﻿Mazmure.
3.
Dawiti ba na7a Abeseloomepe baqatida wode xaafida mazmure Abeeti Godaw, ta morketi ay mela daridona! Ta bolla dendeysati aapune! 
Daroti, “Xoossay iya ashshena” yaagidi, tabaa haasayoosona. Salah 
Shin abeeti Godaw, ne taw gondalle; ta bonchoynne tana dhoqu oothey nena. 
Ta qaala dhoqu oothada Godaako waassayis. I ba geeshsha zumaape taw zaarees. Salah 
Goday tana naagiya gisho, ta zin7asinne dhiskas hirgi bayna barkas. 
Ubba bessara ta bolla dendida, daro mukulu asaas yayyike. 
Abeeti Godaw, denda! Abeeti ta Xoossaw tana ashsha! Ta morketa gacuwa shoca; iitata acha mentha. 
Xoonoy Godaasa; Godaw, neeni ne asaa anja. Salah 
