﻿ዛረꬆ.
27.
ሄሳፈ ጉየ፥ ሙሰይነ እስራኤለ ጭማት አሳኮ፥ “ታኒ ሀች ህንተና ኪትያ ኪታ ናግተ። 
ዮርዳኖሰ ሻፋ ፕናዳ፥ ጎዳይ ነ ፆሳይ ነዉ እምያ ቢታ ገልያ ዎደ ግታ ሹቻታ ኤሳዳ ኖራ ትያ። 
ጎዳይ፥ ነ አዋታ ፆሳይ ነዉ እማና ግዳይሳዳ ማꬅነ ኤስ ጎግያ ቢታ፥ ጎዳይ ነ ፆሳይ ነዉ እምያ ቢታ ነ ፕንያ ዎደ ሀ ህገታ ኡባ ሄ ሹቻታ ቦላ ፃፋ። 
ኔኒ ዮርዳኖሰ ፕንዳ ዎደ ታ ነና ሀች ኪትዳይሳዳ ሀ ሹቻታ ኤባላ ዙማ ቦላ ኤሳዳ ኤንታ ቦላ ኖራ ትያ። 
ሄ በሳን ጎዳስ፥ ነ ፆሳስ፥ ብራት ቦቾና ሹቻፈ ያርሾ በሲ ጊግሳ። 
ጎዳስ፥ ነ ፆሳስ ያርሾ በሲ ማሰትቦና ሹቻፈ ኦꬃ፤ እያ ቦላ ጎዳስ፥ ነ ፆሳስ ፁሳ ያርሾ ያርሻ። 
እስፈተꬃ ያርሹዋ ሺሻዳ ማሸ ጎዳ፥ ነ ፆሳ ስንꬃን ኡፋይታ። 
ሀ ህገታ በንታና መላ ኦꬃዳ ሀ ሹቻታ ቦላ ቆንጨን ፃፋ” ያግስ። 
ሙሰይነ ሌወ ግድዳ ካህነት እስፈ አሳኮ፥ “እስራኤለ፥ ስእ ጋዳ ዎዛናፐ ስአ፤ ሀች ነ ጎዳ፥ ነ ፆሳ ደረ ግዳዳሳ። 
ታ ሀች ነዉ እምያ ጎዳ፥ ነ ፆሳ አዋጆታ ናጋነ ኪተታ” ያግስ። 
ሄ ጋላስ ሙሰይ አሳ ሀይሳዳ ያግድ ኪትስ። 
“ህንተ ዮርዳኖሰ ፕንዳፐ ጉየ ጋርዛና ዙማ ቦላ ኤቅድ አሳ አንጃናይሳት፥ ስሞና፥ ሌወ፥ ይሁዳ፥ ይሳኮራ፥ ዮሰፋነ ብንያመ ኮቻታ። 
ቃስ ኤባላ ዙማ ቦላ ኤቅድ አሳ ባዳናይሳት፥ ሮቤላ፥ ጋደ፥ አሴራ፥ ዛብሎና፥ ዳነነ ንፍታለመ ኮቻታ። 
“ሌወት ባንታ ቃላ ꬎቁ ኦꬅድ፥ እስራኤለ አሳኮ ሀይሳዳ ያጎ። 
ጎዳ ስንꬃን እፀትዳባ ግድያ ግሾ፥ ኩሸ ሂላንችጮይ ምꬅ ማስድ፥ ብራታ ሼሽድ ዎይኮ ሹች ቆፅድ ኦꬅዳ ኤቃ ጌማን ጎይንያ ኦንካ ባደትዳይሳ ግዶ” ጊኮ፥ 
“ባ አዋ ዎይኮ ባ አይዉ ካዉሽያ ኦንካ ባደትዳይሳ ግዶ” ጊኮ፥ 
“ባ ሾሩዋ ዛዋ ሱግያ አስ ባደትዳይሳ ግዶ” ጊኮ፥ 
“ቆቀይ ባናዉ በሲያ ኦግያፐ ሀራ ሶ ዛርያ አስ ባደትዳይሳ ግዶ” ጊኮ፥ 
“በተ አሳ፥ ይኦ ናይታነ አምኤታ ፕርዳ ጌላይያ አስ ባደትዳይሳ ግዶ” ያግኮ፥ 
“ባ አዋ ማችዉ ፃልድ፥ ባ አዋ ቦንቹዋ ቃርያ አስ ባደትዳይሳ ግዶ” ጊኮ፥ 
“መሄራ ቱንያ አስ ባደትዳይሳ ግዶ” ጊኮ፥ 
“ባ ምቾ ግድዳ አዋ ዎይኮ አየ ናኤራ ቱንያ አስ ባደትዳይሳ ግዶ” ጊኮ፥ 
“ባ ማቸ አየራ ቱንያ አስ ባደትዳይሳ ግዶ” ጊኮ፥ 
“አሰ ጌማን ዎꬍያ አስ ባደትዳይሳ ግዶ” ጊኮ፥ 
“ሚሸን ሻመትድ፥ ፅሎ አስ ዎꬍያ አስ ባደትዳይሳ ግዶ” ጊኮ፥ 
“ሀ ህገታ ናጎና አስ ባደትዳይሳ ግዶ” ጊኮ፥ 
