﻿Mazmure.
75.
Asaafi zammaareta Halaqaas, “Dhaysofa” Geetetiya Diitha Cuudhethan Yexida Mazmure. Abeeti Xoossaw, new galata immoos; ne sunthay mata gidiya gisho nena galatoos; asay ne malaalsiya oosuwa odoosona. 
Xoossay haysada yaagees; “Taani pirda immiya wode dooras; suure pirdey tana. 
Biittaynne iyan de7iya ubbay qaaxikoka, iya tuussaa mintha essey tana. Salaha 
Taani otoranchota, ‘Otortofite’; iitata, ‘Hinte kaciya bessofite.’ 
‘Hinte kaciya salo denthofite; qoodhe qaathidi haasayopite’ ” yaagana. 
Bonchoy dolohape woyko wulohape woyko mela biittafe yeenna. 
Shin suure pirdey Xoossaa; I issuwa bolla pirdees; hankuwa shatinthees. 
Xoossaa kushen issi wanci de7ees; he wancay Xoossaa hanqo woyne ushshan kumidi uttis. I he ushshafe tigin, sa7an de7iya iita asati hessa uyana; enti orcuwa ashshona xiiphidi uyana. 
Shin taani Yayqooba Xoossaaba odana; iya merinaw sabbana. 
I, iita asata kaciya menthana; shin xillota kacey dhoqu dhoqu gaana. 
