﻿ሌምሶ.
9.
ጭንጫተꬅ ባ ኬꬃ ኬፃሱ፤ ላፑን ቱሳታ ባ ኬꬃስ ኤሳሱ። 
እያ ባ ጊግስያ ግብራስ ሞꬎ መሄ ሹካሱ፤ ዎይነ አጋሱ፤ ጋይታ አሳ ስን አꬃሱ። 
አሳ ፄጋናዉ ባ አይለታ ኪታሱ፤ ኦሳንቾት ካታማ ꬎቃ በሳን ኤቅድ፥ 
ህንተኖ፥ ኤር ፓጭዳይሳቶ ሃ ገልተ! ኤያታኮ ሀይሳዳ ያጋሱ። 
“ሃ ዪተ፤ ታ ካꬃ ሚተ፤ ታ አግዳ ዎይንያ ኡይተ። 
ህንተ ኤያተꬅ አግድ ደኦን ደእተ፤ አኬክድ ሄመትተ” ያጋሱ። 
ቀልቅስያ ኡራ ሴርያ አስ ጫሸ ኤኬስ፤ ኢታ ኡራ ዞርያ አስ ባዉ ቆሄቴስ። 
ቀልቅስያ ኡራ ዞሮፓ፤ እ ነና እፃና፤ ጭንጫ ኡራ ዞራ፤ እ ነና ዶሳና። 
ጭንጫተꬅ ኡራ ታማርሳ፤ እ ጭንጫ ግዳና፤ ፅሎ ኡራ ታማርሳ፤ እ ኤራ ጉጃና። 
ጎዳስ ያሽ ጭንጫተꬃስ ዶመꬅ፥ ጌሻ ጎዳ ኤሮይ አኬካ። 
ታ ጋሶን ነ ላይꬃይ ዳራና፤ ነ ደኦ ላይꬃይ አዱቃና። 
ነ ጭንጫ ግድኮ፥ ጎኤተይ ነና፤ ነ ቀልቅስያ አስ ግድኮ ነና ቆሃሳ። 
ኤያ ማጫስ ዋሶ ዳራዉሱ፤ እዉ ዬል ባዋ፤ እያ አይኮካ ኤሩኩ። 
እያ ባ ካረን ዎይኮ ካታማ ꬎቃ በሳን ኡታዉሱ። 
ባንታ ኦግያ ብያ አሳ ፄጋዳ፥ 
“ህንተኖ፥ ኤር ፓጭዳይሳቶ ታኮ ሃ ዪተ” ያጋሱ። ኤር ባይናይሳታኮ፥ 
“ካይስድ ኡያ ሃꬅ ማልኤስ፤ ጌማን ምያ ካꬅ ሎኤስ” ያጋሱ። 
ሽን ሀይቅዳ አሳይ ያን ደኤይሳ፥ እ እማꬃትካ ዱፎን ደኤይሳ እ ኤረና። 
