﻿ማዝሙረ.
143.
ዳዊታ ማዝሙረ ጎዳዉ፥ ታ ዎሳ ስአ፤ ማሮታ ደማናዉ ታ ዋሰይሳ ሀይዛ። ኔኒ ፅሎተꬃንነ ነ አማነተꬃን ታዉ ዛሮ እማ። 
ነ ስንꬃን ፅሎ አስ ባይና ግሾ ታና ነ አይልያ ፕርዳስ ሺሾፓ። 
ታና ታ ሞርከይ የደꬅድ፥ ትንቸረꬅድ ሳአን የግስ። በን ሀይቅዳ አሳዳ ታና ꬉማን ዎꬅስ። 
ሄሳ ግሾ ታኒ ሄታስ፤ ታ ዎዛናይካ ትልእስ። 
ታኒ በን ዎደታ ሀሳያይስ፤ ነ ኦꬅዳ ኦሶ ኡባ ቆፓይስ፤ ነ ኩሸ ኦሶ ኡባ አኬካይስ። 
ታኒ ታ ኩሽያ ኔኮ ምጫስ፤ መላ ቢት ሃ ኮየይሳዳ፥ ታ ሸምፖይ ነና ሳሞቴስ። ሳላሀ 
ጎዳዉ፥ ታ ዎዛናይ ሄትዳ ግሾ ታዉ ዛሮ እማናዉ ኤለሳ። ታኒ ዱፎን ገልያ አሳዳ ሀኖና መላ ነ ሶምኡዋ ታፐ ገንꬆፋ። 
ታኒ ነናን አማነትያ ግሾ፥ ዎንታ ዎንታ ነ ሲቁዋባ ታና በሳ። ታኒ ታ ሸምፑዋፈ ነና ዎስያ ግሾ፥ ታ ባና ኦግያ ታና በሳ። 
ጎዳዉ፥ ታኒ ነዉ ማጋንዳ ግሾ፥ ታ ሞርከታፐ ታና አሻ። 
ኔኒ ታ ፆሳ ግድያ ግሾ፥ ታ ነ ሸንያ ኦꬃና መላ ታና ታማርሳ፤ ነ ሎኦ አያናይ ሱረ ኦግያን ታና ካለꬆ። 
ጎዳዉ፥ ነ ሱንꬃ ግሾ ታና አሻ፤ ነ ፅሎተꬃን ታና መቶፐ ከሳ። 
ነ ሲቁዋን ታ ሞርከታ ዎꬋ፤ ታ ነ አይለ ግድያ ግሾ ታና ኡንኤይሳታ ኡባ ꬋይሳ። 
