﻿ማዝሙረ.
136.
ጎዳ ጋላትተ! 
ፆሳታ ፆሳ ጋላትተ! 
ጎዳታ ጎዳ ጋላትተ! 
እያ ፃላል ግታ ማላልስያባ ኦꬄስ፤ 
ባ ጭንጫተꬃን ሳሎታ መꬍስ፤ 
ሃꬃ ቦላ ቢታ ምጭስ፤ 
ግታ ፖኦታ መꬍስ፤ እያ ሲቆይ መርናሳ። 
አው ጋላስ ሃራና መላ ኦꬅስ፤ 
አጌንነ ፆልንቶት ቃማ ሃራና መላ ኦꬅስ፤ 
ግብፀ ቢታን ባይራታ ዎꬍስ፤ 
እስራኤለ አሳ ግብፀፈ ካለꬅድ ከስስ፤ 
ባ ምኖ ኩሽያን፥ ባ ዎልቃማ ቀስያን ሀይሳ ኦꬅስ፤ 
ዞኦ አባ ሻክስ፤ 
እስራኤለ አሳ ሄ አባ ግዶራ ፕንꬅስ፤ 
ግብፀ ካዋነ እያ ኦላንቾታ ዞኦ አባን ሙክስስ፤ 
እ ባ አሳ መላ ቢታራ ካለꬅስ፤ 
ግታ ካዎታ ሾጭስ፤ 
ዎልቃማ ካዎታ ዎꬍስ፤ 
አሞረ ካዋ ስሆና ዎꬍስ፤ 
ባሳነ ካዋ ኦገ ዎꬍስ፤ 
ኤንታ ቢታ ባ አሳ ላትስስ፤ 
ባ አይልያ እስራኤለ ላትስስ፤ 
ኑ ካዉይዳ ዎደ ኑና ቆፕስ፤ 
ኑና ኑ ሞርከታፐ አሽስ፤ 
መተꬃ ኡባስ ካꬅ እሜስ፤ 
ሳሎ ፆሳ ጋላትተ! 
