﻿ማዝሙረ.
85.
ዛማረታ ሀላቃስ ፃፈትዳ ቆረ ናይታ ማዝሙረ ጎዳዉ፥ ኔኒ ነ ቢታስ ኬሀዳሳ፤ ያይቆባ ኮቻ ድኦፐ ጉየ ዛራዳሳ። 
ነ አሳ ናቁዋ አቶ ጋዳሳ፤ ኤንታ ናጋራ ኡባ ካማዳሳ። ሳላሀ 
ነ ይሉዋ አጋዳሳ፤ ሱልያ ነ ሀንቁዋፈ ስማዳሳ። 
አቤት ኑና አሽያ ፆሳዉ፥ ኑና ጉየ ዛራ፤ ኑ ቦላ ላንጭዳይሳ አጋ። 
ኔኒ ኑ ቦላ መርናዉ ሸነታዬ? ነ ሀንቁዋፈ ስምክዬ? 
ኑኒ ነናን ኡፋይታና መላ፥ ኑና ዛራዳ ኦራꬅክዬ? 
አቤት ጎዳዉ፥ ነ መርና ሲቁዋ ኑና በሳ፤ ኑና አሻ። 
ጎዳ ፆሳይ ኦድያባ ታኒ ስአና፤ ኤንቲ ባንታ ኤያ ኦግያኮ ስሞና እፅኮ፥ እ ባ ጌሻ ደርያስ ሳሮተꬅ ኦዴስ። 
እያ ቦንቾይ ኑ ቢታን ዳና መላ፥ ፆሳ ያየይሳታ አሻናዉ እ ማታን ደኤስ። 
ሲቆይነ ቱማተꬅ ጋሄትዶሶና፤ ፅሎተꬅነ ሳሮተꬅ እድመትዶሶና። 
ቱማተꬅ ሳኣፐ ፑደ ከዬስ፤ ፅሎተꬅ ሳሎፐ ዱገ ፄሌስ። 
ፆሳይ ሎኦባ ኑስ እማና፤ ኑ ቢታይ ዳሮ ካꬅ አይፋና። 
ፅሎተꬅ ጎዳ ስንꬃን ሄመታና፤ እያ ኦግያ ጊግሳና። 
