﻿ማዝሙረ.
16.
ዳዊታ ዎሳ አቤት ፆሳዉ፥ ታ ኔኮ ባቃትያ ግሾ ታና ናጋ። 
ታኒ ፆሳ፥ “ኔኒ ታ ጎዳ፤ ኔፐ አትሽን፥ ሀር ሎኦባይ ታዉ ባዋ” ያጋስ። 
ሳአን ደእያ ጌሻት አይ መላ ቦንቸትዶና! ታ ኤንታራ እስፈ ኡፋይታይስ። 
ሀራ ፆሳታ ካለይሳት ባንታ ቦላ መቶ ዳርሶሶና። ሽን ታኒ ሀራ ፆሳታስ ሱꬅ ያርሽከ፤ ታኒ ኤንታ ሱንꬃ ፄግከ። 
ታ ጎዳዉ ታ ላታይ ነና፤ ታዉ ኮሽያ ኡባ ታዉ እማሳ፤ ታ ደኡዋ ሳማይ ነና። 
ታና ጋክዳ ሳማይ አይ መላ ሎኦ! ኤ ታ ላታይ ቱማ ሎኦ! 
ታና ዞርዳ ጎዳ ጋላታይስ፤ ቃማ ታ ዎዛናይ ታና ታማርሴስ። 
ታኒ ኡባ ዎደ ጎዳ ታ ስንꬃን በአይስ፤ እ ታ ኡሻቻን ደእያ ግሾ ዳጋምከ። 
ሄሳ ግሾ፥ ታ ዎዛናይ ኡፋይቴስ፤ ታ እንፃርሳይ ጋላቴስ፤ ታ አሳተꬃይ ህርግ ባይና ደኤስ። 
ታ ሸምፕዉ ስኦለን አጋካ፤ ነ ጌሻ ዎቃና መላ ኦꬃካ። 
ታና ደኦ ኦግያ በሳሳ፤ ነ ስንꬃን ኩመꬃ ኡፋይስ ደኤስ፤ ነ ኡሻቻን መርና እንጀይ ደኤስ። 
