﻿ማዝሙረ.
108.
ዳዊታ ማዝሙረ ታ ዎዛናይ ምንድ ደኤስ፤ አቤት ፆሳዉ፥ ታ ዎዛናይ ምንድ ደኤስ። ታ ነዉ የፃና፤ ነና ሳባና። 
ታ ሸምፐ፥ ባርካ፤ ዲꬅነ ማስንቆይ ደንዳ፤ ታ ዎንታ ጉራ ደንዳና። 
አቤት ጎዳዉ፥ ታ ነና አሳ ግዶን ጋላታና፤ ካዎተꬃ ግዶን ነና ሳባና። 
ነ መርና ሲቆይ ሳሎፐ ꬎቃ፤ ነ አማነተꬃይ ሻራፐ ꬎቃ። 
አቤት ፆሳዉ፥ ሳሎፐ ቦላራ ነ ꬎቁ ꬎቁ ጋ፤ ነ ቦንቾይ ሳአ ኡባ ቦላ ግዶ። 
ነ ዶሰይሳት አታና መላ፥ ነ ኡሻቻ ኩሸን ኑና አሻ፤ ኔኒ ታ ዎሳ ስአ። 
ፆሳይ ባ ጌሻ በሳን ሀይሳዳ ያግስ፤ “ታ ፆናዳ ሴከማ ሻካና፤ ሱኮታ ዛንጋራ ግሻና። 
ጋላድነ ምናሰይ ታባ፤ ኤፍሬም ታ ሁጰን ዎꬅያ ኡከ፤ ይሁድ ታ ካዎታ ፃምኣ። 
ሞአበይ ታ ሜጨትያ ጋባተ፤ ኤዶመይ ታባ ግደይሳ ኤርሳናዉ ታ ጫማ እያ ቦላ ዎꬃና። ፍልስፄመ ፆናዳ ገሬራና” ያግስ። 
ጎዳዉ፥ ግምበትዳ ካታማኮ፥ ታና ኤፋናይ ኦኔ? ኤዶመ ጋካናዉ ታና ካለꬃናይ ኦኔ? 
አቤት ፆሳዉ፥ ኑና አግዳይ ነና ግድኪ? አቤት ፆሳዉ፥ ነ ኑ ቶራንቾታራ ኦላስ ከያካ። 
አሳ ማዶይ ፓና ግሾ፥ ሞርክያ ኦላናዉ ነ ኑና ማዳ። 
ፆሳ ዎልቃን ኑ ሞርከታ ፆናና፤ ኑ ሞርከታ ካዉሻናይ እያ። 
