﻿ማዝሙረ.
98.
ማዝሙረ ጎዳይ ማላልስያባ ኦꬅዳ ግሾ፥ እያዉ ኦራꬃ ማዝሙረ የፅተ። እያ ኡሻቻ ኩሸይ፥ እያ ጌሻ ቀሰይ እያዉ ፆኖ እሚስ። 
ጎዳይ ባ ፆኑዋ ኤርስስ፤ ባ ፅሎተꬃ ካዎተꬃታስ ቆንጭስስ። 
እ እስራኤለ አሳ ሲቀይሳነ ኤንታዉ አማነተይሳ ሀሳይስ። ሳኣ ጋፃ ጋካናዉ ደእያ አሳ ኡባይ ኑ ፆሳ አቶተꬃ በእዶሶና። 
ሳአ ቦላ ደእያ አሳዉ፥ ጎዳስ ኡፋይሳን የፅተ፤ ኡፋይሳን እልልሸ ሳቢተ። 
ጎዳስ ዲꬅ ዲፅተ፤ ዲꬃንነ ማዝሙረን ጎዳ ሳቢተ። 
ሱሱልኤነ ሞይዘ ፑንሸ፥ ኡፋይሳን ጎዳ ኑ ካዋ ስንꬃን የፅተ። 
አባይነ አባ ግዶን ኩምዳ ኡባይ ጉሞ፤ ሳአይነ ሳኣ ቦላ ደእያ ኡባይ የፆ። 
ሻፋት ባንታ ኩሽያ ባቆ፤ ዙማት እስፈ ጎዳ ስንꬃን ኡፋይሳን የፆ። 
ጎዳይ ሳኣ ቦላ ፕርዳናዉ ዬስ፤ እ ሀ ሳኣ ቦላ ፅሎተꬃን አሳ ቦላ ሱረተꬃን ፕርዳና። 
