﻿ማዝሙረ.
2.
ካዎተꬃት አይስ ደንዶና? አሳይ አይስ ጮ ማቀቶና? 
ካዎት ጎዳ ቦላነ እ ትይዳይሳ ቦላ ደንድዶሶና፤ ደርያ ሃረይሳት ኤንታ ቦላ ሺቅዶሶና። 
“ኤንታ ሳንꬃላታ ዱꬆስ፤ ኤንታ ቃሾ ዎዶሩዋ ሆሎስ” ያግዶሶና። 
ሳሎን ኡትዳይስ ኤንታ ቦላ ሚጬስ፤ ጎዳይ ኤንታ ቀልቅሴስ። 
እ ባ ሀንቁዋን ኤንታ ዳጋንꬄስ፤ ባ ይሉዋን ኤንታ ያሽሴስ። 
“ታ ጌሻ ዙማ ፅዮነ ቦላ ታ ካዋ ካዎꬃስ” ያጌስ ጎዳይ። 
ታኒ ጎዳ ህግያ አዋጃና፤ ጎዳይ ታና፥ “ኔኒ ታ ናኣ፤ ታኒ ሀች ነዉ አዋ ግዳስ። 
ነ ታና ኦይቻ፤ ታ ነዉ ካዎተꬃታ እማና፤ ሳአ ኡባይ ነባ ግዳና። 
ኔኒ ብራታ ፃምአን ኤንታ መንꬃና፤ መቃ ሚሸዳ ኤንታ ትንቸረꬃና” ያግስ። 
ህዛ፥ ካዎቶ ኤዮፕተ፤ ሀ ሳኣ ሃረይሳቶ አኬክተ። 
ጎዳ ያሻን ጎይንተ፤ ኮኮርድ ኪተትተ። 
ጎዳይ ሀንቀትን ኦገን ህንተ ꬋዮናዳ እያ ቱማተꬃን ጎይንተ። እያ ሀንቆይ ኤሶን ኤፅ ከያና፤ እያን ቆሰትድ አትዳ ኡባይ አንጀትዳይሳታ። 
