﻿Mazmure.
63.
Yihuda Mela Biittan De7iya Wode Dawita Mazmure. Abeeti Xoossaw, ne ta Xoossaa; ta wozanay nena laamotees; ta ashoyka nena amottees. Haathi dhayidi phalqetida biittada, ta asatethay nena saamotees. 
Ta nena geeshsha bessan xeellas; ne wolqaanne ne bonchuwa taani be7as. 
Ne siiqoy de7ope lo77iya gisho, ta inxarsay nena bonchana. 
Ta de7o laythan nena galatana; ne sunthan ta kushiya pude miccana. 
Asi lo77o kathi midi kalleysada ta nenan kallana. Taani ta inxarsan ufaysa yethan nena galatana. 
Taani ta hiixan nena hassayayis; qamma kumethan nebaa qopayis; 
Ne tana maaddiya gisho, Ta ne qefiya kuyan uttada ufaysan yexana. 
Ta shempiya neera oyketasu; ne ushacha kushey tana oykidi naagees. 
Shin tana wodhanaw koyeysati, biitta garsan moogetana. 
Enti mashshas aadhidi imetana; enti suudhumes kaho gidana. 
Shin kawoy Xoossan ufaytana. Xoossaa sunthan caaqiya ubbay iya galatana; shin wordanchota doonay gordetana. 
