﻿Mazmure.
136.
Godaa galatite! 
Xoossata Xoossaa galatite! 
Godata Godaa galatite! 
Iya xalaali gita malaalsiyaba oothees; 
Ba cincatethan salota medhis; 
Haatha bolla biitta miccis; 
Gita poo7ota medhis; iya siiqoy merinaasa. 
Awi gallas haarana mela oothis; 
Ageeninne xoolintoti qamma haarana mela oothis; 
Gibxe biittan bayrata wodhis; 
Isra7eele asaa Gibxefe kaalethidi kessis; 
Ba mino kushiyan, ba wolqaama qesiyan haysa oothis; 
Zo7o Abbaa shaakis; 
Isra7eele asaa he abba giddora pinthis; 
Gibxe kawanne iya olanchota Zo7o Abban muukisis; 
I ba asaa mela biittara kaalethis; 
Gita kawota shocis; 
Wolqaama kawota wodhis; 
Amoore kawa Sihoona wodhis; 
Baasane kawa Ooge wodhis; 
Enta biitta ba asaa laatisis; 
Ba aylliya Isra7eele laatisis; 
Nu kawuyida wode nuna qopis; 
Nuna nu morketape ashshis; 
Medhetetha ubbaas kathi immees; 
Salo Xoossaa galatite! 
