﻿ማዝሙረ.
99.
ጎዳይ ካዎትዳ ግሾ ካዎተꬃት ኮኮሮ፤ አራታ ቦላ ክሩበታ ግዶን ኡትዳ ግሾ፤ ቢታይ ቃፆ። 
ጎዳይ ፅዮነን ግታ፤ ካዎተꬃ ኡባፈ እ ꬎቁ ꬎቁ ግስ። 
ያሽያ እያ ግታ ሱንꬃ ኡባይ ጋላቶ፤ እ ጌሽ። 
ኔኒ፥ ዎልቃማ ካዎይ ሱረ ፕርዳ ዶሳሳ። ኔኒ ያይቆባ ሱረተꬃን ምንꬃዳሳ። ፅሎተꬅ ኤሳዳሳ። 
ጎዳ፥ ኑ ፆሳ ꬎቁ ꬎቁ ኦꬅተ፤ እያ ቶሆይ የꬍያ በሳን እያ ጎይንተ፤ እ ጌሽ። 
ሙሰይነ አሮን እያ ካህነታ ግዶፈ ኮይሮታ፤ ሳሜል እያ ዎስዳይሳታፐ እሱዋ። ኤንቲ ጎዳኮ ዋስዶሶና፤ እ ኤንታ ስእስ። 
እ ሻራ ቱሳ ግዶራ ኤንታዉ ሃሳይስ፤ እ እምዳ ህግያነ ዎጋ ናግዶሶና። 
አቤት ጎዳዉ፥ ኑ ፆሳዉ፥ ነ ኤንታ ዎሳ ስአዳሳ። ነ ኤንታና ማራዳሳ፤ ግዶሽን፥ ኤንታ ናጋራ ግሾ ኤንታ ሴራዳሳ። 
ጎዳይ ኑ ፆሳይ፥ ጌሽ ግድያ ግሾ፥ እያ ꬎቁ ꬎቁ ኦꬅተ፤ እያ ጌሻ ዙማ ቦላ እያ ጎይንተ። 
