﻿Mazmure.
149.
Godaa galatite! Godaas ooratha yethi yexite! xillota shiiquwan iya sabbite! 
Isra7eeley bantana medhidaysan ufayto; Xiyooney banta kawan hashshu go. 
Durishe, karaabo baqishe, diithi diixishe iya sunthaa sabbo. 
Goday ba asan ufaytees; aadatas xoono immidi enta bonchees. 
Ne asay banta xoonuwan ufayto; qamma kumethi ufaysan yexo. 
Enta doonan Xoossaa galatay, enta kushiyan nam7u bagga qara mashshi de7o. 
Hessan enti kawotethata bolla halo keyana; asaa seerana. 
Enta kawota santhalaatan, enta moorinnata biratan qachana. 
Enta bolla xaafetida pirdaa polana; Hessi Xoossaa asata ubbaas xoono. Godaa galatite! 
