﻿ሶሎሞነ.
7.
ካዎ ናአዳ ሎእያረ፥ ላፃና ጫማ አꬅዳ ነ ቶሆት ዋን ሎእ! ነ ሼቸይ ሂላንቾይ ቆፅድ፥ አሌቅስዳ አልኦ ሹቹ ዳኔስ። 
ነ ጉልአይ ዎይነይ ኩምዳ ብርለ ዳኔስ፤ ነ ፄሳ ዩሾይ ጪሻን ቃሸትዳ ግስተ ምርቀ ዳኔስ። 
ነ ꬋንꬃት መንተ የለትዳ፥ ገንኤ ማር ዳኖሶና። 
ነ ቆይ ዳንጋርሳ ዛለን አሌቀትዳ አዱሳ ሻኮ መላ። ነ አይፈይ ግታ ሀሰቦና ካታማ ፐንግያ ማታን፥ ደእያ ዜሮ ሃꬃ ዳኔስ። ነ ሲይ ዳማስቆኮ ዛሪድ ግምብዳ፥ ልባኖሰ ግምብያ ዳኔስ። 
ነ ሁጰይ ቃርመሎሳ ዙማ ዳኔስ፤ ነ ብናናይ ቃጭና ፃꬅ ዳኔስ፤ ነ ሁጵያ ዳꬃይ ካዋ ኡፋይሴስ። 
ታ ሲቀ፥ ነ ዋና ሎአይ! ነ ዋንዳ የገልሰ! ነ ሲቆይ ታና ዋን ኡፋይስ! 
ነ ጌሳይ ዛምባ ዳኔስ፤ ነ ꬋንꬃይ ዛምባ ሞርኤ ዳኔስ። 
ታኒ፥ “ዛምባ ቦላ ከያና፤ እያ አይፍያ ማፃና” ያጋስ። ነ ꬋንꬃይ ዎይነ ሞርኤ መላ፤ ነ ሲꬍያራ ከያ ፔኖይ አፕለዳ ሳዌስ። 
ነ ዶናፐ ከይያ ፔኖይ ሎኦ ዎይነ መላ። ህዛ ሎእያ ዎይነ ኡሻይ፥ ነ ሲቀ መተርሻፈነ አቻፈ ግዶራ፥ ለፕ ግድ ጎጎ። 
ታኒ ታ ሲቁዋባ፤ እካ ታና አሞቴስ። 
ታ ሲቁዋዉ፥ ሃያ፤ ካታማፐ ከይድ ጋፃረ ቦስ፤ ናምአይ ቃማ ያን አꬃና። 
ዎንታ ጉራ ዎይነ አታክልትያ ግዶ ቦስ፤ ዎይነይ ጪይዳኮ፥ አይፈ አꬅዳኮ፥ ኦሮማነይ አይፍዳኮ አነ በኦስ። ታኒ ታ ሲቁዋ ነና ያን በሳና። 
እንኮየ አይፈ ሳዎይነ ዱማ ዱማ ኡፋይስያ አታክልተ አይፈይ ኑ ካረን ኩምስ። ታ ሲቁዋዉ! ሀ አይፈታፐ ቴርዳይሳነ ኦራꬅ ማፅዳይሳ ነዉ ዎꬃስ። 
