﻿ማዝሙረ.
111.
ጎዳ ጋላትተ፤ ሱረታ ሺቆን ታ ኩመꬃ ዎዛናን ጎዳ ጋላታና። 
ጎዳ ኦሶት አይ መላ ግተ! ኤንታን ኡፋይትያ ኡባይ ኤንታ ቆፔስ። 
እያ ኦሶት ቦንቾንነ ቴማን ኩምስ፤ እያ ፅሎተꬃይ መርናዉ ደኤስ። 
እያ ማላልስያ ኦሶይ ሀሳየትሸ ዳናዳ ኦꬅስ፤ እ ኬሀነ ቃትያ ጎዳ። 
ባዉ ያየይሳታስ ካꬅ እሜስ፤ ባ ጫቆ ቃላ መርናዉ ባለተና። 
አላጋታ ቢታ ባ አሳስ አꬅድ እምድ፥ ባ ግታ ዎልቃ ባ አሳ በስስ። 
እያ ኩሸ ኦሶት ቱማነ ሱረ፤ እያ ዎጋ ኡባይ አማነትዳይሳ። 
ኤንቲ መርናዉ ኤቅድ ደኦሶና፤ ቱማተꬃንነ ሱረተꬃን እመትዶሶና። 
እ ባ አሳ ዎዝስ፤ ጫቁዋ ኤንታራ መርናዉ ኤስስ፤ እያ ሱንꬃይ ጌሽነ ያሸይሳ። 
ጭንጫተꬃስ ኮይሮይ ጎዳስ ያሽ፤ እያ ዎጋ ናገይሳታስ ሎኦ አኬክ ደኤስ። ጎዳይ መርናዉ ጋላተቶ! 
