﻿Isayaasa.
12.
He wode hinte haysada yaagidi yexana. “Godaw, neeni ta bolla hanqetadasa; shin ha77i ne hanquwafe simmadasa. Tana minthethadasa; hessa gisho, taani nena galatayis. 
Xoossay ta atotetha; taani iyan ammanetayis, yayike. Goday Xoossay, ta wolqaanne yethaa; I ta atotetha” yaagana. 
Atotetha pultuwafe hinte haathe ufaysan duuqana. 
He gallas hinte yaagidi yexana: “Godaa galatite! Iya sunthaa xeegite. Iya oosota kawotethata ubbaas odite; I gita gideysa awaajite. 
Goday gita ooso oothida gisho, iyaw yexite; haysi sa7a ubban ereto. 
Isra7eele Geeshshay hinte giddon gita gidiya gisho, Xiyoone asaw, ililite, ufaysan yexite!” yaagana. 
