडा.”
LUK 17:6 प्रभु ने बोल्यो. अगर तुम खे रइ का दाना का बराबर भि विश्वास हुये ते तुम यो शहतूत का झाड से बोलस की जडी से उखडी खे समुद्र मे लगी जाते व्हा तुमारो मानी जाये.
LUK 17:7 “मानलो तुम मे से असो कोन हइ. जोको सेवक नागर जोतस. अरु मेडा खे चरास हइ. अरु जब उ खेत मे आस. ते ओकासे बोलस. झल्दी अयखे खानो खान बठी जा?
LUK 17:8 का उ ओका से नी बोलस. की मरो खानो तैयार कर अरु जब तक मी खाउ पीयु तब तक कमर बाधीखे मरी सेवा कर. येका बाद मे तू भी खा अरु पी ले?”
LUK 17:9 का व्हा ओको सेवक का धन्यवाद मागे. कि ओने यो काम कर्‍यो जोकी आज्ञा दी गय थी?
LUK 17:10 या रीति से तुम भी. जब वे सब काम खे करी चुक्या हुये जिनकी आज्ञा तुमखे दी गइ थी. ते बोल्हे. हम नीकम्मा सेवक हइ. कि जो हमखे करण खे होनु थो उ कर्योस हइ.
LUK 17:11 फिर जब यीशु यरुशलेम जय रो थोते जो सामरिया अरु गलील देस कि सीमा से हुयखे जय रा था.
LUK 17:12 अरु कोय गाव मे घुसनो करतो थो टेम वे दस कोढी मील्हे.
LUK 17:13 अरु उनने दुर खडो हुयखे. उच्चा आवाज से बोल्यो. “हे यीशु. हे स्वामी. हम पर दया कर.”
LUK 17:14 यीशु ने उनखे देखीखे बोल्यो. “जाव. अरु अपना आपखे याजक खे बतायो.” अरु जातेय जाते वे अच्छो हुय गयो.
LUK 17:15 तब उनका मेसे एक ह्या देखीखे कि मी अच्छो हुय गयो हय. उच्चा आवाज से परमेश्वर की महिमा करते हुयो पलट्यो.
LUK 17:16 अरु यीशु का पाय पर मुडा का उप्पर गिरीखे ओको धन्यवाद करण लग्या. अरु व्हा सामरी थो.
LUK 17:17 येका पर यीशु ने बोल्यो. “का दस अच्छो नी हुये. ते फिर वे नौ बोल्या?
LUK 17:18 का या परदेसी खे छोडी कोय अरु नी नीकाली. जो परमेश्वर की महिमा करतो?”
LUK 17:19 तब यीशु ने उनका से बोल्यो. “उठीखे चलते जा. तरो विश्वास अच्छो कर्‍यो हइ.”
LUK 17:20 जब फरीसीहोन ने ओकासे पुच्छो. की परमेश्वर को राज प्रगट रुपी मे नी आतो.
LUK 17:21 अरु दुन्या ह्या नी कर्‍हे. कि देख ह्या हइ. यो व्हा हइ. क्युकी. परमेश्वर को राज तुमारा बिच मे हइ.
LUK 17:22 अरु ओने सेवक होन से बोल्यो. “वे दिन आह्ये जिनमे तुम इन्सान को बेटा का दिन मे से एक दिन खे देखनो चाह्ये, अरु नी देखनो पाये.
LUK 17:23 दुन्या तुम से बोल्हे देख व्हा हइ.” यो देख ह्या हइ. पन तुम चल नी जानो अरु नी उनका पीछे हुये लेनु .
LUK 17:24 क्युकी जसो बिजली बद्दल की दुसरी तरप तक चमकी हइ. वोसो य इन्सान को बेटा भी अपना दिन मे प्रगट हुये.
LUK 17:25 पन पैयले यो जरुरती हइ. कि व्हा खुप तकलीप उठाय अरु यो जमाना का दुन्या ओखे बुरो रुखीजा.
LUK 17:26 जसो नूह का दिन मे हुयो थो. वोसो य इन्सान का बेटो का दिन मे भी हुये.
LUK 17:27 जो दिन तक नूह डोंगा परनी चडी ओका दिन तक दुन्या खाता पीता था. अरु उनमे भ्याव शादी होते थी तब पाणी प्रलय ने अयखे वे सब को नास कर्‍यो.
LUK 17:28 अरु जसो लुत का दिन मे हुयो थो. कि दुन्या खाता पिता लेन देन करता. झाड लगाता अरु घर बनाता था.
LUK 17:29 पर जिस दिन लुत सदोम से नीकल्यो उ दिन अंगार अरु गन्धक बद्दल से बारीश अरु सब खे नाश करी दियो.
LUK 17:30 इन्सान का बेटा को प्रगट होन का दिन भी असो य हुयो.
LUK 17:31 “उ दिन जो छपर पर हय. अरु ओका जसो घर मे हय. व्हा ओखे लेन खे नी उतर्‍हो. अरु वोसोय जो खेत मे हय व्हा पीच्छे नी पलट्यो.
LUK 17:32 लुत कि लुगय खे याद रख.
LUK 17:33 जो कोय अपनो जान बचानो चाह्ये व्हा ओखे गमाह्ये. अरु जो कोय ओखे व्हा ओखे बचाह्ये.
LUK 17:34 मी तुमारा से बोलुस वा रात दो इन्सान एक खटीया पर हुये एक लि लियो जाह्ये. अरु दुसरो छोडी दियो जह्ये.
LUK 17:35 दो बय एक सात चक्की पिसती हुये. एक ली ली जाह्ये. अरु दुसरी खे छोडी दिह्ये जाह्ये.
LUK 17:36 दो झन खेत मे हुये एक ली लियो जाह्ये अरु दुसरी छोडी जाह्ये.”
LUK 17:37 ह्या सुन उनने ओकासे पुच्छो. हे प्रभु ह्या खा हुये. यीशु ने उनका से बोल्यो. “झा लास हइ. व्हा घुब्बड जमा हुये.”
LUK 18:1 फिर यीशु ओका बारे मे कि हमेशा प्रार्थना करणु अरु साहस नी छोडनु चाहिये यो दृष्‍टान्‍त बोलीयो.
LUK 18:2 कोइ गाव मे एक न्याय करणआलो रेतोथो. जो नी परमेश्वर से डरतो थो अरु नी कोइ इन्सान की परवाह करतो थो.
LUK 18:3 अरु वु गाव मे एक विधवा भी रहती थी जो ओका पास अय अयखे बोलते र्‍हिथी थी. “मरो न्याय चुकय खे मेखे बदनामी से बचा.
LUK 18:4 ओने खे तना टेम मे तक नी मानीयो पन मे मन मे विचार करीरो थो अगर मे ने परमेश्वर से डरुस अरु न इन्सान की कोइ परवाह करु मी.”
LUK 18:5 फिर भी या विधवा, वजेसे मेखे सताती ऱ्हीहे हइ येका लिये मी ओको न्याय चुकये. कही असो न हो कि घडी घडी अयखे अन्त मे अयखे मरी नाक मे दम कर्हे.
LUK 18:6 प्रभु ने बोलियो. सुनो कि ह्या बुरोकाम न्याय को बोलस हे.
LUK 18:7 आखरी का परमेश्वर अपना चुन्या हुयो, न्याय न चुकय खे जो रात दिन ओकी दुवा देतो रिये अरु का वु ओका विषय मे देर करीये.
LUK 18:8 मी तुम से बतायु की व्हा तुरुत उनको न्याय चुकय खे पर इन्सान को बेटा जब आह्ये. ते कावु पृथ्वी पर विश्वास पाए.
LUK 18:9 अरु ओने ओखे जो अपना उपर भरोसो रखीये ते कि हम धर्मी हइ अरु दुसरा खे तुच्छ जानता हुये दृष्‍टान्‍त बोलीयो.
LUK 18:10 दो इन्सान मन्‍दिर मे प्रार्थना करण का लिये गया एक फरीसी थो अरु दुसरो चुगी लेनवालो.
LUK 18:11 फरीसी खडो हुइखे अपना मन मे प्रार्थना करण लगीयो. हे परमेश्वर मी तरो धन्यवाद करुस कि मी अरु इन्सान का जसो बुरो काम करणआला अन्याय अरु व्यभिचार नी अरु नी यो चुगी लेनवालो का जसो हुये.
LUK 18:12 मी हप्ता मे दो बार उपास करुस हय अरु अपनी सब कमय को दसवो भाग दिवस हय.
LUK 18:13 पन चुगी लेनवाला ने दुर खडो हुयखे. स्वर्ग का तरप आख उठान भी नी चाह्यो. क्युकी अपनी छाती ढुकी खे बोल्यो. हे परमेश्वर मेखे पापी पर दया कर्हे.
LUK 18:14 मी तरा से बोल्यो हय. कि व्हा दुसरो नी. पन ह्या इन्सान धर्मी रखनो अरु अपना घर मे गयो. क्युकी जो कोय अपना आप खे बडो बनी गया. अरु जो अपना आप खे छोटो कर्यो उ बडो कऱ्यो जाये.
LUK 18:15 फिर दुन्या अपना बच्चा खे भी ओका पास लान लग्या कि व्हा उन पर हात रख्ये. अरु सेवक ने देखी खे उन खे धमकय.
LUK 18:16 यीशु बच्चा खे नजीक बुलय खे बोल्यो. बच्चाहोन खे मरा पास आन दे. अरु ओखे मना नी करणु क्युकी परमेश्वर को राज असो येका हइ.
LUK 18:17 मी तरासे सच्ची बोलुस हय. कि जो कोय परमेश्वर का राज खे बच्चा का जसो अपनायो नी कर्‍यो व्हा ओमे कभी अंदर करणो नी मील्यो.
LUK 18:18 कोय ने मुखियो ने ओकासे पुच्छ हे अच्छो गुरु अनन्त जिवन को अधिकार होन का लिये मी, करु?
LUK 18:19 यीशु ने ओकासे बोल्यो. “तू मेखे अच्छो का बोलस हइ? कोय अच्छो नी फक्त एक अगर परमेश्वर.
LUK 18:20 तु आज्ञाहोन खे तो जानस हइ व्यभिचार नी करणो मारनो नी करण को चोरी नी करणु झुटी गवय नी देनु अपनो बाप अरु अपनी माय को सम्मान करणो.”
LUK 18:21 ओने बोल्यो. “मी तो यो सब खे लाड को यो ह्या से समजते हुया हय.”
LUK 18:22 ह्या सुन. “यीशु ने ओकासे बोल्यो. तुम मे आब भी एक बात की कमी हइ. अपनो सब कुछ बेचीखे गरीब खे बाटी दे. अरु तोखे स्वर्ग मे धन मील्हे. अरु अय खे मरा पिच्छे चल.”
LUK 18:23 व्हा यो सुनी खे खुप उदास हुयो. क्युकी व्हा बडो लखपती थो.
LUK 18:24 यीशु ने ओखे देखी खे बोल्यो. “लकपती खे परमेश्वर का राज्य मे जायो करणो खेत्तो कठीन हइ!”
LUK 18:25 परमेश्वर को राज्य मे धनवान खे अंदर करणा से उट कि सुइ का नाक मे से नीकली जानो सहज हइ.
LUK 18:26 अरु सुननवाला ने बोल्यो. “ते फिर कोय को उध्दार हुये सकस हइ?”
LUK 18:27 ओने बोल्यो. “जो इन्सान से नी हुय सकस. व्हा परमेश्वर से हुये सकस हइ.”
LUK 18:28 पतरस ने बोल्यो. “देख.हम तो घर बार छोडी खे तरा पीछे चली दिया हइ.”
LUK 18:29 “ओने,” यीशु से बोल्यो, “मी तुम से सच्ची बोलुस हय कि असो कोय नी जेने परमेश्वर को राज्य का लिये घर को या लुगय का अरु भैइहोन का अरु बच्चा बच्चाहोन खे छोडी दिया हय.
LUK 18:30 अरु या टेम्म कोय जादा नी मील्यो अरु पयलो मे अनन्त जिवन.”
LUK 18:31 फिर ओने बाराहोन खे सात लिखे बोल्यो. हम यरुशलेम खे जास हइ. अरु जास हइ. अरु जेत्ती बात इन्सान को बेटा का लिये भविष्यव्दक्ताहोन का द्वारा लिख्यी गइ वे सब पुरी हुये.
LUK 18:32 ओखे गैरयहूदीहोन खे दि दियो जाये ओको उपहास हुय जाये ओको अपमान हुय जाये ओपर थुकियो जाये.
LUK 18:33 ओखे कोडो लगान का बाद उ ओखे मरी डालिये अरु वे तीसरो दिन मरे हुयो मे से जिन्दो हइ जाये.
LUK 18:34 बच्चाहोन खे कुछ भी समज मे नी आयो उनसे एको अर्थ लुकय खे रखियो गयो थो यो विषय मे मसीह यीशु कि कही बात बच्चाहोन की समझ से परे थी.
LUK 18:35 जब मसीह यीशु यरीहो का पास पहुच्या ओखे एक अंन्धो मीलीयो जो रस्ता का किनारा बठ्यो हुयो भिक्षा मागी रो थो.
LUK 18:36 अरु व्हा गर्दी कि चलन की आवाज सुनीखे पुछन लग्यो. “ह्या, हुय रोस हइ?”
LUK 18:37 उनने ओखे बतायो. “यीशु नासरी जय रोस हइ.”
LUK 18:38 तब ओने फुकारी खे बोल्यो. “हे यीशु. दाउद की सन्तान. मरा पर दया कर.”
LUK 18:39 जो आगे आगे जय रा था. वे ओखे धमकान लग्या कि चुप र्‍हे पन व्हा अरु भी चिल्लान लग्या. “हे दाउद कि सन्तान. मरो पर दया कर.”
LUK 18:40 तब यीशु ने खडो हुयखे आज्ञा दी कि ओखे मरा पास लाव. अरु जब व्हा नजीक आयो. ते ओकासे यो पुछ्यो.
LUK 18:41 तु, चाहस हइ. “मी तरा लिये का करु?” ओने बोल्यो. “हे प्रभु. यो कि मी देखन लग्यो.”
LUK 18:42 यीशु ने ओकासे बोल्यो, देखन लग्या. तरो विश्वास ने तोखे अच्छो करी दियोस हइ.
LUK 18:43 अरु उ तुरुत देखन लग्यो अरु परमेश्वर कि महिमा करतो हुयो. ओका पीछे हुयो. ओका पीछे हुय लियो. अरु सब दुन्या ने देखी खे परमेश्वर की महिमा करी.
LUK 19:1 व्हा यरीहो मे घुसी खे जय रो थो.
LUK 19:2 व्हा जक्कइ नाम एक इन्सान थो. जो चुंगी लेनवालो को मुखियो अरु लखपती थो.
LUK 19:3 व्हा यीशु खे देखनो चाहतो थो कि व्हा कोयन सो हइ? पन गर्दी को करण देखी नी सक्यो थो.क्युकी उ ठेगनो थो.
LUK 19:4 तब ओखे देखन का लिये व्हा आगे भागीखे एक गुल्लेर का झाड पर चेडी गयो. क्युकी यीशु ओकी रस्ता से समजनआलो थो.
LUK 19:5 जब यीशु वा जगा पहुच्यो. ते उपर नजर करी खे ओकासे बोल्यो. “हे जक्कइ. झल्दी उतरीखे आ. क्युकी आज मेखे तरा घर मे र्‍हेनो जरुरती हइ.”
LUK 19:6 उ तुरुत उतरीखे खुशी से ओखे अपना घर खे ली गयो.
LUK 19:7 यो देखी खे सब झन खुसुर मसुर बोलन लग्या. “व्हा तो एक पापी इन्सान का ह्या गयो हइ.”
LUK 19:8 जक्कइ ने खडो हुयखे प्रभु से बोल्यो. “हे प्रभु. देख मी अपनी आदी दौलत गरीब खे दिवस हय. अरु अगर कोय को कुछ भी बुरो करण खे ली लियो हइ ते ओखे चार बुरो फेरी देस हय.”
LUK 19:9 तब यीशु ने ओकासे बोल्यो. “आज यो घर मे उध्दार आयो हइ. येका लिये कि ह्या भी अब्राहम को एक बेटो हइ.
LUK 19:10 क्युकी इन्सान को बेटो गमी गोस हय खे ढुडन अरु उनको उध्दार करण आयोस हइ.”
LUK 19:11 जब वे या बात सुनी राथा, ते ओको एक दृष्‍टान्‍त बोल्यो. येका लिये कि व्हा यरुशलेम का नजिक थो, अरु वे समजतो थो. कि परमेश्वर को राज अभी प्रगट होनआलो हइ.
LUK 19:12 अन्नत मे ओने बोल्य. एक लखपती इन्सान दुर देस खे चल्यो जब की राजपद मीली खे पलटी आया.
LUK 19:13 अरु ओने अपना सेवक मे से दस खे बुलखे ओखे दस सिक्का दि दिया. अरु ओने बोल्यो. मरा पलटी के आना तक लेन देन करनु.
LUK 19:14 पन ओका नगर का र्‍हेनवाला ओकासे बुरो करता था. अरु ओकासे पिछे दूत का द्वारा बुलवो भेज्यो. कि नी चाह्यो थो. कि ह्या हम पर राज कर्‍हे.
LUK 19:15 “जब व्हा राजपद अपना सेवक खे पलटी खे आयो. ते असो हुयो कि ओने अपना सेवक को जेने पैसा दिया था. अपना पास बुलायो जब मालुम कर्‍यो कि उनने लेन देन से का-का कमायो.”
LUK 19:16 तब पैयला ने अयखे बोल्यो. हे स्वामी. तरा सिक्का से दस अरु सिक्का कमाया हइ.
LUK 19:17 यीशु ने उनका से बोल्यो. हे अच्छो सेवक. तु धन्य हइ. तु खुप हय थोडा मे विश्वासयोग्य नीकल्यो अब दस नगर को अधिकार रख.
LUK 19:18 दुसरा ने अयखे बोल्यो. हे स्वामी. तरा सिक्का से पाच अरु सिक्का कमाया हइ.
LUK 19:19 यीशु ने ओकासे बोल्यो. तु भी पाच नगरहोन पर अधिकार रख.
LUK 19:20 तिसरा ने अयखे बोल्यो. हे स्वामी. देख. तरो सिक्को यो हइ. जेके मेने कपडो मे बाध्यो रख्यो थो.
LUK 19:21 क्युकी मी तरा से डरतो थो. येका लिये कि तु कठुर इन्सान हइ. जो तोने नी रख्यो ओखे उठय लेस हइ. अरु जो तोने नी बोयो. ओखे काटस हइ.
LUK 19:22 स्वामी ने उनका से बोल्यो. ओ बुरो सेवक. मी तरा य मेडासे तोखे दोस्ती रुखस हय. ते मेखे समजतो थो कि कठुर इन्सान हय. जो मेने नी रख्यो ओखे उठय लेतो. अरु जो मेने नी बोयो. ओखे काटस हय.
LUK 19:23 ते तोने मरा पैसा पेटीपर काय बर रख्या, क्युव नी रख्या दिया. कि मी अयखे ब्याज सम्मत ली लेतो?
LUK 19:24 अरु जो दुन्या नजीक खडा था. यीशु ने उनका से बोल्यो. व्हा सिक्का ओकासे ली ले. अरु जेका पास मे दस सिक्का हइ ओखे दि दे.
LUK 19:25 उनने ओकासे बोल्यो. हे स्वामी. ओका पास दस सिक्का तो हइ.
LUK 19:26 मे ने तुम से बोलुस हइ. कि जेका पास हइ ओखे अरु दियो जाह्ये. अरु जिनका पास नी. ओखे व्हा भी जो ओका पास हइ लि लियो जाह्ये.
LUK 19:27 पन मरा वे दुसमनहोन खे जो नी चाहतो थो कि मी उन पर राज कर्‍हयु. उनखे यो लयखे मरा सामने मारी डाल.
LUK 19:28 या बात बोलीखे व्हा यरुशलेम का तरप उनका आगे आगे चल्यो.
LUK 19:29 अरु जब व्हा जैतून नाम टेकडा पर बैतफगे अरु बैतनीय्याह का पास पहुच्या. ते ओने अपना सेवक मे से दो खे यो बोलीखे भेज्यो.
LUK 19:30 “सामने का गाव मे जाव अरु ओमे पहुचते य एक गधी को बच्चो जेका पर कभी कोय बठ्यो नी. बाध्यो हुयो मील्हे. ओखे खोली खे लाओ.
LUK 19:31 अगर कोय तुमारा से पुछे कि खबर खोलस हय. ते यो बोली देनू. कि प्रभु खे येकी जरुरत हइ.”
LUK 19:32 जो भेज्या गया था. उनने जेखे जसो यीशु ने उनका से बोल्यो थो. वसो य मील्यो.
LUK 19:33 जब वे गधी का बच्चा खे खोली राथा. ते ओको स्वामी ने उनका से पुछ्य. “यो बच्चा खे क्यु खोलस हइ?”
LUK 19:34 उनने बोल्यो. “प्रभु खे येकी जरुरत हइ.”
LUK 19:35 वे ओखे यीशु का पास ली आया अरु अपना कपडा ओका बच्चा पर डालीखे यीशु खे ओका पर बठाडी दियो.
LUK 19:36 जब व्हा जा र्‍हीयो थो. ते वे अपना कपडा रस्ता मे बिछाता जाता था.
LUK 19:37 अरु नजीक आते हुयो जब व्हा जैतून पहाड की छेडा पर पहुचयो. ते सेवक कि सब मंडली वे सब सामर्थ्य काम को करण जो उनने देख्यो थो. खुशी हुयखे बडो आवाज से परमेश्वर कि स्तुती करण लग्या
LUK 19:38 धन्य हइ उ राजो. जो प्रभु, नाम से आस हइ! बद्दल मे शांती अरु आ,श मे महिमा हुये!
LUK 19:39 तब गर्दी मे से खे तना फरीसी ओकासे बोलन लग्या. “हे गुरु. अपना सेवक खे धमकय.”
LUK 19:40 यीशु उत्तर दिया. “मी तुम मे से बोलुस हय. अगर ये चुप र्‍हिये. ते फत्तर चिल्लाय उठ्ये.”
LUK 19:41 जब उ नजीक आयो ते नगर खे देखीखे ओका पर रोयो.
LUK 19:42 अरु बोल्यो “ का अच्छो होतो. कि तू. हव. तू ही. यो दिन मे शांती कि बात जानस. पन अब वे तरी आख से लुकी गया हइ.
LUK 19:43 क्युकी वे दिन तरा पर आह्ये कि तरा दुशमन तो बांधीखे तोखे घेरी लीह्ये. अरु चारी तरप से तोखे दबाह्ये.
LUK 19:44 अरु तोखे अरु तरा सात तरा बच्चाहोन खे. मट्टी मे मीलाह्ये. अरु तरा मे फत्तर पर फत्तर भी नी छोडह. क्युकी तोने उ अवसर जब तरा पर कृपानजर करी गय नी पहीछान्यो.”
LUK 19:45 तब व्हा आराधनालय मे जयखे बेचनआला खे बाहेर नीकालन लग्या.
LUK 19:46 अरु उनका से बोलन. “लिख्यो हइ. मरो घर प्रार्थना को घर हुये. पन तुम ने गुनडाहोन को घर बनय दिह्ये.”
LUK 19:47 अरु व्हा दरोज आराधनालय मे उपदेस देतो थो अरु प्रधान याजक अरु शास्त्री अरु दुन्या को प्रमुख खे यीशु खे मारी डालन को अवसर ढुढतो थो.
LUK 19:48 पन कोय उपाय नी नीकली सक्योल. कि ह्या कोय रग कर्‍हे. क्युकी सब दुन्या बडी चाह से ओकी सुनता था.
LUK 20:1 एक दिन जब यीशु आराधनालय मे थो अरु दुन्या खे सुसमाचार दिरो थो. तब महान याजक अरु कानून को शिक्षक. बुजरुक नेता का सात मीलीखे आया.
LUK 20:2 उनोने ओकासे पुछो. की “हमखे बताव. तु यो काम कोका अधिकार से करस हइ” अरु उ कोन आय जेने तोखे यो अधिकार दियो थो,
LUK 20:3 यीशु ने उनखे उत्तर दियो. “अब मी एक बात पुछस हय. मेखे बताव.
LUK 20:4 का यहून्ना खे बपतिस्मा देन को अधिकार स्वर्ग से कि इन्सानहोन से थो?”
LUK 20:5 वे आपस मे बात चित करण लग्या. हम का बोल्ह्या? अगर हम बोलस हइ “स्वर्ग का तरप से, उ बोल्हे का तब का तुमने योहन पर विश्वास नी कर्‍यो?”
LUK 20:6 अरु अगर हम बोल्ह्या. इन्सानहोन से. ते या पुरी गर्दी फत्तर मारहस हइ. क्युकी वे सच्ची उनखे भरोसो हइ कि यहून्ना भविष्यव्दक्ता मानस थो.
LUK 20:7 येकालिये यणे उत्तर दियो. “कि हम नी जानस. की उ को का तरप से थो.”
LUK 20:8 यीशु ने उनका से बोल्यो. “ते मी भी तुमखे नी बतउस की मी यो काम कोका अधिकार से करुस हइ.”
LUK 20:9 तब उ दुन्याहोन से यो दृष्‍टान्‍त का बारे मे बोलन लग्यो. की एक इन्सान ने अंगूर की बाडि लगइ. अरु किसानहोन खे ओको ठेको दी दियो अरु भोत दिन का लिये दुसरा देस मे चली गयो.
LUK 20:10 फल का टेम पर ओने किसानहोन का पास अपना एक सेवक खे भेज्यो. की उ अंगूर की बाडि का कुछ फल को भाग ओखे दीदे. पर किसानहोन ने ओखे मारीखे खाली हात भेजी दियो.
LUK 20:11 फिर ओने दुसरा सेवक खे भेज्यो. अरु किसानहोन ने ओखे भी मारीखे अरु ओको अपमान करीखे खाली हात भेजी दियो.
LUK 20:12 फिर ओने तीसरा दास खे भेज्यो. किसानहोन ने ओखे भी घायल करीखे बाहेर नीकाली दियो.
LUK 20:13 तब अंगूर की बाडि को स्वामी ने बोल्यो. “अब मी का करु? मी अपना लाड का बेटा खे उनका पास भेजू. का जाने वे ओको सम्मान कर्‍हे.”
LUK 20:14 जब किसानहोन ने ओखे देख्यो ते आपस मे बिचार बरन लग्या. यो तो वारिस हइ. आ. हम येखे भी मारी डालस. जोकासे या सम्पत्ती हमारी हुये जाये.
LUK 20:15 अरु किसानहोन ने ओखे अंगूर की बाडि से बाहेर नीकाली खे मारी डालयो येकालिये अंगूर का बागीचा को स्वामी उनका साथ का कर्‍हे?
LUK 20:16 व्हा अयखे वे कास्तकार को नास कर्हे. अरु अंगूर की बाडि दुसरा खे दिदियो. यो सुनीखे उनने बोल्यो. “परमेश्वर असो नी करणू.”
LUK 20:17 यीशु ने उनका तरप देखीखे बोल्यो. फिर ह्या का लिख्यो हइ जो फत्तर खे राजमिस्त्रीहोन ने बुरो समज्यो थो. उये कोना को आधार हुय गयो.
LUK 20:18 जो कोय उ पत्थर पर गिरी गयो उ चकनाचुर हुये जाये. अरु जोका पर उ गिर्‍हे. ओखे पिसी डाल्हे.
LUK 20:19 वय टेम शास्त्रिहोन अरु मुखियो याजक ने ओखे पकडनो चाह्यो. क्युकी समजी गया था. कि यीशु ने उनका खीलाप दृष्‍टान्‍त बोल्य. पन वे दुन्या से डर.
LUK 20:20 अरु वे ओकी ताक मे लग्या अरु भेदिया भेज्या. कि धर्मी का भेस पेनीखे ओकी कोय नी कोय बात पकडि. कि ओखे राज्यपालका हात अरु अधिकारी ही दि दे.
LUK 20:21 यीशु ने उनका से पुच्छो “हे गुरु. समजस हइ कि तु बरोबर बोलस. अरु सिकास भी हइ. अरु कोय को पक्षपात नी करतो. क्युकी परमेश्वर कि रस्ता सच्चीइ से बतास हइ.
LUK 20:22 का हम कैसर खे कर देनो अच्छो हइ. कि नी?”
LUK 20:23 यीशु ने उनकी हुशारी खे फसयखे उनका से बोल्यो.
LUK 20:24 “एक सिक्का मेखे बताव. येका पर कोकी चित्र अरु नाम हइ?” उनने बोल्यो. “कैसर को.”
LUK 20:25 यीशु ने उनका से बोल्यो. “ते जो कैसर को हइ. व्हा कैसर खे दे अरु जो परमेश्वर को हइ. व्हा परमेश्वर खे दे.”
LUK 20:26 वे दुन्या का सामने वा बात खे पकडि नी सक्या. क्युकी ओका उत्तर से आश्चर्य चकित हुइय खे चुप र्‍हि गया.
LUK 20:27 फिर सदूकि जो बोलस हइ. कि मर्‍या हुया खे जिन्दो उठानो हइ य नी. उनमे से कुछ ने ओका पास अयखे पुछ्यो.
LUK 20:28 “हे गुरु. मूसा ने हमारा लिये यो लिख्यो हइ ‘अगर कोय को भैइ ओकी लुगय से भ्याव करी ले. अरु अपना भैइ का लिये वंश परदा कर्‍हे.’
LUK 20:29 अत: सात भैइ था. पयलो भैइ को भ्याव करीखे बिना बच्चा को मरी गयो.
LUK 20:30 फिर दुसरा ने.
LUK 20:31 अरु तिसरा ने भी वा बय से भ्याव करी लियो. याय रीति से साती भी बिना बच्चा का मरी गया.
LUK 20:32 सब का पिछे वा बय भी मरी गय.
LUK 20:33 येकालिये मरी खे जिन्दी हुय खे कोय की लुगय हुये. क्युकी वा सातजन की लुगय र्‍हिगय थी.”
LUK 20:34 यीशु ने उनका से बोल्यो. “यो जगत का सन्तानहोन मे तो भ्याव होस हइ.”
LUK 20:35 पर जो दुन्या यो योग्य रुखह्ये. की उ जगत खे अरु मर्‍या हुया मे से जिन्दो उठनो मील्यो कर्‍हे. उनमे भ्याव नी हुये.
LUK 20:36 वे फिर मरन का भी नी. क्युकी वे वे स्वर्ग दूतका जसा हुये. अरु जिन्दो हुयो कि सन्तान होना से परमेश्वर का भी सन्तान हुये.
LUK 20:37 पन या बात की मर्या हुया मेसे जिन्दो होस हइ. मूसा ने भी झाडि की कानी मे बतायोस हइ. व्हा प्रभु खे अब्राहम को परमेश्वर. अरु इसहाक को परमेश्वर अरु याकूब को परमेश्वर बोलस हइ.
LUK 20:38 परमेश्वर तो मुडदाको नी पन जिन्दो को परमेश्वर हइ क्युकी उनका नजीक सब जिन्दो हइ.
LUK 20:39 तब यो सुनीखे शास्त्रिहोन मे से खेत्ता ने बोल्यो. “हे गुरु. तोने अच्छो बोल्यो.”
LUK 20:40 अरु उनने फिर ओकासे कुछ पुछन की हिम्मंत नी हुय.
LUK 20:41 फिर यीशु ने उनका से पुछ्यो. “मसीह खे दाउद की सन्तान कसो बोलस हइ?
LUK 20:42 दाउद तुमने भजन सहिता कि किताब मे बोल्योस हइ प्रभु ने मरो प्रभु से बोल.
LUK 20:43 मरा जवना बठ. जब तक कि मी तरा दुसमनहोन खे तरा पाय नीच्चे कि चौकी नी करी दिव.
LUK 20:44 दाउद ते ओखे प्रभु बोलस हइ. ते फिर व्हा ओकी सन्तान कसो रख्यो?”
LUK 20:45 जब सब दुन्या सुनी राथा. ते उने अपना सेवक से बोल्यो.
LUK 20:46 शिक्षकहोन से चेतावनी र्‍हेव. जिन खे लम्बा कपडा पेन्या हुया घुमनो अच्छो लगस हइ. अरु जिन खे बजार मे नमस्कार. अरु आराधनालयहोन मे बडि जगा अरु खान कि जगा मे प्रेम लगस हइ.
LUK 20:47 वे विधवाहोन का घर खै जास हइ. अरु दिखान का लिये घनी टेम तक प्रार्थना करता र्हेस हइ. इन के खुप दण्ड मील्हे!
LUK 21:1 फिर यीशु ने आख उठय खे लकपती खे दुन्या दान कि पेटी मे पैसा डालता हुयो देख्यो.
LUK 21:2 अरु यीशु ने एक कंगाल विदवा खे भी ओमे दो सिक्का, डालते हुये देख्यो.
LUK 21:3 तब यीशु ने बोल्यो. मी तुम से सच्ची बोलुस हय कि या गरीब विधवा ने सबसे बडीखे दाल्योस हइ.
LUK 21:4 क्युकी वे सब ने अपनी अपनी बडती मे से दान मे कुछ डाल्योस हइ. पन येने अपनी कमी मे से अपनी सब जीवी का डाली दी हइ.
LUK 21:5 जब खेत्ता दुन्या मन्‍दिर का बारे मे बोली राथा.कि व्हा कसो अच्छो फत्तर अरु दि वाली चिजहोन से सिगार्‍यो गयोस हइ. ते यीशु ने बोल्यो.
LUK 21:6 वे दिन आह्ये. जिनमे ह्या सब जो तुम देखस हय.उनमे से ह्या कोय फत्तर पर फत्तर भी नी छुटेह्ये. जो गाड्यो नी जानको.
LUK 21:7 उनने उनका से पुछ्यो. “हे गुरु. यो सब कब हुये? अरु या बात जब पुरी होना पर हुये. ते वा टेम मे का का चिन्ह हुये?”
LUK 21:8 यीशु ने बोलयो. “सावधान र्‍हेव. कि फसायो नी जानको. क्युकी खुप मरा नाम से अयखे बोल्हे. कि टेम नजीक अय पहुच्योस हइ तुम उनका पिछे नी चली जानु.”
LUK 21:9 जब वाद विवाद अरु दंगो कि बात सुनी. तब घबरय नी जानु. क्युकी इनका पैयले होनो जरुरती हइ. पन वा टेम तुरुत खत्म नी हुये.
LUK 21:10 तब यीशु ने उनका से बोल्यो. जात पर जात अरु राज्य पर राज्य कर्‍हे.
LUK 21:11 अरु बडा बडा भुकम्प हुये. अरु जगा जगा अकाल अरु माहामारीहोन पडे. अरु बद्दल मे भयकर बात अरु बडा बडा चिन्ह पइदा हुये.
LUK 21:12 पन या सब बात से पैयले वे मरा नामकरण तुमके पकडे. अरु सताया. अरु आराधनालयहोन मे दियो अरु बन्दीगृह मे डाल्हे. अरु राजाहोन अरु राजपल का सामने ली जाह्ये.
LUK 21:13 पर ह्या तुमारी गवाही देन को अवसर हुय जाह्ये.
LUK 21:14 येका लिये अपना अपना मन मे ठानी रख देन को पैयले से उत्तर देन कि चिन्ता नी करण का.
LUK 21:15 क्युकी मी तुमखे असी बात अरु दिमाक दिह्यु. कि तुमारो सब खिलाप सामनो कर खण्डन नी करी सक्हे.
LUK 21:16 अरु तुम्हारा माय बाप अरु भैइ अरु कुटुम. अरु दोस्त्त भी तुम पकडे. ह्या तक कि तुम मे से खेत्ता खे मारी डाल्यो.
LUK 21:17 अरु मरा नामकरण सब दुन्या तरा से बुरो कर्‍हे.
LUK 21:18 पन तुमारा माथा को एक बाल भी बाको नी होनको.
LUK 21:19 अपना धिरज से तुम अपना जान खे बचाह्ये रखह्ये.
LUK 21:20 जब तुम यरुशलेम का सेना होन से घेर्ये हुयो देखे. ते समजी लेनू कि ओको उजड्यो जानो नजीक हइ.
LUK 21:21 तब जो यहूदीया मे हुये व्हा टेकडी पर भाग जाह्ये. अरु जो येरुशलेम का बाहेर नीकली जा. अरु जो गाव मे हुये वे ओमे नी जानु.
LUK 21:22 क्युकी यो बदलो लेन को असो दिन हुये जिनमे लिखी हुये सब बात पुरी हुय जाह्ये.
LUK 21:23 वे दिन मे जो दिन से अरु दुद पिलाती हुये. उनका लिये हय. हाय! क्युकी देस मे बडो दुख अरु ये पृथ्वी पर बडो संकट हुये.
LUK 21:24 वे तलवार से मार्‍यो जाह्ये. अरु सब देस का दुन्या मे भैइ बद हुयखे पहुचायो जाह्ये. अरु जब तक यरुशलेम गैरयहूदीहोन से खुन्द्यो जाह्ये.
LUK 21:25 “अरु सुरज अरु चान्द अरु तारा को चिन्ह दिखाह्ये अरु पृथ्वी पर. राष्ट्र-राष्ट्र का दुन्या खे फजित हुये. क्युकी वे समुद्र को गरझनो अरु लहेर को पानी लहेर से घबरय जाह्ये.”
LUK 21:26 अरु डर करण अरु जगत पर आनवाली घटनाहोन कि रस्ता देखेते देखते दुन्या खे जान मे जान नी र्‍हियो क्युकी बद्दल की शक्तीहोन हलय जाह्ये.
LUK 21:27 तब वे इन्सान को बेटा खे सामर्थ्य अरु बडी महिमा का साथ बद्दल पर आते देखे.
LUK 21:28 जब ये बात होन लगी. ते सिधी हुय खे अपनो माथो उप्पर उठानु. क्युकी तुमारो छुटकारो नजीक हुये.
LUK 21:29 फिर यीशु ने उनका से एक दृष्‍टान्‍त भी बोल्य. “अंजीर को झाड अरु सब झाड खे देख.
LUK 21:30 जो मे उनकी डग्यान नीकलस हइ. ते तुम देखी खे खुद मे समजी लेस हय. कि उनाला को टेम्म नजीक हइ.
LUK 21:31 या रीति से जब तुम या बात होते देखे. तब समजी जानु कि परमेश्वर को राज नजिक हइ.
LUK 21:32 मी तुम से सच्ची बोलुस हय. की जब तक या सब बात नी हुये ले. तब तक या पीडी कभी भी खतम नी होन की.
LUK 21:33 बद्दल अरु जमीन टली जाह्ये पन मरी बात कभी नी टलन की.
LUK 21:34 “येका लिये हुशार र्‍हेव असो नी हुये कि तुमारा मन नशा अरु मतवालोपन अरु यो जिवन कि चिन्ताहोन से सुस्त हुय जाव अरु उ दिन तुम पर फन्दा का जसा अचानक अय गिरे.
LUK 21:35 क्युकी व्हा सब जमीन का सब रेगनआला पर या रीति अय गिर्‍हे.
LUK 21:36 येका लिये जाते र्‍हेव अरु हर टेम मे प्रार्थना करते र्‍हेव कि तुम या सब आनवाली घटना होन से बचनो. अरु इन्सान का बेटा का सामने खडो होन का योग्य बन.”
LUK 21:37 उन दिन मे उ मन्‍दिर मे उपदेश करता थो अरु रात को जैतून नामक पहाड पर रहता थो.
LUK 21:38 अरु फजर खे सब दुन्या ओकी सुनन का लिये मन्‍दिर मे ओका पास आया करता था.
LUK 22:1 अखमीर रोटी को तिवार जो फसह बोल्यो जास हइ. नजीक थो.
LUK 22:2 अरु बडो याजक अरु शास्त्री या बात की खोज मे था कि ओखे कसो मारी डाल्हे. पर वे दुन्या से डरता था.
LUK 22:3 अरु सैतान यहूदा मे समायो. जो इस्करियोती बोल्यो जास अरु बारा सेवक मे गिन्यो जातो थो.
LUK 22:4 ओने जेखे बडो याजक अरु पुरोहीत को मुखीया का साथ बातचीत की ओखे रिती से उनको हात पकडयो.
LUK 22:5 वे खुशीसे हुया. अरु ओखे पैसा देन को वादो दियो.
LUK 22:6 उनने मानी लियो, अरु बहानो ढुडन लग्या. कि बिना उपद्रो, ओखे उनका हात पकडय दे फसह कि तैयारी.
LUK 22:7 तब अखमीरी रोटी को तीवार को दिन आयो. जो फसह को मेडा कि बलि करणो जरुरती थो.
LUK 22:8 अरु यीशु ने पतरस अरु यहून्ना खे ह्या बोलीखे भेज्यो. “जयखे हमारो खान, लिये फसह तैयारी कर.”
LUK 22:9 उनने उकासे पुच्छो. “तु खा चाहस हइ. की हम तैयार करा?”
LUK 22:10 यीशु ने उनका से बोल्यो. “देख. नगर मे घुसी करीते य इन्सान पानी को मडको उठायो हुयो तोखे मील्हे. जो घर मे व्हा जाह्ये तुम ओका पिच्छे चली जानु.
LUK 22:11 अरु उ घर को प्रभु से बोल. गुरु तुम से बोलस हइ. कि व्हा मीजवान को घर खा हइ जेमे से मी अपना सेवक का सात फसह खव?”
LUK 22:12 फिर वू तोखे एक सजी सवरी बडी कमरो दिखइ दियो. व्हा तैयारी करणा.
LUK 22:13 उनने जैयखे. जसो उनने ओकासे बोल्यो थो. ओसो य मील्यो. अरु फसह तैयारी करी.
LUK 22:14 जब घडी पहुची ते व्हा प्रेरितहोन, सात खानो खान बठ्यो.
LUK 22:15 अरु यीशु ने उनका से बोल्यो. मेखे बडी लालुच थी. कि दुख भोगनासे पैयले यो फसह तुमारा सात खव.
LUK 22:16 क्युकी मी तुम से बोलुस हय. कि जब तक व्हा परमेश्वर का राज मे पुरो नी हुये तब तक मी ओखे कभी नी खाह्यु.
LUK 22:17 तब ओने कटोरो लिखे धन्य वाद कर्यो अरु बोल्यो. “येखे ले अरु आपस मे बाटी ले.
LUK 22:18 क्युकी मी तुमसे बोलुस हय. कि जब तक परमेश्वर को राज्य नी आह्ये तब तक मी अंगूर रस आब से कभी नी पिनको.”
LUK 22:19 फिर ओने रोटी ली अरु धन्य वाद करी खे तोडी. अरु उनखे यो बोलते हुये दी.यो मरो आंग हइ “मरी याद का लिये यो कर्‍यो कर.”
LUK 22:20 याय रीति से उनने खान का बाद कटोरो मरो उ खुन मे जो तुमारा लिये बोहायो जास हइ नवो वचन हइ.
LUK 22:21 पर देख. मेखे पकडानआलो को हात मरा सात टेबल पर हइ.
LUK 22:22 क्युकी इन्सान को बेटो तो जसो की मी ओका लिये रोख्यो गयो. जातो हूये हइ. पर हाय उ इन्सान पर जिन का द्वारा उ पकडायो जास हइ.
LUK 22:23 तब वे आपस मे पुछ ताछ करण लग्या. हम मे से कोन हइ. जो यो काम कर्‍हे?
LUK 22:24 उनमे ह्या वाद विवाद भी हुय. कि हम मे से कोन बडो समझी जास हइ?
LUK 22:25 उनने यीशु से बोल्यो. गैरयहूदिहोन को राजा उन पर प्रभुता करस हइ, अरु जो उन पर अधिकार रखस हइ. वे उपकार बोल्योस हइ.
LUK 22:26 पन तुम असो नी होनु. क्युकी जो तुम मे बडो हइ. व्हा छोटो का जसो अरु जो बडो हइ. व्हा सेवक होन का जसो बन.
LUK 22:27 क्युकी बडो कोन हइ. व्हा जो खाना पर बठ्यो याव्हा जो सेवा करस हइ? व्हा नी जो खाना पर बठ्यो हइ पर मी तुम्हारा बीच मे सेवक का जसो हय.
LUK 22:28 “पन तुम व्हा हय. जो मरी परीक्षाहोन मे लगातार मरा सात र्‍हे.
LUK 22:29 अरु जसो मरा बाप ने मरा लिये एक राज्य रोख्योस हइ मी भी तुम्हारा लिये रोख्योस हय.
LUK 22:30 जब की तुम मरो राज्य मे मरी मेज पर खाव पिओ. क्युकी सिंहासन पर बठीखे इस्राएल का बारा गोत को न्याय कर.
LUK 22:31 “शमौन. हे शमौन सैतान ने तुम दुन्या खे मागी लियो हइ कि गहु का जसो फटीखे.
LUK 22:32 पन मे ने तरा लिये प्रार्थना करी. कि तरो विश्वास जातो नी र्‍हे अरु जब तू फिर ते अपना भैइहोन खे रोखनु करणु.”
LUK 22:33 यीशु ने उनका से बोल्यो, हे प्रभु मी तरा सात बन्दीगृह जान क्युकी मरन खे भी तैयार हय.
LUK 22:34 ओने बोल्यो हे पतरस मी तरासे बोलुस हय कि आज मुर्गा बांग देना जब तक तु तीन बार मरो इन्कार नी कर लिह्ये कि मी ओखे नी परछानु.
LUK 22:35 अरु यीशु ने उनका से बोल्यो, “जब मे ने तुमखे थैली अरु झोलो. अरु जुता बिना भेज्यो थो. ते का तुमखे कोय बात कि कमी हुय थी?” उनने बोल्यो. कोय चिज की नी.
LUK 22:36 यीशु ने उनका से बोल्यो. पन आब जिन का पास थैली हय व्हा ओखे ले. अरु वसो य झोलो भी. अरु जिनका पास तलवार नी हुये वे अपना कपडा बेचीखे एक मोल लीले.
LUK 22:37 क्युकी तुमसे बोलुस कि यो लिख्यो हइ. “व्हा अपराधी का साथ गिन्यो गयो. ओको मरा मे पुरो होनो जरुरती हइ. क्युकी मरा बारे कि बात पुरी होना पर हइ.”
LUK 22:38 उनने बोल्यो. हे प्रभु. देख. ह्या दो तलवार हइ. यीशु उनसे बोल्यो. “भोत हइ.”
LUK 22:39 तब बाहेर नीकली खे अपनी रीति का जसो जैतून का टेकडा पर गयो. अरु सेवक ओका पिच्छे हुय लिया.
LUK 22:40 वा जगत मे पहुची खे यीशु ने उनका से बोल्यो. “प्रार्थना करणु. कि तुम परीक्षा मे नी गिरन का.”
LUK 22:41 अरु व्हा ओने एक ढेकलो फेकना कि दुर भरी गया. अरु घुटना टेकीखे प्रार्थना करण लग्या.
LUK 22:42 “हे बाप अगर तु चाह्ये ते यो कटोरा खे मरा पास से हटयी ले. फिर भी मरी नी पन तरी इच्छा पुरी हुये.”
LUK 22:43 तब स्वर्ग से एक दूत दिखास दियो जो ओखे सामर्थ्य देतो थो.
LUK 22:44 अरु व्हा खुप संकट मरा व्याकुल हुयखे अरु भी हार्दिक तखलीप से प्रार्थना करण लग्यो. अरु ओको पसीनो मानी खुन की बडि बडि थेम का जसो जमीन पर गिरी रा था.
LUK 22:45 तब व्हा प्रार्थना से उठ्यो अरु अपना सेवक का पास अयखे उनखे उदासी का मारे सोते देख्यो.
LUK 22:46 अरु उनका से बोल्यो. “का सोस हय? उट खे प्रार्थना कर कि परीक्षा मे नी पडे.”
LUK 22:47 उ यो बोली य रोथो. कि देख एक गर्दी अय. अरु वे बारा मे एक जोको नाम यहूदा थो उनका आगे आगे अय रो थो. व्हा यीशु का पास आयो. कि ओको चुम्मो ले.
LUK 22:48 यीशु ने उनका से बोल्यो. “हे यहूदा का तु चूमो लिखे इन्सान को बेटा खे पकडास हइ?”
LUK 22:49 यीशु का साथीहोन ने जब देख्यो कि होनआलो हइ. ते बोल्य “हे प्रभु का हम तलवार चलाह्या?”
LUK 22:50 अरु उनमे से एक ने महायाजक सेवक पर तलवार चलखे ओका जवनो टी दियो.
LUK 22:51 येका पर यीशु ने बोल्यो. “अब बस कर.” अरु ओको न छीखे अच्छो कर्‍यो.
LUK 22:52 तब यीशु ने प्रधान याजको अरु मन्‍दिर को बडो अधिकारी अरु बापदादाहोन से. जो उ पर चडीखे आया था. बोल्हे. का “तुम मेखे डाकु समजी खे तलवार अरु लकडि लिखे नीकल्या हय?
LUK 22:53 जब मी मन्‍दिर मे हर दिन तुम्हारा सात थो. ते तुम ने मरा पर हात नी डाल्यो. पर ह्या तुमारी घडी हइ. अरु अंधारा को अधिकार हइ.”
LUK 22:54 फिर वे ओखे पकडीखे ली चल. अरु महा याजक का घर मे लायो अरु पतरस दुर मे दुर ओका पिच्छे चल्यो थो.
LUK 22:55 अरु जब वे अंगन मे अंगार लगय खे येकजगा बठ्या. ते पतरस भी उनका बिच मे बठी गयो.
LUK 22:56 अरु एक दासी ओखे उजार मे बठ्यो देखीखे अरु ओका तरप देखीखे बोलन लगी “यो भी तो उ सात थो.”
LUK 22:57 पन ओने यो बोली खे इनकार कर्‍यो. “हे बय मी ओखे नी परछानु!”
LUK 22:58 थोडा देर बाद कोय दुसरा ने ओखे देखी खे बोल्यो. “तु भी तो उनमे से हइ.” पतरस ने बोल्यो. “हे इन्सान मी नी हय.”
LUK 22:59 नजिक पास एक घन्टा बाद अरु इन्सान हिम्मत से बोलन लग्या. पक्को इरादो यो भी तो ओका सात थो. क्युकी यो गलील हइ
LUK 22:60 पतरस ने बोल्यो. “हे इन्सान मी नी समजुस कि तुम बोलस हइ?” व्हा बोली य राथा कि तुरुत मुर्गा ने बांग देयो.
LUK 22:61 तब प्रभु ने घुमी खे पतरस का तरप देख्यो अरु पतरस खे प्रभु, वा बात याद अय जो यीशु ने बोली थी. “आज मुर्गा की बांग देनासे पइले तू तीन बार मरो इनकार कर्‍हे.”
LUK 22:62 अरु व्हा बाहेर नीकलीखे फुटि फुटि खे रोन लग्यो.
LUK 22:63 जो इन्सान यीशु खे पकड्यो हुयो थो. वे ओको उपहार करण पीटन लग्यो
LUK 22:64 अरु ओकी आख झाकि खे ओकासे पुच्छ. “भविष्यवाणी करीखे बात करी तोखे कोने मार्‍यो.”
LUK 22:65 अरु उनने खुप सी अरु नीन्दा कि बात ओका बारे मे बोली.
LUK 22:66 जब दिन हुयो ते दुन्या का बुजुरुख अरु प्रधान याजक अरु शास्त्री एकजगा जमा हुया. अरु ओखे अपनी महासभा मे लयखे पुच्छो.
LUK 22:67 “अगर तु मसीह हइ. ते हम से बोली दे!” यीशु ने उनका से बोल्यो. अगर मी तुम से बोल्हु ते विश्वास नी करण.
LUK 22:68 अरु अगर पुछ ते उत्तर नी दिह्ये.
LUK 22:69 पन आब से इन्सान को बेटो सर्वशक्तिमान परमेश्वर का जवना तरप बठ्यो र्‍हिये.
LUK 22:70 येका पर सब ने बोल्यो. “ते, तु परमेश्वर को बेटो हइ?” यीशु ने उनका से बोल्यो. “तुम खुद मे बोलस. हय. क्युकी मी हय.”
LUK 22:71 तब उनने बोल्यो. “आब हम गवइ कि, जरुरत हइ. क्युकी हमने खुद मे उ, मेडासे सुनी लियो हइ.”
LUK 23:1 तब सब सभा उठीखे ओखे पिलातुस का पास ली गया.
LUK 23:2 अरु वे ह्या बोली खे ओका पर दोस्त्त लगान लग्या. “हमने ये दुन्या खे भैकातो अरु कैसर खे करी देना से मना करते. अरु अपना आप खे मसीह. राजो बोलते हुयो सुन्योस हइ.”
LUK 23:3 पिलातुस ने यीशु से पुछ्यो “तु यहूदीयाहोन को राजो हइ?” यीशु ने उत्तर दियो. तू खुद मे बोली रोस हइ.
LUK 23:4 तब पिलातुस ने प्रधान याजक अरु दुन्या से बोल्यो “मी यो इन्सान मे कुछ दोस्त्त नी देखु.”
LUK 23:5 पर वे अरु भी दृढता से बोलन लग्या. “ह्या गलील से ह्या तक सब यहूदीया मे उपदेस दि दिखे दुन्या खे भडकस हइ.”
LUK 23:6 यो सुनी खे पिलातुस ने पुच्छो “यो इन्सान गलीली हइ?”
LUK 23:7 अरु यो समजी खे कि व्हा हेरोदेस अधिकारी का पास भेजी दियो. क्युकी वे दिन मे व्हा भी यरुशलेम गाव मे था.
LUK 23:8 हेरोदेस यीशु खे देखी खे भोत मे खुश हुयो. क्युकी व्हा भोत दिन से उनखे देखनो चाहस था येका लिये कि उनखे देखनो चाहतो थो. येका लिये कि ओका बारे मे सुन्यो अरु ओको कुछ चिन्ह देखन कि आस रखेतो थो.
LUK 23:9 व्हा ओका से भोत सारी बात पुछतो र्‍हियो. पर यीशु ने ओखे कुछ भी उत्तर नी दियो.
LUK 23:10 अरु प्रधान याजक अरु शास्त्री खडो हुयो तन मन से उस पर दोष लगाते र्‍हियो.
LUK 23:11 तब हेरोदेस ने अपना सिपयहोन का साथ ओको अपमान करी खे उपहास कर्‍यो. अरु चमकदार कपडा पेनीखे ओखे पिलातुस का पास पलट्य दियो.
LUK 23:12 उये दिन पिलातुस अरु हेरोदेस दोस्त्त हुय गयो येका पैयले वे एक दुसरा को दुशमन था.
LUK 23:13 पिलातुस ने प्रधान याजक अरु मुखियो अरु दुन्या खे बुलखे उनसे बोल.
LUK 23:14 “तुम यो इन्सान खे दुन्या, भैइ कानालो रोखीखे मरा पास लास हय. अरु देख. मेने तुमारा सामने ओकि तपासनी करी. पर जो बात का तुम ओका पर दोस्त लगास हय. वा बात, बारे मे मेने ओमे कुछ भी दोस्त नी देख्योस हइ.
LUK 23:15 नी हेरोदेस ने. क्युकी ओने ओखे हमारा पास पलटय दियो हइ अरु देख. ओकसे असो कुछ नी हुयो कि व्हा मृत्यु को दण्ड को योग्य रोख्यो जाह्ये.
LUK 23:16 येका लिये मी ओखे मारी खे छोडी देस हय.”
LUK 23:17 पिलातुस तिवार का टेम उनका लिये एक बन्दी खे छोडना पर विकुल थो.
LUK 23:18 तब सब मीलीखे चिल्लय उठ्यो. “येको काम तमाम कर. अरु हमारा लिये बरअब्बा नाम खे छोडी दे.”
LUK 23:19 व्हा कोय बलवे करण जो नगर मे हुयो थो. अरु मारनो को करण बन्दीगृह मे डाल्यो गयो थो.
LUK 23:20 पर पिलातुस ने यीशु खे छोडन कि इच्छा से दुन्या खे फिर समजायो.
LUK 23:21 पर उनने चिल्लयखे बोल्यो. “ओखे क्रुस पर चडा. क्रुस पर!”
LUK 23:22 यीशु ने तिसरी बार उनका से बोल्यो. “क्यु ओने कोन सी बुरय की हइ? मेने ओमे मृत्यु दण्ड को योग्य कोय बात नी मील्हे! येका लिये मी ओखे मारीखे छोडी दियो हय.”
LUK 23:23 पन वे चिल्लय खे पिछे पडी गयो. कि व्हा क्रुस पर चडयो जाह्ये. अरु उनको चिल्लानो प्रबल हुयो.
LUK 23:24 तब पिलातुस ने आज्ञा दी.कि उनकि बिनती, जसो कर्‍यो जाह्ये.
LUK 23:25 अरु यीशु ने उ इन्सान खे जो विद्रोही अरु मारन करण बन्दीगृह मे डाल्यो गयो थो. अरु जेखे वे मागता था. छोडी दियो. अरु यीशु खे उनकी इच्छा, जसो दि दिह्ये
LUK 23:26 जब वे ओखे लिखे जय रा था. ते उनने शमौन नाम एक कुरेनी खे जो गाव से अय रो थो.पकडीखे ओका पर क्रुस खे लादी दियो कि ओखे यीशु का पीछे पीछे ली चला.
LUK 23:27 अरु दुन्या की बडी गर्दी ओका पिच्छे चली अरु भोत सारी लुगय भी. जो ओका लिये छाती पीटती अरु विलाप करती थी.
LUK 23:28 यीशु ने उनका तरप फिरीखे बोल्यो “हे यरुशलेम. की बेटीहोन मरा लिये मत रोय. पन अपना अरु अपना बच्चा का लिये रो.
LUK 23:29 क्युकी वे दिन आस हइ. जिनमे दुन्या बोल्हे ‘धन्य हइ वे जो बाझ हइ. अरु वे स्तन जिनने दुध नी पिलायो.’
LUK 23:30 उ टेम ‘वे टेकडा से बोलन लगेह्ये. कि हम पर गिर्‍यो. अरु टीलो से कि हम झाकि ले.’
LUK 23:31 क्युकी जब वे हरा झाड का सात असो करस हइ. ते सुख का सात का कुछ नी कर्‍यो जाह्ये?”
LUK 23:32 वे अरु दो इन्सान खे भी जो राजद्रोही था ओका साथ मारी डालन खे ली चल्यो.
LUK 23:33 जब वे वा जगा जेखे झोपडि बोलस हइ पहुचे. ते उनने व्हा ओखे अरु वे राजद्रोही खे भी एक खे जवना अरु दुसरा खे डाखोर्‍या अरु क्रुस होन पर चडायो.
LUK 23:34 तब यीशु ने बोल्यो. “हे बाप. इनखे माफ कर. क्युकी ये समजो नी कि का करी रास हइ?” अरु उनने चिट्ठी डालीखे ओका कपडा बाटी लिया.
LUK 23:35 दुन्या खडो खडो देखी रा था. अरु मुखियो भी उपहास करी करीखे बोलता था. “येने दुसरा खे बचायो. अगर ह्या परमेश्वर को मसीह हइ. अरु उनको चुन्यो हुयो हइ. ते अपना आप खे बचय ले.”
LUK 23:36 सिपय भी नजीक अयखे अरु सिर, दिखे ओको उपहास करीखे बोलता था.
LUK 23:37 “अगर तू यहूदीयाहोन को राजो हइ. ते अपना आप खे बचान.”
LUK 23:38 अरु उनका उप्पर एक दोस्त्त चिठ्ठी भी लग्यो थो “ह्या यहूदीयाहोन को राजो हइ.”
LUK 23:39 जो राजद्रोही लटकायो गयो थो. उनमे से एक ने ओकी नीन्दा करीखे बोल्यो “का तू मसीह नी? ते फिर अपना आप खे अरु हमखे बचान.”
LUK 23:40 येका पर दुसरा ने ओखे धमकय खे बोल्हे “तू परमेश्वर से भी नी डरु? तोखे भी तो व्हा दण्ड मीली रोस हइ”
LUK 23:41 अरु हमखे तो न्याय जसो दण्ड मीली रोस हइ. क्युकी हमखे अपना काम खे बरोबर फल मीली रोस हइ. पर इनने कोय बुरो काम नी कर्‍यो.
LUK 23:42 तब उनका से बोल्यो. “हे यीशु. जब तू अपनो राज मे आह्ये. ते मरी याद लेनू.”
LUK 23:43 यीशु ने उनका से बोल्यो. “मी तरासे सच्ची बोलुस हय कि आज हि तू मरा सात स्वर्गलोक मे हुये.”
LUK 23:44 अरु नजीकपास दुपेर से तिसरा पर तक सब देस मे अधारो हुइ गयो.
LUK 23:45 अरु सुरज को प्रकाशन जातो र्‍हियो. अरु मन्‍दिर को परदा का बिच मे से फटी गय.
LUK 23:46 अरु यीशु ने बड अवाज से बुलय खे बोल्यो. “हे बाप मी अपनी आत्मा तरा हात मे दिउस हय.” अरु यो बोलीखे जान छोडी दियो.
LUK 23:47 सुबेदार ने जो कुछ हुयो थो देखीखे परमेश्वर की महिमा करी अरु बोल्यो. “ठानीलियो ह्या इन्सान न्यायी थो.”
LUK 23:48 अरु गर्दी जो ह्या देखन खे जमा हुय थी. या घटना खे देखी खे छाती ठोकते पलटी गया.
LUK 23:49 अरु ओका सब जान्या पहीचान्या. अरु जो बय गलील से उ सात अय थी. दूर खडी हुय ह्या सब देखी थी.
LUK 23:50 अरु व्हा. यूसुफ नाम खे महासभा को एक सदस्य थो. जो अच्छो न्यायी इन्सान थो.
LUK 23:51 अरु उनको बिचार अरु उनको यो काम से खुश नी थो. अरु व्हा यहूदीयाहोन का नगर अरिमतियाह का र्‍हेनवाला अरु परमेश्वर का राज कि प्रतीक्षा करणआलो था.
LUK 23:52 यीशु ने पिलातुस का पास जयखे यीशु कि लास मागी.
LUK 23:53 अरु ओखे उतारीखे मलमल कि चद्दर मे गुड्यो. अरु एक मरगट मे रख्यो. जो चट्ठान मे खोदी हुयी थी. अरु ओमे कोय कभी नी रख्यो जातो थो.
LUK 23:54 यो तैयारी का दिन थो. अरु आराम को दिन सुरवात होना पर थो.
LUK 23:55 अरु वे बयहोन ने जो उनका सात गलील से अय थी पिछे पिछे जयखे वा कब्र खे देख अरु ह्या भी कि ओकी लास कोय रीति से रख्यो गयोस हइ.
LUK 23:56 अरु पलटी खे गधानवाली चिज अरु अत्रर तैयार कर. अरु आराम का दिन तो उनने आज्ञा का जसो अराम कर्‍यो.
LUK 24:1 पन हप्ता का पैयला दिन बडा फजर खे वे उ गधानवाली चिजहोन खे जो उनने तैयार करी थी. लीखे मरगट पर अय.
LUK 24:2 अरु उनने फत्तर खे कब्र का दरवाजा पर से लुडक्यो हुयो लिल्यो.
LUK 24:3 अरु अंदर जैखे प्रभु यीशु की लास नी मीली.
LUK 24:4 जब वे या बात से भौचक्की हुय री थी तब. दो इन्सान चमकता कपडा पेन्या हुया उनका पास अय खडो हुयो.
LUK 24:5 जब वे डरी गय. अरु जमीन का तरप मुडो झुकय री. ते उनने उनसे बोल्यो. “तुम जिन्दो खे मर्‍या हुया मे क्यु ढुडस हय?
LUK 24:6 उ ह्या नी. पन जिन्दो हइ. याद कर कि ओने गलील मे र्‍हेते हुये तुम से बोल्यो थो.
LUK 24:7 ‘यो जरुरी हइ कि इन्सान को बेटो पापीहोन का हात मे पकडायो जाह्ये. अरु क्रुस पर चडायो जाह्ये अरु तीसरा दिन जिन्दो हुये.’”
LUK 24:8 तब ओकि बात ओखे याद अय.
LUK 24:9 अरु कब्र से पलटी खे उनने वे ग्यारा खे अरु दुसरा सब खे या सब बात बोली सुनय.
LUK 24:10 जिनने प्रेरितहोन से या बात बोली वे मरियम मगदलीनी अरु योहन्‍ना अरु याकूब की माय मरीयम अरु उनका सात कि दुसरी बय भी थी.
LUK 24:11 पन उनकी बात उनने कानी का जसी लगी अरु उनने उन पर विश्वास नी कर्‍यो.
LUK 24:12 तब पतरस उठीखे कब्र पर दौडि गयो अरु झुकि खे फक्त कपडा पड्या देख्या अरु जो हुयो थो. ओकासे अचम करते हुय. अपना घर चली गया.
LUK 24:13 उये दिन उनमे से दो झन इम्माउस नाम खे एक गाव खे जय रा था. यरुशलेम नगर से नजीकपास ग्यारा किलो मीटर की दूरी पर थो.
LUK 24:14 अरु वे सब बात पर जो हुय थी. आपस मे बातचीत करते जय रा था.
LUK 24:15 अरु जब वे आपस मे बातचीत अरु पुछ ताछ करी रा था. ते यीशु खुद नजीक अयखे उनका साथ हुय लियो.
LUK 24:16 पन उनकी आख असी बन्द करी दी गय थी. कि ओखे पहीचानी नी सक्या.
LUK 24:17 उनने पुछ्यो. “या का बात हइ. जो तुम चलते चलते आपस मे करस हय?” वे उदासी से खडा र्‍हिया गया.
LUK 24:18 यो सुनीखे. उनमे से क्लियुपास नाम खे एक इन्सान ने बोल्यो. “का तु यरुशलेम मे एकलो परदेसी हइ. जो नी पयछाने. कि यो दिन मे ओमे का का हुयोस हइ?”
LUK 24:19 “यीशु ने उनसे पुछ्यो कोन सी बात?” उनने ओकासे बोल्यो. “यीशु नासरी का बारे मे “जो परमेश्वर अरु सब दुन्या का नजीक काम अरु वचन मे सामर्थ्यी भविष्यव्दक्ता थो.”
LUK 24:20 अरु मुखियो याजक अरु हमारा मुखियो ने ओखे पकडय दिये. कि ओका पर मृत्यु की आज्ञा दी जाह्ये. अरु ओखे क्रुस पर चडय दिह्ये.
LUK 24:21 पन हम आस थी. की ह्या इस्राएल खे छुटकारो दिह्ये. अरु या सब बात का सिवाय या घटना खे हुय तीसरो दिन हइ.
LUK 24:22 अरु हम मे से कोय बय ने भी हम आश्चर्य मे डाली दियोस हइ. जो फजर खे कब्र पर गय थी.
LUK 24:23 अरु जब ओकी लास नी मीली.ते ह्या बोलती हुइ अय. कि हमने स्वर्गदूत को दर्शन मील्यो.जिनने बोल्यो कि व्हा जिन्दो हइ.
LUK 24:24 तब हमारा सातआला मे से कोय एक कब्र पर गयो का अरु जसो बय ने बोल्यो थो. वसो हय का मील्यो पन उनखे नी देख्यो.
LUK 24:25 तब यीशु ने उनसे बोल्यो. “हे बिनादिमाक आला अरु भविष्यव्दक्ता कि सब बात पर विश्वास करणा मे मन्दमति हुये!
LUK 24:26 का जरुरी नी थो. कि मसीह यो दुख उठयखे अपनी महिमा मे अंदर कऱ्हे?”
LUK 24:27 तब ओने मूसा से अरु सब भविष्यव्दक्ताहोन से सुर्वात करीखे सब पवित्रशास्त्र मे से. अपना बारे मे करी बात को अर्थ. उनने समझय दियो.
LUK 24:28 येतना मे उ गाव का पास पहुच्यो. झा वे जय रा था. अरु ओका ढंग से असो जानी पड्यो कि व्हा आगे बडनो चाहस हइ.
LUK 24:29 पन उनने यो बोलीखे ओखे रोख्यो. “हमारा सात र्‍हे. क्युकी संजा हुय चली हइ.” तब व्हा उनका सात र्‍हेन का लिये अंदर गया.
LUK 24:30 जब व्हा उनका साथ खान खे बठ्यो. ते ओने रोटी लिखे धन्यवाद कर्‍यो. अरु ओखे तोडिखे उनखे देन लग्यो.
LUK 24:31 तब उनकी आख खुली गय. अरु उनने ओखे पहीचान लियो. अरु व्हा उनका आख से लुकि गयो.
LUK 24:32 उनने आपस मे बोल्यो. “जब व्हा रस्ता मे हम से बात करता था. अरु पवित्रशास्त्र को अर्थ हम के समझतो थो. ते का हमारा मन मे उत्तेझना नी परदा हुइ?”
LUK 24:33 वे वय टेम उठीखे यरुशलेम खे पलटी गया. अरु उन ग्यारा अरु उनका साथिहोन खे जमा देख्या.
LUK 24:34 वे बोलता था. “प्रभु सच्ची जिन्दो उठ्योस हइ, अरु शमौन खे दिखय दियोस हइ.”
LUK 24:35 तब उनने रस्ता की बात उनने बतय दी अरु ह्या भी कि उनने ओखे रोटी तोडते टेम कसो पैछान्यो.
LUK 24:36 वे या बात बोलीय रो थो. कि व्हा खुद मे उनका बीच मे अय खडो हुयो. अरु ओने बोल्यो. “तुम खे शांती मील्हे.”
LUK 24:37 पन वे घबरय गयो. अरु डरी गयो. अरु समझ्ये. कि हम कोय सैतान खे देखी रास हइ.
LUK 24:38 यीशु ने उनका से बोल्यो. “काय घबरास हय? अरु तुमारा मन मे का संदेह उठस हइ?
LUK 24:39 मरा हात अरु मरा पाय खे देख. कि मी व्हा हय. मेखे छिखे देख. क्युकी आत्मा का हड्डा मास नी होतो जसो मेखे मी देखतो हय.”
LUK 24:40 ह्या बोलीखे यीशु ने उनखे अपनो हात अरु पाय बतायो.
LUK 24:41 जब खुशी का मारे उनको विश्वास नी हुय रो थो. अरु आश्चर्य करता था. ते यीशु ने उनसे पुछ्यो. “का ह्या तुमारा पास कुछ खानो हइ?”
LUK 24:42 उनने ओखे भुजी मंछी को टुकडो दियो.
LUK 24:43 यीशु ने लिखे उनका सामने खायो.
LUK 24:44 फिर यीशु ने उनसे बोल्यो. “या मरी वे बात हइ. जो मेने तुमारा सात र्‍हेते हुयो. तुम से बोली थी. कि जरुरती हइ. कि जोतनी बात मूसा कि व्यवस्था अरु भविष्यव्दक्ताहोन अरु भजन कि किताब मे. मरा बारे मे लीखी हइ. सब पुरी हुये.”
LUK 24:45 तब यीशु ने पवित्रशास्त्र समझन का लिये उनकी समझ खोली दी.
LUK 24:46 अरु उनका से बोल्यो. “यो लिख्योस हइ कि मसीह दुख उठाह्ये. अरु तीसरा दिन मर्‍यो हुया मे से जिन्दो उठ्ये.
LUK 24:47 अरु यरुशलेम से लीखे सब राष्ट्र मे मन फिराव को अरु पाप कि माफि को प्रचार उय नाम से कर्‍यो जाह्ये.
LUK 24:48 तुम या सब बात कि गवाह हय.
LUK 24:49 अरु जिनकी प्रतीज्ञा परम बाप ने करी हइ. मी उनखे तुम पर उतारु हुये अरु जब तक स्वर्ग से सामर्थ्य नी मील्यो. तब तक तुम याय नगर मे रुख्यो.”
LUK 24:50 तब व्हा उनने बैतनीय्याह तक बाहेर ली गयो. अरु अपना हात उठखे उनने आशिर्वाद दीयो.
LUK 24:51 अरु उनने आशिर्वाद देते हुये व्हा से उनका से अल्लग हुय गयो अरु वु स्वर्ग पर उठइ लियो.
LUK 24:52 अरु वे ओखे आराधना करीखे बडि खुशी से यरुशलेम खे पलटी गया.
LUK 24:53 अरु वे घडि घडि मन्दिर मे हाजीर हुयखे परमेश्वर कि स्तुती कर्‍यो करता था.
JOH 1:1 सुरु मे शब्द थो, अरु शब्द परमेश्वर का साथ थो, अरु शब्द परमेश्वर थो.
JOH 1:2 यो ही सुरु मे परमेश्वर का साथ थो.
JOH 1:3 सब कुछ ओका वजेसे पइदा हुयो अरु जो कुछ पइदा हुयो हइ ओमे से कोय भी चिज ओका बिना पइदा नी हुया.
JOH 1:4 उ जिवन थो, उ जिवन इन्सानहोन को उजालो थो.
JOH 1:5 अरु उजालो अंधारा मे चमकस हइ. अरु अंधारा ने ओखे कबुल नी कऱ्यो.
JOH 1:6 एक इन्सान परमेश्वर का तरप से आयो उपस्थित हुयो जोको नाम यहून्ना थो.
JOH 1:7 यो गवइ देन आयो, कि उजाला कि गवइ दे, ताकि सब ओका वजेसे विश्वास लाये.
JOH 1:8 उ खुद तो उजालो नी थो, पर उ उजाला का बारेमे गवइ देन का लिये आयो थो.
JOH 1:9 सच्ची उजालो जो हर एक इन्सान खे उजालो करस हइ जगत मे आनआलो थो.
JOH 1:10 उ जगत मे थो, अरु इन्सान ओका वजेसे पइदा हुया, अरु इन्साहोन ने ओखे नी परछान्यो.
JOH 1:11 उ अपना घर मे आयो अरु ओका अपना ने ओखे कबुल नी कर्यो.
JOH 1:12 पर जोत्ता ने ओखे कबुल कर्यो, ओने उनखे परमेश्वर का बच्चा होन को अधिकार दियो, यानेकी उनने जो ओका नाम पर विश्वास रखस हइ.
JOH 1:13 वे नी ते खुन से, नी आंग की इच्छा से, नी इन्सान की इच्छा से, पर परमेश्वर से पइदा हुयो हइ.
JOH 1:14 अरु वचन देहधारी हुयो. अरु अनुग्रह अरु सच्चीइ से परिपूर्ण हुइखे हमारा बीच जियो, अरु हमने ओकी असी महिमा देखी जसी बाप का एकलौता बेटा की महिमा.
JOH 1:15 यहून्ना ने ओका बारे मे गवइ दी, अरु बुलय खे बोल्यो, यो उ हइ, जोको मेने वर्णन कर्यो, कि जो मरा बाद अय रो हइ, उ मरासे बडीखे हइ, क्युकी उ मरासे पइले थो.
JOH 1:16 क्युकि ओकी परिपूर्णता से हम सब ने मील्हे कर्यो मंनजे अनुग्रह पर अनुग्रह.
JOH 1:17 येका लिये कि व्यवस्था तो मूसाक का वजेसे दी गवइ, पर अनुग्रह अरु सच्ची यीशु मसीह का वजेसे पहुची.
JOH 1:18 परमेश्वर खे कोय ने कभी नी देख्यो, एकलोतो बेटो जो बाप का खोरा मे हइ, ओने ओखे प्रगट कर्यो.
JOH 1:19 यहून्ना की गवइ या हइ, कि जब यहूदीयाहोन ने यरुशलेम से याजकहोन अरु लेवीहोन खे ओकासे पुछन का लिये भेज्यो, “तू कोन आय?”
JOH 1:20 ते ओने यो मानी लियो, अरु इनकार नी कर्यो, पर मानी लियो “मी मसीह नी आय.”
JOH 1:21 “तब ओने ओकासे पूछ्यो,” “ते फिर तू कोन आय?” “तू एलिय्याह आय?” ओने बोल्यो, “मी नी आय” का ते तू उ भविष्यव्दक्ता आय? “ओने जवाब दियो नी.”
JOH 1:22 “तब ओने ओका से पूछ्यो का फिर तू हइ कोन ताकि हम अपना भेजन आला खे जवाब दे कि तू अपना बारे मे का बोलस हइ?”
JOH 1:23 ओने बोल्यो, “जसो यशायाह भविष्यव्दक्ता ने बोल्यो हइ मी जंगल मे फुकारनआला को आवाज आय खे तुम प्रभु का लिये रस्ता सीधी करणु.”
JOH 1:24 वे दूत जो फरीसीहोन का तरफ से भेज्या गया था.
JOH 1:25 उनने ओकासे यो सवाल पूछ्यो, “अगर तू नी मसीह हइ, अरु नी एलिय्याह, अरु नी उ भविष्यव्दक्ता आय, ते फिर बपतिस्मा क्यु देस हइ?”
JOH 1:26 यहून्ना ने उनखे जवाब दियो, मी पाणी से बपतिस्मा देउस हइ, पर तुम्हारा बीच मे एक इन्सान खडो हइ, जेखे तुम खे नी मालुम.
JOH 1:27 अगर मरा बाद आनआलो हइ, ओका जुता कि तन्नी मी खोलना का लायक नी.
JOH 1:28 या बातहोन यरदन नद्दी पार बैतनीय्याह मे हुइ खे , जहा यहून्ना बपतिस्मा देतो थो.
JOH 1:29 दूसरा दिन यहून्ना यीशु खे अपना तरफ आते देखी खे बोल्यो, “देखनु, यो परमेश्वर को मेडो हइ जो जगत को पाप उठै ली जास हइ.
JOH 1:30 यो उ आय, जोका बारे मे मेने बोल्यो थो, कि एक इन्सान मरा पीछे आस हइ, जो मरा से बडो हइ, क्युकि उ मरासे पैयले थो.
JOH 1:31 अरु मी तो ओखे परछानतो नी थो, पर येका लिये मी तो पाणी से बपतिस्मा देतो आयो, कि उ इस्राएल पर प्रगट हुइ जाह्ये.”
JOH 1:32 अरु यहून्ना ने या गवइ दी, मेने आत्मा खे कबूतर का रुप मे स्वर्ग से उतरता देख्यो हइ, अरु उ ओ पर ठैरी गयो.
JOH 1:33 अरु मी तो ओखे परछानतो नी थो, पर जो ने मेखे पानी से बपतिस्मा देन खे भेज्यो, ओने मेखे बोल्यो, जोका पर तू आत्मा खे उतरते अरु रोखते देख्यो. उ पवित्र आत्मा से बपतिस्मा देनालो हइ.
JOH 1:34 अरु मेने देख्यो, अरु गवइ दी हइ कि यो मे परमेश्वर को बेटो हइ.
JOH 1:35 दूसरा दिन फिर यहून्ना अरु ओका सेवक मे से दो झन खडा हुया था.
JOH 1:36 अरु ओने यीशु पर जो जै रो थो, नजर करीखे बोल्यो, “देखनु, यो परमेश्वर को मेडो हइ.”
JOH 1:37 तब वे दो सेवक ओकी सुनीखे यीशु का पीछे गया.
JOH 1:38 यीशु ने घुमी खे अरु उनखे पीछे आते देखी खे उनसे बोल्यो, “तुम को की खोज मे हइ?” उनने ओकासे बोल्यो, “हे गुरु, मंनजे हे गुरु, तू खा र्‍हेस हइ?”
JOH 1:39 ओने उनसे बोल्यो, “चल, ते देखी लिये” तब उनने अय, ओकी र्‍हेन कि जगा देखी, अरु उ दिन ओका साथ र्‍हिया. अरु यो दसवा घंटा का नजीकपास थो.
JOH 1:40 वे दोइ मे से, जो यहून्ना की बात सुनीखे यीशु का पीछे चली गया था, एक शमौन पतरस को भैइ अन्द्रियास थो.
JOH 1:41 ओने पैयले अपना सगो भैइ शमौन से मीलीखे ओकासे बोल्यो, “हमखे ख्रिस्त अगर मसीह मीली गयो.”
JOH 1:42 उ ओखे यीशु का पास लायो यीशु ने ओका पर नजर करीखे बोल्यो, “तू यहून्ना को बेटो शमौन हइ, तू कैफा मंनजे पतरस कहलाये.”
JOH 1:43 दूसरा दिन यीशु ने गलील खे जानो चाह्यो, अरु फिलिप्पुस से मीलीखे बोल्यो, “मरा पीछे अय जा.”
JOH 1:44 फिलिप्पुस तो अन्द्रियास अरु पतरस को नगर बैतसैदा को नीवासी थो.
JOH 1:45 फिलिप्पुस ने नतनएल से मीलीखे ओकासे बोल्यो, “जेको वर्णन मूसा ने व्यवस्था मे अरु भविष्यव्दक्ताहोन ने कर्यो हइ, उ हमखे मीली गयो. उ यूसुफ को बेटो, यीशु नासरत हइ.”
JOH 1:46 नतनएल ने ओकासे बोल्यो “कोय अच्छी चिज भी “नासरत से नीकली सकस हइ?” फिलिप्पुस ने ओकासे बोल्यो, “चलीखे देखी ले.”
JOH 1:47 यीशु ने नतनएल खे अपना तरफ आते देखीखे ओका बारे मे बोल्यो, “देखनु, यो सच्ची मे इस्त्राएलि हइ येमे कपट नी.”
JOH 1:48 नतनएल ने ओका से बोल्यो, “तू मेखे कसो जानस हइ?” यीशु ने ओखे जवाब दियो, “येका से पैयले कि फिलिप्पुस ने तोखे बुलायो, जब तू अंजीर का झाड का नीचे थो, तब मेने तोखे देख्यो थो.”
JOH 1:49 नतनएल ने ओखे जवाब दियो, “हे गुरु, तू परमेश्वर को बेटो हइ. तू इस्राएल को महा राजो हइ.”
JOH 1:50 यीशु ने ओखे जवाब दियो “मेने जो तरा से बोल्यो, कि मेने तोखे अंजीर का झाड का नीचे देख्यो, तू येका लिए विश्वास करस हइ? तू येका से भी बडा-बडा काम देख्ये.”
JOH 1:51 फिर ओकासे बोल्यो “मी तुम से सच्ची-सच्ची बोलुस हइ कि तुम स्वर्ग खे खुल्यो हुयो, अरु परमेश्वर का स्वर्गदूतहोन खे इन्सान को बेटा का उपर उतरते अरु उपर जाते देख्ये.”
JOH 2:1 तीसरा दिन गलील का काना मे कोय एक का शहर भ्याव थो, अरु यीशु की माय भी व्हा थी.
JOH 2:2 यीशु अरु ओका सेवक भी उ भ्याव मे बुलाया था.
JOH 2:3 जब अंगूर को रस खत्म हुइ गयो, ते यीशु की माय ने उकासे बोल्यो, “उनका पास अंगुरकोरस नी र्‍हियो.”
JOH 2:4 यीशु ने ओकासे बोल्यो, “हे बय मेखे तरा से का काम? अभी मरो टेम नी आयो.”
JOH 2:5 ओकी माय ने सेवकहोन से बोल्यो, “जो कुछ उ तुम से बोल्ये का उ करणु.”
JOH 2:6 व्हा यहूदीयाहोन खे अच्छो करण का लिये पत्थर का छे मडका रख्या था, जोमे दो दो, तीन-तीन मन समाता था.
JOH 2:7 यीशु ने उनसे बोल्यो, “मडका मे पानी भरी दे” तब उनने उनका मुडा तक भरी दियो.
JOH 2:8 तब ओने उनसे बोल्यो, “अरु नीकालीखे खाना का प्रधान का पास लि जा.” अरु वे लि गए.
JOH 2:9 जब खाना को प्रधान ने उ पानी चख्यो, जो अंगूर को रस बनी गया थो अरु नी जानतो थो कि उ खा से आयो हइ. पर जिन सेवकहोन ने पानी नीकल्या थो वे जानता था, ते खाना को प्रधान ने दूल्हा खे बुल्येइ खे ओकासे बोल्यो.
JOH 2:10 “हर एक इन्सान पैयले अच्छो अंगूर को रस देस हइ, अरु जब इन्सान पीखे छकी जास हइ, तब मध्यम देस हइ. पर तोने अच्छो अंगूर को रस अभी तक रख छोड्यो हइ.”
JOH 2:11 यीशु ने गलील का काना मे अपनो पयलो चिन्ह देखीखे अपनी महिमा प्रगट करी अरु ओका सेवक होन ने ओका पर विश्वास कर्यो.
JOH 2:12 येका बाद उ अरु ओकी माय, ओका भैइ, ओका सेवक, कफरनहूम खे गया अरु व्हा कुछ दिन र्‍हिया.
JOH 2:13 यहूदीयाहोन को फसह को त्योहार पास थो, अरु यीशु यरुशलेम खे गयो.
JOH 2:14 अरु ओने मन्‍दिर मे बैल, अरु मेडो अरु कबूतर खे बेचनआला का तरफ सर्राफाहोन खे बठौ हुया पायो.
JOH 2:15 तब ओने दोरकासहोन को कोडो बनैइ खे, सब मेढाहोन अरु बैलहोन खे मन्‍दिर से नीकाली दियो, अरु सर्राफाहोन का पैसा फैलय दिया,अरु मेज उलट्यै दी.
JOH 2:16 अरु कबूतर बेचनआला से बोल्यो, “इनखे ह्या से लि जा, मरा बाप का भवन खे व्यापार को घर मत बनानु.”
JOH 2:17 तब ओका सेवक होन खे, “याद आयो कि लिख्यो हइ, तरी मन्‍दिर की धुन मेखे खैइ जाये.”
JOH 2:18 येका पर यहूदीयाहोन ने ओकासे बोल्यो, “तू जो यो करस हइ ते हमखे कोनतो चिन्ह दिखास हइ?”
JOH 2:19 यीशु ने उनखे जवाब दियो, “या मन्‍दिर खे गिर्यैइ दे, अरु मी येखे तिन दिन मे खडी करी दिह्यु”
JOH 2:20 यहूदीयाहोन ने बोल्यो, “या मन्‍दिर खे बनाना मे छेचालीस साल लग्या हइ, अरु का तू ओखे तीन दिन मे खडी करी दिये?”
JOH 2:21 पर ओने अपनो आंग पर मन्‍दिर का बारे मे बोलतो थो.
JOH 2:22 फिर जब उ मुर्दा मे से जिन्दो उठ्यो फिर ओका चेलाहोन खे याद आयो कि ओने यो बोल्यो थो. अरु उनने पवित्रशास्त्र अरु उ वचन को जो यीशु ने बोल्यो थो, विश्वास कर्यो.
JOH 2:23 जब उ यरुशलेम मे फसह का टेम को त्योहार मे थो, ते भोतझन ने उ चिन्ह खे जो उ दिखातो थो देखीखे ओका नाम पर विश्वास कर्यो.
JOH 2:24 पर यीशु ने अपना आप खे उनका विश्वास पर नी छोडनु, क्युकी उ सब खे जानतो थो.
JOH 2:25 अरु ओखे प्रयोजन नी थो कि इन्सान का बारे मे कोय गवइ दे क्युकी उ खुद जानतो थो कि इन्सान का मन मे का हइ?
JOH 3:1 फरीसीहोन मे से नीकुदेमुस नाम को एक इन्सान थो, जो यहूदीयाहोन को मुखियो थो.
JOH 3:2 ओने रात खे यीशु का पास अयखे ओकासे बोल्यो, “हे गुरु, हम जानस हइ, कि तू परमेश्‍वर का तरफ से गुरु हुइ खे आयो हइ. क्युकी कोय इन चिन्ह खे जो तू दिखास हइ, अगर परमेश्वर ओका साथ नी हइ, ते नी दिखैइ सक्ये”
JOH 3:3 यीशु ने ओखे जवाब दियो, “मी तरा से सच्ची-सच्ची बोलुस हइ, अगर कोय नवा सिरा से नी जन्मे ते परमेश्वर को राज्य देख नी सक्ये.”
JOH 3:4 नीकुदेमुस ने ओकासे बोल्यो, “इन्सान जब बुढो हुइ गयो, ते कसो जन्म लि सकस हइ? उ अपना माय का गर्भ मे दूसरी बार प्रवेश करीखे जन्म लि सकस हइ?”
JOH 3:5 यीशु ने जवाब दियो, “मी तरा से सच्ची-सच्ची बोलुस हइ, जब तक कोय इन्सान पानी अरु आत्मा से नी जन्मे ते उ परमेश्वर को राज्य मे प्रवेश नी करी सक्ये.
JOH 3:6 क्युकी जो आंग से जन्म्यो हइ, वह आंग हइ. अरु जो आत्मा से जन्म्यो हइ, उ आत्मा हइ.
JOH 3:7 अचम्बो नी करणु कि मेने तरा से बोल्यो, ‘तोखे नवा सिरा से जन्म लेनो जरुरी हइ.’
JOH 3:8 हवा जिधर चलस हइ उधर चलस हइ, अरु तू ओकी अवाज सुनस हइ, पर नी जानु, कि वा खा से आस अरु किधर खे जास हइ? जो कोइ आत्मा से जन्म्यो हइ उ असा मे हइ.”
JOH 3:9 नीकुदेमुस ने ओखे जवाब दियो, “या बातहोन कसी हुइ सकस हइ?”
JOH 3:10 यो सुनीखे यीशु ने ओकासे बोल्यो, “तू इस्राएलिहोन को गुरु हुइखे भी का या बातहोन खे नी समझ्यो?”
JOH 3:11 मी तरा से सच्ची-सच्ची बोलुस हइ कि हम जो जानस हइ, उ बोलस हइ, अरु जेखे हमने देख्यो हइ ओकी गवइ देस हइ, अरु तुम हमारी गवइ स्वीकार नी करस.
JOH 3:12 जब मेने तुम से पृथ्वी की बातहोन बोली, अरु तुम विश्वास नी कर्‍हे, ते अगर मी तुम से स्वर्ग की बातहोन बोलुका ते फिर क्यु विश्वास कर्ये?
JOH 3:13 कोय स्वर्ग पर नी चड्यो, फक्त उ जो स्वर्ग से उतर्यो, अगर इन्सान को बेटो जो स्वर्ग मे हइ.
JOH 3:14 अरु जिस तरह से मूसा ने जंगल मे साप खे उच्चा पर चडायो, चाउ रीति से जरुरती हइ कि इन्सान को बेटो भी उच्चा पर चडायो जाये.
JOH 3:15 ताकि जो कोय ओका पर विश्वास कर्ये उ अनन्त जिवन पाये.
JOH 3:16 क्युकी परमेश्वर ने जगत से असो प्रेम रख्यो कि ओने अपनो एकलौतो बेटो दि दियो, ताकि जो कोय ओ पर विश्वास कर्येका उ नाश नी हुइ खे पर अनन्त जिवन पाये.
JOH 3:17 परमेश्वर ने अपना बेटा खे दुन्या मे येका लिये नी भेज्यो, कि जगत पर दण्ड की आज्ञा दे, पर येका लिए कि दुन्या ओका वजेसे उध्दार पाये.
JOH 3:18 जो ओका पर विश्वास करस हइ, ओका पर दण्ड की आज्ञा नी होय, पर जो ओका पर विश्वास नी कर्‍हे, उ दोषी बनायो करी दी चुक्यो हइ. येका लिए कि ओने परमेश्वर का एकलौता बेटा का नाम पर विश्वास नी कर्यो.
JOH 3:19 अरु न्याय की आज्ञा करण यो हइ कि ज्योति जगत मे अय हइ, अरु इन्सानहोन ने अंधारा खे ज्योति से जादा प्रिय जान्यो क्युकी उनको काम बुरो थो.
JOH 3:20 क्युकी जो कोय बुरो करस हइ, उ ज्योति से बैर रखस हइ, अरु ज्योति का पास नी आय, असो नी हो कि ओका काम होन पर इलजाम लगायो जाये.
JOH 3:21 पर जो सच्चीई पर चलस हइ, उ ज्योति का पास आस हइ, ताकि ओका काम मे प्रगट हो कि उ परमेश्वर का तरफ से कर्यो गयो हइ.
JOH 3:22 येका बाद यीशु अरु ओको सेवक यहूदीया देस मे आया. अरु उ व्हा उनका साथ र्‍हिखे बपतिस्मा देन लग्यो.
JOH 3:23 अरु यहून्ना भी सालेम का पास एनोन मे बपतिस्मा देतो थो, क्युकी व्हा भोत पानी थो, अरु इन्सानहोन अय खे बपतिस्मा लेता था.
JOH 3:24 क्युकी यहून्ना वा टेम्म तक जोल खाना मे नी डाल्यो गयो थो.
JOH 3:25 व्हा यहून्ना का सेवकहोन का कोय यहूदीया का साथ अच्छा का बारे मे वाद विवाद हुयो.
JOH 3:26 अरु ओने यहून्ना का पास अयखे ओकासे बोल्यो, “हे गुरु, जो इन्सान यरदन नद्दी का पार तरा साथ था, अरु जोकी तोने गवइ दी हइ. देख, उ बपतिस्मा देस हइ, अरु सब ओका पास आस हइ.”
JOH 3:27 यहून्ना ने जवाब दियो, “जब तक इन्सान खे स्वर्ग से नी दियो जाये तब तक वह कुछ नी मीली सखे .
JOH 3:28 तुम तो आप मे मरा गवइ हइ, कि मेने बोल्यो, कि ‘मी मसीह नी हइ का पन ओका आगे भेजो गयो.’
JOH 3:29 जोकी दुल्हिन हइ, उ दूलो हइ पर दूला को दोस्त जो खडो हुयो ओकी सुनस हइ, दूला की बात से भोत खुश होस हइ. अब मरी या खुशी पुरी हुइ हइ.
JOH 3:30 जरुरती हइ कि उ बढ़े अरु मी घटू.”
JOH 3:31 “जो उपर से आस हइ, उ सबसे अच्छो हइ, जो पृथ्वी से आस पृथ्वी को हइ. अरु पृथ्वी की बातहोन बोलस हइ जो स्वर्ग से आस हइ, उ सब का उपर हइ.
JOH 3:32 जो कुछ ओने देख्यो, अरु सुन्यो हइ, ओकी गवइ देस हइ. अरु कोय ओकी गवइ ग्रहण नी कर्‍हे.
JOH 3:33 जेने ओकी गवइ ग्रहण कर ली ओने या बात पर नीशान दि दी कि परमेश्वर सच्चो हइ.
JOH 3:34 क्युकी जेखे परमेश्वर ने भेज्यो हइ, उ परमेश्वर की बातहोन बोलस हइ क्युकी वा आत्मा नापि खे नी दे.
JOH 3:35 बाप बेटा से प्रेम रखस हइ, अरु ओने सब चिजहोन ओका हात मे दि दी हइ.
JOH 3:36 जो बेटा पर विश्वास करस हइ, अनन्त जिवन ओको हइ. पर जो बेटा की नी माने, उ जिवन खे नी देख्ये पर परमेश्वर की घुस्सा ओका पर र्‍हेस हइ.”
JOH 4:1 फिर जब प्रभु खे मालूम हुयो कि फरीसीहोन ने सुनायो हइ कि यीशु यहून्ना से जादा सेवक बनास अरु उनखे बपतिस्मा देस हइ.
JOH 4:2 अगर यीशु खुद नी क्युकी ओका सेवक बपतिस्मा देता था,
JOH 4:3 तब उ यहूदीयाहोन खे छोडी खे फिर गलील खे चली गयो,
JOH 4:4 अरु ओखे सामरिया से हुइखे जानो जरुरती थो.
JOH 4:5 येकालिये उ सूखार नामक सामरिया का एक नगर तक आयो, जो वा जमीन का पास हइ जेखे याकूब ने अपनो बेटो यूसुफ खे दियो थो.
JOH 4:6 अरु याकूब को कुव्वो भी वहीं थो, यीशु रस्ता को थक्यो हुयो उ कुव्वा पर मे बठी गयो, अरु या बात नजीकपास दुपेर का टेम हुइ.
JOH 4:7 इत्ता मे एक सामरिया बय पानी भरन खे अय, यीशु ने ओकासे बोल्यो, “मेखे पानी पिला.”
JOH 4:8 ओका चेलाहोन तो नगर मे खानो मोल लेन खे गए था.
JOH 4:9 वा सामरी बय ने ओकासे बोल्यो, “तू यहूदी हुइखे मेखे सामरी बय से पानी क्यु मागस हइ?” क्युकी यहूदी सामरिहोन का साथ कोय प्रकार को व्यव्हार नी रखे.
JOH 4:10 यीशु ने जवाब दियो, “अगर तू परमेश्वर को वरदान खे जानती अरु यो भी जानती कि उ कोन हइ जो तरा से बोलस हइ, मेखे पानी पिला का ते तू ओकासे मागती का अरु उ तोखे जिवन को पानी देती.”
JOH 4:11 बय ने ओकासे बोल्यो, “हे स्वामी, तरा पास पानी भरन खे तो कुछ हइ भी नी, अरु कुव्वो खोल हइ. ते फिर उ जिवन को पानी तरा पास खा से आयो?
JOH 4:12 का तू हमारो बाप याकूब से बडो हइ, जेने हमखे यो कुव्वो दियो. अरु खुद ही अपना सन्तान अरु अपना जनवरहोन समेत ओमे से पीयो?”
JOH 4:13 यीशु ने ओखे जवाब दियो, “जो कोय यो पानी पीये उ फिर प्यासो हुये.
JOH 4:14 पर जो कोय उ पानी मे से पीये जो मी ओखे दियु, उ फिर पिडमपिडि तक प्यासो नी हुये. क्युकी जो पानी मी ओखे दियु, उ ओमे एक झरनो बनी जाये, जो अनन्त जिवन का लिये उमडतो र्‍हिये”
JOH 4:15 बय ने ओकासे बोल्यो, “हे प्रभु, उ पानी मेखे दे ताकिस मी प्यासी नी हुयु अरु नी पानी भरन खे इत्ता दूर आयु.”
JOH 4:16 यीशु ने ओकासे बोल्यो, “जा, अपना अदमी खे ह्या बुलैखे ला.”
JOH 4:17 बय ने जवाब दियो, “मी बिना अदमी की हइ,” यीशु ने ओकासे बोल्यो, “तू ठीक बोलस हइ, ‘मी बिना अदमी की हइ.’
JOH 4:18 क्युकी तू पाच अदमी करी चुकी हइ, अरु जोका पास तू अब हइ उ भी तरो अदमी नी यो तोने सच्ची बोल्यो हइ.”
JOH 4:19 बय ने ओकासे बोल्यो, हे प्रभु, मेखे लगस हइ कि तू भविष्यव्दक्ता हइ.
JOH 4:20 हमारा बाप दादाहोन ने यो टेकडा पर परमेश्वर कि आराधना करी, अरु तुम बोलस हुये कि वा जगा झा आराधना करन खे होनु व्हा यरुशलेम मे हइ.स
JOH 4:21 यीशु ने ओकासे बोल्यो, “हे बय, मरी बात को विश्वास कर कि उ टेम आयो हइ कि तुम नी ते या टेकडि पर बाप को भजन कर्ये, नी यरुशलेम मे.
JOH 4:22 तुम जेखे नी जाने, ओको भजन करस हइ. अरु हम जेखे जानस हइ, ओको भजन करस हइ. क्युकी उध्दार यहूदीहोन मे से हइ.
JOH 4:23 पर उ टेम आयो हइ, क्युकी अब भी हइ, जेमे सच्चो भक्त बाप की आराधना आत्मा अरु सच्चीय से कर्ये, क्युकी बाप अपना लिये असोय भक्तहोन खे ढूढस हइ.
JOH 4:24 परमेश्वर आत्मा हइ, अरु जरुरी हइ कि ओकी आराधना करणआला आत्मा अरु सच्चीइ से आराधना करणु.”
JOH 4:25 बय ने ओकासे बोल्यो, “मी जानुस हइ कि मसीह जो ख्रिस्त बोलस हइ, आनआला हइ. जब उ आह्ये ते हमखे सब बातहोन बतै दिये.”
JOH 4:26 यीशु ने ओकासे बोल्यो, “मी जो तरा से बोली रो हइ , उ हइ.”
JOH 4:27 इत्ता मे ओका सेवक अय गया , अरु अचम्बो करण लग्या कि वा बय से बात करी रो हइ. फिर भी कोय ने नी पूछ्यो, “तू का चाहस हइ?” या “को का लिये ओकासे बात करस हइ?”
JOH 4:28 तब बय अपनो मडका खे छोडी खे नगर मे चली गइ, अरु इन्सानहोन से बोलन लगी,
JOH 4:29 “एक इन्सान खे देख्यो, जो ने सब कुछ जो मेने कर्यो मेखे बतय दियो का योही तो मसीह नी हइ?”
JOH 4:30 तब वे नगर से नीकली खे ओका पास आन लग्या.
JOH 4:31 इत्ता मे ओका सेवक यीशु से या प्रार्थना करण लग्या, “हे गुरु, कुछ ले.”
JOH 4:32 पर ओने उनसे बोल्यो, “मरा पास खान का लिये असो खानो हइ जेखे तुम नी जाने.”
JOH 4:33 तब सेवकहोन ने आपस मे बोल्यो, “का कोय ओका लिये कुछ खान खे लायो हइ?”
JOH 4:34 यीशु ने उनसे बोल्यो, “मरो खानो यो हइ, कि अपना भेजनआला की इच्छा का अनुसार चल्यू अरु ओको काम पूरो कर्यु.
JOH 4:35 का तुम नी बोले, ‘पीक काटना मे अब भी चार महीना बाकी हइ’ देखनु, मी तुम से बोलुस हइ, अपनी आखहोन उठैखे खेतहोन पर नजर डालनु, कि वे काटन का लिये पकी चुक्या हइ.
JOH 4:36 अरु काटन आलो मजुरी पास का अरु अनन्त जिवन का लिये फल बटोरस हइ, ताकि बोनआलो अरु काटन आलो दोइ झन मीलीखे खुशी मनाये.
JOH 4:37 क्युकी येका पर या खावत ठीक बठस हइ ‘बोनआलो अरु हइ काटन आलो अरु.’
JOH 4:38 मेने तुमखे उ खेत काटन का लिये भेज्यो जोमे तुम ने मेहनत नी कर्यो दुसरा ने मेहनत कर्यो अरु तुम उनका मेहनत का फल मे हिस्सेदार हुया.”
JOH 4:39 अरु उ नगर का भोत सा सामरीहोन ने वा बय का बोलना से यीशु पर विश्वास कर्यो. जो ने या गवय दी थी, कि ओने सब कुछ जो मेने कर्यो हइ, मेखे बतै दियो.
JOH 4:40 तब जब या सामरी ओका पास अय, ते ओकासे प्रार्थना करण लगी कि हमारा ह्या र्‍हे, अरु उ व्हा दो दिन तक र्‍हियो.
JOH 4:41 अरु ओका वचन का कारण अरु भी भोतझन ने विश्वास कर्यो.
JOH 4:42 अरु वा बय से बोल्यो, “अब हम तरा बोलना मे से विश्वास नी कर्‍हे. क्युकी हमने खुद ही सुनी लियो, अरु जानस हइ कि यो सच मुच ही जगत को उद्धारकर्ता हइ.”
JOH 4:43 फिर उन दो दिन का बाद उ व्हा से नीकलीखे गलील खे गयो.
JOH 4:44 क्युकी यीशु ने खुद ही गवय दी कि भविष्यव्दक्ता अपना देस मे सम्मान नी पाय.
JOH 4:45 जब उ गलील मे आयो, ते गलीली खुशी का साथ ओकासे मील्या. क्युकी जोत्ता काम ओने यरुशलेम मे त्योहार का टेम मे कर्या था, उनने वे सब खे देख्यो थो , क्युकी वे भी त्योहार मे गया था.
JOH 4:46 तब उ फिर गलील का काना मे आयो, झा ओने पानी खे अंगूर को रस बनायो थो उ राजा को एक कर्मचारी थो जोको बेटो कफरनहूम मे बीमार थो.
JOH 4:47 उ यो सुनीखे कि यीशु यहूदीया से गलील मे अय गयो हइ, ओका पास गयो अरु ओकासे प्रार्थना करण लग्यो कि चलीखे मरा बेटा खे अच्छो करी दे क्युकी उ मरना पर हइ.
JOH 4:48 यीशु ने ओकासे बोल्यो, “जब तक तुम चिन्ह अरु अद्भुत काम नी देख्ये तब तक कभी भी विश्वास नी कर्ये”
JOH 4:49 राजा का कर्मचारी ने ओकासे बोल्यो, “हे प्रभु, मरा बेटा का मरना से पैयले चल.”
JOH 4:50 यीशु ने ओकासे बोल्यो, “जा, तरो बेटो जिन्दो हइ” उ इन्सान ने यीशु की बोली हुइ बात पर विश्वास कर्यो अरु चली गयो.
JOH 4:51 उ रस्ता मे थो, कि ओका सेवक ओकासे अयखे मील्या अरु बोलन लग्या, “तरो बेटो जिन्दो हइ.”
JOH 4:52 ओने उनसे पूछ्यो, “कोय घडी उ अच्छो होन लग्यो?” उनने ओकासे बोल्यो, “कल सातवा घण्टा मे ओको ज्वर उतरी गयो.”
JOH 4:53 तब बाप जानी गयो कि यो उ घडी हुयो जो घडी यीशु ने ओकासे बोल्यो, “तरो बेटो जिन्दो हइ,” अरु ओने अरु ओका पुरा घराना ने विश्वास कर्यो.
JOH 4:54 यो दूसरो चिन्ह थो जो यीशु ने यहूदीया से गलील मे अयखे दिखायो.
JOH 5:1 या बातहोन का बाद यहूदीयाहोन को एक त्योहार हुयो, अरु यीशु यरुशलेम खे गयो.
JOH 5:2 यरुशलेम मे मेडा का फाटक का पास एक कुण्ड हइ, जो इब्रानी भाषा मे बैतहसदा बोलस हइ, अरु ओका पाच ओसरी हइ.
JOH 5:3 येका मे भोत सा बीमार, अंधा, लगडा अरु सूख्या आंग आला पानी का हलान की आस मे पडया र्‍हेता था.
JOH 5:4 क्युकी चुन्या टेम पर परमेश्‍वर का स्वर्गदूत कुण्ड मे उतरीखे पानी खे हलायो करता था पानी हलाते मे जो कोय पैयले उतरतो, उ अच्छो हुइ जातो थो, चाह्ये ओकी कोय बीमारी क्यु नी हो.
JOH 5:5 व्हा एक इन्सान थो, जो अडतीस साल से बीमारी मे पड्यो थो.
JOH 5:6 यीशु ने ओखे पड्यो हुयो देखीखे अरु यो जानीखे कि उ भोत दिनहोन से योही दशा मे पड्यो हइ, ओकासे पूछ्यो “का तू अच्छो होनो चाहस हइ?”
JOH 5:7 उ बीमार ने ओखे जवाब दियो, “हे स्वामी, मरा पास कोय इन्सान नी, कि जब पानी हलायो जाये, ते मेखे कुण्ड मे उतारनु. पर मरा पहुचते-पहुचते दूसरो मरासे पैयले उतरी जास हइ.”
JOH 5:8 यीशु ने ओकासे बोल्यो, “उट, अपनी खटिया उठा अरु चल फिर.”
JOH 5:9 उ इन्सान तुरुत अच्छो हुइ गयो, अरु अपनी खटिया उठैइखे चलन फिरन लग्यो.
JOH 5:10 उ अराम को दिन थो, येका लिए यहूदीया ओकासे जो अच्छो हुयो थो, बोलन लग्यो, “आज तो अराम को दिन हइ, तोखे खटिया उठानो अच्छो नी.”
JOH 5:11 ओने उनखे जवाब दियो, “जेने मेखे अच्छो कर्यो, ओने मरासे बोल्यो, अपनी खटिया उठैइखे चल फिर.”
JOH 5:12 उनने ओकासे पुछ, “उ कोन इन्सान हइ, जो ने तरा से बोल्यो, खटिया उठा अरु चल फिर?”
JOH 5:13 पर जो अच्छो हुइ गयो थो, उ नी जानतो थो कि उ कोन हइ. क्युकी वा जगा मे गर्दी होना कारण यीशु व्हा से हटी गयो थो.
JOH 5:14 या बातहोन का बाद उ यीशु खे मन्‍दिर मे मील्यो, तब ओने ओकासे बोल्यो, “देख, तू तो अच्छो हुइ गयो हइ. फिर से पाप मत करणु, असो नी हुये कि येका से कोय भारी विपत्ति तरा पर अय पड्ये.”
JOH 5:15 उ इन्सान ने जैइखे यहूदीयाहोन से बोली दियो, कि जो ने मेखे अच्छो कर्यो, उ यीशु हइ.
JOH 5:16 यो वजेसे यहूदीया यीशु खे सतान लग्या, क्युकी उ असो-असो काम अराम का दिन करतो थो.
JOH 5:17 येका पर यीशु ने उनसे बोल्यो, “ मरो बाप अब तक काम करस हइ, अरु मी भी काम करुस हइ.”
JOH 5:18 येका वजेसे यहूदीया अरु भी जादा ओखे मारी डालन की कोशीस करण लग्या, कि उ नी फक्त आराम का दिन की विधी खे तोडतो, पर परमेश्वर खे अपनो बाप बोलीखे, अपना आप खे परमेश्वर का बराबर ठहरातो थो.
JOH 5:19 येका पर यीशु ने उनसे बोल्यो, मी तुम से सच्ची-सच्ची बोलुस हइ, बेटो खुद से कुछ नी करी सकतो; फक्त उ जो बाप खे करते देखस हइ, क्युकी जो काम होन खे उ करस हइ, उनखे बेटो भी उ रीति से करस हइ.
JOH 5:20 क्युकी बाप बेटा से प्रेम करस हइ. अरु जो-जो काम उ खुद करस हइ, उ सब ओखे दिखस हइ. अरु उ इनसे भी बडा काम ओखे दिखाये का ताकि तुम अचम्बो करणु.
JOH 5:21 क्युकी जसो बाप मऱ्या हुया खे उठास अरु जिलास हइ, ओसो ही बेटो भी जेखे चाहस हइ, उनखे जिलास हइ.
JOH 5:22 बाप कोय को न्याय भी नी कर्‍हे, पर न्याय करण को सब काम बेटा खे सोपी दियो हइ,
JOH 5:23 येका लिए कि सब इन्सान जसो बाप को सम्मान करस हइ ओसो मे बेटा को भी सम्मान करणु.जो बेटा को सम्मान नी कर्‍हे, उ बाप खे जेने ओखे भेज्यो हइ, सम्मान नी कर्‍हे.
JOH 5:24 मी तुम से सच्ची-सच्ची बोलुस हइ, जो मरो वचन सुनीखे मरा भेजनआला पर विश्वास करस हइ, अनन्त जिवन ओको हइ, अरु ओका पर दण्ड की आज्ञा नी होती पर उ मरना से पार हुइखे जिवन मे प्रवेश करी चुक्यो हइ.
JOH 5:25 “मी तुम से सच्ची-सच्ची बोलुस हइ, उ टेम आस हइ, अरु अब हइ, जेमे मर्यो परमेश्वर का बेटा को शब्द सुन्ये का अरु जो सुन्ये वे जीये.
JOH 5:26 क्युकी जो रीति से बाप अपना आप मे जिवन रखस हइ, उ रीति से ओने बेटा खे भी यो अधिकार दियो हइ कि अपना आप मे जिवन रखनु.
JOH 5:27 अगर ओखे न्याय करण को भी अधिकार दिया हइ, येका लिए कि उ इन्सान को बेटो हइ.
JOH 5:28 येका से अचम्बो मत करणु. क्युकी उ टेम आस हइ, कि जोत्ता कब्रहोन मे हइ, ओको शब्द सुनीखे नीकल्ये.
JOH 5:29 जेने भलाइ करी हइ, वे जिवन का पुनरुत्थान का लिये जी उठ्ये अरु जेने बुरोइ करी हइ, वे दण्ड का पुनरुत्थान का लिये जी उठ्ये.
JOH 5:30 “मी अपना आप से कुछ नी करी सकु जसो सुनुस हइ, ओसो न्याय करुस हइ, अरु मरो धर्मी सच्चो हइ. क्युकी मी अपनी इच्छा नी खे पर अपनो भेजन आला की इच्छा चाहुस हइ.
JOH 5:31 “अगर मी खुद मे अपनी गवइ दियु. ते मरी गवइ सच्ची नी.
JOH 5:32 एक अरु हइ जो मेरी गवइ देस हइ, अरु मी जानुस हइ कि मरी जो गवइ उ देस हइ, वा सच्ची हइ.
JOH 5:33 तुम ने यहून्ना से पुछ्यो अरु ओने सच्ची की गवइ दी हइ.
JOH 5:34 पर मी अपना बारे मे इन्सान की गवइ नी चाहु. फिर भी मी या बातहोन येका लिये बोलुस हइ, कि तुमखे उध्दार मील्ये.
JOH 5:35 उ तो जलस अरु चमकतो हुयो दिवो थो. अरु तुमखे कुछ देर तक ओका उजाला मे मगन होनो अच्छा लग्यो.
JOH 5:36 पर मरा पास जो गवइ हइ, उ यहून्ना की गवइ से बडी हइ क्युकी जो काम बाप ने मेखे पूरो करण खे सोप्यो हइ अगर योही काम जो मी करुस हइ, वे मरा गवाह हइ, कि बाप ने मेखे भेज्यो हइ.
JOH 5:37 अरु बाप जो ने मेखे भेज्यो हइ, ओ ने मरी गवइ दी हइ तुम ने नी कभी ओकी आवाज सुन्यो, अरु नी ओको रुप देख्यो हइ.
JOH 5:38 अरु ओको वचन खे मन मे स्थिर नी रख्ये क्युकी जेखे ओने भेज्यो तुम ओका पर विश्वास नी कर्‍हे.
JOH 5:39 तुम पवित्रशास्त्र मे ढूडस हइ, क्युकी समझस हइ कि ओमे अनन्त जिवन तुमखे मीलस हइ, अरु यो उ हइ, जो मरी गवइ देस हइ.
JOH 5:40 फिर भी तुम जिवन पान का लिये मरा पास आनो नी चाह्ये.
JOH 5:41 “मी इन्सानहोन से सम्मान नी चाहु.
JOH 5:42 पर मी तुमखे जानुस हइ, कि तुम मे परमेश्वर को प्रेम नी.
JOH 5:43 मी अपना बाप को नाम से आयो हइ, अरु तुम मेखे ग्रहण नी कर्‍हे. अगर कोय अरु अपना ही नाम से आयो, ते ओखे ग्रहण करी लिये.
JOH 5:44 तुम जो एक दूसरा से सम्मान चाहस हइ अरु उ सम्मान जो एकमात्र परमेश्वर का तरफ से हइ, नी चाह्ये, कि कोय प्रकार विश्वास करी सकस हइ?
JOH 5:45 यो नी समझनु कि मी बाप का सामने तुम पर दोस लगाह्यु, तुम पर दोस लगानआलो तो हइ, यानेकी मूसा हइ जेका पर तुम ने भरोसो रख्यो हइ.
JOH 5:46 क्युकी अगर तुम मूसा पर विश्वास करस, ते मरा पर भी विश्वास करस, येका लिए कि ओने मरा बारे मे लिख्यो हइ.
JOH 5:47 पर अगर तुम ओकी लिखी हुइ बातहोन पर विश्वास नी कर्‍हे, ते मरी बातहोन पर का विश्वास कर्ये?”
JOH 6:1 या बातहोन का बाद यीशु गलील को तललाव मंनजे तिबिरियुस की तलाव का पार गयो.
JOH 6:2 अरु एक बडी गर्दी ओका पीछे हुइ गइ क्युकी जो आश्चर्य कर्म उ बीमारहोन पर दिखातो थो वे उनखे देखेता था.
JOH 6:3 तब यीशु टेकडी पर चडीखे अपना सेवक होन का साथ व्हा बठ्यो.
JOH 6:4 अरु यहूदीयाहोन को फसह को त्योहार पास थो.
JOH 6:5 तब यीशु ने अपनी आखहोन उठ्यैखे एक बडी गर्दी खे अपना पास आते देख्यो, अरु फिलिप्पुस ने बोल्यो, “ हम इनखे खान का लिये खा से रोटी मोल लाह्या?”
JOH 6:6 पर ओने या बात ओखे परखन का लिये बोली. क्युकी उ खुद जानतो थो कि उ का कर्ये.
JOH 6:7 फिलिप्पुस ने ओखे जवाब दियो, “दो सौ सिक्का की रोटी भी उनका लिये पूरी नी हुये कि उनमे से हर एक खे थोड़ी-थोड़ी मीली जाये.”
JOH 6:8 ओका सेवक होन मे से शमौन पतरस को भैइ अन्द्रियास ने ओकासे बोल्यो ,
JOH 6:9 “ह्या एक पोर्यो हइ, जोका पास जौ की पाच रोटी अरु दो मच्छीहोन हइ, पर इत्ता दुन्या का लिये वे का हइ.”
JOH 6:10 यीशु ने बोल्यो, “दुन्याहोन कि बठ्यैइ दे” वा जगा भोत घास था, तब वे दुन्या जो गिनती मे नजीकपास पाच हजार था, बठी गा.
JOH 6:11 तब यीशु ने रोटिहोन लीखे अरु धन्यवाद करीखे बठन आलाहोन खे बाटी खे बाटी दी. अरु ओसो मे मच्छीहोन मे से जोतनी वे चाहता था बाटी दि.
JOH 6:12 जब वे खैइ खे मगम हुइ गया, ते ओने अपना सेवक होन से बाटी ले बोलयो, “बच्या हुया टुकडा से बारा टोपली जमा करी ले, कि कुछ फेक्यो नी जाये.”
JOH 6:13 येका लिये उनने जमा हुया, अरु जौ की पाच रोटिहोन का टुकडा जो खानआला से बची र्‍हि थी, उनकी बारह टोपलीहोन भरी.
JOH 6:14 तब जो आश्चर्यकर्म ओने करी दिखायो ओखे वे इन्सान देखी खे बोलन लग्या. कि “उ भविष्यव्दक्ता जो जगत मे आनआलो थो जरुरत योही हइ.”
JOH 6:15 यीशु यो जानीखे कि वे ओखे राजो बनान का लिये अयखे पकडनो चाहस हइ, फिर टेकडी पर अयखेलो चले गयो.
JOH 6:16 फिर जब संज्जा हुइ, ते ओका सेवक होन से झील का किनारा गया,
JOH 6:17 अरु डोंगा पर चडीखे झील का पार कफरनहूम खे बिदा करण लग्यो वा टेम अधारो हुइ गयो थो, अरु यीशु अभी तक उनका पास नी आयो थो.
JOH 6:18 अरु आधी करण झील मे लहरहोन उठन लगी.
JOH 6:19 तब जब वे खेते-खेते तीन चार मील का नजीकपास नीकली गया, ते उनने यीशु खे झील पर चलता, अरु डोगा का पास आते देख्यो, अरु डरी गया.
JOH 6:20 पर ओने उनसे बोल्यो, हिम्मत रख मी आयो, डरनु मत.
JOH 6:21 तब वे ओखे डोंगा पर चडैइ देन का लिये तैयार हुया अरु जल्दी उ डोंगा उ जमीन पर जा पहुच्यो जहा उ जातो थो.
JOH 6:22 दूसरा दिन वा गर्दी ने जो झील का पार खड़ी थी, यो देख्यो, कि यो एक खे छोडी खे अरु कोय छोटा डोंगा नी थो, अरु यीशु अपना सेवक होन का साथ वा डोंगा पर नी चड्यो, पर फक्त ओका सेवक मे गया था.
JOH 6:23 ते भी अरु छोटी डोगाहोन तिबिरियुस से वा जगा पास अय, झा उनने प्रभु खे धन्यवाद करण का बाद रोटी खय थी.
JOH 6:24 जब गर्दी ने देख्यो, कि ह्या नी यीशु हइ, अरु नी ओका सेवक, ते वे भी छोटी-छोटी डोगाहोन पर चडी खे यीशु खे ढुढतो हुया कफरनहूम खे पहुच्या.
JOH 6:25 अरु झील का पार ओकासे मीलीखे बोल्यो, “हे गुरु, तू ह्या कब आयो?”
JOH 6:26 यीशु ने उनखे जवाब दियो, “मी तुम से सच्ची-सच्ची बोलुस हइ, तुम मेखे येका लिए नी ढूढस हइ कि तुम ने चमत्कार काम देख्या, पर येका लिए कि तुम रोटिहोन खैइ खे तृप्त हुया.
JOH 6:27 नाशवान खाना का लिये परिश्रम नी करणु, पर उ खाना का लिये जो अनन्त जिवन तक ठैइरस हइ, जेखे इन्सान को बेटो तुमखे दिये क्युकी बाप खे मंनजे परमेश्वर ने ओका पर नीशान करी दी हइ.”
JOH 6:28 उनने ओकासे बोल्यो, “परमेश्वर काम कारण का लिये हम खे करणु?”
JOH 6:29 यीशु ने उनखे जवाब दियो, “परमेश्वर को काम यो हइ, कि तुम ओका पर जेखे ओने भेज्यो हइ, विश्वास करणु.”
JOH 6:30 तब उनने ओकासे बोल्यो, “फिर तू कोन सो चिन्ह दिखास हइ कि हम ओखे देखीखे तरा पर विश्वास करणु? तू कोन सो काम दिखास हइ?
JOH 6:31 हमारा बुजुरुखहोन ने जंगल मे मेडो खायो. जसो लिख्यो हइ, ‘ओने उनखे खान का लिये स्वर्ग से रोटी दी.’”
JOH 6:32 यीशु ने उनसे बोल्यो, “मी तुम से सच्ची-सच्ची बोलुस हइ कि मूसा ने तुमखे वा रोटी स्वर्ग से नी दी, पर मरो बाप तुमखे सच्ची रोटी स्वर्ग से देस हइ.
JOH 6:33 क्युकी परमेश्वर की रोटी वाइ हइ, जो स्वर्ग से उतरीखे जगत खे जिवन देस हइ.”
JOH 6:34 तब उनने ओकासे बोल्यो, “हे स्वामी, या रोटी हमखे हमेशा दिया करणु.”
JOH 6:35 यीशु ने उनसे बोल्यो, “जिवन की रोटी मी हइ जो मरा पास आह्ये उ कभी भूखो नी हुये अरु जो मरा पर विश्वास कर्ये उ कभी प्यासो नी हुये.
JOH 6:36 पर मेने तुम से बोल्यो, कि तुम ने मेखे देखी भी लियो हइ, ते भी विश्वास नी कर्ये.
JOH 6:37 जो कुछ बाप मेखे देस हइ वे सब मरा पास अह्ये का अरु जो कोय मरा पास आह्ये ओखे मी कभी नी नीकालीयु.
JOH 6:38 क्युकी मी अपनी इच्छा नी क्युकी अपना भेजनआला की इच्छा पूरी करण का लिये स्वर्ग से उतर्यो हइ.
JOH 6:39 अरु मरा भेजनआला की इच्छा या हइ कि जो कुछ ओने मेखे दियो हइ, ओमे से मी कुछ नी खोयु पर ओखे अन्नत दिन फिर जिन्दो उठायु.
JOH 6:40 क्युकी मरा बाप की इच्छा या हइ, कि जो कोय बाप खे देख्ये का अरु बेटा पर विश्वास कर्यु, उ अन्नत जिवन पाये. अरु मी ओखे अनन्त दिन मे फिर जिन्दो उठायु.”
JOH 6:41 तब यहूदीया ओका पर कुरकुर करण लग्या, येका लिए कि ओने बोल्यो थो, “जो रोटी स्वर्ग से उतरी खे वा मी हइ.”
JOH 6:42 अरु उनने बोल्यो “ का यो यूसुफ को बेटो यीशु नी, जोका माय बाप खे हम जानस हइ? ते उ क्यु बोलस हइ कि मी स्वर्ग से उतर्यो हइ?”
JOH 6:43 यीशु ने उनखे जवाब दियो, “आपस मे मत कुरकुरानु.
JOH 6:44 कोय मरा पास नी अय सक्ये का जब तक बाप जेने मेखे भेज्यो हइ, ओखे खीची नी ले. अरु मी ओखे अन्नत दिन फिर जिला उठायु.
JOH 6:45 भविष्यव्दक्ताहोन कि किताबहोन मे यो लिख्यो हइ वे सब परमेश्वर का तरफ से सिखाया हुया हुये खे जेखे कोय ने बाप से सुन्यो अरु सीख्यो हइ, उ मरा पास आस हइ.
JOH 6:46 यो नी, कि कोय ने बाप खे देख्यो हइ पर जो परमेश्वर का तरफ से हइ, फक्त ओ ने बाप खे देख्यो हइ.
JOH 6:47 मी तुम से सच्ची-सच्ची बोलुस हइ, कि जो कोय विश्वास करस हइ, अनन्त जिवन ओ को हइ.
JOH 6:48 जिवन की रोटी मी हइ.
JOH 6:49 तुमारा बुजुरुखहोन ने जंगल मे मन्ना खायो अरु मरी गया.
JOH 6:50 या वा रोटी हइ जो स्वर्ग से उतरस हइ ताकि इन्सान ओमे से खाये अरु नी मर्ये.
JOH 6:51 जिवन की रोटी जो स्वर्ग से उतरी मी आय अगर कोय या रोटी मे से खाये ते कभी भी जीवित र्‍हिये. अरु जो रोटी मी जगत कि जिवन का लिये दिह्यु, उ मरो मास हइ.”
JOH 6:52 येका पर यहूदीया यो बोलीखे आपस मे झगडन लग्या, “यो इन्सान कसो हमखे अपनो मास खान खे दि सकस हइ?”
JOH 6:53 यीशु ने उनसे बोल्यो, “मी तुम से सच्ची-सच्ची बोलुस हइ जब तक इन्सान का बेटा को मास नी खाये, अरु ओको खुन नी पीयेका तुम मे जिवन नी.
JOH 6:54 जो मरो मास खास अरु मरो खुन पीस हइ, अनन्त जिवन ओ को हइ, अरु मी अन्नत दिन फिर ओखे जिन्दो उठाह्ये.
JOH 6:55 क्युकी मरो मास वास्तव मे खान की चिज हइ अरु मरो खुन वास्तव मे पीन की चिज हइ.
JOH 6:56 जो मरो मास खाये अरु मरो खुन पीस हइ, उ मरा मे स्थिर बन्यो र्हेस हइ, अरु मी ओमे.
JOH 6:57 जसो जीन्दा बाप ने मेखे भेज्यो अरु मी बाप का करण जिन्दो हइ ओसा मे उ भी जो मेखे खाये मरा कारण जिन्दो र्‍हिये.
JOH 6:58 जो रोटी स्वर्ग से उतरी या हइ, बुजुरुखहोन का जसा नी कि खायेका अरु मरी गया. जो कोय या रोटी खाये उ कभी भी जिन्दो र्‍हिये.”
JOH 6:59 ये बातहोन ओने कफरनहूम का एक आराधनालय मे उपदेस देता टेम बोली.
JOH 6:60 येका लिये ओका सेवकहोन मे से भोतजन ने यो सुनीखे बोल्यो, “या तो कठोर शिक्षा हइ. येखे कोन मानी सकस हइ?”
JOH 6:61 यीशु ने अपना मन मे यो जानीखे कि मरा सेवक आपस मे या बात पर कुरकुर करीस हइ, उनसे पूछ्यो का “या बात से तुमखे ठोकर लगस हइ?
JOH 6:62 अरु अगर तुम इन्सान का बेटा खे झा उ पैयले थो, व्हा उपर जाता देख्ये का ते हुये?
JOH 6:63 आत्मा तो जिवनदायक हइ, आंग से कुछ लाभ नी जो बातहोन मेने तुम से बोली हइ वे आत्मा हइ, अरु जिवन भी हइ.
JOH 6:64 पर तुम मे से खेताने असो हइ जो विश्वास नी कर्‍हे” क्युकी यीशु तो पैयले मे से जानतो थो कि जो विश्वास नी कर्येका वे कोन हइ. अरु कोन मेखे पकडाये.
JOH 6:65 अरु ओने बोल्यो, “येका लिये मेने तुम से बोल्यो थो कि जब तक कोय खे बाप का तरफ से यो वरदान नी दियो जाये तब तक उ मरा पास नी अय सक्ये.”
JOH 6:66 येका पर ओका सेवक होन मे से भोत सारा उल्टा फिरी गया अरु येका बाद ओका साथ नी चल्यो.
JOH 6:67 तब यीशु ने उन बारा जन से बोल्यो का “तुम भी चली जानु चाहस हइ?”
JOH 6:68 शमौन पतरस ने ओखे जवाब दियो, “हे प्रभु, हम कोका पास जाये? अनन्त जिवन की बातहोन तो तरा ही पास हइ.
JOH 6:69 अरु हमने विश्वास कर्यो, अरु जानी गया हइ, कि परमेश्वर पवित्र जन तू ही हइ.”
JOH 6:70 यीशु ने उनखे जवाब दियो का “मेने तुम बारा झन खे नी चुनी लियो? ते भी तुम मे से एक इन्सान सैतान हइ.”
JOH 6:71 यो ओने शमौन इस्करियोती को बेटो यहूदा का बारे मे बोल्यो, क्युकी योही जो उन बारा जन मे से थो, ओखे पकडान खे थो.
JOH 7:1 या बातहोन का बाद यीशु गलील मे फिरतो र्‍हियो, क्युकी यहूदी ओखे मारी डालन का शाजीस करी र्‍हा था, येकालिये उ यहूदीया मे फिरनो नी चाहतो थो.
JOH 7:2 अरु यहूदीहोन कि एक तिवार झोपडिहोन को तिवार पास थो.
JOH 7:3 येकालिये ओका भैइहोन ने ओकासे बोल्यो, “ह्या से कूच करीखे यहूदीया मे चली जा, कि जो काम तू करस हइ, उनखे तरा सेवक भी देख्ये.
JOH 7:4 क्युकी असो कोइ नी हुये जो प्रसिद्ध होनो चाह्ये, अरु रुखी खे काम कर्ये अगर तू यो काम करस हइ, ते अपना आप खे जगत पर प्रगट कर.”
JOH 7:5 क्युकी ओका भैइ भी ओका पर विश्वास नी करता था.
JOH 7:6 तब यीशु ने उनसे बोल्यो, “मरो टेम अभी नी आयो. पर तुमारा लिये सब टेम हइ.
JOH 7:7 जगत तुम से बैर नी कर सक्ये, पर उ मरासे बैर करस हइ, क्युकी मी ओका विरोध मे या गवय देउस हइ, कि ओको काम बुरो हइ.
JOH 7:8 तुम त्योहार मे जाओ. मी अभी यो त्याहार मे नी जउ, क्युकी अभी तक मरो टेम पूरो नी हुयो.”
JOH 7:9 उ उनसे या बातहोन बोलीखे गलील मे र्ही गयो.
JOH 7:10 पर जब ओका भैइ त्योहार मे चली गया, ते उ खुद मे प्रगट मे नी, पर माननु गुप्त हुइखे गया.
JOH 7:11 यहूदी त्योहार मे ओखे यो बोलीखे ढूढ़न लग्या कि “उ खा हइ?”
JOH 7:12 अरु दुन्या मे ओका बारे चुपखे-चुपखे भोत सी बातहोन हुइ कत्ता बोलता था, “उ अच्छो इन्सान हइ” अरु कत्ता बोलता था, “नी, उ दुन्याहोन खे भरमास हइ.”
JOH 7:13 ते भी यहूदीहोन का डर का मारे कोय इन्सान ओका बारे मे खुली खे नी बोलतो थो.
JOH 7:14 अरु जब त्योहार का आधो दिन बीती गयो. ते यीशु मन्दिर मे जैइखे उपदेस करण लग्यो.
JOH 7:15 तब यहूदीहोन ने अचम्बो करीखे बोल्यो, “येखे बिन पडी शिक्षन कसी अय गइ?”
JOH 7:16 यीशु ने उनखे जवाब दियो, “मरो उपदेस मरो नी, पर मरो भेजनआला को हइ.
JOH 7:17 अगर कोय ओकी इच्छा पर चलनो चाह्ये, ते उ यो उपदेस का बारे मे जानी जाये कि उ परमेश्वर का तरफ से हइ, या मी अपना तरफ से बोलूस हइ.
JOH 7:18 जो अपना तरफ से कुछ बोलस हइ, उ अपनी मे बढ़ाइ चाहस हइ. पर जो अपना भेजनआला की बडाइ उ चाहस हइ उ सच्ची हइ, अरु ओमे बुरोकाम नी.
JOH 7:19 का मूसा ने तुमखे व्यवस्था नी दी? ते भी तुम मे से कोय व्यवस्था पर नी चले, तुम का मेखे मारी डालनो चाहस हइ?”
JOH 7:20 दुन्याहोन ने जवाब दियो “तरा मे बुरीआत्मा हइ! कोन तोखे मारी डालनो चाहस हइ?”
JOH 7:21 यीशु ने उनखे जवाब दियो, “मेने एक काम कर्यो, अरु तुम सब अचम्बो करस हइ.
JOH 7:22 यो कारण मूसा ने तुमखे खतना की आज्ञा दी हइ, यो नी कि उ मूसा का तरफ से हइ पर बुर्जुकहोन से चली अय हइ, अरु तुम अराम का दिन खे इन्सान को खतनो करस हइ.
JOH 7:23 जब अराम का दिन इन्सान को खतनो कर्या जास हइ ताकि मूसा की व्यवस्था की आज्ञा टली नी जाये, ते तुम मरा पर का येकालिये घुस्सा करस हइ, कि मेने अराम का दिन एक इन्सान का पूरी रीति से अच्छो कर्यो.
JOH 7:24 मुडो देखीखे धर्मी नी करणु, पर ठीक-ठीक न्याय करणु.”
JOH 7:25 तब कत्ताने यरुशलेम वासीहोन बोलन लग्या, “का यो उ नी, जेखे मारी डालन की कोशिश कर्यो जय रो हइ?
JOH 7:26 पर देखनु, उ तो खुल्लमखुल्ला बातहोन करस हइ अरु कोय ओकासे कुछ नी बोले. का मुमकीन हइ कि मुखियोहोन ने सच्ची सच्ची जानी लियो हइ. कि योही मसीह हइ?
JOH 7:27 येखे तो हम जानस हइ, कि यो खा को हइ. पर मसीह जब आह्ये, तो कोइ नी जान्ये कि उ खा को हइ.”
JOH 7:28 तब यीशु ने मन्दिर मे उपदेस देते हुये पुकारी खे बोल्यो, “तुम मेखे जानस हइ कि यो भी जानस हइ कि मी खा को हइ, मी तो खुद से नी आयो पर मरो भेजनआलो सच्ची हइ, ओखे तुम नी जाने.
JOH 7:29 मी ओखे जानुस हइ. क्युकी मी ओका तरफ से हइ अरु ओने मेखे भेज्यो हइ.”
JOH 7:30 येका पर उनने ओखे पकडनो चाह्यो ते भी कोय ने ओका पर हात नी डाल्यो, क्युकी ओको टेम अब तक नी आयो थो.
JOH 7:31 अरु गर्दी मे से भोतजन ने ओका पर विश्वास कर्यो, अरु बोलन लग्या, “मसीह जब आह्ये, ते का येकासे जादा चिन्ह खे दिखाये जो येने दिखाया?”
JOH 7:32 फरीसीहोन ने दुन्याहोन खे ओका बारे मे या बातहोन लुकीखे-लुकीखे करता सुन्यो. अरु मुखियो याजकहोन अरु फरीसीहोन ने पकडन खे सेवक भेज्या.
JOH 7:33 येका पर यीशु ने बोल्यो, “मी थोडि देर तक अरु तुमारा साथ हइ. तब अपना भेजनआला का पास चली जायु.
JOH 7:34 तुम मेखे ढूढ्ये का पर नी पाये अरु झा मी हइ, व्हा तुम नी अय सक्ये.”
JOH 7:35 यहूदीहोन ने आपस मे बोल्यो, यो खा जाये कि हम येखे नी पाये? का उ उनका पास जाये जो यूनानीहोन मे तितर-बितर हूइ खे र्‍हेस हइ, अरु यूनानीहोन खे भी उपदेस दिये?
JOH 7:36 या का बात हइ जो उनने बोली कि तुम मेखे ढूढ्ये का पर नी पाये: अरु झा मी हइ, व्हा तुम नी अय सक्ये?
JOH 7:37 फिर त्योहार का अन्नत दिन, जो मुख्य दिन हइ, यीशु खडो हुयो अरु पुकारी खे बोल्यो, “अगर कोइ प्यासो हइ ते मरा पास आनु अरु पीनु.
JOH 7:38 जो मरा पर विश्वास कर्ये, जसो पवित्रशास्त्र मे आयो हइ, ‘ओका अंदर से जिवन कि पानी की नदिहोन बोहय नीकल्ये.’”
JOH 7:39 ओने यो वचन या आत्मा का बारे मे बोल्यो, जो ओका पर विश्वास करण आला पाना पर था. क्युकी आत्मा आब तक नी उतरी थी, क्युकी यीशु आब तक अपनी महिमा खे नी पहुच्यो थो.
JOH 7:40 तब गर्दी मे से कोइ-कोइ ने या बातहोन सुनी खे बोल्यो, “सच मुच योही उ भविष्यव्दक्ता हइ.”
JOH 7:41 दुसराहोन ने बोल्यो, “यो मसीह हइ,” पर कोय ने बोल्यो, “क्यु? का मसीह गलील से आह्ये?
JOH 7:42 का पवित्रशास्त्र मे नी आयो कि मसीह दाउद का वंश से अरु बैतलहम गाव से आह्ये, झा दाउद र्हेतो थो?”
JOH 7:43 अन्नत ओका कारण दुन्याहोन मे फूट पडि.
JOH 7:44 उनमे से कत्ताने ओखे पकडनो चाहता था, पर कोय ने ओका पर हात नी डाल्यो.
JOH 7:45 तब सेवकहोन मुखियो याजकहोन अरु फरीसीहोन का पास आह्ये, अरु उनने उनसे बोल्यो, “तुम ओखे क्यु नी लाये?”
JOH 7:46 सेवकहोन ने जवाब दियो, “कोय इन्सान ने कभी असी बातहोन नी करी.”
JOH 7:47 फरीसीहोन ने उनखे जवाब दियो, “का तुम भी भरमाया गया हइ.”
JOH 7:48 का मुखियोहोन या फरीसीहोन मे से कोय ने भी ओका पर विश्वास कर्यो हइ?
JOH 7:49 पर ये इन्सान जो व्यवस्था नी जाने “का हमारी व्यवस्था कोय इन्सान खे जब तक पैयले ओकी सुनीखे जानी नी ले कि उ का करस हइ. दोषी ठहरास हइ?”
JOH 7:50 नीकुदेमुस ने जो पैयले ओका पास आयो थो अरु उनमे से एक थो, उनसे बोल्यो,
JOH 7:51 “का हमारी व्यवस्था कोय इन्सान खे जब तक पैयले ओकी सुनीखे जानी नी ले कि उ का करस हइ; दोषी ठहरास हइ?”
JOH 7:52 उनने ओखे जवाब दियो, “का तू भी गलील को हइ? ढूढ़ अरु देख, कि गलील से कोय भविष्यव्दक्ता प्रगट नी होन को.”
JOH 7:53 तब सब कोय अपना-अपना घर चली गया.
JOH 8:1 पर यीशु जैतून कि टेकडी पर गयो.
JOH 8:2 अरु फजर खे फिर मन्‍दिर मे आयो, अरु सब इन्साहोन ओका पास आया. अरु उ बठीखे उनखे शिक्षन देन लग्यो.
JOH 8:3 तब शास्त्री अरु फरीसी एक बय खे लैइ जो व्यभिचार मे पकडी गइ थी, अरु ओखे बीच मे खडी करीखे यीशु से बोल्यो,
JOH 8:4 “हे गुरु, या बय व्यभिचार करते पकडी गइ हइ.
JOH 8:5 व्यवस्था मे मूसा ने हमखे आज्ञा दी हइ कि असी बयहोन खे पत्थराव करणु. अन्नत तू या बय का बारे मे का बोलस हइ?”
JOH 8:6 उनने ओखे परखनन का लिये या बात बोली ताकि ओका पर इलजम लगान का लिये कोय बात पाये का पर यीशु झुकी खे उंगली से जमीन पर लिखन लग्यो.
JOH 8:7 जब वे ओकासे पुछता र्‍हिया, ते उ सीधो हुइ खे उनसे बोलीखे, “तुम मे जो नीष्पाप हुये उ पैयले ओखे पत्थर मारनु.”
JOH 8:8 अरु फिर झुकी खे जमीन पर उंगली से लिखन लग्यो.
JOH 8:9 पर वे यो सुनी खे बापदादा से लीखे छोटा तक एक-एक करीखे नीकली गया, अरु यीशु अयखेलो र्‍हि गयो, अरु बय व्हा बीच मे खडी ऱ्ही गइ.
JOH 8:10 यीशु ने सीधो हुइ खे ओकासे बोल्यो, “हे बय, वे खा गया? कोय ने तरा पर दण्ड की आज्ञा नी दी?”
JOH 8:11 ओने बोल्यो, “हे प्रभु, कोय ने नी” यीशु ने बोल्यो, “मी भी तरा पर दण्ड की आज्ञा नी देउ. जा अरु फिर पाप नी करणु.”
JOH 8:12 तब यीशु ने फिर दुन्याहोन से बोल्यो, “जगत की ज्योति मी हइ. जो मरा पीछे अह्ये खे उ अंधारा मे नी चल्ये का पर जिवन की ज्योति पाये.”
JOH 8:13 फरीसीहोन ने ओकासे बोल्यो “तू अपनी गवइ खुद देउस हइ. तरी गवइ सच्ची नी.”
JOH 8:14 यीशु ने उनखे जवाब दियो, “अगर मी अपनी गवइ खुद देउस हइ, ते भी मरी गवइ सच्ची हइ, क्युकी मी जानुस हइ, कि मी खा से आयो हइ अरु खा खे जाउस हइ? पर तुम नी जाने कि मी खा से आयो हइ या खा खे जउस हइ.
JOH 8:15 तुम आंग का जसो न्याय करस हइ. मी कोय को न्याय नी करु.
JOH 8:16 अरु अगर मी न्याय कर्हु भी, ते मरो न्याय सच्ची हइ. क्युकी मी अयखेलो नी, पर मी बाप का साथ हइ, जो ने मेखे भेज्यो हइ.
JOH 8:17 अरु तुमारी व्यवस्था मे भी लिख्यो हइ. कि दो जनहोन की गवइ मीलीखे सच्ची होस हइ.
JOH 8:18 एक तो मी खुद अपनी गवइ देउस हइ, अरु दूसरो बाप मरी गवइ देउस हइ जो ने मेखे भेज्यो.”
JOH 8:19 उनने ओकासे बोल्यो, “तरो बाप खा हइ?” यीशु ने जवाब दियो, “नी तुम मेखे जानस हइ, नी मरा बाप खे अगर मेखे जानस, ते मरो बाप खे भी जानता.”
JOH 8:20 ये बातहोन ओने मन्‍दिर मे उपदेस देता हुये दान घर मे बोली, अरु कोय ने ओखे नी पकड्यो. क्युकी ओको टेम अब तक नी आयो थो.
JOH 8:21 ओने फिर उनसे बोल्यो, “मी जउस हइ, अरु तुम मेखे ढूढ्ये अरु अपना पाप मे मर्ये. झा मी जउस हइ, व्हा तुम नी अय सक्ये.”
JOH 8:22 येका पर यहूदीयाहोन ने बोल्यो का उ अपना आप खे मारी डाल्येका जो बोलस हइ, “झा मी जउस हइ व्हा तुम नी अय सक्ये?”
JOH 8:23 ओने उनसे बोल्यो, “तुम नीचे का हइ, मी उपर को हइ. तुम जगत का हइ, मी जगत को नी.
JOH 8:24 येका लिए मेने तुम से बोल्यो, कि तुम अपना पापहोन मे मर्ये. क्युकी अगर तुम विश्वास नी कर्ये कि मी उ हइ, ते अपना पापहोन मे मर्ये.”
JOH 8:25 उनने ओकासे बोल्यो, “तू कोन हइ?” यीशु ने उनसे बोल्यो, “उ हइ जो सुरुवात से तुम से बोलतो आयो हइ.
JOH 8:26 तुमारा बारे मे मेखे भोत कुछ बोलनो अरु नीर्णय करणो हइ पर मरो भेजनआलो सच्ची हइ. अरु जो मेने ओकासे सुन्यो हइ, उ जगत से बोलस हइ”
JOH 8:27 वे नी समझे कि हम बाप का बारे मे बोलस हइ.
JOH 8:28 तब यीशु ने बोल्यो, “जब तुम इन्सान का बेटा खे उच्चा पर चढाये का ते जान्ये कि मी उ हइ, अरु अपना आप से कुछ नी कर्येका पर जसो मरो बाप ने मेखे सिखायो, असो ही या बातहोन बोलुस हइ.
JOH 8:29 अरु मरो भेजनआलो मरा साथ हइ. ओने मेखे एखलो नी छोड्यो. क्युकी मी हमेशा उ काम करुस हइ, जेका से उ प्रसन्‍न होस हइ.”
JOH 8:30 उ या बातहोन बोली र्‍हो थो, कि भोतजन ने ओका पर विश्वास कर्यो.
JOH 8:31 तब यीशु ने वे यहूदीयाहोन से जिन्हे ओका पर विश्वास कर्यो थो, बोल्यो, “अगर तुम मरा वचन मे बन्या र्‍हियेका ते सच मुच मरा सेवक ठैइऱ्यो.
JOH 8:32 अरु सच्चाइ खे जान्येका अरु सच्चाइ तुमखे स्वतत्रता कर्ये.”
JOH 8:33 उनने ओखे जवाब दियो, “हम तो अब्राहम का वंश से हइ, अरु कभी कोय, सेवक नी हुया. फिर तू क्यु बोलस हइ, कि तुम स्वतंत्र हुये जाये?”
JOH 8:34 यीशु ने उनखे जवाब दियो, “मी तुम से सच्ची-सच्ची‍ची बोलुस हइ कि जो कोय पाप करस हइ, उ पाप को सेवक हइ.
JOH 8:35 अरु सेवक कभी भी घर मे नी र्‍हे. बाप हमेशा र्हेस हइ.
JOH 8:36 येका लिए अगर बाप बेटा खे स्वतत्रता कर्हे ते सच्ची मे तुम स्वतत्रता हुइ जाये.
JOH 8:37 मी जानुस हइ कि तुम अब्राहम का वंश से हइ. तो भी मरो वचन तुमारा मन मे जगा नी पाय, येका लिए तुम मेखे मारी डालनो चाहस हइ.
JOH 8:38 मी उ बोलुस हइ, जो अपना बाप खे ह्या देखस हइ. अरु तुम उ करता र्‍हेस हइ जो तुम ने अपना बाप से सुन्यो हइ.”
JOH 8:39 उनने ओखे जवाब दियो, “हमारो बाप तो अब्राहम हइ.” यीशु ने उनसे बोल्यो, “अगर तुम अब्राहम का सन्तान होस, ते अब्राहम का जसो काम करता.
JOH 8:40 पर अब तुम मेखे जसो इन्सान खे मारी डालनो चाहस हइ, जो ने तुमखे उ सच्ची वचन बतायो जो परमेश्वर से सुन्यो, यो ते अब्राहम ने नी कर्यो थो.
JOH 8:41 तुम अपना बाप का जसा काम करस हइ” उनने ओकासे बोल्यो, “हम व्यभिचार से नी जन्मो, हमारो एक बाप हइ यानेकी परमेश्वर.”
JOH 8:42 यीशु ने उनसे बोल्यो, “अगर परमेश्वर तुमारो बाप होतो, ते तुम मरासे प्रेम रखता. क्युकी मी परमेश्वर मे से नीकलीखे आयो हइ. मी खुद से नी आयो, पर ओ ने मेखे भेज्यो.
JOH 8:43 तुम मरी बात क्यु नी समझे? येका लिए कि मरो वचन सुनी नी सक्ये.
JOH 8:44 तुम अपना बाप सैतान से हइ, अरु अपना बाप की लालसाहोन खे पूरो करणो चाहस हइ उ ते सुरुवात से खुनी हइ, अरु सच्चीचाइ पर स्थिर नी र्हे, क्युकी सच्ची ओमे हइ ही नी. जब उ झूठ बोलस, ते अपना स्वभाव मे से बोलस हइ. क्युकी उ झूठो हइ, क्युकी झूठ को बाप हइ.
JOH 8:45 पर मी जो सच्ची बोलस हइ, येका लिए तुम मरो विश्वास नी कर्ये.
JOH 8:46 तुम मे से कोन मेखे पापी ठैइरास हइ? अरु अगर मी सच्ची बोलुस हइ, ते तुम मरो विश्वास क्यु नी कर्ये?
JOH 8:47 जो परमेश्वर से होस हइ, उ परमेश्वर की बातहोन सुनस हइ. अरु तुम येका लिए नी सुनस कि परमेश्वर की तरफ से नी हइ.”
JOH 8:48 यो सुन्यो यहूदीयाहोन ने ओकासे बोल्यो “हम ठीक नी बोले, कि तू सामरी हइ, अरु तुम मे बुरीआत्मा हइ?”
JOH 8:49 “यीशु ने जवाब दियो,” मरा मे बुरीआत्मा नी. पर मी अपना बाप को आदर करुस हइ, अरु तुम मरो नीरादर करुस हइ.
JOH 8:50 पर मी अपनी महिमा नी चाहु का हव, एक हइ जो चाहस हइ, अरु न्याय करस हइ.
JOH 8:51 मी तुम से सच्ची-सच्ची बोलुस हइ कि अगर कोय इन्सान मरा वचन पर चले का ते उ पिडमपिडि तक मरना खे नी देख्ये.
JOH 8:52 यहूदीयाहोन ने ओकासे बोल्यो, “अब हमने जानी लियो कि तरा मे बुरीआत्मा हइ अब्राहम मरी गयो, अरु भविष्यव्दक्ता भी मरी गए हइ अरु तू बोलस हइ, ‘अगर कोय मरो वचन पर चल्ये ते उ पिडमपिडि तक मरना को सवाद नी चख्ये.’
JOH 8:53 हमारो बाप अब्राहम ते मरी गयो, तू ओकासे बडो हइ? अरु भविष्यव्दक्ता भी मरी गया, तू अपना आप खे ठैइरास हइ?”
JOH 8:54 यीशु ने जवाब दियो, “अगर मी खुद अपनी महिमा करु, ते मरी महीमा कुछ नी, पर मरी महिमा करण आलो मरो बाप हइ, जेखे तुम बोलस हइ, कि उ हमारो परमेश्वर हइ.
JOH 8:55 अरु तुम ने तो ओखे नी जान्यो पर मी ओखे जानुस हइ. अरु अगर बोलु कि मी ओखे नी जानू, ते मी तुमारो जसो झूठा ठैइरायु पर मी जानुस, अरु ओका वचन पर चलुस हइ.
JOH 8:56 तुमारो बाप अब्राहम मरा दिन देखन की आस से भोत मगन थो. अरु ओने देख्यो, अरु खुशी करी.”
JOH 8:57 यहूदीयाहोन ने ओकासे बोल्यो, “अब तक तू पचास साल को नी, फिर भी तोने अब्राहम खे देख्यो हइ?”
JOH 8:58 यीशु ने उनसे बोल्यो, “ मी तुम से सच्ची-सच्ची बोलुस हइ, कि पैयले येका कि अब्राहम पइदा हुयो मी हइ.”
JOH 8:59 तब उनने ओखे मारन का लिये पत्थर उठायो, पर यीशु लुकीखे मन्‍दिर से नीकली गयो.
JOH 9:1 फिर जाता हुया ओने एक इन्सान खे देख्यो, जो जन्म से अंधो थो.
JOH 9:2 अरु ओका सेवक होन ने ओकासे पूछ्यो, “हे गुरु, कोय ने पाप कर्यो थो कि यो अंधो जन्म्यो यो इन्सान ने या ओकी माय बाप ने?”
JOH 9:3 यीशु ने जवाब दियो, “नी ते येने पाप कर्यो थो, नी येका माय बाप ने पर यो येका लिए हुयो, कि परमेश्वर का काम ओमे प्रगट हुये.
JOH 9:4 जो ने मेखे भेज्यो हइ. हमखे ओका मे दिन हीस दिन मे करणो जरुरती हइ वा रात आनआली हइ जोमे कोय काम नी करी सकतो.
JOH 9:5 जब तक मी जगत मे हइ, तब तक जगत को उजालो हइ.”
JOH 9:6 यो बोलीखे ओने जमीन पर थूक्यो अरु उ थूक से मट्टी छासनी, अरु वा मट्टी उ अंधा का आखहोन पर लगैइखे.
JOH 9:7 ओकासे बोल्यो, “जा, शीलोह का कुण्ड मे धोइ ले” शीलोह को अर्थ भेज्यो हुयो हइ अन्नत ओने जैइखे ले, अरु देखता हुया लौटी आयो.
JOH 9:8 तब पडोसी अरु जिन्हे पैयले ओखे भीख मागते देख्यो थो, बोलन लग्या “यो उ नी जो बठ्यो भीख माग्या करतो थो?”
JOH 9:9 कुछ दुन्या ने बोल्यो, “यो उ हइ,” दुसरा जन ने बोल्यो नी, पर ओका जसो हइ ओने बोल्यो, “मी उ हइ.”
JOH 9:10 “तब वे ओकासे पूछन लग्या?” तरी आखहोन कसी खुली गइ.
JOH 9:11 ओने जवाब दियो, “यीशु नामको एक इन्सान ने मट्टी छानी, अरु मरा आखहोन पर लगैइखे मरासे बोल्यो, शीलोह मे जैइखे धोइ ले, ते मी गयो, अरु धोइ खे देखन लग्यो.”
JOH 9:12 उनने ओकासे पूछ्यो, “उ खा हइ?” ओने बोल्यो, “मी नी जानु.”
JOH 9:13 इन्सान जो पैयले अंधो थो फरीसीहोन का पास ली गयो.
JOH 9:14 जो दिन यीशु ने मट्टी छानी खे ओकी आखहोन खोली थी उ अराम को दिन थो.
JOH 9:15 फिर फरीसीहोन ने भी ओकासे पूछ्यो. तरी आखहोन कोनता रीति से खुली गइ? ओने उनसे बोल्यो, “ओने मरी आखहोन पर मट्टी लगइ, फिर मेने धोइ लियो, अरु अब देखुस हइ.”
JOH 9:16 येका पर कइ फरीसी बोलन लग्या, “यो इन्सान परमेश्वर का तरफ से नी, क्युकी उ अराम का दिन नी मानतो” दुसरा झन ने बोल्यो, “पापी इन्सान कसो असो चिन्ह दिखैइ सकस हइ?” अन्नत उनमे फूट पिडी.
JOH 9:17 उनने उ अंधा से फिर बोल्यो, “ओने जो तरी आखहोन खोली, तू ओका बारे मे का बोलस हइ?” ओने बोल्यो, “यो भविष्यव्दक्ता हइ.”
JOH 9:18 पर यहूदीयाहोन खे विश्वास नी हुयो कि यो अंधो थो अरु अब देखस हइ जब तक उनने ओका माय बाप खे जोकी आखहोन खुली गइ थी, बुलैइ खे.
JOH 9:19 उनसे पूछ्यो “का यो तुमारो बेटो हइ, जेखे तुम बोलस हइ कि अंधो जन्म्यो थो? फिर अब कसो देखस हइ?”
JOH 9:20 ओका माय-बाप ने जवाब दियो, “हम तो जानस हइ कि यो हमारो बेटो हइ, अरु अंधो जन्म्यो थो.
JOH 9:21 पर हम यो नी जानस हइ कि अब कसो देखस हइ. अरु नी यो जानस हइ, कि कोय ने ओका आखहोन खोली. उ सयानो हइ. ओका से पुछी ले. उ अपना बारे मे बोली दिये.”
JOH 9:22 या बातहोन ओका माय-बाप ने येका लिए बोली क्युकी वे यहूदीयाहोन से डरता था. क्युकी यहूदीया एकमत हुइ चुक्या था, कि अगर कोय बोल्ये कि उ मसीह हइ, ते आराधनालय से नीकाली जाये.
JOH 9:23 यो कारण ओका माय बाप ने बोल्यो, “उ सयानो हइ. ओका से पूछी ले.”
JOH 9:24 तब उनने उ इन्सान खे जो अंधो थो दूसरी बार बुलैइ खे ओकासे बोल्यो, “परमेश्वर की महिमा कर. हम तो जानस हइ कि उ इन्सान पापी हइ.”
JOH 9:25 ओने जवाब दियो, “मी नी जानु कि उ पापी हइ या नी मी एक बात जानूस हइ कि मी अंधो थो अरु अब देखुस हइ.”
JOH 9:26 उनने ओकासे फिर बोल्यो, “ओने तरा साथ का कर्यो? अरु कोनता तरीका से तरी आखहोन खोली?”
JOH 9:27 ओने उनसे बोल्यो, “मी तो तुम से बोली चुक्यो, अरु तुम ने नी सुन्यो. अब दूसरी बार क्यु सुननो चाहस हइ? का तुम भी ओका सेवक होनु चाहस हइ?”
JOH 9:28 तब वे ओखे बुरो-भलो बोलीखे बोल्या, “तू ही ओको चेलो हइ. हम तो मूसा का सेवक हइ.
JOH 9:29 हम जानस हइ कि परमेश्वर ने मूसा से बातहोन बोली. पर यो इन्सान खे नी जाने की खा को हइ.”
JOH 9:30 ओने उन खे जवाब दियो, “यो तो अचम की बात हइ कि तुम नी जाने की खा को हइ तेभी ओने मरी आखहोन खोली दी.
JOH 9:31 हम जानस हइ कि परमेश्वर पापीहोन की नी सुने पर अगर कोय परमेश्वर को भक्त हइ, अरु ओकी इच्छा पर चलस हइ, ते उ ओकी सुनस हइ.
JOH 9:32 जगत कि सुरुवात से यो कभी सुनना मे नी आयो, कि कोय ने भी जन्म का अंधा की आखहोन खोली हो.
JOH 9:33 अगर यो इन्सान परमेश्वर का तरफ से नी होतो, ते कुछ भी नी करी सकतो.”
JOH 9:34 उनने ओखे जवाब दियो, “तू तो बिलकुल पापहोन मे जन्म्यो हइ, तू हम खे का सिखास हइ?” अरु उनने ओखे भइर नीकाली दियो.
JOH 9:35 यीशु ने सुन्यो, कि उनने ओखे बाहेर नीकाली दियो हइ. अरु जब ओकासे मील्यो हुइ ते बोल्यो “तू परमेश्वर का बेटा पर विश्वास करस हइ?”
JOH 9:36 ओने जवाब दियो, “हे प्रभु, उ कोन हइ कि मी ओका पर विश्वास करु?”
JOH 9:37 यीशु ने ओकासे बोल्यो, “तोने ओखे देख्यो भी हइ. अरु जो तरा साथ बातहोन करी र्‍हो हइ उ हइ.”
JOH 9:38 ओने बोल्यो, “हे प्रभु, मी विश्वास करुस हइ” अरु ओखे प्रणाम कर्यो.
JOH 9:39 तब यीशु ने बोल्यो, “मी यो जगत मे न्याय का लिये आयो हइ, ताकि जो नी देखे वे देख्ये का अरु जो देखस हइ वे अंधा हुइ जाये.”
JOH 9:40 जो फरीसी ओका साथ था, उनने या बातहोन सुनी खे ओकासे बोल्यो, “हम भी अंधा हइ?”
JOH 9:41 यीशु ने उनसे बोल्यो, “अगर तुम अंधा होस ते पापी नी ठैरता पर अब बोलुस हइ, कि हम देखस हइ, येका लिए तुमारा पाप बन्यो र्‍हेस हइ.
JOH 10:1 “मी तुम से सच्ची सच्ची बोलुस हइ, कि जो कोइ दरवाजा से मेडा कि खोली मे अंदर नी कर्ये का पर अरु कोय दुसरा से चडी जास हइ का उ चोर अरु डाकू हइ.
JOH 10:2 पर जो दरवाजा से अंदर प्रवेश करस हइ उ व्हा मेढाहोन को चरवाहा हइ.
JOH 10:3 येका लिये द्वारपाल दरवाजो खोली देस हइ, अरु मेढाहोन ओकी आवाज शब्द सुनस हइ, अरु उ अपना मेढाहोन का नाम ली लीखे बुलास हइ बाहेर ली जास हइ.
JOH 10:4 अरु जब उ अपनी सब मेढाहोन खे बाहेर नीकाली चुक्यो हइ, ते उनका आगे आगे चलस हइ, अरु मेढाहोन ओका पीछे-पीछे चली जास हइ. क्युकी वे ओकी आवाज पहचानस हइ.
JOH 10:5 पर वे दुसरा का पीछे नी जायेका पर ओकासे भाग्येका क्युकी वे दुसरा को आवाज नी पहचाने.”
JOH 10:6 यीशु ने उनसे यो दृष्टान्त बोल्यो, पर वे नी समझे कि या बातहोन हइ जो वह हम से बोलस हइ.
JOH 10:7 तब यीशु ने उनसे फिर बोल्यो, “मी तुम से सच्ची-सच्ची बोलुस हइ, कि मेढाहोन को दरवाजा मी हइ.
JOH 10:8 जोत्ता मरासे पैयले आया. वे सब चोर अरु डाकू हइ, पर मेढाहोन ने उनकी नी सुनी.
JOH 10:9 दरवाजो मी हइ. अगर कोय मरा वजेसे अंदर प्रवेश कर्ये ते उध्दारपाये अरु अंदर बाहर आह्ये-जाये कर्ये अरु चारो पाये.
JOH 10:10 चोर कोइ अरु काम का लिये नी पर फक्त चोरी करण अरु मारन खे अरु खेत्म खे आस हइ, मी येका लिए आयो कि वे जिवन पायेका अरु भोतायत से पाये.
JOH 10:11 “अच्छो चरानआलो मी आय. अच्छो चरानआलो मेडा का लिये अपनो जान देस हइ.
JOH 10:12 मजूर जो नी चरानआलो हइ, अरु नी मेढाहोन को मालिक हइ, लाडगाहोन खे आते हुया देख्यो, मेढाहोन खे छोडी खे भागी जास हइ, अरु लाडगाहोन उनखे पकडस अरु इधर-उधर करी देस हइ.
JOH 10:13 उ येका लिए भागी जास हइ कि उ मजूर हइ, अरु ओखे मेडाहोन की चिन्ता नी
JOH 10:14 अच्छो चरानआलो मी आय. मी अपनी मेडाहोन खे जानुस हइ, अरु मरा मेडाहोन मेखे जानस हइ.
JOH 10:15 जसो बाप मेखे जानस हइ, अरु मी बाप खे जानुस हइ, अरु मी मेडाहोन, लिये अपनो जान देउस हइ.
JOH 10:16 मरा अरु भी मेडा हइ, जो यो मेडा खोली की नी. मेखे उन खे भी लानो जरुरती हइ, वे मरो आवाज सुन्ये. तब एक मे झुण्ड अरु एक मे चरानआलो हुये.
JOH 10:17 “बाप येका लिए मरासे प्रेम रखस हइ, कि मी अपनो जान देउस हइ, कि ओखे फिर ली लियु.
JOH 10:18 कोय ओखे मरासे छीने नी, क्युकी मी ओखे खुद मे देउस हइ, मेखे ओखे देन को अधिकार हइ, अरु ओखे फिर लेन को भी अधिकार हइ, या आज्ञा मरो बाप से मेखे मीली हइ.”
JOH 10:19 या बातहोन का कारण यहूदीयाहोन मे फिर फूट पडी.
JOH 10:20 उनमे से भोत जन बोलन लग्या, “ओमे बुरीआत्मा हइ, अरु उ पागल हइ. ओकी क्यु सुनस हइ?”
JOH 10:21 दुसरा ने बोल्यो, “या बातहोन असो इन्सान की नी जोमे बुरीआत्मा हइ, बुरीआत्मा अंधा की आख खोली सकस हइ?”
JOH 10:22 यरुशलेम मे समर्पन त्योहार हुयो, अरु ठड को दिन थो.
JOH 10:23 अरु यीशु मन्‍दिर मे सुलेसमान कि ओसरी मे घुमीरो थो.
JOH 10:24 तब यहूदीयाहोन ने ओखे अय घेर्यो अरु पूछ्यो, “तू हमारा मन खे कब तक तखलीप मे रख्ये? अगर तू मसीह हइ, ते हम से सपा बोली दे.”
JOH 10:25 यीशु ने उनखे जवाब दियो, “मेने तुम से बोली दियो, अरु तुम विश्वास कर्‍हे ही नी, जो काम मी अपना बाप का नाम से करुस हइ वे य मरा गवा हइ.
JOH 10:26 पर तुम येका लिए विश्वास नी कर्‍हे, कि मरा मेडाहोन मे से नी हइ.
JOH 10:27 मरा मेडाहोन मरो आवाज सुनस हइ, अरु मी उनखे जानुस हइ, अरु वे मरा पीछे पीछे चलस हइ.
JOH 10:28 अरु मी उनखे अनन्त जिवन देउस हइ, अरु वे कभी नाश नी हुये कि अरु कोय उनखे मरा हात से छीनी नी लिये.
JOH 10:29 मरो बाप, जो ने उनखे मेखे दियो हइ, सबसे बडो हइ, अरु कोय उनखे बाप का हात से छीनी नी सक्ये.
JOH 10:30 मी अरु बाप एक हइ.”
JOH 10:31 यहूदीयाहोन ने ओखे पत्थराव करण खे फिर पत्थर उठाया.
JOH 10:32 येका पर यीशु ने उनसे बोल्यो, “मेने तुमखे अपना बाप का तरफ से भोत सा भला काम दिखाया हइ, उनमे से कोनता काम का लिये तुम मेखे पत्थराव करस हइ?”
JOH 10:33 यहूदीयाहोन ने ओखे उत्तर दियो, “अच्छो काम का लिये हम तोखे पथर नी मारा, पन परमेश्वर की नीन्दा का कारण अरु येका लिये कि तू इन्सान हुयखे अपना आप खे परमेश्वर बनास हइ.”
JOH 10:34 यीशु ने उनखे जवाब दियो “तुम्हारी व्यवस्था मे नी लिख्यो हइ कि ‘मेने बोल्यो, तु प्रभु हइ?’
JOH 10:35 अगर ओने उनखे प्रभु बोल्यो जिन का पास परमेश्वर को वचन पहुच्यो अरु पवित्रशास्त्र की बात लुकी नी हुइ सक्ये.
JOH 10:36 ते जेखे बाप ने पवित्र ठैइरी खे जगत मे भेज्यो हइ, तुम ओकासे बोलस हइ, तू नीन्दा करस हइ येका लिए कि मेने बोल्यो, मी परमेश्वर को बेटो हइ?
JOH 10:37 अगर मी अपना बाप को काम नी करु, ते मरो विश्वास नी करणु.
JOH 10:38 पर अगर मी करुस हइ, ते चाह्ये मरो विश्वास नी भी करणु, पर वे काम होन पर विश्वास करणु, ताकि तुम जान्येका अरु समझे, कि बाप मरा मे हइ, अरु मी बाप मे हइ.”
JOH 10:39 तब उनने फिर ओखे पकडन कि कोशीस कर्यो पर उ उनका हात से नीकली गयो
JOH 10:40 फिर उ यरदन नद्दी का पार वा जगा पर चली गयो, झा यहून्ना पैयले बपतिस्मा दिया करतो थो, अरु वही र्‍हियो.
JOH 10:41 अरु भोत सारा ओका पास अयखे बोलता था, “यहून्ना ने ते कोय चिन्ह नी दिखायो, पर जो कुछ यहून्ना ने येका बारे मे बोल्यो थो उ सब सच्ची थो.”
JOH 10:42 अरु उ भोतजन ने ओका पर विश्वास कर्यो.
JOH 11:1 मरियम अरु उसकी भैइन मार्था को गाव बैतनीय्याह को लाजर नाम एक इन्सान बीमार थो.
JOH 11:2 या उ मरियम थी जेने प्रभु पर अत्रर डालीखे ओका पायहोन खे अपना बालहोन से पोछ्यो थो, ओ को भैइ लाजर बीमार थो.
JOH 11:3 तब ओकी भैइनहोन ने ओखे बुलाओ भेज्यो, “हे प्रभु, देख, जोका से तू प्रेम करस हइ, उ बीमार हइ.”
JOH 11:4 यो सुनीखे यीशु ने बोल्यो, “या बीमारी मरन की नी, पर परमेश्वर की महिमा का लिये हइ, कि ओका वजेसे परमेश्वर का बेटा की महिमा हुये.”
JOH 11:5 अरु यीशु, मार्था अरु ओकी भैइन अरु लाजर से प्रेम रखतो थो.
JOH 11:6 जब ओने सुन्यो, कि उ बीमार हइ, ते जो जगा पर उ थो, व्हा दो दिन अरु ठैरी गयो.
JOH 11:7 फिर ओका बाद ओने सेवक होन से बोल्यो, “ओका हम फिर यहूदीया खे चल्हे.”
JOH 11:8 सेवक होन ने ओकासे बोल्यो, “हे गुरु, अभी तो यहूदीया तोखे पत्थराव करणो चाहतो थो, अरु तू फिर भी वही जास हइ?”
JOH 11:9 यीशु ने जवाब दियो “ का दिन बारा घंटा नी होय? अगर कोय दिन मे चल्यो, ते ठोकर नी खाता, क्युकी यो जगत को उजालो देखस हइ.
JOH 11:10 पर अगर कोय रात खे चल्ये का ते ठोकर खास हइ, क्युकी ओमे उजालो नी.”
JOH 11:11 ओने या बातहोन बोली, अरु येका बाद उनसे बोलन लग्यो, “हमारो दोस्त लाजर सोइ गयो हइ, पर मी ओखे जगान जउस हइ.”
JOH 11:12 तब सेवक होन ने ओकासे बोल्यो, “हे प्रभु, अगर उ सोइ गयो हइ, ते बची जाये.”
JOH 11:13 यीशु ने तो ओका मरना का बारे मे बोल्यो थो पर वे समझ्या कि ओने नीद से सोइ जाना का बारे मे बोल्यो.
JOH 11:14 तब यीशु ने उनसे साफ बोली दियो, “लाजर मरी गयो हइ.
JOH 11:15 अरु मी तुमारा कारण खुश हइ कि मी व्हा नी थो जोका से तुम विश्वास करणु. पन अब आ हम ओका पास चले.”
JOH 11:16 तब थोमा ने जो दिदिमुस बोलस हइ, अपना साथ का सेवक होन से बोल्यो, “ओका हम भी ओका साथ मरन खे चल्यो.”
JOH 11:17 फिर यीशु खे अयखे यो मालूम हुयो कि ओखे कब्र मे रख्या चार दिन हुइ चुक्या हइ.
JOH 11:18 बैतनीय्याह यरुशलेम का सामने कोय दो मील की दूरी पर थो.
JOH 11:19 अरु भोत सा यहूदीया मार्था अरु मरियम का पास उनका भैइ का बारे मे शांती देन का लिये आया था.
JOH 11:20 जब मार्था यीशु को आन को समाचार सुनैखे ओकासे मीलन खे गइ, पर मरियम घर मे बठी र्‍हि.
JOH 11:21 मार्था ने यीशु से बोल्यो, “हे प्रभु, अगर तू ह्या होतो, ते मरो भैइ कभी नी मरतो.
JOH 11:22 अरु अब भी मी जानुस हइ, कि जो कुछ तू परमेश्वर से माग्ये परमेश्वर तोखे दिये.”
JOH 11:23 यीशु ने ओकासे बोल्यो, “तरो भैइ जी उठ्यो.”
JOH 11:24 मार्था ने ओकासे बोल्यो, “मी जानूस हइ, अन्नत दिन मे पुनरुत्थान का टेम उ जी उठ्ये.”
JOH 11:25 यीशु ने ओकासे बोल्यो, “पुनरुत्थान अरु जिवन मी आय, जो कोय मरा पर विश्वास करस हइ उ अगर मरी भी जाये ते भी जीये.
JOH 11:26 अरु जो कोइ जिन्दो हइ, अरु मरा पर विश्वास करस हइ, उ पिडमपिडि तक नी मर्येका तू या बात पर विश्वास करस हइ?”
JOH 11:27 ओने ओकासे बोल्यो, “हव, हे प्रभु, मी विश्वास करी चुकी हइ, कि परमेश्वर को बेटो मसीह जो जगत मे आनआलो थो, उ तू हीस हइ.”
JOH 11:28 यो बोलीखे वा चली गइ, अरु अपनी भैइन मरियम खे चुपचाप से बुलैखे बोल्यो, “गुरु ह्यही हइ, अरु तोखे बुलास हइ.”
JOH 11:29 यो सुनते ही जल्दी उठीखे ओका पास अय.
JOH 11:30 यीशु अभी गाव मे नी पहुच्यो थो, पर उ जगा मे थो झा मार्था ने ओकासे दान करी थी.
JOH 11:31 तब जो यहूदीया ओका साथ घर मे था, अरु ओखे शांती दि र्‍हा था, यो देखीखे कि मरियम जल्दी उठीखे बाहेर गइ हइ अरु यो समझी खे कि उ कब्र पर रोन खे जास हइ, ओका पीछे गइ.
JOH 11:32 जब मरियम व्हा पहुची झा यीशु थो, ते ओखे देखता ही ओका पायहोन पर गिरीखे बोल्यो, “हे प्रभु, अगर तू ह्या होतो ते मरो भैइ नी मरतो.”
JOH 11:33 जब यीशु ने ओखे अरु वे यहूदीयाहोन खे जो ओका साथ आया था रोते हुया देख्यो, ते आत्मा मे भोत मे उदास अरु व्याकुल हुयो,
JOH 11:34 अरु बोल्यो, “तुम ने ओखे खाहा रख्यो हइ?” उनने ओकासे बोल्यो, “हे प्रभु, चलीखे देखी ले.”
JOH 11:35 यीशु रोयो
JOH 11:36 तब यहूदीया बोलन लग्या, “देखनु, उ ओकासे कसो प्रेम करतो थो.”
JOH 11:37 पर उनमे से केत्ता ने बोल्यो “का यो जेने अंधा की आखहोन खोली, यो भी नी करी सक्यो कि यो इन्सान नी मरतो?”
JOH 11:38 यीशु मन मे फिर भोत मे उदास हुइखे कब्र पर आयो, वा एक गुफा थी, अरु एक पत्थर ओका पर रख्यो थो.
JOH 11:39 यीशु ने बोल्यो, “पत्थर खे उठाव” उ मर्यो हुया की भैइन मार्था ओकासे बोलन लगी, “हे प्रभु, अब तो ओमे से बास आस हइ, क्युकी ओखे मर्या चार दिन हुइ गया.”
JOH 11:40 यीशु ने ओकासे बोल्यो “का मेने तरा से नी बोल्यो थो कि अगर तू विश्वास कर्येका ते परमेश्वर की महिमा खे देख्ये.”
JOH 11:41 तब उनने उ पत्थर खे हटायो, फिर यीशु ने आखहोन उठैइखे बोल्यो, “हे बाप, मी तरो धन्यवाद करुस हइ कि तोने मरी सुनी ली हइ.
JOH 11:42 अरु मी जानतो थो, कि तू हमेशा मेरी सुनस हइ, पर जो गर्दी आस-पास खड़ी हइ, उनका कारण मेने यो बोल्यो, जोका से कि वे विश्वास कर्येका कि तोने मेखे भेज्यो हइ.”
JOH 11:43 यो बोलीखे ओने बडा आवाज से पु,कार्यो, “हे लाजर, नीकलीखे आ!”
JOH 11:44 जो मरी गयो थो, उ कफन से हात पाय बध्या हुयो नीकलीखे आयो अरु ओको मेडो कपडो से लिपट्यो हुयो थो यीशु ने उनसे बोल्यो, “ओखे खोलीखे अरु जान दे”
JOH 11:45 तब जो यहूदीया मरियम का पास आया था अरु ओको यो काम देख्यो थो, उनमे से भोत जन ने ओका पर विश्वास कर्यो.
JOH 11:46 पर उनमे से खे त्ता ने फरीसीहोन का पास जैइखे यीशु का काम होन को समाचार दियो.
JOH 11:47 येका पर प्रधान याजकहोन अरु फरीसीहोन ने मुख्य सभा का दुन्याहोन खे जमा करीखे बोल्यो, “हम कारस का हइ? यो इन्सान तो भोत चिन्ह बतास हइ.
JOH 11:48 अगर हम ओखे असो मे छोडी दिये, ते सब ओका पर विश्वास ली आह्ये अरु रोमी अयखे हमारी जगा अरु राष्ट्रहोन दोइ पर अधिकार करी लिये.”
JOH 11:49 तब उनमे से कैफा नाम एक इन्सान ने जो उ साल को महायाजक थो, उनसे बोल्यो, “तुम कुछ नी जाने.
JOH 11:50 अरु नी यो सोचस हइ, कि तुमारा लिये यो अच्छो हइ, कि दुन्या का लिये एक इन्सान मर्ये, अरु नी यो कि पुरो जातहोन नाश हुये.”
JOH 11:51 या बात ओने अपना तरफ से नी बोली, पर उ साल को महायाजक हुइखे भविष्यवाणी करीखे कि यीशु वे राष्ट्रहोन का लिये मर्ये.
JOH 11:52 अरु नी फक्त वे राष्ट्रहोन का लिये क्युकी येका लिए भी, कि परमेश्वर की तितर-बितर सन्तानहोन खे एक करी दिये.
JOH 11:53 अन्नत उ दिन से वे ओखे मारी डालन की सम्मति करण लग्या.
JOH 11:54 येका लिए यीशु वा टेम से यहूदीयाहोन मे प्रगट हुइखे नी फिर्यो. पर व्हा से जंगल का नजीक पास परदेस को एप्रैम नाम का एक नगर खे चली गयो. अरु अपना सेवक होन का साथ वही र्‍हेन लग्यो.
JOH 11:55 अरु यहूदीयाहोन को फसह को तीवार पास थो, अरु भोत सारा इन्सान फसह से पैयले दिहात से यरुशलेम खे गया कि अपना आप खे अच्छो करणु.
JOH 11:56 वे यीशु खे ढूढन अरु मन्‍दिर मे खडो हुइखे आपस मे बोलन लग्यो, “तुम का समझस हइ? का उ त्योहार मे नी आह्ये?”
JOH 11:57 अरु प्रधान याजकहोन अरु फरीसीहोन ने भी आज्ञा दि रखी थी, कि अगर कोय यो जाने कि यीशु खा हइ ते बतानु, कि ओखे पकडी ले.
JOH 12:1 फिर यीशु फसह तिवार से छे दिन पैयले बैतनीय्याह मे आयो, झा लाजर थो. जेखे यीशु ने मर्या हुया मे से जिन्दो लायो थो.
JOH 12:2 व्हा उनने ओका लिये खानो तैयार कर्यो, अरु मार्था सेवा करी र्‍हि थी, अरु लाजर उनमे से एक थो, जो ओका साथ खानो खान का लिये बठ्या था.
JOH 12:3 तब मरियम ने जटामासी को आधो सेर बहुमूल्य अत्रर लीखे यीशु का पाय पर डाल्यो, अरु अपना बालहोन से ओका पाय पोछ्या, अरु अत्रर की सुगध से घर सुगन्धित हूइ गयो.
JOH 12:4 पर ओका सेवक होन मे से यहूदा इस्करियोती नाम एक चेलो जो ओखे पकडान पर थो, बोलन लग्यो,
JOH 12:5 “यो अत्रर तीन सौ सिक्का, मे बेचीखे गरीबहोन खे क्यु नी दिया गयो?”
JOH 12:6 ओने या बात येका लिए नी बोली, कि ओखे गरीबहोन की चिन्ता थी का पर येका लिए कि उ चोर थो अरु ओका पास उनकी थैली र्‍हेती थी, अरु ओमे जो कुछ डाल्या जातो थो काउ नीकाली लेतो थो.
JOH 12:7 यीशु ने बोल्यो, “ओखे मरा गाड्या जान का दिन का लिये र्‍हेन दे.
JOH 12:8 क्युकी गरीब तो तुमारा साथ हमेशा र्‍हेस हइ, पर मी तुमारा साथ हमेशा नी र्‍हियु.”
JOH 12:9 यहूदीयाहोन मे से साधारण दुन्या जानी गया, कि उ व्हा हइ, अरु वे नी फक्त यीशु का कारण आया पर येका लिए भी कि लाजर खे देख्ये का जेखे ओने मऱ्या हुया मे से जिन्दो थो.
JOH 12:10 तब मुखियो याजकहोन ने लाजर खे भी मारी डालन की सम्मति करी.
JOH 12:11 क्युकी ओका कारण भोत सा यहूदीया चली गया, अरु यीशु पर विश्वास कर्यो.
JOH 12:12 दूसरा दिन भोत सा दुन्याहोन ने जो त्योहार मे आया था, यो सुनीखे, कि यीशु यरुशलेम मे अय र्हो हइ.
JOH 12:13 उनने खारीक की डालिहोन ली, अरु ओकासे मीलन खे नीकल्या, अरु फुकारन लग्या, “होशन्ना! धन्य इस्राएल को राजो, जो प्रभु, नाम से आस हइ.”
JOH 12:14 जब यीशु खे एक गधी को बच्चो मील्यो, ते उ ओका पर बठ्यो, जसो लिख्यो हइ,
JOH 12:15 “हे सिय्योन की बेटी, मत डर. देख, तरो राजो गधी का बच्चा पर चड्यो हुयो चल्यो आस हइ.”
JOH 12:16 ओका सेवक या बातहोन पैयले नी समझ्या था. पर जब यीशु की महिमा प्रगट हुइ, ते उनखे याद आयो, कि या बातहोन ओका बारे मे लिखी हुइ थी. अरु दुन्याहोन ने ओकासे यो प्रकार को व्यव्हार कर्यो थो.
JOH 12:17 तब गर्दी का दुन्याहोन ने जो उ टेम ओका साथ था या गवइ दी कि ओने लाजर खे कब्र मे से बुलैइ खे, मऱ्या हुया मे से जिन्दो थो.
JOH 12:18 यो कारण इन्सानहोन ओकासे दान करण खे आया था क्युकी उनने सुन्यो थो, कि ओने यो आश्चर्यकर्म दिखायो हइ.
JOH 12:19 तब फरीसीहोन ने आपस मे बोल्यो, “सोचनु की तुम इन्सान कुछ नी करी र्‍हा हइ. देखनु, जगत ओका पीछे हुइ चल्यो हइ.”
JOH 12:20 जो इन्सान उ त्योहार मे आराधना करण आया था उनमे से कइ यूनानी था.
JOH 12:21 उनने गलील का बैतसैदा का र्‍हेनआला फिलिप्पुस का पास अयखे स्वामी से प्रार्थना करी, “श्रीमान हम यीशु से दान करणो चाहस हइ.”
JOH 12:22 फिलिप्पुस ने अयखे अन्द्रियास से बोल्यो. तब अन्द्रियास अरु फिलिप्पुस ने यीशु से बोल्यो.
JOH 12:23 येका पर यीशु ने उनसे बोल्यो, “ वा टेम अय गइ हइ, कि इन्सान का बेटा कि महिमा हुये.
JOH 12:24 मी तुम से सच्ची-सच्ची बोलुस हइ, कि जब तक गहु का दानो जमीन मे गीरी खे मरी नी जाय, उ एकलो र्‍हेस हइ पर जब मरी जास हइ, ते भोत फल लास हइ.
JOH 12:25 जो अपनो जान खे प्रेम जानस हइ, उ ओखे गमइ देस हइ. अरु जो यो जगत मे अपना जान खे अप्रिय जानस हइ. उ अनन्त जिवन का लिये ओकी रक्षा कर्ये.
JOH 12:26 अगर कोय मरी सेवा कर्ये ते मरा पीछे अय जा. अरु झा मी हइ व्हा मरो सेवक भी हुये. अगर कोय मरी सेवा कर्ये ते बाप ओको आदर कर्ये.
JOH 12:27 “अब मरी आत्मा अरु मन से व्याकुल हइ, येका लिए अब मी का बोलु ‘हे बाप का मेखे या टेम से बचा?’ पर मी यो करण से तो मी ह्यातक पहुच्योस हइ.
JOH 12:28 हे बाप अपना नाम की महिमा कर,” तब या आकाशवाणी हुइ, “मेने ओकी महीमा करी हइ, अरु फिर भी कर्‍यु.”
JOH 12:29 तब जो इन्सान खडा हुया सुनी र्‍हा था, उनने बोल्यो. कि बद्दल गरज्यो का दुसरा ने बोल्यो, “कोय स्वर्गदूत ओकासे बोल्हे.”
JOH 12:30 येका पर यीशु ने बोल्यो का “यो आवाज मरा लिये नी पर तुमारा लिये आयो हइ.
JOH 12:31 अब यो जगत को न्याय होस हइ, अब यो जगत को मुखियो नीकाली दियो जाये.
JOH 12:32 अरु मी अगर पृथ्वी पर से उचो पर चढायो जाये ते सब खे अपना पास खीच्यु.”
JOH 12:33 असो बोलीखे ओने यो प्रगट करी दियो, कि उ कसी मृत्यु से मर्ये.
JOH 12:34 येका पर दुन्याहोन ने ओकासे बोल्यो, “हमने व्यवस्था की या बात सुनइ हइ, कि मसीह कभी भी र्‍हिये का फिर तू का बोलस हइ, कि इन्सान का बेटा खे उचा पर चडायो जानो जरुरत हइ? यो इन्सान को बेटो कोन हइ?”
JOH 12:35 यीशु ने उनसे बोल्यो, “ज्योति अब थोड़ी देर तक तुमारा बीच मे हइ, जब तक ज्योति तुमारा साथ हइ तब तक चल्यो चलनु. असो नी हो कि अधारो तुमखे अय घेर्‍यो. जो अंधारा मे चलस हइ उ नी जाने कि किधर जास हइ
JOH 12:36 जब तक ज्योति तुमारा साथ हइ, ज्योति पर विश्वास करणु कि तुम ज्योति का सन्तान बननु” या बातहोन बोलीखे यीशु चली गयो अरु उनसे लुक्यो र्‍हियो.
JOH 12:37 अरु ओने उनका सामने इत्ता चिन्ह दिखाया, ते भी उनने ओका पर विश्वास नी कर्यो.
JOH 12:38 ताकि यशायाह भविष्यव्दक्ता को वचन पूरो हुये जो ओने बोल्यो: “हे प्रभु, हमारा समाचार पर कोय ने विश्वास कर्यो हइ? अरु प्रभु को बाहुबल को पर प्रकट हुयो?”
JOH 12:39 यो कारण वे विश्वास नी करी सक्या, क्युकी यशायाह ने यो भी बोल्यो हइ
JOH 12:40 “ओने उनकी आख अंधी, अरु उनको मन कठोर कर्यो हइ. कही असो नी हो, कि आखहोन से देख्ये का अरु मन से समझ्येका अरु फिर्ये, अरु मी उनखे अच्छो कर्यु.”
JOH 12:41 यशायाह ने या बातहोन येका लिए बोली, कि ओने ओकी महिमा देखी. अरु ओने ओका बारे मे बातहोन करी.
JOH 12:42 ते भी मुखियोहोन मे से भी भोत जन ने ओका पर विश्वास कर्यो, पर फरीसीहोन का कारण प्रगट मे नी मानता था, असो नी हो कि आराधनालय मे से नीकाली जाये
JOH 12:43 क्युकी इन्सानहोन की प्रशसा उनखे परमेश्वर की प्रशसा से जादा प्रिय लगती थी.
JOH 12:44 यीशु ने पुकारी खे बोल्यो, “जो मरा पर विश्वास करस हइ, उ मरा पर नी, क्युकी मरा भेजनआला पर विश्वास करस हइ.
JOH 12:45 अरु जो मेखे देखस हइ, उ मरा भेजनआला खे देखस हइ.
JOH 12:46 मी जगत मे उजालो हुइखे आयो हइ ताकि जो कोय मरा पर विश्वास कर्येका उ अंधारा मे नी र्‍हे.
JOH 12:47 अगर कोय मरी बातहोन सुनीखे नी माने, ते मी ओखे दोषी नी ठैरास, क्युकी मी जगत खे दोषी ठैरान का लिये नी, पर जगत को उध्दार करण का लिये आयो हइ.
JOH 12:48 जो मेखे तुच्छ जानस हइ अरु मरी बातहोन खे अपनाय नी ओखे दोषी ठैरानआला तो एक हइ यानेकी जो वचन मेने बोल्यो हइ, उ अन्नत दिन मे ओखे दोषी ठैइराये.
JOH 12:49 क्युकी मेने अपना तरफ से बातहोन नी करी, पर बाप जेने मेखे भेज्यो हइ ओ ने मेखे आज्ञा दी हइ, कि का का बोलु अरु का का बतवु?
JOH 12:50 अरु मी जानुस हइ, कि ओकी आज्ञा अनन्त जिवन हइ येका लिए मी जो बोलुस हइ, उ जसो बाप ने मरासे बोल्यो हइ ओसो मी बोलस हइ.”
JOH 13:1 फसह को त्योहार से पैयले जब यीशु ने जानी लियो, कि मरी वा टेम अय पहुची हइ कि जगत छोडी खे बाप का पास जायु ते अपना दुन्याहोन से जो जगत मे था, जसो प्रेम उ रखेतो थो, अन्नत तक ओसो मे प्रेम रखेतो र्‍हिये.
JOH 13:2 अरु जब सैतान शमौन को बेटो यहूदा इस्करियोती का मन मे यो डाली चुक्यो थो, कि ओखे पकडनो हइ ते खाना का टेम मे.
JOH 13:3 यीशु ने यो जानीखे कि बाप ने सब कुछ ओका हात मे करी दियो हइ अरु मी परमेश्वर का पास से आयो हइ, अरु परमेश्‍वर का पास जउस हइ.
JOH 13:4 खाना पर से उठीखे अपना कपडा उतारी दिया, अरु डुप्पटा लीखे अपनी कम्मर बाधी.
JOH 13:5 तब बर्तन मे पानी भरीखे सेवक होन का पाय धोनो अरु जो डुप्पटा से ओकी कम्मर बधी थी ओका से पोछन लग्यो.
JOH 13:6 जब उ शमौन पतरस का पास आयो तब ओने ओकासे बोल्यो, “हे प्रभु, का तू मरा पाय धोस हइ?”
JOH 13:7 यीशु ने ओखे जवाब दियो, “जो मी करुस हइ, तू अभी नी जानु, पर येका बाद समझ्ये.”
JOH 13:8 पतरस ने ओकासे बोल्यो, “तू मरा पाय कभी नी धोय पाये!” यो सुनीखे यीशु ने ओकासे बोल्ये “अगर मी तोखे नी धोयु, ते मरा साथ तरा कुछ भी भाग नी”
JOH 13:9 शमौन पतरस ने ओकासे बोल्यो, “हे प्रभु ते मरा पाय ही नी क्युकी हात अरु माथो भी धोइ दे.”
JOH 13:10 यीशु ने ओकासे बोल्यो, “जो नैइ चुक्यो हइ, ओका पाय सिवा अरु कुछ धोना को प्रयोजन नी. पर उ बिलकुल अच्छो हइ अरु तुम अच्छो हुये. पर सब का सब नी.”
JOH 13:11 उ ते अपना पकडनआला खे जानतो थो येका लिए ओने बोल्यो, “तुम सब का सब अच्छो नी.”
JOH 13:12 जब उ उनका पाय धो चुक्यो अरु अपना कपडा पेनीखे फिर बठी गयो ते उनसे बोलन लग्यो “तुम समझ्या कि मेने तुमारा साथ कर्यो?
JOH 13:13 तुम मेखे गुरु अरु प्रभु बोलस हइ, अरु भलो बोलस हइ, क्युकी मी उ आय.
JOH 13:14 अगर मेने प्रभु अरु गुरु हुइखे तुमारा पाय धोया. ते तुमखे भी एक दूसरा का पाय धोनो होनु.
JOH 13:15 क्युकी मेने तुमखे नमूनो दिखैइ दियो हइ, कि जसो मेने तुमारा साथ कर्यो हइ, तुम भी ओसो ही कर्या करणु.
JOH 13:16 मी तुम से सच्ची-सच्ची बोलुस हइ, सेवक अपना स्वामी से बडो नी. अरु नी भेज्या हुया अपना भेजनआला से.
JOH 13:17 तुम तो या बातहोन जानस हइ, अरु अगर उन पर चलनु, ते धन्य हुये.
JOH 13:18 “मी तुम सब काबारे मे नी बोलस जिन खे मेने चुनी लियो हइ, उनखे मी जानस हइ. पर यो येका लिए हइ, कि पवित्रशास्त्र को यो वचन पूरा हुये, ‘जो मरी रोटी खास हइ ओने मरा पर लात उठैइ.’
JOH 13:19 अब मी ओका होना से पैयले तुमखे बतैइ देउस हइ कि जब हुइ जाये ते तुम विश्वास करणु कि मी उ आय.
JOH 13:20 मी तुम से सच्ची-सच्ची बोलस हय, कि जो मेरा भेजो हुया खे ग्रहण करस हइ, उ मेखे ग्रहण करता हइ, अरु जो मेखे ग्रहण करस हइ, वह मेरे भेजनआला खे ग्रहण करस हइ.”
JOH 13:21 या बातहोन बोलीखे यीशु आत्मा मे व्याकुल हुयो अरु या गवइ दी, “मी तुम से सच्ची-सच्ची बोलुस हइ, कि तुम मे से एक मेखे पकडवाये.”
JOH 13:22 सेवक होन यो संदेह करता हुया, कि उ को का बारे मे बोलस हइ, एक दूसरा का तरफ देखन लग्या.
JOH 13:23 ओका सेवक होन मे से एक जोका से यीशु प्रेम रखेतो थो, यीशु कि छाती का तरफ झुक्यो हुयो बठौ थो.
JOH 13:24 तब शमौन पतरस ने ओका तरफ हिसारो करीखे पूछ्यो, “बता तो, उ को का बारे मे बोलस हइ?”
JOH 13:25 तब ओने वा तरह यीशु की छाती का तरफ झुकीखे पूछ्यो, “हे प्रभु, उ कोन हइ?” यीशु ने जवाब दियो, “जेखे मी या रोटी को टुकडो डुबैइ खे दियु, उ हइ.”
JOH 13:26 यीशु ने उत्तर दियो अरु ओने टुकडो डुबैइ खे शमौन को बेटो यहूदा इस्करियोती खे दियो.
JOH 13:27 अरु टुकडो लेते मे सैतान ओमे समैयी गयो तब यीशु ने ओकासे बोल्यो, “जो तू करणआलो हइ, जल्दी कर.”
JOH 13:28 पर बठनआलाहोन मे से कोय ने नी जान्यो कि ओने या बात ओकासे काय का लिये बोली.
JOH 13:29 यहूदा का पास थैली र्‍हेती थी, येका लिए कोइ-कोय ने समझ्यो, कि यीशु ओकासे बोलस हइ, कि जो कुछ हमखे तिवार का लिये होनु उ मोल ले, या यो कि गरीबहोन खे कुछ दे.
JOH 13:30 तब उ टुकडो लीखे जल्दी बाहेर चली गयो, अरु रात को टेम थो.
JOH 13:31 जब उ बाहेर चली गयो ते यीशु ने बोल्यो, “आब इन्सान का बेटा की महिमा हुइ, अरु परमेश्वर की महिमा ओमे हुय.
JOH 13:32 अरु परमेश्वर भी अपना मे ओकी महिमा कर्ये क्युकी झल्दी कर्ये.
JOH 13:33 हे बच्चाहोन, मी अरु थोड़ी देर तुमारा पास हइ फिर तुम मेखे ढूढ्येका अरु जसो मेने यहूदीयाहोन से बोल्यो, ‘झा मी जउस हइ, व्हा तुम नी अय सक्ये ओसो ही मी अब तुम से भी बोलुस हइ.’
JOH 13:34 मी तुमखे एक नइ आज्ञा देउस हइ, कि एक दूसरा से प्रेम रखनु जसो मेने तुम से प्रेम रख्यो हइ, ओसो मे तुम भी एक दूसरा से प्रेम रखनु.
JOH 13:35 अगर आपस मे प्रेम रख्ये ते येका से सब जान्ये कि तुम मरा सेवक हइ.”
JOH 13:36 शमौन पतरस ने ओकासे बोल्यो, “हे प्रभु, तू खा जास हइ?” यीशु ने जवाब दियो, “झा मी जउस हइ, व्हा तू अब मरा पीछे अय नी सक्ये. पर येका बाद मरा पीछे आह्ये.”
JOH 13:37 पतरस ने ओकासे बोल्यो, “हे प्रभु, अभी मी तरा पीछे क्यु नी अय सक्ये? मी तरा लिये अपनो जान दियु.”
JOH 13:38 यीशु ने जवाब दियो “तू मरा लिये अपनो जान दिये? मी तरा से सच्ची-सच्ची बोलुस हइ कि मुर्गा बांग नी दिये जब तक तू तीन बार मरो इनकार नी करी लिये.
JOH 14:1 “तुम्हारो मन व्याकुल न हुये, तुम परमेश्वर पर विश्वास रखस हइ मरा पर भी विश्वास रखनु.
JOH 14:2 मरा बाप का घर मे भोत सी र्‍हेन कि जगा हइ, अगर नी होती ते मी तुम से बोली देतो क्युकी मी तुमारा लिये जगा तैयार करण जउस हइ.
JOH 14:3 अरु अगर मी जैइखे तुमारा लिये जगा तैयार कर्यु, ते फिर अयखे तुमखे अपना ह्या ली जायू, कि झा मी र्‍हियु व्हा तुम भी र्‍हेनु.
JOH 14:4 अरु झा मी जउस हइ तुम व्हा कि रस्ता जानस हइ.”
JOH 14:5 थोमा ने ओकासे बोल्यो, “हे प्रभु, हम नी जाने कि तू खा जास हइ. ते रस्ता कसा जान्ये?”
JOH 14:6 यीशु ने ओकासे बोल्यो, “रस्ता अरु सच्ची अरु जिवन मी ही हइ. बिना मरा वजेसे कोय बाप का पास नी पहुचे सक्ये.
JOH 14:7 अगर तुम ने मेखे जान्यो होतो, ते मरा बाप खे भी जानता, अरु अब ओखे जानस हइ, अरु ओखे देख्यो भी हइ.”
JOH 14:8 फिलिप्पुस ने ओकासे बोल्यो, “हे प्रभु, बाप खे हमखे दिख्यै दे योही हमारा लिये भोत हइ.”
JOH 14:9 यीशु ने ओकासे बोल्यो, “हे फिलिप्पुस, मी येत्ता दिन से तुमारा साथ हइ, अरु का तू मेखे नी जाने? जे ने मेखे देख्यो हइ ओने बाप खे देख्यो हइ तू का बोलस हइ कि बाप खे हमखे दिखा?
JOH 14:10 का तू विश्वास नी कर्‍हे, कि मी बाप मे हइ, अरु बाप मरा मे हइ? या बातहोन जो मी तुम से बोलस हइ, अपना तरफ से नी बोलु, पर बाप मरा मे र्‍हिखे अपनो काम करस हइ.
JOH 14:11 मरो ही विश्वास करणु, कि मी बाप मे हइ. अरु बाप मरा मे हइ. नी ते कामहोन का कारण मरो विश्वास करणु.
JOH 14:12 “मी तुम से सच्ची-सच्ची बोलुस हइ, कि जो मरा पर विश्वास रखस हइ, ये काम जो मी करस हइ उ भी कर्ये, क्युकी इनसे भी बडा काम कर्ये, क्युकी मी बाप का पास जउस हइ.
JOH 14:13 अरु जो कुछ तुम मरा नाम से माग्ये, उ मी कर्यु कि बेटा का वजेसे बाप की महिमा हुये.
JOH 14:14 अगर तुम मरासे मरा नाम से कुछ माग्ये, ते मी ओखे कर्यु.
JOH 14:15 “अगर तुम मरासे प्रेम रखस हइ, ते मरी आज्ञाहोन खे मान्ये.
JOH 14:16 अरु मी बाप से प्रार्थना कर्यु, अरु उ तुमखे एक अरु मदत करी दिह्ये, कि उ कभी भी तुमारा साथ र्‍हिये.
JOH 14:17 यानेकी सच्चीइ की आत्मा खे जेखे जगत ग्रहण नी करी सक्ये, क्युकी उ नी ओखे देखस हइ अरु नी ओखे जानस हइ तुम ओखे जानस हइ, क्युकी उ तुमारा साथ र्हेस हइ, अरु उ तुम मे हुये.
JOH 14:18 “मी तुमखे अनाथ नी छोड्यु, मी तुमारा पास वापस अउस हइ.
JOH 14:19 अरु थोड़ी देर र्‍हि गइ हइ कि जगत मेखे नी देख्ये, पर तुम मेखे देख्ये, येकालिये कि मी जिन्दो हइ, तुम भी जिन्दो र्हिये.
JOH 14:20 उ दिन तुम जान्ये, कि मी अपना बाप मे हइ, अरु तुम मरा मे, अरु मी तुम मे.
JOH 14:21 “जेका पास मरी आज्ञा हइ, अरु उ उनखे मानस हइ, उ मरासे प्रेम रखस हइ, अरु जो मरासे प्रेम रखस हइ, ओकासे मरो बाप प्रेम रख्ये, अरु मी ओकासे प्रेम रख्यु, अरु अपना आप खे ओका पर प्रगट कर्‍यु.”
JOH 14:22 उ यहूदा ने जो इस्करियोती नी थो, ओकासे बोल्यो, “हे प्रभु, का हुयो कि तू अपना आप खे हम पर प्रगट करणो चाहस हइ, अरु जगत पर नी?”
JOH 14:23 यीशु ने ओखे जवाब दियो, “अगर कोय मरासे प्रेम रख्ये, ते उ मरो वचन खे मान्ये, अरु मरो बाप ओकासे प्रेम रख्ये, अरु हम ओका पास आह्ये, अरु ओका साथ वास कर्ये.
JOH 14:24 जो मरासे प्रेम नी रख्ये, उ मरो वचन नी माने, अरु जो वचन तुम सुनस हइ, उ मरो नी क्युकी बाप को हइ, जे ने मेखे भेज्यो.
JOH 14:25 “या बातहोन मेने तुमारा साथ र्‍हेता हुये तुम से बोली.
JOH 14:26 पर मदतगार यानेकी पवित्र आत्मा जेखे बाप मरा नाम से भेज्ये, उ तुमखे सब बातहोन सिखाये, अरु जो कुछ मेने तुम से बोल्यो हइ, उ सब तुमखे याद कराये.”
JOH 14:27 मी तुमखे शांती दिखे जउस हइ, अपनी शांती तुमखे देउस हइ. जसो जगत देस हइ, मी तुमखे नी देउ तुमारो मन नी घबराये अरु नी डरनु.
JOH 14:28 तुम ने सुन्यो कि मेने तुम से बोल्यो, मी जउस हइ अरु तुमारा पास फिर अउस हइ. अगर तुम मरासे प्रेम रख्ये. ते या बात से खुश हुये, कि मी बाप का पास जउस हइ क्युकी बाप मरा से बडो हइ.
JOH 14:29 अरु मेने अब येका होना से पैयले तुम से बोली दियो हइ, कि जब उ हुये जाये, ते तुम विश्वास करणू.
JOH 14:30 मी अब से तुमारा साथ अरु भोत बातहोन कर्यु क्युकी यो जगत को मुखियो आस हइ, अरु मरा पर ओको कुछ अधिकार नी.
JOH 14:31 पर यो येकालिये होस हइ कि जगत जान्ये कि मी बाप से प्रेम रखुस हइ, अरु जो तरह बाप ने मेखे आज्ञा दी, मी ओसो ही करुस हइ, उठी खे ह्या से चल.
JOH 15:1 सच्ची अंगूर कि बेल मी हइ. अरु मरो बाप किसान हइ.
JOH 15:2 जो डाली मरा मे हइ, अरु नी फले, ओखे उ काटी डालस हइ, अरु जो फलस हइ, ओखे उ छाटस हइ ताकि जादा फल्ये.
JOH 15:3 तुम तो उ वचनकरण जो मेने तुम से बोल्यो हइ, अच्छो हुये.
JOH 15:4 तुम मरा मे बन्या र्‍हेनु, अरु मी तुम मे जसी डाली अगर अंगूर कि बेल मे बनी नी ऱ्हिये ते अपना आप से नी फली सक्ये ओसो ही तुम भी अगर मरा मे बन्या नी र्‍हिये ते नी फली सक्ये.
JOH 15:5 मी अंगूर कि बेल हइ तुम डालीहोन हइ. जो मरा मे बन्यो र्‍हेस हइ, अरु मी ओमे, उ भोत फल फलस हइ, क्युकी मरासे अलग हुइखे तुम कुछ भी नी करी सक्ये.
JOH 15:6 अगर कोय मरा मे बन्यो नी र्हियेका ते वा डाली का जसा फेकी दियो जास, अरु सूखी जास हइ. अरु इन्सान उनखे बटोरीखे अंगार मे फेकी देस हइ, अरु वे जली जास हइ.
JOH 15:7 अगर तुम मरा मे बन्या र्‍हिये अरु मरी बातहोन तुम मे बनी र्‍हिये ते जो चाह्ये मागनू अरु उ तुमारा लिये हुइ जाये.
JOH 15:8 मरा बाप की महिमा येमे से होस हइ, कि तुम भोत सो फल लानु, तब तुम मरा सेवक ठैइऱ्यो.
JOH 15:9 जसो बाप ने मरासे प्रेम रख्यो, ओसो मेने तुम से प्रेम रख्यो, मरा प्रेम मे बन्या र्‍हिये.
JOH 15:10 अगर तुम मरी आज्ञाहोन खे मान्ये का ते मरा प्रेम मे बन्या र्हिये जसा कि मेने अपना बाप की आज्ञाहोन खे मान्यो हइ, अरु ओका प्रेम मे बन्यो र्‍हेस हइ.
JOH 15:11 मेने या बातहोन तुम से येका लिये बोली हइ, कि मरो आनन्द तुम मे बन्यो र्‍हिये अरु तुमारो आनन्द पूरा हुइ जाये.
JOH 15:12 मरी आज्ञा या हइ, कि जसो मेने तुम से प्रेम रख्यो, ओसो ही तुम भी एक दूसरा से प्रेम रखनु.
JOH 15:13 येका से बडो प्रेम कोय को नी, कि कोय अपना दोस्तहोन का लिये अपनो जान देनु.
JOH 15:14 जो कुछ मी तुमखे आज्ञा देउस हइ, अगर ओखे करणु, ते तुम मरा दोस्त हुये.
JOH 15:15 अब से मी तुमखे दास नी बोल्यु, क्युकी सेवक नी जाने, कि ओको स्वामी का करस हइ पर मेने तुमखे दोस्त बोल्यो हइ, क्युकी मेने जो बातहोन अपना बाप से सुनी, वे सब तुमखे बतैइ दी.
JOH 15:16 तुम ने मेखे नी चुन्यो पर मेने तुमखे चुन्यो हइ अरु तुमखे ठैइरायो ताकि तुम जैइखे फल लानु. अरु तुमारो फल बन्यो र्‍हिये कि तुम मरा नाम से जो कुछ बाप से माग्ये उ तुमखे दिये.
JOH 15:17 या बातहोन की आज्ञा मी तुमखे येका लिये देउस हइ, कि तुम एक दूसरा से प्रेम रखनु.
JOH 15:18 “अगर जगत तुम से बैर रखस हइ, ते तुम जानस हइ, कि ओने तुम से पैयले मरासे भी बैर रख्यो.
JOH 15:19 अगर तुम जगत का होस, ते जगत अपना से प्रेम रखेतो, पर यो कारण कि तुम जगत, नी क्युकी मेने तुमखे जगत मे से चुनी लियो हइ. येका लिये जगत तुम से बैर रखस हइ.
JOH 15:20 जो बात मेने तुम से बोली थी, ‘सेवक अपना स्वामी से बडो नी होय.’ ओखे याद रखनु अगर उनने मेखे सतायो, ते तुमखे भी सताये. अगर उनने मरी बात मानी, ते तुमारी भी मान्ये.
JOH 15:21 पर यो सब कुछ वे मरा नामकरण तुमारा साथ कर्ये क्युकी वे मरा भेजनआला खे जाने.
JOH 15:22 अगर मी नी आतो अरु उनसे बातहोन नी करतो, ते वे पापी नी रोखता था पर अब उनके उनका पाप का लिये कोय बहानो नी.
JOH 15:23 जो मरासे बैर रखस हइ, उ मरा बाप से भी बैर रखस हइ.
JOH 15:24 अगर मी उनमे वे काम नी करतो, जो दुसरा कोय ने नी कर्या ते वे पापी नी ठैइरता, पर अब तो उनने मेखे अरु मरा बाप दोइ खे देख्यो, अरु दोइ से बैर कर्यो.
JOH 15:25 अरु येका लिये हुयो, कि उ वचन पूरा हो, जो उनकी व्यवस्था मे लिख्यो हइ, ‘उनने मरासे बेकार बैर कर्यो.’
JOH 15:26 “पर जब उ मदतगार अये जेखे मी तुमारा पास बाप का तरफ से भेजु, मंनजे सच्ची की आत्मा जो बाप, तरफ से नीकलस हइ, ते वा मरी गवइ दिये.
JOH 15:27 अरु तुम भी गवइ होनु क्युकी तुम सुरुवात से मरा साथ हइ.
JOH 16:1 “या बातहोन मेने तुम से, येका लिए बोली कि तुम ठोकर नी खानू.
JOH 16:2 वे तुमखे आराधनालयहोन मे से नीकाली दिये क्युकी उ टेम आस हइ, कि जो कोय तुमखे मारी डाल्ये यो समझ्ये कि मी परमेश्वर की सेवा करुस हइ.
JOH 16:3 अरु येका लिए कर्ये कि उनने नी बाप खे जान्यो हइ अरु नी मेखे जानस हइ.
JOH 16:4 पर या बातहोन मेने येका लिए तुम से बोली, कि जब उनखे पूरो होन को टेम आयो ते तुमखे याद अय जाये कि मेने तुम से पैयले ही बोली दियो थो. “मेने सुरुवात मे तुम से या बातहोन येका लिए नी बोली क्युकी मी तुम्हारा साथ थो.
JOH 16:5 अब मी अपना भेजन आला का पास जउस हइ अरु तुम मे से कोय मरासे नी पुछे, तू खा जास हइ?
JOH 16:6 पर मेने जो या बातहोन तुम से बोली हइ, येका लिए तुमारो मन शोक से भरी गयो.
JOH 16:7 फिर भी मी तुम से सच्ची बोलुस हइ, कि मरो जानो तुमारा लिये अच्छा हइ, क्युकी अगर मी नी जाउ, ते उ मदतगार तुमारा पास नी आये का पर अगर मी जाह्यु, ते ओखे तुमारा पास भेजी दिह्यु.
JOH 16:8 अरु उ अय खे जगत खे पाप अरु धार्मीकता अरु न्याय का बारे मे नीरुत्तर कर्ये.
JOH 16:9 पाप का बारे मे येका लिए कि वे मरा पर विश्वास नी कर्ये.
JOH 16:10 अरु धार्मीकता का बारे मे येका लिए कि मी बाप का पास जउस हइ, अरु तुम मेखे फिर नी देख्ये.
JOH 16:11 न्याय का बारे मे येका लिए कि जगत को मुखियो दोषी ठैरायो गयो हइ.
JOH 16:12 “मेखे तुम से अरु भी भोत सी बातहोन बोलनो हइ, पर अभी तुम उनखे सै नी सक्ये.
JOH 16:13 पर जब उ मंनजे सचाइ कि आत्मा अये ते तुमखे सब सच्चीइ कि रस्ता बताये क्युकी उ अपना तरफ से नी बोल्ये पर जो कुछ सुन्ये का उ बोल्ये अरु आनआली बातहोन तुमखे बताये.
JOH 16:14 उ मरी महिमा कर्ये क्युकी उ मरी बातहोन मे से लीखे तुमखे बताये.
JOH 16:15 जो कुछ बाप को हइ, उ सब मरो हइ. येका लिए मेने बोल्यो, कि उ मरी बातहोन मे से लीखे तुमखे बताये.
JOH 16:16 “थोडी देर मे तुम मेखे नी देख्ये, अरु फिर थोडी देर मे मेखे देख्ये.”
JOH 16:17 तब ओका केत्ता सेवक होन ने आपस मे बोल्यो, यो का हइ, जो उ हम से बोलस हइ, थोडी देर मे तुम मेखे नी देख्ये का अरु फिर थोड़ी देर मे मेखे देख्ये? अरु यो येका लिये कि मी बाप का पास जउस हइ?
JOH 16:18 तब उनने बोल्यो कि यो थोड़ी देर जो उ बोलस हइ का बात हइ? हम नी जाने कि का बोलस हइ.
JOH 16:19 यीशु ने यो जानीखे कि वे मरासे पुछनो चाउस हइ, उनसे बोल्यो तुम आपस मे मरी या बात का बारे मे पुछ-ताछ करस हइ, थोडी देर मे तुम मेखे नी देख्ये का अरु फिर थोड़ी देर मे मेखे देख्ये?
JOH 16:20 मी तुम से सच्ची सच्ची बोलुस हइ. कि तुम रोये अरु विलाप कर्ये पर जगत खुशी कर्ये तुमखे दुख हुये कि पर तुमारो दुख खुशी बनी जाये.
JOH 16:21 जब बय जन्म देस हइ ते ओखे दुख होस हइ, क्युकी ओको दुख की घडी अय पहुची, पर जब उ बच्चा खे जन्म दि चुकी ते या खुशी से कि जगत मे एक इन्सान उत्पन्न हुयो, वा संकट खे फिर याद नी कर्ये.
JOH 16:22 अरु तुमखे भी अब तो दुख हइ, पर मी तुम से फिर मील्यु अरु तुमारा मन मे खुशी हुये. अरु तुमारी खुशी कोय तुम से छुडय नी लीये.
JOH 16:23 “उ दिन तुम मरासे कुछ नी पुछ्ये. मी तुम से सच्ची सच्ची बोलुस हइ, अगर बाप से कुछ माग्ये का ते उ मरा नाम से तुमखे दिये.
JOH 16:24 अब तक तुम ने मरा नाम से कुछ नी माग्यो. माग्ये ते मील्हे जब कि तुमारी खुशी पूरी हुइ जाये.
JOH 16:25 “मेने या बातहो न तुम से बुरीआत्माहोन मे बोली हइ, पर उ टेम आस हइ, कि मी तुम से बुरीआत्माहोन मे अरु फिर नी कर्यु पर खोलीखे तुमखे बाप का बारे मे बतायु.
JOH 16:26 उ दिन तुम मरा नाम से माग्ये, अरु मी तुम से यो नी बोलु, कि मी तुमारा लिये बाप से प्रार्थना कर्यु.
JOH 16:27 क्युकी बाप तो खुद मे तुम से प्रेम रखस हइ, येका लिए कि तुम ने मरा से प्रेम रख्यो हइ, अरु यो भी विश्वास कर्यो, कि मी बाप का तरफ से आयो.
JOH 16:28 मी बाप का तरफ से जगत मे आयो हइ, फिर जगत खे छोडी खे बाप का पास वापस जउस हइ.”
JOH 16:29 ओका सेवक होन ने बोल्यो, “देख, अब तो तू खुली खे बोलस हइ, कोय दृष्‍टान्‍त नी बोले.
JOH 16:30 आब हम जानी गया, कि तू सब कुछ जानस हइ, अरु जरुरत नी की कोय तरा से सवाल कर्ये येका से हम विश्वास करस हइ, कि तू परमेश्वर का तरफ से आयो हइ”
JOH 16:31 यो सुनी खे यीशु ने उनसे बोल्यो “का तुम आब विश्वास करस हइ?
JOH 16:32 देखनु, वा घडी आस हइ क्युकी अय पहुची कि तुम सब इदर उदर हुइखे अपना-अपना रस्ता लिये अरु मेखे अयखेलो छोड दिये फिर भी मी एकलो नी क्युकी बाप मरा साथ हइ.
JOH 16:33 मेने या बातहोन तुम से येका लिए बोली हइ, कि तुमखे मरा मे शांती मीले. जगत मे तुमखे दुख होस हइ, पर हिम्मत बाधनु, मेने जगत खे जीती लियो हइ.”
JOH 17:1 यीशु ने या बातहोन बोली अरु अपनी आखहोन बद्दल का तरफ उठैइखे बोल्यो, “हे बाप, वा घडी अय पहुची, अपना बेटा की महिमा कर, कि बेटो भी तरी महिमा कर्ये
JOH 17:2 क्युकी तोने ओखे सब जनवरहोन पर अधिकार दियो, कि जिन खे तोने ओखे दियो हइ, उन सब खे उ अनन्त जिवन दे.
JOH 17:3 अरु अनन्त जिवन यो हइ, कि वे तोखे एकी सच्ची परमेश्वर खे अरु यीशु मसीह खे, जेखे तोने भेज्यो हइ, जाने.
JOH 17:4 जो काम तोने मेखे करण खे दियो थो, ओखे पूरो करीखे मेने पृथ्वी पर तरी महिमा करी हइ.
JOH 17:5 अरु अब हे बाप, तू अपना साथ मरी महिमा कर जो जगत की सृष्टि पैयले, मरा तरा साथ थी.
JOH 17:6 “मेने तरो नाम वे इन्सानहोन पर प्रगट कर्यो जिन खे तोने जगत मे से मेखे दियो वे तरा था अरु तोने उनने मेखे दियो अरु उनने तरा वचन खे मानी लियो हइ.
JOH 17:7 अब वे जानी गया हइ, कि जो कुछ तोने मेखे दियो हइ, सब तरा तरफ से हइ.
JOH 17:8 क्युकी जो बातहोन तोने मेखे पहुचैइ दी, मेने उनखे पहुचैइ दि अरु उनने उनखे ग्रहण कर्यो अरु सच्ची सच्ची जानी लियो हइ, कि मी तरा तरफ से आयो हइ, अरु यो विश्वास कर्यो हइ की तोने ही मेखे भेज्यो.
JOH 17:9 “मी उनका लिये प्रार्थना करुस हइ, जगत का लिये प्रार्थना नी करुस हइ पर उन्ही का लिये जिन खे तोने मेखे दियो हइ, क्युकी वे तरा हइ.
JOH 17:10 अरु जो कुछ मरो हइ उ सब तरो हइ. अरु जो तरो हइ उ मरो हइ. अरु इनसे मरी महिमा प्रगट हुय हइ.
JOH 17:11 मी अब जगत मे नी र्‍हियु, पर ये जगत मे ऱ्‍हियेका अरु मी तरा पास अउस हइ. हे पवित्र बाप, अपना उ नाम से जो तोने मेखे दियो हइ, उनकी रक्षा कर, कि वे हमारा जसो एक समान हो.
JOH 17:12 जब मी उनका साथ थो, ते मेने तरा उ नाम से, जो तोने मेखे दियो हइ, उनकी रक्षा करी मेने उनकी देख-रेख करी अरु विनाश का बेटा खे छोड उनमे से कोय नाश नी हुयो, येका लिए कि पवित्रशास्त्र की बात पूरी हुये.
JOH 17:13 पर आब मी तरा पास अउस हइ, अरु या बातहोन जगत मे बोलुस हइ, कि वे मरी खुशी अपना मे पूरा पाये.
JOH 17:14 मेने तरो वचन उनखे पहुचैइ दियो हइ, अरु जगत ने उनसे बैर कर्यो, क्युकी जसो मी जगत को नी, ओसो ही वे भी जगत का नी.
JOH 17:15 मी या प्रार्थना नी करु, कि तुम उनखे जगत से उठै ले, पर यो कि तुम उनखे उ दुष्ट से बचैइ रख.
JOH 17:16 जसो मी जगत को नी, ओसो ही वे भी जगत नी.
JOH 17:17 सच्चाइ का वजेसे उनखे पवित्र कर तरो वचन सच्ची हइ.
JOH 17:18 जसो तोने जगत मे मेखे भेज्यो, ओसो मे मेने भी उनखे जगत मे भेज्यो.
JOH 17:19 अरु उनका लिये मी अपना आप खे पवित्र करुस हइ ताकि वे भी सच्चाइ का वजेसे पवित्र कर्या जाये.
JOH 17:20 “मी फक्त इन का लिये प्रार्थना नी करु, पर उनका लिये भी जो इन, वचन खे वजेसे मरा पर विश्वास कर्ये
JOH 17:21 कि वे सब एक हो. जसो तू हे बाप मरा मे हइ, अरु मी तरा मे हइ, ओसो ही वे भी हम मे हुये खे येका लिए कि जगत विश्वास कर्ये का कि तोने ही ने मेखे भेज्यो.
JOH 17:22 अरु वा महिमा जो तोने मेखे दी, मेने उनखे दी हइ कि वे असो ही एक हो जसा कि हम एक हइ.
JOH 17:23 मी उनमे अरु तू मरा मे कि वे सिद्ध हुइखे एक हुय जाये अरु जगत जान कि तोने मेखे भेज्यो, अरु जसो तोने मरासे प्रेम रख्यो, ओसो ही उनसे प्रेम रख्यो.
JOH 17:24 “हे बाप, मी चाहुस हइ कि जिन खे तोने मेखे दियो हइ, झा मी हइ, व्हा वे भी मरा साथ हो कि वे मरी वा महिमा खे देख्ये जो तोने मेखे दी हइ, क्युकी तोने जगत की उत्पत्ति से पैयले मरासे प्रेम रख्यो.
JOH 17:25 हे धर्मी बाप, जगत ने मेखे नी जान्यो, पर मेने तोखे जान्यो अरु येने भी जान्यो कि तोने ही मेखे भेज्यो.
JOH 17:26 अरु मेने तरो नाम उनखे बतायो अरु बतातो र्‍हियु कि जो प्रेम तोखे मरासे थो, उ उनमे र्‍हिये अरु मी उनमे र्‍हियु.”
JOH 18:1 यीशु या बातहोन बोलीखे अपना सेवक होन का साथ किद्रोन का नाला का पार गयो, व्हा एक बारी थी, जोमे उ अरु ओका सेवक गया.
JOH 18:2 अरु ओको पकडनआलो यहूदा भी वा जगा जानतो थो, क्युकी यीशु अपना सेवक होन का साथ व्हा जाया करतो थो.
JOH 18:3 तब यहूदा सैना-दल का अरु प्रधान याजकहोन अरु फरीसीहोन का तरफ से सेवकहोन खे लीखे दीयाहोन अरु मशालहोन अरु हथियारहोन खे लिया हुया व्हा आयो.
JOH 18:4 तब यीशु वे सब बातहोन खे जो ओका पर आनआली थी, जानीखे नीकल्यो, अरु उनसे बोलन लग्यो, “कोखे ढूढस हइ?”
JOH 18:5 उनने ओखे जवाब दियो, “यीशु नासरी खे” यीशु ने उनसे बोल्यो, “मी आय” अरु ओको पकडनआलो यहूदा भी उनका साथ खडो थो.
JOH 18:6 ओखे यो बोलतो ही, “मी आय,” वे पीछे हटीखे जमीन पर गिर पड्या.
JOH 18:7 तब ओने फिर उनसे पूछ्यो, “तुम को खे ढूढस हइ” वे बोल्या, “यीशु नासरी खे.”
JOH 18:8 यीशु ने जवाब दियो, “मी तो तुम से बोल चुक्यो हइ कि मी आय, अगर मेखे ढूढस हइ ते इनखे जान दे.”
JOH 18:9 यो येका लिए हुयो, कि यो वचन पूरो हुये, जो ओने बोल्यो थो “जिन खे तोने मेखे दियो, उनमे से मेने एक खे भी नी खोयो.”
JOH 18:10 शमौन पतरस ने तलवार, जो ओका पास थी, खीची अरु महायाजक का सेवक पर चलखे, ओको दाहिनो कान काटी दियो, उ दास को नाम मलखुस थो.
JOH 18:11 तब यीशु ने पतरस से बोल्यो, “अपनी तलवार मयान मे रख जो कटोरो बाप ने मेखे दियो हइ, का मी ओखे नी पीयु?”
JOH 18:12 तब सेवकहोन अरु उनका सुबेदार अरु यहूदीयाहोन का सेवकहोन ने यीशु खे पकडैखे बाधी लियो,
JOH 18:13 अरु पैयले ओखे हन्ना का पास ली गया क्युकी उ ओखे साल को महायाजक कैफा को सुसरो थो.
JOH 18:14 यो उ कैफा थो, जेने यहूदीयाहोन खे सलाह दी थी कि हमारा दुन्याहोन का लिये एक इन्सान को मरनु अच्छो हइ.
JOH 18:15 शमौन पतरस अरु एक अरु चेलो भी यीशु का पीछे अय गा यो चेलो महायाजक को जाना पैछान्यो थो अरु यीशु का साथ महायाजक का अंगन मे गयो.
JOH 18:16 पर पतरस बाहेर दरवाजा पर खडो र्‍हियो, तब उ दूसरो चेलो जो महायाजक को जान्यो पहचान्यो थो, बाहेर नीकल्यो, अरु चौकीदार से बोलीखे पतरस खे अंदर ली आयो.
JOH 18:17 वा दासी ने जो चौकीदार थी, पतरस से बोल्यो “तू भी यो इन्सान का सेवक होन मे से हइ?” ओने बोल्यो, “मी नी आय.”
JOH 18:18 दास अरु सेवक ठडकारण कोयला जलय खे अंगार तापी र्‍हा था अरु पतरस भी उनका साथ खडो अंगार तापी र्‍हो थो.
JOH 18:19 तब महायाजक ने यीशु से ओका सेवक होन का बारे मे अरु ओका उपदेस का बारे मे पुछयो.
JOH 18:20 यीशु ने ओको जवाब दियो, “मेने जगत से खुली खे बातहोन करी. मेने आराधनालयहोन अरु मन्‍दिर मे झा सब यहूदीया जमा हुया करस हइ सदा उपदेस कर्यो अरु गुप्त मे कुछ भी नी बोल्यो.
JOH 18:21 तू मरासे क्यु पूछस हइ? सुनानवाला से पूछ्यो कि मेने उनसे का बोल्यो? देख वे जानस हइ. कि मेने बोल्यो.”
JOH 18:22 जब ओने यो बोल्यो, तो सेवकहोन मे से एक ने जो पास खडो थो, यीशु खे थप्पड मारीखे बोल्यो, “ का तू महायाजक खे यो प्रकार जवाब देस हइ?”
JOH 18:23 यीशु ने ओखे जवाब दियो, “अगर मेने बुरो बोल्यो तरे वा बुरोइ पर गवइ दे. पर अगर भलो बोल्यो, तो मेखे क्यु मारस हइ?”
JOH 18:24 हन्ना ने ओखे बध्यो हुया कैफा महायाजक खे पास भेजी दियो.
JOH 18:25 शमौन पतरस खडो हुयो अंगार तापी र्‍हो थो तब उनने ओकासे बोल्यो “ का तू भी ओका सेवक होन मे से हइ?” ओने इनकार करीखे बोल्यो, “मी नी आय”
JOH 18:26 महायाजक का सेवकहोन मे से एक जो ओका कुटुब मे से थो, जोको कान पतरस काटी डाल्यो थो, बोल्यो, “ का मेने तोखे ओका साथ बाडी मे नी देख्यो थो?”
JOH 18:27 पतरस फिर इनकार करी गयो अरु जल्दी मुर्गा ने बांग दी.
JOH 18:28 अरु वे यीशु खे कैफा का पास से किल्ला मे खे ली गया अरु फजर को टेम थो, पर वे खुद किल्ला का अंदर नी गयो ताकि अशुद्ध नी हुये पर त्योवार खै सखे.
JOH 18:29 तब पिलातुस उनका पास बाहेर नीकली आयो अरु बोल्यो, “तुम यो इन्सान पर कोनती बात को इलजाम लगास हइ?”
JOH 18:30 उनने ओखे जवाब दियो, “अगर उ कुकर्मी नी होतो ते हम ओखे तरा हात नी सौपता.”
JOH 18:31 पिलातुस ने ओकासे बोल्यो, “तुम मे येखे ली जैइखे अपनी व्यवस्था का जसो ओको न्याय करणु.” यहूदीयाहोन ने ओकासे बोल्यो, “हमखे अधिकार नी कि कोइ कि जान ले.”
JOH 18:32 यो येका लिए हुयो, कि यीशु की वा बात पूरी हो जो ओने यो दर्शाता हुये बोली थी, कि ओको मरनो कसो हुये.
JOH 18:33 तब पिलातुस फिर किल्ला का अंदर गयो अरु यीशु खे बुलैइ खे, ओकासे पूछ्यो “तू यहूदीयाहोन को राजो हइ?”
JOH 18:34 यीशु ने जवाब दियो, “का तू या बात अपना तरफ से बोलस हइ या दुसरा ने मरा बारे मे तरा से बोली?”
JOH 18:35 पिलातुस ने जवाब दियो, “मी यहूदीया आय? तरी मे जाति अरु प्रधान याजकहोन ने तोखे मरा हात दियो तोने का कर्यो हइ?”
JOH 18:36 यीशु ने जवाब दियो, “मरो राज्य यो जगत को नी, अगर मरो राज्य यो जगत को होतो, ते मरा सेवक लडता, कि मी यहूदीयाहोन का हात सोपी नी जातो पर अब मरो राज्य ह्या को नी.”
JOH 18:37 पिलातुस ने ओकासे बोल्यो, “ते का तू राजा हइ?” यीशु ने जवाब दियो, “तू बोलस हइ कि मी राजा आय. मेने येका लिए जन्म लियो, अरु येका लिए जगत मे आयो हइ कि सच्चाइ पर गवइ दे जो कोय सच्चाइ को हइ, उ मरी आवाज सुनस हइ.” 1 यूह. 4:6
JOH 18:38 पिलातुस ने ओकासे बोल्यो, “सच्चाइ हइ?” अरु यो बोलीखे उ फिर यहूदीयाहोन का पास नीकली गयो अरु उनसे बोल्यो, मी तो ओमे कुछ दोष नी होन.
JOH 18:39 पर तुम्हारी या रीति हइ कि, “मी त्योवारमे तुम्हारा लिये एक इन्सान खे छोडी दियू. ते का तुम चाहस हइ, कि मी तुम्हारा लिये यहूदीयाहोन को राजा का छोडी दियु?”
JOH 18:40 तब उनने फिर चिलैइ खे बोल्यो, “येखे नी पर हमारा लिये बरअब्बा खे छोडी दे.” अरु बरअब्बा डाकू थो.
JOH 19:1 येका पर पिलातुस ने यीशु खे लिखे कोडा लगवाया.
JOH 19:2 अरु सेवकहोन ने काटा को मुकुट गूधिखे ओका माथा रख्यो, अरु ओखे बैगनी कपडा पेनाया,
JOH 19:3 अरु ओका पास अयखे बोलन लग्या, “हे यहूदीयाहोन का राजा खे प्रणाम!” अरु ओखे थप्पड मार्यो.
JOH 19:4 तब पिलातुस ने फिर बाहेर नीकलीखे दुन्याहोन से बोल्यो, “देखनु, मी ओखे तुम्हारा पास फिर बाहेर लउस हइ. ताकि तुम जान्ये कि मी कुछ भी दोष नी मील्हे.”
JOH 19:5 तब यीशु का काटा को मुकुट अरु बैगनी कपडा परन्या हुया बाहेर नीकल्यो अरु पिलातुस ने उनसे बोल्यो, “देखनु यो इन्सान.”
JOH 19:6 जब प्रधान याजकहोन अरु सेवकहोन ने ओखे देख्यो ते चिलैइ खे बोल्यो, “ओखे क्रुस पर चडा, क्रुस पर!” पिलातुस ने उनसे बोल्यो, “तुम मे ओखे लिखे क्रुस पर चडा. क्युकी मी ओका मे दोष नी पायो.”
JOH 19:7 यहूदीयाहोन ने ओखे जवाब दियो, “हमारी भी व्यवस्था हइ अरु व्यवस्था का जसो उ मार्यो जान का योग्य हइ क्युकी ओने अपना आप खे परमेश्वर को बेटो बतायो.”
JOH 19:8 जब पिलातुस ने या बात सुनी ते अरु भी डरी गयो.
JOH 19:9 अरु फिर किल्ला का अंदर गयो अरु यीशु से बोल्यो, “तू खा को हइ?” पर यीशु ने ओखे कुछ भी जवाब नी दियो.
JOH 19:10 पिलातुस ने ओकासे बोल्यो, “मरासे क्यु नी बोले, तू नी जाने कि तोखे छोड़ देन को अधिकार मेखे हइ अरु तोखे क्रुस पर चडान को भी अधिकार हइ.”
JOH 19:11 यीशु ने जवाब दियो, “अगर तोखे उपर से नी दियो जातो, ते तरो मरा पर कुछ अधिकार नी होतो. येका लिए जेने मेखे तरो हात पकडवायो हइ, ओको पाप जादा हइ.”
JOH 19:12 येका से पिलातुस ने ओखे छोड़ देनो चायो, पर यहूदीयाहोन ने चिल्लै चिल्लय खे बोल्यो, “अगर तू येखे छोड़ दिये ते तू कैसर को दोस्त नी. जो कोय अपना आप खे राजो बनास हइ उ कैसर को सामनो करस हइ.”
JOH 19:13 या बातहोन सुनीखे पिलातुस यीशु खे बाहेर लायो अरु वा जगह मे एक चबूत्ररो थो का जो इब्रानी मे “गब्बता” बोलस हइ का अरु न्याय आसन पर बैठ्यो.
JOH 19:14 यो त्योवार को तैयारी को दिन थो अरु छे घंटा का नजीकपास थो तब ओने यहूदीहोन से बोल्यो, “देखनु, योही हइ, तुम्हारो राजो!”
JOH 19:15 पर वे चिल्लाया, ली जा! ली जा! ओखे क्रुस पर चढ़ा! पिलातुस ने उनसे बोल्यो “मी तुम्हारो राजा?” “खे क्रुस पर चढ़ाउ प्रधान याजकहोन ने जवाब दियो.” “कैसर खे छोड़ हमारो अरु कोय राजो नी.”
JOH 19:16 तब ओने ओखे उनका हात सौप दियो ताकि उ क्रुस पर चढायो जाये.
JOH 19:17 तब वे यीशु खे ली गया अरु उ अपनो क्रुस उठायो हुया उ जगा तक बाहेर गयो जो “खोपडी कि जगा” बोलस हइ अरु इब्रानी मे “गुलगुता.”
JOH 19:18 व्हा उनने ओखे अरु उ ओका साथ अरु दो इन्सानहोन खे क्रुस पर चढायो, एक खे इधर अरु एक खे उधर, अरु बीच मे यीशु खे.
JOH 19:19 अरु पिलातुस ने एक दोष चिट्टी लिखीखे क्रुस पर लगै दि अरु ओमे यो लिख्यो हुयो थो, “यीशु नासरी यहूदीयाहोन को राजो.”
JOH 19:20 यो दोष चिट्टी भोत यहूदीयाहोन ने पड्यो क्युकी वा जगा झा यीशु क्रुस पर चढायो गयो थो नगर का पास थी अरु चिट्टी इब्रानी अरु लतीनी अरु यूनानी मे लिखी हुइ थी.
JOH 19:21 तब यहूदीयाहोन को प्रधान याजकहोन ने पिलातुस से बोल्यो, “यहूदीयाहोन को राजो” मत लिख पर यो कि “ओने बोल्यो, मी यहूदीयाहोन को राजो हइ.”
JOH 19:22 पिलातुस ने जवाब दियो, “मेने जो लिखी दियो, उ लिखी दियो.”
JOH 19:23 जब सेवक होन ने यीशु खे क्रुस पर चडा चुक्या, ते ओका कपडा लिखे चार टुकडा कर्या, हर सेवक का लिये एक टुकडो अरु कुर्ता भी लियो, पर कुर्ता बिन सीअन उपर से नीचे तक सियो हुयो थो.
JOH 19:24 येका लिए उनने आपस मे बोल्यो, “हम येखे नी फाड्ये पर येका पर चिट्ठी डाल्ये कि उ कोको हुये” यो येका लिए हुयो, कि पवित्रशास्त्र की बात पूरी हो, “उनने मरा कपडा आपस मे बाटी लिया अरु मरा कपडा पर चिट्ठी डाली.”
JOH 19:25 अन्नत सेवकहोन ने असो मे कर्यो, पर यीशु खे क्रुस का पास ओकी माय अरु ओकी माय की भैइन मरियम, क्लोपास की लुगइ अरु मरियम मगदलीनी खड़ी थी.
JOH 19:26 यीशु ने अपनी माय अरु ओका सेवक खे जोका से उ प्रेम रखेतो थो पास खडा देखीखे अपनी माय से बोल्यो, “हे बय, देख, यो तरो बेटो आय.”
JOH 19:27 तब ओका सेवक से बोल्यो, “या तरी माय आय” अरु उ टेम से उ सेवक ओखे अपना घर ली गया.
JOH 19:28 येका बाद यीशु ने यो जानीखे कि आब सब कुछ हुइ चुक्यो. येका लिए कि पवित्रशास्त्र की बात पूरी हुये बोल्यो, “मी प्यासो हइ.”
JOH 19:29 व्हा एक सिरका से भर्यो हुयो बर्तन धर्यो थो, येका लिए उनने सिरका भिजायो हुया पनसोख्‍ता को जूफा पर रखीखे ओका मुडा से लगायो.
JOH 19:30 जब यीशु ने वह सिरकी लि खे बोल्यो, “पूरो हुय” अरु माथो झुखै खे आत्मा छोडी दियो.
JOH 19:31 अरु येका लिए कि उ तैयारी को दिन थो, यहूदीयाहोन ने पिलातुस से प्रार्थना करीखे कि उनकी टाग तोडी दि जाह्ये अरु वे उतार्ये जाह्ये क्युकी अराम को दिन वे क्रुस पर नी र्‍हिये क्युकी उ अराम को दिन बडो दिन थो.
JOH 19:32 येका लिए सेवक होन ने अयखे पहइले की टागहोन तोडी तब दूसरा की भी, जो ओका साथ क्रुसहोन पर चडाया गया था.
JOH 19:33 पर जब यीशु का पास देख्यो कि उ मरी चुक्यो हइ, ते ओकी टागहोन नी तोडी.
JOH 19:34 पर सेवक होन मे से एक ने ओको पजर बेधा अरु ओमे से जल्दी खुन अरु पानी नीकल्यो.
JOH 19:35 जो ने यो देख्यो, ओ ने गवइ दी हइ, अरु ओकी गवइ सच्ची हइ. अरु उ जानस हइ, कि सच्ची बोलस हइ कि तुम भी विश्वास करणु.
JOH 19:36 ये बातहोन येका लिए हुइ कि पवित्रशास्त्र की या बात पूरी हुये, “ओकी कोय हड्डी तोडी नी जाये.”
JOH 19:37 फिर एक अरु जगा पर यो लिख्यो हइ, “जोका से उनने बेध्यो हइ, ओ पर दृष्टि कर्ये.”
JOH 19:38 या बातहोन का बाद अरिमतियाह का यूसुफ ने, जो यीशु को चेलो थो, पर यहूदीयाहोन का डर से या बात खे लुकायो थो, पिलातुस से प्रार्थना करीखे कि मी यीशु कि लास खे ली जउ, अरु पिलातुस ने ओकी प्रार्थना सुनी, अरु उ अय खे ओको लास ली गयो.
JOH 19:39 नीकुदेमुस भी जो पहइले यीशु का पास रात खे गयो थो पचास सेर का लोबान मील्यो हुयो गन्धरस अरु एलवा ली आयो.
JOH 19:40 तब उनने यीशु को लास खे लियो अरु यहूदीयाहोन का गाडन की रीति का जसो ओखे गधानवाली चिज का साथ कपडा मे गुड्यो.
JOH 19:41 जगा पर झा यीशु क्रुस पर चढायो गयो थो, एक बारी थी. अरु वा बारी मे एक नइ कब्र थी. जोमे कभी कोय नी रख्यो गयो थो.
JOH 19:42 अन्नत यहूदीयाहोन की तैयारी का दिन थो, उनने यीशु खे ओ मे रख्यो, क्युकी वा कब्र पास थी.
JOH 20:1 हप्ता, पैयले दिन मरियम मगदलीनी फजर का अधारो र्‍हेतो मे कब्र पर अय, अरु पत्थर खे कब्र से हट्यो हुयो देख्यो.
JOH 20:2 तब वा दौडी अरु शमौन पतरस अरु उ दूसरा सेवक का पास जोका से यीशु प्रेम रखेतो थो अयखे बोल्यो, “वे प्रभु खे कब्र मे से नीकाली ली गया हइ. अरु हम नी जानती, कि ओखे खा रखी दियो हइ.”
JOH 20:3 तब पतरस अरु उ दूसरो चेलो नीकलीखे कब्र का तरफ चल्यो.
JOH 20:4 अरु दोइ साथ-साथ दौडी र्‍हा था, पर दूसरो चेलो पतरस से आगे बडीखे कब्र पर पहइले पहुच्यो.
JOH 20:5 अरु झुकीखे कपडा पड्या देख्या ते भी उ अंदर नी गयो.
JOH 20:6 तब शमौन पतरस ओका पीछे-पीछे पहुच्यो अरु कब्र का अंदर गयो अरु कपडा पड्या देख्या.
JOH 20:7 अरु उ कपडो जो ओका माथा पर बाध्यो हुयो थो कपडा का साथ पडयो हुयो नी पर अलग एक जगा लपेट्यो हुयो देख्यो.
JOH 20:8 तब दूसरो चेलो भी जो कब्र पर पैयले पहुच्यो थो, अंदर गयो अरु देखीखे विश्वास कर्यो.
JOH 20:9 वे तो अब तक पवित्रशास्त्र की वा बात नी समझता था, कि ओखे मर्या हुया मे से जी उठनो हुये.
JOH 20:10 तब ये सेवक अपना घर लौटी गया.
JOH 20:11 पर मरियम रोती हुइ कब्र का पास मे बाहेर खड़ी थी अरु रोते-रोते कब्र का तरफ झुकीखे,
JOH 20:12 दो स्वर्गदूतहोन खे सफात कपडा पेन्या हुया एक खे सिरहाना अरु दूसरा खे पाय का पास बठ्यो देख्यो, झा यीशु की लास पड्‍यो थो.
JOH 20:13 उनने ओकासे बोल्यो, “हे बय, तू क्यु रोस हइ?” ओने उनसे बोल्यो, “वे मरा प्रभु खे उठै ली गया अरु मी नी जानु कि ओखे खा रख्यो हइ.”
JOH 20:14 यो बोलीखे वा पीछे फिरी अरु यीशु खे खडो देख्यो अरु नी पहचान्यो कि यो यीशु हइ.
JOH 20:15 यीशु ने ओकासे बोल्यो, “हे बय तू क्यु रोस हइ? को खे ढूढस हइ?” ओने माली समझी खे ओकासे बोल्यो, “हे श्रीमान, अगर तोने ओखे उठै लियो हइ ते प्रभु से बोल कि ओखे खा रख्यो हइ अरु मी ओखे ली जायु.”
JOH 20:16 यीशु ने ओकासे बोल्यो, “मरियम!” ओने पीछे फिरीखे ओकासे इब्रानी मे बोल्यो का “रब्बूनी!” मंनजे हे गुरु.
JOH 20:17 यीशु ने ओकासे बोल्यो का “मेखे मत छी क्युकी मी अब तक बाप का पास उपर नी गयो, पर मरा भैइहोन का पास जैइखे उनसे बोली दे कि मी अपना बाप का अरु तुम्हारा बाप का अरु अपना परमेश्वर अरु तुम्हारा परमेश्वर का पास उपर जउस हइ.”
JOH 20:18 मरियम मगदलीनी ने जैइखे सेवक होन खे बतायो, “मेने प्रभु खे देख्यो अरु ओने मरासे बातहोन बोली.”
JOH 20:19 उ दिन जो हप्ता का पहइलो दिन थो, शाम को टेम जब व्हा, दरवाजा झा सेवक था, यहूदीयाहोन का डर का मारे बन्द था, तब यीशु आयो अरु उनका बीच मे खडो हुइखे ओने बोल्यो, “तुम खे शांती मील्ये.”
JOH 20:20 अरु यो बोलीखे ओने अपना हात अरु अपनी हतेली उनखे दिखायो तब सेवक प्रभु खे देखीखे खुश हुया.
JOH 20:21 यीशु ने फिर उनसे बोल्यो, “तुमखे शांती मीले. जसो बाप ने मेखे भेज्यो हइ, वसो मी भी तुमखे भेजुस हइ.”
JOH 20:22 यो बोलीखे ओने उन पर फूक्यो अरु उनसे बोल्यो, “पवित्र आत्मा ले.
JOH 20:23 जिन को पाप तुम माफी करणु वे उनका लिये माफ कर्या गया हइ. जिन खे तुम रख्ये वे रख्या गया हइ.”
JOH 20:24 पर बारा जन मे से एक इन्सान मंनजे थोमा जो दिदिमुस बोलस हइ, जब यीशु आयो ते उनखे साथ नी थो.
JOH 20:25 जब अरु सेवक ओकासे बोलन लग्या, “हमने प्रभु खे देख्यो हइ,” तब ओने उनसे बोल्यो, “जब तक मी ओका हाथहोन मे खीला को छेद नी देखी लूका अरु खीला का छेदहोन मे अपनी उगली नी डाली लूका तब तक मी विश्वास नी कर्यु.”
JOH 20:26 आठ दिन का बाद ओका सेवक फिर घर का अंदर था, अरु थोमा उनका साथ थो, अरु दरवाजो बन्द था, तब यीशु ने अयखे अरु बीच मे खडो हुइखे बोल्यो, “तुम खे शांती मीले.”
JOH 20:27 तब ओने थोमा से बोल्यो, “अपनी उगली ह्या लैइखे मरा हाथहोन खे देख अरु अपनो हात लैइखे मरा हतेली मे डाल अरु अविश्वासी नी पर विश्वासी होनु”
JOH 20:28 यो सुन्यो थोमा ने जवाब दियो, “हे मरा प्रभु, हे मरा परमेश्‍वर!”
JOH 20:29 यीशु ने ओकासे बोल्यो, “तोने तो मरो विश्वास कर्यो हइ? धन्य हइ वे जेने बिन देख्यो विश्वास कर्यो.”
JOH 20:30 यीशु ने अरु भी भोत चिन्ह सेवक होन का सामने दिखायो, जो या किताब मे लिख्यो नी गया.
JOH 20:31 पर ये येका लिए लिख्यो गयो हइ, कि तुम विश्वास करणु, कि यीशु मे परमेश्वर को बेटो मसीह हइ अरु विश्वास करीखे ओका नाम से जिवन पाये.
JOH 21:1 या बातहोन का बाद यीशु ने अपना आप खे तिबिरियुस झील का किनारा सेवक होन पर प्रगट कर्ये अरु या रीति से प्रगट कर्यो.
JOH 21:2 शमौन पतरस अरु थोमा जो दिदिमुस बोलस हइ, अरु गलील का काना नगर का नतनएल अरु जब्दी को बेटो, अरु ओका सेवक होन मे से दो अरु जन जमा था.
JOH 21:3 शमौन पतरस ने उनसे बोल्यो, “मी मछ्छी पकडन जास हइ.” उनने ओकासे बोल्यो, “हम भी तरा साथ चलस हइ.” येका लिए वे नीकलीखे डोंगा पर चड्या, पर उ रात कुछ नी पकड्यो.
JOH 21:4 फजर होते ही यीशु किनार पर खडो हुयो. फिर भी सेवक होन ने नी पहचान्यो कि यो यीशु हइ.
JOH 21:5 तब यीशु ने उनसे बोल्यो, “हे बच्चाहोन, तुम्हारा पास कुछ खान खे हइ?” उनने जवाब दियो, “नी.”
JOH 21:6 ओने उनसे बोल्यो, “डोंगा की दाहिनी तरफ जाल डाल, ते पाये.” तब उनने जाल डाली, अरु अब मच्छीहोन का कारण जाल खीच नी सक्या.
JOH 21:7 येका लिए वा सेवक ने जोका से यीशु प्रेम रकतो थो पतरस से बोल्यो, “यो तो प्रभु हइ” शमौन पतरस ने यो सुनीखे कि प्रभु हइ, कमर मे कपडा खे कसी लियो, क्युकी उ बिना कपडा को थो, अरु झील मे कूद पड्यो.
JOH 21:8 पर अरु सेवक होन डोंगा पर मच्छीहोन से भरी हुइ जाल खीचते हुयो आयो का क्युकी वे किनार से जमीन जादा दूर नी कि कोय दो सौ हात पर थो.
JOH 21:9 जब किनारा पर जमीन पर उतर्या, ते उनने कोयला की आग का अरु ओका पर मच्छी रखी हुइ, अरु रोटी देखी.
JOH 21:10 यीशु ने उनसे बोल्यो, “जो मच्छीहोन तुम ने अभी पकडी हइ, उनमे से कुछ ला.”
JOH 21:11 शमौन पतरस ने डोंगा पर चडीखे एक सौ त्रिरेपन बडी मच्छीहोन से भर्यो हुयो जाल किनारा अरु जमीन पर खीच्यो, अरु इत्ती मच्छीहोन होना पर भी जाल नी फट्यो.
JOH 21:12 यीशु ने उनसे बोल्यो, “आ खानो या.” अरु सेवक होन मे से कोय खे हिम्मत नी हुयो, कि ओकासे पूछे, “तू कोन हइ?” क्युकी वे जानता था कि यो प्रभु हइ.
JOH 21:13 यीशु आयो, अरु रोटी लीखे उनने दी अरु ओसो मे मच्छी भी.
JOH 21:14 या तीसरी बार हइ, कि यीशु ने मऱ्या हुया मे से जिन्दो उठना का बाद सेवक होन खे दर्शन दियो.
JOH 21:15 खानो खाना का बाद यीशु ने शमौन पतरस से बोल्यो, “हे शमौन, यहून्ना को बेटा, खे तू इनसे बडीखे मरासे प्रेम रखस हइ?” ओने ओकासे बोल्यो, “हव प्रभु. तू तो जानस हइ, कि मी तरा से प्रिती रखुस हइ.” ओने ओकासे बोल्यो, “मरा मेडाहोन खे चरा.”
JOH 21:16 ओने फिर दूसरी बार ओकासे बोल्यो, “हे शमौन यहून्ना को बेटा खे तू मरासे प्रेम रखस हइ?” ओने उनसे बोल्यो, “हव, प्रभु तू जानस हइ, कि मी तरा से प्रिती रखुस हइ.” ओने ओकासे बोल्यो, “मरा मेडाहोन की रखवाली कर.”
JOH 21:17 ओने तीसरी बार ओकासे बोल्यो, “हे शमौन, यहून्ना को बेटा खे तू मरासे प्रिती रखस हइ?” पतरस उदास हुयो, कि ओने ओखे तीसरी बार असो बोल्यो, “तू मरासे प्रेम रखस हइ?” अरु ओकासे बोल्यो, “हे प्रभु तू तो सब कुछ जानस हइ तू यो जानस हइ कि मी तरा से प्रिती रखुस हइ” यीशु ने ओकासे बोल्यो, “मरा मेडाहोन खे चरा.
JOH 21:18 मी तरा से सच्ची-सच्ची बोलुस हइ, जब तू जवान थो, ते अपनी कमर बाधीखे झा चाहतो थो, व्हा फिरतो थो. पर जब तू बूढ्ढो हुये ते अपना हात लम्बा कर्येका अरु दूसरो तरी कमर बाधीखे झा तू नी चाह्ये व्हा तोखे ली जाये.”
JOH 21:19 ओने या बातहोन से दर्शायो कि पतरस कसो मरना से परमेश्वर की महिमा कर्ये. अरु यो बोलीखे ओकासे बोल्यो, “मरा पीछे अय जा.”
JOH 21:20 पतरस ने फिरीखे उ सेवक खे पीछे आते देख्यो, जोका से यीशु प्रेम रखेतो थो, अरु जो ने खाना का टेम ओकी छाती का तरफ झुकीखे पूछ्यो “हे प्रभु, तरो पकडनआलो कोन हइ?”
JOH 21:21 ओखे देखीखे पतरस ने यीशु से बोल्यो, “हे प्रभु, येको का हाल हुये?”
JOH 21:22 यीशु ने ओकासे बोल्यो, “अगर मी चाहु कि उ मरा आना तक ठैर्यो र्‍हिये ते तोखे? तू मरा पीछे अय जा.”
JOH 21:23 येका लिए भैइहोन मे या बात फैली गइ, कि उ चेलो नी मर्ये. ते भी यीशु ने ओकासे यो नी बोल्यो, कि यो नी मर्येका पर यो कि “अगर मी चाहु कि यो मरा आना तक ठैर्यो र्‍हिये ते तोखे येका से का?”
JOH 21:24 यो उ चेलो हइ, जो या बातहोन की गवइ देस हइ अरु जो ने या बातहोन खे लिख्यो हइ अरु हम जानस हइ, कि ओकी गवइ सच्ची ची हइ.
JOH 21:25 अरु भी भोत सा काम हइ, जो यीशु ने कर्या. अगर वे एक-एक करीखे लिख्या जास, ते मी समझयुस हइ, कि किताबहोन जो लिखी जास वे जगत मे भी नी समाती.
ACT 1:1 प्रिय थियुफिलुस, मेने पयली किताब वे सब बात का बारे मे लिखी जो यीशु सुरवात से करतो अरु सिखातो र्‍हियो.
ACT 1:2 उ दिन तक जब तक उन प्रेरितहोन खे जेने उनके चुन्यो थो पवित्र आत्मा का वजेसे आज्ञा दि, उपर उठायो नी गयो.
ACT 1:3 ओने दुख उठाना का बाद भोत सा पक्को प्रमाणहोन से अपना आप खे उनने जिन्दो दिखायो, अरु चालीस दिन तक उ उनने दिखायो देता र्‍हियो, अरु परमेश्वर का राज्य की बात करतो र्‍हियो.
ACT 1:4 अरु उनसे मीलिखे उनने आज्ञा दी, “यरुशलेम का नी छोडनु, परम बाप की वा प्रतीज्ञा खे पूरो होन की रस्ता देखतो र्‍हियो, जेकी चर्चा तुम मरा से सुन चुक्या हइ.
ACT 1:5 क्युकि यहून्ना ने ते पानी मे बपतिस्मा दियो हइ पन थोडा दिन का बाद तुम पवित्र आत्मा से बपतिस्मा पाये.”
ACT 1:6 आखरी उनने इखठ्ठा हुइखे ओकासे बोल्यो, “हे प्रभु का तू यो टेम इस्राएल को राज्य फेरी दिये?”
ACT 1:7 ओने उनसे बोल्यो, उ टेमहोन या कालहोन खे जाननो, जेका बाप ने अपना ही अधिकार मे रख्यो हइ, तुम्हारो काम नी.
ACT 1:8 पन जब पवित्र आत्मा तुम पर आये तब तुम सामर्थ्य पाये. अरु यरुशलेम अरु पुरा यहूदीया अरु सामरिया मे अरु पृथ्वी का आखरी तक मरा गवा हुये.
ACT 1:9 यो बोलीखे उ उनका देखते उपर उठै लियो गयो, अरु वु बद्दल ने ओखे उनकी आखहोन से लुकै लियो.
ACT 1:10 ओका जाते टेम जब उ बद्दल का तरफ ताकी र्‍हो थो, ते देखनु दो अदमी सफेद कपडा पेन्या हुया उनका पास अय खडो हुया.
ACT 1:11 अरु उनसे बोल्यो, “हे गलीली इन्सानहोन, तुम क्यु खडा बद्दल का तरफ देखी रा हइ? योइ यीशु जो तुम्हारा पास से स्वर्ग पर उठै लियो गयो हइ, जो रीति से तुम ने ओखे स्वर्ग, जाता देख्यो हइ वैइ रीति से उ फिर आये.”
ACT 1:12 तब वे जैतुन नाम की टेकडी पर से जो यरुशलेम का पास एक अराम का दिन का दूरी पर हइ यरुशलेम खे लौट्या.
ACT 1:13 जब वे वहा पहुच्या ते वा अटारी पर गया, जहा पतरस अरु यहून्ना अरु याकूब अरु अन्द्रियास अरु फिलिप्पुस अरु थोमा अरु बरतुल्मै अरु मत्ती अरु हलफइस को बेटो याकूब अरु शमौन जोलोतेस अरु याकूब को बेटो यहूदा र्‍हेतो थो.
ACT 1:14 ये सब बयहोन अरु यीशु की माय मरियम अरु ओका भैइहोन का साथ एक चित हुइ खे प्रार्थना मे लग्या र्‍हिया.
ACT 1:15 अरु एय दिनहोन मे पतरस भैइ भैइन का बिच मे जो एक सौ बीस इन्सान का नजिक पास था, खडा हुइ बोलन लग्यो.
ACT 1:16 हे भैइहोन जरुरी थो कि पवित्रशास्त्र को उ लेख पूरो हुये जो पवित्र आत्मा मे दाउद का मुडा से यहूदा का बारे मे जो यीशु खे पकडन आलो को अगुवा था, पैयले से बोल्यो थो.
ACT 1:17 क्युकि उ तो हम मे गिन्यो गयो, अरु या सेवा मे हिस्सेदार हुयो.
ACT 1:18 ओने अधर्म की कमइ से एक खेत मोल लियो, अरु माथा का बल गिर्यो अरु ओको पेट फटी गयो अरु ओकी सब आतडीहोन नीकली पडी.
ACT 1:19 अरु या बात खे यरुशलेम का सब र्‍हेनआला जानी गया, ह्या तक कि उ खेत को नाम उनकी भाषा मे हकलदमा मंनजे खुन को खेत पडी गयो.
ACT 1:20 क्युकी भजन संहिता मे लिख्यो हइ, ओको घर उजडी जाये अरु ओमे कोय नी बस्ये अरु ओको पद कोय दूसरो लि ले.
ACT 1:21 येकालिये जोत्ता दिन तक प्रभु यीशु हमारा साथ आता जाता र्‍हिये मंनजे यहून्ना को बपतिस्मा से लिखे ओका हमारा पास से उठायो जाना तक जो दुन्या बराबर हमारा साथ र्‍हिये.
ACT 1:22 यहून्ना अच्छो हइ कि उनमे से एक इन्सान हमारा साथ यीशु खे जिन्दो उठन को गवा हुइ जाये.
ACT 1:23 तब उनने दोय खे खडा कर्या, एक यूसुफ खे जो बरसब्बास बोलस हइ जोको उपनाम यूसतुस हइ, दूसरो मत्तियाह के.
ACT 1:24 अरु या प्रार्थना करी “हे प्रभु, तु जो सब को मन जानस हइ, यो प्रकट कर कि ये दो मे से तोने को खे चुन्यो हइ.
ACT 1:25 कि उ या सेवक अरु प्रेरिताइ को पद ले जेखे यहूदा छोडीखे अपना जगा खे चली गयो.”
ACT 1:26 तब उनने उनका बारे मे चिट्ठिहोन डालीखे अरु चिट्ठी मत्तियाह का नाम पर नीकली. आखरी उ उन ग्यारा प्रेरितहोन का साथ गिन्यो गयो.
ACT 2:1 जब पिन्तुकुस्त को दिन आयो, मंनजे ते वे सब एक जगा जमा था.
ACT 2:2 अचानक बद्दल से बडी आधी को जसी संनसनाहट को बोल हुयो, अरु ओका से पूरो घर जहा वे बठ्या था गुजी गयो.
ACT 2:3 अरु उनने अंगार की सी जीभ फुटती हुइ दिखइ दि अरु उनमे से हर एक पर अय ठैरी.
ACT 2:4 वे सब पवित्र आत्मा से भरी गया, अरु जो प्रकार आत्मा ने उनने खे बोलन की सामर्थ्य दी, वे अलग अलग भाषा बोलन लग्या.
ACT 2:5 बद्दल का नीचे की हर एक जात मे से भक्त यहूदीया यरुशलेम मे र्‍हि रा था.
ACT 2:6 जब यो अवाज हुयो ते गर्दी हुय गइ अरु इन्सानहोन चकित हुइ गया क्युकि हर एक खे योइ सुनइ देतो थो कि ये मरा भाषा मे बोली र्‍हा हइ.
ACT 2:7 वे सब चकित अरु अचम्भित हुइ खे बोलन लग्या, देखनु, ये जो बोली र्‍हा हइ सब गलीली नी.
ACT 2:8 ते फिर क्यु हम से हर एक अपनी अपनी जन्म भूय कि भाषा मे उनकी सुनस हइ.
ACT 2:9 हम जो अरु मेदी अरु एलामी अरु मेसोपोटामीया अरु यहूदीया अरु कप्पदुकिया अरु पुन्तुस अरु आसिया,
ACT 2:10 अरु फ्रुगिया अरु पंफूलिया अरु मीस्र अरु लीबिया देश जो कुरेने का आस पास हइ, या सब देशहोन का र्‍हेनआला अरु रोमी प्रवासी.
ACT 2:11 मंनजे यहूदीया अरु यहूदीया मत धारण करणआला, क्रेती अरु भी हइ, पन अपनी अपनी भाषा मे उनसे परमेश्वर का बडा बडा काम होन की चर्चा सुनास हइ.
ACT 2:12 अरु वे सब चकित हुया अरु घबर्ये का एक दूसरा से बोलन लग्या, “यो का हुइ र्‍हो हइ?”
ACT 2:13 पन दूसराहोन ने मजाक करी खे बोल्यो, वे तो पीखे नशा मे चूर हइ.
ACT 2:14 जब पतरस वे ग्यारा का साथ खडो हुयो अरु उचा अवाज से बोलन लग्यो, हे यहूदीयाहोन अरु हे यरुशलेम का सब र्‍हेनआलाहोन, यो जानी लेकी अरु न लगैइ मरी बातहोन सुननु.
ACT 2:15 जसो तुम समझी र्‍हा हइ, ये दुन्या नशा मे नी हइ, क्युकि अभी तो दुपार ही दिन चड्यो हइ.
ACT 2:16 पन या वा बात हइ, जो योएल भविष्यव्दक्ता का वजेसे बोली गइ हइ.
ACT 2:17 परमेश्वर बोलस हइ, कि आखरी का दिनहोन मे असो हुये कि मी अपनी आत्मा सब इन्सानहोन पर दिह्यु अरु तुम्हारो बेटो अरु तुम्हारी बेटीहोन भविष्यव्दाणी कर्ये अरु तुम्हारा जवान दर्शन देख्ये अरु तुम्हारा बापदादा दृष्‍टान्‍त देख्ये.
ACT 2:18 क्युकी मी अपना दासहोन अरु अपनी दासीहोन पर भी उन दिनहोन मे अपना आत्मा मे से दिह्यु अरु वे भविष्यव्दाणी कर्ये.
ACT 2:19 अरु मी उपर बद्दल मे अ‍दभुत काम अरु नीचे धरती पर चिन्ह मंनजे खुन अरु आंग अरु धुवा को बद्दल दिखायु.
ACT 2:20 प्रभु को महान अरु तेजस्वी दिन का आना से पैयले सुरज अधारो अरु चाद खुन सो हुइ जाये.
ACT 2:21 अरु जो कोय प्रभु का नाम लिये उ उध्दार पाये.
ACT 2:22 हे इस्त्राएलिहोन, या बातहोन सुननु यीशु नासरी एक इन्सान थो जोको परमेश्वर का तरफ से होन को प्रमान उन सामर्थ काम होन अरु आश्चर्य का काम होन अरु चिन्ह से प्रगट हइ, जो परमेश्वर ने तुम्हारा बीच ओका वजेसे कर दिखायो जेखे तुम खुद ही जानस हइ.
ACT 2:23 उ यीशु खे जो परमेश्वर की ठैर्यइ हुइ योझना अरु पूर्व ज्ञान का जसो पकड्यो गयो, तुम ने अधर्मी होन का हाथ से क्रुस पर चड्यै खे मारी डाल्यो.
ACT 2:24 पन ओका परमेश्वर ने मरना को बन्धनहोन से छुड्यखे जिन्दो क्युकि यो अनहोनो थो कि उ ओका कब्जा मे र्‍हेस.
ACT 2:25 क्युकि दाउद ओका बारे मे बोलस हइ मी प्रभु, सर्वदा अपना सामने देखतो र्‍हियो क्युकि उ मरा जवना तरफ हइ, ताकि मी डगमग नी होयु.
ACT 2:26 यो करण मरो मन आनन्दित हुयो, अरु मरी जीभ मगन हुइ क्युकी मरो आंग भी आस मे बन्यो र्‍हिये.
ACT 2:27 क्युकि तू मरो जानहोन खे अधोलोक मे नी छोड्यु अरु नी अपना पवित्र झन, सडन ही दिये.
ACT 2:28 तो ने मेखे जिवन को मार्ग बतायो हइ तु मेखे अपनो दर्शन का वजेसे आनन्द से भर दिये.
ACT 2:29 हे भैइहोन, मी हमारा पृर्वज दाउद का बारे मे तुम से हिम्मत का साथ बोली सकुस हइ कि उ तो मरी गयो अरु गाड्यो भी गयो अरु ओकी मरगट आज तक हमारो विध्दमान हइ.
ACT 2:30 उ भविष्यव्दक्ता थो, उ जानतो थो कि परमेश्वर ने मरा से कसम खैइ हइ कि मी तरा बश मे से एक इन्सान का जसी राजगद्दी पर बठाड्यु.
ACT 2:31 ओने होन आली बात खे पैयले ही से देखी खे मसीह का जिन्दो उठना का बारे मे भविष्यव्दाणी करी कि नी ते ओको जान अधोलोक मे छोड्यो गयो अरु नी ओको आंग पायो.
ACT 2:32 यो यीशु, परमेश्वर ने जिन्दो, जेको हम सब गवा हइ.
ACT 2:33 यो प्रकार परमेश्वर का जवना हाथ से अच्छो पद परइ खे अरु बाप से उ पवित्र आत्मा मील्हे करी जोकी प्रतीज्ञा करी गइ थी कि ओने यो पलटय दियो हइ जो तुम देखस अरु सुनस हइ.
ACT 2:34 क्युकि दाउद स्वर्ग पर नी चड्यो; पन उ खुद बोलस हइ, प्रभु ने मरा प्रभु से बोल्यो, मरा जवना बठ.
ACT 2:35 जब तक कि मी तरा दुशमन होन खे तरा पाय नीचे की चौकी नी कर दियु.
ACT 2:36 आखरी अब इस्राएल का पुरा घराना नीश्चित रुप से जानी ले कि परमेश्वर ने उ यीशु खे जेखे तुम ने क्रुस पर चडायो प्रभु भी ठैरायो अरु मसीह भी.
ACT 2:37 तब सुननआला का दिल मे छेद हुइ गोका अरु वे पतरस अरु कुछ प्रेरितहोन से पुछन लग्या, “हे भैइहोन अरु बहीनहोन हम का करणु?”
ACT 2:38 पतरस ने उनसे बोल्यो मन फिरानु, अरु तुम मे से हर एक अपना अपना पापहोन कि माफ का लिये यीशु मसीह का नाम से बपतिस्मा लेनु; ते तुम पवित्र आत्मा को दान पाये.
ACT 2:39 क्युकि यो प्रतीज्ञा तुम, अरु तुम्हारी सन्तानहोन, अरु उन सब दूर का दुन्याहोन का लिये भी हइ जिनको प्रभु हमारो परमेश्वर अपना पास बुलाये.
ACT 2:40 पतरस ने भोत अरु बातहोन से भी गवइ दि दिखे समझायो कि अपना खुद खे या तेडी जात से बचानु.
ACT 2:41 आखरी जेने ओको वचन ग्रहन कर्यो उनने मन से बपतिस्मा लियो. अरु उ दिन तीन हजार इन्सानहोन का नजीकपास उनमे मीली गया.
ACT 2:42 अरु वे प्रेरितहोन से शिक्षा पान अरु संगत रखन को अरु रोटी तोडनो अरु प्रार्थना करणा मे लौलीन र्‍हिया.
ACT 2:43 अरु सब दुन्या का मन पर डर छय गयो, अरु खुब अदभुत काम अरु चिन्ह प्रेरितहोन का वजेसे प्रगट होता था.
ACT 2:44 अरु सब विश्वास करणआला जमा र्‍हेता था, अरु उनकी सब चिजहोन हिस्सा मे थी.
ACT 2:45 वे अपनी अपनी सम्पत्ति अरु सामन बेची खे जसी जोकी जरुरत होती थी बाट दिया करता था.
ACT 2:46 वे हरदिन एक मन हुइखे मन्‍दिर मे जमा होता था, अरु घर घर मे रोटी तोडता हुया आनन्द अरु मन की सीधाइ से भोजन कर्या करता था.
ACT 2:47 अरु परमेश्वर की स्तुती करता था, अरु सब दुन्या उनसे खुश था अरु जो उध्दार पाता था.उनको प्रभु हरदिन उनमे मुल्य देतो थो.
ACT 3:1 एक दिन पतरस अरु यहून्ना तीसरा पार प्रार्थना का टेम मे मन्‍दिर मे जै र्‍हा था.
ACT 3:2 अरु दुन्या एक जन्म का लगडा खे लै र्‍हा था जेखे वे हरदिन मन्‍दिर का उ दरवाजा पर जो सुन्दर बोलस हइ बठै देतो थो कि उ मन्‍दिर मे जानआला से भीक माग्ये.
ACT 3:3 जब ओने पतरस अरु यहून्ना को मन्‍दिर मे जाते देख्यो ते ओने भीक मागी
ACT 3:4 पतरस ने यहून्ना का साथ ओका तरफ ध्यान से देखीखे बोल्यो, हमारा तरफ देख.
ACT 3:5 आखरी उ उनसे कुछ पान की आस रखता हुये उनकी तरफ ताकन लग्या.
ACT 3:6 तब पतरस ने बोल्यो चादी अरु सोन्नो ते मरा पास हइ नीका पन जो मरा पास हइ उ तोखे देस हइ. यीशु मसीह नासरी का नाम से चल फिर.
ACT 3:7 अरु ओने ओको जवनो हाथ पकडी खे ओखे उठायो. अरु जल्दी ओका पायहोन अरु घुटना मे बल अय गयो.
ACT 3:8 उ कुदिखे खडो हुइ गयो अरु चलन फिरन लग्यो अरु चलता, अरु कूदते, अरु परमेश्वर की स्तुती करता हुया उनका साथ मन्‍दिर मे गयो.
ACT 3:9 सब दुन्या ने ओखे चलता फिरता अरु परमेश्वर कि स्तुती करता देखीखे.
ACT 3:10 ओखे पैछान लियो कि यो उ हइ जो मन्‍दिर को सुन्दर फाटक पर बठी खे भीक माग्या करतो थो. अरु वा घटना से जो ओका साथ हुइ थी वे भोत अचम्भित अरु चकित हुया.
ACT 3:11 जब उ पतरस अरु यहून्ना खे पकड्या हुया था, ते सब दुन्या भोत अच्मबो करता हुया ओका ओसरी मे जो सुलैमान को बोलस हइ ओका पास दौडी आया.
ACT 3:12 यो देखी खे पतरस ने दुन्या से बोल्यो, “हे इस्त्राएलिहोन खे तुम यो इन्सान पर क्यु अच्मबो करस हुइ कि अरु हमारी तरफ क्यु यो प्रकार देखी र्‍हा हइ कि मानो हम ही ने अपना सामर्थ्य या भक्ति से येखे चलना फिरना योग्य बनइ दियो.”
ACT 3:13 अब्राहम अरु इसहाक अरु याकूब को परमेश्वर हमारा बापदादाहोन को परमेश्वर ने अपना सेवक यीशु की महिमा की जेखे तुम ने पकड्यइ दियो, अरु जब पिलातुस ने ओखे छोड देन को बीचार कर्यो, तब तुम ने ओका सामने ओको इनकार कर्यो.
ACT 3:14 तुम ने उ पवित्र अरु धर्मी को इनकार कर्यो, अरु प्रार्थना करी कि एक हत्यारा, तुम्हारा लिये छोड दिया जाये.
ACT 3:15 अरु तुम ने जिवन को कर्ता खे मारी डाल्यो जो परमेश्वर ने मर्या हुया मे से जिन्दो. अरु या बात कि हम गवा हइ.
ACT 3:16 अरु ओका नाम ने उ विश्वास का वजेसे जो ओका नाम पर हइ, यो इन्सानखे जेखे तुम देखस हइ अरु जानस भी हइ सामर्थ दियो हइ. उ विश्वास ने जो ओका वजेसे हइ, येको तुम सब, सामने बिलकुल भलो अच्छो करी दियो हइ.
ACT 3:17 अब हे भैइहोन अरु बहीनहोन, मी जानुस हइ कि यो काम तुम ने अज्ञानता मे कर्यो, अरु वसो ही तुम्हारा सरदारहोन ने भी कर्यो.
ACT 3:18 पन जो बातहोन खे परमेश्वर ने सब भविष्यव्दक्ताहोन क मेडा से पैयले ही बत्यै दियो थो, कि ओको मसीह दुख उठायेका उनखे, ओने या रीति से पूरो कर्यो.
ACT 3:19 येका लियेका मन फिरानु अरु लौट आनू कि जोकासे का सामने से अराम का दिन आये.
ACT 3:20 अरु उ प्रभु यीशु खे भेज्ये जो तुम्हारा लिये पैयले हि से मसीह ठैरायो गयो हइ.
ACT 3:21 जरुरी हइ कि उ स्वर्ग मे उ टेम तक र्‍हिये जब तक कि उ सब बातहोन, सुधार नी करी ले जोकी बातचीत पुराना काल से परमेश्वर ने अपना पवित्र भविष्यव्दक्ताहोन का मेडा से करी हइ.
ACT 3:22 जसो कि मूसा ने बोल्यो, प्रभु परमेश्वर तुम्हारा भैइहोन अरु बहीनहोन मे से तुम्हारा लिये मरा जसो एक भविष्यव्दक्ता उठायेका जो कुछ उ तुम से बोल्येका ओकी सुन्नु.
ACT 3:23 पन हरेक इन्सान जो उ भविष्यव्दक्ता कि नी सुन्ये का दुन्या का मन मे से खत्म कर्यो जाये.
ACT 3:24 अरु शमूएल से लिखे ओका बाद आनआलो तक जोत्ता भविष्यव्दक्ता बोल्ये उन सब ने इन दिनहोन को सन्देश दियो हइ.
ACT 3:25 तुम भविष्यव्दक्ताहोन की सन्तान अरु वा वाचा को हिस्सेदार हुया, जो परमेश्वर ने तुम्हारा बापदादाहोन से बाधी, जब ओने अब्राहम से बोल्यो, तरा कुल का वजेसे पृथ्वी का पुरा घराना आशिर्वाद मील्ये.
ACT 3:26 परमेश्वर ने अपना सेवक खे उठैखे पैयले तुम्हारा पास भेज्येका कि तुम मे से हर एक खे ओकी बुराइहोन से फेरीखे आशिर्वाद देनु.
ACT 4:1 जब वे दुन्या से यो बोली र्‍हा था, ते याजक अरु मन्‍दिर को सरदार अरु सदूकि उन पर चड आया.
ACT 4:2 क्युकि वे भोत घुस्सा हुया कि वे इन्सानहोन खे सिखाता था अरु यीशु को उदाहरण दि दिखे मर्या हुया खे जिन्दो उठन को प्रचार करता था.
ACT 4:3 उनने उनखे पकडी खे दुसरा दिन तक हआलात मे रख्यो क्युकि संज्जा हुइ गइ थी.
ACT 4:4 पन वचन खे सुननआला मे से भोतझन ने विश्वास कर्यो, अरु उनकी गिनती पाच हजार का नजीकपास हुइ गइ.
ACT 4:5 दूसरा दिन असो हुयो कि उनका सरदार अरु बापदादाहोन अरु शास्त्री.
ACT 4:6 अरु महायाजक हन्ना अरु कैफा अरु यहून्ना अरु सिकन्दर अरु जोत्ता महायाजक का घराना का था, सब यरुशलेम मे जमा हुया.
ACT 4:7 वे उनका बीच मे खडा करीखे पूछन लग्या कि तुम ने यो काम कोका सामर्थ्य से अरु कोका नाम से कर्यो हइ.
ACT 4:8 तब पतरस ने पवित्र आत्मा पुरो पुरो हुइ, उनसे बोल्यो.
ACT 4:9 हे दुन्याहोन को सरदारहोन अरु बापदादाहोन को या दुर्बल इन्सान का साथ जो भलाइ करी गइ हइ, अगर आज हम से उनका बारे मे पूछ ताच करी जास हइ, कि उ कसो अच्छो हुयो.
ACT 4:10 ते तुम सब इस्राएल अरु पुरा इस्त्राएली दुन्या जानी ले कि यीशु मसीह नासरी का नाम से जेखे तुम ने क्रुस पर चडायो अरु परमेश्वर ने मर्या हुया मे से जिन्दो कर्यो यो इन्सान तुम्हारा सामने भलो अच्छो हइ.
ACT 4:11 यो उ पत्थर हइ जेखे तुमने राजमिस्त्रीहोन ने तुच्छ जान्यो अरु उ कोना को सिरा को पत्थर हुइ गयो.
ACT 4:12 कोइ दुसरा का वजेसे उध्दार नी. क्युकि स्वर्ग का नीचे इन्सानहोन मे अरु कोइ दुसरो नाम नी दियो गयो जेका वजेसे हम उध्दार पर सक्ये.
ACT 4:13 जब उनने पतरस अरु यहून्ना को हिम्मत देख्यो अरु यो जान्यो कि यो अनाडी अरु साधारन इन्सान हइ ते अच्मबो कर्यो. फिर उनका पैछान्यो कि यो यीशु का साथ र्‍हियो हइ.
ACT 4:14 उ इन्सान खे जो अच्छो हुयो थो, उनका साथ खडो देखी खे वे विरोध मे कुछ नी बोली सक्या.
ACT 4:15 पन उनखे सभा का भैहिर जान कि आज्ञा दिखे वे आपस मे बिचार करण लग्या,
ACT 4:16 हम ये इन्सानहोन का साथ का कर्या? क्युकि यरुशलेम का सब र्‍हेनआला पर प्रगट हइ, कि इन का वजेसे एक प्रसिद्ध चिन्ह दिखायो गयो हइ, अरु हम उनको इनकार नी करी सक्ये.
ACT 4:17 पन येका लिये कि या बात दुन्या मे अरु जादा फैली नी जाये, हम उनका धमकाये, कि वे या नाम से फिर कोय इन्सान से बात नी करणु.
ACT 4:18 तब उनखे बुलायो अरु चेतावनी दिखे बोल्यो, यीशु का नाम से कुछ भी नी बोलनु अरु नी सिखानी.
ACT 4:19 पन पतरस अरु यहून्ना ने उनका जवाब दियो, तुम हि न्याय करण; का यो परमेश्वर का पास भलो हइ कि हम परमेश्वर कि बात से बडीखे तुम्हारी बात मान्ये.
ACT 4:20 क्युकि यो ते हम से हुइ नी सक्ये कि जो हम ने देख्यो अरु सुन्यो हइ, वे नी बोल्ये.
ACT 4:21 तब उनने उनका धमक्यै छोडी दियो, खे क्युकि दुन्या करण उनखे दण्ड देन को दावो नी मील्यो, येका लिये कि जो घटना हुइ थी ओ का कारन सब दुन्या परमेश्वर कि बडैइ करता था
ACT 4:22 उ इन्सान का जेका पर यो अच्छो करण को चिन्ह दिखायो गयो थो, चालीस साल से जादा उम्र को थो.
ACT 4:23 वे छुटीखे अपना साथीहोन का पास आया खे अरु जो प्रधान याजकहोन अरु बापदादाहोन ने उनसे बोल्यो थो, उनका सुन्य दियो.
ACT 4:24 यो सुनी, उनने एक चित्त हुइ, उचो बोल से परमेश्वर से बोल्यो हे स्वामी, तू उ हइ जेने स्वर्ग अरु जमीन अरु समुद्र अरु जो कुछ उनमे हइ बनायो.
ACT 4:25 तोने पवित्र आत्मा का वजेसे अपना सेवक हमारो बाप दाउद का मुडा से बोल्यो. गैरयहूदिहोन ने हुल्लड क्यु मचायो? अरु देश का दुन्या ने बेकार बातहोन सोची
ACT 4:26 प्रभु अरु ओका मसीह का विरोध मे पृथ्वी को राजाहोन खडा हुया, अरु शासक एक साथ जमा हुइ गया.
ACT 4:27 क्युकि सच्चीई तरा पवित्र सेवक यीशु का विरोध मे जेको तो ने अभिषेक कर्यो, हेरोदेस अरु पुन्तियुस पिलातुस भी गैरयहूदिहोन अरु इस्त्राएलिहोन का साथ या नगर मे जमा हुया.
ACT 4:28 कि जो कुछ पैयले से तरी सामर्थ्य अरु मती से ठैरायो थो उ करणु.
ACT 4:29 अब हे प्रभु, उनकी धमकिहोन खे देख. अरु अपना सेवकहोन को वरदान देनु कि तरो वचन बडा हिम्मत से सुनाये.
ACT 4:30 अच्छो करण का लिये तू अपनो हाथ बडा कि चिन्ह अरु अदभुत काम तरा पवित्र सेवक यीशु का नाम से कर्यो जाये.
ACT 4:31 जब वे प्रार्थना करी चुक्या, ते उ जगा जहा वे जमा था हली गया अरु वे सब पवित्र आत्मा से परीपूर्ण हुइ गया, अरु परमेश्वर को वचन हिम्मत से सुनाता र्‍हिये.
ACT 4:32 विश्वास करणआला कि मंडली एक चित्त अरु एक मन कि थी, ह्या तक कि कोइ भी अपनी सम्पत्ती अपनी नी करतो थो, पन सब कुछ हिस्सेदार मे थो.
ACT 4:33 प्रेरित बडो सामर्थ्य से प्रभु यीशु को जिन्दो उठस कि गवा देता र्‍हिये अरु उन सब पर बडो अनुग्रह थो.
ACT 4:34 उनमे कोय भी दरिद्र नी थो क्युकी जिन का पास जमीन या घर था वे उनखे बेची खे बिकी हुइ चिजहोन को दाम लाता, अरु ओका प्रेरितहोन का पायहोन पर रखता था.
ACT 4:35 अरु जसी जोकि जरुरत होती थी, ओका जसो हर एक खे बाटी दिया करता था.
ACT 4:36 यूसुफ नाम साइप्रस को एक लेवी थो जेको नाम प्रेरितहोन ने बरनबास मंनजे शांती को बेटो रख्यो थो.
ACT 4:37 ओकी कुछ जमीन थी जो खे ओने बेच्यो अरु दाम का रुप्या लिखे प्रेरितहोन को पायहोन पर रखी दियो.
ACT 5:1 हनन्याह नाम को एक इन्सान अरु ओकी लुगइ, सफीरा ने कुछ जमीन बेची
ACT 5:2 अरु ओको दाम मे से कुछ रखी छोडो. अरु या बात ओकी लुगइ भी जानती थी, अरु ओको एक भाग लैखे प्रेरितहोन का पायहोन का सामने रखी दियो.
ACT 5:3 पतरस ने बोल्यो, हे हनन्याह! सैतान ने तरा मन मे या बात क्यु डाली कि तु पवित्र आत्मा से झुठ बोल्ये, अरु जमीन का दाम मे से कुछ रखी छोड्यो.
ACT 5:4 जब तक उ तरा पास र्‍हिये, का तरी नी थी? अरु जब बिकी गइ ते का तरा कब्जा मे नी थी? तो ने या बात अपना मन मे क्यु बिचारी तू इन्सान से नी, पन परमेश्वर से झुठ बोल्यो हइ.
ACT 5:5 या बात सुनते ही हनन्याह गिरी पड्यो अरु जान छुड्यी दिये, अरु सब सुननआला पर बडो डर छै गयो.
ACT 5:6 फिर जवानहोन ने उठै खे ओकी अर्थी बनइ अरु भैइर ली जैखे गाड दियो.
ACT 5:7 नजीकपास तीन घंटा का बाद ओकी लुगइ जो कुछ हुयो थो नी जानीखे अंदर अय गइ.
ACT 5:8 तब पतरस ने ओकासे बोल्यो, मेखे बता तुम ने उ जमीन येत्ता ही मे बेची थी? ओने बोल्यो हा येत्ता ही मे.
ACT 5:9 पतरस ने ओकासे बोल्यो, या का बात हइ कि तुम दो ने प्रभु का आत्मा की परीक्षा का लिये येका कर्यो? तरा अदमी का गाडनआला दरवाजो ही पर खडा हइ अरु तोखे भी बाहेर लि जाये.
ACT 5:10 तब उ जल्दी ओका पायहोन पर गिरी पडि अरु जान छोडी दियो अरु जवानहोन ने अंदर अयखे ओखे मर्यो पय्यो अरु बाहेर लि जैखे ओका अदमी का पास गाडी दियो.
ACT 5:11 पुरी मंडली पर अरु या बातहोन खे सुननआला पर बडो डर छै गयो.
ACT 5:12 प्रेरितहोन का हाथहोन से भोत चिन्ह अरु अदभुत काम दुन्या का बीच मे दिखायो जाता था, अरु वे सब एक चित्त हुइखे सुलैमान का ओसरी मे जमा हुया करता था.
ACT 5:13 पन अरु मे से कोय खे यो हिम्मत नी होती थी कि उनमे जय मीले. तेभी दुन्या उनकी बडाइ करता था.
ACT 5:14 विश्वास करणआला भोत सा इन्सान अरु बय प्रभु की मंडली मे बडि संख्या मे मीलते र्‍हिये.
ACT 5:15 ह्या तक कि दुन्या बिमारहोन खे सडकहोन पर लैइ खे खटियाहोन अरु बिछानाहोन पर सोयो देता था कि जब पतरस आये, ते ओकी छाया ही उनमे से कोइ पर पडि जाये.
ACT 5:16 यरुशलेम का आस पास का नगर से भी भोत दुन्या बीमारहोन अरु बुरी आत्मा का सताया हुया खे लैइ लैइखे जमा होता था, अरु सब अच्छो करी दिया जाता था.
ACT 5:17 तब महायाजक अरु ओका सब साथी जो सदूकिहोन का पंथ का था, जलन से भरी उठ्यो.
ACT 5:18 अरु प्रेरितहोन खे पकडिखे बन्दिघर मे बन्द करी दियो.
ACT 5:19 पन रात खे प्रभु का एक स्वर्गदूत ने बन्दीगृह का दरवाजा खोली खे उनखे बाहेर लइखे बोल्यो.
ACT 5:20 “जा मन्दिर मे खडा हुइ खे या जिवन की सब बातहोन दुन्या खे सुनानु.”
ACT 5:21 वे यो सुनीखे फजर होते ही मन्दिर मे जैखे उपदेश देन लग्या. तब महायाजक अरु ओका साथिहोन ने अयखे महासभा का अरु इस्त्राएलिहोन का सब बुजुरुखहोन खे जमा कर्यो, अरु बन्दीघर मे बुलाओ भेज्यो कि उनखे लाह्ये.
ACT 5:22 पन अधिकारीहोन ने वहा पहुची खे उनखे बन्दीगृह मे नी पय्यो, अरु पलटि खे संदेश दियो.
ACT 5:23 हम ने बन्दीघर खे बडि चौकसी से बन्द कर्यो हुयो, अरु राखनआलो खे बाहेर दरवाजाहोन पर खडा हुया पाया. पन जब खोल्यो ते अंदर कोइ नी मील्यो.
ACT 5:24 जब मन्दिर का सरदार अरु मुखियो याजकहोन ने या बातहोन सुनी ते उनका बारे मे भारी चिन्ता मे पडि गया कि उनको का हुयो.
ACT 5:25 इत्ता मे कोय ने अयखे उनखे बतायो कि देखनु जिन खे, “तुम ने बन्दीगृह मे बन्द रख्यो थो का वे मनुष्य मन्दिर मे खडा हुया दुन्या खे उपदेश दि र्‍हा हइ.”
ACT 5:26 जब सरदार प्‍यादाहोन का साथ जैखे उनखे लि आया, पन बलपूर्वक नी क्युकि वे दुन्या से डरता था कि हम पर पथराव नी करणु.
ACT 5:27 ओने उनखे लैइखे महासभा का सामने खडा करी दियो. तब महायाजक ने उनसे पूछ्यो.
ACT 5:28 का हम ने तुमखे जत्यै खे आज्ञा नी दी थी कि तुम यो नाम से उपदेश नी करणु? तेभी देखनु, तुम ने पुरा यरुशलेम खे अपना उपदेश से भरी दियो हइ अरु उ इन्सान को खुन हमारा गर्दन पर लानो चाहस हइ.
ACT 5:29 तब पतरस अरु दुसरा प्रेरितहोन ने जवाब दियो, इन्सान कि आज्ञा से बडिखे परमेश्वर कि आज्ञा को पालन करणु ही हमारो काम हइ
ACT 5:30 हमारा बापदादाहोन ने परमेश्वर ने यीशु खे जिन्दो, जोखे तुम ने क्रुस पर लटकै खे मारी डाल्यो थो.
ACT 5:31 ओ खे परमेश्वर ने प्रभु अरु उद्धारकर्ता ठैर्यखे , अपना जवना हाथ पर उचो करी दियो, कि उ इस्त्राएलिहोन खे मन फिराव की शक्ति अरु पापहोन की माफ प्रदान करणु.
ACT 5:32 हम या बात का गवा हइ अरु ओसो हि पवित्र आत्मा भी, जोखे परमेश्वर ने उनखे दियो हइ जो ओकी आज्ञा मानस हइ.
ACT 5:33 यो सुनीखे वे जली गया, अरु उनखे मारी डालनो चायो.
ACT 5:34 पन गमलीएल नाम को एक फरीसी ने जो व्यवस्थापक अरु सब दुन्या मे माननीय थो, कोरट मे खडा हुइखे प्रेरितहोन खे थोडि देर का लिये बाहेर करी देन की आज्ञा दी.
ACT 5:35 तब ओने बोल्यो, हे इस्त्राएलिहोन, तुम जो कुछ ये इन्सानहोन से करणो चाहस हइ सोची समझी खे करणु.
ACT 5:36 क्युकि यो दिनहोन से पैयले थियुदास यो बोलता हुये उठ्यो, कि मी भी कुछ हइ. अरु कोय चार सौ इन्सान ओका साथ हुइ लिया पन उ मार्यो गयो अरु जोत्ता दुन्या ओखे मानता था, सब तितर-बितर हुया अरु मीटि गया.
ACT 5:37 ओका बाद नाम लिखाइ का दिनहोन मे यहुदा गलीली उठ्यो अरु कुछ दुन्या अपना तरफ करी लिया. उ भी खत्म हुइ गया अरु जोत्ता दुन्या ओखे मानता था सब तितर बितर हुइ गया.
ACT 5:38 येकालिये अब मी तुम से बोलुस हइ इन इन्सानहोन से दुर ही र्‍हेनु अरु इन से कुछ काम नी रखनु. क्युकि अगर यो धर्म या काम इन्सानहोन कि तरफ से हुये तब ते मीटी जाये.
ACT 5:39 पन अगर परमेश्वर का तरफ से हइ, ते तुम उनखे कदापि मीटी नी सक्ये. कही असो नी हुये कि तुम परमेश्वर से भी लडनआला ठैर्ये,
ACT 5:40 तब उनने ओकी बात मानी ली. अरु प्रेरितहोन खे बुलैइ खे पिटवायो. अरु यो आदेश दिखे छोड दियो कि यीशु का नाम से फिर कोइ बात नी करणु.
ACT 5:41 वे या बात से खुश हुइखे महासभा का सामने से चली गया, कि हम ओका नाम का लिये अपमान होन का योग्य ठैर्ये.
ACT 5:42 वे हरदिन मन्दिर मे अरु घर मे उपदेश करण, अरु या बात को सुसमाचार सुनाना से कि यीशु हि मसीह हइ नी रुख्या.
ACT 6:1 उन दिनहोन मे जब चेलाहोन की गीनती बडन लगी, तब यूनानी भाषा बोलनआला इब्रानी भाषा बोलनआला पर कुरकुर करण लग्या कि हरदिन कि सेवकाइ मे हमारी विधवाहोन कि याद नी ली जाय.
ACT 6:2 तब उन बाराझन ने चेलाहोन की मन्डली खे अपना पास बुलैइ खे “बोल्यो यो ठीक नी कि हम परमेश्वर को वचन छोडी खे खान पिलान कि सेवा मे र्‍हिये.
ACT 6:3 येका लिये हे भैइहोन अरु भैइनहोन अपना मे से सात सुनाम इन्सानहोन, जो पवित्र आत्मा अरु बुध्दि से परिपूर्ण हइ, चुनी ले, कि हम उनका यो काम पर ठैर्य दे.
ACT 6:4 लेकीन हम तो प्रार्थना मे अरु वचन की सेवा मे लग्या र्‍हिये.”
ACT 6:5 या बात पुरी मंडली खे अच्छी लगी, अरु उनने स्तिफनुस नामको एक इन्सान को जो विश्वास अरु पवित्र आत्मा से परिपूर्ण थो, फिलिप्पुस, अरु पुरखुरुस, अरु नीकानोर अरु तीमोन, अरु परमीनास, अरु अन्ताकियावासी नीकुलास के जो यहूदीया मत मे अय गयो थो, चुनी लियो.
ACT 6:6 इन्हे प्रेरितहोन का सामने खडो कर्यो अरु उनने प्रार्थना करीखे उन पर हाथ रख्यो.
ACT 6:7 परमेश्वर को वचन फैलाता गयो अरु यरुशलेम मे चेलाहोन की गिनती भोत बडी गइ. अरु याजकहोन को बडो समाज यो मत खे माननआला हुइ गया.
ACT 6:8 स्तिफनुस अनुग्रह अरु सामर्थ्य से परिपूर्ण हुइ खे दुन्या मे बडा बडा अदभुत काम अरु चिन्ह दिखायो करतो थो.
ACT 6:9 तब उ आराधनालय मे से दासत्व - मुक्त की कैलाती थी, अरु कुरेनी अरु सिकन्दरिया अरु किलिकिया अरु आसिया का दुन्या मे से कइ एक उठैखे स्तिफनुस से वाद विवाद करण लग्या.
ACT 6:10 पन उ ज्ञान अरु उ आत्मा को जोकासे उ बातहोन करतो थो, वे सामना नी करी सक्ये.
ACT 6:11 येका पर उनने कइ दुन्या खे उभार्यो जो बोलन लग्या, “हम ने येके मूसा अरु परमेश्वर का विरोध मे नीन्दा की बातहोन बोलता सुन्यो हइ.”
ACT 6:12 अरु दुन्या अरु बुजरुक अरु शास्त्रियहोन, भडकी खे चडी आया अरु ओके पकडी खे महासभा मे लि आया.
ACT 6:13 अरु झुठा गवा खडा कर्या जेने बोल्यो. “यो इन्सान या,” पवित्र जगा अरु व्यवस्था का विरोध मे “बोलनु नी छोड्यो.
ACT 6:14 क्युकि हम ने ओका यो बोलता सुन्यो हइ कि योइ यीशु नासरी या जगा खे झाकि दियो, अरु वा रीतिहोन खे बदली डाल्यो जो मूसा ने हम खे दि दियोस हइ.”
ACT 6:15 तब सब दुन्या ने जो सभा मे बैठ्या था ओ पर नजर गडाइ ते ओको मुडो स्वर्गदूत को जसो दिख्यो.
ACT 7:1 तब महायाजक ने बोल्यो, का या बातहोन सच्ची हइ?
ACT 7:2 स्तिफनुस ने बोल्यो हे भैइहोन अरु बापहोन सुन्नु. हमारो बाप अब्राहम हारान मे बसना से पैयले जब मेसोपोटामीया मे थो. तेजमय परमेश्वर ने ओखे दर्शन दियो.
ACT 7:3 अरु ओकसे बोल्यो तू अपना देस अरु अपना कुटुम्ब से नीकलीखे उ देश मे जा, जेखे मेने तोखे दिखायो.
ACT 7:4 तब उ कसदियहोन का देस से नीकलीखे हारान परमेश्वर ने ओखे वहा से या देस मे लैखे बसायो जेमे अब तुम बसस हय.
ACT 7:5 अरु ओखे कुछ मीरास क्युकी पाय रखना भर की भी ओमे जगा नी दी, पन प्रतीज्ञा करी कि मी यो देस तरा अरु बाद तरा वंश का हाथ करी दियु. यध्दपी उ टेम मे ओका कोय बेटो भी नी थो.
ACT 7:6 अरु परमेश्वर ने यो बोल्यो, तरी सन्तान खे दुन्या दुसरा देस मे परदेशी हुये, अरु वे उनका सेवक बनाये अरु चार सौ साल तक दुख दिये.
ACT 7:7 फिर परमेश्वर ने बोल्यो, जो जात का वे दास हुये ओखे नी दण्ड दियु, अरु ओका बाद वे नीकलीखे या जगा मरी सेवा कर्ये.
ACT 7:8 अरु ओने ओकासे खतना कि वाचा बांधी. अरु यो देस मे इसहाक ओकासे पइदा हुयो अरु आठवा दिन ओको खतनो कर्यो गयो. अरु इसहाक से याकूब अरु याकूब से बारा कुलपति पइदा हुयो.
ACT 7:9 कुल पतिहोन ने यूसुफ से जलन करीखे ओखे मीस्र देस जानआला होन का हाथ बेच्यो. पन परमेश्वर ओका साथ थो.
ACT 7:10 अरु ओखे ओका सब क्लेशहोन से छुड्य खे मीस्र को राजा फिरौन की नजर मे अनुग्रह अरु बुध्दि प्रदान करी, अरु ओने ओखे मीस्र पर अरु अपना पुरा घर पर हाकिम नीयुक्त कर्यो.
ACT 7:11 तब मीस्र अरु कनान का पुरा देस मे अकाल पड्यो. जोका से भारी क्लेश हुयो, अरु हमारा बापदादाहोन की अनाज नी मील्यो थो.
ACT 7:12 पन याकूब ने यो सुनीखे खे मीस्र मे अनाज हइ, हमारा बापदादाहोन खे पयली बार भेज्यो.
ACT 7:13 दूसरी बार यूसुफ ने खुद खे अपना भैइहोन पर प्रगट कर्यो अरु यूसुफ की जाति फिरौन खे मालूम हुइ गइ.
ACT 7:14 तब यूसुफ ने अपना बाप याकूब अरु अपना पुरा कुटुम्ब खे जो पचहत्तर इन्सान का मन था, बुलाओ भेज्यो.
ACT 7:15 तब याकूब मीस्र मे गयो. अरु वहा उ अरु हमारा बापदादा मरी गया.
ACT 7:16 उनको शव शकेम मे पहुच्ये जैखे ओखे मरगट मे रख्यो गयो, जेखे अब्राहम ने चादी दिखे हमोर की सन्तान से मोल लियो थो.
ACT 7:17 पन जब वा प्रतीज्ञा का पुरा होन का टेम मे पास आयो जो परमेश्वर ने अब्राहम से करी थी, ते मीस्र मे वे दुन्या बडि गया अरु भोत हुइ गया.
ACT 7:18 तब मीस्र मे दूसरो राजो हुयो जो यूसुफ खे नी जानतो थो.
ACT 7:19 ओने हमारी जाति से चलाकी करीखे हमारा बापदादाहोन का साथ ह्या तक बुरो व्यवहार कर्यो, कि उनने अपना बच्चाहोन खे फेकी देनो पड्यो कि वे जीन्दा नी र्‍हिया.
ACT 7:20 यो टेम मे मूसा पइदा हुयो. उ परमेश्वर की नजर मे भोत ही सुन्दर थो उ तीन महीना तक अपना बाप का घर मे पाल्यो गयो.
ACT 7:21 जब फेकी दियो गयो ते फिरौन की बेटी ने ओखे उठैइ लियो, अरु अपनो बेटो करीखे पाल्यो.
ACT 7:22 मूसा खे मीस्रिहोन की सब विध्या पडैइ गइ, अरु उ वचन अरु कर्म दो मे सामर्थी थो.
ACT 7:23 जब उ चालीस साल को हुयो ते ओका मन मे आयो कि मी अपना इस्त्राएली भैइहोन से भेट कर्यु.
ACT 7:24 ओने एक इन्सान पर अन्याय होते देखीखे ओखे बचायो, अरु मीस्रिहोन खे मारी खे सताया हुया खे बदलो लियो.
ACT 7:25 ओने सोच्यो कि ओका भैइहोन समझ्ये कि परमेश्वर ओका हाथहोन से उनको उध्दार कर्ये, पन उनने नी समझ्यो.
ACT 7:26 दूसरा दिन जब वे आपस मे लडि र्‍हा था ते उ वहा अय नीकल्यो. अरु यो बोलीखे उनने मेल करण का लिये समझायो, हे इन्सानहोन, तुम तो भैइहोन हइ, एक दूसरा पर क्यु अन्याय करस हइ?
ACT 7:27 पन जो अपना बाजुआला पर अन्याय करी र्‍हा था, ओने उनसे यो बोलीखे बाजुकरी दियो तोखे कोने हम पर डाॅकटर अरु न्याय रख्यो हइ?
ACT 7:28 का जो रीति से तो ने कल मीस्रिहोन खे मारी डाल्यो मेखे भी मारी डालनो चाहस हइ?
ACT 7:29 या बात सुनीखे मूसा भाग्यो अरु मीघान देस मे परदेशी हुइखे र्‍हेन लग्यो, अरु वहा ओका दो बेटा पइदा हुया.
ACT 7:30 जब पूरा चालीस साल बीती गया ते एक स्वर्गदूत ने सीनै टेकडी का जंगल मे ओखे जलनआली झाडि की अंगार मे दर्शन दियो.
ACT 7:31 मूसा यो दर्शन देखीखे अचंभ हुय गो, अरु जब देखन का लिये उ पास गयो, ते प्रभु को यो बोल हुयो.
ACT 7:32 मी तरा बापदादाहोन, अब्राहम, इसहाक अरु याकूब को परमेश्वर हइ, तब ते मूसा थर थरानो, ह्या तक कि ओखे देखन को हिम्मत नी र्‍हियो.
ACT 7:33 तब प्रभु ने ओकासे बोल्यो, अपना पायहोन से जुती उतारी ले, क्युकि जो जगा तु खडो हइ, वा पवित्र जमीन हइ.
ACT 7:34 मे ने सचमुच अपना दुन्या की जो मीस्र मे हय कि दुर्दशा खे देख्यो हइ अरु उनकी आह अरु उनको रोनो सुन्यो हइ. येकालिये उनने छुड्य लिये उतार्यो हइ. अब आ, मी तोखे मीस्र मे भेज्यू
ACT 7:35 जो मूसा खे उनने यो बोलीखे नाकार्यो थो तोखे कोइ ने हम पर हाकिम अरु न्याय ठैरायो हइ? ओ खे परमेश्वर ने हाकिम अरु छुडानआलो ठैर्यखे , उ स्वर्गदूत का वजेसे जेने ओखे झाडि मे दर्शन दियो थो, भेज्यो.
ACT 7:36 यो इन्सान मीस्र देस अरु लाल समुंदर अरु जंगल मे चालीस साल तक अदभुत काम अरु चिन्ह दिख्य देखीखे उनखे नीकाली लायो.
ACT 7:37 यो उ मूसा हइ, जेने इस्त्राएलिहोन से बोल्यो, परमेश्वर तुम्हारा भैइहोन मे से तुम्हारा लिये मरा जसो एक भविष्यव्दक्ता उठाये.
ACT 7:38 यो उ हइ, जेने जंगल मे मंडली का बीच उ स्वर्गदूत का साथ सीनै टेकडा पर ओकासे बातहोन करी अरु हमारा बापदादाहोन का साथ थो, ओ खे जिन्दो वचन मील्यो कि हम तक पहुचायो.
ACT 7:39 पन हमारा बापदादाहोन ने ओकी माननो नी चायो, क्युकी ओखे हटैखे अपनो मन मीस्र की तरफ फेर्यो.
ACT 7:40 अरु हारुन से बोल्यो, हमारा लिये असो देवतो बना जो हमारा आगे-आगे चल्ये. क्युकि यो मूसा जो हम खे मीस्र देस से नीकाली लायो, हम नी जाने ओखे का हुयो?
ACT 7:41 उ दिनहोन मे उनने एक बच्चो बनी खे ओकी मुरती का आगे बलि चड्यैइ, अरु अपना हाथहोन का कामहोन मे मगन होन लग्यो.
ACT 7:42 आखरी परमेश्वर ने मुडो मोडिखे उनखे छोडी दियो कि आकाश-गन खे पूज्ये, जसो भविष्य-व्दक्ताहोन की किताब मे लिख्यो हइ, हे इस्राएल का घराना, का तुम जंसगल मे चालीस साल तक जनवर कि बलि अरु अनाज बलि मेखे चडाता र्‍हिये.
ACT 7:43 तुम मोलेक का झोपडि अरु रिफान देवता का तारा का लिये फिरता था, मंनजे उन मूर्तीहोन खे जेने तुम ने प्रणाम करण का लिये बनायो थो. आखरी मे तुमखे बेबीलोन का पार ली जैइ खे बसायु.
ACT 7:44 गवा की झोपडि जंगल मे हमारा बापदादाहोन का बीच मे थी, जसो ओने ठैरायो जेने मूसा से बोल्यो.
ACT 7:45 ओखे झोपडि खे हमारा बापदादाहोन जुन्नो जमाना से परई खे यहोशू का साथ ह्या लि आया जो टेम मे कि उनने उन गैरयहूदीहोन पर अधिकार पायो जेने परमेश्वर ने हमारा बापदादाहोन का सामने से नीकाली दियो, अरु वा झोपडि दाउद का टेम मे तक र्‍हिये.
ACT 7:46 ओका पर परमेश्वर ने अनुग्रह कर्यो. आखरी ओने प्रार्थना करी कि उ याकूब को परमेश्वर का लिये जगा बनानु.
ACT 7:47 पन सुलैमान ने ओका लिये घर बनायो.
ACT 7:48 पन परम प्रधान हात का बनाया घरहोन मे नी र्‍हे, जसो कि भविष्यव्दक्ता ने बोल्यो
ACT 7:49 प्रभु बोलस हइ स्वर्ग मरी राजगद्दी अरु पृथ्वी मरा पाय का नीच्चे की पीडि हइ, मरा लिये तुम कोइ प्रकार को घर बनाये? अरु मरी अराम की कोन सी जगा हुये?
ACT 7:50 का ये सब चिजहोन मरा हाथ की बनइ नी?
ACT 7:51 हे हठेला, अरु मन अरु कान का खतनारहित दुन्या खे तुम हमेशा पवित्र आत्मा का विरोध करस हइ. जसो तुम्हारा बापदादाहोन करता था, ओसो ही तुम भी करस हइ.
ACT 7:52 भविष्य-व्दक्ताहोन मे से कोइ खे तुम्हारा बापदादाहोन ने नी सतायो? उनने उ धर्मी का आगमन का जुन्नो जमाना से सन्देश देनआला खे मारी डाल्यो. अरु अब तुम भी ओखे पकडानआला अरु मारी डालनाला हुये.
ACT 7:53 तुम ने स्वर्गदूत का वजेसे ठैराइ हुइ व्यवस्था खे पाइ, पन ओको पालन नी कर्यो.
ACT 7:54 या बात सुनीखे वे जली गया अरु ओका पर दात पीसन लग्या.
ACT 7:55 पन ओने पवित्र आत्मा से परिपूर्ण हुइखे स्वर्ग कि तरफ देख्यो अरु परमेश्वर की महिमा खे अरु यीशु खे परमेश्वर का जवना तरफ खडो हुयो देख्यो .
ACT 7:56 देखनु मी स्वर्ग खे खुल्यो हुयो, अरु इन्सान का बेटा खे परमेश्वर का जवना तरफ खडो हुयो देखुस हइ.
ACT 7:57 तब उनने बडो बोल से चिल्लय खे कान बन्द करी लिया अरु एक साथ ओ पर झपट्या,
ACT 7:58 अरु उ नगर का बाहेर नीकलीखे ओ पर पथराव करण लग्या. गवा ने अपना कपडा शाउल नामको एक जवान का पायहोन का पास उतारी खे रखी दियो.
ACT 7:59 वे स्तिफनुस पर पथराव करता र्‍हिया, अरु उ यो बोलीखे प्रार्थना करतो र्‍हिये, “हे प्रभु यीशु मरी आत्मा खे अपनइ ले.
ACT 7:60 फिर घुटना टेकिखे उचो बोल से पुकारनु, हे प्रभु यो पाप उन पर मत लगानु.” अरु यो बोलीखे उ सोइ गयो.
ACT 8:1 शाउल उ दिन यरुशलेम की मंडली पर बडो उपद्रव सुरवात हुयो अरु प्रेरितहोन खे छोड सब का सब यहूदीया अरु सामरिया देशहोन मे तितर बितर हुइ गा.
ACT 8:2 कुछ भक्तहोन ने स्तिफनुस खे कब्र मे रख्यो अरु ओका लिये बडो विलाप कर्यो.
ACT 8:3 शाउल मंडली खे उजाडी रो थो. अरु घर घर घुसीखे अदमी अरु बयहोन खे घिसी खे बन्दीगृह मे डालतो थो.
ACT 8:4 जो तितर बितर हुया था, वे सुसमाचार सुनता हुया फिर्या.
ACT 8:5 अरु फिलिप्पुस सामरिया नगर मे जैखे दुन्या मे मसीह को प्रचार करण लग्यो.
ACT 8:6 जो बातहोन फिलिप्पुस ने बोली वे दुन्या ने सुनीखे अरु जो चिन्ह उ दिखातो थो उनके देखी देखी खे एक चित्त हुइ खे मन लगायो.
ACT 8:7 क्युकि खुप मे से बुरी आत्माहोन बडा बोल से चिल्लाते हुयो नीकली गयो, अरु खुप सा लखवा रोगी अरु लगडा भी अच्छो कर्‍यो गयो.
ACT 8:8 अरु उ नगर मे खुशी छै गइ.
ACT 8:9 येका से पैयले उ नगर मे शमौन नाम को एक इन्सान थो, जो जादू टोना करी खे सामरिया का दुन्या खे चकित करतो अरु अपना खुद खे एक बडो इन्सान बतातो थो.
ACT 8:10 छोटा से बडा तक सब ओको सम्मान करणु बोलतो थो, “यो इन्सान परमेश्वर की वा शक्ति हइ ‘जो महान बोल्यो जास हइ.’”
ACT 8:11 ओने भोत दिन से उनका अपना जादू का काम होन से चकित करतो थो. येका लिये वे ओखे भोत मानता था.
ACT 8:12 पन जब उनने फिलिप्पुस को विश्वास कर्यो जो परमेश्वर को राज्य अरु यीशु मसीह का नाम को सुसमाचार सुनातो थो ते दुन्या, का अदमी, का बय, बपतिस्मा लेन लग्या.
ACT 8:13 तब शमौन ने खुद भी विश्वास कर्यो अरु बपतिस्मा लिखे फिलिप्पुस का साथ र्‍हेन लग्यो. उ चिन्ह अरु बडो सामर्थ्य को काम होता देखी खे चकित होतो थो.
ACT 8:14 जब प्रेरितहोन ने जो यरुशलेम मे थो, सुन्यो कि सामरियाहोन ने परमेश्वर को वचन मानी लियो हइ ते पतरस अरु यहून्ना को ओका पास भेज्यो.
ACT 8:15 उनने जयखे उनका लिये प्रार्थना करी कि पवित्र आत्मा पाये.
ACT 8:16 क्युकि उ अब तक उनमे से कोय पर नी उतर्यो थो. उनने ते फक्त प्रभु यीशु का नाम मे बपतिस्मा लियो थो.
ACT 8:17 तब उनने उन पर हाथ रख्यो अरु उनने पवित्र आत्मा पायो.
ACT 8:18 जब शमौन ने देख्यो कि प्रेरितहोन का हाथ रखना से पवित्र आत्मा दियो जास हइ ते उनका पास रुप्या लयखे बोल्यो.
ACT 8:19 यो अधिकार मेखे भी दे, कि जो कोय पर हाथ रख्यु उ पवित्र आत्मा पाये.
ACT 8:20 पतरस ने ओकासे बोल्यो, तरा रुप्या तरा साथ खत्म हुये क्युकि तो ने परमेश्वर को दान रुप्या से मोल लेन को बिचार कर्यो.
ACT 8:21 या बात मे नी तरा हिस्सो हइ नी भाग क्युकि तरो मन परमेश्वर का आगे सीधो नी.
ACT 8:22 येका लिये अपनी या बुराइ से मन फिरानु प्रभु से प्रार्थना करणु ,सम्भव हइ तरो मन को बिचार माफ कर्यो जाये.
ACT 8:23 क्युकि मी देखुस हइ कि तु पित्त की सी कडुपन अरु अधर्म का बन्धन मे पड्यो हइ.
ACT 8:24 शमौन ने जवाब दियो, “तुम मरा लिये प्रभु से प्रार्थना करणु कि जो बातहोन तुम ने बोली, उनमे से कोय मरा पर नी अय पड्या.”
ACT 8:25 आखरी वे गवा दियेका अरु प्रभु को वचन सुनीखे यरुशलेम खे लौटी गया अरु सामरीहोन को भोत सा गावहोन मे सुसमाचार सुनाता गया.
ACT 8:26 फिर प्रभु को एक स्वर्गदूत ने फिलिप्पुस से बोल्यो “उट अरु दक्षिन दिशा का तरफ उ मार्ग पर जा जो यरुशलेम से गाजा खे जास हइ.”
ACT 8:27 उ उठी खे चली दियो, अरु देखनु कि कूश देश को एक इन्सान अय र्‍हो थो जो खोजा अरु कूशियहोन की रानी कन्दाका, को अधिकारी अरु खजाची थो. उ आराधना करण खे यरुशलेम आयो थो.
ACT 8:28 उ अपना रथ पर बठौ हुयो थो, अरु यशायाह भविष्यव्दक्ता की किताब पडते हुयो वापीस जै रो थो.
ACT 8:29 तब आत्मा ने फिलिप्पुस ने बोल्यो का पास “जैइखे या रथ का साथ हुइ ले.”
ACT 8:30 फिलिप्पुस ओका तरफ दौड्यो अरु ओका यशायाह भविष्यव्दक्ता की किताब पडता हुया सुन्यो, अरु पूछ्यो, “तू जो पडी र्‍हो हइ, ओखे समझय भी हइ?”
ACT 8:31 ओने बोल्यो, “जब तक कोय मेखे नी समझाये ते मी कसो समझ्यु?” अरु ओने फिलिप्पुस से प्रार्थना करी कि व्हा चेडी खे ओका पास बठ्यो.
ACT 8:32 पवित्रशास्त्र को जो अध्याय उ पडी र्‍हो थो, उ यो थो उ मेडा का जसो खुन होन खे पहुचायो गयो, अरु जसो मेडो अपना वे कतरन आला को जसो चुपचाप र्‍हेस हइ, वसो ही ओने भी अपना मुडो नी खोल्यो.
ACT 8:33 ओका दीनता मे ओको न्याय नी हुइ पायो. ओका टेम मे दुन्या को वर्णन कोन कर्ये? क्युकि पृथ्वी से ओको जान उठैइ लियो जास हइ.
ACT 8:34 ये पर खोजा ने फिलिप्पुस से पुछ्यो, “मी तरा से प्रार्थना करुस हइ यो बता कि भविष्यव्दक्ता यो बारे मे बोलस हइ, अपना या कोय दुसरा का बारे मे?”
ACT 8:35 तब फिलिप्पुस ने अपनो मुडो खोल्यो, अरु या शास्त्र से सुरवात करीखे ओका यीशु को सुसमाचार सुनायो.
ACT 8:36 रस्ता मे चलते चलते वे कोय पाणी का जगा पहुच्या. तब ढुडन बोल्यो, “देख ह्या पाणी हइ, अब मेखे बपतिस्मा लेना मे कान रोखस हइ.”
ACT 8:37 फिलिप्पुस ने बोल्यो, अगर तू पुरा मन से से विश्वास करस हइ ते लि सकस हइ ओने जवाब दियो, “मी विश्वास करुस हइ कि यीशु मसीह परमेश्वर को बेटो हइ.”
ACT 8:38 तब ओने रथ खडो करण की आज्ञा दी, अरु फिलिप्पुस अरु खोजा दो पाणी मे उतर गया, अरु ओने खोजा खे बपतिस्मा दियो.
ACT 8:39 जब वे पाणी मे से नीकली खे उपर आया, ते प्रभु कि आत्मा फिलिप्पुस खे उठै लि गयो, अरु खोजा ने ओखे फिर नी देख्यो, अरु उ आनन्द करता हुया अपना रस्ता पर चली गयो.
ACT 8:40 फिलिप्पुस अशदोद मे अय नीकल्यो, अरु जब तक कैसरिया मे नी पउच्यो, तब तक नगर नगर सुसमाचार सुनातो गयो.
ACT 9:1 शाउल जो अब तक प्रभु का चेलाहोन खे धमकानो अरु घात करण की धुन मे थो, महायाजक का पास गयो.
ACT 9:2 अरु ओकासे दमीश्क का आराधनालयहोन का नाम पर या अभिप्राय की चिटिहोन मागी कि, का अदमी, का बय, जेने उ या पथ पर पाये उनका बाधीखे यरुशलेम ली आया.
ACT 9:3 पन चलता चलता जब उ दमीश्क का पास पहुच्या, ते एक-एक बद्दल से ओका चारो तरफ ज्योति चमकी.
ACT 9:4 अरु उ जमीन पर गिरी पड्यो अरु यो अवाज सुनी, हे शाउल, हे शाउल, तु मेखे क्यु सतास हइ?
ACT 9:5 “ओने पूछ्यो,” हे प्रभु तू कोन हइ? ओने बोल्यो, “मी यीशु हइ,” जेखे तू सतास हइ.
ACT 9:6 “पन अब उठीखे नगर मे जा, अरु जो तोखे करणो हइ उ तरा से बोल्‍या जाये.”
ACT 9:7 जो इन्सान ओका साथ थो, वे अवाक्य र्‍हि गयो क्युकि बोल ते सुनता था पन कोय, देखतो नी थो.
ACT 9:8 तब शाउल जमीन पर से उठौ, पन जब आखहोन खोल्या ते ओखे कुछ दिखइ नी दियो, अरु वे ओका हाथ पकडी खे दमीश्क मे लि गया.
ACT 9:9 उ तीन दिन तक देखी नी सक्यो, अरु नी खायो अरु नी पीयो.
ACT 9:10 दमीश्क मे हनन्याह नाम को एक चेलो थो का ओकासे प्रभु ने दर्शन मे बोल्यो, हे हनन्याह ओने बोल्यो, का “हा प्रभु.”
ACT 9:11 तब प्रभु ने ओकासे बोल्यो उठीखे , “वा गल्ली मे जा जो सीधी बोलीजास हइ, अरु यहूदा का घर मे शाउल नाम को एक तरसुस वासी खे पूछ्यो. देख उ प्रार्थना करी र्‍हो हइ.
ACT 9:12 अरु ओने हनन्याह नाम को एक इन्सान का अंदर आते अरु अपना उपर हाथ रखता देख्यो हइ. ताकि फिर से नजर पाये.”
ACT 9:13 हनन्याह ने जवाब दियो, “ हे प्रभु मे ने यो इन्सान का बारे मे भोत सो सुन्यो हइ कि येने यरुशलेम मे तरा पवित्र दुन्या का साथ बडी बुराइहोन करी हइ.
ACT 9:14 अरु ह्या भी येका प्रधान याजकहोन का तरफ से अधिकार मील्यो हइ कि जो दुन्या तरो नाम लेस हइ, उन सब खे बाधी ले.”
ACT 9:15 पन प्रभु ने ओकासे बोल्यो, तू चली जा. क्युकि उ ते गैरयहूदिहोन अरु राजाहोन अरु इस्त्राएलिहोन का सामने मरो नाम प्रगट करन का लिये मरो चुन्यो हुयो पात्र हइ.
ACT 9:16 अरु मी ओखे बतायु कि मरा नाम का लिये ओखे कसो कसो दुख उठानु पड्ये.
ACT 9:17 तब हनन्याह उठीखे उ घर मे गयो, अरु ओका पर अपनो हाथ रखी खे बोल्यो हे भैइ शाउल प्रभु मंनजे यीशु जो उ रस्ता मे जेका से तू आयो तोखे दिखइ दियो थो, ओ ने मेखे भेज्यो हइ कि तू फिर नजर पाये अरु पवित्र आत्मा से परिपूर्ण हुइ जाये.
ACT 9:18 अरु जल्दी ओकी आखहोन से छिलका से गिर्या अरु उ देखन लग्यो, अरु उठीखे बपतिस्मा लियो.
ACT 9:19 फिर भोजन करीखे बल पायो. उ कइ दिन वे चेलाहोन का साथ र्‍हियो जो दमीश्क मे थो.
ACT 9:20 अरु उ जल्दी आराधनालयहोन मे यीशु को प्रचार करण लग्या कि उ परमेश्वर को बेटो हइ.
ACT 9:21 सब सुननआला चकित हुइ खे बोलन लग्या, का योही उ इन्सान नी हइ जो यरुशलेम मे उनका जो यो नाम खे लेता था, खत्म करता था. अरु ह्या भी येका लिये आयो थो कि उनका बाधी खे प्रधान याजकहोन का पास लि जाये?
ACT 9:22 पन शाउल अरु भी सामर्थी होतो गयो, अरु या बात को प्रमाण दि दि, कि मसीह योही हइ, दमीश्क का र्‍हेनआला यहूदीयाहोन को मुडो बन्द करतो र्‍हियो.
ACT 9:23 जब भोत दिन बीती गया ते यहूदीयाहोन ने मीलिखे ओका मारी डालन को षड्यन्त्र रच्यो.
ACT 9:24 पन उनको षड्यन्त्र शाउल खे मालुम हुइ गयो. वे तो ओखे मारी डाल्यो का लिये रात दिन फाटकहोन पर घात मे लग्या र्‍हेता था.
ACT 9:25 पन रात खे ओका चेलाहोन ने ओखे टोपला मे बठाड्यो, अरु शहर दिवाल छेद मे से लटकि खे उतारी दियो.
ACT 9:26 यरुशलेम मे पहुची खे ओने चेलाहोन का साथ मीली जान को कोशिश कर्यो. पन सब ओकासे डरता था, क्युकि उनका विश्वास नी होतो थो, कि उ भी चेलो हइ.
ACT 9:27 पन बरनबास ने ओका अपना साथ प्रेरितहोन का पास लि जैइ खे उनखे बतायो कि येने कोय रीति से मार्ग मे प्रभु खे देख्यो, अरु ओने येका से बातहोन करी. फिर दमीश्क मे येने कसो हिम्मत से यीशु का नाम से प्रचार कर्यो.
ACT 9:28 उ प्रभु उनका साथ यरुशलेम मे आता जाते र्‍हियो
ACT 9:29 अरु नी धडक हुइ खे प्रभु का नाम से प्रचार करतो थो. अरु यूनानी भाषा बोलनआला यहूदीयाहोन का साथ बातचित वाद विवाद करतो थो. पन वे ओखे मारी डालन कि कोशिश करण लग्या.
ACT 9:30 यो जानीखे भैइ ओखे कैसरिया लि आयो, अरु तरसुस खे भेजी दियो.
ACT 9:31 यो प्रकार पुरा यहूदीया, अरु गलील, अरु सामरिया मे मंडली खे चैन मील्यो, अरु ओकी उन्नती होती गइ. अरु उ प्रभु को डर अरु पवित्र आत्मा की शांती मे चलती अरु बडती गइ.
ACT 9:32 फिर असो हुयो कि पतरस हर जगा फिरतो हुयो, उन पवित्र दुन्या का पास भी पहुच्या जो लुद्दा मे र्‍हेता था.
ACT 9:33 वहा ओका एनीयास नाम को लखवा को रोगी एक इन्सान मील्यो, जो आठ साल से खटिया पर पड्यो थो.
ACT 9:34 पतरस ने ओकासे बोल्यो, “ हे एनीयास! यीशु मसीह तोखे अच्छो करस हइ. उट अपनो बिछानो बिछा.” तब उ जल्दी उठी खडो हुयो.
ACT 9:35 तब लुद्दा अरु शारोन को सब र्‍हेनआला ओका देखी खे प्रभु की तरफ फिर्या.
ACT 9:36 याफा मे तबीता मंनजे दोरकास नाम की एक विश्वासिनी र्‍हेती थी. वाभोत सा अच्छो अच्छो काम अरु दान कर्या करती थी.
ACT 9:37 उ दिनहोन मे वा बीमार हुइ खे मरी गइ. अरु उनने ओको आंग धोलय खे अटारी पर रखी दियो.
ACT 9:38 येका लिये कि लुद्दा याफा का पास थो, चेलाहोन ने यो सुनी खे कि पतरस वहा हइ, दो इन्सान भेजी खे ओका से प्रार्थना करी खे हमारा पास आना मे देर नी करणु.
ACT 9:39 तब पतरस उठी खे उनका साथ हय लियो, अरु जब उ पहुच्यो ते वे ओका उ अटारी पर लि गया. सब विधवाहोन रोती हुइ ओका पास अय खडी हुइ अरु जो कुर्ता अरु कपडा दोरकास ने उनका साथ र्‍हेता हुया बनायो थो, दिखान लगी.
ACT 9:40 तब पतरस ने सब खे बाहेर करी दियो, अरु घुटना टेकीखे प्रार्थना करी अरु लास का तरफ देखी, बोल्यो, “ हे तबीता, उट” तब ओने अपनी आखहोन खोली दी. अरु पतरस खे देखीखे उठ बठी.
ACT 9:41 ओने हाथ दिखे ओखे उठाय खे अरु पवित्र दुन्या अरु विधवाहोन खे बुलैइ खे ओखे जिन्दो दिखइ दियो.
ACT 9:42 या बात पुरा याफा मे फैली गइ. अरु भोतझन ने प्रभु पर विश्वास कर्यो.
ACT 9:43 अरु पतरस याफा मे शमौन नामको कोय चामडा को धंदो करणआला का ह्या भोत दिन तक र्‍हियो.
ACT 10:1 कैसरिया मे कुरनेलियुस नाम को एक इन्सान थो, जो इतालियानी नामको पलटन को सुबेदार थो.
ACT 10:2 उ भक्त थो, अरु अपना पुरा घराना समेत परमेश्वर से डरतो थो, अरु यहूदी दुन्या खे भोत दान देतो, अरु बराबर परमेश्वर से प्रार्थना करतो थो.
ACT 10:3 ओने दिन का तीसरा पार का पास दर्शन मे स्पष्ट रुप से देख्यो कि परमेश्वर को एक स्वर्गदूत ओका पास अंदर अयखे बोल्यो हइ “हे कुरनेलियुस”
ACT 10:4 ओने ओखे ध्यान से देख्यो अरु डरीखे बोल्यो, “ हे प्रभु का हइ?” ओने ओकासे बोल्यो, “तरी प्रार्थना अरु तरो दान याद का लिये परमेश्वर का सामने पहुच्यो हइ.
ACT 10:5 अरु सब याफा मे इन्सान भेजी खे शमौन खे जो पतरस कैलातो हइ, बुलय ले.
ACT 10:6 उ शमौन, चामडा को धंदो करणआला का ह्या मीजवान हइ, जोको घर समुंदर का किनारा हइ.”
ACT 10:7 जब उ स्वर्गदूत जेने ओकासे बातहोन करी थी चली गयो, ते ओने दो सेवक, अरु जो ओका पास हाजिर र्‍हियो करतो थो उनमे से एक भक्त सिपइ खे बुलायो.
ACT 10:8 अरु उनखे सब बातहोन बतयखे याफा खे भेज्यो.
ACT 10:9 दूसरा दिन जब वे चलते चलते नगर का पास पहुच्या, ते धुपार का पास पतरस छपर पर प्रार्थना करण चड्यो.
ACT 10:10 ओखे भुक लगी अरु कुछ खानो चातो थो, पन जब वे तैयारी करी र्‍हा था ते उ बेसुध हुइ गयो.
ACT 10:11 अरु ओने देख्यो, कि बद्दल खुली गयो. अरु एक पात्र बडि चद्दर का जसो चारी कोना से लटकातो हुयो, पृथ्वी की तरफ उतरी र्‍हो हइ.
ACT 10:12 जे मे पृथ्वी का सब प्रकार का चारपाय अरु रेंगनआला जन्तु अरु बद्दल का पक्षि था.
ACT 10:13 ओखे एक असो बोल सुनइ दियो “हे पतरस उठ मार अरु खा,”
ACT 10:14 पन पतरस ने बोल्यो, “नी प्रभु कभी भी नी क्युकि मेने कभी कोय अपवित्र या अच्छो चिज नी खे हइ.”
ACT 10:15 फिर दूसरी बार ओको बोल सुनइ दियो, जो कुछ परमेश्वर ने अच्छो ठैरायो हइ, ओखे तु अच्छो मत बोल.
ACT 10:16 तीन बार असो ही हुयो. तब जल्दी उ पात्र बद्दल पर उठै लियो गयो.
ACT 10:17 जब पतरस अपना मन मे दुविधा मे थो, कि यो दर्शन जो मे ने देख्यो उ का हुइ सकस हइ, ते देखनु, वे इन्सान जिनखे कुरनेलियुस ने भेज्यो थो, उ शमौन का घर को पतो लगइखे दरवाजा पर अयखे खडा हुया.
ACT 10:18 अरु पुकारी खे पूछन लग्या, का शमौन जो पतरस कैलातो हइ, योही मीजवान हइ?
ACT 10:19 पतरस ते उ दर्शन पर सोची ही र्‍हो थो, कि आत्मा ने ओकासे बोल्यो, “देखनु, तीन इन्सान तरी खोज मे हइ.
ACT 10:20 आखरी उठी खे नीचे जा, अरु नी. संकोच उनका साथ ही ले क्युकि मे ने ही उनखे भेज्यो हइ.”
ACT 10:21 तब पतरस ने उतरीखे उ इन्सान से बोल्यो, देख्यो, जोकी खोज तुम करी र्‍हो हइ, उ मी ही हइ. तुमारा आना को का कारण हइ?
ACT 10:22 उनने बोल्यो, “कुरनेलियुस सुबेदार जो धर्मी अरु परमेश्वर से डरन आलो अरु पुरी यहूदी जात मे सुनाम इन्सान हइ, ओने एक पवित्र स्वर्गदूत से यो नीर्देश पायो हइ कि तोखे अपना घर बुलैइ खे तरा से वचन सुन्ये.”
ACT 10:23 तब ओने उनने अंदर बुलायो उनकी मीजवानी करी. दूसरा दिन उ उनका साथ गयो, अरु याफा का भैइहोन मे से कुछ ओका साथ गया.
ACT 10:24 दूसरा दिन वे कैसरिया पहुच्या, अरु कुरनेलियुस उनकी रस्ता दिखी र्‍हो थो.
ACT 10:25 जब पतरस अंदर अय र्‍हो थो, ते कुरनेलियुस ने ओकासे दान करी खे अरु पायहोन पर गिरी खे ओखे प्रणाम कर्यो.
ACT 10:26 पन पतरस ने ओखे उठयखे बोल्यो, “खडो हो, मी भी तो इन्सान हइ.”
ACT 10:27 अरु ओका साथ बातचीत करता हुया अंदर गया, अरु भोत सा दुन्या खे एकजगा देखीखे
ACT 10:28 उनसे बोल्यो, तुम जानस हइ कि गैरयहूदी की संगत करणो या ओका साथ ह्या जानो यहूदीहोन का लिये अधर्म हइ, पन परमेश्वर ने मेखे बतायो हइ कि कोय इन्सान खे अपवित्र या अच्छो नी बोल्यु.
ACT 10:29 येका लिये मी जब बुलायो गयो ते बिना कुछ बोले चली आयो. अब मी पूछुस हइ कि मेखे कोय काम का लिये बुलायो गयो?
ACT 10:30 हे कुरनेलियुस ने बोल्यो, या घडि खे पूरा चार दिन हुया, मी अपना घर मे तीसरा पार प्रार्थना करी र्‍हो थो. ते देख्यो, एक अदमी चमकीलो कपडा पेन्या हुयो, मरा सामने अय खडो हुयो.
ACT 10:31 अरु बोलन लग्या, हे कुरनेलियुस, तरी प्रार्थना सुनी ली गइ हइ अरु तरो दान परमेश्वर का सामने याद कर्यो गयो हइ.
ACT 10:32 येकालिये कोय खे याफा भेजीखे शमौन खे जो पतरस कैलातो हइ , बुला. उ समुंदर का किनारा शमौन, चामडा को धंदो करणआला का घर मे मीजवान हइ.
ACT 10:33 तब मे ने जल्दी तरा पास दुन्या भेज्ये, अरु तो ने भलो कर्यो जो अय गयो. अब हम सब ह्या परमेश्वर का सामने हइ , ताकि जो कुछ परमेश्वर ने तरा से बोल्यो हइ ओखे सुन्ये.
ACT 10:34 तब पतरस ने बोल्यो, “अब मेखे नीश्चय हुयो कि परमेश्वर कोय को पक्ष नी कर्ये.
ACT 10:35 क्युकी हर जात मे जो ओखे डरतो अरु धर्म को काम करस हइ, उ ओखे भास हइ.
ACT 10:36 जो वचन ओने इस्त्राएलिहोन का पास भेज्यो, जब ओने यीशु मसीह का वजेसे जो सब को प्रभु हइ शांती को सुसमाचार सुनायो.
ACT 10:37 उ वचन तुम जानस हइ जो यहून्ना को बपतिस्मा को प्रचार का बाद गलील से सुरवात हुइखे पुरा यहूदीया मे फैली गयो.
ACT 10:38 परमेश्वर ने कोय रीति से यीशु नासरी खे पवित्र आत्मा अरु सामर्थ्य से अभिषेक कर्यो, उ भलाइ करस अरु सब खे जो सैतान का सताया हुया था अच्छो करतो फिर्यो,क्युकि परमेश्वर ओका साथ थो.
ACT 10:39 हम उन कामहोन को गवा हइ. जो ओने यहूदी को देश अरु यरुशलेम मे भी कर्यो, अरु उनने ओखे काठ पर लटकय खे मारी डाल्यो.
ACT 10:40 ओखे परमेश्वर ने तीसरा दिन जिन्दो, अरु प्रगट भी करी दियो हइ.
ACT 10:41 सब दुन्या पर नी क्युकी उन गवाहोन पर जिन्हे परमेश्वर ने पैयले से चुनी लियो थो, मंनजे हम पर जेने ओका मर्या हुया मे से जिन्दो उठना का बाद ओका साथ खायो पीयो.
ACT 10:42 अरु ओने हमखे आज्ञा दी कि दुन्या मे प्रचार कर अरु गवय दे, कि यो उ हइ जोख परमेश्वर ने जिन्दो अरु मर्या हुयो को न्याय ठैरायो हइ.
ACT 10:43 ओका सब भविष्यव्दक्ता गवय देस हइ कि जो कोय ओ पर विश्वास कर्ये, ओखे ओका नाम का वजेसे पापहोन की माफी मील्ये.”
ACT 10:44 पतरस या बातहोन बोली ही र्‍हो थो कि पवित्र आत्मा वचन खे सब सुननआला पर उतरी आयो.
ACT 10:45 अरु जित्ता खतनो कर्या हुया विश्वासी पतरस का साथ आया था, वे सब चकित हुया कि गैरयहूदीहोन पर भी पवित्र आत्मा को दान दियो गयो हइ.
ACT 10:46 क्युकि उनने उनखे भाती भाती कि भाषा बोलता अरु परमेश्वर की बडाइ करता सुन्यो. ये पर पतरस ने बोल्यो.
ACT 10:47 का कोय पाणी की रोक खे सकस हइ कि यो बपतिस्मा नी पाये जेने हमारा समान पवित्र आत्मा पायो हइ?
ACT 10:48 अरु ओने आज्ञा दी कि उनने यीशु मसीह का नाम मे बपतिस्मा दिये जाये. तब उनने ओकासे प्रार्थना करी कि उ कुछ दिन अरु उनका साथ र्‍हिये.
ACT 11:1 फिर प्रेरितहोन अरु विश्वासी ने जो जो यहूदीया मे थो सुन्यो कि गैरयहूदिहोन ने भी परमेश्वर को वचन मानी लियो हइ.
ACT 11:2 आखरी जब पतरस यरुशलेम मे आयो, ते खतनो कर्यो हुया दुन्या ओकासे वाद विवाद करण लग्या.
ACT 11:3 “तो ने खतनारहित दुन्याहोन का ह्या जैइखे ओका साथ खायो.”
ACT 11:4 तब पतरस ने उनका सुरवात से क्रमा नुसार बोल सुनायो.
ACT 11:5 “मी याफा नगर मे प्रार्थना करी र्‍हो थो, अरु बेसुद हुइ खे एक दर्शन देख्यो कि एक बर्तन खे बडी चद्दर का समान चार कोना से लटकायो हुयो, बद्दल से उतरी खे मरा पास आयो.
ACT 11:6 जब मे ने ओ पर ध्यान कर्यो, ते ओमे पृथ्वी कि चारपाय अरु जंगल जनवर अरु रेगनआला जन्तु अरु बद्दल का पक्षि देख्यो.
ACT 11:7 अरु यो बोल भी सुन्यो, हे पतरस उट, मार अरु खा.
ACT 11:8 मे ने बोल्यो, नी प्रभु, नी क्युकि कोय अपवित्र या अशुध्द चिज मरा मुडा मे कभी नी गइ.
ACT 11:9 येको जवाब मे बद्दल से दूसरी बार बोल हुयो, जो कुछ परमेश्वर ने अच्छो ठैरायो हइ ओखे अशुध्द मत बोल.
ACT 11:10 तीन बार असो ही हुयो. तब सब कुछ फिर बद्दल पर खीची लियो गयो.
ACT 11:11 अरु देखनु, जल्दी तीन इन्सान जो कैसरिया से मरा पास भेज्यो गयो थो, उ घर पर जोमे हम था, उ अय खडा हुया.
ACT 11:12 तब आत्मा ने मरा से उनका साथ नी.सकोच होन खे बोल्यो, अरु ये छे. भैइ भी मरा साथ हुइ लिया. अरु हम उ इन्सान का घर गया.
ACT 11:13 ओने हम खे बतायो, कि ओने एक स्वर्गदूत खे अपना घर मे खडो देख्यो, जेने ओकासे बोल्यो, याफा मे इन्सान भेजी खे शमौन खे जो पतरस कैलातो हइ, बुलैइ ले.
ACT 11:14 उ तुम से असी बातहोन बोल्ये जिन का वजेसे तू अरु तरो पुरो घरानो उध्दार पाये.
ACT 11:15 जब मी बातहोन करण लग्यो, ते पवित्र आत्मा उन पर उ रीति से उतर्यो जो रीति से सुरवात मे हम पर उतर्यो थो.
ACT 11:16 तब मेखे प्रभु को उ वचन याद आयो. जो ओने बोल्यो थो, यहून्ना ने तो पाणी से बपतिस्मा दियो, पन तुम पवित्र आत्मा से बपतिस्मा पाये.
ACT 11:17 आखरी जब परमेश्वर ने उनखे भी उ दान दियो, जो हम खे प्रभु यीशु मसीह पर विश्वास करणा से मील्यो थो. ते मी कोन थो जो परमेश्वर खे रोकी सकतो?”
ACT 11:18 यो सुनीखे वे चुप र्‍हेका अरु परमेश्वर की बडाइ करी खे बोलन लग्या, तब ते परमेश्वर ने गैरयहूदिहोन खे भी जिवन का लिये मन फिराव को दान दियो हइ.
ACT 11:19 जो दुन्या उ क्लेश का माऱ्यो जो स्तिफनुस करण पड्यो थो, तितर बितर हुइ गया था, वे घुमते घुमते फीनीके अरु साइप्रस अरु अन्ताकिया मे पहुच्या. पन यहूदीयाहोन खे छोड कोय दुसरा को वचन नी सुनता था.
ACT 11:20 पन उनमे से कुछ साइप्रस वासी अरु कुरेनी था, जो अन्ताकिया मे अय खे यूनानीहोन खे भी प्रभु यीशु को सुसमाचार कि बातहोन सुनान लग्या.
ACT 11:21 प्रभु को हाथ उन पर थो, अरु भोत दुन्या विश्वास करी खे प्रभु का तरफ फिर्या.
ACT 11:22 जब उनकी बातचित यरुशलेम की मंडली खे सुनना मे आयो, ते उनने बरनबास खे अन्ताकिया भेज्यो.
ACT 11:23 उ वहा पहुची खे अरु परमेश्वर को अनुग्रह खे देखी खे खुश हुयो, अरु सब खे उपदेश दियो कि तन मन लगयखे प्रभु से लिपट्यो र्‍हियो.
ACT 11:24 उ एक अच्छो इन्सान थो, अरु पवित्र आत्मा अरु विश्वास से परिपूर्ण थो. अरु दुसरा भोत सा दुन्या प्रभु मे अय मील्या.
ACT 11:25 तब उ शाउल खे ढुडन का लिये तरसुस खे चली गयो.
ACT 11:26 जब उ ओकासे मील्यो ते ओखे अन्ताकिया लायो. अरु असो हुयो कि वे एक साल तक मंडली का साथ मीलतो अरु भोत दुन्या खे उपदेश देतो र्‍हिया. अरु चेला सब से पैयले अन्ताकिया ही मे मसीह कैलाये.
ACT 11:27 उय दो मे कइ भविष्यव्दक्ता यरुशलेम से अन्ताकिया आया.
ACT 11:28 उनमे से अगबुस नाम को एक ने खडो हुइ खे आत्मा कि प्रेरणा से या बतायो कि पुरा जगत मे बडो अकाल पड्ये उ अकाल क्लौदियुस का टेम मे पड्यो.
ACT 11:29 तब सेवक होन ने नीर्णय कर्यो कि हर एक अपनी अपनी पुंजी का जसो यहूदीया मे र्‍हेनआला भैइहोन की मदत का लिये कुछ भेजनु.
ACT 11:30 उनने असो हि कर्यो. अरु बरनबास अरु शाउल का हाथ यरुशलेम का बुजरुक का पास पुंजी भेजी दि.
ACT 12:1 उ टेम हेरोदेस राजा ने मंडली का कइ इन्सानहोन का सतान का लिये उन पर हाथ डाल्यो.
ACT 12:2 ओने यहून्ना को भैइ याकूब खे तलवार से मरी डाल्यो.
ACT 12:3 जब ओने देख्यो कि यहूदीया दुन्या येका से आनन्दित होस हइ, ते ओने पतरस खे भी पकडी लियो. वे दिन अखमीरी रोटी को दिन था.
ACT 12:4 ओने ओखे पकडी खे बन्दीगृह मे डाल्यो, अरु चार चार का चार पहरेदारहोन मे रख्यो. या बिचार से कि फसह का बाद ओका दुन्या का सामने लायो.
ACT 12:5 बन्दीगृह मे पतरस बन्द थो. पन मंडली ओका लिये लौ लगैइखे परमेश्वर से प्रार्थना करी र्‍हि थी.
ACT 12:6 जब हेरोदेस पतरस खे इन्सानहोन का सामने एक रात पहइले, दो साकल से बध्यो हुयो दो सिपैइहोन का बीच मे र्‍हियो थो. अरु दरवाजा पर बन्दीगृह की रखवाली करी र्‍हा था.
ACT 12:7 ते देखनु, प्रभु को एक स्वर्गदूत अय खडो हुयो अरु उ कोठरी मे ज्योति चमकी, अरु ओने पतरस पर हाथ मारी खे ओका जगायो अरु बोल्यो, उट जल्दी कर. अरु ओका हाथ से साकल खुली खे गिरी पडी.
ACT 12:8 तब स्वर्गदूत ने ओकसे बोल्यो, कम्मर बाध अरु अपना जूता पेनी ले. ओने वसो ही कर्यो. फिर ओने ओकासे बोल्यो, अपना कपडा पेनीखे मरा पीछे अय जा.
ACT 12:9 उ नीकली खे ओका पीछे अयगो. पन यो नी जानतो थो कि जो कुछ स्वर्गदूत करी र्‍हो हइ उ सच हइ, क्युकी यो समझ्यो कि मी दर्शन देखी र्‍हो हइ.
ACT 12:10 तब वे पैयला अरु दूसरा दुपेर से नीकली खे उ लोहा का फाटक पर पहुचा, जो नगर का तरफ हइ. उ उनका लिये आप से आप खुली गयो, अरु वे नीकली खे एक गल्ली हुइ खे गया, अरु जल्दी ही स्वर्गदूत ओका छोडी खे चली गयो.
ACT 12:11 तब पतरस ने सचेत हुइ खे बोल्यो, “अब मे ने सच जानी लियो हइ कि प्रभु ने अपनो स्वर्गदूत भेजी खे मेखे हेरोदेस का हाथ से छुड्य लियो, अरु यहूदीया होन की पुरी आस तोडी दि हइ.”
ACT 12:12 यो जानी खे उ उस यहून्ना की माय मरियम का घर आयो, जो मरकुस बोल्या जास हइ. वहा भोत सा दुन्या जमा हुइ खे प्रार्थना करी र्‍हा था.
ACT 12:13 जब ओने फाटक की खिडकी ठोकी, ते रुदे नाम की एक दासी देखन अय
ACT 12:14 पतरस को बोल पैछानी खे ओने खुशी का मारे फाटक नी खोल्यो, पन दौडी खे अंदर गइ अरु बतायो कि पतरस दरवाजा पर खडो हइ.
ACT 12:15 उनने ओकासे बोल्यो, तू पागल हइ. पन वा दृढता से बोली कि असो हि हइ. तब उनने बोल्यो कि ओको स्वर्गदूत हुये.
ACT 12:16 पन पतरस खटखटातो ही र्‍हियो. आखरी उनने खिडकी खोली अरु ओखे देखी खे चकित र्‍हि गया.
ACT 12:17 तब ओने उनका हाथ से हुशार करीयो कि चुप र्‍हे. अरु उनखे बतायो कि प्रभु कोय रीति से ओखे बन्दीगृह से नीकाली लायो हइ. फिर बोल्यो, “याकूब अरु भैइहोन के या बात बतै देनु.” तब नीकली खे दूसरा जगा चली गयो.
ACT 12:18 फजर का सिपैइहोन मे बडी हलचल मची गइ कि पतरस को का हुयो.
ACT 12:19 जब हेरोदेस ने ओकी खोज की अरु नी पायो, ते पहरुहोन की परख्ये करी खे आज्ञा दि कि वे मारी डाल्यो जाये. अरु उ यहूदीया खे छोडी खे कैसरिया मे जै खे र्‍हेन लग्यो.
ACT 12:20 हेरोदेस सूर अरु सैदा का दुन्या से भोत थो. येका लिये वे एक चित्त हुइ खे ओका पास आया. अरु बलास्तुस को जो राजा को एक कर्मचासरी थो, मानी खे मेल करणो चायो. क्युकि राजा का देश से उनका देश को पालन पोषण होतो थो.
ACT 12:21 ठैरायो हुया दिन हेरोदेस राज कपडा परनी खे राजगद्दी पर बठौ, अरु उनको व्याख्यान देन लग्यो.
ACT 12:22 तब दुन्या पुकार उठ्यो, यो ते इन्सान को नी इश्वर को बोल हइ.
ACT 12:23 उ टेम प्रभु को एक स्वर्गदूत ने जल्दी ओखे मार्यो, क्युकि ओने परमेश्वर कि महिमा नी दी. अरु उ किडा लगी खे मरी गयो.
ACT 12:24 पन परमेश्वर को वचन बडतो अरु फैलतो गयो.
ACT 12:25 जब बरनबास अरु शाउल अपनी सेवा पूरी करी चुक्या ते यहून्ना को जो मरकुस बोल्या जास हइ, साथ ली खे यरुशलेम से लौट्यो.
ACT 13:1 अन्ताकिया कि मंडली मे कइ भविष्यव्दक्ता अरु उपदेशक था जसा बरनबास अरु शमौन जो नीगर बोलस हइ. अरु लूकियुस कुरेनी, अरु चौथाइ देश को राजो हेरोदेस को दूधभैइ मनाहेम, अरु शाउल.
ACT 13:2 जब वे उपास सहित प्रभु की उपासना करी र्‍हा था ते पवित्र आत्मा ने बोल्यो “मरा लिये बरनबास अरु शाउल खे उ काम का लिये अलग कर्यो जोका लिये मेने उनका बुलायो हइ”
ACT 13:3 जब उनने उपास अरु प्रार्थना करीखे अरु उन पर हाथ रखीखे उनका बिदा दी
ACT 13:4 अत वे पवित्र आत्मा खे भेजा हुया सिलुकिया खे गया अरु वाहा से डोगापर चडिखे साइप्रस खे चले
ACT 13:5 अरु सलमीस मीस्र मे पहुचीखे परमेश्वर को वचन यहूदीया होन खे आराधनालयो मे सुनायो यहून्ना उनका सेवक थो
ACT 13:6 वे उ सारा टापु मे होते हुया पाफुस तक पहुच्या वहा उनने बारा बार यीशु नाम को एक यहूदीया जादुगर अरु झूठा भविष्यव्दक्ता मील्यो.
ACT 13:7 उ हाकिम सिरगियुस पौलुस का साथ थो, जो बुध्दिमान अदमी थो. ओने बरनबास अरु शाउल खे अपना पास बुल्यै खे परमेश्वर को वचन सुननो चाह्यो.
ACT 13:8 पन इलीमास टोन्हे ने, क्युकि योही ओको नाम को अर्थ हइ, उनको विरोध करी खे हाकिम को विश्वास करणा से रोखनो चाह्यो.
ACT 13:9 तब शाउल ने जेको नाम पौलुस भी हइ, पवित्र आत्मा से परिपूर्ण हो ओका तरफ टकटकी लगैइ, देख्यो अरु बोल्यो.
ACT 13:10 हे पुरा दुशमन अरु सब हुशारी से भर्या हुया सैतान कि सन्तान, सब धर्म का बैरी का तु प्रभु कि सीधी रस्ताहोन खे तेडो करणो नी छोड्ये?
ACT 13:11 अब देख, प्रभु को हाथ तरा पर लग्यो हइ. अरु तू कुछ टेम तक अंधो र्‍हिये अरु सूरज खे नी देख्ये. तब तुरन्त अरु अधारो ओ पर छै गयो अरु उ इधर उधर टोटलन लग्यो ताकि कोय ओको हाथ पकडी खे ली चल्ये.
ACT 13:12 तब हाकिम ने जो हुयो थो ओखे देखी खे अरु प्रभु को उपदेश से चकित हुइ खे विश्वास कर्यो.
ACT 13:13 पौलुस अरु ओका साथी पाफुस से डोंगो खोलि खे पंफूलिया का पिरगा मे आया अरु यहून्ना उनखे छोड खे यरुशलेम का लौटी गयो.
ACT 13:14 पिरगा से आगे बडी खे वे पिसिदिया का अन्ताकिया मे पहुच्या अरु अराम का दिन आराधनालय मे जैइ खे बठी गयो.
ACT 13:15 व्यवस्था अरु भविष्यव्दक्ताहोन की किताब से पडन का बाद आराधनालय का सरदारहोन ने उनका पास बुलाओ भेज्यो, हे भैइहोन अगर दुन्या खे उपदेश का लिये तुम्हारो मन मे कोय बात हुइ ते बोलनु.
ACT 13:16 तब पौलुस ने खडो हुइ खे अरु हाथ से इसारो करी खे बोल्यो, हे इस्त्राएलिहोन, अरु परमेश्वर से डरनआला, सुन!
ACT 13:17 ये इस्त्राएली दुन्या का परमेश्वर ने हमारा बापदादाहोन खे चुनी लियो, अरु जब ये दुन्या मीस्र देस मे परदेशी हुइ खे र्‍हेता था, ते उनकी उन्नती करी. अरु बलवन्त भुजा से नीकाली लायो.
ACT 13:18 उ कोय चालीस साल तक जंगल मे उनकी सयतो से र्‍हियो.
ACT 13:19 अरु कनान देश मे सात जातीहोन खे नाश करी खे उनको देस कोय साढे चार सौ साल मे इन का मीरास मे करी दियो.
ACT 13:20 येका बाद ओने शमूएल भविष्यव्दक्ता तक उनमे न्याय ठैराये.
ACT 13:21 ओका बाद उनने एक राजो माग्यो. तब परमेश्वर ने चालीस साल का लिये बिन्यामीन का गोत्र मे से एक इन्सान. मंनजे कीश को बेटो शाउल के उन पर राजो ठैरायो.
ACT 13:22 फिर ओखे अलग करी खे दाउद खे उनको राजो बनायो. जेका बारे मे ओने गवइ दी मेखे एक इन्सान खे यिशय को बेटो दाउद, मरा मन का जसो मीली गयो हइ. उ मरी पुरी इच्छा पूरी कर्ये.
ACT 13:23 ये को कुल मे से परमेश्वर ने अपनी प्रतीज्ञा का जसो इस्राएल का पास एक उद्धारकर्ता, मंनजे यीशु खे भेज्यो.
ACT 13:24 जेका आना से पैयले यहून्ना ने सब इस्त्राएलिहोन मे मन फिराव को बपतिस्मा को प्रचार कर्यो.
ACT 13:25 जब यहून्ना अपनी सेवा पुरी करणा पर थो, ते ओने बोल्यो, तुम मेखे का समझस हुये? मी उ नी! जब देख कामरा बाद एक आनवालो हइ, जेका पाय का जुता भी मी खोलन का योग्य नी.
ACT 13:26 हे भैइ, तुम जो अब्राहम को बेटो हुये. तुम जो परमेश्वर से डरस हुये, तुमारा पास यो उध्दार को वचन भेज्यो गयो हइ.
ACT 13:27 क्युकी यरुशलेम का ऱ्हेनआला अरु उनका सरदार ने, नी ओखे पैछान्यो अरु नी भविष्यव्दक्ताहोन की बात समझी, जो हर अराम का दिन पडी जास हइ येका लिये ओका दोषी ठैर्येके या बात खे पूरी कऱ्यो.
ACT 13:28 उनने मारी डालन का योग्य कोय दोष ओमे नी पायो, तेभी पिलातुस से प्रार्थना करी कि उ मार्ये डाल्ये जाये.
ACT 13:29 जब उनने ओका बारे मे लिखी हुइ सब बातहोन पूरी करी खे ते ओखे क्रुस पर से उतारी खे कब्र मे रख्यो.
ACT 13:30 पन परमेश्वर ने ओखे मर्या हुया मे से जिन्दो.
ACT 13:31 अरु उ उनने जो ओका साथ गलील से यरुशलेम आया था, भोत दिनहोन तक दिखाइ देतो र्‍हियो.
ACT 13:32 हम तुम खे वा प्रतीज्ञ का विषय मे जो बापदादाहोन से करी गइ थी, यो सुसमाचार सुनास हइ.
ACT 13:33 कि परमेश्वर ने यीशु खे जिल्यैइ खे उ प्रतीज्ञा हमारी सन्तान का लिये पूरी करी. जसो दुसरा भजन मे भी लिख्यो हइ, आज मी तरो बाप बन्यो, तू मरो बेटो हइ.
ACT 13:34 अरु ओका या रीति से मर्या हुया मे से जिलाना का बारे मे भी कि उ कभी नी सड्ये ओने यो बोल्यो हइ, मी दाउद पर करी पवित्र अरु अटल कृपा तुम पर कर्यु.
ACT 13:35 येका लिये ओने एक अरु भजन मे भी बोल्यो हइ तू अपना पवित्र जन खे सडन नी दिये.
ACT 13:36 क्युकि दाउद तो परमेश्वर की इच्छा का जसो अपना टेम मे सेवा कर खे सोइ गयो, अरु अपना बापदादाहोन मे जै मील्यो, अरु सडी भी गयो.
ACT 13:37 पन जेखे परमेश्वर ने जिन्दो उ सडी नी पायो.
ACT 13:38 येका लिये हे भैइहोन तुम जानी ले कि मूसा का वजेसे पापहोन कि माफी को समाचार तुम खे दियो जास हइ.
ACT 13:39 अरु जो बातहोन मे तुम मूसा की व्यवस्था का वजेसे नीर्दोष नी ठैरी सकतो थो, उन्ही सब मे हर एक विश्वास करणआला ओका वजेसे नीर्दोष ठैरस हइ.
ACT 13:40 येका लिये चौकस र्‍हेनु, असो नी हुये कि जो भविष्यव्दक्ताहोन की किताब मे आयो हइ, तुम पर अय पड्ये.
ACT 13:41 हे नीन्दा करणआला देखनु, अरु चकित होनु अरु मीटी जानु. क्युकि मी तुम्हारा दिनहोन मे एक काम करुस हइ, असो काम कि अगर कोय तुम से ओकी चर्चा कर्ये, ते तुम कभी विश्वास नी कर्ये.
ACT 13:42 उनका बाहेर निकलता टेम दुन्या उनसे प्रार्थना करण लग्या कि दुसरा आराम का दिन हमके या बातहोन ओका से फिर सुनाइ जाये.
ACT 13:43 जब आराधनालय उठी गइ ते यहूदीया होन अरु यहूदीया मत मे आया हुया भक्तहोन मे से भोत सा पौलुस अरु बरनबास का पीछे हुइ गा अरु उनने उनसे बात करी खे समझायो कि परमेश्वर का अनुग्रह मे बन्या र्‍हेनु.
ACT 13:44 अगलो अराम का दिन नगर का प्राय खे सब दुन्या परमेश्वर को वचन सुनान खे जमा हुइ गया.
ACT 13:45 पन यहूदीया गर्दी खे देखी खे डाह से भरी गया, अरु नीन्दा करते हुये पौलुस की बातहोन को विरोध मे बोलन लग्या.
ACT 13:46 तब पौलुस अरु बरनबास ने नीडर हुइ, बोल्ये का जरुरी थो कि परमेश्वर को वचन पैयले तुम खे सुनायो जास पन जब तुम ओखे दूर अलग हइ, अरु अपना खे अनन्त जिवन का योग्य नी ठैरय ते देखनु हम गैरयहूदिहोन का तरफ फिरस हइ.
ACT 13:47 क्युकि प्रभु ने हम खे या आज्ञा दी हइ मे ने तोखे गैरयहूदिहोन का लिये उजालो ठैरायो हइ, ताकि तू पृथ्वी का छोर तक उध्दार का वजेसे हुये.
ACT 13:48 यो सुनी खे गैरयहूदिहोन खुश हुया अरु परमेश्वर को वचन की बड्यी करण लग्या. अरु जोत्ता अनन्त जिवन का लिये ठैरायो गयो थो, उनने विश्वास कर्यो.
ACT 13:49 तब प्रभु को वचन उ पुरा देश मे फैलन लग्यो.
ACT 13:50 पन यहूदीया होन ने भक्त अरु कुलीन बयहोन खे अरु नगर का प्रमुख दुन्या खे उसकायो, अरु पौलुस अरु बरनबास का विरुध्द उपद्रव कर्हे खे उनने अपनी सीमा से नीकाली दियो.
ACT 13:51 तब वे उनका सामने अपना पायहोन की धूल झाडि खे इकुनीयुम खे चली गया.
ACT 13:52 अरु चेला खुशी से अरु पवित्र आत्मा से परिपूर्ण होता गया.
ACT 14:1 इकुनीयुम मे असो हुयो कि वे यहूदीया होन आराधनालय प्रकार बात करी कि यहूदीयाहोन अरु यूनानीहोन दो मे से भोतझन ने विश्वास कर्यो.
ACT 14:2 पन विश्वास नी करणआला यहूदीयाहोन ने गैरयहूदिहोन का मन भैइहोन का विरोध मे उकसायो अरु कटुरता पइदा करी दी.
ACT 14:3 वे भोत दिन तक वहा र्‍हिया अरु प्रभु का भरोसा पर हिम्मत से बात करता था. अरु उ उनका हाथहोन से चिन्ह अरु अदभुत काम करी खे अपनो अनुग्रह को वचन पर गवइ देतो थो.
ACT 14:4 पन नगर का दुन्या मे फुट पडी गइ थी, उकासे कत्ता तो यहूदीयाहोन की तरफ अरु कात्ता प्रेरितहोनक का तरफ हूइ गया.
ACT 14:5 पन जब गैरयहूदिहोन अरु यहूदीया उनको अपमान अरु उन पर पथराव करण का लिये अपना सरदारहोन समेत उन पर दौड्या.
ACT 14:6 ते वे या बात जानी गया, अरु लुकाउनीया का लुस्त्रा अरु दिरबे नगरहोन मे अरु आस पास का प्रदेशहोन मे भागी गया.
ACT 14:7 अरु वहा सुसमाचार सुनान लग्या.
ACT 14:8 लुस्त्रा मे एक इन्सान बठौ थो, जो पाय को नगडो थो उ जन्म ही से लगडो थो अरु कभी नी चल्यो थो.
ACT 14:9 उ पौलुस खे बात करता सुनी र्‍हो थो. पौलुस ने ओका तरफ टकटकी लगैइ खे देख्यो कि ओखे अच्छो हुइ जान को विश्वास हइ.
ACT 14:10 अरु उचो बोल से बोल्यो, अपना पाय का बल सीधो खडो हो. तब उ उछली खे चलन फिरन लग्यो.
ACT 14:11 दुन्या ने पौलुस को यो काम देखी खे लुका उनीया की भाषा मे उचो बोल से बोल्यो देवता इन्सानहोन का रुप मे हुइ खे हमारा पास उतरी आया हइ.
ACT 14:12 उनने बरनबास खे ज्यूस अरु पौलुस खे हिरमेस बोल्यो क्युकि उ बात करणा मे मुख्य थो.
ACT 14:13 ज्यूस खे वा मदिर को पुजारी जो उनका नगर का सामने थो, बैल अरु फूलहोन को हार फाटकहोन पर लैइ खे दुन्या का साथ बलिदान करणो चाहतो थो.
ACT 14:14 पन बरनबास अरु पौलुस प्रेरितहोन जब यो सुन्यो ते अपना कपडा फाड्या अरु गर्दी मे लुकी खे अरु पुकारी खे बोलन लग्या.
ACT 14:15 हे दुन्या, तुम का करस हइ? हम भी ते तुम्हारा सामन दुख सुख भोग्या इन्सान हइ, अरु तुम खे सुसमाचार सुनास हइ कि तुम इन बेकार चिजहोन से अलग हुइ खे जीवते परमेश्वर का तरफ फिरनु, जेने स्वर्ग अरु पृथ्वी अरु समुदर अरु जो कुछ उनमे हइ बनायो.
ACT 14:16 ओने बीत्या टेमहोन मे सब जातहोन खे अपना अपना मार्गहोन मे चलन दियो.
ACT 14:17 तेभी ओने अपना आप खे बे गवाह नी छोड्यो. किन्तु उ अच्छो करता र्‍हियो, अरु स्वर्ग से बारीश अरु फलवन्त ऋतु दिके तुम्हारा मन को भोजन अरु खुशी से भरता र्‍हियो.
ACT 14:18 यो बोली खे भी उनने दुन्या खे बडी कठनाइ से रोक्यो कि उनका लिये बलिदान नी कर्ये.
ACT 14:19 पन कुछ यहूदीयाहोन ने अन्ताकिया अरु इकुनीयुम से अय खे दुन्या खे अपनी तरफ करी लियो, अरु पौलुस पर पथराव कर्यो, अरु मर्यो समझी खे ओखे नगर का बाहर घसीटी लि गया,
ACT 14:20 पर जब चेला ओका चारी तरफ अय खडा हुया ते उ उठी खे नगर मे गयो अरु दूसरा दिन बरनबास का साथ दिरबे खे चली गयो.
ACT 14:21 वे उ नगर का दुन्या को सुसमाचार सुन्ये का, अरु भोत सा चेला बन्या का लुस्त्रा अरु इकुनीयुम अरु अन्ताकिया खे लौटी आया.
ACT 14:22 अरु चेलाहोन का मन खे स्थिर करता र्‍हेनु अरु यो उपदेश देता था कि विश्वास मे बन्या र्‍हेनु. अरु यो बोलता था हम बडा क्लेश उठैइ खे परमेश्वर का राज्य मे प्रवेश करण खे होनु.
ACT 14:23 अरु उनने हर एक मंडली मे उनका लिये बुजरुक ठैरो, अरु उपास सहित प्रार्थना करी खे उनने प्रभु का हाथ सोप्यो जो पर उनने विश्वास कर्यो थो
ACT 14:24 तब पिसिदिया से होता हुये वे पंफूलिया पहुच्या;
ACT 14:25 फिर पिरगा मे वचन सुन्ये का अत्तलिया मे आया.
ACT 14:26 अरु वहा से वे डोंगा पर अन्ताकिया गया, जहा वे उ काम का लिये जो उनने पूरो कर्यो थो परमेश्वर का अनुग्रह मे सौप्या गया था.
ACT 14:27 वहा पहुची खे उनने मंडली जमा करी अरु बतायो कि परमेश्वर ने उनका साथ हुइ खे कसा बडा बडा काम कर्या अरु गैरयहूदिहोन का लिये विश्वास को दरवाजो खोली दियो.
ACT 14:28 अरु वे चेलाहोन का साथ भोत दिन तक र्‍हिया.
ACT 15:1 फिर कुछ दुन्या यहूदीया से अयखे विश्वासी सीखान लग्या “अगर मूसा कि व्यवस्था पर तुम्हारो खतनो नी होतो तुम उध्दार नी परई सक्ये.”
ACT 15:2 जब पौलुस अरु बरनबास को उनसे भोत वाद विवाद अरु वाद विवाद हुयो ते यो ठैरायो गयो कि पौलुस अरु बरनबास अरु उनमे से कुछ इन्सान या बात का बारे मे प्रेरितहोन अरु बुजरुक का पास यरुशलेम खे जाये.
ACT 15:3 आखरी मंडली ने उनका कुछ दुर तक पहुचायो. अरु वे फीनीके अरु सामरिया से होते हुये गैरयहूदिहोन को मन फिराना को समाचार सुनाता गयो, अरु सब भैइ भोत खुश हुयो.
ACT 15:4 जब वे यरुशलेम पहुच्या, ते मंडली अरु प्रेरित अरु बुजरुक उनसे खुशी का साथ मील्या अरु उनने बतायो कि परमेश्वर ने उनका साथ हुइ, कसा-कसा काम कर्या था.
ACT 15:5 पन फरीसीहोन को पंथ मे से जेने विश्वास कर्यो थो उनमे से कुछ ने उठी खे बोल्यो, “उनने खतना करणो अरु मूसा की व्यवस्था खे मानन की आज्ञा देनो चाह्यो.”
ACT 15:6 तब प्रेरित अरु बुजरुक या बात का बारे मे विचार करण का लिये जमा हुया.
ACT 15:7 तब पतरस ने भोत वाद विवाद हुइ जान का बाद खडा हुइखे उनसे बोल्यो, “हे भैइहोन अरु बहीनहोन तुम जानस हइ कि भोत दिन हुया परमेश्वर ने तुम मे से मेखे चुनी लियो कि मरा मुडा से गैरयहूदिहोन खे सुसमाचार को वचन सुन्यखे विश्वास करणु.
ACT 15:8 मन खे पैछाननआलो परमेश्वर ने उनका भी हमारा समान पवित्र आत्मा दिखे उनकी गवइ दी.
ACT 15:9 अरु विश्वास का वजेसे उनको मन अच्छो करी खे हम मे अरु उन मे कुछ भेद नी रख्यो
ACT 15:10 ते अब तुम का परमेश्वर की परीक्षा करस हइ कि चेलाहोन की गरदन पर असो रखन जेखे नी हमारा बापदादाहोन उठै सक्या था अरु नी हम उठै सकस हइ?
ACT 15:11 हा, हमारा यो नीश्चय हइ कि जो रीति से वे प्रभु यीशु को अनुग्रह से उध्दार पाये; उ रीति से हम भी पाये.”
ACT 15:12 तब सारी सभा चुपचाप बरनबास अरु पौलुस की सुनन लग्या कि परमेश्वर ने उनका वजेसे गैरयहूदिहोन मे कसा बडा बडा चिन्ह, अरु अदभुत काम दिखाया.
ACT 15:13 जब वे चुप हुया ते याकूब बोलन लग्यो हे भैइहोन अरु बहीनहोन मरी सुनो.
ACT 15:14 शमौन ने बतायो कि परमेश्वर ने पैयले गैरयहूदिहोन पर कसी कृपाद्दष्टी करी कि उनमे से अपना नाम का लिये एक दुन्या बनय ले.
ACT 15:15 येमे से भविष्यव्दक्ताहोन की बात भी मीलस हइ, जसो कि लिख्यो हइ.
ACT 15:16 येका बाद मी फिर अयखे दाउद को गिर्यो हुयो डेरो उठास, अरु ओका खडोरख फिर बनायु अरु ओखे खडो कर्यु.
ACT 15:17 येका लिये कि कुछ इन्सान, मनजो सब गैरयहूदीहोन जो मरा नाम खे बोलस हइ, प्रभु खे ढूढ्ये.
ACT 15:18 यो उ प्रभु बोलस हइ जो जगत की उत्पत्ति से इन बातहोन को समाचार देता आयो हइ.
ACT 15:19 येका लिये मरो बिचार यो हइ कि गैरयहूदिहोन मे से जो दुन्या परमेश्वर कि तरफ फिरस हइ, हम उनका दुख नी देनु.
ACT 15:20 पन उनखे लिखीखे भेज्यो कि वे मूर्ती की अशुध्दताहोन अरु व्यभिचार अरु गल्यो घोटे हुया को मास से अरु खुन से दूर र्‍हेनु.
ACT 15:21 क्युकि पुरानाजमान से नगर नगर मूसा की व्यवस्था को प्रचार करणआला होता चल्यो आया हइ, अरु उ हर अराम को दिन आराधनालय मे पडै जास हइ.
ACT 15:22 तब पूरी मंडली सहित प्रेरितहोन अरु बुजरुक खे अच्छो लग्यो कि अपना मे से कुछ इन्सानहोन खे चुन्नु, मंनजे यहूदा जो बरसब्बास बोलस हइ, अरु सीलास, जो भैइहोन अरु बहीनहोन मे मुखीयो थो. अरु उनने पौलुस अरु बरनबास का साथ अन्ताकिया भेजनु.
ACT 15:23 उनने उनका हाथ यो लिख भेज्यो. अन्ताकिया अरु सीरिया अरु मंडलीहोन, र्‍हेनआला भैइहोन अरु बहीनहोन खे जो गैरयहूदिहोन मे से हइ, प्रेरितहोन अरु बुजरुक भैइहोन बहीनहोन को नमस्कार.
ACT 15:24 हमने सुन्यो हइ कि हम मे से कुछ ने वहा जैइखे तुम खे अपनी बातहोन से घबर्‍यै दियो. अरु तुमारा मन उलटी दियो हइ पन हम ने उनका आज्ञा नी दी थी.
ACT 15:25 येका लिये हम ने एक चित्त हुइ, ठीक समझ्यो कि चुन्या हुया इन्सानहोन खे अपना प्रिय बरनबास अरु पौलुस का साथ तुम्हारा पास भेजनु.
ACT 15:26 यो असो इन्सान हइ जिन्हे अपनो जान हमारा प्रभु यीशु मसीह का नाम का लिये जोखिम मे डाल्यो हइ.
ACT 15:27 येका लिये हम ने यहूदा अरु सीलास खे भेज्यो हइ, जो अपना मेडा से भी या बातहोन बोली दिये.
ACT 15:28 पवित्र आत्मा खे अरु हम खे ठीक जानी पड्यो कि या जरुरी बातहोन खे छोड तुम पर अरु बोझ नी डाल्ये.
ACT 15:29 कि तुम मूरतो पर बलि कर्या हुया से अरु खुन से अरु गल्यो घोट्यो हुया को मास से अरु व्यभिचार से दुर र्‍हेनु. येका से दुर र्‍हेनु ते तुम्हारो भलो हुये आगे शुभ.
ACT 15:30 फिर वे बिदा हुइखे अन्ताकिया पहुची खे अरु सभा खे जमा करी का वा चिट्ठी उनखे दी दी.
ACT 15:31 वे चिट्ठी पडीखे वा उपदेश की बात से खुब खुश हुया.
ACT 15:32 यहूदा अरु सीलास भैइहोन अरु बहीनहोन खे उपदेश दिखे स्थिर कर्यो.
ACT 15:33 वे कुछ दिन र्‍हिखे भैइहोन अरु बहीन से शांती का साथ बिदा हुया कि अपना भेजनआला का पास जानु.
ACT 15:34 पन सीलास का वहा र्‍हेनो अच्छो लग्यो
ACT 15:35 पौलुस अरु बरनबास अन्ताकिया मे र्‍हि गया. अरु दुसरा भोत सा दुन्या का साथ प्रभु को वचन को उपदेश करतो अरु सुसमाचार सुनातो र्‍हियो.
ACT 15:36 कुछ दिन बाद पौलुस ने बरनबास से बोल्यो, जो जो नगरहोन मे हम ने प्रभु को वचन सुनायो थो, आओ फिर उनमे चलीखे अपना भैइहोन अरु बहीन खे देख्यो कि वे कसा हइ.
ACT 15:37 तब बरनबास ने यहून्ना को जो मरकुस बोल्या जास हइ, साथ लेन को बिचार कर्यो.
ACT 15:38 पन पौलुस ने ओखे जो पंफूलिया मे उनसे अलग हुइ गयो थो, अरु काम पर उनका साथ नी गयो, साथ लि जानो अच्छो नी समझ्यो.
ACT 15:39 आखरी असो विवाद उठौ कि वे एक दुसरा से अलग हूइ गया. अरु बरनबास, मरकुस खे लिखे डोंगा पर साइप्रस चली गयो.
ACT 15:40 पन पौलुस ने सीलास खे चुनी लियो, अरु भैइहोन अरु बहीन से परमेश्वर को अनुग्रह मे सौप्यो जैइखे वहा से चली गयो.
ACT 15:41 अरु उ मंडलीहोन खे स्थिर करता हुया सीरिया अरु किलिकिया से होता हुया नीकल्यो.
ACT 16:1 14 फिर उ दिरबे अरु लुस्त्रा मे भी गयो, वहा ती तीमुथियुस नाम को मसीह विश्वासी थो ओकी माय यहूदीया विश्वासी थी जबकी ओको बाप यूनानी थो.
ACT 16:2 उ लुस्त्रा अरु इकुनीयुम को भैइहोन अरु बहीन मे सुनाम थो.
ACT 16:3 पौलुस की इच्छा थी कि उ ओका साथ चल्ये. अरु जो यहूदी इन्सान उन जगाहोन मे थो उनकारण ओने ओको खतनो कर्यो, क्युकि वे सब जानता था, कि ओको बाप यूनानी थो.
ACT 16:4 अरु नगर नगर जाता हुया वे उन विधीहोन खे जो यरुशलेम का प्रेरितहोन अरु बुजरुकहोन ने ठैराइ थी मानना का लिये उनने पहुचाता जाता था.
ACT 16:5 यो प्रकार मंडलीहोन विश्वास मे स्थिर होती गइ अरु गिनती मे हरदिन बडती गइ.
ACT 16:6 वे फ्रुगिया अरु गलातिया प्रदेशहोन मे से हुइखे गया, क्युकि पवित्र आत्मा ने उनका आसिया मे वचन सुनाना से मना कर्यो.
ACT 16:7 उनने मूसिया का पास पहुचीखे बिथुनीया मे जान को चायो. पन यीशु का आत्मा ने उनका जान नी दियो.
ACT 16:8 आखीर मे मूसिया से हुइ, त्रोआस मे आया.
ACT 16:9 वहा पौलुस ने रात खे एक दर्शन देख्यो कि एक मकिदुनी इन्सान खडो हुयो, ओकासे प्रार्थना करीखे बोलस हइ, “पार उतरीखे मकिदुनी मे आ अरु हमारी मद्दत कर.”
ACT 16:10 ओको यो दर्शन देखता ही हमने जल्दी मकिदुनीया जानो चायो, यो समझीखे कि परमेश्वर ने हम खे उनको सुसमाचार सुनान का लिये बुलायो हइ.
ACT 16:11 येका लिये त्रोआस से डोंगा खोलीखे हम सीधा सुमात्रा खे अरु दूसरा दिन नीयापुलीस मे आया.
ACT 16:12 वहा से हम फिलिप्पी मे पहुच्या जो मकिदुनी देस को मेख्य नगर मे कुछ दिन तक र्‍हिया.
ACT 16:13 अराम का दिन हम नगर का फाटक का बाहेर नद्दी का किनारा यो समझी खे गया कि वहा प्रार्थना करण कि जगा हुये. अरु बठीखे वे बयहोन से जो जमा हुइ थी, बात करण लग्या.
ACT 16:14 अरु लुदिया नाम थुआतीरा नगर का कबरा कपडा बेचनआली एक बय सुनी र्हि थी.अरु प्रभु ने ओको मन खोल्यो कि जब पौलुस कि बातहोन पर मन लगाये.
ACT 16:15 अरु जब लुदिया ने ओने अपना घराना सहित बपतिस्मा लियो, ते ओने प्रार्थना करी, “अगर तुम मेखे प्रभु कि विश्वासिनी समझस हइ, ते चलिखे मरा घर मे र्‍हे,” अरु वा हम खे मन्य खे लि गइ.
ACT 16:16 एक दिन हम जब प्रार्थना करण कि जगा जैइ र्‍हा था ते हम खे एक जवान दासी मीली, जोमे भविष्य बतान आली अशुध्द आत्मा थी अरु भविष्य बताना से अपना का लिये भोत कुछ कमय खे लाती थी.
ACT 16:17 वा पौलुस का तरफ हमारा पीछे अयखे चिल्लान लगी, “यो इन्सान अच्छो परमेश्वर को सेवक हइ, जो हम खे उध्दार रस्ता कि कथा सुनास हइ.”
ACT 16:18 वा भोत दिन तक असो हि करती रही, पन पौलुस परेशान हुयो अरु पलटी खे वा आत्मा मी तोखे यीशु मसीह का नाम से आज्ञा देउस हइ, कि ओमे से नीकली जा अरु वा उ टेम मे नीकली गइ.
ACT 16:19 जब वा पोर्यइ खे स्वामीहोन ने देख्यो कि हमारी कमइ कि आस जाती र्ही ते पौलुस अरु सीलास खे पकडी खे चौक मे प्रधानहोन का पास खीची खे ली गया.
ACT 16:20 अरु उनखे रोमन अधिकारीहोन का पास लि जैखे बोल्यो, ये दुन्या जो यहूदीया हइ, हमारा नगर मे बडी हलचल मची र्‍हा हइ.
ACT 16:21 अरु असी रीति रीवाज बतैइ र्‍हा हइ, जेखे अपनानो या माननो हम रोमीहोन का लिये ठिक नी.
ACT 16:22 तब गर्दी का दुन्या उनका विरोध मे सीलास अरु पौलुस जमा हुइ, चड आया, तब शासकहोन ने उनका कपडा फाड्या, अरु उनका फटका मारन कि आज्ञा दी.
ACT 16:23 अरु भोत फटका लगैइखे उनने उनका बन्दीगृह मे डाली दियो अरु दरोगा खे आज्ञा दि कि उनका पक्की चैकीदारी मे रख.
ACT 16:24 उनसे असी आज्ञा मीलीखे उनका अंदर कि बन्दीगृह मे रख्यो अरु उनका पाय काटा मे ठोकी दियो.
ACT 16:25 आधी का नजीकपास पौलुस अरु सीलास प्रार्थना करता हुया परमेश्वर को भजन गय र्‍हा था.
ACT 16:26 कि येतना मे अचानक एक भूकम्प हुयो, ह्या तक कि बन्दिघर को पय्यो हली गयो, अरु जल्दी सब दरवाजा खुली गया. अरु सब का बन्धन खुल गया.
ACT 16:27 अरु जेलर जाग उठौ, अरु बन्दीगृह को दरवाजा खुल्या देखीखे समझ्यो कि कैदी भागी गया, आखीर ओने तलवार खीची खे अपना आप खे मारी डालनो चायो.
ACT 16:28 पर पौलुस ने उचो बोल से पुकारी खे बोल्यो, “अपना आप खे कुछ नुकसान मत पहुचा, क्युकि हम सब यही हइ.”
ACT 16:29 तब जेल को जेलर मशाल बनय अरु जल्दी से अंदर गयो अरु डर से कापता हुये पौलुस अरु सीलास जका सामने गिर्यो.
ACT 16:30 अरु उनखे बाहेर लीखे बोल्यो, हे सज्जनहोन को उध्दार मीलन का लिये प्रभु ने बोल्यो मी का करु?
ACT 16:31 उनने बोल्यो, प्रभु यीशु पर विश्वास कर, ते तू अरु तरो घरानो उध्दार पाये.
ACT 16:32 अरु उनने ओखे अरु ओका सब घर का दुन्या, प्रभु को वचन सुनायो.
ACT 16:33 अरु रात खे उ टेम जोलर ने उनखे , ली जैइखे उनका पाय धोया, अरु ओने अपना सब दुन्या समेत जल्दी बपतिस्मा लियो.
ACT 16:34 अरु ओने उनखे अपना घर मे लै जैइखे उनका आगे खानो रख्यो अरु पुरा घराना समेत परमेश्वर पर विश्वास करी खे आनन्द कर्यो.
ACT 16:35 जब दिन हुयो तब रोमन अधिकारी का हात बुलाओ भेज्यो कि वे इन्सानहोन खेछोड दे.
ACT 16:36 जेलर ने या बात पौलुस से बोली, सुनइ, “शासकहोन ने तुमखे छोडी देन कि आज्ञा भेजी दि हइ, येका लिये नीकलिखे आनन्द से चली जा”
ACT 16:37 पर पौलुस ने अधिकारीहोन से बोल्यो, “उनने अधिकारी जो हम रोमी नागरीत्वआला दुन्या हइ, दोषी ठैराया बिना दुन्या का सामने मार्यो अरु बन्दीगृह मे डाल्यो, अरु अब का चुपचाप से नीकाली देस हइ? असो नी पर वे खुद अयखे हमखे बाहेर लि जाये.”
ACT 16:38 सैनीकहोन अधिकारीहोन ने या बातहोन कि जानकारी रोमी अधिकारीहोन खे सुचना दि अरु जब उनने सुन्यो कि पौलुस अरु सीलास रोमन नागरीक हइ, ते वे डरी गया.
ACT 16:39 तब रोमन अधिकारीहोन ने अयखे नगर खेछोडी जानखे बोल्यो अरु बाहेर ली जैइखे प्रार्थना करी कि नगर से चली जा.
ACT 16:40 वे बन्दीगृह से नीकलीखे लुदिया का घर गया, अरु विश्वासी भैइहोन अरु बहीन से मीली खे उनखे दिलासा कि बात बोली अरु चली गया.
ACT 17:1 फिर वे पौलुस अरु सीलास अपुल्लोनीया हुइ थिस्सलुनीखे मे आया, जहा यहूदीयाहोन को एक आराधनालय थो.
ACT 17:2 अरु पौलुस अपना रीति का जसो आराधनालय मे गयो, अरु तीन अराम का दिन पवित्रशास्त्र से उनका साथ वाद विवाद कर्यो.
ACT 17:3 अरु उनको अर्थ सरल भाषा मे खोली-खोलीखे समझातो थो कि मसीह को दुख उठानो, अरु मर्या हुया मे से जी उठनो, जरुरी थो. अरु यो यीशु जोकी मी तुमखे कथा सुनउस हइ, कि मसीह हइ.
ACT 17:4 उनमे से केत्ता ने, अरु भक्त यूनानीहोन मे से भोतझन ने अरु भोत कुलीन बयहोन ने मानी लियो, अरु पौलुस अरु सीलास का साथ मीली गया.
ACT 17:5 पर यहूदीयाहोन ने गुस्सा से भरीखे बजारु दुन्या मे से कुछ आवारो इन्सानहोन खे अपना साथ मे लियो, अरु गर्दी लगैइखे शहर मे हल्लो मचान लग्या, अरु यासोन का घर पर चढाइ करी खे अरु कोशीस करण लग्या पौलुस अरु सीलास खे दुन्या का सामने लानो चायो.
ACT 17:6 अरु उनखे नी मीलीखे वे यो चिल्लाता हुया यासोन अरु कुछ विश्वासी भैइहोन का नगर का हाकिमहोन का सामने खीची खे लाये अरु बोलन लग्या ये दुन्या जेने जगत का मुसीबत पइदा करी दि हइ, ह्या भी आया हइ.
ACT 17:7 अरु यासोन ने उनने अपना घर मे ठैरायो हइ, अरु कैसर राजा की आज्ञाहोन को विरोध करस हइ.
ACT 17:8 जब गर्दी अरु नगर, शासकहोन ने या बातहोन सुनी खे दुन्याहोन खे भड का यो ते वे परेशान हुइ गया.
ACT 17:9 अरु उनने यासोन अरु बाकी दुन्याहोन खे जमानत पर छोडी दियो.
ACT 17:10 विश्वासी भैइहोन ने जल्दी रात हि रात पौलुस अरु सीलास को बिरीया मे भेजी दियो का अरु वे वहा पहुची कि यहूदीयाहोन खे आराधनालय मे गया.
ACT 17:11 ये दुन्या तो थिस्सलुनीखे का दुन्या से जादा अच्छा था अरु उनने बडी लालसा से वचन ग्रहन कर्यो, अरु हरदिन शास्त्र को पड्यैइ करता देख्यो कि जो पौलुस कि पुरी बात सही हइ कि नी.
ACT 17:12 यको परीनाम स्वरुप भोत सा यहूदीया अरु महत्व पुर्ण गैरयहूदिहोन मे से देख्यो थो भोतझन ने, अरु यूनानी कुलीन बयहोन मे से अरु इन्सानहोन मे से भोतझन ने विश्वास कर्यो.
ACT 17:13 पन जब थिस्सलुनीखे का यहूदीया जानी गया कि पौलुस बिरीया मे भी परमेश्वर को वचन सुनास हइ, ते वहा भी अय खे दुन्या खे भडकानो अरु दंगा करवाना मे लग्या.
ACT 17:14 तब विश्वासी भैइहोन ने जल्दी पौलुस कए बिदा कर्यो कि समुद्र का किनार चली जा. पन सीलास अरु तीमुथियुस व्हा र्‍हि गो
ACT 17:15 पौलुस का विश्वासी भैइहोन ने एथेस तक पोचय दियो, अरु सीलास अरु ती तीमुथियुस का लिये यो आज्ञा लिका बिदा हुया कि मरा पास जल्दी भेज्यो.
ACT 17:16 जब पौलुस एथेस अरु सीलास अरु तीमुथियुस का लिये इंतजार करी रा था, ते उ भोत परेशान थो जब ओने देख्यो कि शहर मे मूर्तिहोन से भर्यो देखी खे ओकी आत्मा जल उठ्यो.
ACT 17:17 आखरी उ यहूदीया आराधनालय मे यहूदीयाहोन अरु गैरयहूदिहोन जो परमेश्वर कि उपासना करता था, अरु चौक मे जो दुन्या मीलता था उनसे हर दिन वाद विवाद कर्या करतो थो.
ACT 17:18 तब इपिकुरी अरु स्तोइकी मास्‍तर मे से कुछ ओकासे तर्क करण लग्या, अरु कोय ने बोल्यो, यो काय बलवादी का बोलनो चाहस हइ? पन दुसरा ने बोल्यो का उ दुसरा देवताहोन को प्रचारक मालुम पडस हइ, क्युकि उ यीशु का तरफ पुनरुत्थान को सुसमाचार सुनानो थो.
ACT 17:19 तब वे पौलुस अपना अरियुपगुस नगर का सभा मे लिखे गया अरु पुछ्यो, हम जानी सकस हइ नइ शिक्षा जो बतैइ र्‍हा हइ, का हइ?
ACT 17:20 क्युकि तू अनोखी बातहोन हम खे सुनास हइ, येकालिये हम जाननो चाहस हइ कि इनको मतलब का हइ?
ACT 17:21 येका लिये कि सब एथेस वासी अरु परदेसी जो वहा र्‍हेता था नइ-नइ बातहोन बोलन अरु सुनना का सिवाय अरु कोय काम मे टेम मे नी बिताथा था.
ACT 17:22 तब पौलुस नगर कि सभा का अरियुपगुस का बीच मे खडो हुइ खे बोल्यो का, हे एथेस का दुन्याहोन, मे देखुस हइ कि तुम हर बात मे देवताहोन खे बडा धार्मीक माननआला हुये.
ACT 17:23 क्युकि मी नगर मे फिरते हुये तुम्हारी आराधना करण कि जगा खे देखी र्‍हो थो, ते एक वेदी भी पाइ, जेका पर लिख्यो थो, अनजाना परमेश्वर का लिये येका लिये जेको तुम बिना जाने परमेश्वर कि आराधना करस हइ,
ACT 17:24 जो परमेश्वर ने जगत अरु ओकी सब चिजहोन खे बनायो, उ स्वर्ग अरु धरती को स्वामी हुइ खे हाथ कि बनाया हुया मन्‍दिर मे नी र्‍हे.
ACT 17:25 नी कोय चिज की जरुरत करण इन्सानहोन का हाथहोन कि सेवा लेस हइ, क्युकि उ तो आप ही सब के जिवन अरु सास अरु सब कुछ देस हइ.
ACT 17:26 ओने एक ही इन्सान का वजेसे पुरा इन्सानहोन कि नीर्मीती करी सारी धरती उनखे र्‍हेन का लिये बनइ. अरु ओने दुन्या को टेम ठैर्यो खे दियो अरु उनका जगाहोन खे जहा वे र्‍हेस हइ ओकि सिमाहोन बाधी हइ.
ACT 17:27 यो येका लिये कर्यो कि दुन्या परमेश्वर खे ढुड्ये, अरु हुइ सकस हइ वे ओका तक पहुची खे पैयले लिखे फिर भी उ कोय से दुर नी हइ.
ACT 17:28 क्युकि हम ओमे जीन्दा र्‍हेस, अरु चलता फिरता, अरु स्थिर र्‍हेस हइ अस्तित्व हइ यो प्रकार खुद तुम्हारा कुछ कविहोन ने भी बोल्यो हइ, हम तो ओका कुल भी हइ.
ACT 17:29 आखीर परमेश्वर को कुल हुइ खे हम खे यो समझानो अच्छो नी कि परमेश्वर का सोन्नो या चादी या पत्थर का जसा हइ, जो इन्सान कि कारागीर अरु कल्पना से बनायो गयो हइ.
ACT 17:30 येका लिये जब दुन्या परमेश्वर खे नी समझ सक्ये कि टेम मे होन पर ध्यान नी दिये, पर अब हर जगा सब इन्सानहोन खे मन फिरान की आज्ञा देस हइ.
ACT 17:31 क्युकि परमेश्वर ने एक दिन नीश्चित कर्यो हइ अपनो नीयुक्त कर्या गया एक इन्सान का वजेसे धार्मीकता से जगत को न्याय कर्ये, जेखे ओने ठैरायो हइ अरु ओखे मर्या हुया मे से जिलयखे या बात सब पर प्रमाणित करी दी हइ.
ACT 17:32 मर्या हुया खे पुनरुत्थान कि बात सुन्ये का खे त्ता तो मजाक मजाक उखान लग्या, पन अरु पर दुसरा दुन्या से. “बोल्यो कि या बात फिर से सुन्नु चाहस हइ.”
ACT 17:33 येका पर पौलुस उनका बीच मे से चली गयो.
ACT 17:34 पन कुछ इन्सान ओका साथ मीलि गया, अरु विश्वास कर्यो जेमे दियुनुसियुस जो अरियुपगुस को मुखियो थो, अरु दामरीस नाम की एक बय थी, अरु उनका साथ कुछ दुन्या था.
ACT 18:1 येका बाद पौलुस एथेस खे छोडी खे कुरिन्थुस मे आयो.
ACT 18:2 अरु वहा अक्विला नाम को एक यहूदीया मील्यो, जेको जन्म पुन्तुस मे हुयो थो. अरु अपनी लुगइ प्रिस्किल्ला का साथ इटली से हाल ही मे आयो थो, क्युकि क्लौदियुस ने सब यहूदीयाहोन खे रोम से नीकली जान की आज्ञा दी थी, येका लिये उ उनका ह्या गयो.
ACT 18:3 अरु एक ही साथ र्‍हेतो थो ओको अरु उनको एक ही व्यापर थो.
ACT 18:4 अरु उ हर येक आराम का दिन आराधनालय मे वाद विवाद करी खे यहूदीयाहोन अरु यूनानीहोन खे भी समझातो थो.
ACT 18:5 जब सीलास अरु तीमुथियुस मकिदुनी से आया, ते पौलुस वचन सुनान कि धुन मे लगी खे यहूदीयाहोन खे गवइ देतो थो कि यीशु हि मसीह हइ.
ACT 18:6 पन जब वे विरोध अरु नीन्दा करण लग्या, ते ओने अपना कपडा झटकी खे ओकासे बोल्यो, “तुम्हारो खुन तुम्हारा माथा पर र्‍हिये? मी नीर्दोष हइ, तुम्हारा मरन को कारन तुम ही हइ अरु अब से मी गैरयहूदिहोन का पास जायु.”
ACT 18:7 अरु वहा से चली खे वहा तीतुस यूस्तुस नाम परमेश्वर को एक भक्त का घर मे आया, जोको घर आराधनालय से लग्यो हुयो थो.
ACT 18:8 तब आराधनालय को सरदार क्रिस्पुस ने अपना पुरा घराना समेत प्रभु पर विश्वास कर्यो. अरु भोत से कुरिन्थवासी ने संदेश सुनी खे विश्वास कर्यो अरु बपतिस्मा लियो.
ACT 18:9 अरु प्रभु ने रात खे दर्शन का वजेसे पौलुस से बोल्यो, “मत डर, क्युकी बोल्ये जो अरु चुप मत र्‍हेनु.
ACT 18:10 क्युकि मी तरा साथ हइ, अरु कोय तरा पर चडाइ करी खे तरो नुकसान नी कर्ये. क्युकि यो नगर मे मरा भोत सा दुन्या हइ.”
ACT 18:11 येका लिये उ उनमे परमेश्वर को वचन सिखाता हुया देड साल तक र्‍हियो.
ACT 18:12 जब गल्लिहोन अखाया देश को राज्यपाल थो ते यहूदीया दुन्या एक मत करी खे पौलुस पर चडी आया, अरु ओखे न्याय आसन का सामने लायो, अरु बोलन लग्या,
ACT 18:13 “यो इन्सान दुन्या खे समझास हइ, कि परमेश्वर कि उपासना असा रीति से करणु, जो हमारा व्यवस्था को विपरीत हइ.”
ACT 18:14 जब पौलुस बोलना पर थो, ते गल्लिहोन ने यहूदीयाहोन से बोल्यो, “हे यहूदीयाहोन अगर यो कुछ अन्याय या दुष्टता कि बात होती ते अच्छो थो कि मी तुम्हारी सुनुस.
ACT 18:15 पन अगर यो वाद विवाद शब्दहोन, अरु नामहोन अरु तुम्हारी खुद की व्यवस्था का बारे ते तुम ही जाननु. क्युकि मी या बातहोन को न्यायी बन्नो नी चाहुस,”
ACT 18:16 अरु ओने उनखे न्याय आसन का सामने से नीकाल दियो.
ACT 18:17 तब सब दुन्या ने आराधनालय का सरदार खे सोस्‍थिनेस को न्याय आसन का सामने मार्यो, पन गल्लिहोन ने या बातहोन खे कुछ भी ध्यान नी दियो.
ACT 18:18 आखरी पौलुस भोत दिन तक कुरीन्तु र्‍हियो, फिर भैइहोन से बिदा लिखे डोंगा से सीरिया चल पड्या तब यीशु का साथ प्रिस्किल्ला अरु अक्विला थी पौलुस ने किंख्रिया मे येका लिये माथो मुडायो, क्युकि ओने मन्नत मागी थी.
ACT 18:19 अरु ओने इफिसुस मे पोचिखे उनका वहा छोड्यो, अरु खुद हि आराधनालय मे जैखे यहूदीयाहोन से वाद विवाद करण लग्यो.
ACT 18:20 जब वहा का दुन्या ने ओकासे प्रार्थना करी खे हमारा साथ अरु कुछ दिन र्‍हियो, ते ओने स्वीकार नी कर्यो.
ACT 18:21 पन यो बोलि खे उनसे बिदा हुयो, “अगर परमेश्वर चाह्ये ते मी तुम्हारा पास फिर आयु” तब इफिसुस से डोंगो खो लिखे चली दियो.
ACT 18:22 तब कैसरिया मे उतरी खे यरुशलेम खे गयो अरु मंडली खे नमस्कार करी खे अन्ताकिया मे आयो.
ACT 18:23 फिर कुछ दिन र्‍हि खे वहा से चली गयो, कुछ टेम मे बितै खे गलातिया क्षेत्र अरु फ्रुगिया मे सब चेलाहोन को विश्वास मे स्थिर करतो फिर्यो.
ACT 18:24 अपुल्लोस नामको एक यहूदीया जोको जन्म सिकन्दरिया मे हुयो थो, जो विद्वान इन्सान थो अरु शास्त्रहोन को अच्छी तरह से जानतो थो इफिसुस मे आयो.
ACT 18:25 ओने प्रभु को मार्ग कि शिक्षा पाइ थी, अरु पुरा आत्मा से यीशु का बारे मे अच्छो अच्छो सुनातो अरु सिखातो थो, पन उ फक्त यहून्ना को बपतिस्मा कि बात जानतो थो.
ACT 18:26 उ आराधनालय मे नीडर हुइ खे बडबडान लग्या, पर प्रिस्किल्ला अरु अक्विला उसकी बातहोन सुनी खे ओखे अपना ह्या लि गयो अरु परमेश्वर को रस्ता ओखे अरु भी ठिक रुप से बतायो.
ACT 18:27 येका बाद अपुल्लोस मे आयो, अखाया का पास जान को फैसलो कर्यो, येका लिये इफिसुस का विश्वासीहोन खे लिखी खे उनकी मद्दत करी, जब उ आयो, ते उ वे दुन्या का लिये एक बडो मददतगार थो, जो परमेश्वर कि कृपा से विश्वास करण आला था.
ACT 18:28 अपुल्लोस ने अपनी शक्ति अरु कौशल का साथ यहूदीयाहोन को सार्वजनीक रुप से कर्यो पवित्रशास्त्र से प्रमाण दि दिखे कि यीशु हि मसीह हइ.
ACT 19:1 जब अपुल्लोस कुरिन्थुस मे थो, ते पौलुस उपर का पुरा देश से हुइ खे इफिसुस मे आयो अरु वहा कुछ चेला मील्या.
ACT 19:2 ओने उनसे पुच्छो, तुम ने विश्वास करता टेम मे पवित्र आत्मा पायो उनने ओकासे बोल्यो, “हमने तो पवित्र आत्मा कि बातचित भी नी सुनी.”
ACT 19:3 ओने उनसे बोल्यो “ते फिर तुम ने कोको बपतिस्मा लियो?” उनने बोल्यो, “यहून्ना को बपतिस्मा,”
ACT 19:4 पौलुस ने बोल्यो “यहून्ना ने यो पाप से मन फिराव को बपतिस्मा दियो, कि जो मरा बाद आनआलो हइ, ओ पर मंनजे यीशु पर विश्वास करणु.”
ACT 19:5 यो सुनीखे उनने प्रभु यीशु को नाम को बपतिस्मा लियो.
ACT 19:6 अरु जब पौलुस ने उन पर हाथ रख्यो, ते उन पर पवित्र आत्मा उतर्यो, अरु वे अलग अलग भाषा बोलन अरु भविष्यवाणी करण लग्या.
ACT 19:7 ये सब बारा इन्सानहोन था.
ACT 19:8 अरु पौलुस यहूदीया आराधनालय मे जैखे तीन महीना तक नीडर हुइ खे बोलतो र्‍हियो, अरु परमेश्वर का राज्य का बारे मे वाद विवाद करतो अरु उनने समझातो र्‍हियो.
ACT 19:9 पन जब कुछ दुन्या ने कठोर हुइ खे ओकी नी मानी क्युकी दुन्या का सामने या रस्ता को बुरो बोलन लग्या, ते ओने ओखे छोडी खे चेलाहोन खे अलग करी लियो, अरु हरदिन तुरन्नुस कि यो कुल मे वाद विवाद कर्या करतो थो.
ACT 19:10 दो साल तक यो होतो र्‍हियो, ह्या तक कि आसिया का प्रात मे र्‍हेनआला, यहूदीया का यूनानी सब ने प्रभु को वचन सुनी लियो.
ACT 19:11 अरु परमेश्वर पौलुस का हाथ से सामर्थ का अद्भुत काम दिखातो थो.
ACT 19:12 ह्या तक कि दस्ती अरु डुप्पट्टो ओका आंग से चिपकी खे बीमारहोन पर डालता था, अरु उनकी बीमारीहोन दुर हुइ जाती थी. अरु बुरीआत्‍माहोन उनमे से नीकली जाया करती थी.
ACT 19:13 पन कुछ यहूदीया जो बुरीआत्मा नीकाल न आला फिरता था, यो करण लग्या कि जेका मे बुरीआत्‍मा हुये “उन पर प्रभु यीशु नाम को प्रचार पौलुस करस हइ. कामी तुम खे ओकी कसम देउस हइ.”
ACT 19:14 अरु सिक्का ओका नाम को एक यहूदीया प्रधान याजक को सात बेटा था, वे यइ था.
ACT 19:15 पर बुरीआत्‍मा ने जवाब दियो, “यीशु खे मी जानुस हइ, अरु पौलुस खे भी पहचानस हइ, पर तुम कोन आय?”
ACT 19:16 अरु उ इन्सान ने जोमे बुरीआत्‍मा थी. उन पर झपटी खे अरु उनका मे लि खे उन पर असो उपद्रव कर्यो, कि वे नंगा अरु घायल हुइ खे उ घर से नीकली भाग्या.
ACT 19:17 अरु या बात इफिसुस खे र्‍हेनआला यहूदीया अरु यूनानी भी सब जानी गया, अरु उन सब पर डर छै गयो. अरु प्रभु यीशु, का नाम की बडाइ हुइ.
ACT 19:18 अरु जेने विश्वास कर्यो थो, उनमे से भोतजन ने अय खे अपना-अपना बुरा काम हुइखे मानी लियो अरु प्रगट कर्यो.
ACT 19:19 अरु जादु टोना करणआला होन मे से भोतजन ने अपनी अपनी पोथिहोन जमा करी खे सब का सामने जलै दी. अरु जब उनको दाम जोड्यो गयो, जो पचास हजार चादी, का सिक्का होन का बराबर नीकल्यो.
ACT 19:20 यो प्रकार प्रभु को वचन बल पूर्वक फैलतो गयो अरु मजबुत होतो गयो.
ACT 19:21 जब या बातहोन हुइ चुकी ते पौलुस ने आत्मा मे ठान्यो कि मकिदुनी अरु अखाया से हुइ खे यरुशलेम का जायु, अरु किधर, “वहा जान का बाद मेखे रोम खे भी देखनु जरुरी हइ.”
ACT 19:22 येका लिये अपनी सेवा करणआला होन मे से तीमुथियुस अरु इरास्तुस खे मकिदुनी मे भेजी खे खुद कुछ दिन आसिया मे र्‍हि गयो.
ACT 19:23 उ टेम इफियुस मे प्रभु को रस्ता का बारे मे बडो हंगामो हुयो.
ACT 19:24 उ दिमेत्रियुस नाम को एक सोनार थो जो अरतिमीस चादी को काम करतो थो, अरु कारीगर को भोत फायदो होतो थो.
ACT 19:25 ओने उनका असी चिजहोन का कारीगरहोन खे जमा करीखे बोल्यो, “हे इन्सानहोन खे तुम जानस हइ कि यो काम से खे त्तो धन मीलस हइ.
ACT 19:26 अरु तुम देखस अरु सुनस हइ कि फक्त इफिसुस ही मे नी, क्युकी नजीकपास पुरा आसिया मे यो बोलि बोलिखे पौलुस ने भोत दुन्या खे समझायो अरु भरमायो भी हइ, कि जो हाथ से बनायो गया देवहोन हइ इश्वर नी.
ACT 19:27 अरु अब फक्त योही एक बात को डर नी कि हमारा यो धन्धा कि प्रतीष्ठा जाती र्‍हिये. क्युकी ह्या कि महान देवी अरतिमीस की मन्‍दिर तुच्छ समझे जाये अरु जेखे पुरो आसिया अरु जगत पुजस हइ ओको सम्मान घटतो र्‍हिये.”
ACT 19:28 जब गर्दी ने सुनीखे घुस्सा से भरी गया अरु चिल्य खे बोलन लग्यो, “इफिसिहोन की अरतिमीस की देवी, महान हइ.”
ACT 19:29 अरु पुरा नगर मे बडो हगामो मची गयो अरु दुन्या ने गयुस अरु अरिस्तर्खुस खे मकिदुनी, जो पौलुस का संग यात्री था, पकडी लियो, अरु एक साथ हुइ खे रंगइस्कुल मे दौडी गया.
ACT 19:30 जब पौलुस ने दुन्या का पास अंदर जानो चायो ते चेलाहोन ने ओखे जान नी दियो.
ACT 19:31 आसिया का शासकहोन मे से भी ओको कोय दोस्तहोन ने ओका पास संदेशहोन भेज्यो अरु प्रार्थना करी खे कि रगिस कुल मे जै खे जोखिम नी उठानु.
ACT 19:32 वहा कोय कुछ चिल्लातो थो, अरु कोय कुछ. क्युकि सभा मे बडी गडबडी हुइ र्‍हि थी, अरु भोत सा दुन्या तो यो जानता भी नी था कि वे को, लिये जमा हुया हइ.
ACT 19:33 तब उनने सिकन्दर खे जोख यहूदीयाहोन ने खडो कर्यो थो, गर्दी मे से आगे बडायो, अरु सिकन्दर हाथ से इशारो करी खे दुन्याहोन का सामने जवाब देनो चाहतो थो.
ACT 19:34 पन जब उनने जानी लियो कि उ यहूदीया हइ, ते सब एक शब्द से कोय दो घंटा तक चिल्लाते र्‍हियो, इफिसिहोन कि अरतिमीस देवी, महान हइ.
ACT 19:35 हे इफिसिहोन का दुन्या पुरा जगत मे एक असो इन्सान जो नी जानतो थो कि अरु स्वर्ग से अरतिमीस, “गड्यो हुयो पत्थर हइ
ACT 19:36 आखरी जब कि या बातहोन को खण्डन ही नी हुइ सक्येका ते अच्छो हइ, कि तुम शान्त र्‍हिये. अरु बीना सोचे बिचार कुछ नी करणु.
ACT 19:37 क्युकि तुम इन इन्सानहोन का लाया हइ, जो न मन्‍दिर खे लुटनआला हइ, अरु न हमारी देवी का नीन्दक हइ.
ACT 19:38 अगर दिमेत्रियुस अरु ओका साथी कारीगरहोन का कोय से वाद विवाद हुये ते कचेरी खुली हइ, अरु शासक भी हइ. वे एक दुसरा पर दोष लगाये.
ACT 19:39 पन अगर तुम कोय अरु बात का बारे मे कुछ पूछनो चाहस हइ, ते कानुन की सभा मे फैसलो किये जाये.
ACT 19:40 क्युकि आज का बलवा कारण हम पर दोष लगाया जान, डर से, येका लिये कि येको कोय करण नी, आखरी हम या गर्दी खे जमा होन को कोय उत्तर नी दि सक्ये.”
ACT 19:41 अरु यो बोलि खे ओने सभा खे बिदा कर्यो.
ACT 20:1 जब दंगो थमी गयो ते पौलुस ने विश्वासीहोन खे बुलैइ खे होसलो, बडायो अरु बिदा हुइ खे मकिदुनी का तरफ चली दियो.
ACT 20:2 उ पुरा प्रदेश मे से हुइ खे अरु चेलाहोन खे भोत आनन्द करी खे उ अखाया मे आयो.
ACT 20:3 जब तीन महीना र्‍हि खे उ वहा से डोंगा पर सीरिया का तरफ जाना पर थो, ते यहूदीया दुन्या ओकी विरोध मे शाजिस लगैइ र्‍हा था, येका लिये ओने ठानी लियो कि मकिदुनी हुइ खे लौटी जायु.
ACT 20:4 बिरीया को पुरुर्स इन्सान को बेटो सोपत्रुस अरु थिस्सलुनीखे किहोन मे से अरिस्तर्खुस अरु सिकुन्दुस अरु दिरबे को गयुस, अरु आसिया प्रात को तुखिकुस अरु त्रुफिमुस आसिया तक तीमुथियुस ओका साथ हुइ गा.
ACT 20:5 पर वे आगे जैखे त्रोआस मे हमारी प्रतीक्षा करता र्‍हिये.
ACT 20:6 अरु अखमीरी रोटी का दिन बाद फिलिप्पी से डोगा पर चड खे पाच दिन मे त्रोआस मे उनका पास पहुच्या, अरु सात दिन तक व्हापर र्‍हिया.
ACT 20:7 हप्ता का पैयला दिन जब हम रोटी तोडन का लिये जमा हुया, तो पौलुस ने जो दुसरा दिन चली जाना पर थो, उनसे बातहोन करी खे अरु आधी रात तक शिक्षा देता र्‍हियो.
ACT 20:8 जो उपर की खोली मे हम जमा था, ओमे भोत दिवो जली दिया र्‍हा था.
ACT 20:9 यूतुखुस अरु नाम को खिडकी पर बैठ्यो हुयो गैरी नीद से झुकी र्‍हो थो, अरु जब पौलुस देर तक बातहोन करतो र्‍हियो ते उ नीद का झकोलामे तीसरा माली पर से गिरी पड्यो, अरु मर्यो हुयो उठी गयो.
ACT 20:10 पन पौलुस उतरी खे ओकासे लिपटी गयो, अरु गलो लगी खे बोल्यो, “घबरानु नी. क्युकि ओको जान ओमे हइ.”
ACT 20:11 अरु उपर जैखे रोटी तोडी अरु खैइ खे येत्ती देर तक उनसे बातहोन करतो र्‍हियो कि भोर हुइ गइ. फिर उ चली गयो.
ACT 20:12 अरु वे उ जवान खे जिन्दो ली आयो, अरु भोत शांती पाइ.
ACT 20:13 हम पैयले से डोंगा पर चडी खे अस्सुस को यो बिचार से आगे गया, कि वहा से हम पौलुस खे चड्यै लिये क्युकि ओने यो येकालिए ठैरायो थो, कि खुद ही पइदल जानआला थो.
ACT 20:14 जब उ अस्सुस मे हम खे मील्यो ते हम ओखे चड्यै, मीतुलेने मे आया.
ACT 20:15 अरु वहा से डोंगा खोली खे हम दूसरा दिन खियुस का सामने पहुच्या, अरु दुसरा दिन सामेस मे जा पहुच्या, फिर दूसरा दिन मीलेतुस मे आया.
ACT 20:16 क्युकि पौलुस ने इफिसुस का पास से हुइ खे जाना की ठान्यो थो, कि कही असो नी हुये कि ओखे आसिया मे देर लग्ये. क्युकि उ जल्दी मे थो, कि अगर हुइ सक्येका ते उ पिन्तेकुस्त का दिन यरुशलेम मे र्‍हियो.
ACT 20:17 अरु ओने मीलेतुस से इफिसुस मे बुलाओ भेज्यो, अरु मंडली का बुजरुक खे बुलायो.
ACT 20:18 जब वे ओका पास आया, ते उनसे बोल्यो, तुम जानस हइ, कि पैयला ही दिन से जब मी आसिया मे पहुच्यो, मी हर टेम मे तुम्हारा साथ कोनता प्रकार र्‍हियो.
ACT 20:19 यानी बडी दीनता से, अरु आसू बह्ये-बह्ये खे अरु उ परीक्षाहोन मे जो यहूदीयाहोन कि साजिस करण जो मरा पर अय पडी. मी प्रभु की सेवा करतो ही र्‍हियो.
ACT 20:20 अरु जो-जो बातहोन तुम्हारा लोभ की थी, उनखे बतानु अरु दुन्या का सामने अरु घर-घर सिखाना से कभी नी झिझकनु.
ACT 20:21 क्युकी यहूदीयाहोन अरु यूनानीहोन खे चेतावनी देतो र्‍हियो कि परमेश्‍वर का तरफ मन फिराव, अरु हमारो प्रभु यीशु मसीह पर विश्वास करणु.
ACT 20:22 अरु अब, मी आत्मा मे बध्यो हुयो यरुशलेम का जउस हइ, अरु नी जानतो, कि वहा मरा पर का बीत्ये.
ACT 20:23 फक्त यो कि पवित्र आत्मा हर नगर मे गवाही दि-दि खे मरासे बोलस हइ कि बन्धन अरु क्लेश तरा लिये तैयार हइ.
ACT 20:24 पन मी अपनो जा खे कुछ नी समझु कि ओखे प्रिय जानू, क्युकी यो कि मी अपनी दौड, अरु वा सेवा खे पूरी कर्यु, जो मेने परमेश्‍वर का अनुग्रह को सुसमाचार पर गवाही देन का लिये प्रभु यीशु से पायो हइ.
ACT 20:25 अरु अब मी जानुस हइ, कि तुम सब जेमे मी परमेश्‍व का राज्य को प्रचार करतो फिर्यो, मरो मुडो फिर नी देख्ये.
ACT 20:26 येका लिए मी आज का दिन तुम से गवाही दि खे बोलुस हइ, कि मी सब का खुन से नीर्दोष हइ.
ACT 20:27 क्युकि मी परमेश्वर की पुरी योझना खे तुम्ह खे पूरी रीति से बताना से नी झिझक्यो.
ACT 20:28 येका लिए अपनी अरु पूरा झुण्ड की देख-रेख करणु. जेमे पवित्र आत्मा ने तुम्ह खे मुखियो ठैराया हइ कि तुम परमेश्वर की मंडली की रखवाली करणु, जेका से ओने अपना खुन से मोल लियो हइ.
ACT 20:29 मी जानुस हइ, कि मरा जाना का बाद फाडनआला मेढाहोन तुम मे अयखे जो झुण्ड खे नी छोड्ये.
ACT 20:30 तुम्हारा ही बीच मे से भी असा-असा इन्सान उठ्येका जो चेलाहोन के अपना पीछे खीची लेन कि टेडी-मेडी बातहोन बोल्ये.
ACT 20:31 येका लिए जागते र्‍हेनु, अरु याद करणु कि मेने तीन साल तक रात दिन आसू बोह्ये-बोह्ये खे हर एक खे सिखायो.
ACT 20:32 “अरु अब मी तुम्ह खे परमेश्‍वर के अरु ओका अनुग्रह को सोपी देस हइ तुम उन्नती करी सकस हइ अरु तुम परमेश्वर कि दुन्या का साथ पुरी आशिष दिल्ये सकस हइ.
ACT 20:33 मेने कोय खे चादी, सोन्ना या कपडा को लालुच नी कर्यो.
ACT 20:34 तुम खुद ही जानस हइ कि यइ हाथहोन ने मरी अरु मरा साथिहोन की जरुरतहोन पूरी करी.
ACT 20:35 मेने तुम्ह खे सब कुछ करी खे दिखायो, कि या रीति से मेहनत करता हुये नीर्बलहोन खे सम्भालनो, अरु प्रभु यीशु की बातहोन याद रखन जरुरी हइ, कि ओने खुद ही बोल्यो हइ लेना से देनो अच्छो हइ.”
ACT 20:36 यो बोलि ओने घुटना टेक्या अरु उन सब का साथ प्रार्थना करी.
ACT 20:37 तब वे सब भोत अरु पौलुस का गल्लो मिलीखे ओखे चूमन लग्या.
ACT 20:38 वे विशेष करीस या बात को शोक करता था, जो ओने बोली थी कि तुम मरो मुडो फिर नी देख्ये का अरु उनने ओखे डोंगा तक पहुचायो.
ACT 21:1 जब हमने उनसे अलग हुइ खे समुद्री जत्रा सुरवात करी खे ते सीधी रस्ता से कोस मे आया, अरु दूसरा दिन रुदुस मे, अरु व्हा से पतरा मे.
ACT 21:2 अरु एक डोंगा मे फीनीके को जातो हुयो मील्यो, अरु हमने ओ पर चडी खे ओखे खोल दियो.
ACT 21:3 जब साइप्रस दिखाइ दियो, ते हमने ओखे डाखोर्यो हाथ छोड्यो, अरु सीरिया खे चलीखे सूर मे उतर्या. क्युकि वहा डोंगा को बोझ उतारनु थो.
ACT 21:4 अरु चेलाहोन खे पयई खे हम वहा सात दिन तक र्‍हियो. उनने आत्मा खे सिखायो पौलुस से बोल्यो कि यरुशलेम मे पाय नी रखनु.
ACT 21:5 जब वे दिन पूरा हुइ गया, ते हम वहा से चल दिया. अरु सब बयहोन अरु बच्चाहोन समेत हमखे नगर का बाहेर तक पोचाया अरु हमने किनारा पर घुटना टेकी खे प्रार्थना करी.
ACT 21:6 तब एक दूसरा से बिदा हुइखे, हम तो डोंगा पर चड्या, अरु वे अपना-अपना घर लौटी गया.
ACT 21:7 जब हम सूर से पाणी जत्रा पूरी करीखे पतुलिमयिस मे पहुच्या, अरु भैइ होन खे नमस्कार करीखे उनका साथ एक दिन र्‍हिया.
ACT 21:8 दुसरा दिन हम वहा से चलीखे कैसरिया मे आया, अरु फिलिप्पुस सुसमाचार प्रचारक का घर मे जो सातजन मे से एक थो, जैइ खे ओका ह्या ठैइर्या.
ACT 21:9 ओकी चार कुव्वारी बेटीहोन थी. जो भविष्यवाणी करती थी.
ACT 21:10 जब हम वहा भोत दिन र्‍हि चुक्या, ते अगबुस नामको एक भविष्यव्दक्ता यहूदीया से आयो.
ACT 21:11 ओने हमारा पास अयखे पौलुस को कमरबन्द लियो, अरु अपना हाथ पाय बांधीखे बोल्यो, “पवित्र आत्मा यो बोलस हइ, कि जो इन्सान को यो कमरबन्द हइ, ओखे यरुशलेम मे यहूदी या रीति से बाध्ये, अरु गैरयहूदीहोन का हाथ मे सोपि दिये.”
ACT 21:12 जब हमने या बातहोन सुनी, ते हम अरु वहा का दुन्याहोन ने ओका से प्रार्थना करी कि यरुशलेम खे नी जानु.
ACT 21:13 पन पौलुस ने जवाब दियो, “तुम का करस हइ, कि रोइ-रोइखे मरो मन तोडस हइ? मी तो प्रभु यीशु का नाम का लिये यरुशलेम मे नी फक्त बाध्यो जान ही का लिये क्युकी मरन का लिये भी तैयार हइ.”
ACT 21:14 जब ओने नी मान्यो ते हम यो बोलीखे चुप हुइ गया, “प्रभु की इच्छा पूरी हुये.”
ACT 21:15 उ दिनहोन का बाद हमने तैयारी करी अरु यरुशलेम खे चली दिया.
ACT 21:16 कैसरिया का भी कुछ चेला हमारा साथ अयगा, अरु मनासोन नामको साइप्रस का एक पुरानो चेला का साथ ली आया, कि हम ओका ह्या टिक्ये.
ACT 21:17 जब हम यरुशलेम मे पहुच्या, ते भैइ बडि खुशी का साथ हम से मील्यो.
ACT 21:18 दूसरा दिन पौलुस हमखे लीखे याकूब का नजीक गयो, झा सब बापदादा एक जगा था.
ACT 21:19 तब ओने उन्हसे नमस्कार करीखे जो-जो काम परमेश्वर ने ओकी सेवा का द्वारा गैरयहूदीहोन मे कर्या थो, एक-एक करीखे सब बतायो.
ACT 21:20 उनने यो सुनीखे परमेश्वर की महिमा करी, फिर ओकासे बोल्यो, “हे पौलुस भैइ, तू देखस हइ, कि यहूदीहोन मे से कइ हजार ने विश्वास कर्यो हइ. अरु सब व्यवस्था का प्रती उत्साही हइ.
ACT 21:21 अरु उनखे तरा बारे मे सिखायो गयो कि तु गैरयहूदीहोन मे र्‍हेनाला यहूदीहोन खे मूसा से फिर जिवन खे सिखास हइ अरु बोलस हइ, कि नी अपना बच्चाहोन को खतनो करणु अरु नी रीतिहोन पर चलनु.
ACT 21:22 ते फिर का कर्यो जाह्ये दुन्या जरुर सुन्ये कि तु ह्या आयो हइ.
ACT 21:23 येकालिये जो तरा से बोलस हइ, उ कर हमारा ह्या चार इन्सान हइ, जेने मन्नत मानी हइ.
ACT 21:24 उनखे लिखे ओका साथ अपना आप खे अच्छो कर. अरु उनका लिये खर्चा दे, कि वे बाल मुन्डाये तब सब जानी लिये कि जो बातहोन उनने तरा बारे मे सिखी गइ, उनकी कुछ जड नी हइ पन तू खुद भी व्यवस्था खे मानीखे ओका अनुसार चलस हय.
ACT 21:25 पन उन गैरयहूदीहोन का बरे मे जोन्हे विश्वास कर्यो हइ हमने यो सल्लो करीखे लिखी भेज्यो हइ कि वे मुर्तिहोन का सामने बलि कर्यो हुयो मास से अरु खुन से अरु गलो घोट्यो हुयो को मास से अरु पाप से, बच्या र्‍हेनु.”
ACT 21:26 तब पौलुस उन इन्सानहोन खे लिखे अरु दुसरा दिन उनका साथ अच्छो हुइखे मन्दिर मे गयो, अरु वहा बतैइ दियो कि अच्छो होन का दिन अगर उनमे से हर एक का लिये चडाओ चडाय जाना तक को दिन कब पुरा हुये.
ACT 21:27 जब वे सात दिन पूरा होना पर था, ते आसिया का यहूदीहोन ने पौलुस खे मन्दिर मे देखी खे देख सब दुन्याहोन खे भडकायो, अरु यो चिल्लय खे ओखे पकडि लियो.
ACT 21:28 “हे इस्राएलिहोन, मद्दत कर. यो उ इन्सान हइ, जो दुन्या खे , अरु व्यवस्था खे , अरु यो स्थान खे विरोध मे हर जगह सब दुन्या को सिखास है, ह्या तक कि यूनानीहोन को भी मन्दिर मे लयखे ओने यो पवित्र जगत खे अपवित्र कर्यो हइ.”
ACT 21:29 उनने ते येकासे पइले इफिसुस वासी त्रुफिमुस खे ओका साथ नगर मे देख्यो थो, अरु समझतो थो कि पौलुस ओखे मन्दिर मे लि आयो हइ.
ACT 21:30 तब पुरा नगर मे हल्लो मची गयो अरु दुन्या दौडि खे जमा हुया, अरु पौलुस खे पकडिखे मन्दिर का बाहेर घीसी लायो, अरु जल्दी दरवाजा बन्द करी गयो.
ACT 21:31 जब वे ओखे मारी डालनो चाहाता था, ते सैन्य-दल का सरदार खे सन्देशो पहुचा कि पुरा यरुशलेम मे हल्लो मची र्‍हो हइ.
ACT 21:32 तब उ जल्दी सैनीकहोन अरु सुबेदार होन खे लिखे उनका पास नीच्चे दौडि आयो. अरु उनने सैन्य-दल का सरदार खे अरु सैनीकहोन खे देखीखे पौलुस खे मारनो-पीटनो रोखी दियो.
ACT 21:33 तब सैन्य-दल का सरदार ने पास अयखे ओखे पकडि लियो. अरु दो साकलहोन से बाधन की आज्ञा दिखे पूछन लग्यो, “यो कोन हइ, अरु एने का कर्यो हइ?”
ACT 21:34 पन गर्दी मे से कोय कुछ अरु कोय कुछ चिल्लाता र्‍हिया अरु जब हल्ला का मारे ठीक सच्ची नी जानी सक्यो, ते किला मे लि जान की आज्ञा दी.
ACT 21:35 जब उ सीडि पर पहुच्यो, ते असो हुयो कि गर्दी का दबाव का मारे सिपाइहोन खे ओखे उठैइ खे लि जानो पड्यो.
ACT 21:36 क्युकि दुन्या कि गर्दी यो चिल्लाता हुये ओका पीछे पड्या, “ओको अन्त करी दे.”
ACT 21:37 जब वे पौलुस खे किला मे लि जाना पर था, ते ओने सैनीकहोन का सरदार से बोल्यो, “का मेखे आज्ञा हइ कि मी तरा से कुछ बोल्यु?” ओने बोल्यो, “का तू यूनानी जानस हइ?”
ACT 21:38 का तू उ मीस्रिहोन नी, जो ये दिनहोन से पइले विद्रोइ बनीखे चार हजार हथियारबंद कि बडैइ करी र्‍हो थो.
ACT 21:39 पौलुस ने बोल्यो, “मी तो तरसुस को यहूदी इन्सान हइ! किलिकिया को प्रसिद्ध नगर को नीवासी हइ, अरु मी तरासे से प्रार्थना करुस हइ, कि मेखे दुन्या से बातहोन करण दे.”
ACT 21:40 जब ओने आज्ञा दि, ते पौलुस ने सीडि पर खडो हुइखे दुन्या का हाथ से इशारो कर्यो जब वे चुप हुइ गया, ते उ इब्रानी भाषा मे बोलन लग्यो.
ACT 22:1 “हे मरा यहूदीया भैइहोन अरु मरी बात सुन्नु क्युकि मी तुम्हारा सामने अपनो बचाव करुस हइ.”
ACT 22:2 वे यो सुनीखे कि उ उनसे इब्रानी भाषा मे बोलस हइ, ते वे चुप हुइ गया. तब ओने बोल्यो:
ACT 22:3 मी तो यहूदीया इन्सान हइ किलिकिया का तरसुस मे जन्म्यो. पन यो यरुशलेम मे पल्यो बड्यो गमलीएल का पाय का पास बठी खे शिक्षा प्राप्त करी खे अरु बुजुरुखहोन की व्यवस्था भी ठीक रीति पर सिखायो गयो. अरु परमेश्वर का प्रती हइ एसी धुन लगायो थो, जसा तुम सब आज हइ.
ACT 22:4 मेने इन्सान अरु बय दोइ खे पकडी खे अरु कैदी बन्य के बन्दीगृह मे डाली खे यो पथ खे ह्या तक सतायो, कि उनखे मारी भी डाल्यो.
ACT 22:5 खुद महा याजक अरु बुजुरुख गवा हइ. कि उनमे से भैइहोन का नाम इन से चिठ्ठी भी लि थी दमीश्क कि जो दुन्या या रस्ता पर चलता उनखे पकडी खे बंदीघर मे ला अरु उनखे दड दिलायु.
ACT 22:6 “जब मी जत्रा करी खे दमीश्क का पास पहुच्यो ते असो हुयो कि दुपेर का नजीक पास अचानक एक बडी बिजली बद्दल से मरा चारी तरफ चमकी.
ACT 22:7 अरु मी जमीन पर गिर पड्यो. अरु या वाणी सुनी ‘हे शाउल, हे शाउल, तु मेखे क्यु सतय रो हइ.’
ACT 22:8 मेने जवाब दियो, ‘हे प्रभु, तु कोन हइ?’ ओने मरासे बोल्यो, ‘मी यीशु नासरी हइ, जेखे तू सतास हइ.’
ACT 22:9 अरु मरा सोप्तिहोन ने ज्योति तो देखी, पन जो मरासे बोलतो थो ओकी आवाज नी सुनी.
ACT 22:10 तब मेने बोल्यो, ‘हे प्रभु, मी का करु?’ प्रभु ने मरासे बोल्यो, ‘उठी खे दमीश्क मे जा, अरु जो कुछ तरा करण का लिये ठैरयो गयो हइ वहा तोखे सब बतैइ दियो जाह्ये.’
ACT 22:11 जब वा ज्योती का तेज करण मी अंधो हुइ गयो थो, ते मरा सोप्तिहोन को हाथ पकडी हुया दमीश्क मे आया.
ACT 22:12 “तब हनन्याह नाम को व्यवस्था का जसो चलनआलो एक भक्त इन्सान खे जो वहा का र्‍हेनआला सब यहूदीयाहोन को मान रखतो थो,
ACT 22:13 अरु खडो हुइ खे मरासे बोल्यो हे भैइ शाउल, फिर देखन लग्यो, वा घडी मरी आख खुली गइ अरु मेने ओखे देख्यो.
ACT 22:14 तब ओने बोल्यो, हमारा बुजरुक को परमेश्वर ने तोखे येका लिये ठैरायो हइ कि तु ओकी इच्छा खे जान्यो, अरु उ धर्मी खे देख्यो, अरु ओका मुडासे बातहोन सुनी.
ACT 22:15 क्युकि तु ओकी तरफ से सब इन्सानहोन का सामने वा बात होन कि गवा हुये खे जो तोने देखी अरु सुनी हइ.
ACT 22:16 अब क्यु देर करस हइ? उट बपतिस्मा ले, अरु ओको नाम लि खे अपना पाप खे धौइ डाल.
ACT 22:17 “जब मी फिर यरुशलेम मे अय खे मन्‍दिर मे प्रार्थना करी र्‍हो थो. मेने दृष्‍टान्‍त देख्यो.
ACT 22:18 अरु प्रभु ने देख्यो कि मरासे बोलस हइ, जल्दी करी खे यरुशलेम से जल्दी नीकली जा. क्युकि वे मरा बारे मे तरी गवइ नी मान्ये.
ACT 22:19 मेने बोल्यो, हे प्रभु वे तो तुम जानस हइ, कि मी तरा पर विश्वास करणआला होन खे बंदीघर मे डालतो अरु जगा-जगा आराधनालय मे जैइ के पिटवातो थो.
ACT 22:20 अरु जब तरो गवा स्तिफनुस को खुन बोहायो जै ऱ्हो थो तब भी मी वहा खडो थो, अरु या बात मे सहमत थो, अरु ओको हत्याराहोन का कपडा कि रखवाली करतो थो.
ACT 22:21 अरु प्रभु ने मरासे बोल्यो, ‘चली जा : क्युकि मी तोखे गैरयहूदिहोन का पास दुर भेज्यु’.”
ACT 22:22 वे या बात तक पौलुस सुनतो र्‍हियो. तब उचो शब्द से चिल्लायो, “असा इन्सान खे जमीन से मीटय दे. ओको जिन्दो र्‍हेनु अच्छो नी.
ACT 22:23 जब वे चिल्लाता अरु कपडा फाडता अरु हवा मे धुल्लो उडाथो था.
ACT 22:24 तो रोमी टुकडी का सेनादल का सुबेदार ने बोल्यो, येखे किल्ला मे लि जाओ अरु कोडा मारी खे जाचनु, कि मी जान्यु कि यहूदीया दुन्या कोय करण ओका विरोध मे असा चिल्लय र्‍हा हइ,”
ACT 22:25 लेकिन जब उनने ओखे कोडा मारन का लिये बांधी दियो ते पौलुस ने वहा खडो अधिकारी से बोल्यो, तुम्हारा लिये रोमी नागरीक खे कोडा मारनो अच्छो हइ, जो कोय को भी अपराध का लिये भी कोशिश नी करी गइ हइ.
ACT 22:26 अधिकारी ने यो सुनी खे सेनापति का सरदार का पास जैइ, बोल्यो “तू ह्या का करस हइ? यो तो रोमी इन्सान हइ.”
ACT 22:27 तब सेनादल का सरदान ने पौलुस का पास अय खे बोल्यो, मेखे बता, तु रोमी हइ? पौलुस ने बोल्यो, “हा.”
ACT 22:28 यो सुनी खे सेनादल को सरदार ने बोल्यो, “मेने रोमी होन को पद भोत रुपीया मे दिखे मील्यो हइ.” पन पौलुस ने बोल्यो, “मी तो जन्म से रोमी हइ.”
ACT 22:29 तब जो दुन्या ओखे पुछताच करण आला था, वे जल्दी ओका पास से हटी गया. अरु सेनादल को सरदार भी यो जानी खे कि यो रोमी हइ, अरु ओने ओखे बाध्यो हइ, डरी गया.
ACT 22:30 दूसरा दिन रोमी टुकडी को सेना नायक यो ठीक-ठीक जानन की इच्छा से कि यहूदीया ओ पर दोष लगास हइ, येका लिये ओको बन्दन खोली दियो. अरु प्रधान याजकहोन अरु पुरी महासभा खे इकठ्ठा होन कि आज्ञा दी, अरु पौलुस खे नीच्चे लि जैइ खे उनका सामने खडो करी दियो.
ACT 23:1 पौलुस ने महासभा का तरफ टकटकी लगैइ खे देख्यो, अरु बोल्यो, हे इस्त्राएली भैइहोन, मेने आज तक परमेश्वर का लिये बिलकुल सच्चा विवेक से जिवन बितायो हइ.
ACT 23:2 हनन्याह महायाजक ने, उनका जो ओका पास खडो थो, ओका गाल पर थप्पड मारन कि आज्ञा दी.
ACT 23:3 तब पौलुस ने ओकासे बोल्यो, “ हे चुन्नो फिरी हुइ दिवाल, परमेश्वर तोखे मार्येका तू मूसा का नीयम का जसो मरो न्याय करण का लिये बठ्यो हइ, अरु फिर व्यवस्था का विरुध्द मेखे मारन कि आज्ञा देस हइ?”
ACT 23:4 जो दुन्या पौलुस का पास खडा था, “उनने बोल्यो, तू परमेश्वर को महायाजक खे बुरो-भलो बोलस हइ.”
ACT 23:5 पौलुस ने बोल्यो, “हे इस्त्राएली भैइहोन, मी नी जानतो थो, कि यो महायाजक हइ. क्युकि लिख्यो हइ, अपना दुन्या का प्रधान खे बुरो नी बोलनु.”
ACT 23:6 तब पौलुस ने यो जानी खे कि एक दल सदूकिहोन अरु दूसरा फिरीसिहोन को हइ, महासभा मे पुकारी खे बोल्यो, “हे भैइहोन मी फरीसी अरु फिरीसीहोन को वंश को हइ, मर्या हुया कि आस अरु पुनरुत्थान का बारे मे मरो मेकदमो हुइ र्‍हो हइ.”
ACT 23:7 जब ओने या बात बोली ते फरीसीहोन अरु सदूकिहोन मे वाद विवाद होन लग्यो. अरु सभा मे फुट पडी गइ.
ACT 23:8 क्युकि सदूकि तो यो बोलस हइ, कि नी पुनरुत्थान हइ, नी स्वर्गदूत अरु नी आत्मा हइ. पन फरीसी यो सब खे मानस हइ.
ACT 23:9 तब बडो हल्लो मच्यो अरु कुछ मूसा को नीयम को शिक्षक जो फरीसीहोन को दल को थो, उठी खे यो बोलि खे झगडन लग्या, “हम यो इन्सान मे कुछ बुराइ नी पाय. अरु अगर कोय आत्मा या स्वर्गदूत ओकासे बोल्यो हइ ते फिर का”
ACT 23:10 जब भोत वाद विवाद हुयो, ते सेनादल को सरदार ने या डर से कि वे पौलुस का टुकडा टुकडा नी करी नी डाल्येका सेनादल खे आज्ञा दी कि उतरी खे ओखे उनका बय मे से जबरदस्ती नीकलनु, अरु किल्ला मे लि आनू.
ACT 23:11 उय रात प्रभु ने ओका पास अयखे खडो हुइ खे बोल्यो, “हे पौलुस हिम्मत रख क्युकि जसो तोने यरुशलेम मे मरी गवइ दी, वसो ही तोखे रोम मे भी गवइ देनु पड्ये.”
ACT 23:12 जब दिन हुयो, ते यहूदीयाहोन ने इकठ्ठा हुया अरु साजीस रच्यो, अरु कसम खय कि जब तक हम पौलुस खे मारी नी डाल्ये अगर हम खाया या पीया ते हम पर धिक्कर.
ACT 23:13 जेने या कसम खे खाय थी वे चालीस जन से जादा था.
ACT 23:14 उनने प्रधान याजकहोन का पास अय खे बोल्यो, “हमने यो ठान्यो हइ कि जब तक हम पौलुस खे मारी नी डाल्येका तब तक अगर कुछ भी खाये ते हम पर धिकार हइ.
ACT 23:15 अरु फिर यहूदीया समेत सेनादल का सरदार का समझानु, कि ओखे तुम्हारा पास लि अयखे मानु कि तुम ओका बारे मे अरु ओका पहुचना से पइले हि ओखे मारी डालन का लिये तैयार र्‍हिये.”
ACT 23:16 अरु पौलुस की भैइन ने सुन्यो कि वे ओखे मारी डालन कि ताक मे हइ, ते सैनीकहोन किल्ला मे जैइ खे पौलु खे सन्देशो दियो.
ACT 23:17 पौलुस ने सुबेदार मे से एक, “पलटन को सरदार का पास लि जानु का यो जवान ओका से कुछ बोलनु चाहस हइ.”
ACT 23:18 आखरी. ओने ओखे पलटन का सरदार का पास लि जैइ खे बोल्यो, बन्दी पौलुस ने मेखे बुलैइ, प्रार्थना करी खे की यो जवान खे पलटन का सरदार से कुछ बोलनु चाहस हइ. येखे ओखा पास लि जा.
ACT 23:19 पलटन का सरदार ने ओको हाथ पकडी खे अरु ओखे अलग लि जैइ खे पुच्छो, “तू मरासे का बोलनु चाहस हइ?”
ACT 23:20 .ओने बोल्यो, “यहूदीयाहोन ने साजिस रची हइ, कि तरासे प्रार्थना करी कि कल पौलुस खे महासभा मे लानु, मानो तू अरु ठीक से ओकी जाच करणु चाहस हइ.
ACT 23:21 पन उनकी नी माननु, क्युकि उनमे से चालीस का उपर इन्सान ओको घात मे हइ, जोन्हे यो ठानी लियो हइ कि जब तक वे पौलुस खे मारी नी डाले, तब तक नी खाये अरु पीये अरु अब वे तैयार हइ अरु तरो बोलन कि रस्ता देखी र्‍हा हइ.”
ACT 23:22 तब पलटन को सरदार ने जवान खे यो बतैइ खे बिदा कर्यो, “कोय से नी बोलनु कि तोने मेखे या बातहोन बतैइ हइ.”
ACT 23:23 फिर ओने तब दो सुबेदार खे बुलैइ खे बोल्यो, “दो सौ सैनीक का सत्तर घोड सवार को अरु दो सौ भालाआला के कैसरिया जान का लिये तैयार करी रख, तू रात खे नउ बजो नीकलनु.
ACT 23:24 अरु पौलुस की सवारी का लिये घोडा तैयार रखनु कि ओखे फेलिक्स राज्यपाल का पास सुरक्षित पहुच्यैइ दे.”
ACT 23:25 सेनापती ने यो प्रकार कि चिठ्ठी भी लिखी.
ACT 23:26 “महाप्रतापी फेलिक्स राज्यपाल खे क्लौदियुस लूसियास को नमस्कार.
ACT 23:27 यो इन्सान खे यहूदीयाहोन ने पकडी खे मार डालनो चायो, पन जब मेने जान्यो कि उ रोमी हइ, ते पलटन लिखे छुड्य लायो.
ACT 23:28 अरु मी जाननु चाहतो थो, कि वे ओका पर कोपय करण दोष लगास हइ, येका लिये ओखे नीच्चे उनकी महासभा मे लि गयो.
ACT 23:29 तब मेने जानी लियो, उनकी व्यवस्था को झगडाहोन का बारे मे ओ पर दोष लगास हइ, पन मारी डाल्या जाना या बाधी जान को योग्य ओमे कोय दोष नी.
ACT 23:30 अरु जब मेखे बतायो गयो, कि वे यो इन्सान खे मारना मे लग्या हइ ते मेने जल्दी ओखे तरा पास भेजी दियो. अरु दोश लगान आला खे भी आज्ञा दी, उनका लगाया हुया दोष तरा सामने रखन.”
ACT 23:31 आखरी जसो सैनीकहोन खे आज्ञा दी गइ थी, वसो ही पौलुस खे लि खे रातो-रात अन्तिपत्रिस नजीकपास ओका पास पहुचनु.
ACT 23:32 दुसरा दिन घोडसवारहोन पौलुस का साथ आगे जान, लिये परदल चलन आला सैनीकहोन ने किल्ला मे छोडी दियो.
ACT 23:33 उनने कैसरिया मे पहुची, राज्यपाल खे चिठ्ठी दी. अरु पौलुस खे भी ओका सामने खडो कर्यो.
ACT 23:34 ओने पडी खे पूछो, “यो कोनता देश को हइ?” अरु जब जानी गयो कि किलिकिया को हइ.
ACT 23:35 ओने बोल्यो, जब तरा दोष लगान आला भी अयखे ते मी तरो मुकद्दमो कर्यु, अरु ओने उ हेरोदेस का किल्ला मे, पहरा मे रखन कि आज्ञा दी.
ACT 24:1 पाच दिन का बाद हनन्याह महायाजक भोत बुजरुक अरु तिरतुल्लुस नामको कोय वकील खे साथ लिखे कैसरिया आयो. उनने राज्यपाला का सामने पौलुस पर इलजाम लगायो.
ACT 24:2 जब पौलु खे बुलायो गयो ते तिरतुल्लुस पर इलजाम लगैइ खे बोलन लग्यो, “हे महाप्रतापी, फेलिक्स का साथ मे पेस कर्यो तब थो पुलीस इलजाम लगाता हुये बोल्यो हे महामहिम तुम्हारो अगुवाइ मे काफी टेम से शांती से र्‍हि र्‍हा हइ, अरु तुम्हारा नजर से देश मे भोत जात को अच्छो सुधार हुयो हइ.
ACT 24:3 येके हम हर जगा अरु फेलिक्स हर प्रकार से येको स्वागत करस हइ अरु हम बडी गैराइ से येका लिये धन्यवादीत हइ.
ACT 24:4 पन येका लिये कि तोखे अरु दुख नी देनो चाउ, मी नी चाउ भोत जादा टेम मे तो प्रार्थना करुस हइ कृपया तुम मे हम खे एक दो शब्द मे सुनीले.
ACT 24:5 क्युकि हमने इन्सान खे उपद्रवी अरु जगत का पुरा यहूदीयाहोन मे वाद विवाद पइदा करणआला, अरु नासरीहोन को चालु समे को अध्यक्ष पायो हइ.
ACT 24:6 ओने मन्‍दिर खे अशुध्द करनो चाह्यो, अरु तब हमने ओखे बन्दी बन्ये लियो.
ACT 24:7 पन पलटन का सरदार लूसियास ने अय खे ओखे हिम्मत हमारा हातहोन से छीनी लियो.
ACT 24:8 या सब बातहोन खे जिन का बारे मे हम ओका पर इलजाम लगास हइ, तू खुद ओखे परखी खे जानी लिये.”
ACT 24:9 यहूदीयाहोन ने भी ओको साथ दि खे बोल्या कि यो सब सच्ची थो.
ACT 24:10 जब राज्यपाल ने पौलुस कए बोलन का लिये इशारो कर्यो ते ओने जवाब दियो. मी यो जानी खे कि तु भोत साल से यो राष्ट्र को न्याय करस हइ, मी खुशी का साथ अपनो बचाव पक्ष तुम्हारा सामने जात रखनो चाहुस हइ.
ACT 24:11 तूम पतो करी सकस हइ, कि जब से मी यरुशलेम मे आराधना करण खे आयो, मेखे बारा दिन से जादा दिन नी हुया.
ACT 24:12 यहूदीयाहोन ने मेखे नी ते कोय का साथ बहस करता नी पायो, अरु नी दुन्या कि गर्दी लगाता हुये अरु यहूदीया आराधनालयहोन मे गर्दी नी शहर मे दंगो फैलाते हुये पायो.
ACT 24:13 अरु नी ते वे उन बातहोन खे जिनका बारे मे वे अब मरा पर इलजाम लगास हइ, तरा सामने सच साबित करी सकस हइ.
ACT 24:14 पन यो मी तरा सामने मानी लेउस हइ, कि जो रस्ता खे वे झुठो बोलस हइ, ओका रीति पर मी अपना बुजुरुखहोन को परमेश्वर कि आराधना करुस हइ. पन यो भी विश्वास करुस हइ जो बातहोन मूसा कि व्यवस्था अरु भविष्यव्दक्ताहोन की किताबहोन मे लिखी हइ उन सब पर विश्वास करुस हइ.
ACT 24:15 अरु परमेश्वर पर ओसो ही विश्वास रखस हइ कि अच्छा अरु बुरा दो को ही पुनरुत्थान हुये.
ACT 24:16 येका से मी खुद भी कोशिश करुस हइ, कि परमेश्वर खे अरु इन्सान का तरफ मरो विवेक सदा नीर्दोष र्‍हिये.
ACT 24:17 भोत साल का बाद यरुशलेम मी अपना गरीब दुन्या खे पहचान, अरु दान चडान आयो थो.
ACT 24:18 जब मी यो करी र्‍हो थो, उनने मेखे मन्‍दिर मे पायो, शुध्दिकरण कि विधी पुरी करी र्‍हो थो नी व्हा गर्दी थी अरु नी सोय.
ACT 24:19 व्हा आसिया प्रांत का कुछ यहूदीया था, यो जरुरी था की अगर मरा विरोध मे उनका पास बात थी ते ह्या तरा सामने अय खे मरा पर इलजाम लगास.
ACT 24:20 ह्या यहूदीया दुन्या खुद ही बोल्या, कि जब मी बडी सभा का सामने खडा थो, ते उनने मरा मे कोन तो अपराध पायो?
ACT 24:21 जब मी उनका बीच मे खडो थो, “ तब मे ने उचो आवाज मे बोल्यो थो मर्या हुया मे से जिन्दो उठान का बारे मे मरा विश्वास करनो मरो न्याय हुइ र्‍हो हइ.”
ACT 24:22 फेलिक्स ने जो रीति की बातहोन ठीक-ठीक जानतो थो, यन्हे यो बोली खे टाली दियो, “जब पलटन को सरदार लूसियास आह्ये ते तुम्हारी बात को नीर्णय दियु.”
ACT 24:23 अरु सुबेदार खे आज्ञा दी, कि पौलुस खे कुच छुट दि खे रखवाली करणु, अरु ओका दोस्त मे से कोइ खे भी ओकी सेवा करण से नी रोखनु.
ACT 24:24 कुछ दिन का बाद फेलिक्स अपनी लुगय द्रुसिल्ला जो यहूदीया बय थी, साथ लिखे आयो अरु पौलुस खे बुलैइ खे उ विश्वास का बारे मे जो मसीह यीशु पर हइ, ओने सुन्यो.
ACT 24:25 जब वा अच्छी बातहोन अरु खुद अरु आनआला न्याय का दिन की चर्चा करी र्‍हो थो, ते फेलिक्स ने डरी खे हुइ खे जवाब दियो, “ अभी तो जा. अवसर मीलीखे मी तोखे फिर बुलायू.”
ACT 24:26 ओखे पौलुस से कुछ पैसा मीलन की भी आस थी. येका लिये अरु भी बार-बार बुलैइ खे बातहोन कर्या करतो थो.
ACT 24:27 पन जब दो साल बीती गा, ते पुरकियुस फेस्तुस, फेलिक्स का जगा पर राज्यपाल बनी खे आयो, अरु फेलिक्स यहूदीयाहोन खे खुश करण की इच्छा से पौलुस खे बन्दीघर मे छोडी दियो.
ACT 25:1 फेस्तुस उ देस मे पहुची खे तीन दिन का बाद कैसरिया से यरुशलेम खे गयो.
ACT 25:2 तब व्हा यहूदीयाहोन का प्रधान याजकहोन का प्रमुख दुन्याहोन ने, ओका सामने पौलुस पर इलजाम लगायो.
ACT 25:3 तब यहूदीया याजक वे फेस्तुस से प्रार्थना करी र्‍हा की उ कृपा पौलुस खे यरुशलेम मे बुलानु ताकी वे ओखे रस्ता मे मारी डाली सक्ये.
ACT 25:4 फेस्तुस ने जवाब दियो, पौलुस कैसरिया मे कैद हइ, अरु मी खुद जल्दी वहा जायु.
ACT 25:5 फिर बोल्यो, तुम मे से नेताहोन खे मरा साथ कैसरिया भेजनु, अरु अगर यो इन्सान ने कुछ बुरा काम कर्यो हइ, ते ओ पर इलजाम लगाये.
ACT 25:6 उनका बीच कोय आठ दस दिन र्‍हिखे उ कैसरिया चली गयो. अरु दुसरा दिन न्याय आसन पर बठी खे पौलुस खे लान की आज्ञा दी.
ACT 25:7 जब पौलुस आयो, ते जो यहूदीया अधिकारी यरुशलेम से आया था, उनने आस-पास खडा हुइ खे ओका पर भोत सा गम्भीर इलजाम लगाया, जिनको सबुत वे नी दि सकता था.
ACT 25:8 पन पौलुस ने खुद का बचाव मे बोल्यो, “मेने नी ते यहूदीयाहोन की व्यवस्था का तरफ नी मन्‍दिर का अरु रोमन शासक कैसर का विरुध्द कोय अपराध नी कर्यो हइ.”
ACT 25:9 तब फेस्तुस ने यहूदीयाहोन खे खुश करण की इच्छा से पौलुस खे जबाब दियो “चाहस हइ कि यरुशलेम का जानु. अरु वहा मरा सामने तरो यो मुकद्दमो तय कर्या जाय?”
ACT 25:10 पौलुस ने बोल्यो, मी कैसर का न्याय आसन का सामने खडो हइ. मरो मुकद्दमो को यो फैसलो होन खे होनू, जसो तु अच्छा तरह जानस हइ, यहूदीयाहोन का विरुध्द मे मेने कुछ अपराध नी कर्यो.
ACT 25:11 अगर मी अपराधी हइ अरु मारी डाल नो योग्य कोय काम कर्यो हइ, ते मरन से नी मुकरु. पन जो बातहोन को यो मरा पर इलजाम लगास हइ, अगर उनमे से कोय बात सच्ची नी ठैर्ये ते कोय मेखे उनका हाथ नी सोपी सक्ये, मी कैसर से प्रार्थना करुस हइ.
ACT 25:12 तब फेस्तुस ने मंत्रिहोन की सभा का साथ बिचार करीखे जवाब दियो, “तोने कैसर खे दोहाइ दी हइ, ते कैसर का पास ही जाये.”
ACT 25:13 कुछ दिन बीतना का बाद अग्रिप्पा राजो अरु बिरनी खे कैसरिया मे अय खे फेस्तुस से दान कर्यो.
ACT 25:14 उनका भोत दिन वहा र्‍हेन का बाद फेस्तुस ने पौलुस का बारे मे राजा खे बतायो, “एक इन्सान हइ जेखे फेलिक्स ने बन्दी घर मे ही छोड्या गयो.
ACT 25:15 जब मी यरुशलेम मे गयो थो, ते प्रधान याजकहोन अरु यहूदीयाहोन का बुजरुकहोन ने मी ओ पर दोषी ठैरार्‍ये सक्यु, कि ओका पर दण्ड की आज्ञा दी जाये.
ACT 25:16 लेकिन मेने उनका जवाब दियो, कि रोमीहोन की या रीति नी, कि कोय इन्सान खे दण्ड का लिये सौपी दे, जब तक दोषी खे अपनो दोष लगान आला का सामने दान अरु आरोप का खिलाप खुद को बचाव करण को मौको दियो.
ACT 25:17 आखरी जब वे मरा साथ ह्या अयखे ते मेने कुछ देर नी करी खे पन दुसरा ही दिन न्याय आसन पर बठी खे उ इन्सान खे कोरट मे लान की आज्ञा दी.
ACT 25:18 जब ओको दोष लगान आला खडा हुया, ते उनने असी बुरी बातहोन को दोष नी लगायो, जसो मी समझतो थो वे मी कर्यु.
ACT 25:19 पन अपना मत खे अरु यीशु नामको कोय इन्सान का बारे मे जो मर्या था, अरु पौलुस ओखे जिन्दो बतातो थो, अरु वाद विवाद करता था.
ACT 25:20 अरु मी उलझन मे थो, कि या बातहोन को पतो कसो लगायु? येका लिये मेने पौलुस से पुछ्यो, तु यरुशलेम जायेका कि वहा या बातहोन को फैसलो हुये?
ACT 25:21 पन जब पौलुस ने बिनती, करी मरो मुकद्दमा को फैसलो कैसर का ह्या हुये ते मेने आज्ञा दि, कि जब तक ओखे कैसर का पास नी भेज्यु, ओखे कैद मे रख्या जाये.”
ACT 25:22 जब अग्रिप्पा ने फेस्तुस से बोल्ये “मी भी उ इन्सान कि सुन्नु चाहुस हइ “ओने बोल्यो,” तू सुनी लिये.
ACT 25:23 आखरी दुसरा दिन खे अग्रिप्पा अरु बिरनी खे को बडी धुम धाम से अय खे पलटन का सरदारहोन अरु नगर का प्रमुख खे दुन्याहोन का साथ दरबार मे पहुच्या, तब फेस्तुस ने आज्ञा दी कि वे पौलुस खे लिखे आये.
ACT 25:24 फेस्तुस ने बोल्यो, हे राजा अग्रिप्पा, अरु हे इन्सानहोन जो ह्या हमारा साथ हुये खे तुम यो इन्सानहोन खे देखस हइ, जेका बारे मे पुरा यहूदीयाहोन ने यरुशलेम मे अरु ह्या भी चिल्ले-चिल्लय खे मेखे प्रार्थना करी, कि येको जिन्दो र्‍हेनु अच्छो नी.
ACT 25:25 पन मेने जानी लियो कि ओने असो कुछ नी कर्यो कि मारी डाले जाय, अरु जब कि ओने खुद ही कैसर से प्रार्थना करी, ते मेने ओखे रोम भेजन फैसलो कर्यो.
ACT 25:26 पन मेने प्रभु को बचाव काबा बरे मे कोय ठिक बात नी देख्यो कि कैसर खे लिख भेजु, येका लिये मी ओखे तुम्‍हारा सामने अरु विशेष करी, हे राजा अग्रिप्पा तरा सामने लायो हइ, कि परख्ये का बाद मेखे कुछ तो ओखा बारे मे लिखन खे मील्ये.
ACT 25:27 क्युकि बन्दी खे भेझनो अरु जो इलजाम ओका पर लगाया गया, उनने बतायो कि मेखे व्यर्थ समझ पड्यो हइ.
ACT 26:1 अग्रिप्पा ने पौलुस से बोल्यो, “ तोखे अपना बारे मे बोलन की आज्ञा हइ” तब पौलुस हाथ बड्यैइ खे जवाब देन लग्यो.
ACT 26:2 हे राजा अग्रिप्पा, जोत्ती बातहोन को यहूदीया मरा पर इलजाम लगास हइ, आज तरा सामने उनको जवाब देना मे मी खुद खे धन्य समझुस हइ.
ACT 26:3 विशेष करी खे येका लिये कि यहूदीयाहोन खे सब प्रथाहोन अरु विवादहोन खे जानुस हइ, आखरी मी प्रार्थना करुस हइ, धीरज से मरी सुनी ले.
ACT 26:4 जसो मरो चाल चलन बचपन से अपना जात का बीच अरु यरुशलेम मे जसो थो का यो सब यहूदीया जानस हइ.
ACT 26:5 वे मेखे भोत टेम से जानस हइ अगर वे चाहता ते या बात की गवइ दि सकस हइ की मे ने फरीसी रस्ता खे एक सब से कट्टर जसो एक सदस्य का रुप मे जिवन जीयो.
ACT 26:6 अरु अब वा प्रतीज्ञा कि आसकरण जो परमेश्वर ने हमारा बुर्जुकहोन से करी थी, मरा पर मुकद्दमो चलैइ र्‍हा हइ.
ACT 26:7 वा प्रतीज्ञा को पूरो होना की आस लगाता हुया, हमारा बारा कुल अपना पूरा मन से रात दिन परमेश्वर की सेवा करता आया हइ, हे राजा, या आस का बारे मे यहूदीया मरा पर इलजाम लगास हइ.
ACT 26:8 जब कि परमेश्वर मर्या हुया खे जिन्दो हइ, ते तुम्हारा ह्या या बात क्यु विश्वास का योग्य नी समझी जाय?
ACT 26:9 मेने भी समझो थो कि यीशु नासर का नाम का विरोध मे मी भोत कुछ करु.
ACT 26:10 अरु मेने यरुशलेम मे असो ही कर्यो. अरु प्रधान याजकहोन से अधिकार मीलीखे भोत सा परमेश्वर का दुन्याहोन खे बन्दीगृह मे डाल्यो, अरु जब वे अपनी सम्मती देता था.
ACT 26:11 अरु हर आराधनालय मे मी उनखे सजा दिलै-दिलैइ खे यीशु का विश्वास खे नाकारतो थो, उनका प्रती मरो घुस्सो उनखे नीन्दा का लिये ह्या तक मी विदेशी शहरहोन मे गयो.
ACT 26:12 यो अभिप्राय से मी एक दिन प्रधान याजकहोन से अधिकार अरु आज्ञा-चिठ्ठी लिखे दमीश्क खे जैइ र्‍हो थो.
ACT 26:13 ते हे राजा, रस्ता मे दुपेर का टेम मे मेने स्वर्ग से सुरज को तेज से भी बडी खे एक ज्योत, अपना अरु अपना साथ चलनआला होन का चारी तरफ चमकती हुइ देखी.
ACT 26:14 अरु जब हम जमीन पर गिर पड्या, ते मेने इब्रानी भाषा मे, मरा से बोलता हुये या वाणी सुनी, हे शाउल, हे शाउल का तू मेखे क्यु सतास हइ? पाय पर लाथ मारनो तरा लिये मुस्कील हइ.
ACT 26:15 मेने बोल्यो हे प्रभु, तू कोन हइ? प्रभु ने बोल्यो, मी यीशु हइ जेखे तू सतास हइ.
ACT 26:16 पन तू उटी खे अपना पाय पर खडो हो, क्युकि मेने तोखे येका लिये दर्शन दियो हइ कि तोखे उन बातहोन को भी सेवक अरु गवा ठैरायु जो तोने देखी हइ अरु उनको भी जोका लिये मी तोखे दर्शन दियु.
ACT 26:17 अरु मी तोखे तरा अपना दुन्या यहूदीयाहोन अरु गैरयहूदीहोन से छुड्य खे जेका पास मी अब तोखे भेज्यु.
ACT 26:18 कि तु उनका आखहोन खोल कि वे अंधारा से सैतान को अधिकार उजाला का तरफ फिरनु. ताकी उनका विश्वास का वजेसे जो उन पर हइ वे उनका पापहोन की माफी अरु परमेश्वर खे चुन्या हुया दुन्या का साथ जगा पाये.
ACT 26:19 “आखरी हे राजा अग्रिप्पा, मेने उ स्वर्गीय दर्शन की आज्ञा नी टाली.
ACT 26:20 पन पैयले दमीश्क का फिर यरुशलेम का र्‍हेनआला का तब यहूदीयाहोन का पुरा देश मे अरु गैरयहूदिहोन का समझातो र्‍हियो, मन पापहोन से फिरनु अरु परमेश्वर का तरफ मन फिरी खे मन फिराव का बरोबर अच्छो काम कर.
ACT 26:21 या बातहोन का कारण यहूदीया मेखे मन्‍दिर मे पकडी खे मारी डालन कि कोशिश करता था.
ACT 26:22 पन परमेश्वर की मद्दत से मी आज बन्यो हइ अरु छोटा बडा सभी का सामने गवाही देस हइ, अरु वे बातहोन खे छोड कुछ नी बोलतो, जो भविष्यव्दक्ताहोन अरु मूसा ने भी बोल्यो कि होनआली हइ.
ACT 26:23 कि मसीह खे दुख उठानु पड्ये का अरु उ सबसे पैयले मर्या हुया मे से जिन्दो उठस अगर खे हमारा दुन्या मे अरु गैरयहूदिहोन मे ज्योती को प्रचार कर्ये.”
ACT 26:24 जब पौलुस अपना बचाव मे या सब बातहोन खे बोली र्‍हो थो, ते फेस्तुस ने उचो शब्द से बोल्यो, “हे पौलुस,तू पागल हइ, भोत ज्ञान ने तोखे पागल करी दियो हइ.”
ACT 26:25 पौलुस पन ओने बोल्य, “हे महाप्रतापी फेस्तुस, मी पागल नीका सच्ची अरु दिमाक कि बातहोन बोलुस हइ.
ACT 26:26 खुद. राजो अग्रिप्पा इन बातहोन का जानस हइ अरु मी पुरा हिम्मत का साथ या बातहोन उनसे बोली र्‍हो हइ क्युकि मी खुद जानुस ही कि इनमे से कोय भी बात उनखे मालुम नी असो नी हइ असो येका लिये बोली र्‍हो हइ कि या बात कोय कोना मे लुकी नी घटी.
ACT 26:27 हे राजा अग्रिप्पा, तु भविष्यव्दक्ताहोन को विश्वास करुस हइ? हा, मी जानुस हइ, कि तू विश्वास करस हइ.”
ACT 26:28 अब अग्रिप्पा ने पौलुस से बोल्यो “तू यो सोचस हइ की इत्ती सरलता से अरु कम टेम मे तू मेखे मसीह बनी सकस हइ.”
ACT 26:29 पौलुस ने बोल्यो, परमेश्वर से मरी प्रार्थना या हइ कि, थोडा मे का भोत मे, फक्त तू ही नी, पन जेत्ता दुन्या आज मरी सुनस हइ, मरा इन बन्धनहोन खे छोड वे मरा जसा हुइ जा.
ACT 26:30 तब राजो अरु राज्यपाल अरु बिरनी खे, अरु उनका साथ बठनआला उठी खे खडा हुया.
ACT 26:31 अरु अलग जैइखे आपस मे बोलन लग्या, “यो इन्सान असो तो कुछ नी कर्येका जो मरन-दण्ड या बन्दीघर मे डाल्यो जान जसो हो.”
ACT 26:32 अग्रिप्पा ने फेस्तुस से बोल्यो, “अगर यो इन्सान कैसर की दोहाइ नी देतो, ते छुटी सकतो थो.”
ACT 27:1 जब यो नीश्चित हुइ गयो कि हम डोंगा का वजेसे इटली जाये ते उनने पौलुस अरु कुछ दुसरा बन्दिहोन खे भी यूलियुस नामको की सेनादल को एक सुबेदार का हाथ सौपी दियो.
ACT 27:2 हम अद्रमुत्तियुस से एक डोंगा पर सवार हुइखे गया, जो आसिया प्रात का बंदरगाहोन का लिये तीमुथियुस रवाना होन का लिये गया, अरिस्तर्खुस नामको थिस्सलुनीखे का शहर को एक मकिदुनी हमारा साथ थो.
ACT 27:3 दूसरा दिन हम सैदा मे डोंगा से उतर्या, अरु यूलियुस ने पौलुस पर कृपा करी खे ओखे दोस्तहोन खे ह्या जान दियो ताकी, लगन आला जरुरत कि चिज ओखे दि सक्ये.
ACT 27:4 व्हा से हम समुदर रस्ता से फिर चली गया क्युकि हवाहोन हमारा विरुध्द दिशाहोन मे थी हम साइप्रस टापु का आड मे हुइ खे चल्यो.
ACT 27:5 अरु किलिकिया अरु पंफूलिया का पास का समुद्र मे हुइ खे लूसिया मुरा शहर मे उतर्या.
ACT 27:6 वहा सुबेदार खे सिकन्दरिया को एक डोंगा इटली जातो हुयो मील्यो, अरु ओने हम खे ओका पर चड्यै दियो.
ACT 27:7 जब हम भोत दिन तक धीरे-धीरे चली खे मुसकिल से कनीदुस का सामने पहुच्या, ते येका लिये कि हवा हम खे आगे बडन नी देती थी, हम सलमोने टापु का सामने से हुइ, क्रेते टापु का आड मे चल्यो.
ACT 27:8 अरु ओका किनारा मेसकिल से चली का सुरक्षित हुइ खे हारबोर बंदरगा नामको एक जगा पहुच्या का डोंगा से लसाया नगर पास थो.
ACT 27:9 जब हमने भोत दिन बीती गया, अरु पाणी जत्रा मे जोखिम येका लिये हुइ र्‍हा था, कि उपास का दिन अब बीत चुक्या था, ते पौलुस ने उनखे यो बोलि खे चेतावनी देते हुये यो बोल्यो.
ACT 27:10 “इन्सान, मी देखी र्‍हो हइ कि ह्या से हमारी जत्रा खतरनाक हुये. मालवाहक अरु डोगा खे भोत नुकसान हुये खे अरु साथ ही जान की नुकसान भी हुये.”
ACT 27:11 पन सुबेदार ने कप्तान अरु डोंगा को मालिक की बातहोन खे पौलुस की बातहोन से बडी खे मान्यो.
ACT 27:12 सुरक्षित हारबोर यो बंदरगा ठडी काटन का लिये उ अच्छो नी थो. येका लिये जादा दुन्या ने फीनीक्स पहुचन को ठान्यो अरु फीनीक्स तक पहुचन कि कोशिश करी र्‍हा था, अगर संभव हुये ते क्रेते वहा सर्दिखे बिताना का लिये फीनीक्स दक्षिण-पश्चिम अरु उत्तर-पश्चिम दो का सामने पडस हइ.
ACT 27:13 जब दक्षिणी हवा आन लगी, ते उनने सोच्यो कि उनखे , जेकी जरुरत थी उ उनका पास थी, येका लिये लगर उठायो अरु क्रेते का किनार का डोंगा खे बडान लग्या.
ACT 27:14 पन थोडी देर मे जमीन का तरफ से एक उत्तर पुर्वी आधी कहलाती थी.
ACT 27:15 जब आधी डोंगा से टकर्यीइ डोंगा आधीकरण हम ने कोशिश करणो छोडी दियो, डोंगा हवा का साथ जिधर जानो चाह्यो उधर जान दियो.
ACT 27:16 तब कौदा नामको एक छोटा सा टापू का आड मे बोहा हम मुसकिल से डोंगा खे कब्जा मे करी सक्या.
ACT 27:17 फिर डोंगा चलान आला ओखे उठैइ खे अनेक उपाय करी खे डोगा का नीच्चे से बाध्यो, अरु सुरतिस का रेती पर टिकी जान, डर से पाल अरु सामन उतारी का बोहाते हुया चली गया.
ACT 27:18 जब डोंगा आधी से भोत हिचकी अरु धक्को खायो, ते दूसरा दिन वे डोगा, कुछ माल फेकन लग्या.
ACT 27:19 अरु तीसरा दिन उनने अपना हाथहोन से डोंगा को उपकरण को सामनहोन भी फेकी दियो.
ACT 27:20 अरु जब भोत दिन मे सुरज देख्यो नी रात मे तारा दिखइ दिया, अरु बडी हवा आंधी चली र्‍हि थी, ते आखरी मे हमारो बचन की पूरी आस जाती र्‍हि.
ACT 27:21 जब वे भोत दिन तक भूखा र्‍हि गया, ते पौलुस ने उनका बीच मे खडा हुइ खे बोल्यो, “ हे दुन्या खे अगर क्रेते से रवाना होन कि सला मरी मानी होती अविनाश अरु नुकसान नी होतो.
ACT 27:22 लेकिन अब मी तुम खे समझउ हइ कि हिम्मत बाधनु, क्युकि तुम मे से कोय कि जान कि नुकसान नी हुये खे पर फक्त डोंगा की.
ACT 27:23 क्युकि बिती हुइ रात जो परमेश्वर को मी हइ, अरु जेकी आराधना करुस हइ, ओको एक स्वर्गदूत मरा पास आयो.
ACT 27:24 ‘हे पौलुस, मत डरनु! तोखे कैसर का सामने खडो होनो जरुरी हइ, अरु देख, परमेश्वर ने सब खे जो तरा साथ जत्रा करी र्‍हो हइ, उनको जिवन तरा साथ दियो हइ.’
ACT 27:25 येका लियेका हे सज्जनहोन, हिम्मत बाधनु. क्युकि मी परमेश्वर पर विश्वास करुस हइ, कि जसो मरासे बोल्यो गयो हइ, वसो ही हुये.
ACT 27:26 पन हम, कोय टापू पर जैखे टिक्यो नी हुये.”
ACT 27:27 जब चौदहवी रात हुइ, अरु हम भुमध्ये समुदर मे भटकी र्‍हा था, ते आधी रात का पास मल्लाहोन अदाजा से जान्यो कि हम कोय किनारा का पास पहुची र्‍हा हइ.
ACT 27:28 येका लिये उनने येका साथ एक रेखा खे गिर्यय दियो अरु पायो कि पानी चालीस मीटर गैयरो थो. थोडी देर बाद उनने उ कर्यो अरु पायो कि यो तीस मीटर गैयरो थो.
ACT 27:29 तब पत्थरीली जगाहोन पर गीरन का डर से उनने डोंगा की पिछे चार लगर डाल्या, अरु फजर होन की काम ना करता र्‍हिया.
ACT 27:30 पन जब मल्लाह डोगापर से भागनो चाहतो थो, अरु से लगइ से डालन का बहानो डोंगा समुदर मे उतारी दियो.
ACT 27:31 पन पौलुस ने सुबेदार अरु सैनीकहोन से बोल्यो, “अगर यो डोगा पर नी र्‍हियो, ते तुम भी नी बची सक्ये.”
ACT 27:32 तब सैनीकहोन ने दोरीकास काटी खे डोंगा समुदर मे गिर्येइ दी.
ACT 27:33 जब फजर होना पर थी, ते पौलुस ने यो बोली खे सब खे भोजन करण की बिनती करुस हइ “आज चौदाह दिन हुया कि तुम आस देखता-देखता भूखा र्‍हिया, अरु कुछ खानो नी खायो.
ACT 27:34 मी तुम से प्रार्थना करुस हइ, फिर कुछ खानु. जिन्दो र्‍हेन का लिये तुम्ह खे येकी जरुरत हइ, अरु तुम्हारा माथा का बाल भी नी हट्ये.”
ACT 27:35 अरु यो बोलि खे ओने रोटी लि खे सब का सामने परमेश्वर को धन्यवाद कर्यो अरु रोटी तोडी खे खान लग्यो.
ACT 27:36 तब वे सब भी हिम्मत बाधी खे भोजन करण लग्या.
ACT 27:37 हम सब मीलि खे डोंगा मे दो सौ छाहत्तर झन था.
ACT 27:38 जब वे खानो खैइ खे तृप्त हुया, ते गहु खे समुदर मे फेकी खे डोंगा हलको लगन लग्यो.
ACT 27:39 जब दिन नीकल्यो, ते उनने उ देस खे नी पैछान्यो, पन एक खाडी देखी जेको चौरस किनारो थो, अरु बिचार कर्यो कि अगर हुइ सक्ये ते ये पर डोगा खे टेक्ये.
ACT 27:40 तब उनने लंगरहोन खे खोलि खे समुदर मे छोडी दियो अरु उ टेम पतवारहोन को बन्धन खोली दिया, अरु हवा का सामने दुसरो पाल चड्यैइ खे किनार का तरफ चलनु.
ACT 27:41 पर दो समुदर को सगम की जगा पडी खे उनने डोंगा खे टिक्यो अरु डोंगा को अलग हिस्सो ते धक्को खैइ खे गडी गइ, अरु हली नी सकी. पर पिछली लहरहोन का बल से टुटन लगी.
ACT 27:42 तब सैनीकहोन को यो बिचार हुयो कि बन्दिहोन खे मारी डाल. असो नी हो कि कोय तिरी खे नीकली भाग्ये.
ACT 27:43 पन सुबेदार ने पौलुस खे बचन की इच्छा से उनको यो बिचार से रोक्यो, अरु यो बोल्यो, उलट या आज्ञा दी जो तैयारी सकस हइ, ते पैयले कुदि खे तिरी खे किनार पर अरु जमीन पर नीकली जानु.
ACT 27:44 अरु बाकी को पालन करणो थो, तख्तो पर या डोंगा का कुछ टुट्या हुया टुकडा खे पकडी खे अरु येका जसो हम सब खे जमीन पर से मील्यो.
ACT 28:1 जब हम किनारा पर सुरक्षित पहुच्या तब मालुम हुयो की माल्टा टापु हइ.
ACT 28:2 अरु वहा का र्‍हेनआलाहोन ने हम पर अनोखी कृपा करी. क्युकि मेंह ओस करण जो बरसी र्‍हियो थो अरु ठडकरण खे उनने अंगार जलैइ खे हम सब खे ठैरायो.
ACT 28:3 जब पौलुस ने लक्कडहोन को गठ्ठो खे अंगार पर रख्यो, ते एक साप ओका पास नीकल्यो अरु ओका हाथ मे गुडय गयो.
ACT 28:4 जब वे र्‍हेनआलाहोन ने साप खे ओका हाथ मे लटक्यो हुयो देख्यो, ते आपस मे बोल्या, “सच्ची यो इन्सान खुनी हइ, कि अगर समुंदर से बची गयो, फिर भी न्याय से बची नी पायो.”
ACT 28:5 तब पौलुस साप खे अंगार मे झटकी दियो, अरु ओखे कुछ नुकसान नी पहुच्यो.
ACT 28:6 पन वे प्रतीक्षा करी र्‍हा था कि उ सुजी जाये या एको-एक गिरी खे मरी जायेका पन जब वे भोत देर तक देखता र्‍हियो, अरु देख्यो कि असाधारन रुप से ओको कुछ भी नी हुयो, ते उनने बिचार बदली खे बोल्यो, यो तो कोइ “परमेश्वर हइ.”
ACT 28:7 वा जगा का आस-पास पुबलियुस नामको उ टापू को प्रधान कि जमीन थी. ओने हम खे अपना घर ली जैइ खे तीन दिन दोस्ती भाव से स्वागत कर्यो.
ACT 28:8 पुबलियुस को बाप तेज बुखार अरु पेचिश से रोगी पड्यो थो, आखरी पौलुस ने ओका पास घर मे जैइ खे प्रार्थना करी खे अरु ओ पर हाथ रखीखे ओखे अच्छो कर्यो.
ACT 28:9 जब असो हुयो, ते उ टापू का बाकी बीमार आया, अरु अच्छो कर्या गया.
ACT 28:10 उनने भोत तरी का से हमारो आदर कर्यो, अरु जब हम चलन लग्या, ते जो कुछ हमारा लिये जरुरी थो, डोगापर रखी दियो.
ACT 28:11 तीन महीना का बाद सिकन्दरिया आया हुया डोगापर चल पड्या अरु यो डोंगा टापू मे ठडी का दिनहोन का कारण रुख्यो हुयो थो उ डोगा को इश्वर बोल्या जातो थो.
ACT 28:12 सुर कूसा शहर मे पहुच्या अरु तीन दिन तक र्‍हिया.
ACT 28:13 वहा से हम घुमी खे रेगीयुम मे आया. अरु दुसरा दिन का बाद दक्षिण हवा चली खे तब दूसरा दिन पुतियुली नगर मे आया.
ACT 28:14 वहा हम खे कुछ विश्वासी भैइ मील्या, अरु उनका बोलना से हम उनका ह्या सात दिन तक र्‍हिया. अरु यो रीति से हम रोम खे चल्यो.
ACT 28:15 जब रोमन का र्‍हेनआला भैइहोन खे हमारी सुचना मीली ते वे अप्पियुस को बजार अरु तीन सराय तक हम खे मीलन आया, जिन खे दिखी खे पौलुस ने परमेश्वर को धन्यवाद कर्यो, अरु हिम्मत बाध्यो.
ACT 28:16 जब हम रोम मे पहुच्या, ते पौलुस खे एक सैनीक का साथ जो ओकी रखवाली करतो थो, एकलो र्‍हेन की आज्ञा मीली गइ.
ACT 28:17 तीन दिन का बाद ओने यहूदीयाहोन का मुखीयाहो खे बुलायो, अरु जब वे जमा हुया ते उनसे बोल्यो, “हे इस्त्राएली भैइहोन, मेने अपना दुन्या खे या बापदादाहोन की रीतिरीवाजहो का खिलाप मे कुछ भी नी कर्यो, फिर भी मेखे बन्दी बनैइ खे यरुशलेम से रोमीहोन का हात मे दि दिये जाये.
ACT 28:18 उनने मेखे परख्ये खे छोडी देनो चाह्यो, क्युकि मरा मे मरन को योग्य कोय दोष नी थो.
ACT 28:19 पन जब यहूदीया येका खिलाप मे बोलन लग्या, फिर मेखे मजबुरी से कैसर से न्याय मागनो पड्यो, येका लिये नी की मे ने अपना दुन्या पर कोय इलजाम लगानु थो.
ACT 28:20 येका लिये मेने तुम खे बुलायो हइ, कि तुम से मील्यु अरु बातचीत कर्यु. क्युकि इस्राएल का दुन्या की आस का लिये मी इन्सान का लिये मी साकल से जकड्यो हुयो हइ.”
ACT 28:21 उनने उनसे बोल्यो, नी हमने तरा बारे मे यहूदीयाहोन से चिठ्ठीहोन पाइ, अरु नी दुन्या ने अय खे तरा बारे मे जानकारी दि, अरु नी बुरो बोल्यो.
ACT 28:22 पन तरो बिचार का हइ? उ हम तरा से सुन्नु चाहस हइ, क्युकि हम जानस हइ
ACT 28:23 तब उनने ओका लिये एक दिन ठैरायो, अरु भोत दुन्या ओका ह्या इकठ्ठा हुया, अरु व्हा परमेश्वर का राज्य की गवइ देते हुये मूसा को नीयम अरु भविष्यव्दक्ताहोन कि किताबहोन से यीशु का बारे मे समझैइ का फजर से संज्जा तक वर्णन करतो र्‍हियो.
ACT 28:24 तब कुछ दुन्या ने वे बातहोन खे मानी लियो, अरु कुछ दुन्या ने विश्वास नी कर्यो.
ACT 28:25 येका लिये वे आपस मे असहमत हुइ गया जब पौलुस ने या बात बोली थी पवित्र आत्मा ने यशायाह भविष्यव्दक्ता का वजेसे पवित्र आत्मा ने बापदादाहोन से कत्ती अच्छी बात बोली थी.
ACT 28:26 जइ खे ये दुन्या से बोल कि सुनता तो र्‍हियेका पन नी समझ्ये का अरु देखता तो र्‍हिये पन तुम खे नी दिखैइ दिये,
ACT 28:27 क्युकि ये दुन्या को मन मोटो, अरु उनका भारी हुइ गया हइ, अरु उनने अपनी आखहोन बन्द करी हइ, असो नी हुये कि वे कभी आखहोन से देख्ये अरु कान होन से सुन्या, अरु मन से समझ्ये अरु मरा तरफ फिर्ये अरु मी उनका अच्छो कर्यु.
ACT 28:28 अरु पौलुस ने या बात से येको समापन कर्यो “की तुम जानी लेनो हुनू की परमेश्वर को यो उध्दार को संदेश गैरयहूदिहोन का पास भेजी दियो या वे येखे सुन्ये.”
ACT 28:29 जब ओने यो बोल्यो ते यहूदीया आपस मे भोत वाद विवाद करण लग्या अरु वहा से चली गया.
ACT 28:30 अरु पौलुस पूरा दो साल अपना किराया का घर मे र्‍हियो अरु जो ओका पास आता था, वे सब को स्वागत करतो थो.
ACT 28:31 अरु पुरा हिम्मत से स्वतत्रता से परमेश्वर को राज्य को प्रचार करतो अरु प्रभु यीशु मसीह का बारे मे सिखातो र्‍हियो.
ROM 1:1 पौलुस का तरप से जो यीशु मसीह को सेवक हइ, जो परमेश्वर ने प्रेरीत होन का लिये बुलायो गयो, ताकी अरु जो परमेश्वर को वु सुसमाचार का लिये अलग कऱ्यो गयो.
ROM 1:2 जेखे ओने पैयले ही से अपना भविष्यव्दक्ताहोन का वजेसे पवित्रशास्त्र मे लिख्यो गयो.
ROM 1:3 उ ओने अपनो बेटो हमारो प्रभु यीशु मसीह का बारे मे घोषना करी थी, वह आंग का भाव से ते दाउद को कुल से पइदा हुयो.
ROM 1:4 अरु पवित्र आत्मा का भाव से मर्यो हुयो मे से जिन्दो उठन का कारन सामर्थ का सात परमेश्वर को बेटो बोल्यो गयो हइ उ यीशु मसीह अपनो प्रभु हइ.
ROM 1:5 ओका वजेसे परमेश्वर ने हम खे अनुग्रह दियो अरु ओकी आज्ञा माननु. ताकि सभी गैरयहूदिहोन मे ओको नाम करण विश्वास कर अरु आज्ञा को पालन कर्‍हे.
ROM 1:6 येमे तुम भी शामील हुये जो रोम मे ऱ्हेवस हइ जिन के परमेश्वर ने यीशु मसीह हो का लिये बुलायो गयो हइ.
ROM 1:7 वे दुन्याहोन का लिये मी लिखी रोस हइ जो रोम मे परमेश्वर को प्याऱ्यो हइ अरु पवित्र होन का लिये बुलायो गयो हइ, हमारो बाप परमेश्वर अरु प्रभु यीशु मसीह का तरप से तुमखे अनुग्रह अरु शांती मीलती ऱ्हेस.
ROM 1:8 पैयले मी तुम सब का लिये यीशु मसीह का वजेसे अपना परमेश्वर को धन्यवाद करुस हइ, की तुम्हारो विश्वास कि चर्चा सब जगत मे हुइ ऱ्हीस हइ.
ROM 1:9 परमेश्वर जेकी सेवा मे अपनी आत्मा से ओको बेटा को सुसमाचार का बारे मे करुस हइ, उ मरी गवाह हइ. कि मी तुमखे कोय प्रकार लगातार याद करतो ऱ्हेस हइ,
ROM 1:10 अरु नीत्य अपनी प्रार्थनाहोन मे बिनती करस हुये कि कोय रिती से अब तुम्हारा पास आनवाला की मरी जत्रा परमेश्वर कि इच्छा से सफल हुये.
ROM 1:11 क्युकि मी तुम खे देखन कि भोत इच्छा रखुस हइ ताकी तुम खे आत्मीक शाक्ति बाटी सकु की मी तुम खे जेकासे तुम खे आत्मीक शाक्ति मीले.
ROM 1:12 मनजे यो, कि जब मी तुमारा बिच मे हुइ खे तुमारा सात विश्वास का वजेसे जो मरा मे अरु तरा मे हइ, एक दुसरा कि मदत कर.
ROM 1:13 हे भैइहोन अरु बयहोन, मी बार-बार तुम्हारा पास आनो चउस, कि जसो मेके गैरयहूदिहोन मे नवो विश्वासी को फल मीले, असो हि तुम मे भी मील्हे, पन अब तक रोख्यो गयो.
ROM 1:14 मी सब दुन्याहोन को कर्जदार हइ यूनानीहोन को अरु गैरयहूदीया को अरु बुध्दीमान अरु नीर्बुध्दीहोन को कर्जदार हुये.
ROM 1:15 आखरी मे तुम खे भी जो रोम नगर मे र्हेस हुये खे सुसमाचार सुनान भोत उत्साह से तैयार हइ.
ROM 1:16 क्युकि मी सुसमाचार से नी सरमु येका लिये कि उ हर एक विश्वास करणवाला का लिये पैयले तो यहूदीया फिर यूनानी का लिये क्युकी यो सब का लिये उध्दार लानवालो परमेश्वर कि सामर्थ्य हइ.
ROM 1:17 क्युकि सुसमाचार यो प्रगट करस हइ कि परमेश्वर इन्सान खे अपना प्रती सही कसो बनास हइ यो पैयले से आखरी तक विश्वास का वजेसे से ही हइ. जसो कि शास्त्र मे लिख्यो हइ विश्वास से न्यायी इन्सान जिन्दो ऱ्हीहे.
ROM 1:18 परमेश्वर की घुस्सा ते वे दुन्याहोन को पाप अरु बुराइ पर स्वर्ग से प्रगट होस हइ, जो सत्य को बुराइ से दबय रखस हइ.
ROM 1:19 येका लिये कि परमेश्वर का बारे मे ज्ञान ओका मन मे प्रगट हइ, क्युकी परमेश्वर ने ओका पर प्रगट कऱ्यो हइ.
ROM 1:20 जब से परमेश्वर ने जगत कि रचना करी तब से ओका उद्देश्य विशेशता, मनजे शक्ति अरु ओकि दाइत्व स्वभाव ये दो पुरी रिती से साफ देखायो देस हइ वे उ चिजहोन खे जो परमेश्वर ने रची हइ या फिर उ जानस हइ ते यो फिर येका लिये वे दुन्याहोन का पास कोय बहानो नी हइ.
ROM 1:21 यो करण कि परमेश्वर खे जाना पर भी ओने परमेश्वर को महत्व बडायो अरु धन्यवाद नी कऱ्यो पन व्यर्थ बिचार करण लग्या, यो तक कि वे दिमाक मन अधारो हुये गयो.
ROM 1:22 वे अपना आप खे दिमाकवान समजी खे बदमास बनी गयो.
ROM 1:23 अरु अविनाशी परमेश्वर कि महिमा खे नासमन इनसान अरु पक्षिहोन, अरु चारपाय, अरु लोडनआला जन्तुहोन की चित्र का जसासे मे बदली डाल्यो.
ROM 1:24 येका लिये परमेश्वर ने उनने उनकी मन की वासना का जसो दुराचरण को शिकार होन दियो अरु वे एक दुसरा को आंग के अपवित्र करस हइ.
ROM 1:25 क्युकि उनने परमेश्वर कि सच्चाइ के बदलिके झुटो बन्य दियो, अरु बनायो हुयो चिजहोन कि भक्ति अरु सेवा खे, पन उ बनानवाला कि भक्ति नी करी जो युगानु सृष्टी कि उपासना अरु परमेश्वर का बजाये सुष्टि करी खे जेखे परमेश्वर ने बनायो हइ सुजनहार को जो हमेशा धन्य हइ. आमीन.
ROM 1:26 येका लिये परमेश्वर ने वुनखे नीच कामनाहोन का वस मे छोडी दियो. तक की ओकी बयहोन ने भी बरोबर व्यवहार खे, वोको जो स्वभाव का विरुध्द हइ, बदली डाल्यो.
ROM 1:27 वोसो ही इन्सान भी बयहोन का सात स्वभाविक व्यवहार छोडी खे आपस मे कामातुर हुइ खे जलन लग्या, अरु इन्सान ने इन्सान का साथ नीर्लज काम करी खे अपनो भ्रम को बरोबर फल मील्हे.
ROM 1:28 जब वुनने परमेश्वर खे पचानो नी चायो, ते परमेश्वर भी वुन वोखे बुरा मन पर छोडी दियो. कि वे अच्छो काम कऱ्हे.
ROM 1:29 येका लिये वे सब रगेरंग को अधर्म खे अरु बुरी, अरु लोभी, अरु दुजाभाव से भरी गयो. अरु डाह, अरु मारीडाल, अरु वाद विवाद, अरु छल, अरु इष्यो से भरपुर हुय गयो, अरु चुगली खोर.
ROM 1:30 बदनाम करणवालो, परमेश्वर को बैरी, दुष्ट घमण्डी, अरु डीग मारन आला दुन्या हइ, वे बुराइ करणा मे चतुर हइ, माय बाप की आज्ञा नी माने.
ROM 1:31 बिनाबुध्दी, विश्वासघात, मायारहित अरु नीर्दय हुय गयो.
ROM 1:32 वे तो परमेश्वर कि या विधी जानस हइ, कि असो असो काम करणवालो मृत्यु को दण्ड का योग्य हइ, तेभी नी फक्त आप ही असो काम करस हइ, जब करणवाला से प्रसन्न भी होस हइ.
ROM 2:1 जो तुम दुसरा पर इलजाम लगानआलो, तु कोय क्यु नी हुये. तु अधिकार करस हइ, क्युकि जो बात मे तु दुसरा पर इलजाम लगास हइ, वा बात मी अपना तुमखे भी दोषी ठैरास हइ येकालिये की तु जो इलजाम लगास हइ खुद ही वह का करस हइ.
ROM 2:2 हम जानस हइ, कि असो असो काम करणवाले पर परमेश्वर का तरप‍ से बरोबर दण्ड दराड कि आज्ञा होस हइ.
ROM 2:3 पन हे इन्सान तु जो असो असो काम करणवाला पर इलजाम लगास हइ, अरु आप उ काम करस हइ. का यो समझस हइ, की तू परमेश्वर का दण्ड से बची जाये.
ROM 2:4 का तु वोकी कृपा अरु सहनशीलता, अरु धिरजरुपी धन खे तुच्छ जानस हइ? का यो नी समझस की परमेश्वर कि कृपा मेखे मन फिराव का सीकास हइ.
ROM 2:5 पन तु अपनी हठिला मन का कारण उ दिन जब परमेश्वर की घुस्सा अरु सच्चो न्याय प्रगट हुये, अपना लिये दण्ड तैयार करी रोस हइ.
ROM 2:6 परमेश्वर अपना हर एक खे ओका काम का अनुसार फल दीये.
ROM 2:7 जो दुन्या सुकर्म मे लग्या ऱ्ही खे महिमा, अरु आदर, अरु अमरता खे ढुंड ना मे हइ, उनखे परमेश्वर अनन्त जिवन दिये.
ROM 2:8 पन जो स्वार्थी हइ, अरु सच्चाइ का नकारस हइ फिर बुरोकाम करी सखे असा दुन्याहोन पर परमेश्वर अपनी घुस्सा अरु प्रकोप गिरास हइ.
ROM 2:9 अरु डर अरु संकट हर एक दुन्याहोन का जान पर जो बुरो करस हइ, ओका पर आह्ये, पैयले यहूदी पर फिर यूनानी पर.
ROM 2:10 पर महिमा अरु इज्जत अरु कल्याण हर एक खे मील्हे, जो अच्छो करस हइ, पैयले यहूदी खे फिर यूनानी खे.
ROM 2:11 क्युकि परमेश्वर बिना पक्षपात कि सब को न्याय करस हइ.
ROM 2:12 येकालिये जेने बिना व्यवस्था पास पाप कऱ्यो, वे बिना व्यवस्था को खतना भी हुये. अरु जेने व्यवस्था पइके पाप कऱ्यो, ओको दण्ड व्यवस्था का अनुसार हुये.
ROM 2:13 क्युकि परमेश्वर का यो व्यवस्था का सुननवाला धर्मी नी, पन व्यवस्था पर चलनआला धर्मी रुखी जाह्‍ये.
ROM 2:14 फिर जब गैरयहूदीहोन दुन्या का पास व्यवस्था नी हइ, पन फिर भी वे अपना आप मे व्यवस्था पर चलस हइ, यो वजा से उ अपना आप मे व्यवस्था फिर भी उनका पास मूसा कि व्यवस्था नी हइ.
ROM 2:15 उनको चाल चलन देखस हइ की व्यवस्था उनका दिल मे लीखी गइ हुइ अरु उनको विवेक भी उनखे बोलस हइ, कि यो सही हइ अरु येखे लिखे उनको बिचार उनखे अपराधी अरु नीरदोष समझस हइ
ROM 2:16 उ दिन परमेश्वर जो मे ने प्रचार कऱ्यो हुयो सुसमाचार का अनुसार यीशु मसीह का वजेसे इन्सान न्याय की गुप्त बात को न्‍याय कऱ्हे.
ROM 2:17 अगर तुम अपने आप खे यहूदी बोलस हइ, अरु व्यवस्था पर भरोसो रखस हइ, अरु अपना परमेश्वर को तोखे घमण्ड हइ,
ROM 2:18 अरु तोखे पतो हइ परमेश्वर तरा से का करणो चास हइ अरु अच्छी बात खे सुननो तुमने समज्हे नीयम शास्त्र से सिख्यो हइ.
ROM 2:19 अरु अपना आप पर भरोसो रखस हइ कि मी अंधाहोन को अगुवो, अरु अंधारा मे गिऱ्यो हुयो कि उजालो हइ,
ROM 2:20 अरु बदडिमाक खे सिखान आलो अरु भला दुन्या को मास्तर हइ. अरु तू नीश्चित हइ की जो व्यवस्था तरा पास हइ, ओमे पुरो सत्य अरु ज्ञान को समावेश हइ.
ROM 2:21 आखरी का तु जो दुसरा खे सिकास हइ, अपना आप का लिये लागु नी करस? का तु चोरी नी करण की शिक्षा देस हइ, आप ही चोरी करस हइ?
ROM 2:22 तू जो बोलस हइ, “व्यभिचार नी करणु,” का आप ही व्यभिचार करस हइ? तू जो मूर्ती से घृणा करस हइ, का तुम ही मन्दिरहोन खे लुटस हइ?
ROM 2:23 तुम जो परमेश्वर कि व्यवस्था का बारे मे घमण्ड करस हइ, का वा व्यवस्था नी मानीखे परमेश्वर को अनादर करस हइ?
ROM 2:24 क्युकि तुमारा कारन गैरयहूदीहोन मे परमेश्वर का नाम कि नीन्दा करी जास हइ, जसो शास्त्र मे भी लिख्यो हइ.
ROM 2:25 अगर तु व्यवस्था को पालन करस ते खतना से लाभ हइ, पन अगर तु व्यवस्था के अलग करस हइ ते तरो खतनो बिन खतना को जसो रुखे.
ROM 2:26 अरु अगर गैरयहूदीहोन जेको खतनो नी हुयो हइ फिर भी व्यवस्था को पालन करस हइ, ते का ओकी खतना रहित होन को भी खतना नी गिन्यो जाये?
ROM 2:27 अरु आप यहूदीहोन खे गैरयहूदीहोन का वजेसे दोषी ठैरायो जास जब की तुमारा पास लिखी हूइ व्यवस्था अरु खतना हुयो हइ, पन गैरयहूदीहोन व्यस्था को पालन करस हइ जब की उनका आंग का रुप से खतना नी हुयो हइ?
ROM 2:28 एक सच्च्चो यहूदी कोन हइ जेको वास्तव मे खतनो हुयो हइ उ कोन हइ, सच्चो यहूदी उ नी, जो फक्त बाहरी रुप से यहूदी हइ जेको खतना सिर्फ आंग मे हइ.
ROM 2:29 पन सच्चो यहूदी उ हइ जो अंदर से यहूदी हइ. जेको दिल से खतना हुयो हइ अरु ये परमेश्वर का आत्मा को काम हइ नी की लिखीत व्ययस्था को, असो इन्सान परमेश्वर का तरप से प्रशसा पाये नी की इन्सान का तरप से.
ROM 3:1 येकालिये गैरयहूदी का सामने तुमारो यहूदी होन को का फायदो अरु तुमारा खतना को का लाभ हुये?
ROM 3:2 हर प्रकार से भोत लाभ हइ. पैयले तो यो की परमेश्वर को वचन यहूदीहोन खे दियो गयो
ROM 3:3 अगर कुछ यहूदी विश्वास घाती नीकल्या भी ते का हुयो? का उनको विश्वास घाती होना से परमेश्वर कि सच्ची व्यर्थ रखस?
ROM 3:4 अगर नी! जब परमेश्वर सच्चीइ अरु हर एक इंन्सान झुटो हुइ सकस हइ, जसो शास्त्र मे लिख्यो हइ “जब तु खुद खे बचाना मे बोले ते तु सही ठैरे अरु जब तरो न्याय हुये न्याय करण टेम तू जिती पाये.”
ROM 3:5 येकालिये अगर हमारो गलत काम परमेश्वर कि अधर्म रखी देस हइ, का हम बोली सकस हइ? की जब परमेश्वर हमखे सजा करस हइ ते का उ गलत करस हइ ते मी इंन्सान कि रीति पर बोलस हुये.
ROM 3:6 अगर नी! नी ते परमेश्वर कसो संसार का न्याय करस?
ROM 3:7 अगर मरो झुठ का कारन परमेश्वर कि सच्ची ओकि महिमा का लिये, अधिक करि खे प्रगट हुयो ते फिर का पापी दुन्याहोन का सामने सजा का योग्य रख्यो जास हुये?
ROM 3:8 हम का बुराइ नी कर्हे की “भलाइ निकलस जसो हम पर यो दोष लगास भी जास हइ?” अरु कुछ बोलस हइ कि ओको यो बोलनो हइ. पन असो का दोषी रखस ठीक हइ.
ROM 3:9 ते फिर का हुयो? का हम यहूदीहोन मे से अच्छो हइ कभी नी. किक्यु हम यहूदीयाहोन अरु यूनानीहोन दोय पर यो दोष लगय चुक्या हइ कि वे सब का सब पाप का काबु मे हइ.
ROM 3:10 जसो पवित्रशास्त्र मे लिख्यो हइ: “कोय भी धर्मी नीका एक भी नी.
ROM 3:11 कोय समझदार नी. कोय परमेश्वर का धुडनआलो नी.
ROM 3:12 सब गमी गया हइ का सब का सब नीकम्मा बनी गया हइ. कोय भलाइ करणवाला नी एक भी नी.
ROM 3:13 उनको गंलो खुली हुइ कब्र हइ, उनने अपनी जीभ से छल कऱ्यो हइ उनका होट मे साप को जहर हइ.
ROM 3:14 उनको मुडो श्राप अरु कडुपन से भऱ्यो हइ.
ROM 3:15 ओको पाय खुन बोहान को फुर्तीलो हइ,
ROM 3:16 उनका रस्ता मे नाश अरु दुख हइ,
ROM 3:17 ओने शांती की रस्ता नी जान्यो.
ROM 3:18 ओका आख का सामने परमेश्वर को डर नी.”
ROM 3:19 हम जानस हइ कि व्यवस्था जो कुछ बोलस हइ उन से बोलस हइ, जो व्यवस्था को अधीन हइ येकालिये कि हर एक मुडो बंद कऱ्यो जास अरु सब संसार परमेश्वर का न्याय का योग्य रुखस
ROM 3:20 क्युकी व्यवस्था का काम से कोय इन्सान ओका सामने धर्मी नी रुखे, येकालिये कि व्यवस्था का वजेसे पाप की पहचान होस हइ.
ROM 3:21 पन अब व्यवस्था से अलग परमेश्वर को उ धर्मीकता प्रगट हुयो हइ, जेकी गवय मूसा की व्यवस्था से अलग हइ अरु भविष्यव्दक्ता देस हइ,
ROM 3:22 अगर परमेश्वर कि वा धर्मीकता जो यीशु मसीह पर विश्वास करणा से मीलस हइ सब विश्वास करणआलो का लिये हइ. क्युकी कुछ भेदभाव नी.
ROM 3:23 येकालिये कि सब ने पाप कऱ्यो हइ अरु परमेश्वर कि महिमा से ऱ्हेस हइ,
ROM 3:24 पन ओका अनुग्रह से उ छुटकारा का वजेसे जो मसीह यीशु मे सब का सब हइ, मुक्त धर्मी रख्यो जास हइ
ROM 3:25 यीशु खे परमेश्वर ने ओका खुन का वजेसे एक असो प्राचित बली रख्यो, जो विश्वास करणा से कार्य कारी होस हइ, की जो पाप पैयले कऱ्यो गयो अरु जेका पर परमेश्वर ने अपनी सहनशीलता का कारन जगा नी दियो. ओका बारे मे वो अपनी धर्मीकता प्रगट करस.
ROM 3:26 वरन वोको टेम मे ओकी धर्मीकता प्रगट होस जेका से परमेश्वर आप ही धर्मी रख्यो, अरु जो यीशु पर विश्वास कर ओका भी धर्मी रख्यनआलो होस.
ROM 3:27 तरे घमण्ड करनो बोल्यो ऱ्हेस ओकी तो जगत ही नी. कोनसी व्यवस्था का कारन से? का काम की व्यवस्था से? नी वरन विश्वास की व्यवस्था का कारन.
ROM 3:28 येकालिये हम यो परिणाम पर पोचस हइ कि इंन्सान व्यवस्था का काम से अलग ही, विश्वास का वजेसे धर्मी रखस हइ.
ROM 3:29 का परमेश्वर फक्त गैरयहूदीहोन हि को हइ? का यहूदीहोन को नी? हा सब जात को भी हइ.
ROM 3:30 किक्यु एक ही परमेश्वर हइ, जो खतना आला का विश्वास से अरु खतनो कऱ्हेस खे भी विश्वास का वजेसे रखस.
ROM 3:31 ते का हम व्यवस्था को विश्वास का वजेसे व्यर्थ रखस हइ? अगर नी! वरन व्यवस्था का स्थिर करस हइ.
ROM 4:1 येका लिये हम का बोले हमारो आंग बाप अब्राहम खे मील्हे हुयो?
ROM 4:2 किक्यु अगर अब्राहम काम से धर्मी ठैरायो जास ते ओको घमण्ड करस की जगा होस, पन परमेश्वर का बाहेर नी.
ROM 4:3 पवित्रशास्त्र का बोलस हइ? यो की “अब्राहम ने परमेश्वर पर विश्वास कऱ्यो, अरु यो ओका लिये धार्मीकता गिन्यो गयो.”
ROM 4:4 काम करणवालो की मजुरी देनो दान नी, पन हक्क समझ जास हइ.
ROM 4:5 पन जो काम नी करस जब भक्तिहीन खे धर्मी रखन आलो पर विश्वास करस हइ, ओको विश्वास ओका लिये धार्मीकता गिन्यो जास हइ.
ROM 4:6 जेखे परमेश्वर बिना काम को धर्मी रखस हइ, ओखे खाना पर भी दाउद धन्य करस हइ
ROM 4:7 “धन्य हइ वे जेको अधर्म माफ हुयो, अरु जेको पाप झाक्यो गयो.
ROM 4:8 धन्य हइ उ इन्सान जेखे परमेश्वर पापी नी ठहराये.”
ROM 4:9 ते यो धन्य वचन का खतनवालो ही का लिये हइ यो खतना रहीत का लिये भी? हम यो बोलस हइ, “अब्राहम का लिये ओको विश्वास धार्मीकता गिन्यो गयो.”
ROM 4:10 ते वो कसो गिन्यो गयो? खतना का भाग मे या बिना खतना का भाग मे? खतम का भाग मे नी पन बिना खतना का भाग मे.
ROM 4:11 ओने खतना को चिन्ह पाय को उ विश्वास को धार्मीकता प्राप्त हुयो जास जो ओने बिन खतना को भाग मे रख्यो थो, जेका से वो उ सब को बाप रख्यो जो बिन खतना को भाग मे विश्वास करस हइ ताकी वे भी धर्मी रख्यो:
ROM 4:12 अरु उ खतना करणु हुया को बाप हुये जो न कम खतना कऱ्यो हुयो हइ, पन हमारो बाप अब्राहम खे उ विश्वास क लिख पर भी चलास हइ जो ओने बिन खतना को भाग मे कऱ्यो थो.
ROM 4:13 क्युकी यो प्रतीज्ञा करी वो जगत को बेटो हुयो नी अब्राहम को नी ओको वस की व्यवस्था का वजेसे दी गयो थो, पन विश्वास कि धार्मीकता का वजेसे मीलस.
ROM 4:14 क्युकी अगर व्यवस्थावालो वारिस हइ, ते विश्वास व्यर्थ अरु प्रतीज्ञा नीष्फल रख.
ROM 4:15 व्यवस्था ते घुस्सा सबजात हइ, अरु झा व्यवस्था नी वहा ओका उल्लंघन भी नी.
ROM 4:16 वो कारन प्रतीज्ञा विश्वास पर आधारीत हइ की अनुग्रह की रित पर होस, की वह ओका सब कुल का लिये दृढ हुये, नी की फक्त ओका लिये जो व्यवस्थावालो हइ जब ओका लिये भी जो अब्राहम का सामने हइ. वु तो हम सब को बाप हइ,
ROM 4:17 जसो लिख्यो हइ, “मे ने तो भोत सा जातहोन को बाप रख्यो हइ” उ परमेश्वर का सामने जेको पर ओने विश्वास कऱ्यो, अरु जो मऱ्यो हुयो, जिलास हइ अरु जो बात हइ हि नी ओको नाम असो लेस हइ की मान वे हइ.
ROM 4:18 ओने नीरास मे भी आस रखी खे विश्वास कऱ्यो, येका लिये कि उ वचन का जसो की “तरो कुल असो हुये कि” वे भोत सी जातहोन को बाप होस.
ROM 4:19 वो जो एक सौ साल को थो, अपनो मऱ्यो हुया से आंग अरु सारा का गर्भ पर मरी हुइ कि भाग जानीखे भी विश्वास मे नीर्बल नी हुयो,
ROM 4:20 अरु न अविश्वासी हुइखे परमेश्वर कि प्रतीज्ञा पर सदेस कऱ्यो, पर विश्वास मे दृढ हुइ, परमेश्वर की महिमा करी.
ROM 4:21 अरु नीश्चय जास की जो बात कि ओने प्रतीज्ञा करी हइ, उ ओ पुरो करण मे भी समर्थ खे हइ.
ROM 4:22 यो कारन यो ओका लिये धार्मीकता गिन्यो गयो.
ROM 4:23 अरु यो वचन, “विश्वास ओका लिये लिख्यो गयो,” नी फक्त ओका लिये लिख्यो गयो,
ROM 4:24 जब हमारा लिये भी जेका लिये विश्वास धार्मीकता गिन्यो जाए, अगर हमारा लिये जो ओका पर विश्वास करस हइ जेने हमारा प्रभु यीशु खे माऱ्या हुये मे से जिन्दो कऱ्यो.
ROM 4:25 उ हमारो अपराधहोन क लिये पकडनवालो गयो अरु हमारो धर्मी रुखन का लिये जिन्दो भी गयो.
ROM 5:1 अब जो हम अपना विश्वास करण परमेश्वर का सामने धर्मी हुइ गया हइ हमारो प्रभु यीशु मसीह का वजेसे हम खे शांती मीली हइ ,
ROM 5:2 अरु अब ओका वजेसे विश्वास करण हम परमेश्वर का अनुग्रह मे जिवन जीस हइ, अरु हम खे परमेश्वर कि महीमा का वजेसे भागीदारी हूइ हइ.
ROM 5:3 येतनो ही नी हम हमारी विपत्तिहोन पर भी घमण्ड करस हइ क्युकी हम खे मालुम हइ की हमारी विपत्ति धीरज खे पइदा करस हइ,
ROM 5:4 अरु धीरज से परख नो हुयो चरीत्र बन्यो हइ अरु परख्यो हुयो चरीत्र से आस पइदा होस हइ.
ROM 5:5 अरु आस से लाज नी होस, क्युकी पवित्र आत्मा जो हमखे दि गय हइ ओका वजेसे परमेश्वर को लाड हमारो मन मे डाल्यो गयो हइ.
ROM 5:6 क्युकी जब हम आशाहिन था ते उचित टेम पर हम भक्तिहीन का लिये मसीह ने अपनो बलिदान दियो.
ROM 5:7 कोय धर्मी जान का लिये कोय मऱ्यो, यो ते दुर्लब हइ. पन हुइ सकस हइ कोय अच्छो इन्सान का लिये कोय मरन को भी साहस कर.
ROM 5:8 पन परमेश्वर हम पर अपनो लाड की अच्छो वोकी रित से प्रगट करस हइ, जब हम पापी हि था तेभी मसीह हमारा लिये मऱ्यो.
ROM 5:9 ते जब कि हम अब ओका खुन का कारन धर्मी रख्या, तो ओका वजेसे परमेश्वर को घुस्सा से नी बच्यो जाये!
ROM 5:10 जब हम परमेश्वर का दुशमन था आ को मरना का वजेसे हमारा सात मेल मीलाप कऱ्यो अरु जब हम परमेश्वर को बेटो हइ ते उ मसीह को जिवन का वजेसे भोत जादा हमारो उध्दार करस
ROM 5:11 फक्त यो नी, पन हम अपनो प्रभु यीशु मसीह का वजेसे, जेका वजेसे हमारो परमेश्वर का सात मेल-मीलाप हुयो हइ.
ROM 5:12 येका लिये जसो एक इन्सान का वजेसे पाप जगत मे आयो, अरु पाप का वजेसे मऱ्यो आयो,अरु येका रीति से मऱ्यो सब इन्सान मे फैली गयो, क्युकी सब ने पाप कऱ्यो.
ROM 5:13 क्युकी व्यवस्था आना से पैयले पाप थो जाना तक जगत मे थो, पन झा व्यवस्था नी उ पाप गिन्यो नी जास.
ROM 5:14 पन आदम से लिखे मूसा ने वे दुन्या पर राज्य कऱ्यो, फिर भी वे दुन्याहोन ने आदम जसो आज्ञा तोडन को मरन पाप नी कऱ्यो थो जेने आदम को आनवाला को नमुनो नी ठैरायो हइ.
ROM 5:15 अरु परमेश्वर को वरदान अरु एक इन्सान को पाप ये दो यीशु मसीह मे फरक हइ, फिर एक पापकरण दोष को कारन सब दुन्या मऱ्या; पन यो इच्छा से बोल्यो जादा महान हइ परमेश्वर कि अनुग्रह पन को न्याय आस एक का वजेसे भोत मीली.
ROM 5:16 अरु परमेश्वर जसो एक इन्सान को पाप करण को फल हुयो वोसो हि दान को भोग नी, क्युकी एक ही कारन दण्ड की आज्ञा को फैसलो हुयो, पन भोत सा अपराधी का कारन असो वरदान पइदा हुयो कि दुन्या धर्मी रख्खा.
ROM 5:17 क्युकी जब एक इन्सान का अपराध का कारन मऱ्यो उ एक ही का वजेसे राज्य कऱ्यो, ते जो दुन्या अनुग्रह अरु धर्मी रुपी वरदान भोतायत से पास हइ वे एक इन्सान खे अगर यीशु मसीह का वजेसे जरुरी हइ अनन्त जिवन मे राज कऱ्यु.
ROM 5:18 येका लिये जसो एक अपराध सब दुन्या का लिये दण्ड कि आज्ञा कारन हुयो ओसो हि एक धर्मीकता को काम भी सब इन्सान का लिये जिवन खे नीमीत धर्मी रख्यो जान का कारन हुयो.
ROM 5:19 क्युकी जसो एक इन्सान का आज्ञा न मारना से भोत दुन्या पापी रखस, उ कारण सब दुन्या धर्मी रुख्या.
ROM 5:20 व्यवस्था को परिचित येका लिये हुया कि अपराध बडो हुयो पन झा पाप भोत हुया वहा परमेश्वर को अनुग्रह भी अधिक हुया,
ROM 5:21 कि जसो पाप ने मऱ्यो फैलास हइ राज कऱ्यो, वोसो हि हमारो प्रभु यीशु मसीह का वजेसे अनुग्रह भी अनन्त जिवन का लिये धर्मी रखस हुये राज कर.
ROM 6:1 ते हम अब का बोले? का हम लगातार पाप करस ऱ्हेस की परमेश्वर को अनुग्रह भोत होस?
ROM 6:2 अगर नी! हम जब पाप का लिये मरी गया ते फिर येका आगे को ओमे कसो जिवन बिताये?
ROM 6:3 का तुम नी जानस की हम सब जेने मसीह यीशु मे बपतिस्मा लियो, ओका मरन का एकता मे बपतिस्मा लियो.
ROM 6:4 येकालिये उ मरन को बपतिस्मा पाना से हम ओका साथ गाड्यो गयो, ताकी जसो मसीह बाप की महिमा का शक्ति का वजेसे मऱ्यो हुयो मे से जिन्दो हुय गयो, वसो हि हम भी नव्या जिवन से चाल चले.
ROM 6:5 क्युकी अगर हम ओको मरन कि समानता मे ओका साथ जुडि गयो हइ, ते नीश्चय ओको जिन्दो उठस को समानता मे भी जुडि जाए.
ROM 6:6 हम जानस हइ की हमारो पुरानो इंन्सान ओका साथ क्रुस पर चेडायो गयो तेभी पाप को आंग व्यर्थ हुइ जास, अरु हम आगे का पाप का दास मे नी ऱ्हेस.
ROM 6:7 क्युकी जो मरी गयो, उ पाप का बन्धन से मुक्त हुइ गो.
ROM 6:8 येकालिये यो हम मसीह का साथ मरी गया, ते हमारो विश्वास यो हइ कि ओका साथ जिये भी.
ROM 6:9 क्युकी यो जानस हइ की मसीह मऱ्यो हुये मे से जिन्दो उठि खे फिर मरन को नी, ओका पर फिर मरन को प्रभु नी होन को.
ROM 6:10 क्युकी उ जो मरी गयो ते पाप का लिये एक ही बार मरी गयो. पन जो जिन्दो हइ ते परमेश्वर का लिये जिन्दो हइ.
ROM 6:11 यो प्रकार तुम भी समझ कि तुम पाप का लिये मरी चुक्या हइ, पन प्रभु मसीह यीशु मे जिन्दो हुये.
ROM 6:12 येकालिये पाप तुमारो नश्वर आंग मे राज नी करस, की तु ओकी इच्छाहोन का अधीन ऱ्हेस.
ROM 6:13 अपनो आंग का आंग खे अधर्म कि सेवा का लिये पाप का हवाले करणू, बल्की मऱ्यो हुयो मे से जी उठन आला का जसो परमेश्वर का हवाले करी दे, अरु अपना आंग खे धर्मीकता कि सेवा का साधन का रुप मे परमेश्वर का हवाले करी दे.
ROM 6:14 तब तुम पर पाप की प्रभुता नी हुये, क्युकी तु व्यवस्था का अधीन नी पन परमेश्वर को अनुग्रह का अधीन हुये.
ROM 6:15 ते का हुयो? का हम पाप कर्‍हे क्युकी हम व्यवस्था का अधीन नी बल्की परमेश्वर का अधीन जीत्या हइ? अनुग्रह ही नी!
ROM 6:16 का तु नी जानस कि जेकी आज्ञा मानन का लिये तु अपना आप खे सेवक का सामने सोपि देता हुये ओको सेवक हुये चाह्ये पाप का, जेको अन्त मरन हइ चाह्ये, आज्ञा मानन खे जेको अन्त न्यायपन हइ?
ROM 6:17 पन परमेश्वर को धन्यवाद हुइ खे तु जो पाप को सेवक थो अब मन से उ उपदेश खे माननआलो हुये गयो, जेखे साच मे डाल्यो गयो थो,
ROM 6:18 अरु पाप से छुडय जानीखे धर्म को सेवक हुये गयो.
ROM 6:19 मी तुमारो उदाहरण दुर्बलता का कारन इंन्सान की रित पर बोलस हइ. जसो तु अपनो आंग खे कुकर्म का लिये अच्छो अरु बुरो काम को सेवक करि खे सोप्यो थो, असो हि अब अपनो आंग का पवित्र का लिये धर्म को दास करी खे सोपी दे.
ROM 6:20 जब तु पाप को सेवक थो, ते धर्म का तरप से स्वतंत्रत थो
ROM 6:21 जो बात से अब तु लज्जित होस हइ, ओने उ टेम तु का फल पातो थो? क्युकी ओका आखरी तो मरन हइ.
ROM 6:22 पन अब पाप से स्वतंत्रता हुइ खे अरु परमेश्वर को सेवक बनीखे ते का फल मील्यो जेकासे पवित्रता मील्हे होस हइ, अरु ओको आखरी जिवन हइ.
ROM 6:23 क्युकी पाप की मजुरी मरनो हइ, पन परमेश्वर को वरदान हमारो प्रभु मसीह यीशु मे आखरी जिवन हइ.
ROM 7:1 हे भैइ, तु नी जानस-मी व्यवस्था को जाननवालो से बोलस हुये-कि जब तक इन्सान जिन्दो ऱ्हेस हइ, तब तक ही ओका पर व्यवस्था को अधिकार ऱ्हेस हइ?
ROM 7:2 क्युकी उदाहरन का लिये एक सादीसुदा बय अपना अदमी का सात व्यवस्था का जसो तब तक बंधी हइ जब तक उ जिन्दो हइ पन अगर अदमी मरी जास हइ ते वा सादी सबधी व्यवस्था से मेत हुइ जास हइ.
ROM 7:3 येका लिये अगर अदमी का जिते जि वा कोय दुसरा अदमी कि हुये जाए, ते व्यभिचारिणी बोलस, पन अगर अदमी मरी जाए, ते वा उ व्यवस्था से छुटी गइ, यो तक की अगर कोइ दुसरो अदमी हुइ जाये तेभी व्यभिचारिणी नी रखस.
ROM 7:4 ओसो ही हे मरा भैइ, तु भी मसीह का आंग का वजेसे व्यवस्था का लिये मरो हुयो बनी गयो, की उ दुसरो हुइ जाए, जो मऱ्यो हुयो मे से जिन्दो उठ्यो ताकी हम परमेश्वर का लिये फल लाए.
ROM 7:5 क्युकी जब हम शारीरिक था, ते पाप की लालसाहोन जो व्यवस्था का वजेसे थी काम को फल उत्पन्न करण का लिये हमारो आंग मे काम करती थी.
ROM 7:6 पन जेका बन्धन मे हम था ओका लिये मरी क अब व्यवस्था से असो छुटी गयो की लेख की पुरानी रीति पर नी जब आत्मा की नवी रीति पर सेवा करस हइ.
ROM 7:7 ते हम का बोले? का व्यवस्था पाप हइ? कभी नी! पन व्यवस्था का बिना मी पाप खे नी पचानू व्यवस्था अगर नी बोलस कि का लालसा मत कर ते मी लालच खे नी जानुस.
ROM 7:8 पन पाप ने अवसर पालस आज्ञा का वजेसे मरा मे सब प्रकार की लालच उत्पन्न कऱ्यो, क्युकी बिन व्यवस्था पाप मुर्दो हइ.
ROM 7:9 मे तो व्यवस्था बिन पैयले जिन्दो थो, पन जब आज्ञा आह्ये ते पाप जी गयो, अरु मी मरी गयो.
ROM 7:10 अरु वो आज्ञा जो जिवन का लिये थो मरा लिये मरन को कारन रख्यो.
ROM 7:11 क्युकि पाप ने अवसर लिखे आज्ञा का वजेसे मेखे बहकायो अरु ओका वजेसे मेखे मरी भी डाल्यो
ROM 7:12 येका लिये व्यवस्था पवित्र हइ अरु आज्ञा भी अच्छी हइ अरु अच्छी हइ.
ROM 7:13 ते का उ जो अच्छो थो मरा लिये मरन रख्यो? अगर नी! पन पाप उ अच्छा चिज का वजेसे मरा लिये मरन को उत्पन्न करणवालो हुयो की ओको पाप होना पर प्रगट हुये अरु आज्ञा का वजेसे पाप भोत हि पापमय रख्यो.
ROM 7:14 हम जानस हइ कि व्यवस्था ते आत्मीक हइ, पन मी आंग का अरु पाप का हात बिक्यो हुयो हइ.
ROM 7:15 जो मी नी करस हुये ओखे नी जानस क्युकी जो मी चास हूये वो नी कऱ्यो करस, पन जेका से मेखे घुसा आस हइ उ करस हुये.
ROM 7:16 अगर जो मी नी चाउस वो करस हइ ते मी मानी लीयुस हुये की व्यवस्था भली हइ.
ROM 7:17 ते असो भाग मे ओको करणवालो मी नी, जब पाप हइ जो मेखे बट्यो हुयो हइ.
ROM 7:18 क्युकी मी जानस हूये की मेखे मी अगर मरो आंग मे कोय अच्छो चिज वास नी करस. इच्छा ते मरा मे हइ, पन अच्छो काम मरा से बनी नी पडस.
ROM 7:19 क्युकी जो अच्छो काम की मी इच्छा करस हुये खे वो ते नी करस, पन जो बोल की इच्छा नी करस, उ ही कऱ्यो करस हइ.
ROM 7:20 अत अगर मी वो करस हुये जेकी इच्छा नी करस, ते ओका करणवालो मी नी ऱ्हु पन पाप जो मरा मे बट्यो हुयो हइ.
ROM 7:21 ते मी यो नीयम बोलुस हइ की जब बुरो करण की मी इच्छा करस हुये ते बुरो मरा पास आस हइ.
ROM 7:22 क्युकी मी अंदर कि आत्मा से ते परमेश्वर कि व्यवस्था से भोत प्रसन्न ऱ्हेस हइ.
ROM 7:23 पन मरा अपना आंग मे दुसरा प्रकार की व्यवस्था देखनु पडस हइ, जो मरी दिमाक की नीयम से लडतो करस हइ अरु मेखे पाप का नीयम का बन्धन मे डालस हइ जो मरा आंग मे हइ.
ROM 7:24 मी कसो अभागो इन्सान हुये! मरा से मरन की आंग से कोन छुडाये?
ROM 7:25 जो हम खे छुटकारो देस हइ उस प्रभु यीशु मसीह का वजेसे मी परमेश्वर को धन्यवाद करस. यो तरह दिमाक से ते परमेश्वर की नीयम को पन आंग से पाप की नीयम को पालन करस हइ.
ROM 8:1 येका लिये अब जो मसीह यीशु मे जिवन जिस हइ, उन पर दोष की आज्ञा नी.
ROM 8:2 क्युकी जिवन को आत्मा की व्यवस्था ने मसीह यीशु मे मेखे पाप कास अरु मरन की व्यवस्था से स्वतत्रता करी दियो.
ROM 8:3 क्युकी जो काम व्यवस्था आंग करन दुर्बल हुइखे नी करी सक्ता ओखे परमेश्वर ने कऱ्यो, अगर अपनो ही बेटा के पापमय आंग को समानता मे अरु पापबली होन का लिये भेजी खे, शरीर मे पाप पर शिक्षा की आज्ञा दि.
ROM 8:4 येका लिये व्यवस्था की विधी हम मे आंग का जसो नी वरन आत्मा का जसो चलस हइ, पुरी करी जा.
ROM 8:5 क्युकी शारीरिक व्यक्ति शरीर की बात पर आत्मा लगास हइ. पन अध्यात्मीक मन की बात पर मन लगास हइ.
ROM 8:6 शरीर पर मन लगानो तो मरन हइ पन आत्मा पर मन लगानो जिवन अरु शांती हइ.
ROM 8:7 क्युकी आत्मा पर मन लगानो ते परमेश्वर से बैर रखनो हइ, क्युकी नी ते परमेश्वर की व्यवस्था का अधीन हइ अरु नी हुये सकस हइ.
ROM 8:8 पन जो मानविक स्वभाव मे जीस हइ, वे परमेश्वर खे प्रसन्न नी करस.
ROM 8:9 पन जब की परमेश्वर कि आत्मा तुम मे बठस हइ, ते तु शारीरिक भाग मे नी पन आत्मीक भाग मे हइ. अगर कोय मे मसीह को मन नी ते उ ओको नी हइ.
ROM 8:10 अगर मसीह तुम मे हइ, ते आंग पाप का कारन मरो हुयो हइ. पन आत्मा धर्म का कारन जिन्दो हइ.
ROM 8:11 अगर ओ की आत्मा जेने यीशु खे मऱ्यो हुयो मे से जिन्दो, तुम मे बट्यो हुयो हइ. ते जेने मसीह खे मऱ्यो हुयो मे से जिन्दो, उ तुमारो नश्वर आंग का भी अपना मन का वजेसे जो तुम मे बट्यो हुयो हइ जिन्दो कर्हे.
ROM 8:12 येका लिये हे मरा भैइ अरु बहन, हम का आंग को कर्जो तो हइ पन असो नी येका जसो जिये,
ROM 8:13 क्युकी अगर तु आंग का जसो दिन काटस ते मरस अगर आत्मा से आंग कि कामहोन खे मरस ते जिन्दो ऱ्हे.
ROM 8:14 येका लिये की जितना दुन्या परमेश्वर का आत्मा को चाल चलस हइ वे हि परमेश्वर का सन्तान हइ.
ROM 8:15 क्युकी तुम खे दासत्व की आत्मा नी मीली खे फिर डरानो हुयो पन परमेश्वर को बेटा कि आत्मा मीलि हइ ,जेका से हम हे अब्बा, हे बाप बोली खे बुलास हइ.
ROM 8:16 आत्मा अपनो हि हमारा आत्म का साथ गवाही देस हइ, की हम परमेश्वर की सन्तान हइ.
ROM 8:17 अरु अगर सन्तान हइ ते वारीस भी, वरन परमेश्वर को वारीस अरु मसीह का साथ वारीस हइ, की जब हम ओका साथ दुख उठाये ते ओका साथ महिमा भी पास.
ROM 8:18 क्युकी मी समझस हुये की उ टेम का दुख अरु क्लेश उ महिमा का सामने, जो हम पर प्रगट होनआली हइ, कुछ भी नी हइ.
ROM 8:19 क्युकी सृष्टी बडी आस भरी दृष्टी से परमेश्वर को बेटा प्रगट होन की रस्ता देखस हइ.
ROM 8:20 क्युकी सृष्टी अपनी इच्छा से नी पर अधीन करणवाला की तरप से व्यर्थ का अधीन या आस से करी गयो
ROM 8:21 की सृष्टी भी तु ही विनास खे दासत्व से छुटकारो पइखे, परमेश्वर की सन्तान की महिमा की स्वतत्रता मली करस.
ROM 8:22 क्युकी हम जानस हइ की सब सृष्टी अभी तक मीली खे बोलस जसा बच्चा कि अरु तकलीप की पीडा मे जन्म लेस हइ.
ROM 8:23 अरु फक्त वो नी पर हम भी जेका पास आत्मा को पयलो फल हइ, तु ही अपना मे बोलस हइ. अरु बेटा होन की, अगर अपनो आंग को छुटकारा की बात करस हइ.
ROM 8:24 या आस का वजेसे हमारो उध्दार हुयो हइ, पन जो सामन की आस करी जास हइ, जब उ देखना मे आये ते फिर आस बोल्यो ऱ्हेस? क्युकी जो सामन खे कोय देखी रो हइ ओकी आस कर्‍हे?
ROM 8:25 पन जो सामन खे हम नी देखस, अगर ओकी आस रखस हइ, ते धीरज से ओकी रस्ता देखस भी हइ.
ROM 8:26 या रिती से आत्मा भी हमारो दुर्बलता मे सायता करस हइ क्युकी हम नी जानस की प्रार्थना कोइ रीति से करणो चाहिए, पन आत्मा तु ही असो आवाज भर भरी खे जो गवा से बाहेर हइ, हमारा लिये विनती करस हइ.
ROM 8:27 परमेश्वर हमारा आत्मा खे जानस हइ अरु आत्मा को बिचार करस ह ? क्युकी उ पवित्र दुन्या का लिये परमेश्वर की का जसो प्रार्थना करस हइ.
ROM 8:28 हम जानस हइ की जो दुन्या परमेश्वर से प्रेम रखस हइ, ओका लिये सब बात मीली खे अच्छो ही उत्पन्न करस हइ, अगर ओका लिये जो ओकी इच्छा का जसो बुलायो हुयो हइ.
ROM 8:29 क्युकि जेने ओने पैयले से जानी लियो हइ उ पैयले से रख्यो भी हइ की ओको बेटा का स्वरुप मे हुयो, जबकी उ भोत भैइहोन मे पहिलौठा रखे.
ROM 8:30 फिर जेने ओने पैयले से ठैरायो, ओने बुलायो भी, अरु जेने बुलायो, ओने धर्मी भी ठैरायो हइ. अरु जेने धर्म ठैरायो, उन्हे महिमा भी दि हइ.
ROM 8:31 ते हम या बात का बारे मे बोले? अगर परमेश्वर हमारा तरप हइ, ते हमारो विरोधी कोन हुइ सकस हइ?
ROM 8:32 जेने अपना नीज बेटा खे भी नी रखी छोड्यो, पन ओको हम सब का लिये दी दियो, उ हम खे पुरा उध्दार से उ हम खे भोत कुछ देस?
ROM 8:33 परमेश्वर का चुन्यो हुया पर दोष कोन लगाए? परमेश्वर उ हइ जो ओको धर्मी रखनवालो हइ.
ROM 8:34 फिर कोन हइ जो परमेश्वर खे दण्ड की आज्ञा दिये? मसीह ही हइ जो मरी गयो जब मुर्दा मे से जिन्दो भी उठ्यो, अरु यीशु का जवना तरप हइ, अरु हमारा लिये नीवेदन भी करस हइ.
ROM 8:35 कोन हम खे मसीह का प्रेम से अलग करस? का कठनाइ, या संकट, या टेम, या सताव, या भुकमारी, या गरीब, या जोखीम, या मरन?
ROM 8:36 जसो शास्त्र मे लिख्यो हइ “तरा लिये हम दिन भर माऱ्या जास हइ. हम वध होनवाला मेडाहोन का समान गिन्या गया हइ.”
ROM 8:37 पन या सब बात मे हम ओका वजेसे जेने हम से प्रेम कऱ्यो हइ, पुरो विजय मील्हे करी रास हइ.
ROM 8:38 क्युकी मी निश्चित जानुस हुये की कोय हम खे ओका प्रेम से अलग नी करी सकस मरन, नी जिवन, नी स्वर्गदूत, नी खराप शासन, नी वर्तमान, नी भविष्य, नी सामर्थ्य, नी उचो,
ROM 8:39 नी पृथ्वी गैरो, अरु नी कोय अरु पृथ्वी कि उचाइ, अरु नी जगत मे असी कोय नी हइ जो हम खे परमेश्वर को प्रेम से अलग करी सकस हइ.
ROM 9:1 मी मसीह मे सच्ची बोलस हय, मी झुटी नी बोली रोस अरु मरो विवेक भी पवित्र आत्मा मे गवय देस हइ
ROM 9:2 की मेखे बडो शोक अरु दर्द हइ, अरु मरो मन कभी भी दुखी रोस हइ,
ROM 9:3 क्युकी मी ह्या तक चातो थो की अपना भैइ का लिये जो आंग का भाव से मरा कुटुम्बी हइ, परमेश्वर से श्रापित अरु मसीह से अलग हुये जाए.
ROM 9:4 वे इस्त्राएलि हइ, अरु परमेश्वर से सन्तान अधिकार अरु महिमा अरु वाचा अरु व्यवस्था अरु उपास अरु प्रतीज्ञा ओने करी हइ.
ROM 9:5 बुजुरुख भी ओका ही हइ, अरु मसीह भी आंग का भाव से ओका मेसे हुयो. सब का उपर परम परमेश्वर राज्य करस पिडमपिडि धन्य होस. आमीन.
ROM 9:6 पन यो नी की परमेश्वर को वचन नीकली गयो, येकालिये की जो इस्राएल का कुल हइ, वे सब इस्राएली नी.
ROM 9:7 अरु नी अब्राहम का कुल होन का कारन सब ओका बेटा रख्यो, “पन लिख्यो हइ इसहाक का वजेसे तरो कुल बोलस.”
ROM 9:8 अगर आंग को बेटो परमेश्वर को बेटो नी पन प्रतीज्ञा को बेटो कुल गिन्यो जास हइ.
ROM 9:9 क्युकि प्रतीज्ञा को वचन यो हइ “मी उचित टेम का अनुसार आयु अरु सारा को बेटो हुयु.”
ROM 9:10 अरु फक्त यो नी, पन जब रिबका भी एक से अगर हमारो बाप इसहाक से दो बेटा हुया,
ROM 9:11 अरु अभी तक नी ते बच्चा पइदा हुयो यो थो, अरु कुच्छ अच्छो या बुरो कर्‍यो थो, येकालिये परमेश्वर की मनसा जो ओका चुनी लेना का अनुसार हइ, करम का कारन नी, पन बुलान वाला पर बनी र्‍हे
ROM 9:12 या बात परमेश्वर ने जन्म से पैयले अरु ओका कुछ भलो बुरो बोलन का पैयले बोली ते परमेश्वर की पसन्द ओकी बुलाहट पर नीर्बल हइ नी की वे दोय ने का कऱ्यो ओका पर ओने बोल्यो, “बडा छोटा को सेवक हुए.”
ROM 9:13 जसो शास्त्र मे लिख्यो हइ, “मे ने याकूब से प्रेम कऱ्यो, पन एसाव खे प्रिय जान्यो हइ.”
ROM 9:14 येकालिये हम का बोला? का परमेश्वर का यो बुरो हइ? कभी नी.
ROM 9:15 क्युकी उ मूसा से बोलस हइ, “अरु जेका पर दया करणो चास ओका पर दया कऱ्यु, अरु जो कोय पर कृपा करणु चास ओका पर कृपा करणु”
ROM 9:16 येकालिये यो नी ते चानआला की, नी मैहनत करणवाला की पन दया करणआलो परमेश्वर पर नीर्भर हइ.
ROM 9:17 क्युकी पवित्रशास्त्र मे फिरौन से बोल्यो गयो, “मे ने तोखे येका लिये खडो कऱ्यो हइ की तरा मे अपनो सामर्थ्य बतायु, अरु मरो नाम को प्रचार सब पृथ्वी पर हुये.”
ROM 9:18 येकालिये उ जेका पर चास हइ ओका पर दया करस हइ, अरु जेखे चास हइ ओको खतना करी देस हइ.
ROM 9:19 आखरी तु मरा से बोल्हे, “परमेश्वर फिर का दोष लगास हइ? कोन ओकि इच्छा को सामनो करस हइ?”
ROM 9:20 हे इंन्सान, अच्छो तू कोन हइ जो परमेश्वर को सामनो करस हइ? का गाड्यो हुयो सामन गडनवाली से बोली सकस हइ, “तो ने मेखे असो का बनायो हइ?”
ROM 9:21 का कुमार खे यो अधिकार नी कि उ मट्टी को एक ही लोंदा से एक बर्तन विशिष्ट प्रयोजन का लिये बनायो अरु दुसरा बर्तन साधाराण प्रयोजन का लिये.
ROM 9:22 कि परमेश्वर ने अपनी घुस्सा बतानो अरु अपनी सामर्थ्य प्रगट करण की इच्छा से घुस्सा का बर्तन पर जो विनाश का लिये तैयार करी गयो थो, बडा धीरज से सही.
ROM 9:23 अरु दया का बर्तन पर जेने ओने महिमा का लिये पैयले से तैयार कऱ्यो, अपनी महिमा को धन खे प्रगट करण की इच्छा करी.
ROM 9:24 अगर हम पर जेने ओने नी फक्त गैरयहूदीहोन मे से, वरन यहूदीहोन मे से भी बुलयो.
ROM 9:25 जसो वावो होशे की किताब मे भी बोलस हइ, जो मरा दुन्या नी था ओखे मी अपना दुन्या बल्यु. अरु जो प्रिय नी थो, उ प्रिय बोल्यु.
ROM 9:26 अरु असो हुये कि जो जगा मे ओखे यो बोली गयो थो की तुम मरा दुन्या नी हुये, उ जगा वे जिवन परमेश्वर का सन्तान बोल्ये.
ROM 9:27 अरु यशायाह इस्राएल का बारे मे बुलैखे बोलुस हइ, “चाये इस्राएल का बेटा का गिनस समुद्र का रेती का बरोबर होस, तेभी ओमे से थोडो ही बच्हे.
ROM 9:28 क्युकी प्रभु अपनो वचन पृथ्वी पर पुरो करीखे, धार्मीकता से झल्दी उ सिध्द कर्‍हे.”
ROM 9:29 जसो यशायाह ने पैयले भी बोलो थो, “अगर सुन्ये प्रभु हमारा लिये कुछ कुल नी छोलस, ते हम सदोम का सामने हुइ जास, अरु गमोरा का जसो ही रखस.”
ROM 9:30 आखरी हम का बोल्हे? यो का गैरयहूदीहोन नी जो धर्मीकता खे ढुडस नी धर्मीकता मील्हे की अगर उ धर्मीकता को जो विश्वास से हइ.
ROM 9:31 पन इस्राएल, जो धर्म कि व्यवस्था खे ढुडस उ व्यवस्था तक नी पोचे.
ROM 9:32 को का लिये? येकालिये कि वे विश्वास से नी, पन मानीखे कामहोन से ओखे ढुडस. करस्या ओने ओखे ठोकर का फत्थर पर ठोकर खइ,
ROM 9:33 जसो लिख्यो हइ, “देख, मी सिय्योन मे एक ठोकर लगन को पत्थर, अरु ठोकर खान की टेकडी रखस हइ, अरु जो ओका पर विश्वास करस उ लाजित नी हुइ.”
ROM 10:1 हे भैइ अरु बहन, मरा मन की अभिलाषा अरु ओका लिये परमेश्वर से मरी प्रार्थना हइ कि वे उध्दार पाए.
ROM 10:2 मी या बात से गवइ दिउस हइ की परमेश्वर कि भक्ति मे का लिये ऱ्हेस हइ पन उनकी भक्ति सच्ची ज्ञान पर नीर्भर नी हइ.
ROM 10:3 क्युकी वे परमेश्वर की धार्मीकता से अजान हुइ, अरु अपनी धार्मीकता स्थापित करण प्रत्यन करी खे परमेश्वर कि धार्मीकता का अधीन नी हुये.
ROM 10:4 मसीह ने व्यवस्था को अन्त पुरो कऱ्यो येका लिये धार्मीकता जो कोय विश्वास रखस हइ उ सही रस्ता मे आस हइ.
ROM 10:5 जो व्यवस्था से मीनल आलो न्यायीपन हइ ओको वर्णन मूसा यो तरहा करस हइ. “जो कोय व्ययवस्था कि आज्ञा मानस हइ उ जिन्दो ऱ्हीहे.”
ROM 10:6 पन जो धार्मीकता विश्वास से हइ, उ यो बोलस हइ, “तु अपना मन मे यो नी बोल्नु की अगर मसीह खे उतारी लान का लिये स्वर्ग पर कोन चेले?”
ROM 10:7 अरु आधा दुन्या मे मसीह खे मऱ्यो हुयो मी से जिन्दो करी खे उपर लान का लिये गड्डा मे उतरे.
ROM 10:8 पन उ बोलस हइ? यो की “वचन तरा बाहेर हइ, तरा मन मे अरु तरा मन मे हइ,” यो उ विश्वास को वचन हइ, जो हम प्रचार करस हइ,
ROM 10:9 की अगर तु अपना मुडा से यीशु खे प्रभु जानी, अंगीकार कर्हे अरु अपना मन से विश्वास कर की परमेश्वर ने उ मरन हुयो मे से जलायो, ते तु स्वतत्रता कर्यो जाये.
ROM 10:10 विश्वास करणा से हम परमेश्वर कि धार्मीकता का सात सही रिस्ता मे से आस हइ अरु उध्दार मुडा से कबुल करणा से मुक्ती पास हइ.
ROM 10:11 क्युकी पवित्रशास्त्र यो बोलस हइ, “जो कोय ओका पर विश्वास करस उ लज्जित नी हुये.”
ROM 10:12 यहूदीहोन अरु यूनानीहोन अरु उ सब को प्रभु हइ जो सब को भोतायत से आषिशीत करस हइ जो ओका बुलास हइ अरु अपना सब नाम लेनवाला का लिये उध्दार हइ.
ROM 10:13 क्युकी “जो कोय प्रभु का नाम लीये व्हा उध्दार मील्हे.”
ROM 10:14 फिर जेका पर ओने विश्वास नी कऱ्यो, पन जेने उनका पर विश्वास नी कऱ्यो उ मदत का लिये कसो बुलाये जेको संदेश सुन्यो नी उ पर कसो विश्वास कर? अरु प्रचार का बिना कसो सुने फिर संदेश सुननवाला भेज्या नी जाये ते कसो सुसमाचार को प्रचार कर्‍हे?
ROM 10:15 अरु अगर संदेश भेजे नी जाए, ते कसो प्रचार कर्‍हे? जसो शास्त्र लिख्यो हइ, “ओका पाय का ही सुवानो हइ, जो अच्छी बात की सुसमाचार सुनस हइ!”
ROM 10:16 पन सब ने उ सुसमाचार पर का नी लगास यशायाह बोलस हइ, “हे प्रभु कोने हमारो समाचार पर विश्वास कऱ्यो हइ?”
ROM 10:17 अरु विश्वास संदेश खे सुन से अरु सुनना से मसीह को वचन से होस हइ.
ROM 10:18 पन मी बोलस हुये खे ओने नी सुन्यो? सुन्यो ते अकुल्य हइ. क्युकी लिख्यो हइ, “ओका शब्द सब पृथ्वी पर, अरु ओका वचन जगत की छोर तक पोच्यो गया हइ.”
ROM 10:19 मी फिर बोलुस हुये खे का इस्राएल नी जानस था? पैयले ते मूसा बोलस हइ, “मी ओका वजेसे जो लोग नी, तुमारो मन मे जलन नीकली जायु. मी एक मुढ लोग का वजेसे तुम खे रिस दियु.”
ROM 10:20 फिर यशायाह बडो सहास का साथ बोलस हइ, “जो मेखे नी ढुँढता था, ओने मरा पर लियो. अरु जो मेखे पुछस भी नी थो, ओका पर मी प्रगट हुइ गयो.”
ROM 10:21 पन इस्राएल का बारे मे वो यो बोलस हइ, “मी सब दिन अपना हात एक आज्ञा नी माननवालो अरु बिदाइ करणवाला दुन्या का तरप पसारे ऱ्हेस.”
ROM 11:1 येकालिये मी बोलुस हुइ, का परमेश्वर ने अपनी दुन्या खे त्याग दियो? अगर नी! मी भी ते इस्राएल हुये. अब्राहम का कुल अरु बिन्यामीन का गोत्र मे से हुये.
ROM 11:2 परमेश्वर ने अपनी उ दुन्या खे नी त्यागा, जेने ओने पैयले हि से चुन्या. का तु नी जानस की पवित्रशास्त्र एलिय्याह का बारे मे का बोलस हइ, जब वो इस्राएल खे विरोध मे परमेश्वर से विनती करुस हइ?
ROM 11:3 “हे प्रभु ओने तरा भविष्यव्दक्ताहोन को घात कऱ्यो, अरु तरी वेदिहोन खे ढाकी दियो हइ. अरु मी ही अखे लो बच्यो हइ, अरु वे मखे मारन का लिये ढुडि रास हइ.”
ROM 11:4 पन परमेश्वर से उ का उतार मील्यो, मे ने अपना लिये सात हजार इंन्सान खे रखी छोड्यो हइ, जेने झुटा बाल भगवान का आगे घुटना नी टेकस हइ.
ROM 11:5 ठिक यो रीति से यो टेम भी, अनुग्रह से चुन्यो हुयो कुछ दुन्या बाकी हइ.
ROM 11:6 अगर यो अनुग्रह से हुयो हइ, ते फिर काम से नी. ते अनुग्रह फिर अनुग्रह नी ऱ्हेस.
ROM 11:7 येकालिये परिणाम का हुयो? यो की इस्राएल जेकी ढुडना मे थो, उ उनखे नी मील्यो. पन चुन्या हुयो खे करी लियो, अरु बाकि दुन्या कठोर खायो गयो.
ROM 11:8 जसो लिख्यो हइ, “परमेश्वर ने उनखे आज का दिन तक भारी नीद मे डालिखे रख्यो हइ, अरु असी आख आत्मा दे जो नी देख्यो अरु असा कान जो नी सुनस.”
ROM 11:9 अरु दाउद बोलस हइ, “ओको खानो ओका लिये जाल अरु फंदो, अरु ठोकर खाय खे अरु दण्ड का कारन हुइ जाए.
ROM 11:10 ओकी आख पर अंधारो छय जाए ताकि नी देखे, अरु तू कभी भी ओका पिंछा झुखे खे रखे.”
ROM 11:11 ते मी बोलुस हुये का ओने येकालिये ठोकर खाइ खे गिऱ्यो पड्यो? अगर नी! पन ओका गिरन का कारन गैरयहूदीहोन को उध्दार मीलस, की वे जलस हुये.
ROM 11:12 येकालिये अगर उनको गिरानो संसार का लिये धन अरु ओकी घटी गैरयहूदीहोन का लिये सम्पति का कारण हुये, ते उनकी भरपुर से खे तनो बडो आर्शिवाद मील्यो.
ROM 11:13 यो अब मी तुम गैरयहूदीहोन से बोली रोस हइ ते मी अपना काम को तु घमण्ड करस हइ. जब की मी विशेष रुप से गैरयहूदीहोन का लिये प्रेरित हुये, ते मी अपनी सेवा की बडोपनो करुस हुय,
ROM 11:14 ताकि कोय रीति से मी अपना कुटुबहोन मे जलन उत्पन्न करी खे ओमे से कोइ एक को उध्दार कऱ्यु.
ROM 11:15 क्युकी परमेश्वर का वजेसे उनको अस्वीकार कऱ्यो जानो संसार परमेश्वर का सात मेल मीलाप होस हइ ते फिर उनखे अपनायो जाना से मऱ्यो हुयो मे से जिन्दो नी हुये?
ROM 11:16 जब भेट को पयलो भाग पवित्र रख्यो, ते पुरो खराब हुयो आटो भी पवित्र हइ. पन जब झाड कि जडी पवित्र रख्यो, ते ओकि शाकाहोन भी पवित्र हइ.
ROM 11:17 अरु अगर कुछ डग्यान तोडि दी गयो, अरु तू जंगली जैतून हुइखे ओका सात हुय गयो, अरु जैतून की जडी खे चिकन कि भागी हुय हइ
ROM 11:18 ते डग्यान पर घमण्ड नी करणु. अरु अगर तू घमण्ड कर्य ते जानी रख की तू जडी खे नी पन जडी तोखे सम्भालती ऱ्हीहे.
ROM 11:19 फिर तू बोलस, “डग्यान येकालिये तोडि गयो की मी कलम करी जायु.”
ROM 11:20 ठिक हइ, वे ते अविश्वास का कारन तोडि गयो पन तू विश्वास से बनी ऱ्हेस हइ येकालिये अभिमानी नी हइ, पन भैइ मान,
ROM 11:21 क्युकी जब परमेश्वर ने स्वाभाविका डाली खे नी छोड्यो ते तोखे भी नी छोड्यो
ROM 11:22 येकालिये परमेश्वर की कृपा अरु कडाइ खे देख जो गिरी गयो उ पर कडाइ पन तरा पर कृपा अगर तु ओमे बनो ऱ्हेस नी ते तोखे भी काटी डाल्यो जाये.
ROM 11:23 अगर वे अविश्वास मे असमर्थ हइ ते झाडसे जोडी दिये. क्युकि परमेश्वर समर्थ हइ जो उ झाडसे जोडि देस.
ROM 11:24 क्युकि अगर गैरयहूदी उ जैतून से जो स्वभाव से जंगली हइ काट्यो गयो अरु स्वभाव को विरुध्द अच्छो जैतून मे जोड्यो जाये, ते ये जो यहूदी डाल्यो हइ अपनो हि जैतून मे का नी छाट्यो जाए.
ROM 11:25 हे भैइ अरु बहन, बोल असो नी हुइ की तुम अपना आप खे बुध्दिमान समझस. येकालिये मी नी चास कि तु ओका भेद से अंजान रिहे की जब तक गैरयहूदीहोन पुरी रीति से प्रवेश नी कर ले जब तक ही इस्राएल का एक भाग असो ही कठोर ऱ्हेस.
ROM 11:26 अरु उ रीति से सारा इस्राएल उध्दार पाए. “जसो शास्त्र मे लिख्यो हइ कि छुडानआलो सिय्योन से आह्ये, अरु अभक्ति का याकूब का कुल से दूर करस.
ROM 11:27 अरु ओका साथ मरी यो वाचा हुये जब की मी ओखे पाप का दुर करी दियु.”
ROM 11:28 सुसमाचार का भाव से ते तुमारा लिये वे परमेश्वर का दुसमन हइ, पन चुनी लिये जान से अरु बापदादाहोन का कारण परमेश्वर प्यारो हइ.
ROM 11:29 क्युकी परमेश्वर अपनो वरदान से पछतानो नी पडे अरु आशिष अटल हइ.
ROM 11:30 क्युकी जसो तुम ने पैयले परमेश्वर को आज्ञा नी मानी पन अभी ओका आज्ञा नी मानन से तुम पर दया हुये.
ROM 11:31 तुम पर जो दया होस हइ ओका कारण यहदि अब परमेश्वर कि आज्ञा नी मानी ऱ्हेस हइ, येकालिये अब तुम पर भी वसी उन पर दया हइ.
ROM 11:32 क्युकी परमेश्वर ने सब खे आज्ञा नी मानन का कारण बन्दी बनय खे रख्यो ताकी वो सब पर दया कर्हे.
ROM 11:33 आहा! परमेश्वर को धन अरु दिमाक अरु ज्ञान का ही महान हइ! ओखे नीर्भय खे कोन स्पष्ट करी सकस हइ अरु ओकि रस्ता कसो सजी सकस हइ!
ROM 11:34 शास्त्र बोलस हइ “प्रभु को मन खे कोन जानी सकस हइ अरु ओखे कोन सला दी सकस हइ?
ROM 11:35 का परमेश्वर खे कोय ने कुछ दियो हइ जेखे उ फिर से वापस कर्‍हे?”
ROM 11:36 क्युकी ओका तरप से, अरु ओका वजेसे, अरु ओ का लिये सब कुछ हइ ओकि महिमा पिडमपिडि होते ऱ्हेस आमीन.
ROM 12:1 येका लिये हे भैइ अरु बहन, मी तुम खे परमेश्वर की दया स्मरण दियुस, प्रार्थना करस हुये की अपना आंग होन खे जिन्दो अरु पवित्र अरु परमेश्वर का भावता हुयो बलिदान करीखे चढायो. यो तुमारो सच्चो उपास हइ.
ROM 12:2 यो जगत को सदृश नी बन्यो. पन तुमारो मन, नी हो जान से तुमारो चाल-चलन भी बदली जाए जेका से तुम परमेश्वर कि भली, अरु भाती अरु साधी इच्छा अनुभव से समज्हे करस ऱ्हेस.
ROM 12:3 क्युकी मी ओका अनुग्रह करण जो मे, मील्यो हइ तुम मे से हर एक से बोलस हय कि जसो समझनो चातो थो ओखे बडि खे कोय भी अपना आप नी समझे. पर जसो परमेश्वर ने हर एक विश्वास परिमाण जसो बैटो दियो हइ, वोसो ही सुबुध्दि का सात अपनो समझस.
ROM 12:4 क्युकी जसो हमारो एक मन मे भोत जसो आंग हइ, अरु सब आंग खे एक ही सो काम नी हइ.
ROM 12:5 वोसो ही हम जो भोत हइ मसीह मे एक मन हुइखे आपस मे एक दुसरा को आंग हइ
ROM 12:6 ताकि उ अनुग्रह का जसो जो दियो गयो हइ मेखे अलक-अलक वरदान मील्यो हइ, ते जेका भविष्यव्दाणी को दान मील्यो हुये उ विश्वास को परिमाण जसो भविष्यव्दाणी कर.
ROM 12:7 अगर सेवा करण का दान मील्यो हुये ते सेवा मे लग्यो ऱ्हेस. अगर कोय सिखानवालो होस,ते सिखान मे लग्यो ऱ्हेस
ROM 12:8 जो उपदेशक देनवालो हइ उपदेश कर्‍हे जो दान देनवालो हइ उ उदाहरता से दे अरु जो अगुवाइ करणवालो हइ उ मगन का सात अगुवाइ कर्‍हे अरु जो दया बतान को दान हइ उ प्रसन्नता से बतास उधारी से दे. जो अगुअय कर, वो उत्साह से कर. जो दया कऱ्यो वो हर्ष से कऱ्यो.
ROM 12:9 प्रेम नीष्कपट होस बुरा से घुणा कर अच्छो मे लग्यो ऱ्हे.
ROM 12:10 भैइचारा का प्रेम से एक दुसरा से स्नेह रख्यो. परस्पर आदर करणा मे एक दुसरा से बडी चल.
ROM 12:11 प्रयत्न करणा मे आलसी नी हुइ आत्मीक मे उत्तसुक भऱ्यो ऱ्हे प्रभु कि सेवा करतो ऱ्हेस.
ROM 12:12 आस मे आनन्दित रहे संकट मे धीरज रख. प्रार्थना मे लग्यो ऱ्हेस.
ROM 12:13 पवित्र दुन्या मे जो कुछ अवश्य हुये खे ओमे ओकि सहायता कर. मीजवान करणा मे लग्यो ऱ्हेस.
ROM 12:14 अपना सतानआला खे आशीष दे.आशीष दे श्राप नी दे.
ROM 12:15 खुशी करणवाला का साथ खुशी कर, अरु रोनवाला का साथ रो
ROM 12:16 आपस मे एक जसो मन रख्यो. अभिमानी नी हुये पन दिन का साथ सगति रख. अपनो दुष्टि मे बुध्दिमान नी हुए.
ROM 12:17 बुराइ खे कोय से बुरो नी करणु. जो बात सब दुन्याहोन का लिये अच्छो हइ, ओकि चिता कऱ्या कर.
ROM 12:18 जहा तक हुए सकस, तुम भरी सब इन्सान का साथ मे शांती मे ऱ्हे.
ROM 12:19 हे प्रिय, बदलो नी लेनु, पन परमेश्वर खे घुस्सा का अवसर दे, क्युकि लिख्यो हइ, “बदलो लेनो मरो काम हइ, प्रभु बोलस हइ मी हि बदली दियु.”
ROM 12:20 पन “अगर तरा बिना भूको हुए ते ओखे खानो खलइ खे अगर दुसरो हुये ते दुशमन खे पानी पिलय सक्यु क्युकि असा करणा से तु ओका माथा पर अगार से अंगारा को ढेर लगास.”
ROM 12:21 बुरा से नी हुया, पन भला से बुरा खे जिती ले.
ROM 13:1 हर एक इन्सान शासकिय अधिकाहोन का अधीन रेस क्युकि अधिकार असो नी जो परमेश्वर का मन का तरप से नी हुये. अरु जो अधिकार हइ वे परमेश्वर खे ठहरायो हुयो हइ.
ROM 13:2 येका लिये जो कोय अधिकार को विरोध करस हइ वो परमेश्वर कि विधी का सामने करस हइ अरु सामनो करणवाला खे दण्ड मीले.
ROM 13:3 क्युकि शासन अच्छो काम खे नी पन बुरो काम का लिये डरी खे करणो हइ आखरी. अगर तू अधिकारी से नीडर ऱ्हेनो चाहिए हइ ते अच्छो काम कर अरु ओका तरप से तरी सरानो हुये.
ROM 13:4 क्युकि उ तरा भला का लिये परमेश्वर को सेवक हइ. पन अगर तु बुरो कर ते डर क्युकी वह तलवार व्यर्थ लिए हुयो नी. अरु परमेश्वर को सेवक हइ की ओकि घुस्सा का जसो बुरो काम करणवाला खे दण्ड दे
ROM 13:5 येका लिये अधीकारीहोन कि आज्ञा मान नी ते फक्त परमेश्वर कि शिक्षा का वजेसे नी लेकीन हमारो विवेक करण भी
ROM 13:6 येका लिये करी भी दे क्युकी शासन करणवाला परमेश्वर को सेवक हइ अरु सदा यो काम मे लग्यो ऱ्हेस हइ.
ROM 13:7 येका लिये हर एक को हक्क चुकयो कर जेका से चाए ओका करी देख जेको चुनी चाए ओखे चुगी दे. जेका से डरनो चाए ओकासे डर. जेको आदर करणो चाए ओको आदर कर.
ROM 13:8 आपस का प्रेम खे छोडी अरु कोय बात मे कोय को कर्जदार नी हुये. क्युकी जो दुसरा से प्रेम रखस हइ, ओ ने व्यवस्था पुरो करी हइ.
ROM 13:9 क्युकी यो की “व्यभिचार नी करणो, मारनो नी करणो, चोरी नी करणो, लालच मत कर,” अरु इनखे छोडीखे अरु कोय भी आज्ञा हुये ते सब का साराश या बात मे पायो जास हइ, “अपना घर का बाजुआला से अपना समान प्रेम रख.”
ROM 13:10 प्रेम घर का बाजुआला कुछ बुरो नी करस येका लिये प्रेम करणु व्यवस्था को पालन करणो हइ.
ROM 13:11 टेम खे पइछान कर असो हि कर, येका लिये की अब तुमारा लिये नीद से जागो उठन की घडी आ पोच्यो हइ. क्युकी जो टेम हम ने विश्वास कऱ्यो थो, उ टेम का बिचार से अब हमारो उध्दार बाहेर हइ.
ROM 13:12 रात भोत बीती गए हइ, अरु दिन निकलना पर हइ. येका लिये हम अंधारा कामहोन खे त्याग खे ज्योति कि हथियार बाधी ले.
ROM 13:13 जसो दिन मे वोसो ही हम सीधो रुप से चाल चले नी की लीला-क्रिडा अरु मे नी व्यभिचार अरु लुचपन मे अरु नी वाद विवाद अरु डाह मे.
ROM 13:14 जब प्रभु यीशु मसीह खे पेनी ले, अरु मानव का आंग की अभिलाषाहोन खे पुरो करणा मे मत लगा र्हे.
ROM 14:1 जो विश्वास मे नीर्बल हइ, ओने अपना सगत मे ली ले, पन ओकी युक्ति बिचार पर विवाद करण का लिये नी.
ROM 14:2 एक को विश्वास हइ कि सब कुछ खानो उचित हइ पन जो विश्वास मे नीर्बल हइ, उ फक्त शाकाहारी खास हइ.
ROM 14:3 अरु खानवाला नी खानवाला को तुच्छ नी जान अरु नी खानवाला पर दोष नी लगानु. किक्यु परमेश्वर ने ओखे ग्रहण कऱ्यो हइ
ROM 14:4 तु कोन हइ जो दुसरा सेवक पर दोष लगास हइ? ओका स्थिर ऱ्हे या गिरी जानो ओको स्वामी ही से सम्बन्ध रखस हइ. जब वो स्थिर ही करी दीयो जाए, क्युकि प्रभु उ स्थिर रखी सकस हइ.
ROM 14:5 का दुन्याहोन थो एक दिन खे दुसरो से बडी खे मानस हइ, अरु कोय भी सब दिन खे एक समान मानस हइ. हर एक अपनी ही मन मे नीश्चित करी ले.
ROM 14:6 जो कोय दि खे मानस हइ उ प्रभु का लिये मानस हइ जो खास हइ उ प्रभु का लिये खास हइ क्युकि वो परमेश्वर को धन्यावाद करस हइ अरु जो नी खास वो प्रभु, लिये नी खास अरु परमेश्वर को धन्यावाद करस हइ.
ROM 14:7 क्युकि हम मे से नी ते कोय अपना लिये जीस हइ अरु नी कोय अपना लिये मरस हइ.
ROM 14:8 अगर हम जिन्दो हइ ते प्रभु का लिये जिन्दो हइ अरु अगर मरस हइ, ते प्रभु का लिये मरस हइ. आखरी मे हम जिन्दो या मऱ्यो, हम प्रभु ही को हइ.
ROM 14:9 क्युकि मसीह येका लिये मऱ्यो अरु जी भी उठ्यो की उ मर हुये अरु जिन्दो दोय को प्रभु हुयो.
ROM 14:10 तु अपना भैइ पर का दोष लगास हइ? या तु फिर का अपना भैइका पास जास हइ? हम सब खे सब परमेश्वर का न्याय राजगद्दी का सामने खडो हुये.
ROM 14:11 क्युकी शास्त्र लिख्यो हइ, प्रभु बोलस हइ, मरा जिवन की सौगन्ध की हर एक घुटना मरा सामने टिक्ये, अरु हर एक जीभ मानी लिये की मी परमेश्वर हइ.
ROM 14:12 येका लिये हम मे से हर एक परमेश्वर खे अपनो अपनो लिख दे .
ROM 14:13 येका लिये हम एक दुसरा पर न्याय करणो बन्द कर्‍हे अरु येका बदला मे नीश्चय कर कि अपना भैइ का सामने ठोकर खे पाप मे पडन का कारन बन.
ROM 14:14 प्रभु यीशु मे एक होन का कारण मी जानुस हइ कि कोय सामन अपना आप से अशुध्द नी पन जो ओखे अशुध्द समझस हइ ओका लिये अशुध्द हइ.
ROM 14:15 अगर तरो भैइ या बहन तरा खान का कारन दुखी होस हइ ते फिर तु प्रेम कि रिती से नी चलस. जेका लिये मसीह मऱ्यो ओखे तु अपना खाना का वजेसे नष्ट नी कर.
ROM 14:16 जेखे तुम भलो मानस हइ ओखे कोय खे बुरो मत बोलन देनु.
ROM 14:17 क्युकि परमेश्वर का राज्य खानो पानी नी, पन धार्मीकता अरु शांती अरु आनन्द हइ जो पवित्र आत्मा देस हइ उ हइ.
ROM 14:18 जो कोय या रीति से मसीह की सेवा करस हइ, उ परमेश्वर खे भास हइ, अरु इन्सान मे ग्रहण योग्य ठैरास हइ.
ROM 14:19 येका लिये हम उ बात मे लग्या ऱ्हेस जेका से मेल मीलाप अरु एक दुसरा की उन्नती हुये.
ROM 14:20 खानो का लिये परमेश्वर ने कऱ्यो उ खतम मत कर्‍हे, सब कुछ शुध्द तो हइ, पन उ इन्सान का लिये बुरो हइ जेखे ओको खाना से ठोकर लगस हइ.
ROM 14:21 अच्छो ते यो हइ कि तु नी मास खाये अरु नी अंगूर को रस पाए, नी अरु कुछ असो कर्‍हे जेका से तरो भैइ या बहन ठोकर खाए.
ROM 14:22 तरो जो विश्वास हुये खे ओको परमेश्वर का सामने अपनो ही मन मे रख. धन्य हइ वो जो उ बात मे जेका उ ठीक समज्हे हइ अपना आप खे दोष नी ठैरास.
ROM 14:23 पन जो सन्देह कर्हे, खास हइ परमेश्वर को दोषी क्युकि उ विश्वास से नी खास. अरु जो कुछ विश्वाससे नी ते उ पाप हइ.
ROM 15:1 आखरी हम बलवान खे चाहस की नीर्बल कि नीर्बलताहोन मे सहायता कर कोनी की अपना आपखे प्रसन्न कर
ROM 15:2 हम से हर एक अपनो घर का बाजु का ओकी भलाइ का लिये प्रसन्न कर की ओकी उन्नती हुये.
ROM 15:3 क्युकि मसीह ने अपना आप खे प्रसन्न नी कऱ्यो पर जसो लिख्यो हइ “तरा नीन्दको की नीन्दा मरा पर अय पड्यो.”
ROM 15:4 जतनी बात पयलो से लिखी गइ वे हमारी ही शिक्षा का लिये लिखी गैय हइ की हम धीरज अरु शांती पवित्रशास्त्र का प्रोत्साहन वजेसे आस कर.
ROM 15:5 धीरज अरु शांती को दातो परमेश्वर तु यो वरदान दे की मसीह यीशु का अनुसार आपस मे एक मन हइ.
ROM 15:6 ताकि तुम एक मन अरु एक अवाज मे हमारो प्रभु यीशु मसीह को बाप परमेश्वर कि महिमा कर.
ROM 15:7 येका लिये जसो मसीह ने परमेश्वर की महिमा का लिये तुम खे ग्रहण कऱ्यो हइ, ओसो ही तुम भी एक दुसरा खे ग्रहण कर.
ROM 15:8 येका लिये मी बोलुस हइ की जो प्रतीज्ञा बापदादा खे दी गए ओने दृढ करणा का लिये मसीह कि परमेश्वर की सच्ची को प्रमाण देन का लिये खतना कऱ्यो हुयो दुन्या को सेवक बन्यो
ROM 15:9 अरु गैरयहूदीहोन भी दया करण परमेश्वर की स्तुती कर का जसो लिख्यो हइ, “येका लिये मी जात जात मे तरी महिमा करीयु का अरु तरो नाम को भजन गायु.”
ROM 15:10 फिर बोल्यो हइ “हे जात जात का सब दुन्या ओका दुन्या का साथ आनन्द कर.”
ROM 15:11 अरु फिर हे जात जात का सब दुन्या प्रभु की स्तुती कर अरु हे राज्य राज्य का सब दुन्या ओकी स्तुति.
ROM 15:12 अरु फिर यशायाह बोलस हइ “यिशय कि एक जडी प्रगट हुये खे अरु गैरयहूदीहोन को हाकीम होन का लिये एक उठाये.”
ROM 15:13 परमेश्वर जो आस को दाता हइ तेका विश्वास करणा मे सब प्रकार को आनन्द अरु शांती से परिपुर्ण कर की पवित्र मन कि सामर्थ्य से तुमारी आस बडी जाए.
ROM 15:14 हे मरा भैइ मी खुद तुमारा विषय मे नीश्चय जानस हइ की तु भी आप ही बुरा से अच्छो अरु इश्वरी ज्ञान से भरपुर होस, अरु एक दुसरा चिन्ता सकस हइ.
ROM 15:15 तेभी मी ने कभी कभी याद देन का लिये तु जो भोत साहस करी खे लिख्यो. यो उ अनुग्रह कारन हुयो जो परमेश्वर ने मेखे दियो हइ,
ROM 15:16 की मी गैरयहूदिहोन का लिये मसीह यीशु को सेवक हुइ खे परमेश्वर को सुसमाचार कि सेवा याजक का सामने क्युकि जेने गैरयहूदिहोन खे मान्यो चेड्यो जाए, पवित्र मन से पवित्र बनी खे ग्रहण करी जाए.
ROM 15:17 येका लिये उ बात का विषय मे जो परमेश्वर से सम्बन्ध रखस हइ मसीह यीशु मे बडो कर सकुस हुये.
ROM 15:18 क्युकि उ बात खे छोडीखे मेखे अरु कोय बात का विषय मे बोलन को साहस नी कऱ्यो जो मसीह ने गैरयहूदिहोन की अधीनता का लिये वचन अरु कर्म,
ROM 15:19 अरु चीता अरु अद्भुत काम को सामर्थ्य से परमेश्वर अरु पवित्र आत्मा का सामर्थ्य से मरा ही वजेसे कर इल्‍लुरिकुम तक की मी ने यरुशलेम से लिखे चोर का तरप तक मसीह को सुसमाचार को पुरो पुरो प्रचार कर.
ROM 15:20 पर मरो मन उमग यो हइ की जो जो मसीह को नाम नी लियो गयो, वो सुसमाचार सुनायु असो नी हुये की दुसरा की पय्या पर घर बनायु.
ROM 15:21 पन जसो लिख्यो हइ वोसो ही होस, “जेने ओका सुसमाचार नी पोच्यो, वे ही देखस अरु जेने नी सुन्यो वे समझस.”
ROM 15:22 येका लिये मी तुमारा पास आना से बार बार रुक्यो ऱ्हेस.
ROM 15:23 पन अब यो देश मे मरा कर्य का लिये अरु जगा नी ऱ्हेस, अरु भोत साल से मे खे तुमारा पास आन की इच्छा हइ.
ROM 15:24 येका लिये जब मी स्पेन खे जाउ ते तुमारा पास होस हुये जाए, क्युकी मेखे आस हइ की वा जत्रा मे तरा से दान हुये खे अरु जब तुमारा संग से मरा कुछ भरी जाए ते तुम मेखे कुछ दुर आगे पोचये दे.
ROM 15:25 पन अभी ते मी पवित्र दुन्या की सेवा करणा का लिये यरुशलेम का जास हुये.
ROM 15:26 क्युकी मकिदुनीया अरु अखाया का दुन्या खे यो अच्छो लग्यो की यरुशलेम का पवित्र दुन्या मे नीर्धनो का लिये कुछ जमा कर.
ROM 15:27 ओखे अच्छो तो लग्यो पन वे ओको कर्जदार भी हइ, क्युकी अगर गैरयहूदिहोन ओकी आत्मीक बात मै हुयो काते ओका भी उचित हइ की आंग बात मे ओकी सेवा कर्‍हे.
ROM 15:28 येका लिये मी यो काम पुरो कर्हे का अरु ओका यो चन्दा सोपी खे तरा पास होस हुये स्पेन खे जायु.
ROM 15:29 अरु मी जानस हइ की जब मी तुमारा पास आयु, ते मसीह की पुरी आशीर्वाद का साथ आयु.
ROM 15:30 हे भैइ हमारो प्रभु यीशु मसीह को अरु पवित्र आत्मा को प्रेम खे स्मरण दिलय खे मी तुम से प्रार्थना करस हइ की मरा लिये परमेश्वर से प्रार्थना करणा मे मरा साथ मीली खे लौलीन र्हेस
ROM 15:31 कि मी यहूदीया का अविश्वासिहोन से बच्यो ऱ्हीयु अरु करणु उ सेवा जो यरुशलेम का लिये हइ, पवित्र दुन्या खे भऱ्यो.
ROM 15:32 अरु मी परमेश्वर की इच्छा से तुमारा पास आनन्द का साथ अयखे तुमारा साथ आराम पाह्यु.
ROM 15:33 शांती को परमेश्वर तुम सब का साथ ऱ्हेस.आमीन.
ROM 16:1 मी तुम से फिबे का लिये जो हमारी भैइन अरु किंख्रिया कि मंडली सेवक हइ, प्रार्थना करस हइ
ROM 16:2 कि तुम, जसो की पवित्र दुन्या खे चास, ओका प्रभु मे ग्रहण कर. अरु जो कोय बात मे ओकी तुमारा आकुल्यकता हुयो, ओकी सायता कर, क्युकि वे भी भोत की जब मरो भी उपकार करणवाली ऱ्हेस हइ.
ROM 16:3 प्रिस्किल्ला का अरु अक्विला की जो मसीह यीशु मे मरो सहकर्मी हइ, नमस्कार.
ROM 16:4 ओने मरी जान का लिये अपनो ही जिवन जोखिम मे डाली दियो थो अरु फक्त मी ही नी जब गैरयहूदीहोन की सब मंडलीहोन भी ओको धन्यवाद करस हइ.
ROM 16:5 मंडली खे भी नमस्कार जो ओका घर मे हइ. मरो प्रिय इपैनीतुस खे जो मसीह का लिये आसिया को पहलो फल हइ,नमस्कार.
ROM 16:6 मरियम खे जेने तुमारा लिये भोत परिश्रम कऱ्यो, नमस्कार.
ROM 16:7 अन्द्रुनीकुस अरु युनीयास खे जो मरो कुटुब हइ, अरु मरा साथ कैद हुइ गो अरु प्रेरित मे नाम हइ,अरु मरा से पयलो मसीह हुयो थो, नमस्कार.
ROM 16:8 जो प्रभु मे मरो प्रिय अमप्‍लियातुस खे नमस्कार.
ROM 16:9 मसीह मे हमारा सहयोगी उरबानुस अरु जो मसीह मे हमारो सहकर्मी हइ अरु मरो प्रिय इसतखुस खे नमस्कार.
ROM 16:10 अपिल्लैस खे जो मसीह मे खरो निकलस का नमस्कार. अरिस्तुबुलु का घरानो को नमस्कार.
ROM 16:11 मरो कुटुब हेरोदियोन खे नमस्कार. नरकिस्सुस का घराना, जो दुन्या प्रभु मे हइ, ओखे नमस्कार.
ROM 16:12 त्रुफेना अरु त्रुफोसा का जो प्रभु मे परिश्रम करस हइ, नमस्कार. प्रिय पिरसिस खे जेने प्रभु मे भोत परिश्रम कऱ्यो, नमस्कार.
ROM 16:13 रुफुस खे जो प्रभु मे चुन्यो हइ अरु ओकी माय, जो मरो भी माय हइ, दो खे नमस्कार.
ROM 16:14 असुक्रितुस अरु फिलगोन अरु हिर्मेस अरु पत्रु बास अरु हिर्मास अरु ओका साथ भैइ खे नमस्कार.
ROM 16:15 फिलुलुगुस अरु युलिया अरु नेर्युस अरु ओकि भैइन, अरु उलुम्पास अरु ओका साथ का सब पवित्र दुन्या खे नमस्कार.
ROM 16:16 आपस मे पवित्र चुमचबन से नमस्कार तुम मसीह की सब मंडलीहोन कि तरप से नमस्कार.
ROM 16:17 अब हे भैइ तुम से प्रार्थना करस हइ, की जो इन्सान उ शिक्षा का विपरित खे जो तुम ने पायो हइ,फुट डालस अरु ठोकर खलान कारन होस हइ, ओने तागी लियो, अरु ओका से दुर रियो.
ROM 16:18 क्युकी असा दुन्या हमारो प्रभु मसीह की नी, पन अपनो पेट की सेवा करस हइ.अरु चिकनी चोपडी बात से सीधो-सादो मन का दुन्या खे भैइ भय देस हइ.
ROM 16:19 तुमारो आज्ञा मानन की चर्चा सब दुन्या मे फैली गय हइ येका लिये मी तुमारो विषय मे आनन्द करुस हइ, पन मी यो चास हइ की तुम अच्छो, लिये बुध्दिमान पन बुरा का लिये भोलो बन्यो ऱ्हेस.
ROM 16:20 शांती को परमेश्वर सैतान खे तुमारा पाच से शीघ्र कुसल देस. हमारो प्रभु यीशु मसीह को अनुग्रह तरा पर होस ऱ्हेस.
ROM 16:21 मरी सहकर्मी तीमुथियुस को, अरु मरो कुटुबहोन लुकियुस अरु यासोन अरु सोसिपत्रुस खे तुम नमस्कार बोलस हइ.
ROM 16:22 मरी चिट्टी खे लिखनवाली तिरतियुस को, प्रभु मे तो, नमस्कार.
ROM 16:23 गयुस जो मरो अरु मंडली की मीजवान करणवाला हइ,ओको इरास्तुस नमस्कार.
ROM 16:24 इरास्तूस जो नगर को भण्डारी हइ, अरु भैइ क्वारतुस को तुखे नमस्कार.
ROM 16:25 अब जो तुम खे मरी सुसमाचार अगर यीशु मसीह को प्रचार का जसो स्थिर करी सकुस हइ,उ भेदको प्रकार का जसो जो सैतान से लुकि खे ऱ्हेस,
ROM 16:26 पन अब प्रगट हुइ खे सतान परमेश्वर की आज्ञा से भविष्यव्दक्ताहोन की किताबहोन का वजेसे सब जातहोन खे बतायो गयो हइ कि वे विश्वास से आज्ञा माननवाला हुये जाए,
ROM 16:27 उ एकमात्र बुध्दिमान परमेश्वर कि यीशु मसीह का वजेसे पिडमपिडि महिमा होस ऱ्हिहे. आमीन.
1CO 1:1 पौलुस का तरफ से जो परमेश्वर की इच्छा से यीशु मसीह का प्रेरित होन का लिये बुलायो गया अरु भैइ सोस्थिनेस का तरफ से.
1CO 1:2 परमेश्वर की वा मंडली का नाम जो कुरिन्थुस मे हइ, मनजे उनका नाम जो मसीह यीशु मे पवित्र कर्या गया, अरु पवित्र होन का लिये बुलायो गए हइ; अरु उन सब का नाम भी जो हर जगा हमारा अरु अपना प्रभु यीशु मसीह का नाम से प्रार्थना करस हइ.
1CO 1:3 हमारो बाप परमेश्वर अरु प्रभु यीशु मसीह का तरफ से तुमखे अनुग्रह अरु शांती मीलती र्‍हिये.
1CO 1:4 मी तुमारा बारे मे अपना परमेश्वर खे धन्यवाद हमेशा करुस हइ, येकालिये कि परमेश्वर को यो अनुग्रह तुम पर मसीह यीशु मे हुयो.
1CO 1:5 कि ओमे हुइखे तुम हर बात मे मनजे पुरो वचन अरु पुरा ज्ञान मे धनी कर्या गया.
1CO 1:6 कि मसीह की गवइ तुम मे पक्की नीकल्ये.
1CO 1:7 ह्या तक कि कोय वरदान मे तुमखे कमी नी , अरु तुम हमारा प्रभु यीशु मसीह को प्रगट होन की प्रतीक्षा करता र्‍हेस हइ.
1CO 1:8 उ तुमखे आखरी तक दृढ भी कर्ये, कि तुम हमारा प्रभु यीशु मसीह का दिन मे नीर्दोष ठैरनु
1CO 1:9 परमेश्वर विश्वासयोग्य हइ. जेने तुम खे अपनो बेटो हमारो प्रभु यीशु मसीह की संगत मे बुलायो हइ.
1CO 1:10 हे भैइहोन अरु बहीन, मी तुम से यीशु मसीह जो हमारो प्रभु हइ ओका नाम का द्वारा प्रार्थना करुस हइ, कि तुम सब एक ही बात बोलनु अरु तुम मे फूट नी हो, पर एक ही मन अरु एक ही मत हुइखे मील्या र्‍हेनु.
1CO 1:11 क्युकि हे मरा भैइहोन, खलोए का घराना का इन्सानहोन ने मेखे तुमारा बारे मे बतायो हइ, कि तुम मे झगडा हुइ र्‍हा हइ.
1CO 1:12 मरो बोलन को मतलब यो हइ, कि तुम मे से कोय तो अपना आप खे “पौलुस को,” कोय “अपुल्लोस को,” कोय “कैफा को,” कोय “मसीह को” बोलस हइ.
1CO 1:13 का मसीह बठी गयो? का पौलुस तुमारा लिये क्रुस पर चडायो गयो? या तुमखे पौलुस का नाम पर बपतिस्मा मील्यो?
1CO 1:14 मी परमेश्वर को धन्यवाद करुस हइ, कि क्रिस्पुस अरु गयुस खे छोड़, मेने तुम मे से कोय खे भी बपतिस्मा नी दियो.
1CO 1:15 खय असो नी हो, कि कोय बोल्ये कि तुमखे मरा नाम पर बपतिस्मा मील्यो.
1CO 1:16 अरु मेने स्तिफनास का घराना खे भी बपतिस्मा दियो. इनखे छोडी खे मी नी जानु कि मेने अरु कोय खे बपतिस्मा दियो.
1CO 1:17 क्युकि मसीह ने मेखे बपतिस्मा देन खे नी, क्युकी सुसमाचार सुनान खे भेज्यो हइ, अरु यो भी इन्सानहोन को अवाजहोन को ज्ञान का अनुसार नी असो नी हो कि मसीह को क्रुस बेकार ठैर्ये.
1CO 1:18 क्युकि क्रुस की कथा खत्म होनआला का पास बेवकुप हइ, पर हम उध्दारपानआला का पास परमेश्वर की सामर्थ्य हइ.
1CO 1:19 क्युकि लिख्यो हइ. “मी ज्ञानवान को ज्ञान खे खत्म कर्यु, अरु समझदारहोन खे समझ खे तुच्छ करी दियु.”
1CO 1:20 खा र्‍हियो ज्ञानवान? खा र्‍हियो शास्त्री? खा र्‍हियो यो संसार को विवादी? का परमेश्वर ने संसार का ज्ञान खे बेवकुप नी ठैइरायो?
1CO 1:21 क्युकि जब परमेश्वर का ज्ञान खे अनुसार संसार ने ज्ञान से परमेश्वर खे नी जान्यो ते परमेश्वर खे यो अच्छो लग्यो कि यो प्रचार का बेवकुप का द्वारा विश्वास करणआला खे उध्दारदे.
1CO 1:22 यहूदी तो चिन्ह चाहस हइ, अरु यूनानी ज्ञान का खोज मे हइ,
1CO 1:23 पर हम तो उ क्रुस पर चडाया हुया मसीह को प्रचार करस हइ जो यहूदीहोन का पास ठोकर का कारण अरु गैरयहूदीहोन का पास बेवकुप हइ.
1CO 1:24 पर जो बुलायो हुया हइ का यहूदी, का यूनानी, उनका पास मसीह परमेश्वर को सामर्थ्य, अरु परमेश्वर को ज्ञान हइ.
1CO 1:25 क्युकि परमेश्वर की बेवकुप इन्सानहोन का ज्ञान से ज्ञानवान हइ. अरु परमेश्वर की बिनाताखत आलो इन्सानहोन का बल से भोत बलवान हइ.
1CO 1:26 हे भैइहोन अरु बहिन, अपना बुलायो जाना खे तो सोचनु कि न आंग का अनुसार भोत ज्ञानवान, अरु नी भोत सामर्थ्यी, अरु नी भोत कुलीन बुलायो गया.
1CO 1:27 पर परमेश्वर ने जगत का बेवकुपहोन खे चुनी लियो हइ कि ज्ञानीहोन खे लज्जित करणु. अरु परमेश्वर ने संसार का नीर्बलहोन खे चुनी लियो हइ, कि बलवानहोन खे लज्जित कर्ये.
1CO 1:28 अरु परमेश्वर ने संसार का नीचहोन अरु तुच्छहोन खे क्युकी जो हइ भी नी उनखे भी चुनी लियो, कि उनने जो हइ, बेकार ठैइराये.
1CO 1:29 ताकि कोय जनवर परमेश्वर का सामने घमण्ड नी करी पाये.
1CO 1:30 पर ओ का तरफ से तुम मसीह यीशु मे हुये, जो परमेश्वर का तरफ से हमारा लिये ज्ञान ठैइराये मनजे धर्मीकता, अरु पवित्रता, अरु छुटकारो.
1CO 1:31 ताकि जसो लिख्यो हइ, ओसो ही हो, “जो घमण्ड कर्ये उ प्रभु मे घमण्ड कर्हे .”
1CO 2:1 हे भैइहोन अरु बयहोन, जब मी परमेश्वर को भेद सुनाते हुयो तुमारा पास आयो, ते वचन या ज्ञान कि उत्तमता का साथ नी आयो.
1CO 2:2 क्युकि मेने यो ठानी लियो थो कि तुम्हारा बीच यीशु मसीह, क्युकी क्रुस पर चडाया हुया मसीह खे छोड अरु कोय बात खे नी जान्यू.
1CO 2:3 अरु मी नीर्बलता अरु डर का साथ अरु भोत थरथरातो हुयो तुमारा साथ र्‍हियो.
1CO 2:4 अरु मरा वचन, अरु मरो प्रचार मे ज्ञान, लुभानआली बातहोन नी. पर आत्मा अरु सामर्थ्य को प्रमाण थो.
1CO 2:5 येका लिये कि तुमारा विश्वास इन्सानहोन खे ज्ञान पर नी, पर परमेश्वर को सामर्थ्य पर नीरभर होनु.
1CO 2:6 फिर भी सिद्ध इन्सानहोन मे हम ज्ञान सुनास हइ पर यो जगत को अरु यो जगत को नाश होनआला हाकिमहोन को ज्ञान नी.
1CO 2:7 पर हम परमेश्वर को उ गुप्त ज्ञान खे बतास हइ, जेखे परमेश्वर ने सनातन से हमारी महिमा का लिये ठैइरायो.
1CO 2:8 जेखे यो जगत का हाकिमहोन मे से कोय ने नी जान्यो, क्युकि अगर जानता कि ते तेजोमय प्रभु खे क्रुस पर नी चडाता.
1CO 2:9 पर जसो लिख्यो हइ, “जे आख ने नी देखी, अरु काम न ने नी सुनी, अरु जो बातहोन इन्सान खे चित्ता मे नी चढी वे ही हइ, जो परमेश्वर ने अपनो प्रेम रखनआला, लिये तैयार करी हइ.”
1CO 2:10 पर परमेश्वर ने उनका अपनो आत्मा का वजेसे हम पर प्रगट कर्यो. क्युकि आत्मा सब बातहोन, क्युकी परमेश्वर की रहस्यमय बातहोन भी जाचस हइ.
1CO 2:11 इन्सानहोन मे से कोन कोय इन्सान की बातहोन जानस हइ, फक्त इन्सान की आत्मा जो ओमे हइ? ओसो ही परमेश्वर की बातहोन भी कोय नी जाने कि फक्त परमेश्वर को आत्मा.
1CO 2:12 पन हमने जगत की आत्मा नी मील्यो हइ, जो परमेश्‍वर का तरफ से हइ, कि हम उन बातहोन खे जान्येका जो परमेश्वर ने हम खे दी हइ.
1CO 2:13 जिन, हम इन्सानहोन कि ज्ञान की सिखइ हुइ बातहोन मे नी, पर पवित्र आत्मा की सिखइ हुइ बातहोन मे, आत्मा बात आत्मीक ज्ञान से आत्मीक बातहोन की व्याख्या करस हइ.
1CO 2:14 पर शारीरिक इन्सान परमेश्वर को आत्मा की बातहोन अपनइ नी कर्‍हे, क्युकि वे ओका नजर मे मूर्खता की बातहोन हइ, अरु नी उ उनका जान सकस हइ क्युकि उनकी परख्ये आत्मीक रीति से होस हइ.
1CO 2:15 आत्मीक जन सब कुछ परख्ये हइ, पर उ आप कोय से परख्ये नी जाय.
1CO 2:16 “क्युकि प्रभु को मन कोय ने जान्यो हइ, कि ओखे सिखाये?” पर हम मे मसीह को मन हइ.
1CO 3:1 हे भैइहोन अरु बहिन, मी तुम से या रीति से बातहोन नी करी सक्यो, जसो आत्मीक इन्सानहोन से पर जसो आंग इन्सानहोन से, अरु उनसे जो मसीह मे बच्चा हइ.
1CO 3:2 मेने तुमखे दूध पिलायो, खनो नी खलायो. क्युकि तुम ओखे नी खैइ सक्या था. क्युकी अब तक भी नी खैइ सकस हइ,
1CO 3:3 क्युकि अब तक आंग हुया येकालिये, कि जब तुम मे इर्ष्या अरु वाद विवाद हइ, ते का तुम आंग नी? अरु इन्सान का रीति पर नी चले?
1CO 3:4 येकालिये कि जब एक बोलस हइ, “मी पौलुस को हइ,” अरु दूसरो, “मी अपुल्लोस को हइ” ते का तुम इन्सान नी?
1CO 3:5 अपुल्लोस कोन हइ? अरु पौलुस कोन हइ? फक्त सेवक, जिनका वजेसे तुम इन्सान ने विश्वास कर्यो, जसो हर एक खे प्रभु ने दियो.
1CO 3:6 मेने झाड लगायो, अपुल्लोस ने सीच्यो, पर परमेश्वर ने बडायो.
1CO 3:7 येकालिये नी ते लगानआला कुछ हइ, अरु नी वोलनाला पर परमेश्वर जो बडानआला हइ उ सब कुछ हइ.
1CO 3:8 लगानआला अरु सींचनआला दोइ एक हइ. पर हर एक इन्सान अपना ही मेहनत का अनुसार अपनी ही मजदूरी मील्हे.
1CO 3:9 क्युकि हम परमेश्वर का सहकर्मी हइ. तुम परमेश्वर का खेत अरु परमेश्वर की रचना हइ.
1CO 3:10 परमेश्वर का वा अनुग्रह का अनुसार जो मेखे दिया गयो, मेने बुद्धिमान राजमिस्‍त्री का समान पय्या डाल्यो, अरु दूसरो ओका पर रद्दो रखस हइ पर हर एक इन्सान चौकस र्‍हिये, कि उ ओका पर कसो रद्दो रखस हइ.
1CO 3:11 क्युकि उ पाय्या खे छोड जो पडि हइ, अरु उ यीशु मसीह हइ, कोय दूसरो पय्या नी डाली सकतो.
1CO 3:12 अरु अगर कोय यो पय्या पर सोन्नो या चादी या बहुमूल्य पत्थर या काठ या घास या फूस को रद्दो रख्ये,
1CO 3:13 ते हर एक का काम प्रगट हुइ जाये. क्युकि उ दिन ओखे बताये. येकालिये कि अंगार का साथ प्रगट हुये अरु वा अंगार हर एक का काम समज्हे कि कसो हइ.
1CO 3:14 जेको काम ओका पर बन्यो हुयो स्थिर र्‍हिये, उ मजदूरी मील्हे.
1CO 3:15 अरु अगर कोय का काम जली जाये, ते उ नुकसान उठाये. पर उ खुद बची जाये पर जलते-जलते.
1CO 3:16 का तुम नी जाने कि तुम परमेश्वर कि मन्दिर हइ, अरु परमेश्वर कि आत्मा तुम मे वास करस हइ?
1CO 3:17 अगर कोय परमेश्वर का मन्दिर खे नाश कर्ये ते परमेश्वर ओखे नाश कर्ये. क्युकि परमेश्वर को मन्दिर पवित्र हइ, अरु उ तुम हइ.
1CO 3:18 कोय अपना आप खे धोखा नी दे. अगर तुम मे से कोय यो संसार मे अपना आप खे ज्ञानी समझ्ये, ते बेवकुप बन्ये कि ज्ञानी हुइ जाये.
1CO 3:19 क्युकि यो संसार को ज्ञान परमेश्वर का पास बेवकुप हइ, जसो लिख्यो हइ, “उ ज्ञानीहोन खे उनकी हुशारी मे फसय देस हइ,”
1CO 3:20 अरु फिर, “प्रभु ज्ञानीहोन खे बिचारहोन खे जानस हइ, कि बेकार हइ.”
1CO 3:21 येकालिये इन्सानहोन पर कोइ घमण्ड नी करणु, क्युकि सब कुछ तुमारो हइ.
1CO 3:22 का पौलुस, का अपुल्लोस, का कैफा, का संसार, का जिवन, का मरण, का वर्तमान, का भविष्य, सब कुछ तुमारो हइ,
1CO 3:23 अरु तुम मसीह का हइ, अरु मसीह परमेश्वर को हइ.
1CO 4:1 इन्सान हम मसीह को सेवक अरु परमेश्‍वर को भेदहोन को भण्डारी समझ्ये.
1CO 4:2 फिर ह्या भण्डारी मे या बात देखी जास हइ, कि विश्वासयोग्य नीकल्ये.
1CO 4:3 पर मरी नजर मे या भोत छोटी बात हइ, कि तुम या इन्सानहोन खे कोय न्यायी मेखे परख्ये का क्युकी मी खुद ही अपना आप खे नी पहीछानु.
1CO 4:4 क्युकि मरो मन मेखे कोय बात मे दोषी नी ठैइराय, पर येका से मी नीर्दोष नी ठैइर्‍ये का क्युकि मरो परखनआलो प्रभु हइ.
1CO 4:5 येका लिये जब तक प्रभु नी आय, टेम से पैयले कोय बात को न्याय नी करणु उ तो अंधारा की लुकी बातहोन उजाला मे दिखाये का अरु मनहोन को उद्देश्यहोन खे प्रगट कर्ये का तब परमेश्‍वर का तरफ से हर एक की प्रशसा हुये.
1CO 4:6 हे भैइहोन अरु बहीन, मेने या बातहोन मे तुमारा लिये अपना तरफ अपुल्लोस की चर्चा दृष्‍टान्‍त कि रीति पर करी हइ, येका लिये कि तुम हमारा द्वारा यो सीखनु कि लिख्या हुया से आगे नी बडनु, अरु एक का पक्ष मे अरु दूसरा का विरुध मे गर्व नी करणु.
1CO 4:7 क्युकि तरा मे अरु दूसरा मे कोन भेद करस हइ? अरु तरा पास का हइ जो तोने दूसरा से नी पायो अरु जब कि तोने दूसरा से पायो हइ, ते असो घमण्ड क्यु करस हइ, कि मान्नु नी पायो?
1CO 4:8 तुम तो तृप्त हुइ चुक्या. तुम धनी हुइ चुक्या, तुम ने हमारा बिना राज कर्यो. पर भलो होतो कि तुम राज करता कि हम भी तुमारा साथ राज करता.
1CO 4:9 मरा समझ मे परमेश्वर ने हम प्रेरितहोन का सब का बाद उन इन्सानहोन का समान ठैइरायो हइ, जिनको मरन की आज्ञा हुइ चुकी हइ. क्युकि हम जगत अरु स्वर्गदूतहोन अरु इन्सानहोन का लिये एक तमाशो ठैइऱ्यो हइ.
1CO 4:10 हम मसीह का लिये बेवकुप हइ. पर तुम मसीह मे बुद्धिमान हइ. हम नीर्बल हइ पर तुम बलवान हइ तुम आदर पास हइ, पर हम नीरादर होस हइ.
1CO 4:11 हम या घडी तक भूक-प्यासा अरु बीना कपडा, हइ, अरु घुसो खास हइ अरु मारा-मारा फिरस हइ.
1CO 4:12 अरु अपना ही हाथहोन काम कर्हे का मेहनत करस हइ इन्सान बुरो बोलस हइ, हम आशीष देस हइ. वे सतास हइ, हम सहेस हइ.
1CO 4:13 वे बदनाम करस हइ, हम प्रार्थना करस हइ हम आज तक जगत को कचरा अरु सब चिजहोन की खुर्चन का समान ठैइरा हइ.
1CO 4:14 मी तुम का लज्जित करण का लिये या बातहोन नी लिखतो, पर अपना प्रिय बच्चा जानी खे तुम बतउस हइ.
1CO 4:15 क्युकि अगर मसीह मे तुमारा सिखानआला दस हजार भी होता, ते भी तुमारा बाप भोत सा नी, येका लिये कि मसीह यीशु मे सुसमाचार, द्वारा मी तुमारा बाप हुयो.
1CO 4:16 येकालिये मी तुम से प्रार्थना करुस हइ, अरु मरी जसी चाल चलनु.
1CO 4:17 येकालिये मेने ती तीमुथियुस खे जो प्रभु मे मरो प्रिय अरु विश्वासयोग्य बेटो हइ, तुमारा पास भेज्यो हइ, अरु उ तुम यीशु मसीह मे मरो चरित्र याद कराये खे जसो कि मी हर जगा हर एक मंडली मे उपदेश करुस हइ.
1CO 4:18 खे त्ता तो असा फूली गया हइ, मानो मी तुमारा पास आन ही को नी.
1CO 4:19 पर प्रभु चाह्ये ते मी तुमारा पास जल्दी ही आयु, अरु उन फूल्या हुया की बातहोन खे नी, पर उनकी सामर्थ्य खे जानी लियु.
1CO 4:20 क्युकि परमेश्वर को राज बातहोन मे नी पर सामर्थ्य मे हइ.
1CO 4:21 तुम का चाहस हइ? मी लकडी लिखे तुमारा पास आयु या प्रेम अरु नम्रता की आत्मा का साथ?
1CO 5:1 ह्या तक सुनना मे आयो हइ कि तुम मे व्यभिचार होस हइ, क्युकी असो व्यभिचार जो गैरयहूदीहोन मे भी नी होतो कि एक इन्सान अपना बाप की लुगइ खे रखस हइ.
1CO 5:2 अरु तुम शोक तो नी कर्‍हे, जेका से असो काम कर आला तुमारा बीच मे से नीकल्या जास का पर घमण्ड करस हइ.
1CO 5:3 मी तो आंग को भाव से दूर थो, पर आत्मा को भाव से तुमारा साथ हुये खे मानो उपस्थिति कि दशा मे असो काम करणआला का बारे मे न्याय करी चुक्या हइ.
1CO 5:4 कि जब तुम अरु मरी आत्मा, हमारा प्रभु यीशु की सामर्थ्य, साथ इकठ्ठा हुये खे ते असो इन्सान खे हमारो प्रभु यीशु का नाम से.
1CO 5:5 शरीर को विनाश का लिये सैतान खे दियो जायेका ताकि उसकी आत्मा प्रभु का दिन मे उध्दारपाये.
1CO 5:6 तुमारो घमण्ड करणो अच्छो नी; तुम नी जानता कि थोडो सो खमीर पूरे गुध्या हुया आटा खे खमीर करी देस हइ.
1CO 5:7 पुरानो खमीर नीकाली खे अपना आप खे अच्छो कर्यो कि नवो गूध्या हुया आटो बनी जाये. ताकि तुम अखमीरी हुये खे क्युकि हमारो भी फसह जो मसीह हइ, बलिदान हुयो हइ.
1CO 5:8 येका लिये आनू हम उत्सव मे खुशी मनाये का नी ते पुरानो खमीर से अरु नी बुराइ अरु दुष्टता का खमीर से, पर सिधाइ अरु सच्ची की अखमीरी रोटी से.
1CO 5:9 मेने अपनी चिठ्ठी मे तुम खे लिख्यो हइ, कि व्यभिचारिहोन की सगति नी करणु.
1CO 5:10 यो नी कि तुम बिलकुल या जगत को व्यभिचारिहोन खे या लोभिहोन खे यो अंधारो करणआला काया मूर्तिपूजकहोन को सगत नी करणु; क्युकि या दशा मे ते तुमखे जगत मे से नीकली जानो ही पडस.
1CO 5:11 मरो कहनो यो हइ. कि अगर कोय भैइ अरु बहीन कहलै, व्यभिचारी, या लोभी, या मूर्तिपूजक, या गाली देनआला, या पियक्कड, या अधारो करणआला हुये खे ते ओकी सगत मत करणु. क्युकी असा इन्सान का साथ खानो भी नी खानु.
1CO 5:12 क्युकि मेखे बाहेरआला को न्याय करणा से काम, तुम अंदर आला को न्याय नी कर्‍हे?
1CO 5:13 पर भाहेआला को न्याय परमेश्वर करस हइ येकालिये येखे उ कुकर्मी खे अपना बीच मेसे नीकाली दे.
1CO 6:1 का तुम मेसे कोय खे यो हिम्मत हइ, कि जब दूसरा का साथ वाद विवाद हुये ते फैसला का लिये अधर्मीहोन का पास जाये. अरु पवित्र इन्सानहोन का पास नी जाये?
1CO 6:2 का तुम नी समजे खे कि पवित्र इन्सान संसार को न्याय कर्ये? अरु जब तुमखे संसार को न्याय करणो हइ, ते का तुम छोटा झगडा को भी फैसलो करण का लायक नी?
1CO 6:3 का तुम नी समजे कि हम स्वर्गदूतहोन को न्याय कर्ये? ते का सांसारीक बातहोन को फैसलो नी कर्ये?
1CO 6:4 अगर तुमखे सांसारीक बातहोन को फैसलो करणो हुये, ते का उन खे बठाड्ये जो मंडली मे कुछ नी समझे जास हइ?
1CO 6:5 मी तुमखे लज्जित करण का लिये यो बोलनो हइ का सचमुच तुम मे से एक भी बुद्धिमान नी मीले, जो अपना भैइहोन अरु बहीन को फैसलो करी सक्ये?
1CO 6:6 क्युकी भैइ-भैइ अरु बहीन मे मुकद्दमो होस हइ, अरु उ भी अविश्वासिहोन का सामने.
1CO 6:7 सचमुच तुम मे बडो दोष ते यो हइ, कि आपस मे मुकद्दमो करस हइ क्युकी अन्याय क्यु नी सेहस? अपनो नुकसान क्यु नी सहे?
1CO 6:8 क्युकी अन्याय करस अरु नुकसान पहुचास हइ, अरु उ भी भैइहोन अरु बहीन खे.
1CO 6:9 का तुम नी समजे, कि अन्याय इन्सान परमेश्वर का राज्य का वारिस नी हुये? धोखो नी खानु, नी वेश्यागामी, नी मूर्तिपूजक, नी परस्त्रीगामी, नी लुच्चो, नी इन्सानगमन.
1CO 6:10 नी चोरी, नी लोभी, नी पियक्कड, नी गाली देनआला, नी अंधारो करणआला परमेश्वर का राज का वारिस हुये.
1CO 6:11 अरु तुम मे से केत्ता असा ही था, पर तुम प्रभु यीशु मसीह का नाम से अरु हमारा परमेश्वर का आत्मा से धोया गए अरु पवित्र हुया अरु धर्मी ठैर्या.
1CO 6:12 सब चिजहोन मरा लिये अच्छो तो हइ, पर सब चिजहोन लाभ की नी सब चिजहोन मरा लिये अच्छो हइ, पर मी कोय बात का अधीन नी होयु.
1CO 6:13 खानो पेट का लिये, अरु पेट खाना का लिये हइ, पर परमेश्वर खे अरु येखे दोइ खे नाश कर्ये, पर आंग व्यभिचार का लिये नी, क्युकी प्रभु का लिये. अरु प्रभु आंग का लिये हइ.
1CO 6:14 अरु परमेश्वर ने अपना सामर्थ्य से प्रभु खे जिन्दो, अरु हमखे भी जिन्दो.
1CO 6:15 का तुम नी समजे कि तुमारो आंग मसीह को आंग हइ? ते का मी मसीह को आंग लिखे उनखे वेश्या का आंग बनायु? कभी भी नी.
1CO 6:16 का तुम नी समजे कि जो कोय वेश्या से संगति करस हइ, उ ओका साथ एक तन हुइ जास हइ क्युकि लिख्यो हइ, “वे दोइ एक तन हुये”
1CO 6:17 अरु जो प्रभु की संगति मे र्‍हेस हइ, उ ओका साथ एक आत्मा हुइ जास हइ.
1CO 6:18 व्यभिचार से बच्या र्‍हेनु जित्ता अरु पाप इन्सान करस हइ, वे आंग का बाहेर हइ, पर व्यभिचार करणआला अपना ही आंग का विरुद्ध पाप करस हइ.
1CO 6:19 का तुम नी समजे कि तुमारो आंग पवित्र आत्मा को मन्दिर हइ. जो तुम मे बस्यो हुयो हइ अरु तुमखे परमेश्वर का तरफ से मील्यो हइ, अरु तुम अपना नी हइ?
1CO 6:20 क्युकि दाम दिखे मोल लिया गए हइ, येकालिये अपनो आंग का द्वारा परमेश्वर की महिमा करणु.
1CO 7:1 उन बातहोन का बारे मे जो तुम ने लिखी, यो अच्छो हइ, कि इन्सान बय खे नी छीनु.
1CO 7:2 पर व्यभिचार खे डर से हर एक अदमी की लुगइ, अरु हर एक बय को अदमी होनु.
1CO 7:3 अदमी अपनी लुगइ को हक पूरो करनु; अरु ओसो ही लुगइ भी अपना अदमी को.
1CO 7:4 लुगइ, अपना आंग पर अधिकार नी पर ओका अदमी को अधिकार हइ. ओसो ही अदमी खे भी अपना आंग पर अधिकार नी, पर लुगइ खे हइ.
1CO 7:5 तुम एक दूसरा से अलग नी र्‍हेनु; पर फक्त कुछ टेम तक आपस की सम्मति से करी प्रार्थना का लिये अराम मील्ये का अरु फिर एक साथ र्‍हेनु. असो नी हो कि तुमारो असयम करण सैतान तुम खे समझ्ये.
1CO 7:6 पर मी जो यो बोलुस हइ उ अनुमति हइ नी कि आज्ञा.
1CO 7:7 मी यो चाहुस हइ, कि जसो मी हइ, ओसो ही सब इन्सान हुये पर हर एक को परमेश्‍वर का तरफ से विशेष वरदान मील्यो हइ. कोय को कोय प्रकार को अरु कोय खे अरु प्रकार को.
1CO 7:8 पर मी भ्याव नी हुयाआला अरु विधवाहोन का बारे मे बोलुस हइ, कि उनका लिये असो ही र्‍हेनो अच्छो हइ, जसो मी हइ.
1CO 7:9 पर अगर वे खुद नी करी सक्ता ते भ्याव करणु. क्युकि भ्याव करणो कामातुर र्‍हेना से भलो हइ.
1CO 7:10 जिनको भ्याव हुइ गयो हइ, उनका मी नी, क्युकी प्रभु आज्ञा देस हइ, कि लुगइ अपना अदमी से अलग नी होनु.
1CO 7:11 अरु अगर अलग भी हुइ जायेका ते बिना दूसरो भ्याव कर्या र्‍हेनु. या अपना अदमी से फिर मेल करी ले अरु नी अदमी अपनी लुगइ खे छोडनु.
1CO 7:12 दूसरहोन से प्रभु नी पर मी ही बोलुस हइ, अगर कोय भैइ की लुगइ विश्वास नी रखस हइ, अरु ओका साथ र्‍हेना से खुश हुये खे ते उ ओखे नी छोडनु.
1CO 7:13 अरु जो लुगइ को अदमी विश्वास नी रखस हइ, अरु ओका साथ र्‍हेना से खुश हुये. उ अदमी खे नी छोडनु.
1CO 7:14 क्युकि असो अदमी जो विश्वास नी रखे हइ, वा लुगइ करण अपवित्र ठैइरस हइ, अरु असी लुगइ जो अविश्वासी नी रखे कि इन्सान करण पवित्र ठैइरस हइ. नी ते तुमारा बाल-बच्चा अशुध्द होस कि पर अब तो पवित्र हइ.
1CO 7:15 पर जो इन्सान अविश्वासी नी रखे, अगर उ अलग हुये खे ते अलग होन देनु, असी पाप मे कोय भैइ या बय बन्धन मे नी. पर परमेश्वर ने तो हम खे मेल-मीलाप, लिये बुलायो हइ.
1CO 7:16 क्युकि हे बय, तू का जानस हइ, कि तू अपना अदमी को उध्दारकर्ये लिये? अरु हे इन्सान, तू का जानस हइ कि तू अपनी लुगइ को उध्दारकर्ये लिये?
1CO 7:17 पर जसो प्रभु ने हर एक, बाट्यो हइ, अरु जसो परमेश्वर ने हर एक, बुलायो हइ. ओसो ही उ चल्यो अरु मी सब मंडलीहोन मे असो ही ठैइरस हइ.
1CO 7:18 जो खतना कर्या हुया बुलायो गयो हइ, उ खतनारहित नी बन्नु जो खतनारहित बुलायो गयो हइ, उ खतना नी कराये.
1CO 7:19 नी खतना कुछ हइ, अरु नी खतनारहित पर परमेश्वर की आज्ञाहोन, मान्नु ही सब कुछ हइ.
1CO 7:20 हर एक जन जो दशा मे बुलायो गयो हइ, ओ मे र्‍हिये.
1CO 7:21 अगर तू सेवक की दशा मे बुलायो गयो हइ ते फिकर नी करणु. पर अगर तू स्वतत्रता हुइ सक्येका ते असो ही काम कर.
1CO 7:22 क्युकि जो सेवक की दशा मे प्रभु मे बुलायो गयो हइ, उ प्रभु, स्वतत्रता कर्या हुया हइ अरु ओसो ही जो स्वतत्रता की दशा मे बुलायो गयो हइ, उ मसीह, सेवक हइ.
1CO 7:23 तुम दाम दिखे मोल लिया गया हइ, इन्सानहोन को सेवक नी बन्नु.
1CO 7:24 हे भैइहोन, जो कोय जो दशा मे बुलाया गया हइ, उ ओ मे परमेश्‍वर, साथ र्‍हिये.
1CO 7:25 कुव्वारीहोन का बारे मे प्रभु की कोय आज्ञा मेखे नी मीली, पर विश्वासयोग्य होन का लिये जसी दया प्रभु ने मरा पर करी हइ, ओका जसो सम्मति देउस हइ.
1CO 7:26 येका लिये मरी समझ मे यो अच्छो हइ, कि आज कल क्लेश करण इन्सान जसो हइ, ओसो ही र्‍हेनु.
1CO 7:27 अगर तरी लुगइ हइ, ते ओकासे अलग होन कि कोशिश नी करणु अरु अगर तरी लुगइ नी, ते लुगइ की ढुडनु नी करणु
1CO 7:28 पर अगर तू भ्याव भी कर्ये, ते पाप नी. अरु अगर कुव्वारी भ्याव कर्यो जाये ते कोय पाप नी. पर असा को आंग दुःख हुये खे अरु मी बचानो चाहुस हइ.
1CO 7:29 हे भैइहोन अरु बहीन, मी यो बोलुस हइ, कि टेम कम करी गय हइ, येका लिये हुनु कि जेकी लुगइ हइ, वे असो हुये मानो उनका लुगइ नी.
1CO 7:30 अरु रोनआला असा हये, मान्नु रोय नी. अरु खुशी करणआला असा हुये, मान्नु खुशी नी कर्‍हे. अरु मोल लेनआला असा हुये, कि मान्नु उनका पास कुछ हइ नी.
1CO 7:31 अरु यो जगत का साथ व्यवहार करणआला असा हो, कि जगत ही, नी. क्युकि यो जगत कि रीति अरु व्यवहार बदलता जास हइ.
1CO 7:32 मी यो चाहुस हइ, कि तुम खे फिकर नी हो भ्याव नी हुया इन्सान प्रभु की बातहोन की फिकर मे र्‍हेस हइ, कि प्रभु खे कसो खुश रख्ये.
1CO 7:33 पर भ्यावआलो इन्सान जगत की बातहोन की फिकर मे र्‍हेस हइ, कि अपनी लुगइ खे कोय रीति से खुश रख्ये.
1CO 7:34 भ्यावआलो अरु भ्यावनीआला मे भी भेद हइ भ्यावनीआली प्रभु की फिकर मे र्‍हेस हइ, कि उ आंग अरु आत्मा दोइ मे पवित्र हुये, पर भ्यावआली जगत की फिकर मे र्‍हेस हइ, कि अपना अदमी, खुश रखनु.
1CO 7:35 ह्या बात तुम्हारा ही लाभ का लिये बोलुस हइ, नी कि तुमखे फसान का लियेका क्युकी येका लिये कि जसो अच्छो हइ. ताकि तुम एक चित्त हुइ, प्रभु की सेवा मे लग्या र्‍हेनु.
1CO 7:36 अरु अगर कोय यो समझ्ये का कि मी अपनी वा कुव्वारी को हक मारी र्‍हो हइ, जेकी जवानी जय र्‍हि हइ, अरु प्रयोजन भी हुये खे ते जसो चाह्ये, ओसो कर्येका येमे पाप नी, उ ओको भ्याव होन दे.
1CO 7:37 पर अगर उ मन मे फैसलो करस हइ, अरु कोय भोतजरुरत नी हइ, अरु उ अपनी अभिलाषाहोन खे नीयत्रित करी सकस हइ, ते उ भ्याव नी कर्यो अच्छो करस हइ.
1CO 7:38 ते जो अपनी कुव्वारी को भ्याव करी देस हइ, उ अच्छो करस हइ अरु जो भ्याव नी करी देस, उ अरु भी अच्छो करस हइ.
1CO 7:39 जब तक कोय लुगइ को अदमी जिन्दो र्‍हेस हइ, तब तक उ ओकासे बधी हुयो हइ, पर जब ओको अदमी मरी जायेका ते जेका से चाह्ये भ्याव करी सकस हइ, पर फक्त प्रभु मे.
1CO 7:40 पर जसी हइ अगर ओसी ही र्‍हियेका ते मरा बिचार मे अरु भी धन्य हइ, अरु मी समझुस हइ, कि परमेश्वर को आत्मा मरा मे भी हइ.
1CO 8:1 अब मूरती का सामने बलि करी हुइ चिजहोन का बारे मे हम जानस हइ, कि हम सब खे ज्ञान हइ ज्ञान घमण्ड परदा करस हइ, पर प्रेम से उन्नती होस हइ.
1CO 8:2 अगर कोय समझ्ये का कि मी कुछ जानुस हइ, ते जसो जाननो हुनु ओसो अब तक नी जान्यो.
1CO 8:3 पर अगर कोय परमेश्वर से प्रेम रखस हइ, ते ओखे परमेश्वर पैछानस हइ.
1CO 8:4 आखरी मूर्ती का सामने बलि दि हुइ चिजहोन, खान का बारे मे हम जानस हइ, कि मूर्ती जगत मे कोय चिज नी, अरु एक खे छोडी खे अरु कोय परमेश्वर नी.
1CO 8:5 क्युकि आकाश मे अरु पृथ्वी पर भोत सा इश्वर बोलस हइ, जसो कि भोत सा परमेश्वर अरु भोत प्रभु हइ.
1CO 8:6 ते भी हमारा पास तो एक ही परमेश्वर हइ अगर बाप जेका तरफ से सब चिजहोन हइ, अरु हम ओका लिये हइ, अरु एक ही प्रभु हइ, येकोमलब यीशु मसीह जेका वजेसे सब चिजहोन हुइ, अरु हम भी ओका वजेसे हइ.
1CO 8:7 पर सब खे या बात की ज्ञान नी. पर कुछ इन्सान होनखे मेर्ती कि येत्ती लत हुइ गइ कि खे त्ताने ते अब तक मूर्ती खे कुछ समझना कारण मूर्ती का सामने बलि दि हुइ कुछ चिज समझीखे खास हइ, अरु उनको विवेक नीर्बल हुये खे बेकार होस हइ.
1CO 8:8 खानो हमखे परमेश्‍वर का पास नी पहुचे अगर हम नी खायेका ते हमारो कुछ नुकसान नी, अरु अगर खायेका ते कुछ लाभ नी.
1CO 8:9 पर चतरो र्‍हेनु, असो नी हो, कि तुमारी या स्वतत्रता कही नीर्बलहोन का लिये ठोकर को करण हुइ जाये.
1CO 8:10 क्युकि अगर कोय तोखे ज्ञानी मूर्ती को मन्‍दिर मे खानो खाते देख्यो का अरु उ नीर्बल जन होन, ते का ओका विवेक मे मूर्ती का सामने बलि दि हुइ चिज को खान कि हिम्मत नी हुइ जाये.
1CO 8:11 या रीति से तरा ज्ञान करण उ नीर्बल भैइ जेखे लिये मसीह मर्यो खत्म हुइ जाये.
1CO 8:12 ते भैइहोन अरु बहीन का खिलाप अपराध करण से अरु उनको नीर्बल विवेक, चोट देन से तुम मसीह को अपराध करस हइ.
1CO 8:13 यो करण अगर खानो मरो भैइ अरु बहीन खे ठोकर खलाये का उ पाप मे गिर्येका ते मी कभी कोय रीति से मास नी खायेका नी हो कि मी अपना भैइ अरु बहीन खे ठोकरकरण बन्यु.
1CO 9:1 की मी स्वतंत्रता नी? की मी प्रेरित नी की मे ने यीशु खे जो हमारो प्रभु हइ नी देख्यो? की तु प्रभु ने मरो बनायो आला नी हय?
1CO 9:2 अगर मी दूसरा का लिये प्रेरित नी, तेभी तुम्हारा वास्ते ते उ; क्युकी तु प्रभु मी मरो प्रेरिताइ पर चिन्ह्यो हु
1CO 9:3 जो मेखे परख्ये हइ, वोका लिये यो मरो जवाब हइ.
1CO 9:4 का हम खान-पीन को अधिकार नी हइ?
1CO 9:5 का हमखे यो अधिकार नी हइ, की कोय मसीह भैइन का सात भ्याव करीखे साथ लिखे फीरनु, जसो दुसरो प्रेरित अरु प्रभु को भैइ अरु बहीन अरु कैफा करस हइ?
1CO 9:6 यो फक्त मेखे अरु बरनबास कोय अधिकार नी की काम करणो छोड.
1CO 9:7 कोन कभी अपना खर्चा से खैइखे काम करस हइ? कोन अंगूर की बाडि लगैखे ओको फल नी खाय? कोन मेडाखे पालीखे ओको दुध नी पी?
1CO 9:8 का मी या बात इन्सान का रिती पर बोलस हइ?
1CO 9:9 का व्यवस्था भी ह्या नी करी थी? क्युकी मूसा की व्यवस्था मे लिख्यो हइ, “नांगर का टेम चलाते हुये बैल को मुंडा पर मुचको नी बांधनु.” का परमेश्वर बैलहोन की चिन्ता करस हइ?
1CO 9:10 यो विशेष करीखे हमारा लिये बोलस हइ ह्या, हमारा लिये ही लिख्यो गयो, क्युकि अच्छो हइ कि जोतन आला आस से जोतस का अरु दावन आला हिस्सो होन का आस से दावन करणु.
1CO 9:11 अगर हमने तुमारा लिये आत्मीक चिजहोन बोइ, ते का या कोय बडि बात हइ, कि तुमारी आंग चिजहोन की फसल काट्ये.
1CO 9:12 जब दुसरा को तुम पर यो अधिकार हइ, ते का हमारो येकासे जादा नी हुये? पर हम यो अधिकार काम मे नी लाये. पर सब कुछ सेहस हइ, कि हमारा वजेसे मसीह को सुसमाचार की कोय रोक नी हुये.
1CO 9:13 का तुम नी जाने कि जो मन्दिर मे सेवा करस हइ, वे मन्दिर मे से खास हइ. अरु जो वेदी की सेवा करस हइ. वे वेदी का साथ हिस्सेदार होस हइ?
1CO 9:14 यो रीति से प्रभु ने भी ठैइरायो , कि जो दुन्या सुसमाचार सुनस हइ, उनकी जिवन का सुसमाचार से हुये.
1CO 9:15 पर मी इनमे से कोय भी बात काम मे नी लाये, अरु मेने तो या बातहोन येकालिये नी लिखी कि मरा लिये असो कर्यो जाये, क्युकि येकासे तो मरो मरनो ही भलो हइ. कि कोय मरो घमण्ड बेकार ठैइराये.
1CO 9:16 अगर मी सुसमाचार सुनायु, ते मरो कुछ घमण्ड नी. क्युकि यो तो मरा लिये जरुरती हइ. अरु अगर मी सुसमाचार नी सुनायु, ते मरा पर हाय!
1CO 9:17 क्युकि अगर अपनी इच्छा से यो करस हइ, ते मजदूरी खे मीलस हइ, अरु अगर अपनी इच्छा से नी कर्ये, ते भी भण्डारीपन मेखे दियो गयो हइ.
1CO 9:18 ते फिर मरी कोन सी मजदूरी हइ? यो कि सुसमाचार सुनाना मे मी मसीह को सुसमाचार सेंत-मेत करी दियु ह्या तक कि सुसमाचार मे जो मरो अधिकार हइ, ओखे मी पूरी रीति से काम मे लायु.
1CO 9:19 क्युकि सब सबसे स्वतंत्रता होना पर भी मेने अपना आप खे सब को सेवक बनैइ दियो हइ. कि जादा इन्सान खे खीची लायु.
1CO 9:20 मी यहूदीहोन का लिये यहूदी बन्यो कि यहूदीहोन खे खीची खे लायु, जो इन्सान व्यवस्था का अधीन हइ उनका लिये मी व्यवस्था का अधीन नी हुये पर भी व्यवस्था का अधीन बन्ये कि उनखे जो व्यवस्था का अधीन हइ, खीची लायु.
1CO 9:21 व्यवस्थाहिहोन का लिये मी जो परमेश्वर की व्यवस्था से हीन नी पर मसीह की व्यवस्था का अधीन हइ व्यवस्थाहीन जसो बन्नु कि व्यवस्थाहीनहोन खे खीची लायु.
1CO 9:22 मी नीर्बलहोन का लिये नीर्बल जसो बन्यो कि नीर्बलहोन खे खीची लायु मी सब इन्सानहोन का लिये सब कुछ बन्यो हइ, कि कोय नी कोय रीति से कोय एक को उध्दार करायु.
1CO 9:23 अरु मी सब कुछ सुसमाचार का लिये करुस हइ, कि दुसरा का साथ ओको सात हुइ जाये.
1CO 9:24 का तुम नी जाने कि दौड मे तो दौडस सब ही हइ, पर इनाम एक ही ली जास हइ? तुम असो ही दौडन का कि जीतनु.
1CO 9:25 अरु हर एक पइलवान सब प्रकार को उछल कुद करस हइ, वे तो एक मुरझानआला मुकुट खे पान का लिये यो सब करस हइ, पर हम तो उ मुकुट का लिये करस हइ, जो मुरझान को नी.
1CO 9:26 येकालिये मी तो यो रीति से दौडुस हइ, पर बेठिकान नी खे मी भी या रीति से मुक्काहोन से लडुस हइ, पर ओका समान नी जो हवा पीटतो हुयो लडस हइ.
1CO 9:27 पर मी अपना आंग खे मारता कूटतो का अरु कब्जा मे लउस हइ. असो नी हो कि दुसरा को प्रचार करीखे खे मी खुद ही कोय रीति से नीकम्मो ठैइर्यु.
1CO 10:1 हे भैइहोन अरु बहीन, मी नी चाहु कि तुम या बात से अनजान र्‍हेनु कि हमारा सब बुजरुक बद्दल का नीच्चे था, अरु सब का सब समुंदर का बीच से पार हुइ गया.
1CO 10:2 अरु सब ने बद्दल मे, अरु समुंदर मे, मूसा को बपतिस्मा लियो;
1CO 10:3 अरु सब ने एक ही आत्मीक खानो खायो.
1CO 10:4 अरु सब ने एक ही आत्मीक पानी पीयो, क्युकि वे उ आत्मीक चट्टान से पीता था, जो उनका साथ-साथ चलती थी. अरु उ चट्टान मसीह थो.
1CO 10:5 पर परमेश्वर उनमे से भोत जनसे खुश नी थो, येकालिये वे जंगल मे ढेर हुइ गया.
1CO 10:6 या बातहोन हमारा लिये उदाहरण ठैइरी, कि जसो उनने लालुच कर्यो, ओसो हम बुरी चिजहोन को लालुच नी करणु.
1CO 10:7 अरु नी तुम मुर्ती पूजनआला बन्नु. जसो कि उनमे से खे त्ता बनी गया था, जसो लिख्यो हइ, “इन्सान खान-पीन बठ्या, अरु खेलन-कूदन उठ्यो.”
1CO 10:8 अरु नी हम गलत काम करणु. जसो उनमे से केत्ता ने कर्यो अरु एक दिन मे तेवीस हजार मरी गा.
1CO 10:9 अरु नी हम प्रभु खे पैछान्यो, जसो उनमे से केत्ता ने कर्यो, अरु सापहोन का वजेसे खत्म कर्या गया.
1CO 10:10 अरु नी तुम कुडकुडनु, जो रीति से उनमे से केत्ता कुडकुडाया अरु खत्म करणआला का वजेसे खत्म कर्या गया.
1CO 10:11 पर या सब बातहोन खे जो उन पर पडिखे दृष्‍टान्‍त की रीति पर थी. अरु वे हमारी चेतावनी का लिये जो संसार का आखरी टेम टेम मे र्‍हेस हइ लिखी गइ हइ.
1CO 10:12 येकालिये जो समझस हइ, “मी जगापर हइ,” उ चतरो र्‍हेनु. कि खय गिरी नी पड्ये.
1CO 10:13 तुम कोय असी परीक्षा मे नी पड्ये जो इन्सान का सहन का बाहेर हइ अरु परमेश्वर विश्वासयोग्य हइ उ तुमखे सामर्थ्य से बाहेर सैतान परीक्षा मे नी पडन दिये का परीक्षा का साथ रस्ता भी कर्ये कि तुम सै सक्या.
1CO 10:14 यो कारण, हे मरा प्रिय भैइहोन अरु बहीन मूर्ति पूजा से बच्या र्‍हेनु.
1CO 10:15 मी बुद्धिमान जानीखे तुम से बोलुस हइ जो मी बोलुस हइ, ओखे तुम पैछाननू.
1CO 10:16 उ धन्यवाद को कटोरो,जेका पर हम धन्यवाद करस हइ, का उ मसीह का खुन को संगत नी? वा रोटी जेखे हम तोडस हइ, का मसीह का आंग को हिस्सेदार नी?
1CO 10:17 येकालिये, कि एक ही रोटी हइ ते हम भी जो भोत हइ, एक हइ क्युकि हम सब वइ एक रोटी मे हिस्सेदार होस हइ.
1CO 10:18 जो आंग खे भाव से इस्राएलीहोन हइ, उनखे देखनु का बलिदानहोन का खानआला वेदी का हिस्सेदार नी?
1CO 10:19 फिर मी का बोलुस हइ? का यो कि मूर्ति को खानो कुछ हइ, या मूर्ती कुछ हइ?
1CO 10:20 नी, बस यो कि गैरयहूदी जो बलिदान करस हइ, वे परमेश्वर का लिये नी पर बुरीआत्माहोन का लिये बलिदान करस हइ अरु मी नी चउस कि तुम बुरीआत्माहोन का हिस्सेदार हुये.
1CO 10:21 तुम प्रभु का कटोरो अरु बुरीआत्मा का कटोरो दोइ मे से नी पी सक्ये! तुम प्रभु की मेज अरु बुरीआत्माहोन की मेज दोइ का हिस्सेदार नी हुइ सखे.
1CO 10:22 का हम प्रभु खे घुस्सा दिलानो चाहस हइ? का हम ओकासे शक्तिमान हइ?
1CO 10:23 सब चिजहोन मरा लिये अच्छी तो हइ, पर सब लाभ की नी सब चिजहोन मरा लिये अच्छी तो हइ, पर सब चिजहोन से उन्नति नी.
1CO 10:24 कोय अपनी ही भलाइ खे नी ढूडनु क्युकी दुसरा की.
1CO 10:25 जो कुछ कस्साइहोन का ह्या बिकस हइ, उ खानु अरु विवेक का कारण कुछ नी पूछनु.
1CO 10:26 “क्युकि पृथ्वी अरु ओकी पुरीपुरी प्रभु की हइ”
1CO 10:27 अरु अगर अविश्वासिहोन मे से कोय तुमखे निवतता दिये, अरु तुम जानो चाह्ये, ते जो कुछ तुमारा सामने रख्यो जाये उ खानु अरु विवेक खे कारण कुछ नी पूछनु.
1CO 10:28 पर अगर कोय तुम से बोल्ये, “यो तो मूर्ती खे बलि करी हुइ चिज हइ,” ते उ बतानआला का कारण, अरु विवेक का कारण नी खानु.
1CO 10:29 मरो मतलब, तरो विवेक नी, पर उ दूसरा को भलो, मरी स्वतंत्रता दूसरा को बिचार से क्यु परख्ये जाये?
1CO 10:30 अगर मी धन्यवाद करीखे हिस्सेदार होउस हइ, ते जेका पर मी धन्यवाद करुस हइ, ओका कारण मरी बदनामी क्यु होस हइ?
1CO 10:31 येकालिये तुम चाह्ये खाओ, चाह्ये पीओ, चाह्ये जो कुछ करणु, सब कुछ परमेश्वर का महिमा का लिये करणु.
1CO 10:32 तुम नी यहूदीहोन, नी यूनानीहोन, अरु नी परमेश्वर की मंडली का लिये ठोकर को कारण बन्नु.
1CO 10:33 जसो मी भी सब बातहोन मे सब खे खुश रखुस हइ, अरु अपनो नी पर भोतजन को लाभ ढूढस हइ, कि वे उध्दारपाये.
1CO 11:1 तुम मरा जसी चाल चलनु जसो मी मसीह का जसी चाल चलुस हइ.
1CO 11:2 मी तुमारी बडाइ करुस हइ, कि सब बातहोन मे तुम मेखे याद करस हइ. अरु जो वीधी मेने तुमखे दि दियो हइ, रितीरिवाज खे कठोरता से करस हइ.
1CO 11:3 पर मी चाहुस हइ, कि तुम यो जानी ले, कि हर एक इन्सान को माथो मसीह हइ अरु लुगइ को माथो इन्सान हइ अरु मसीह को माथो परमेश्वर हइ.
1CO 11:4 जो इन्सान माथो झाक्या हुया प्रार्थना या भविष्यवाणी करस हइ, उ अपनो माथा को अपमान करस हइ.
1CO 11:5 पर जो बय बिना माथो झाखे प्रार्थना या भविष्यवाणी करस हइ, वा अपना माथा का अपमान करस हइ, क्युकि वा टक्कल होना का बराबर हइ.
1CO 11:6 अगर बय ओडनी नी ओड्ये, ते बाल भी काटी ले. अगर बय का लिये बाल कटानो या टक्कल सरम की बात हइ, तो ओडनी होडनु.
1CO 11:7 हा इन्सान खे अपनो माथो झाकनो अच्छो नी, क्युकि उ परमेश्वर को रुप अरु महिमा हइ. रुप पर लुगइ अदमी की शोभा हइ.
1CO 11:8 क्युकि अदमी लुगइ से नी हुयो, पर लुगइ इन्सान से हुइ हइ.
1CO 11:9 अरु अदमी लुगय का लिये नी परदा कर्यो गयो, पर लुगय अदमी का लिये करी गय हइ.
1CO 11:10 येकालिये स्वर्गदूतहोन का कारण लुगइ को अच्छो हइ, कि अधिकार अपना माथा पर रखनु.
1CO 11:11 ते भी प्रभु मे नी ते लुगइ बिना अदमी अरु नी अदमी बिना लुगइ कि हइ.
1CO 11:12 क्युकि जसो लुगइ अदमी से हइ, ओसो ही अदमी लुगइ का वजेसे हइ. पर सब चिजहोन परमेश्वर से हइ.
1CO 11:13 तुम खुद ही बिचार करणु, का बय खे बिना माथो झाखे परमेश्वर से प्रार्थना करणो अच्छो हइ?
1CO 11:14 का स्वभाविक रीति से भी तुम नी जाने कि अगर अदमी लम्बा बाल रख्ये, ते ओका लिये अपमान हइ.
1CO 11:15 पर अगर बय लम्बा बाल रखनु. ते ओका लिये शोभा हइ क्युकि बाल ओखे ओडन का खे लिये दिया गया हइ.
1CO 11:16 पर अगर कोय वाद विवाद करणो चाह्ये, ते यो जान्नु कि नी हमारी अरु नी परमेश्वर की मंडलीहोन की असी रीति हइ.
1CO 11:17 पर या आज्ञा देता हुये मी तुमारी नी बडैइ, येकालिये कि तुमारा जमा होना से भलाइ नी, पर नुकसान होस हइ.
1CO 11:18 क्युकि पैयले तो मी यो सुनुस हइ, कि जब तुम मंडली मे जमा होस हइ, ते तुम मे फूट होस हइ अरु मी थोडो-थोडो विश्वास भी करुस हइ.
1CO 11:19 क्युकि गैरयहूदी भी तुम मे जरुरती हुये, येकालिये कि जो इन्सान तुम मे सच्चा नीकल्या हइ, वे प्रकट हुइ जाये.
1CO 11:20 जब तुम एक जगह मे जमा हुये ते तुम प्रभु-भोज खानो खान का लिये नी.
1CO 11:21 क्युकि खान का टेम एक दूसरा से पैयले अपनो खानो खैइ लेस हइ, तब कोय भूखो र्हेस हइ, अरु कोय मतआलो हुइ जास हइ.
1CO 11:22 का खान-पीन का लिये तुमारा घर नी? या परमेश्वर की मंडली खे बेकार जानस हइ, अरु जिनका पास नी हइ उनखे लज्जित करस हइ? मी तुम से का बोलु? का या बात मे तुमारी बडइ कर्यु? मी बडइ नी करु.
1CO 11:23 क्युकि या बात मेखे प्रभु से पहुची, अरु मेने तुमखे भी पहुचैइ दी. कि प्रभु यीशु ने जो रात पकडायो गयो रोटी ली,
1CO 11:24 अरु धन्यवाद करीखे ओखे तोडि खे अरु बोल्यो, “यो मरो आंग हइ, जो तुमारा लिये हइ मरी याद का लिये यो किर्या करणु.”
1CO 11:25 या रीति से ओने बियारी का बाद कटोरो भी लियो, अरु बोल्यो “यो कटोरो मरा खुन मे नइ वाचा हइ जब कभी पीये, ते मरी याद का लिये यो कर्यो करणु.”
1CO 11:26 क्युकि जब कभी तुम या रोटी खाये, अरु यो कटोरा मे से पीस हइ, ते प्रभु को मरन खे जब तक उ नी आय, प्रचार करस हइ.
1CO 11:27 येकालिये जो कोय अच्छा रीति से प्रभु की रोटी खाये या ओका कटोरा मे से पीये, उ प्रभु का आंग अरु खुन को अपराधी ठैइर्ये.
1CO 11:28 येकालिये इन्सान अपना आप खे समज्हे अरु या रीति से या रोटी मे से खाह्ये, अरु यो कटोरा मे से पीये.
1CO 11:29 क्युकि जो खाता-पीता टेम प्रभु का आंग खे नी पइछान्ये, उ यो खाना अरु पीना से अपना उपर दण्ड लास हइ.
1CO 11:30 यो कारण तुम मे भोत सा बिना जोर अरु रोगी हइ, अरु भोत सा सोइ भी गया.
1CO 11:31 अगर हम अपना आप खे पहिछानता था ते दण्ड नी मील्हे.
1CO 11:32 पर प्रभु हमखे दण्ड दिखे हमारी ताडनो करस हइ येकालिये कि हम संसार का साथ दोषी नी ठैइर्ये.
1CO 11:33 येकालिये, हे मरा भैइहोन अरु बहीन, जब तुम खान का लिये जमा होस हइ, ते एक दूसरा का लिये ठैइरा करणु.
1CO 11:34 अगर कोय भूखो हइ, ते अपना घर मे खलइ ले जिका से तुमारो जमा होनो दण्ड को कारण नी हो, अरु बाकी बातहोन खे मी अयखे ठीक करी दियु.
1CO 12:1 हे भैइहोन अरुबहीन, मी नी चाहु कि तुम आत्मीक वरदानहोन का बारे मे अनजान र्‍हिया.
1CO 12:2 तुम समजस हइ, कि जब तुम गैरयहूदीहोन थो, ते मुक्की मूर्ती का पीछे जसो चलायो जातो थो ओसो चलतो थो.
1CO 12:3 येकालिये मी तुमखे चेतावनी देउस हइ कि जो कोय परमेश्वर की आत्मा की अगुअय से बोलस हइ, उ नी बोलस कि यीशु श्रापित हइ. अरु नी कोय पवित्र आत्मा का बिना बोली सकस हइ कि यीशु प्रभु हइ.
1CO 12:4 वरदान तो कइ प्रकार को हइ, पर आत्मा एक ही हइ.
1CO 12:5 अरु सेवा भी कइ प्रकार की हइ , पर प्रभु एक ही हइ.
1CO 12:6 अरु प्रभावशाली कार्य कइ प्रकार का हइ, पर परमेश्वर एक ही हइ, जो सब मे हर प्रकार को प्रभाव परदा करस हइ.
1CO 12:7 पन सब खे लाभ पहुचान का लिये हर एक खे आत्मा का उजालो दियो जास हइ.
1CO 12:8 क्युकि एक खे आत्मा का द्वारा बुद्धि की बातहोन दी जास हइ. अरु दूसरा खे उ आत्मा का अनुसार ज्ञान की बातहोन.
1CO 12:9 अरु कोय खे उ आत्मा से विश्वास. अरु कोय खे उ एक आत्मा से अच्छो करण को वरदान दियो जास हइ.
1CO 12:10 फिर कोय खे सामर्थ्य का काम करण की शक्ति. अरु कोय खे भविष्यवाणी की. अरु कोय खे आत्माहोन खे पैछनन खे अरु कोय खे भोत प्रकार की भाषा. अरु कोय खे भाषाहोन को अर्थ बतानो.
1CO 12:11 पर ये सब प्रभाकुलाली कार्य उ एक आत्मा करवास हइ, अरु जेखे जो चाहस हइ उ बाटी देस हइ.
1CO 12:12 क्युकि जो प्रकार आंग तो एक हइ अरु ओका हिस्सा भोत हइ, अरु उ एक आंग का सब हिस्सा, भोत होना पर भी सब मीलीखे एक ही आंग हइ, उ प्रकार मसीह भी हइ.
1CO 12:13 क्युकि हम सब ने का यहूदी हइ, का यूनानी, का सेवक का स्वतंत्रता एक ही आत्मा का वजेसे एक आंग होन का लिये बपतिस्मा लियो, अरु हम सब खे एक ही आत्मा पिलायो गयो.
1CO 12:14 येकालिये कि आंग मे एक ही हिस्सो नी पर भोत सा हइ.
1CO 12:15 अगर पाय बोल्ये कि मी हात नी, येकालिये आंग को नी, ते का उ वो कारण आंग को नी?
1CO 12:16 अरु अगर कान बोल्ये, “मी आख नी, एकालिये आंग को नी,” ते का उ या कारण आंग को नी?
1CO 12:17 अगर पुरो आंग आख ही होतो ते सुन्नो खा से होतो? अगर पुरो आंग कान ही होतो ते सूघनो खा होतो?
1CO 12:18 पर सचमुच परमेश्वर ने हिस्साहोन खे अपनी इच्छा का अनुसार एक-एक करीखे आंग मे रख्यो हइ.
1CO 12:19 अगर वे सब एक ही हिस्सा होता, ते आंग खा होतो?
1CO 12:20 पर अब हिस्सा तो भोत सा हइ, पर आंग एक ही हइ.
1CO 12:21 आख हात से नी बोली सखे, “मेखे तरो प्रयोजन नी,” अरु नी माथो पायहोन से बोली सकस हइ, “मेखे तुमारो प्रयोजन नी”
1CO 12:22 पर आंग का वे हिस्सो जो दुसरा जन से निर्बल देखी पडस हइ, भोत ही जरुरती हइ.
1CO 12:23 अरु आंग खे जिन हिस्साहोन खे हम कम आदरणीय समझस हइ उन्ही खे हम जादा आदर देस हइ. अरु हमारी शोभाहीन हिस्‍सा अरु भी भोत शोभायमान हुइ जास हइ,
1CO 12:24 फिर भी हमारो शोभायमान हिस्साहोन खे येको प्रयोजन नी, पर परमेश्वर ने आंग खे असो बनय दियो हइ कि जो हिस्सा खे घटी थी ओ खे अरु भी भोत आदर होनु.
1CO 12:25 ताकि आंग मे फूट नी पड्ये, पर हिस्सा एक दूसरा की बराबर फिकर कर्ये.
1CO 12:26 येकालिये अगर एक हिस्सो दुख पास हइ, ते सब हिस्सो ओका साथ दुख पास हइ. अरु अगर एक हिस्सा की बडाइ होस हइ, ते ओका साथ सब हिस्सा खुशी मनसा हइ.
1CO 12:27 यो प्रकार तुम सब मीलीखे मसीह को आंग हइ, अरु अलग-अलग ओका हिस्सा होनु.
1CO 12:28 अरु परमेश्वर ने मंडली मे अलग-अलग इन्सान नीयुक्त कर्यो हइ. पयलो प्रेरित, दूसरो भविष्यव्दक्ता तीसरो मास्तर फिर सामर्थ्य का काम करणआलो, फिर अच्छो करणआलो, अरु उपकार करणआलो, अरु मुखियो, अरु अलग प्रकार की भाषा बोलनआला.
1CO 12:29 का सब प्रेरित हइ? का सब भविष्यव्दक्ता हइ? का सब उपदेशक हइ? का सब सामर्थ्य का काम करणआला हइ?
1CO 12:30 का सब खे अच्छो करण को वरदान मील्यो हइ? का सब अलग प्रकार की भाषा बोलस हइ?
1CO 12:31 का सब भाषांतर करस हइ? तुम बडा से बडा वरदानहोन की धुन मे र्‍हेनु! पर मी तुमखे अरु भी सबसे अच्छी रस्ता बतउस हइ.
1CO 13:1 अगर मी इन्सानहोन खे अरु स्वर्गदूतहोन की बोलिहोन बोल्यु, अरु प्रेम नी रख्यु, ते मी तो हुयो पीतल, अरु झझनाती हुइ झाझ हइ.
1CO 13:2 अरु अगर मी भविष्यद्वाणी करी सक्यु, अरु सब भेदहोन अरु सब प्रकार को ज्ञान खे समझ्यु, अरु मेखे ह्या तक पूरो विश्वास हइ कि मी टेकडी खे हट्ये दियु, पर प्रेम नी रख्यु, ते मी कुछ भी नी.
1CO 13:3 अरु अगर मी अपनी पुरी संपत्ती कगालहोन खलय दियु का या अपनी आंग जलान का लिये दि दियु कि अरु प्रेम नी रख्यु कितना मेखे कुछ भी लाभ नी.
1CO 13:4 प्रेम धीरजवन्त हइ, अरु कृपालु हइ. प्रेम हेवो नी कर्‍हे. प्रेम अपनी बडाइ नी कर्येका अरु फूले नी.
1CO 13:5 नी शोभनआलो व्यवहार नी कर्येका उ अपनी भलाइ नी चाह्ये, झुझलाय नी, बुरा नी माने.
1CO 13:6 बुरोकाम से खुश नी होय, पर सच्ची से खुश होस हइ.
1CO 13:7 उ सब बातहोन सैइ लेस हइ, सब बातहोन पर विश्वास करस हइ, सब बातहोन की आस रखस हइ, सब बातहोन मे धीरज धरस हइ.
1CO 13:8 प्रेम कभी खत्म नी भविष्यद्वानीहोन हुये खे ते खत्म हुइ जाये का भाषाहोन मेको हुइ जाये. ज्ञान हुये ते मीटी जाये.
1CO 13:9 क्युकि हमारो ज्ञान अधूरो हइ, अरु हमारी भविष्यद्वाणी अधूरी.
1CO 13:10 पर जब सर्व सिद्ध अउ का ते अधूरो मीटी जाये.
1CO 13:11 जब मी बच्चो थो, ते मी बच्चाहोन, जसो बोलतो थो, बच्चाहोन, जसो मन थो बच्चाहोन जसी समझ थी. पर सयानो हुइ गया ते बच्चाहोन की बातहोन छोडी दी.
1CO 13:12 अब हम खे अयना मे धुधला सो दिखइ देस हइ. पर वा टेम्म आमने-सामने देख्ये यो टेम मरो ज्ञान अधूरो हइ. पर वा टेम असी पूरी रीति से पैछान्यु, जसो मी पैछान्यो गयो हइ.
1CO 13:13 पर अब विश्वास कि आस को प्रेम ये तीनी का येमे हइ, पर इनमे सबसे बडो प्रेम हइ.
1CO 14:1 प्रेम को अनुकरण करणु, अरु आत्मीक वरदानहोन का भी धुन मे र्‍हेनु खास करी, यो, कि भविष्यद्वाणी करणु.
1CO 14:2 क्युकि जो दुसरी भाषा मे बातहोन करस हइ. उ इन्सानहोन से नी पर परमेश्वर से बातहोन करस हइ. येका लिये कि ओकी बातहोन कोय नी समझ्ये. क्युकि उ भेद की बातहोन आत्मा मे हुये खे बोलस हइ.
1CO 14:3 पर जो भविष्यद्वाणी करस हइ, उ इन्सानहोन से उन्नती अरु उपदेश अरु शांती की बातहोन बोलस हइ.
1CO 14:4 जो दुसरी भाषा मे बातहोन करस हइ, उ अपनी ही उन्नती करस हइ. पर जो भविष्यद्वाणी करस हइ, उ मंडली की उन्नती करस हइ.
1CO 14:5 मी चाहुस हइ, कि तुम सब दुसरी भाषाहोन मे बातहोन करणु, पर जादा ते यो चाहस हइ कि भविष्यद्वाणी करणु क्युकि अगर दुसरी भाषा बोलनआला मंडली की उन्नती का लिये भाषातर नी कर्ये ते भविष्यद्वाणी करणआला ओकासे बडीखे हइ.
1CO 14:6 येका लिये हे भैइहोन अरु बहीन, अगर मी तुमारा पास अयखे दुसरी भाषा मे बातहोन कर्यु, अरु उजालो या ज्ञान, या भविष्यद्वाणी या उपदेश की बातहोन तुम से नी बोल्यु ते मरा मे तुम खे लाभ हुये?
1CO 14:7 यो प्रकार अगर नीर्जीव चिज भी जिनसे आवाज नीकलस हइ जसो बासरी या बीन, अगर उनका अवाजहोन मे भेद नी हुये ते जो फूक्यो या बजायो जास हइ, उ क्यु पैछान्यो जाये?
1CO 14:8 अरु अगर पिपडी को आवाज साफ नी हुये ते कोन लडय का लिये तैयारी कर्ये?
1CO 14:9 असो ही तुम भी अगर जीभ से साफ बातहोन नी बोल्ये का ते जो कुछ बोल्यो जास हइ? वोखे समझी जाये? तुम ते हवा से बातहोन करणआला ठैर्ये.
1CO 14:10 जगत मे खे त्ता ही रंग की भाषाहोन क्यु नी हो, पर उनमे से कोय भी बिना मतलब की नी हुये.
1CO 14:11 येका लिये अगर मी कोय भाषा को मतलब नी समझ्यु, ते बोलनआला की नजर मे परदेशी ठैर्ये. अरु बोलनआला मरी नजर मे परदेशी ठैइऱ्ये.
1CO 14:12 येका लिये तुम भी जब आत्मीक वरदानहोन की धुन मे हुये खे ते असी कोशीस करणु, कि तुमारा वरदानहोन की उन्नती से मंडली की उन्नती हुये.
1CO 14:13 यो करण जो दुसरी भाषा बोल्येका ते उ प्रार्थना कर्येका कि ओको भाशांतर करी सक्ये.
1CO 14:14 येका लिये अगर मी दुसरी भाषा मे प्रार्थना कर्यु, ते मेरी आत्मा प्रार्थना करस हइ, पर मरी बुद्धि काम नी दे.
1CO 14:15 ते का करण खे हुनु? मी आत्मा से भी प्रार्थना कर्यु, अरु दिमाक से भी प्रार्थना कर्यु. मी आत्मा से गायु, अरु दिमाक से भी गायु.
1CO 14:16 नी ते अगर तू आत्मा ही से धन्यवाद कर्ये, ते फिर अज्ञानी तरो धन्यवाद पर आमीन क्यु बोल्यु? येकालिये कि उ तो नी जाने, कि तूका बोलस हइ?
1CO 14:17 तू तो भली भाति से धन्यवाद करस हइ, पर दूसरा की उन्नती नी होय.
1CO 14:18 मी अपना परमेश्वर को धन्यवाद करुस हइ, कि मी तुम सबसे जादा दुसरा भाषा मे बोलस हइ.
1CO 14:19 पर मंडली मे दुसरा भाषा मे दस हजार बातहोन बोलना से यो मेखे अरु भी अच्छो जानी पडस हइ, कि दुसरा खे सिखाना का लिये दिमाक से पाच ही बातहोन बोल्यु.
1CO 14:20 हे भैइ अरु बहीन, तुम समझ मे बच्चा नी बन्नु फिर भी बुराइ मे तो बच्चा र्‍हेनु, पर समझ मे सयानो बन्नु.
1CO 14:21 व्यवस्था मे लिख्यो हइ, कि प्रभु बोसल हइ, “मी दुसरा भाषा बोलनआला का वजेसे, अरु पराया मुडा का वजेसे इन इन्सानहोन से बात कर्यु ते भी वे मरी नी सुन्ये.”
1CO 14:22 येका लिये दुसरी भाषाहोन विश्वासिहोन का लिये नी, पर अविश्वासीहोन का लिये चिन्ह हइ, अरु भविष्यद्वाणी अविश्वासीहोन, लिये नी पर विश्वासीहोन, लिये चिन्ह हइ.
1CO 14:23 ते अगर मंडली एक जगह जमा हुये खे अरु सब का सब दुसरा भाषा बोल्येका अरु बाहरआला या अविश्वासी इन्सान अंदर अय जाये ते का वे तुम खे पागल नी बोल्ये?
1CO 14:24 पर अगर सब भविष्यद्वाणी करण लग्येका अरु कोय अविश्वासी या बाहरआला इन्सान अंदर अय जायेका ते सब ओखे दोषी ठैइऱ्यो दिये अरु परखी लिये.
1CO 14:25 अरु ओका मन को भेद प्रगट हुइ जाये अरु तब उ मुडा का बल गिरीखे परमेश्वर खे नमस्कार कर्ये, अरु मानी लिये, कि सचमेच परमेश्वर तुमारा बीच मे हइ.
1CO 14:26 येका लिये हे भैइहोन अरुबहीन खे करण हुनु? जब तुम इकठ्ठा होस हइ, ते हर एक का मन मे भजन या उपदेश या दुसरी भाषा या प्रकाशन या दुसरी भाषा को अर्थ बतानो र्‍हेस हइ सब कुछ आत्मीक उन्नती का लिये होन खे हुनु.
1CO 14:27 अगर दुसरी भाषा मे बातहोन करणो हइ, ते दो-दो से या भोत हो तो तीन-तीन जन बारी-बारी बोल्येका अरु एक इन्सान भाषातर कर्ये.
1CO 14:28 पर अगर भाषातर करणआला नी हुये, ते दुसरी भाषा बोलनआला मंडली मे शान्त र्‍हिये अरु अपना मन से अरु परमेश्वर से बातहोन कर्ये.
1CO 14:29 भविष्यव्दक्ताहोन मे से दो या तीन बोल्ये, अरु कुछ इन्सान उनको वचन खे पैछान्ये.
1CO 14:30 पर अगर दूसरा पर जो बठ्यो हइ, कुछ इश्वरी उजालो हुये ते पयलो चुप हुइ जाये.
1CO 14:31 क्युकि तुम सब एक-एक करी खे भविष्यद्वाणी करी सकस हइ ताकि सब सीख्ये का अरु सब शांती पाये.
1CO 14:32 अरु भविष्यव्दक्ताहोन की आत्मा भविष्यव्दक्ताहोन कि बस मे हइ.
1CO 14:33 क्युकि परमेश्वर गडबड खे नी, पर शांती को कर्ता हइ. जसो पवित्र इन्सानहोन की सब मंडलीहोन मे हइ.
1CO 14:34 बय मंडली की सभा मे चुप र्‍हियेका क्युकि उनका बातहोन करण की इजाजत नी, पर अधीन र्‍हेन की आज्ञा हइ जसो व्यवस्था मे लिख्यो भी हइ.
1CO 14:35 अरु अगर वे कुछ सीखनो चाह्ये, ते घर मे अपना-अपना अदमी से पूछ्येका क्युकि बय को मंडली मे बातहोन करणो लाज की बात हइ.
1CO 14:36 क्यु परमेश्वर को वचन तुम मे से नीकल्यो? या फक्त तुम ही तक पहुच्यो हइ?
1CO 14:37 अगर कोय इन्सान अपना आप खे भविष्यव्दक्ता या आत्मीक जन समझ्ये का ते यो जानी ले कि जो बातहोन मी तुम खे लिखुस हइ, वे प्रभु की आज्ञाहोन हइ.
1CO 14:38 पर अगर कोय नी मान्ये का ते नी मान्ये.
1CO 14:39 हे भैइहोन अरु बहीन, भविष्यद्वाणी करण की धुन मे र्‍हिये अरु दुसरी भाषा बोलन से मना नी करणु.
1CO 14:40 पर पुरी बातहोन सभ्यता अरु क्रमा नुसार करी जाये.
1CO 15:1 हे भैइहोन अरु बहीन, मी तुमखे उ सुसमाचार बतउस हइ जो पैयले सुन चुक्यो हइ, जेखे तुम ने अंगीकार कर भी कर्यो थो अरु जेमे तुम स्थिर भी हइ.
1CO 15:2 ओका वजेसे तुमारो उध्दारभी होस हइ, अगर उ सुसमाचार खे जो मेने तुमखे सुनायो थो याद रखस हइ. नी ते तुमारो विश्वास करणो बेकार हुयो.
1CO 15:3 या करण मेने सबसे पैयले तुमखे उ बात पहुचय दी, जो मेखे पहुचैइ थी, कि पवित्रशास्त्र को वचन का जसो यीशु मसीह हमारो पापहोन का लिये मरी गयो.
1CO 15:4 अरु गाड्यो गयो. अरु पवित्रशास्त्र का जसो तीसरे दिन जिन्दो भी उठ्यो,
1CO 15:5 अरु कैफा खे तब बाराझन खे दिखैइ दियो.
1CO 15:6 फिर पाच सौ से जादा भैइहोन अरु बहीन खे एक साथ दिखैइ दियो, जिनमे से भोत सारा अब तक वर्तमान हइ पर केत्ता सोइ गया.
1CO 15:7 फिर याकूब खे दिखैइ दियो तब सब प्रेरितहोन खे दिखैइ दियो.
1CO 15:8 अरु सब का बाद मेखे भी दिखइ दियो, जो मान्नु अधूरा दिन को जन्म्यो हइ.
1CO 15:9 क्युकि मी प्रेरितहोन मे सबसे छोटो हइ, क्युकी प्रेरित बोल्यो जाना का योग्य भी नी, क्युकि मेने परमेश्वर की मंडली खे सतायो थो.
1CO 15:10 पर मी जो कुछ भी हइ, परमेश्‍वर को अनुग्रह से हइ, अरु ओको अनुग्रह जो मरा पर हुयो, उ बेकार नी हुयो पर मेने उन सबसे बडी खे मेहनत भी कर्यो ते भी या मरा तरफ से नी हुयो पर परमेश्वर को अनुग्रह से जो मरा पर थो.
1CO 15:11 येका लिये चाह्ये मी हइ, चाह्ये वे हुये, हम योही प्रचार करस हइ, अरु येका पर तुम ने विश्वास भी कर्यो.
1CO 15:12 जब कि मसीह को यो प्रचार कर्यो जास हइ, कि उ मर्या हुया मे से जिन्दो उठ्यो, ते तुम मे से केत्ता क्यु बोलस हइ, कि मर्या हुया को फिर से जिन्दो हइ ही नी?
1CO 15:13 अगर मर्या हुया को पुनरुत्थान हइ ही नी, ते मसीह भी नी जिन्दो उठ्यो.
1CO 15:14 अरु अगर मसीह नी जिन्दो उठ्यो, ते हमारो प्रचार करणो भी बेकार हइ. अरु तुमारो विश्वास भी बेकार हइ.
1CO 15:15 क्युकी हम परमेश्‍वर खे झूठा गवाह ठैइऱ्यो. क्युकि हमने परमेश्‍वर का बारे मे या गवइ दी कि ओने मसीह को जिन्दो दियो फिरभी नी जिन्दो दियो अगर मर्या हुया नी जी उठे.
1CO 15:16 अरु अगर मुर्दा नी जिन्दो उठे, ते मसीह भी नी जी उठ्यो.
1CO 15:17 अरु अगर मसीह नी जिन्दो उठ्यो, ते तुमारो विश्वास बेकार हइ. अरु तुम अब तक अपना पापहोन मे फस्या हइ.
1CO 15:18 याने जो मसीह मे सोइ गया हइ, वे भी खत्म हुया.
1CO 15:19 अगर हम फक्त यो जिवन मे मसीह से आस रखस हइ ते हम सब इन्सानहोन से जादा अभागो हइ.
1CO 15:20 पर सचमेच मसीह मुर्दा मे से जिन्दो उठ्यो हइ, अरु जो सोइ गया हइ, उनमे परइलो फल हुयो.
1CO 15:21 क्युकि जब इन्सान, वजेसे मरन आयो. ते इन्सान ही, वजेसे मर्या हुया खे पुनरुत्थान भी आयो.
1CO 15:22 अरु जसो आदम मे सब मरस हइ, ओसो ही मसीह मे सब जिलाया जाये.
1CO 15:23 पर हर एक अपनी-अपनी बारी से. पयलो फल मसीह फिर मसीह का आना पर ओका इन्सान.
1CO 15:24 येका बाद अन्त हुये. उ टेम उ पुरी प्रधानता अरु पुरो अधिकार अरु सामर्थ्य, आखरी तक करी, राज्य को परमेश्वर बाप का हात मे दि दिये.
1CO 15:25 क्युकि जब तक कि उ अपना दुशमनहोन खे अपना पायहोन तल्ले नी ली अउ का तब तक ओको राज्य करणो जरुरती हइ.
1CO 15:26 सबसे आखरी दुशमन जो खत्म कर्या जाये उ मरन हइ.
1CO 15:27 क्युकि “परमेश्वर ने सब कुछ ओका पायहोन का तल्ले करी दियो हइ,” पर जब उ बोलस हइ कि सब कुछ ओका अधीन करी दियो गयो हइ ते सफा हइ, कि जे ने सब कुछ मसीह का अधीन करी दियो, उ खुद अलग र्हियो.
1CO 15:28 अरु जब सब कुछ ओका अधीन हुइ जायेका ते बेटो खुद भी ओका अधीन हुइ जाये जे ने सब कुछ ओका अधीन करी दियो. ताकि सब मे परमेश्वर ही सब कुछ हइ.
1CO 15:29 नी ते जो इन्सान मर्या हुया, लिये बपतिस्मा लेस हइ, वे, कर्ये? अगर मुर्दा जिन्दो उठे ही नी ते फिर का उनका लिये बपतिस्मा लेस हइ?
1CO 15:30 अरु हम भी का हर घडी जोखिम मे पड्या र्‍हेस हइ?
1CO 15:31 हे भैइहोन अरु बहिन, मेखे उ घमण्ड की कसम जो हमारा प्रभु मसीह यीशु मे मी तुमारा बारे मे करुस हइ, कि मी हरदिन मरुस हइ.
1CO 15:32 अगर मी इन्सान का रीति पर इफिसुस मे जंगल जनवरहोन से लड्यो ते मेखे का लाभ हुयो? अगर मेर्दा जिलाया नी जायेका “ते वे, खाये पीये का क्युकि कल तो मर ही जाये.”
1CO 15:33 धोखो नी खानो, “बुरी संगति अच्छा चरित्र खे बिगाडी देस हइ.”
1CO 15:34 जाग बठनु अरु पाप नी करण. क्युकि तुम्हे खे त्ता असा हइ जो परमेश्वर का नी जाने का मी तुम बेसरम का लिये यो बोलुस हइ.
1CO 15:35 अब कोय यो बोल्येका “मुर्दा कोनता रीति से जिन्दो उठस हइ, अरु कोय आंग का साथ आस हइ?”
1CO 15:36 हे नीर्बुद्धि! जो कुछ तू बोस हइ, जब तक उ नी मर्या जिलाय नी जाय.
1CO 15:37 अरु जो तू बोस हइ, यो उ आंग नी जो परदा होनआली हइ, पर उघडो बिज हइ, चाह्ये गहु को चाह्ये कोय अरु अनाज.
1CO 15:38 पर परमेश्वर अपनी इच्छा खे जसो ओखे आंग देस हइ. अरु हर एक बीज का ओको खास आग.
1CO 15:39 सब आंग एक समान नी, पर इन्सानहोन को आंग अरु हइ, जनवरहोन को आंग अरु हइ. पंछी को आंग अरु हइ. मच्छीहोन को आंग अरु हइ.
1CO 15:40 स्वर्गीय आंग हइ, अरु पार्थिव आंग भी हइ पर स्वर्गीय आंग होन को तेज अरु हइ, अरु पार्थिव को अरु.
1CO 15:41 सूरज को तेज अरु हइ, चाद को तेज अरु हइ, अरु तारागणहोन को तेज अरु हइ, क्युकि एक तारा से दूसरा तारा को तेज मे अन्तर हइ.
1CO 15:42 मेर्दा को जी उठनो भी असो ही हइ आंग नाशवान दशा मे बोयो जास हइ, अरु अविनाशी रुप मे जिन्दो उठस हइ.
1CO 15:43 उ अनादर, साथ बोयो जास हइ, अरु तेज, साथ जिन्दो उठस हइ. बिना ताखत का साथ बोयो जास हइ. अरु सामर्थ्य का साथ जिन्दो उठस हइ.
1CO 15:44 स्वभाविक आंग बोयो जास हइ, अरु आत्मीक आंग जिन्दो उठस हइ जब कि स्वभाविक आंग हइ, ते आत्मीक आंग भी हइ.
1CO 15:45 असो ही लिख्यो भी हइ, “परइलो इन्सान, मनज्हे आदम जिन्दो जनवर बन्यो” जान अरु आखरी आदम, जीवन दायक आत्मा बन्यो.
1CO 15:46 पर पैयले आत्मीक नी थो, पर स्वभाविक थो, येका बाद आत्मीक हुयो.
1CO 15:47 परइलो इन्सान धरती से मनज्हे मट्टी को थो. दूसरो इन्सान स्वर्गीय हइ.
1CO 15:48 जसो उ मट्टी को थो ओसो ही वे भी हइ जो मट्टी, हइ. अरु जसो उ स्वर्गीय हइ, ओसो ही वे भी स्वर्गीय हइ.
1CO 15:49 अरु जसो हमने ओको रुप जो मट्टी को थो धारण कर्यो ओसो उ स्वर्ग को रुप भी धारण कर्ये.
1CO 15:50 हे भैइहोन अरु बहीन, मी यो बोलुस हइ कि मास अरु खुन परमेश्‍वर को राज्य को अधिकारी नी हुइ सक्येका अरु नी नाशवान अविनाशी को अधिकारी हुइ सकस हइ.
1CO 15:51 देखनु, मी तुम से भेद की बात बोलुस हइ कि हम सब तो नी सोये, पर सब बदली जाये.
1CO 15:52 अरु यो जरा भर मे, पलक मारते ही आखरी तुतारी फूकते ही हुये क्युकि पिपडी फुकी जाये अरु मुर्दा अविनाशी दशा मे जिन्दो उठाये जाह्ये अरु हम बदली जाये.
1CO 15:53 क्युकि जरुरती हइ, कि उ नाशवान आंग अविनाश खे पेनी ले, अरु यो मरनहार आंग अमरता खे पेनी ले.
1CO 15:54 अरु जब यो नाशवान अविनाश खे पेनी लियेका अरु यो मरनहार अमरता खे पेनी लिये तब उ वचन जो लिख्यो हइ, पूरो हुइ जाये “जय ने मरन के गिरी लिये.
1CO 15:55 “हे मरन तरी जय खा हइ? हे मरन तरो डक खा र्‍हियो?”
1CO 15:56 मरन को डक पाप हइ. अरु पाप को बल व्यवस्था हइ.
1CO 15:57 पर परमेश्वर को धन्यवाद हुये, जो हमारा प्रभु यीशु मसीह का वजेसे हम जयवन्त करस हइ.
1CO 15:58 येका लिये हे मरा प्रिय भैइहोन अरु बहीन, ताखत अरु अटल र्‍हेनु, अरु प्रभु को काम मे सर्वदा बडता जानु, क्युकि यो जानस हइ, कि तुमारी मेहनत प्रभु मे बेकार नी हइ.
1CO 16:1 अब उ चन्दा का बारे मे जो पवित्र इन्सानहोन का लिये कर्यो जास हइ, जसो मेने गलातिया कि मंडलीहोन खे दी, ओसो ही तुम भी करणु.
1CO 16:2 हप्ता का पयलो दिन तुम मे से हर एक अपनी कमय खे जसो कुछ अपना पास रखी छोड बोल्यो, कि मरा आना पर पैसा जमा नी करणु पडन को.
1CO 16:3 अरु जब मी आयु का ते समज्हे जिनको तुम चाह्ये उनका मी चिट्ठिहोन दिखे भेजी दियु कि यरुशलेम पहुचय दे.
1CO 16:4 अरु अगर मरो भी जानो अच्छो हुयो, ते वे मरा साथ जाये.
1CO 16:5 अरु मी मकिदुनी हुइ, तुमारा पास आयु, क्युकि मेखे मकिदुनी हुइ, जानो ही हइ.
1CO 16:6 पर सम्भव हइ कि तुमारा ह्या ही ठैइरी जाह्यु अरु शरद ऋतु तुमारा ह्या काटी खे तब जो तरफ मरो जानो हुये खे वय तरफ तुम मेखे पहुच्ये दे.
1CO 16:7 क्युकि मी अब रस्ता मे तुम से मीलन करणो नी चाहु. पर मेखे आस हइ, कि अगर प्रभु चाह्ये ते कुछ टेम तक तुमारा साथ र्‍हियु.
1CO 16:8 पर मी पिन्तेकुस्त तक इफिसुस मे र्‍हियु.
1CO 16:9 क्युकि मरा लिये एक बडो अरु उपयोगी दरवाजा खुल्या हइ अरु विरोधी भोत सा हइ.
1CO 16:10 अगर तीमुथियुस अय जाये, ते देखनु कि उ तुमारा ह्या हिम्मत से र्हिये. क्युकि उ मरो जसो प्रभु को काम करस हइ.
1CO 16:11 येका लिये कोय ओखे बेकार नी जान्येका पर ओखे कुशल से उ तरफ पहुच्ये देनु कि मरा पास अय जाये. क्युकि मी ओकी रस्ता देखते र्हेस हइ कि उ भैइहोन अरु बहीन का साथ आये.
1CO 16:12 अरु भैइ अरु बहीन अपुल्लोस से मेने भोत प्रार्थना करी हइ कि तुमारा पास भैइहोन अरु बहीन, साथ जाये. पर ओने वा टेम जानन की कुछ भी इच्छा नी करी, पर जब अवसर पायेका तब अय जाये.
1CO 16:13 जागते र्‍हेनु, विश्वास मे स्थिर र्‍हेनु, शुर बन्नु, ताकतवर होनु.
1CO 16:14 जो कुछ करस हइ प्रेम से करणु.
1CO 16:15 हे भैइहोन अरु बहीन, तुम स्तिफनास का घराना का जानस हइ, कि वे अखाया को पैयले फल हइ, अरु पवित्र इन्सानहोन की का लिये तैयार र्हेस हइ.
1CO 16:16 येकालिये मी तुम से प्रार्थना करुस हइ कि असा अधीन र्हेनु, क्युकी हर एक का जो यो काम मे मेहनती अरु सहकर्मी हइ.
1CO 16:17 अरु मी स्तिफनास अरु फूरतूनातुस अरु अखइकुस का आना से खुश हइ, क्युकि उनने तुमारी घटी, पूरी करी हइ.
1CO 16:18 अरु उनने मरी अरु तुम्हारी आत्मा खे चैन दियो हइ येका लिये असा खे मान्नु.
1CO 16:19 आसिया की मंडलीहोन का तरफ से तुम खे नमस्कार. अक्विला अरु प्रिस्किल्ला का अरु उनका घर की मंडली खे भी तुम खे प्रभु मे भोत भोत नमस्कार.
1CO 16:20 सब भैइहोन अरु बहीन को तुम खे नमस्कार पवित्र चुम्मा से आपस मे नमस्कार करणु.
1CO 16:21 मी पौलुस खे अपना हात को लिख्या हुयो नमस्कार अगर कोय प्रभु से प्रेम नी रख्ये ते उ श्रापित हुये.
1CO 16:22 हमारो प्रभु मे प्रेम नी रखे ते अभिश्राप मील्हे! हे प्रभु से आन आलो हइ.
1CO 16:23 प्रभु यीशु मसीह को अनुग्रह तुम पर होतो र्हिये.
1CO 16:24 मरो प्रेम मसीह यीशु मे तुम सब का साथ र्‍हिये आमीन.
2CO 1:1 पौलुस का तरफ से जो परमेश्वर की इच्छा से मसीह यीशु को प्रेरित हइ, अरु भैइ अरु बहीन तीमुथियुस का तरफ से परमेश्वर की वा मंडली का नाम जो कुरिन्थुस मे हइ, अरु पुरा अखाया का सब पवित्र इन्सानहोन का नाम से.
2CO 1:2 हमारो बाप परमेश्वर अरु प्रभु यीशु मसीह का तरफ से तुम खे अनुग्रह अरु शांती मीलती र्‍हिये.
2CO 1:3 हमारो प्रभु यीशु मसीह को परमेश्‍वर अरु बाप को धन्यवाद हो, जो दया को बाप अरु सब प्रकार की शांती को परमेश्वर हइ.
2CO 1:4 उ हमारा सब दुखहोन मे शांती देस हइ. ताकि हम वा शांतीकरण जो परमेश्वर हम खे देस हइ, उनका भी शांती दि सक्येका जो कोय रंग को दुख मे हइ.
2CO 1:5 क्युकि जसो मसीह को दुख हम खे जादा होस हइ, वसो ही हमारी शांती मे भी मसीह का वजेसे जादा हिस्सेदार होस हइ.
2CO 1:6 अगर हम दुख पास हइ, ते या तुमारी शांती अरु उध्दार का लिये हइ अरु अगर शांती पास हइ, ते या तुमारी शांती लिये हइ. जेको प्रभाव से तुम धीरज का साथ उन दुखहोन खे सैइ लेस हइ, जिन खे हम भी सहस हइ.
2CO 1:7 अरु हमारी आस तुमारा बारे मे मजबुत हइ. क्युकि हम जानस हइ, कि तुम जसा दुखहोन खे ओसो ही शांती मे भी हिस्सेदार हइ.
2CO 1:8 हे भैइहोन अरु बहीन, हम नी चाह्ये कि तुम हमारो उ दुख से अनजान र्‍हियेका जो आसिया मे हम पर पड्यो कि असो भारी बोझ से दबी गया था, जो हमारा सामर्थ्य से बाहेर थो, ह्या तक कि हम जिवन से भी हात धोइ बठ्या था.
2CO 1:9 क्युकी हमने अपना मन मे समझी लियो थो, कि हम पर मरन की सजा हुइ चुकी हइ कि हम अपनो भरोसा नी रख्ये का क्युकी परमेश्‍वर को जो मर्या हुया खे जिन्दो हइ.
2CO 1:10 ओ ने हम खे मरना का असो बडो संकट से बचायो अरु बचास. अरु ओकासे हमारी ह्या आस हइ, कि उ आगे खे भी बचातो र्‍हिये.
2CO 1:11 अरु तुम भी मीलीखे प्रार्थना का वजेसे हमारी मदत कर्ये कि जो वरदान भोतजन का द्वारा हम खे मील्यो कि ओका कारण भोत इन्सान हमारा तरफ से धन्यवाद करणु.
2CO 1:12 क्युकि हम अपना विवेक की या गवइ पर घमण्ड करस हइ, कि संसार मे अरु खास करी खे तुमारा बीच हमारो चरित्र परमेश्‍वर का लायक असी पवित्रता अरु सच्ची सहित थो का जो शारीरिक ज्ञान से नी का पर परमेश्‍वर को अनुग्रह का साथ थो.
2CO 1:13 हम तुम खे अरु कुछ नी लिखे फक्त उ जो तुम पडस या मानता भी हइ, अरु मेखे आस हइ, कि आखरी तक भी मानते र्‍हिये.
2CO 1:14 जसो तुम मे से खे त्ताने ने मानी लियो हइ, कि हम तुमारा घमण्ड करस हइ. ओसो तुम भी प्रभु यीशु का दिन हमारा लिये घमण्ड को करण ठैइऱ्यो.
2CO 1:15 अरु यो जरुरत मी चाहतो थो कि पैयले तुमारा पास आयु. कि तुम खे एक अरु दान मील्ये.
2CO 1:16 अरु तुमारा पास से हुइ, मकिदुनी खे जायु,अरु मकिदुनी से तुमारा पास आयु अरु तुम मेखे यहूदीया का तरफ कुछ दूर तक पहुच्यु.
2CO 1:17 येका लिये मेने जो या इच्छा करी थी तेका मेने चंचलता दिखै? यो जो करणो चाहस हइ, आंग का जसो करणो चाहस हइ, कि बात मे हाक “हा” भी कर्यु. अरु “नी भी नी” कर्यु?
2CO 1:18 परमेश्वर विश्वास लायक हइ, कि हमारो उ वचन मेने जो तुम से बोल्यो “हा” अरु “नी” दोइ मीली “नी जाये.”
2CO 1:19 क्युकि परमेश्वर को बेटो यीशु मसीह जेको हमारा वजेसे मंनज्हे मरो अरु सिलवानुस अरु ती तीमुथियुस का वजेसे तुमारा बीच मे प्रचार हुयो. ओमे “हा” अरु “नी” दोइ नी थी. पर का ओमे “हा” ही “हा” हुइ.
2CO 1:20 क्युकि परमेश्वर की जितनी प्रतीज्ञाहोन हइ, वे सब ओ मे “हा” साथ हइ येका लिये ओका वजेसे आमीन भी हुइ, कि हमारा वजेसे परमेश्वर की महिमा हो.
2CO 1:21 अरु जो हमने तुमारा साथ मसीह मे मजबुद करस हइ, अरु जे ने हमखे अभिषेक कर्यो उ परमेश्वर हइ.
2CO 1:22 जे ने हम पर नीशान भी करी दी हइ अरु बयान मे आत्मा खे हमारा मनहोन मे दियो.
2CO 1:23 मी परमेश्‍वर का मन से गवाह करुस हइ, कि मी अब तक कुरिन्थुस मे येका लिये नी आयो, कि मेखे तुम पर तरस आती थी.
2CO 1:24 यो नी कि हम विश्वास का बारे मे तुम पर प्रभुता जतानो चाहस हइ. पर तुमारी खुशी मे सहायक हइ क्युकि तुम विश्वास ही से स्थिर र्‍हेस हइ.
2CO 2:1 मेने अपना मन मे यो ठानी लियो थो कि फिर तुमारा पास उदास हुइ खे नी आयु.
2CO 2:2 क्युकि अगर मी तुम खे उदास कर्यु, ते मेखे खुशी देनआलो कोन हुये खे फक्त उ जेखे मेने उदास कर्यो?
2CO 2:3 अरु मेने याही बात तुम खे येका लिये लिखी, कि कहीं असो नी हुये खे कि मरो आना पर जेने मेखे खुशी मीलन हुनु, मी उनसे उदास होयु. क्युकि मेखे तुम सब पर या बात को भरोसो हइ, कि जो मरी खुशी हइ, उ तुम सब को भी हइ.
2CO 2:4 बडो दुख, अरु मन, तरास से, मेने भोत सा आसू बोहे बोहेय, तुम, लिख्यो थो येका लिये नी कि तुम उदास हइ, पर येका लिये कि तुम उ बडो प्रेम जानी ले, जो मेखे तुम से हइ.
2CO 2:5 अरु अगर कोय ने उदास कर्यो हइ, ते मेखे ही नी क्युकी कि ओका साथ भोत कठीन नी कर्यु कुछ-कुछ तुम सब खे भी उदास कर्यो हइ.
2CO 2:6 असा जन का लिये यो दण्ड जो भैइहोन अरु बहीन मे से भोतजन ने दियो, भोत हइ
2CO 2:7 येका लिये येका से यो भलो हइ कि ओको अपराध माफ करणु. अरु शांती दे, नी हो कि असो इन्सान उदासी मे डूबी जाये.
2CO 2:8 यो करण मी तुम से बिंनती करुस हइ, कि अरु ओखे अपनो प्रेम को प्रमाण दे.
2CO 2:9 क्युकि मेने येका लिये भी लिख्यो थो, कि तुमखे समजी लियु, कि तुम सब बातहोन खे मानन का लिये तैयार हइ, कि नी.
2CO 2:10 जेखे तुम कुछ माफ करस हइ ओखे मी भी माफ करुस हइ, क्युकि मेने भी जो कुछ माफ कर्यो हइ, अगर कर्यो हइ, ते तुमारा करण मसीह की जगा मे हुइ, माफ कर्यो हइ.
2CO 2:11 कि सैतान, हम पर दाव नी चल्ये का क्युकि हम ओकी चालहोन से अनजान नी.
2CO 2:12 अरु जब मी मसीह को सुसमाचार खे सुनान खे त्रोआस मे आयो, अरु प्रभु ने मरा लिये एक दरवाजो खोल दियो.
2CO 2:13 ते मरा मन मे चैन नी मील्यो, येका लिये कि मेने अपना भैइ अरु बहीन तीतुस ने आत्मीक नी पायो. येका लिये उनसे बिदा हुइ, मी मकिदुनी खे चली गयो.
2CO 2:14 पर परमेश्वर को धन्यवाद हुये, जो मसीह मे सदा हम खे जय खे तिवार मे लिखे फिरस हइ, अरु अपनो ज्ञान कि बास हमारा वजेसे हर जगा फैलस हइ.
2CO 2:15 क्युकि हम परमेश्‍वर का पास उध्दारपानआलो, अरु खत्म होनआला खे दोइ खे लिये मसीह की सुगन्ध हइ.
2CO 2:16 केत्ता का लिये तो मरन का नीमीत मरना की गंध, अरु केत्ता का लिये जिवन को नीमीत्त जिवन की गंध, अरु या बातहोन का लायक कोन हइ?
2CO 2:17 क्युकि हम उन भोत होन का जसा नी, जो परमेश्वर को वचन मे मीलावट करस हइ. पर मन की सच्चाइ से, अरु परमेश्‍वर का तरफ से परमेश्वर को उपस्थित जानीखे मसीह मे बोलस हइ.
2CO 3:1 का हम फिर अपनी बडाइ करण लग्या? या हमखे खे त्ता का जसा सिफारिश की चिठ्ठीहोन तुमारा पास लानो या तुम से लेनो हइ?
2CO 3:2 हमारी चिठ्ठी तुम ही हइ, जो हमारा दिलहोन पर लिखी हुइ हइ, अरु ओखे सब इन्सान पैछानस अरु पडस हइ.
2CO 3:3 यो प्रगट हइ, कि तुम मसीह की चिठ्ठी हइ, जेखे हमने सेवकहोन का जसा लिख्यो. अरु जो सय से नी, पर जिन्दो परमेश्वर का आत्मा से पत्थर की पाटिहोन पर नी, पर दिल की गोस रुप पाटलीहोन पर लिखी हइ.
2CO 3:4 हम मसीह का वजेसे परमेश्वर पर असो ही भरोसो रखस हइ.
2CO 3:5 यो नी कि हम अपना आप से यो लायक हइ, कि अपना तरफ से कोय बात को बिचार करी सक्ये. पर हमारी लायक परमेश्वर का तरफ से हइ.
2CO 3:6 जे ने हमखे नवा करार को सेवक होन का लायक भी कर्यो, वाचा का सेवक नी क्युकी आत्मा का. क्युकि अवाज मारस हइ, पर आत्मा जिन्दो हइ.
2CO 3:7 अरु सेवा अगर मरन की नवो करार जेको अक्षर पत्थरहोन पर खोद्या गयो थो, ह्या तक तेजमय हुइ, कि मूसा का मुडा पर को तेज का कारण जो घटतो भी जातो थो , इस्राएल ओका मुडा पर नजर नी मारी सकतो थो.
2CO 3:8 ते आत्मा को सेवा करार अरु भी तेजमय क्यु नी हुये?
2CO 3:9 क्युकि जब इलजाम ठैरान आलो सेवा करार तेजमय थी, ते न्याय ठैरान आलो सेवा करार अरु भी तेजमय क्यु नी हुये?
2CO 3:10 अरु जो तेजमय थो, उ भी उ तेज का कारण जो ओकासे बडिखे तेजमय थो, कुछ तेजमय नी ठैर्यो.
2CO 3:11 क्युकि जब उ जो घटतो जातो थो तेजमय थो, ते उ जो स्थिर र्‍हिये, अरु भी तेजमय क्यु नी हुये?
2CO 3:12 येकालिये असी आस रखीखे हम हिम्मत का साथ बोलस हइ.
2CO 3:13 अरु मूसा का जसा नी, जे ने अपना मुडा पर पडदो डाल्यो थो ताकि इस्राएली वे कमकरनआला तेज का अन्त खे नी देखनु.
2CO 3:14 पर वे बुध्दीहीन हुय गया, क्युकि आज तक पुराना नीयम खे पडता टेम उनका मनहोन पर उही पडदो पडि र्‍हो हइ. पर वे मसीह मे उठी जास हइ.
2CO 3:15 अरु आज तक जब कभी मूसा की किताब पडि जास हइ, ते उनका मन पर पडदो पड्यो र्‍हेस हइ.
2CO 3:16 पर जब कभी उनको मन प्रभु का तरफ फिर्ये, तब उ पडदो उठी जाये पन पडदा नीकाली सकता “जैसा कि पवित्र शात्र मूसाखे बारे मे बोलस है” जब प्रभू पडदा.
2CO 3:17 प्रभु तो आत्मा हइ अरु जहा खय प्रभु कि आत्मा हइ वहा स्वतंत्र हइ.
2CO 3:18 पर जब हम सब खे उघडा चेहरा से प्रभु को प्रताप यो रंग प्रगट होस हइ, जो रंग को दिखाना मे, ते प्रभु का वजेसे जो आत्मा हइ, हम उय तेजस्वी रुप मे थोडा थोडा करी खे बदलता जास हइ.
2CO 4:1 येका लिये जब हम पर असी दया हुइ कि हमखे या सेवा मीली, ते हम हिम्मत नी छोड्ये.
2CO 4:2 पर हमने लाजन खे गुप्त काम होन खे छोडी दियो, अरु नी हुशारी से चलता, अरु नी परमेश्वर, सामने हर एक को विवेक मे अपनी भलइ बठाडस हइ.
2CO 4:3 पर अगर हमारा सुसमाचार पर पडदो पड्यो हइ, ते यो खत्म होनआला ही का लिये पड्यो हइ.
2CO 4:4 अरु वे अविश्वासीहोन का लियेका जेकी बुध्दि यो जगत को परमेश्वर ने अंधी करी दी हइ, ताकि मसीह जो परमेश्वर को रुप हइ, ओका तेजमय सुसमाचार को उजालो उनका पर नी चमक्ये.
2CO 4:5 क्युकि हम अपना खे नी, पर मसीह यीशु को प्रचार करस हइ, कि उ प्रभु हइ. अरु ओका बारे मे यो बोलस हइ, कि हम यीशु का करण तुमारा सेवक हइ.
2CO 4:6 येका लिये कि परमेश्वर ही हइ, जे ने बोल्यो, “अंधारा मे उजालो चमक्ये,” अरु उ हमारा मनहोन मे चमक्यो कि परमेश्वर कि महिमा को पैछान को उजालो यीशु मसीह, मुडा से उजालो हो.
2CO 4:7 पर हमारा पास यो धन मट्टी को बर्तनहोन मे रख्यो हइ, कि यो भोत सामर्थ्य हमारा तरफ से नी क्युकी परमेश्वर ही का तरफ से ठैर्यो.
2CO 4:8 हम चारी तरफ से दुख से भागस हइ, पर भागस हइ, पर संकट मे नी पडे. घबरास ते हइ, लेकिन नीराश नी होय.
2CO 4:9 सताया तो जास हइ. पर त्याग्या नी जाय. गिराया तो जास हइ, पर खत्म नी होय.
2CO 4:10 हम यीशु को मरना खे अपना आंग मे हर टेम लिया फिरस हइ. कि यीशु को जिवन भी हमारा आंग मे प्रगट हो.
2CO 4:11 क्युकि हम जीन्दा हइ सर्वदा यीशु करण मरनहार का हात मे दियो जास हइ कि यीशु को जिवन भी हमारो मरनआलो आंग मे प्रगट हुइ जाये.
2CO 4:12 येको मतलब हइ कि मौत हमारा काम मे हइ, लेकिन जिवन तुमारा काम मे हइ.
2CO 4:13 अरु येका लिये कि हम मे उ विश्वास की आत्मा हइ, “शास्त्र बोलस हइ, कि मेने विश्वास कर्यो कि येका लिये मी बोल्यो” आखरी हम भी विश्वास करस हइ, येका लिये बोलस हइ.
2CO 4:14 क्युकि हम जानस हइ, जे ने प्रभु यी खे जिन्दो, उ हमखे भी यीशु मे हिस्सेदार जानीखे जिन्दो, अरु तुमारा साथ अपना सामने हजर कर्ये.
2CO 4:15 क्युकि सब चिजहोन तुमारा लिये हइ, ताकि अनुग्रह भोतजन का वजेसे जादा हुइ, परमेश्वर की महिमा का लिये धन्यवाद भी बडानु.
2CO 4:16 येका लिये हम हिम्मत नी छोड्ये. अगर हमारो बाहेर कि इन्सानीयत खत्म भी हूइ जास हइ, ते भी हमारा अंदरुनी इन्सानीयत दिन हर दिन नवो होतो जास हइ.
2CO 4:17 क्युकि हमारो पल भर को हलको सो दुख हमारा लिये भोत ही महत्वपूर्ण अरु अनन्त महिमा पइदा करतो जास हइ.
2CO 4:18 अरु हम तो देखी हुइ चिजहोन खे नी पर अनदेखी चिजहोन खे देखते र्‍हेस हइ, क्युकि देखी हुइ चिजहोन थोडा ही दिन की हइ, पर अनदेखी चिजहोन खे हरदिन बनी र्‍हेस हइ.
2CO 5:1 क्युकि हम जानस हइ , कि जब हमारो धरती पर को डेरा जसो घर गिरायो जाये ते हमखे परमेश्वर का तरफ से स्वर्ग पर एक असी मन्दिर मीलीखे जो हाथहोन से बन्यो हुयो घर नी पर स्वर्ग हइ.
2CO 5:2 येमे तो हम कनारस , अरु बडि लालुच रखस हइ. कि अपनो स्वर्गीय घर खे पेनी लें.
2CO 5:3 कि येखे पेनना से हम बीना कपडा नी देख्ये जाये.
2CO 5:4 अरु हम यो डेरा मे र्‍हेता हुया बोझ से दब्या कराहते र्‍हेस हइ. क्युकि हम उतारनो नी पर अरु पहननो चाहस हइ, जबकी उ जो मरनहार हइ जिवन मे डूबी जाये.
2CO 5:5 अरु जे ने हमखे या बात का लिये तैयार कर्यो हइ उ परमेश्वर हइ, जे ने हमखे बिसार मे आत्मा भी दि हइ.
2CO 5:6 येकालिये हम हमेशा हिम्मत बाध्या र्‍हेस हइ अरु यो जानस हइ. कि जब तक हम आंग मे र्‍हेस हइ, तब तक प्रभु से अलग हइ.
2CO 5:7 क्युकि हम रुप खे देखीखे नी, पर विश्वास से चलस हइ.
2CO 5:8 येकालिये हम हिम्मत बांध्या र्‍हेस हइ, अरु आंग से अलग हुइखे प्रभु का साथ र्‍हेनो अरु भी अच्छो समझस हइ.
2CO 5:9 यो कारण हमारा मन की उमंग या हइ, कि चाह्ये साथ र्‍हिये, चाह्ये अलग र्‍हिये पर हम ओखे याद करता र्‍हिये.
2CO 5:10 क्युकि जरुरती हइ, कि हम सब को हाल मसीह को फैसला जगा का सामने खुली जाये, कि हर एक इन्सान अपना-अपना भला लिये मसीह का न्याय का सामने जरुर हजार बुरा कामहोन को बदला जो ओने आंग का वजेसे कर्यो हइ मील्यो.
2CO 5:11 येकालिये प्रभु खे डर मानीखे हम इन्साहोन खे समझास हइ अरु परमेश्वर पर हमारो हाल प्रगट हइ. अरु मरी आस या हइ, कि तुमारा विवेक पर भी प्रगट हुयो हुये.
2CO 5:12 हम फिर भी अपनी बडाइ तुमारा सामने नी कर्‍हे पर हम अपना बारे मे तुमखे घमण्ड करण को अवसर देस हइ, कि तुम उनखे जवाब दि सक्ये, जो मन पर नी, पर दिखावट बातहोन पर घमण्ड करस हइ.
2CO 5:13 अगर हम बेसुध हइ, ते परमेश्वर का लिये. अरु अगर कोमल हइ, ते तुमारा लिये हइ.
2CO 5:14 क्युकि मसीह को प्रेम हमखे मजबुर करी देस हइ. येकालिये कि हम यो समझस हइ, कि जब एक सब का लिये मर्यो ते सब मरी गया.
2CO 5:15 अरु उ या बारे मे सब खे लिये मर्यो, कि जो जिन्दो हइ, वे आगे को अपना लिये नी जीये पर ओका लिये जो उनका लिये मर्यो अरु फिर जी उठ्यो
2CO 5:16 यो कारण अब से हम कोय को आंग का अनुसार नी समझ्ये का अरु अगर हमने मसीह का भी आंग का अनुसार जान्यो थो, ते भी अब से ओखे असो नी जान्ये.
2CO 5:17 येकालिये अगर कोय मसीह मे हइ ते उ नइ दुन्या हइ पुरानी बातहोन बीती गइ हइ. देखनु कि वे सब नवी हुइ गइ.
2CO 5:18 अरु सब बातहोन परमेश्वर का तरफ से हइ, जे ने मसीह का वजेसे अपना साथ हमारो मेल मीलाप करी लियो का अरु मेल मीलाप की सेवा हमखे दि दी हइ.
2CO 5:19 अगर परमेश्वर ने मसीह मे हुइखे अपना साथ संसार को मेल मीलाप करी लियो, अरु उनका अपराधहोन खे इलजाम उन पर नी लगायो अरु ओने मेल मीलाप को वचन हमखे दि दियो हइ.
2CO 5:20 येकालिये हम मसीह का राजदूत हइ. अरु मान्नु परमेश्वर हमारा वजेसे समझास हइ हम मसीह का तरफ से नीवेदीन करस हइ, कि परमेश्वर का साथ मेल मीलाप करी ले.
2CO 5:21 जो पाप से अनजान था, ओखे ओने हमारा लिये पाप ठैइरायो कि हम ओमे हुइखे परमेश्वर की धर्मीकता बनी जाये.
2CO 6:1 हम जो परमेश्वर कामआला हइ यो भी समझस हइ, अरु परमेश्वर को अनुग्रह जो तुम पर हुयो का बेकार नी र्‍हेन दे.
2CO 6:2 क्युकि उ तो बोलस हइ, “अपनी प्रसन्नता का टेम मेने तरी सुनी ली, अरु उध्दार का दिन मेने तरी मदत करी.” देखनु, अभी प्रसन्नता को टेम हइ. देखनु, अभी उध्दारको दिन हइ.
2CO 6:3 हम कोय बात मे ठोकर खान खे कोय भी अवसर नी दे, कि हमारी सेवा पर कोय इलजाम नी आह्ये.
2CO 6:4 पर हर बात मे परमेश्‍वर को सेवकहोन का जसा अपना सदगुनहोन खे प्रगट करस हइ, बडो हिम्मत से, दुखहोन से, दरिद्रता से, संकटहोन से,
2CO 6:5 कोडा खाना से, बन्दीगृह होना से, जादा से, मेनत से, जागता र्‍हेन से, उपास करणा से.
2CO 6:6 नीष्कपट से, ज्ञान से, धीरज से, कृपालुता से, पवित्र आत्मा से.
2CO 6:7 सच्चा प्रेम से, सच्ची को वचन से, परमेश्वर को सामर्थ्य से. धार्मीकता का हथियारहोन से जो जवनो, डाखोर्यो हइ,
2CO 6:8 सम्मान अरु अपमान से, दुर्नाम अरु सुनाम से, अगर भरमानआला, असा मालूम होस हइ ते भी सच्ची हइ.
2CO 6:9 अनजानहोन को सदृश्य हइ. ते भी प्रसिद्ध हइ. मरता हुया, असा हइ अरु देखनु जिन्दो हइ. मार खानआला का सदृश हइ पर जान से मार्या नी जाय.
2CO 6:10 दुख करणआला, जसा हइ, पर सर्वदा आनन्द करस हइ, कंगालहोन खे असा हइ, पर भोतजन खे धनवान बनैइ देस हइ. असा हइ जसा हमारा पास कुछ नी फिर भी सब कुछ रखस हइ.
2CO 6:11 हे कुरिन्थवासी हमने खुली खे तुम से बातहोन करी हइ, हमारो दिल तुमारा तरफ खुल्यो हुयो हइ.
2CO 6:12 तुमारा लिये हमारा मन मे कुछ संका नी, पर तुमारा ही मनहोन मे संका हइ
2CO 6:13 पर अपना बच्चाहोन जानीखे तुम से बोलुस हइ, कि तुम भी ओका बदला मे अपनो दिल खोली दे.
2CO 6:14 अविश्वासीहोन नी रखनआला का साथ असमान जुवाडो मे नी जोतनु क्युकि धार्मीकता अरु अधर्म को का मेल जेल? या उजालो अरु अंधारा की का संगत?
2CO 6:15 अरु मसीह को बलियाल का साथ का लगाव?अरु विश्वासी का साथ अविश्वासी नी रखनआला को कोनतो नातो?
2CO 6:16 अरु मूर्ती का साथ परमेश्वर कि मन्‍दिर को नातो? क्युकि हम तो जीन्दो परमेश्वर कि मन्‍दिर हइ. जसो परमेश्वर ने बोल्यो हइ “मी उनमे बस्यु अरु उनमे चल्यो फिर्या कर्यु. अरु मी उन को परमेश्वर हूयु, अरु वे मरा दुन्या हुये.”
2CO 6:17 येका लिये प्रभु बोलस हइ, उनका बीच मे से नीकलनु अरु अलग र्‍हेनु. अरु अशुध्द चिज खे मत छिनु, ते मी तुमखे ग्रहण कर्यु.
2CO 6:18 अरु तुमारो बाप हूयु, अरु तुम मरा बेटा अरु बेटिहोन हुये. सेनाधिश परमेश्वर असो बोलस हइ.
2CO 7:1 येका लिये प्रियजन जब कि या प्रतीज्ञाहोन हमखे मीली हइ, ते आनू, हम अपना खुद को आंग अरु आत्मा खे सब मलिनता से अच्छो कर्येका अरु परमेश्वर को डर रखते हुये पवित्रता, सिद्ध कर्ये.
2CO 7:2 हमखे अपना दिल मे जगा दे हमने नी कोय से अन्याय कर्यो, नी कोय को बिगाड्यो, अरु नी कोय खे ठग्यो.
2CO 7:3 मी तुमखे दोषी ठैरान का लिये यो नी बोलु क्युकि मी पैयले ही बोली चूक्यो हइ, कि तुम हमारा दिल मे असा बसी गया हइ कि हम तुमारा साथ मरी जीन का लिये तैयार हइ.
2CO 7:4 मी तुम से भोत हिम्मत का साथ बोली र्‍हो हइ मेखे तुम पर बडो घमण्ड हइ मी शांती से भरी गयो हइ. अपनो पुरा दुख मे मी खुशी से खुब पुरो र्‍हेस हइ.
2CO 7:5 क्योंकि जब हम मकिदुनी मे आया तब भी हमारा आंग खे चैन नी मील्यो पन हम खे चारी तरप से दुख मीलतो थो. बाहेर वाद विवाद थो, अंदर डर कि बात थी.
2CO 7:6 ते भी दिनहोन खे शांती देनआला परमेश्वर ने तीतुस का आना से हम खे धीरज दियो.
2CO 7:7 अरु नी फक्तओका आना से पर ओकी वा शांती से भी, जो ओखे तुमारा तरफ से मीली थी. अरु ओने तुमारी मेखे मीलन कि इच्छा अरु डाखोर्या तुमारा दुख अरु मरा लिये तुमारा धुन को समाचार हमखे सुनायो, जेका से मेखे अरु भी खुशी हुइ.
2CO 7:8 क्युकि अगर मेने अपनी चिठ्ठी से तुमखे दुख दियो, पर ओका से पछतातो नी जसो कि पैयले पछतातो थो क्युकि मी देखुस हइ, कि ओका चिठ्ठी से तुमखे शोक तो हुयो पर उ थोडी का लिये थो.
2CO 7:9 अब मी खुशी करुस हइ पर येका लिये नी कि तुमखे दुख पहुच्यो क्युकी येका लिये कि तुम ने ओका दुख करण मन फिराव, क्युकि तुमारो दुख परमेश्‍वर कि इच्छा का जसो थो, कि हमारा तरफ से तुमखे कोय बात मे नुकसान नी पहुचनु.
2CO 7:10 क्युकि परमेश्वर ने लायो हुयो दुख असो पश्चाताप पइदा करस हइ. जेको परिणाम उध्दार हइ अरु फिर ओकासे पछतानु नी पडे पर संसारीक दुख मरन पइदा करस हइ.
2CO 7:11 आखरी देखनु, या बात से कि तुमखे परमेश्‍वर का तरफ से आयो हुयो दुख. तुम मे केत्तो उत्सुकता की इच्छाखे अन्याय को डर अरु घुस्सा का आस्था अरु शिक्षा लेन को बिचार पइदा हुयो? तुम ने सब प्रकार से यो सिद्ध करी खे दिखायो कि तुम या बात मे नीर्दोष होनु.
2CO 7:12 फिर मेने जो तुमारा पास लिख्यो थो, उ नी ते ओका कारण लिख्यो का जे ने अन्याय कर्यो, अरु नी ओका कारण जेका पर अन्याय कर्यो गयो, पर येका लिये कि तुमारी उसुक्ता जो हमारा लिये हइ, उ परमेश्‍वर का सामने तुम पर प्रगट हुइ जाये.
2CO 7:13 येका लिये हमखे मदत मीली. अरु हमारी या मदत का साथ तीतुस का खुशीकरण अरु भी खुशी हुइ क्युकि ओको जी तुम सब का कारण हरो भरो हुय गयो हइ.
2CO 7:14 क्युकि अगर मेने ओका सामने तुमारा बारे मे कुछ घमण्ड दिखायो, ते लज्जित नी हुयो, पर जसो हमने तुम से सब बातहोन सच्ची-सच्ची बोली दी थीं, ओसो ही हमारो घमण्ड दिखानु तीतुस का सामने भी सच नीकल्यो.
2CO 7:15 जब ओखे तुम सब का आज्ञाकारी होना को याद आस हइ, कि कसा तुम ने डरते अरु कापते हुये ओकासे मीलन कर्यो. ते ओको प्रेम तुमारा तरफ अरु भी बडतो जास हइ.
2CO 7:16 मी करुस हइ, कि तुमारा तरफ से मेखे हर बात मे भरोसो होस हइ कि मी खुश हइ.
2CO 8:1 अब हे भैइहोन, हम तुम, परमेश्वर को उ अनुग्रह को समाचार देस हइ, जो मकिदुनी की मंडलीहोन पर हुयो हइ.
2CO 8:2 कि दुख की बडी परीक्षा मे उनकी बडी खुशी अरु भारी कंगालपन, बडी जाना से उनकी उदारता भोत बडी गइ.
2CO 8:3 अरु उनका बारे मे मरी या गवइ हइ, कि उनने अपनो सामर्थ्य भर क्युकी सामर्थ्य से भी बाहेर मन से दियो.
2CO 8:4 अरु या दान मे अरु पवित्र इन्सानहोन की सेवा मे हिस्सेदार होन को अनुग्रह, बारे मे हम से बार-बार भोत बिंनती करी.
2CO 8:5 अरु जसी हमने आस करी थी, ओसी नी हइ, क्युकी उनने पैयले प्रभु खे, फिर परमेश्‍वर, इच्छा से हम, भी अपना आप, दि दियो.
2CO 8:6 येका लिये हमने तीतुस, समझायो, कि जसो ओने पैयले सुरवात कर्यो थो, अरु ओसो ही तुमारा बीच मे यो दान को काम , पूरो भी करी ले.
2CO 8:7 पर जसो हर बात मे मंनजे विश्वास, वचन, ज्ञान अरु सब प्रकार को कोशीस मे, अरु उ प्रेम मे, जो हम से रखस हइ, बडते जास हइ, ओसो ही यो दान काम मे भी बडते जानु.
2CO 8:8 मी आज्ञा कि रीति पर तो नी का पर दुसरा को उत्साह से तुमारो प्रेम की सच्ची खे समज्हे, लिये बोलुस हइ.
2CO 8:9 तुम हमारो प्रभु यीशु मसीह को अनुग्रह जानस हइ, कि उ धनी हुइ, भी तुमारा लिये कंगाल बनी गयो ताकि ओका कंगाल हुइ जाना से तुम धनी हूइ जानु.
2CO 8:10 अरु या बात मे मरो बिचार योही हइ यो तुमारा लिये अच्छो हइ. जो एक साल से नी ते फक्त या काम , करणा ही मे, पर या बात, चाहना मे भी पैयला हुया था.
2CO 8:11 येका लिये अब यो काम पुरो करणु. कि जो प्रकार इच्छा करणा मे तुम तैयार था, असो ही अपनी-अपनी पुंजी, जसो पूरो भी करणु.
2CO 8:12 क्युकि अगर मन कि तैयारी हुये ते दान ओका जसो ग्रहन भी होस हइ जो ओका पास हइ नी की ओका जसो जो ओका पास नी.
2CO 8:13 मी तुम्हारा पर बोझ डालीखे दुसरा जन खे राहत देन की कोशिश नी करी र्‍हो हइ. लेकिन अगर यो टेम तुमारा पास भोत कुछ हइ, येका लिये यो अच्छो हइ कि तुम जरुरतमंदहोन की मदद करणु का फिर का जब तुमखे जरुरत हुये अरु उनका पास भोत कुछ हुये खे ते वे तुम्हारी मदत कर्येका यो तरहा दोइ का साथ समान व्यवहार कर्यो जास हइ.
2CO 8:14 पर बराबरी को बिचार से यो टेम तुमारी बडती उनकी घटी मे काम आये, ताकि उनकी बडती भी तुमारी घटी मे काम आये कि बराबरी हुइ जाये.
2CO 8:15 जसो लिख्यो हइ, “जेने भोत समट्यो ओको कुछ जादा नी नीकल्यो अरु जे ने थोडो समट्‍यो ओको कुछ कम नी नीकल्यो.”
2CO 8:16 परमेश्‍वर को धन्यवाद हुये, जेने तुमारा लिये उ उत्साह तीतुस, दिल मे डाल दियो हइ.
2CO 8:17 कि ओने हमारो समझानो मानी लियो क्युकी भोत उत्साही हुइ, उ अपनी इच्छा से तुमारा पास गया हइ.
2CO 8:18 अरु हमने ओका साथ उ भैइ, भेज्यो हइ जे, नाम सुसमाचार, बारे मे सब मंडली मे फैल्यो हुयो हइ.
2CO 8:19 अरु येतनो ही नी, पर उ मंडली, वजेसे ठैइरायो भी गयो कि यो दान काम , लिये हमारा साथ जानु अरु हम या सेवा येका लिये करस हइ, कि प्रभु की महिमा अरु हमारा मन की तैयारी प्रगट हुइ जाये.
2CO 8:20 हम या बात मे सावधान र्‍हेस हइ, कि यो उदारता काम , बारे मे जेकी सेवा हम करस हइ, कोय हम पर इलजाम लागान को अवसर नी पाये.
2CO 8:21 क्युकि जो बातहोन फक्त प्रभु ही, पास नी, पर इन्सानहोन, पास भी भली हइ हम उनकी चिन्ता करस हइ.
2CO 8:22 अरु हमने उनका साथ अपना भैइ, भेज्यो हइ, जेखे हमने बार-बार परखी, भोत बातहोन मे खुशी पायो हइ. पर अब तुम पर ओको बडो भरोसो हइ, यो करण उ अरु भी जादा खुशी हइ.
2CO 8:23 अगर कोय तीतुस, बारे मे पूछ्येका ते उ मरो साथी, अरु तुमारा लिये मरो एक सात अरु सहकर्मी हइ, अरु अगर हमारा भैइहोन, बारे मे पूछ्येका ते वे मंडलीहोन, भेज्या हुया अरु मसीह की महिमा हइ.
2CO 8:24 आखरी अपनो प्रेम अरु हमारो उ घमण्ड जो तुमारा बारे मे हइ मंडलीहोन, सामने उनका सिद्ध करी, दिखानु.
2CO 9:1 अब उ सेवा, बारे मे जो पवित्र इन्सानहोन, लिये करी जास हइ, मेखे तुम, लिखनो जरुरती नी.
2CO 9:2 क्युकि मी तुमारा मन की तैयारी, जानुस हइ, जेकरण मी तुमारा बारे मे मकिदुनी, सामने घमण्ड दिखस हइ, कि अखाया, इन्सान एक साल से तैयार हुया हइ, अरु तुमारा उत्साह ने अरु भोतजन, भी उभार्‍यो हइ.
2CO 9:3 पर मेने भैइहोन, येका लिये भेज्यो हइ, कि हमने जो घमण्ड तुमारा बारे मे दिखायो, उ या बात मे बे,र नी ठैइऱ्यो. पर जसो मेने बोल्यो. ओसो ही तुम तैयार हुइ र्‍हा.
2CO 9:4 असो नी हो, कि अगर कोय मकिदुनी मरा साथ अउ का अरु तुम, तैयार नी मील्ये का ते, जान्येका यो भरोसा करण हम यो नी बोल्ये कि तुम फजितमे हइ.
2CO 9:5 येका लिये मेने भैइहोन से या बिंनती करणो जरुरती समझ्यो कि वे पैयले से तुमारा पास जायेका अरु तुमारी उदारता को फल जे, बारे मे पैयले से वचन दियो गयो थो, तैयार करी, रखनु, कि यो दबाव से नी पर उदारता को फल, जसो तैयार हो.
2CO 9:6 पर बात तो या हइ, कि जो थोडो बोस हइ उ थोडो काट्ये भी. अरु जो भोत बोस हइ, उ भोत काट्ये.
2CO 9:7 हर एक जन जसो मन मे ठान्ये ओसो ही दान करणु. दुखी मन का अरु नी दबाव से, क्युकि परमेश्‍वर खे खुशी से देनआला से प्रेम रखस हइ.
2CO 9:8 परमेश्वर सब प्रकार को अनुग्रह तुम का अच्छा से दि सकस हइ जे,से हर बात मे अरु हर टेम, सब कुछ, जो तुम, जरुरती हइ, तुमारा पास र्‍हियेका अरु हर एक भला काम , लिये तुमारा पास भोत कुछ हइ.
2CO 9:9 जसो लिख्यो हइ, “ओने बिखर्या, ओने गरीबहोन, दान दियो, ओकी धार्मीकता हमेशा बनी र्‍हिये.”
2CO 9:10 अरु जो बोनआला, बीज, अरु खान, लिये रोटी देस हइ उ तुम, बीज दियेका अरु ओखे फलवन्त कर्ये. अरु तुमारा धार्मीकता को फल होन, बडाये.
2CO 9:11 तुम हर बात मे सब रंग की उदारता, लिये जो हमारा वजेसे परमेश्‍वर, धन्यवाद करवास हइ, धनवान कर्या जानु.
2CO 9:12 क्युकि या सेवा, पूरो करण से, नी फक्त पवित्र इन्सान की घटीहोन पूरी होस हइ, पर इन्सानहोन, तरफ से परमेश्‍वर, भोत धन्यवाद होस हइ.
2CO 9:13 तुमारी या सेवा तुमारा मसीह पन की असलीयत को सबुत हइ यो सेव,उकरण मसीह, सुसमाचार जो तुम बडी नीष्ठा से सुना ते हो अरु यहुदा प्रांतका यो को, अरु अवरो को दान दिखे जो उदारता तुमने दिखाइ उस, लियेका भोत लोग परमेश्वर की महिमा करीये.
2CO 9:14 अरु वे तुमारा लिये प्रार्थना करस हइ. अरु येका लिये कि तुम पर परमेश्वर को बडो ही अनुग्रह हइ, तुमारी लालुच करता र्‍हेस हइ.
2CO 9:15 परमेश्‍वर, ओका उ दान, लिये जो वर्णन से बाहेर हइ, धन्यवाद हो.
2CO 10:1 मी उ पौलुस जो तुमारा सामने अच्छो हइ, पर पीच्छा पीछे तुमारा तरफ हिम्मत करुस हइ. तुम खे मसीह की नम्रता, अरु कोमलता का करण समझुस हइ.
2CO 10:2 मी या प्रार्थना करुस हइ, कि तुमारा सामने मेझे कडक होन कि हिम्मत करणु नी पडे. जसो मी केत्ता पर जो हम, आंग, जसो चलनआला समझस हइ, वीरता दिखान को बिचार करुस हइ.
2CO 10:3 क्युकि अगर हम आंग मे चलस फिरस हइ, ते भी अंगार का जसो नी लडु
2CO 10:4 क्युकि हमारी लडैइ, हथियार शारीरिक नी, पर गड् खे ढाक देन का लिये परमेश्‍वर का वजेसे सामर्थी हइ.
2CO 10:5 हम कल्पनाहोन खे, अरु हर एक उची बात खण्डन जो परमेश्वर की पैछान का खीलाप मे उठस हइ. हर एक भावना खे कैद करी मसीह कि आज्ञा करी बनैइ देस हइ.
2CO 10:6 अरु तैयार र्‍हेस हइ कि जब तुमारी आज्ञा माननो पूरी हुइ जायेका ते हर एक प्रकार की आज्ञा नी मानन को दंड मीले हे.
2CO 10:7 तुम या बातहोन खे देखस हइ, जो आखहोन का सामने हइ, अगर कोय को अपना पर यो भरोसो हइ, कि मी मसीह को हइ, ते यो भी जानी ले कि जसो उ मसीह को हइ, ओसो ही हम भी हइ.
2CO 10:8 क्युकि अगर मी उ अधिकार का बारे मे अरु भी घमण्ड दिखायु, जो प्रभु ने तुमारो बिगाडन का लिये नी पर उन्नती का लिये हम, दियो हइ, ते लजानको नी.
2CO 10:9 यो मी येका लिये बोलुस हइ, कि चिठ्ठीहोन, का वजेसे तुम डरानआला नी ठैरायु.
2CO 10:10 क्युकि वे बोलस हइ, “ओकी चिठ्ठीहोन ते गम्भीर अरु प्रभाकुलाली हइ. पर जब देखस हइ, ते बोलस हइ उ आंग को नीर्बल अरु वक्तव्य मे हलको जानी पडस हइ.”
2CO 10:11 येका लिये जो असो बोलस हइ, कि उ यो समझ रख्येका कि जसो पीछे चिठ्ठीहोन मे हमारो वचन हइ, ओसो ही तुमारा सामने हमारा काम भी हुये.
2CO 10:12 क्युकि हम या हिम्मत नी कर्‍हे कि हम अपना आप खे उनका साथ गिन्या या उनसे अपना खे मील्यो का जो अपनी बड्यैइ करस हइ, अरु अपना आप खे नाप तोलिका खुद को न्याय करस हइ.
2CO 10:13 हम तो हद से बाहेर घमण्ड कभी नी कर्येका पर वाइ हद तक जो परमेश्वर ने हमारा लिये ठैइऱ्यो दी हइ, अरु ओमे तुम भी अय गए हइ अरु ओका जसो घमण्ड भी कर्ये.
2CO 10:14 क्युकि हम अपनी हद से बाहेर अपना आप, बडानो नी चाह्ये का जसो कि तुम तक नी पहुचन की दशा मे होतो, क्युकी मसीह को सुसमाचार सुनाता हुये तुम तक पहुची गा हइ.
2CO 10:15 अरु हम हद से बाहेर दुसरा की मेहनत पर घमण्ड नी कर्ये. पर हम, आस हइ, कि जो-जो तुमारी आस बडतो जाह्ये त्यो-त्यो हम अपनी हद जसो तुमारा करण अरु भी बडता जाह्ये.
2CO 10:16 कि हम तुमारी हद से आगे बडी, सुसमाचार सुनायो का अरु यो नी, कि हम दुसरा की हद, अंदर बन्या बनाया काम होन पर घमण्ड कर्ये.
2CO 10:17 पन जसो शास्त्र मे लीखो हइ ,जेखे घमण्ड करणो हइ, उ प्रभु को काम पर घमण्ड करीये.
2CO 10:18 क्युकि जो अपनी बड्यैइ करस हइ, उ नी, पर जेकी बड्यैइ प्रभु करस हइ, उ ग्रहण कर्यो जास हइ.
2CO 11:1 अगर तुम मरी मूर्खपण सैइ लेस ते का यो भलो होतो. हा मरी सैइ भी लेस हइ.
2CO 11:2 क्युकि मी तुमारा बारे मे परमेश्वर धुन लगैइखे र्‍हेस हइ, येकालिये कि मेने एक हि इन्सान से तुमारी बात लगैइ हइ, कि तुमखे कुव्वारी का समान मसीह खे सोपी दियु.
2CO 11:3 पर मी डरुस हइ कि जसो साप ने अपनी हुशारी से हवा खे भैइकायो नी जाय , ओसो ही तुमारा मन वाइ अच्छाइ अरु पवित्रता से जो मसीह का साथ होनु कही भ्रष्ट नी कर्‍या जाये.
2CO 11:4 अगर कोय तुमारा पास अय खे , कोय दूसरा यीशु को प्रचार कर्ये, जेको प्रचार हमने नी कर्यो या कोय अरु आत्मा तुमखे मील्ये. जो पैयले नी मील्यो थो. या अरु कोय सुसमाचार जेखे तुम ने पैयले नी मान्यो थो, ते तुम सहता से सुनीलेस हइ.
2CO 11:5 मी तो समझुस हइ, कि मी कोय बात मे बडा से बडो “प्रेरितहोन” से कम नी हइ.
2CO 11:6 अगर मी बोलना मे अनाडि हइ, ते भी ज्ञान मे नी. क्युकी हमने येखे हर बात मे सब पर तुमखे दीखायो हइ.
2CO 11:7 का येमे मेने कुछ पाप कर्यो. कि मेने तुमखे परमेश्वर को सुसमाचार फुकट सुनायो. अरु अपना आप खे नीच्चे कर्यो , कि तुम उचो हुइ जानु?
2CO 11:8 मेने अरु मंडलीहोन खे लुट्यो मनजे मेने उनसे मजदूरी ली, ताकि तुमारी सेवा कर्यु.
2CO 11:9 अरु जब तुमारा साथ थो, अरु मेखे कमी हुइ, तो मेने कोय बजन नी डाल्यो , क्युकि भइहोन ने, मकिदुन्या से अय खे मरी कमी खे पूरी करी अरु मेने हर बात मे अपना आप खे तुम पर बजन बनन से रोक्यो, अरु आगे भी रोक्खा तो र्‍हियु.
2CO 11:10 अगर मसीह की सच्ची मरा मे हइ, ते अखाया देश मे कोय मखे यो घमण्ड से नी रोख्ये.
2CO 11:11 कोका लिये? का येकालिये कि मी तुम से प्रेम नी रखू? परमेश्वर यो जानस हइ.
2CO 11:12 पर जो मी करुस हइ, उ करतो र्‍हियु. कि जो बडो प्रेरीत दाव ढूढस हइ, उनखे मी दाव पान नी दियु , ताकि जो बात मे वे घमण्ड करस हइ, ओमे वे हमारा ही जसा ठैइर्ये.
2CO 11:13 क्युकि असा इन्सानहोन झूठा प्रेरित, अरु छल से काम करणआला , अरु मसीह का प्रेरितहोन को भेस धरनवाला हइ.
2CO 11:14 अरु यो कुछ अचम्भ की बात नी क्युकि सैतान आप भी तेजस्वी स्वर्गदूत को भेस धारण करस हइ.
2CO 11:15 येकालिये अगर ओका सेवक भी धर्मीकता का सेवकहोन जसा भेस लिये , ते कुछ बडि बात नी , पर उनको अन्त मे उनका कामहोन का अनुसार उनखे फल मील्हे.
2CO 11:16 मी फिर बोलुस हइ, कोय मेखे मूर्ख नी समझ्ये. नी ते मूर्ख ही समझी खे मरी सैइ ले, ताकि थोडो सो मी भी घमण्ड करी सक्यु.
2CO 11:17 यो बेधड़क बडइ मे जो कुछ मी बोलुस हइ उ प्रभु की आज्ञा का अनुसार विश्वास नी पर मान्नु मूर्खता से ही बोलुस हइ.
2CO 11:18 जब कि भोत इन्सान जगत का अनुसार घमण्ड करस हइ, ते मी भी घमण्ड कर्यु.
2CO 11:19 तुम तो येतना समझदार हुइखे खुशी से मूर्खहोन की सैइ लेस हइ.
2CO 11:20 क्युकि जब तुमखे कोय सेवक बनैइ लेस हइ या खैइ जास हइ या फसैइ लेस हइ या तुमखे नीचे देखस हइ, अरु तुमारा मुंडा पर थप्पड मारस हइ ते तुम सैइ लेस हइ.
2CO 11:21 असी बात करण का लिये, हम डपोक था यो मी शरमशे कबुल करुस हइ पन अगर कोइ हिम्मत करस हइ, मी मूर्खता से बोलुस हइ ते मी भी हिम्मत करुस हइ.
2CO 11:22 का वे ही इब्रानी हइ? मी भी हइ, का वे ही इस्त्राएलि हइ? मी भी हइ. का वे ही अब्राहम का वंश का हइ मी भी हइ.
2CO 11:23 का वे मसीह का सेवक हइ? मी पागल का जसो बोलुस हइ मी उनसे बडिखे हइ! जादा मेहनत करणा मे. बार-बार बन्दीगृह होना मे. कोडा खाना मे. बार-बार मरन को जोखिमहोन मे.
2CO 11:24 पाच बार मेने यहूदीहोन का हात से उनतालीस कोडा खाया.
2CO 11:25 तीन बार मेने बेंतहोन खाया. एक बार मरा पर पत्थराव कर्या गयो. तीन बार डोंगा जेका पर मी चड्यो थो, टूटी गयो. एक रात दिन मेने समुंदर मे काटी.
2CO 11:26 मी बार-बार जत्राहोन मे घुमायो अरु. नदिहोन का जोखिम मे. डाकुहोन का जोखिम मे. अपना जातआला का जोखिम मे. गैरयहूदीहोन का जोखिम मे. मी र्हीयो. उ तरह नगरहोन मे. जंगल का मे. समुंदर मे का अरु झूठा दोस्तहोन से आया मी खतरा मेसे मी गुजऱ्यो.
2CO 11:27 मेहनत अरु कष्ट मे. बार-बार जागते र्‍हेना मे. भूख-प्यास मे. बार-बार उपास करणा मे. थंड मे. बिना गरम कपडा को रियो.
2CO 11:28 अरु दुसरी बातहोन खे छोडी खे जेको वर्णन मी नी करु सब मंडलीहोन की चिन्ता हरदिन मेखे दबास हइ.
2CO 11:29 कोय को कमजोर से मी कमजोर नी हुयो? कोय का पाप मे गिरना से मखे दुख नी हुयो?
2CO 11:30 अगर घमण्ड करणो जरुरती हइ, ते मी अपनी कमजोरी की बातहोन पर घमण्ड कर्यु.
2CO 11:31 प्रभु यीशु को परमेश्वर अरु बाप जो हमेशा धन्य हइ, जानुस हइ, कि मी झूठ नी बोलु.
2CO 11:32 दमीश्क मे अरितास राजा का तरफ से जो राज्यपाल थो, ओने मेखे पकडान खे दमीश्किहोन का नगर पर परइरो बठाडिखे रख्यो थो.
2CO 11:33 अरु मी शहर टोपली मे बठी खे खिडकी से हूइखे दिवाल पर से उतरी गयो, अरु ओका हात से बची नीकल्यो.
2CO 12:1 अगर घमण्ड करणो ते मरा लिये ठीक नी, फिर भी करणु पडस हइ. पर मी प्रभु का दिया हुया दर्शनहोन अरु प्रकटीकरण की चर्चा कर्यु.
2CO 12:2 मी मसीह मे एक इन्सान खे जानुस हइ, चौदह साल हुयी कि नी जान्ये आंगसहित, नी जान्ये आंगरहित, परमेश्वर जानुस हइ, असो इन्सान तीसरा स्वर्ग तक उठैइ लियो गयो.
2CO 12:3 मी असा इन्सान खे जानुस हइ नी जान्ये आंगसहित, नी जान्ये आंगरहित परमेश्वर ही जानस हइ.
2CO 12:4 कि स्वर्गलोक पर उठैइ लियो गयो, अरु असी बातहोन सुनी जो बोलन की नी अरु जेको मुडा मे लानो इन्सान खे अच्छो नी.
2CO 12:5 असा इन्सान पर तो मी घमण्ड कर्यु, पर अपना पर अपनी कमजोरीहोन खे छोड, अपना बारे मे घमण्ड नी कर्यु.
2CO 12:6 क्युकि अगर मी घमण्ड करणो चाहु भी ते मूर्ख नी हूयु, क्युकि सच्ची बोल्यु. ते भी रुखी जास हइ, असो नी हो, कि जसो कोय मेखे देखस हइ, या मरासे सुनस हइ, मेखे ओकासे बडी, समझ्ये.
2CO 12:7 अरु येका लिये कि मी प्रकटीकरण की भोतायत से फूलीनी जाये मरा आंग मे एक काटो गडायो गयो मंनजे सैतान को एक दूत कि मेखे घुसो मार्यो ताकि मी फूल नी जायु.
2CO 12:8 येका बारे मे मेने प्रभु से तीन बार बिंनती करी, कि मरासे यो दूर हुइ जाये.
2CO 12:9 अरु ओने मरासे बोल्यो, “मरो अनुग्रह तरा लिये भोत हइ. क्युकि मरो सामर्थ्य कमजोरी मे सिद्ध होस हइ” येका लिये मी बडा खुशी से अपनी कमजोरहोन पर घमण्ड कर्यु, कि मसीह को सामर्थ्य मरा पर छाय करते र्‍हिये.
2CO 12:10 यो करण मी मसीह, लिये कमजोरहोन, अरु अपमानहोन मे, अरु दरिद्रता मे, अरु उपद्रव मे, अरु संकटहोन मे, प्रसन्‍न हइ. क्युकि जब मी कमजोर होस हइ, तभी बलवन्त होस हइ.
2CO 12:11 मी मूर्ख तो बन्यो, पर तुम ही ने मरासे यो मजबुर करायो तुमने तो मरी बडैइ करण होनु थो, क्युकि अगर मी कुछ भी का फिर भी वे बडा से बडा प्रेरितहोन से कोय बात मे कम नी हइ.
2CO 12:12 प्रेरित को लक्षण भी तुमारा बीच सब प्रकार का धीरज सहित चिन्हहोन, अरु अद्भुत काम होन का अरु सामर्थ्य काम होन से दिखाया गयो.
2CO 12:13 तुम कोन सी बात मे अरु मंडलीहोन से बुराइ कम था, फक्त येमे कि मेने तुम पर अपनो बजन नी रख्यो मरो यो अन्याय माफ करणु.
2CO 12:14 अब, मी तीसरी बार तुमारा पास आन खे तैयार हुयो अरु मी तुम पर कोय बजन नी रख्यु. क्युकि मी तुमारी सम्पत्ति नी, क्युकी तुम ही खे चाहुस हइ, क्युकि बच्चाहोन खे माय बाप का लिये धन बटोरनखे नी हुनु, पर माय बाप खे बच्चाहोन का लिये.
2CO 12:15 मी तुमारी आत्मा का लिये भोत मन से खर्च कर्यु, क्युकी खुद भी खर्च हुइ जायु, जेत्तो बडीके मी तुम से प्रेम रखुस हइ, ओत्तो ही घटी खे तुम मरासे प्रेम रख्ये?
2CO 12:16 असो हुइ सकस हइ, कि मेने तुम पर बोझ नी डाल्यो, पर दिमाख से तुमखे धोको दिखे फसैइ लियो.
2CO 12:17 भलो जिन का मेने तुमारा पास भेज्यो उनमे से कोय का उनमे से कोइ का वजेसे मेने छल करी खे तुम से कुछ ली लियो?
2CO 12:18 मेने तीतुस खे समझी खे ओका साथ उ भैइ खे भेज्यो, ते का तीतुस ने छल करीके तुम से कुछ लियो? का हम एक ही आत्मा को चाल नी चलनु? का एक ही चाल पर नी चलनु?
2CO 12:19 तुम अभी तक समजी र्‍हा हुये कि हम तुमारा सामने जवाब दि र्‍हा हइ हम तो परमेश्वर खे उपस्थित जानी मसीह मे बोलस हइ, अरु हे प्रियजन सब बातहोन तुमारी उन्नती ही का लिये बोलस हइ.
2CO 12:20 क्युकि मेखे डर हइ, कहीं असो नी हो, कि मी अय खे जसो चाहुस हइ, ओसो तुमखे नी पायु. अरु मेखे भी जसो तुम नी चाहस ओसो पानु कि तुम मे वाद विवाद, डाह, घुस्सा, विरोध, इर्ष्या, चुगली, अभिमान अरु बखेडो हुये.
2CO 12:21 अरु कहीं असो नी हो कि जब मी वापस आयु, मरो परमेश्वर मेखे अपमान कर्ये अरु मेखे भोतजन का लिये फिर शोक करणु पड्ये जेने पैयले पाप कर्यो थो अरु उ गंदा काम अरु व्यभिचार, अरु लुचापन से, जो उनने कर्यो, मन नी फिरायो.
2CO 13:1 अब तीसरी बार तुमारा पास आस हइ दो या तीन गवा का मुडा से “हर एक बात ठैराये जाये.”
2CO 13:2 जसो मी जब दूसरी बार तुमारा साथ थो, ओसो ही अब दूर र्‍हेता हुये उन इन्सानहोन से जिन्हे पैयले पाप कर्यो, अरु दुसरा सब इन्सानहोन से अब पैयले से बोली देउस हइ, कि अगर मी फिर आयु, ते नी छोड्यु.
2CO 13:3 तुम तो येको प्रमाण चाहस हइ, कि मसीह मरा मे बोलस हइ,उ खे मील्हे ,तुम जो तुम्हारा लिये नीर्बल नी. पन तुमे मे सामर्थी हइ.
2CO 13:4 उ कमजोर होन करण क्रुस पर चडायो तो गयो, फिर भी परमेश्‍वर, सामर्थ्य से जिन्दो हइ, हम भी तो ओमे कमजोर हइ. पर परमेश्‍वर का सामर्थ्य से जो तुमारा लिये हइ, ओका साथ जीये.
2CO 13:5 अपना खुद खे पर, कि विश्वास मे हइ कि नी. अपना खुद खे समज्हे खे तुम अपना बारे मे यो नी जाने खे कि यीशु मसीह तुम मे हइ? नी ते तुम नीकम्मा नीकल्या हइ.
2CO 13:6 पर मरी आस हइ, कि तुम जानी लियेका कि हम नीकम्मा नी.
2CO 13:7 अरु हम अपना परमेश्वर से प्रार्थना करस हइ, कि तुम कोय बुराइ नी करणु. येका लिये नी, कि हम खरा देख पड्ये का पर येका लिये कि तुम भलाइ करणु, चाह्ये हम नीकम्मा ही ठैइऱ्यो.
2CO 13:8 क्युकि हम सच्ची का विरोध मे कुछ नी करी सक्ये, पर सच्ची का लिये ही करी सकस हइ.
2CO 13:9 जब हम कमजोर हइ, अरु तुम ताकतवर हइ, ते हम खुशी होस हइ, अरु या प्रार्थना भी करस हइ, कि तुम सिद्ध हुइ जाये.
2CO 13:10 यो करण मी तुमारा पीच्छा पीछे या बातहोन लिखुस हइ, कि हजर हुइके मेखे उ अधिकार का जसो जेखे प्रभु ने बीगाडन का लिये नी पर बनान का लिये मेखे दियो हइ, कडक से कुछ करणु नी पड्ये.
2CO 13:11 आखरी, हे भैइहोन अरु भैइनहोन, खुश र्‍हेनु. सिद्ध बनते जानु. धिरज रखनु. एक ही मन रखनु. मेल मिलाप से र्‍हेनु, अरु प्रेम अरु शांती को दातो परमेश्वर तुमारा साथ हुये.
2CO 13:12 एक दूसरा खे पवित्र चुम्मा से नमस्कार करणु.
2CO 13:13 प्रभु यीशु मसीह सब पवित्र इन्सान तुम के नमस्कार बोलस हइ.
2CO 13:14 प्रभु यीशु मसीह को अनुग्रह अरु परमेश्वर को प्रेम अरु पवित्र आत्मा की सहभागिता तुम सब का साथ होती र्‍हिये.
GAL 1:1 मेखे पौलुस कि प्रेरित अरु से जो नी इन्सान का तरप से अरु नी कोय इन्सान का वजेसे जब यीशु मसीह अरु परमेश्वर बाप का वजेसे का जेने ओखे मुर्दा मे से जिन्दो कर्‍यो प्रेरित हइ
GAL 1:2 अरु सब भैइ का तरप से जो मरा साथ हइ, गलातिया का मंडलीहोन का नाम:
GAL 1:3 हमारो परमेश्वर बाप अरु हमारो प्रभु यीशु मसीह का तरप से तोखे अनुग्रह अरु शांती मीलती ऱ्हेस.
GAL 1:4 ओ ने अपना आप खे हमारा पाप का लिये दी दीयो, ताकि हमारो परमेश्वर अरु बाप की इच्छा का अनुसार हम उ वर्तमान बुरो संसार से हमारो उध्दार कर्हे.
GAL 1:5 परमेश्वर की महिमा हमेशा का लिये आमीन.
GAL 1:6 मेखे आश्चर्य होस हइ, की जेने तोखे मसीह का अनुग्रह से बुलायो ओकासे तु एतनो जल्दी फिर कर दुसरा प्रकार को सुसमाचार का तरप भटकी गयो.
GAL 1:7 पन व्हा दुसरो सुसमाचार हइ हि नी पर बात यो हइ की कतनो असो हइ जो तोखे भ्रम मे डाली देस हइ, अरु मसीह का सुसमाचार खे बिगाडनो चास हइ
GAL 1:8 अगर हम, यो स्वर्ग से कोय दूत भी उ सुसमाचार खे छोड जो हम ने तुम खे सुनायो हइ, कोय अरु सुसमाचार तोखे सुनास ते श्रापित होस.
GAL 1:9 जसो हम पैयले बोली दियो हइ, वोसो हि मी आब फिर बोलुस हइ कि उ सुसमाचार खे छोड्यो जो तो ने ग्रहन कऱ्यो हइ अगर कोय अरु सुसमाचार सुनस हइ ते शापित होस.
GAL 1:10 का येकासे तोखे असो लगस हइ कि मी इन्सानहोन खे समर्थन चुस हइ यो नी की मेखे परमेश्वर को समर्थन मीले अथवा? का मी इन्सानहोन खे प्रसन्न करण खे कोशिश करी रोस हइ? अगर मी इन्सानहोन खे प्रसन्न करस हइ ते मसीह को सेवक नी बनी पातो थो.
GAL 1:11 हे भैइ अरु बहिन, मी तोखे बतउस की जो सुसमाचार मे ने सुनायो हइ, यो इन्सान को नी.
GAL 1:12 क्युकी उ मेखे इन्सान का तरप से नी पैचाने, अरु नी मेखे सिखायो गयो, पर खुद यीशु मसीह मेखे प्रगट कऱ्यो.
GAL 1:13 यहूदी मत मे जो पैयले मरी चाल-चलन थी ओका बारे तु सुनी चुक्यो हुये की मी परमेश्वर की मंडली खे भोत ही सतास, अरु खतम करणो चउस.
GAL 1:14 मी अपना यहूदी धर्म को पालन मे अपना युग का समकाली यहूदीहोन से आगे थो क्युकी हमारा बापदादाहोन से जो रितीरिवाज होन मेखे मीली थी ओमे मरो उत्साही आस हइ.
GAL 1:15 पन परमेश्वर ने ओका अनुग्रह ही से मरी मी माय का पेट से चुनी लियो ,अरु बुलायो ताकी मी ओकी सेवा करी सकु,
GAL 1:16 जब ओने सोच्यो की मरा मे अपना बेटा खे प्रगट करी खे , मी गैरयहूदीहोन मे ओको सुसमाचार सुनायु, ते मे ने कोय इन्सानहोन का आंग से सलाह ली,
GAL 1:17 अरु नी यरुशलेम खे ओका पास गयो जो मरा से पैयले प्रेरित थो, पर झल्दी अरब खे चली गयो अरु फिर व्हा से दमीश्क खे वापस आयो
GAL 1:18 फिर तीन साल का बाद मे कैफा पतरस से भेट करणा का लिये यरुशलेम गयो, अरु ओका पास पंद्रा दिन तक ऱ्हीयो
GAL 1:19 पन प्रभु को भैइ याकूब खे छोडी अरु प्रेरितहोन मे से कोय से नी मील्यो.
GAL 1:20 जो बात मी तोखे लिखुस हइ, देख परमेश्वर खे उपस्थित जानीखे बोलस हइ कि वे झुठ नी.
GAL 1:21 येका बाद मी सीरिया अरु किलिकिया का देश मे आयो.
GAL 1:22 पर यहूदीया की मंडलीहोन ने जो मसीह मे थो, मेखे व्यक्तिगत रुप से कभी नी देखतो थो.
GAL 1:23 पर तुमरा बारे यो यतनो सुन्यो थो, कि जो हमखे पैयले सतातो थो, व्हा अब उ विश्वास को सुसमाचार सुनास हइ जेखे पैयले खतम करतो थो.
GAL 1:24 अरु उनने मरा कारण परमेश्वर की महिमा करी थी.
GAL 2:1 चौदा साल का बाद मे बरनबास का साथ फिर यरुशलेम खे गयो, अरु तीतुस खे भी साथ ली गयो.
GAL 2:2 मी यो गयो, अरु मे ने गैरयहूदीहोन का बीच मे जो सुसमाचार को प्रचार करस हइ ओका सुसमाचार खे मे ने एक नीजी सभा क बीच मंडली का मुखीया खे सुनायो मी येका लिये गयो थो कि परमेश्वर ने मेखे दर्शयो थो कि मेखे यो जानो चास ताकि जो काम मे ने दुसरा दिन कऱ्यो थो जो मी अभी भी करी रोस हइ बेकार नी जाये.
GAL 2:3 पन तीतुस खे भी जो मरा सहयोगी हइ अरु जो यूनानी हइ, खतनो करणा का लिये विकुल नी कऱ्यो गयो.
GAL 2:4 यो उ झुठो भैइ का कारण हुयो जो चोरी से घुसी आयो थो की उ स्वतंत्रता को जो मसीह यीशु मे हम खे मील्यो हइ, भेद लिखे हम खे दास बनाये.
GAL 2:5 एक घडी भर का लिये भी हम ने उनको अधीन होनु स्वीकार नी कऱ्यो, येका लिये सुसमाचार की सच्चीचाइ तुम मे बनी ऱ्हेस.
GAL 2:6 फिर जो दुन्या महत्व पुर्ण लगस हइ यो चाये जो भी हुये, मेके येका से कुछ काम नी पडस परमेश्वर कोय को बाहरी रुप देख कोय न्याय नी करस ओकासे जो अपना पान को महत्व पुर्ण दुन्या था का मे खे ओमे कुछ भी फायदो नी हुयो.
GAL 2:7 पन येका विपरीत ओने देख्यो की जसो खतना कऱ्यो हुया दुन्या का लिये सुसमाचार को काम पतरस खे सोपी गयो, वसो ही गैरयहूदिहोन का लिये मे सुसमाचार सुनानो सोपी गयो.
GAL 2:8 क्युकी जेने पतरस से खतना कऱ्यो हुयो मे प्रेरिताइ कार्य बडो प्रभाव शाहीत करवायो, ओ ने मरा से भी गैरयहूदीहोन मे शक्तीशाली कर्य कऱ्यो
GAL 2:9 अरु जब ओने उ अनुग्रह खे जो मेखे मील्यो थो जानी लियो, ते याकूब, अरु कैफा, अरु यहून्ना ने जो मंडली का खम्भा समझी जाता था, मेखे अरु बरनबास का संगती को डाखोऱ्यो हात दियो की हम गैरयहूदीहोन का पास जास अरु वे खतना कऱ्यो हुया दुन्याहोन का पास;
GAL 2:10 फक्त यो बोलो की हम गरीबहोन कि याद ली, अरु यो काम खे कारन को मी खुद भी यत्न करी रो हइ.
GAL 2:11 पर जब कैफा पतरस अन्ताकिया मे आयो ते मे ने ओका मुडा पर ओको सामनो कऱ्यो, क्युकी उ दोषी थो.
GAL 2:12 येका लिये की याकूब का वजेसे भेज्यो हुयो कुछ दुन्या ह्या आना से पैयले पतरस गैरयहूदिहोन विश्वासीहोन से दुर हुयो अरु उनका साथ खायो पियो करतो थो, पन जब वे दुन्या पोच्यो ते पतरस गैरयहूदिहोन विश्वासीहोन से दुर हुयो अरु उनका साथ खानो पिनो बन्द करी दियो यो ओने वे दुन्याहोन का डर से असो कऱ्यो जो चातो थो कि गैरयहूदीयाहोन को भी खतनो होनो चातो थो.
GAL 2:13 दुसरा यहूदीया दुन्या ने भी येका बताना मे भी पतरस खे साथ दियो ह्या तक भी यो पाखंड कारण बरनबास भी भटकी गयो.
GAL 2:14 पर जब मे ने देख्यो कि वे सुसमाचार की सच्चाइ पर सीधी चाल नी चली, ते मे ने सब का सामने कैफा से बोल्यो, “जब तू यहूदी हुइ खे गैरयहूदीहोन का जसो चलस हइ अरु यहूदीयाहोन का जसो नी ते तु गैरयहूदीयाहोन खे यहूदीयाहोन का जसो चलन खे क्यु बोलस हइ?”
GAL 2:15 हम तो जन्म से यहूदीया हइ, अरु पाप गैरयहूदीहोन मे से नी.
GAL 2:16 तेभी यो जानीखे की इन्सान व्यवस्थाकाम से नी, पर फक्त यीशु मसीह पर विश्वास करणा का वजेसे धर्मी ठहरानो हइ, हम ने खुद भी मसीह यीशु पर विश्वास कऱ्यो की हम व्यवस्था काम से नी पर मसीह पर विश्वास करणा से धर्मी रुख्यो. येका लिये कि व्यवस्था का काम से कोय जनवर धर्मी नी ठैरायो.
GAL 2:17 हम जो मसीह मे धर्मी ठहरनो चास हइ, अगर तु हि गैरयहूदीया जसो पापी निकल्यो ते का मसीह पाप को सेवक हइ? कभी नी!
GAL 2:18 क्युकी जो कुछ मे ने गिरय दियो अगर ओखे फिर बनास हुयो, ते अपना आप खे अपराधी ठहरास हइ.
GAL 2:19 क्युकी व्यवस्था का वजेसे मी मरी चुक्यो थो ताकी परमेश्वर का लिये जीयु मी मसीह का साथ क्रुस पर चेडी गयो हइ.
GAL 2:20 अब मी मसीह मे जिन्दो नी ऱ्हे, पर काम मसीह मरा मे जिन्दो हइ, अरु मी आंग मे अब जो जिन्दो हुयो ते फक्त उ विश्वास से जिन्दो हुयो जो परमेश्वर का बेटा पर हइ, जेने मरा से प्रेम कऱ्यो अरु मरा लिये अपना आप खे दि दीयो.
GAL 2:21 मी परमेश्वर को अनुग्रह नी ठुकरुस. पन अगर कोय व्यवस्था का वजेसे न्यायी ठैरायो जास ते ये को अर्थ यो हइ की मसीह को मरनो व्यर्थ होस.
GAL 3:1 हे नीर्बुध्दि गलातिहोन, कोने तोखे मोह लियो हइ? तुमारो ते माने आख का सामने यीशु मसीह क्रुस पर साफ रीति से दिखाय गयो!
GAL 3:2 मी तुम से फक्त यो जाननो चास हुये कि तुमने परमेश्वर कि आत्मा खे का व्यवस्था को पालन करणा से, या सुसमाचार सुनना से अरु विश्वास करणा से मील्यो?
GAL 3:3 येतनो भी दुन्या मुर्ख तू कसो हुये सकस हइ! की परमेश्वर कि आत्मा का वजेसे सुरवात करीखे अरु अपना आंग की शक्ति का वजेसे येखे पुरो करणो चास हइ?
GAL 3:4 का तुम ने येको दुख व्यर्थ हि उठायो? नीश्चित रुप से येको मतलब कुछ थो.
GAL 3:5 जो परमेश्वर तुमखे आत्मा प्रदान करस हइ, यो येकालिये करस हइ कि तुम व्यवस्था का नीयमहोन खे पालस हइ यो येकालिये कि तुमखे सुसमाचार खे सुनास अरु ओका पर विश्वास को काम करस?
GAL 3:6 जसो अब्राहम का अनुभव का बारे मे न्याय मे लिख्यो हइ, “ओने ते परमेश्वर पर विश्वास कऱ्यो अरु ओका विश्वास का कारण परमेश्वर ने ओखे न्याय गिन्यो गयो.”
GAL 3:7 आखरी यो जान ले कि जो विश्वास करणवाला हइ, वे हि अब्राहम कि बच्चा हइ.
GAL 3:8 अरु पवित्रशास्त्र ने पैयले से यो बतय दियो कि परमेश्वर गैरयहूदीहोन खे विश्वास से न्याय रुख्यो. पैयले से धर्मी मे अब्राहम खे यो सुसमाचार कि घोषना करी दि की “तरा वजेसे सब दुन्याहोन खे आशिष मीले.”
GAL 3:9 अब्राहम ने विश्वास रख्यो, अरु आशीषित हुया ओका तरप से जो विश्वास रखस हइ वे आशीष पास हइ.
GAL 3:10 येकालिये जतना दुन्या व्यवस्था को पालन करस हूये जितस हइ, वे सब श्राप का अधीन हइ, क्युकी जो शास्त्र मे लिख्यो हइ, “व्यवस्था को पालन नी सब बात को पालन करणा मे यो परमेश्वर का श्राप का अधीन हइ.”
GAL 3:11 पर या बात सफा हइ कि व्यवस्था का वजेसे प्रभु को यो कोय भी न्याय नी रखस, क्युकी शास्त्र बोलस हइ न्याय जन विश्वास से जिन्दो ऱ्हेस.
GAL 3:12 पर जो कोय व्यवस्था को विश्वास से कोय भी सम्बन्ध नी. क्युकी शास्त्र मे लिख्यो हइ “जो उनको करस, उ ओका कारण जिन्दो ऱ्हेस.”
GAL 3:13 पर मसीह हमारा लिये श्रापित बन्यो, ताकी हमखे व्यवस्था का श्राप छुडाये करी सखे, क्युकी शास्त्र मे लिख्यो हइ, “जो कोय भी झाड पर लटकायो जास हइ व्हा परमेश्वर का श्राप का अधीन हइ.”
GAL 3:14 यो येकालिये हुयो कि अब्राहम को आशीर्वाद मसीह यीशु मे गैरयहूदीहोन तक पोच्यो, अरु हम विश्वास का वजेसे वा आत्मा खे मीलह्ये जेकी प्रतीज्ञा परमेश्वर ने करी हइ.
GAL 3:15 हे भैइ अरु बयहोन, मी एक इन्सान दैनिक जिवन से एक उदाहरण देन जय रोस हइ. जसो कोय दो इन्सान का वजेसे कोय करार करी दियो जाना पर नी ते ओखे रद्द करी दियो सकस हइ अरु नी ओमे से कुछ जय सकस हइ अरु नी बढायो जय सकस हइ.
GAL 3:16 आखरी परमेश्वर ने अब्राहम का अरु ओका वंश खे जो प्रतीज्ञा दी हइ ओका बारे मे शास्त्र यो नी बोलस “तरा वंश खे,” अगर भोत सा दुन्या, पन एक वचन जसो “तरा वंश खे” अगर तरो एक इन्सान मसीह हइ
GAL 3:17 पन मरो बोलनो यो हइ जो प्रतीज्ञा परमेश्वर ने अब्राहम का सात करी थी अरु वचन पैयले से मरो टेम नीश्चिय करी दियो ओका चार सौ तीस साल बाद मे आनवाली व्यवस्था नी बदली सकस.
GAL 3:18 क्युकी अगर मी परमेश्वर को दान व्यवस्था पर आधारीत हइ ते उ प्रतीज्ञा का आधारीत नी हुइ सकस पन परमेश्वर ने यो अब्राहम का प्रतीज्ञा का आधार पर दी हइ.
GAL 3:19 तब फिर व्यवस्था को उद्देश का हइ? आज्ञा को उलधंन को अपराध का कारण व्यवस्था खे वचन से जोडि दियो गयो थो ताकी जेका लिये वचन दियो गयो थो अब्राहम का वंश का आना तक उ ऱ्हीयो व्यवस्था एक मध्यस्थ को रुप मूसाकी सहायता से एक स्वर्गदूत का वजेसे दी गइ थी.
GAL 3:20 मध्यस्थ तो एक को नी होस, पन परमेश्वर एक ही हइ
GAL 3:21 ते का व्यवस्था परमेश्वर की प्रतीज्ञा होन का खिलाप मे हइ? अगर नी! क्युकी अगर असी व्यवस्था दी जास जो जिवन दी सकस, ते सच मुच न्यायपन व्यवस्था का पालन का वजेसे मीलस हइ.
GAL 3:22 पन पवित्रशास्त्र ने सब खे पाप का आधीन करी दियो, ताकि उ प्रतीज्ञा जेको आधार यीशु मसीह पर विश्वास करणो हइ विश्वास करण का लिये पूरी हुइ जाये.
GAL 3:23 पर विश्वास का आना से पैयले व्यवस्था खे बन्दकरी हमारी रखवाली होती थी, अरु उ विश्वास का आना तक जो प्रगट होनआला थो, हम ओ का बन्धन मे ऱ्हेस.
GAL 3:24 हम खे मसीह तक पोचान का लिये व्यवस्था को रस्तादर्शन रोख्यो की हम विश्वास से धर्मी रुख्या.
GAL 3:25 अरु जब विश्वास अय गयो, ते हम अब विश्वास का अधीन नी ऱ्हेस.
GAL 3:26 क्युकी तु सब उ विश्वास का वजेसे जो मसीह यीशु एक होना का कारण, परमेश्वर को बेटो हुये.
GAL 3:27 अरु तुम मे से जेतना ने मसीह मे एक होन का लिये बपतिस्मा लियो हइ वे सब मसीह मे एक हुये गया.
GAL 3:28 अब नी कोय यहूदी ऱ्हीयो अरु नी यूनानी, नी कोय सेवक नी स्वतंत्रता, नी कोय बायको नी इन्सान, क्युकी तुम सब मसीह यीशु मे जुडि जान का कारण एक हुइ जा.
GAL 3:29 अरु अगर तु मसीह को हुये ते अब्राहम को वंश अरु प्रतीज्ञा को अनुसार वारिस भी हुये.
GAL 4:1 मी यो बोलस हुये कि वारिस जब तक बच्चो हइ, अगर सब सामनहोन को स्वामी हइ तेभी ओमे अरु गुलाम मे कोय भेद नी.
GAL 4:2 पन बाप को रख्यो हुयो टेम तक संरक्षकहोन अरु प्रबन्धकहोन का बस मे ऱ्हेस हइ.
GAL 4:3 असो ही हम भी, जब बच्चा था, ते जगत का आदी मास्तर का बस मे हुइखे दास बन्या हुया था.
GAL 4:4 पन जब टेम पुरो हुयो, ते परमेश्वर ने अपनो बेटा खे भेज्यो जो बय से जन्म्यो, अरु व्यवस्था का अधीन पइदा हुयो,
GAL 4:5 ताकि सहम जो व्यवस्था का अधीन हइ उनखे छुडाये जेका से हम परमेश्वर का बालबच्चा बनी सकस.
GAL 4:6 अरु तुम जो बेटो हुये, येका लिये परमेश्वर ने अपना बेटा का आत्मा खे, जो “हे अब्बा, हे बाप” बोलीखे फुकारस हइ, हमारा दिलहोन मे भेज्यो हइ.
GAL 4:7 येका लिये तु अब गुलाम नी, पन बेटो हइ. अरु जब बेटो हुयो, ते परमेश्वर का वजेसे वारिस भी हुयो.
GAL 4:8 पैयले ते तुम परमेश्वर खे नी जानीके ओको सेवक थो जो स्वभाव से परमेश्वर नी,
GAL 4:9 पर अब जो तुम ने परमेश्वर खे पहचान लियो जब परमेश्वर ने तुम खे पहचान्यो, ते उ नीर्बल अरु नीक्कमो आदी-मास्तर कि बात का तरप फिरस हुये, जेखे तुम डबल से सेवक होनु चास हइ?
GAL 4:10 तुम दिन अरु महिनाहोन अरु मोसमहोन अरु साल के मानस हइ.
GAL 4:11 मी तुमारा बारे मे डरुस हइ कही असो नी हुये कि जो मैहनत मेने तुमारा लिये करी हइ वो व्यर्थ रख्यो.
GAL 4:12 हे भैइहोन, मी तुम से प्रार्थना करस हुये, तुम मरा जसो हुये जाये, क्युकी मी भी तुमारो जसो हुये गयो हुये. तुम ने मरो कुछ बिगाड्यो नी.
GAL 4:13 पर तुम जानस हुये कि पयलो-पहर मे ने आंग कि नीर्बलता का करण तोने सुसमाचार सुनायो.
GAL 4:14 अरु तुम ने मरो आंग होन का दशा खे जो तुमारी पेपर का करण थो, तुच्छ नी जान्यो. नी ओकासे घुस्साकरी. अरु परमेश्वर का दूत जब स्वयं यीशु मसीह का समान मेखे ग्रहन कऱ्यो.
GAL 4:15 ते उ तुमारो आनन्द मनानो बोली गयो? मी तुमारो गवइ हुये कि अगर हुये सकस ते तुम अपनी आख भी नीकाली मेके दी देता.
GAL 4:16 ते का तुम से सच्ची बोलन का कारण मी तुमारो दुशमन बनी गयो हुये?
GAL 4:17 वे तुमखे दोस बनानो तो चास हइ, पर अच्छो उद्देश से नी. जब तोके मरा से अलग करणो चास हइ कि तुम उनखे दोस बनय ले.
GAL 4:18 पर यो भी अच्छो हइ कि भली बात मे हर टेम दोस्त बनना को प्रयास कऱ्र्यो जाये, नी फक्त उ टेम कि जब मी तुम्हारा सात ऱ्हेस हइ.
GAL 4:19 हे मरा बच्चा, जब तक तुम मे मसीह को रुप नी बनी जाये तब तक मी तुमारा लिये फिर जच्चो कि सी दुख सहयो हुये.
GAL 4:20 इच्छा तो या होस हइ कि अब तुमारा पास येका अरु हि प्रकार से बोलु क्युकी तुमारा बारे मे उलझन मे हइ.
GAL 4:21 तुम जो व्यवस्था को अधीन होनु चास हुये, मेखे बता का तुम व्यवस्था कि नी सुनस?
GAL 4:22 यो लिख्यो हइ कि अब्राहम का दो बेटा हुये, एक दासी से अरु एक स्वतंत्रता बय से.
GAL 4:23 पन जो दासी से हुयो, उ आंग होन कि रीति से जन्यो. अरु जो स्वतंत्रता बय से हुयो, उ प्रतीज्ञा का जसो जन्यो.
GAL 4:24 या बातहोन मे दृष्‍टान्‍त हइ, ये बय मान्यो दो वाचा हइ, एक ते सीनै टेकडी की जेका से गुलाम ही पइदा होस हइ. अरु उ हाजिरा हइ.
GAL 4:25 अरु हाजिरा मान्यो अरब को सीनै टेकडी हइ, अरु आधुनीक यरुशलेम ओको तुलना हइ, जो अपना बेटाहोन का सात मे गुलामी मे हइ.
GAL 4:26 पर उपर की येरुशलेम स्वतंत्रता हइ, अरु वो हमारी माय हइ.
GAL 4:27 क्युकी शास्त्र मे लिख्यो हइ, “हे बाझ, तु जो नी पइदा करस ते आनन्द कर. तु जेको दुख नी उठाये, गंलो खोली, जय जयकार कर. क्युकी छोड्या हुया को बेटो सुहाग कि बेटा से भी अधीन हइ.”
GAL 4:28 हे भैइहोन अरु भैइनहोन, हम इसहाक का जसो प्रतीज्ञा को बेटो हइ.
GAL 4:29 अरु जसो उ टेम आंग का जसो जन्या हुया आत्मा का जसो जन्यो हुये खे सतातो थो, असो ही अब भी होस हइ.
GAL 4:30 पन पवित्रशास्त्र का बोलस हइ “दासी अरु ओका बेटा खे नीकली दे, क्युकी दासी को बेटो स्वतंत्रता बय का बेटा का साथ वारिस नी हुये.”
GAL 4:31 येका लिये हे भैइहोन, हम दासी को नी पन स्वतंत्रता बय को बेटो हइ.
GAL 5:1 मसीह ने स्वतंत्रता का लिये हमखे हइ आखरी येमे स्थिर ऱ्हे,अरु दासत्व का जुवाडा मे फिर से नी जोता.
GAL 5:2 देख, पौलुस तुम से बोलस हइ की अगर खतना कऱ्यो करी खे तुम फिर से व्यवस्था का तरप वापस जास हुये ते तुमारा लिये मसीह से तुम खे कुछ लाभ नी हुये.
GAL 5:3 फिर भी मी हर एक खतना करणवालो खे समझय दिरोस हइ की ओका सब व्यवस्था मानु पडे.
GAL 5:4 तुम जो व्यवस्था का वजेसे धर्मी ठहरनो हइ, मसीह से अलग अरु अनुग्रह से वचित कऱ्या गया हुये.
GAL 5:5 क्युकी आत्मा का कारण हम विश्वास से आस करी हुये न्यायीपन को रस्ता देखस हइ.
GAL 5:6 मसीह यीशु मे एक होस हइ जब नी खतना अरु नी खतनारहित ऱ्हेस कुछ काम को हइ, पन फक्त विश्वास जो प्रेम का वजेसे प्रभाव डालस हइ.
GAL 5:7 तुम तो भोत अच्छा से दौड रा था. अब कोने तोखे रोकी दियो की सच्ची खे नी मान्यो.
GAL 5:8 असो सीख्यो तुमारो बुलानवाला परमेश्वर का तरप से नी.
GAL 5:9 थोडो सो खमीर सब ओसनीआले आटो खे खमीर बयन डारस.
GAL 5:10 प्रभु पर तुमारा विषय मे भरोसो रखस हइ की तुमारो कोय दुसरो विषय नी हुये. पन जो तोखे घबऱ्ये देस हइ, व्हा कोय भी ही हुये खे दण्ड पाए.
GAL 5:11 पन हे भैइ अरु भैइनहोण, अगर मी आज तक भी जसो की कुछ दुन्या समझस हइ की खतना करण को महत्व को प्रचार करस हइ, ते मेखे अब तक सतायो जास हइ तब भी मसीह खे क्रुस को प्रचार करण पइदा हुयो मरा सभी बाधाहोन खतम होनु चास.
GAL 5:12 अच्छो होस की जो तोखे दुखी करस हइ, वे सब रस्ता पर जाये अपनो आंग हि खे काटि डालस.
GAL 5:13 हे भैइ, तुम स्वतंत्रता होन का लिये बुलाया गया हइ. पन असो अपना आप खे स्वतंत्रता आंग का काम का लिये अवसर बन्यो, जब प्रेम से एक दुसरो को सेवक बन्यो.
GAL 5:14 क्युकी सब व्यवस्था ये एक ही बात मे पुरी हुइ जाए हइ, “तु अपना पडोसी से अपना जसो प्रेम रखस.”
GAL 5:15 पन अगर तुम एक दुसरा खे दुख अरु चोट पोचास हइ तुम आपस मे एक दुसरा खे पुरी रीति से खतम करस हइ.
GAL 5:16 पर मी बोलुस हइ, आत्मा का जसो चल ते तुम आंग कि लालसा कोय रीति से पुरी नी कऱ्यु.
GAL 5:17 क्युकी आंग आत्मा का विरोध मे अरु मन आग का विरोध मे लालसा करस हइ, अरु ये एक दुसरा का विरोधी हइ, येका लिये की जो तुम करणो चास हुये उ नी करण पाए.
GAL 5:18 अरु अगर तुम आत्मा चाल चलस हइ ते व्यवस्था का आधीन नी र्‍हेनु.
GAL 5:19 आंग का काम व्यभिचार, अपवित्रता, अरु भोग-विलास को काम लुचपन,
GAL 5:20 मूर्तिपुजा, जादुटोनो, शत्रुता, लडनो वाद विवाद, इर्ष्या, घुस्सा, स्वार्थी पन,
GAL 5:21 डाह, मतवालो, लिलाक्रीडा अरु येका जसा अरु-अरु काम हइ, येका विषय मे मी तुम से पैयले से बोली दिउस हुये जसो पैयले बोल्यो भी चुक्यो हुये, की असो असो काम करणवाला परमेश्वर का राज्य को वारिस नी हुये.
GAL 5:22 पर आत्मा को फल प्रेम, आनन्द, शांती, धीरज, कृपा, अच्छो, विश्वास,
GAL 5:23 नम्रता, अरु संयम हइ. असा काम का विरोध मे कोय भी व्यवस्था नी.
GAL 5:24 अरु जो मसीह यीशु को हइ, ओने आंग का ओकि लालसाहोन अरु अभिलाषाहोन समेत क्रुस पर चडय दीयो हइ.
GAL 5:25 अगर हम आत्मा का वजेसे जिन्दो हइ, ते मन का जसो चले भी.
GAL 5:26 हम अभिमानी नी एक दुसरा पर नी चिडचिडानो या एक दुसरा की प्रती नी इर्षा रख.
GAL 6:1 हे भैइ अरु भैइनहोन, अगर कोय इन्सान कोय भी अपराध मे पकड्यो भी जाये ते तुम जो आत्मीक हुये नम्रता का साथ असा का संभाल्यो की अरु अपनी भी चौकसी रख की तुम भी सैतान परिक्षा मे नी पड्यो.
GAL 6:2 तुम एक दुसरा को भार उठायो, अरु यो प्रकार मसीह की व्यवस्था खे पुरी कर.
GAL 6:3 क्युकी अगर कोय भी कुछ नी होना पर भी अपनो आप खे कुछ समझस हइ, ते अपना आप खे धोको देस हइ.
GAL 6:4 पर हर एक अपना ही काम खे जाची ले, अरु तब दुसरा का बारे मे नी पन अपना ही बारे मे समज्हे ओका घमण्ड करण को अवसर हुये.
GAL 6:5 क्युकी हर एक व्यक्ति अपनो हि बोजो उठाये.
GAL 6:6 जो वचन की शिक्षा पास हइ, व्हा सब अच्छो सामनहोन मे सिखानवाला खे हिस्सो दे.
GAL 6:7 अपना आप खे धोको मत दे परमेश्वर खे मुर्ख नी बनय सकस, तुम यो काटस जो तुम ने ही बोयो हइ.
GAL 6:8 क्युकी जो अपना आग का लिये बोस हइ व्हा आग का वजेसे खतम कि कटिन काटे. अरु जो मन का लिये बोस हइ, व्हा आत्मा का वजेसे आखरी जिवन कि कठनी काटस.
GAL 6:9 हम अच्छो काम करणा मे साहस नी छोडे, क्युकी अगर हम हार नी मान्या ते ठिक टेम पर कटिन काटस.
GAL 6:10 येका लिये जहा तक अवसर मील्यो हम सब खे अच्छो कर, विशेष करीखे विश्वासी कुटुब का भैइ भैइन का साथ.
GAL 6:11 देख, मे ने कसो बडा बडा अक्षरहोन मे तुम खे अपना हात से लिख्यो हइ.
GAL 6:12 जो दुन्या भारी बात को अभिमान करस हइ अरु बडोपन करस हइ वे ही तुमारो खतना करणा का लिये दबय डालस हइ, फक्त येका लिये की वे मसीह का क्रुस का कारन सताया नी जाए.
GAL 6:13 क्युकी खतना करणवाला स्वयं ते व्यवस्था पर नी चलस, पर तुमारो खतना येका लिये करणो चास हइ की तुमारो आंग होन दशा पर घमण्ड कर.
GAL 6:14 पर असो नी हुये कि मी हर कोय बात को घमण्ड करु, फक्त हमारो प्रभु यीशु मसीह का क्रुस को जेका वजेसे जगत मरी नजर मे अरु मी जगत कि नजर मे क्रुस पर चडायो गयो हुये.
GAL 6:15 क्युकी नी ते खतना को कोय महत्व हइ अरु नी खतनारहित को अगर महत्व हइ ते उ नइ सृष्टी को हइ.
GAL 6:16 जतनो ये नियम पर चलास उनका पर अरु परमेश्वर का दुन्याहोन पर शांती अरु दया होस ऱ्हेस.
GAL 6:17 चिठ्ठी खे खतम करस हइ मी तुम से प्रार्थना करुस हइ कि अब मेखे कोय अरु दुख मत दे क्युकी अपना आंग मे पैयले से ही सीच घाव सहीनो हइ उ बतास हइ की मी यीशु को गुलाम हइ.
GAL 6:18 हे भैइ अरु भैइनहोन, हमारो प्रभु यीशु मसीह को अनुग्रह तुमारो आत्मा का साथ ऱ्हेस. आमीन.
EPH 1:1 पौलुस का तरप से, जो परमेश्वर की इच्छा से मसीह यीशु को प्रेरित हइ, वे पवित्र अरु मसीह यीशु मे परमेश्वर का दुन्याहोन जो इफिसुस मे हइ
EPH 1:2 हमारो बाप परमेश्वर अरु प्रभु यीशु मसीह का तरफ से तुमखे अनुग्रह अरु शांती मीलती र्‍हिये.
EPH 1:3 हमारो प्रभु यीशु मसीह को परमेश्वर अरु बाप को धन्यवाद हुये कि वोने हम खे मसीह मे एक होन का वजेसे सब प्रकार की आत्मीक अरु आशीर्वाद दीयो हइ.
EPH 1:4 जसो वोने हमखे जगत की जगत से पैयले वोमे चुनी लीयो कि हम वोको नजर मे पवित्र अरु नीर्दोष हय.
EPH 1:5 अरु अपनी इच्छा का अच्छो अभिप्राय का जसो हमखे अपना लिये पैयले से रुखायो कि यीशु मसीह, वजेसे हम वोने दंत्क को बेटो अरु बेटी हइ,
EPH 1:6 कि परमेश्वर की महीमा मे अनुग्रह, लिये ओकी महिमा हुये खे क्युकी ओने ओका हम, जो ओको प्रिय बेटा, खुला दिल से दी दियो.
EPH 1:7 हम खे वोमे वो, खुन, वजेसे छुटकारो, मंनजे गुन्हाहोन कि माफी, वोको वु अनुग्रह, जसो मील्यो हइ,
EPH 1:8 जेखे ओकी ज्ञान अरु समज, जसो मे हम पर खुप से कर्‍यो.
EPH 1:9 क्युकि वोने अपनी इच्छा को भेद वु अच्छो अभिप्राय, जसो हमखे बतायो, जेने अपना आप मे मसीह मे स्थापित कऱ्यो
EPH 1:10 कि टेमहोन का पुरो होन को असो प्रबन्ध हये कि जो कुछ स्वर्ग हइ अरु जो कुछ जमीन पर हइ, सब कुछ व्हा मसीह मे एकजगा कर्‍हे.
EPH 1:11 वोमे मी जेमे ओकी मनसा से जो अपनी इच्छा का मत का जसो सब कुछ करस हइ, पैयले से रुखायो जकयखे मीरास बन
EPH 1:12 कि हम,जिनने पैयले से मसीह पर आश रखी थी, वोकी महिमा की महिमा कर.
EPH 1:13 अरु ओमे मी तुम पर भी का जब तुम ने उध्दार को सुसमाचार अरु जेका पर तुम ने सच्ची विश्वास कर्यो का प्रतीज्ञा कर्यो हुयो पवित्र आत्मा कि छाप लगी.
EPH 1:14 व्हा वोको मोल लियो हुयो को छुटकारो का लिये हमारी मीरास को ब्यानो हइ, कि वोकी महिमा की स्तुती हय.
EPH 1:15 यो करण, मी भी वु विश्वास को खबर सुनीखे जो तुम दुन्याहोन मे प्रभु यीशु पर हइ अरु सब पवित्र दुन्याहोन पर तुमारो प्रेम हइ,
EPH 1:16 तुम्हारा लिये धन्यवाद करणो नी छोड्यो थो अरु अपनी प्रार्थनाहोन मे तुमखे याद कर्यो करस हय
EPH 1:17 कि हमारो प्रभु यीशु मसीह को परमेश्वर जो महिमा को बाप हइ, तुमखे अपनी पैछान मे ज्ञान अरु प्रकाशन कि आत्मा दि दिये तु ओका अच्छा से जानी सक्ता
EPH 1:18 अरु तुमारो मन की आख ज्योतिर्मय हय कि तुम समजी ले कि वोकीय बुलाहट कि आस, हइ, अरु पवित्र दुन्या मे वोकि मीरास की महिमा, धन करणु हइ,
EPH 1:19 अरु वोकी सामर्थ्य हम मे जो विश्वास करते हइ,त्तो महान हइ,वोकी शक्ति को प्रभाव को वु काम को जसो
EPH 1:20 जो वोने मसीह मे कर्‍यो की ओको मुर्दा मे से जिन्दो हुय खे स्वर्गीय जगा मे अपनो जवना तरप
EPH 1:21 सब प्रकार को प्रधानता,अरु अधिकार, अरु हर एक नाम, उपर, चाह्ये यो जमाना, यो आन आलो जमाना खे.
EPH 1:22 उनने सब कुछ उनका आधीन करी दियो अरु मंडली, लिये सभ चिजहोन, शिरोमणी रोखी दियो.
EPH 1:23 मंडली, जो उनका आंग, उनकी पुरो हइ, जो सब मे सब कुछ भरी खे करस हइ.
EPH 2:1 तुम अपनो अपराधहोन अरु पाप मे मर्‍या हुया था,
EPH 2:2 जिनमे तुम पैयले यो जगत, बुरी रस्ता पर चलता था अरु बद्दल का अधिकार को शाशक मंनजे उ आत्मा, जसो जी रो ,थो जो आत्मा अब भी आज्ञा नी माननाआला मे काम करी रास हइ
EPH 2:3 ये मे जब हम भी जन पैयले अपना आंग की बुरी सोच मे दिन बितय रा था, अरु आंग अरु मन की अभिलाषाहोन खे पूरी करणे मे लग्यो अरु दुसरा दुन्याहोन का सामने संभव से ही घुस्सा का बच्चाहोन था
EPH 2:4 पन दया मी धनी परमेश्वर ने अपना उपर प्रिय को करण,
EPH 2:5 जब हम अपनो अपराधहोन मी मर्‍यो हुए थो, मसीह मी हम जिन्दो कर्‍यो उध्दार तुमखे अनुग्रह ही से मील्यो हुयो हइ.
EPH 2:6 परमेश्वर ने हम मसीह यीशु मे जिन्दो कर्‍या अरु स्वर्गीय राज्य मी उनका साथ बठ्यो.
EPH 2:7 कि वु आन आलो टेम मेहोन मी अपना अनुग्रह खे अच्छो धन मसीह यीशु मे हमारो लिये करी गइ कृपा ही दिखी सक्ये.
EPH 2:8 क्युकि अनुग्रह ही से, विश्वास का वजेसे तुम उध्दारमील्यो हुयो हइ. येका करण तुम नी, यो परमेश्वर को वर दान हइ
EPH 2:9 अरु यो काम होन को प्रतीफल नी हइ कि कोय घमण्ड कर्‍ये.
EPH 2:10 क्युकि हम परमेश्वर वजेसे पैयले से रोख्यो हुयो अच्छो काम का लिये यीशु मसीह मे रच्यो गयो परमेश्वर की रचना हइ कि हम या अंच्छो काम को स्वभाव कर्‍हे.
EPH 2:11 येका लिये याद रख कि तुम जो अपनो जन्म से गैरयहूदि जिन खे खतनाआला दुन्या खतनारहित बोलस हइ खतना, जो आंग मे इन्सान वजेसे कर्‍यो जास हइ
EPH 2:12 याद रख तुम वा टेम जगत मे मसीह से अलग, इस्राएल की नागरिकता से नीकल्यो गया, प्रतीज्ञा की वाचाहोन से बिनासमजन नी था, आस हीन अरु परमेश्वर से रहित था.
EPH 2:13 एक टेम थी जब तुम दूर था, पन अब मसीह यीशु मे उनको खुन का वजसे नजीक लायो गयो हय.
EPH 2:14 वु खुद हमारो मीलनो हइ, क्युकि उनने अपना आंग मे दो गटहोन का बीच की दीवाल खे ढय खे दो खे एक करी दियो.
EPH 2:15 वह उनने आदेस की व्यवस्था जिनकी आज्ञाहोन विधीहोन की रीति पर थी मीटकय दी कि इनका वजेसे वु खुद मी वे दो, जगा पर एक ननवो इन्सान खे बन खे कर मीलनो जुलनो की बठाड्यो कर
EPH 2:16 अरु क्रुस का वजेसे एक आंग मे हम दो को परमेश्वर से मीलनो जुलनो करी सक्हे कि दुसमनी खतम करी जय सक्हे.
EPH 2:17 वु आयो अरु उनने, जो दूर था अरु उनने भी, जो नजीक था, शांती की खुसखबर सुनइ.
EPH 2:18 क्युकि उन मे हुयखे एक ही आत्मा मे दो ही की पहुच्यो बाप परमेश्वर तक हइ.
EPH 2:19 येका लिये आब तुम नवाडो अरु मूसा फिर नी पन परमेश्वर, पवित्र दुन्या का साथ सब नागरीक अरु परमेश्वर को परिवार को हय,
EPH 2:20 अरु प्रेरितहोन अरु भविष्यव्दक्ताहोन कि पय्या पर,जो कोना को फत्तर मसीह यीशु खुद ही हइ, बनायो गयो हय.
EPH 2:21 जिनमे सब भवन-रचना एक साथ मीलीखे प्रभु का लिये पवित्र मन्‍दिर होन, लिये बडती जास हइ.
EPH 2:22 जिन मे तुम सब परमेश्वर का र्‍हेन की जगा होन, लिये पवित्रा आत्मा वजेसे संयोजित कर्यो जातो हुये बनायो जय रो हय.
EPH 3:1 येका लिये मी पौलुस परमेश्वर से प्रार्थना करुस हय,तुम गैरयहूदिहोन, लिये मसीह यीशु को बन्दी हुये.
EPH 3:2 अगर तुम ने परमेश्वर को अनुग्रह को प्रबन्ध का बारे मे सुन्यो हइ, जो तुमारा लिये प्रदान कऱ्यो गयो
EPH 3:3 अगर वो भेद, जो मरा पर प्रकाशन का वजेसे प्रकट कऱ्यो गयो, जेको संक्षेप मे वर्णन मी पैयले करी चुक्यो हुये.
EPH 3:4 जेखे तुम पडतो समजी सकस हुये की मी मसीह मे व्हा को भेद का बारे मे खा समझ सकस हय,
EPH 3:5 जो मानवजात पर अन्य पीडीहोन मे या प्रकार प्रकट नी कऱ्यो गयो थो, जो प्रकार आत्मा अब प्रभु को पवित्र प्रेरितहोन तथा भविष्यव्दक्ताहोन पर पवित्राआत्मा प्रकट कऱ्यो गयो हइ
EPH 3:6 मंनजे ह्या की यीशु मसीह भि सुसमाचार का वजेसे गैरयहूदीहोन मसीह यीशु मे मीरास, साझो, ही शरीर को अरु प्रतीज्ञा को हिस्सेदार हइ.
EPH 3:7 मी परमेश्वर खे अनुग्रह को उ दान मे ओकी सक्रिया जो ओकि सामर्थ्य को प्रभाव का जसो जो मेखे दियो गयो, उ खुसखबर को सेवक बन्यो.
EPH 3:8 मेखे जो पवित्र दुन्या मे छोटा से भी छोटो हय, गैरयहूदिहोन मे मसीह को अगम्य धन को सुसमाचार का लिये यो अनुग्रह प्रदान कऱ्यो गयो
EPH 3:9 अरु सब पर ह्या बात सब, सामे कर्‍हयु कि उ भेद को प्रबन्ध को हइ सब को सृजनहार परमेश्वर मे जामानासे मील्यो थो
EPH 3:10 ताकी अब बय मंडली का वजेसे परमेश्वर को अलग प्रकार को ज्ञान आकाशमण्डल को बडो अरु अधिकारीहोन पर प्रकट कऱ्यो जाये.
EPH 3:11 यो उ सनातन उध्देश्य को जसो हुयो, जो परमेश्वर ने मसीह यीशु हमारो प्रभु मे पुरो कऱ्यो थो,
EPH 3:12 प्रभु मे हम विश्वास, वजेसे आना का लिये हमखे साहस तथा भरोसो मीलस हुयो हइ
EPH 3:13 येका लिये तुमारा से मरी यो प्रार्थना हइ कि तुम उ सतान कारन, जो मी तुमारा लिये रोस हुये खे घुस्सा नी होनु. क्युकी वे तुमारी महिमा हुये.
EPH 3:14 मी यो कारन हइ की मी बाप का सामने टोगर्‍या टेकुस हुये खे
EPH 3:15 जेमे स्वर्ग अरु पृथ्वी पर हर एक कुल को नाम रख्यो जास हइ
EPH 3:16 की वो अपनी महिमा ओकी आत्मा से अपनी महीमा को धन का जसो तुमखे यो दान दी कि तुम ओकि आत्मा से अपना अन्दर इन्सान मे सामर्थ्य मीलीखे शक्तिहुय जाव,
EPH 3:17 कि विश्वास का वजेसे मसीह तुमारो दिल मे वास कर कि प्रेम मे करिखे व्हा पय्या डाली खे,
EPH 3:18 तुम सब पवित्र मसीह को प्रेमकि लम्बाइ, चौडाइ, उचाइ व गहराइ को भली-भाति समझ सक्यो
EPH 3:19 अरु मसीह को उ प्रेम को जान सक्यो, जो ज्ञान से परे हइ की परमेश्वर कि सब भरपुरी तुमने स्थापित हुये जाये
EPH 3:20 अब जो असो सामर्थ्यी हइ कि हमारी प्रार्थना अरु समज से कोय जादा काम करी सकस हइ, उ सामर्थ्य का जसो जो हम मे काम करस हइ,
EPH 3:21 हमारा मे यो टेम सक्रिय सामर्थ्य का वजेसे मंडली अरु मसीह यीशु मे ओकी महिमा बडी से बडी हमेशा-सर्वदा होस ऱ्हेस. आमीन.
EPH 4:1 येका लिये मी, जो प्रभु का लिये बन्दी हूये खे तरा से अरु प्रार्थना करुस हय कि तुम्हारी जीवन शैली तुम्हारा बुलाना का अनुरुप हइ
EPH 4:2 तुम मे विशुद्ध विनम्रता, सौम्यता अरु धीरज का एक दुसरा मे प्रेम मे सहन को भाव भरी जाए.
EPH 4:3 अरु मेल को बन्धन मे आत्मा कि एक रखन को यत्न कर.
EPH 4:4 एक ही आंग हइ अरु एक ही आत्मा जेमे तुम्ह बुलायो गया था अपना बुलायो जाना से एक ही आस हइ.
EPH 4:5 एक ही प्रभु, एक ही विश्वास, एक ही बपतिस्मा
EPH 4:6 अरु सब मानवजाति, बाप हय, जो सब, उपर, सब का बीच अरु सब मे एक ही परमेश्वर हइ.
EPH 4:7 पन हमने से हर एक खे मसीह को वरदान को परिमाण, जसो अनुग्रह प्रदान कर्‍यो गया हइ,
EPH 4:8 येका लिये व्हा बोलस हइ, जब व्हा सबसे उच्चा पर चडी गयो, बन्दिहोन खे बन्दी बनय खे ली गया अरु उनने इन्सान खे दान दियो.
EPH 4:9 ओका चडना से, अरु का अर्थ मील्यो जास हइ फक्त यो कि व्हा जमीन का नीच्चे कि जगा मे उतार्‍यो भी थो.
EPH 4:10 स्वर्ग से जो नीचे उतर्‍यो, उ हइ, जो उच्ची जगा मे बडो सम्मान का साथ चड्या कि सब सृष्टि को पूरोपूरो करी दे.
EPH 4:11 उनने मंडली खे कुछ प्रेरित, कुछ भविष्यव्दक्ता का कुछ इश्वरी सुसमाचार सुनानवाआलो अरु कुछ मंडली को रखवाली उपदेशक प्रदान कर्‍यो
EPH 4:12 कि पवित्र सेवा, लिये सुसज्जित कर्‍यो जाह्ये का कि मसीह का आंग उन्नती बडती जाये.
EPH 4:13 जब तक हम सब खे विश्वास अरु परमेश्वर को बेटो खुप, भोत ज्ञान की एक उपलब्ध नी हुय जाह्ये सिद्ध इन्सान का जसो जो मसीह को सब डील-डौल हइ.
EPH 4:14 तब हम बच्चा नी र्‍हियेका जो समुद्री लहर जसो इधर-उधर उछले वु फेक्यो जाह्ये अरु इन्सानहोन की ठग विद्या की तुफान अरु इन्सान की हुशारी वजेसे बोहायो जास हइ.
EPH 4:15 पर सच्चय खे प्रेम पूर्वक व्यक्त करते हुयो हर एक तरप मे हमारा उन्नती उनमे होते जायेका जो प्रधान हइ मंनजे मसीह,
EPH 4:16 जिनका वजेसे सब आंग मे उन्नती का वजेसे जमा करीखे अरु एक साथ मीलीखे प्रेम मे काम मे होते जास हइ क्युकि हर एक आंग अपनो तय कर्‍यो गया काम ठीक-ठाक करते जास हइ.
EPH 4:17 येका लिए मी प्रभु का साथ पुष्टि करते हुयो तुमारो विनती का साथ बोलुस हय कि अब तुम्हारो स्वभाव गैरयहूदीहोन का जसो खोकलो मन की रीति से प्रेरित नी हय.
EPH 4:18 उनका मन की कठुरता से अज्ञानता कारन वे परमेश्वर को जिवन से अलग हइ अरु उनकी बुद्धि अंधारो हुय गयो हइ,
EPH 4:19 सुन्न हुयखे उनने खुद खे लोभी से बोहय खे सब रंग की अपवित्र अरु लालुच का अधीन करी दियो हइ.
EPH 4:20 मसीह का बारे मे असी शिक्षा तुमखे नी दी गइ थी.
EPH 4:21 अगर वास्तव मे तुमने उनका विषय मे सुन्यो अरु उनकी शिक्षा को अपनय ली हय, जो मसीह यीशु मे सच्ची को अनुरुप हइ.
EPH 4:22 येकालिये अपनो जुन्नो चाल-चलन से प्रेरित स्वभाव खे छोडी दे, जो छल की लालुच कारन भ्रष्ट होते रर्‍हेस हइ
EPH 4:23 कि तुम्हारा मन को आत्मीक नवो हुय जाये.
EPH 4:24 नवो स्वभाव खे पेनी लियो, जेकी रचना धार्मीकता अरु पवित्रता मे परमेश्वर को स्वरुप मे हुयो हइ.
EPH 4:25 येका लिये झूठ खे छोडी खे, हर एक इन्सान अपना बाजुआला से सच्ची य बोल क्युकि हम एक ही आंग को भाग हइ.
EPH 4:26 घुस्सा तो कर, पन पाप मत कर. सुरज डुबना तक तुम्हारी घुस्सा नी र्‍हेन कि.
EPH 4:27 सैतान के कोय मौको नी दे.
EPH 4:28 व्हा, जो चोरी करते र्‍हियो हइ, अब चोरी नी कर्‍हे पर मेहनत कर्‍हे कि व्हा अपना हात से कर्‍यो गयो अच्छो काम का वजेसे दुसरा दुन्या की भी मदत करी सकस, जेन कोय रंग की जरुरत हइ.
EPH 4:29 तुम्हारो मेडा से कोय अब शब्द नी पन असो वचन निकाले, जो अवसर को अनुकूल, दुसरा का लिये उन्नती को करण अरु सुननेवाला का लिये अच्छो हय.
EPH 4:30 परमेश्वर की पवित्र आत्मा खे दुख नी करणु, जिनका वजेसे तोखे छुटकारो को देना का लिये छाप दी गय हइ.
EPH 4:31 सब रंग की कडवी, रोष, घुस्सा, वाद विवाद, टिंगल, आक्रोश अरु दुजा-भाव खे खुद से अलग करी दे.
EPH 4:32 एक दूसरा, पर दयालु अरु सहृदय बन्यो रह्ये अरु एक-दूसरा खे उ रंग माफ कर जो रंग परमेश्वर ने मसीह मे तुमखे माप कर्‍यो हइ.
EPH 5:1 परमेश्वर को लाडका बच्चा होन का नाता, तुम परमेश्वर का पीछे चलनआलो बन.
EPH 5:2 तुम्हारो स्वभाव प्रेम से र्‍हेव, जो रंग से मसीह ने तुमसे प्रेम कर्‍यो हइ. व्हा हमारा लिये परमेश्वर का सामने खुद मनमोहन गधानआलो चडयो अरु बलि हुय गयो.
EPH 5:3 जसो कि पवित्र दुन्या का लिये बरोबर हइ, तुम्हारा बीच कोय भी अपवित्र रंग को लोभी को वर्णन तक नी हय.
EPH 5:4 अरु नी हय तुम्हारा बीच बिना लाजवाने अरु मूर्खता भरी बातचीत या असली मजाक हय, जो हमेशा ही व्यर्थ हइ पन तुम्हारा बीच धन्यवाद ही सुनायो जाह्ये
EPH 5:5 क्युकि तुम या अच्छी रीति से समजस हय कि कोय भी व्यभिचारी, मलिन अरु लोभी इन्सान कि जो मूर्तिपूजक ही हइ, मसीह अरु परमेश्वर का राज मे मीरास नी हइ.
EPH 5:6 कोय तुमखे व्यर्थ की बात की जाल मे नी फसी मील्हे क्युकि या सबको करण अनाज्ञाकारी इन्सान परमेश्वर की घुस्सा को भागी होस हइ.
EPH 5:7 येका लिये उनको हिस्सेदार नी बन्यो.
EPH 5:8 येका पयलो तुम अंधारामे था, मगर अब प्रभु मे उजालो हय. येका लिये उजाला का बच्चा का जसा चल.
EPH 5:9 क्युकि उजालो का धार्मीकता को फल सब रंग को अच्छो न्‍यायी, सदाचार अरु सच्ची मे हइ.
EPH 5:10 अरु ह्या देख्यो कि प्रभु खे पसन्द हइ.
EPH 5:11 अंधारा का महिनत काम मे सामील नी हुये क्युकी उन पर उलाहन देस.
EPH 5:12 व्हा उनका गुप्त काम कि चर्चा भि लाज कि बात करस.
EPH 5:13 पर जेत्तो काम पर उलाहन दियो जाये कि वे सब दिव्वो से प्रगट होस हुए क्युकि वे सब कुछ खे प्रगट करस हइ उ दिव्वो हइ.
EPH 5:14 येका लिये की वु बोलस हइ हे सोनआला, जाग उन मुर्दा मे से जिन्दो उट. वे मसीह कि दिवा तरा पर चमकीये.
EPH 5:15 येका लिये ध्यान से देखनु. कि कसी चाल चलास वे बिनाबुध्दी, समान नी पर अक्कलआला, समान चलास.
EPH 5:16 अवसर खे किमती समझे किक्यु दिन बुरा हइ.
EPH 5:17 एका लिये बिनाबुध्दी नी हो पर ध्यान से समजिओ कि प्रभु कि इच्छा का हइ.
EPH 5:18 अंगूर रस से मतवालो नी बनीयो क्युकि असो लुच्चोपना होस हइ, वे पर आत्मा से पुरो होते जास.
EPH 5:19 अरु आसपास मे भक्ती को गिद अरु आत्मीक गिद गयो कर, अरु अपनो अपनो मन मे प्रभु का सामने गातो अरु किर्तन करते र्‍हे.
EPH 5:20 अरु कभी भी सब का लिये हमरो प्रभु यीशु मसीह को नाम से परमेश्वर बाप को धन्यवाद करतो र्‍हेस.
EPH 5:21 मसीह का डर से एक दुसरा का सात र्‍हेनु.
EPH 5:22 हे लुगेनहोन,अपना अपना अदमी को असो अधीन रेस जसो प्रभु को.
EPH 5:23 क्युकी अदमी लुगेन को माथो हइ जसो की मसीह मंडली को माथो हइ अरु स्वयं ही आंग को उद्धारकर्ता हइ.
EPH 5:24 पर जसो मंडली मसीह को अधीन हइ वोसो ही लुगेन भी हर बात मे अपना अपना अदमी, सात मे रेस.
EPH 5:25 हे लोगहोन, अपनी अपनी लुगय से प्रेम रख जसो मसीह ने भी मंडली से प्रेम कर अपना आप खे ओका लिये दि दियो.
EPH 5:26 कि वोको वचन का वजेसे पानी से अच्छो करीखे पवित्र बनह्ये,
EPH 5:27 अरु वोखे एक असी तेजस्वी मंडली बनयखे अपना पास खडो कर्‍हे, जमे नीष्कलंक, नी झुरी नी कोय अरु असो चिज हय क्युकी पवित्र अरु नीर्दोस हय.
EPH 5:28 यो रंग अच्छो हइ कि लोग अपनी अपनी लुगय से अपनी आंग का जसो प्रेम रख. जो अपनी लुगय से प्रेम रखस हइ, व्हा अपनो आप से पिरेम रखस हइ.
EPH 5:29 क्युकि कोय ने कभी आंग से फरक नी रख्यो क्युकि ओको पाल्यो पोषण करस हइ, जसो मसीह भी मंडली को करस हइ.
EPH 5:30 येका लिये कि हम ओकी आंग को भाग हइ.
EPH 5:31 यो कारन इन्सान अपना माय बाप खे छोडी खे अपनी लुगय से मील्यो र्‍हियो, अरु वे दो एक जान हुया.
EPH 5:32 यो भेद बडो हइ, पर मी यो मसीह अरु मंडली, बारे मे बोलस हय.
EPH 5:33 पर तुम मे से हर एक अपनी लुगय से अपना सामने प्रेम रख, अरु लुगय भी अपनो लोग को डर माननु.स
EPH 6:1 हे बच्चाहोन प्रभु मे अपना माय बाप का आज्ञाकारी बन किक्यु यो सही हइ.
EPH 6:2 अपना माय अरु बाप को आदर करणु पहिली आज्ञा हइ जेका साथ प्रतीज्ञा भि हइ.
EPH 6:3 कि तरो अच्छो हुये अरु तु जमीन पर भोत दिन जिन्दो रीये.
EPH 6:4 हे बच्चावाला, अपना बच्चा के त्रास नी दिलानु पन प्रभु कि शिक्षा अरु चेतावनी देते हुये उनको पालन पोषण करणु.
EPH 6:5 हे सेवकहोन जो लोगहोन यो जगत मे तुम्हारा स्वामी हइ, अपना मन की सीधाइ से डरस अरु कापते हुयो, जसो मसीह की वसो हि उनकी भी आज्ञा माननु.
EPH 6:6 इन्सान के प्रसन्न करणवालो का समान दिखन का लिये सेवा मत करणु पर मसीह का सेवक का समान मन से परमेश्वर की इच्छा पर चलनु.
EPH 6:7 अरु वा सेवा होन के इन्सान की नी पन प्रभु के जानीके सच्चा दिल से करणु.
EPH 6:8 किक्यु तुम जानता हुये कि जो कोइ जसो अच्छो काम करीये चाह्ये सेवक हुये चाह्ये स्वतंत्रता, प्रभु से वसो ही मील्हे.
EPH 6:9 हे स्वामीहोन, तुम भी धमकिहोन देनो छोडी खे उनका साथ वोसो ही व्यवहार करणु. किक्यु तुम जानता हये कि उन को अरु तुम्हारो दोय को स्वामी स्वर्ग मे हइ अरु वे कोय को भाग नी लिये.
EPH 6:10 येका लिये प्रभु मे अरु ओकी शक्ति का प्रभाव मे बलवान बनानु.
EPH 6:11 परमेश्वर का सब हथियार बाधी लेनु कि तुम सैतान कि युक्तिहोन का सामने खडो र्हेनु सिखनु.
EPH 6:12 क्युकि हमारो यो मल्ल वाद विवाद खुन अरु मास से नी पन प्रधानहोन से, अरु अधिकारीहोन से, अरु यो जगत के अंधारा का शासकहोन से, अरु वा बुरी आत्मीक सेनाहोन से हइ जो बद्दल मे हइ.
EPH 6:13 येका लिये परमेश्वर को सब हथियार बाधीकि ले तुम बुरो दिन मे सामने खे सब खे, अरु सब कुछ पुरो करीखे थामी र्‍हिखे सब.
EPH 6:14 येका लिये सच्ची से अपनी कमंर कसीखे, धार्मीकता की झिल पेनी खे,
EPH 6:15 अरु पाय मे मैल को सुसमाचार कि तैयारी कि जुता पेनी खे.
EPH 6:16 अरु या सब का सात लिखे रुख्यो र्‍हे जेम्मे तुम वा बुरो सब जलते हुयो तीरी खे बुझय सक्हे.
EPH 6:17 अरु उध्दार कि टोपी, अरु आत्मा कि तलवार, जो परमेश्वर को वचन हइ, लि ले.
EPH 6:18 हर टेम अरु हर रंग से आत्मा मे प्रार्थना, अरु प्रार्थना करते र्‍हे.
EPH 6:19 अरु मरा लिये भी कि मेखे बोलन का टेम एसो प्रबल वचन दियो जाह्ये कि मी साहास का सात सुसमाचार को भेद बतय सकू,
EPH 6:20 जेका लिये मी साकल से जकडय हुयो राजदूतहय. अरु यो भी कि मी वोको बारे मे जसो मेखे होनु साहासे बोल्हु.
EPH 6:21 तुखिकुस, जो प्रिय भैइ अरु प्रभु मे विश्वासयोग्य सेवक हइ, तुम सब बात बताह्ये कि तुम भी मर दशा जानी कि मी कसो र्‍हियु हइ.
EPH 6:22 उनखे मे ने तुम्हारा पास येका लिये भेज्योस हइ कि तुम मरी दशा खे समजनु, अरु व्हा तुम्हारो मन कि शांती दे.
EPH 6:23 परमेश्वर बाप अरु प्रभु यीशु मसीह की तरप से भैइहोन खे शांती अरु विश्वास सहीत प्रेम मील्हे.
EPH 6:24 जो हमारो प्रभु यीशु मसीह से सच्ची प्रेम रखस हइ, वे सब पर अनुग्रह होतो र्‍हे.
PHI 1:1 मसीह यीशु को दास पौलुस अरु ती तीमुथियुस का तरफ से सब पवित्र दुन्या का नाम जो मसीह यीशु मे एक हुइ, फिलिप्पी मे र्हेस हइ, मुखियो अरु सेवकहोन समेत.
PHI 1:2 हमारो बाप परमेश्वर अरु प्रभु यीशु मसीह का तरफ से तुमखे अनुग्रह अरु शांती मीलती र्‍हिये.
PHI 1:3 मी जब जब तुमखे याद करुस हइ, तब तब अपना परमेश्वर को धन्यवाद करस हइ.
PHI 1:4 अरु जब कभी तुम सब का लिये प्रार्थना करुस हइ, ते सदा का साथ प्रार्थना करुस हइ.
PHI 1:5 येका लिये कि तुम पैयला दिन से लिखे आज तक सुसमाचार, फैलाना मे मरा हिस्सेदार र्‍हिया हइ.
PHI 1:6 मेखे या बात को भरोसो हइ कि जेने तुम मे अच्छोकाम सुरु कर्यो हइ,उ ओने यीशु मसीह का दिन तक पुरो कर्ये.
PHI 1:7 अच्छो हइ कि मी तुम सब का लिये असो हि बिचार कर्यू, क्युकि तुम मरा मन मे अयखे बस्यो हइ, अरु मरी बन्धन मे अरु सुसमाचार का लिये उत्तर अरु प्रमाण देना मे तुम सब मरा सात अनुग्रह मे सातीदार हुये.
PHI 1:8 येमे परमेश्वर मरो गवा हइ कि मी मसीह यीशु कि करुना प्रेम से करीखे तुम सब की लालसा करुस हइ.
PHI 1:9 मी या प्रार्थना करुस हइ कि तुम्हारो प्रेम ज्ञान अरु सब प्रकार खे विवेक सहित अरु भी बडतो जाए,
PHI 1:10 ह्या तक कि तुम अच्छा से अच्छा बातहोन खे प्रिय जाननु कि अरु मसीह को दिन तक समज्हे सच्चा बन्या र्हेनु अरु ठोकर नी खानू.
PHI 1:11 अरु उ धार्मीकता को फल से जे यीशु मसीह, वजेसे होस हइ, भरपुर होता जानु जेका से परमेश्वर की महिमा अरु स्तुती होती र्‍हिये.
PHI 1:12 हे मसीह भैइ, मी चाउस हइ कि तुम यो जानी ले कि मरा पर जे बीत्यो हइ, ओकासे सुसमाचार ही की बढती हुइ हइ.
PHI 1:13 ह्या तक कि कैसर का राजभवन कि पुरी पलटन अरु बाकी सब दुन्याहोन मे यो प्रगट हुइ गया हइ कि मी मसीह, लिये बन्धन हइ.
PHI 1:14 अरु प्रभु मे जे मसीह भैइ हइ, उन मे से जादा मरा कैद होनाकरण, हिम्मत बांधी खे परमेश्वर को वचन बेधडक सुनान को अरु भी हिम्मत करुस हइ.
PHI 1:15 कुछ जलन अरु झगडा से मसीह को प्रचार करस हइ अरु कुछ भली इच्छा से.
PHI 1:16 कोय एक ते या जानी, कि मी सुसमाचार का लिये जवाब देन को ठैरायो गयो हइ, प्रेम से प्रचार करस हइ.
PHI 1:17 अरु कोय एक ते सीधा से नी पर विरोध से मसीह की कथा सुनास हइ, यो सोची खे कि मरी बन्धन खे मरा लिये दुख पइदा करणु.
PHI 1:18 ते का हुयो? फक्त यो कि हर प्रकार से, चाउ बहानो से चाउ सच्ची से मसीह की कथा सुनाइ जास हइ अरु मी येमे से खुश हइ अरु, खुश र्‍हियु भी.
PHI 1:19 क्युकि मी जानुस हइ कि तुम्हारी प्रार्थना बिंनती का द्वारा, अरु यीशु मसीह की आत्मा को दान का द्वारा येको प्रतीफल मरो उध्दार हुये.
PHI 1:20 मी तो यो लालुच अरु आस रखस हइ कि मी कोय बात मे लज्जित नी हुयु, पर जसो मरा मजबुत हिम्मत का वजेसे मसीह की बड्यी मरा आंग का द्वारा सदा होती र्र्‍हिये हइ वसी ही अब भी हुये, चाउ मी जिंदो र्‍हियु या मरी जाउ.
PHI 1:21 क्युकि मरा लिये जिन्दो र्‍हेनु मसीह हइ, अरु मरी जानु लाभदायक हइ.
PHI 1:22 पर अगर आंग मे जिन्दो र्‍हेनु ही मरो काम का लिये लाभदायक हइ ते मी नी जानु कि कोखे चुनू.
PHI 1:23 क्युकि मी दो, बीच आधा मे लटक्यो हइ. जी तो चास हइ कि कुच करी खे मसीह का पास जैइ खे र्‍हियु, क्युकि यो भोत ही अच्छो हइ.
PHI 1:24 पन आंग मे र्‍हेनु तुम्हारा करण अरु जरुरी हइ.
PHI 1:25 येका लिये कि मेखे येको भरोसो हइ आखरी मी जानुस हइ कि मी जिंदो र्‍हेनु, क्युकी तुम सब का साथ र्‍हेनु जेकासे तुम विश्वास मे मजबुत होते जानु अरु ओका मे खुश र्‍हेनु.
PHI 1:26 अरु घमण्ड तुम मरा बारे मे करस हइ, उ मरा फिर तुम्हारा पास आना से मसीह यीशु मे अरु भी बडी जाए.
PHI 1:27 फक्त इत्तो करणु कि तुम्हरो चाल-चलन मसीह का मन से सुसमाचार को योग्य हुये कि चाउ मी अय खे तुमखे देख्यु, चाउ न भी आयु, तुम्हारा बारे मे योय सुन्यो कि तुम एक आत्मा मे स्थिर हुये खे अरु एक चित्त हुइ, सुसमाचार को विश्वास का लिये मेहनत करता र्‍हेस हइ.
PHI 1:28 अरु कोय बात मे विरोधिहोन से डर नी खाये. यो उनका लिये अविनाश को स्पष्ट नीशानी हइ, पन तुम्हारा लिये उध्दार को अरु यो परमेश्वर का तरफ से हइ.
PHI 1:29 क्युकि मसीह करण तुम पर यो अनुग्रह हुयो कि न फक्त ओ पर विश्वास करणु पर ओका लिये दुख भी उठानु.
PHI 1:30 अरु तुमखे ओसो ही करणो हइ, जसो तुम ने मेखे करते देख्यो हइ अरु अब भी सुनस हइ कि मी ओसो हि करुस हइ.
PHI 2:1 आखरी अगर मसीह मे कुछ शांती, अरु प्रेम से सांत्वन अरु आत्मा को हिस्सेदार, अरु कुछ करुणा अरु दया हइ.
PHI 2:2 ते मरी या खुशी पूरी करणू कि एक मन र्हेनु, अरु एक ही प्रेम एक ही चित्त, अरु एक ही मन सा रखनु.
PHI 2:3 स्वार्थी या झुठी बडइ का लिये कुछ नी करणू, पर दीनता से एक दूसरा खे अपना से अच्छो समझनु,
PHI 2:4 हर एक अपना ही हितका नी, क्युकी दूसराहोन का हित की भी चिन्ता करणू.
PHI 2:5 जसो मसीह यीशु को स्वभाव थो वसो ही तुम्हरो भी स्वभाव होनु.
PHI 2:6 ओका पास हमेशा परमेश्वर को रुप थो, जो अपना रुप मे यद्पी परमेश्वर को स्वरुप थो, ओका समान र्‍हेनु लाभ हइ लौलिन असो ओने मान्यो नी.
PHI 2:7 क्युकी अपना आपखे असो शून्य करी दियो, अरु सेवक को स्वरुप धारन कर्यो.
PHI 2:8 अरु इन्सान का रुप मे प्रगट हुइ, अपना आप खे दीन कर्यो, अरु ह्या तक आज्ञाकारी र्‍हियु कि क्रुस कि मृत्यु भी सइ लियो.
PHI 2:9 यो करण परमेश्वर ने ओका उचो से उची जगा पर से उठायो, अरु ओखे उ नाम दियो जो सब नाम होन मे उचो हइ.
PHI 2:10 कि जे स्वर्ग मे अरु पृथ्वी पर अरु पृथ्वी का नीचे हइ, वे सब यीशु मसीह का नाम पर घुटना टेकै.
PHI 2:11 अरु परमेश्वर बाप कि महिमा, लिये हर एक जीभ अंगीकार कार करी ले कि यीशु मसीह ही प्रभु हइ.
PHI 2:12 येका लिये हे मरा प्रिय, जो प्रकार तुम सदा आज्ञा मानते आया हइ, ओसो ही अब भी नी फक्त मरा साथ र्हेता हुये पर विशेष करी खे अब मरा दूर र्‍हेना पर भी डरस अरु कापते हुये अपना अपना उध्दार को कार्य पुरो करता जानु.
PHI 2:13 क्युकि परमेश्वर ही हइ जेने अपनो प्रेम को काम खे पुरो करण का लिये बिचार डाल्यो हइ ओका जसो, बल भी देस हइ.
PHI 2:14 सब काम बिना कुरकुर अरु बिना झगडा को किर्या करणू.
PHI 2:15 ताकि तुम नीर्दोष अरु भोला हुइ, तेडा अरु हटेला इन्सानहोन का बीच परमेश्वर को नीष्कलंक सन्तान बन्या र्‍हेनू, जिनका बीच मे तुम जिवन को वचन लियो हुयो संसार मे जलतो दियाहोन का समान दिख्ये देस हइ.
PHI 2:16 कि मसीह का दिन मेखे घमण्ड करण को कारन हुये कि नी मरो दौडनु अरु नी मरी मेहनत करणू बेकार हुयो.
PHI 2:17 अगर मेखे तुम्हारो विश्वास रुपी बलिदान अरु सेवा का साथ अपना खुन भी बहानू पड्ये का तेभी मी खुश हइ अरु तुम सब का साथ खुशी करस हइ.
PHI 2:18 वसो ही तुम भी खुश होनु अरु मरा साथ खुशी करणु.
PHI 2:19 मेखे प्रभु यीशु मसीह मे आस हइ कि मी तीमुथियुस खे तुम्हारा पास जल्दी भेजू, ताकि तुम्हारी दशा सुनी खे मेखे दिलासो मील्ये
PHI 2:20 क्युकि मरा पास असो प्रभाव का कोय नी जो शुध्द मन से तुम्हारी चिन्ता कर्हे.
PHI 2:21 क्युकि सब अपना स्वार्थी की खोज मे र्हेस हइ, नी कि यीशु मसीह कि.
PHI 2:22 पर ओखे तो तुम ने परख्यो अरु जानी भी लियो हइ कि जसो बेटा का साथ करस हइ, वसो ही ओने सुसमाचार खे फैलाना मे मरा साथ मेहनत कर्यो.
PHI 2:23 येका लिये मेखे आस हइ कि जोही मेखे जान लिये कि मरी का हालत हुये खे ते ही मी ओखे जल्दी भेजी दियु.
PHI 2:24 अरु मेखे प्रभु मे भरोसो हइ कि मी तुम भी जल्दी आह्यु.
PHI 2:25 पर मे ने इपफ्रुदीतुस खे जो मरो मसीह भैइ अरु सहकर्मी अरु संगी योध्दो अरु तुम्हारो जासुस अरु जरुरी बातहोन मे मरी सेवा टहल करणआला हइ, तुम्हारा पास भेझनो जरुरी समझ्यो.
PHI 2:26 क्युकि ओको मन तुम सब मे लग्यो हुयो थो, यो करण उ व्याकुल र्‍हेतो थो क्युकि तुम ने ओकी बीमारी को हाल सुन्यो थो.
PHI 2:27 नीश्चय ही उ बीमार ते हुइ गयो थो ह्या तक कि मरना पर थो, पन परमेश्वर ने ओ पर दया की, अरु फक्त ओ ही पर नी पर मरा पर भी कि मेखे शोक पर शोक नी हुये.
PHI 2:28 येका लिये मे ने ओखे भेजन को अरु भी कोशीस कर्यो कि तुम ओकासे फिर मेला कात करी, खुश हुइ जानू अरु मरो भी शोक घटी जाए.
PHI 2:29 येका लिये तुम प्रभु खे ओकासे भोत खुशी का सात मेला कात करणो, अरु असा को सम्मान किर्या करणू.
PHI 2:30 क्युकि उ मसीह काम का लिये अपनो जान पर तकलीप उठैखे मरन का पास अय गो थो ताकि जो कमी तुम्हारा तरफ से मरी सेवा मे हुइ ओखे पुरो कर्ये.
PHI 3:1 येका लिये हे मरा भैइ प्रभु.मे खुश र्हेनु. उ हि बातहोन तुम बार बार लिखना मे मेखे ते कोय मैनत नी होय, अरु येमे तुम्हारी कुशलता हइ,
PHI 3:2 कुत्ताहोन से हुशार र्हेनु वे बुरा काम करणवाला से हुशार र्हेनु वे काट कुट करणवाला से हुशार र्हेनु
PHI 3:3 क्युकि खतनो करणआला ते हम भी हइ जो परमेश्वर कि आत्मा कि बड्यी से उपास करस हइ, अरु मसीह यीशु पर घमण्ड करस हइ अरु शरीर पर भरोसो नी रख्ये.
PHI 3:4 पर मी ते आंग पर भी भरोसो रखी सकुस हइ अगर कोय दुसरा को आंग पर भरोसो रखन को खयाल हुये खे ते मी ओकसे भी बडी खे रखी सकुस हइ.
PHI 3:5 आठवा दिन मरो खतनो हुयो,इस्राएल, बंस अरु बिन्यामीन का गोत को हइ. इब्रानीहोन को इब्रानी हइ. व्यवस्था का बारे मे अगर बोल्ये ते फरीसी हइ.
PHI 3:6 उत्साह का बारे मे अगर बोल्ये ते मंडली खे सतानआला. अरु व्यवस्था कि धार्मीकता, बारे मे अगर बोल्ये ते नीर्दोष थो.
PHI 3:7 पन जो जो बातहोन मरा लाभ की थी, उनने खे मेने मसीह करण नुकसान समझी लियो हइ.
PHI 3:8 क्युकी मी अपना प्रभु मसीहा यीशु खे पैछान खे उत्तमता को करण सब बातहोन को नुकसान समझस हइ.जेकरण मे ने सब चिजहोन खे नुकसान उठैइ, अरु उनका कुडो समझस हइ, जेकासे मी मसीह खे हासील कर्यु.
PHI 3:9 अरु ओने पायो जायु. नी कि अपना वा धार्मीकता का साथ का जो व्यवस्था से हइ क्युकी वा धार्मीकता का साथ जे मसीह पर विश्वास करण हइ अरु परमेश्वर का तरफ से विश्वास करणा पर मीलस हइ.
PHI 3:10 ताकि मी ओखे अरु उनखे कि सामर्थ्य खे अरु ओका साथ दुखहोन मे हिस्सेदार होना को मर्म खे जान्यु, अरु ओको पुनरुत्थान की समानता कि मील्हे कर्यु.
PHI 3:11 कि मी कोय भी रीति से मर्या हुयो मे से जी उठन का पद तक पहुच्यो.
PHI 3:12 यो मतलब नी कि मी परय चुक्यो हइ, यो सिध्द हुइ चुक्यो हइ, पर उ चीजखे पकडना का लिये भागीखे जय जास हइ. जेका लिये मसीह यीशु ने मेखे पकड्यो थो.
PHI 3:13 हे मसीह भैइ मरी भावना या नी कि मी पकडय चुक्यो हइ. पन फक्त यो एक काम करस हइ कि जे बातहोन पिच्छे र्र्‍ही गइ हइ उनका भुलि खे आगे कि बातहोन का तरफ बढतो हुयो.
PHI 3:14 नीशाना का तरफ दौवडी चलि जास हइ, ताकि यो इनाम पाये जेका लिये परमेश्वर ने मेखे मसीह यीशु मे उपर बुलायो हइ.
PHI 3:15 हम मे से जेत्ता सिध्द हइ, यो बिचार रख्ये अरु अगर कोय बात मे तुम्हारा अरु ही बिचार हुये ते परमेश्वर ओखे भी तुम पर प्रगट करी दिये.
PHI 3:16 येका लिये जहा तक हम पहुच्या हइ, ओका जसो चलनु.
PHI 3:17 हे मसीह भैइ अरु भैइन तुम सब मीलिखे मरी जसी चाल चलनु, अरु उनका परछानी खे रखनु जो या रीति पर चलस हइ जेको उदाहरण तुम हम मे पास हइ.
PHI 3:18 क्युकि भोत सी अशी चाल चलस हइ, जेकी चर्चा मे ने तुम से बार बार करी हइ अरु अब भी रोइ खे बोलुस हइ कि वे अपनी चाल चलन से मसीह का क्रुस का दुशमन हइ.
PHI 3:19 उनको आखरी अविनाश हइ, उनको इश्वर पेट हइ, वे अपना लाज की बातहोन पर घमण्ड करस हइ अरु पृथ्वी कि चिजहोन पर मन लगैइ र्हेस हइ.
PHI 3:20 पर हमारो स्वदेश स्वर्ग पर हइ. अरु हम एक उद्धारकर्ता प्रभु यीशु मसीह खे वहा से आना कि रस्ता देखी रा हइ.
PHI 3:21 उ अपनी‍ शक्ति का प्रभाव का जसो जेका वजेसे उ सब चीजहोन खे अपना कब्जा मे करी सकस हइ, हमारी दीन-हीन आंग को रुप बदली, अपनी महिमा की आंग को अनुकूल बन्यी दिये.
PHI 4:1 येका लिये हे मरा मसीह भैइ अरु बयहोन जेमे मरो जी लग्यो र्हेस हइ, जो मरा खुशी अरु मुकुट हुये, हे प्रिय भैइहोन, प्रभु मे यो प्रकार स्थिर र्हेनु.
PHI 4:2 मी यहूदीया का भी समझुस हइ अरु सुन्तुखे, भी कि वे प्रभु मे एक मन र्हेनु.
PHI 4:3 हे सच्चा सहकर्मी, मी तरा से भी प्रार्थना करुस हइ कि तू उन बयहोन की मदत कर, क्युकि उनने मरा साथ सुसमाचार फैलाना मे, क्लेमेस अरु मरा दुसरा सोप्तीहोन समेत काम कर्यो, जिनको नाम जिवन की किताब मे लिख्यो हुयो हइ.
PHI 4:4 प्रभु मे सदा खुश र्हेनु. मी फिर बोलुस हइ, खुश र्हेनु
PHI 4:5 तुम्हारी कोमलता सब इन्सानहोन पर प्रगट हुये प्रभु का पास हइ.
PHI 4:6 कोय भी बात कि चिन्ता मत करणू. पन हर एक बात मे तुम्हारो नीवेदन, प्रार्थना अरु प्रार्थना का वजेसे धन्यवाद का सात परमेश्वर का सामने उपस्थित कर्यो जाए
PHI 4:7 तब परमेश्वर खे शांती जो सब समझ परे हइ मन अरु तुम्हारा बिचारहोन को मसीह यीशु मे हिपाजत से रख्ये.
PHI 4:8 येका लिये मसीह भैइ जो जो बातहोन सच्ची हइ अरु जो जो बात आदरणीय हइ, अरु जो जो बात अच्छी हइ, अरु जो जो बात पवित्र हइ, अरु जो जो बात सुहावनी हइ, अरु जो जो बात मनभावनी हइ, मंनजे जो भी सदगुण अरु प्रशंसा की बात हइ उन पर ध्यान लगाया करणू.
PHI 4:9 जो बात तुम ने मरा से सीखी, अरु ग्रहन करी, अरु सुनी ,अरु मरा मे देखी, उनी को पालन कऱ्यो, जब परमेश्वर जो शांती को दूत हइ तुम्हारा साथ र्‍हीये.
PHI 4:10 मी प्रभु मे भोत खुश हइ कि अब इत्ता दिनहोन का बाद तुम्हारी चिन्ता मरा बारे मे फिर जागृत हुइ हइ. नीश्चय तुमने सुर्वात मेभी येको बिचार थो, पर तुमखे मौको नी मील्यो.
PHI 4:11 यो नी कि मी अपना कमी करण यो बोलूस हइ. क्युकि मे ने यो सीख्यो हइ कि जे दशा मे हइ. ओका मे खुश कर्यु.
PHI 4:12 मी लीन होनु भी जानुस हइ अरु बडनो भी जानुस हइ. हर एक बात अरु सब दशाहोन मे मेने मगन होनु, भुको र्‍हेनू, अरु बढनो घटनो सीख्यो हइ.
PHI 4:13 जे मेखे शक्ति देस हइ ओमे मी सब कुछ करी सकुस हइ.
PHI 4:14 तेभी तुम ने भलो कर्यो कि मरो क्लेश मे मरा हिस्सेदार हुया.
PHI 4:15 हे फिलिप्पिहोन तुम भी जानस हइ कि सुसमाचार प्रचार को सुर्वात मे, जब मी मकिदुनी से बीदा हुयो तब तुमखे छोडी खे अरु फक्त मंडली ने लेनो देना का बारे मे मरी मद्दत नी करी.
PHI 4:16 यो प्रकार जब मी थिस्सलुनीखे, मे थो, तब भी तुम ने मरी कमी पूरी करण का लिये एक बार का क्युकी दो बार कुछ भेज्यो थो.
PHI 4:17 यो नी कि मी दान चाउस हइ पन मी असो फल चाउस हइ जो तुम्हारा लाभ का लिये बडतो जास.
PHI 4:18 मरा पास सब कुछ हइ, क्युकी भोत से भी हइ. जे चिजहोन तुम ने इपफ्रुदीतुस का हात से भेज्यो थो उनका मीलीखे मी मगम हूइ गयो हइ, उ तो सुखदायक सुगन्ध ग्रहन करणा योग्य बलिदान हइ जे परमेश्वर खे भास हइ.
PHI 4:19 मरो परमेश्वर भी अपना उ धन का जसो जे महिमा सहित मसीह यीशु मे हइ, तुम्हारा हर एक घटी खे पूरी कर्ये.
PHI 4:20 हमारो परमेश्वर अरु बाप की महिमा पिडमपिडि होती र्हिये. आमीन.
PHI 4:21 हर एक पवित्र झन खेजे प्रभु यीशु मसीहा मे हइ नमस्कार बोलनु. जे मसीह भैइ मरा साथ हइ, तुमखे नमस्कार बोलस हइ.
PHI 4:22 सब पवित्र इन्सान, विशेष करीखे जे कैसर का घराना का हइ, तुमके नमस्कार बोलस हइ.
PHI 4:23 हमारो प्रभु यीशु मसीह को अनुग्रह तुमारी आत्मा का साथ र्‍हिये.
COL 1:1 पौलुस का तरप से जो परमेश्वर कि इच्छा से मसीह यीशु को प्रेरित हइ, अरु भैइ ती तीमुथियुस का तरप से,
COL 1:2 मसीह मे वे पवित्र अरु विश्वासी भैइहोन को नाम जो कुलुस्से मे ऱ्हेस हइ हमारो बाप परमेश्वर का तरप से तुमखे अनुग्रह अरु शांती मीलती होती र्‍हिये.
COL 1:3 हम तुम्हारा लिये सदा प्रार्थना करीखे अपनो प्रभु यीशु मसीह को बाप यानी परमेश्वर को धन्यवाद करस हइ,
COL 1:4 क्युकि हम ने सुन्यो हइ कि मसीह यीशु पर तुमारो विश्वास हइ, अरु सब पवित्र दुन्याहोन से तुम प्रेम रखस हय.
COL 1:5 वा आस कि चिज को करण जो तुमारा लिये स्वर्ग मे रखी हुयो हइ, जेको वर्णन तुम उ सुसमाचार कि सच्चो वचन मे सुनी चुक्यो हय,
COL 1:6 जो तुमारा पास पहुच्यो हइ, अरु जसो संसार मे भी फल लास अरु बडते जास हइ, वोसो य जो दिन से तुम ने ओको सुन्यो अरु सच्ची से परमेश्वर को अनुग्रह पहिचाननो हइ, तुम मे भी असो य करस हइ.
COL 1:7 ओकि शिक्षा तुम ने हमारा प्रिय सहकर्मी इपफ्रास से मील्यो, जो हमारो लिये मसीह को विश्वासयोग्य सेवक हइ.
COL 1:8 ओ ने तुम्हारो प्रेम कि जो आत्मा मे हइ हमारा पर प्रगट कऱ्यो.
COL 1:9 येका लिये जो दिन से यो सुन्यो हइ, हम भि तुम्हारा लिये यो प्रार्थना अरु प्रार्थना करणो नी छोडुस कि तुमने सब आत्मीक ज्ञान अरु समझ सहित परमेश्वर कि इच्छा कि पैछान मे परिपुर्ण हुय जाव.
COL 1:10 ताकि तुम्हारो चल-चलन प्रभु, योग्य हय अरु वे सब प्रकार से प्रसन्न हुये, अरु तुम से हर प्रकार का भला काम का फल लगह्ये, अरु तुम परमेश्वर की पैछान मे बडते जाव.
COL 1:11 ओकी महीमा की शक्ति का जसो सब प्रकार को सामर्थ्य से ताकत होते जाये, ह्या तक कि आनन्द, साथ हर प्रकार से धीरज अरु सहनशीलता देखी सक्यो.
COL 1:12 अरु बाप को धन्यवाद करता रिये, जेने हमके यो योग्य बनायो कि दिवो मे पवित्र लोग का साथ मीरास मे शामील हुये.
COL 1:13 ओ ने हम खे अन्धर का कुल से छुडाये लिखे प्रिय बेटा का राज्य मे प्रवेश करायो.
COL 1:14 जे मे हमखे छुटकारो मंनजे पाप कि माफी मीलस हइ.
COL 1:15 व्हा तो अदृश्य परमेश्वर को प्रतीरुप अरु सब सृष्टि मे पयलो हइ.
COL 1:16 क्युकि ओ मे सब चिजहोन की सृष्टि हुय, स्वर्ग कि हय अथवा पृथ्वी की, देख्यो यो बिनादेख्यो, राजगद्दी, प्रभुताहोन, अधिकार, सब चिजहोन ओका वजेसे अरु ओका लिये सृजी गय हइ,
COL 1:17 व्हा सब चिजहोन मे पयलो हइ अरु सब चिजहोन वो मे रुख्यो र्‍हेती थी.
COL 1:18 उ आंग का मंनजे मंडली को माथो हइ. व्हा अगर हइ, अरु मर्‍यो हुयो मे से जिन्दो उठनआला मे पयलो कि सब बात मे व्हा प्रधान रोख्ये.
COL 1:19 क्युकि बाप कि प्रसन्नता ये मे हइ कि ओमे सब परिपूर्णता से वास कऱ्हु,
COL 1:20 अरु ओका क्रुस पर बोहायो हुयो खुन खे वजेसे मीलिजुलीखे करीखे, सब चिजहोन, ओका वजेसे से अपना सात मीली खे ली, समजो वे पृथ्वी पर की हुये चाह्ये स्वर्ग मे की.
COL 1:21 तुम जो पैयले बुरा काम करण मन से दुर था.
COL 1:22 ओने आब ओका शारीरिक आंग मे मरना का वजेसे तुमरो भी मीली लियो जबकी तुमखे अपना समने पवित्र अरु नीष्कलंक, अरु नीर्दोश बनयखे हजीर कर.
COL 1:23 अगर तुम विश्वास को पय्या पर पक्को बन्यो र्‍हिये अरु उ सुसमाचार कि आस खे जो तुम ने सुन्यो हइ नी छोड, जिनको प्रचार बद्दल का नीच्चे की सब सृष्टि मे कर्‍यो गयो, अरु जेको मी, पौलुस, सेवक बन्यो
COL 1:24 अब मी वे दुख को करण खुसी करस हय, जो तुम्हारा लिये उठस हय अरु मसीह कि पिडा कि कमी ओका आंग का लिये, मंनजे मंडली का लिये, अपनो आंग मे पुरो करस हय.
COL 1:25 जिनको मी परमेश्वर को उ प्रबन्ध का जसो सेवक बन जो तुमारा लिये मेखे दियो गयो जबकी मी परमेश्वर को वचन खे पुरो प्रचार कर्‍हु.
COL 1:26 मंनजे उ भेद खे जो टेमहोन अरु पिडीसे लुकयखे र्‍हियो, पन आब उनको वे पवित्र दुन्या पर प्रगट हुयोस हइ.
COL 1:27 जिन पर परमेश्वर ने प्रगट करणो चाह्यो कि उनने समज्यो कि गैरयहूदीहोन मे वा भेद कि महिमा को मोल हुये खे हइ, अरु व्हा यो हइ कि मसीह जो महीमा कि आस हइ तुमारा मे र्‍हेस हइ
COL 1:28 जिनको प्रचार करी खे हम हर एक इन्सान खे सिखास हइ कि हम हर एक इन्सान खे मसीह मी सिध्द करीखे उपस्थित कर्‍हे.
COL 1:29 येका य लिये मी ओकी वा शक्ति का जसो जो मेखे सामर्थ्य का सात प्रभाव डलतो हइ, तन मन लगयखे अराम भी करस हय.
COL 2:1 मी चाहुस कि तुम समजी ले कि तुम्हारो अरु उनका लिये जो लौदिकिया मे हइ, अरु वे सब का लिये जिनने मरो आंग मुडो नी देख्यो, मी कसो अराम करस हय,
COL 2:2 जबकी उनको मन मे शांती हइ अरु वे प्रेम से आपस मे जुडी खे र्‍हिया, अरु वे पुरो समज को सब धन हासील कर्‍ह्ये अरु परमेश्वर बाप को भेद खे मंनजे मसीह खे पहीछानी लिये.
COL 2:3 जिनमे डिमाक अरु समज को सब धन भण्डार लुक्या हुयो हइ.
COL 2:4 यो मी येका लिये बोली रोस हय कि कोय इनसान तुमखे झुटी तरीका कि बात से धोको नी दे.
COL 2:5 अगर मी आंग का रुप से नी तुमारा से दुर हय, तेभी आत्मीक भाव से तुम्हारा नजिक हय, अरु तुम्हारो बराबर जिवन खे अरु तुम्हारो विश्वास की, जो मसीह मे हइ, दृढता देखीखे खुश होस हय.
COL 2:6 आखरी जसो तुम ने मसीह यीशु खे प्रभु करीखे ग्रहण करी लियो हइ, वोसोय वोमे चलास र्‍हेव.
COL 2:7 अरु ओमे य जडी पकडते अरु बडते जाव. अरु जसौ तुम सिखायो गयो अरु ओसो य विश्वास मे दृढ होते जाव, अरु जादा से जादा धन्यवाद करते र्‍हेव.
COL 2:8 हुशार र्‍हेव कि कोय तुमखे उ तत्व ज्ञान अरु व्यर्थ धोका वजेसे अपनो अहेर नी बनय ले, जो इन्सान की रितीरिवाज अरु जगत की सब पयली शिक्षा का जसो तो हइ, पर मसीह को जसो नी.
COL 2:9 क्युकि ओमे परमेश्वर कि सब परिपूर्णता आंग वास करस हइ.
COL 2:10 अरु तुम ओमे भरपुर हुय गयो हय जो सब प्रधानता अरु अधिकार को शिरोमणी हइ.
COL 2:11 ओमे तुम्हरो असो खतनो हुयो हइ जो हात से नी होय, मंनजे मसीह को खातनो, आंग उतार दीयो जास हइ,
COL 2:12 अरु ओका सात बपतिस्मा मे गाड्यो गयो अरु ओमे य परमेश्वर की सामर्थ्य पर विश्वास करीखे, जिन खे मर्‍यो हुया मे से जिन्दो, ओका सात जिन्दो भी हुयो.
COL 2:13 ओने तुम्हारो भी, जो अपराधहोन अरु अपना आंग की खतनहित दशा मुर्दो थो, ओका सात जिन्दो, अरु हमरो सब अपराधहोन माफ कऱ्यो,
COL 2:14 अरु विधीहोन की जो व्हा लिख्यो जो हमरो नाम पर अरु खिलाप मे थो मीटकय दिया, अरु ओखे क्रुस पर खिल्ला से जडकय सामने से बाजु करी दियो हइ.
COL 2:15 अरु ओने प्रधानहोन अरु अधिकार का उपर से उतरीखे उनको खुल्लमखूल्ला नाटक बनायो अरु क्रुस का वजेसे उन पर जय जयकार की आवाज सुनी.
COL 2:16 येका लिये खान पिन का पैयले यो नवो चाद अरु अराम का बारे मे तुमारो कोय फैसलो नी कर्‍हे.
COL 2:17 क्युकि ये सब आनआली सब बात कि छाय हइ, पर किमती चिज मसीह कि हइ.
COL 2:18 कोय इन्सान आत्मा हिनता अरु स्वर्गदूतहोन की पुजा करीखे हुयो दौडी खे प्रतीफल से बाहेर नी करु. इन्सान देख्यो हुयो बात मे लग्यो र्‍हेस हइ अरु अपना शारीरिक समज पर व्यर्थ फुलस हइ,
COL 2:19 अरु उये शिरोमणी खे पकडन को नी र्‍हेतो जेकासे सब आंग अरु पट्टा का वजेसे पालन पोसन मीलिखे अरु एक सात मीलीखे, परमेश्वर कि तरप से बडते जास हइ.
COL 2:20 जब कि तुम मसीह का सब जगत कि पयली शिक्षा का तरप से मरी गया हय, ते फिर का उनका सामने जो जगत को हइ जिवन बितस हय? तुम असो विधीहोन का बस मे कायबर ऱ्हेस हय,
COL 2:21 कि यो नी पकड्यो, ओखे नी चाट्यो, अरु ओखे हात नी लगानु?
COL 2:22 यो सब चिजहोन काम मे लाते खतम हुय जाह्ये क्युकि ये इन्सान की आज्ञाहोन अरु शिक्षाहोन का जसो हइ.
COL 2:23 या विधीहोन मे या इच्छा का जसो गडी वालि भक्ति कि रीति, अरु आत्मा हीनता, अरु शारीरीक योगभास को भाव से ज्ञान को नाम तो हइ, पन आंग लालुचहोन खे रोखना मे येका से कुच भी फायदो नी होतो.
COL 3:1 आखरी मे जब मसीह का सात जिन्दो कर्‍यो गयो, ते स्वर्गीय चिजहोन कि ढुडना मे र्‍हेव जहा मसीह विघमान हइ अरु परमेश्वर का जवना तरप बठ्योस हइ.
COL 3:2 जमीन पर की नी पन स्वर्गीय चिजहोन पर ध्यान लगाव,
COL 3:3 क्युकि तुम तो मरी गया अरु तुमारो जिवन मसीह का सात परमेश्वर मे लुक्यो हुयो हइ.
COL 3:4 जब मसीह जो हमारो जिवन हइ, प्रगट हुये तब तुम भी ओका सात महिमा सहित प्रगट कह्ये जाह्ये.
COL 3:5 येकालिये अपनो वे आंग खे मारी डाल्हे जो पृथ्वी पर हइ, मनजे व्यभिचार, अच्छो, दुष्कामना, बुरी लालुच अरु लोभी खे जो मूर्तिपुजा का बराबर हइ.
COL 3:6 येका कारण परमेश्वर को घुस्सा आज्ञा नी माननवाला पर पडस हइ.
COL 3:7 अरु तुम भी, जब या बुराय मे जिवन बिताता था ते इनका अनुसार चलस हइ.
COL 3:8 पर अब तुम भी या सब खे, मंनजे घुस्सा, रोस, दुजाभाव, टिंगल अरु मुडा से गाली नीकलनो या सब बात छोडी दे.
COL 3:9 एक दुसरा से झुटी मत बोलनू, क्युकि तुमने जुन्ना इन्सान खे ओका काम का सात मे उतारी दियोस हइ.
COL 3:10 अरु नवो इन्सान खे पेनी लियो हइ, जो अपनो सृजनहार का रुप का अनुसार ज्ञान मील्हे करण का लिये नवो बनायो जास हइ.
COL 3:11 ओमे नी ते यूनानी मे र्‍हियो नी यहूदी, खतना नी खतनरहित, नी जंगली, नी स्कूती सेवक अरु मसीह सब मे हइ.
COL 3:12 येकालिये परमेश्वर को चुन्यो हुयो का जसो जो पवित्र अरु प्रिय हइ, जो बडि दया, अरु अच्छो ,अरु दिनता, अरु नम्रता, अरु सहनसीलता खे पेन्या कर,
COL 3:13 अरु अगर कोय पर कोय खे दोस देन को कारण हुये, ते एक दुसरा की सहि ले अरु एक दुसरा को अपराध माफ कर. जसो प्रभु ने तुमारो अपराध माफ कर्‍यो, वसो तुम भी कर.
COL 3:14 यो सब का उपर प्रेम को जो सिध्दन्ता को कटिबन्ध हइ बाधी ले.
COL 3:15 मसीह की शांती जेका लिये तुम एक आंग हुयखे बुलायो भी हइ, तुमारा प्रेम मे राज कर्‍हे अरु तुम धन्यवादी बन्यो र्‍हेव.
COL 3:16 मसीह को वचन को खुद प्रेम मे जादासे से र्‍हेन दे अरु सिध्द ज्ञान सहीत एक दुसरा खे सिकाव अरु बताव, अरु अपना मन मे महिमा का सात परमेश्वर का लिये भजन अरु स्तुतिगिद अरु आत्मीक गिद गा.
COL 3:17 वचन मे यो काम मे जो कुछ भी कर सब प्रभु यीशु को नाम से कर, अरु ओका वजेसे परमेश्वर बाप को धन्यवाद कर.
COL 3:18 हे लुगयहोन,जसो प्रभु मे अच्छी हइ, वसो य अपना अपना अदमी का अधीन र्‍हेव.
COL 3:19 हे इन्सानहोन, अपनी अपनी लुगय से प्रेम रख, अरु उनसे कठुर मत कर.
COL 3:20 हे बच्चाहोन, सब बात मे अपना माय बाप की आज्ञा को पालन कर, क्युकि प्रभु येमे खुस होस हइ.
COL 3:21 हे बच्चाआला, अपना बच्चाहोन खे तंग नी करणू नी हय कि उनको साहस टुटी जाह्ये.
COL 3:22 हे सेवकहोन, जो आंग का अनुसार तुमारो स्वामी हइ, सब बात मे उनकी आज्ञा को पालन कर, इन्सान खे खुस करणआला का जसो दिखान का लिये नी,पन मन की सीधाइ अरु परमेश्वर को डर से.
COL 3:23 जो कुच तुम करस हय, तन मन से कर, यो समझी खे कि इन्सान का लिये नी पन प्रभु का लिये करस हय.
COL 3:24 का तुम मलुम हय कि तुमखे येका बदला प्रभु से मीरास मील्हे. तुम प्रभु मसीह कि सेवा करस हय.
COL 3:25 क्युकि जो बुरो करस हइ व्हा अपनी बुरोय को फल मील्हे, व्हा कोय को पछतावो नी.
COL 4:1 हे स्वामीहोन खे अपनो सेवक का सात न्यान अरु ठिक ठीक व्यवहार कर,यो समझी खे कि स्वर्ग मे तुमारो भी एक स्वामी हइ.
COL 4:2 प्रार्थना मे लग्यो र्‍हेव, अरु धन्यवाद, सात ओ मे जागा र्‍हेव.
COL 4:3 अरु सात ही सात हमारा लिये प्रार्थना सुनन को असो दरवाजो खोली दे, कि परमेश्वर हम मसीह को वु भेद को वर्णन करी सकस जेको कारन मी कैदी मे हय,
COL 4:4 अरु ओखे असो प्रगट करु, जसो मेखे करणो अच्छो हइ.
COL 4:5 अवसर खे किमती समजीखे बाहेरवाला, सात दिमाकआला से व्यवहार कर.
COL 4:6 तुमारो वचन सदा अनुग्रह सहीत अरु सलोनो हय कि तुम हर इन्सान खे अच्छी रीति से उत्तर देनो अय जाह्ये.
COL 4:7 प्रिय भैइ अरु विश्वासयोग्य सेवक, तुखिकुस, जो प्रभु मे मरो सहकर्मी हइ, मरी सब बात तुमखे बतय दिव.
COL 4:8 ओखे मे ने येका लिये तुमारा पास भेज्यो हइ कि तुमखे हमारी बात मालुम हुय जाह्ये अरु व्हा तुमारा दिल खे शांती दे.
COL 4:9 उनका सात मे ने उनेसिमुस खे भी भेज्यो हइ जो विश्वासयोग्य अरु प्रिय भैइ अरु तुम ही मेसे हइ. या तुमखे ह्या की सब बात बतय दिह्ये.
COL 4:10 अरिस्तर्खुस, जो मरा सात जेल मे हइ, अरु मरकुस जो बरनबास को भैइलगास हइ जेका बारे मे तुमने आज्ञा मीली थी कि अगर व्हा तुमारा पास आया, ते ओकासे अच्छा से व्यवहार करणु ,
COL 4:11 अरु यीशु जो यूस्तुस बोल्यो जास हइ, तुमखे नमस्कार बोल्योस हइ. खतना कर्‍यो हुयो दुन्या मे से फक्कत यो य परमेश्वर का राज्य का लिये मरो सहकर्मी अरु शांती को करण र्‍हीयो हइ.
COL 4:12 इपफ्रास, जो तुम परमेश्वर मे से हइ अरु मसीह यीशु को सेवक हइ,
COL 4:13 मी ओको गवइ हइ कि व्हा तुमारा लिये अरु लौदिकिया अरु हियारापुलिस आलो, लिये बडो काम करतो र्‍हेस हइ.
COL 4:14 प्रिय डाॅकटर लुका, अरु देमास खे तुमारो नमस्कार.
COL 4:15 लौदिकिया का भैइखे, अरु नुम्‍फा अरु उनका घर की मंडली खे नमस्कार बोलनू.
COL 4:16 जब यो बेटो तुम्हारा ह्या पडी लियो जाह्‍येका अरु व्हा चिट्ठी जो लौदिकिया से आह्ये ओखे तुम भी पडनू
COL 4:17 अरु अरखिप्पुस से बोलनू कि जो सेवा प्रभु मे तुमखे सौपिदी गय हइ, ओखे सावधानी का सात पुरो करणू.
COL 4:18 मेखे पौलुस को अपना हात से लिख्यो हुयो नमस्कार. मरी हतकडी खे याद रखनु. तुमारा पर अनुग्रह होतो र्‍हे.
1TH 1:1 पौलुस का सिलवानुस अरु तीमुथियुस का तरप से थिस्सलुनीखे किहोन कि मंडली को नाम जो बाप परमेश्वर अरु प्रभु यीशु मसीह मे स्तिथ परमेश्वर को अनुग्रह अरु शांती तुम खे मीलती ऱ्हेस.
1TH 1:2 हम हमेशा अपनी प्रार्थनाहोन मे तुम खे याद करस हइ हम हमेशा तुम सब का बारे मे परमेश्वर को धन्यवाद करस हइ
1TH 1:3 अरु अपना परमेश्वर अरु बाप का सामने तुमारो विश्वास को काम, अरु प्रेम की मेहनत, अरु हमारो प्रभु यीशु मसीह मे तुमारी द्दढ की आशा खे याद करस हइ.
1TH 1:4 हे विश्वासी भैइहोन हम जानस हइ, की परमेश्वर तुमारा से प्यार करस हइ अरु ओने अपनो होन का लिये तुम खे चुन्यो हइ.
1TH 1:5 क्युकी हमारो सुसमाचार खे विवरन तुमारा पास मात्र शब्द मे नी पोचास हइ पन सामर्थ्य अरु पवित्र आत्मा का अरु गहन सत्य का सात पोच्यो हइ. तुम जानस हइ, कि हम जब तुमारा सात था तुमारा लाभ का लिये कसो जिवन जिये.
1TH 1:6 खुद पवित्र आत्मा का वजेसे दिया गया आनन्द का सात हमारो अरु प्रभु को अनुकण करस हुये प्रभु को वचन खे भोत दुख का सात स्वीकार कऱ्यो.
1TH 1:7 ह्या तक की तुम मकिदुनी अरु अखाया का सब विश्वासिहोन का लिये तुम उदाहरण बन्या.
1TH 1:8 क्युकी तुम से प्रभु को सन्देश गुज उठ्यो अरु न फक्त मकिदुनी अरु अखाया सुनी गइ बलकी परमेश्वर को विश्वास से सब जान्यो मान्यो गयो, ते हम खे कुछ भी बोलन कि आकुल्यकता नी हइ.
1TH 1:9 क्युकी वे आप ही हमारा बारे मे बतास हइ, कि तुमने हमारो कसो स्वागत कऱ्यो थो जब हम मील्या था. अरु तुम खे मूर्ती होन से दुर हुइ खे परमेश्वर का तरप से फिरी गया कि जिन्दो अरु सच्चा परमेश्वर कि सेवा करण लग्या.
1TH 1:10 अरु ओको बेटो यीशु हइ, का स्वर्ग से आन को इंतजार करस हइ जो मऱ्या मे से जिन्दो अरु जो परमेश्वर को आनवाला घुस्सा से हम खे बचास हइ.
1TH 2:1 हे विश्वासी साथिहोन, तुम खुद ही जानस हइ कि तुम से भेट करण का लिये हमारो आनो व्यर्थ नी हुये
1TH 2:2 जसो कि तुम खुद हि जानस हइ, कि फिलिप्पी नगर मे दुख उठान अरु उपद्रव सहना पर भी हमारा परमेश्वर ने हम खे असो धिरज दियो, कि हम परमेश्वर को सुसमाचार भारी विरोध होतो हुये भी तुम खे सुनायो साहस मील्हे हुयो.
1TH 2:3 हमारी प्रार्थना येका आधर पर नी हइ, कि हमारो खराब उद्देश अरु येका लिये भी नी हइ कि दुन्याहोन को छल को जतन करस हइ.
1TH 2:4 पर जसो परमेश्वर ने हम खे सुसमाचार को प्रचार करणा को योग्य समज्यो हइ, क्युकी इन्सानहोन कि प्रसन्नता का लिये नी पन परमेश्वर का नाम जो हमारा मन खे तपास हइ.
1TH 2:5 यो तो तुम खे अच्छी रीति से मालुम हइ कि नी ते हमारी बात मे चापलूसी थी, अरु नी लोभ लुकान को बहानो करस हइ, परमेश्वर हमारो गवाह हइ.
1TH 2:6 हमने दुन्याहोन से कोय भी मान सम्मान भी नी चायो नी तुम से अरु नी कोय अरु मसीह को प्रेरित होन का कारण तुम से सहायता लेन को हमारो अधिकार थो, फिर भी हम इन्सानहोन से सम्मान लेन की भी कोशिश नी करी, नी तुम से, नी कोय अरु से.
1TH 2:7 अच्छो ही हम मसीह को प्रेरित होन का कारण हम तुम से माग करता था, पन हम तुमारा सात रहता था जसो एक माय अपना बच्चा खे दुध पिलाते ऱ्हेस हइ.
1TH 2:8 हम ने तुमारा प्रती नम्रता मन को अनुभव कऱ्यो येका लिये परमेश्वर से मील्यो सुसमाचार से क्युकी तुम हमारा प्रिय हुइ गया हइ.
1TH 2:9 क्युकी हे मरा विश्वासी साथिहोन, तुम नीश्चित ही यो याद रख कि हमारी मेनहत अरु तकलीप जब की हम परमेश्वर को सुसमाचार खे सुनता हुये तुम पर बोझ नी बने.
1TH 2:10 तुम खुद ही गवाह हइ, अरु परमेश्वर भी गवाह हइ कि तुम विश्वासी दुन्याहोन मे हमारो व्यवहार कसो पवित्र अरु न्यायी अरु नीर्दोष ऱ्हेस.
1TH 2:11 क्युकि तुम जानस हइ कि जसो बाप ओका बच्चा का सात व्यवाहर करस हइ, असो ही हम ने तुमारा सात व्यवाहर कऱ्यो थो.
1TH 2:12 हम ने खुद खे प्रोत्साहित कऱ्यो हम ने खुद खे दिलासो दीयो अरु तुमारा से लगातार प्रार्थना करस हइ कि असो जिवन जी जो परमेश्वर खे प्रसन्न कर्हे जेने तोखे अपनो खुद को राज अरु महिमा मे हिस्सेदार होन का लिये बुलायो हइ.
1TH 2:13 येका लिये हम भी परमेश्वर को धन्यवाद नीत्य करस हइ. कि जब हमारा पास से परमेश्वर को सुसमाचार को वचन तुमारा पास पोचास, तब तुम उ इन्सान को नी पन परमेश्वर को वचन समझे, अरु सच मे यो असो ही खुद ने ग्रहन कऱ्यो हइ. अरु यो तुम जो विश्वास करस हइ परमेश्वर ओमे काम करस हइ.
1TH 2:14 हे विश्वासी साथिहोन, वा सब बात जो तुमारा सात घटी हइ जो यहुदा को परमेश्वर का वा मंडली का सात घटी , जो मसीह यीशु मे था तुम ने अपना सात भैइहोन से असी यातना झेली हइ जसी उ‍नने वे यहूदीया येका हात से झेली थी.
1TH 2:15 जेने प्रभु यीशु मसीह अरु भविष्यव्दक्ताहोन खे भी मारी डाल्यो अरु हमखे भी सतायो, अरु परमेश्वर उनसे खुसी नी हइ, अरु वे सब परमेश्वर से प्रसन्न नी करस हइ अरु वे पुरा मानवता को विरोधी हइ.
1TH 2:16 वे गैरयहूदीहोन को सुसमाचार कि शिक्षा देना मे बाधा डालस हइ कि कही वे दुन्याहोन को उध्दार नी हुइ जाये या बात मे वे हमेशा अपना पाप को घडो भरतो ऱ्हेस हइ अरु आखरी मे अब परमेश्वर कि घुस्सा पुरी तरहा से पोची हइ.
1TH 2:17 हे विश्वासी साथिहोन, जब हम कुछ टेम का लिये मन मे नी पन आंग मे तुमारा से दुर हुइ गयो थो, ते हम भोत उतावलो हुइ गया था पन फिर से मीलन का लिये भोत कठिन प्रयास कऱ्यो.
1TH 2:18 हम तुम से फिर से मीलन का लिये भोत जतन करी रहा था, मी पौलुस ने हर बार प्रयत्न कऱ्यो कि सैतान ने बाधा डाली.
1TH 2:19 ये सब खे बाहर जान कि हमारी आस हइ, हमारो उल्लास या आनन्द या हमारो मुकुट जेका पर हम खे गर्व हइ? का तुम खे गर्व नी होय कि हमारो प्रभु यीशु डबल से आना पर हम उपस्थित हुये?
1TH 2:20 सच मे घमण्ड अरु गौरव अरु आनन्द तुम ही हइ.
1TH 3:1 या बात जब हम भी धीरज नी ऱ्ही गयो, ते हम ने यो ठहरायो, की एथेस नगर मे अखे लो ऱ्हेनो अच्छो हुये.
1TH 3:2 अरु हम तीमुथियुस खे जो मसीह को सुसमाचार मे हमारो साथिहोन का अरु परमेश्वर को सहकर्मी हइ, येका लिये भेज्यो कि तुम खे मजबुत कर्हे अरु तुमारो विश्वास का बारे मे तुम खे प्रोत्साहित कर्हे.
1TH 3:3 क्युकी कोय यो दुख से पिछे जाये का क्युकी तुम खुद खे जानस हइ कि हम येका लिये ठैराया गया हइ.
1TH 3:4 वास्तव मे जब हम तुमारा पास था, ते तरा से बोलतो थो, की हम पर सताव आनवालो हइ ते ठीक असो ही हुयो अरु तुम भली भाती जानस हइ जेका से घटित हुयो.
1TH 3:5 येका लिये क्युकी मी जादा रस्ता नी करी सकु अरु तुमारो विश्वास का विषय मे तीमुथियुस खे भेजी दियो क्युकी मेखे डर थो सैतान ने तुम खे लुभय खे हमारो कठिन मेहनत बेकार नी करी दियो.
1TH 3:6 पन अभी तीमुथियुस ने जो तुमारा पास से हमारा ह्या अभी तुमारा पास से हमारा पास आयोस हइ, विश्वास अरु प्रेम को सुसमाचार सुनायो, ओने हम खे बतायो कि तुम हमारा बारे मे हमेशा सोचता ऱ्हेस हइ तुम हम से मीलन खे भोत लालुच हुये के असो ही जसो हम तुमसे मीलन.
1TH 3:7 येका लिये हे विश्वासी साथिहोन, हमारी सभी पिडाहोन मे तुमारा विश्वास कारण हमारो उत्साह भोत बडो हइ.
1TH 3:8 क्युकी अब फिर जिवन जी सकीरा हइ क्युकी हम जानी गया हइ कि प्रभु मे तुम खे पंको खडो हइ.
1TH 3:9 अब हम आप करण हमारो परमेश्वर को धन्यवाद देस हइ ओकी उपस्तिथी मे ओका कारण हम उनको धन्यवाद देस हइ?
1TH 3:10 जब हम रात दिन एक मन हूइ, प्रार्थना करता ऱ्हेस हइ, कि तुमारो मेडो देखेखे अरु तुमारा विश्वास कि कमी पुरी कर्‍हे.
1TH 3:11 अब हमारो परमेश्वर अरु बाप अरु मसीह यीशु खे हमारो प्रभु तुम तक पोचना मे हमारी रस्ता देखी हुये
1TH 3:12 अरु प्रभु एक दुसरा का प्रती तथा सब का लिये तन मे ओकी बडोत्री कर तुमारा लिये जसो तुमारा लिये प्रेम बरसास हइ.
1TH 3:13 ताकि उ तुमारा मन खे असो स्थिर कर्‍हे, कि जब हमारो प्रभु यीशु अपना सब पवित्र दुन्याहोन का सात अय खे उ हमारो परमेश्वर अरु बाप का सामने पवित्रता मे नीर्दोष रुख्यो.
1TH 4:1 येका लिये हे विश्वासी साथिहोन, हम तुम से प्रार्थना करस हइ, अरु तुम खे प्रभु यीशु मे प्रोत्साहित करस हइ, कि जसो तुम ने हमारा सात योग्य चाल चलनो, अरु परमेश्वर को सवाल करणा का बारे मे जो प्रकार को नीर्देश मील्हे कऱ्यो थो, अरु जसो तुम चलस भी हइ, असो ही अरु भी अधिक उन्नत होतो चले जा अरु असो ही तुम बडतो जा.
1TH 4:2 क्युकी तुम जानस हइ, कि जो प्रभु यीशु का अधिकार से हमने तुम खे कोन-कोन सो नीर्देश दियो हइ.
1TH 4:3 क्युकी परमेश्वर की इच्छा या हइ, कि तुम पवित्र हुइ जयखे अरु व्यभिचार से पुरी रीति से मेत हुइ जा.
1TH 4:4 अरु तुम मे से हर एक जन पवित्र अरु आदर से खुद कि लुगेन का सात कसो जिवन जीये उ जानो.
1TH 4:5 अरु यो काम अभिलाषा से नी, अरु नी गैरयहूदीहोन का जसो कि इन खे परमेश्वर को ज्ञान नी हइ.
1TH 4:6 या बात मे कोय अपनो विश्वासी भैइ का प्रती अपराध नी कर्हे या कोय अनुचित काम नी करणू क्युकी ये सब पाप का लिये प्रभु दण्ड दिये कि जसो कि हमने तुम खे बतय चुक्या हइ अरु तुम खे सावधान भी करी चुक्या हइ.
1TH 4:7 परमेश्वर ने हमारो बुलावो अपवित्रता का लिये नी पन पवित्र होन का लिये बुलायो हइ.
1TH 4:8 येका लिये जो कोय शिक्षा खे नकारस हइ उ कोय इन्सान खे नी नकारस हइ बलकी परमेश्वर खे ही नकारस हइ जो अपनी पवित्र आत्मा को प्रदान करस हइ.
1TH 4:9 भैइचारा का बारे मे मेखे कुछ भी लिखन कि जरुरत नी कि मी तुमारा पास कुछ लिखू, क्युकी आपस मे प्रेम रखनो तुम ने खुद ही परमेश्वर से सीख्यो हइ.
1TH 4:10 अरु वास्तव मे तुम अपनी सब मकिदुनी असो ही करस हइ किन्तु भैइहोन हम तुम से असी ही प्रार्थना करस हइ कि असो अधिक करस हइ.
1TH 4:11 अरु जसो हमने तुम खे बतायो हइ, शांती पुर्ण जिवन जिन को उद्देश खे अपना काम खे अपनो जिन का लिये खुद कमा.
1TH 4:12 येका से जो विश्वास नी करस हइ वे तुमारी जिन को ढंग को आदर करस तुम का कोय दुसरा पर नीर्भर नी ऱ्हेनु पडे.
1TH 4:13 हे भैइहोन अरु बहीनहोन खे हम नी चास, कि तुम उनका बारे मे अनजान ऱ्हेस, जो मरना मे सोय गया. असो नी होनु कि तुम दुन्याहोन का समान शोक कर्‍हे जेखे आस नी.
1TH 4:14 क्युकी विश्वास करस हइ कि यीशु मऱ्यो हुइ अरु उ जिन्दो हुये खे ते यो प्रकार जेने भी परमेश्वर मे गयास हइ, ओका सात लिजाह्ये,
1TH 4:15 पर जो हम खुद खे सिखय रहा हइ कि उ प्रभु शिक्षा हइ अरु जो हम प्रभु का आना तक जिन्दा ऱ्हेस जब हम मऱ्या हइ उनका से आगे नी जाये.
1TH 4:16 क्युकी प्रभु खुद ही स्वर्ग से उतरे. उ टेम पर बडो अवाज हुये खे अरु प्रधान स्वर्गदूत को शब्द को आवाज सुन्यो जायेका अरु परमेश्वर कि पिपडी फुकी जायेका अरु मसीह मे जो मऱ्या हइ, वे पैयले जिन्दा उठे.
1TH 4:17 तब हम जो जिन्दा अरु बच्या ऱ्हीहे, ते उनका सात हवा मे बंद्दल पर उठ्यो लिये जायेका कि आकाश मे प्रभु से मीले, अरु अत: हम हमेशा प्रभु का सात मे ऱ्हीहे.
1TH 4:18 येका लिये यो आवाज का सात एक दुसरा का सात प्रोत्साहित कर.
1TH 5:1 पर हे विश्वासी साथिहोन, येकी कोय जरुरत नी कि टेम अरु तारीक का बारे मे तुमारा लिये कुछ लिखन कि जरुरत नी.
1TH 5:2 क्युकि तु भोत अच्छा से जानस हइ कि चोर रात खे चुपचाप से आस हइ, असो ही प्रभु को दिन आन को हइ.
1TH 5:3 जब दुन्या बोली रास हुये खे जब सब शांती हइ, अरु सुरक्षित हइ, ते उन पर एक-एक विनाश ए गिरस, जो प्रकार दिन से हुय बय पर दुख. अरु वे कोय रीति से नी बचे.
1TH 5:4 पर हे विश्वासी साथिहोन, तुम अंधारा मे वास हुये खे कि उ दिन तुम पर चोर का जसो चुपचाप से आये.
1TH 5:5 तुम सब तो ज्योति का दुन्या हइ, जो दिन को हइ, हम रात का अरु नी अधारो से समध्दित हइ.
1TH 5:6 येका लिये हम बाकिहोन का जसा सोते हुये नी, पन जागता अरु सावधान ऱ्हेस.
1TH 5:7 क्युकी वे जो सोस हइ, रात मे सोस हइ, अरु जो मतवाला होस हइ, वे रात मे मतवाला होस हइ.
1TH 5:8 पन जो हम दिन को हइ येका लिये हम खे अपना आप मे कबजो रखनो हइ, आ विश्वास अरु प्रेम कि झिलम धारण करणो हइ कवच अरु उध्दार कि आस मुकुट धारण करीखे तैयार ऱ्हेस.
1TH 5:9 क्युकी परमेश्वर ने हम खे घुस्सा का लिये नी पन येका लिये रोख्यो हइ कि हमखे हमारा प्रभु यीशु मसीह का वजेसे उध्दार मील्हे हुये ओकी घुस्सा का लिये नी.
1TH 5:10 ओने हमारा लिये जान त्यागी दियो हइ हम जिवन या मऱ्या हुया हइ जब उ फिर आये तब हम ओका सात जिन्दो ऱ्हिया.
1TH 5:11 अरु एक दुसरा को प्रोत्साहित कर अरु दुसरा कि मदत कर जसो कि तुम अभी करी रास हइ.
1TH 5:12 हे विश्वासी साथिहोन, तुमसे हमारी प्रार्थना हइ कि जो तुमारा बिच मे मेहनत करस हइ, अरु जो मसीह जिवन मे तुमारा लिये मार्गदर्शन करस हइ अरु तुम खे शिक्षा देस हइ उनको आदर कर.
1TH 5:13 उनका काम ध्यान मे रखता हुये उनका प्रेमपूर्वक उचो सम्मान दे, अरु आपस मे शांती बनय रख.
1TH 5:14 अरु हे विश्वासी साथिहोन, हम तुमसे प्रार्थना करस हइ कि जो बिगड्या दुन्याहोन खे चेता मन से दुखी दुन्याहोन को प्रोत्साहित दे, अरु जो नीर्बलहोन खे संभाल्ये सब का सात सहनशीलता से ऱ्हे.
1TH 5:15 यो ध्यान मे रख कि कोय भी बुराइ को बदलो बुराइ से नी लेन्यो पाये. पर हमेशा भलाइ करणा पर प्रयास कर्‍हे अरु आपस मे सब से भी भलाइ ही की चेष्टा कर.
1TH 5:16 हमेशा खुशाल ऱ्हे
1TH 5:17 प्रार्थना लगातार कऱ्या कर
1TH 5:18 हर परिस्तिथी मे परमेश्वर को धन्यावाद कर, की मसीह यीशु की एकता को जिवन मे परमेश्वर तुमारा से योही चास हइ.
1TH 5:19 पवित्रा आत्मा खे नी बुझानु.
1TH 5:20 भविष्यद्वाणिहोन खे तुच्छ नी समझनु.
1TH 5:21 सब बात खे समजे अरु जो अच्छी हइ ओखे ग्रहण कर.
1TH 5:22 सब प्रकार कि बुराइ से बच्या ऱ्हे.
1TH 5:23 शांती को परमेश्वर खुद ही तुम खे पुरी रीति से पवित्र कर्हे, अरु तुमारी आत्मा खे अरु जान अरु आंग हमारो प्रभु यीशु मसीह का आना तक नीर्दोष अरु सुरक्षित रख.
1TH 5:24 तुमारो बुलानवालो विश्वास योग्य हइ, अरु उ असो ही कर्‍हे.
1TH 5:25 हे विश्वासी साथिहोन, हमारा लिये भी प्रार्थना कर.
1TH 5:26 हे विश्वासी साथिहोन, ओखे पवित्र हात जोडी खे नमस्कार कर.
1TH 5:27 मी तुम खे प्रभु का अधिकार से प्रार्थना करुस हइ की विश्वासी साथिहोन मे से पकडी खे सुनायो जाये.
1TH 5:28 तुम पर हमारो प्रभु मसीह यीशु कि अनुग्रह तुमारा सात बनी ऱ्हीहे.
2TH 1:1 पौलुस अरु सिलवानुस अरु तीमुथियुस का तरफ से हमारो परम बाप परमेश्वर अरु प्रभु यीशु मसीह मे बन्या हइ जो हमारो बाप परमेश्वर अरु प्रभु यीशु मसीह मे हइ.
2TH 1:2 हमारो बाप परमेश्वर अरु प्रभु यीशु मसीह मे तुमखे अनुग्रह अरु शांती मीलती र्‍हे.
2TH 1:3 हे हमारा विश्वासी साथिहोन, तुम्हारा बारे मे हमखे हर टेम परमेश्वर को धन्यवाद करणो चास हइ, अरु यो उचित भी हइ येका लिये कि तुम्हारो विश्वास भोत बडतो जास हइ, अरु आपस मे तुम सब मे प्रेम भोत ही बढतो जास हइ.
2TH 1:4 ह्या तक कि हम खुद परमेश्वर की मंडली मे तुम्हारा बारे मे गर्व करस हइ, कि जेतनो उपद्रव अरु दुख तुम सहस हइ, वे सब मे तुम्हारो धीरज अरु विश्वास प्रगट होस हइ.
2TH 1:5 यो परमेश्वर को सच्ची न्याय को सपा प्रमाण हइ कि तुम परमेश्वर को राज का योग्य ठैऱ्या जेका लिये तुम सब ओका लिये दुख उठाता ऱ्हेस.
2TH 1:6 परमेश्वर उ कर्हे जो अच्छो हइ अरु जो तुमखे दुख देस हइ, बदला मे उनखे दुख दियो जाये.
2TH 1:7 अरु तुम जो दुख उठ्य रास हुये उनका उ टेम विसराम दियो जाये प्रभु यीशु अपनो सामर्थ्य स्वर्गदूत का सात को स्वर्ग मे भडकती अंगार मे प्रगट हुये.
2TH 1:8 जेने परमेश्वर को नकाऱ्यो अरु हमारा प्रभु यीशु को सुसमाचार को पालन नी कऱ्यो उनका दण्ड दियो जाये.
2TH 1:9 तथा उनका प्रभु अरु ओका महिमा मय शक्ति से बाजु दियो जाये अरु उनका दण्ड दियो जाये.
2TH 1:10 अरु ओमे तुम दुन्या भी शामील हुये क्युकी हमने ओका बारे मे जो गवाही साक्षी दी थी तुम ने ओका पर विश्वास कऱ्यो.
2TH 1:11 उ जिवन का लिये योग्य समझ जेखे तुमने जिवन का लिये बुलायो गयो, प्रार्थना अरु अच्छो उ तुमारी हर उतम इच्छा खे पुरी कर अरु हर उ काम की उ सफल बना जो तुम विश्वास को परी नाम हइ,
2TH 1:12 यो प्रकार कि हमारो प्रभु यीशु को नाम महीमा पास अरु तुम ओका वजेसे महीमा पास ये सब कुछ हमारो प्रभु यीशु मसीह को अनुग्रह से हुये.
2TH 2:1 हे विश्वासी साथिहोन, अब हम अपना प्रभु यीशु मसीह का फिर आन की, अरु ओका सात परसपर जमा होन की प्रार्थना करस हइ.
2TH 2:2 कि तुम आसानी से अपना विवेक खे कोय भविष्यवाणी का अलावा कोय असो पत्र खे नी आत्मा जेखे हमारा वजेसे लिख्यो गयो तथा मेजवान रुप से बतायो गयो हइ प्रभु को दिन ए चुक्यो हइ नी होनु.
2TH 2:3 तुम अपना आप खे कोय का भी वजेसे कोय प्रकार से कोय खे भरमाना नी दे, क्युकी वह दिन उ दिन तक नी आये जब तक कि आखरी विद्रह अरु बुरी शक्ति प्रगट नी हुये उ इन्सान की नीयती तो नरक हइ.
2TH 2:4 उ अपना आपखे हर चिज का उपर बोले अरु उनको विरोध कर्हे असा चिज जो परमेश्वर को हइ, जो परमेश्वर कि पुज्जनीय हइ ह्या तक की परमेश्वर कि मन्दिर मे जयखे राजगद्दी पर बठी खे यो दावा करस कि उ परमेश्वर हइ.
2TH 2:5 का तुमखे याद नी की जब मी तुम्हारा ह्या थो, ते तुम से या सब बात बोलतो थो.
2TH 2:6 अरु अब तुम तो जानस हइ, कि ओखे रोकी रास हइ ताकि उ उचित टेम आना पर प्रगट हुइ जाये.
2TH 2:7 क्युकी अन्याय को भेद पैयले से ही हइ पन जो कुछ जब तक नी जब तक रहश्य मय बात कर्हे.
2TH 2:8 जब अधर्मी प्रभु यीशु आये उ ओखे मारी डाले अपना मुडा का फुक से अपनो वैभवी उपस्ती आत्मीक खतम कर्हे.
2TH 2:9 उ दुष्ट को आनो सैतान कि शक्ति से हुये तथा उ भोत बडि शक्ति झुटो सामर्थ्य अरु अर्चाय चिन्ह का काम से गया.
2TH 2:10 अरु नास होनआला का लिये अधर्म सब प्रकार का दुष्ट छल प्रपन्च को इस्तमाल करी खे उ इन को उपयोग ये इन्सान पर करस जेने सत्य से प्रेम नी कऱ्यो जेका से उनको उध्दार नी हुये.
2TH 2:11 अरु येका कारन परमेश्वर उन मे एक भटकान देनआली सामर्थ खे भेज्यो कि वे झुट पर विश्वास कर्‍हे.
2TH 2:12 ताकि जेतना दुन्या सत्य पर विश्वास नी करस, पन झुठ पन खे प्रमानीत करस हइ, वे सब दण्ड मील्हे.
2TH 2:13 पर हे विश्वासी साथिहोन, प्रभु का प्रिय दुन्या कि तुम्हारो बारे मे हमेसा परमेश्वर को धन्यवाद करस ऱ्हीहे, कि आत्मा का वजेसे पवित्र बनीखे, अरु सत्य पर विश्वास करीखे उध्दार पाये.
2TH 2:14 जेका लिये ओने तुमारो सुसमाचार का प्रचार का वजेसे बुलायो हइ, कि तुम हमारा प्रभु यीशु मसीह कि महिमा धारण करी सखे .
2TH 2:15 येकालिये, हे विश्वासी साथिहोन, स्थिर ऱ्हे. अरु जो परम्पराहोन तुमने हमसे मुख्य रुप से अरु चिठ्टी का वजेसे मील्हे हइ.
2TH 2:16 अब खुद हमारो प्रभु मसीह खुद ही, अरु हमारो बाप परमेश्वर जेने हमारा से प्रेम रख्यो, अरु अनन्त प्रोत्साहित अरु अच्छी आस दी हइ.
2TH 2:17 तुमारो मन मे प्रोत्साहित दे अरु तुमखे हर एक अच्छो काम अरु शब्द मे तुमखे द्दढ कर्हे.
2TH 3:1 पन हे मरा विश्वासी साथिहोन हमारा लिये प्रार्थना कर की प्रभु को संदेश ताखत से फैले खे अरु महिमा का सात स्वीकार योग्य हुये खे जसो तुम दुन्याहोन का बिच मे हुयो हइ.
2TH 3:2 प्रार्थना कर कि हम दुष्ट अरु बुरा दुन्याहोन से बच्या र्‍हिहे क्युकी सब दुन्या प्रभु, सन्देश पर विश्वास नी हुये.
2TH 3:3 पन प्रभु विश्वासयोग्य हइ. उ तुमखे पक्को अरु स्तिर कर्हे अरु ओका दुष्ट से बचाये.
2TH 3:4 अरु हम खे प्रभु मे तुम पर आत्मा विश्वास हइ अरु येका लिये हम निश्चित हइ कि जो आज्ञा हम तुम खे देस हइ उनका तुम मानस हइ अरु लगातार मानता ऱ्हीहे.
2TH 3:5 परमेश्वर को प्रेम अरु मसीह को धिरज का तरफ प्रभु तुम्हारा मन कि अगु अय कर्हे.
2TH 3:6 हे हमारा विश्वासी साथिहोन खे हम तुम खे अपना प्रभु यीशु मसीह को नाम से आज्ञा देस हइ कि हर एक असा विश्वासी दुन्याहोन से दुर र्‍हे का जो आलस जिवन जिस हइ, जो हमने दीयो नीर्देश को पालन नी करतो हुये.
2TH 3:7 क्युकी तुम खुद अच्छी रीति से जानस हइ. कि तुम खे हमारो अनुकरण कसो करणो चास कि क्युकी हम तुमारा बिच मे था आलसी नी कऱ्यो.
2TH 3:8 अरु कोय की रोटि फुकट मे नी खे पर मेहनत अरु काम रात दिन करी रा था क्युकी तुम मे से कोय पर बोझो नी बनु.
2TH 3:9 असो नी कि हम ने तुम से साहयता लेन को अधिकार नी बलकी येका लिये कडी मेहनत करस हइ कि तुम ओको अनुकरण करस हइ.
2TH 3:10 अरु जब हम तुम्हारा ह्या आज्ञा तुमखे देता था, कि जो काम नी करस उ खानो भी नी खाय.
2TH 3:11 हम सुनस हइ, कि कतना दुन्या तुमारा बिच मे आलसी जिवन जिस हइ. अरु दुसरा मे कावट करस हइ.
2TH 3:12 असो हम प्रभु यीशु मसीह मे आज्ञा देस अरु प्रार्थना करस हइ, कि शान्ती का साथ अपनी कमाइ की रोटी खाय खे
2TH 3:13 पन तुम विश्वासी साथिहोन कि जहा तक तुमारी बात हइ भलाइ करीखे थखे मत.
2TH 3:14 या चिठ्‌ठी मे लीखी हुइ शिक्षा नी माने कि ते ओका पर नजर रख. अरु ओका संग मे नी ऱ्हेनु कि जेका से उ लज्जित हुये.
2TH 3:15 पन ओका सात मे दुशमन जसो व्यवाहर मत कर बलकी ओका भैइ का जसो समजायो.
2TH 3:16 अब प्रभु जो शांती देनवालो परमेश्वर हइ उ खुद ही तुम खे हमेशा सब प्रकार कि शांती देकी प्रभु तुम सब का सात ऱ्हेस.
2TH 3:17 मी पौलुस खुद अपनी लिखावट मे यो नमस्कार लिखी रोस हइ. मी यो प्रकार हर चिठ्‌ठी पर हस्तक्षर करस हइ मरी लिखन कि शैली यही हइ.
2TH 3:18 हमारो प्रभु यीशु मसीह को अनुग्रह तुम सब पर होतो र्‍हिये.
1TI 1:1 पौलुस का तरप से जो हमारो उद्धारकर्ता परमेश्वर को अरु हमारी आस मसीह यीशु की आज्ञा से मसीह यीशु को प्रेरित.
1TI 1:2 ती तीमुथियुस को नाम जो विश्वास मे मरो सच्चो बेटो हइ बाप परमेश्वर को अरु हमारो प्रभु मसीह यीशु का तरप से तोखे अनुग्रह दया खे अरु शांती मीलती र्‍हे.
1TI 1:3 जसो मे ने मकिदुनी खे जान का टेम्म तो समझायो थो, कि इफिसुस मे ऱ्हि खे कुछ दुन्याहोन खे आज्ञा दि की झुटी प्रकार कि शिक्षा नी देनु,
1TI 1:4 अरु वा कानहोन अरु अनन्त पुरवजहोन पर मन नी लगायेका जेकासे वाद विवाद होस हइ, अरु परमेश्वर को उ प्रबन्ध का जसो नी, जो विश्वास से सम्बन्ध रखस हइ. असो मेय फिर भी बोलुस हइ.
1TI 1:5 आज्ञा को सारांश यो हइ कि सपा मन अरु अच्छो विवेक को अरु नीष्कपट विश्वास से परदा प्रेम होस.
1TI 1:6 इनखे छोडी केतना दुन्या बेकार बात मे भटकी गया हइ.
1TI 1:7 अरु वे व्यवस्थापक शिक्षक तो होनो चास हइ, पर जो बात बोलस अरु जेको दृढता से बोलस हइ, उनका समझस भी नी.
1TI 1:8 पर हम जानस हइ की अगर कोय नीयम खे अच्छी रीति पर काम मे लगाये ते उ अच्छो हइ
1TI 1:9 यो जानी, कि धर्मी जन खे नीयम लिये नी अधर्मीहोन खे नीरंकुश भक्तिहीन पापिहोन, अपवित्र अरु अशुध्दकाम माय बाप मारनवालो, खुनी,
1TI 1:10 व्यभिचारी खे इन्सान गामीहोन, इन्सान खे बेचन आलो को झुट बोलनवालो अरु झुटी करम खानआलो का अरु इनखे छोडीखे स्च्ची शिक्षा को सब खिलाप खे लिये रोख्यो गयो हइ.
1TI 1:11 यो परमधन्य परमेश्वर कि महिमा को उ सुसमाचार का जसो हइ जो मे का दियो गयो हइ.
1TI 1:12 अरु मी अपना प्रभु मसीह यीशु को जेने मे खे सामर्थ्य दी हइ, धन्यवाद करुस हइ कि ओने मे, विश्वासयोग्य समझी खे अपनी सेवा का लिये ठयरायो.
1TI 1:13 मी तो पैयले नीन्दा करणवालो खे अरु सतानवालो खे वाद विवाद करणवालो थो. ते भी मरा पर दया हुइ, क्युकी मे ने अविश्वास करण बिना समजे मेने यो सब कर्‍यो थो.
1TI 1:14 अरु हमारो प्रभु को अनुग्रह उ विश्वास अरु प्रेम का सात जो मसीह यीशु मे हइ भोतायत से हुयो.
1TI 1:15 या बात सची अरु हर प्रकार से मानन, योग्य हइ, की मसीह यीशु पापिहोन को उध्दार करण का लिये जगत मे आयो कि जेमे सबसे बडो पापी मी हइ.
1TI 1:16 पर मरा पर येका लिये दया हुइ कि मी सबसे बडो पापी मे यीशु मसीह अपनी पुरी सहनशिलता बतय, कि जो दुन्या ओका पर अनन्त जिवन का लिये विश्वास करस कि उनका लिये मी एक आदर्श बनु.
1TI 1:17 आब सनातन राजा मंनजे अविनाशी कि अनदेखी अद्वैत परमेश्वर कि इज्जत अरु महिमा हमेशा होस ऱ्हेस.
1TI 1:18 हे बेटा ती तीमुथियुस! उ भविष्यव्दाणीहोन का जसो कि जो पैयले तरा बारे मे करी गय थी किमी या आज्ञा दियुस हइ, कि तु उनका जसो अच्छो झगडा को झगरतो ऱ्हीहे,
1TI 1:19 अरु विश्वास अरु उ अच्छा विवेक खे पकड्यो रख का जेखे दुर करण करन खे तना को विश्वास रुपी डोगो डुबी गयो.
1TI 1:20 उनका मे से हुमीनयुस अरु आलेक्झांडर हइ, जिनको मे ने सैतान खेदि दियो कि नीन्दा करणो नी सी.
1TI 2:1 आब मी सब से पैयले यो आग्रह करुस हुये खे कि बिनती का अरु प्रार्थना को अरु नीवेदन को अरु धन्यवाद सब इन्सानहोन कालिये कऱ्यो जाये.
1TI 2:2 राजाहोन अरु सब उच्चा पदआलो खे नीमीत्त येका लिये कि हम अराम अरु चैन का सात परमेश्वर कि भक्ति अरु गरिमा से जिवन बितास.
1TI 2:3 यो हमारो उद्धारकर्ता परमेश्वर खे अच्छो लगस अरु भास भी हइ.
1TI 2:4 जो यो चाहस हइ, कि सब इन्सानहोन को उध्दार हुये. अरु वे सत्य कि ज्ञान कि भली-भाति पैच्छानी ले.
1TI 2:5 क्युकी परमेश्वर एक मेय हइ, अरु परमेश्वर अरु इन्सानहोन का बिच मे भी एक मेय बिचवइ हइ, अगर मसीह यीशु जो इन्सान हइ.
1TI 2:6 जेने अपना आप खे सबको छुट कारा को दाम मे दि दियो कि ताकी ओकी गवइ अच्छा टेम पर दि जाये.
1TI 2:7 मी सच्ची बोलुस हुये खे झुटी नी बोलुका कि मी यो उद्देश्य से प्रचार अरु प्रेरित अरु गैरयहूदीहोन का लिये विश्वास सत्य को शिक्षक ठहरायो गयो.
1TI 2:8 येका लिये मी चास हइ, कि हर उपासना कि जगा अदमी बिना घुस्सा अरु विवाद खे पवित्र हातहोन खे उठ्य प्रार्थना करस हुये.
1TI 2:9 असो मेय बयहोन भी संकोच अरु धीरज का सात सुहावने कपडा से अपना आप खे सजास. नी की बाल गूथनो, सोनो, मोतिहोन खे अरु किमति कपडाहोन से.
1TI 2:10 पन अच्छा काम होन से क्युकी परमेश्वर कि भक्ति करनवाली बयहोन खे यो अच्छो भी हइ.
1TI 2:11 अरु बय खे चुपचाप से पुरी अधीनता मे र्‍हिखे सिखनो चास.
1TI 2:12 सिकव पन मी बोलुस हइ, कि बय नी शिक्षा दे अरु नी अदमी पर अधिकार चलाये का पन चुपचाप र्‍हिये.
1TI 2:13 क्युकी आदम पैयले को ओका बाद हवा बनय गय.
1TI 2:14 अरु आदम भैकायो नी गयो कि पर बय भैइकया मे एक गुना हइ.
1TI 2:15 ते भी बय बच्चा जन्म का वजेसे उध्दार पायेका अगर वा धीरज का सात विश्वास को प्रेम का अरु पवित्र मे स्थिर ऱ्हीहे.
1TI 3:1 या बात सची हइ कि मुखियो को पद होनो चास हइ, ते उ अच्छा काम कि इच्छा करस हइ.
1TI 3:2 यो आकुल्यक हइ की मुखियो नीर्दोष, अरु एक मेय बायको को अदमी, संयमी, सुशील, सभ्य, अतिथी-सत्कार करणवालो,अरु सिखाना मे नीपुण हुये.
1TI 3:3 पियक्कड या मारपीट करणवालो नी होनु. पन नाजुक होनु, अरु नी झगडा लुका अरु नी धन को लोभ होनु.
1TI 3:4 अपना घर को अच्छो प्रबन्ध करस हुये खे अरु अपनो बाल बच्चा का सब गम्भीरता से अधीन मे रखस हुये.
1TI 3:5 जब कोय अपना घर मेय को प्रबन्ध करणो नी जानस हुये खे ते परमेश्वर कि मंडली की रखवाली कसो कर्‍हे.
1TI 3:6 फिर यो कि नवो विश्वासी नी होनु का असो नी हुये की अभिमान करी कि सैतान का जसो दण्ड पाये.
1TI 3:7 अरु मंडली का बाहेरवाला मे भी ओको सुनाम हुये असो नी हुये कि नीन्दित हुइखे सैतान का जाल फन्दा मे फसी जाये.
1TI 3:8 असो मेय सेवक को जसो होनु चायेका दो मेडाको का अंगूर को रस पियक्कड खे अरु बेइमान कि लोभी नी होनु.
1TI 3:9 पर विश्वास को भेद खे अच्छा विवेक से सुरक्षित रखे.
1TI 3:10 अरु ये भी पैयले समज्हे जायेका तब अगर नीर्दोष नीकले ते सेवक को काम कर्‍हे.
1TI 3:11 यो प्रकार से बयहोन खे भी गम्भीर होनु चाये दोष लगानवाली नी होनु, पर धीरज अरु सब बातहोन मे भरोसोयोग्य हुये.
1TI 3:12 सेवक एक मेय बय को अदमी हुये अरु बाल बच्चा अरु अपना घर को अच्छो प्रबन्ध करणो जानस हुये.
1TI 3:13 क्युकी जो सेवक को काम अच्छा तरीका से करी सकस हइ वे अपना लिये अच्छो पद उ विश्वास मेका जो मसीह यीशु पर बडो साहस मील्हे करस हइ.
1TI 3:14 मी तरा पास झल्दी आन की आस रखना पर भी या बात तोखे येका लिये लिखुस हुये
1TI 3:15 अगर मरा आना मे देर हुये ते तू जानी ले की परमेश्वर का घराना मे जो जिन्दो परमेश्वर कि मंडली हइ कि अरु जो सच को खबो अरु पय्यो हइ; कसो बरताव करणु चास हइ.
1TI 3:16 अरु येमे आंग नी कि भक्ति को भेद गम्भीर हइ: अगर उ जो आंग मे प्रगट हुयो, आत्मा मे न्यायी रुख्यो कि स्वर्गदूतहोन खे दिखाइ दियो, गैरयहूदीयाहोन मे ओको प्रचार हुयो, जगत मे ओका पर विश्वास कऱ्यो गयो, अरु महिमा मे उपर उठायो गयो.
1TI 4:1 पवित्र आत्मा सपा से बोलस हइ कि आनवालो टेम मे कतना दुन्या भटकन आली आत्माहोन खे अरु बुरीआत्माहोन कि शिक्षाहोन पर मन लगय खे विश्वास से भैइकी जाये.
1TI 4:2 यो वु झूटा इन्सान को कपट करन हुये खे जेको विवेक मानो जलता हुया लोखोड से दबायो गयो हइ
1TI 4:3 जो भ्याव करणा से रोख्या अरु खान कि कुछ चिजहोन से दुर ऱ्हेन की आज्ञा दिखे जेने परमेश्वर ने येका लिये सृजा की विश्वासी अरु सच पहचानआलो उनका धन्यवाद का साथ खाये.
1TI 4:4 क्युकी परमेश्वर कि सृजी हुइ हर एक चिज अच्छी हइ अरु कोय चिज अस्विर करण का योग्य नी पर यो कि धन्यवाद का साथ खाय जाये हइ.
1TI 4:5 क्युकी परमेश्वर को वचन अरु प्रार्थना का वजेसे से शुध्द हुये जास हइ.
1TI 4:6 अगर तू भैइहोन खे या बात की याद दिलातो र्‍हेस काते मसीह यीशु को अच्छो सेवक ठैहरे. अरु विश्वास अरु वा अच्छी शिक्षा की बात से जो तू मानतो आयो हइ, तरो पालन पोषण होतो ऱ्हीहे.
1TI 4:7 पर अशुध्द अरु डोकरीहोन कोनसी खानीहोन से अलग र्‍हेस. अरु भक्ति मे खुद को प्रशिक्षित कर्‍हे.
1TI 4:8 क्युकी आंग की साधना से कम लाभ होस हइ, पर भक्ति सब बात का लिये लाभदायक हइ, क्युकी यो टेम को अरु आनवाला जिवन की भी वादो येका लिये हइ.
1TI 4:9 या बात सची अरु हर प्रकार से मानन का योग्य हइ
1TI 4:10 क्युकी हम मेहनत अरु यत्न येका लिये करस हइ की हमारी आस उ जिन्दो परमेश्वर पर हइ, जो सब इन्सानहोन खे अरु विशेष रुप से विश्वासीहोन को उद्धारकर्ता हइ.
1TI 4:11 या बात की आज्ञा दिखे अरु सिखातो र्‍हे.
1TI 4:12 कोय तरी जवानी को तुच्छ नी समझ पाये. पर वचन को चाल चलन को अरु प्रेम का अरु विश्वास को अरु पवित्रता मे विश्वासिहोन का लिये आदर्श बनी जास.
1TI 4:13 जब तक मी नी अव तब तक पडन अरु उपदेस देन अरु सिखाना मे लौलीन र्‍हे.
1TI 4:14 उ वरदान से जो तरा मे हइ, अरु भविष्यद्वाणी का वजेसे बुजुरुख होन खे हात रखते टेम तोखे मील्यो थो, नीश्चिन्त मत र्‍हे
1TI 4:15 वा बात खे करतो र्‍हे अरु येमे मी अपनो ध्यान लगायो ऱ्हे, ताकी तरी उन्नती सब पर प्रगट हुये.
1TI 4:16 अपनी अरु अपना उपदेस मे सावधानी रख. या बात पर स्थिर र्‍हे का क्युकी अगर असो करतो र्‍हिहे, ते तू अपना खे अरु अपना सुननवाला खे लिये भी उध्दार को करण हुये.
1TI 5:1 कोय बापदादा के नी गाली देनु का पर ओका बाप जानी खे समझ्य देनु का अरु जुवान खे अपनो भैइ समझनु.
1TI 5:2 डोकरी बयहोन खे माय जानी खे समझनु खे अरु जुवान बयहोन खे पुरी पवित्रता से बहन जानी खे समझय दे.
1TI 5:3 वे विधवाहोन जो सचमेच विधवा हइ इज्जत कर.
1TI 5:4 अरु अगर कोय विधवा को बच्चा या नाती पंत्ती हुये खे ते वे पैयले अपना घराना का सात ख्रिती धर्म का जसो जबाबदारी नीभान को अरु अपना माय बाप अरु आजी बाबा, समाली के उनको उपकार फेडे क्युकी यो परमेश्वर खे अच्छो हइ.
1TI 5:5 जो सचमेच विधवा हइ, अरु ओको कोय नी कि वा परमेश्वर पर आस रखस हइ, अरु रात दिन बिनती अरु प्रार्थना मे लौलीन ऱ्हेस हइ.
1TI 5:6 पर जो भोग विलास मे पड गइ, वा जीते जी मरी गइ हइ.
1TI 5:7 दुन्याहोन यो सुचना कर कि ताकि कोय उन पर नीर्दोष नी लगानु.
1TI 5:8 पर अगर कोय अपना रिश्तेदारहोन की विशेष रुप से अपना परिवार की चिन्ता नी कर्‍हे, ते उ विश्वास से मुकरी गयो हइ अरु अविश्वासी से भी बुरो बनी गयो हइ.
1TI 5:9 वा विधवा को नाम लिख्यो जाये जो साठ साल से कम की नी होनु कि अरु एक मेय अदमी कि लुगेन ऱ्ही हुये खे
1TI 5:10 अरु अच्छो काम मे सुनाम ऱ्ही हुये खे जेने बच्चाहोन को पालन पोषण कर्‍यो हइ. मीजवानहोन की सेवा करी हइ, पवित्र दुन्याहोन का पाय धोया हइ, दुखहोन की मदत करी हइ, अरु हर एक अच्छा काम मे मन लगायो हइ.
1TI 5:11 पर जुवान विधवाहोन को नाम नी लिखनु, क्युकी जब वे सुख विलासकरण भ्याव करणो चास हइ ते मसीह के चलस हइ
1TI 5:12 अरु दोष ठ्यरस हइ, क्युकी उनने अपनी पहली प्रतीज्ञा खे छोडी दि हइ.
1TI 5:13 अरु येका सात मे सात वे घर घर फिरी खे आलसी होन खे सीखस हइ, अरु फक्त आलसी पर बगबग करस ऱ्हेस हइ अरु दुसरा काम मे हात भी डालस हइ अरु अनुचीत बात बोलस हइ.
1TI 5:14 येका लिये मी यो चाहुस हुये कि जुवान विधवाहोन भ्याव कर्‍हे, अरु बच्चा परदा अरु घरदार सबाले, अरु कोय विरोधीहोन खे बदनाम करण को अवसर नी दे.
1TI 5:15 क्युकी कोइ एक तो भैकी खे सैतान का पिछे हुये गइ हइ.
1TI 5:16 अगर कोय विश्वासिनी खे ह्या विधवा हुये खे ते वा उनकी मदत कर्‍हे कि मंडली पर बोज नी हुये खे ताकि वा उनकी मदत करी सके जो सचमेच विधवा हइ.
1TI 5:17 जो बुजरुक अच्छो प्रबन्ध करस हइ, विशेष करीखे वे जो वचन सुनानो अरु सिखाना मे मेहनत करस हइ, दो गुना आदर को योग्य समझी जाये.
1TI 5:18 क्युकी पवित्रशास्त्र बोलस हइ, “दावनआला बैल को मुडो नी बाधनू.” क्युकी “मजुर अपनी मजुरी को हक्कदार हइ.”
1TI 5:19 कोय दोष कोय बुजरुक पर लगायो जाये ते बिना दो या तीन गवाह का बिना ओखे स्वीकार नी करणु.
1TI 5:20 पाप करणवाला खे सब का सामने समझ्य दे, ताकि दुसरा दुन्या भी डरे.
1TI 5:21 परमेश्वर खे अरु मसीह यीशु खे अरु चुन्या हुया स्वर्गदूतहोन कि उपस्थित जानी खे मी तोखे चेतावनी दियुस हइ कि तु मन खोली खे या बात खे मानीखे अरु कोय काम पक्षपात से नी कर्‍हे.
1TI 5:22 प्रभू सेवा खातीर कोय पर हात नी रखीखे प्रार्थना करण का लिये झल्दी मत करणू अरु दुसरा का पाप मे भागी नी होनु. अपना आप खे पवित्र बनायो रख.
1TI 5:23 भविष्य मे फक्त पाणी खे पिनवालो नी ऱ्हीहे, पन अपना पेट खे अरु अपनो घडी घडी बिमार होन का कारण थोडो थोडो अंगूर को रस भी लियो कर.
1TI 5:24 कुछ इन्सानहोन को पाप प्रगट हुइ जास हइ, अरु न्याय का लिये पैयले से पोची जास हइ, लेकीन दुसरा को पाप बाद मे दिखय जास हइ.
1TI 5:25 असा कुछ अच्छा काम भी प्रगट होस हइ. अरु जो प्रगट नी होस, वे भी लुकी नी सखे .
1TI 6:1 जेतना दास गुलाम का नीचे हइ, वे अपना अपना स्वामी को बडो सम्मान का योग्य जानस, ताकि परमेश्वर को नाम अरु शिक्षा की नीन्दा नी हुये.
1TI 6:2 अरु जेको स्वामी विश्वासी हइ, उनका वे भैइ अरु बहीन होन कारन कम नी जाने. जब उनकी अरु भी सेवा कर, क्युकी येका से लाभ उठानआला विश्वास अरु प्रेम हइ. या बात की शिक्षा कऱ्यो कर अरु समझातो ऱ्हेस.
1TI 6:3 अगर कोय अरु ही प्रकार को सिध्दान्त शिकास हइ अरु हमारो प्रभु यीशु मसीह बोलीखे अरु हमारी धर्मीक शिक्षन खे नी मानस,
1TI 6:4 ते उ अभिमानी हइ अरु कुछ नी जानस. जब उ वाद विवाद अरु बोल पर तर्क करण को रोग हइ, जेखे से डाह, अरु वाद विवाद, अरु नीन्दा की बात, अरु बुरो बुरो सन्आंग,
1TI 6:5 अरु वे इन्सानहोन मे व्यर्थ रगडो वाद विवाद परदा होस हइ, जेकी डिमाक बिगडी गय हइ अरु वे सच्ची से दुर हुये गय हइ, जो समझस हइ, कि भक्ति बडी कमय को सादन हइ.
1TI 6:6 पर सन्तोष सहित भक्ति बडी लाभ हइ.
1TI 6:7 क्युकी नी हम जगत मे कुछ लास हइ अरु नी कुछ ली जय सकस हइ.
1TI 6:8 अरु अगर हमारा पास खानो अरु पेनन को हइ, ते इनका पर सन्तोष करणो चास.
1TI 6:9 पर जो धनी होनु चास हइ, वे असी पेपर खे अरु जाल का फन्दा अरु भोत सा व्यर्थ अरु हानी खे लालसाहोन मे फसस हइ, जो इन्सानहोन, बिगाडी देस हइ अरु विनास का समुदर मे डुबय देस हइ.
1TI 6:10 क्युकी पैसा को लोभ सब प्रकार की बुराइहोन कि जडी हइ, जेखे मील्हे करण को प्रयत्न करस हुये कतना ने विश्वास से भटकी खे अपना आप खे दुसरा प्रकार को दुख से दिल खे तोड्यो हइ.
1TI 6:11 पर हे परमेश्वर को जन, तू या बात से भाग. अरु न्यायी जिवन, भक्ति, विश्वास, प्रेम, धिरज, अरु नम्रता को पीछो कर.
1TI 6:12 विश्वास की अच्छी कुश्ती खेल. अरु उ आखरी जिवन खे धरी ले जेका लिये तु बुलायो गयो, अरु भोत गवाहोन का सामने अच्छो अंगीकार कर्‍यो थो.
1TI 6:13 मी तोखे परमेश्वर को जो सब खे जिन्दो रखस हइ, अरु मसीह यीशु की गवइ करीखे जेने पुन्तियुस पिलातुस का सामने अपना विश्वास को अच्छो अंगीकार कऱ्यो, या आज्ञा देस हुये.
1TI 6:14 कि तु हमारो प्रभु यीशु मसीह को प्रगट होना तक या आज्ञा खे नीष्कलंक अरु नीर्दोष रख,
1TI 6:15 जेखे उ अच्छा टेम पर दिख्यो, जो परमध्यन अरु एकमात्र उ अधिकारी अरु राजाहोन को राज अरु प्रभुहोन को प्रभु हइ,
1TI 6:16 अरु अमरता फक्त वोकि हइ, अरु उ अगम्य ज्योति मे र्‍हेस हइ, अरु नी उ कोय इन्सान ने देख्यो अरु नी कभी देखी सकस हइ. ओकी प्रतीष्ठा अरु राज्य जमाना सेज मानो र्‍हिये. आमीन.
1TI 6:17 यो जगत का पैसावाला खे आज्ञा दे कि वे अभिमानी नी हुये अरु अनीश्चित धन पर आस नी रखे, पन परमेश्वर पर जो हमारो सुख का लिये सब कुछ भोतायत से देस हइ.
1TI 6:18 अरु अच्छो करीखे अरु अच्छा काम मे धनी बनीखे अरु उदार अरु सहायता देना मे तत्पर हुये खे
1TI 6:19 अरु आनवाला जिवन का लिये एक अच्छो पय्यो डाल्यो रखीखे कि सच्ची जिवन खे जिती ले.
1TI 6:20 हे तीमुथियुस या धरोहर की रखवाली कर. जो तोखे दी गइ हइ अरु बेवकुब बात से अरु विरोध खे तर्क जो झुठो ज्ञान बोलस हइ, दुर र्‍हेस.
1TI 6:21 केतना यो ज्ञान खे अंगीकार करीखे विश्वास से भटकी गया हइ. तुम पर अनुग्रह होस र्‍हे.
2TI 1:1 पौलुस का तरप से जो उ जिवन कि प्रतीज्ञा का जसो जो मसीह यीशु मे हइ, परमेश्वर कि इच्छा से प्रेरित हइ,
2TI 1:2 प्रिय बेटो तीमुथियुस का नाम परमेश्वर बाप अरु हमारो प्रभु मसीह यीशु का तरप से तोखे अनुग्रह अरु दया अरु शांती मीलती ऱ्हीहे.
2TI 1:3 जो परमेश्वर की सेवा मी अपना बापदादाहोन कि रीति पर अच्छा विवेक से करुस हइ, ओको धन्यवाद हुये की अपनी प्रार्थनाहोन मे रात दिन तोखे लगातार याद करस हुये.
2TI 1:4 अरु तरा आसुहोन की याद करीखे तरा से मीलन की आस रखुस हइ, कि आनन्द से भरी जायु.
2TI 1:5 अरु मी तरा उ नीष्कपट विश्वास कि याद आस हइ, जो पैयले तरी आजी लोइस, अरु तरी माय यूनीखे मे थी, अरु मेखे नीश्चय हुयो हइ, कि तरा मे भी हइ.
2TI 1:6 येका करण मी तोखे याद दिलास हुये खे कि तु परमेश्वर को उ वरदान खे जो मरा हात रखना का वजेसे तोखे मील्यो हइ प्रज्वलित कर.
2TI 1:7 क्युकी परमेश्वर ने हमखे भय की नी पर सामर्थ्य, अरु प्रेम, अरु संयम की आत्मा दी हइ.
2TI 1:8 येका लिये हमारा प्रभु कि गवाही देना से अरु मरा से जो ओको कैदी हुये खे इज्जित नी हुइ, पर उ परमेश्वर कि सामर्थ्य का जसो सुसमाचार का लिये मरा साथ दुख उठा.
2TI 1:9 जेने हमारो उध्दार कऱ्यो अरु पवित्र बुलाहट से बुलायो अरु यो हमारा काम जसो नी. पर अपनी मनसा अरु यो अनुग्रह का जसो हइ. यो यीशु मसीह मे अनादि काल से हम पर हुयो हइ,
2TI 1:10 पर अब हमारो उद्धारकर्ता मसीह यीशु को प्रगट होन, वजेसे प्रकाशन हुयो हइ. ओने मरन खे खत्म कऱ्यो कि अरु जिवन अरु अमरता को उ सुसमाचार का वजेसे प्रकाशन मान करी दियो.
2TI 1:11 जेका लिये मी प्रचारक का अरु प्रेरित, अरु मास्तर भी रुख्यो.
2TI 1:12 येका करण मी ये दुख खे भी उठास हइ, पर सरमे नी, क्युकी जेका पर मे ने विश्वास रख्यो हइ कि जानस हुइ. अरु मेखे नीश्चय हइ की उ मरी धरोहर की उ दिन तक रखवाली करी सकस हइ.
2TI 1:13 जो अच्छी बात तोने मरासे सुनी हइ उनका उ विश्वास अरु प्रेम का साथ जो मसीह यीशु मे हइ, अपनो आदर्श बनी खे रख.
2TI 1:14 अरु पवित्र आत्मा का वजेसे जो हम मे बट्यो हुयो हइ का या अच्छी धरोहर की रखवाली कर.
2TI 1:15 तू जानस हइ की आसिया आला सब मरा से फिरी गया हइ, जेमे फूगिलुस अरु हिरमेगिनेस हइ.
2TI 1:16 उनेसिफुरुस का घराना पर प्रभु दया करी कि क्युकी ओने भोत बार मरा जी प्रोत्साहित कऱ्यो कि अरु मरी साकल से लज्जित नी हुनु.
2TI 1:17 पर जब उ रोम शहर मे आयो का ते बडा यत्न से ढुडि कि मरा से मीलायो
2TI 1:18 प्रभु कर की उ दिन ओका पर प्रभु की दया हुये. अरु जो-जो सेवा ओने इफिसुस मे कि हइ उनका भी तू अच्छा से जानस हइ.
2TI 2:1 येका लिये हे मरा बेटा तुम उ अनुग्रह से जो मसीह यीशु मे हमारो हइ, बलवन्त हुये जा.
2TI 2:2 अरु जो बात तोने भोत गवाहहोन का सामने मरा से सुनी हइ, उनका विश्वासी इन्सानहोन खे सोपी दे. जो को भी सिखान का योग्य हुये.
2TI 2:3 मसीह यीशु को अच्छो सैनीक का समान मरा सात दुख उठा.
2TI 2:4 जब कोय सैनीक लडाइ पर जास हइ, ते येका लिये की अपनी बडो अधिकारी को प्रसन्न कर्‍हे का अपना आप खे जगत काम मे नी फसास.
2TI 2:5 जो रेस मे नी दौड उ अगर विधी का जसो नी दौड ते उ बकसीस नी ले.
2TI 2:6 जो किसान मेहनत करस हइ, फसल को हिस्सो पइले ओका मीलनो चास.
2TI 2:7 जो मी बोलस हुये खे ओका पर ध्यान देको अरु प्रभु तोखे सब बात की समझय दिये.
2TI 2:8 यीशु मसीह खे याद रख, जो दाउद का कुल से हुये खे अरु मऱ्या हुया मे से जिन्दो उठ्यो अरु यो मरा सुसमाचार का जसो हइ.
2TI 2:9 जेका लिये मी कुकर्मी का समान दुख उठउस हइ ह्या तक की कैदी भी हुये. पन परमेश्वर को वचन कैद नी कऱ्यो जय सकस.
2TI 2:10 यो करण मी चुन्यो हुया दुन्या का लिये सब कुछ सय लियुस हइ, कि वे भी उ उध्दार को जो मसीह यीशु मे हइ आखरी महिमा का साथ पास.
2TI 2:11 या सच्ची बात हइ, कि अगर हम ओका साथ मरी गया हइ, ते ओका साथ जीये भी.
2TI 2:12 अगर हम धीरज से सहते ऱ्हेस का ते ओका साथ राज भी करस. अगर हम ओको इनकर कर्‍हे का ते उ भी हमारो इनकर कर्‍हे.
2TI 2:13 अगर हम अविश्वासी भी हुये खे ते भी उ विश्वास योग्य बन्यो ऱ्हेस हइ, क्युकी उ खुद अपनो इन्कार नी करी सकस हइ.
2TI 2:14 या बात की याद उनका देका अरु प्रभु का सामने चेतावनी दे की बोल पर तर्क-वितर्क नी कऱ्यो करी खे जेकासे कुछ लाभ नी होये जब सुननवाला खतम हुइ जास हइ.
2TI 2:15 अपना आप खे परमेश्वर खे ग्रहण योग्य अरु असो काम करणवालो ठेरान को प्रयत्न करी खे जो अपना काम से लज्जित नी होय कि अरु जो सत्य का वचन के अच्छी रीति से काम मे लातो ऱ्हे.
2TI 2:16 पर अशुध्द बातचीत से बच्यो ऱ्हे, क्युकी असा दुन्या अरु भी अभक्ति मे बडता जाये,
2TI 2:17 अरु उनको वचन सड्यो घाव का जसो फैली जास हुमीनयुस अरु फिलातुस उन मे से हइ,
2TI 2:18 जो यो बोली की पुनरुत्थान हुये गयो हइ अरु विश्वास भटकी गयो हइ “अरु कतना को विश्वास खे खतम करी देस हइ.”
2TI 2:19 ते भी परमेश्वर की पक्को पय्यो बन्यो ऱ्हेस हइ अरु ओका पर यो छाप लगास हइ “प्रभु अपना आला खे सिनस हइ” अरु “जो कोय प्रभु को नाम लेस हइ वो बुरो काम से बच्यो ऱ्हे.”
2TI 2:20 बडा घर मे नी फक्त सोनो-चादी ही को पर लकडी अरु मट्टी का बर्तन भी होस हइ. कुछ खास अवसर उपयुग का लिये अरु कुछ सामान्य काम का लिये.
2TI 2:21 अगर कोय अपना आप या बुरी बात से अच्छो करीखे ते उ खास अवसर का उपयुग का लिये अरु कुछ साधारण उपयुग का लिये हइ.
2TI 2:22 जवानी की इच्छाहोन से भागन को अरु जो अच्छो मन से प्रभु को नाम लेस हइ ओका साथ धर्म, अरु विश्वास अरु प्रेम अरु मेलमीलाप को पीछो कर.
2TI 2:23 पर मूर्खता अरु नी समझदार को विवाद से अलग ऱ्हेस का क्युकी तू जानस हइ की येका से वाद विवाद होस हइ.
2TI 2:24 प्रभु को गुलाम झगडालु नी होनु चाह्ये येका पर उ सब का साथ दयालु सहनशील अरु शिक्षक हुये.
2TI 2:25 उ खिलाप करणवाला को नम्रता से समझासक्ता जाने परमेश्वर ओको मोको दे कि वे अपना पाप से मन फिराव को मन फिरानो वे भी सत्य के पोचास,
2TI 2:26 अरु हुइखे सैतान को जाल से छुटी जाये जेने ओने ओकी इच्छा पुरा करण का लिये बन्दी बनायो.
2TI 3:1 पर यो याद रखी खे आखरी दिन मे कठिन टेम आस.
2TI 3:2 क्युकी इन्सान स्वार्थी, लोभी बडाइ करण वाला, अभीमान, नीन्दक, माय बाप की आज्ञा, टालनआला, हरामखोर, अपवित्र,
2TI 3:3 बिना दया को, बिना कृपा को, चुगल लगानआलो मन पर काबू नी रखनवालो, ढीठ ऱ्हेनवालो, अच्छा काम खे नी पसंद करणवालो
2TI 3:4 विश्वासघाती, ढीठ, घमण्डी, अरु परमेश्वर को प्रेम नी जब सुखविलास, चानआला हुये.
2TI 3:5 वे भक्ति को भेस धऱ्यु, पर ओकी शक्ति के नी मान्यु. असा से दुर रीहे.
2TI 3:6 येमे से वे दुन्या हइ जो घर मे दब्या पाय घुसी जास हइ अरु वे दुर्बल बयहोन के वस मे करी लेस हइ जो पाप का दोस से दब्यो अरु हर प्रकार की अभिलाषाहोन का प्रभाव मे हइ,
2TI 3:7 अरु हमेशा सीखस ते ऱ्हेस हइ पर सत्य कि ज्ञान तक कभी नी पोचस.
2TI 3:8 जसो यन्नेस अरु यम्ब्रेस ने मूसा को विरुध कऱ्यो थो, असो ही ये भी सत्य को विरोध करस हइ ये असो इन्सान हइ जेकी डीमाक खराब हुये गइ हइ अरु वे विश्वास का विषय मे नीकम्मो हइ.
2TI 3:9 पर वे येका से आगे नी बडी सकस, क्युकी जसो ओको मूर्खता सब इन्सानहोन पर प्रगट हुइ गयो थो, असो ही येको भी हुइ जाए.
2TI 3:10 पन तो ने उपदेश, चालचलन, मनसा, विश्वास, धीरज, प्रेम, सहनशीलता.
2TI 3:11 अरु असो दुख मे भी जो अन्ताकिया अरु इकुनीयुम अरु लुस्त्रा मे मरा पर पड्यो थो, अरु आखरी दुख मे भी जो मेने उठायो हइ यो सब तू जानस हइ, पन प्रभु ने मेखे उ सब से छुडय लियो.
2TI 3:12 पर जतनो मसीह यीशु मे भक्ति मे जिवन जिनो चास हइ वे सब के सतायो जाए;
2TI 3:13 पन दुष्ट अरु बैखानआला धोको देस हुये अरु धोको खाते हुये, बिगड्यो चल्यो जास.
2TI 3:14 पर तू उ बात पर जो तोने सीख्यो हइ अरु विश्वास कऱ्यो हइ यो जानीखे दृढ बन्यो ऱ्हेस की तोने उनका कोनता दुन्या से सीख्यो हइ,
2TI 3:15 अरु बचपन से पवित्रशास्त्र तरो जान हुयो हइ, जो तोखे यीशु मसीह पर विश्वास करणा से उध्दार करण का लिये डीमाकआलो बनी सकस हइ.
2TI 3:16 सम्पूर्ण पवित्रशास्त्र परमेश्वर की प्रेरणा से रच्यो गयो हइ अरु मास्तर, अरु गलती बतानु, अरु सुधारस, अरु न्यायीपन कि शिक्षा का लिये लाभदायक हइ,
2TI 3:17 ताकि परमेश्वर को दास सिध्द बन्यो, अरु हर एक अच्छो काम कास लिये तत्पर हुये जाए.
2TI 4:1 परमेश्वर अरु मसीह यीशु की गवाही करीके जो जिवन अरु मऱ्यो हुयो को न्याय करस, अरु ओको प्रगट होनु अरु राज्य की याद दिलास मी तोखे आदेश देस हइ
2TI 4:2 कि तू वचन को प्रचार कर, टेम अरु अटेम तैयार ऱ्हेस, सब प्रकार कि सहनशीलता अरु शिक्षा का साथ उलानो दे अरु डाट अरु पोस्ताहन दे.
2TI 4:3 क्युकी असो टेम आस जब दुन्या खरो उपदेश नी सय सकस पर कान का खुजान का लिये अपनी अभिलाषाहोन खे जसो अपना लिये भोत सा उपदेशक जामाकरी लिये.
2TI 4:4 अरु अपनो कान सत्य से फेर कथा का हानीहोन पर लगास.
2TI 4:5 पर तू सब बात मे सावधान ऱ्हेस दुख उठयखे सुसमाचार प्रचार को काम कर, अरु परमेश्वर कि सेवक होन को नातासे तरी जवाबदारी पुरी कर.
2TI 4:6 क्युकी अब मी खुद खे डालनो करण को टेम अयगो.
2TI 4:7 मी अच्छी कुश्ती लड्यो चुक्यो हुये मेने अपनी दोड पुरी करी ली हइ मेने विश्वास मे बन्यो र्हिये.
2TI 4:8 अब मरा लिये न्यायी पन कऱ्यो टोपी रख्यो हुयो हइ जेखे प्रभु जो न्यायी हइ मेखे उ दिन देस, अरु मेखे ही नी जब उ सब खे भी ओको प्रगट होन को प्रिय जानस हइ.
2TI 4:9 मरा पास झल्दी आन को प्रयत्न कर.
2TI 4:10 क्युकी देमास ने यो जगत को प्रिय जानीखे मेखे छोडी दियो हइ अरु थिस्सलुनीखे का लिये चली गयो हइ. क्रेसेन्स गलातिया को अरु तीतुस दलमतिया खे चली गयो हइ.
2TI 4:11 फक्त लुका, मरा साथ हइ. मरकुस खे लीखे चली आयो. क्युकी सेवा का लिये वो मरा भोत काम को हइ.
2TI 4:12 तुखिकुस खे मेने इफिसुस भेज्यो हइ.
2TI 4:13 जो झंगा मे त्रोआस मे करपुस खे यो छोडी आयो हइ, जब तू आस ते उ अरु किताब का बारे मे करीखे पेपर खे लिखे आनू.
2TI 4:14 अलेकझेडर ठठरे ने मरा से भोत बुरो कऱ्यो हइ. प्रभु उ ओका मे जसो बदलतो देस.
2TI 4:15 तू भी ओकासे सावधान ऱ्हेस, क्युकी ओने हमारा संदेश को भोत ही विरोध कऱ्यो हइ.
2TI 4:16 मरा पैयले प्रतीवाद को टेम कोय ने भी मरो साथ नी दियो, जब सब ने मेखे छोडी दियो थो. अच्छो हुये की येको उनके लिख्यो नी देनु पडस!
2TI 4:17 पन प्रभु मरो साहयतो ऱ्हेस अरु मेखे सामर्थ्य दे, ताकि मरा वजेसे पुरो पुरो प्रचार हुये अरु सब गैरयहूदीहोन सुनी ले. मी सेर का मुडा से छुडायो गयो.
2TI 4:18 अरु प्रभु मेखे हर एक बुरा काम से छुडाये, अरु अपनो स्वर्गीय राज्य मे सुरक्षा पोचय दिये. ओकी महिमा पिडमपिडि से जानो ऱ्हेस. आमीन.
2TI 4:19 प्रिस्किल्ला का अरु अक्विला को अरु उनेसिफुरुस का घर के नमस्कार.
2TI 4:20 इरास्तुस कुरिन्थुस मे ऱ्हेयो गयो, अरु त्रुफिमुस को मे ने मीलेतुस मे बेमार छोड्यो हइ.
2TI 4:21 ठंड से पैयले चलीखे आना को प्रयत्न कर. यूबूलुस, अरु पूदेंस, अरु लीनुस अरु क्लौदिया, अरु सब भैइ अरु बहन खे तोखे नमस्कार.
2TI 4:22 प्रभु तरा आत्मा का साथ ऱ्हीहे. तरा सब पर परमेश्वर को अनुग्रह ऱ्हेस.
TIT 1:1 पौलुस जो परमेश्वर को सेवक का तरप अरु यीशु मसीह प्रेरित हइ. मेखे येका लिये चुन्यो गयो अरु भेज्यो गयो की मी परमेश्वर का चुन्यो हुया दुन्याहोन खे उनका विश्वास मे मदद करी अरु सत्य कि पहचान तक ली जाये जो हमारो शास्त्र सिखास हइ.
TIT 1:2 उ अनन्त जिवन की आस पर खडो हइ, अरु जो झुठ नी बोले उ परमेश्वर ने टेम कि सुरवात का पैयले से यो जिवन का बारे मे वचन दियो हइ,
TIT 1:3 अरु सही टेम पर ओने यो जिवन ओका संदेश मे प्रगट कऱ्यो हइ, यो संदेश मेखे सोप्यो गयो हइ अरु हमारो उद्धारकर्ता परमेश्वर ओकी आज्ञा का जसो मी ओको प्रचार करुस हइ.
TIT 1:4 तीतुस का नाम, जो विश्वास को सहभागिता का बिचार से मरो सच्चो बेटो हइ परमेश्वर बाप अरु हमारो उद्धारकर्ता मसीह यीशु का तरप से तोखे अनुग्रह अरु शांती मीलती र्हिये.
TIT 1:5 मी येका लिये तोखे क्रेते मे छोडी आयो थो कि तू कुछ बातहोन खे सुधरनु कि अरु मरी आज्ञा का जसो नगर नगर मंडली बापदादा खे चुन्नु.
TIT 1:6 जो नीर्दोष अरु एक ही लुगइ को अदमी हुये जेखे बच्चा विश्वासी हुये अरु अनुशासन हिनता को दोष उन पर नी लगायो जय सक्ये तथा वे कानुन तोडन आला नी हुये.
TIT 1:7 क्युकी मंडली का मुखियो के परमेश्वर को कार्य को नीरक्षक होन का कारण उ नीर्दोष होन खे हुनु ओका नी हेटवादी नी जल्दी घुस्सा, नी करनाआलो पियक्कड नी मारपीट करण आला, अरु पैसाहोन को लोभी नी होनु,
TIT 1:8 पर अतिथि सत्कार करण आला को भलाइ को चाहस आलो, संयमी, न्यायी, पवित्र अरु अनुशासीत होनु.
TIT 1:9 ओखे उ जो दी हुइ शिक्षा का विश्वासयोग्य वचन पर धुढ्ड ऱ्हेनवालो यो तरीका से उ सच्ची शिक्षा से दुसरा को पोस्तहन दी सखे अरु विरोधी हइ ओको खंडन करी सक्ये.
TIT 1:10 क्युकी भोत सा दुन्या कानुन खे नी मानन आला, बकवास करण आला अरु धोखो देन आला हइ. विशेष करीखे यहूदीया मे से आयो हुयो हइ.
TIT 1:11 यो जरुरी हइ कि इनको मुडो बन्द करण खे हुनु. क्युकि ये दुन्या नीच कमाइ का लिये अनुचित बात सिखे घर का घर मे बिगाडी देस हइ.
TIT 1:12 उन मे से एक क्रेते, ही भविष्यव्दक्ता ने अपना दुन्या का बारे मे खुद बोल्यो हइ, क्रेते खे र्‍हेन आला सदा झूट बोलस हइ, दुष्ट जनवर, अरु आलसी पेटु होस हइ.
TIT 1:13 या गवइ सच्ची हइ, येका लिये उनका कठोरता से चेतावनी दिये की वे विश्वास मे पक्को हुइ जाये.
TIT 1:14 अरु यहूदीयाहोन की कथा खे नासहोन अरु वे इन्सान की आज्ञाहोन पर मन नी लगास जो सच्चाई खे इन्कार करस हइ.
TIT 1:15 शुध्द दुन्या का लिये सब चिजहोन शुध्द हइ, पर भष्टचरी अरु अविश्वासीहोन का लिये कुछ भी शुध्द नी, क्युकी ओकी बुध्दि अरु विवेक दो भष्टचारीस हइ.
TIT 1:16 वे बोलस हइ कि हम परमेश्वर का जानस हइ. पर अपना काम से ओको इन्कार करस हइ. क्युकि वे घृणित अरु आज्ञा नी मानन आला हइ, अरु कोय अच्छो काम करन का योग्य नी.
TIT 2:1 पर तू असी बात बोली खे जो सच्ची सिध्दान्त का जसो हइ.
TIT 2:2 मंनजे बूड्डो इन्सान सालिन का सचेत अरु गम्भीर अरु खुद हुये अरु ओको विश्वास अरु प्रेम अरु धीरज पुरो सहनसिल हइ.
TIT 2:3 यो प्रकार बूड्डी बयहोन को चाल-चलन पवित्र दुन्या जसो हुइ. वे नींदक नी बन्नु दाखमधु पिन की लत उनके नी हुये पर अच्छी बातहोन सिखान आली हुये.
TIT 2:4 ताकी वे जवान लुगइहोन खे शिक्षा देस हइ कि अपना इन्सानहोन खे अरु बच्चाहोन से प्रेम रखस.
TIT 2:5 अरु खुद नीयत्रीत पवित्र, अपना घर को देखभाल करण आली, अरु अपना अदमी का अधीन र्‍हेन आली बन्नु, ताकि कोय भी परमेश्वर का तरफ से आन आलो वचन की नीन्दा नी करणु.
TIT 2:6 असो ही अरु जवान इन्सान खे भी समझायो करणु की खुद नीयत्रीत हुये.
TIT 2:7 सब बातहोन मे अपना आप खे अच्छो आचरन को नमूनो बन्नु. तरी शिक्षा मे प्रामीनीक, अरु गम्भीरता ऱ्हे,
TIT 2:8 अरु असी खराइ पाये जाये की कोय भी ओका आलोचना नी करी सक्ये तरा दुश्मन लाजवाने हुये क्युकि तरा विरोधी मे बुरो नी बोल्यो अरु कुछ नी हुये.
TIT 2:9 सेवक समझा की अपना-अपना स्वामी का अधीन ऱ्हेस अरु सब बात मे तुमने प्रसन्न रख. अरु उलटी खे जबाब नी देस.
TIT 2:10 चोरी चपाटी नी कर्‍हे, खुद खे हमेशा भरोसा का लायक दिखाये कि वे सब बात मे हमारो उद्धारकर्ता परमेश्वर उपदेश कि शोभा बडास.
TIT 2:11 क्युकी परमेश्वर को उ अनुग्रह प्रगट हइ, जो सब इन्सान को उध्दार करस हइ,
TIT 2:12 अरु यो अनुग्रह हमखे चेतास हइ कि हम अभक्ति अरु सांसारीक अभिलाषाहोन से मन फेरीखे यो युग मे संयम अरु धर्म अरु भक्ति से जिवन बितास.
TIT 2:13 अरु उ धन्य आस की मंनजे अपना महान परमेश्वर अरु उद्धारकर्ता यीशु मसीह की महिमा को प्रगट होन कि रस्ता देखस हइ.
TIT 2:14 जेने अपना आप खे हमारा लिये दि दियो की हम हर प्रकार बुरो काम से छुडाये अरु अच्छो करीखे अपना लिये एक असा पवित्र दुन्या बनय ले जो अच्छा-अच्छा काम होन करण का लिये तैयार र्‍हेस.
TIT 2:15 पुरो अधिकार का साथ या बात सिखानु, अरु समझा जसो तु तरा सुनन आला खे डाटस अरु प्रोत्साहित करस हइ कोय भी तोखे तुच्छ समझनु नी पाये.
TIT 3:1 दुन्या खे याद दिलय खे वे शासक अरु अधिकारीहोन का अधीन र्हिये अरु ओकी आज्ञा को पालन कर्ये अरु हर एक अच्छो काम का लिये तैयार र्हिये.
TIT 3:2 उनखे बता कोय का बारे मे बुरो नी बोलनु, पन शांतीप्रिय अरु दोस्त से र्‍हेनु. अरु सब का साथ मूसा कोमलता व्यवहार रखनु.
TIT 3:3 क्युकि हम भी पैयले नीर्बुध्दि, अरु आज्ञा नी मानन आला का अरु गलत था अरु कुछ प्रकार की अभिलाषाहोन अरु सुखविलास का चाहत मे था, अरु बैर भाव, अरु डाह करणा मे जिवन बिता था अरु घृणित थो, अरु एक दुसरा घृणा करतो थो.
TIT 3:4 पर जब हमारो उद्धारकर्ता परमेश्वर कि भलाइ अरु प्रेम प्रगट हुयो
TIT 3:5 ते ओने हमारो उध्दार कऱ्यो. अरु यो अच्छा न्याय होन का वजेसे नी, जो हम ने खुद कऱ्यो पन ओकी दया से हम खे बचायो पवित्र आत्मा का वजेसे जो हम खे नवो जन्म देस हइ अरु धौइ खे हम नवो जिवन देस हइ.
TIT 3:6 परमेश्वर ने हम पर पवित्र आत्मा को उद्धारकर्ता यीशु मसीह का वजेसे हम पर भरपुरी से उडनो हइ.
TIT 3:7 अपना अनुग्रह का वजेसे ओका साथ धर्मी ठैरायो हइ ताकी हम जेकी आस उत्तरधिकारी खे पई सक्ये.
TIT 3:8 सच बोल्या गयो हइ, अरु मी चौउस हइ कि तु या बातहोन का बारे मे द्दढता से बोल्ये येका लिये कि जेने परमेश्वर पर विश्वास कर्यो हइ वे अच्छा-अच्छा काम होन मे लग्या र्हेन को ध्यान रखस. या बात अच्छी अरु हर इन्सान का लिये लाभदायक हइ.
TIT 3:9 पर मूर्खता, विवादहोन, अरु वंशावलिहोन, अरु विरोध अरु झगडाहोन से जे व्यवस्था का बारे मे हुय खे बच्यो र्हिये. क्युकि वे नीष्फल अरु बेकार हइ,
TIT 3:10 जो फुट डालस हइ ओखे कम से कम दो बार चेतावनी दे, अरु फिर ओका साथ अरु जादा कुछ मत करणु.
TIT 3:11 क्युकि तुम जानस हइ कि असा दुन्या भ्रष्ट हुइ चुक्या हइ अरु उनको पाप उ गलत होन को प्रमाण देस हइ.
TIT 3:12 जब मी तरा पास अरतिमास या तुखिकुस खे भेज्ये ते मरा पास नीकुपुलीस नगर मे आन कि कोशिश करणु, क्युकि मेने उ ठंड का टेम को ठानी लियो हइ,
TIT 3:13 जेनास वकील अरु अपुल्लोस कि कोशिश करीखे आगे उच्चो अरु देख कि उनखे कोय चिज की घटी नी हुये
TIT 3:14 हमारा दुन्या भी अच्छो काम करणो सिखन खे हुनु ताकी जो जरुरत हइ ओकी पूर्ति हुइ सक्ये अरु बेकार को जिवन नी जीये.
TIT 3:15 मरा सब साथिहोन खे तोखे नमस्कार जो विश्वास करस हम से प्रेम रखस हइ, उनखे नमस्कार तुम सब पर परमेश्वर अनुग्रह होतो र्हिये
PHM 1:1 हमारो भैइ तीमुथियुस अरु मी पौलुस का तरप से जो प्रभु यीशु मसीह का लिये बन्दी बन्यो, हमारो प्रिय दोस्त सहकर्मी फिलेमोन,
PHM 1:2 अरु भैइन अफफिया, अरु हमारो साथ योध्दो अरखिप्पुस अरु फिलेमोन का घर मे जमा होन आली मंडली खे
PHM 1:3 हमारो बाप परमेश्वर अरु प्रभु यीशु मसीह का तरप से अनुग्रह अरु शांती तुम खे मील्हे.
PHM 1:4 भैइ फिलेमोन, कभी भी परमेश्वर को धन्यवाद करस हइ. अरु अपनी प्रार्थनाहोन मे भी तोखे याद करस हइ.
PHM 1:5 क्युकी मी परमेश्वर का प्रती तुम्हारो प्रेम अरु प्रभु यीशु मसीह मे तुम्हारो विश्वास का विषय मे सुनस हइ,
PHM 1:6 मी प्रार्थना करुस हइ कि तुम खे विश्वास का बाटना मे तत्पर बन्यो रीहे जेका से यीशु मसीह मे हमारी एकता का वजेसे सब अच्छी बात कि तुम खे पुरी रिती से ज्ञान हुये.
PHM 1:7 क्युकी हे भैइ काम से तरा प्यार से भोत खुशी अरु प्रोत्साहन मीलस येका लिये की तरा से पमेश्वर कि दुन्या को मन आनन्दित हुइ गयो हइ.
PHM 1:8 येका लिये की मेखे मसीह मे भैइ होन को नातो जो तुम खे करणु चाहिये उ बतान कि हिम्मत से बतान को अधिकार मरा मे हइ.
PHM 1:9 फिर भी यीशु प्रेम करना मे अगर पौलुस का लिये जो अब मसीह का लिये कैदी हय यो ठिक जानी पड्यो की अरु तरा से प्रार्थना कर.
PHM 1:10 ते मी उनेसिमुस का तरप से तरासे प्रार्थना करस हुये खे जो मसीह मे मरो बेटो हइ अरु जब मी जेलखाना का टेम मे मी ओको आत्मीक बाप बन्यो.
PHM 1:11 उ ते पैयले तरो कुछ काम को नी थो, पर अब तरो अरु मरो दोय को खुप मदत करणु हइ.
PHM 1:12 ओखे जब जो मरो दिल को टुकडो हइ मेने ओखे तरा पास लोटय दियो हइ.
PHM 1:13 ओखे मी अपना हि पास रखनू चातो थो कि तरा तरप से उ बन्धन मे जो सुसमाचार करस हइ, तरा जगत पर मरी सेवा कर.
PHM 1:14 पर मेने तरी इच्छा का बिना कुछ भी करणु नी चायु, कि तरी या कृपा दबाव से नी पर इच्छा से हुये.
PHM 1:15 शायद वा तरा से कुछ दिन तक का लिये यो कारण अलग हुयो कि सदा तरा पास ऱ्हेस.
PHM 1:16 पन अब से गुलाम जसो नी, जब गुलाम से भी अच्छो काम अत्यन्त प्रिय भैइ का समान ऱ्हेस, जो आंग मे भी अरु अधिक तरा प्रभु मे भी मरो हुये.
PHM 1:17 येका लिये अगर तु मेखे हिस्सेदार समझस हइ, ते ओखे यो प्रकार ग्रहण कर जसो मेखे.
PHM 1:18 अरु अगर ओने तरो कुछ हानी कऱ्यो हइ यो ओका उपर तरी कुछ आस हइ ते मरा नाम पर लिखी ले.
PHM 1:19 मी पौलुस अपना हात से लिखस हुये कि मी खुद भरी दियु. अरु मेखे यो कुछ बतान की आकुल्यकता नी कि तु तो मरो जिवन भर का लिये मरो कर्जदार हइ.
PHM 1:20 हे भैइ काम खे तरा से यीशु मसीह मे यो लाभ मील्यो हुये की मरा दिल खे ताजगी मीलस.
PHM 1:21 मी नीश्चित हुइ ये तो लिखस हुये जो मेने तोखे करण का लिये बोल्यो उ तु कर. अरु यो जानस हुये कि जो कुछ मी बोलुस हुये ते तू मरा से कही बडीके कर.
PHM 1:22 अरु यो भी मरा लिये रखन की जगा तैयार रख. मेखे आस हइ की तुमारी प्रार्थानाहोन का वजेसे मी तुमखे दी दियो जास.
PHM 1:23 इपफ्रास खे जो मसीह यीशु मे मरा साथ कैदी हइ,
PHM 1:24 अरु मरकुस अरु अरिस्तर्खुस अरु देमास अरु लुका जो मरो सहकर्मी हइ येखे तो नमस्कार.
PHM 1:25 हमारो प्रभु यीशु मसीह को अनुग्रह तुम आत्मा पर बन्यो ऱ्हेस.
HEB 1:1 पैयले का जमाना मे परमेश्वर ने बापदादाहोन से थोडो-थोडो करीखे अरु तरह-तरह से भविष्यव्दक्ताहोन का वजेसे बात करी.
HEB 1:2 यो आखरी दिनहोन मे हम से बेटा का वजेसे बातहोन करी. जेने ओने भोत चिजहोन को वारिस ठैरायो अरु ओका वजेसे ओने पुरी जगत की रचना करी हइ.
HEB 1:3 उ परमेश्वर की महिमा को उजालो अरु ओका तत्व को चिन्ह हइ. अरु सब चिजहोन खे अपनो सामर्थ्य को वचन से संभालस हइ. उ इन्सान जात का पाप खे धौइ खे माफ दिखे स्वर्ग मे जैखे महामहिम का जवना जगा बैठ्यो.
HEB 1:4 या प्रकार बेटा स्वर्गदूत से महान बन्यो गयो उ प्रकार जसो परमेश्वर ने ओखे स्वर्गदूत से उत्तम नाम दियो.
HEB 1:5 क्युकि परमेश्वर ने कोय भी स्वर्गदूत से असो नी बोल्यो. “तु मरो बेटो हइ. आज मी तरो बाप बन्यो हइ” अरु नी कोय स्वर्गदूत से बोल्यो हइ. “मी तरो बाप बन्यु अरु तू मरो बेटो हुये?”
HEB 1:6 पन जब परमेश्वर ओका पइलो जन्मे बच्चा खे जगत मे भेजस हइ, परमेश्वर का सब स्वर्गदूत ओकी उपासना करस.
HEB 1:7 अरु स्वर्गदूत का बारे मे यो बोल्यो हइ, “व्हा अपना दुत खे हवा, अरु अपना सेवकहोन कि आत्मा भकभक अंगार बनस हइ.”
HEB 1:8 पन परमेश्वर बेटा का बारे मे बोलस हइ, हे परमेश्वर. तरी राजगद्दी पिडमपिडि र्‍हिये; तरो शासन तरा दुन्याहोन पर न्याय का साथ र्‍हिये.
HEB 1:9 तो ने सच्ची से धार्मीकता अरु बुरो काम से दुर रख्यो; यो कारण परमेश्वर. तरो परमेश्वर ने आनंद का तेल से अभिषेक करन का वजेसे तरा सोप्तीहोन से बडीखे चुन्यो.
HEB 1:10 परमेश्वर यो भी बोलस हइ. हे प्रभु सुरवात मे तो ने धरती को पय्यो डाल्यो, अरु स्वर्ग तरा हाथहोन को कारीगर हइ.
HEB 1:11 वे तो खतम हुइ जाये, पन तु बन्यो ऱ्हीहे: परमेश्वर बोलस हइ. “उ अपना दूतहोन खे हवा मे उडास. अरु अपना सेवकहोन खे भगभग अंगार बनास हइ.”
HEB 1:12 हे भैइ अरु बहीन हुशार र्हेनु कि तुम मे असो बुरो अरु अविश्वासी लम्बा मन नी होनु, जो तुमखे जिन्दो परमेश्वर से दुर हटन खे लि जाये.
HEB 1:13 अरु स्वर्गदुत मे से परमेश्वर ने कोका से कब बोल्यो, तु मरा जवना बठ, जब तक “कि मि तरा बैरिहोन के तरा पायहोन का नीचे को पिडो नी बनय दियो”.
HEB 1:14 क्युकि हम मसीह कि आत्मा से सेवक हुया हइ, अगर हम अपना पैयला भरोसा पर आखरी तक मजबुत से बन्या र्‍हिये.
HEB 2:1 यो कारण होनु कि हम उन सच्ची बातहोन पर जो हम ने सुनी हइ, अरु भी चेतावनी से मन लगाए, असो नी हुये कि भैयकी खे उनसे दुर चली जाये .
HEB 2:2 जो सुसमाचार हमारा बापदादा का स्वर्गदूत से मील्यो उ सच्चो जेन्हे ओको अनुकरन नी कर्‍यो उनखे अच्छी शिक्षा मीली.
HEB 2:3 ते हम कसा बची सकस हइ अगर हम महान उध्दार पर हमारो ध्यान नी जेका बारे मे हमखे पैयले प्रभु ने बतायो, अरु जेने ओखे सुन्यो ओने हमखे यो साबित कर्यो कि उ उध्दार सच्चो हइ.
HEB 2:4 अरु साथ ही परमेश्वर भी अपनी इच्छा का अनुसार चिन्हहोन, अरु अदभुत कामहोन का अरु नाना प्रकार का सामर्थ्य का कामहोन अरु पवित्र आत्मा का वरदानहोन खे बाटन का वजेसे येकी गवय देतो र्‍हियो.
HEB 2:5 परमेश्वर ने उ आन आला जगत की जेकी बातचीत हम करी र्‍हा हइ, स्वर्गदूत का अधीकार मे नी कर्यो.
HEB 2:6 क्युकी कोय ने बोली खे या गवय दी हइ, ते इन्सान को हइ कि तू ओकी याद करस हइ या इन्सान को हइ कि तू ओकी चिन्ता करस हइ.
HEB 2:7 तोने ओखे स्वर्गदूत से कम कर्यो; तो ने ओका पर महिमा अरु आदर को मुकुट रख्यो. भजन 8.6
HEB 2:8 तोने ओखे अपना हाथहोन का कामहोन पर अधिकार दियो. येकालिये जब कि ओने सब कुछ भी रखी नी छोड्यो जो ओका अधीन नी हइ. पर हम अब तक सब कुछ ओका अधीन नी देखे.
HEB 2:9 पर हम यीशु मसीह खे जो स्वर्गदूत से कुछ काम कर्यो गयो थो, मरन को दुख उठान का कारण महिमा अरु आदर कि टोपी पेनी हुयो हइ ताकी परमेश्वर को अनुग्रह से उ हर एक इन्सान का लिये मऱ्यो.
HEB 2:10 यो परमेश्वर का लिये सही लग्यो जेने सब बातहोन खे बनय खे सब सम्भाल्यो यीशु खे भी दुखहोन का वजेसे ताकि भोत सो सनातन ओकी महिमा मे भागी हुये क्युकि यीशु हि उ एक हइ उनका उध्दार का तरफ लीखे आस हइ.
HEB 2:11 उ इन्सानहोन खे पापहोन से पवित्र करस हइ अरु उ जो पवित्र कर्या हुया सब को बाप एक हि हइ येकालिये यीशु उनखे अपनो परिवार बोलना से नी लाजु.
HEB 2:12 उ परमेश्वर बोलस हइ “मी तरो नाम अपना भैइ अरु बहीन खे सुनायु मंडली का बीच मे मी तरी प्रशंसा कर्यु.”
HEB 2:13 अरु उ यो भी बोलस “मी मरो विश्वास परमेश्वर पर रख्यु.” अरु मी ह्या परमेश्वर ने दिया हुया “सन्तान का साथ हइ .”
HEB 2:14 येकालिये जब कि दुन्या मास अरु खुन का हिस्सेदार हइ, ते उ तुम भी उनका समान उनको मीलन हुइ गयो. ताकि मरन का वजेसे ओखे जेखे मरन पर शक्ति मीली भी, मनजे सैतान खे खत्म करी दे.
HEB 2:15 अरु जेत्ता मरन को डर का कारण जिवन भर गुलामी मे फस्या था, उनखे छुड्य लेनु.
HEB 2:16 क्युकि यो स्पष्ट नी हइ कि स्वर्गदूत खे नी क्युकी अब्राहम का बस खे मदत करस हइ.
HEB 2:17 यो कारन उनखे होनु थो, कि सब बातहोन मे अपना भैइ का जसा बन्नु; जेकासे वे बातहोन मे जो परमेश्वर से सम्बन्ध रखस हइ, एक दयालु अरु विश्वासयोग्य महायाजक बन्नू ताकि दुन्या का पापहोन कि माफी का लिये प्रायश्चित बन्नु.
HEB 2:18 क्युकि जब सैतान ने परिक्षा की हालत मे दुख उठायो, ते उ ओकि भी मदत करी सकस हइ जेकी परिक्षा होस.
HEB 3:1 अरु मरा पवित्र भैइहोन तुम जो स्वर्गीय बुलाना मे साती दार हुये, उ प्रेरित अरु परमेश्वर का द्वारा बुलाया गया हइ, तुम अपनो ध्यान यीशु पर लगैइ खे रखनु.
HEB 3:2 उ जने ओखे चुन्यो वहा परमेश्वर का प्रती विश्वास योग्य थो ठिक असो जसो मूसा ने अपना काम का प्रती परमेश्वर का घराना मे विश्वास-लायक थो.
HEB 3:3 जसो घर बनानआलो एक इन्सान घर से अधिक खुद आदर को पात्र होस हइ उ रीति से यीशु भी मूसा से अधिक आदर को पात्र मान्यो गयो.
HEB 3:4 क्युकि हर एक घर खे कोय न कोय बनान आलो होस हइ, पन जेने सब कुछ बनायो उ परमेश्वर हइ.
HEB 3:5 मूसा तो परमेश्वर का पूरा घर मे सेवक का समान विश्वासयोग्य र्हीयो कि जो बातहोन को वर्णन होन आलो थो, उन की गवय दे. ओने वा बातहोन बोली जो भविष्य मे परमेश्वर का द्वारा बोली जान आली थी.
HEB 3:6 पन मसीह बेटो होन का नातासे परमेश्वर को घर को अधिकारी हइ; अरु परमेश्वर को घरनो हम हइ, अगर हम हिम्मत पर अरु अपना आस का घमण्ड पर आखरी तक मजबुत से र्हिया.
HEB 3:7 येकालिये जसो पवित्र आत्मा बोलस हइ, “अगर आज तुम परमेश्वर की अवाज सुन्ये,
HEB 3:8 ते अपना मन खे कठोर नी करनु, जसो तुम्हारा बुजुरुखहोन ने जब उनकी मरुस्थल मे परीक्षा हुइ री थी परमेश्वर का खिलाफ बगावत करी थी
HEB 3:9 परमेश्वर बोलस हइ वहा उनने मरी परिक्षा का तरफ परख्यो अरु मरा कामहोन खे देख्यो जेखे मेने चालीस साल तक देख्यो.
HEB 3:10 यो कारण मी उ टाइम का दुन्याहोन से गुस्सा र्हियो, अरु बोल्यो इनको मन हमेशा से ही प्रमाणित अरु मरी आज्ञा खे ठुकरान आला या मरी रस्ता समजे नी हइ.
HEB 3:11 तब मेने गुस्सा मे अयखे कसम-खैइ, वे मरा आराम स्थान मे कभी प्रवेश करी नी सखे .”
HEB 3:12 हे भैइ अरु बहीन, चौक्नय र्हेनु कि तुम मे असो बुरो अरु अविश्वासी मन नी होनु, जे तुमखे जिन्दो परमेश्वर से दुर हटैखे लि जाये.
HEB 3:13 येका बदला जब तक “आज का दिन” बोल्यो जास हइ, तुम हर दिन एक दूसरा खे प्रोत्साहित र्‍हिया, असो नी हुये कि तुम मे से कोय झन पाप का छल मे अय-खे कठोर हुइ जाये.
HEB 3:14 क्युकि हम मसीह का भागीदारी हुया हइ, अगर हम अपना पैयला भरोसा पर आखरी तक मजबुत से बन्या र्‍हिये.
HEB 3:15 जसो शास्त्र बोलस हइ , “अगर आज तुम ओको बोल सुन्ये ते अपना मन खे कठोर नी करनु, जसो कि बगावत का दिनहोन मे तुम्हारा बुजुरुखहोन ने कर्यो थो.”
HEB 3:16 भलो कोन हइ जेने परमेश्वर की वाणी सुनी अरु उनका खिलाफ बगावत कर्यो? का वे कोन था, जेने मूसा ने मीस्र से बचैइ खे नीकाल्यो थो?
HEB 3:17 अरु परमेश्वर चालीस साल तक कोनता इन्सान से घुस्सा र्‍हियो? का उन से जेने पाप कर्यो, अरु उनकी लाश जंगल मे पडि र्‍हिये?
HEB 3:18 अरु परमेश्वर कोखा लिये कसम खैइ कि तुम मरा आराम स्थान मे प्रवेश नी करी सखे ? का फक्त उनसे जेने आज्ञा नी मानी?
HEB 3:19 यो प्रकार हम देखस हइ कि वे अविश्वासी का कारण आराम कि जगा पर प्रवेश नी करी सक्या.
HEB 4:1 येका लिये जब कि उनका आराम प्रवेश करण की प्रतीज्ञा अब तक हइ ते हम डरन खे होनु असो नी हुये कि तुम मे से कोय झन बाहेर र्‍हि जाये.
HEB 4:2 क्युकि हम भी जसो सुसमाचार सुन्यो जसो उन्ने सुन्यो थो जो संदेश उन्ने सुन्यो थो उनका लिये कोइ किमत नी थी, क्युकि उन्ने सुन्यो तब विश्वास से स्वीकार नी कर्यो.
HEB 4:3 हम जो विश्वासी हइ उ आराम खे जेखे परमेश्वर ने प्रतीज्ञा करी थी ओखे हम याद करता शामील नी हुइ पाये ओने यो बोल्यो थो, जबकी जगत कि नीर्मीती करण का बाद ओको काम पुरो हूइ गयो थो, जसो कि परमेश्वर ने बोल्यो हइ मेने घुस्सा मे येका पर कसम लिखे बोल्यो थो कि ओने यो बोल्यो.
HEB 4:4 क्युकि सातवा दिन का बारे मे ओने शास्त्र मे बोल्यो हइ कि “परमेश्वर ने अपना पुरा काम होन खे खत्म करी खे सातवा दिन मे अराम कर्यो.”
HEB 4:5 अरु या प्रकार फिर यो बोलस हइ “वे मरा आराम स्थान मे प्रवेश करी नी पाये.” जेखे मेने उनखे देन को ठैरायो हइ.
HEB 4:6 ते अब या बात बाकी हइ कि खे तनो अरु हइ जो वा आराम मे प्रवेश कर्ये अरु जिनको पैयले सुसमाचार सुन्यो थो किक्यु उनन्हे विश्वास नी कर्यो किक्यु उनने विश्वास नी थो क्युकि दुसरा का लिये आराम करण का वजेसे अभी भी खुल्यो हइ,
HEB 4:7 येका लिये उ कोय खास दिन खे ठैरेय खे इत्ता दिन का बाद दाउद की किताब मे ओखे. आज को दिन बोलस हइ. जसो पैयले बोल्यो गयो, “अगर आज तुम ओको बोल सुन्ये ते अपना मन खे कठोर नी करणू.”
HEB 4:8 अगर यहोशू उनखे आराम दिन मे लि गयो जेकी प्रतीज्ञा करी थी, ते परमेश्वर का बाद मे कोइ दिन का बारे मे उ बोलस.
HEB 4:9 ते जो भी जसो परमेश्वर सातवा दिन आराम करस हइ वसो हि परमेश्वर का दुन्याहोन का लिये व्हा आराम बाकी हइ.
HEB 4:10 क्युकि जे कोय भी परमेश्वर मे प्रतीज्ञा कर्यो हुया आराम मे प्रवेश करस हइ, उ ओका काम होन मे आराम पाये ये वैइ प्रकार जसो परमेश्वर ने ओका काम होन से आराम पायो हइ.
HEB 4:11 येका लिये हम वा आराम मे प्रवेश करण की कोशीस करणु कि असो नी हुये कि कोय झन उनका ओका जसा विश्वास कि कमी का वजेसे गिरी पड्या.
HEB 4:12 क्युकि परमेश्वर को वचन जिन्दो अरु क्रिया शील खे अरु हर एक दोधारी तलवार से भी भोत तेज हइ. अरु जान अरु आत्मा को अरु जोड़-जोड़ खे अलग करी खे आर-पार हइ अरु मन की भावना अरु बिचार जानस हइ.
HEB 4:13 सृष्टी की कोय चिज परमेश्वर का आख का सामने जेखे हम खे हिसाब किताब देनो हइ हर चिज बीना आवरन कि खुली हुइ हइ अरु कुछ भी ओझ ल नी हइ.
HEB 4:14 येका लिये जब हमारो असो बडो महायाजक हइ जो स्वर्ग से हुइ खे गयो हइ, मंनजे परमेश्वर को बेटो यीशु ते ओको हम अपना विश्वास हमने मीली कर्यो हइ द्दढता से थामे र्‍हेनु.
HEB 4:15 क्युकि हमारो असो महायाजक नी जो हमारो नीर्बलताहोन मे हमारा साथ सैतान को दुख नी हुइ सकस क्युकी उ सब बातहोन मे हमारा जसा परख्यो गयो तेभी नीष्पाप निकल्यो.
HEB 4:16 येका लिये आनू कि हम अनुग्रह को राजगद्दी का पास मे हिम्मत बाधी खे चल्यो की हम पर दया होस अरु उ अनुग्रह पाये जो गरज का टेम मे हमारी मदत करणू.
HEB 5:1 क्युकि हर एक महायाजक इन्सानहोन मे से नीयुक्त कर्यो जास हइ कि उनको प्रतीनीधित्व करीखे परमेश्वर कि सेवा करीखे पाप दान को अर्पन करी सक्ये.
HEB 5:2 वे अनाडीहोन अरु भूल्या भटक्या का साथ नर्मी से व्यवहार करी सकस हइ येका लिये कि उ तुम भी नीर्बलता से घेर्यो हइ.
HEB 5:3 येका लिये ओका होनु कि जसा इन्सानहोन का लिये ओसो ही अपना लिये भी पाप बलि चडायो करस.
HEB 5:4 यो मुख्य याजक का आदर को पद कोय अपना आप नी लिखे जब तक कि हारुन का सामने परमेश्वर का तरफ से ठैरायो नी जाये.
HEB 5:5 ओसो ही मसीह ने भी महायाजक को आदर को पद अपना आप नी लियो बल्की “परमेश्वर ओखे बोलस हइ तु मरो बेटो हइ आज मी तरो बाप बन्यो हइ.
HEB 5:6 यो प्रकार उ दूसरा जगा मे भी बोलस हइ, तू मलिकिसिदक कि रीति पर पिडमपिडि का लिये याजक ठैरेये.”
HEB 5:7 यीशु ने अपना आंग मे र्‍हेन का दिनहोन मे उचो बोल मे रोइखे अरु आख से आसु बोहय-बोहय खे ओका से जो मरन से बच्यै सकतो थो, प्रार्थनाहोन अरु प्रार्थना करीखे अरु भक्ति अरु नम्रताकरण ओकि सुनी गइ.
HEB 5:8 बेटो होना पर भी ओने दुख उठैखे आज्ञा को पालन करणो सिख्यो.
HEB 5:9 अरु सिध्द बनी अपना सब आज्ञा मानन आला का लिये सनातन को उध्दार हुइ गयो.
HEB 5:10 अरु ओखे परमेश्वर का तरफ से मलिकिसिदक की रीति पर महायाजक को पद मील्यो.
HEB 5:11 येका बारे मे हम खे भोत सी बातहोन बोलनू हइ, पन जेको वर्णन करणो कठिन हइ क्युकि तुम समझना मे भोत धिमे हुया.
HEB 5:12 टेम का बिचार से ते तुम मास्तर हुइ जान खे होनु थो, तेभी यो जरुरी हुइ गयो हइ कि कोय तुम खे परमेश्वर का वचन खे आदि शिक्षा फिर से सिकइ. तुम ते असा हुइ गया हइ कि तुमने अनाज खान का बजाय तुम खे अभी अब तक दूध पीनु पडस हइ.
HEB 5:13 क्युकि दूध पिनआला बच्चा ही हइ अरु ओखे सही गलत को कोय धार्मीकता को अनुभव नी होय.
HEB 5:14 पर ठोस खानो समझदारहोन का लिये हइ, उनने अपना अनुभव करन को अच्छा बुरा को ज्ञान करणो सीखी लियो हइ.
HEB 6:1 येका लिये आओ मसीह की शिक्षा की सुरवात की बातहोन खे छोडी खे हम सिध्दन्ता का तरफ आगे बडता जाए, अरु मर्या हुया काम होन से मन फिराव को अरु परमेश्वर पर विश्वास करणु.
HEB 6:2 अरु बापत्सिमा अरु हात रखनु, अरु मर्या हुया, पुनरुत्थान होना पर, अरु आखरी न्याय की शिक्षा रुपी पायो फिर से नी डालनु.
HEB 6:3 अगर परमेश्वर चाये ते हम योही कर्ये.
HEB 6:4 क्युकि जेने एक बार उजालो देख्यो हइ, अरु जे स्वर्गीय वरदान को स्वाद चकी चुक्या हइ अरु पवित्र आत्मा को भागीदार हूइ गया हइ
HEB 6:5 अरु परमेश्वर को उत्तम वचन को अरु आन आलो जगत का सामर्थ्य को स्वाद चकी चुक्या हइ.
HEB 6:6 अगर वे विश्वास से भटकी जाए ते उनका फिर से मन फिराव का लिये वापस लानो असंभव हइ. क्युकि वे परमेश्वर को बेटो अपना लिये फिर क्रुस पर चडास हइ अरु प्रगट मे ओका पर कलंक लगास हइ.
HEB 6:7 क्युकि जो जमीन बारीश का पानी खे जोओ पर बार-बार गीरस हइ, पी पी खे जो इन्सानहोन का लिये उ जोतन-बोन आला खे उपयोगी फसल प्रदान करस हइ उ परमेश्वर को आशीर्वाद पास हइ.
HEB 6:8 पर अगर वा झाडि अरु काटा उगास हइ, ते नीकम्मी अरु स्त्रापित होना पर हइ, अरु ओको अन्त जलायो जानो हइ.
HEB 6:9 पर हे प्रिय दोस्त पन हम या बातहोन बोलस हइ तेभी तुम्हारा बारे मे हम येका से अच्छी अरु उध्दार वाली बातहोन को भरोसो करस हइ.
HEB 6:10 क्युकि परमेश्वर अन्यायी नी कि तुम्हारो काम अरु उ प्रेम खे भुली जायेका जो तुम ने ओका नाम का लिये या रीति से दिखायो कि मसीह इन्सानहोन की सेवा का तरफ करी भी रो हइ.
HEB 6:11 पर हम भोत चाहस हइ कि तुम मे से हर एक जन आखरी तक पूरा विश्वास का लिये असो ही कोशीस करतो र्हिया.
HEB 6:12 हम नी चाहस कि ताकि तुम आलसी नी हुइ जानु, क्युकी उनको अनुकरण करणू जो विश्वास अरु धीरज का वजेसे प्रतीज्ञाहोन को वारिस होस हइ.
HEB 6:13 परमेश्वर ने अब्राहम से प्रतीज्ञा करता टेम जब कसम खान का लिये कोय खे अपना से बडो नी पायो ते अपनी ही कसम खय खे बोल्यो.
HEB 6:14 “मी सचमुच तोखे भोत आशिर्वाद दियु, अरु तरी सन्तान खे बडाते जायु.”
HEB 6:15 अरु या रीति से अब्राहम ने धीरज धरी खे परमेश्वर ने करी हुइ प्रतीज्ञाहोन को फल प्राप्त कऱ्यो.
HEB 6:16 इन्सान तो अपना से कोय बडा की कसम खाया करस हइ, अरु उनका हर एक विवाद को फैसलो आखरी कसम पक्को कर्यो जास हइ.
HEB 6:17 येका लिये जब परमेश्वर ने प्रतीज्ञाहोन का वारिसहोन पर अरु भी सफा रीति से प्रगट करणो चाहुस कि ओको उद्देश बदली नी सक्ता ते कसम खे बीच मे लय.
HEB 6:18 ताकि दो बीना बदल बातहोन का वजेसे जेका विषय मे परमेश्वर खे झुठो ठैरानो अनहोनो हुये दुढता से हमारो हिम्मत बंधी जाये जो पाय पडन लेन का येका लिये दौड्या हइ कि ओकी आस खे जे सामने रखी हुइ हइ मील्हे करणु.
HEB 6:19 उ आसा हमारो जिव मन का लिये असो लंगर हइ जो स्थिर अरु द्दढ़ हइ अरु परदा का अंदर तक पहुचस हइ.
HEB 6:20 जहा यीशु ने मलिकिसिदक की रीति पर पिडमपिडि को महायाजक बन्यो हइ.
HEB 7:1 यो मलिकिसिदक शालोम को राजा थो, अरु परमप्रधान परमेश्वर को याजक थो. जब अब्राहाम राजा खे युध्द से पराजित करीखे वापस अय रो थो तब उ अब्राहम से मील्यो अरु ओखे आशिर्वाद दियो.
HEB 7:2 अब्राहम ने सब चिजहोन को दसवो भाग भी दियो. यो पैयले अपना नाम का अर्थ का जसो धर्म को राजा अरु फिर शालोम पन शांती को राजो हइ.
HEB 7:3 ओका बाप का माय का अरु बुर्जुकहोन को कोय इतिहास नी मीलस हइ, ओका जिवन अथवा मरन को भी कोय उल्लेख नी हइ पन परमेश्वर को बेटा खे जसा ही हमेशा का लिये याजक बन्यो र्हेस हइ.
HEB 7:4 अब येका पर ध्यान करणू कि उ कसो महान थो जेको कुल पति अब्राहम ने लूटीखे अच्छा से अच्छा माल को दसवो भाग दियो.
HEB 7:5 लेवी की सन्तान मे से जो याजक को पद पास हइ, उनखे आज्ञा मीली हइ कि इन्सानहोन मंनजे अपना इस्राएली भैइ से चाये वे अब्राहम का आंग से क्यु नी जन्मो हइ, व्यवस्था का जसो दसवो हिस्सो ले.
HEB 7:6 पर मलिकिसिदक ने जो लेवी को वंश को भी नी थो, अरु उ अब्राहम खे आशिर्वाद दियो जेका पास परमेश्वर की प्रतीज्ञाहोन थी.
HEB 7:7 येमे कोय शक नी कि जो आशीर्वाद देस हइ उ आशिर्वाद लेन आला से बडो होस हइ.
HEB 7:8 अरु ह्या तो मनहार इन्सान दसवो भाग लेस हइ पर वहा उ लेस हइ, जेकी गवइ दी जास हइ, कि उ जिन्दो हइ.
HEB 7:9 ते हम यो भी बोली सकस हइ कि लेवी ने भी जो दसवो हिस्सो लेस हइ, अब्राहम का वजेसे दसवो हिस्सो दियो.
HEB 7:10 क्युकि जो टेम मलिकिसिदक ने ओका बाप से भेंट करीखे उ टेम उ अपना बाप का आंग मे थो.
HEB 7:11 अगर लेवीय याजक पद का वजेसे सिध्दि मील्हे हुइ सकस जेका सहारा इन्सानहोन खे व्यवस्था मीली थी ते फिर जरुरत थी कि दुसरो याजक मलिकिसिदक कि रीति पर खडो होनु, अरु हारुन कि रीति खे नी बोल्योह्ये?
HEB 7:12 क्युकि जब याजक को पद बदल्यो जास हइ, ते व्यवस्था को भी बदलनो जरुरती हइ.
HEB 7:13 क्युकि जो हमारा प्रभु का बारे मे या बात बोली जास हइ कि उ दूसरा गोत को हइ, जेमे से कोय ने वेदी की सेवा नी करी.
HEB 7:14 ते प्रगट हइ कि हमारो प्रभु यहूदा को गोत मे से जन्म लियो हइ, अरु या गोत का बारे मे मूसा ने याजक पद की कुछ बातचित नी करी.
HEB 7:15 हमारो दावो अरु भी पुरा सफा तराह से प्रगट हुइ जास हइ, जब मलिकिसिदक का समान एक अरु याजक पइदा हुइ जास हइ.
HEB 7:16 जो आंग की आज्ञा से अरु नीयमहोन का जसो पर अविनाशी जिवन की सामर्थ्य का जसो नीयुक्त हुयो हइ.
HEB 7:17 क्युकि ओका बारे मे या गवइ दी गइ हइ, “तू मलिकिसिदक कि रीति पर पिडमपिडि याजक हइ.”
HEB 7:18 यो प्रकार पयली आज्ञा रद्द दियो गयो क्युकि उ नीर्बल अरु कोय काम को नी थो.
HEB 7:19 येका लिये कि क्युकि मूसा की व्यवस्था ने कोय कि बात की पुरी सिद्धि नी करी सक्यो अरु अब ओका जगा पर एक अशी उत्तम आस रखी गइ हइ जेका वजेसे हम परमेश्वर का सामने जैय सकस हइ.
HEB 7:20 मसीहा की नीयुक्ति परमेश्वर कि कसम का वजेसे हुइ, बल्की दुसरा कि कसम का बिना ही याजक बनायो गयो थो.
HEB 7:21 पन यीशु परमेश्वर की कसम का साथ ओका तरफ से जेने ओका बारे मे बोल्यो, “प्रभु ने कसम ली हइ अरु उ अपनो मन कभी नी बदल्ये तु पिडमपिडी का लिये याजक ठैर्ये.”
HEB 7:22 अरु या बदलाव यीशु एक उत्तम वाचा को हामी बनी गयो
HEB 7:23 असा भोत सा याजक हुया करता था, पन मृत्यु ने उनका अपना पदवी पर कायम नी र्हेन दियो.
HEB 7:24 पन यीशु अमर हइ अरु ओको याजक को काम भी पिडमपिडि का लिये बन्यो र्‍हेन आलो हइ.
HEB 7:25 येका लिये जे ओका वजेसे परमेश्वर का पास आस हइ, उ उनको पूरो उध्दार करणा मे समर्थ हइ, क्युकि यीशु उनका लिये प्रार्थना करण खे हमेशा जिन्दो हइ.
HEB 7:26 असो ही महायाजक हमारा जरुतहोन खे पुरो करी सकस हइ. उ पवित्र हइ, उ नीर्दोश हइ, अरु ओमे कोय पाप नी की जो पापिहोन से अलग र्हेस हइ स्वर्ग से भी ओखे उचो उठायो गयो हइ.
HEB 7:27 वे महायाजक का समान ओखे जरुरी नी कि हर दिन पैयले अपना पापहोन अरु फिर इन्सानहोन का पाप का लिये बलिदान चडाये. क्युकि ओने अपना आपखे बलिदान चडैय, एक ही बार मे पूरो करी दियो.
HEB 7:28 मूसा कि व्यवस्था ते अधुरो इन्सान खे महायाजक नीयुक्ति करस हइ, पन परमेश्वर की प्रतीज्ञा ओका कसम का साथ बनी गइ हइ, या प्रतीज्ञा ने प्रमुख याजक का रुप मे बेटा होन खे नीयुक्त कर्यो हइ, जो पिडमपिडि का लिये परिपुर्ण बन्यो र्हेस हइ.
HEB 8:1 जो कुछ करी र्‍हा हइ उनकी मुख्य बातहोन या हइ. नीश्चित ही हमारा पास असो महायाजक हइ, जो स्वर्ग मे महामहिम को जवना हात सिंहासन पर विराजमान हइ.
HEB 8:2 अरु पवित्र जगा मे मंनजे सच्चा झोपडि मे जेखे परमेश्वर ने स्थापना करी थी नी इन्सान ने वा जगा महायाजक को काम करस हइ.
HEB 8:3 क्युकि हर एक महायाजक दान अरु बलिदान परमेश्वर खे चडान का लिये ठैरायो जास हइ, यो करण जरुरी हइ कि या याजक का पास भी कुछ चडान का लिये हुये.
HEB 8:4 अगर उ धरती पर होतो ते कभी याजक नी होतो, क्युकि उ पैयले से ही असो याजक हइ जो यहूदीया व्यवस्था का जसो दान चडान आला हइ.
HEB 8:5 जो येमे हइ ओकी एक छाय अरु झलक हइ, यो असो प्रकार हइ जब मूसा पवित्र झोपडि को नीर्माण करण आलो हि थो तब परमेश्वर ने ओखे बोल्यो थो “ध्यान ऱ्हे कि तु हर चिज ठिक उ प्रतीरुप का जसो बनानु कि जो तोखे पहाड पर दिखायो गयो थो.”
HEB 8:6 पर अब जो याजक पन कि सेवा यीशु खे मीली हुइ हइ, उ उनकी सेवा कार्य से बडी हइ क्युकि उ जो वाचा को मध्यस्थ हइ, उ पुराना वाचा से अच्छो हइ, क्युकि यो अच्छो चिजहोन कि प्रतीज्ञाहोन पर आधारीत हइ.
HEB 8:7 क्युकि अगर उ पयली वाचा नीर्दोष मे कोय गलती नी होती ते दुसरा वाचा कि जरुरत नी होती.
HEB 8:8 पन परमेश्वर खे वे इन्सानहोन मे दोष मील्यो अरु उ बोलस हइ, प्रभु बोलस हइ, देखनु वे दिन आस हइ कि मी इस्राएल का घराना का साथ, अरु यहूदा का घराना का साथ नवी वाचा बाध्यु.
HEB 8:9 यो प्रभु वाचा का समान नी हुये खे जो मेने उनका बापदादाहोन का साथ वा टेम बाधी थी, जब मी ओको हात पकडी खे उनखे मीस्र देस से नीकाली लायु. क्युकि वे मरी वाचा से विश्वास योग्य नी र्हिये जेखे मेने उनका साथ बाधी थी, येका लिये मेने उन पर ध्यान नी लगायो.
HEB 8:10 फिर प्रभु बोलस हइ, कि जो वाचा मे उ दिनहोन का बाद इस्राएल का घरना का साथ बाध्यु उ यो हइ कि अपनो व्यवस्था का उनका मन मे डाल्यु, अरु ओखे उनका ह्रदय पर लिख्यु अरु मी उनको परमेश्वर ठैर्यू अरु वे मरा इन्सान ठैर्ये.
HEB 8:11 अरु हर एक अपना दोस्तहोन खे अरु अपना भैइ अरु बहीन खे या शिक्षा नी देनु, कि तू प्रभु खे पहिचान क्युकि छोटा से बडा तक मेखे जानी लिये.
HEB 8:12 क्युकि मी उनका बुरोकाम का बारे मे दयावन्त हुयु अरु कभी उनको पाप याद नी रख्यु.
HEB 8:13 पयली आत्मा खे जुन्नो करी दियो या वाचा खे बोली खे पयली वाचा खे जुन्नी करी दियु अरु जो जुन्नो अरु जिर्ण हुइ जास हइ उ ते फिर जल्दी ही मीटी जास हइ.
HEB 9:1 वा परइली वाचा मे भी उपास करण को नीयम थो, तथा एक पवित्र जगा थी.
HEB 9:2 क्युकि एक झोपडि खडी करी गय थी, पैयले खोलि मे दिवो अरु मेज खे अरु जेका पर दान की रोटीहोन थी. अरु वा पवित्र जगा कैलातो थो.
HEB 9:3 दूसरा परदा का पीछे एक अरु झोपडि थी, जो परम पवित्र जगा बोल्यो जातो थो.
HEB 9:4 येमे सुगंधित धूपदानी का लिये सोन्ना की वेदी अरु सोन्ना से मड्यो हुयो वाचा को सन्दूक मे सोन्ना को बन्यो मन्ना को पात्र थो, अरु हारुन की वा लकडी जेमे अंकुर उगायो थो तथा दो पत्थर जेका पर आज्ञाहोन लिखी हुइ थी था.
HEB 9:5 ओका उपर दो तेजमय करुब था, जो प्रायश्चित का झाकना पर छाय कर्या हुया था. इन का एक-एक करीखे वर्णन करण को अवसर नी हइ.
HEB 9:6 सब कुछ यो प्रकार ठिक हुइ जाना पर अपना सेवा को काम पुरो करतो थो, या चिजहोन या रीति से तैयार हुइ गया. उ पैयले झोपडि मे याजक हर टेम प्रवेश करीखे सेवा को काम खत्म करस हइ.
HEB 9:7 किन्तु परदा का अंदर कि दुसरी छपरी मे फक्त प्रमे खे महायाजक साल भर मे एक बार जास हइ, अरु बिना खुन का वजेसे प्रवेश नी करतो थो बिना समझ मे कर्यो गयो पापहोन को परमेश्वर खे दान चडायो करतो थो.
HEB 9:8 येका का वजेसे जब तक पयली झोपडि खडी हइ तब परम पवित्र जगा कि रस्ता खुली नी गय थी प्रगट नी हुयो.
HEB 9:9 या झोपडि वर्तमान टेम का लिये एक बुरो हइ जेका से असी दान अरु बलिदान चडायो जास हइ जेका से आराधना करण आला खे विवेक दृष्‍टान्‍त से सिध्द नी हुइ सकस हइ.
HEB 9:10 क्युकि वे फक्त खान पीन का चिजहोन अरु थोडो-थोडो स्नान-विधी का आधार पर आत्मा को नीयम हइ, जो नवी टेम तक का लिये नीयुक्त कर्यो गयो हइ.
HEB 9:11 पन जब मसीह आन आलो अच्छी अच्छी चिजहोन को महायाजक का रुप मे आयो, ते ओने अरु भी बडा अरु सिद्ध झोपडि से हूइ खे जो हात को बनायो हुयो मंनजे या सृष्टि को नी.
HEB 9:12 अरु बकराहोन अरु पिल्लाहोन का खुन का वजेसे नी पर अपना ही खुन का वजेसे एक ही बार पवित्र जगा मे प्रवेश कर्यो अरु सनातन काल को छुटकारो मील्हे.
HEB 9:13 क्युकि जब बकराहोन अरु बैलहोन को खुन अरु पिल्ला कि राख खे अपवित्र इन्सानहोन पर छिडक्यो जानो आंग की अच्छा का लिये उनखे पवित्र करस हइ.
HEB 9:14 ते मसीह को खुन जेने अपना आप खे सनातन आत्मा का वजेसे परमेश्वर का सामने नीर्दोष चडायो, तुम्हारा विवेक खे मार्या हुया काम होन से क्यु नी अच्छो कर्ये ताकि तुम जिन्दो परमेश्वर की सेवा करणू.
HEB 9:15 यो करण ताकी पयली वाचा को मध्यस्थ हइ, ताकि ओको मरना का वजेसे जो पयली वाचा को अधीन कर्यो गयो पापहोन से छुटकारो मीलन का लिये हुयो हइ, बुलाया हुया दुन्या प्रतीज्ञा का अनुसार फिरोती पैसा उ अपनो जान दि सक्ये.
HEB 9:16 जहा तक वसीहत नामा को सवाल हइ वहा तक जेने ओखे बनायो गयो हइ ओकी बुध्दि खे बनानो जरुरती हइ,
HEB 9:17 क्युकि कोय वसीहत नामो तेभी लिखन आला मरना पर पक्को हुयो हइ, अरु जब तक लिखन आला जिन्दो र्‍हेस हइ उ कभी प्रभावी नी होय.
HEB 9:18 येका लिये पयली वाचा भी बिना खुन को इस्तेमाल का वजेसे प्रभावीत ठैर्या.
HEB 9:19 पैयले मूसा सब दुन्या कि व्यवस्था कि किताब की हर एक आज्ञा सुन्ये चुक्यो ते ओने बैल अरु बकराहोन को खुन लिखे पानी अरु लाल उन अरु जूफा का साथ वा किताब पर अरु सब दुन्याहोन पर छिडकी दियो,
HEB 9:20 अरु बोल्यो, उ वाचा को खुन हइ, जेकी आज्ञा परमेश्वर ने तुम्हारा लिये दियो हइ,
HEB 9:21 अरु या रीति से ओने झोपडि अरु सेवा खे सब आराधना कि चिज पर खुन छिडक्यो,
HEB 9:22 वास्तव मे व्यवस्था का जसो खुन से नजीकपास सब चिजहोन अच्छो कर्यो जास हइ, अरु बिना खुन बोहाए पापहोन खे माफ नी कर्हे.
HEB 9:23 येका लिये जरुरी हइ कि स्वर्ग मे की चिजहोन का जसो यो बलिदानहोन का वजेसे अच्छो कर्यो जाये पर स्वर्ग मे की चिजहोन खुद इनका से उत्तम बलिदान का वजेसे शुध्द कर्यो जास,
HEB 9:24 क्युकि मसीह ने परमेश्वर का हात से बनायो हुया पवित्र जगा मे जो सच्चा पवित्र जगा को नमूनो हइ, प्रवेश नी कर्यो पर स्वर्ग ही मे प्रवेश कर्यो, ताकि हमारा लिये अब परमेश्वर का सामने दिखाइ देनू,
HEB 9:25 यो नी कि उ अपना आप खे बार-बार चडायो, जसो कि महायाजक हर साल दूसरा को खुन लिये पवित्र जगा मे प्रवेश कर्यो करस हइ,
HEB 9:26 नी ते जगत की रचना से लिखे बार-बार दुख उठानु पडस. पर अब युग का आखरी मे उ एक ही बार प्रगट हुयो हइ, ताकि अपना ही बलिदान का वजेसे पाप खे दूर करी दे,
HEB 9:27 अरु जसो इन्सान का लिये एक बार मरनो अरु ओका बाद न्याय को होनो नीयुक्त हइ,
HEB 9:28 ओसो हि मसीह भी भोत पाप खे उठै लेन का लिये एक बार बलिदान हुयो. अरु जो ओकी रस्ता देखस हइ उनका उध्दार का लिये पर अब दूसरी बार प्रगट हुये ते पापहोन को वहन करण का लिये नी पाप खे दुर करण की जो ओकी रस्ता देखी रा हइ उनखे उध्दार देन का लिये.
HEB 10:1 क्युकि व्यवस्था खे जेमे आन आली अच्छी चिजहोन को छाय हइ पर उनको असली स्वरुप खे येका लिये वे एक ही रंग को बलिदान का वजेसे जो हर साल अचूक चडाय जास हइ, पास आन आला खे कभी भी सिध्द नी करी सक्ये.
HEB 10:2 नी ते उनको चडानो बन्द क्यु नी हूइ जाय? येका लिये जब सेवा करण आला एक ही बार अच्छो हुइ जास, ते फिर उनको विवेक से उनका पाप नी ठैराय.
HEB 10:3 पन उनका वजेसे हर साल पाप खे याद कर्यो जास हइ,
HEB 10:4 क्युकि यो अनहोनो हइ कि बैलहोन अरु बकराहोन को खुन पाप खे दूर कर्येका
HEB 10:5 या कारनउ जगत मे आतो टेम बोलस हइ, बलिदान अरु भेंट तोने नी हुनु, पर मरा लिये एक आंग तैयार कर्यो,
HEB 10:6 होम-बलिहोन अरु पाप-बलिहोन से तू खुश नी हुयो,
HEB 10:7 तब मे ने बोल्यो, देख मी अयगो हइ, पवित्र-शास्त्र की किताब मे मरा बारे मे लिख्यो हइ, ताकि हे परमेश्वर, तरी इच्छा पूरी करण का लिये आयो हइ,
HEB 10:8 उपर ते उ बोलस हइ, “नी तोने बलिदान अरु भेंट अरु होम-बलिहोन अरु पाप-बलिहोन खे चायो, अरु नी उनसे प्रसन्न हुयो” अगर या बलिदान ते व्यवस्था का जसो चडायो जास हइ,
HEB 10:9 फिर यो भी बोल्यो हइ, “देख मी अयगो हइ, ताकि हे परमेश्वर तरी इच्छा पूरी करण का लिये आयो हइ,”
HEB 10:10 परमेश्वर कि इच्छा से हम यीशु मसीह को आंग खे एक ही बार बलिदान चडाय जान का वजेसे पवित्र कर्यो गयो हइ.
HEB 10:11 हर एक याजक का रुप मे खडो हूइ, हरदिन सेवा करस हइ, अरु एक ही प्रकार को बलिदान, जो पाप खे कभी भी दूर नी करी सखे बार-बार चडास हइ,
HEB 10:12 पन यो इन्सान तो पाप को बदलो एक ही बलिदान सदा का लिये चड्यैइ, परमेश्वर का जवना तरप जयखे बठौ,
HEB 10:13 अरु वा टेम मे से ओकी रस्ता देखस हइ, कि ओका दुशमनहोन ओका पाय का नीचे को पीडो बन्ये का
HEB 10:14 क्युकी ओने एक ही चडा ओका वजेसे उनका पवित्र कर्यो जास हइ, सदा का लिये सिध्द करी दियो हइ,
HEB 10:15 अरु पवित्र आत्मा भी हम खे या गवइ देस हइ. क्युकी ओने पैयले बोल्यो थो,
HEB 10:16 “प्रभु बोलस हइ कि जे वाचा मी वा दिनहोन खे या बात उनसे बाध्यु उ यो हइ कि मी अपना नीयमहोन खे उनका दिल पर लिख्यु अरु मी उनका मन मे डाल्यु,”
HEB 10:17 फिर उ यो बोलस हइ, “मी उनका पाप को अरु उनका अधर्म काम होन खे फिर कभी याद नी कर्यु,”
HEB 10:18 अरु जब उनकी माफ हूइ गइ हइ, ते फिर पाप को बलिदान नी र्हियो.
HEB 10:19 येका लिये हे भैइ अरु बहीन जब हम, यीशु को खुन का वजेसे उ नवी अरु जीवते मार्ग से पवित्र जगा मे प्रवेश करणा को हिम्मत हूइ गयो हइ,
HEB 10:20 जो ओने परदा मंनजे अपना आंग मे से हूइ का हमारा लिये अभिषेक कर्यो हइ,
HEB 10:21 अरु येका लिये कि हमारो असो महान याजक हइ, जे परमेश्वर खे घर को अधिकारी हइ,
HEB 10:22 ते ओका हम सच्चा मन अरु पूरा विश्वास का साथ खे अरु विवेक को दोष दूर करण का लिये दिल पर लिखे अरु आंग खे शुध्द पाणी से धोइखे परमेश्वर का सामने जायेका
HEB 10:23 आओ हम अपना आस खे अंगीकार खे रख मजबूत से थाम्येका क्युकि जेने प्रतीज्ञा करी हइ, उ विश्वासयोग्य.
HEB 10:24 अरु प्रेम अरु भला काम होन मे ओका खे नख लिये हम एक दूसरा की चिन्ता कर्या करणू,
HEB 10:25 अरु एक दूसरा का साथ जमा होनु नी छोडनु, जसो कि केत्ता कि रीति हइ, पर एक दूसरा को प्रोत्साहित करणु तुम देखी रा कि प्रभु को दिन पास अय रो हइ.
HEB 10:26 क्युकि सच्ची कि पैछान मील्हे करण का बाद अगर हम जानी बूझी खे पाप करता र्‍हिये का ते पापहोन का लिये फिर कोय बलिदान बाकी नी,
HEB 10:27 सजा को एक भयानक रस्ता देखनू अरु अंगार कि जलन बाकी हइ न्याय जो विरोधीहोन खे भस्म करी दियेका
HEB 10:28 जब मूसा की व्यवस्था खे नी माननआला खे दो या तीन झन की गवाह होन पर बीना दया को मारी डाल्यो जास हइ,
HEB 10:29 ते सोची ले कि उ केतना अरु भी भारी सजा को योग्य ठैरीयेका जेने परमेश्वर का बेटा का पाय से रौद्यो अरु वाचा का खुन खे जेका वजेसे उ पवित्र ठैरायो गयो थो, अपवित्र जान्यो हइ, अरु अनुग्रह की आत्मा खे अपमान कर्यो,
HEB 10:30 क्युकि हम जानस हइ, “जेने बोल्यो, बदलो लेनो मरो काम हइ, मी ही बदलो दियु”; अरु फिर यो कि “प्रभु अपना इन्सानहोन को न्याय कर्यु.”
HEB 10:31 जिन्दा परमेश्वर का हातहोन मे पडनो भयानक बात हइ,
HEB 10:32 पन उ पिछला दिनहोन खे याद करणू, जे मे तुम उजालो देखे, दुखहोन का बडा संघर्ष मे स्तिर र्‍हेनू,
HEB 10:33 कभी कभी ते यों कि तुम नीन्दा अरु क्लेश सैता हूये तमाशो बन्ये का अरु कभी यों कि तुम उनका हिस्सेदार हूये जेकी दुर्दशा करी जास हइ,
HEB 10:34 क्युकि तुम कैदिहोन का दुख मे भी दुखी हइ, अरु अपनी दौलत भी खुशी से लुटय दि. यो जानी कि तुम्हारा पास एक अरु भी उत्तम अरु सदा का लिये बनी र्‍हिये.
HEB 10:35 येका लिये अपनी हिम्मत नी छोडनु क्युकि ओको प्रतीफल बडो हइ,
HEB 10:36 क्युकि तुम खे धीरज धरनो जरुरी हइ, ताकि परमेश्वर कि इच्छा खे पूरी करीखे तुम प्रतीज्ञाहोन को फल पाये
HEB 10:37 “क्युकि वचन बोलस हइ, भोत जल्दी जेखे आनो हइ उ जल्दी आह्ये उ देर नी लगाय.
HEB 10:38 पर मरो धर्मी झन विश्वास से जिन्दो र्‍हियेका अरु अगर उ पीछे हटी जाये ते मरो मन ओका से प्रसन्न नी हूये”
HEB 10:39 पर हम बाजु आला को नाश हूइ जाये पर विश्वास करण आला हइ कि जान खे बचानु.
HEB 11:1 विश्वास आस करी हुइ चिजहोन को नीश्चय खे अरु अनदेखी चिजहोन को प्रमान हइ.
HEB 11:2 क्युकि यो करण बुजरुक दुन्या को उनको परमेश्वर कि सहमती करी थी.
HEB 11:3 विश्वास ही से हम जानी जास हइ कि पुरी जगत की रचना परमेश्वर का बोल का वजेसे हुइ हइ, पर ह्या जो बातहोन दिखइ देस हइ उ बिना देखे चिजहोन बनइ गइ हइ.
HEB 11:4 विश्वास ही से हाबिल ने परमेश्वर खे कैन से अच्छो बलि चडायो थो, अरु ओका विश्वास का वजेसे हि धार्मीक इन्सान होना का दान से परमेश्वर से सहमती मीली थी क्युकि परमेश्वर खुद ही उनको दो कि सहमती देस हइ. येको मतलब हाबील आज विश्वासकरण आज भी बोलस हइ यदापि उ मरी चुक्यो हइ.
HEB 11:5 विश्वास ही से हनोक उठै लियो गयो कि मरन खे नी देखनू, अरु ओको पतो कोय खे नी मील्यो क्युकि परमेश्वर ने ओखे उठै लियो थो, अरु ओखे उठैइ जाना से पैयले ओकी या गवइ दि गइ थी कि ओने परमेश्वर खे प्रसन्न कर्यो हइ.
HEB 11:6 अरु विश्वास से परमेश्वर का बिना ओखे प्रसन्न करणो अनहोनो हइ. क्युकि परमेश्वर का पास आन आला को विश्वास करण खे होनु कि परमेश्वर को अस्तित्व उनने खे प्रतीफल देस हइ जो ओखे खोजस हइ.
HEB 11:7 विश्वास हि से नूह ने वा बातहोन का बारे मे जो उ टेम मे देखइ नी दियो थो चेतावनी मीलीगी-भक्ति का साथ अपना घराना का बचाव का लिये डोंगा बनायो, अरु ओका वजेसे ओने जगत खे दोषी ठैरायो अरु उ धर्म को वारिस हुयो जो विश्वास से होस हइ.
HEB 11:8 विश्वास ही से अब्राहम जब बुलायो गयो ते आज्ञा मानीखे असी जगा नीकली गइ जेमे मीरास मे लेन आला था. अरु यो नी जानतो थो कि मी किधर जायु हइ.
HEB 11:9 विश्वासकरण ही जो धरती खे वचन देन को ओका पर ओने एक अनजाना पर देस का समान अपनो घर बन्य खे मण्डप कर्यो, उ झोपडिहोन मे ओसो र्हियो जसो इसहाक अरु याकूब र्हिया था जो ओका साथ परमेश्वर कि उ प्रतीज्ञाहोन उत्तरा अधीकारी र्हिया था.
HEB 11:10 अब्राहम वा जगापर पय्या नगर कि रस्ता देखी रो थो, जेखे परमेश्वर ने आखे आकार दिखे बनायो सदा द्रुड र्हेन आली पायो डाल्यो.
HEB 11:11 विश्वास से करना अब्राहम जो बुढ्ढो हुइगो थो सारा जो बांझ थी फिर भी माय बाप बन्या. ओने परमेश्वर कि प्रतीज्ञा मे तुम पर भरोसो कर्यो.
HEB 11:12 येका करना अब्राहम से ही जे मर्या जसा था, आकाश का तराहोन अरु समुदर की रेत का जसो अनगिनत वंश पइदा हुया.
HEB 11:13 विश्वास का मन मे लिये ये पुरा दुन्या मरी गया उनने प्रतीज्ञाहोन करी हुइ चिजहोन नी पाइ, पर उनने दुर से देख्यो अरु उनको स्वागत कर्यो तथा उनने यो मानी लियो वे धरती पर परदेशी अरु बाहरी हइ.
HEB 11:14 वे दुन्या जो असी बातहोन बोलस हइ, वे दिखास हइ कि वे असा देश कि खोज मे हइ की जो अपनी हइ.
HEB 11:15 अगर वे देश का बारे मे जेखे वे छोडी चुक्या हइ उनको लोटन को र्हेतो पर भि असो नी सोचता था.
HEB 11:16 पन वे एक अच्छो मंनजे स्वर्गीय देश को अभिलाषी हइ. येका लिये परमेश्वर उनको परमेश्वर कैलाना मे उनसे नी लाजे, क्युकि ओने उनका लिये एक नगर तैयार कर्यो हइ.
HEB 11:17 विश्वास ही से अब्राहम ने, परख्यो जाना का टेम मे इसहाक खे बलिदान चडायो, अरु जेने प्रतीज्ञाहोन खे सच मान्यो थो.
HEB 11:18 अरु जेका से यो बोल्यो “गयो थो कि इसहाक का वजेसे वंस कैलाये” उ अपना एकलौता खे चडान लग्यो.
HEB 11:19 अब्राहम ने सोच्यो थो परमेश्वर इसहाक खे भी जिन्दो सकस हइ असो दे की जाये कि एक प्रकार से अब्राहम ने मरन का दृष्‍टान्‍त से फिर वापस आयो.
HEB 11:20 विश्वास ही से इसहाक ने याकूब अरु एसाव खे आन आली बातहोन का बारे मे आशिर्वाद दियो.
HEB 11:21 विश्वास ही से याकूब ने मरता तटेम यूसुफ का दो बेटा मे से एक एक खे आशिर्वाद दियो, अरु अपना लकडी का माथा पर सहारो लिखे नमस्कार कर्यो.
HEB 11:22 विश्वास ही से यूसुफ ने जब उ मरना पर थो, ते इस्राएल की सन्तान खे नीकली जान की चर्चा करी, अरु अपनी अस्तीहोन का बारे मे आज्ञा दी.
HEB 11:23 विश्वास ही से मूसा का माय बाप ने ओखे पइदा होन का बाद तीन महीना तक लूकायो रख्यो, क्युकि उनने देख्यो कि बच्चो सुन्दर हइ अरु वे राजा की आज्ञा से नी डरनु.
HEB 11:24 विश्वास ही से मूसा ने सयानो हूइ, फिरौन की बेटी को बेटो बोलना से इनकार कर्यो.
HEB 11:25 येका लिये कि ओखे पाप मे थोडा दिन को सुख भोगना से परमेश्वर का दुन्याहोन का साथ दुख भोगनो जादा अच्छो लग्यो.
HEB 11:26 ओने मसीह का वजेसे नीन्दित होना को मीस्र का भण्डार से बडो धन समझ्यो, क्युकि ओकी आखहोन फल पान की तरफ लगी थी.
HEB 11:27 विश्वास ही से राजा की गुस्सा से नी डरी, ओने मीस्र खे छोडी दियो, क्युकि उ अनदेख्यो मान्यो देखते हूये मजबूत र्‍हियो.
HEB 11:28 विश्वास ही से ओने फसह अरु खुन छिडकना की विधी मान्यो, कि पहिलौठा खे खत्म करण आलो इस्राएलिहोन पर हात नी डालनु.
HEB 11:29 विश्वास ही से वे लाल समुदर का पार असो उतरी गा कि जसो सूखी जमीन पर से. अरु जब मीस्रिहोन ने वसो हि करणू चाह्ये ते सब डूबी मर्या.
HEB 11:30 विश्वास ही से यरीहो का शहरपनाह, जब वे सात दिन तक ओको चक्कर लगायो, ते इस्राएलीहोन गिरी पडी.
HEB 11:31 विश्वास ही से राहाब वेश्या आज्ञा नी मानन आला का साथ खत्म नी हूइ, येका लिये कि ओने भेदिहोन खे कुसल से रख्यो थो.
HEB 11:32 अब अरु बोल्यो? क्युकि टेम नी र्‍हियो कि गिदोन को, अरु बाराक, अरु शिमशोन, अरु यिफतह, अरु दाउद, अरु शमूएल, अरु भविष्यव्दक्ताहोन को वर्णन कर्यु.
HEB 11:33 उनने विश्वासका वजेसे राज्य को धर्म काम कर्यो. प्रतीज्ञाहोन करी हूइ चिजहोन मीली कर्हे. सेर को मुडो बन्द कर्यो.
HEB 11:34 धदकति अंगार की लपट खे शांत कर्यो. तलवार की धार से बची नीकल्या. नीर्बताहोन मे बलवान हूया खे झगडा मे वीर नीकल्या. विदेशिहोन कि सैनीकहोन पर विजय मीली गइ.
HEB 11:35 बयहोन ने अपना मर्या हुया खे फिर जिन्दो पायो. केत्ता ते मार खाते खाते मरी गया अरु छुटकारो नी चाह्ये, येका लिये कि अच्छो पुनरुत्थान को भागी हूया.
HEB 11:36 कोय एक मजाक मे उडाये जाये अरु कोडा खाना क्युकी बांधी जायेका अरु बन्दीगृह मे पडना का वजेसे परख्खे गया.
HEB 11:37 उन पर पत्थर मार्ये जाये. चीरी खे दो भाग करी दिया गया. उनकी तलवार से मार्ये गया. वे कंगाली मे अरु क्लेश मे अरु दुख भोगता हुये मेडाहोन अरु बकरीहोन की खालहोन ओड्ये हुया इधर-उधर मारे मारे फिर्ये.
HEB 11:38 अरु जंगलहोन, अरु टेकडीहोन, अरु गुफाहोन मे अरु धरती की दरारहोन मे भटकता फिर्या. जगत उनका योग्य नी थो.
HEB 11:39 विश्वास का वजेसे या सब का बारे मे अच्छी गवइ दि गइ, तेभी उनने प्रतीज्ञाहोन करी हुइ चिज नी मीली.
HEB 11:40 क्युकि परमेश्वर ने हमारा लिये पैयले से एक अच्छी बात ठैराइ, कि वे हमारा बीना सिध्दता खे नी पहुच्या.
HEB 12:1 यो कारन जब कि गवाह होन को असो बडो बद्दल हम खे घेर्यो हुयो हइ, ते ओका हर एक रोखन आली चिज अरु उलझान आला पाप खे दूर करी खे उ दौड जेमे हम दौडनु हइ धीरज से दौडनु.
HEB 12:2 अरु विश्वास को कर्तो अरु सिध्द करण आला यीशु का तरफ ताकता र्‍हियेका जेने वा खुशी का लिये जो ओने आगे धर्यो थो, लाज की कुछ चिन्ता नी करी खे क्रुस को दुख उठायो, अरु परमेश्वर का राजगद्दी का जवना तरफ जयखे बठौ.
HEB 12:3 येका लिये ओ पर ध्यान करणू, जेने अपना विरोध मे पापीहोन को येतनो विरोध सह लियो कि तुम नीराश मन हुइ, हिम्मत नी छोड़ देनू.
HEB 12:4 तुम ने पाप से लडते हुए ओका से एसी मतभेद नी करी कि तुम्हारा खुन बोहायो.
HEB 12:5 अरु तुम वा उपदेश खे जो तुम खे बेटाहोन का समान दियो जास हइ, भूली गा हइ? “हे मरा बेटा प्रभु को ताडनना की हलकी बात नी जानी खे अरु जब उ तोखे घुटना से साहस नी छोडनु.
HEB 12:6 क्युकि प्रभु जेका से प्रेम करस हइ, ओकी ताडनो भी करस हइ, अरु जेखे बेटो बन्यइ लेस हइ, ओखे कोडा भी लगास हइ.”
HEB 12:7 तुम दुख खे ताडनो समझी खे सैइले. परमेश्वर तुम खे बेटो जानी खे तुम्हारा साथ बर्ताव करस हइ, उ कोन सो बेटो हइ जेखे ताडनो बाप नी करस?
HEB 12:8 अगर उ ताडनो जेको भागीदार सब होस हइ, तुमारी नी हुये ते तुम बेटो नी पर व्यभिचार का बच्चा ठैर्ये.
HEB 12:9 फिर जब कि हमारा शरीर पर बाप भी हमारो ताडनो करस हइ अरु हमने उनको सम्मान कर्यो, ते आत्मा को बाप, अरु भी अधीन नी ऱ्हिये जेका से जिन्दो र्‍हिये?
HEB 12:10 वे तो अपनो अपनो समजी खे जसो थोडा दिन का लिये ताडनो करतो थो, पर उ तो हमारा भला का लिये करस हइ, कि हम भी ओकि पवित्रता को हिस्सेदार हुय जाये.
HEB 12:11 वर्तमान मे हर प्रकार कि ताडनो खुशी कि नी पर दुख ही कि बातहोन दिखाइ पडस हइ. तेभी ओखे सहते सहते पक्को हुइ गयो हइ कि बाद मे उनखे शांती का सात धर्म को प्रतीफल मील्योस हइ.
HEB 12:12 येका लिये ढीला हात अरु नीर्बल घुटना खे सीधो कर,
HEB 12:13 अरु अपना पाय का लिये सीधी रस्ता बनानु कि लंगडाहोन भटक नी जाये पर अच्छो भलो हुइ गया.
HEB 12:14 सब का साथ शांती का साथ र्‍हेनू अरु पवित्र जिवन जीन का लिये हर प्रकार क्युकि येका बीना प्रभु खे देख नी सक्ये.
HEB 12:15 अपना आप कि चौकसी करणु ताकी कोय परमेश्वर का झाड का जसा बडनु क्युकि ओका विश से तंटा परदा नी हुये.
HEB 12:16 अनैतिक अरु अधर्मीक एसाव का जसो अधर्मी हुये जेने एक बार का खाना का बदला अपनो बडो बेटो होन को पद ओने बेची डाल्यो ओका बाद तुम जानस हइ की जब ओने अपना बाप से रोइखे पानो ते अयोग्य कर्यो गयो.
HEB 12:17 तुमखे जानस हुये कि बाद मे जब ओने आशीर्वाद पानो चाह्ये ते अयोग्य गिन्यो गयो, अरु आसु बोह्य बोहय खे ढुडना पर भी मन पर भी मन फिराव को मौको ओखे नी मील्यो.
HEB 12:18 अब अंगार का जसो इस्राइली दुन्या गय था असो अब जलस हुये टेकडी का पास जेखे महसुस कर्यो जैइ सकतो थो नी अंधारो अरु नी ते उदास अरु नी ते आंध का पास आह्ये तुम ते,
HEB 12:19 अरु पिपडी की आवाज अरु बोलनआला को असा बोल का पास नी अउ जेखे सुननआला ने प्रार्थना करी कि आब हम से अरु बात नी करी जाये.
HEB 12:20 क्युकि वे ओको ज्ञान खे नी सही सक्या “अगर कोय जनवर भी टेकडा खे पकड्ये ते ओका पर फत्तर मार्यो जाह्ये.”
HEB 12:21 अरु उ दर्शन असो डरावनो थो कि मूसा ने बोल्यो, मी खुप डरुस अरु कापुस हइ.
HEB 12:22 पर तुम सिय्योन का टेकडा का पास अरु जिन्दो परमेश्वर का नगर मे स्वर्गीय येरुशलेम का पास लाखो स्वर्गदूत का पास अय पोच्यो हइ.
HEB 12:23 अरु वे पैयला बोल कि साधारण सभा अरु सब मंडली जेको नाम स्वर्ग मे लिख्यो हुयो हइ, अरु सब को न्याय परमेश्वर का पास अरु सिद्ध कर्यो हुयो धर्मीहोन की आत्मा.
HEB 12:24 अरु जो नवी वाचा को मध्यस्थ यीशु अरु छिडकाव को उ खुन का पास आया हइ, जो हाबिल को खुन से उत्तम बातहोन बोलस हइ.
HEB 12:25 सावधान र्‍हेनु, अरु वे बोलन आला से मुडो नी फेरनू, क्युकि वे दुन्या जब धरती पर का चेतावनी देन आला से मुडो मोडी खे नी बची सक्ये ते हम स्वर्ग पर से चेतावनी देन आला से मुडो मोडीखे कसा बची सक्ये.
HEB 12:26 उ टेम ते उनका बोल ने धरती खे हलय दियो, पर अब ओने या प्रतीज्ञा की हइ कि एक बार फिर मेने फक्त पृथ्वी का बद्दल खे हलय दियू.
HEB 12:27 अरु यो बोल खे एक बार फिर या बात खे प्रगट करस हइ कि जो चिज हलायो जास हइ, वे सृजी हुइ चिजहोन हानीकारण टली जाये. ताकि जो चिजहोन हलायो नी जाये वे अटल बनी र्‍हिये. हाग्गै 2.6
HEB 12:28 यो कारण हम यो राज्य खे परइ जो हलन को नी कृतज्ञ हुये कि अरु भक्ति अरु डर सहित परमेश्वर की असी आराधना कर्ये जेका से उ प्रसन्न होस हइ.
HEB 12:29 क्युकि हमारो परमेश्वर भस्म करण आलो अंगार हइ.
HEB 13:1 एक दुसरा मे विश्वासी भैइहोन को प्रेम बन्यो र्‍हेनु.
HEB 13:2 मीजवान-सत्कार करणु नी भूलनु. क्युकि येका वजेसे कुछ दुन्याहोन अनजाना मे स्वर्गदूत को आदर-सत्कार कर्यो हइ.
HEB 13:3 कैदिहोन कि असी याद लिखे मान्यो उनका सात तुम भी कैदी हइ, अरु जिनका सात बुरो बर्ताव कर्यो जास हइ, उनखे भी यो समजीखे याद दियो करणु कि हमारो भी आंग हइ.
HEB 13:4 भ्याव सब मे आदर कि बातहोन समझी जा अरु अदमी लुगइ विश्वास योग्य र्‍हिये क्युकि परमेश्वर व्यभिचार पापिहोन को न्याय कर्ये.
HEB 13:5 तुम्हारो प्रभाव लोभ रहित हुइ खे अरु जो कुछ तुम्हारा पास हइ, ओका पर मगन करणु. क्युकि ओने खुद हि बोल्यो हइ, “मी तोखे कभी नी छोड्यु, अरु नी कभी त्याग्यु.”
HEB 13:6 येका लिये हम नीडर हुइ खे बोलस हइ, “प्रभु मरो मदतगार हइ, मी नी डर्यु इन्सानहोन मरो का करी सकस हइ.”
HEB 13:7 जो तुम्हारो मुखीया थो, जेने तुमखे परमेश्वर को वचन सुनायो हइ, उनखे याद रखनु. अरु ध्यान से उनका चाल चलन को अन्त देखीखे उनको विश्वास को अनुकरण करणू.
HEB 13:8 यीशु मसीह कल अरु आज अरु पिडमपिडि एक जसो हइ.
HEB 13:9 नाना प्रकार को अनजान शिक्षा से दुर र्‍हेनो भलो हइ, यो अच्छो हइ कि यो परमेश्वर को अनुग्रह का नीयम होन का खिलाप विचित्र उपदेशहोन से नी भरमाये जाये क्युकि मन को अनुग्रह से मजबुत र्‍हेनु भलो हइ, नी कि वा खान की चिजहोन से जेका से काम रखनआला का कुछ लाभ नी हुयो हइ.
HEB 13:10 हमारी एक असी वेदी हइ जेका पर से खान को अधिकार वे दुन्याहोन खे नी जो झोपडि कि सेवा करस हइ.
HEB 13:11 क्युकि जो जनवरहोन को खुन महायाजक पाप-बलि का लिये महा पवित्र जगा मे लीखे जास हइ, उनका जनवरहोन आंगार कि झोपडि कि छाय का बाहेर जलायो जास हइ.
HEB 13:12 यो कारण यीशु ने भी दुन्याहोन खे अपनो ही खुन का वजेसे पवित्र करण का लिये फाटक का भैहिर दुख ओका पास से नीकली चलनु.
HEB 13:13 येका लिए ओकि नीन्दा अपना उपर लिये हुयो छाय खे भैहीर जनवरहोन का पास नीकल्यो चल्यो.
HEB 13:14 क्युकि यो हमारो कोय स्थाइ नगर नी क्युकि हम एक आन आला नगर का खोज मे हइ.
HEB 13:15 येका लिए हम ओका वजेसे स्तुतिरुपी बलिदान का मंनजे वा होठहोन को फल जो उनका नाम को अंगीकार करस हइ, परमेश्वर खे यीशु का वजेसे चडायो करणु.
HEB 13:16 भलाइ करणु अरु एक दुसरा कि मदत करणु दिखानु नी भूलनू, क्युकि परमेश्वर असी बलिदान से प्रसन्न होस हइ.
HEB 13:17 अपना मुखीयाहोन की आज्ञा मान्नु अरु उनका आदेशहोन पर चलनु, क्युकि वे उनका समान तुम्हारा जान का लिये जागता र्‍हेस हइ जिन खे हिसाब देनू पड्ये वे यो काम खुशी से कर्येका कि ठंडी सास लिखे क्युकि या दशा मे तुमखे लाभ नी होनु.
HEB 13:18 हमारा लिए प्रार्थना करता र्‍हिये क्युकि हम का विश्वास हइ कि हमारो विवेक शुध्द हइ. अरु हम सब बातहोन मे अच्छी चाल चलनो चाहस हइ.
HEB 13:19 प्रार्थना करण का लिये मी तुमसे अरु भी उत्साहित करुस हइ, ताकि मी जल्दी तुमारा पास फिर अय सक्यु.
HEB 13:20 अब शांती दाता परमेश्वर जो हमारो प्रभु यीशु को मेडाहोन को महान रखवालो हइ सनातन वाचा को खुन का गुन से मर्या हुया मे से जिलाय खे लि आयो.
HEB 13:21 तुम खे हर एक अच्छी बात मे सिध्द कर्ये जेका से तुम ओकी इच्छा पूरी करणू, अरु जो कुछ ओका पास हइ ओखे यीशु मसीह का वजेसे हम मे पइदा कर्येका ओकी महिमा पिडमपिडि होती र्‍हियेका आमेन.
HEB 13:22 हे भैइ मी तुम से प्रार्थना करुस हइ अरु प्रोत्साहन को संदेश धिरज का साथ सुन्नु कि यो जादा लंबो नी हइ.
HEB 13:23 तुम खे यो याद र्‍हिये कि तीमुथियुस खे हमारो भैइ छुटी गया हइ अरु अगर उ जल्दी अय गयो थो मी ओका साथ तुम से भेंट कर्यू.
HEB 13:24 अपना सब अगुओं अरु सब पवित्र दुन्याहोन खे नमस्कार बोल्यो. इटली आला तुम खे नमस्कार बोल्यो हइ.
HEB 13:25 तुम सब पर अनुग्रह होतो र्‍हिये. आमेन
JAM 1:1 परमेश्वर का अरु प्रभु यीशु मसीह को सेवक याकूब का तरप से उन बारा गोत खे जो तितर-बितर हुया हइ उनखे नमस्कार.
JAM 1:2 हे मरा भैइहोन, अरु भैइनहोन जब तु अलग प्रकार की परीक्षाहोन मे पलनु, ते ओखे अपना आप खे आनन्द कि बात समझस.
JAM 1:3 यो जानी खे की तुम्हारो विश्वास खे समज्यो जाना से धीरज पइदा होस हइ.
JAM 1:4 पर धीरज खे अपनो पुरो काम करण दे की तु पुरो अरु सिध्द हुइ जास, अरु तुम मे कोइ बात की घटी नी ऱ्हेस.
JAM 1:5 पर अगर तुम मे से कोय खे दिमाक की कमी हइ ते परमेश्वर से माग, जो बिन दोस दियोस सब खे उधारता से देस हइ, अरु ओखे दि जाये.
JAM 1:6 पर विश्वास से माग, अरु कुछ सन्देह नी कर, क्युकी सन्देह करण आलो समुदर की लाट का बराबर हइ जो हवा से बोहास अरु उंछलस हइ.
JAM 1:7 असो इन्सान यो नी समझस की मेखे प्रभु से कुछ मीलस,
JAM 1:8 उ इन्सान दोचित्त हइ अरु अपनी बात मे चलाक हइ.
JAM 1:9 गरीब विश्वासीहोन जब परमेश्वर अपनो उचो पद पर खुश र्‍हेनु,
JAM 1:10 अरु धनवान अपनी नीच रस्त पर. किक्यु उ घास का फूल का समान जसो रीहे.
JAM 1:11 क्युकी सुरज नीकलन का टेम्म मे कडकड घाम गिरस हइ अरु झाड खे सुखय देस हइ, अरु वोका फूल झरी जास हइ अरु ओकी शोभा खतम हुइ जास हइ. यो प्रकार धनवान भी अपनी रस्ता पर चलते चलते खतम हुइ जाए.
JAM 1:12 धन्य हइ उ इन्सान जो परीक्षा मे स्थिर ऱ्हेस हइ, क्युकी उ अच्छो नीकली खे जिवन की वा टोपी लेस जेकी प्रतीज्ञा प्रभु ने अपना प्रेम करण आला से करी हइ.
JAM 1:13 जब कोय की परीक्षा हुये, ते उ यो नी बोले की मरी परीक्षा परमेश्वर का तरप से होस हइ. क्युकी नी ते बूरी बात से परमेश्वर की परीक्षा हुइ सकस हइ, अरु नी उ कोय की परीक्षा खुद करस हइ.
JAM 1:14 पन हर एक व्यक्ति अपनी बुरी अभिलाषा से खिची खे अरु फसी खे परीक्षा मे पडस हइ.
JAM 1:15 फिर बुरी अभिलाषा गर्भवती हुइ खे पाप खे जन्म देस हइ अरु जब पाप पुरी रिती से बढी जास हइ ते मरन खे परदा करस हइ.
JAM 1:16 हे मरो प्रिय भैइ, धोको नी खानु.
JAM 1:17 क्युकी हर एक अच्छो वरदान अरु हर एक अच्छो परिपुर्ण उपहार स्वर्ग से आस हइ, अरु उ परमेश्वर का वजेसे जेने स्वर्गीय उजाला के बनायो हइ, नीचे लास हइ, उ हमेसा बदलस ऱ्हेन वाली छाय का जसो नी बदले हुनु.
JAM 1:18 ओने अपनी इच्छा से हमखे सच्ची को वचन का वजेसे पइदा कऱ्यो, ताकि हम ओकी सृष्टी की हुयो सामानहोन मे से एक प्रकार को पयलो फल हुये.
JAM 1:19 हे मरो प्रिय भैइ अरु भैइन, या बात तु जानी ले हर एक इंन्सान सुनन का लिये झल्दी अरु बोलना मे धीर अरु घुस्सा मे भी धीमो हुये,
JAM 1:20 किक्यु इंन्सान की घुस्सा परमेश्वर खे धर्मीकता खे मील्हे नी सकस.
JAM 1:21 येकालिये सब मलिनता अरु दुजा भाव को बडस खे दुर करी खे , उ वचन खे नम्रता से ग्रहम करी ले जो दिल मे बोहय गयो अरु जो तुम्हारो जान को उध्दार करी सकस हइ.
JAM 1:22 पन वचन पर चलन आलो बन्यो, अरु फक्त सुनन आलो नी जो अपना आप खे धोखो देस हइ लेकीन चलन आलो बन्हे.
JAM 1:23 किक्यु जो कोय भी वचन खे सुनन आलो हुये अरु ओका पर चलन आलो नी हुये, ते उ इंन्सान का समान हइ जो अपनो स्वभाविक मुडो अयना मे देखस हइ.
JAM 1:24 येकालिये कि उ अपना आप खे देखी खे चली जास अरु झल्दी भुली जास हइ की मी कसो थो.
JAM 1:25 पर जो इन्सान स्वतंत्रता की सिध्द व्यवस्था पर मन करी ऱ्हेस हइ, उ अपना काम मे येकालिये धन्यवाद पाए की सुनी खे भुलस पर वोसो ही काम करस हइ.
JAM 1:26 का कोइ अपना आप खे धर्मी समझस हइ? अरु अगर तु अपनी जीभ खे लगाम नी करी सकस ते अपना आप खे धोखो दी ऱ्हेस हइ, ते ओकी भक्ति बेकार हइ.
JAM 1:27 हमारो परमेश्वर अरु बाप का नजीक अच्छो अरु नीर्मल धर्मीकता या हइ की अनाथ अरु विधवाहोन खे दुख मे ओकि याद आस का अरु अपना आप खे संसार से पापिहोन नी ऱ्हिहे.
JAM 2:1 हे मरो भैइ, हमारो महिमा युक्ता प्रभु यीशु मसीह पर तुम्हारो विश्वास पक्षपात का साथ नी हुइ.
JAM 2:2 समज अगर एक धनवान इन्सान सोन्नो को छल्लो अरु अच्छा कपडा पेन्यो हुयो तुमारी मीटीग मे आये, अरु एक गरीब भी खराप कपडा पेनीखे आयो,
JAM 2:3 अरु तु उ अच्छो कपडा आला को मुडो देखी खे बोल्यो, “ तु व्हा अच्छी जगामे बठ्यो,” अरु उ गरीब से बोल्यो, तु ह्यापर खडो ऱ्हे,“ यो मरो पाय का पास बठ्यो.”
JAM 2:4 ते का तो ने आपस मे छोटो बडो नी कऱ्यो अरु बुरी बीचार से न्याय करण आलो नी रख्यो?
JAM 2:5 हे मरो प्रिय भैइ, सुन का परमेश्वर ने यो जगत का गरीबहोन खे नी चुनी कि विश्वास मे धनी अरु उ राज्य को अधिकारी हुयो, जेकी प्रतीज्ञा ओने ओकासे करी हइ जो ओकासे प्रेम रखस हइ?
JAM 2:6 पर तुम ने वु कऱ्यो. का दुसराआला दुन्या तुम पर अत्याचार नी करस अरु का वे तोखे कोरट मे खीची-खीची खे नी ली जाये?
JAM 2:7 का वे यो नी हइ, जो उत्तम नाम की मजाक नी करस जो तोखे दियो गयो हइ?
JAM 2:8 तब भी अगर तुम पवित्रशास्त्र को यो वचन का अनुसार कि “तू अपनो बाजुआला से अपना समान प्रेम रखस” सच मुच उ राज व्यवस्था को पुरो करस हुये, ते अच्छो करस हइ.
JAM 2:9 पर अगर तुम दुन्या का बाहर दुसरा देखीखे व्यवहार करस हुये ते तुम पाप करस हइ. अरु व्यवस्था तोखे व्यवस्था तोडन आलो ठहरास हइ.
JAM 2:10 किक्यु जो कोय भी सब व्यवस्था का पालन करस हइ पन एक बात मे चुकी जाए ते वा सब बात मे दोष ठहऱ्यो चुक्यो हइ.
JAM 2:11 येकालिये कि जेने यो बोल्यो, “तू व्यभिचार नी करणु ओ ने यो भी बोल्यो,” “तो ने माऱ्यो नी करणु,” येकालिये अगर तो ने बुरी बिचार ते नी कऱ्यो पर मारन की तब भी तू व्यवस्था को उल्लंघन करण आलो रख्यो.
JAM 2:12 तु वे दुन्या का समान वचन बोल अरु काम भी कर, जेको न्याय नीयम जो हमखे स्वतंत्रता करस हइ.
JAM 2:13 येकालिये जो दयालु नी हइ ओको लिये परमेश्वर को न्याय बिन दया को हुये पन दया न्याय पर विजय हइ.
JAM 2:14 हे मरो भैइहोन, अगर कोय भी बोले की मेखे विश्वास हइ पर उ कर्म नी बोलस हय, ते यो का लाभ? का असो विश्वास कभी ओकासे उद्दार करी सकस हइ
JAM 2:15 अगर कोय भी भैइ या भैइन कम कपडा हइ अरु उनखे हर दिन खाना की घटी हुये
JAM 2:16 अरु तुम मे से कोय भी ओकासे बोले, खुशी से जा तु तुमारी भलय का काम नो करस हुय तुम खुद ऱ्हेस अरु, “अच्छा से खयखे मन शांत र्हेव,” पर जो चीजहोन मन का लिये जरुरती हइ व्हा उनखे नी दे ते का लाभ?
JAM 2:17 वोसो विश्वास भी, अगर कर्म सहित नी होस ते अपनो स्वभाव मे मऱ्यो हुयो हइ.
JAM 2:18 क्युकी कोय भी बोली सकस हइ “तोखे विश्वास हइ अरु मी कर्म करस हय.” तू अपनो विश्वास मेखे कर्म बिना ते दिख्यो. अरु मी अपनो विश्वास अपना काम का वजेसे तोखे बतायु.
JAM 2:19 तोखे विश्वास हइ की एक परमेश्वर हइ? तू अच्छो करस हइ. बुरीआत्मा भी विश्वास रखस, अरु थरथरास हइ.
JAM 2:20 पर हे नीकम्मा इंन्सान, का तू यो भी नी जानस की कर्म बिना विश्वास व्यर्थ हइ?
JAM 2:21 जब हमारो बाप अब्राहम ने अपनो बेटो इसहाक खे वेदी पर चढायो, ते का उ काम से धर्मी नी रुख्यो थो?
JAM 2:22 अगर तो ने देख्यी लियो कि विश्वास ने ओको काम का साथ मीली खे प्रभाव डाऱ्यो हइ, अरु काम से विश्वास सिध्द हुयो,
JAM 2:23 अरु पवित्रशास्त्र को यो वचन पुरो हुयो “अब्राहम ने परमेश्वर को विश्वास कऱ्यो, अरु ओका लिये न्याय मे गिन्यो गयो,” अरु उ परमेश्वर को दोस्त बुलायो गयो.
JAM 2:24 यो प्रकार तु ने देखी लियो कि इंन्सान फक्त विश्वास से ही नी कि जब धर्मी काम से भी न्याय ठैइरस हइ.
JAM 2:25 ओसो हि राहाब वेश्या भी, जब ओने दुतहोन खे अपना घर मे उताऱ्यो अरु दुसरा रस्ता से बिदा कऱ्यो ते का काम से धर्मी नी ठहऱ्यो?
JAM 2:26 अगर जसो आंग आत्मा बिना मऱ्यो हुयो हइ, ओसो हि विश्वास भी कर्म बिना मऱ्यो हुयो हइ.
JAM 3:1 हे मरो भैइ, तुम मे से भोत शिक्षक नी बन्या, किक्यु जानस हुये कि हम शिक्षक को जादा कडाइ से न्याय कऱ्यो जाये.
JAM 3:2 येकालिये कि हम सब भोत बार चुकी जास हइ. जब कोय भी ओका बोलना मे नी चूकस हइ ते उ एक सिद्ध इंन्सान हइ अरु सब आंग पर भी ताबो करी सकस हइ.
JAM 3:3 जब हम अपना कुल मे करण का लिये घोडा का मुडा मे लगाम लगैय खे इधर उदर भी घुमय सकस हइ
JAM 3:4 सोच डोंगा भी असो बडो होस हइ अरु भोत बडि हवा से चलय जास हइ, ते भी एक छोटी सी पतवार का वजेसे डोंगा चलानआला की इच्छा का अनुसार घुमास जास हइ.
JAM 3:5 ओसो जीभ भी एक छोटो सो आंग हइ अरु वा बडि-बडि बात मारस हइ. देख, थोडो सो अंगार से खे तनो बडा जंगल मे अंगार लगी जास हइ.
JAM 3:6 जीभ भी एक आंग हइ. जीभ हमारो संसार अंग मे अधर्म कि एक दुन्या हइ. अरु सब अंग पर कलंक लगस हइ, अरु जीवनगति मे अंगार लगैय देस हइ, अरु नरक कुण्ड कि अंगार से जलती ऱ्हेस हइ.
JAM 3:7 किक्यु हर प्रकार का जंगल का जनवर पक्षि अरु चारपाय आला किडा अरु जलचर ते इंन्सान जात का वस मे हुइ सकस हइ अरु हुइ भी गयो हइ,
JAM 3:8 पर जीभ खे इंन्सानहोन मे से कोय भी वंस मे नी करी सकस. वा एक असी बला हइ जो कोय भी रुखस भी नी कि उ जिवन नाशक जहेर से भऱ्यो हुयो हइ.
JAM 3:9 ओकासे हम प्रभु अरु बाप कि स्तुती करस हइ, अरु ओकासे इंन्सानहोन खे जो परमेश्वर को स्वरुप मे पइदा हुइखे शाप देस हइ.
JAM 3:10 एक हि मुडा से धन्यवाद अरु शाप देनो निकलस हइ. हे मरो भैइ असो नी होनु चाहिए.
JAM 3:11 का सोता को एक मुडा से मीटो अरु खारो पानी देनो निकलस हइ?
JAM 3:12 हे मरो दोस्त का अंजीर का झाड मे जैतून या अंगूर की डग्यन मे अंजीर लगी सकस हइ? ओसो खारो झरना से मीटो पाणी नी नीकली सकस.
JAM 3:13 तुम मे दिमाकआलो अरु समझदार कोन हइ? जो असो हुये उ अपना काम खे अच्छो चाल चलन से उ नम्रता सहित प्रगट कऱ्यो जो ज्ञान से उत्पन्न होस हइ.
JAM 3:14 पर अगर तुम अपना-अपना मन मे जलन, कडुपनो, स्वार्तिपन रखस हुये, ते अच्छा का बदल मे घमण्ड नी करणु, अरु नी ते झुट बोलनु.
JAM 3:15 यो ज्ञान उ नी जो स्वर्ग से उतरस हइ, जब सांसारीक अरु आंग अरु सैतान हइ.
JAM 3:16 क्युकी झा जलन अरु स्वार्थीपन होस हइ, उ अव्यवस्था अरु हर प्रकार की बुरी बात होस हइ.
JAM 3:17 पर जो ज्ञान उपर से आस हइ उ पहिले ते पवित्र होस हइ फिर मीलनसार, कोमल अरु पुरी शांती अरु दया अरु अच्छो फल से लाद्यो हुयो अरु पक्षपात अरु नीष्कपट ऱ्हेस हइ.
JAM 3:18 शांती प्रस्थापित करण आलो दुन्या कोही धर्मीक जिवन को फल मील्हे अगर ओखे शांती पुर्ण वातावरन मे बोयो गयो हइ.
JAM 4:1 तुम मे लडाइहोन अरु वाद विवाद बोलना से अय गो? का उ सुख-विलास से नी जो तुमारो आंग होन मे लगास हइ
JAM 4:2 तुम लालुच करतो हुये, अरु तुमखे मीले नी. येकालिये तुम मारस. तुम पुरी रिती से इच्छा रखस हुये, अरु कुछ मील्हे नी करी पास. ते तुम झगडस अरु लडता हुये. तुमखे येकालिये नी मीले की तुम परमेश्वर से मागे नी.
JAM 4:3 तुम मागे हुये अरु पास नी येकालिये कि बुरी इच्छा से मागंस हुये, ताकि अपनो सुख-विलास मे उड्य दे.
JAM 4:4 हे व्यभिचारणी हीन दुन्या का तुम नी जानस कि संसार से दोस्ती करणो परमेश्वर से बैर करणो हइ जो कोय संसार को दोस्त होनु चाहिए हइ उ अपना आपखे परमेश्वर को दुसमन बनास हइ.
JAM 4:5 का तुम यो समझस हुये कि पवित्रशास्त्र व्यर्थ बोलस हइ, “जो आत्मा को ओने हमारो बाजु बढाड्यो हइ, का वो असो लालच करस हइ जेको प्रतीफल जलन हुये.”
JAM 4:6 वो तो अरु भी अनुग्रह देस हइ. ओका कारण यो लिख्यो हइ, “परमेश्वर अभिमानीहोन को विरोध करस हइ, पर दिन पर अनुग्रह करस हइ.”
JAM 4:7 येकालिये परमेश्वर का अधीन हुये जाए अरु सैतान को सामनो कर, ते वो तुमारा पास से भाग निकलस.
JAM 4:8 परमेश्वर का बाहेर आओ ते उ भी तुमारा पास आह्ये. हे पापी खे अपना हात धोय ले. अरु हे पाखंडिहोन, अपना दिल खे पवित्र कर.
JAM 4:9 दुखी हुये ,अरु शोक कर, अरु रोस. तुमारो हासनो शोक मे अरु तुमारो आनन्द उदास मे बदली जास.
JAM 4:10 प्रभु का सामने नम्र बन्यो ते वो तुमखे उचो कर्‍हे.
JAM 4:11 हे भैइ को एक दुसरा कि बदमासी नी कर. जो अपनो मसीह भैइ कि बदमासी करस हइ यो मसीह भैइ पर आरोप लगास हइ, उ व्यवस्था कि बदमासी करस हइ अरु व्यवस्था पर न्याय करस हइ. अरु अगर तू चलन आलो नी पर उ डॉक्टर रुख्यो.
JAM 4:12 व्यवस्था देन आलो अरु न्याय करण आलो ते एक हि परमेश्वर हइ. उ अखे लो बचय सकस हइ. आप मसीह भैइ को न्याय करन आलो कोन होस?
JAM 4:13 सुन जो यो बोलस हइ, “आज या कल हम कोइ अरु नगर मे जै खे उ एक साल बितास, अरु धदो करी खे लाभ कमास.”
JAM 4:14 अरु यो नी जानस कि कल का हुये. सुनी तो ले, तुमारो जिवन हइ हि का तुम ते भाप का सामन हुये जो जरासो देर दिखय देस हइ फिर लोप हुये जास हइ.
JAM 4:15 ओकासे उलटो तुमखे यो बोलनो चाहिए, “अगर प्रभु चाह्ये ते हम जिन्दो ऱ्हेस, अरु यो उ काम भी करस.”
JAM 4:16 पर अब तुम अपना डिग मारना पर घमण्ड करस हुये. असो सब घमण्ड बुरो होस हइ.
JAM 4:17 येकालिये जो कोय भी अच्छो करणो जानस हइ अरु नी करस, ओका लिये यो पाप देस हइ.
JAM 5:1 हे लखपति, सुनी तो ले, तुम अपना आन आलो विपत्तीहोन पर रोस अरु उच्चो आवज से विलाप कर.
JAM 5:2 तुम्हारो धन सडि गयो हइ अरु तुम्हारो कपडाहोन खे किडाहोन खय गा हइ.
JAM 5:3 तुम्हारा सोन्नो-चांदी मे जंग लगी गयो हइ. अरु वा जंग तुमारा पर गवय देस, अरु अंगार का सामने तुम्हारो मास खय जास. तोने आखरी जमाना मे धन जमा कऱ्यो हइ.
JAM 5:4 देख, जो मजुरहोन ने तुम्हारो खेत काट्यो, सदोम कि वो मजदुरी जो तुम ने धोको दी खे रखी ली हइ चिलास हइ, अरु काटन आला की दोहाइ सर्वशक्तिमान प्रभु का कान तक पोची गइ हइ.
JAM 5:5 तु पृथ्वी पर भोग विलास मे लग्यो ऱ्हेस अरु बडो हि सुख भोग्यो. तोने यो खुन का दिन का लिये अपनो दिल को पालन पोषण करी खे ओखे मोटो-ताजो कऱ्यो.
JAM 5:6 तुम ने धर्मी खे दोष रखी खे मारी डाऱ्यो, उ तुम्हारो सामनो नी कर्हे.
JAM 5:7 येकालिये हे भैइहोन, प्रभु का आगमन तक धीरज रख. देख, किसान पृथ्वी की किमत पीक की आस रखस हुयो पयलो अरु आखरी साल होना तक धीरज धरस हइ.
JAM 5:8 तु भी धीरज रख. अरु अपना आस खे बनायो रख, क्युकी प्रभु को आनो बाहेर हइ
JAM 5:9 हे भैइहोन, एक दुसरा का प्रती शिकायत मत कर, ताकि परमेश्वर अपनो न्याय नी करस. देख, न्यानधिस प्रगट होना पर हइ.
JAM 5:10 हे भैइहोन, जो भविष्यव्दक्ताहोन ने प्रभु का नाम से बात करी, ओखे दुख उठन को टेम ओको धेय को आदर्श समझ.
JAM 5:11 देख, हम धीरज धरन आला खे धन्य बोलस हइ. तुम ने अय्युब का धीरज का बारे मे ते सुन्यो हइ, अरु प्रभु का तरप से जो ओको प्रतीफल हुयो ओखे भी जानी लियो हइ, जेकासे प्रभु कि अत्यन्त करुना अरु दया प्रगट होस हइ.
JAM 5:12 पर हे मरा भैइहोन, सब से अच्छी बात या हइ कि कसम नी खानु, नी स्वर्ग की, नी पृथ्वी की नी कोइ अरु सामन की. पर तुमारी बातचीत होस, अरु नी होस, की तुम परमेश्वर का न्याय का योग्य नी रख्यो.
JAM 5:13 का आप मे कोय विपत्ती मे पड्यो हइ? ते ओने प्रार्थना करनु. का आप मे कोय आनन्दित हइ, ते ओने स्तुती को भजन गनो चाहिये.
JAM 5:14 का तुम मे कोय रोगट हइ, ते ओने मंडली का बुजरुकहोन खे बुलास की वे प्रार्थना कर उन पर प्रभु को नाम मे तेल लगास,
JAM 5:15 अरु विश्वास की प्रार्थना का वजेसे रोगट बची जाए अरु प्रभु ओखे डबल से अच्छो आंग प्रदान कऱ्यु. अरु अगर ओने पाप भी कऱ्यो हुइ, ते ओकि भी माफ हुइ जाए.
JAM 5:16 येकालिये तुम आपस मे एक दुसरा का सामने अपनो-अपनो पाप खे मानी ले, अरु एक दुसरा का लिये प्रार्थना कर, जेकासे अच्छो हुइ जाए धर्मी झन कि प्रार्थना का प्रभाव से भोत कुछ हुइ सकस हइ.
JAM 5:17 एलिय्याह भी ते हमारा सामने दुख-सुख भोग्यो इंन्सान थो. अरु ओने गिडगिडी खे प्रार्थना करी पाणी नी गिऱ्यो. अरु साडे तीन साल तक जमीन पर पाणी नी गिऱ्यो.
JAM 5:18 फिर ओने प्रार्थना कि, ते बद्दल से पानी गिऱ्यो हुयो, अरु जमीन फलवन्त हुयो.
JAM 5:19 हे मरा भैइहोन, अगर तुम मे कोय अछी कि रस्ता से गमी जाए अरु कोय ओखे फिर लाए,
JAM 5:20 ते उ यो जान ले कि जो कोय भी कोय गमी हुयो पापी खे ओखे गलत रस्ता से फेर लाह्ये, उ पाणी खे जान से मरना से बचास अरु ओको अनेक पाप को माफ कऱ्यो जान को कारण बनस.
1PE 1:1 पतरस का तरप से जो यीशु मसीह को प्रेरित हइ, वे परदेसीहोन का नाम जो पुन्तुस, गलातीया, कप्पदुकिया, आसिया अरु बिथुनीया मे इदर उदर हुय खे रेहस हइ.
1PE 1:2 तुम बाप परमेश्वर खे पुरो उद्देश का जसो चुन्या गया हय अरु ओकी आत्मा का वजेसे पवित्र दुन्या रुख्या गया येका लिये जेने आज्ञा मानन अरु यीशु मसीह का खुन का छिटा जान का वजेसे पवित्र रुखी जानी लिये. तुम पर कृपा अरु शांती भोत से होती र्‍हिये.
1PE 1:3 हमारो प्रभु यीशु मसीह का परमेश्वर बाप खे धन्यवाद दे, जेने यीशु मसीह खे मर्‍यो हुया मे से जिन्दो हुय खे उठन का वजेसे अपनी बडी दया से हमखे जिन्दी आस का लिये नवो जन्म दियो.
1PE 1:4 अगर एक अविनाशी अरु नीर्मल, अरु अमर वारीस का लिये जो तुम्हारा लिये स्वर्ग मे रखी हइ.
1PE 1:5 जो विश्वास का वजेसे सुरक्षित हइ परमेश्वर की सामर्थ्य का वजेसे लिये वु उध्दार का लिये जो आखरी टेम मे प्रगट होन आला का लिये तैयार हइ.
1PE 1:6 येका लिये तुम भोत भोत खुशी र्हिये का अगर अब कुछ थोडा टेम का अलग तरीका की परीक्षाहोन का कारन दुख उठानु.
1PE 1:7 अरु येका लिये हइ कि तुमारा देख्यो हुयो भरोसो जो समज्हे अंगार से तपायो हुयो नाशमान सोन्ना से भी कुछ जादा मोल हइ, जब यीशु मसीह प्रगट हुये तुमखे प्रशंसा को अरु महिमा का अरु इज्जत मील्हे.
1PE 1:8 तुम ओकासे प्रेम करस हय अरु तुमने बिना देखे भी विश्वास करीखे जब की तुमने अभी देख्यो नी ते तुम खुशी से खुश हुये जो बात से बतायो नी जय सखे .
1PE 1:9 तुमारो मन होन को उध्दार यो जो तुमारो विश्वास को उध्देश तुमखे ओकासे मील्यो हय.
1PE 1:10 या उध्दार का बारे मे वे भविष्यव्दक्ताहोन ने ध्यान से ढुडढांड अरु छान बिन करी खे जेने ओका अनुग्रह का बारे मे जो तुमारा पर होन को थो, भविष्यवाणी करी थी.
1PE 1:11 वे नबिहोन ने मसीह की आत्मा से वे बात खे ढुडीखे नीकालन की कोशिश की मसीह पर आनआलो दुख को टेम अरु परिस्थितिहोन अरु उ महिमा जो यो दुख का बाद प्रगट हुये
1PE 1:12 परमेश्वर ने वे भविष्यवक्ताहोन पर प्रगट कर्यो गयो कि वे अपनी खुद की नी क्युकी तुम्हारी सेवा का लिये या बात बोली थी, जेकी खबर अब तुमारा उनका वजेसे मील्यो जिनने पवित्र आत्मा से जो स्वर्ग से भेज्यो गयो, तुमखे खबर सुनय. अरु या बात खे स्वर्गदूत भी ध्यान से समजान की लालुच रखस हइ
1PE 1:13 यो कारण अपनी दिमाग खे काम करण का लिये तैयार कर. खुद पर काबु रखनु, जब यीशु मसीह प्रगट हुये तब जो आशीर्वाद तुमखे मीलन को हइ, ओका पर अपनी आस पुरा मन से लगय खे रखनु
1PE 1:14 अज्ञाकारी बच्चाहोन का जसो उ टेम की बुरी इच्छाहोन का जसो अपना आप खे मत झाकनु जो तुम मे पैयले थी, जब तुम अनाडी था.
1PE 1:15 पन जसो तुम्हारो बुलानआलो पवित्र हइ, वोसोय तुम भी अपना सब चाल-चलन मे पवित्र बननू.
1PE 1:16 क्युकि शास्त्र मे लिख्यो हइ, कि पवित्र बनीखे क्युकि मी पवित्र हय.
1PE 1:17 अरु अगर तुम हे बाप बोलिखे एक काम होन का जसो भेद भाव करीखे न्याय करण आलो परमेश्वर खे प्रार्थाना मे यो बाप बोलीखे बुलास हइ, ते या जमीन पर नवाडो हुये, परमेश्वर आदर देस हुये डर का सात जिवन जी.
1PE 1:18 क्युकि तुम जानस हइ, कि तुम्हारो बेकार चाल-चलन बापदादा से चलते आस हइ, ओकासे तुम्हारो छुटकारो चांदी सोन्नो मणजे खतमहोन आली चिजहोन का वजेसे नी हुयो.
1PE 1:19 क्युकि भोत मोल को मसीह खे अर्पण का वजेसे जो एक नीर्दोष अरु नीषपाप मेडा का खुन जसो थो.
1PE 1:20 संसार को नीर्माण का पैयले परमेश्वर का वजेसे मसीह खे चुन्यो गयो थो पन तुमारा लिये या आखरी दिन मे ओखे प्रगट कर्यो गयो.
1PE 1:21 उ मसीह का वजेसे तु उ परमेश्वर पर विश्वास करस हय, जेने ओखे मर्या हुया मे से जिन्दो कर्यो अरु महिमा दि खे जबकी तुम्हारो विश्वास अरु आस परमेश्वर पर टिक्यो र्‍हेनु.
1PE 1:22 अब तोने सच्ची को पालन कर्यो हुयो सच्चो भयचारो का प्रेम का नीष्कपट करण का लिये अपना आप खे पवित्र करी लियो हइ, ते पुरा दिल का सात आपस मे एक दुसरा से प्रेम करणु.
1PE 1:23 क्युकि तुम ने नाशमान नी पर अविनाशी बीज से परमेश्वर खे जिन्दो अरु कभी भी रुखन आलो वचन का वजेसे नवो जन्म मील्यो हइ.
1PE 1:24 क्युकि जसो शास्त्र मे लिख्यो हइ, हर एक जनवर घास का जसो हइ, अरु ओकी सब सोबा जंगल का फूल जससो हइ अरु घास सुकी जास हइ अरु फुल झाडि जास हइ.
1PE 1:25 पन प्रभु को वचन पिडमपिडि स्थिर र्‍हिये अरु योइ सुसमाचार को वचन हइ जो तुम खे सुनायो गयो थो.
1PE 2:1 येका लिये सब प्रकार को बुरो अरु छल अरु कपट यो अपमान करण को अपना आप से नीकाली दे,
1PE 2:2 नवो जन्म हुया बच्चा का जसो सदा नीर्मल आत्मीक दूध को प्यासो ऱ्हेनु येका लिये येका पिन का वजेसे तुम्हारो विकास अरु उध्दार बढते जाये.
1PE 2:3 जसो कि शास्त्र मे लिख्यो हइ, अपना आप का लिये जानी लियो की प्रभु खे तनो अच्छो हइ.
1PE 2:4 प्रभु का नजीक अयखे, उ जिन्दो फत्तर जो दुन्याहोन का वजेसे नीक्कमो जानीखे ओखे नी बोल्यो गयो पन जो ओका लिये भोत किमती हइ ओका परमेश्वर का वजेसे चुन्यो गयो थो.
1PE 2:5 तु भी सजीव फत्तर का जसो एक आत्मीक मंडली मे बनायो जो ऱ्हेस हइ जबकी एक असो पवित्र याजक मंडली मे सेवा करी सख्ये जेको कर्तव्य असो अध्यात्मीक बलिदान समर्पित करतो हइ जो यीशु मसीह का वजेसे परमेश्वर खे ग्रहण योग्य हय.
1PE 2:6 यो कारण पवित्रशास्त्र मे भी लिख्यो हइ. “मेने एक भोत-किमती फत्तर चुन्यो हइ जेखे मी सिय्योन का कोन को फत्तर करी खे रखी रोस हय. जो कोय वोका पर विश्वास करये वु कभी भी नीरास नी हुये.”
1PE 2:7 तुम विश्वासीहोन का लिये यो फत्तर खुप मोलको हइ. पन जो विश्वास नी कर्हे वु फत्तर जेखे राजमिस्त्रीहोन ने नीक्कमो समज्यो थो “उ फत्तर सब का लिये महत्वपूर्ण कोना को फत्तर बनी गयो,”
1PE 2:8 अरु शास्त्र मे यो भी लिख्यो हइ, “यो उ पत्थर हइ जो दुन्या खे ठेस पोचाये के यो चट्टान जो दुन्या खे ठोकर दिखे गिराये.” उ ठोकर खाह्ये क्युकी उ परमेश्वर का वचन पर विश्वास नी कऱ्हे अरु यो उनका लिये परमेश्वर की इच्छा थी.
1PE 2:9 पर तुम एक चुन्या हुया कुल का राजो पद धारी का याजक कि जात कि पवित्र दुन्या, अरु परमेश्वर का खुद का दुन्या हुये येका लिये कि जेने तोखे अंधारा मे से अपनी अदभुत ज्योती मे बुलायो हइ, ओका बडा काम की घोषणा कर.
1PE 2:10 एक टेम मे तुम परमेश्वर का दुन्या नी था, पन अभी तुम ओका दुन्या हुये एक टेम थो. कि तुम पर परमेश्वर की दया नी हुय थी पर अभी तुम पर दया हुय हइ.
1PE 2:11 हे प्रिय दोस, मी तुम से यो जगत मे नवाडा का रुप मे हय, प्रार्थना करुस हय, कि उ अपना आप नवाडो अरु समझी खे, रुप मे हय जानीखे वु जगत अभिलाषा से जो आत्मा से वाद विवाद करस हइ.
1PE 2:12 गैरयहूदीहोन का बिच मे अपनो व्यवहार अतनो अच्छो बनायो रख कि चाह्ये वे अपराधी का रुप तुम्हारी बुराइ कर किन्तु तुमारो अच्छो काम होन को परिणाम स्वरुप ओका आन का दिन उ परमेश्वर कि महिमा प्रदान कर्‍हे.
1PE 2:13 प्रभु का लिये अपना आप खे हर मानव अधिकारी का अधीन ऱ्हेस शासन का आधीन येकालिये की उ सब पर राज करस हइ,
1PE 2:14 अरु शासक एक क्युकि वे बुरो करण खे दण्ड देनो अरु अच्छो काम करण आला खे बडाइ का लिये ओखे भेज्यो हुयो हइ.
1PE 2:15 क्युकि परमेश्वर तुमसे यो चास हइ कि तुम अपनो अच्छो कर्यो मुर्ख दुन्याहोन कि अज्ञानता कि बात खे बंद करी दे.
1PE 2:16 अपना आप खे प्रभु स्वतंत्रता सेवक का समान जिवन बिता. किन्तु अपना येका स्वतंत्रता.
1PE 2:17 सब को सम्मान कर, अपना दुसरा भैइ से प्रेम रख, परमेश्वर को सम्मान का साथ से डर राजा को सम्‍मान कर.
1PE 2:18 हे सेवक, अपना आप खे स्वामी का सामने रख अरु उनका पूरी रिती से सम्मान देस का नी फक्त उनका जो अच्छो हइ अरु दुसरा का लिये चिता करस हइ क्युकी उनका भी जो कठोर हइ.
1PE 2:19 क्युकि पैयले कोय परमेश्वर को बिचार करीखे दुसरा से दुख उठास हुयो इजा सहस हय, ते यो सुहावनो हय.
1PE 2:20 क्युकि अगर तोने अपराध करिखे घुस्सा खायो अरु धिरज रख, ते येमे कि बात हय? पर अगर अच्छो काम करीखे दुख उठास हय अरु धिरज रखस हय, ते यो परमेश्वर खे समजस हय.
1PE 2:21 अरु तुम पर तुम खे परमेश्वर ने येका लिये बुलायो हइ, असो करीखे हमारा मसीह का लिये एक उदाहरण छोड्यो हइ ताकि हम ओका पद-चिन्हा पर चले.
1PE 2:22 नी ते ओने पाप नी कऱ्यो. अरु नी वोका मुंडा से छल कि कोय बात नीकली.
1PE 2:23 जब उ अपमान हुयो तब ओने कोय को अपमान नी कर्यो, जब ओने दुःख झेल्यो, ओने कोय कि धमकी नी दी, क्युकि उ सच्चो न्याय करण आलो परमेश्वर का आगे अपना आप खे अर्पन करी दियो.
1PE 2:24 मसीह तरो यो हमारो पाप खे अपना आंग पर लियो हुयो क्रुस पर चडय दियो, जेखे हम पाप का लिये मरी खे धार्मीकता का लिये जिवन बितायो वोकोय मार खाना से तुम अच्छा हुयो.
1PE 2:25 क्युकि तुम पैयले भटक्या हुया मेडा का जसा था, पन अब अपना जान खे राखनआलो अरु अध्यक्ष का पास फिर आयो गयो हय.
1PE 3:1 या रित से हे लुगइहोन अपना तुम खे अपना अदमी का अधीन ऱ्हे, अगर कोय परमेश्वर को वचन पर विश्वास नी कर्‍हे ते व्हा तुम्हारो व्यवाहार से विश्वास करण का लिये जीत्यो जाह्ये येका लिये तुमखे ओकासे कोय बात करण की भी जरुरत नी हइ,
1PE 3:2 क्युकी वे देख्ये की तुम्हारो स्वभाव कसो अच्छो अरु भक्तिपुरो हइ.
1PE 3:3 अपना आप खे साजरी करण का लिये बाहेर सझनो सवरनो खे इस्तेमाल नी कर्‍यो, जसो की बाल गुथीले, या फिर सोना को बर्तन पेनन, या अच्छा अच्छा कपडा पेननो,
1PE 3:4 जब की तुम्हारी साजरी तुम्हारो अंदरुनी व्यकतीत्व बनस हइ, नाजुक व अविनाशी सजावट से साजरी र्‍हियेका परमेश्वर की नजर मे जो मोलको हय.
1PE 3:5 पैयले युग कि पवित्र लुगइ भी जो परमेश्वर पर आस रखती थी, अपना आप खे या रीति से सवारती अरु अपना अपना इन्सानहोन का अंदर र्‍हेती थी.
1PE 3:6 जसो सारा अपनो अदमी अब्राहम की आज्ञा मे रहेती अरु वोको स्वामी बोलती थी यो प्रकार भी अगर अच्छो करीखे अरु कोय प्रकार को डर से डरनु नी हुये ते सारा की बेटिहोन रुख्ये.
1PE 3:7 वसो य हे इन्सानहोन तुम भी समझदारी से लुगइ का साथ जिवन बिताव, अरु बय खे कमजोर समजी खे वोको सम्मान कर, यो समजीखे कि हम दो जिवन को वरदान मे उनखे अपनो सय उत्तराधिकारी मान्यो जबकी तुमारी प्रार्थनाहोन मे बाध्यो नी पड्यो.
1PE 3:8 आखरी मे तुम सब का सब एक मन अरु क्रुपामय भावना अरु भयचारा से की प्रेम रखन आलो, अरु दयालु से, अरु एक दूसरा से नम्र बन.
1PE 3:9 बुरा का बदल बुरो मत कर. अरु नी श्राप का बदल श्राप दे. जबकी बदला मे आशिर्वाद दे क्युकि आशीर्वाद हइ जो परमेश्वर ने तुमखे देन को वचन दियो थो जब तुमखे बुलायो थो.
1PE 3:10 जसो शास्त्र मे लिख्यो हइ, अगर तुमखे अपनी जिवन को प्रेम लेनो हइ अरु अच्छा दिन की इच्छा रखस हइ ते, अरु ओखे होनु कि छल कि बात बोलना से रोख्ये अरु झुट बोलनो बन्द कर्‍हे.
1PE 3:11 व्हा बुरा को साथ छोड अरु अच्छो कर. व्हा पुरा दिल से शांती मीलन का लिये प्रयास कर्‍हे.
1PE 3:12 क्युकि प्रभु की आखहोन धर्मीहोन पर लगी रहेस हइ, अरु वोका कान वोकि प्रार्थना बिनती का तरप लगी रहेस हइ, पन प्रभु बुरो करण आला का बदलामे मुडो फेरी लेस हइ.
1PE 3:13 अगर तुम अच्छो करणा का लिये तैयार ऱ्ही ते तुम्हारी बुइय करण आला फिर कोन हइ?
1PE 3:14 अगर तु सच्ची कारन दुख भी उठायेका ते धन्य हइ. पर दुन्या का डराना से मत डरो, अरु नी घबरानु .
1PE 3:15 पन अपना मन मे मसीह का लिये श्रध्दा रख अरु ओखे प्रभु जानीखे आदर दे. अरु अगर कोय तुमसे तुमारी आस का बारे मे जो तुमारा मे हइ समजान खे बोल्हे ते ओखे उत्तर देन का लिये कबिभी तैयार र्‍हियेका
1PE 3:16 पन यो विन्रमता अरु इज्जत का सात ही कर अरु अपनो विवेक खे शुध्द रखन का जबकी यीशु मसीह अच्छी चाल चलना मे तुम्हारो अपमान करता हुयो लाजनू.
1PE 3:17 क्युकि अगर परमेश्वर की या इच्छा हय कि तुम अच्छो करण का कारन दुख उठायेका ते यो बुरो करण का बदलामे दुख उठाना से खुप अच्छो हइ.
1PE 3:18 येका लिये मसीह ने भी सब पापिहोन का लिये येक ही बार मर्‍यो यानेकी वु जो नीर्दोष थो हम पापीहोन का लिये एक बार मरी गयो की हम परमेश्वर खे नजीक लीखे जाये. आंग का भावसे ते वु मरी गयो पर आत्मा का भाव जीगयो.
1PE 3:19 अरु वोकी आत्मा की स्थिति मे जैखे वे बन्दीगृह आत्माहोन खे खबर दि.
1PE 3:20 यो आत्माहोन हइ जो वा टेम्म मे परमेश्वर की आज्ञा खे मन से नी मानन वाली थी, जब नूह को डोंगा बनायो जय रो थो अरु परमेश्वर धिरज का सात प्रतीक्षा खे र्‍हियो थो वु डोंगा मे थोडा दुन्या यानेकी आट झन पाणी का वजेसे बची गया.
1PE 3:21 यो बपतिस्मा का जसो हइ जेका से अब तुमारो उध्दार होतो हइ, येमे आंग को मैल धोनु नी जबकी एक अच्छो विवेक का लिये परमेश्वर से कसम हइ, अब तो तुमखे यीशु मसीह को पुनरुत्थान बपतिस्मा का वजेसे बचास हइ.
1PE 3:22 व्हा स्वर्ग पर जय खे परमेश्वर का जवना तरप बठी गो. अरु स्वर्गदूत अरु अधिकारी अरु सामर्थ्य वोका आधीन कर्यो गयो हइ.
1PE 4:1 येका लिये जब कि मसीह ने आंग मे हय खे दुख वुठायो ते तुम भी मनसा खे हतीयार का जसो पेनी ले, क्युकि जेने आंग मे दुख उठायो. व्हा पाप से छुटी गयो,
1PE 4:2 अब से आगे, तुमरो बच्चयो हुयो जमीन पर को जिवन मानवीय इच्छाहोन का जसो नी क्युकि परमेश्वर कि इच्छा का जसो जिवन जी.
1PE 4:3 क्युकि मूर्तिपूजक, इच्छा का जसो काम करण, अरु लुच्चोपन कि बुरी अभिलाषाहोन मतवालोपन, लीलाक्रीडा रंगरेली, अरु घ्रृणित मूर्तिपूजक मे जहा तक हम ने पहीला टेम गमायो, उ खुप हुयो.
1PE 4:4 येका से वे अचम्भो करस हइ, कि तुम असो भारी गिरनो, अरु लापरवाही को जिवन जिनामे वु सात नी होय. अरु येका लिये वे तुम्हारी नीन्दा करस हइ.
1PE 4:5 पन जो मर्‍या हुया मेसे जिन्दो अरु मर्यो हुयो को न्याय करण खे तैयार हइ, वु परमेश्वर खे वु खुद अपनो व्यवहार को लेखो झोको दिये.
1PE 4:6 येका लिये वे अविश्वासी खे उपदेस दियो गयो थो. कि शारीरीक रुप से जानीले ओको मानविय स्तर पर हय पन आत्मीक रुप से परमेश्वर का जसो जिन्दो र्‍हियो.
1PE 4:7 सब बात कि खतम तुरुत होन आलो हइ. येका लिये खुद हुय खे प्रार्थना का लिये जागा ऱ्हे.
1PE 4:8 सब मे बडि बात या हइ कि एक दुसरा से प्रेम रख. क्युकि प्रेम भोत पाप खे झाकि देस हइ.
1PE 4:9 बिन चुगली बताये एक दुसरा का मीजवान को स्वागत कर्ये.
1PE 4:10 जेखे जो वरदान मील्योस हइ, व्हा ओखे परमेश्वर खे अलग तरीका को अनुग्रह को अच्छो देख रेख करण आला का जसो एक दुसरा की सेवा मे लगायो.
1PE 4:11 जो कोय प्रचार कर्‍हे. वे परमेश्वर को प्रचार कर्‍हे. जो कोय सेवा कर्‍हे, ते व्हा वु शक्ति से कर जो परमेश्वर देस हइ. येका लिये सब बात मे यीशु मसीह का वजेसे, परमेश्वर खे बडो नाम मील्हे. महिमा अरु साम्राज्य पिडमपिडि से वोकीय हइ. आमीन.
1PE 4:12 हे प्रिय, दोस तुम पर खुप बडो संकट आस हइ अरु तुम्हारी पेपर होस हइ तब एक नवाली बात देखीखे अचम्भो मत होय.
1PE 4:13 पन जसो जसो मसीह का दुख मे हिस्सेदार होस हय, खुशी मनाव कि जेका से वोकि महिमा प्रगट होन टेम भी तुम खुशी से भरी जाह्ये.
1PE 4:14 फिर अगर मसीह का नाम का लिये तुमारी टिगल करी जास हइ, ते तु धन्य हुये क्युकि महिमा कि आत्मा मे वे महीमा मय परमेश्वर कि आत्मा की तरा पर छाय करस हइ.
1PE 4:15 तरा मे‍ से कोय इन्सान हत्यारो या चोर या बुरो काम होन को या दुसरो काम मे हात दालन करण दुख नी मील्यो.
1PE 4:16 पन अगर मसीह होन का कारण दुख मील्यो ते लाजवाने नी होनु पन या बात का लिये परमेश्वर खे धन्यवाद दे क्युकी तुमने महिमा नाम धारण कऱ्यो.
1PE 4:17 क्युकि न्याय करण कि सुरवात को टेम अय पहुची हइ, कि पयलो परमेश्वर का दुन्या को न्याय खे जगाह्ये. अरु जब कि न्याय को सुर्वात हमारा से हुये ते वोकोय आखरी हुये जो परमेश्वर की सुसमाचार खे नी माने.
1PE 4:18 असो पवित्रशास्त्र मे लिख्यो हइ, अगर अच्छो इन्सान ही कठीन से उध्दार मील्हे, ते भक्तिहीन अरु पापी को का हुये?
1PE 4:19 येका लिये जो परमेश्वर कि इच्छा का जसो मन से दुख उठास हइ, वे अच्छो करस हुये खे अपना अपना खुद खे विश्वासयोग्य सुजनहार का हात मे दि देनु
1PE 5:1 तरा मे जो बापदादा हइ, वोका जसो बापदादा अरु मसीह को दुख की गवाह अरु प्रगट होन वाली महिमा मे शामील हुयखे वोखे यो समजास हय.
1PE 5:2 कि परमेश्वर कि वु झुण्ड की, जो तुमारा बीच मे हइ राखनआलो कर, अरु दबाव से नी पन परमेश्वर का जसो खुसी से, अरु कमय का लिये मन लगय खे.
1PE 5:3 जो दुन्या देख रेख का वास्ते तुमखे दियो गया पर शासन मत कर्‍हे, जबकी झुण्ड का लिये एक जिम्मेदार बन.
1PE 5:4 जब प्रधान रखवालो प्रगट हुये खे ते तुमखे महिमा को मुकुट दियो जाह्येका जिकी सोबा कभी कम नी हुये.
1PE 5:5 या रीति हे नवजुवान खे तुम भी धर्म बापदादा का अधीन र्हेव का तुम एक दुसरा की सेवा को करण का लिये विन्रमता धारण कर क्युकि शास्त्र करस हइ. परमेश्वर अभीमानीहोन को विरोध करस हइ, पन दीन पर अनुग्रह करस हइ.
1PE 5:6 येका लिये परमेश्वर खे मजबुत हात का नीचे दीनता से र्हेव, जेमे से व्हा तुमखे उचित टेम पर बडायो.
1PE 5:7 अपनी सब चिन्ता वोका पर डाली दे, क्युकि वोखे तुम्हारी ध्यान हइ.
1PE 5:8 सचेत हुये अरु जागा र्हेव, क्युकि तुम्हारा विरुध सैतान एक गर्जन आलो सेर का जसो या इदर उदर घुमते हुयो या तक मी रेस हइ कि कोय खे फाडी खाये.
1PE 5:9 विश्वास मे दृड हुयखे अरु यो जानीखे वोको सामनो कर, कि तुम्हारो भैइ जो जगत मे हइ, असो दुख भोगि रोस हइ.
1PE 5:10 अब परमेश्वर जो पुरो अनुग्रह को दातो हइ, जेने तुमखे मसीह मे अपनी अनन्त महिमा का लिये बुलायो, तुम्हारी थोडी देर तक दुख उठन का बाद आप ही तुमखे सिध्द अरु स्थिर अरु बलवान कर्हे.
1PE 5:11 ओको सामराज पिडमपिडि से रिह्ये आमीन.
1PE 5:12 मे ने तुमखे एक सिदा से चिठ्ठी सिलवानुस का मदत से लिखीखे जेखे मी विश्वास लायक मसीह भैइ मान्यो हय. मी तुमखे प्रोत्साहित करणो चाहुस हय अरु मरी गवइ देस हइ की परमेश्वर की सच्ची अनुग्रह हइ, येमे रुखी र्हेव.
1PE 5:13 जो बेबीलोन की मंडली मे जो भहीन परमेश्वर का वजेसे चुन्या गयो हइ, वे तुमखे नमस्कार करस हइ अरु मसीह मे मरो बेटो मरकुस तुमखे नमस्कार करस हइ.
1PE 5:14 एक दुसरा खे मसीह मे पिरेम पुरो भाव से गल्ला मीलीखे स्वागत सत्कार कर तुम सब जो मसीह मे हय, शांती मीलती ऱ्हे.
2PE 1:1 शमौन पतरस का तरप से जो यीशु मसीह को चेलो अरु प्रेरित हइ वे दुन्या को नाम जिनने हमारो परमेश्वर अरु उध्दार करण यीशु मसीह की धार्मीकता का वजेसे हमारो सेवक जसो भोतकिमती विश्वास मील्यो हइ.
2PE 1:2 परमेश्वर अरु हमारो प्रभु यीशु कि पैछान का वजेसे अनुग्रह अरु शांती तरा मे भोत जादा से बडते जाये.
2PE 1:3 क्युकी परमेश्वर की इश्वरी सामर्थ्य ने सब कुछ जो जिवन अरु भक्ती से समन्ध रखस हइ, हम वोकी पैछान का वजेसे हइ, जेने हमखे अपनी य महिमा अरु सदगुण का जसो बुलायोस हइ.
2PE 1:4 जेका वजेसे वोने हम खुपमोल अरु भोत बडी प्रतीज्ञा दी हइ ताकी इनका वजेसे तुम वा भ्रटाचार से छुटकारो जो जगत मे बुरी अभिलाषाहोन से होस हइ, इश्वरी स्वभाव को हिस्सेदार हुइ जाव.
2PE 1:5 येका लिये तुम सब रंगेरंग कि इजा करीखे, विश्वास पर सदगुण, अरु सदगुण पर समज!
2PE 1:6 अरु तुमखे ज्ञान मे आत्मा खुद कि भक्ति, अरु आत्मा खुद मे धिरज, अरु धिरज मे परमेश्वर की भक्ति खे भक्ति.
2PE 1:7 अरु तुमारो परमेश्वर की भक्ति मे मसीह भैइचारा मे प्रेम कि भक्ति.
2PE 1:8 ये सब गुन की तुमखे जरुरत हइ अरु अगर ये गुन तुममे अगर भोतायत से हइ ते यो तुमखे हमारो प्रभु यीशु मसीह कि ज्ञान मे नीकम्मी अरु प्रभाकुलिल बनाह्ये.
2PE 1:9 पन अगर तुमखे या बात नी, ते तुमखे दुर नीगा नी तुम अंन्धो हय, तब तुम भुल चुक हुये की तुमखे पैयले का पाप खे धोयो गयो हइ.
2PE 1:10 येका लिये हे भैइहोन, अपनो बुलायो जानो, अरु चुनी लियो जानो, सिध्द करण को भली भाती इजा करते जाव, क्युकी अगर असो कर्हे ते कभी भी ठोकर नी खानको.
2PE 1:11 क्युकी या रीति से तुम हमारो प्रभु अरु उद्धारकर्ता यीशु मसीह का सदा राज मे बडो सम्मान का सात प्रवेश करण मील्हे.
2PE 1:12 येका लिये तुम या बात जानस हय, अरु जो सच्चीहोन वचन तुमखे मील्योस हइ, वोमे बन्या र्हेव, तेभी मी तुमखे या बात की याद दिलान खे कभी भी तैयार र्हीयु.
2PE 1:13 मी या अपना लिये अच्छो समजुस हय, की जब तक मी यो आंग मे जिन्दो हय, तब तक तुमखे यो बारे मे याद प्रेमा तो र्हीयु.
2PE 1:14 क्युकी यो जानुस हय, कि खुप झल्दी मे अपनो नाशवान आंग छोडन आलो हय. जसो कि हमारो प्रभु यीशु मसीह ने मेखे बतायो थो.
2PE 1:15 येका लिये मी अपनो पुरो जोर लगाह्यु कि मी मरी जाना का बाद भी तुम या सब बात खे कभी भी याद करी सकस.
2PE 1:16 क्युकी जब हमने तुमखे अपना प्रभु यीशु मसी कि सामर्थ्य को अरु आन कि खबर दि थी ते व्हा हुशारी से गाडी वाली खे नीहोन को अनुकरण नी थो जब हमने खुद हि वोकी महानता खे देख्यो थो.
2PE 1:17 क्युकी जब ओको परमेश्वर बाप से सम्मान को अरु महिमा मीली अरु वु प्रतापमय महीमा मे से या बात अय, यो मरो प्रिय बेटो हइ, जेका से मी प्रसन्न हय.
2PE 1:18 जब हम वोका सात पवित्र टेकडा पर था, अरु बद्दल से अय या वाणी सुनी.
2PE 1:19 हमारा पास जो भविष्यव्दक्ताहोन को वचन हइ, व्हा या घटना से बडी रुख्यो. तुम यो अच्छो करस हय जो वोका पर घ्यान करस हय, की व्हा एक दिवो हइ, जो अंधारा जगा मे वा टेम्म तक उजालो देतो रेस हइ जब तक कि उजालो नी नीकल्यो, अरु फजर को तारो तुमारा मन मे नी चमकी उठ्यो.
2PE 1:20 सब से बडी बात या हइ कि तुमखे यो समजी लेन होनु कि पवित्रशास्त्र कि कोय भी भविष्यव्दाणी को भविष्यवक्ता का नीजी से दियो गयो स्पष्टिकरण नी हइ
2PE 1:21 क्युकी कोय भी भविष्यव्दाणी इन्सान का इच्छा से कभी नी हुयो पन भक्त झन पवित्र आत्मा का वजेसे जय खे परमेश्वर की तरप से बोलतो थो.
2PE 2:1 जसो जो भुतकाल का दुन्या का बिच मे लुच्चो भविष्यव्दक्ता थो भटकन आलो अच्छो सिध्दात खे लाहे, अरु वु स्वामी खे नी बोल्हे जेने वोखे छुडयो असो कर्हे, अपना तुरुत विनास खे नियत्रन दिहे.
2PE 2:2 फिर भी घनय दुन्या वुनकी रस्ता पर चल्हे. अरु क्युकी जो वे करस हइ, दुसरी बुरी बात खे सच्ची‍ चाय की जगा बोल्हे.
2PE 2:3 वे लोभी का लिये बात खे तुमखे अपनो लाभ को कारण बनाह्ये अरु जो दण्ड कि आज्ञा वुन, पर पैयले से हुय गिस हइ, वोको आना मे कुछ भी देर नी, अरु वोको विनास नी.
2PE 2:4 क्युकी जब परमेश्वर ने स्वर्गदूत खे जिनने पाप कर्यो, वुन खे भी नी छोड्यो पन नरक मे भेजी खे अंधारा कुण्ड मे दाली दियो, क्युकी न्याय का दिन तक बन्दी रीयो.
2PE 2:5 अरु पैयला युग का जगत भी नी छोड्यो. जब भक्तिहीन जगत पर बडो पाणी को प्रलय भेज्यो, पन धर्म को प्रचार करण आलो नूह समेत आठ इन्सान खे बचय लीयो.
2PE 2:6 अरु सदोम अरु गमोरा का नगर खे अंगार से डण्ड दिखे, अंगार से भस्म करीखे ताकि वे आन आलो भक्तहीन दुन्या कि शिक्षा का वास्ते एक दृष्‍टान्‍त बन्हे.
2PE 2:7 अरु धर्मी लुत खे जो धर्मीहोन खे अनैतिक चालचलन से खुप दुख थो छुडय दियो.
2PE 2:8 क्युकी व्हा धर्मी वुन का बीच मे र्हेतो हुयो, अरु वुन का अधर्म काम खे देखी देखी खे, अरु सुनी सुनी खे, हर दिन अपनो सच्चा मन खे कसोय करतो थो.
2PE 2:9 ते प्रभु भक्त खे पेपर मे से नीकाली लेनू अरु अन्यायहोन खे न्याय का दिन तक डण्ड की दशा मे रखनो भी जानस हइ.
2PE 2:10 खास करी खे वोखे जो बुरी अभिलाषाहोन का पीछे आंग का जसो चलते, अरु प्रभुता खे तुच्छ जानस हइ वे ढीठ अरु जिद्दी हइ, अरु उचो पद आला खे बुरो अच्छो बोलना से नी डरे, अरु वोकी मजाक करतो ऱ्हे.
2PE 2:11 तेभी स्वर्गदूत जो शक्ति अरु सामर्थ्य मे झुटो मास्तरहोन से बडो हइ, प्रभु का सामने वोखे बुरो अच्छो बोली खे दोस नी लगातो थो.
2PE 2:12 पन ये दुन्या बिना दिम्माक जनवर का जसो हइ, जो पकड्य जानो अरु नास होन का वास्ते पइदा हुयो हइ. अरु जो बात खे समजे नी, वोका बारे मे अरु बुरो अच्छो बोलस हइ, वे जंगल का जनवर का जसो खतम करी दिह्ये जाह्ये.
2PE 2:13 दुसरा को बुरो करण का बदल वोको बुरो हुये वोखे दिन दुपार भोग विलाप करणो अच्छो लगस हइ. यो कलंक अरु दोस हइ जब वे तुमारा सात खाते-पीस हइ, ते अपना तरप से पिरेम खाना खे, भोग विलाप करस हइ.
2PE 2:14 वुनकी आख मे व्यभिचारणी बसी हुयोस हइ, अरु वे पाप कर्यो बिना रुखी नी सका वे कमजोर दुन्या खे जाल मे फसय लेस हइ. वोका मन खे लोभी करण को अभ्यास हुय गयो हइ, वे परमेश्वर की‍ श्राप मे हइ.
2PE 2:15 वे सीधी रस्ता खे छोडी खे भटकी गया हइ. अरु बओर को बेटो बिलाम कि रस्ता पर अय गयो हइ. जेने बुरो काम कि मजबुरी खे लाड जान्यो.
2PE 2:16 अरु वोखे वोका पाप का बारे मे वोखे डाट पड्यो, ह्या तक कि अबोल गधी ने इन्सान की बोली से वु भविष्यव्दक्ता खे ओका बचपना से रोख्यो.
2PE 2:17 ये दुन्या सुको कुव्वा अरु तूफान खे उडाते हुये बद्दल हइ, परमेश्वर ने वोका वास्ते खुप खोल अन्धर रुखी गया हइ.
2PE 2:18 वे व्यर्थ धमंड की बात करी करी खे अनैतिक काम का वजेसे वोखे दुन्या खे आंग पर अभिलाषाहोन मे फसय लेस हइ.
2PE 2:19 वे वोखे स्वतंत्रता करण कि प्रतीज्ञा ते करस हइ, पन आप मेय ही भ्रटता को सेवक हइ कि क्युकी जो इन्सान जेकासे हारी गयोस हइ का उ वोको दास बनी जास हइ.
2PE 2:20 जब वे प्रभु अरु उद्धारकर्ता यीशु मसीह की पैछान का वजेसे जगत की दुसरा रंग की अशुध्दता से बची नीकल्या, अरु फिर वोमे फसी खे हरी गया, ते जुनी दशा पैयले से भी बुरी हुय गय हइ.
2PE 2:21 क्युकी धर्म का मार्ग खे नी जाननु ही वोका वासते यो अच्छो होतो, कि वोखे जानी खे, वु पवित्र आज्ञा से फिर जातो जो वोखे सोपी दीस गय थी.
2PE 2:22 उन पर या खावत बरोबर बठस हइ, कि कुत्तो अपनी उल्टी का तरप अरु नहलाइ हय सुअरनी चिखल मे सोना का वासते फिर चली जास हइ.
2PE 3:1 हे प्रिय दोस, अब मी तोखे या दूसरी चिठ्ठी लिखुस हय, अरु दो मे याद दि खे तुमारो शुध्द मन खे जागृत करुस हय,
2PE 3:2 कि तुम वा बात खे जो पवित्र भविष्यव्दक्ताहोन ने पैयले से कुछ हइ, अरु प्रभु उद्धारकर्ता कि वा आज्ञा खे याद करस जो तुमारा प्रेरित का वजेसे दियो गयो थो.
2PE 3:3 सब से पैयले यो समजी ले कि आखरी दिन मे हसी उडान आलो आयोस जो अपनी या अभिलाषाहोन का जसो चल्यो
2PE 3:4 अरु बोल्यो, “वोने आन कि प्रतीज्ञा करी थी, बोल्यो हइ वु? हमारो बापदादा से पैयले से मरी चुक्यो हइ, पर जबसे सृष्टि बनय हइ सब बात वसी की वसी चली अय रही हइ.”
2PE 3:5 वे तो जानी बुजी खे यो भुली गयो कि परमेश्वर का वचन का वजेसे बद्दल पैयले काल से बनय गयो हइ अरु पृथ्वी भी पाणी मे से बनी अरु पाणी मे रुखोस हइ,
2PE 3:6 यो कारण वु युग को जगत पाणी मे डुबी खे खत्म हुय गा.
2PE 3:7 पन बद्दल अरु पृथ्वी जो आज अस्तित्व मे हइ वोका आदेश का वजेसे अंगार का वजेसे खतम होन का लिये सुरक्षित हइ येखे वु दिन का लिये रख्यो जय रो हइ जब अन्यायी दुन्या को न्याय हुये अरु वे खतम करी दियो जाह्ये.
2PE 3:8 हे प्रेम दोस, या एक बात खे मत भुलनु की प्रभु कि नजर मे एक दिन हजार साल मे कोय फरक नी हइ. वोका लिये यो दिन भी बराबर हइ.
2PE 3:9 प्रभु अपनी प्रतीज्ञा का बारे मे देर नी कर्हे जसी कुछ दुन्या समजस हइ. पन तुमारा बारे मे धिर धरस हइ, अरु नी चाह्ये, कि कोय खतम हुये. क्युकी यो सब को मन फिराव को अवसर मील्हे.
2PE 3:10 पन प्रभु को दिन चोर का जसो अय जाह्येका वु दिन बद्दल गर्झना का सात नी दिखानो हुय जाह्ये वो का बाद बद्दल कि सब चिज पानी खे खतम हुय जाह्ये अरु पृथ्वी अरु वोका पर की बात गायब हुय जाह्ये.
2PE 3:11 जब कि ये सब चिजहोन, या रीति से खतम होन वाली हइ, ते तुमखे कोय रंग का दुन्या जिवन पवित्र अरु परमेश्वर का तरप सर्मपित होनो चाह्यो.
2PE 3:12 अरु परमेश्वर को वु दिन कि रस्ता कोय रीति से देखनो चाह्यो अरु वोखे झल्दी आन का लिये कोय इजा करणो चाह्यो, जो कारण बद्दल अंगार से खतम कर्‍यो जाह्येका अरु बद्दल की सब चिजहोन खुप गरम से तपीस खे गली जाह्ये.
2PE 3:13 पन वोकी प्रतीज्ञा का जसो हम एक नवो बद्दल अरु नवी पृथ्वी की आस देखस हइ जेम्मे धार्मीकता वास कऱ्हे.
2PE 3:14 येकालिये का हे लाड दोस, जब कि तुम वु दिन को इनतजार करी रा हय, ते अपनी तरप से पुरी कोशिश कर कि तुम शांती से परमेश्वर की नजर मे नीष्कलंक अरु नीर्दोष रुखनु.
2PE 3:15 हमारो प्रभु, धिरज खे वुनको उध्दार देन का लिये दि गय संधी समझ, जसो हमारो लाडेलो भैइ पौलुस ने ज्ञान से जो परमेश्वर ने वोखे दियो थो वोको इस्तमाल करीखे लिख्यो थो.
2PE 3:16 वोसो य वोने अपनी सब चिट्ठिहोन मे भी या बात लिखी हइ. जो थोडी बात असी हइ, जिन खे समझनो कठीन हइ, अरु अनपढ़ अरु चंचल दुन्या वुन को अर्थ खे भी पवित्रशास्त्र की दूसरी बात का जसी खीचा तानी खे अपनो य नास को कारन बनस हइ.
2PE 3:17 येका लिये हे लाडेला तुम दुन्या पैयले से या बात खे जानी खे हुशार ऱ्हेव ताकि अधर्मीहोन को भ्रम मे फस खे अपनी स्थिरता खे कोय हात से गमय नी दे.
2PE 3:18 पन हमारो प्रभु अरु उद्धारकर्ता यीशु मसीह का जसो अरु ज्ञान मे बडते जाव. वोकीय महिमा अब भी हुये खे अरु पिडमपिडि होते ऱ्हिये. आमीन.
1JO 1:1 उ जिवन को वचन का बारे मे हम लिखस हइ जो पइइले से थो, जेखे हम ने सुन्यो अरु जेखे अपना आख से देख्यो, जेखे हम ने ध्यान से देख्यो अरु हात से छियो.
1JO 1:2 यो जिवन प्रगट हुयो अरु हम ने ओका देख्यो अरु ओकी गवइ देस हइ अरु तुमखे अनन्त जिवन को समाचार देस हइ जो बाप का साथ थो अरु हम पर प्रगट हुयो.
1JO 1:3 जो कुछ हम ने देख्यो अरु सुन्यो हइ ओको समाचार तुम खे भी देस हइ येका लिये कि तुम भी हमारा साथ हिस्सेदार हो अरु हमारो यो मीलन बाप का साथ अरु ओको बेटो यीशु मसीह का साथ हइ.
1JO 1:4 अरु या बातहोन हम येका लिये लिखस हइ कि हमारो आनंद पुरो हुइ जाये.
1JO 1:5 जो समाचार हमने ओकासे सुन्यो अरु तुमखे सुनास हइ उ यो हइ कि परमेश्वर उजालो हइ अरु ओमे कुछ भी अन्धारो नी.
1JO 1:6 अगर हम बोल्ये कि ओका साथ हमारो हिस्सेदार हइ अरु फिर अंधारा मे चलीये ते हम झुठा हइ अरु सच्ची पर नी चलीये.
1JO 1:7 पर अगर जसो उ ज्योति मे हइ असो हम भी ज्योति मे चलिये ते हम एक दुसरा का साथ हिस्सेदार रखस हइ अरु ओको बेटो यीशु मसीह को खुन हम खे सब पाप से अच्छो करस हइ.
1JO 1:8 अगर हम बोल्ये कि हमारा मे पाप नी हइ ते हम अपना आप खे धोको देस हइ अरु हमारा मे सच्चाइ नी हइ.
1JO 1:9 अगर हम अपना पापहोन खे मानी ले ते उ हमारा पापहोन खे माफ करस अरु हम खे सब अधर्म से अच्छो करणा मे विश्वास योग्य अरु न्यायी हइ.
1JO 1:10 अगर हम बोल्ये कि हम ने पाप नी करीयो ते ओखे झुठो ठैरास हइ, अरु ओको वचन हम मे नी हइ.
1JO 2:1 हे मरा बच्चाहोन मी या बातहोन तुमखे येका लिये लिखुस हइ कि तुम पाप नी करणु. अरु अगर कोय पाप कर्ये ते बाप का पास हमारो एक मदतगार हइ अगर धर्मी यीशु मसीह
1JO 2:2 अरु हमारो पापहोन का बदला उ मर्यो हइ, अरु फक्त हमारो ही नी क्युकी पुरा संसार को पाप को भी.
1JO 2:3 अगर हम ओकी आज्ञा खे मान्ये ते येमे हम जानी लिये कि हम ओखे जानी गो हइ.
1JO 2:4 जो कोय यो बोलस हइ मी ओखे जानी गो हइ अरु ओकि आज्ञा खे नी माने उ झुठो हइ अरु ओमे सच्ची नी आय.
1JO 2:5 पर जो कोय ओका वचन पर चलस ओमे सच मेच परमेश्वर को प्रेम सिध्द हुयो हइ येमे से हम जानस हइ कि हम ओमे एक हइ.
1JO 2:6 जो कोय यो बोलस हइ कि मी ओमे बन्यो र्‍हियु हइ ओको होनु कि तुम भी ओसो ही चल्ये जसो यीशु मसीह चलतो थो.
1JO 2:7 हे मरा मसीह भैइ मी तुम खे कोय नवि आज्ञा नी लिखुस पर उ पुरानी आज्ञा जो पहिले से तुम खे मीली हइ या पुरानी आज्ञा हि वचन हइ जेखे तुम ने सुन्यो हइ.
1JO 2:8 फिर भी मी तुम खे नवि आज्ञा लिखुस हइ अरु यो ओमे अरु तुम मे सत्य ठैरी हइ, क्युकि अन्धर नीकली जास हइ अरु सच्चीइ की ज्योति चमकन लगी हइ.
1JO 2:9 जो कोय यो बोलस हइ कि मी ज्योति मे हइ अरु अपना भैइ से बैर रखस हइ उ अब तक अन्धार मे ही हइ.
1JO 2:10 जो कोय अपना भैइ से प्रेम रखस हइ उ ज्योति मे र्‍हेस हइ अरु कोय को ठोकर को करण नी बने.
1JO 2:11 पर जो अपना भैइ से बैर रखस हइ उ अन्धार मे हइ अरु अन्धार मे चलस हइ अरु नी जाने कि किधर जास हइ क्युकि अन्धार ने ओकी आखहोन अन्धी करी दी हइ.
1JO 2:12 हे बच्चाहोन मी तुमखे येका लिये लिखुस हइ कि ओका नाम से तुम्हारा पाप माफ हुया हइ.
1JO 2:13 हे पितरो मी तुमखे येका लिये लिखुस हइ कि जो पइले से हइ तुम ओखे जानस हइ. हे जवानहोन मी तुम खे येका लिये लिखुस हइ कि तुम ने उ पापी पर विजय पायो हइ हे जवानहोन मी तुमखे येका लिये लिखुस हइ कि तुम बाप खे जानी गा हइ.
1JO 2:14 हे पितरो मेने तुम खे येका लिये लिखुस हइ कि जो पइले से हइ तुम ओखे जानी गा हइ हे जवानहोन मी तुमखे येका लिये लिखुस हइ कि तुम बलवान हइ, अरु परमेश्वर को वचन तुम मे बन्यो र्‍हेस हइ अरु तुमने उ पापी पर विजय पायो हइ.
1JO 2:15 तुम नी संसार से अरु नी संसार मे चिजहोन से प्रेम रखस. अगर कोय संसार से प्रेम रखस हइ, ते ओमे बाप को प्रेम नी हइ.
1JO 2:16 क्युकि जो कुछ संसार मे हइ अगर आंग की अभिलाषा अरु जीवि को घमण्ड उ बाप का तरफ से नी पन संसार हि का तरफ से हइ.
1JO 2:17 संसार अरु ओकी अभिलाषाहोन दोय मीटी जास हइ पर जो परमेश्वर की इच्छा पर चलस हइ उ हमेशा जिन्दो र्‍हिये.
1JO 2:18 हे पोर्याहोन, यो आखरी टेम हइ. अरु जसो तुमने सुन्यो हइ कि मसीह को विरोधी आन आलो हइ, ओका जसो अब भी भोत से मसीहा विरोधी उठी खे खडा हुया हइ येमे हम जानस हइ कि यो आखरी टेम मे हइ.
1JO 2:19 वे नीकल्या ते हमारा मेसे पर हम मे का थो नी. क्युकि अगर वे हमारा मे का था ते हमारा साथ र्‍हेता पर नीकल्या येका लिये गया कि यो प्रगट हुयो कि सब हम मे का नी.
1JO 2:20 पन तुम्हारो तो उ पवित्र से अभिषेक हुयो, हइ अरु तुम सब कुछ जानस हइ.
1JO 2:21 मे ने तुम खे येका लिये नी लिख्यो कि तुम सच्चाइ खे नी जानस पर येका लिये कि ओखे जानस हइ का अरु येका लिये कि कोय झुठ, सच्चाइ का तरफ से नी.
1JO 2:22 झूठो कोन हइ? फक्त उ जो यीशु मसीहा नी अरु मसीह को विरोधी उ हइ, जो बाप को अरु बेटा को इनकार करस हइ.
1JO 2:23 जो कोय बेटा को इनकार करस हइ ओका पास बाप भी नी. जो बेटा खे मानी लेस हइ, ओका पास बाप भी हइ.
1JO 2:24 जो संदेश तुम ने पइले से सुन्यो हइ अगर उ तुम मे बन्यो र्‍हिये ते तुम भी बेटा मे अरु बाप मे बन्या र्‍हिये.
1JO 2:25 अरु जोकी ओने हम से प्रतीज्ञा करी उ अनन्त जिवन हइ.
1JO 2:26 मे ने या बातहोन तुम खे उनका बारे मे लिखी हइ जो तुमखे भरमास हइ.
1JO 2:27 पन तुम्हारो उ पवित्र आत्मा जो ओका तरफ से कर्यो गयो तुम मे बन्यो र्‍हेस हइ. अरु तुम खे येको जरुरत नी. कि कोय तुम खे सिकाये क्युकी जसो उ पवित्र आत्मा जो ओका तरफ से कर्यो गयो तुमखे सब बातहोन सिखातो हइ अरु उ सत्य हइ अरु झुठो नी आय. अरु जसो ओने तुमखे सिखायो हइ ओसो ही तुम ओमे बन्या र्‍हेस हइ.
1JO 2:28 अब हे बच्चाहोन ओमे बन्या र्‍हेनु कि जब उ प्रगट हुये ते हम खे धीरज हो अरु हम ओका आना पर ओका सामने सरमीन्दा नी हुये.
1JO 2:29 अगर तुम जानस हइ कि उ न्यायी हइ, ते यो भी जानस हइ कि जो कोय सही काम करस हइ उ ओकासे जनम्यो हइ.
1JO 3:1 देख बाप ने हम से कसो प्रेम कर्यो हइ कि हम परमेश्वर कि सन्तान बोल्यो. अरु संसार मे हम भी ओने ओखे भी नी जान्यो
1JO 3:2 हे मरा मसीह भैइ अब हम परमेश्वर की सन्तान हइ, अरु अभी तक यो प्रगट नी हुयो कि हम खे कुछ हुये इत्तो जानस हइ कि जब उ प्रगट हुये ते हम ओका जसा हुये क्युकि ओका ओसो ही देख्ये जसो उ हइ.
1JO 3:3 अरु जो कोय ओका पर आस रखस हइ, उ अपना आप खे ओसो हि पवित्र करस हइ जसो उ पवित्र हइ.
1JO 3:4 जो कोय पाप करस हइ उ व्यवस्था को बुरो करस हइ. अरु पाप ते व्यवस्था को बुरो हइ.
1JO 3:5 तुम जानस हइ कि उ एका लिये प्रगट हुयो कि पाप खे हराये ओका प्रभाव मे पाप नी आय.
1JO 3:6 जो कोय ओमे बन्या र्‍हेस हइ उ पाप नी कर्‍हे. जो कोय पाप करस हइ, ओने ते ओखे देख्यो हइ अरु न ओखे जान्यो हइ,
1JO 3:7 हे बच्चाहोन कोय का भरम मे नी आनू जो दुन्या सही काम करस हइ उ ओका सामने न्यायी हइ.
1JO 3:8 जो कोय पाप करस हइ उ सैतान का तरफ से हइ क्युकि सैतान पहिले हि से पाप करतो आयो हइ परमेश्वर को बेटो एका लिये प्रगट हुयो कि सैतान काम होन खे नाश करस.
1JO 3:9 जो कोय परमेश्वर से जन्मे हइ उ पाप नी कर्‍हे क्युकि ओको बीज ओमे बन्यो र्‍हेस हइ अरु उ पाप करी ही नी सखे क्युकि परमेश्वर से जनम्यो हइ.
1JO 3:10 येका से ही परमेश्वर की सन्तान अरु सैतान की सन्तान जानो जास हइ. जो कोय धर्म को काम नी कर्‍हे उ परमेश्वर से नी अरु उ जो अपना भैइ से प्रेम नी रखे.
1JO 3:11 क्युकि जो समाचार तो ने पहिले से सुन्यो उ यो हइ कि हम एक दुसरा से प्रेम रख.
1JO 3:12 अरु कैन का जसो नी बन्नु जो उ पापी से थो अरु जेने अपना भैइ को खुन कर्यो अरु ओका कोनता कारण से यो करण कि ओका मे बुरा था, अरु ओका भैइ को काम सही थो.
1JO 3:13 हे भैइहोन अरु भैइनहोन अगर संसार तुम से बैर करस हइ ते अचम्भ नी करणु
1JO 3:14 हम जानस हइ कि हम मरन से पार हुय खे जिवन मे पोच्या हइ. क्युकि हम अपना भैइ से प्रेम रखस हइ जो प्रेम नी रखस उ मरन कि दशा मे र्‍हेस हइ.
1JO 3:15 जो कोय अपना भैइ भैइन से बैर रखस हइ उ हत्यारो हइ. अरु तुम जानस हइ कि कोय हत्यारो मे अनन्त जिवन नी ऱ्हे.
1JO 3:16 हम ने प्रेम येमे ही जान्यो कि ओने हमारा लिये अपनो जान दि दियो हइ. अरु हम खे भी अपना भैइ भैइन का लिये जान देन खे हुनु.
1JO 3:17 पर जो कोय का पास संसार कि दौलत हइ अरु अपना भैइ खे कन्गाल देखी, ओका पर तरस नी खाये, ते ओमे परमेश्वर को प्रेम कसो बन्यो र्‍हे सकस हइ.
1JO 3:18 हे बच्चाहोन हम वचन अरु जीभ से ही नी पर काम अरु सच्ची का वजेसे भी प्रेम कर्ये.
1JO 3:19 येमे से हम जान्ये कि हम सच्ची का हइ. अरु जो बात मे हमारो विवेक हम खे दोष दिये ओका बारे मे हम ओका सामने अपना अपना मन खे हिम्मत दि सकीये.
1JO 3:20 क्युकि परमेश्वर हमारा मन से बडो हइ अरु सब कुछ जानस हइ.
1JO 3:21 हे मरा मसीह भैइ अगर हमारा मन मे दोष नी दे ते हमखे परमेश्वर का सामने हिम्मत होस हइ.
1JO 3:22 अरु जो कुछ हम मानस हइ उ हम खे ओका से मीलस हइ, क्युकि हम खे ओकि आज्ञा खे मानस हइ अरु जे ओखे भास हइ उ करस हइ.
1JO 3:23 ओकी आज्ञा या हइ कि ओको बेटो यीशु मसीहा का नाम पर विश्वास करस अरु जसो मसीह ने हम खे आज्ञा दी हइ ओका जसो आपस मे प्रेम रखस.
1JO 3:24 जो ओकी आज्ञा खे मानस हइ, उ ओमे एक बन्यो र्‍हेस हइ अरु येमे से मंनजे उ आत्मा से जो ओने हम खे दियो हइ हम जानस हइ कि उ हम मे बन्यो र्हेस हइ.
1JO 4:1 हे प्रियो हर एक आत्मा पर विश्वास नी करणु क्युकी आत्माहोन खे समज्हे कि वे परमेश्वर का तरफ से हइ कि नी. क्युकि भोत सा झुठा भविष्यव्दक्ताहोन पर जय मील्हे करी लियो हइ.
1JO 4:2 परमेश्वर को आत्मा तुम या रीति से पहचानी सकस हइ. जो आत्मा मानी लेस हइ कि यीशु मसीह शरीर मे हुइखे आयो हइ उ परमेश्वर का तरफ से हइ.
1JO 4:3 अरु जो आत्मा यीशु मसीह खे नी माने उ परमेश्वर का तरफ से नी. अरु उ ते मसीह की विरोधी की आत्मा हइ जेकी चर्चा तुम सुन्या चुक्या हइ उ आन आलो हइ अरु अभी संसार मे हइ
1JO 4:4 हे बच्चाहोन तुम परमेश्वर का हइ, अरु तुम ने ओका पर जय पायो हइ. क्युकि जो तुम मे हइ उ ओकासे जो संसार मे हइ, बडो हइ.
1JO 4:5 वे संसार का हइ, येका कारण वे संसार की बात बोलस हइ, अरु संसार उनकी सुनस हइ
1JO 4:6 हम परमेश्वर का हइ जे परमेश्वर खे जानस हइ उ हमारी हइ. जो परमेश्वर खे नी जाने उ हमारी नी सुने यो प्रकार हम सच्ची की आत्मा अरु भ्रम की आत्मा खे पहचानी लेस हइ.
1JO 4:7 हे मरा मसीह भैइ हम खे आपस मे प्रेम रखनु. क्युकि प्रेम परमेश्वर से हइ. जो कोय प्रेम करस हइ. उ परमेश्वर से जन्मे हइ अरु परमेश्वर खे जानस हइ.
1JO 4:8 जो प्रेम नी रखे उ परमेश्वर खे नी जाने क्युकि परमेश्वर प्रेम हइ.
1JO 4:9 जो प्रेम परमेश्वर हम से रखस हइ उ येका से प्रगट हुयो कि परमेश्वर ने अपनो एकलो तो बेटा खे संसार मे भेज्यो हइ कि हम ओका वजेसे जिवन पाये.
1JO 4:10 प्रेम ये मे नी कि हम ने परमेश्वर से प्रेम कर्यो, पर येमे हइ कि ओने हमसे प्रेम कर्यो अरु हमारो पापहोन को प्रायश्चित का लिये अपनो बेटा खे भेज्यो.
1JO 4:11 हे मरा मसीह भैइ जब परमेश्वर ने हम से असो प्रेम कर्यो ते हम खे भी आपस मे प्रेम रखन खे होनु.
1JO 4:12 परमेश्वर खे कभी कोय ने नी देख्यो अगर हम आपस मे प्रेम रख्ये ते परमेश्वर हम मे बन्यो र्‍हेस हइ, अरु ओको प्रेम हम मे पुरो हुइ गो हइ.
1JO 4:13 येमे से हम जानस हइ कि हम ओमे बन्या हइ, अरु उ हम मे. क्युकि ओने अपनी आत्मा दि हइ.
1JO 4:14 हमने देखी भी लियो अरु गवइ देस हइ कि बाप ने बेटा खे संसार को उद्धारकर्ता करीखे भेज्यो हइ.
1JO 4:15 जो कोय यो मानी लेस हइ कि यीशु मसीह परमेश्वर को बेटो हइ परमेश्वर ओमे बन्यो र्हेस हइ अरु उ परमेश्वर मे.
1JO 4:16 जो प्रेम परमेश्वर हम से रखस हइ ओखे हम जानी गा अरु हम खे ओको विश्वास हइ. परमेश्वर प्रेम हइ, अरु जे प्रेम मे बन्या र्हेस हइ उ परमेश्वर मे बन्यो र्हेस, अरु परमेश्वर ओमे बन्यो र्हेस हइ.
1JO 4:17 येमे से प्रेम हमारा मे पुरो हुयो कि हमखे न्याय खे दिन हिम्मत हुये. क्युकि जसो उ हइ ओसो ही संसार मे हम भी हइ.
1JO 4:18 प्रेम मे डर नी र्‍हे अगर सिध्द प्रेम को डर दुर करी देस हइ. क्युकि डर को सम्बन्ध दण्ड से होस हइ, अरु जो डर करस हइ उ प्रेम, मे पूरो नी हुयो
1JO 4:19 हम येका लिये प्रेम करस हइ, कि पइले ओने हम से प्रेम कर्यो.
1JO 4:20 अगर कोय बोल्ये कि मी परमेश्वर से प्रेम रखुस हइ अरु अपना भैइ से बैर रखस ते उ झुठो हइ. क्युकि जो अपना भैइ से जेखे ओखे देख्यो हइ प्रेम नी रख्ये ते उ परमेश्वर से भी जेखे ओने नी देख्यो प्रेम नी रखी सक्हे.
1JO 4:21 ओकासे हमखे या आज्ञा मीली हइ, कि जो कोय परमेश्वर से प्रेम रखस हइ उ अपना भैइ अरु भैइन से भी प्रेम रख्ये.
1JO 5:1 जेको यो विश्वास हइ कि यीशु हि मसीह हइ, उ परमेश्वर से पइदा हुयो हइ. अरु जो कोय पइदा करण आला से प्रेम रखस हइ उ ओकासे भी प्रेम रखस हइ जो ओकासे पइदा हुया हइ.
1JO 5:2 जब हम परमेश्वर से प्रेम रखस हइ अरु ओकी आज्ञा खे मानस हइ, ते येका से हम जानस हइ कि हम परमेश्वर की सन्तानहोन से प्रेम रखस हइ.
1JO 5:3 क्युकि परमेश्वर का बच्चाहोन प्रेम रखनो यो हइ कि हम ओकि आज्ञा खे मानस अरु ओकि आज्ञाहोन कठिन नी.
1JO 5:4 क्युकि जो कुछ परमेश्वर से पइदा हुया हइ उ संसार पर जय मील्हे करस हइ. अरु उ विजय जेका से संसार पर जय मील्यो होस हइ हमारो विश्वास हइ.
1JO 5:5 संसार पर जय पान आलो कोन हइ? फक्त उ जेको यो विश्वास हइ कि यीशु मसीह परमेश्वर को बेटो हइ,
1JO 5:6 यो हइ उ जो पानी अरु खुन का वजेसे आयो थो अगर यीशु मसीह उ फक्त पानी का वजेसे वरण पानी अरु खुन दोय अरु वा आत्मा का वजेसे आयो थो.
1JO 5:7 अरु जो गवइ देस हइ, उ आत्मा हइ. क्युकि आत्मा सच्ची हइ.
1JO 5:8 गवइ देन आला तीन हइ आत्मा अरु पानी, खुन. अरु तीनी एक ही बात से सेह मत हइ.
1JO 5:9 जब हम इन्सान की गवइ मानी लेस हइ, ते परमेश्वर की गवइ ओकासे बडीखे हइ. अरु परमेश्वर की गवइ या हइ कि अपना बेटा का बारे मे गवाही दी हइ.
1JO 5:10 जो परमेश्वर का बेटा पर भरोसो करस हइ उ अपना ही मे गवइ रखस हइ जेने परमेश्वर पर भरोसो नी कर्यो ओने ओखे झुठो ठहरायो, क्युकि ओने वा गवइ पर विश्वास नी कर्यो जे परमेश्वर ने अपना बेटा का बारे मे दि हइ.
1JO 5:11 अरु वा गवइ या हइ कि परमेश्वर ने हम खे अनन्त जिवन दियो हइ, अरु यो जिवन ओका बेटा मे हइ.
1JO 5:12 जेका पास बेटो हइ, ओका पास जिवन हइ अरु जेका पास परमेश्वर को बेटो नी, ओका पास जिवन भी नी.
1JO 5:13 मे ने तुमखे जो परमेश्वर का बेटा का नाम पर विश्वास करस हइ येका लिये लिख्यो हइ कि तुम जाननु कि अनन्त जिवन तुम्हारो हइ.
1JO 5:14 अरु हमखे ओका सामने जो हिम्मत होस हइ वा या हइ. कि अगर हम ओकी इच्छा का जसो कुछ मागस हइ ते उ हमारी सुनस हइ.
1JO 5:15 जब हम जानस हइ कि जो कुछ हम मागस हइ उ हमारी सुनस हइ ते यो भी जानस हइ कि जो कुछ हम ओकासे मागस उ पायो हइ.
1JO 5:16 अगर कोय अपना भैइ भैइन खे असो पाप करता देख्ये जेको फल मरण नी हुये ते बिंनती करणु अरु परमेश्वर ओखे उनका लिये जेने असो पाप कर्यो हइ जेको फल मरनो नी हुये जिवन दिये. पाप असो भी होस हइ जेको फल मरन हइ. ओका बारे मे मी प्रार्थना करण का लिये नी बोलु.
1JO 5:17 सब प्रकार को अधर्म तो पाप हइ, पण असो पाप भी हइ जेको फल मरण नी.
1JO 5:18 हम जानस हइ कि जो कोय परमेश्वर से पइदा हुयो हइ उ पाप नी कर्‍हे. पर जो परमेश्वर से पइदा हुयो, ओखे उ बच्य रखस हइ अरु उ दुष्ट ओखे छि नी पाये.
1JO 5:19 हम जानस हइ कि हम परमेश्वर से हइ अरु पुरो संसार सैतान का कब्जामे पड्यो हइ.
1JO 5:20 हम यो भी जानस हइ कि परमेश्वर को बेटो अय गो हइ अरु ओने हमखे समझ दि हइ कि हम ओकी सच्चाइ खे पइछान्ये. अरु हम ओमे जो सच्ची हइ अगर ओको बेटो यीशु मसीह मे र्हेस हइ सच्चो परमेश्वर अरु अनन्त जिवन यो हइ.
1JO 5:21 हे बच्चाहोन अपना आप खे मूर्ती से बचय रखनु.
2JO 1:1 मेखे बुजरुक का तरफ से वा चुनी हुइ बय अरु ओका बच्चाहोन को नाम जेका से मी सच्चो प्रेम रखुस, अरु फक्त मी नी क्युकी वे सब भी प्रेम रखस हइ जो सच्चीखे जानस हइ.
2JO 1:2 वा सच्ची जो हमारा मे स्थिर र्‍हेस हइ अरु हमेशा हमारा साथ र्‍हिये.
2JO 1:3 परमेश्वर बाप अरु बाप को बेटो यीशु मसीह का तरफ से अनुग्रह अरु दया अरु शांती सच्चीचाइ अरु प्रेम सहित हमारा साथ र्‍हिये.
2JO 1:4 मी भोत खुश हुयो कि मे ने तरा कुछ बच्चाहोन खे वा आज्ञा का जसो हम खे बाप का तरफ से मीली थी सच्चीचाइ पर चलता हुये पायो.
2JO 1:5 अब हे प्रिय बय, मी तोखे कोय नइ आज्ञा नी पर उ जो पइले से मीली हइ मी तुम खे एक दुसरा से प्रेम करण का लिये हमारा पास हइ, लिखुस हइ. अरु तरा से प्रार्थना करुस हइ कि हम एक दुसरा से प्रेम रखस.
2JO 1:6 अरु प्रेम यो हइ कि हम ओकि आज्ञाहोन का जसो चलनु. या वा आज्ञा हइ जो तुमने पइले से सुन्यो हइ अरु तुमखे येका पर प्रेम पूर्वक जिवन जीन हुनु.
2JO 1:7 क्युकि भोत सा असो भरमान आला संसार मे नीकली आया हइ कि उ यो नी माने कि यीशु मसीह आंग मे हुइ खे आयो भरमान आलो दुन्या अरु मसीह को विरोधी योही हइ.
2JO 1:8 अपना बारे मे चौकन्या र्‍हिये कि जो परिश्रम हमने कर्यो हइ ओकी तुम गवइ नी देनु, क्युकी ओको पूरो प्रतीफल पानु.
2JO 1:9 जो कोय मसीह कि शिक्षा से आगे बडी जास हइ अरु ओमे बन्यो नी र्‍हे, ओका पास परमेश्वर नी जो कोय ओकि सजा मे स्थिर र्हेस हइ ओका पास बाप भी हइ अरु बेटो भी.
2JO 1:10 अगर कोय तुम्हारा पास आह्ये अरु योही सजा नी दे ओखे न ते घर मे आन दे अरु न नमस्कार करणु.
2JO 1:11 क्युकि जो कोय असा झन के अभिवादन करस हइ उ ओका बुरा काम होन मे हिस्सेदार होस हइ.
2JO 1:12 मेखे भोत सी बातहोन तुमखे लिखनु हइ पर कागज अरु सइ से लिखनु नी चाहु पर आस हइ कि मी तुम्हारा पास आयु अरु आमने-सामने बातचीत कर्यू जेका से तुम पूरी तरह से खुश हुये.
2JO 1:13 ओका मंडली कि एक चुनी हुइ बय का बच्चा का तरफ से तोखे नमस्कार करुस हइ.
3JO 1:1 बुजरुक यहून्ना का तरफ से प्रिय गयुस का नाम जेका से मी सच्चो प्रेम रखुस हइ.
3JO 1:2 हे प्रिय दोस्त, काम मरी या प्रार्थना हइ कि जसो तु आत्मीक मन से उन्नती करी रो हइ, ओसो तु सब बातहोन मे उन्नती कर अरु भलो अच्छो र्‍हे.
3JO 1:3 क्युकि जब अपना भैइ ने अय, तरी वा सच्चीचाइ कि गवइ दी जेका पर तु सच्ची मे चलस हइ ते मी भोत खुश हुयो.
3JO 1:4 मेखे येका से जादा अरु कोय खुश नी कि मी सुनीखे मरा बच्चा सच्चीचाइ का रस्ता पर चलस हइ.
3JO 1:5 हे प्रिय, दोस्तहोन जो तुम विश्वास योग्यता को कार्य जो मसीह भैइहोन का लिये करस हइ, ओमे विश्वास योग्य हुये जब कि वे तुम्हारा लिये बिना समजे हइ.
3JO 1:6 जो प्रेम तुम ने उनका पर दर्शायो हइ उनने मंडली का सामने तरा प्रेम की गवइ दी हइ. उनकी जत्रा का बनाय रखन का लिये कृपया उनकी या प्रकार इनकी मदत करणु जेका से परमेश्वर प्रसन्न हुये.
3JO 1:7 क्युकि वे मसीह की सेवा की जत्रा पर नीकल पड्या हइ तथा गैरयहूदिहोन से कुछ मदत नी ले.
3JO 1:8 येका लिये हम मसीहोन ने असो दुन्या कि मदत करी सक्ये हम भी सच्चाइ का काम मे उनका सहकर्मी हुया,
3JO 1:9 या चिठ्ठी मंडली का भी लिखी थी पर दियुत्रिफेस जो उनमे मुखीया बननो चाहस हइ हम खे ग्रहन नी कर्ये.
3JO 1:10 येका लिये जब मी आयु ते ओका काम होन खे जो उ करी रो हइ, याद दिलायु, कि उ हमारा बारे मे बुरी-बुरी बातहोन करस हइ. अरु हमारा बारे मे झुठी बातहोन करस हइ पन येतनो ही ओका लिये काफी नी उ मसीह अपना भैइ खे ग्रहन नी कर्ये जब वे आस हइ अरु उनखे भी रोखस हइ जो स्वीकार करणो चौउस हइ अरु पूरी कोशिश करस हइ कि उनका मंडली से बाहेर नीकाली देस हइ.
3JO 1:11 हे प्रिय दोस्तो, बुराइ का नी पर भलाइ का अनुयायी होनु. जो भलाइ करस हइ, उ परमेश्वर का तरफ से हइ. पर जो बुराइ करस हइ, ओने परमेश्वर खे नी देख्यो.
3JO 1:12 दिमेत्रियुस का बारे मे सब ने क्युकी सच्चाइ ने भी आप ही गवइ दी. अरु हम भी गवइ देस हइ अरु तु जानस हइ कि हमारी गवइ सत्य हइ.
3JO 1:13 मेखे तोखे भोत कुछ लिखनो थो पर सइ अरु कलम से लिखनो नी चौउ.
3JO 1:14 पर मेखे आस हइ कि तरा से जल्दी मील्यु, तब हम आमने-सामने बातचीत कर्या.
3JO 1:15 तोखे शांती मीलती र्हियेका ह्या, तरा दोस्त तोखे नमस्कार. वे मरा साथिहोन खे भी नमस्कार बोल देनु
JUD 1:1 यहुदा का तरफ से जो यीशु मसीह का सेवक अरु याकूब को भैइ हइ उनखे बुलायो हुया को नाम जे परमेश्वर बाप मे प्रिय अरु यीशु मसीहा का लिये सुरक्षित हइ.
JUD 1:2 दया अरु शांती, अरु प्रेम तुमखे भोतायत से मील्हे होस र्हिये.
JUD 1:3 हे प्रिय दोस्तहोन, जब मी तुमखे वा उध्दार का बारे मे लिखना मे भोत मेहनत से कोशीस करी रो थो जेमे हम सब मीलि खे हइ, ते मेने तुम खे लिखनो अरु प्रोत्साहित करण कि जरुरत मैसुस कर्यो कि तुम उ विश्वास का लिये कोशिश करता र्हेनु जेखे परमेश्वर ने अपना दुन्याहोन खे दियो हइ.
JUD 1:4 क्युकि कत्ता असो इन्सान चुपचाप से हमारा पंचायत मे अय मील्या हइ, वे दुन्याहोन को दण्ड का बारे मे शास्त्रहोन ने भोत पइले से लिख्यो गयो थो. ये दुन्या भक्तिहीन हइ, अरु हमारो परमेश्वर को अनुग्रह खे दुन्याहोन ने परमेश्वर का अनैतिक रस्ताहोन को बहानो बनइ डाल्यो हइ, तथा असो हमारो प्रभु यीशु मसीह एकमात्र स्वामी अरु प्रभु ओखे इन्कार करस हइ.
JUD 1:5 पर मंनजे तुम सब बात एक बार जानी गा हइ, तेभी मी तुमखे या बात की याद दिलानु चाउस हइ कि प्रभु ने इस्राएल खे मीस्र देस से छुडाना का बाद विश्वास नी लान आला खे खतम करी दियो.
JUD 1:6 तुम खे यो भी याद दिलानु चाउस हइ जो स्वर्गदूत ने अपनी सत्ता खे बन्य खे नी रखी सक्या पन अपना नीज नीवास खे त्यागी दियो, ओने उनकी भी वा कठीन दिन खे न्याय का लिये अंन्धारा मे जो सदाकाल का लिये हइ, बन्धनहोन मे रख्यो हइ.
JUD 1:7 जेका रीति से सदोम अरु गमोरा अरु उनका आस पास का नगर खे जो स्वर्गदूतहोन का जसा व्यभिचारी हुइ गया था अरु अनैतिक बुरा काम का पीछे लगी गया था, अंगार खे अनन्त दण्ड मे पडी खे तुम खे यो भी याद दिलानो चाउस हइ जो दूतहोन ने अपनी सत्ता खे बन्य खे नी रखी सक्ये पन अपनो नीजी नीवास खे त्यागी दियो, ओने उनकी भी वा कठिन दिन को न्याय का लिये अंन्धारा मे जो सदा काल का लिये हइ, बन्धनहोन मे रख्यो हइ चेतावनी ठैर्यो हइ.
JUD 1:8 वा रीति से या स्वप्नदर्शी भी अपना-अपना आंग कि अशुध्द करस, अरु प्रभुता खे तुच्छ जानस हइ, अरु उचो पद आला खे बुरा भला बोलस हइ.
JUD 1:9 पन प्रधान स्वर्गदूत मीखाइल ने जब सैतान से मूसा खे मर्या आंग का बारे मे वाद-विवाद कर्यो, ते ओखे बुरो-भलो बोली खे मीखाइल ने दोष लगाता हुये अपमान जनक बोलन कि हिम्मंत नी कर्यो लेकिन बोल्यो, “प्रभु तोखे डाट्ये.”
JUD 1:10 पन ये दुन्या वा बातहोन कि आलोचना करस हइ जिनखे यो समझे हि नी ये दुन्या बुध्दि हीन जनवरहोन का जसा जो बातहोन से सरल रीति से परिचीत हइ ये बातहोन या हइ जेका से उनको नाश होन आलो हइ.
JUD 1:11 उन पर हाय! क्युकि वे कैन की जसी चाल चल्ये अरु मजुरी का लिये बिलाम का जसा भ्रष्ट हुइ गा हइ, अरु कोरह का, जसा विरोध करीखे खतम हुया हइ.
JUD 1:12 ये दुन्या तुम्हारो सात प्रिती भोज मे घातक हइ वे लुकी हुइ चट्टन का जसा हइ वे सीर्फ अपना मेय स्वार्थी, हि चिन्ता करस हइ. वे बिना पानी का बद्दल का जसा हइ, वे पतझड को असो झाड हइ कि जिन पर फल नी आयो वे दोबार मर्या हुया हइ, उनका जड से उखाडि जै चुक्या हइ.
JUD 1:13 उ संमुद्र को भैयानक लाटहोन जसी हइ जो अपना लाज पुरो कार्यहोन खे फेस देखते र्हेस हइ, वे भटकता तारा जसी र्हेस हइ, जिन का लिये परमेश्वर ने पिडमपिडि का लिये घोर अन्धारो रख्यो हइ.
JUD 1:14 हनोक ने भी जो आदम से सातवीं पीडी मे थो, इन का बारे मे या भविष्यव्दाणी करी, “देखनु, प्रभु अपना हजारो पवित्र स्वर्गदूतहोन का साथ आयो
JUD 1:15 कि सब को न्याय कर्ये, अरु सब की भक्तिहीनहोन खे उनकी अभक्ति का सब काम होन का बारे मे जो उनने भक्तिहीन कऱ्यो हुइ, कर्यो हइ, अरु उन सब कठोर बातहोन का बारे मे जो भक्तिहीन पापीहोन ने उनका विरोध मे बोल्यो हइ, दोषी ठैहराए,”
JUD 1:16 ये दुन्या चुगल खोर अरु दुसरा पर दोष लगान आला हइ, ये दुन्या अपना मे बुरी लालचहोन पर चलन आला हइ उ अपना बारे मे अहेमर करस हइ, अरु अपना लोभी का लिये दुसरा की चापलुसी करस हइ.
JUD 1:17 पर हे प्रिय दोस्त, तुम वा बातहोन खे याद रखनु जो हमारो प्रभु यीशु मसीह का प्रेरित पइले बोली चुक्या हइ.
JUD 1:18 वे तुम से बोल्या करता था अन्त का दिनहोन मे असा दुन्या प्रगट हुये जो करण आला हुये वे दुन्या अपनी अभक्ती की बुरी लालसा का जसो चल्ये.
JUD 1:19 ये वे हइ जो फुट डालस हइ. वे उनका आंग कि इच्छाहोन खे नीयत्रन मे हइ, जेका पास आत्मा नी हइ.
JUD 1:20 पर हे प्रिय, तुम अपना अति पवित्र विश्वास मे उन्नती करता हुये अरु पवित्र आत्मा मे प्रार्थना करता हुया.
JUD 1:21 अपना आप खे परमेश्वर का प्रेम मे बनय खे रखनु. अरु अनन्त जिवन का लिये हमारा प्रभु यीशु मसीह कि दया कि रस्ता देखते र्हेनु.
JUD 1:22 उन पर जो शंका मे हइ दया करणु.
JUD 1:23 अरु भोतझन खे अंगार मे से झपटी खे नीकालनु. अरु भोतझन पर डर का साथ दया करणु, पर उ कुर्ता से भी घृणा करणु जिन पर पाप पुरा मेत को धब्बा लग्या हुया हइ.
JUD 1:24 अब ओका प्रती जो तुमखे गीरना से बचैइ सकस हइ, अरु अपनी महिमा मय उपस्तिथी मे नीर्दोष करीखे खडा करी सकस हइ,
JUD 1:25 उ एकमात्र परमेश्वर हमारा उद्धारकर्ता की महिमा अरु गौरव अरु पराक्रम अरु अधिकार खे हमारा प्रभु यीशु मसीह का वजेसे जसो जगत काल से हइ, अब भी हुये अरु पिडमपिडि र्हिये. आमेन.
REV 1:1 यीशु मसीह को प्रकाशन जो वोखे परमेश्वर ने येका लिये दियो कि अपनो सेवकहोन खे वे बात खे जेको तुरुत होनु जरुरती हइ दिखाये अरु वोने अपनो स्वर्ग दूतखे भेजीखे वो का वजेसे अपनो दास यहून्ना खे बतायो.
REV 1:2 यहुन्ना ने परमेश्वर को वचन अरु यीशु मसीह की गवय खे अगर जो कुछ ओने देख्यो थो ओकी गवइ दी.
REV 1:3 धन्य हइ वु जो या किताब, खे पडस हइ कि धन्य हइ भविष्यवाणी का वचन खे सुनस हइ कि अरु जो लिखस हइ अरु ओका जसो चलास हइ सुनस हइ क्युकि या सब बात घटित होन को टेम नजीक हइ.
REV 1:4 यहून्ना का तरप से का खे देस का सात मंडलीहोन को नाम उ परमेश्वर का तरप से जो हइ, अरु जो थो अरु जो आनवालो हइ अरु वे सात आत्माहोन का तरप से जो वोको राजगद्दी का सामने हइ,
REV 1:5 अरु यीशु मसीह का तरप से जो विश्वासयोग्य गवाह अरु मऱ्यो हुया मे से जिन्दो उठनआला मे पयलो अरु जमीन को राजाहोन को अधिकारी हइ, तुमखे अनुग्रह अरु शांती मीलती ऱ्हे. जो हमारा से प्यार से रखस हइ, अरु जेने अपना खुन का वजेसे हम पाप से छुडायो हइ,
REV 1:6 अरु हम एक राज अरु अपना बाप परमेश्वर का लिये याजक भी बनय दियो. यीशु मसीह अरु प्राक्रम पिडमपिडि ऱ्हिये. आमीन.
REV 1:7 देख, वु बद्दल का साथ आनवालो हइ, अरु हर एक आख वोखे देख्ये का क्युकी जिनने वोखे गड्यो थो वे भी वोखे देख्ये का अरु जमीन का सब दुन्या वोखे करन छाती ठोक्हे हुये. आमीन.
REV 1:8 “प्रभु परमेश्वर,” जो हइ अरु जो थो अरु जो आनवालो हइ, जो सर्व शक्तिमान हइ, ह्या बोल्योस हइ, मी ही पयलो अरु आखरी हय.
REV 1:9 मी यहून्ना, को जो तुमारो भैइ अरु बहीन यीशु को बडो दुख अरु राज अरु रुखना मे तुमारो सात हय, परमेश्वर को वचन अरु यीशु की गवय कारन पतमेस नामको टेकडो मे थो.
REV 1:10 मी प्रभु को दिन आत्मा मे अय गयो, अरु अपना पिछे पिपडी का जसो बडो अवाज यो बोलते सुन्यो,
REV 1:11 “जो कुछ तु देखस हइ वोखे किताब मे लिखीखे साथ मंडलीहोन का पास भेजी दे, अगर इफिसुस अरु स्मुरना, अरु पिरगमुन, अरु थुआतीरा, अरु सरदीस, अरु फिलदिलफिया, अरु लौदिकिया खे.”
REV 1:12 तब मे ने वोखे, जो मरासे बोली रो थो, देखन का लिये अपनो मुडो फिरायो अरु पिछे घुमीखे मे ने सोना का साथ दिव्वा को वोडो देख्यो,
REV 1:13 अरु वे दिव्वा को वोका बिच मे इन्सान को बेटो सदृश एक इन्सान खे देख्यो, जो पाय तक का कपडा पेन्या अरु छाती पर सोन्ना को पट्टो बांधी खे हुयो थो.
REV 1:14 वोका माथो अरु बाल उजरा बाल अरु पाला का जसा उजालो थो, अरु वोकी आख अंगार का भडकती अंगार का जसी चमकती थी.
REV 1:15 वोको पाय अच्छो पीतल का जसो थो, जो मान भट्टी मे तपायो गयोस हय, अरु वोको बात खुप पाणी का बात का जसो थो.
REV 1:16 उ अपना जवना हात मे सात तारा लिये हुयो थो, अरु वोका मुडा से धार दोधारी तलवार नीकालती थी. वोको मेडो भर धुपार मे नीकल्यो हुयो सुरज का जसो चमकतो थो.
REV 1:17 जब मे ने वोखे देख्यो ते वोको पाय पर मुद का जसो गिरी गयो. वोने मरा पर “अपनो जवनो हात रखी खे बोल्यो, मत डरे. मी पयलो अरु आखरी हय.
REV 1:18 मी जिन्दो हय मी मरी गयो थो, अरु आप देख मी हमेशा हमेशा जिनदो हय; अरु मऱ्यो पर अरु मरन का सब जगत पर मरो अधिकार हइ.
REV 1:19 येका लिये जो बात तो ने देखी हइ अरु जो बात हुय री हइ अरु जो बात येका बाद होनआली हइ, वे सब खे लिखी ले.
REV 1:20 अगर वे सात तारा को भेद जेने तो ने मरा जवना हात मे देख्यो थो, अरु वे सात सोन्ना को गुच्छो को भेद: वे सात तारा सात मंडलीहोन का दूत हइ, अरु वे सात दिव्वा को वोडो सात मंडली हइ.
REV 2:1 “इफिसुस कि मंडलीहोन को दूतखे यो लिख्यो: “जो सात तारा अपना जवना हात मे लिये हुयो हइ, “अरु सोन्ना की सात दिव्वा का वोडा का बिच मे फिरस हइ, व्हा यो बोलस हइ कि.
REV 2:2 जो तोने कर्‍यो, अरु तरो मेहनत खे अरु तरा रुखना खे समजस हय. अरु यो भी कि तू बुरा दुन्या खे देख्ये नी सकस, अरु जो अपना आप खे प्रेरित बोलस हइ, अरु नी वोखे तो ने ढुडीखे झुट्टी मील्यो.
REV 2:3 तू धिर धरस हइ, अरु मरा नाम का लिये दुख उठाते उठाते थक्यो नी.
REV 2:4 पन मेखे तरा खिलाप यो बोलनो हइ कि तो ने अपनो पैयले जसो प्यार छोडी दियो हइ.
REV 2:5 येका लिये याद कर कि तू खा से गिर्योस हइ अरु पाप से नी मन फिरायो ते मी तरा नजीक अयखे तरो दिव्वा को वोडा खे ओकी रस्ता से बाजु करी दिह्यु.
REV 2:6 पन ह्या, तरा मे या बात तो हइ कि तू नीकुलइयों को काम से जलन करस हइ.
REV 2:7 “जेका कान हुये वे सुनी ले कि आत्मा मंडलीहोन से का बोलस हइ. “जो जय मील्हे, मी वोखे वु जिवन को झाड मे से जो परमेश्वर को स्वर्गलोक मे बडन आला मे हइ, फल खान को अधिकार दिह्यु.
REV 2:8 “स्मुरना कि मंडली को दूत खे यो लिख्यो “जो पयलो अरु आखरी हइ, जो मरी गयो थो अरु अब जिन्दो हुय गयो हइ, व्हा यो बोलस हइ कि.
REV 2:9 मी तरा दुख अरु गरीब खे जानुस हय; पन तु लकपती हइ, अरु जो दुन्या अपना आप खे यहूदीया बोलस हइ पन वे हइ नी, अरु तरा बारे मे जो आराधनालय बुरी बात बोलस हइ, वोखे भी समजुस हय अरु वे सैतान का हइ.
REV 2:10 जो दुख तोखे हि झेलनु हुये वोका से मत डर. देख, सैतान तुम मे से कोय खे जेलखाना मे डालन आला हइ क्युकि तुम पैछानी जाह्ये. अरु तुम दस दिन तक दुख वुठानु पड्ये. जान देना तक विश्वासी ऱ्हेव, ते मी विजय जिवन को मुकुट दिह्यु.
REV 2:11 “जेका कान हुये वे सुनी ले कि आत्मा मंडलीहोन से का बोलस हइ. “जो विजय मील्हे, वो खे दुसरो मरना से तकलीप नी पहुच्हे.
REV 2:12 “पिरगमुन कि मंडली को दूतखे यो लिख: “जेका पास दोधार अरु धार तलवार हइ, व्हा यो बोलस हइ कि
REV 2:13 मी यो जानुस हय कि तू व्हा ऱ्हेतो हइ जहा सैतान को राजगद्दी हइ. तू मरा साथ सच्चो हइ, अरु मरा नाम पर विश्वास करणा से वे दिन मे भी पिच्छे नी हुयो जेमे मरो विश्वासयोग्य गवाह अन्‍तिपास, तुमारा बिच वा जगा पर घात कऱ्यो गयो जहा सैतान ऱ्हेस हइ.
REV 2:14 पन मेखे तरा विरुध्द कुछ बात बोलनो हइ, क्युकि तरा ह्या कुछ असो हइ, जो बिलाम कि पडय खे मानस हइ, जेने बच्चा खे इस्त्राएलिहोन का आगे ठोकर को कारन रखनो सीखायो कि वे मूर्तिहोन पर चडायो गय चिज खै अरु व्यभीचार कर.
REV 2:15 वसो य तरा ह्या कुछ असो हइ जो नीकुलइयों कि पडय खे मानस हइ.
REV 2:16 आखरी मे पाप से मन फिरय, नी ते मी तरा पास झल्दी अयखे अपना मुडा कि तलवार से वुन का सात झगड्यु.
REV 2:17 “जेका नी हुये वे सुनी ले कि आत्मा मंडलीहोन से का बोलनो हइ. जो विजय मील्हे, वोखे “मी चुपचाप मन्ना मे से दिह्यु, अरु वोखे एक उजरो फतर भी दिह्यु. अरु वु मेसे हे एक फत्तर पर एक नाम लिख्यो हुयो हुये खे जेखे वोखे मीलनवाला का सिवाय अरु कोय नी जान्हे.
REV 2:18 “थुआतीरा की मंडली को दूतखे लिख्यो “परमेश्वर को बेटो जेको आख अंगार का जसो हइ, व्हा यो बोल्योस हइ कि
REV 2:19 मी तरा काम, तरा प्यार अरु विश्वास अरु सेवा अरु धिरज, खे जानुस हय अरु यो भी कि तरा जुना काम पैयले से बडीखे हइ.
REV 2:20 पन मेखे तरा विरुध्द यो बोल्योस हइ कि तू वा बय इजेबेल नाम कि वा बय खे सय ऱ्हेस हइ जो अपना आप खे परमेश्वर की खबर बतानालो भी बोलती हइ, अरु मरा शिक्षा को सेवक खे बुरोसंबध करणो अरु मुर्तिहोन खे सामे चड अगर गयो जिनुस खानु व्दरा मरी सेवा खे गलत गवय करस हइ.
REV 2:21 मे ने वोको पाप से मन फिरान का लिये मौको दियो, पन वु अपना व्यभिचार से मन फिरनो नी चाह्ये.
REV 2:22 अरु मी वोखे दुख पर डालुस हय. अरु जो वोका सात व्यभिचार करस हइ अगर वे भी वोका काम से मन नी फिराह्ये.
REV 2:23 मी वुनखे अनुयायी खे मारी डाह्यु. तब सब मंडलीहोन समजी लीह्ये कि दिल अरु मन खे पैछाननवालो मीय्य हय, तरा से हर एक को वोका काम जसो बदलो दिह्यु.
REV 2:24 “पन तुम थुआतीरा का बाकी दुन्या से जेतनी या पडय खे नी माने अरु वे बात खे जेखे सैतान की गयरी बात बोलस हइ नी जाने, यो बोलस हय कि तुम पर अरु बोझो नी डाह्यु.
REV 2:25 पन ह्या, जो तुम्हारा पास हइ वो खे मरा आना तक रुखी खे रखनु.
REV 2:26 जो विजय मील्हे अरु मरा काम का जसो आखरी तक करते ऱ्हेस कि मी ओखे व्हय अधिकार दिह्यु जो मरा बाप से लियो थो.
REV 2:27 मी उन खे राष्ट्र पर अधिकार व्हा लोखड को राजदण्ड लिये हुयो वोका पर लकडी कऱ्हे का जो रंग कुंम्हार को मट्टि को बर्तन खे चकना चूर करी दे.
REV 2:28 अरु मी बाप वोखे फजर को तारा भी दिह्यु.
REV 2:29 “जेका कान हुये वे सुनी ले कि आत्मा मंडलीहोन से का बोलस हइ.
REV 3:1 “सरदीस की मंडलीहोन को दूत खे यो लिख्यो “जेका पास परमेश्वर का सात आत्माहोन अरु सात तारा हइ, व्हा यो बोलस हइ कि मी तरा काम खे जानुस हय दुन्या, बोलनो हइ कि तु जिन्दो हय पन व्यवस्था मे मऱ्यो हुयो हइ.
REV 3:2 येका लिये उठी जा, अरु ओखे सदृड कर कि कुछ बाकि हइ अरु जो मीटकान खे हइ, वुनखे मजबुत खे क्युकी मे ने तरा कोय काम खे अपनो परमेश्वर का नजर से पुरो नी मील्यो.
REV 3:3 येका वासते याद कर कि तोने कोय पडय अपनय करी अरु सुनी थी, अरु वोमे बन्यो ऱ्हे अरु मन फिरा. अगर तू हुशार नी र्‍हेन को ते मी चोर का जसो अचानक अय जाह्यु, अरु तू कभी भी नी जानी सक्हे कि मी कोय टेम्म तरा पास आस.
REV 3:4 पन ह्या का सरदीस मे तरा ह्या कुछ असा दुन्या हइ जिनने अपना अपना कपडा अच्छा रख्ये वे उजरा कपडा पेन्या हुया मरा सात घुम्हे, क्युकि वे यो योग्य हइ.
REV 3:5 जो जय मील्हे वोखे यो रंगेरंग उजरा कपडा पेन्याया जाह्ये का अरु मी वोको नाम जिवन की किताब मे से कोय रीत से नी काट्यु. पन वोको नाम अपनो बाप अरु वोको स्वर्गदूतहोन का सामे मानी लिह्यु.
REV 3:6 “जेका नी हुये वु सुनी ले कि आत्मा मंडलीहोन से का बोलस हइ.
REV 3:7 “फिलदिलफिया की मंडली का दूतखे यो लिख्यो “जो पवित्र अरु सच्चो हइ, जो दाउद की चाबी रखस हइ, जेखे खोल्या आला खे कोय बन्द नी करी सकस अरु बन्द कर्‍य हुयो खे कोय खोली नी सकस का व्हा यो बोलस हइ की
REV 3:8 मी तरा काम खे जानुस हय. देख, मे ने तरा सामने एक दरवाजो खोली खे रख्योस हइ, जेखे कोय बंद नी करी सकस तरी सामर्थ्य जरा सी अरु ह्या समजी ले कि मे ने तरा पाय पर गिरीखे अरु यो वचन को पालन कऱ्योस हइ अरु मरो नाम खे मना नी कऱ्यो.
REV 3:9 देख मी सैतान वे आराधनालय खे तरा कुल मे करी दिह्यु जो यहूदीया बनी बठ्योस हइ पर नी क्युकि झुट्टी बोलस हइ देख, मी असो कर्‍हु कि वे अयखे तरा पाय पर गीरीऱ्हे कि अरु यो जानी लिह्ये कि मे ने तरा पाय पर गिरीखे अरु यो समजी ले एक दुसरा से प्यार रख्युस हइ.
REV 3:10 क्युकि तो ने मरा थामन को वचन खे रोख्यो हइ,येका वासते मी भी तोखे पेपर का वा टेम बच्यो र्हिये जो जमीन पर ऱ्हेनवाला खे पैछानन का वासते सब जगत पर आनवालो हइ.
REV 3:11 मी झल्दी ही आनवालो हय. जो कुछ तरा पास हइ वोखे रोखी खे र्‍हे कि कोय तरो मुकुट नी छुडय ले.
REV 3:12 जो विजय हुये वोखे मी अपना परमेश्वर कि आराधनालय मे एक खबो बनाह्यु, अरु व्हा फिर या आराधनालय से बाहेर नी निकाले. अरु मी अपनो परमेश्वर को नाम अरु अपनो परमेश्वर को शहर को नाम नवो येरुशलेम खे लिख्यु जो मरो परमेश्वर का पास से उन पर मी अपनो नवो नाम लिख्यु.
REV 3:13 “जेक न हुये वे सुनी ले कि आत्मा मंडलीहोन से का बोलस हइ.
REV 3:14 “लौदिकिया की मंडली को दूतखे यो लिख: “जो आमीन अरु विश्वासलायाक अरु सच्चो गवाह हइ, अरु परमेश्वर कि सुष्टि को मेन करण हइ, व्हा यो बोलस हइ कि
REV 3:15 मी तरा काम खे जानुस हय कि तू नी ते ठंडो हइ अरु नी गरम अच्छो होतो कि तू ठंडो या गरम होतो.
REV 3:16 येका वासते कि तू कुनकुनो हइ अरु नी ठंडो नी गरम, मी तोखे अपना मुडा मे ओगलना पर हय.
REV 3:17 तु बोलस हइ कि मी लकपती हय अरु लखपती हुय गयोस हय अरु मेखे कोय जिनुस की कमी नी. अरु यो नी जाने कि तू अभागो अरु बुरो अरु कंगाल अरु अंधो अरु बिना कपडा को हइ.
REV 3:18 येका वासते मी तोखे सलो देस हय कि अंगार मे तप्यो हुयो सोन्नो मरा से मोल ले कि तु लकपती हुय जाह्येका अरु उजरो कपडा ली ले कि पेनीखे तोखे अपना नंगापना कि लाज नी हुये खे अरु अपनी आख मे लगान, लिये सुर्वो ले कि तू देखन लग्यो.
REV 3:19 मी जेखे जेका से प्यार करुस हय, वे सब खे उल्लास अरु दुख देस हय. येका लिये सरद गरम हुये अरु पाप से मन फिराव.
REV 3:20 देख मी डठ्ठा पर खडो हुयो खटखटास हय. अगर कोय मरो अवाज सुनीखे दरवाजो खोल्हे का ते मी वोका पास अंदर अयखे वोका सात खानो खाह्यु अरु उ मरा सात.
REV 3:21 जो विजय मील्हे मी वोखे अपना सात अपनी राजगद्दी पर बठ्यु, जसो मी भी विजय मीलीखे अपना बाप का सात वोखे राजगद्दी पर बठी गयो.
REV 3:22 “जे कान हुये वे सुनी ले कि आत्मा मंडलीहोन से का बोलस हइ.”
REV 4:1 या बात का बाद जो मे ने नजर की तु का देखस हय कि स्वर्ग मे एक दरवाजो खुल्लो हुयो हइ अरु जेखे मे ने पयली पिपडी की बात से अपना सात बात करते सुन्यो थो का उ बोलस हइ, ह्या उपर अय जा. अरु मी वा बात तोखे दिखाह्यु जेखे या बातहोन का बाद पुरो होनू जरुरी हइ.
REV 4:2 फिर मी तुरुत आत्मा ने मरापर नीयत्रण कऱ्यो. मे ने देख्यो की मरा सामने स्वर्ग मे राजगद्दी अरु ओका पर कोय बठ्यो नी थो.
REV 4:3 जो वोखे बठ्यो पर व्हा यशब अरु माणिक्य का फत्तर का जसो दिखयो देस हइ,अरु वु राजगद्दी का चारी तरप मरकत जसो एक मेघ धणुष दिखय देस हइ.
REV 4:4 वा राजगद्दी मे से बिजली कि चमक अरु बद्दल को गरझनो नीकली रोथो अरु या राजगद्दी पर चौबीस बापदादा दुन्या उजरो कपडा पेनीखे हुयो बठ्योस था का अरु वोका माथा पर सोना को मुकुट थो.
REV 4:5 वा राजगद्दी मे से बिजलीहोन अरु गरझनो नीकलस री थी अरु राजगद्दी का सामने अंगार का सात दिव्वो जली रोस थो वे परमेश्वर की सात आत्माहोन हइ.
REV 4:6 अरु भी राजगद्दी का सामने मान पारदर्शी काच का स्फटिक सागर जसो फैल्यो थो का राजगद्दी मे का ठिक सामने अरु ओका उनका दो अरु चार जनवर था, उनका आगे पिच्छे आख ही आख थी.
REV 4:7 पयलो जनवर सेर का जसो थो, अरु दुसरो जनवर बैल का जसो हइ, तिसरो जनवर को मेडो का जसो हइ, अरु चौथो जनवर तिन हुयो घुब्बड का जसो थो.
REV 4:8 चार जनवर का छे पंग. अरु चार तरफ अरु अन्दर आख था अरु वे रात दिन बिना अराम करीखे यो करते ऱ्हेस हइ. “पवित्र, पवित्र, पवित्र प्रभु परमेश्वर सबसेशक्तिमान का जो थो अरु जो हइ अरु जो आनवालो हइ.”
REV 4:9 जब वे जनवर वोकी जो राजगद्दी पर बठ्योस हइ, अरु जो हमेशा हमेशा जिन्दो हइ, महिमा अरु सम्मान अरु आशीर्वाद करी र्‍ही था.
REV 4:10 वे चौबीसों बापदादा दुन्या राजगद्दी पर बठनवाला खे साम्हे गिरी पडे ह्ये का अरु वोको जो हमेशा हमेशा जिन्दो हइ सबुत करख्ये. अरु वे अपना मुकुट डाल देस हइ अरु बोलस हइ,
REV 4:11 “हे हमारो प्रभु अरु परमेश्वर खे तु ही महिमा अरु आदर अरु सामर्थ्य मीलन का योग्य हइ. क्युकि तोने य सब चिजहोन बनय अरु वे तरी य इच्छा से वे अस्तित्व मे अय थी अरु जिन्दो हइ.”
REV 5:1 जो राजगद्दी पर बठ्यो थो का मे ने वोका जवना हात मे एक किताब देखी जो अंदर अरु बाहेर लिखी थी, अरु व्हा सात सिक्का लगय खे बन्द करी दि थी.
REV 5:2 फिर मे ने एक ताखत आलो स्वर्गदूत खे देख्यो जो बडा बात से यो प्रचार करतो थो, “या किताब खे खोलनो अरु सिक्का तोडन का योग्य कोन हइ?”
REV 5:3 पन नी स्वर्ग मे, नी का नीच्चे कोय वा किताब खे खोलनो या वोका पर नजर डाली की योग्य कोय नी नीकल्यो.
REV 5:4 तब मी फूटी फूटीखे रोन लग्यो का क्युकि वा किताब खे खोलनो या वोका पर नजर डालन को योग्य कोय नी मील्यो.
REV 5:5 येका पर वा बापदादाहोन मे से एक ने मरा से बोल्यो, “मत रोय. देख का यहूदा को गोत का वु सेर दाउद किताब खे खोलनो अरु वोकी सात सिक्का तोडन का वासते जिन्दो हुयोस हइ.”
REV 5:6 तब मे ने देख्यो मेढो राजगद्दी का बिच खडो हइ अरु चारी जनवरहोन अरु वे बापदादा होन का बीच मेको मान एक खुन कऱ्यो हुयो मेडो खडो देख्यो. वो, सात सींग अरु सात आख था. यो परमेश्वर कि सात आत्माहोन हइ जो सब पृथ्वी पर भेज्यो गयो थो.
REV 5:7 वोने अयखे वोका जवना हात से जो राजगद्दी पर बठ्यो थो, वा किताब ली ली.
REV 5:8 जब वोने किताब ली ली ते वे चार जनवर अरु चौबीसों बापदादा दुन्या ने मुडा का सामने घुटना टेक गिरी पड्या.वोमेसे हर एक का हात मे जबान अरु अंगारो का जो पवित्र दुन्या की प्रार्थनाहोन हइ, से भऱ्या हुया सोना को कटोरा था.
REV 5:9 वे यो नवो गिद गान लग्या, “तु या किताब खे लेन का अरु येकी सिक्का को खोलन का योग्य हइ. क्युकि तोने खुन हुयखे अपनो खुन से हर एक कुल अरु भाषा अरु दुन्या अरु जमात मे से परमेश्वर को दुन्या खे हर जास से अरु सब गोत्र से सब राष्ट्र मोल लियोस हइ.
REV 5:10 अरु वुन खे हमारो परमेश्वर की सेवा करण का लिये एक राज अरु मंत्री बनायो. अरु वे पृथ्वी पर राज करस हइ.”
REV 5:11 फिर से मे ने स्वर्गदूत कि आवाज सुन वे सिंहासन जनवर अरु वे बापदादा खे चारी तरप खुप से स्वर्गदूतहोन की बात सुनी जिन कि गिनती लाख अरु करोडो कि थी,
REV 5:12 अरु वे वुच्चा अवाज से यो गित गाते बोलतो थो, “खुन कऱ्यो हुयो मेडो ही सामर्थ्य अरु धन अरु ज्ञान अरु शक्ति अरु इज्जत अरु महिमा अरु धन्यवाद का योग्य हइ.”
REV 5:13 फिर मे ने स्वर्ग मे अरु पृथ्वी पर अरु का नीचे अरु समुद्र कि सब हुय चिजहोन खे अरु सब कुछ खे जो वुनमे हइ, यो बोलते सुन्यो, “जो राजगद्दी पर बठ्यो हइ वोका अरु मेडो को अरु सम्मान कि महिमा अरु राज हमेशा हमेशा ऱ्हिये.”
REV 5:14 अरु चार जनवरहोन ने आमीन बोल्यो कि अरु बुजरुक दुन्या ने गिरीखे पायपड्या.
REV 6:1 फिर मे ने देख्यो कि मुडा ने वे सात सिक्का खे मे से एक खे खोल्यो. अरु वे चार जनवरहोन मे से एक खे गरझनो को जसो बात सुनी, “आ!”
REV 6:2 मे ने नजर करी अरु देख्यो, एक उजरो घोडो हइ, अरु वोका उपर बठीखे तिर लिखे हुयो हइ. अरु वोखे एक मुकुट दियो गयो, अरु व्हा विजय करते हुयो नीकल्यो कि अरु भी जय लिखे आह्ये.
REV 6:3 जब मुडाने दुसरो सिक्काको खोल्यो का ते मे ने दुसरो जनवर खे यो बोलते सुन्यो, “आ!”
REV 6:4 फिर एक अरु घोडो नीकल्यो जो लाल रंग को थो. ओका पर बठी खे यो अधिकार दियो गयो कि पृथ्वी पर से शांती छुडय लेका अरु दुन्या से एक दुसरा को मारन करीखे. अरु वोखे एक बडी तलवार दी गय.
REV 6:5 जब वोने तीसरो सिक्का खे खोल्यो का ते मे ने तिसरो जनवर खे यो बोलते सुन्यो, “आ!” मे ने नजर करी अरु देख्यो का एक कालो घोडो हइ, अरु वोका पर बठी खे हात मे एक तराजु हइ.
REV 6:6 अरु मे ने चार का बिच मे एक अवाज खे बोलते सुन्यो, “आना को सेर भर गहु, अरु आना का तीन सेर जेका पर एक अरु अंगूर का बगीचा खे नुकसान नी करणू.”
REV 6:7 जब वोने चार सिक्काको खोल्यो, ते मे ने चार जनवर कि बात यो बोलते सुन्यो, “आ!”
REV 6:8 मे ने नजर करी, अरु देख्यो, एक पिलो जसो घोडो हइ. अरु वोक उपर को नाम मरनो हइ, अरु मृत्य लोक वोका पिछे पिछे था. अरु वुनखे जमीन कि एक चार भाग पर यो अधिकार दियो गयो कि तलवार, अरु अकाल अरु मऱ्या अरु जमीन का जंगल जनवरहोन का वजेसे दुन्या खे मारी डाल.
REV 6:9 जब वोने पचवो सिक्काको खोल्यो, ते मेने वेदी का नीच्चे वुनको आत्माहोन खे मन से देख्यो जो परमेश्वर को वचन को यानेकी अरु गवय का यानेकी जो वुनने दी थी मार्‍यो कऱ्यो गयो थो.
REV 6:10 वुनने बडी बात से फुकारी खे बोल्यो, “हे सर्वशक्तिमान स्वामी, हे पवित्र अरु सच्चो परमेश्वर. तु कब तक न्याय नी करण को? अरु जमीन का ऱ्हेनवाला से हमारो खुन को बदलो कब तक नी लेनको?”
REV 6:11 वोमेसे से हर एक खे उजरो कपडा दियो गयो, अरु वोने बोल्यो गयो कि अरु थोडा देर तक अराम कर, जब तक कि तुम्हारा संग सेवक अरु भैइ जो तुम्हार जसा मरन होनवालो हइ वुनकी भी गिनती पुरी नी हुय ली.
REV 6:12 जब मेडा साववो सिक्काको खोल्यो, ते मे ने देख्यो कि एक बडो भुकम्प हुयो, अरु सुरज जसो कालो अरु पूरो चाद खुन का जसो लाल हुय गयो.
REV 6:13 बद्दल को तारो जमीन असा गिरी पड्या जसी बडी हवा धुनद से हलयखे अंजीर का झाड मे से कच्चो फल झडस हइ.
REV 6:14 बद्दल असो सरकी गयो जसो किताब गुडनना से सरकी जास हइ. अरु हर एक टेकडी अरु छेडा, अपना अपना जगा से चली गया.
REV 6:15 जब जमीन को राज को अरु प्रधान को अरु सरदार अरु पैसाआलो अरु ताखतवाला दुन्या अरु हर एक सेवक हर एक आजाद टेकड खोरा मे अरु फत्तरमे जखे लुक्यो,
REV 6:16 अरु टेकडा अरु फत्तर से बोलन लग्या, “हमारा पर गिरी पड्या. अरु हम वोका से जो राजगद्दी पर बठ्योस हइ, अरु मेडो को डर से लुकी गो.
REV 6:17 क्युकि वो को डर को भयानक दिन अय पहुच्यो हइ, आब कोन हइ जो ओका जसो करस हइ?”
REV 7:1 येका बाद मे ने जमीन का चारी कोना पर चार स्वर्गदूत खडो देख्यो. वे जमीन का चारी हवाहोन खे रोखी थी जबकी जमीन या नंद्दी या कोय झाड पर हवा नी चली.
REV 7:2 फिर मे ने एक अरु स्वर्गदूत खे जिन्दो परमेश्वर की सिक्काको लिखे होते पुरब से वुपर का तरप आते देख्यो. वोने वे चार स्वर्गदूत से जिन खे जमीन अरु नंद्दी की नुकसान करण को अधिकार दियो गयो थो, वुच्ची अवाज से फूकारी खे बोल्यो,
REV 7:3 “जब तक हम अपनो परमेश्वर का सेवकहोन को माथा पर सिक्का को नी लगय दे, तब तक जमीन कि नंद्दी का झाड खे नुकसान नी पहुचानु.”
REV 7:4 जेका पर सिक्का को दीया मेने वुन कि गिनती सुनी, अगर इस्राएल का बच्चाहोन का सब गोत्र मे से एक लाख चौआलीस हजार पर सिक्का को दियो
REV 7:5 यहूदा क वंशमे से बारा हजार पर सिक्का को दियो गयो. रुबेन का गोत मे से बारा हजार पर, गाद को गोत मे से बारा हजार पर.
REV 7:6 आशेर का गोत मे से बारा हजार पर, नप्ताली को गोत मे से बारा हजार मनश्‍शे गोत पर,
REV 7:7 शमौन को गोत मे से बारा हजार पर, इस्साकार लेवी को गोत मे से बारा हजार पर,
REV 7:8 जबूलून का गोत मे से बारा हजार पर यूसुफ का गोत मे से बारा हजार पर, अरु बिन्यामीन को गोत मे से बारा हजार पर सिक्का को दीयो गयो.
REV 7:9 येका बाद मे ने नजर करी देख्यो, हर एक कुल अरु गोत्र अरु दुन्या अरु भाषा मे से एक असी बडी गर्दी, जेखे कोय नी गीनी सकतो थो, उजरो कपडा पेन्या अरु अपना हात खारीक की डांग लिये हुयो राजगद्दी का सामने अरु मुडा का सामने खडो हइ,
REV 7:10 अरु बडा जोर से पुकारी खे बोलस हइ, “उध्दार जो राजगद्दी पर बठ्यो हइ हमारो परमेश्वर का तरपसे अरु मुडा का तरप से जय जयकार हुये!”
REV 7:11 अरु सब स्वर्गदूत वा राजगद्दी अरु बापदादा अरु चारी जनवरहोन का चारी तरप खडो हइ अरु वे राजगद्दी का आगे मुडा पर गिरी पडयो अरु परमेश्वर का पायपड्यी खे बोल्यो,
REV 7:12 “आमीन! स्तुती अरु महिमा अरु ज्ञान अरु धन्यवाद पडे अरु सम्मान अरु सामर्थ्य अरु शक्ती पिडमपिडि से हमारो परमेश्वर को हइ”
REV 7:13 येका पर बापदादा मे से एक ने मरा से बोल्यो, “ये उजरा कपडा पेन्या आलो कोन हइ? अरु से आयोस हइ?”
REV 7:14 “मे ने ओकासे बोल्यो, हे स्वामी तुय जानस हइ.” वोने मरा से बोल्यो, “ये वे आय, जो वु बडी संकट मे से नीकलीखे आयोस हइ. इनमे अपना अपना कपडा मुडा को खुन मे धोयखे उजरा कर्यास हइ.
REV 7:15 येका वजेसे वे परमेश्वर कि राजगद्दी का सामे हइ, अरु वोकि आराधनालय मे दिन रात वोकि सेवा करस हइ, अरु जो राजगद्दी पर बठ्यो हइ, व्हा खुद अपनी रक्षा कर्‍हे.
REV 7:16 वे फिर कभी फिर भुका अरु प्यासा नी हुये. अरु वुन का जिवन पर घाम, नी कोय तपनखे पडे.
REV 7:17 क्युकि मेडा जो राजगद्दी का बीच मे हइ वुनकी रखवालो हुये खे अरु वुनखे जिवन रुपी पाणी का सोत्रो का पास ली जाह्ये कऱ्हे. अरु परमेश्वर वुनकी आख से सब पानीपोछी डाल्हे.”
REV 8:1 जब वोने सातवो सिक्काको खोल्यो, ते स्वर्ग मे आदा घण्टा तक सन्नाटो हुय गयो.
REV 8:2 तब मे ने वे सात स्वर्गदूतहोन खे देख्यो जो परमेश्वर का सामने खडो ऱ्हेस हइ, अरु वुनखे सात तुरहीहोन दि गय.
REV 8:3 फिर एक अरु स्वर्गदूत सोन्ना को धुपारनो लिये हुयो, अरु वेदी का नजीक खडो हुयो. अरु वोखे खुब धुप दियो गयो कि सब पवित्र दुन्या की प्रार्थनाहोन का सात सोन्ना कि वा वेदी पर का जो राजगद्दी का सामने चेढ्यो.
REV 8:4 वु धूप को धुवो पवित्र दुन्या कि प्रार्थनाहोन का बराबर स्वर्गदूत का हात से परमेश्वर का सामे पहुची गयो.
REV 8:5 फिर स्वर्गदूत ने धुपारनो लिखे वोमे वेदी कि अंगार भरी अरु जमीन पर डाली दी.अरु गर्जन अरु बात अरु बिजलीहोन अरु भुकम्प होन लग्या.
REV 8:6 तब वे सात स्वर्गदूत जिनका पास सात पिपडीहोन थी वुनखे फुकन कि तैयारी हुय.
REV 8:7 पयलो स्वर्गदूत ने पिपडी फुकी, अरु खुन से मील्यो हुयो गिलो अरु अंगार पइदा हुय, अरु जमीन पर डाली गय. अरु झाड की एक तिहाइ जली गयो, अरु सब हरो घास भी जली गयो.
REV 8:8 दुसरो स्वर्गदूत ने सयनय फुकी, ते मान अंगार जसो जलते हुयो एक बडी टेकडो नंद्दी मे डाली गयो. अरु नंद्दी को एक पिपडी खुन हुयगो,
REV 8:9 अरु नंद्दी को एक तिहाइ जनवर का मन से मरी गया, अरु एक तिहाइ डोंगो खतम हुय गो.
REV 8:10 तीसरा स्वर्गदूत ने तुम्हारी पिपडी फुकी अरु एक बडो तारो जो मशाल टेम्मा, जसो जलतो थो बद्दल से टुट्यो, अरु नंद्दी का एक तिहाइ पर अरु पाणी का स्रोत पर अय गिऱ्यो.
REV 8:11 वु तारा को नाम नागदौना हइ. अरु एक तिम ही पाणी नागदौना जसो कडवो हुय जाना से मरी गो.
REV 8:12 चौथो स्वर्गदूत ने पिपडी फुकी, अरु सुरज कि एक तरा ही अरु चन्दा कि एक तिसरो अरु तारा कि एक तिहाइ पर फजित अय, ह्या तक कि वुनको एक तिसरो आंग अंधारो हुय गयो अरु दिन की एक तिसरो उजालो नी र्‍हियो, अरु वैसे ही रात मे भी.
REV 8:13 जब मे ने फिर देख्यो, ते बद्दल का बिच मे एक घुब्बड खे वुडते अरु वुच्चा बात से यो बोलते सुन्यो, “वे तीन स्वर्गदूतहोन की तिसरा कि बात खे करन, जिन को पिपडी फुकनो अभी बाकि हइ, जमीन पर ऱ्हेन वालापर दुख ही दुख हुये!”
REV 9:1 जब पाच स्वर्गदूत होनकी पिपडी फुकी, ते मे ने स्वर्ग से जमीन पर एक तारो गिरते हुयो देख्यो, अरु वोखे अथाह कुण्ड की कुंजी दी गय.
REV 9:2 फिर उ तारा ने वा कुंजी अथाह कुण्ड खे खोल्यो, अरु ओमे से असो धुवो नीकल्यो जसो बडो भट्टी को धुवो नीकल्योस हइ, अरु कुण्ड को धुवा से सुरज अरु हवा काली हुय गय.
REV 9:3 वु धुवा से जमीन पर टोटर नीकली, अरु वुनने जमीन खे बिछुहोन का जसी शक्ती दि गय.
REV 9:4 वुनका से बोल्यो गयो कि नी जमीन की घास खे, नी कोय झाड खे तकलीप पवचानु का फक्त वे इन्सान खे तकलीप पवचानु जिन का माथा पर परमेश्वर को सिक्काको नी हइ.
REV 9:5 टोटर खे नीर्देश दियो गयो कि अरु वे दुन्या खे मारी डालन को ते नी का पर पाच महीना तक दुन्या खे दुख देन को अधिकार दियो गयो. अरु उनकी तखलीप असी थी, जसी बिच्छु का डंक मारना से इन्सान खे होस हइ.
REV 9:6 वे पाच महीना मे इन्सान मरना खे ढुडिरोस अरु नी मील्हे. अरु मरन कि लालुच कऱ्हे अरु मरनो उन से भागेह्ये.
REV 9:7 वे टोटर को अयखे लडयो का लिये तैयार कऱ्यो हुयो थो घोडो का जसो थो, अरु उनको माथा पर समजो सोन्ना को टोपी थो का वुनको मेडो इन्सान का जसो थो.
REV 9:8 वुनका बाल बय का बाल जसा था अरु दात सेर का दात जसा था.
REV 9:9 उनका छाती चिलकत से झाकि हुइ थी अरु वे आंग मे जसो लोहा का जसी कवच से झाक्यो हुयो थो. वुनका पंग की अवाज एसी थी, जसी लडय मे खुप घोडा ज्योत्या हुया दौडते रथ कि होस हइ.
REV 9:10 वोकी पुस्टी बिच्छु को डंक का जसी थी अरु वुनकी पुस्टी मे ही दुन्याहोन खे पाच महीना तक दुख देन की सहन करी थी.
REV 9:11 अथाह कुण्ड को दूतहोन पर राजो थो. वो को नाम इब्रानी मे अबद्दोन, अरु यूनानी मे अपुल्लयोन हइ.
REV 9:12 पयली विपत्ति बिती गयस,देख, आब येका बाद दो विपत्तिहोन अभी बाकी हइ.
REV 9:13 जब साव्वो स्वर्गदूत ने पिपडी फुकी ते मेने परमेश्वर, सामे वेदी हइ वो, सिंगपर मे से असी बात सुनी,
REV 9:14 समजनु कोय साव्वो स्वर्गदूत से, जेका नजीक पिपडी थी बोली रोस हइ, “वे चार स्वर्गदूत खे जो बडी नंद्दी फुरात का नजीक बाध्यो हुयो हइ, खोली दे.”
REV 9:15 वे चार दूत खोली दियो गयो जो जो वा टेम अरु दिन अरु महीनो, अरु बरस का वास्ते इन्सान कि एक तिसरा मे मारी डाली खे तैयार करी दियो थो.
REV 9:16 वुनकी फोज कि सवार गिनती बिस करोड थी. मे ने वुनकि गिनती सुनी.
REV 9:17 मेखे यो दर्शन मे घोडो अरु वुन का सवार दिखान दियो जिनको पाणी मे अंगार, अरु धुम्रकान्त अरु गन्धक का जसी थी अरु वे घोडा का माथा सेर जेका माथा का जसो थो. अरु वोका मुडा मे से अंगार, धुवौ अरु गन्धक नीकलतो थो.
REV 9:18 ये तीन महामारीहोन अगर अंगार अरु धुवौ अरु गन्धक से, जो वुनका मुडा से नीकलतो थो इन्सान को एक तिसरो मारी डाल्यो गयो.
REV 9:19 क्युकि वे घोडा कि सामर्थ्य वुनको मुडो अरु वुन की सेपटी मे थी. येका वास्ते कि वुनकी सेपटी साप जसी थी, अरु वु सेपटी का माथा भी थो अरु वुनने सेवा दुख पवचातो थो.
REV 9:20 बाकि इन्सान ने जो वे मरीया से नी मऱ्यो थो, अपना हातकाम से मन नी मऱ्या था बुरीआत्माहोन की अरु चादी अरु पित्तल अरु फत्थर अरु काठ कि मूर्ती होन कि पुजा नी करनु जो नी देख्ये का सुनी नी सकती हइ.
REV 9:21 अरु जो खून, अरु टोना, अरु व्यभिचार, अरु चोरी वुन ने करी थी, वुनका से मन फिरयो.
REV 10:1 फिर मेने एक अरु शक्तीशाली स्वर्गदूत खे बद्दल होड्यो हुयो स्वर्ग से वुतरते देख्यो. वोका माथा पर मेघ धनुष थो वोको मेडो सुरज का जसो अरु वोक पाय अंगार को खब्बो का जसो थो.
REV 10:2 वोको हात मे एक छोटी सी खुल्ली वाली किताब थी. वोने अपनो जवनो पाय नंद्दी पर अरु डाखोऱ्यो पाय जमीन पर रख्यो.
REV 10:3 अरु असो बडा जोर से चिचानो, जसो सेर गरजस हइ. अरु जब चिलायो ते गर्जन का सात बात सुनय दि.
REV 10:4 जब सात गर्जन कि बात सुनय हइ “वुनखे मगम रख का अरु मत लिखे.”
REV 10:5 जो स्वर्गदूत खे मे ने नंद्दी अरु जमीन पर खडो देख्यो थो, वोने अपनो जवनो हात स्वर्ग का तरप उठायो,
REV 10:6 अरु जो पिडमपिडि से जिन्दो हइ, अरु जेने जमीन अरु स्वर्ग खे अरु जो कुछ वोका पर हइ, अरु नंद्दी खे अरु जो कुछ वोमेसे हइ सृजा, वोकि कसम खय खे बोल्यो, “आब तो देर नी होन कि.
REV 10:7 क्युकि सतवो स्वर्गदूत कि पिपडी फुकी पर होन आलो बात को दिन मे परमेश्वर को मोगम मनोगत वा खबर का जसो जो वोने अपनो सेवक भविष्यव्दक्ताहोन खे दियो, पूरो हुयगो.”
REV 10:8 जो बात खे मे ने स्वर्ग से बोलते सुन्यो थो, व्हा फिर मरो बात करण लग्यो, “जो, जो स्वर्गदूत नंद्दी अरु जमीन पर खडो हइ, वोका हात मे की खुल्ली वाली किताब ली ली.”
REV 10:9 मे ने स्वर्गदूत का नजीक जय खे बोल्यो, “या छोटी किताब मेखे दे.” वोने मरासे बोल्यो, “ले येखे खै ले. ह्या तरा पेट मे कडवो तो कर्‍हे, पर तरा मुडा मे मवरुस का जसी मीठ्ठो लग्हे.”
REV 10:10 आखरी मे व्हा छोटी किताब वा स्वर्गदूत का हात से लिखे खै लियो. वु मरा मुडा मे मवरुस जसो मीठ्ठो तो लग्हे, पर जब वोखे खै लियो, ते मरो पेट कडवो हुय गयो.
REV 10:11 तब मरा से यो बोल्यो गयो, “तोखे खुप जसा दुन्या, अरु जातहोन, अरु भाषाहोन अरु राजाहोन का बारे मे फिर भविष्यव्दाणी करणु हय.”
REV 11:1 फिर मेखे मोजन का लिये लकडी दि गय, अरु कोय ने बोल्यो, “वुठ का परमेश्वर कि मन्‍दिर अरु वेदी, अरु मंदीर मे आराधना उ करण आलो कि गिनती करी ले.
REV 11:2 पन मन्‍दिर का बाहेर को अंगन छोडी दे; वो खे मत मोजे क्युकि वु गैरयहूदिहोन खे दियो गयोस हइ, अरु वे पवित्र नगर खे बेचालीस महीना तक खुघो दिह्ये.
REV 11:3 अरु मी अपनो दो गवा खे खुल्ली छोडी दे एक हजार दो सौव आठ दिन तक भविष्यवाणी करी वे उनका बोरा का कपडा होड्या हुया जे खे दुख प्रद्रषीत करता था.”
REV 11:4 ये वे ही जैतून का दो झाड अरु दो ओडा हइ जो जमीन को प्रभु का जसौ खडो ऱ्हेस हइ.
REV 11:5 अरु अगर कोय वुनखे दुख पहुचानो चाहस हइ, ते दुशमन मुडा मे से अंगार नीकालीखे उनका दुसरा खे राख करस हइ. अरु अगर कोय वुनखे कोय दुख पहुचानो चाह्ये का ते जरुरत या रीति से मारी डाल्यो जाह्ये.
REV 11:6 वुनखे अधिकार हइ कि बद्दल खे बन्द कऱ्हे, कि वुनकी भविष्यव्दाणी का दिन मे झरना को पाणी नी गिऱ्ये. अरु वुन खडा सब पाणी का झरना पर अधीकार हइ कि वोखे खुन बनाह्ये का अरु जब जब चाह्ये तब तब जमीन पर हर तरीका कि विपत्ती लाह्ये.
REV 11:7 जब वे अपनी गवय दि चुक्या, ते यथाह जनवर कुण्ड मे से निकाले, वोने वाद विवाद करीखे वुनखे जितन का अरु वुनखे मारी डालह्ये.
REV 11:8 वुनकि लास वा बडा नगर का चौक मे पड्या ऱ्हियेका जो आत्मा का रुप से सदोम अरु मीस्र बोल्यो जास हइ, जहा वुनको प्रभु भी क्रुस पर चडयो गयो थो.
REV 11:9 सब दुन्या अरु भाषाहोन अरु जातहोन का दुन्या वोकि लाश खे साडे तिन दिन तक देखते ऱ्हियेका अरु वोकि लाश मरगट मे रखन नी देन.
REV 11:10 जमीन पर र्‍हेन आला खुशी अरु मगम हुये खे अरु एक दुसरा का नजिक दान भेज्यो, क्युकि ये दो भविष्यव्दक्ताहोनने जमीन का ऱ्हेनवाला खे सतायो थो.
REV 11:11 पन साडे तिन दिन का बाद परमेश्वर का तरप से जिवन कि सास वोमे घुसिगो, अरु वे अपना पाय का वुपर खडो हुय गयो, अरु वुनका देखनआला पर बडो डर हुय गो.
REV 11:12 जब वुन खे बद्दल से एक बडो आवाज आयो “ह्या उपर!” ह्या सुनीखे वे बद्दल पर चेडी खे अपना दुसरा खे देखते देखते स्वर्ग पर चडयो गयो.
REV 11:13 फिर वायच टेम एक बडो भुकम्प हुयो, अरु नगर को दसवो भाग गिरी गयो. अरु वु भुकम्प से सात हजार दुन्या मरी गया, अरु बाकी डरी गया अरु स्वर्ग को परमेश्वर कि महिमा करी.
REV 11:14 दुसरो विपत्ती बिती चुक्यो; देख्यो, तिसरो विपत्ती झल्दी आनवालो हइ.
REV 11:15 जब सातवा दूतने पिपडी फुकी, ते स्वर्ग मे या बारेमे खे बडो राज हमारो प्रभु को “अरु वोकि मसीह को हुय गयो, अरु व्हा पिडमपिडि से राज कर्‍हे.”
REV 11:16 तब चोबीस सौ बुजरुक जो परमेश्वर का सामने अपना अपना राजगद्दी तरप बठ्या था का मुडा का पर गिरीखे परमेश्वर खे प्रणाम कऱ्यो.
REV 11:17 यो बोलन लग्यो “हे सर्वशक्तीमान प्रभु परमेश्वर, जो हइ अरु जो थो, हम तरो धन्यवाद करस हइ की तो ने अपनो बडा सामर्थ्य काम मे लयखे राज करणो सुरु कऱ्योस हइ.
REV 11:18 जातहोन ने घृस्सा कऱ्यो,पर तरो घुस्सा अय पड्यो, अरु व्हा टेम अय पहुच्यो हइ कि मर्‍या के दुसरो कर्‍यो जाह्येका अरु तरो सेवक भविष्यव्दक्ताहोन अरु पवित्र दुन्या खे अरु वे छोटा बडा खे जो तरा नाम से डरस हइ बदली दियो जाह्यु अरु जमीन खे बिगाडनआलो खतम कर्‍यो जाह्ये.”
REV 11:19 तब परमेश्वर कि मन्‍दिर स्वर्ग मे हइ,व्हा खोल्यो गयो,अरु वोकि मन्‍दिर मे उनकी वाचा को संदूक दिखाय दियो; बिजलीहोन अरु आवाज अरु गर्जन अरु भुकम्प हुयो अरु बडी गार गिऱ्यो.
REV 12:1 फिर स्वर्ग मे एक बडो चिन्हो दिखय दियो अगर एक बय जो सुरज होड्यो हुयो थो, अरु चाद वोका पय तल्ले थो, अरु वोका माथा पर बारा तारा को मुकुट थो.
REV 12:2 व्हा दोजिव हुये खे अरु चिल्लाती थी क्युकि प्रसव कि दुख मे थी.
REV 12:3 एक अरु स्वर्ग मे दिखय दियो, एक बडो लाल अजिगर थो, जेका सात माथा अरु दस सींग था अरु वोका माथा पर सात राजमुकुट था.
REV 12:4 वोकि सेपटी ने बद्दल का एक तिसरा को खिचिखे जमीन पर डाली दियो.व्हा अजिगर वा बय का सामने जो सनज्यो थो, खडो हुयो कि जब बच्चो देते ही वु बच्चा खे गिली लियो.
REV 12:5 व्हा बेटो हुयो जो लोखण्ड को राजदण्ड लिये हुयो सब जातहोन पर राज करणा पर थो, अरु व्हा बच्चो एका एक परमेश्वर का पास अरु वोकी राजगद्दी का पास लकडी पहुचय दियो गयो.
REV 12:6 अरु वा बय वा जंगल मे भागी गय, झाहा परमेश्वर की तरप से वोका वासते एक जगा तैयार कर्या गइ थी कि व्हा वु एक हजार दो सौ साठ दिन तक पाल्य जाह्ये.
REV 12:7 फिर स्वर्ग मे वाद विवाद हुयो, मीखाइल अरु स्वर्गदूत अजिगर से झगडन खे नीकल्या. अरु अजिगर अरु वोको दूत वुनखे झगड्हे,
REV 12:8 पन प्रबल नी हुयो, अरु स्वर्ग मे वुनका वासते फिर जगा नी र्‍ही.
REV 12:9 जब व्हा बडो अजिगर, अगर उ जुन्नो साप जो इब्लीस अरु सैतान बोल्यो जास हइ अरु सब जगत को भरमानवालो हइ जमीन पर गिरय दियो गयो, अरु वोको दूत वोका सात गिरय दिया गया.
REV 12:10 फिर मे ने स्वर्ग से यो उच्चो आवाज आते हुयो सुन्यो, “आब हमारो परमेश्वर को उध्दार अरु सामर्थ्य अरु राज अरु वोकि मसीह को राज को अधिकार प्रकट हुयोस हइ, क्युकि हमारो भैइहोन पर दोष लगानवालो, जो दिन-रात हमारो परमेश्वर का सामने वोका पर दोष लगायो करतो थो,
REV 12:11 वे मुडा को खुन कारन अरु अपनी गवय को वचन को का रन वोका पर जयवन्त हुयो, अरु वुनने अपना जान खे लाड नी जान्यो, ह्या तक कि मृत्यु भी सय लियो.
REV 12:12 यो करन हे स्वर्ग अरु वोमे र्‍हेन आलो, मगम हुये. हे जमीन का अरु नद्दी का तुन पर हाय! क्युकि सैतान बडा घुस्सा का सात तुमारा पास आयो तुम तक पहुची गयो हइ. वह बडो हइ क्युकि जन्यो हइ कि वोको जरा सी टेम अरु बाकि हइ.”
REV 12:13 जब अजिगर ने देख्यो कि मी जमीन पर गिरय दियो गयो हय, ते वा बय खे जो बेटो परदा होते ही सतायो.
REV 12:14 पन वा बय खे बडा घुब्बड का दो पंग दिया गया कि साप का सामने से उडीखे जंगल मे वा जगा पहुची जा व्हा एक टेम अरु टेंम, अरु आदा टेम तक पच्यो जाये.
REV 12:15 अरु साप ने वा बय का पीछे अपनो मेडो से नंद्दी का सामने पानी बोहानो कि वोखे नंद्दी से बोहय दे.
REV 12:16 पन जमीन ने वा बय कि मद्दत करी, अरु अपना मेडो खोलीखे वा नंद्दी खे जो अजिगर ने अपना मुडा से बोहायो थो पी लियो.
REV 12:17 जब अजिगर बय पर घृस्सा हुयो, अरु वोकि शेष सन्तान से, जो परमेश्वर कि आज्ञाहोन को मानस अरु यीशु कि गवय देन पर रुख्यो हइ, झगडन खे गयो
REV 12:18 अरु वु नद्दी कि रेती पर खडो हुयो.
REV 13:1 तब मे ने एक जनवर खे नद्दी मे से नीकलते हुयो देख्यो जेखे दस सींग अरु सात माथो थो. सिंग पर दस राजमुकुट, वोका माथा पर परमेश्वर की टिंगल को नाम लिख्यो हुयो थो.
REV 13:2 जो जनवर मे देख्यो वु चिता का जसो थो. अरु वोका पाय भालू का जसा अरु मेडो सेर का जसो थो. अरु अपनी राजगद्दी जसी अरु बडो अधिकार वोखे दियो.
REV 13:3 मे ने वोका माथा मे से एक पर असो बडो घाव लग्यो देख्यो जसो कि वु मरना पर हइ, फिर वोको जानजाना को घाव अच्छो हुय गयो, अरु सब जमीन का दुन्या वु जनवर का पिछे पिछे अच्मंबो करते हुये चल्या.
REV 13:4 दुन्या ने अजिगर कि पुजा करी क्युकि वोने जनवर खे अपनो अधिकार दि दियो थो, अरु यो बोलीखे जनवर कि पूजा करी “यो जनवर का जसो कोन हइ? कोन येका से वाद विवाद करस हइ?”
REV 13:5 बडी बात अरु टिंगल करण का वासते वोखे एक मेडो दियो गयो, अरु वा बेचालीस महीना तक काम करण को अधिकार दियो गयो.
REV 13:6 तब वोने परमेश्वर कि टिंगल करण का वासते मेडो खोल्यो कि वोको नाम अरु वोकि झोपडि मंनज्हे स्वर्ग का र्हेनआला कि टिंगल कर्‍हे.
REV 13:7 वोखे यो भी अधिकार दियो गयो कि पवित्र दुन्या से झगड अरु वोका पर जय मील्हे का अरु वोखे हर एक थोडा अरु दुन्या अरु भाषा अरु जात पर अधिकार दियो गयो.
REV 13:8 जमीन का वे सब र्‍हेनवालो, जेको नाम वोखे मेडा का जिवन कि किताब मे लिख्यो नी गयो जो जगत कि उत्पत्ति का टेम से घात हुयो हइ, वु जनवर कि पुजा कर.
REV 13:9 जे कान हुये वे सुन.
REV 13:10 जेखे कैद मे गिर्‍यो हइ व्हा कैद मे गिरीयो. जो तलवार से मार्‍यो गयो, जरुरती हइ व्हा तलवार से मार्यो जाह्ये. पवित्र दुन्या को धीरज अरु विश्वासये मे हइ.
REV 13:11 फिर तब मेने एक जनवर खे जमीन मे से नीकलते देख्यो ओका मुडा का से दो सिंग थो,अरु व्हा अजिगर का जसो बोलतो थो.
REV 13:12 व्हा पयलो जनवर को सब अधिकार ओका सामे काम लातो थो. अरु जमीन अरु ओका र्‍हेनवाला से उ पयलो जनवर को जेको जान बडो घाव अच्छो हुइ गयो थो, पुजा करतो थो.
REV 13:13 व्हा बडो-बडो चिन्हो दिखा तो थो यो जब की इन्सान का सामने स्वर्ग से पृथ्वी पर अंगार गिरय देती थी.
REV 13:14 उ चिन्हो करण जेने उ जानवर का समाने देखन को अधिकार ओका दियो गयो थो, व्हा पृथ्वी का ऱ्हेनवालो खे भरमाता तो अरु पृथ्वी खे ऱ्हेनवालो से बोलतो थो की जो जनवर का तलवार लगी थी व्हा जी गयो हइ, ओकी मूर्ति बनायो.
REV 13:15 ओका उ जनवर की मूर्ति मे जान डालना को अधिकार दियो गयो कि जनवर की चित्र बोलन लग्यो अरु जेत्ता दुन्या उ जनवर कि मूर्ति की पुजा नी कर, ओने मरी डाल्यो.
REV 13:16 ओने छोटा बडा लकपती गरीब खे आजाद सेवक सब को जवनो यो अरु ओका माथा पर एक सिक्का मारी दियो,
REV 13:17 कि ओका छोड जेका पर सिक्का मनजे उ जनवर को नाम यो ओको नाम को अंक हुये दुसरा कोय लेनो-देनो नी करी सुकु.
REV 13:18 ज्ञान ये मे हइ. जेको दिमाक हुये व्हा वे जनवर को अंक जोडी ले, क्युकि व्हा इन्सान को अंक हइ, अरु ओको अंक छे सौ छैसट हइ.
REV 14:1 फिर मे ने नजर करी, अरु देख्यो, व्हा मेढो सिय्योन टेकडा पर खडो हइ, अरु ओका हात मे एक लाख चौरेचालीस हजार झन हइ, जेको माथा पर वोको अरु वोको बाप को नाम लिख्यो हुयो हइ.
REV 14:2 अरु स्वर्ग से तोखे एक असी बात सुनय दियो जो पानी कि खुप धारहोन अरु बडो गरझनो को जसो आवाज थो अरु जो आवाज मे ने सुन्यो व्हा असो थो समजो वानी बजानवाली वानी बजय रास हय
REV 14:3 वे राजगद्दी का सामे अरु चारी जनवर अरु बापदादा खे सामने एक नवो गिद गय राथा. वे एक लाख चौरेचालीस हजार जान को छोडी जो पृथ्वी पर से मोल लिये गयो थो, कोय भी वा गिद नी सीख सकतो थो.
REV 14:4 ये वे हइ जो बयहोन का साथ अशुध्द नी हुयो, पन कुव्वारो हइ. ये वे ही कि बोली जास हइ, वे ओका पीछे चलीदे हइ. ये तो परमेश्वर को नियम पैयले होन का लिये इन्सान मे से मोल लियो गयो हइ.
REV 14:5 ओका मुडा से कभी झुठ नी नीकल्यो थो, वे नीर्दोष हइ.
REV 14:6 फिर मे ने अरु स्वर्गदूत का बद्दल का बीच मे उड्यो हुयो देख्यो, जेका पास पृथ्वी पर का ऱ्हेनवालो की हर एक जात, अरु कुल, अरु भाषा, अरु दुन्या, सुनन का लिये सनातन सुसमाचार थो.
REV 14:7 ओने बडो शब्द से बोल्यो “परमेश्वर से डर्यो, अरु ओकि महिमा कर क्युकि ओको न्याय करण को टेम आयो हइ. अरु ओको भजन कर, जेने स्वर्ग अरु पृथ्वी अरु संमुदर अरु पाणी कि स्रोत बनायो.”
REV 14:8 फिर येका बाद अरु, एक दुसरो, स्वर्गदूत यो बोल्यो हुयो आयो, “गिरी गयो, वा बडो बेबीलोन गिरी पड्यो,जेने अपनो व्यभिचार को कोपमय मदिरा सब जातहोन खे पिलायो हइ.”
REV 14:9 फिर येका बाद एक अरु तीसरो, स्वर्गदूत बडो बोल से यो बोलतो आयो, “जो कोय भी उ जनवर अरु ओकी मूर्ति कि पुजा कर, अरु अपनो माथो यो अपनो हात पर ओकी छाप ले
REV 14:10 वा परमेश्वर को डर को मदिरा का जो बिना मीलावट को क्रोध को कठोर मे डल्यो गयो हइ, पीस अरु पवित्र स्वर्गदूत का सामने अरु मेडा का सामने आंग अरु गन्धक का पीडो मे पडे.
REV 14:11 ओको दुख को धुवो पिडमपिडि से उठ्यो ऱ्हेस, अरु जो उ जनवर अरु ओकि मूर्ति कि पुजा करस हइ, अरु जो उनको नाम को छाप लिये हइ, ओखे रात दिन चैन नी मीलस.”
REV 14:12 पवित्र दुन्या को धीरज येमे हइ, जो परमेश्वर को आज्ञाहोन खे मानस अरु यीशु पर विश्वास रखस हइ.
REV 14:13 फिर मी ने स्वर्ग से यो बोल सुन्यो, “लिख जो मृतक प्रभु मे मरस हइ, वे आब से अनाज हइ.” आत्मा बोलस हइ, “व्हा,क्युकि वे अपनो सब परिश्रम से आराम पास,अरु ओको कर्य ओका साथ लीस हइ.”
REV 14:14 मे ने नजर के, अरु देख, एक उजालो बद्दल हइ, अरु उ बद्दल पर इन्सान को बेटो सरीखो कोय भी बैठ्यो हइ, जेका पर सोना को मुकुट अरु हात मे दराती हइ.
REV 14:15 फिर एक अरु स्वर्गदूत ने मन्‍दिर मे से नीकलीखे ओका से, जो बद्दल पर बठ्यो थो,बडो बोल से पुकारी खे बोल, “अपनो लगय खे लवनी कर, क्युकि लवने को टेम आ पोच्यो हइ, येका लिये की पृथ्वी को खेत पकी गयो हइ.”
REV 14:16 आखरी जो बद्दल पर बठ्यो थो ओने पृथ्वी पर अपनो हसायु लगायो,अरु पृथ्वी को लवनी को गयो.
REV 14:17 फिर एक अरु स्वर्गदूतउ मन्‍दिर मे से नीकल्यो जो स्वर्ग मे हइ, अरु ओका पास भी अच्छो हस्यो थो
REV 14:18 फिर एक अरु स्वर्गदूत का जेका आंग पर अधिकार थो, वेदी मे से नीकल्यो अरु जेका पास अच्छो हस्यो थो ओका से उचो बोल से बोल्यो, “अपनो अच्छो हस्यो लगय खे पृथ्वी को दाख को गुच्छो खे काटि ले, क्युकि ओकी अंगूर पकि गयइगस हइ.”
REV 14:19 तब उ स्वर्गदूत ने पृथ्वी पर अपनो हसायु लगयो अरु पृथ्वी को अंगूर को फल काटिखे अपनो परमेश्वर का दुख का बडो रसकुंण्ड मे डाली दियो.
REV 14:20 अरु नगर का बाहेर उ रसकुंण्ड मे देख्यो गयो, अरु रसकुंण्ड मे से येतनो खुन निकल्यो की घोडा की लगाम तक पोच्यो, अरु कोन तक बोहय गो.
REV 15:1 फिर मे ने बद्दल मे एक अरु बडो अरु अद्भुत चिन्ह देख, अगर सात स्वर्गदूत जे पास सात आखरी विपतिहोन थो,क्युकि ओका खत्म हुए जाना पर परमेश्वर को दुख, आखरी हइ.
REV 15:2 फिर मेने काच का जसो समुदर देख्ये दियो जेमे समजो अंगार मीली हुये. अरु मेने देख्यो की जिनने जनवर कि मेर्ती पर अरु ओको नाम पर विजय मीली हइ काच को समुदर पर खडो हइ नजिक परमेश्वर कि वाणीहोन दि.
REV 15:3 अरु वे परमेश्वर को सेवक मूसा को गीद कि अरु मुडा को गीद गय खे बोलता था , “हे सर्वशक्‍तिमान प्रभू परमेश्वर, तरो कर्य महान अरु अद्भुत हइ. हे राष्ट्र को राजो कि तरी चाल ठिक अरु सच्ची हइ.”
REV 15:4 “हे प्रभु कोन तरा से नी डरे अरु तरो नाम को महिमा करस? क्युकि फक्त तु पवित्र हइ.सब जातहोन अयखे तरा सामने आराधना करस कि क्युकि तरो न्याय काम प्रगट हुए गयो हइ.”
REV 15:5 येका बाद मेने देख्यो कि स्वर्ग मे झोपडि मे प्रतीज्ञा को तम्बु कि मन्‍दिर खोल्यो गयो.
REV 15:6 अरु वे सात स्वर्गदूत जे, पास विपतिहोन थोकाम लमल को शुध्द अरु चमकदार कपडा पेन्यो अरु छाती पर सोना को पट्टो बाधी दियो मन्‍दिर से नीकल्यो.
REV 15:7 तब उ चार जनवरहोन मे से एक ने उ सात स्वर्गदूत, परमेश्वर, जो हमेशा हमेशा जिस हइ, दुख से भऱ्यो हुए सोना को सात कटोरो दियो.
REV 15:8 अरु परमेश्वर कि महिमा अरु ओकि सामर्थ्य कारन मन्‍दिर खुसी से भरी गयो, अरु जब तक उ सात स्वर्गदूत कि सात विपतियो खतम नी हुयो जब तक कोय भी मन्‍दिर मे नी जय सक्यो.
REV 16:1 फिर मे ने मन्‍दिर मे कोय को उचो बोल से उ सात स्वर्गदूत से यो बोलते सुन्यो, “जा, परमेश्वर खे दुख का सात कटोरा खे पृथ्वी पर पलटय दे.”
REV 16:2 पयलो दूत अरु अपनो कटोरो पृथ्वी पर उंडय दियो. अरु वे इन्सान खे जेका पर जनवर को चिन्ह थो जो ओकि पुजा करतो थो, उन एक पर भयानक दुख आलो छालो नीकली गयो.
REV 16:3 दुसरा ने अपनो कटोरा समुदर पर पलदय दियो, अरु वा मरो हुयो इन्सान का मन से खुन जसो बनी गयो, अरु समुद्र मे को हर एक जीव धारी मरी गयो.
REV 16:4 फिर तीसरा ने नद्दीहोन अरु पानी अपना कटोरा का धबधबा पर उलटय दियो, अरु नद्दी अरु धबधबो खुन बनी गया.
REV 16:5 अरु मेने पानी को स्वामी स्वर्गदूत खे यो बोलते सुन्यो, “हे पवित्र जो हइ अरु असो, तु न्यायी हइ अरु तोने यो न्याय बरोबर कऱ्यो हइ.
REV 16:6 क्युकि ओने परमेश्वर का दुन्या अरु भविष्यव्दक्ताहोन को खुन बोहायो थो, अरु तोने उनखे पिन खे खुन यी दियो, क्युकि वे येका योग्य हइ.”
REV 16:7 फिर मे ने वेदी से यो बोल सुन्यो, “हुयो, हे सर्वशक्तिमान प्रभु परमेश्वर तरो नीर्णय ठिक अरु सच्चो हइ.”
REV 16:8 स्वर्गदूत ने अपनो कटोरा सुरज पर उंडल दियो, अरु उ इन्सान का आंग से झुलसो देन को अधिकार दियो गयो.
REV 16:9 अरु इन्सान भयानक गर्मी से झुलस गए ,अरु परमेश्वर का नाम को जेको ये विपतियो पर अधिकार हइ, नीन्दा का पर ओकि महिमा करण का लिये मन नी फिरायो अरु नी महीमा करी.
REV 16:10 पाचवो स्वर्गदूत ने अपनो कटोरा उ जनवर का राजगद्दी पर दियो, अरु ओको राज पर अन्धेरा हुय गयो. दुन्या दुख कारण अपनी जीभ चाबन लग्या,
REV 16:11 अरु अपनी पडायो अरु फोडो करण स्वर्ग परमेश्वर को नीन्दा को पर अपनो अपनो काम से मन नी फिरायो.
REV 16:12 साव्वो स्वर्गदूत ने अपनो कटोरा महानदी फरात पर उंडल दियो, अरु ओको पानी सुख गयो को पूर्व दिशा से आन आला राजाहोन का लिये रस्ता तैयार हुय जाए.
REV 16:13 फिर मे ने उ अजिगर का मुडा से अरु उ जनवर का मुडा से, अरु उ झुठ भविष्यव्दक्ता को मुडा से तीन अशुध्द आत्माहोन खे मेढको का रुप मे नीकलते देख्यो.
REV 16:14 ये चिन्ह चमत्कार दिखनआली बुरीआत्मा हइ, ये तीन आत्माहोन जो सब जगत का राजाहोन का पर नीकलीखे येका लिये जीत्यो हइ कि ओने सर्वशक्तिमान परमेश्वर का उ बडा दिन की लडाइ का लिये जमा कर.
REV 16:15 “देख मी चोर का जसो अउस हइ. धन्य वा हइ जो जागो ऱ्हेस हइ, अरु अपना कपडा को देखरेख करस हइ कि नंगो नी फिरस अरु दुन्या ओखे लाजवाने होते नी देख्ये का”
REV 16:16 फिर वा बुरीआत्मा वा जगा कऱ्यो जो इब्रानी मे हरमनीदोन बोलस हइ.
REV 16:17 सातवो स्वर्गदूत अपनो कटोरा हवा पर दियो, अरु मन्‍दिर राजगद्दी से वा बडो बोल हुयो, “ हुइ चुक्यो!”
REV 16:18 फिर बिजली चमकस, अरु बद्दल अवाज गर्जन हुए, अरु एक असो भयानक भूकम्प हुयो कि जब से इन्सान को उत्पत्ति पृथ्वी पर हुयो, तब से असो भयानक भुकम्प कभी नी अयो थो.
REV 16:19 येका से उ बडो नगर का तीन टुकडो हुय गयो अरु सब राष्ट्र को नगर गिरी गयो. अरु बडो बाबेल को स्मरण परमेश्वर बडो बाबेल खे दण्ड देन का लिये याद हुयो, ही वा अपनो घुस्सा की जलजलाहाट को मदिरा उ पिलायो.
REV 16:20 अरु हर एक टेकडो अपनी जगा से टल गयो, अरु पात नी चल.
REV 16:21 बद्दल से इन्सान पर मन-मन भऱ्यो, बडो गार का अरु येका लिये को यो विपत्ति बोल ही भारी थो, दुन्या ने आलो कि विपत्ति करन परमेश्वर को नीन्दा को.
REV 17:1 येका बाद जो सात स्वर्गदूत का पास वे सात कटोरो थो, ओमे से एक ने अयखे मरासे यो बोल्यो, “इधर आ, मी तोखे वा बडी वेश्या को दण्ड दिखायु, जो भोत से पानी पर बैठी हइ,
REV 17:2 जेका साथ पृथ्वी का राजाहोन ने व्यभिचार कऱ्यो. अरु पृथ्वी का ऱ्हेनआला ओको व्यभिचार की मदिरा से नशामे चुर हुइ गया था.”
REV 17:3 मेखे पुरीरीतिसे आत्मा ने कबजो कर्‍यो फिर स्वर्गदूत मेखे जंगल, ले गयो,अरु मी ने लाल रंग, जनवर पर जो नीन्दा का नाम से भरी थो, एक बैय खे बठी हुइ देख्यो.
REV 17:4 यो बैय बैंगनी अरु लाल रंग, कपडा पेनी थी ,अरु सोनो अरु बहुमूल्य रत्नो मणिहोन अरु मोतिहोन से सजी हुइ थी, अरु ओका हात मे एक सोना की कटोरो थो जो बुरा सामनहोन से अरु ओका व्यभिचार को अशुध्द सामनहोन से भऱ्यो हुयो थो.
REV 17:5 अरु ओका माथा पर यो नाम लिख्यो थो, “भेद-बडो हे बेबीलोन जमीन की सब वेश्याहोन अरु बुरा चिजहोन की माय.”
REV 17:6 मेने वा बैय खे पवित्र दुन्या को खुन अरु यीशु कि गवाही खे पीने से मस्त देस: उ देखीखे मी गयो.
REV 17:7 “तब उ स्वर्गदूत ने मरा से बोल्यो,” तू चकित हुयो? मी ये बैय अरु उ जनवर को जेका पर वा सवार हइ अरु जेका सात माथा अरु दस सिग हइ, वा भेद बतास हय.
REV 17:8 जो जनवर तोने देख्यो हइ, उ पैयले तो थो पर अब नी हइ, अरु अथाह कुण्ड से नीकलि खे खतम हुय जास. अरु पृथ्वी का ऱ्हेनवाला जेको नाम जगत की उत्पत्ति को टेम से जिवन को किताब मे लिख्यो नी गयो, ये जनवर को यो दशा देखी, को पैयले थो अरु अब नी हइ अरु आ जास, अचम्भा करस.
REV 17:9 उ बुध्दि का लिये जेमे ज्ञान हइ जेका पर वा बैय हइ.
REV 17:10 अरु उनमे से पाच राजा भी हइ,पाच ते हुए चुक्यो हइ,अरु एक अभी हइ,अरु एक अब तब आयो नी अरु जब अयो ते कुछ टेम तक ओको ऱ्हेस भी अवशय हइ.
REV 17:11 जो जंगली जनवर से पैयले थो, अरु अब नी हइ, उ अब आठवो हइ अरु उ सात मे से उत्पन्न हुयो अरु खतम हुइ जाये .
REV 17:12 “जो दस संगी तो ने देख्या वे दस राजा हइ जेने अब तक राज्य नी पायो,पर उ जंगल जनवर, साथ घडी भर, लिये राजाहोन को अधिकार पास.
REV 17:13 ये सब एक मन हुए,अरु वे अपनी अपनी सामर्थ्य अरु अधिकार उ जनवर, देस.
REV 17:14 वे मेडा से लडस अरु मेढो उनका पर जय पाये,क्युकि उ प्रभुहोन को प्रभु अरु राजाहोन को राजा हइ,अरु जो बुलाया हुया अरु चुन्या हुया अरु विश्वास हइ वे ओका साथ हइ. वे भी जय पाये.”
REV 17:15 फिर ओने मरा से बोल्यो, “जो पानी तो ने देख्यो जेका पर वेश्या बठी हइ,वे तो दुन्या अरु गर्दी अरु जातहोन अरु भाषाहोन हइ.
REV 17:16 जो दस संग तो ने देखा,वे अरु जनवर उ वेश्या से अरु ओका मास खइ जये,अरु ओखे अंगार मे जलय दिये.
REV 17:17 अपनो परमेश्वर ओको मन मे जब तक परमेश्वर, वचन पुरो नी हुये तब तक एक मन कोय खे अपनो अपनो राज्य जनवर खे दिह्ये.
REV 17:18 “वा बैय खे जेखे तोने देख्यो हइ,वाहा बडो नगर हइ जो पृथ्वी का राजाहोन पर राज्य करस हइ.”
REV 18:1 येका बाद मे ने एक अरु स्वर्गदूत को स्वर्ग से उतरते देख्यो, जेखे बडो अधिकार मीलीगो थो. अरु पृथ्वी ओको तेज से चमकी उठी.
REV 18:2 ओने उच्चो बोल से फुकारी खे बोल्यो,गिरी गयो,बडो बेबीलोन गिरि गयो हइ! वा बुरीआत्मा होन को नीवास,अरु हर एक अशुध्द आत्मा को अंडो,अरु हर एक अशुध्द अरु घृणित चिडी को अंडो हुइ गयो.
REV 18:3 क्युकि ओको व्यभिचार को भयानक मदिरा का कारण सब जात गिरि गयो हइ,अरु पृथ्वी का राजाहोन ने ओका साथ व्यभिचार कऱ्यो हइ,अरु पृथ्वी का बेपारी ओको सुख-विलास को भोताकय कारण धनवान हुयो हइ.
REV 18:4 फिर मे ने स्वर्ग से एक अरु बोल सुन्यो, हे मरा दुन्या ओमे से नीकली के आयो कि तुम ओका पाप मे हिस्सेदार नी हुये, अरु ओकि विपत्तिहोन मे से कोय भी तु पर नी पड्यो.
REV 18:5 क्युकि ओको पाप को ढिग स्वर्ग तक पहुची गयो हइ, अरु ओको अधर्म परमेश्वर का स्मरण आयो हइ.
REV 18:6 जसो ओने तोके दियो हइ असो ही ओका दे, अरु ओका काम का जसो उ डबल बदली दे. जेके कटोर मे ओने भरी दियो थो ओमे ओका लिये डबल भरी दे.
REV 18:7 जतनी ओने अपनी बडाइ कऱ्यो अरु सुख विलास कऱ्यो, येतनो ओका दुख अरु शोक दे. क्युकी वा अपनो मन मे बोलस हइ, मी रानी हुइ बठी हइ विधवा नी. अरु शोक मे कभी नी गिऱ्यु.
REV 18:8 येका कारन एक हि दिन मे उ पर विपत्तिहोन अय गिरे, अगर मरनो, अरु भस्म करी दियो जास, क्युकी ओको न्यायी प्रभु परमेश्वर शक्तिमान हइ.
REV 18:9 पृथ्वी को राजो जेने ओका साथ व्यभिचार अरु दुख-विलास कऱ्यो,जब ओको जलन को धुवो देख्यो, ते ओका लिये रोस अरु छाती पीटस.
REV 18:10 ओका दुख डर मार बडि दुर खडो हुइ बोलस, “हे बडो नगर ,बेबीलोन! हे द्दढ नगर खे हाय हाय! घडि भर मे हि तोखे दण्ड मीलि गो हइ.”
REV 18:11 पृथ्वी को बेपारी ओका लिये रोस अरु कलपलाह्ये, क्युकी अब उनकी चिज कोय मोल नी लिह्ये.
REV 18:12 अगर सोना, चांदी, रत्न का मोति, अरु मलमल, अरु बैजनी, रेशमी,अरु लाल रंग, कपडा,अरु हर प्रकार को सुगन्धित, अरु हत्ती को दात को हर प्रकार को सामन अरु खुप किमती अरु पीतल अरु लोहो अरु संगमरस को सब भाति को सामन,
REV 18:13 अरु दालचीनी काम सालो, धूप, अत्रर, लोबानकाम दिरा, तेल का मैदा, गहु, गाय बैल का मुडा बकरीहोन, घोडो, रथ, अरु चेलो, अरु इन्सान, आंग, मन.
REV 18:14 अब तरो मन भावने फल तरा पास से जाते ऱ्हेस,अरु सुख दुख अरु वैभव की सामन तरा से दुर हुयो हइ,अरु वे फिर कदापि नी मीलस.
REV 18:15 येका सामनहोन को बेपारी जो ओका वजेसे धनवान हुइ गय था,ओकि पीडा, डर, मारी दियु खडो हुए, अरु रोस अरु विलाप हुयो बोलस.
REV 18:16 “हाय हाय यो बडो नगर जो मलमल, अरु बैजनी अरु लाल रंग का कपडा पेन्यो थो,अरु सोनो अरु मोतिहोन से सजायो थो.
REV 18:17 घडी भर मे ही ओका असो भरी धन खतम हुइ गयो.हर एक माझी अरु” यात्री अरु मल्लाह, अरु जतनो समुदर से कमास हइ सब दुर खडो हुयो,
REV 18:18 अरु ओको जलन को धुवो देख्यो हुयो फुरीखे बोलस, “कोन सो नगर येका बडो नगर, सामने हइ.”
REV 18:19 अरु अपना अपना माथा पर धुलो डालस, अरु रोतो हुयो “अरु विलाप करते हुयो चिल्ले चिल्लय खे बोलस हाय हाय यो बडो नगर जेकी सम्पति का वजेसे समुदर का सब डोंगा आला धनी हुइ गा था, घडि भर मे ही उजडी गयो.”
REV 18:20 हे स्वर्ग, अरु हे पवित्र दुन्या, अरु प्रेरित, अरु भविष्यव्दक्ताहोन, ओका पर आनन्द कर, क्युकि परमेश्वर ने न्याय करीखे ओकासे तुमारो बदलो लियो हइ!
REV 18:21 फिर एक बलवन्त स्वर्गदूत ने बडी चक्की, पाट, सामने एक पत्थर उठायो, अरु यो बोलिखे समुदर मे फेकी दियो, बडो नगर बाबेल असा य बडा बल से गिरायो जाह्ये अरु फिर कभी ओको पतो नी चल्यो.
REV 18:22 वीणा बजानवाला, अरु गायक, अरु बंसी बजानवाला, अरु पिपडी फुकनवाला, अरु कोइ बोल फिर कभी तरा मे सुनायो नी दे अरु कऱ्यो उघम को कोय भी, “रागीर भी फिर कभी तरा मे नी मीलस अरु चक्की, चलन को बोल फिर कभी तरा मे सुनायो नी दे.
REV 18:23 अरु दिवा को उजालो फिर कभी तरा मे नी चमकस अरु दुलो अरु दुलिन को बोल फिर कभी तरा मे सुनइ नी देनकी; क्युकी तरा बेपारी पृथ्वी, प्रधान था, अरु तरा तोटा से सब जातहोन भरमइ गइ थी.”
REV 18:24 भविष्यव्दक्ताहोन अरु पवित्र दुन्याहोन, अरु पृथ्वी पर सब घात कऱ्यो हुया को खुन ओमे मे मीली गयो.
REV 19:1 येका बाद मे ने स्वर्ग मे आनो बडी गर्दी खे उच्ची आवाज से यो बोलते सुन्यो, “हल्लिलुयाह! उध्दार अरु महिमा अरु सामर्थ्य हमारो परमेश्वर ही कि हइ.
REV 19:2 क्युकि वोने नीर्णय बरोबर अरु ठीक हइ.वोने वा टेम वेश्या को, जो अपनो व्यभिचार से जमीन खे भ्रष्ट करती थी, न्याय कर्‍यो अरु ओकासे अपनो सेवक खुन खे पलटयो लीयो हइ.”
REV 19:3 फिर दुसरी बार वुनने बोल्यो परमेश्वर कि स्तुती हुये “वोका जलना को धुवो पिडमपिडि से रुखस हइ!”
REV 19:4 तब चौबीसी सौ बापदादा अरु चार जनवरहोन ने गिरीखे परमेश्वर खे कर्यो, जो राजगद्दी पर बठ्यो थो. अरु बोल्यो, “आमीन, परमेश्वर कि स्तुती हुये!”
REV 19:5 तब राजगद्दी मे से एक आवाज नीकल्यो, “हे हमारो परमेश्वर से सब डरनवालो सेवक छोटो खे बडो. तुम सब वोकि स्तुती कर.”
REV 19:6 फिर मे ने बडी गर्दी को जसो अरु खुप पानी को जसो आवाज, अरु गरझनो का जसो बडो आवाज सुन्हे “हाल्लेलूयाह! क्युकि प्रभु हमारो परमेश्वर को सर्वशक्तिमान राज करस हइ,
REV 19:7 ओका हम खुशी अरु मगन हुये खे अरु वोकि स्तुती कर्‍हे क्युकि मेढो को भ्याव अय पहुच्यो हइ, अरु वोकि दुलीन ने अपना आप खे तैयारी करी ली हइ.
REV 19:8 वोखे अच्छो अरु उजरो चमकदार महीन मलमल पेनन को अधी दियो गयो” क्युकि वु महीन मलमल को अर्थ पवित्र दुन्या को धर्म को काम हइ.
REV 19:9 तब परमेश्वर से स्वर्गदूत ने मरा से बोल्यो, “यो लिख्यो कि धन्य हइ, जो मेडा को भ्याव का खाना मे बुलायोस हइ.”
REV 19:10 तब मी वोखे दण्डवत करण का वासते वोका पाय पर गिरी गयो वोने मरा से बोल्यो, देख असो मत कर्‍हे, “मी तरा अरु तरो भैइय को जसो सेवक हय जो यीशु कि गवय देना पर रुख्यास हइ. परमेश्वर खे प्रनाम कर्‍हे.” क्युकि यीशु की “गवय भविष्यवाणी की आत्मा हइ.”
REV 19:11 फिर मे ने स्वर्ग खुल्लो हुयो देख्यो का अरु देखुस हय कि एक उजरो घोडो हइ. अरु वोका पर एक सवार हइ, जो विश्वासयोग्य अरु सच्ची बोल्यो जास हइ. अरु व्हा न्यायीपन का साथ न्याय अरु वाद विवाद करस हइ.
REV 19:12 वोको आख अंगार कि आच हइ अरु वोका माथा पर खुप से राजमुकुट हइ. वोका पर एक नाम लिख्यो हइ, जेने वोखे छोड्यो अरु कोय नी समजे.
REV 19:13 व्हा खुन मे डुबायो हुया कपडा पेन्यास हइ, अरु वोको नाम परमेश्वर को बात हइ.
REV 19:14 स्वर्ग की सेना उजरो घोडा पर सवार अरु उजरो अच्छो मलमल पेन्या हुयो वोका पीछे पीछे था.
REV 19:15 जात जात खे मारन का वासते वोने एक चोख्खी तलवार नीकलस हइ. व्हा लोखनड को राजदण्ड का वासते हुयो वे पर राज कर्ह्ये का अरु सर्वशक्तिमान परमेश्वर को भयानक प्रकोप की पाणी की मदिरा को गडो मे अंगुर रोद्ये.
REV 19:16 वोने कपडा झाग पर यो नाम लिख्योस हइ “राजाको राजो अरु प्रभु को प्रभु.”
REV 19:17 फिर मे ने एक स्वर्गदूत को सुरज पर खडो हुयो देख्य.वोने बडो आवाज से पुकार्‍यो बद्दल का बिच मे से उडनआला सब चिडी होन से बोल्यो आओ, परमेश्वर को बडो खाना का वासते जमा हुया,
REV 19:18 जेक से तु राजा को मास अरु सरदार को मास अरु शक्तिमान इन्सान को मास, अरु घोडा को अरु वुनको सवार को मास को “अरु का स्वतंत्रता का सेवक का छोटो का बडो सब दुन्या को मास खा.”
REV 19:19 फिर मेने वु जनवर, अरु जमीन को राजाहोन अरु वोकि सेनाहोन खे वु घोडा खे सवार अरु वोकि सेना से झगडन का वासते जमा देख्यो.
REV 19:20 व्हा जनवर, अरु वोका सात झुटी भविष्यव्दक्ता पकडय गयो जेने वोका सामने असो चिन्ह को दिखायो थो जेका वजेसे वोने वोखे भरमायो जिनका पर वा जनवर कि छाय थी अरु जो वोकि मेर्ति कि पुजा करतो थो. यो दो जिते जी वा अंगार कि नंद्दी मे, जो गन्धक से जलस हइ, डाल्हे गयो.
REV 19:21 बाकि का सैनीक वु घोडो को सवार की तलवार से जो वोको मुडा से नीकलती थी, मारी डाल्यो गया. अरु सब चिडी वोको मास से तृप्त हुय गयो.
REV 20:1 फिर मे ने एक स्वर्गदूत खे स्वर्ग से उतरते देख्यो, जेका हात मे अथाह-गड्डा कि कुंजी अरु एक बडी साकल थी.
REV 20:2 वोने वु अजिगर, अगर जुन्नो साप खे जो इब्लीस अरु सैतान हइ, पकडी खे हजार बरस का वासते बाधी दियो,
REV 20:3 अरु वोने अथाह-गड्डा मे डालीखे बंद करी दियो अरु वोका पर सिक्का को लगय दियो कि व्हा हजार बरस खे पुरो होना तक जात जात, दुन्या खे फिर नी भरमायो. येका बाद जरुरती हइ कि व्‍हा थोडा देर का वासते फिर खोल्यो जाह्ये.
REV 20:4 फिर मे ने राजगद्दी देख्ये अरु नी वो, पर दुन्या बठी गया, अरु वुनको न्याय करण को अधिकार दियो गयो. मे ने वुनकी आत्माहोन खे भी देख्यो जे, माथा यीशु मसीह की गवय देन अरु परमेश्वर को वचन को करन काट्यो गयो थो, अरु जिनने नी वे जनवर होन कि अरु नी वोकि मूर्ति की पूजा करी थी, अरु नी वोको सिक्का को अपनो माथो अरु हात पर ली थी वे जिन्दो हुय खे मसीहा का हजार बरस तक राज करते र्‍हिया.
REV 20:5 जब तक हजार बरस पुरा नी होय जब तक शेष मर्‍यो नी जिन्दो हुयो. यो ते पयलो डबल जन्म हइ.
REV 20:6 धन्य अरु पवित्र हइ, जो या पयलो पुनरुत्थान को भागी हइ. असा पर दुसरो मरना का थोडा भी अधिकार नी, पन वे परमेश्वर अरु को मसीह याजक हुये अरु वोका हात हजार बरस तक राज कर्‍हे.
REV 20:7 जब हजार बरस पुरा हुइ गा ते सैतान बन्दीगृह से छोडी दियो जाह्ये.
REV 20:8 सैतान जातहोन खे जो जमीन का चारी तरप हुये खे अगर गोग अरु मागोग खे जेकी गिनती नंद्दी की रेती का बराबर हुये अरु भरमाखे लडय का वासते जमा करण खे नीकल्या.
REV 20:9 वे सब जमीन पर फैली खे पवित्र दुन्या छाय अरु लाडेलो नगर खे घेरी लीह्ये. अरु अंगार स्वर्ग से उतरी खे उन खे खत्म करी दिह्ये.
REV 20:10 वो को भरमानवालो सैतान अंगार अरु गन्धक की वु नाला मे जेमे वु जनवर अरु झुटो भविष्यव्दक्ता भी हुये डाली दिह्ये जाह्ये. अरु वे रात दिन पिडमपिडि से दुख मे तडपते र्‍हिये.
REV 20:11 फिर मेने एक बडो उजरी राजगद्दी अरु वोखे जो वोका पर बठ्यो हइ, देख्यो वोका सामने से जमीन अरु बद्दल भागी गया, अरु वुनका वासते जगा नी मीली.
REV 20:12 फिर मे ने छोटो बडा सब मर्‍या हुया खे राजगद्दी का सामने खडो हुयो देख्ये का अरु किताब खोली गय. अरु फिर एक अरु जसो वे किताब मे लिख्यो हुयो थो, वोसो य वुनको काम का जसो मऱ्यो हुयो को न्याय कर्‍यो गयो.
REV 20:13 नद्दी ने वोमे मर्‍यो खे जो वोमे थो दि दियो, अरु मरनो अरु अधोलोक ने वे मर्‍या हुयो खे काम का जसो वुन सब को न्याय कर्‍यो गयो.
REV 20:14 मृत्यु अधोलोक अंगार को नाला मे डाल्यो गयो. यो अंगार की नालो दुसरी मरनो हइ.
REV 20:15 अरु जो कोय, नाम जिवन की किताब मे लिख्यो हुयो नी मील्यो, व्हा अंगार का नाला मे डाल्यो गयो.
REV 21:1 फिर मे ने नवो बद्दल अरु नवी जमीन खे देख, क्युकि पयलो बद्दल अरु पयली जमीन जाते र्‍हेती थी, अरु समुद्र भी नी र्‍ही.
REV 21:2 फिर मेने पवित्र नगर को नवो येरुशलेम खे स्वर्ग से परमेश्वर पास से उतरते देख्यो.व्हा वा दुलीन का सामे थी जो अपनो अदमी का वासते सिंगरी गय हुये.
REV 21:3 फिर मे ने राजगद्दी मे से कोय खे जोरसे बोल्यो से यो बोलते हुयो सुन्यो, “देख्यो परमेश्वर को डेरो इन्सान का बिच मे हइ.व्हा वुनका सात डेरो कर्‍हे, अरु वे वोक दुन्या हुये खे अरु परमेश्वर आप वुन, सात र्‍हिये अरु वुनको परमेश्वर हुये.
REV 21:4 व्हा वुनकी आख से सब आसु पोछी डाल्हे. अरु येका बाद मरन को नी र्‍हियेका अरु नी शोक नी विलाप को नी पीडा र्‍हिये पयली बात जाती र्‍हेस.”
REV 21:5 जो राजगद्दी पर बठ्यो थो, वोने बोल्यो, “देख, मी सब कुछ नवो करी दियो हय.” फिर वोने बोल्यो, “लिखी ले, क्युकि यो वचन विश्वास का योग्य अरु सच्ची हइ.”
REV 21:6 फिर वोने मरा से बोल्यो, “या बात पुरी हुय गी हइ. मी अल्फा अरु ओनेगा, पैयले अरु आखरी हय.मी प्यासा खे जीवन को पाणी को पाजर मे से सेंत-मेत पिलाह्यु.
REV 21:7 जो जय पाह्ये उ या जिनुसहोन को वारीस हुये खे अरु मी वोको परमेश्वर हुये अरु व्हा मरो बच्चा हुये.
REV 21:8 पन डरफोक ,अरु अविश्वासीहोन,अरु घिनौनो, अरु हत्यारो, अरु व्यभिचारिहोन, अरु टोन्हों, अरु मूर्तिपूजक खे ,अरु सब झूटी को भाग वु नाला मे मील्हे जो अंगार अरु गन्धक से जलती र्‍हेस हइ या दूसरो मरनो हइ.”
REV 21:9 फिर जो सात स्वर्गदूतहोन, पास सात आखरी विपत्तिहोन से भर्‍यो सात कटोरा था,वोमे से एक मरा पास आयो, अरु मरा सात बात करीखे बोल्यो, “इदर अकमानी तोखे दुलीन अगर मुडाकि बायको दिखाह्यु.”
REV 21:10 तब व्हा मेखे आत्मा मे एक बडो अरु उच्चो टेकडो पर ले गयो, अरु पवित्र नगर येरुशलेम खे स्वर्ग से परमेश्वर, पास से वुतरते दिखानो.
REV 21:11 परमेश्वर की महिमा वोमे थी, अरु वोकि उजालो खुप ही खुप किमती गोटो, अगर बगडी का जसो यशब का जसो अच्छोय थो.
REV 21:12 वोकि नगर पनाह बडी उच्ची थी,अरु वोकि बारा फाटक अरु फाटकहोन पर बारा स्वर्गदूत था अरु वे फाटक पर उत्तर, तरप तीन इस्राएलिहोन का बारा गोत को नाम लिख्यो थो.
REV 21:13 पुरब का तरप तीन फाटक, अरु उत्तर दिशा, तरप तीन फाटक, अरु तीन फाटक दक्षिण, तरप फाटक, अरु पश्चिम का तरप तीन फाटक थो.
REV 21:14 यो नगर की शहरपनाह की बारा पय्या था, अरु मुडाको बारा प्रेरितहोन का बारा नाम लीख्यो थो.
REV 21:15 जो मरा सात बात करते र्‍हेतो थो वोका पास नगर अरु फाटक अरु वोकी शहरपनाह खे मोजन का वासते एक सोन्ना को जगत थो.
REV 21:16 व्हा नगर वर्गाकार बठ्यो थो अरु वोकि लंबडोय च्चौवडा का बराबर थो. अरु वोने वु जगत से नगर खे मोज्यो ते साढे सात सौ कोस को नीकल्यो वोकि लंबय अरु च्चौडोय अरु उच्चो बराबर थो.
REV 21:17 वोने वोकि शहर पनाह खे इन्सान, अगर स्वर्गदूत को माप से मोज्यो ते एक सौ चौरेचालीस हात नीकल्यो.
REV 21:18 वोकि शहरपनाह यशब की बनी थी, अरु नगर असो हइ अच्छो सोन्ना को थो जो अच्छी काच का जसी हुये.
REV 21:19 वु नगर की पय्यो हर रंगेरंग की खुप किमती गोटो से सजायो हुयो थो. पयलो पय्यो यशब कि, दुसरी नीलमणी कि तीसरी लालडी कि चौथी मकरत की,
REV 21:20 पाचवो गोमेदक कि छे माणिक्यकी सातवी पीतमनी की, आठवी पेरोज की, नव्वी पुखराज की, दसवी लहसनिए की, ग्यारावी धूम्रकान्त, तरप बारावी याकुत की थी.
REV 21:21 बारा फाटक बारा मोती का था एक एक फाटक एक एक मोती को बनायो थो नगर की सडक अच्छी काच का जसी चोखी सोन्ना कि थी.
REV 21:22 मे ने वोमे कोय मन्‍दिर नी देखी, क्युकि सर्वशक्तिमान प्रभु परमेश्वर अरु मेढो वोकि मंदीर हइ.
REV 21:23 वु नगर मे सुरज अरु चाद का उजार की जरुरत नी. क्युकि परमेश्वर को तेज से उजार हुय र्‍हीस हइ, अरु मेढो वोको दिव्वो हइ.
REV 21:24 जात जात, दुन्या वोकि प्रकाशन मे चलते फिरते, अरु जमीन को राजो अपनो अपनो तेज का जसो वोमे लग्यो.
REV 21:25 नगर कि फाटक दिन मे कभी बंन्द नी हुये खे अरु रात व्हा नी हुये.
REV 21:26 दुन्या जात जात को तेज अरु वैभव को जसो वोमे लाह्ये.
REV 21:27 पन वोमे कोय अपवित्र चिजहोन बुरा काम करणवालो, या झुटी को गाडनआलो कोय रीति से घुस्सा नी कर्‍यो, पन नी करण को पन फक्त वे दुन्या जेको नाम मुडाको जिवन की किताब मे लिख्यो हइ.
REV 22:1 फिर वोने मेखे बगडी का जसी झलकन हुयो, जान को पाणी कि नंद्दी दिखानो, जो परमेश्वर अरु मेडा खे राजगद्दी से नीकलीखे
REV 22:2 वा नगर कि सडक, बिचो बिच बोहाती थी. नद्दी का यो पार अरु वा पार जान को झाड थो. वोमे बोहय खे रेगेरंग को फल लगतो थो, अरु व्ह हर महीना मे फल आतो थो. अरु वु झाड को पत्ता से जात जात, दुन्या अच्छा होता था.
REV 22:3 फिर श्राप नी हुये खे अरु परमेश्वर वोको मुडा का सिंहासन वोकि सेवक कर्‍हे.
REV 22:4 वे वोका मुडो देख्ये अरु वो को नाम वोका माथा पर लिख्यो हुयो हुये.
REV 22:5 फिर रात नी होनकी, अरु वुन खे दिव्वो अरु सुरज को उजाला की जरुरत नी हुये खे क्युकि प्रभु परमेश्वर वुन खे उजाला दिह्येका अरु वे पिडमपिडि से राज कर्‍ह्ये.
REV 22:6 फिर वोने मरा से बोल्यो, “या बात विश्वास का योग्य अरु सच्ची हइ प्रभु ने, जो भविष्यव्दक्ताहोन आत्माहोन को परमेश्वर हइ, अपनो स्वर्गदूत खे येका वासते भेज्यो कि अपनो सेवक खे वे बात, जिनको झल्दी पुरो होनो जरुरती हइ,दिखाये.”
REV 22:7 “देख मी” झल्दी. “आनवालो हय! धन्य हइ उ, जो यो किताब कि भविष्यवाणी की बात मानस हइ!”
REV 22:8 मी उ यहून्ना हय, जो या बात सुन्ह्ये अरु देखतो थो. जब मे ने सुन्यो अरु देख्यो, ते जो स्वर्गदूत मेखे या बात दिखातो थो, अरु मी वोको पाय पर दण्डवत करण का वासते गिरी गयो.
REV 22:9 पर वोने मेखे बोल्यो, “देख, असो मत कर्‍हे. क्युकि मी तरो अरु तरो भैइय भविष्यव्दक्ताहोन, अरु या किताब कि बात माननवाला, संग सेवक हय. परमेश्वर ही खे दण्डवत कर.”
REV 22:10 फिर वोने मरासे बोल्यो, “या किताब कि भविष्यवाणी कि बात मोगम मत कर्‍हे. क्युकि टेम नजीक हइ.
REV 22:11 जो अन्याय करस हइ उ अन्याय ही करतो र्‍हियो. अरु जो मीलनो हइ, व्हा मीलनो र्‍हिये. अरु जो धर्मी हइ व्हा मीलनो बन्यो र्‍हिये. अरु जो धर्मी बन्यो र्‍हियो. अरु जो पवित्र हइ.व्हा पवित्र बन्यो र्‍हिये.”
REV 22:12 यीशु ने बोल्यो, “देख मी” झल्दी. आनवालो हय. “अरु हर” एक को काम का जसो बदलो देन का वासते प्रतीफल मरा पास हइ.
REV 22:13 मी अल्फा अरु ओनेगा पयलो अरु आखरी, पयलो अरु खत्म हुयो.
REV 22:14 धन्य वे हइ का जो अपना कपडा धोय लेस हइ, क्युकि वोखे जिवन को झाड का पास आन नको अधिकार मील्हे का अरु वे फाटक से हुय खे नगर मे घुसी गो.
REV 22:15 पर कुत्तो, अरु टोन्नो, अरु व्यभिचारी, अरु हत्यारो अरु मूर्तिपूजक अरु हर एक झूठ खे प्रेम करस आलो अरु गाडनआलो बाहेर र्‍हिगो.
REV 22:16 “मी यीशु ने अपनो स्वर्गदूत खे येका वासते भेज्यो कि तुम्हारा आगे मंडलीहोन का बारे मे या बात कि गवइ देस मी दाउद को किमती अरु कुल,अरु फजर को चमकते हुयो तारो हय.”
REV 22:17 आत्मा अरु दुलीन दो बोलस हइ, “आ” अरु सुनन आलो भी बोल्ह्ये का “आ” जो प्यासो हुये व्हा आयो, अरु जो कोय चाह्ये व्हा जिवन को पाणि सेत मेत ली.
REV 22:18 मी हर एक खे, जो या किताब की भविष्यवाणी की बात सुनतो हइ,गवइ देतो हय अगर कोय इन्सान या बात मे कुछ बडह्ये ते परमेश्वर वे विपत्तिहोन खे,जो या किताब मी लिखी हइ, वोका पर बडाह्ये.
REV 22:19 अगर कोय या भविष्यवाणी कि किताब मे से कुछ नीकली दिह्येका ते परमेश्वर वा जिवन को झाड अरु पवित्र नगर मे से, जेको वर्णन या किताब मे हइ, वोको भाग नी काली दिह्ये.
REV 22:20 जो या बात कि गवइ देस हइ व्हा यो बोलस हइ, “हा, मी झल्दी आनवालो हय.” आमीन. हे प्रभु यीशु आ!
REV 22:21 प्रभु यीशु को अनुग्रह परमेश्वर का दुन्याहोन का सात र्‍हिये, आमीन.
